اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 12-02-2018, 12:54 PM
Malak2000 Malak2000 غير متصل
©؛°¨غرامي جديد¨°؛©
 
الافتراضي خالد والعالم الثاني/بقلمي


على صوت المطر والرعد في شاب يسكن في بيت كبير اسمه وليد عمره 23 ، يعيش مع ابوه وزوجته وولده ،امه متوفية ،زوجته وحدة كريمة وطيبة وما تحب المشاكل وتربي ولدها تربية حلوة وزينة ،اسمها حمدة،وليد وحمدة تزوجوه ويابوا ولد كتكوت اسمه خالد ، والرواية عن خالد اللي عمره 4 سنوات.

اليوم كان يوم غير عن باقي الايام ، تفاجئ وليد وزوجته بمرض الابوه (اللي هو ابوه وليد)،راح وليد للمستشفى على شان يشوف مرض ابوه وشو اللي صار بالظبط ،وطبعاً وليد خذ ابوه وراحوا المستشفى وخلى حمدة وخالد في البيت . بعد مرور ساعات رن تلفون حمدة.

حمدة: هلا
وليد فيه الصيحة وماسك عمره:اهلين
حمدة:شو صار ليش متصل؟! وشو ها الصوت ليكون مريض؟!
وليدوالدموع فعيونه:اب…ابوو…ابوي .
حمدة:شفيه عميه(عمها اللي هو ابو وليد).؟!
وليد: …
حمدة:وليييييد شو صار؟!
وليد وهو يصيح: ابوي حمدة ابوي فيه السرطان وقال الطبيب يمكن ي…يعي…يعيش بس 10 ايام.
حمدة:لااله الله ،ماعليه انشالله يتحسن مع الايام.
وبعد ما خلصت من المكالمة ردت تشوف ولدها خالد وتتابع حركاته، وهي تتابع حركاته لاحظت انه في حد قاعد معاهم بس في يمب خالد وكأنه هذا الشخص قاعد يلاعب خالد،حمدة كانت قاعدة بعيد عن خالد بشوي يعني بينهم مسافة،خالد كان قاعد يشوف قدامه ويضحك ومرة يزعل وعلى هذا الحال،حمدة استغربت وصارت تسأله اسألة مثل:(خالد حبيبي شو قاعد تشوف؟! … خالد في حد قاعد معانا ؟!).
وفجأ طاشت الكهربة ،عاد اهني ضحك الولد ضحكة عمره ما ضحكها (كانت الضحكة حادة والضحكة كانت اكبر من عمر خالد) يعضحك ضحكة ولد كبير ،وحمدة كانت صدق صدق خيفانه يكفي يو سألت الاسألة وهي صدق خيفانه(حمدة كانت حاضنة خالد وهي تصيح من الخوف ومن الموقف اللي صار)،
بعد دقايق رن تلفون حمدة ، بس التلفون كان بعيد عن حمدة بشوي ، تقربت عند التلفون وهي بعدها حاضنة خالد ولدها ، كان مكتوب على شاشة التلفون حبيبي يعني وليد المتصل ،
حمدة وهي خيفانه:الو
وليد :حبيبتي ترا الحين بيي انا .
حمدة والدموع فعيونها:بسرعة بلييز بسرعة.
وليد :شو صار؟!
حمدة تصيح:تعال انته وبعدين بتفهم السالفة.
وليد وهو خيفان على ولده وحرمته :الحين انا بيي .(قالها وهو يتكلم بسرعة ).
وبعد دقايق وصل وليد…
دخل عليهم وجاف ظلام .
حمدة : حبيبي الحمدالله.
وليد:انتي وينج انا ما اشوف شيء.
سار وليد وشغل الكهربة.
وعقب سار حضن حمدة وخالد وسألهم اذا هم بخير وله لا.
حمدة خبرته بسالفه طبعاً قالتله عن خالد يوم كان يصحك ويزعل المهم.
بعد مرور 10 ايام ، خالد كان خايف من هذا اليوم .لانه يخاف كلام الطبيب يطلع صح.
راح وليد وخذ وياه حرمته وولده ،
في المستشفي،
وليد:ها دكتور شو صار .
الدكتور طارق:عظم الله اجرك يا وليد ، نحن سوينا كل اللي علينا لكن التالي للالله.
وليد من قال الدكتور عظم الله اجرك صاح وقعد على الكرسي وهو يصيح .
وحمدة تصيح بس بصوت ما ينسمع،اما عن خالد فكان يسأل اسألة غريبة ، مثل(يديد مات؟! انا كنت اعرف في ريال قالي انه يديد بيموت!)بس كان يسأل ويقول بلهجت الاطفال ، وليد وحمدة مطنشين وقاعدين يصيحون،لكن بعد مرور دقايق قام وليد يغسل ويهه وحمدة نفس الشيء ، وردوا البيت بعد ما خلصوا امور الجنازة ، وناموا …
الصبح الساعة 7:02 قام وليد وسار يتسبح ويتلبس على شان يسير جنازة ابوه ووعا حرمتة على شان تتسبح وتتلبس وتسير الجنازة وشلت وياها خالد ،طبعاً قبل ما يسيرون اكيد بتريغون وبعدها يسيرون،
حمدة اكلت خلود ويوم خلصت من تأكيله كلت بس شويه لانها كانت تعبانة اما عن وليد فما كل ولا لقمة،طبعاً صلوا قبلها (صلاة الصبح)،راحوا الجنازة الضهر بعد الصلاة وردوا المغرب ، كان يوم صعب الصراحة لكن الله كريم ، طبعاً غرفة ابوه وليد خلوها مثل ماهي ، بعد مرور اعوام كبر خالد وصار صف 12 وحمدة ووليد بعدهم عايشين في نفس البيت ( ملحوظة؛ترا غرفة ابو وليد لحد الان بعد وفات ابو وليد ماحد قرب من الغرفة ولاحد دخلها)،طبعاً الغرفة اللي ما تدخلها تنسكن وهذا شيء معروف الا اذا خليت فيها ذكر الله ودايم تذكرون فيها الله لكن غرفة ابو وليد ما حد دخلها ولا حد مر من عدالها اساساً كانت الغرفة منعزلة عن الغرف الثانيات كانت في زواية بروحها كانت عبارة عن حجرة صغيرة.طبعاً خالد كان شاطر وايد في الدراسة يعني هو كان شاطر ومؤدب بس مب خجول كان قوي وقت الجد جد وعنده ربع ودايم يتمسخر ويسولف وياهم يعني مب في كل شيء المهم طبعاً كلنا نعرف انا خالد عاش طفولته شوي مرعبة ومخيفة ولحد الان امه مب متأكدة اذا هو صدق في ذاك اليوم اللي طاشت الكربة ويوم ضحك وزعل وكل ها اذا هو تكلم مع شبح او عفرين او جنية مب متأكدة ولكن الحين هي نست السالفة بس تييها اوقات تتذكر وتحاول ماتتخيل اللي صار على شان ما تعيش الرعب اللي عاشته في هذيك اللحظة مرة ثانية ، طبعاًخالد لحد الان يسير المدرسة يعني يدوام الصبح ويرجع الضهر وامه تسوي الغدا وابوه اللي هو وليد يسير الشغل واحياناً يبات في الشغل اظن فهمتوا عليي، المهم يا ذاك اليوم اللي خالد فكر انه يسوي مقلب في واحد مربعه وفبيته(بيت خالد)، المهم كان فالمدرسة بعد ساعتين يا وقت البريك، طبعاً خالد وشلته دايم مع بعض فعزمهم فبيته هو قبل ما يسير المدرسة اصلاً خبر امه اللي هي حمدة انه بيعزمهم على شان تعرفوا يعني الام بتسوي اكل سويت ومقبلات ادري انهم مثل المعني ،وهالسوالف يعني المهم رد خالد البيت وهو عارف انه ربعه بيون الساعة 5:00العصر ، ف راح تسبح وتلبس كالعادة ويتعصم وغيره (طبعاً نسيت اقول لكم في 4غرف في البيت وحدة للام والاب وحدة للالعاب ووحدة حق الضيوف ووحدة مالت اليد الله يرحمه ،طبعاً اللي حق الضيوف عطوها خالد يوم كبر لانه كان. ينام مع امه وابوه لين ما صار صف 4 ورقدوه فغرفة بروحه، المهم بعد ماخلص وتغدا وكل شي قعد يفكر شو يسوي في المقلب ، بعد مرور دقايق …
خالد:امممم!!
حمدة:خالد … خلود …خلودي،اشفيه هذا؟!
خالد: …
حمدة بصوت عالي :خاااااااااااالد!
خالد متروع :ها شو صار؟!
حمدة:وين شارد؟!
خالد :شارد؟! والله يما ما شردت.(عباله شارد من المدرسة).
حمدة وهي تضحك: هههه،لا يا ذكي وين مخك اقصد.
خالد توه يستوعب: اها ، ما شيء كنت قاعد افكر فربعي اللي اليوم بيوون بيتنا.
حمدة :النزين …
كمل خالد لين ما خطر على باله مقلب جهنمي…،(ادري كلكم قاعدين تستنون المقلب على شان تعرفون شو هو ).
يت الساعة 5 تجمعوا الاولاد فبيت خالد كانوا كلهم مع خالد (6)طبعاً بدون حمدة ووليد ،المهم الاكل كان جاهز على الطاولة وطبعاً خالد عارف فمنوا يسوي مقلب ، الحين خلوني اعرفكم على الاولاد( عمر ، راشد ، حمد ، مروان ، خليفة ،) اكبرهم عمر (يعني على حسب تواريخ الميلاد، بس هم كلهم في نفس الصف)،والثاني حمد والثالث خالد(اللي نعرفه)ورابعهم مروان والخامس خليفة والسادس راشد. …(الحين بحطي تواريخ الميلاد على شان حبيت الفكرة يعني 😂، وبالترتيب على شان ما نتلخبط).
