اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 13-02-2018, 03:25 AM
صورة Sara Mahmoud0 الرمزية
Sara Mahmoud0 Sara Mahmoud0 غير متصل
©؛°¨غرامي جديد¨°؛©
 
الافتراضي رواية زدت همومي هما جميلا/بقلمي


《 الحلقة الاولي زدت همومي هما جميلا》
ها انا الان في حالة ملل شديدة الثانوية العامة دي بقت خنقة اوي وماليش غير الكتاب يسليني حتى الموبايل بابا خدوا بسبب زن مرات باباعلشان هي بتغير مني اوي خصوصا وبابا بيحبني وبيقول اني شبه المرحومة ماما استنوا كده في حد بينادي عليا
☆سلمي .... سلمي تعالي عايزك
☆نعم يابابا انا جايه اهو
★ وذهبت مسرعة اليه هي تحبه لكن تخافه
☆نعم يابابا كنت بتنادي عليا
☆ايوه ياسلمي كنت عايز اقولك ان جوز عمتك قال ان فيه شوية لوبيا عاوزين يجمعوهم لو عاوزة تروحي انتي وامك واخواتك
★اصلو من واحنا صغيرين بيخلينا ننادي مرات بابا ونقولها ماما لكن سيبكم مش عارفه ليه مع ان شغل االأرض كلو تعب وشقي وبابا مخلي جوز عمتي هو اللي يزرعلنا وبنقسم المحصول الا اننا انا واخواتي بنبقي فرحانين قوي بالروحه هناك
☆ايوه يابابا هي دي محتاجه كﻻم
☆طيب ياسﻻمه يالا جهز نفسك انت واخواتك ليوم تعب
☆كده يابابا عمرك مابتكمل حاجه حلوه لاخرها
☆بس يابت بدل مااقول ان مفيش روحه خالص
☆لا خﻻص اهوه .....وقد وضعت يدها علي فمها
☆ياعبيطه هو انا اقدر علي زعلك داانتي اغلي حاجه في حياتي اوعي يوم طول ماانا عايش اشوف الخوف في عنيكي
★ابتسمت واردفت وهي تعي مايود قوله بشان معاملة زوجة ابيها لها وقالت له:
☆انا مايتخافش عليا انا يتخاف مني
★ضحك ابي واستأذنت منصرفه لاخبر اخوتي وعندما ذهبت واخبرتهم فرحوا جميعا عدا اختي بثينة ﻻنها تخاف من سواد بشرتها البيضاء وضحكنا جميعا علي ازدرائها الشديد لكن ما ان علمت بان ابناء عمتي سيكونون هناك حتي كانت اوسعنا ابتسامه واكثرنا مواففه
★كان الوقت عصرا وذهبت بعد ان اخبرت اخواتي لكي اطبخ ولكن ما لبثت ان سمعت صوت ابي يناديني
☆نعم يابابا
☆هو انتي عندك دروس بكرة وﻻ ايه
★توترت وقد فهمت المغزي من كﻻمه بمجرد ان نظرت لزوجة ابي وقلت له:
☆ايوه يابابا انا عندي درس الساعه عشرة بس انا....
★قاطعني قائﻻ:
☆دروسك اهم وكمان انتي اللي هتخلي بالك من البيت خلاص ياسلمي؟؟
☆خلاص يابابا
★قلتها وانا اكاد ابكي وذهبت مسرعة الي المطبخ وبدأت اطبخ وانا حزينه لماذا تفعل بي كل هذاهل ذنبي انها زوجة ابي ماذا افعل لها علها تبتعد عني وببنما انا شارده اذا بابي يدخل وينادي عليا
☆سلمي مالك
☆هه انا كويسه مفيش حاجة يابابا
☆انا لما كنت بقولك عندك درس قلتيلي ايوة بس ايه
☆كنت عايزة اقول ان فيه مجموعه تانيه
