غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 91
قديم(ـة) 20-07-2018, 10:41 PM
mrm94 mrm94 غير متصل
©؛°¨غرامي جديد¨°؛©
 
الافتراضي رد: رواية إذا ما عشت بدنياك أميراً فخذيني إليهـا أسيراً/بقلمي


يعطيش العافية

بجد الرواية تجنن تسلم الايادي ❤💕

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 92
قديم(ـة) 21-07-2018, 10:18 PM
g_rwa12 g_rwa12 غير متصل
©؛°¨غرامي مشارك¨°؛©
 
الافتراضي رد: رواية إذا ما عشت بدنياك أميراً فخذيني إليهـا أسيراً/بقلمي


اقتباس:
المشاركة الأساسية كتبها }{!Karisa!}{ مشاهدة المشاركة
السلام عليكم
يعطيج الف عافيه حبيبتي انا قريت لك اول روايتين و الحين ببلش بالثالثه
طبعا هذا صار بعد انقطاع طويل

ما ادري شلون اوصف لج مع اني كنت احب الكتابه كرهت قراءت الروايات بس ما بعد ما قريت اسلوبج مسكت اللابتوب وكتبت بعد انقاطع سنين

يعطيج الف عافيه و في انتظار اكتمال الروايه الثالثه
الله يعااافيك يسعدني وربي انك تقرين رواياتي المتواضعه واسلوبي البسيط
مقارنه بـ ابداااعك وجمل قلمك
وبعد روايتك الموت ماهو انك تكفني

اللي جلست فتره اسيرة لحروفها ذكاء فيها
وننظر جديدك بشغف
و تقدرين تكلمين الرواية بحسابي على انسقرام كامله
@g_rwa12
وتشرف فيك وفي الجميع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 93
قديم(ـة) 23-07-2018, 06:24 AM
ِS My Love ِS My Love غير متصل
©؛°¨غرامي جديد¨°؛©
 
الافتراضي رد: رواية إذا ما عشت بدنياك أميراً فخذيني إليهـا أسيراً/بقلمي


ابداع يا غلا ابدااااااااااع يا المتميزة ..متى تنزل بارتاتج في اوقات محددة ولالا ؟؟ وشو اسم رواياتج القبلية اللي نزلتيها ...

وبالتوفيج لاحلى الثنين في الرواية جود ومشاري الله يلم شملهم على خير ويفكنا من الشبح وربعه ...

وكل التوفيق وكل الشكر غاليتي لج....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 94
قديم(ـة) 23-07-2018, 02:52 PM
g_rwa12 g_rwa12 غير متصل
©؛°¨غرامي مشارك¨°؛©
 
Uploadfef5c031fd رد: رواية إذا ما عشت بدنياك أميراً فخذيني إليهـا أسيراً/بقلمي



• #الاسـيـ⛓ـر ----
ابتسم هو يشوف هاري واقف معه..رجال الشرطه
خفف مشيه والتفت لـ رجال المنظمه اللي
وقفو ركض..من شافو رجال الشرطه..
رفع يده لهم يلوح فيها وغمز لهم/ابلغو سلامي لـ شبح
ابتسم بنتصار..
وتوجهه لـ هاري.. هاري/هل انت بخير!؟
مشاري/اجل..
هاري رتبت على كتفه/جيد..لقد حولت المبلغ لحسابك البنكي السعودي..
الشرطي يقطعهم/اكملو حديثكم..عندما تصعدون لطائرة...
مشاري مد يده وصافح رجال الشرطه/شكراً لكم..انا ممتن جداً لكم
واحد منهم ربت على كتف هاري/هاري زميل لنا..لم نستطيع رفض طلبه عندما طلب دعمنا..عليك ان تسرع قبل ان يصل بلاغي لرجال الشرطه ويتم منعك من السفر.. وتتم معاقبتنا..
هاري مشاري ودعوهم وصعدو لطائرة اللي كانت على وشك الا قلاع الى نيورك..
--
جلسو على المقاعد ربطو الاحزمه..
هاري/شعور جيد بأن اسافر دون حقيبة السفر
مشاري اللي تنهد براحه
من تحركت الطائرة /اجل ههههههههه وكانت فكرة رائعة بأن تستدعي اصداقك الشرطه لتخيف رجال الشبح
هاري/لولا وجودهم لكنت في عداد الموتا
ابتسم مشاري لـ هاري بمتنان اللي ساعده كثير..
جهز البحث اليوم في cd وزرد هارن cd برنامج الحذف التلقائي وحدد وقت الحذف..مع فايروس في حال حاول احد يوقف الحذف...يتم اتلاف الجهاز..ما ان سلموه الفلوس مقابل البحث اعطاه هاري اللي وصله للبنك وحوله لحسابه السعودي عشان يكون من الصعب استرجاعه ...مثل ما توقع ان شبح بيرسل رجاله خلفه..لذلك طلب مساعده غير رسميه من اصدقاء هاري من رجال الشرطه هو انهم يلبسون زيمهم الرسمي رغم ان اليوم إجازتهم..لانه لو طلب مساعده رسميه او بـ الاصح قدم بلاغ انه تحت التهديد من منظمه بلاك كان راح تنقلب السالفه ضده وجوسيس المنظمه اللي في كل كان يوصلون لهم انه مقدم شكوه وطلب للحمايه....
هاري ضحك /هههههههههه لم اراك من قبل تبتسم لمدة طويله ها كذا!؟
مشاري/هههههههه انـت ايضاً تقول هذا!؟ الى هذا الحد انا املك وجهه عابس!؟؟
هاري/هههههههههههههههه انت العبوس بذاته



