Ali Almgdshi ©؛°¨غرامي فعال ¨°؛©

انا احب الصراحه. ليه بكرها
إن غبت غابت نجوم الليل بنواره

حتى النجوم البعيده كيف اعبرها
و حرر قلباه من بعده ومن ناره

وارسم لها طيف في عقلي وصورها
يسعد بها خافقي لا كثرت اعذاره

ودي اقول لك كلام وشلون أعتبرها
وشرح لك الوضع عن حالي و أخباره

كم لي مناظر لشوفك لاتاخرها
شوقي تعثر وذاق البعد وخطاره

يامنيت النفس ماضيها وحاضرها
اختارك الله لي يا طيب مختاره

الحب لك انت وحدك من يقدرها
ان كنت اهل الوفاء فانا الوفاء داره

الروح ضاقت وحبك لي يصبرها
يابو عيون من عسل ورموش سحاره

يشتاقك الورد من ريحك تعطرها
وينحني في حضورك ورد وزهاره

يالله عساك يامني روحي تنورها
بنوارك اللي عليها الناس سياره

حتى القمر في غيابه صاريذكرها
والسابحات في ظلام الليل محتاره

يامشعل النار من حبك مصادرها
حيلك.. عليا. ترى. الايام دواره

لاذقت لذة حضورك في خواطرها
تسهرعيوني وفكري ترحل افكاره

اصحى مع لهفتي والشوق ناطرها
ونظم قصيدي وفني فيك وشعاره

لعل نار الفؤاد تطفي معايرها
على تقاسيم لحن العود ووتاره

واخر كلامي انا ارجوك لاتاخرها
امطرعلينا بشوفك. جفت. انهاره

بقلمي
علي المقدشي

؛؛همس الروح؛؛ [®]همس الحروف[®]
مستشــ¸.·* غرام *·.¸ـــاري

كما عودتنا اخي على على الابداع

قصيدة رائعة

سلمت أناملك وسلم احساسك العذب

احترامي

Ali Almgdshi ©؛°¨غرامي فعال ¨°؛©

شكرا لك همس ماقصرتي ونعم فيك
نعم التربية
جزاك الله كل خير وعافية

Moon21 ©؛°¨غرامي مشارك¨°؛©

سسلمت يمينك خيي..

Ali Almgdshi ©؛°¨غرامي فعال ¨°؛©

بورك فيك اختي الطيبة
مرورك شرف كبير اعتز فيه
جزاك الله خير الجزاء
Moon21

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1