☆واما هي كده يبقي تروحي بالعشرة
★صرت اصرخ فرحا احقا ابي حقا فأوما براسه ان نعم ثم اردف قائﻻ :
☆بقي هو ده اللي مزعلك ومخلي دموعك علي خدك كده
★فنظرت للارض استحياءا وانا اقول
☆لا دا ان ...نا كنت بقشر بصل
★ولكنه نظر من حوله ثم قال :
☆فاشله حتي في اختراع الحجج امممم مش مشكله بس انا فرحتك علشان تعمليلي طبيخ يتاكل اصلي عارف انك بتحرقي الاكل بس تكوني زعﻻنه
★قلت وانا اتظاهر بالغضب
☆انا مش بحرق الاكل انا طول عمري بعمل اكل محدش يعرف يعمل زيو
★فرد ابي قائﻻ:
☆معاكي حق انتي حتي وانتي حارقه الاكل بيبقي ليه طعم حلو اوي بسي يالا بﻻش دلع وخلصي علشان عالمغرب لو مالقتهوش جاهز هاادبحك واكلك انتي
☆في سري:انت عمرك مابتكمل حاجه حلوة ﻻخرها
★ولكن سمعني ابي واذا به يقول:
☆يالا ياسﻻمه قول تاني كده اللي انت كنت بتقولوا
★ارتبكت وقلت له:
☆لا بس انا كنت بقول ان لحمي مر مش هاتعرف تاكلو
★قال وهو يخرج من المطبخ
☆بس يابت انتي هاتجننيني اخرسي خالص
★وقبل ان تنطق كان قد خرج من المطبخ وتركها تطبخ بسعاده ولكن كيف وسوء الحظ رفيقها دخلت عليها امها وهي تقول:
☆ها خلصتي وﻻ ناويه تخليه عشا بكرة
★تأففت وهي تنظر اليهاوكانت تحاول تهدئة نفسها وقبل ان تقول اي شيء كانت قد قالت وهي تخرج
☆نص ساعة وتكوني خلصتي
★كادت ان تضربها بالبصله التي في يدهاولكنها امسكت نفسها وهي تقول:
☆حاضر حاضر
★انتهيت من الطبخ ووضعت الطعام واكلنا وكان ابي يتحدث بين الفينه واﻻخري وانتهينا من الطعام علي خير بينما علق ابي عليه بانني احسنت طبخه وجمعت اﻻطباق من على التربيزة وغسلتهم ثم قدمت لهم الشاي وشربت معهم ايضا وخلدنا للنوم لكي نستعد ليوم شاق لكنه جميل وعند الفجر كانت اختي بثينه توقظني لاداء الصﻻه وبعد ان انتهينا جميعا من الصلاه واتممنا تجهيز كل شئ توجهنا قاصدين الذهاب للموقف واخذنا سيارةاجرة وركبنا ونزلنا ولم انبث ببنت شفه لكنما ان وصلنا حتي احتضنتني عمتي وبدأت احكي حتي احسست كأن لساني يؤلمني من كثرة الكﻻم وكانت عمتي تصغ لي وكنا نعمل معا فكانت ساعات جميله
☆عارفة ياعمتو المكان جميل اوي
☆بصي ياسلمي يابنتي انا بحبك وعايزاكي تحبيها بس ماتكونش دي اخر طموحاتك
☆يعني ايه ياعمتو
☆اسمها عمه ياكلبه
☆امممم يعني ايه ياعمه
☆يعني عايزاكي تبقي حاجه كويسه في المجتمع وبعدها ابقي حبي اللي تحبيه ساعتها الارض مش هتقول ﻻ لكن لو مااتعلمتيش هيجبوكي هنا وانتي اللي مش هتقولي لا
☆عندك حق ياعمه انا فعلا عندي طموح كبير اوي
☆ربنا ينولك كل اللي انتي عايزاه دي اخر سنه شدي حيلك
☆حاضر ياعمه
★ولكن سمعنا صوت رجالي يلقي السلام
☆السلام عليكم
☆وعليكم السﻻم


