اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 01-02-2018, 05:13 PM
صورة نبض افكاري الرمزية
نبض افكاري نبض افكاري متصل الآن
©؛°¨غرامي فعال ¨°؛©
 
الافتراضي رد: روايتي الثالثه غار الغرام


اقتباس:
المشاركة الأساسية كتبها رشآ_الخياليه مشاهدة المشاركة


السلام عليكم
صباح الخير نبض و قراءها..

بالبدايه اللي شدني لدخول موضوعك هو انك توك امس مخلّصه روايه وبديتي اليوم الثاني بروايه جديده!! بسرعة "بروق" اللي هربت من راعي الجمس <<<ما شاء الله عليك وعيني عليك بارده :)

لقيت نفسي أقرأ البدايه للنهايه..،

نجي للقصه و التعقيب اللي حبيت اذكره و استفزني علشان اكتب هالرد ،
هو تعليق على سالفة الجيب اللي غرّز رغم ان الأرض ممطوره مثلما ذكرتي يعني بتكون رويانه ماء، وهذا يعني انه أي سياره راح تمشي و ماراح تغرز مهما كان، و انتي ذكرتي انها جيب فالمفروض مايغرّز لأنه دفع رباعي و فيه دبل محرك!

يمكن طافتك هالمعلومه لكن اللي لهم بالسواقه مثلي ما تطوفهم:)
حبيت اذكرك فيها، لأنها بتكون عائق! إلا إذا عندك حل ثاني لها او فكره.
.

،
بالتوفيق لك نبض ؛
......






وعليكم السلام ورحمة الله وبركاته

ياهلا ومرحبا وسعيده جدا ان كاتبه مبدعه مثلك تشرفني بتواجدها في روايتي

بالنسبه لسرعه في تنزيل الروايه الي اثار فضولك في الواقع هالبارت كتبته في نفس

الوقت الي كنت اكتب فيه الروايه السابقه فما حبيت اتأخر في تنزيله


نجي لسالفة ان الجيب مايغرز احكايت ان الجيب مايغرز ابد غير صحيح ياكثر

ماتغرز الجيوب وببحث بسيط في قوقل بتشوفين من تغريزات الجيوب لحد ماتتعبين

اما بنسبه لطبيعت الارض وكونها ممطوره ماتغرز فيها السياره هذي معلومه جديده

بالنسبه لي وماكنت اعرفها وانا اساسا مالي اي خبره لافي السيارات والافي السواقه

واعتذر للقراء اذا كنت قدمت لهم موقف غير واقعي واحاول الاقي تبرر معقول في البارتات القادمه

حياك الله وسعيده بزيارتك ونقدك واتمنى اشوفك في البارتات القادمه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 01-02-2018, 05:16 PM
صورة نبض افكاري الرمزية
نبض افكاري نبض افكاري متصل الآن
©؛°¨غرامي فعال ¨°؛©
 
الافتراضي رد: روايتي الثالثه غار الغرام


اقتباس:
المشاركة الأساسية كتبها أم نووور مشاهدة المشاركة
هلا وغلا جميلتنا نبض
مبرووك روايتك الجديده…
ماشاء الله بدايه مووفقه…
وشكل الروايه فيها حماس واكشن من البدايه…
وننتظرك ياجميله ..
وربي يوفقك… .

ياهلا ومرحبا


الله يبارك فيك وسعيده بمتابعتك ومنتظره تعليقاتك وتوقعاتك بعد كل بارت


وحياك الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 01-02-2018, 05:17 PM
صورة نبض افكاري الرمزية
نبض افكاري نبض افكاري متصل الآن
©؛°¨غرامي فعال ¨°؛©
 
الافتراضي رد: روايتي الثالثه غار الغرام


اقتباس:
المشاركة الأساسية كتبها غرشوبه نعيميه مشاهدة المشاركة
السلام عليكم
مبروك روايتك الثالثه نبض
ابداع ما شاء الله

سلام،،،

وعليكم السلام ورحمة الله وبركاته

الله يبارك فيك

وسعيده بمتابعتك

وحياك الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 07-02-2018, 03:07 AM
فيتامين سي فيتامين سي غير متصل
©؛°¨غرامي متألق ¨°؛©
 
الافتراضي رد: روايتي الثالثه غار الغرام



السلام عليكم ورحمة الله وبركاته

عدددددددناااااااااااا

بدايه قويه مشوقه تشد الإنتباه
بروق حبيتها وحبيت تدينها وحرصها على حماية نفسها
واضح إنها شخصيه تخبي الكثير لنا
مالذي حصل لها وجعلها وحيده في صحراء هل كانت في رحله
بريه مع أهلها ونسيوها ظنا منهم أنها مع أحد السيارات