عمر (1989-2-12)
حمد(1989-3-5)
خالد(1989-6-22)
مروان(1989-6-29)
خليفة(1989-8-4)
راشد(1989-12-14)
المهم المقلب كان في مروان ، ولا واحد من الربع يعرف شيء عن المقلب ، بعد ما قعدوا وسولفوا خالد اشر بأيده حق حمد (يعني تعال ) فهمتوا عليي، حمد يا وماحد انتبه عليه ،
حمد :شو؟!
خالد: تعال مب هني اخاف يسمعونا.
(خالد اختار حمد لانه يدري انه حمد يموت على هالسوالف مقالب وجي).
حمد:يلا النزين الحين قول وفكني.
خالد يحك لحيته :اممم
حمد:اها اكيد مسوي شي لربع ، شو عندك قول تكلم.
خالد :يعني حمد انا ادريبك …
حمد : قاطع كلامه، عرفت خلاص بس شو هو؟!
خالد : طبعاً اول شيء ……………………………………وهذا هو.
حمد :اهاااا ، مب هين طلعت.
وردوا المجلس بس قبل ما يردوا شلوا صحن الكبكيك على اساس انهم كانوا فالمطبخ،تعرفون الاولاد وأسألتهم(وين كنتوا؟! وين رحتوا ؟!شو صار ؟!شو قلت له وراس امك وراس ابوك والخربيط هذي)، المهم ردوا الشباب المجلس بعد مرور ساعات اذن المغرب، قال خالد تعالوا بنسير نصلي، وهم رايحين فوق لصلاة،(ترا الاولاد مايعرفون الغرف اي وحدة مالت منو ومنو )،راح خالد غرفة اليد واول مرة بعد مرور اعوام يلمس قفل الحجرة او بابها اول ما دخلهم الغرفة طبعاً مروان واحد من الحماسيين والفضوليين ف هو اول واحد دخل من دخل مروان عرف انها مب غرفت خالد لانها كانت وسخانه وعنكبوت على اليدار والجو غلط وريحة، والستارة كلها تراب اصلاً الغرفة بكبرها تراب اظن فهمتوني الغرفة اللي ما تنضفها جي تستوي انشاالله فهمتوني، من دخل مروان خالد وربعه صكوا الباب يعني سكروه وماقفلوه بس تموا ماسكينه (خالد صك الباب بقوه لدرجة انه استوا شق صغير وصوت عااااالي)،مروان داخل كان خيفان وايد قعد يدح الباب دح ويقول طلعوني طلعوني وعلى هذا الحال،
خالد وربعه الباقيين يضحكون عليه اما من داخل كان عالم ثاني تماماً مروان يشوف التفزيون القديم مرة يبطل ومرة يبند ويحاول ما يشوف وطبعاً السرير مب باين بس من عند الريوا ف مروان جاف ريل بشعة وخايسة وتروع على السرير وهو خلاص ميت ميت بعد شوي يسمعوا زعييييق من داخل وهم بعدهم يضحكوا لين ما نطق خالد وقال هذي الغرفة اللي ما صكيناها من اعوام من يوم يدي ما توفه هذي اللي اتكلم عنها كل يوم عرفتوها الحين، اهني الاولاد كلهم معادا مروان وخالد
حمد وراشد وخليفة وعمر:يااااكلب طلعه بسرعه
خالد توه يستوعب:ها شو وفتح الباب بأسرع ما عنده،
المفاجأ:طلع مروان وهو يضحك
الاولاد مع خالد استغربوا ولكن كملوا وصكوا الباب ونزلوا تحت طبعاً صلوا ونزلوا ماعاد مروان الوحيد اللي ماصلاة ، في الصالة الاولاد قاعدين يسولفون ومروان فجأ طلع منه كلام غليظ وكان يخوف شوي الكلام،يعني كالعادة مروان يتكلم بس صوته مب غليظ ، المهم تجاهلوه وردوا يسولفوا ، بعد مرور ساعات رجعوا كل واحد فبيته ، خالد راح فوق وسار غرفته واستند على السرير و قعد يفكر ويفكر شو صار بعدها نام،الصبح الساعة 6:00 نش خالد من كابوس كالعادة دايم اييه كوابيس بس هالمرة كانت اضعاف الخوف يعني الكابوس مب نفس قبل كان اخوف بواااايد ، نش راح الحمام ويوم خلص نزل تحت سلم على حمدة ووليد وقعد ياكل ، بعد شوي امه حمدة تمت تسأله عن سالفة امس طبعا ما لقت وقت امس على شان تسأله وخالد يحاول يتجاهل اسألتها على شان ما توصل للسآل اللي متحير يقول لها(طبعاً عرفتوا السؤال صح اذا خالد فتح غرفة يده وله لا لانه ممنوع يفتحها بس يعني هو ما فكر يعصي كلام امه وابوه بس هو قال عادي اللا دقايق وبسكرها،)وطبعاً ماكان يا يكذب على امه على شان جي يقول اللي يروم يقوله من الكلام اصدق يعني ،
حمدة:خالد امس كان في صوت قوي من وين يا؟!
خالد :ها هي امس كنت اسوي مقلب فربيعي هههه اسمنه انه كان مقلب حلوا(يحاول يقلب السالفة)
حمدة:اها حلو المقلب عيل هههههه شو انواع المقلب(كانت تحاول تعرف شيء مخبيه خالد عنها تعرفوا يعني الام تعرف ولدها اذا في شيء وراه وله لا المهم كمل خالد اكله وقال انا شبعت الحين بسير المدرسة ولا جاوب على سؤال امه،قبل مايطلع من البيت ،وليد اللي هو ابوه قاله،
وليد:دخلت غرفة ابوي صح؟!
خالد وقف وهو خيفان:ها ابوي بتأخر عن المدرسة.
وليد:اول جاوبني.
خالد:ابوي انا آسف بس ما كان قصدي.
وليد بصوت عالي:وانا قايل لك لا تدخلها ،بس يصير خير روح الحين المدرسة وانا بتفاهم وياك.
خالد كان خيفان لان ابوه الحين صدق صدق معصب منه،في المدرسة وصل خالد دخل الصف وقعد على مكانه يا حمد وقعد عدال خالد وقاله،
حمد:خالد
خالد:ها
حمد:ترا مروان مرقد في المستشفى.
خالد بخوف:شووو؟!
حمد:ما ادري بس قالوا انه امس رد البيت وانتفض على اهله.
(انتفض يعني اهتز وطاح على الارض).
خالد:اها اوكي سلامت ،شو رايك العصر نسير المستشفى عنده.
حمد:متأكد؟!
خالد :اكيد يعني فالاخير هذا ربيعنا.
حمد:لا بس يمكن من سالفت امس.
خالد:اها،لاتحاتي انشاالله يكون بخير .
حمد:انشالله
خالد:عيل انا وانت وخليفة وراشد وعمر بنسير العصر منتجمع في المستشفى.
حمد:خلاص ماعليه بخبر الشباب على شان يعرفون.
بعد شوي دخل الاستاذ علي.
الاستاذ على:هلا يا شباب
الشباب:اهلين
الاستاذ على:عيل نسمي ونبدأ .
(نسمي يعني نقول بسمالله).
الشباب:افففففف ما نبا رياضيات على الصبح.
الاستاذ على:حلوا هذي المسألة.
الشباب بدوا يحلوا المسألة ولاستاذ كل ما خلص واحد راح وصحح له وطبعاً على هذا الحال من مسألة لمسأة،خلصت الحصة وقبل ما يطلع قال وقولوا حق صديقكم مروان ترا ما بياخذ علاملات.
خالد:استاذ علي.
الاستاذ علي:نعم.
خالد:استاذ ترا مروان مرقد في المستشفى.
الاستاذ علي: اها سلامات ،عيل خلاص يوم بيشفى راح اعطيه مساأل وانشاالله بياخذ درجات.
(الاستاذ على اصله مصري )
خالد:شكراً استاذ.
الاستاذ على:العفوا.
وبعد مرور الحصص ردوا البيت ،وكل واحد سوا اللي عليه،خالد كان خيفان رد البيت وراح سيدة غرفته وصل غرفته وبطل الليتات وسار الحمام وخلص وبعدها نزل تحت.
وليد:خالد
خالد: نعم
وليد:تعال عندي شوي اباك
خالد:اوكييه
ومن بعييد حمدة تأشر على وليد تقوله شوي شوي عليه بس بالايشارات فهمتوا علي صح.
وليد:اسمع خالد انا هالمرة بسامحك بس والله اذا عدتها احلم اسامحك.
خالد:فرح وباس ابوه على راسه وسار صوب امه وشكرها وباسها وحضنها.
وليد:لا تفرح وايد بعاغبك لانه ربيعك مرقد في المستشفى.
(طبعاً وليد عرف انه مروان مرقد في المستشفى لانه ابو مروان يستوي ربيع وليد .)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 12-02-2018, 05:16 PM
صورة شايله همي بنفسي الرمزية
شايله همي بنفسي شايله همي بنفسي غير متصل
©؛°¨غرامي مشارك¨°؛©
 