• #الاسـيـ⛓ـر •••
هاري/هههههههههههههههه انت العبوس بذاته
مشاري قوس شفايفه/هاري...لا تفسد علي سعادتي بنتقاداتك
هاري ضرب فخذ مشاري/ابتسم ابتسم فوجهك اكثر وسامه عندما تبتسم...
مشاري بستعباط ابتسم بقوه واظهر اسنانه وقرب من وجه هاري ثم مد لسانه
هاري رفع يده لوجه مشاري وابعده عنه/يبدو انك ستصاب بـ الحمى...
مشاري/هههههههههههههه
هاري/عبدالعزيز اين هو!؟ اخشى ان يصبو غضبهم عليه
مشاري/لا تخف...عبدالعزيز غادر لسعوديه
هاري بستغراب/ما عمله في السعوديه..الذي اعرفه بانه لا يحب الذهاب إليها ابداً
مشاري هز كتوفه/لا اعلم رفض ان يخبرني..يبدو بأنه يخطط لعمل شي ما
هاري/اخشى ان يفعل مشكله مع والدك!؟
مشاري/لا اعتقد ذلك..
----
قبل اسبوع...
الساعه٨:٠٠م
وقف قدام باب البيت
نقل نظراته بين جواله اللي فيه اللوكيشن لموقع البيت ..وللبيت..
حرك رجله بعبث ودق الجرس..اتكى على طرف الباب
نظراته تدور على الغير مستوي..يتخلله الرمل..والبيوت الغير مرتبه بشكل واحجام مختلفه فيها
العماير وفيها البيوت الشعبيه ..و وجهه التشابه بينهم هو النخل الموجود داخل كل بيت..للبقاله الصغيره بطرف الحاره و الاطفال يلعبون بدرجاتهم حولها..
مختلف هذا المكان على معتاد عليه..
بمناخه وطبيعه وشوارعه وحتى اللغه التى كان نادراً ما يسمعها تتردد على مسامعه..
نزل نظراته لطفل اللي يشد طرف بنطاله.. واقف بثوب كحجمه الطفولي باطرافه مغبره بسبب اللعب..
الطفل برجوله وصوت مصطنع للخشونه/وش موقفك هنا ياصديق!؟ عقد حواجبه..بستغراب
الطفل حك جبينه/انت فيه معلوم عربي!؟ ليش انت فيه يوقف هنا
نزل لمستوى الطفل بضحكه/وانت وش دخلك!؟
الطفل/اخس ذا الفرنجي تحسي عربي؟!
حك دقنه/ليه شايفني بنقالي!؟
الطفل /لا امريكي .."اردف بحده"ما قلت لي وش عندك هنا!؟؟؟
وقف ودخل يده بجيبه/هذا بيت ابو مفلح!؟
الطفل/ايه وصلت.
دق الجرس مره ثانيه/ابي راعي البيت..
الطفل /ابوي مو موجود
التفت له/ابوك!؟؟وش اسمك انت
وقف على اطرف اصابعه مد يده للباب وفتحه/اسمي صالح...اقلط في المجلس الين يجي ابوي
دخل خلف صالح للمجلس..
جالس وصالح دخل يركض وينادي بصوت عالي/القهووه يا ولدددد القهوووووه
-----
-----




