اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 24-02-2018, 09:13 PM
صورة بوح ميمM الرمزية
بوح ميمM بوح ميمM غير متصل
©؛°¨غرامي مشارك¨°؛©
 
الافتراضي رد: روايتي الأولى :سارق قلبي منذ الصغر


استغفر الله العظيم وأتوب اليه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 24-02-2018, 10:01 PM
خفاياليل خفاياليل غير متصل
©؛°¨غرامي جديد¨°؛©
 
الافتراضي رد: روايتي الأولى :سارق قلبي منذ الصغر


اقتباس:
المشاركة الأساسية كتبها بوح ميمm مشاهدة المشاركة
أشكرك على ملاحظتك
طبعن هذي اول روايه اكتبها فلابد من الاخطا بنسبه للخط فاهذي اول مشارك لي بالمنتدى فاما كنت اعرف وين اللي يكبر الخط🙈
فعلا الخط كان صغير وانا قريت البارت الاول والثاني والثالث بصعوبة وارابع والخامس كان كويس الخط
فامثل ما قلتي فلابد من الأخطاء
بتوفيق ❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 24-02-2018, 10:12 PM
خفاياليل خفاياليل غير متصل
©؛°¨غرامي جديد¨°؛©
 
الافتراضي رد: روايتي الأولى :سارق قلبي منذ الصغر


اقتباس:
المشاركة الأساسية كتبها بوح ميمm مشاهدة المشاركة
البارت الجاي راح يكون يوم الجمعه ان شاءالله
ان شاءلله بس عاد رجعي سالم وهاجر من مصر اشتقنا لهم 😂😂

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 25-02-2018, 11:09 AM
صورة بوح ميمM الرمزية
بوح ميمM بوح ميمM غير متصل
©؛°¨غرامي مشارك¨°؛©
 
B10 رد: روايتي الأولى :سارق قلبي منذ الصغر


اقتباس:
المشاركة الأساسية كتبها خفاياليل مشاهدة المشاركة
ان شاءلله بس عاد رجعي سالم وهاجر من مصر اشتقنا لهم 😂😂
لهم دور كبير بالروايه راح يرجعون لاتستعجلين عليهم😂

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 01-03-2018, 03:22 PM
صورة بوح ميمM الرمزية
بوح ميمM بوح ميمM غير متصل
©؛°¨غرامي مشارك¨°؛©
 
11302798240 رد: روايتي الأولى :سارق قلبي منذ الصغر



البارت بنزله بكرا
بس ابي تفاعل
ابي ردود
ابي اعرف فيه
احد يقراء


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 02-03-2018, 09:46 AM
صورة بوح ميمM الرمزية
بوح ميمM بوح ميمM غير متصل
©؛°¨غرامي مشارك¨°؛©
 
B16 رد: روايتي الأولى :سارق قلبي منذ الصغر


‏﷽
۝ إِنَّ اللَّهَ وَمَلائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيمًا ۝ ﷺ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 02-03-2018, 02:10 PM
صورة بوح ميمM الرمزية
بوح ميمM بوح ميمM غير متصل
©؛°¨غرامي مشارك¨°؛©
 