الافتراضي رد: خالد والعالم الثاني


بدايه موفقه الصراحه ابدعتي فالكتابه✌🏻👍🏻👍🏻✌🏻
نترياج لا اطولين علينا😄😄
مع تحياتي شايله همي بنفسي❤


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 13-02-2018, 07:58 AM
Malak2000 Malak2000 غير متصل
©؛°¨غرامي جديد¨°؛©
 
الافتراضي رد: خالد والعالم الثاني/بقلمي


طبعاً مر اسبوعين ومروان بعده في المستشفى،خالد كل يوم يحاتي مروان ويخاف عليه
طبعاً مثل ما اتفقوا من اسبوعين انهم يسيروا ويزوروا مروان طبعاً زاروه وردوا،المهم طبعاً خالد قال انه بيسير المول يشتري هدية لمروان وسار المول واشترى الهدية واللي هي عبارة عن(صندوق داخله حلاوة وورود صغار كزينة يعني)المهم وسار ،في المستشفى. دق دق دق…
خالد دخل على مروان في غرفة من غرف المستشفيات.
خالد:السلام عليكم
مروان: …
خالد قعد على الكرسي وحط الهدية على الطاولة وقعد يناظر فمروان حاس انه في شيء متغير مثل ويهه مصفر، المهم قعد خالد.
خالد: مروان خبرني عنك.
مروان كان شبه قاعد،على السرير طبعاً مال المستشفى،
مروان:كله منك (قالها وهو منخفض صوته)
خالد: اا … انا…انا اسف مروان ماكان قصدي.
مروان:بلا كان قصدك
خالد: سامحني مروان.
مروان:مستحيل
خالد:لااله الا الله
اهني مروان رد انتفض(يعني اهتز )
خالد من جافه سيدة قام وقعد يقول مروان شفيك مروان رد عليي وهو خيفان وفيه الدموع طلع برع وهو ينادي .
خالد:دكتور وين الدكتور سرعة سرعة اي حد ايي.
الدكاترة ربعوا يجوفوا شو اللي صار.
خالد:ما ادري فجأ جي صار
الدكتور طارق كان واحد ذكي وايد(اظن عرفتوه الدكتور طارق صح)
المهم فسأل خالد سوأل لانه كان شاك ف شيء ويبا يتأكد إذا صح .
الدكتور طارق:تكلمت وياه؟
خالد:اكيد!
الدكتور طارق:شو آخر كلمة قلتها؟!
خالد:آخر كلمة قلتها لا اله الا الله!
الدكتور طارق:خالد اظن انه مروان…
الدكتور سكت شويه لانه ما يريد يصدم خالد
خالد :شو شو ؟!
خالد داخل مخه:آخر كلمة قلتها!!!
علامات التعجب على خالد وبعد شوي انقلب ويه خالد 180درجة بعد ما استوعب اللي سواه واللي قاله.
خالد بعد ما استوعب:لاااااااا مستحييل مستحييل مستحيل اساساً كيف.
الدكترو طارق:اسأل عمرك يا خالد.
خالد وهو يصيح: يا ريتني ما سويت اللي سويته.
رد البيت خالد وهو خلاص خيفان من اللي صار وعاد مليون سؤال في مخه. وندمان ندم شديد،رجع البيت وهو يخاف ابوه يعرف بالسالفة، المهم راح غرفته وهو يناظر في غرفة يده وكيف طول هالعمر ماكان شاك انه في حد وياهم المهم راح الغرفة تسبح وتلبس وصلّ وتسدح على السرير ماكان ياينه رقاد بعد دقايق رن تلفونه وكان المتصل مروان ،خالد كان خيفان وايد طلع برا الغرفة وسار تحت في الصالة وكانت الساعة 1:00 فليل (هو كان راد من المستشفى الساعة 12:30)المهم .
خالد:الو
مروان بصوت حرمة تروع:انا لعبتك وانا نمت وياك وانا احبك موووت.
خالد كان صدق صدق خيفان:منو انتي؟!
مروان:انا؟! الحين تسأل انا منو ، انا اللي قلت لك يديد مات وانا خليت الكهربة تطيش والحين عايشة بجسد صديقك العزيز اللي تحبه…ماتريد تنتغم.
خالد وهو معصب شوية:انت عيل … طلعي من جسد مروان وسيري دوريلج واحد ثاني.
الاتصال…متقطع
مروان:ههه…ه…هه…مح…محدددددد…قااا…اا…ا…لك…!!!
خالد:شو محد قالي وليش صوتج متقطع.
فجأ استوعب خالد انه كان قاعد يكلم شخص مب انسان!!!
رد غرفته ورقد من الخوف…
الصبح الساعة 10:44 قام خالد وجاف الساعة.
خالد:خيييييبه وايد نمت اف .(كان تعبان يوم كا يقول الكلام)
طبعاً اليوم الجمعة وكان إجازة، قام خالد وسار الحمام وخلص وصلا ونزل تحت ، تريق وسلم على امه وابوه.
خالد:ابوي انا بسير اليوم عند حمد ربيعي.
وليد:سير برايك بس ترا اليوم بيون اهل امك ويمكن ينامون عندنا.
خالد:كلهم؟
وليد: هيي كلهم.
خالد كان وايد متحمس لانه في واحد يقربله من امه في صفه بس مدرسة غير واسمه حمدان وعايلتهم راح تتعرفوا عليها بعدين يوم اييووا…
خالد سار عند حمد، طبعاً تجمعوا ف بيت حمد، الساعة 6:00 رن تلفون خالد وخالد كان فالطريق لانه بيت حمد بعيد وايد عن بيت خالد فيباله تقريباً ساعة بالكثير يعني المهم وخالد كان طالع من بيتهم الساعة 5:03 لانه بعد ماقال حق ابوه اني بسير بيت حمد قعد يطالع التلفزيون لين ما يت الساعة 5 المهم رن تلفون خالد وكانت امه متصلة حط سبيكر وكمل طريقه .
خالد:هلا
حمدة:اهلين
خالد:ها امي وصلوا
حمدة:هي وصلوا على شان جي انا متصلة حقك
خالد:اها اوكيه سلمي عليهم
حمدة:انشاالله،الا ابا اسألك متى بترد؟!
خالد:مممممم ما ادري بشوف على حسب بس يمكن ارد 10
حمدة:خلاص ما عليه باي.
خالد:باي.
وكمل طريقه لين ما وصل عند حمد(خالد كان مبركن برع البيت وكان داخل السيارة)