آخر من قام بالتعديل Sara Mahmoud0; بتاريخ 13-02-2018 الساعة 04:40 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 19-03-2018, 06:30 PM
صورة Sara Mahmoud0 الرمزية
Sara Mahmoud0 Sara Mahmoud0 غير متصل
©؛°¨غرامي جديد¨°؛©
 
Upload1120a2f436 رد: رواية زدت همومي هما جميلا/بقلمي


كان هذا اياد ابن عمتي وهو اكبر اخوته قوي البنيه مفتول العضلات حكيم عاقل مغرور جدا يغلب قول العقل علي قول القلب يحب كل الناس ويحبونه ويخشوه اينما يوضع في مكان يكون هو القائد فيه وصاحب المكانه والمنزله مع هذا لا يتعالي علي ابويه في اغلب الاحيان تحبه امه كثيرا كما انها لم تلد غيره وكانت تحكي عنه كثيرا جدا لدرجه تجعل السامع يحسه ملاك توجه بحديثه الي قائلا:
-ازيك ياسلمي اخبارك ايه؟
-انا تمام اوي الحمد لله
-عامله ايه في الدراسه ؟
-تمام كويسه
كنت اتحاشاه قدر الامكان لانني لا احبه ولااكرهه ايضا كنت اخافه كثيرا من كثرة ما كان يحكي عنه اخوته ونحن صغار ومع ان اخوته الذين يحكون بانه كثيرا مايضربهم يحبونه كثيرا لكن وصلتني عنه فكرة الشرير حتي انني كنت اكرهه دون ان اعرفه وعندما رأيته لاول مرة كنت اريد ان تنشق الارض وتبتلعني اساسا عندما علمت بمجيئه فزعت كثيرا وتمنيت وقتها الا اراه ولهذا اخبرتهم باني سأذهب لرؤية جدي ولكن لم اتم الكلمه حتي جاء من ورائي احدهم وسلم علي وعندما لم اسمعه وانا مشغولة البال نبهتني عمتي قائلة
-سلمي علي ابن عمتك ياسلمي
فلما نظرت ورائي وجدته هو حتي كاد ان يغمي علي عندما رأيته وكل الخوف تملكني هل اجري ؟؟ اهرب ؟؟ ام ماذا ؟؟ يارب كن معي لكنه للامانه كان لطيفا ومهذبا القي السلام ثم قال ءانتي سلمي قلت نعم قال امي تحكي عنكي كثيرا كل عائلتك ياتون ماعدا انتي وحقا كنت اتحجج كي لااذهب في كل مرة بسببه لكني قلت له في كل مرة يكون هناك ظرفا ما يمنعني من الحضور ولم اتكلم معه بعدها الا قليلا عندما يرمي هو الي بكلمه اوسؤال او فكاهه حيث انه مرح جدا ولكنه لاحظ خوفي منه مع الوقت فبدأ يبعد عني
-مالك ياسلمي سرحانه يعني
-ايه... كنت بتقول حاجه يا اياد
-بقالي تلات ساعات بكلمك عامة لو تعبتي كفايه وقومي
-لألأ انا كويسه كنت عاوز حاجه
-كنت عاوزك تروحي معايا نودي دول في العبوة الكبيرة اللي هناك وندكها ممكن؟
فلت وانا اقوم
-حاضر جايه معاك اهو
وذهبت معه الي حيث الشوال وعندما وصلنا الي الشوال وضعنا اللوبيا فيه وقام هو بمفرده بدك الشوال حتي انني عجبت من لك فقلت له