• #الاسـيـ⛓ـر -----
جالس وصالح دخل يركض وينادي بصوت عالي/القهووه يا ولدددد القهوووووه
رفع رجل على رجل وابتسم
رجع له صالح وبيده صينيه القهوه اللي بعافيه يشيلها
نزلها على الطاوله ورفع الدله وصب له فنجال مده له..
وبعيونه نظرات انتقاد للابس وجلس الضيف..
اخذ الفنجال منه/ابوك بيتاخر!؟
صالح/لا..على وصول
وصل لسمعهم صوت فتح الباب تبعه صوت
ابو مفلح بعصبيه/فاتح ماء في النخل!؟ ماء واصل لـ اخر الشارع.. كاني جايب الماء من البحر
صالح نزل الدله وركض لـ ابوه قبل يهاوش ويرفع صوته اكثر/يا يــبه عندنا ضيف
ابو مفلح يقصر صوته/منهو!!؟
صالح بنتقاد/والله ما اعلم..لا كان مهوب من عربنا
ابومفلح يدف ولده/راح عند امك خلها تقفل الماء اللي راح في الشارع..
دخل ابوملفح وبصوت جهوري/ارحب يا رجال
نزل الفنجال و وقف/سلمه
ابو مفلح بعد ماسلم عليه اخذ فناجله
وصب له مره ثانيه/يالله ان تحيه...
اخذ الفنجال/الله سلمك
ابومفلح سكت للحظات ينتظر الضيف الغريب يعرف عن نفسه..لا كن انتظاره طال ورجال اللي قدامه ما دخل مزاجه ابد ..خاصه من شافه يمسك الفنجال مره بيمينه مره بيساره..
نزل الفنجال بعد ما حس بنظرات ابو مفلح عليه..
عدل جلسته والتفت عليه/انا جايك وطالب القرب منك..ابي اخطب بنتك انهار
ابو مفلح مسح لحيته يحاول يضبط اعصابه/وجاي تخطب ينتي لحالك!؟وين ابوك وربعك!؟من انت عليه!؟
ريح ظهره على الكنبه/معك عبــدالعـزيــز بن بندر الـ رامز
ابومفلح عقد حواجبه/ولد بندر!؟؟ انت من عيال الاجنبيه!؟؟
عبدالعزيز/ايـه
ابو مفلح وقف بعصبيه/شربت فنجالك!؟ها توكل على الله ما عندنا بنات لزواج
عبدالعزيز ضحك بسخريه/هههههههههههه ابو مفلح..اجلس اجلس..مفروض تشكرني اني جاي استر على بنتك
ابو مفلح فتح عيونه وشرار يتطاير من عيونه/قوم يا ولد بندر من مجلسي..اللي لولا وجودك فيه كان ثورة فيك
عبدالعزيز/وانا صادق..ما بتحصل احد يتزوج بنتك ويرضى فيها غيري...
ابومفلح هجم عليه مسكه من ياقته و وقفه بقوه/والله يادمك انه مسفوك انـ




• ابومفلح هجم عليه مسكه من ياقته و وقفه بقوه/والله يادمك انه مسفوك انـ
عبدالعزيز بحده/بتسفك دمي!؟ مثل ما سفكت دم صقر اللي حافظ لك على عرضك اللي انتهك ولدك
ابوملفح لكمه على وجهه بقوه وركله
برجله على خصره/اياا الخسيس تطعن بعرضي وبمجلسي "رفع رجله بيضربه مره ثانيه
عبدالعزيز تجنب ركلته و وقف بسرعه/وانا صادق ما قلت لك الا الصدق..و اسال بنتك..
ابومفلح يتنفس بسرعه و وجهه احمر
ركض لـ داخل البيت هو يصارخ بصوت مرعب/انهاار
دخل عليها غرفتها وهجم عليها..
سحبها من شعرها وضرب راسها في الجدار اكثر من مره وهي من الفجعه عجزت تصارخ
ابومفلح صارخ بصوت تتخلله الرجفه/من اللي اعتدى عليك يا الخبيثه يا الــ****** هاا تكلمي
انهار على كثر ما فجعها الضرب الا ان كلام ابوها هزها لدرجة حست فيها بموت..
ابو ملفح دفها على الارض ورفع العقال ونزل فيها ضرب..
دخلت ام مفلح وهي تصارخ تحاول تمنع بنتها من الموتتت
صالح واقف في الزاويه يبكي..
دف ام مفلح معها وصار يضرب فيهم/تحاكي الله يحك نحرك..يا الـ***** من متى وانتي تعرفين عبدالعزيز بن بندر ولا وتتبالين على اخوك اللي مات وشبع موت
تبين توطين راسي بين القبايل ..