Uploadfef5c031fd رد: روايتي الأولى :سارق قلبي منذ الصغر



البارت السادس



مجود: منصدمه انا حارقه يد امك اذا ستي قايلتلك أكيد تكذب وهي اللي مسويتها وحطتها برأسي ..
فهد: أمي اللي قالت
..مجود: وانت صدقت العجوز المخرفه.
فهد : شد شعرها اسمعيني عاد هالمره بطوفها بمزاجي
... بس لو سمعتك مره ثانيه تقولين عن امي مخرفه
.... اوامي اشتكت منك... والله مايحصل لك خير
....مجود : والله ماسويت شي لامك ليش منت مصدقني
فهد : ماني مستعد اسمع شي منك ونتهى الموضوع
مجود: كيف انتهى قبل تسمع مني
فهد : مب مصدق ان مجود تحرق يد أمه بنفس الوقت مصدق أمه ..... رن جوالها وطلع برى الغرفه
.مجود: وهي تجلس على سريرها تنفست بهدوئ .... كيف يصدق امه وهو يعرف انها مريضه وتنسى اجل لو كانت مب مريضه ... وش اتهمتني فيه.... اقوم ازين العشاء لخواته قبل ....يجن ويسوي لنا سالفه بعد
فهد انهاء المكالمة تنهد بـ ارتياح كنت عارف ماتسويها مجود
شافها طالع من الغرفه مجود
...التفتت على صوته مجود: خير وش تبي
فهد : وين رايحه ؟؟
مجود للمطبخ بزين عشاء ل خواتك
فهد...خواتي عند اختي ام نواف وحنا بنروح لهن
.... مجود بس انا مب جاهزه اروح لبيت اختك
.... فهد يبتسم من قال بتروحين معنا....
شاف امه طالع من غرفتها بكرسيها المتحرك
تدفها ستي توجه لها
.... فهد: روحي جيبي اغراض ماما
....ام فهد وين ماخذني ؟؟؟
...فهد: وهو يجلس على الارض لمستوى الكرسي امه المتحرك
....بنروح لبيت اختي ام نواف
ام فهد: وش له نروح لاختك ودوني لبيت عجزت وانا اقولكم ابي بيتي .... حطيني بهالغرفه الصغيره ولا تدرون عني
....مجود : غرفه صغيره غرفتك اكبر من غرفتنا
.... ام فهد تشر عليها انتي اسكتي مابي اسمع صوتك لا ابي اشوفك بالبيت عندي
ستي : نزلت شنطتها انا مابي شغل عندكم بروح مكتب
ام فهد: ودها هي وهذي تقصد مجود
فهد : أبشري ماطلبتي شي يمه نوديهن بس الحين خلينا نروح
تأخرنا على خواتي دف أمه وقال لستي تجيب الشنطة
مجود : لا مهو صاحي كل شي تطلبه أمه بيسويه
قلنا بار بـــ أمه بس مب لهالدرجة
دخلت ستي : يبقى شي
مجود: انتي خلاص بتسافرين
ستي: لا مافي انا يبقى يسافر روح على مكتب
بعدين فيه شغل عند ناس ثانين أنته يعرف ناس يبقى
شغاله
مجود: لا ماعرف والله يعين الناس اللي بتشتغلين عندهم
ستي: انا وجد كويس بس ماما ام فهد سوي جنجال واجد
مجود: اي والله صادقه


/////////////////////////////////////////////////////////////////

فيصل : اها دكتور شفيها امي
بدر : دكتور اذا امي فيها شي لاتخبي علينا
الدكتور :مافيها الا الخير تطمنو
بدر : اجل ليش إغماء عليها
الدكتور : انخفض ضغطها
سعد : الحمدلله سلامتها
بدر وفيصل الله يسلامك
سعد : انا بوصل الدكتور ورجع لكم
فيصل : لا مايحتاج تجي ورح لبيتك
زوجتك وبناتك لحالهن
سعد : اذا عرفتو شي عن محمد خبروني
..... بدر:ان شاء الله
جت هنادي : وش قال الدكتور شفيها أمي ؟؟؟
بدر : ضغطها منخفض
وعطاها أبره وراح ترتاح لين الصبح
رِن جوال فيصل برسالها فتحها
فيصل: محمد ارسل عليه موقعه

ــــــــــــــــــــــــــــــــــــــــــــــــــ ــــــــــــــــــــــــــــــــــــــ

صحت من النوم وهي مب شايفه شي كل اللي حولها ظلام والمكان هدوئ
ميساء : محمد ماجاها رد قامت تصارخ محمد محمد محمد
مدت يدها وصارت تلمس الارض لمست شي محمد حست من ملمسه شي غريب فجئه صدر صوت من هالكائن خافت وطلعت من العشه وراحت تركض وتعثرت بحجر وسقطت على الارض
حست بـ الم بساقها فجئه سطع نور على الارض ناظرت الى السماء وهي تشوف القمر يخرج من بين الغيوم خرج القمر بالكامل تلفتت يمين يسار شافت الكائن داخل العشه يتحرك قامت من على الارض
وهربت بخطوات سريعه ماتدري الى اين سمعت اصوات كلاب تملى المكان هربت سريعا تحاول تبعد عن الصوت وصلت عنداشجار تخبت مابينهن ركعت على الارض وضعت يدها على بطنها واخرى ركبتها وهي تلهث وصوت انفاسها سريعه من شدة اتعب ونبضات قلبها تتسارق كأنها ستخرج من جوفها

ــــــــــــــــــــــــــــــــــــــــــــــــــ ــــــــــــــــــــــــــــــــــــــ