يوسف جمال الخارج وقبح الداخل رغم سوء سلوكه وعدم
خوفه من الله لكن أعتقد إن بروق ماراح تكون فريسه سهله
له وراح تدافع عن نفسها بكل قوتها




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 07-02-2018, 12:01 PM
ندى المطر*** ندى المطر*** غير متصل
©؛°¨غرامي جديد¨°؛©
 
الافتراضي رد: روايتي الثالثه غار الغرام


اقتباس:
المشاركة الأساسية كتبها فيتامين سي مشاهدة المشاركة

السلام عليكم ورحمة الله وبركاته

عدددددددناااااااااااا

بدايه قويه مشوقه تشد الإنتباه
بروق حبيتها وحبيت تدينها وحرصها على حماية نفسها
واضح إنها شخصيه تخبي الكثير لنا
مالذي حصل لها وجعلها وحيده في صحراء هل كانت في رحله
بريه مع أهلها ونسيوها ظنا منهم أنها مع أحد السيارات

يوسف جمال الخارج وقبح الداخل رغم سوء سلوكه وعدم
خوفه من الله لكن أعتقد إن بروق ماراح تكون فريسه سهله
له وراح تدافع عن نفسها بكل قوتها


لما شفت فيتامين سي العزيزة معلقة انه الرواية مشوقة .. دخلت للقراءة على طول
لي عودة بعد القراءة ..

بالتوفيق جميعا ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 07-02-2018, 05:42 PM
صورة نبض افكاري الرمزية
نبض افكاري نبض افكاري متصل الآن
©؛°¨غرامي فعال ¨°؛©
 
الافتراضي رد: روايتي الثالثه غار الغرام


اقتباس:
المشاركة الأساسية كتبها فيتامين سي مشاهدة المشاركة

السلام عليكم ورحمة الله وبركاته

عدددددددناااااااااااا

بدايه قويه مشوقه تشد الإنتباه
بروق حبيتها وحبيت تدينها وحرصها على حماية نفسها
واضح إنها شخصيه تخبي الكثير لنا
مالذي حصل لها وجعلها وحيده في صحراء هل كانت في رحله
بريه مع أهلها ونسيوها ظنا منهم أنها مع أحد السيارات

يوسف جمال الخارج وقبح الداخل رغم سوء سلوكه وعدم
خوفه من الله لكن أعتقد إن بروق ماراح تكون فريسه سهله
له وراح تدافع عن نفسها بكل قوتها


وعليكم السلام ورحمة الله وبركاته

اعز من عاد

كل اسئلتك راح تلقين عليها جواب في البارتات القادمه

حياك الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 07-02-2018, 05:44 PM
صورة نبض افكاري الرمزية
نبض افكاري نبض افكاري متصل الآن
©؛°¨غرامي فعال ¨°؛©
 
الافتراضي رد: روايتي الثالثه غار الغرام


اقتباس:
المشاركة الأساسية كتبها ندى المطر*** مشاهدة المشاركة
لما شفت فيتامين سي العزيزة معلقة انه الرواية مشوقة .. دخلت للقراءة على طول
لي عودة بعد القراءة ..

بالتوفيق جميعا ...

ياهلا ومرحبا فيك

سعيده ان رد فيتامين سي حمسك للقراءه ومنتظره رائيك الشخصي فيما قرائتيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 07-02-2018, 05:45 PM
صورة نبض افكاري الرمزية
نبض افكاري نبض افكاري متصل الآن
©؛°¨غرامي فعال ¨°؛©
 
الافتراضي رد: روايتي الثالثه غار الغرام


البارت الليله يابنات كونو بالقرب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 07-02-2018, 07:23 PM
صورة نبض افكاري الرمزية
نبض افكاري نبض افكاري متصل الآن
©؛°¨غرامي فعال ¨°؛©
 