• ف ام مفلح معها وصار يضرب فيهم/تحاكي الله يحك نحرك..يا الـ***** من متى وانتي تعرفين عبدالعزيز بن بندر ولا وتتبالين على اخوك اللي مات وشبع موت
تبين توطين راسي بين القبايل ..
دخل يده في جيبه وطلع خنجره فتحه هو معاد يشوف قدامه شي من القهر..لا كن قبضه اقوى منه دفعته بقوه للخلف
عبدالعزيز بصراخ/لا تمد يدك على زوجتي
ابو مفلح رفع الخنجر وبصراخ اعلى/والله ان تموت وهي وراك
عبدالعزيز مسك كل من ايديه بقوه ودفعه على السرير/قلت لك سالها ما قلت لك اذبحها
ابومفلح /فكني يا الـ*****
عبدالعزيز بدون ما يلتف على انهار و امها/من اللي اعتدى عليك يا انهار!؟؟
انهار وهي قلبها اصبح شبه ميت
رفعت جسمها عن الارض وهي مدرك ان بعد الكلام اللي بتقوله بكون هو اخر يوم لها.. لا كن معاد يهمها
الموت ارحم لها من اللي هي عايشه فيه
وبصوت خالي من اي نبره/مفلح و صقر بن مساعد الـ قايس عرف عشان كذا ذبحه لان مفلح كان ناوي يعتدي عليه اكثر من مره
ام مفلح ضربتها على صدرها/اصصصه اصصصه الله ياخذك تتبلين على ولدي اللي مات وشبع موت
ابو مفلح وطاقته في انهيار/بذبحك بذبحك وشرب من دمك
انهار مسكت يد امها و وقفت/اذبحني تكفى اذبحني..لا كان قبلها بوريك ان ولدك اللي قومت الدنيا وقعدتها عشانه هو اللي وطى راسك مو انا..
فتحت الكبت وطلعت صندوق قديم منه..
واخذت منه جوال قديم..فتحت الجوال وعلى برنامج الواتس فتحت محادثة
مفلح وعلى اخر التسجيلات الصوتيه اللي ارسله لها..
مفلح بصوت خبيث/هههههههههههههههههههههه فرحانه ان صقر خطبك!؟؟؟؟وابوي وافق!؟؟وش رايك اقول له انك كنتي لي قبله!؟؟ واني "******* "ههههههههههههه ما اقدر اتخيل وجهه صقر ههههههههههههههههههههههههه ايه روحي تجهزي الليله يا*******







• ام مفلح زحفت على الارض حتى وصلت لـ صالح وسحبته لحضنها وهي تغطي اذنيه وهي تتنفس ببطء من هول الصدمه
عبدالعزيز ترك ابو مفلح اللي ارتخى بين ايديه
ورفع يده فوق راسه يضربه بقهر ...
ابو مفلح بصوت مبحوح/ام صالح خذي صالح وبنتك واطلعو..
انهار نزلت الجوال وسند امها وطلعو من الغرفه..
بعد مرور ربع ساعه يحاول يستوعب هوال المصيبه اللي نزلته على راسه/من غيرك يعرف
عبدالعزيز بهدو/صقر اللي ذبح ولدك عشان يمنعه من التمادي على محارمه..ابو صقر وناصر وانا بس
ابومفلح ضرب راسه بفجعه/والله اللي انفضحنا بين القبايل
عبدالعزيز/لو كنت بتنفضح بين القبايل كان انفضحت قبل اربع سنوات في اليوم اللي قصو بـ صقر..صقر اللي فضل الموت على فضح بنتك وابو صقر اللي رضى بموت ولده قدام عيونه عشان يستر بنتك..ولا وفوق هذا صقر موصي اخوه ناصر يتزوج بنتك ويستر عليها..على كل اللي سويته فيهم الا انهم يبون الستر لبنتك
ابومفلح اللي عااجز عن الكلام
عبدالعزيز يكمل/انا جيتك لـ امرين الامر الاول وهو اني اتزوج بنتك واستر عليها..الامر الثاني من بكره تجمع وجيه القبايل وتلفي على قبيلة الـ قايس وتطلب منهم الصلح
وقف ابو صالح واستند على كتف عبدالعزيز/خذني تكفى لـ ابو صقر خذني له
عبدالعزيز تنهد بضيق وقف واسنده/وش لك بمراح له من بكره روح له انت الحين تعبان ارتاح ونام من بكره روح له
ابو صالح/يحرم على عيني النوم قبل اطلبه يسامحني اخذني له
-----



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 95
قديم(ـة) 23-07-2018, 02:56 PM
g_rwa12 g_rwa12 غير متصل
©؛°¨غرامي مشارك¨°؛©
 