خالد:خلني ادق حق حمد
طوووط طوووط طوو…
حمد:الو
خالد:هلا
حمد:وصلت
خالد:نعم(قالها بطريقة الشواب)
نزل خالد وتلاقى مع حمد في الحوش مال بيت حمد
حمد:حي الله من يانا توه ما نور البيت
خالد:بوجودك يالغالي
حمد:قرب قرب
خالد … (اونه مسوي عمره مستحي)
حمد وخالد دخلوا البيت وراحوا الصالة (الصالة كانت كبيرة ولون الاطار حليبي وفي ورود مرسومات على اليدار بطريقة حلوة والاثاث كان لونه ابيض وعبارة عن كراسي وطاولات وزوالي ،بس الصراحة الصالة ما عليها كلام).
حمد:ها شو العلوم
خالد:والله العلوم من صوب زينه ومن صوب تبا الشل يشلها
حمد:شو مستوي
خالد: حمد ندمت وماكان قصدي.
حمد :ندمت؟! ليش؟!
خالد:ما اعرف اذا بتصدق وله لا
حمد:قول قول ادريبك من يوم يومك ماتكذب
خالد: … … ترا مروان … …
حمد:اشفيه مروان؟!
خالد مروان …
حمد:خالد تكلم بسرعة
خالد:مروان ملبوس
حمد …
خالد: قلت لك ما بتصدق😞😔
حمد:ههههههههه والله انت ماتيوز عن سوالفك هذي😂
خالد: …!!!😳
خالد:حمد ترا اتكلم جد 😐😑
حمد:وكيف ؟!
خالد:المقلب
حمد:لا اله الا الله،كل يوم سالفة يدييده.
ادري انه ردة فعل حمد مب قوية لانه حمد من هذا النوع .
بعد ما مر الوقت عرفوا الربع شو اللي صار فمروان وطبعاً اللي منصدم واللي مب مستوعب واللي يسأل خمسين ألف سوأل وكلهم كانوا زعلانين.رد خالد البيت وكان وايد تعبان وكان من الباكر عليه امتحان،
رد البيت وتسبح وتلبس وقعد يذاكر لين فليل طبعاً من بين فترة وفترة يقوم يصلي المهم وبعدها نام،
على الساعة 2:00 فليل نش خالد من حلم عمره ما حلمه فحياته .
خالد:بسمالله الرحمن الرحيم …لا اله الا الله لا … ،(خالد سمع صوت اول مرة يسمعه في البيت كان شبه ازعاج،تعرفون المجموعة يوم تسولف جي)طبعا سمع مجموعة تسولف وكان صوتها شوي عالي وكان الصوت ياي من برع،قام خالد من سريره وراح صوب الباب وبطله شوي شوي والحمدالله انه باب غرفة خالد يوم تبطله مايسوي صوت يعني هذا نوع من البيبان والصراحة احب هذا النوع المهم وخل فتحه صغيرة وقعد يوايق منها وهو خيفان وكان يشوف صوب غرفة يده وهو يقول في سره انا اهبل يوم سويت هذاك المقلب ماكان لازم اسويه المهم وفجأ يشوف باب غرفة يده ينفتح وكان هذا الشي مثل الظل لونه اسود وما ينشاف وايد ، خالد كان صدق من الخاطر خيفان وكانت في رسالة موجودة قدام باب غرفة اليد الله يرحمه طبعاً هذي الرسالة خلوني اقولكم سالفتها الله يسلمكم قبل ما يموت اليد كتاب رسالة وهذي الرسالة حطاها على سريره قبل لا يروح المستشفى وطبعاً مسكين اليد مالقى فرصة يقول لودة وليد انه في رسالة في غرفتي لانه اساساً من ذاك اليوم ماحد قرب من الغرفة وعلى شان جي ماحد يدري بالرسالة والحين الرسالة قدام غرفة باب اليد وطبعاً شو اللي وداها اهناك ؟! الله واعلم المهم راح تعرفون بعدين شو اللي وصل الرسالة لقدام باب غرفة اليد المهم خالد لفت انتباهه ورقة بنية فاتحة ومكسفة وقديمة طبعاً هي في الاساس بيضة الورقة بس لانه كملة سنين فستوا لونها جي اظن فهمتوني المهم رد خالد سريره وهو متروع وبعد شوي رقد …المهم الصبح الساعة 6 نش خالد وراح الحمام ويوم خلص وتلبس وتعطر نزل تحت وقبل ما ينزل تذكر سالفة امس فجاف قدام باب يده والورقة بعدها موجودة راح بسرعة شلها وركض تحت عند ابوه وامه وطبعاً كل وقبل ما يسير المدرسة قال لابوه عن اللي صار امس وانه هذي هي الرسالة اللي شافها وطبعاًلاحد الان ماحد يدري شو مكتوب فيها .
وليد :عطني اياها
خالد:هاك(عطاها ابوه)
وليد:شو رايكم في الاجازة نسير نزهة ونقرى هذي الرسالة هناك .
خالد وحمدة:فكرة حلوة🙃
راح خالد المدرسة و قعد يحاتي مثل كل مرة (يحاتي مروان). دخل عليهم استاذ العلوم واسمه فارس.
الاستاذ فارس: …today we will study about the
طبعاً الاستاذ فارس اصله عراقي لكن يتكلم بالنجليزي لانه العلوم لازم بالنجليزي طبعاً هذا الكلام عندهم،المهم خلصوا اول حصتين ي البريك وبعدها يا وقت الامتحان.
الاستاذ علي:السلام عليكم
الشباب:وعليكم السلام
الاستاذ علي:محمد تعال وزع الاوراق.
(اولاً اوراق الامتحان ثانياً محمد واحد من الصف لاتتحسبون بس خالد وشلته اللي فالصف لا في وايدين بس هم مب مهمين على شان جي ماذكرتهم المهم،)
محمد راح ووزع الاوراق وكلهم سموا بالله وبدوا.
الاستاذ علي:يا شباب مروان لساتوا في المشفى (لهجة مصرية).
خالد:هيي مستر بعده فالمشفى عقولتك.اهني الشباب فطسوا ضحك.
الاستاذ علي: بس بس انت وياه كملوا امتاحنكوا.