الافتراضي رد: روايتي الثالثه غار الغرام


البارت الثاني

تنهد بضيق من شين يحسبه في صدره مايدري
لمتى وجده يعامله هالشكل كل ماجاه لازم يطلع
من عنده مخنوق ولاهو طايقن نفسه حتى خويه هزاع ماقدر ياخذه معه واهو بهاالحال كتمه كتمه
تضغط على قلبه وتعصر انفاسه مافيه شي يخفف
عنه الاالبر وهوا البر لاحظ ان الشمس بدت تميل
للغياب نطق بصوت يكلم نفسه : لازم اروح للغار
قبل تظلم
هالغار ماهي اول مره يجيه سبق وجاه قبل هالمره
مرتين مره واهو بحالٍ يشبه هالحال ومره مع خوي
دربه هزاع الله يحيي نباه ويذكره بالخير
توجه للغار الي يدل دربه زين وقف جيبه الاسود قدام الغار ونزل منه توجه للقبله مباشره واذن
الشمس قيدها غابت وصلاة المغرب اوجبت
بعد الاذان استدار راجع لسيارته فتح بابها الخلفي
وطلع شطاف المويه توضاثم طلع من مخباه منديل نشف وجهه ثم توجه للقبله مره ثانيه واقام للصلاه وصلى جمع قصر تقديم المغرب والعشاء مع بعض
ثم بدى ينزل عزبته ويرتبها داخل الغار اول مانزل
اسراجين ببطاريات علق واحد في الجيب من براء
وواحد حطه داخل الغار بعد مانزل شنطت العزبه
وبسط ابساطه وزين عليه المركى نزل جركل المويه
حطه قريب العزبه ثم رجع نزل الحطب الي جمعه
واهو يتمشى العصر بين الشعبان زين مكان لنار
على مدخل الغار ثم جمع القشاش الصغار حطه
في محجر النار وحط قطعة جبن الولع بينها واشعل
فيها بعود الكبريت ثم يوم اشتعلت بدى ينزل عليها
الحطب اشوي اشوي علشان ماتطفي التفت على
شنطة العزبه فتح المخباء الجانبي وطلع منه المروحه الي يهف ابها على النار علشان تتوقد
بعد ماشب ضوه وزانت شعلتها طلع معاميله
وغسل ابريق القهوه نظفه وصب فيه ماء من الجركل ثم قام يدور اثافي تلفت حوله وشاف في
يمين الغار مجموعة حصى احجامها متقاربه
بتثفي الإبريق من احسن مايكون توجه للحصى
رفع ثنتين مع بعض كل وحده بيد واستغرب من الكيس الي ضهر له من بين زبر الحصى نزل الحصى
الي في يده وسحب الكيس الي مبين فيه النظافه والجده مما يثبت انه محطوط هنا قريب فتح ارباط
الكيس وانصدم بجديلة الشعر الاسود الي فيه مسك الجديله مع ربطتها ورفع يده فوق مما خلى الشعر ينساب كنه شلال حرير يتساقط تحت لين استوا ذيل حصان مكتمل املس اندهش من انسياب الشعر وكيف انصب بين ايديه مثل صبت الماء لدرجت انه ماشاف فيه والاعقده وكأنه توه ممشوط نطق
بتعجب ودهشه : وش هالشعر الي يتنثر مثل الماء
وش هاللمعه وش هالمتن في اشعرته وش هالزين الي بعمري ماشفت مثله الي هذا شعرها كيف بتكون ......ماقدر يمنع نفسه من ذكر الله خاف على صاحبت الشعر من عينه من كثر ماهو مفتون فيه
.....ماشاء الله لااله الا الله ماشاء الله والاحول والاقوة الابالله
قعد يقلب الشعر بين اكفوفه يتنعم بملمسه اغراه
جماله قربه لوجهه وشم ريحته اعجبه مزيج المسك والبخور الفاخر الي يفوح منه غمض عيونه بحالميه
واهويشم نفس طويل ويدفن وجهه في الشعر الي ملاء اكفوفه وفاض منها : امممم الله على ريحت نجد في جدايل البنيه
رجع يمسك الجديله بالربطه الملفوفه بأحكام على جذور الشعر الي كانت مقصوصه بعشوائيه مبينه في تفاوت طول الشعر من جهة القص
وانتثر الباقي مثل شلال الماء من اسفل الربطه بمجرد مارفع يده فوق خمن ان هالجديله توصل لفخذ صاحبتها اتسعت ابتسامته بفخر وكأن صاحبة الجديله تخصه وتعنيه مر في فكره انها ماتحتاج مشط انتبه من هواجسه على احساسه بثقل يتحرك وينزلق في حظنه انتبه لأنه جالس على ارجوله وكيس البنت في حظنه ومايدري متى جلس والاكيف نسى الكيس نزل الجديله في حظنه واخذ الكيس يشوف وش بقى فيه اتسعت عيونه بصدمه واهو يشوف كاميرا كانون زهريه حاول يشغلها واكتشف ان بطاريتها