بدر : متأكد من العنوان ؟؟؟
فيصل :ايه خلك ماشي هذا
بدر : ماني فاهم وش وداها لطريق المزارع
فيصل : لو ميساء مب معه قلنا احد عازمه بــ المزرعة
بدر: ماني فاهم كيف ميساء تطلع مع محمد لحالها
فيصل : حتى محمد كيف يرضى تطلع معه لحاله ولو شافه احد
من أهل القريه والله يسوون لهم سالفه
بدر: مو هذي سيارت محمد ...... فيصل :ايه سيارته وقف
نزلو يركضون لسياره بس للأسف مافيها احد
بدر : مافيه احد السياره وينه .... فيصل : الموقع اللي مرسله عليها خمسين متر من هنا .... بدر : طيب من اي اتجاه
فيصل : يمين يعني داخل المزرعة ....بدر مزرعه كلها شبك كيف ندخل ...... فيصل مب لازم السياره ندخل على ارجولنا
بدر : المزرعة تخوف كأنها مهجورة ...فيصل وهو يرفع الشبك
ماقدمنا حل ثاني .... بدر الا فيه نتصل بشرطة وهي تتصرف
فيصل: وش تبينا نقولهم اخوي اختفى هو بنت خالي أكيد على طول بيسونها قصه وانت تعرف سوالف الناس بيقولون خطف بنت خاله ..بدر اجل خلنا ندخل ونستر على أنفسنا واللي يصير فينا يصير



آخر من قام بالتعديل بوح ميمM; بتاريخ 02-03-2018 الساعة 03:08 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 02-03-2018, 02:26 PM
صورة بوح ميمM الرمزية
بوح ميمM بوح ميمM غير متصل
©؛°¨غرامي مشارك¨°؛©
 
B10 رد: روايتي الأولى :سارق قلبي منذ الصغر


تااابع



في بيت ابو عبدالعزيز

دخلن غرقت شهد.....
مرام: تفسخ كعبها اخ يتعب تكسرت رجولي
..... منال : اكيد بيتكسرن انتي شايفه
طول الكعب اللي انتي لابسه
مرام : لازم تميز عن غيري تقول
الدرسات الفرنسيه ان الكعب العالي
يزيد ثقة المرأة في نفسها
منال : وإنني الصادقه يزيد وجع المرأة في رجولها
.شهد: هههههه لا ويقلون بعد ان الرجل
يحب المرأة اللي تلبس كعب عالي .....
منال وانا أقول ليش للحين محد حبني
شهد: البسي الكعب عالي وتمشي بالحارة
وشوفي الطابور عند بيتهم كلهم معجبين فيك
....مرام فيه احد جوعان ولا بس انا
شهد: انا مو بس جوعانه الا بموت من الجوع
مرام: طيب خلينا نبدل ونمسح مكياجنا
ننزل لمطبخ نسوي لنا شي
..... منال : انا ابي انام وين انام
شهد: روحي لغرفة ميساء او مجود ونامي
بعد مابدلن ومسحن مكياجهن
شهد : يالله ننزل للمطبخ ..... مرام يالله
دق جوال شهد: هذي صديقتي...
مرام ردي انا بنزل للمطبخ... شهد اوك

ــــــــــــــــــــــــــــــــــــــــــــــــــ ــــــــــــــــــــــــــــــــــــــ

دخل عليها وشافها ترتب ملابسها بشنطتها
وقف مكانه منصدم
فهد: وش تسوين ؟؟؟؟
مجود: مثل مانت شايف ....
فهد : ايه ليش احد قايلك بنسافر
مجود أمك ماتبين وانت ما عندك ثقه فيني
فهد : من قال ماعندي ثقه فيك
مجود: انت قلت وتهمتني من غير ماتسمع مني
فهد : اذا على موضوع حرق اللي بيد أمي
قالت لي ام نواف ان أمي كبت الشاي على نفسها
مجود: ليش تتهمني اذا هي نثرته على نفسها
فهد: أمي مريضه وتنسى لاتحطين عقلك بعقلها
مجود: ماني فهمتك اليوم كنت مصدق انه انا وأمك مستحيل تكذب حتى لو كانت مريضه
فهد: جلس على السرير مبين الحزن بصوتها
احاول اتناسى مرض أمي وحاول اصدق اي شي تقوله ابي ابعد فكرت ان أمي بعد أشهر بتكون مب موجود بيننا
أمي أشهر بتكون من عدد الاموات
مجود: تعوذ من ابليس وذكر الله
والعمار بيد الله ماتدري يمكن عمر أمك
أطول من أعمارنا
فهد: انا أسف ماسمعتك وأنتي تدافعين عن نفسك
مجود: نسيت الموضوع .....
فهد اذا نسيتي الموضوع ليش حاطه ملابسك بالشنطة
مجود: ملابس شتويه بحطها بالمخزن
... خلنا من الملابس الحين أمك بتظل عند اختك
.... فهد: تبين الفكه منها؟؟؟
مجود: لا بس أمك ما تهجد لا ليل ونهار
فهد: بتضل عند اختي بتدير باله عليها أحسن من الخدامه....
ليش تلعبين بعصابي انا اظن اول مادخلت
سألتك عن الشنطة .....
مجود امممم كنت ابي اشوف غلاتي عندك ...
فهد : ضيقتي صدري للحين ماعرفتي غلاتك عندي