Uploadfef5c031fd رد: رواية إذا ما عشت بدنياك أميراً فخذيني إليهـا أسيراً/بقلمي




• 10....
الساعة ٩:٠٠م
فتح ناصر المجلس بعد ما رجعو من صلاة العشاء وجهز القهوه
ابوصقر/أحد بيجي يا ابوك
ناصر تنهد/ادخل المجلس يا ابوي في رجالاً يبيك بيجي بعد شوي
ابو صقر دخل المجلس /من هو!؟ وعلامك تتنهد!؟
اندق الجرس وتحرك ناصر للباب
ظبط اعصابه هو يشوف ابو ملفح واقف عند الباب و وراه عبدالعزيز..فتح الباب بـ الكامل و ببرود وبدون ما يرحب/ادخلو ابوي في المجلس
دخلو للمجلس
وقف ابوصقر على عصاته اللي اهتزت بين ايديه هو يشوف ابو ملفح رفع عيونه لـ ناصر بعصبيه
ابوملفح تقدم من ابو صقر بخطوات سريعه وبصوت تتخلله الرجفه/داخلن على الله ثم عليك ياابوصقر ان تستر علينا وان تسامحني
ابو صقر صد عنه هو ينتفض من الالم اللي اشتب بصدره وصورة صقر هو ينقتل تنعاد عليه
ابومفلح مسك يد ابوصقر اللي على العصى /اني طالبك يا ابو صقر ان تسامحني..والله لو اني على علم بسوا ولدي الرديه كان ذبحته انا بيدي سود وجهي الله يسود وجهه دفن وجينا بتراب عسى قبره عليه حريقه..
رفع يده على عيونه اللي تملها التجاعيد ويكسوها الانكسار وبكى بحسره
ابوصقر سحب يده من ابو مفلح/طلبك في الستر فـ ابشر به الان لو بفضحك واكشف عرضك كان سويتها قبل تقصون بـ ولدي..ما سترنا عليكم الا نبي من الله يستر علينا في يوم لا ظل الا ظله..وغيره ما لنا قدره عليه...
ابو مفلح رفع راسه /نخيتك يا ابوصقر ان تقبل الصلح..وتخليني الفي عليك انا و وجهيه القبيل ونصلح في ما بيننا لعلي اقدر ارجع شي من اللي سويته فيك وقبيلتك
ابوصقر بحده/انت في عقلك!؟؟ وكيف بتطلب الصلح وتجيب لنا وجيه القبايل و ولدي اللي ذابح ولدك وش بتتعذر به عند ربعك!؟ اطلب الصلح من اللي قصيت بولدهم!؟ ابومفلح /انت بس اقبل اني اللفي عليك والباقي خله علي..
ابوصقر صد عنه /ان طاوعوك ربعك في ما اقول
ابوملفح بخجل /لكن قبلها ابيك تسامحني وجميلك برقبتي ليوم الدين
ابوصقر/تطلبني فوق طاقتي فوقها..ويكون بعلمك اني ما قبلت بصلح الا عشان شي واحد بس هو النسب اللي بين القبيلتين واللي انقطع بطلاق
ابو ملفح نزل راسه /بنكون عندكم بكره بعد العشاء..
ابوصقر لا رد
ابومفلح تحرك لخارج المجلس هو يجر رجوله جر
وصلهم ناصر للباب..
عبدالعزيز ربت على كتف ناصر
ناصر ابتسم له/ما قصرت ياعز
عبدالعزيز/ولو بخدمه..خلك مع ابوك لا يرتفع عليه السكر
ناصر /مع السلامه
عبدالعزيز طلع هو يلوح له بيده بـ "مع السلامه""
دخل ناصر لـ ابوه
اللي كان متكي براسه على العصى
ناصر/يـبـه!؟
ابوصقر/ناصر اطلع لا امسدك بذي العصى




• ابوصقر/ناصر اطلع لا ارسدك بذي العصى
ناصر مسح وجهه بضيق
اكيد متضايق منه لانه هو اللي جاب ابو ملفح وقال له عن سبب قتل صقر لـ مفلح بس هذا الشي كان عجلاً او اجلاً بيصير وبيعرف ولازم الوضع بين القبيلتين ما يستمر اكثر من كذا
---
---
فعلاً من اليوم الثاني
جمع ابو ملفح وجيهه القبائل وعلى راسهم قبيلة الـ رامز..وكبارها
وبعكس ما كان يتوقع ابو مفلح بانه بيوجه صعوبه في اقناع قبيلته بصلح..لا كان الوضع كان العكس تماماً
وإذ بهم هم انفسهم كارهين اللي يصير بينهم وبين قبيلة الـ قايس ..
بعد صلاة العشاء ألفت قبيلة الـ رامز من معهم من وجيه القبائل على قبيلة الـ قايس اللي كانو في استقبالهم .. في احد القاعات الموجوده في الديره..
وتم الصلح بينهم.. وكان شي اتفقو انه يرجع مثل ما كان هو الحريم اللي تطلقو من ازواجهم بسبب الخلاف اللي بين القبيلتين
_______________•*^
---------------"
-
-
الساعة12:30 الليل

تفرك يدها ببعض
وبين كل دقيقه والثانيه ترفع عيونها لساعة الجداريه..
كان مفروض يوصل من عصر والحين
اخر الليل و هو لا وصل ولا اتصل
لا يكون صار له شي !؟
ولا ما سمحو له يغادر اللمانيا؟؟
ولا انسجن!؟؟ لا لا اعوذ بالله منك يا بليس
جالسة بيأس..وضيقه
وزاد خوفها هدوء وظلام الشقه و الكل نايم...
الوقت يمر ببطء شديد...
اسندت راسها على الكنبه ورفعت رجولها لحضنها..
غمضت عيونها..والافكار السوداويه تغزي عقلها...
حتى نزلت دموعها بحزن شديد سيطر على نفسها..
هو وعدها وعددددها بصدق انه يكون معها الليله..
وينه الليل قرب ينجلي ..
-----
الساعة 4:00الفجر
انفضت من غفوتها بزعه
مها تحضنها/بسم الله عليك..ليش نايمه هنا!؟
رفعت راسها لـ امها/كم الساعه!؟الحين
مها/اذن الفجر..
تقوست شفايفها ببكى
مها تجلس على ركبها قدمها/يمه جود وش فيك!؟
جود تنحني على امها وتحضنها وبكت/ما جاء اذن الفجر هو ما جاء قال بيجي اليوم والله وعدني
مها/من زوجك!؟؟
جود تهز راسها بـ ايه
مها ربتت عليها /تعوذي من البليس وقومي صلي الفجر..والغــايــب عــذره مــعـه