طبعاً قرب يخلص الفصل الثالث طبعاً ماخطر على بالي اقولكم انه خالد كان فالفصل الثالث يعني خلاص بعد اسابيع بيتخر انشاالله وبيسير الشغل بأذن الله المهم، الاسبوع اللي بعد هذا بيكون اسبوع الامتحانات النهائية وطبعاً مبما انه خالد شاب شاطر فبدا يحفظ من الحين ويدرس للامتحانات اللي بعد اسبوع بيبداً المهم مروان فوضع حرج وصعب الصراحة وطبعاً ربعه بيتخرجوا وبيمتحنوا وهو على هالحال وفالمستشفى، خالد اختار وقت غلط على شان يسوي المقلب الصراحة بس شو نقول الله كريم، مر هذا الاسبوع بسرعة ويت الاجازة اللي بعدها امتحانات النهائية المهم وخالد كان يفكر يبا يلقى بأي طريقة يخرج فيها مروان وكل الطرق ما نفهت فالاخير مروان يعني تعرفوا المهم،
طبعاً اليوم الجمعة واليوم اللي خالد وعائلته يتريونه على شان يعرفوا شو هي الرسالة وشو مكتوب فيها طبعا كلهم كانوا تحت فالصالة.
وليد:اليوم العصر بنطلع.
خالد:وين؟!
وليد:بنطلع مشوار على شان الرسالة.
خالد:اها اوكيه صح نسيت اساساً انا .
حمدة:منكثر الامتحانات والواجبات والتقارير.
خالد:هي والله وانتي الصادقة وآخيراً بس باقي امتحانات النهائية وخلاص وبعدها نشوف نتائجنا.
وليد:انشاالله بس ماقلت لي وين تبا تشتغل.
خالد:اممممم والله يا ابوي بشتغل وين الله بيحطني.
وليد:انشاالله ياوليد تلقالك مستقبل سنع.
(ابا اذكركم بشيء لحد الان العائلتي عايلة وليد ومروان ماحد يعرف انه مروان ملبوس،غير ربعه اللي تعرفوهم مب كلهم يعني مب الكلاس كامل اظن فهمتوا عليي).
اذن العصر وكل واحد سار وصلا وتزهب على شان الطلعة.
النزهة كانت لحديقة كبيرة وحلوة ويمدحونها طبعاً من كان صغير كان ايي لهذي الحديقة وايد المهم قعدوا فمكان عبارة عن كرسي اللي دائري يشمل الجميع ما ادري اذا فهمتوا ولونه بوني وكان يمبه ورود ملونة جد جد حلاوة المكان كان حده روعة ويجنن مكان رومنسي هههههه المهم قعدوا من فتح وليد الرسالة على شان يقرأ دمعت عينه لانه تذكر ابوه الله يرحمه طبعا خالد وحمدة كانوا يسمعوا وليد.
وليد:بسمالله …………………………………………………………………………………………………و مع السلامة.
الوضع كان هاديئ والكل ساكت محد كان يتكلم ولا حد نطق بكلمة ،بعد ثواني…
وليد:مشينا نرجع البيت.
خالد:ابوي انا بسير عندي شغل.
وليد: وين مع منوا؟!
خالد:مع ربعي وبعد بسير اشوف مروان.
وليد:ماعليه سير برايك.
حمدة:وانتبه على نفسك.
حمدة ووليد كانوا يايين في سارة وخالد فسيارة بروحه لانه قال حقهم بعد ما يقروا الرسالة بيسير مكان وعلى شان جي يا بسيارته.المهم روح خالد عند ربعه واللي كانوا متجمعين في المول وهو كان عرف لانه راشد خبره،وصل خالد المول وتلاقوا هناك،
خليفة:شباب يلا نسير عند مروان بس انا ما بدخل.
راشد: ولا انا.
حمد:طالع انت الخوافيين بتدخلون وقصباً عنكم.
عمر:برايكم اذا ما تريدوا لاحد يقصبهم ما نريد مشاكل زيادة وهو يطالع خالد بنضرات.
(انا برئيي حرام جي يسوي وكانه خالد كان قاصد يعني ماكان يحتاي يعامله جي)
(عمر معصب من خالد وكل اللوم يرده على خالد على شان تفهموا شو صاير اما عن حمد وراشد وخليفة كانوا اوكيه ويا خالد ماكانوا يعاملوه مثل ما عمر يعامل خالد الحي،طبعاً قبل كان عمر يحب خالد ويسولف وياه ولحد الان بس الحين مب وايد يسولف وياه اساساً من استوت السالفة وعمر ما يكلم خالد ذاك الزود الا اذا فشيء ضروري يعني المهم)،واستمروا على هذا الحال لين ما يت الساعة 7
وبعدها ساروا عند مروان. في المستشفى.
خالد والشلة :دكتور عادي ندخل.
الدكتور طارق:لاء للأسف ممنوع.
الشلة:ليش؟!
طبعاً ماعادا خليفة وراشد الخوافين:خلاص ياخي قال لكم ممنوع يعني ممنوع قصب هو.
عمر وهو معصب:انت يالخواف حط لسانك ف ثمك وربطه عن لا ايي وقصصه ليك.
خليفة وهو يزاعج:على كيفك هو.
الدكتور طارق:هدي هدي انت وياه مايحتاي الضرابه هذي.
خليفة:خالد تعال معاي.
خليفة سار ويا خالد فالكفتيريا اللي كانت في المستشفى وقعدوا هناك.
خليفة:انت كيف تسمح لواحد مثل هذا يتكلم معاك بهذي الطريقة ما تشوفه من استوت السالفة وهو حاط عليك.
خالد وهو حيران وشبه زعلان:يمكن هو صادق.
خليفة:اي صادق اي خربيط لا تصدقه انت انسان طيب ونيتك ما كانت جي بس اللي صار مو بأيدك.
خالد: ما ادري والله بس شو اسوي تباني اخسر صديق ثاني بعد.
(ملاحظة طبعاً الشباب ما يعرفوا انه يوم مروان قال حق خالد مستحيل يوم خالد طلب منه انه يسامحه)فهمتوا.
خليفة:كيف يعني تخسر صديق ثاني ليكون عبالك مروان مب مسامحنك؟!
خالد:ابلا مب عبالي بس ترا مروان قالها بلسانه انه مابيسامحني ومستحييل.
خليفة:شووو؟! وكيف؟!
خالد:مثل ماسمعت يا خليفة وانا حدي ندمان .
خليفة ضرب بالخفيف على كتف خالد يعني معناتها الله يكون بعونك والله يساعدك ويبعد همومك.
المهم ترا الجزء الثالث راح اقول لكم شو كان مكتوب في الرسالة