ــــــــــــــــــــــــــــــــــــــــــــــــــ ــــــــــــــــــــــــــــــــــــــ

لازالت جالسه بين الاشجار على الارض الرطبة
بدئ القمر يختفي بين الغيوم بدت تمطر فجأة برقت السماء وتبعها صوت الرعد خافت من الصوت
زاد خوفها لما سمعت خطوات تقترب منها
.. ميساء : فز قلبها اكيد محمد قامت بتشوف لمحة شخصين رجعت تخبت بين الاشجار
بدر: يمسح قطرات المطر عن وجها لو دخلنا
بالسيارة مب احسن .....
فيصل شايف المزرعة كلها مسوره
كيف ندخل بالسيارة .....
بدر: أكيد فيه طريق لسيارات
فيصل :على مانلقى طريق بنكون
أبعدنا عن الموقع اللي أرسل محمد
.... بدر: كم باقي ؟؟
.....فيصل: وصلنا باقي25 متر
ميساء تسمع اصواتهم هذا بدر وفيصل طلعت من بين الاشجار مقدرت تشوف احد من الظلام وين اختفو
لتفتت شافت ضو الجوال صرخت انا هنا
بدر : سمعت احد ينادي؟.... فيصل ايه ...
تجهو لمصدر الصوت شافوها واقفه قدامهم
متبلله بكامل والماء ينقط منها
بدر من انتي؟؟؟
ميساء: وصوتها يرتجف من البرد ميساء
بدر: وش جابهم هنا وين محمد !
ميساء:مدري.؟؟
بدر: كيف ماتدرين مكان معك !!
فيصل: البنت ميته برد وخوف وانت جالس تستجوبها
خلينا نرجع لسياره ونفهم منها السالفه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 02-03-2018, 02:39 PM
صورة بوح ميمM الرمزية
بوح ميمM بوح ميمM غير متصل
©؛°¨غرامي مشارك¨°؛©
 
B10 رد: روايتي الأولى :سارق قلبي منذ الصغر


تابع



مرام بالمطبخ تزين معكرونة
دخل عبدالعزيز: شهد انتبه صد لجه الثانيه
اسف على بالي شهد
طلع قبل لايسمع ردها
جلس في الصاله من هذي
نزلت شهد: خير ان شاءلله وش مجلسك
هنا اطلع لغرفتك
عبدالعزيز: وليه ان شاءالله اطلع لغرفتي
شهد: انا مرام بنسهر هنا
عبدالعزيز يكلم نفسه يعني اللي بالمطبخ مرام
والله عندك بنت مزيونه يخالي
شهد: يالله وش تنتظر اطلع !
عبدالعزيز: طيب عطيني ماء
شهد: تدل المطبخ
عبدالعزيز: ماصدق خبر بيروح يشوفها
مره ثانيه قام متوجه للمطبخ
شهد: تركض لحظه لحظه مرام داخل
عبدالعزيز: يسوي نفسه مو عارف والله
شهد :خلك هنا انا اجيبلك
مرام: معقوله هذا عبدالعزيز والله رزه
ياحظ اللي بتكون من نصيبك
شهد: اها وش زينتي ؟؟
مرام: سرحانه مانتبهت
شهد: يابنت أكلمك ضربت كتفهاه اصحي يماما
مرام: وش فيه !!
شهد: سلامتك وهي توجهت لفرن
لو ماجيت كان احترقت المعكرونه
مرام : اوف نسيتها
عبدالعزيز: ينادي وين راح الماء...
شهد: تضرب جبهتها اخ نسيت اودي له ماء
....مرام: اخ حتى صوتك يذوب
طلعت شهد: تفضل...
عبدالعزيز تسلمين اشم ريحت طبخ
شهد: ايه هذا عشنا
عبدالعزيز: ماتعشيتن بالزواج؟؟؟
شهد: لا من ياكل بالزوجات
عبدالعزيز: اجل الاكل اللي يحط بالزواج وش له
شهد: ديكور يالله روح على غرفتك نبي الصاله
عبدالعزيز: يالله طالع استمتعن بسهرتكن

ــــــــــــــــــــــــــــــــــــــــــــــــــ ــــــــــــــــــــــــــــــــــــــ