فاظيه حمد ربه انه من هوات التصوير وان كاميرته
ماتفارقه ابد والاجمل انها من نوع كانون حتى لو موديلها مختلف وحجمها اكبر من هذي بس كرت الذاكره نفس الحجم اخذ الجديله رجعها داخل الكيس بعنايه واخذه فيد والكاميرا في يد وراح
لسيارته الجيب فتح باب السايق وسحب شنطة الكام من فوق مرتبة المعاون وعلقها على كتفه
سكر الباب وشاف السراج الي علقه على الجيب مازال شغال تحرك له طفاه ثم رجع جلس على بساطه الي رتبه من قبل قدام شبة الضوء قعد
متربع وحط الكاميرا الزهريه في حضنه والكيس
الي فيه الجديله نزله على المركى جنبه سحب
الشنطه الي معلقها على كتفه وفتحها وطلع منه
كام اسود احترافي فك الغطاء حق الميموري
وطلعه من مكانه ونفس الشي سواء مع الكام الزهري وركب كرت الذاكره حق البنت في كامرته
استرجع اخر فديو سجل عليها وكل مايرجع الفديو اشوي ورى ويشغله يلقى باقي ماوصل لبدايته
فقد صبره مع انه ماخذ منه دقيقه بس يحسها دهر
شغل الفديو بعد البدايه بشوي جاه صوت بنت
تبكي وتنتحب وتتكلم في نفس الوقت والصوره يظهر فيها صخور الغار مما يعني انها صورت المقطع في هالغار انتبه مع كلام البنت بكل حواسه
: يبه ....يبه انا بنتك تربيتك ....يبه انت ربيتني على
العز والشرف يبه انت تعرفني زين يبه انا بروق
طول عمري ومكاني سماء مانزل للقاع ابد يبه
... انا مدري وش بيصير علي بعدين يبه من اشوي
شفت جمس احمر خوفني بالحيل يبه حسيت كل
خليه في جسمي تقول اركضي انحاشي انجي بنفسك ....اهي ..اهي اه يبه انا كنت راح اجن خفت على نفسي يبه ....يبه انا من الخوف قصيت شعري يبه شعري قصيته بس حتى مايكون سبب
في اني انزل راسك في يوم والله الموت اهون علي
والااحد ينطق حرف واحد غلط علي يبه انت ربيتني
على ان الشرف مبداء واخلاق ودين وقوه يبه انا قصيت شعري وكنت راح اشوه وجهي سامع يبه
لاتسمح لاحد ينطق علي بحرف وصخ يبه تكفى مهما صار لاتنزل راسك ابد بسببي لازم تعرف اني
اموت والااخونك اموت والاخون نفسي وديني
يبه لو صار لي شي تاكد انه ابتلاء وقع علي غصب عني يمه لاتخلين احد يسبني يمه انا بروق مكاني
سماء يمه انتي ربيتني على اني لازم ابذل الجهد واخذ بالاسباب وانا اخذت كل لاسباب الي تحفظني
وتصوني يمه انا محافظه على صلاتي بوقتها واليوم
صليت الفجر وقريت اذكار الصباح يمه انا قريت وردي من القرآن وقرآن الفجر مشهود يمه انا استودعت الله نفسي وانا طالعه من البيت ولمى نزلت في البر ولمى دخلت الغار وكل وقتي وانا استودع الله نفسي وانا واثقه ان الله بيحميني واذا
قدر الله علي لاي سبب اني ماارجع لكم اوان احد يعتدي علي يمه اعرفي وقتها انه ابتلاء من الله واني
انا بروق طاهره زي ماربيتني يمه والي يقولك غير كذا خذي حقي منه يمه تكفين لاتبكين بسببي يمه تكفين خلي راسك دايم مرفوع وعلميهم كلهم اني انا بروق برق يلمع في السماء ماينزل للارض ...اهي اهي اه
يمه تكفين ارضي عني وادعيلي دوم يبه تكفى يبه
ارضى عني وادعلي يبه..... يبه فيه كلمه ابي اقولها لسياف كلمه حارقه قلبي من اسنين وابيه يسمعها
بنفسه يبه خله يسمع كلامي...... سياف انا كرهك اكرهك ياسياف تسمع لومانكتب لي ارجع ابيك
تعرف اني اكرهك ولو رجعت راح اقولها لك بنفسي