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 14-02-2018, 06:44 AM
صورة شايله همي بنفسي الرمزية
شايله همي بنفسي شايله همي بنفسي غير متصل
©؛°¨غرامي مشارك¨°؛©
 
الافتراضي رد: خالد والعالم الثاني/بقلمي


البارت يجنن 😍

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 14-02-2018, 06:45 AM
Malak2000 Malak2000 غير متصل
©؛°¨غرامي جديد¨°؛©
 
الافتراضي رد: خالد والعالم الثاني/بقلمي


طبعاً اللي يبا ينشر روايتي ينشرها بأسم اليازية سعيد


آخر من قام بالتعديل Malak2000; بتاريخ 14-02-2018 الساعة 07:59 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 14-02-2018, 06:47 AM
Malak2000 Malak2000 غير متصل
©؛°¨غرامي جديد¨°؛©
 
الافتراضي رد: خالد والعالم الثاني/بقلمي


اقتباس:
المشاركة الأساسية كتبها شايله همي بنفسي مشاهدة المشاركة
البارت يجنن 😍
مشكورة حبيبتي☺

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 14-02-2018, 06:49 AM
Malak2000 Malak2000 غير متصل
©؛°¨غرامي جديد¨°؛©
 
الافتراضي رد: خالد والعالم الثاني/بقلمي


(السلام عليكم انا سلطان وحبيت اقولكم انه سارة بعدها حيية وانشاالله تلقونها وتعيشون احلى الايام انا مرضت لكن الله كريم لازم تحصلوا بنتي سارة طبعاً في حد قال لي بس فأخر اللحضات
لانه بعد شوي ولدي بوديني المستشفى وانا آسف يا وليد آسف يا حمدة ويا خلودي ما ادري اذا ترمون تسامحوني لاني ماحميت عايلتي وانا كل اللي اتمناه انكم تلقون سارة)
وكان في شيء مكتوب تحت بخط خفيف"وانتبهوا تراهم معانا".