ميساء: هذي كل السالفه
فيصل : بس انتي كيف تطلعين مع محمد لحالك
ميساء: مثل ماني الحين طالعه معك لحالي
فيصل: لا يختلف الوضع قطع عليه صوت فتح باب السياره
بدر يالله انزل بنروح ندور على محمد
فيصل: وميساء تجلس لحالها
بدر: ايه تجلس لحاله
ميساء: نزل فيصل مع بدر انا تعود اكون لحالي
وتعايشت مع الخوف
نزل فيصل يالله امش
زاد المطر ونزل حبات برد وظطرو يرجعون لسيارة
فيصل خلينا نروح للبيت نريح بكرا نجي ندور عليه
بدر: كيف بيجينا النوم وأخونا مختفي
فيصل انت شايف كيف المطر قوي
بدر: خلينا ندور البوابه اللي تدخلنا على المزرعة وندخل بالسيارة
فيصل : اطلع قدم وان شاءلله نحصلها
ميساء تفكر وين اختفى معقوله يكون نايم بعشه وانا ماشفته بس ليش ماصحى انا ناديته اكثر من مره مو معقوله نومه ثقيل لدرجه انه ماسمعني وانا انادي قطع عليها تفكيرها صوت فيصل
فيصل : مستحيل نقدر نكمل الطريق مجاور للمزرعة شف سيل مبين من مجراه قوي اطلع مع طريق الفرعي
بدر : بس هذا بيطلعنا على الطريق السريع يعني بيرجعنا لديره
فيصل :مقدامنا حل وعسى الطريق هذا يوصلنا لسريع مايقطعنا سيل بعد

الساعة تقترب لثلاث الفجر ...هنادي: جالسه بالصاله وتحاتي ياربي وين راحو الحين بتصحي امي وتسئل عنهم وش اقوله فئجة انفتح الباب هنادي ميساء وراحت تركض اتجاهها وين كنتي وليش كلك ماء
فيصل: بعدين اسئليها الحين خوذيها لغرفتها ساعديها تبدل ملابسها .....دخل بدر: وصلنا ميساء خلينا نرجع
فيصل: انت شايف الطريق شلون سيل قاطع ونحمد ربنا قدرنا نرجع ماقطعنا السيل
بدر: خلك انا برجع لحالي
فيصل : لا وين تروح لحالك شوي بيذن نصلي الفجر ونطلع سوى
طلعت من الحمام توجهت لسريرها باين عليها التعب
هنادي: وين كنتو .... ميساء مافيني حيل اتكلم تعبانه ابي انام
هنادي : ماحبت تضغط عليها لانه شايفه اتعب بعيونها طيب اهم شي رجعتو بعدين نتكلم وطلعت
حطت راسها على المخده ونامت على طول من اتعب
في الصاله هنادي: شلون ترجعون ومحمد مب معكم
بدر: فهمي اخوك كيف رجعنا بعد ماوصلنا
فيصل : انت شايف المكان كيف كان خطر لو علينا معليه نخاطر بس وش ذنب البنت المسكينه
بدر : محد قالها تطلع معه لحالها
فيصل : محد قال لأخوك يضيع الطريق
بدر: اشوفك تدافع عنها وناسي اخوك المختفي
فيصل مانسيت بس الحق ينقال
هنادي : بس خلاص اسكتو لاتصحى أمي على أصواتكم



ــــــــــــــــــــــــــــــــــــــــــــــــــ ــــــــــــــــــــــــــــــــــــــ