تسمع اكرهك اكرهك ياسياف
جمع قبضته بغضب وضرب فيها الارض من تحته
وصرخ بصوت مرعب : وانا اكرهك ياسياف من كرهها لك وش مسوي لها يالخسيس وش امسوي
كمل يستمع للمقطع وصدره يرتفع وينزل من الغضب
: اليوم الخميس التاريخ والساعه ............
رسالتي للي يلقى كامرتي ويستمع لكلامي ذا طلبتك
وصل الكام لأبوي رقمه صفر خمسه _______
صرخ بحميا لعيناتس وانا خزام ان قاله الله اني لادورتس لين القاتس واخذتس على ماعطاتس نصيبتس وانا واثق انتس اطهر من الماء الزلال
اخ بس يالقهر كيف ماصبرت عليها البطاريه لين تكمل رقم ابوها
حس بقهر يتعاظم في صدره الكلام الي سمعه ماهو هوين ابد وش جايبتس هنيا يابروق ومنهو سياف ووش علمه معتس ووش صار عليتس من تالي رجعتي لاهلتس والادفنتي في هالشعبان حميتي شرفتس والااخذوه منتس عنوه وغصب
اه ياحر جوفي من نارٍ توقدت فيه على هالبروق
ماعاد يقدر يتحمل الجلسه نزل كل الي في حظنه على البساط بسرعه وفز واقف سحب اعقاله واشماغه بحركه وحده ورماها على المركى وتجاوز النار طالع من الغار واهو يفك ازرار ثوبه العلويه بضيق تفاجآء بالمطر يظرب في وجهه بمجرد ماطلع من الغار استغرب متى امطرت وكيف مانتبه
واهو افطن من الذيب رفع راسه ل السماء بعد ماشده البرق الي يلوح له من عليا تنفس بعمق واهو يدخل
ايدينه في اشعره ويشده لورى ومازال رافعن راسه ل السماء يراقب لمعة البرق وصوت الرعد يقرع اطبول في اذنه ظيق عيونه يدعي الله بصدق
بقلب شفقان ومجروح : يا الله اني طالبك تجمعني ببروق وتجعلها من نصيبي وحلالي
استمرواقف تحت ارشاش المطر الي كان خفيف مجردرذاذ تذكر انه يجهل مصيرها صار لها يومين الحين الفديو مسجل يوم الخميس واليوم السبت اكيد ان موضوعها قيده انتهى نطق بفزع : يالله انك تحفظها يارب تكفيها شر اهلها وشر الناس اجمعين
يارب تحفظها لي يالله
رغم انه ماشاف لها صوره في الفديو رغم انه مايعرفها بس كلامها وصل لقلبه وحس بصدقه يحس انها اسكنت روحه وخالطت انفاسه وماعادله
منها خلاص تنهد بضيق واهو يشوف البرق يلوح من جديد نزل راسه يحدق في الارض من تحته بتفكير ثم رجع رفع انظره لسماء وفي داخله شكوى
تعبر فكره وكأنه يناجي البرق اه يابرق السماء ليتك تعلمني وين القى بروق الارض .....
حس بلسعة برد تتسلل لعظامه رجع لعزبته شاف الحطب قيده جمر
جلس على البساط واخذ الملقاط سحب الجمر
قدام اشوي ثم زاد الحطب وبدى ينفخ عليه لحد
ماشتعل من جديد قام اخذ الحصاء الي اتركه اول
وساواه على الجمر ثلاث متقابلات واركب ابريق القهوه عليها وقام لسراج الي داخل الغار اخذه بيده وقربه من جدار الغار وهالغار له ميزه ان جدرانه الصخريه مليانه كتابات مابين اشعار ومقولات حكماء ورسايل عشاق واهو سبق وقراء كل المكتوب عليه في اول مره جاه فيها ولمى جاه
المره الثانيه لقى ابيات جديده غير الي هو خابرها
وهذا الي خلاه يقرب السراج منه يتفحص الكتابات
الموجوده عليه وزي ماتوقع لقى عدت ابيات جديد
لاكن الي صدمه ان صاحبت شلال الذهب الاسود
كان لها بصمتها على صفا هالغار ركز على العباره
المكتوبه بين قوسين بانتباه شديد ( البرق مايلتقي بروس الشجر الاكصاعقه ) <بروق >
طول يتأمل جملتها بصمت ثم ابتسم ونطق بأستظراف
يخاطبها متمثله في جملتها المخطوطه قدامه
: مانتس بكره واخزمتس ولاني رعد والحقتس كيف بنلتقي يابروق
وكأنه حس في جملته اهانه لها فأستدرك : لا ...خليتس برق محد يطولتس وانا بكون السماء الي يلوح برقتس على صدره