• الغــايــب عــذره مــعـه
اي عذراً سيكون لك!؟
واي اعذر سيجبر قلبي لصفح عنك!؟
اي عذر استوجب غيابك كل هذا الوقت!؟...
اسبوع كامل مر على وعده لي
اسبوع على اخر مكالمه له معي!؟
يغيب متى ما اردا
ثم يعود ثم يهجر ثم يحن
و انا هي ذاتها الفتاة الساذجه
التى ترتمي اليه في كل مره!؟
رفعت عيونها لصوت الندا الاخير..
لرحلة المتوجه للمملكة العربيه السعوديه..
نعم سنعود الي الديار
لا كان هذه المره تختلف
هذه المره امي هنا ..رفعت عيونها لـ امها ابوها ومناف
ثم الى ملوك الفرد الجديد في العائله...
لتفتت للمره المليون و الاخيره
للخلف تنظر لوجيه المسافرين بـ اجناسهم واللوانهم المختلفه..تبحث عن تفاصيل ذالك الوجه بينهم..
وترهف سمعها لعلها تسمع صوته
المناااادي لها...
لا كان الصوت الوحيد المنادي لها هو صوت ولدها...
جرت خطواتها بخيبه...
صعدت الطائره ...
جالست في المقعد وربطة الحزام..
رفعت عيونها لـ مناف ملوك اللي يجلسون في المقعدين اللي امامها..ولـ امها وابوها في المقعدين اللي امام مناف و ملوك...
وهي لا رفيق لها في المقعد المجور لها...
ارتخت بجلستها وهي ناويه يكون النوم رفيق سفرها..
وقبل تغمض عيونها
رفعت جوالها بتقفله .. الا كان وردتها رسائله
نصيه من رقم "مجهول"
فتحت الرسائله"الانسه جود...اذ كنتِ تريدين مقابلة السيد ناتان فتوجهي فوراً الى العنوان التالي..
توسعت عيونها بعبوس وتفكير..
وشك فتحت على اللوكيشن المرسل لها..
وكان لمستشفى قريب من المطار..
انتفض الجوال بيدها
وقفت بتفكير مشوش..مستشفى مستشفى!؟؟؟؟؟ اخذت شنطتها تحركة بسرعه بتنزل من الطيارة
لا كان يد مناف جرتها بقوه ولتفها له/وين وين!؟؟
سحبت يدها منه /مستشفى هو
مناف بتوجس من نظراتها الغريبه ورجفتها/بنت وش تخربطين!!؟ جووود
تعلقت بيده /بنزل نزلني بروح له
مناف /من هو!؟ انتي اهدي عشان افهم وش تخربطين به!؟
جود اهتزت شفايفها والبكوه اعجزتها عن الكلام
مناف يهديها/يللا بننزل..
لتفت لـ ابوه/يبه مشاري في المستشفى..بنزل ونشوفه وبكره على اول طيارة بنلحقكم
مقرن وقف/خير!؟ وين تنزل انت صاحي!؟
مناف اشر لـ ابوه على جود اللي ترجف من البكى على حبسته..
مقرن تنهد/انزلو وانتبه عليها..
مها /استودعت بكم الله