صحى وهو يشوف المكان غريب غرفه صغيره وضو يتسلل مع فتحات الجدران القديمة رفع راسه ببطء ويؤلمه من اثر الضربه
قام وصل عند الباب وصار يطق الباب وينادي فجئه نفتح الباب ودخل رجل شايب ....محمد : من انت وليش انا هنا !
الشايب: انت اللي لازم تجاوبنا على هالسئلة
محمد: شاف الشمس تشرق تذكر انه ماصلى الفجر
بصلي ... الشايب يضحك حرامي ويصلي يوجه كلامه لعمال خلوه يصلي .... توجهو له اثنين مسكوه مع كتفه وسحبوه
محمد : اتركوني اعرف امشي لحالي
قال واحد منهم.. امش وانت ساكت
بعد ماخلص من صلاته اسحبوه ودخلوه بالخيمه عند الشايب
الشايب يشر لمحمد اجلس وانتو اطلعو
محمد: تذكر ميساء اخلص قول وش عندك ماني فاضي لك
الشايب : مستعجل خابر لك مزرعة بتسرقها
محمد: متفاجىء من اتهام الشايب له ! وش سرقت انا
الشايب : ميحتاج اقول تعرف بمركز الشرطه
محمد: مات من الضحك ههههههه
انت تعرف من تكلم ؟؟!
الشايب : واحد صايع وحرامي !
محمد : طلع محفظته من جيبه وخرج بطاقته العسكريه
تفضل.... الشايب : هو يقراء الاسم محمد صالح محمد الــ
الرتبة رائد ..... انت ولد صالح .... محمد: ايه ولد صالح ليش تعرف ابوي ..... الشايب : ايه ابوك من العز ربعي بس انت وش جايبك هنا ... محمد كنت مار وعلقت سيارتي بطين ودخلت المزرعة وانا ماشي بالمزرعه لقيت عشه وجلست فيه انا و
سكت محمد ماكمل كلامه ... الشايب كان معك احد بالعشه غير الناقه ..... محمد الناقه !!!
الشايب ايه الناقه وحده من انياقي ضاعت البارح ولقوها العمال صبح بالعشه المهم معلينا كمل وش طلعك من العشه
محمد : سمعت احد يقترب من العشه وطلعت بشوف بس ضربني واحد على راسي وبعدها صحيت عندكم
.الشايب العمال شافو ضو الجوال وجبوك هنا
يحسبونك الحرامي اللي كل ليله يدخل المزرعه ويسرق من صناديق الفواكه ..... وانا والله من شفت وجهك وحرصك على الصلاة استبعدت انك تكون الحرامي
محمد: منشغل باله على ميساء حصل خير والحين اقدر امشي
الشايب : ولا والله منت ماشي لين تفطر وبعدين العمال يوصلونك لسيارتك.... محمد لا مافيه داعي انا اروح لحالي
شايب : مراح تطلع من هنا الا رجلي على رجلك لين متوصل لسيارتك



وصلو عند سيارة محمد وشافو الحراثه تسحب السيارة
فيصل : خير ان شاءلله ليش تسحبون السيارة
العامل : بابا كبير في يقول طلعو السيارة من الطين
بدر: هو على كيفك انت وباباك وقف بس
فجئة وقفت سيارة من نوع هايلوكس ونزل منها محمد
بدر : يصارخ محمد وراح له وضمه فيصل وينك يارجل خوفتنا عليك .... محمد كنت ضيف عند العم ابو راشد وهو يوجه كلامه لابو راشد هذولي اخواني بدر وفيصل ... ابو راشد ونعم والله
محمد: يشر لـ اخوانه يبده سلمو عليه
يعد ما استاذن ابو راشد وارح....
فيصل شلون تضيف عنده ومخلي ميساء لحالها ...
محمد ايه صح نسيتها وراح يركض اتجاها لمزرعه
مسكه فيصل : تعال ميساء بالبيت
محمد: كيف بالبيت ؟؟
بدر جينا البارح ندور عليكم وحصلنها ورجعنها لبيت
محمد الحمدلله بس كيف ترجعون انا ماني معكم يعني عادي يصير فيني شي ماهميتكم
فيصل: قبل تحاسبنا حاسب نفسك رايح تضيف عند ابو راشد مخلي البنت لحالها ..... محمد مارحت بكيفي رجال خطفتي
بدر: خلينا نسلم عليه وهو خاطفك المفروض تخلينا ندوس خشمه بتراب .... محمد محشوم عن التراب ابو راشد
فيصل : اشوفك صادقته ..... محمد اخاف أبوي يزعل اسرق منه صديقه ... فيصل: صديق أبوي!! .... محمد ايه صديق أبوي
بدر: ماصدق صديق أبوي ويخطفك بس أكيد كان أبوي متسلف منه وعيا يرجع له افلوسه وخطفك وهدد أبوي ياترجع افلوسي ولا بقتل ولدك
محمد: ههههه حرام عليك مايسويها ابو راشد
فيصل : اجل ليش خاطفك ... محمد السالفه طويله يبيلها جلسه
بدر: نبي سالفت خطفك الباقي نعرفه
محمد من وين عرفتو ؟؟
فيصل : ميساء قالت لنا من طلعتو من المستوصف لحد ماصحت ماحصلتك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 02-03-2018, 02:42 PM
صورة بوح ميمM الرمزية
بوح ميمM بوح ميمM غير متصل
©؛°¨غرامي مشارك¨°؛©
 