-بما انك بتعرف تدك الشوال لوحدك وبسهوله كمان نادتني ادكو معاك ليه
-فرد قائلا
-كنت عايز اتكلم معاكي شويه
-خير يااياد في حاجه ولا ايه
-لا مفيش بس عايز اعرف انتي زعلانه مني ولا حاجه يعني
-لأ ليه حد قالك كده
-لا بس انتي بتتعمدي ماتتكلميش معايا
-وهنا انقذني صوت زوجة ابي التي نادتني لكي اكمل العمل والتي كانت ولاول مرة يكون لها فائده قائلة
-ياسلمي هانم هتنامي هناك ولا ايه يالا تعالي علشان تخلصي تشتغلي عندنا شغل كتير اوي ولازم نخلص اكبر كم النهارده
وعندما وصلت كنت اسمعها تقول لعمتي
-هي كده دايما تقعد تتهرب من كل الشغل بأي حجه بتعمل اي حاجه علشان ماتقضيش مصلحه
بينما كانت عمتي تغمز لي بانها لاتعيرها اذانها ويجب ان افعل مثلها وتعمدت عمتي اغاظتها بمقاطعتها من حالة الشكوي الكاذبه قائلة
-ياسلمي روحي حطي الاكل وولعي علي الشاي علشان ناكل جعنا اوي
فنظرت لها زوجة ابي نظرة ذات مغزي ثم اردفت قائلة
بقي انا عماله انادي فيها علشان تشتغل تقومي انتي تخليها تعمل حاجه تافهه وتسيب الشغل دا مالك يعملهم بصباع رجلو الصغيرتقصد ابن عمتي الصغير في الصف الاول الابتدائي وهو لمض دائما
ردت عمتي بكل برود لاغاظتها
-ياستي ماهو صحيح اي حد ينفع يعمل الاكل بس مش اي حد عندو نفس سلمي
-لكن دا كده كده اكل جاهز نفس ايه في طعميه وبتنجان وعيش وجبنه ها قولي وان كانت بصله يعني هاتحط نفسها في ايه دا اذا كان نفسها حلو اصلا
-بصي مجرد انها تحطوا بصوابعها السكر دي الاكل هيكون ليه طعم تاني
-لا والله طب اذا كده هاتي اعملوا انا وهي تعمل مكاني علشان تبارك اللوبيا وتتباع بسعر احسن
-شايلينك للتقيله اما عن البركه بمجرد انها جات فالبركه جات معاها
تنهدت زوجة ابي قائلة:
-طب الشويه دول كانت هي عملت فيهم اي حاجه
اساسا انا كنت احاول ان اذهب منذ ان قالت لي عمتي بان اجهز الطعام لكنها كانت تمسكني من يدي متعمدة اغاظه زوجة ابي التي لا انا ولا عمتي نكرهها لكن لا انا ولا عمتي نحبها ايضا واخيرا تركت عمتي يدي وذهبت لتحضير الطعام فوجدته موضوعا والشاي وجدت ابناء عمتي اياد وياسر وخالد يعدونه فتعجبت وقلت
-ايه دا انا كنت جايه احضروا
-فرد ياسرماهو اياد اقترح علينا نحضروا
-ياخسارة دي كانت حجه ليا علشان مااعملش شويه وعلشان اقعد بعيد عن ماما شويه
-فرد اياد:ما أنا عارف علشان كده حضرتوا وهي كده كده مش شايفه حاجه وتعالي انتي اقعدي معانا شويه
.............................................