__________________


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 07-02-2018, 07:25 PM
صورة نبض افكاري الرمزية
نبض افكاري نبض افكاري متصل الآن
©؛°¨غرامي فعال ¨°؛©
 
الافتراضي رد: روايتي الثالثه غار الغرام


جالس على الكنبه المنفرده مفرج بين رجليه متكي باكواعه على اركبه وشابك كفوفه في بعض مميل بجذعه شوي قدام ومركز نظره على تداخل اصابعه في بعض ويفكر في كل ماصار بينه وبينها في البر
ووش راح تكون ردة فعل اهله اذا عرفو بالي صار
رفع راسه واستقام في جلسته فك تشابك ايدينه
وبدى يمرر يده اليمين في شعره
اخذ نظره بانوراميه على الموجدين اخوه نادر يهز رجله بطفش وعينه على ساعته جده مسترخي
يسبح امه تطق باصابعها على فخذها بتوتر
غزل جالسه على يد الكنبه الي جالسه عليها امها وتلعب بشعرها القصير ثائر ماكان موجود
غرور ارفضت تنزل واهم شخص باقي ماوصل
سمع صوت خطوات التفت يم المدخل
شاف ابوه جايهم : السلام عليكم
وعليكم السلام رد جماعي باصوات متفاوته ماعداه
طبعاً تعود انه مايسلم على احد ولايرد السلام على احد
ابو نادر جلس جنب ابوه وتوجه بكلامه ليوسف مباشره : خير وش عندك جامعنا
يوسف بثقه : خطبت وحده واليوم الملكه والزواج مع بعض وابوها شارط علي انكم تكونون موجودين علشان يملك لي
ابوه بسخريه : معطل شغلي على كلام فاضي على بالي عندك شي مهم
يوسف بقهر : زواجي ماهو مهم
جده بأحتقار : انت بكبرك مانك مهم ولو تموت مامشينا معك في زيجه ابد تبي تسود اوجيهنا عند الناس
ابونادر بقهر واستهزاء : باقي مانسيت الي سويته
في بنت اخوي ياقليل المروه انت استذنب اني اخطب لك اصلا واحد مثلك حرام نخطب له
نادر : لاصرت رجال يتحمل المسؤليه تعال تكلم عن الزواج والخطبه
يوسف تنرفز من كلامهم ونظرتهم الدونيه له فز واقف وبغضب واصراخ : يكون في علمكم اجل البنت انا لقيتها في البر واغتصبتها وابوها طاح علينا وسيده ودانا للمستشفى واخذ تقارير بالحاله واثبت علي الاغتصاب بشكل رسمي وشرط علي يااني اجي
املك على البنت من غير مااحد يعرف عن السالفه
والملكه والزواج هو مجهزه اليوم والا بيبلغ عني
ويبلغ عايلته بالي صار ولاتستبعدون ابد انها توصل
لسلاح والذبح
فز ابوه واقف وبقهر : الايالخسيس الله يسود وجهك كانك فاضحني ومسود وجهي عند الله وخلقه
نادر بثوران : وش الي يثبت ان البنت ماهي من الساقطات الي يدوجن معك الادين والااخلاق وجاي تسوقها علينا
يوسف بعصبيه : لونها وحده من خوياتي ماتزوجتها
لو تموت هي واهلها معها البنت لقيتها في البر وانا الي اغتصبتها بالقوه وغصب عنها وابوها رجع يدورها بعد مافقدها وطاح علينا ومحد يعرف من اهل البنت عن السالفه ابوها قالهم اني لقيتها ووصلتها له وانه بيزوجها لي مكافئه لي لاني رجعتها
له واصلن مهددني اني مااقولكم حتى انتم عن الي صار وملزم علي اقولكم اني انقذتها من البر وخطبتها منه وهو وافق على الزواج جزاء اني رجعتها له والكلام ذا صار له اسبوع وطول الاسبوع
وانا احاول القى حل اتخلص فيه من هالزيجه بس ابوها مصمم على الزواج والا بيفضحكم فضيحه بجلاجل
نادر بقهر : قصدك يفضحك
يوسف بوقاحه : اذا علي والاهمني خله يفضح فيني لين يشبع اصلا كل الي يعرفوني يعرفون اني اصبح ببنت وامسي ببنت ثانيه واذا على الجلد ماعندي
اي مشكله اتوجع كم يوم وانسى السالفه
ام نادر اشرت لغزل تصعد من اول ماعرفت نوع سالفته وقيدها اصعدت
ام نادر بصرامه : دام البنت مغتصبه مالها ذنب تشيل العار الي ولدكم تسبب عليها فيه واهو ملزوم يصلح غلطته
الجد بقرف : اذا بيصلح اغلاطه بزواج يمديه تزوج فوق الالف بنت
يوسف ضحك بوقاحه وعدم مبالاه : لاعاد بالغت جدي بس هالبنت لازم نصلح غلطتي معها لانها من عائله معروفه وماراح يسكتون ابد
ابو نادر بقل حيله : حسبي الله عليك ومنهم عائيلتها