Uploadfef5c031fd رد: روايتي الأولى :سارق قلبي منذ الصغر


تابع






صحت من النوم فزت بسرعة وهي تخبط بظلام فتحت النور مافتح خافت تذكرت الاحداث البارح سالت دموعها توجهت لشباك فتحت الستارة تسلل نور الشمس للغرفة تنهدت بضيق على محمد سالت دموعها بغزاره تذكرت الكائن غريب لا مستحيل يكون حيوان مفترس واكل محمد طلعت من غرفه بسرعة
واتجهت لغرفت البنات افتحت الباب بسرعة اتجهت لسرير هنادي
ميساء : وهي تبكي اصحي هنادي تذكرت فيه حيوان بالعشه يمكن يكون مفترس واكل محمد ماجاها رد بصوت عالي هنادي اصحي وسمعيني مدت يدها بتشيل اللحاف لمست خده ومبين من الملمس خد رجل فيه شعر تفاجئت وسحبت يدها بسرعه ان شاء لله ماحس فيني وانا شكلي من الخوف دخلت غرفت العيال بغلط ...... محمد: ايه عادي تصير مثل مادخلنا الحاره بغلط
ميساء: متفاجئه محمد متى رجعت وين اختفيت البارح
محمد: اول انا اسف خليتك تعشين بـ ليله كلها خوف ورعب
ميساء: الحمدلله ليله ومضت بس انت وين كنت ؟؟
محمد: بستهبال أكلتني الناقة .... ميساء إِيش

عند ام محمد صحت وهي تشوف هنادي نايمه جنبها وضو شموع مالي الغرفة مشعلتهن هنادي لان الكهرباء منقطعه
ناظرت الساعة ثمان ونص قامت من على السرير
حست فيها هنادي: وصوتها فيه نوم يمه وين بتروحين
ام محمد بصلي فاتني الوقت ليش ماصحتيني ودخلت الحمام قبل تسمع رد بنتها
رجعت هنادي تكمل نومتها بس ماتهنت بعد دقايق خلصت
ام محمد من صلاتها هنادي
هنادي :نعم يمه وشتبين خليني انام
ام محمد : مافيه خبر عن محمد وميساء
هنادي: الا رجعو وهم اللحين نايمين
ام محمد: بفرحه وليش ماعلمتوني
هنادي: ماحبينا نزعجك وأنتي نايمه
وحتى لو صحناك مراح تصحين
الدكتور معطيك إبرة مخدر مدري مهدي
ام محمد: وانا أقول ليش نمت لين هالوقت
ليه يعطين إبرة وش فيني؟؟
هنادي: مدري وإذا عندك اي استفسار اسئلي ميساء
هي خبيره بهالسوالف


محمد: اجل تحسبين الناقة أكلتني
ميساء: انا وش عرفني بالناقة بعد حتى لو اعرفها ماشفتها زين كان ظلام
محمد: ايش قلتي لــ اخواني
ميساء: ايش يعني بقول لهم غير اللي حصل
محمد: يعني قلتي لهم اني قلتلك خاطفك
ميساء: طبعا لا وكان فيصل فهم غلط
سمعت صوت عمتها تناديها وطلعت على طول ودخلت غرفتها
ام محمد ضمتها خوفتينا عليك وين كنتو
ميساء : قالت لعمتها السالفة
ام محمد: الله يهداك يمحمد بديرتك لا تدل زين اجل وش خليت للغريب
ميساء: كيف صحتك اللحين قالت لي هنادي إغماء عليك البارح
ام محمد: الحمدلله مافيني الا العافيه واللحين وبروح اشوف الغنم بعدين بـ ازين الفطور
ميساء: ارتاحي انا ازين الفطور والغنم عندها العمال
ام محمد: طلعت ماردت عليها
ميساء حست بدوخة مسكت رأسها وجلست على سريرها خذت مسكن تذكرت من أمس ماكلت شي لفت طرحتها على رأسها وتوجهت للمطبخ فتحت الثلاجه وصبت لها عصير المفضل ليمون وكيوي وسحبت توست وجبن وسوت لها سندويش وجلست على الكرسي

عند محمد: وكلمت ميساء للحين تدور بــ رأس وش تقصد
فيصل يفهم غلط وش معنا فيصل بس ليش مقالت فيصل وبدر
تذكر كلام هنادي دامـــكـم حبيتو بعض متى الزواج
فيصل هو الشخص اللي تحب وخواتي يعرفن
ليه الخيانه تفكرين بواحد كنتي تُحبين اخوه
بس انا استاهل البنت جت لحد عندي وقالت احبك
ليش ماعترفتلها بحبك يحبان رساله مقدرت توصلها لها


ــــــــــــــــــــــــــــــــــــــــــــــــــ ــــــــــــــــــــــــــــــــــــــ