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 28-03-2018, 08:10 PM
صورة Sara Mahmoud0 الرمزية
Sara Mahmoud0 Sara Mahmoud0 غير متصل
©؛°¨غرامي جديد¨°؛©
 
Upload1120a2f436 رد: رواية زدت همومي هما جميلا/بقلمي


اعجبتني الفكرة كثيرا وسرعان ما جلست معهم لكنني تذكرت انني لم اسلم علي ابني عمتي ياسر وخالد فقلت لهم
-انتوا ياحلوين مش تسلموا علي بنت خالكم ولا ايه كأننا بنتقابل كل يوم يعني
فرد ياسر الذي هو ثاني ابناء عمتي في كلية الهندسة طيب القلب متواضع الا عن قليل من الكبر انتابه بعد التحاقه بكلية الهندسة اسمر الشكل لكنه ذا ملامح جميله ايضا قال
-ماهو اياد قالي اقعد معاه لحد انتي ماتيجي وبردو خالد
فرد خالد الذي هو ابيض الوجه جميل الشكل مرح جدا متباهي وواثق بنفسه ليس مغرور يؤمن بقلة قدراته العلميه وهو معي في الصف الثالث الثانوي قائلا
-ياسلمي يعني هو لو سلمنا عليكي هنكسب ايه (قالها بمرح)
فقلت بغضب مصطنع
-لا والله بقي كده
-خالد:ياما خوفتيني انا اترعبت
-سلمي:وانا ماقلتش حاجه تخوف ولا انا عفريت واقف ادامك
-فقال بكل برود:ماهم بيقولوا
-قال اياد وهو يضحك ويستهزئ قائلا:يابني انت مش هتبطل تخانق البسكوته بتاعتنا خاف لتتكسر
-خالد:ماتتكسر نجيب ميه بدالها
-سلمي:طب ماشي انا ماشيه رايحه عند عمتي
-خالد:اجي اوصلك
بينما اياد يقهقه
ياسر:حرام عليكم انت وهو اقعدي يابسكوته قصدي ياسلمي
وهنا انفجرنا ضحكا ثم قلت له
-حتي انت ماشي والله لاوريكم ياعمتي...ياعمتي
فرد ثلاثتهم: بس الله يخربيتك هاتقوليلها هاتقول لابونا هايقوم يفضل يشتمنا
-فرفعت رأسي خيلاء قائلة :اخرسوا والا هااقولها لكن عمتي كانت قد سمعت صوتي فقالت
-خير ياسلمي خلصتي
فلم اجد بدا من قول نعم فقالت
-خليكي انا جايه انا وامك
-ماشي ياعمه
بينما عقب خالد قائلا:من حفر حفرة لاخيه.......
-بس يالا هااقوم اضربك
-ياي هتبوظي برستيجك
-طب ايه رأيك وبالشبشب كمان
-اياد:الله دي هاتكون مسرحيه جميله اوي
ياسر:واحنا جمهور بلا تذاكر
قلت وانا شبه غاضبه:هاتخرسوا ولا اقوم
بينما قام ياسر وجلس بجانبي وقال:ماتزعليش احنا بنهزر معاكي انتي عارفه اد ايه احنا بنحبك وبنحب نهزر معاكي
-قلت وقد نسيت غضبي نهائي:ماهو انتوا بتغلسوا عليا اوي حب ايه ده(بنبرة استهزاء)
-خالد:ابقي اتكلم عن نفسك ياياسر انا احب فردة جزمه انفعلي منها
-فقلت له ببرود شديد:ومين قال اني اتشرف بحب سيادتك ليا هه فاكر نفسك حاجه يابتاعه انت
-خالد:لا فاكر نفسي حاجتين هههههه
وهنا وصل مالك وقال:انت حاجتين ايه هما ياريت يبقوا شاي وسكرساعتها هاتكون نافع اوي
ضحكنا جميعا فوجدت الفرصه سانحه لتكرار جملته فقلت
-من حفر حفرة لاخيه......
-خالد:مالهاش مكان هنا (وهو يقوم ويمسك بمالك بخفه ودعابه)
بينما حضر زوج عمتي الذي كان يعمل هناك فلزمنا الصمت فقال
-سلمي خلصتي ولا لسه
-الاكل ايوه والشاي ع النار لو عايز تصب يعني
-فغمز لي خالد وهو يقول:ياكداااابه(قالها وهو يتصنع الاندهاش)
-زوج عمتي:مها...ام مراد (يقصد عمتي وامي)يالو علشان ناكل بسرعه
فقالت عمتي وهي تنفض نفسها هي وزوجة ابي
-جايين اهو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 06-04-2018, 02:28 PM
صورة Sara Mahmoud0 الرمزية
Sara Mahmoud0 Sara Mahmoud0 غير متصل
©؛°¨غرامي جديد¨°؛©
 