خالد كان شبه قاعد على السرير ،الساعة 1:00 فليل ،سمع خالد حد يناديه عباله امه لانه كان اللي يتكلم مثل الحرمة ، نش خالد وسار برع غرفته مالقى حد ،سار غرفة امه ووعاها من الرقاد ،
خالد:يما يما.
حمدة:ها يما(كانت تقولها وهي تعبانا).
خالد:يما شو تبين.
حمدة نشت وقعدت:كيف يعني.
خالد باستغراب:مب انتي اللي كنتي قاعدة تزقريني؟!
حمدة:لا حبيبي .!!!
رد خالد غرفته وكان تعبان تسدح على السرير وصدى الصوب الثاني الا شوي يحس بانفاس حد من وراه يعني متسدح وياه في السرير (خالد كان عاطي ضهره حق الشخص اللي هو يحس بيه).
خالد مرة وحدة صدى الصوب الثاني على شان يجوف منوا عداليه لكن المفاجأ كانت انه ولا اثر ولا حد قاعد عداليه، بعد ثواني سمع صوت الماي مفتوح فالحمام فسار الحمام يشوف شو صار،
(كان عبارة عن دم مثل الماي ينزل من الصنبور اظن عرفتوه،خالد سيدة راح برع الغرفة وسار تحت عند الشارع،في الشارع لمح بنت تصيح وقاعدة على زاوية خالد ذو القلب العطوف،فقام خالد الثور وراح عند البنت(يعني معقولة بعد كل اللي صار داخل بعده عنده تتطوع ومخاطرة بنفسه يشوف منو هذي البنت،)بس الحمدالله طلعت انسان.بس كان هذا الانسان يشوف العالم الثاني احياناً.
خالد:هلا
؟:اهلين
خالد:شو اسمج يا حلوة؟
؟ قاعدة تمسح دموعها:سارة
خالد:😳😳😳😳😳😳😳!!!!
السالفة ومافيها اكيد الجن ارسلوها قدام بيت وليد لانه هم قروا الرسالة والجن عرفوا ففكروا انهم يرسلوها عندهم.
خالد:تعالي معاي.
سارة:وين اخوي وليد(سارة عمرها 20 وطبعاً هذي اللي يدوروها).
خالد:ابوي يكون اخوج(خالد صح قرا الرسالة بس ماخطر على باله تكون اخت ابوه المهم.
سارة:من انت ,وليد وين.
خالد طلع صورة من التلفون وروها صورة ابوه وليد.
خالد:هذا هو؟!
سارة:هيي هذا هو وينه؟!
خالد:هذا يكون ابوي وتعالي هو فالبيت .
سارة وخالد دخلوا البيت,طبعاً خالد وعا ابوه وامه.
خالد يقول السالفة حق امه وابوه:طبعاً اول شي………فطلعت برع……………………………والله سلمكم هذي السالفة ومافيها.
وليد حظن اخته وحمدة بعد وخالد واستقبلوها وخلوها تنام مع خالد بس هو طبعاً فسرير وهي حطولها سرير المهم، الصبح الساعة 9 كان السبت المهم نش خالد وجاف انه سارة بعدها نايمة خلص وتسبح وتلبس وعقب وعاها،
خالد:سارة……سارونه
سارة:ها (بتعب قالتها)
خالد:قومي نشي يلا
سارة:خالد بقولك سر
خالد:شو السر يا حلاوة
سارة:هههه انزل انت وانا يوم بخلص بنزل عندك.
خالد:اوكيه اظن استوينا فريق حلو.
سارة:هههههه
خلصت سارة ونزلت تحت وخالد كان وايد متحمس على شان السر المهم كلوا وقعدوا يسولفون وخالد كل شوي يقول متى بتقولين السر ومتى بتقولين السر المهم وعلى هذا الحال لين ما يا فليل اهني راحت وخبرته عن السر .
سارة قاعدة تقوله السر :جوف ترا انا اجوف العالم الثاني ووايد خيفانه اباك تساعدني هم مب رايمين يهدوني وترا ان خبرت اخوي (اللي هو وليد ابو خالد) ياويلك، اسمع ترا في وحدة اسمها (جول)هي عفريتهوكانت تكلمني عن واحد اسمه مروان،
خالد قاطع كلامها:مروان؟!
ساره:هي وقالت انه تريد تزوجه.
خالد:سارة امانه تعرفين تتواصليت او تقنعين او تتكلمين معاهم؟!
سارة متوترة:ل…ل…ا…لا لا
خالد:كيف يعني؟! مروان من اغلى اصدقائي والحين بخصره بسبب…
سارة قاطعته:اعرف!
خالد:ششششو؟!
سارة:انا اعرف خالد بس الصراحة ما برد اسوي نفس اللي سويته ما اريد اعيد ذكرياتي اللي تروع وتخوف.
خالد:كيف؟!
سارة:شو قصدك؟!
خالد مستعيل:كيف كيف تتواصلي؟!
سارة:لا ما اريدك تتمشكل والسبب انا.
خالد وماسك اعصابه:سارونه قلت لج كيف يعني كيف(قالها وهو راص علو اسنانه،فهمتوني!)
سارة:انا ما يخصني اذا صار لك شيء (وحضنته وهي تصيح).
خالد:بس حبيبتي بس(كان حاضنها).
ومر اليوم جي…
الصبح الساعة 6 نش خالد وخلص ونزل تحت،بعدين كل .
وليد:خالد
خالد:نعم
وليد:وين اختي؟
خالد:اي اخت؟!
وليد:افا نسيتها؟
خالد:ساااارة🤭😮اكيد مانسيتها.
وليد:وينها؟
خالد:نايمة
وليد:قوم وعاها
خالد:وكييه.
وفجأ ااااااااااااااااااااااااه…خالد ووليد ربعوا فوق وياهم جمدة ،
خالد:شو صااااار بسمالله
حمدة:شفيها الغالية
كلهم كانوا خيفاني (طبعاً كانوا يقولون هل الكلام وهم يركضون فوق).
خالد دخل غرفته ووراه وليد وآخر وحدة حمدة.
خالد ركع عند ساره.
خالد:اشفيج؟
سارة بتعب:قربوا وايد يا خالد وقربت نهايتي .
خالد:كيف وليش؟!
سارة بتعب:لاني وعدتهم ما اقول لحد واذا قلت راح تكون نهايتي.
خالد وهو يدمع:ماكان لازم تقوليلي عيل.ياريتج ما قلتيلي. 😰
سارة:احبك اخوي
وليد:وانا بعد
حمدة:حبيبتي خلينا نوديج المستشفى.
سارة بتعب تلف راسها بمعنى لا.
حمدة:ليش حياتي.
سارة:لانه لازم اجوف غرفة ابوي اول وبعدها كه كه كه (تكح).
خالد:وبعدها شو؟!
سارة:راح اعلمك كيف
خالد:اوكيه بس بسرعة للنه حالتج مب بخير.
سارة طلعت الكتاب من الشنطة مالتها:خذ من هذا الكتاب راح تتعلم.
خالد:مشكروة،بس انتي كيف تصحين؟
سارة:لاا…لازم كح كح كح كح تقول (انا في العالم الثاني معكم سوف انشأ من جديد)وتسوا التعليمات وبعدها راح يصير اللي اقول عنه لكن لازم تقول الجملة 3مرات وبعدها سيدة التعليمات ولازم تكون في غرفة ماحد دخلها من زمان بس مب شرط من اعوام على الاقل من اسابيع وتقفل على عمرك الباب بشرط ماحد يكون معاك وتخبي المفتاح في سدة من السدات وما تصكه ،لازم تقعد في مكان ظلمة وفي مكان مغبر وجي يعني وتبدا تسوي اللي قلته.طبعاً حمدة ووليد مب فاهمين ولا شيء .وخالد من سمع الكلام صرط ريجه .
خالد:سارة عادي اسألج سوال.
سارة بتعب (طبعاً طول المدة اللي كانت سارة تتكلم فيها كانت بتعب بس مب لازم اقولكم المهم):شو
خالد:انتي قلتيلي قبل انج ما تريدي تخبريني على شان مايستوي نفس اللي استوالج ،شو استوالج؟!
سارة:سالفة طويلة،
خالد:انزين انتي متى بتصحيين؟
سارة:ما ادري بس من يوم ما كنت صغيرة كان يستويلي جي بس هالمرة غير على شان جي قلت لك انه قرب موعد موتي.
خالد:لاتطرين الموت على لسانج.
سارة:تم بس ممكن انام شوي لاني تعبانه وانشااله يوم اصح سألني على كيفك بس الحين انا محتاجة وقت على شان ارتاح.
وليد وحمدة بعد ما اطمنوا على سارة نزلوا تحت.
وخالد راح يبا يطلع من الغرفة.
سارة:خالد
خالد صدى صوب سارة:ها
سارة:لاتخلاني بروحي اخاف.
خالد:تم
وقعد عدالها لين مانامت يوم نامت نزل تحت وكل شوي يسير يتأكد عليها اذا صار لها شيء ولا لا .
بعد ما خلص هذا اليوم وعدى على خير طبعاً بس فليل استوت شيء واللي هو (قامت سارة وراحت صوب غرفة سلطان ابوها الله يرحمه 🤭 بس ما لمست شيء قالت كلمة وروحت مكانها ترقد.
سارة وهي قدام الباب:تركوووني خلاص افصخ الاعقد اللي بيني وبينكم اتركوني.
وطبعاً من الباكر نش خالد وسارة وكل واحد سار الحمام بس على الدور وخلصوا ونزلوا تحت.
خالد:السلام عليكم(يسلم على امه وابوه).
سارة:صباح الخير(تسلم علو اخوها وحرمته حمدة.)
وطبعا حمدة ووليد ردوا السلام.المهم ،قعدوا خالد وسارة على الطاولة وبدوا ياكلون،
خالد تقرب من سارة وصاصرها(يعني تقرب من اذنها ما يريد حد يسمعه:يستوي لوشخص واحد؟😶
سارة بعدها مب مستوعبة:شو تقصد؟!
خالد:ابا ادخل الغرفة بس عادي حد وياي؟!🙄
سارة بحزن:لاء لانه مايصير 😞
طبعاً كانوا يتكلمون بصوت خفيف.
خالد ما كمل اكلهم:الحمد الله شبعت.
سار نفس الشيء:وانا بعد شبعت الحمد لله.
خالد راح اتغسل وبعدها اتصل على خليفة.
خالد:هلا
خليفة:اهلين وينك ما تنجاف.؟
خالد:والله ملتهي في الاجازة وف…(خالد ماكمل كلامه وقف)
خليفة:وشو ،ليكون😃تفكر ف الزوا…
خالد قاطع خليفة:لالا شو انت اهبل؟
خليفة:اوووه😯😯 بدينه نعصب ونغار هههه 😂😂😂😂😂
خالد:انت اهبل 😒
خليفة:لا بس يعني عبالي…
خالد قاطعه مرة ثانية:خلاط واكييه اوكييه 😩
خليفة:اسمع انا بسير يلا باي.
خالد:باي
ومر اليوم ويا فليل طبعاً خالد وسارة ما رقدوا.
سارة:خالد
خالد:ها
سارة:تراني شفتها فالحلم امس وماسكة سكين وواقفة قدامي
خالد:عادي ترا الا حلم لا تخافي
سارة:انا مب خيفانة على شان الحلم انا خيفانة لان قبل قالت لي انه اذا خبرتي حد بطلع ليج فحلم وبمسك سكينة وبعدين اذا طلعت ليج فالحلم وماسكة سكينة معناته بتموتين.
خالد:لا اله الا الله .
سارة:اف خيفانة
خالد سار وحضنها لاتخافي.
خالد:صح انا قبل كم من اسبوع تكلمت مع حد بس مب انسان وبعد من يوم يوني تييني كوابيس وآخر كابوس كان جد جد يخوف وغير عن الباغيين وكان نفس اليوم اللي مرقد فيه مروان اللي ملبوس بحد.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 14-02-2018, 06:51 AM
Malak2000 Malak2000 غير متصل
©؛°¨غرامي جديد¨°؛©
 