يوسف بجديه : انا طول الاسبوع الي راح وانا اسئل عنهم ابوها جاسر بن ماجد الماجد دكتور جامعه
واديب معروف واحد من عمامها عميد في القوات الخاصه وواحد عضو في مجلس الشورى وواحد دكتور جراح متخصص في جراحة القلب
واصغر عمامها يملك شركه صغيره لتأجير المعدات الثقيله بالشراكه مع ولد اخوه
اخوها الكبير مهندس معماري ويشتغل في وحده من اكبر شركات البناء والتعمير اتوقع انها الشركه المنافسه لكم
ابونادر مسك راسه بيديه الثنتين : لاحول والاقوة الابالله
الجد : تعرفهم
ابونادر : معرفه شخصيه لا بس عائلة الماجد معروفه ولهم مكانتهم الاجتماعيه ولهم صيتهم وسمعتهم واكيد مانهم ساكتين عن عرضهم
والي اسمه جاسر اديب معروف له عدة كتب ويعتبر من الادباء المشهورين
نادر : جاسر اتابعه في تويتر شخص محترم له اراء في التربيه والتعليم وعلاقاته حسب ماشوف في تويتر واسعه جدا
الجد بتفكير : تقول انه مسوي عرس لبنته الليله
يوسف اتسعت ابتسامته : هو مسوي حفله بمناسبه رجعت بنته له بالسلامه ولمى قلتله اني مابي عرس وطقطقه قال اجل نجمع العرس مع الحفله لانه هو يبي يحتفل ببنته
نادر كشر بقرف : بنته مغتصبه وله وجه يحتفل فيها
يوسف بنفس الابتسامه ماتغيرت : قلت محد يعرف بهالموضوع الاانا وياه والبنت وحتى انتم وصاني مااعلمكم علشان كذا لاتجيبون هالسيره ابد
واكيد هو بيتصرف قدام اهله وجماعته بشكل طبيعي علشان مايفظح بنته
غزل الي ابعدة من الجلسه في وقت مبكر كان الموضوع الي فتح قدامها اكبر من انها تتجاهله فاوقفت على اخر الدرج المطل على جلسة العائله
تسمع وش يصير اتسعت عيونها من بشاعت ماتسمع ماقدرت تقعد ساكته اكثر من كذا اركضت
لغرفت اختها غرور وافتحت الباب عليها بسرعه وارقعته وراها بعنف مما خلى غرور تنقز جالسه بعد ماكانت مسترخيه في سريرها تتصفح مواقع التواصل الاجتماعي على جوالها انطقت باستهجان
: خير خير وش المداهمه ذي متى تسنعين انتي
غزل اقطعت المسافه الواسعه بين الباب وسرير
غرور بخطوات سريعه واهي تحرك يدينها في الهوا
بحركات ولوله وتهويل :خلي عنك السنع يوسف جايب لنا مصيبه كبر البيت
غرور اعتدلت في جلستها واعتلت ملامحها مظاهر القرف : ويوسف وش عنده غير المصايب وش مسوي آفة العايله
غزل بحماس وعدم تصديق : تخيلي لاقي بنت في البر واعتدى عليها عاد ابو البنت طاح فيه وهدده انه يتزوج البنت والايسجنه والأكشن القوي ان عرسهم الليله ومطلعين قصه يلمون فيها الموضوع
قال ايش يوسف انقذ البنت من البر وخطبها من ابوها وابوها زوجها له مكافئه انه ردله بنته
غزل توسعت عيونها بعدم استيعاب : انتي وش تقولين ثم تعالي هنا امي وابوي وش موقفهم
غزل : غصب عنهم يوافقون اهل البنت من الوزن الثقيل بيقلبون الدنيا على روس ال عامر كلهم لومامشى الموضوع زي مايبون
غرور :يمه حسستيني انهم خايفين الحين ترا عايلتنا من الوزن الثقيل على قولتك
غزل : علشان كذا لو العايلتين تناطحو بتكون النتيجه مدمره لطرفين
غرور بقهر : والله الحق على امي وابوي واحد كلب زي يوسف المفروض يحبسونه في سرداب تحت الارض والايسفرونه لدوله اجنبيه بلا رجعه خل يمارس فسقه في دوله تتقبله بدل مايكون مصيبه على المسلمين
غزل كشرت فجأه :طيب اذا قالو لنا امشو معنا للعرس نروح والا
غرور بقهر اكبر وشي من الحزن : اكيد لازم نروح انتي فكري في المسكينه الي تبلاها اخوك اكيد نفسيتها الحين في الحظيظ وخايفه تنفضح ودامهم لفو السالفه لازم نوقف معها لو مارحنا بيقولون وين اهل المعرس وبتطلع عليها سوالف وش كبرها
غزل : تخيلي بس لوماوراها اهل جامدين وش بيصير فيها
غرور بمسحت حزن : كان تنداس تحت الرجلين ومحد يعبرها والاحتى امك وابوك وصدقيني لوتجيهم بنفسها تشكي هالحقير ليطردونها مثل الكلب والاحد يفكر فيها