Upload1120a2f436 رد: رواية زدت همومي هما جميلا/بقلمي


وجاءت عمتي وامي وشرعنا في تناول الطعام وانا في صمت تام بينما الجميع يتكلم الي ان قامت زوجة ابي وزوج عمتي فبدأت اضحك معهم واشاركهم الكلام انا وخالد نتناقر وياسر احيانا في صفي واحيانا في صف خالد اما اياد فقد كان شاردا تماما وقام دون ان ينطق بكلمة الا ان قال عندما اعطيته الشاي وتذوقه
-تسلم ايديكي ياسلمي
وهو ينظر نظرة طويلة ثم يمضي في سبيله بينما ياسر حاول الحديث الا ان خالدا قال مايجول في خاطري
-خالد:ماله اياد حالو اتقلب كده ليه
ياسر وهو يفهم اياد هما صديقين دونا عن كونهما اخوين يحكي اياد لياسر كل شئ هذا ماقاله اياد ذات مرة بان ياسر هو اكثر انسان يأمنه علي اسراره فقال
-سيبكم منه هو شويه وهايروق
-خالد:يعني انت مش عارف ماله
-ياسر:هو كده زيي ماانت عارف بيتقلب مزاجه كل شويه يمكن بيفكر بالشغل انت عارف انه في اجازة نص السنه وعاوز يشتغل يومين قبل الكليه مرة تانيه
-خالد:ياااااه داانا نسيت الاجازات دي خالص طبعا ياسلمي حاسه باللي انا حاسه
وتحول كلامنا عن الثانويه العامه الي ان نادتني عمتي قائلة
-ياسلمي تعالي عايزاكي في حاجه
-خير ياعمه
-بصي روحي البيت عندنا ادبحي بطه واعملي طبيخ
-خير ياعمه ليه؟؟
-عشان عازماكم عندنا وابوكي قال هييجي بعد الصلاه(صلاة الجمعة)وعايزين الاكل جاهز
فنظرت في ساعة تليفونها وكانت8:47 ص فقلت
-ماشي بس انا مش عارفه البيت (وانا مصدومه من العزومه)
-بقولك ايه... ابقي ادبحي الدكر مع البطه اما بما انك مش عارفه البيت اياد هيوصلك لانه مروح
صعقت فانا اتحاشاه ماذا وان كان سياخدني هو الي بيت عمتي الذي يبعد عن الارض كما انه سيظل هناك وانا اطبخ يالها من مصيبه وبينما انا افكر اذا باياد يناديني
-ياسلمي يالا مش هاتروحي عشان اوصلك ف طريقي ولا ايه
-حاضر جايه اهو سلام ياعمتي حاجه تانيه قبل ماامشي
-وعليكم السلام بس خلي بالك من نفسك كويس اوعي تحرقي نفسك
-ههههه لا والله هو انتي مش عارفه اني كبيرة مش عيله صغيرة علشان تستخدمي معاها الاسلوب ده
-طب ورينا الكبيرة دي هتعمل ايه
-ماشي انا هاوريكي وهعمل الاكل بس في مشكله
-ايه هي بقي هتبدأي تتلككي ولا ايه
-لا بس اكلك حلو اوي مهما حاولت مش هايعجبهم غير اكلك انتي
-ايوه كليني بالحبتين دول
بينما اياد يأتي ويشدني من ذراعي بخفه وهو يقول
-يا أمي يعني ماحليش الهزار الا دلوقت
-يابني هو يعني انا بشوفها كل يوم
-عندك حق هي محدش بيشوفها خالص كأنها مخاصمانا
-اديك قلتها يبقي اشبع ازاي
-عامة سلام بقي يالا ياسلمي
-حاضر يالا ياعمتي سلام بقي
-سلام ياروح وقلب وعين عمتك سلام ولو اني قلت اسمها عمه مش عمتي وعمتو والكلام الفاضي ده
-خلاص ياعمه سلام
بينما اياد يجرني من امامها جرا فانا احبها كثيرا ولا املها واعتقد هي كذلك واكثر
-اياد:ايه يا سلمي انتي مش عاوزه تروحي معايا ولا ايه
-لا والله يااياد بس انا بحبها اوي
-الصراحة امي دي حاجه تانيه دي هديه ليا من ربنا ربنا يخليهالي يارب
-ماتبقاش اناني اسمها ربنا يخليهالنا يارب
-ماشي ياستي المهم
-خير يا اياد حاسه ان في حاجه عاوز تقولها بس متردد
-بصي هو انتي ليه متضايقه مني؟؟

الرد باقتباس
إضافة رد
الإشارات المرجعية

رواية زدت همومي هما جميلا/بقلمي

الوسوم
دليلا , رواية , صحة , همومي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عرش السُلطان/ بقلمي. خيال. أرشيف الروايات المغلقة - لعدم إكتمالها 53 02-01-2018 11:22 PM
رواية حلفت عليك لا تناظـر بعين غيري/بقلمي memeyah روايات - طويلة 18 03-04-2017 03:49 AM
رواية زيزفون الجنوب /بقلمي smoker_39 روايات - طويلة 73 10-08-2016 11:22 AM
رواية أنا لست سوى عاشق في زمن كثر فيه التلاعب/بقلمي الـكاتبه : إيـم الـعتيبي. أرشيف الروايات المغلقة - لعدم إكتمالها 2 14-05-2016 11:59 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 04:42 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1