• نزلو من الطياااارة
وجود تركض ركض ومناف يحول يحد من سرعتها بمسكه ليدها...
خرجو من المطار واخذو لهم تاكسي
مناف/عطيني جوالك الشوف الرساله اللي وصلتك
جود فتحت له جوالها على الرساله
اخذفه وقراء الرساله وتاكد من الموقع
مناف بتفكير/من هو اللي مرسل الرساله!؟رقمه مجهول!! وليش ما ارسل لك مشاري بنفسه!؟؟وليش بدل ما يتصل ارسل الرساله!؟؟ ونصيه بعد كان بأمكانه يرسلها لك واتس
جود بعدم تفكير/مدري
مناف بشك/اخف يكونون من المنظمه وناوين يخطفونك!؟ويهددون مشاري عن طريقك!؟؟
جود هزت راسها بشوشره/لا تخوفني تكفى
مناف /لو كان بس معنا سلاح
جود /لو تسكت !؟ ارحم
وصلهم للمستشفى اللي ارسل لهم..
نزلو وهم يتلفتون من حولهم
بتوجس وحذر
تعلقة بيد مناف بقوه هو تشوف الشخص
اللي قرب منهم/السيده جود!؟
مناف رجعها وراء ظهره بطريقه دفاعيه/ايه من انـت!؟؟
هاري مد يده بمصافحه/انا هاري صديق السيد ناتان
مناف رفع حاجبه/و ما الذي يثبة بأنك صديق له ولست من المنظمه!؟
هاري بصدق/اقسم لك بأني صديقة..اذ كنت لا تصدقني فتبعني لترا بنفسك
مناف بشك اكبر/اتبعك!؟؟..اذاً عليك ان تتصل به الان حتى اتاكد بأنك صديقة
هاري تافف..ثم اردف/لا وقت لدي للجدال معك..وسأثبت لك بطريقه اخرى..الانسه جود!؟
جود رفعت عيونه له/نعم
هاري/لم يعدك السيد مشاري في اخر مكالمه لكم قبل اسبوع من الان بأن تنامي بحضنه!؟
جود تعلقة بـ مناف بقوه من شدة الاحراج
مناف ألتفت لها/صدق!؟ولا تسذوب
جود دفنت وجهه في ظهر مناف وبهمس/ايه
مناف شد شفايفه لداخل فمه يكتم ضحكته/وانت وش دراك
هاري بحده/لا تتحدث الي بلغتك..وانتي اذ كنتي تودين مقابلة السيد ناتان فتبعيني
تحرك تركهم خلفه
مناف قوس شفايفه/حمق الرجال!؟
جود تسحبه وعينها على هاري/تحرك بسرعه نلحقه قبل نضيعه
مناف/يلا
تبعو هاري اللي كان يلتفت لهم بين فتره وفترة حتى وصلو للمصعد دخل ودخول وراه..طغط على رقم الدور وانقفل باب المصعد..







• حرك هاري عيونه لجود بشي من القهر..
هل هذي هي الفتاة التي استطاعت ان تغير ناتان!؟
ناتان الذي كان من المستحيل ان يتنازل عن الحقه في البحث بتلك السهوله...
لقد كان عنيداً جداً وقاوم المنظمه لوقت طويل جداً..
حتى كاد ان يودي بحياته..على ان لا يتنازل عن البحث...ولا كان منذ دخول هذي الفتاة الى عالمه تغير جداً...لدرجة انه تنازل عن البحث
مقابل الحصانه فقط..صحيح بان المنظمه لمى تحصل على البحث وحصل عليه السيد جايدن مايكل الذي لا يختلف عن المنظمه كثيراً..
وحصول جايدن مايكل او المنظمه على البحث كلهما نفس النتيجة...
الفرق الوحيد بان جايدن من اشد اعداء المنظمه..
تسليم ناتان البحث له كان فقط لينتقم من المنظمه...
على ما فعلوه به...
ما كان ليتنازل ابداً وكان ليقاوم اكثر
واكثر..وربما كان سيفوز حتى لو خسر حياته في النهايه...لا كان وجود هذه الفتاة جعلته منه يخشى
ان يتعرض للخطر من جديد وتكون هي الضحيه..
خوفه عليها ورغبة بعيش بشكل طبيعي معها في امان..
اجبرته على تقديم هذا التنزل الذي لا يقدر بثمن..
__
انفتح باب المصعد وطلع من خلفه جود ومناف..
هاري كان يتقدمهم بمشي حتى وقف عند باب للغرفة اللي يتوجد فيها مشاري..
جود تقدمت بتدخل لا كان هاري منعها/انتظري
جود بصوت باكي/مالذي اصبه!؟هل حالته خطيره!؟؟
هاري بشرح/قبل اسبوع من الان وعند خروجنا من مطار نيويورك
أصر ناتان على قيادة السيارة لوحده..
ويبدو بأن اثناء قيادة تعرض لرتفاع في ظغط الدم
ماجعله يفقد السيطرة الى السيارة وهذا تسبب له في حادثه
شهقت بقوه/
هاري يهديه/هو الان بخير..وقد استيقظ صباح اليوم وطلب مني الاتصال بك
مناف مسك جود اللي تنتفض/ما نوع اصابته!؟
هاري/كسر في الساق..وضربه على الراس..بعض الرضوض في انحاء جسده
جود افلتت يدها من مناف وابعدت يد هاري اللي على الباب...ودخلت للغرفه
امتلت عيونها دموع حتى صارت الرؤيه عندها ضبابيه بسبب الدموع...
وهي تشوف رجله معلقه ومجبسه
وعلى راسه شاش ووسط انفه لصقة جروح...
وصدره عاري وعليه اجهزة..وصوت جهاز قياس نبضات القلب ...والاكسجين على فمه وبداية انفه..
جلست على الارض وتعلقة بيده اللي فيها المغذي
بكت بنحيب وصوت بكائها العالي اللي تقطعه شهاقتها الممتتاليه..
دخل مناف بضيقه من صوت بكاءها/جود توكلي على الله وان اخوك الرجال يقول لك انه بخير
لا كان كلامه ما وصل لمسامعها
كل ما يتردد على مسامعها هو صوت جهاز نبضات القلب وبكائها...
تنهد بضيق على حال اخته وزوجها
اللي ما تهنو بلحظه من حياتهم الا وتصير مصيبه...
تحرك لخارج الغرفه..فضل انه يتركها لحالها..
وووو
••••••••