__________


ادخلت الغرفه بأستعجال واهي حدها مستغربه
طاحت عينها على الي جالسه على كرسي التسريحه
تمشط شعرها اركضت لها واهي ماهي قادره تستوعب الي اسمعته انطقت واهي تحرك ايديها
قدام وجهها : تخيلي يوسف تزوج
كلمتها خلت قلب الي جالسه قدامها ينقبظ بغيره
وقهر حست نار تسعر في صدرها رمت المشط
من يدها على التسريحه وتطشرت الاغراظ الي عليها بظجيج مزعج ماهتمت ابد واهي تفز واقفه
وتتقدم خطوه اتجاه اختها : وش قلتي اكيد كذب
تكلمت همس بانفعال : والله ماهو كذب غزل توها مكلمتني تقول الاسبوع الي راح لقى بنت في البر
وانقذها ثم خطبها من ابوها والليله عرسهم
قهر قهر تفجر في قلبها صرخت بحرقه وغضب : ياجعله مايتهنى فيها ياجعلها حرقه في قلبه مثل ماحرق قلبي !
همس اتسعت عيونها بدهشه : لاتقولين للحين تحبينه بعد ماشربتي المر على يده
وسن ارتبكت وبصراخ تغطي مشاعرها : قصدك اكرهه وابي اشوفه يتعذب زي ماعذبني الحقير
همس بأشمئزاز : انا مدري كيف عايش للحين على كثر البلاوي الي يسويها ماعمري سمعت انه في مشكله
وسن بدت تسترجع شريط حياتها معه وبحقد : جعل هالبلاوي تجمع على راسه صبه وحده وتشب فيه حريقه
همس ارفعت يدينها تدعي : آمين
وسن انقبض قلبها من تأمين اختها على دعوتها ماتقدر تشوفه يتعذب وفي نفس الوقت ودها تنتقم من سواياه فيها يوسف بالنسبه لها عشق ومشنقة كرامه وجرح ينزف في قلبها ليما الحين وكفة العشق دائما هي المنتصره على ميزان ذاتها حست
بالغيره تنهش قلبها منهي هذي الي خطبها بنفسه ياحظها وياسعدها وياهناها اه يالقهر ياجعلها ماتتهنى فيه ........نيران من الغيره والحسد بدة بالإشتعال !!
________

في شقتهم في الشرقيه
فز صقر واقف واهو يكلم بجواله : وشهو بروق تزوجت الي انقذها !!
شهق سياف بفجعه ........
___________________

تم البارت الثاني دعمكم لروايه بالردود ومناقشة الاحداث يزيدها جمال ويعطيني طاقه حتى ابدع اكثر

*


*


الرد باقتباس
إضافة رد
الإشارات المرجعية

روايتي الثالثه غار الغرام

الوسوم
الثالثه , الغرام , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية:غرورك مجنني يابنت عمي/كاملة وربك نسيتك روايات كامله - يتم نقل الرواية هنا بعد اكتمالها 138 18-02-2017 11:07 PM
روايتي الاولى: ابي عطر من ريحتك 1nawal روايات - طويلة 53 26-11-2016 06:04 PM
روايتي الثالثه / بنت ابوها اللي بتييب راسي شله'ه خوقاقيه'ه `~ روايات - طويلة 113 10-02-2016 03:52 PM
روايتي الاولى : اريدك بجانبي للأبد اريدك لي لوحدي / بقلمي . الكآتبة؛ريم. روايات - طويلة 18 12-10-2015 11:43 PM
روايتي الثالثه:عاشق الخيانه عبيرالوردوالشوق روايات - طويلة 4 18-07-2015 06:48 AM

الساعة الآن +3: 02:50 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1