في بيت ابو عبدالعزيز
ام عبدالعزيز: عزمتك ام احمد البارح على عرس بنتها
ام سعد: ايه عزمتني بس مدري عن ابو محمد اذا مشى اليوم لديره مشيت معه .... منال : لا مب على كيفكم ترجعون لديره اليوم ابي احضر زواج حصة .... شهد حصة من وين تعرفين بنت جيرانا .... كانو عندنا بالديرة وحصة صديقتي
شهد: اجل بحضر معك .... مرام: مب على كيفكن تحضرن وانا اجلس لحالي .... ام سعد روحي معهن
مرام: ماجبت فستان .... ام سعد البسي اللي لبستي بزواج العنود .... مرام : لا تبين أصير مسخره للبنات لبسه الفستان مرتين ولا بعد بليلتين ورى بعض
ام عبدالعزيز : الله يعينا على هالجيل وين ذاك الزمن اللي كنّا نحضر كل زوجات بفستان واحد
منال: حضري بنفس الفستان علشان تصرين مشهورة هالسبوع مثل ام غمزة الهندية وبايع الكليجا
شهد: ماعليك دولابي وكل فساتين تحت امرك طبي واختاري
مرام: متأكدا محد شافهن عليك
ام سعد: ولونكن شيفاتني وانا بعمركن وانا لبسه فستاني الأحمر بكل زواج كان وش قلتن
مرام: كان اول مانرجع للبيت بتكونين انتي سالفتنا
شهد: ونتحمس نحضر الزوجات بس علشان نشوفك بفستانك الأحمر

ــــــــــــــــــــــــــــــــــــــــــــــــــ ــــــــــــــــــــــــــــــــــــــ

في القرية
هنادي دخلت المطبخ وهي تشوف اخوانها يجهزون العزبتهم وين بترحوون ... بدر للبر ..... هنادي علشان تضعون بعد
فيصل: لا ماعليك محمد مو رايح معنا يضيعنا
هنادي: اجو مغيم ويمكن ينزل مطر .... بدر: وهذا اللي محلي الكشته يوجه كلامه لفيصل حطيت سكر .... فيصل: ايه
كيف ميساء اليوم ..... هنادي : مدري للحين ماشفتها
ليش تسئل عنها؟
بدر: اشوفك مهتم فيها بزياده
فيصل: بنت خالي ومعنا بنفس البيت طبيعي اسئل عنها امش بس سعود مرسل لي وصل عند الباب
هنادي: مطيره عيونها سعود!!
فيصل: سعود واحد ثاني مب سعودك


طلعت هنادي لصاله ولقت أمها جالسه وجلست معها
هنادي: وين ميساء
ام محمد: جو اخوانك ودخلت غرفتها وقبل لاانسى خواتك بيجن بكرا .... هنادي حلو ونتجمع كلنا ومحمد مع اجازه شهر
ام محمد: بالمره نقنع محمد ونخطب له
هنادي شكلك حاطه عينك على وحده
ام محمد: لا بس البنات واجد بس اخوك يوافق
هنادي: لا انا أعرفك يمه حاطة وحده برأسك منهي
ام محمد: تعرفين لاجن خواتك بس الحين روحي صحي محمد يصلي الجمعة .....هنادي: ان شاءلله يمه

دخلت الغرفه فتحت الانوار وتوجهت لسرير
هنادي : قوم انتهت اقامتك بغرفتي
محمد اصحى محمد ماجها رد راحت تركض يمه انا صحي محمد وعي يصحى مدري ايش فيه
ميساء: فاتحه لأب توبها دخلت هنادي بسرعة ميساء
ميساء : وش فيك هنادي ترجفين
هنادي: مب انتي طبيبه تعالي شوفيه
ميساء: خوفتيني اشوف مين؟؟
هنادي :محمد مدري وش فيه




نهاية البارت

الرد باقتباس
إضافة رد
الإشارات المرجعية

روايتي الأولى :سارق قلبي منذ الصغر

الوسوم
الاولى , الشعر , روايتي , سارق , قلبي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : جريمة غير متوقعة/كاملة nancy.1998 روايات كامله - يتم نقل الرواية هنا بعد اكتمالها 28 25-04-2017 09:50 PM
روايتي الأولى : الظل الميت رند الخونقة روايات - طويلة 4 14-09-2016 03:02 PM
روايتي الأولى : عندما تعتاد الظلام يصبح النور عدوك اللدود Akahaka Scarlet روايات - طويلة 18 30-10-2015 01:48 PM

الساعة الآن +3: 09:48 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1