Upload7356c8664c خالد والعالم الثاني


طبعاً الجزء اللي نزلته نسيت احطي جزء كم فهو الجزء الثالث

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 14-02-2018, 07:07 AM
Malak2000 Malak2000 غير متصل
©؛°¨غرامي جديد¨°؛©
 
Upload7356c8664c رد: خالد والعالم الثاني/بقلمي


طبعاً جد جد انا آسفة من البارت الاول لثالث ما سويت مقدمة سو الحين بسوي(السلام عليكم راح انزل روايتي خالد والعالم الثاني طبعاً من مخيلتي والرواية ما انصح اصحاب القلوب الضعيفة يقروا الرواية لانها تخوف.واللي يحب ينشر روايتي يستأذن مني وينشرها بأسم اليازية سعيد.


آخر من قام بالتعديل Malak2000; بتاريخ 14-02-2018 الساعة 07:59 AM.
الرد باقتباس
إضافة رد
الإشارات المرجعية

خالد والعالم الثاني/بقلمي

الوسوم
الثاني , دامي , والعالم
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
عذاب الحب الثاني/بقلمي علمني حبك سيدي السهر روايات - طويلة 15 29-04-2017 02:40 AM
أستودعتك الله الذي وضعك بقلبي الجزء الثاني/بقلمي ؛كاملة آاهات روايات كامله - يتم نقل الرواية هنا بعد اكتمالها 37 16-10-2016 09:31 PM
قصة طريفة (الحجاج والعالم اللغوي يحيى بن معمر) داود العرامين قصص - قصيرة 10 12-11-2015 09:12 PM
أنا البحر الذي لا حدَّ له، والعالم كلُّه حبَّاتُ رمل على شاطئي || ابداع اللقطات فدا لعيونه تصوير فوتوغرافي - تصوير احترافي 12 01-07-2015 10:59 AM

الساعة الآن +3: 03:11 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1