• #الاسـيـ⛓ـر ----
فتح عيونه برجفه هو يحس بوخزات بجفونه بسبب نور الغرفه..
رجع غمضها لا كان صوت الي يخرق مسامعه بشكل مستمر ويجبره على فتح عيونه..
استجابه لهذا الصوت الباكي
فتح عيونه بصعوبه للمره ثانيه وبالم اكبر..وحركها ببحث عن مصدر الصوت لكن ماشاف شي..
من !؟ من يبكي!؟
غمض عيونه بقوه..وقلبه يعتصر الماً لهذا الصوت البكي..رغم انه الى الان لم يدرك من يكون صاحب هذا الصوت...
خدر وبروده تصيب انحى جسمه جعلته من عاجز عن الحركه ..كل ما يشعر به هو الدفء الغريب في يده اليمين..
عجز عن فتح عيونه مر ثانيه..وستسلم لغيبوبته..
---
الساعة 3:30 الفجر
فتح عيونه بهدوء وسط نور الغرفة الخفيف..
رفع يده على وجهه يفرك طرف عيونه وانفه..
حول يرفع جسمه لا كان فيه ثقل على صدره
نزل عيونه لصدره..
وضم حواجبه هو يشوف الراس اللي نايم على صدره..
ابتسم بتعب ..
رغم الظلام وعدم وضوح وجهه اللي نايم على صدره..
الا انه عرف هويته..او بـ الاحرى هويتها..
من رائحة شعرها المنعشه..ودفى يدها اللي محتضنه فيها يده..
رفع يده ونزل الاكسجين عن وجهه
وبصوت مبحوح متقطع بسبب جفاف حلقه/جـ ـ ـ ـ و ود
فتحت عيونها بسرعه
وابتسمت بقوه وهي تشوفه يناظرها/مشااااري
مشاري /ارفعي راسك الثقيل..كتمتيني
رفعت راسها بسرعه و وقفت وفتحت الابجوره/انت بخير..تتالم!؟ وين اللي يوجعك
مشاري /عطيني مويه..
جود تلتفت تدور مويه واخذت علبة المويه اللي على الطاوله.. واخذت منديل من شنطتها وبللته بـ مويه..
جلست على طرف السرير ورطبت شفايفه..
مشاري ابعد راسه/لا ابي اشرب عطشان..
جود بحرص ودموع بيعونها/بعمري عنك...ما اقدر بيدك المغذي وممنوع عنك الاكل وشرب..
مشاري /مو ممنوع امس لمى صحيت اكلوني..
جود ابتسمت/صدق..لحظه انا بشربك
رفعت راسه وقربت منه المويه شرب منها شوي..بس..حتى ترططب حلقه..
رجعت راسه على المخده..بصوت باكي/انت بخير!؟
مشاري اشار لها تجلس على طرف السرير
رفع يدها مسح دموعها اللي كانت تنزل بدون ما تنتبه لها/وجهك مفقع بكى
قوست شفايفها بتبكى اكثر على منظره اللي يقطع القلب
مشاري/ابعدي عنك هالنظره من عيونك ما احب احد يناظرني كذا حتى عبدالعزيز اخوي..اللي اصلاً ما قلت له اني في المستشفى..عشان ما اشوف نفس النظره اللي بعيونك الحين بعيونه
جود اللي فهمت قصده هو كرهه لنظرات الشفقه..
ابتسمت ومسحت دموعها/انا ما ابكي عليك انا ابكي عن نفسي
مشاري رفع حاجبه/فيك شي!؟
جود صدت عنه لبعيد/اكيد فيني..الحين وش اسوي. وجهه زوجي الجميل صار مشهوه
فتح عيونه بقهر/تستعبطين
جود اخذت جوالها وفتحت الكاميرة/انت شفت وجهك في المرائيه..قربت الجوال منه
• وفتحت فلاتر السناب/حتى الفلاتر ما تغطي تشوه وجهك
مشاري رفع يده وسحبها من شعرها بخفه وقرب وجهه من وجهه /وجهي مشوهه
جود وعيونها بعيونه اللي تلمع بظلام بسبب لونها الفاتح..
عجزت تتكلم وعيونها رجعت تتمتلي بدموع
ابتسم نزل يده من شعرها لرقبتها وضم و راسها لصدره/ولا يهمك بس تعافى رجلي اسوي عمليات تجميل ونفخ شفايف بعد اذ تبين
جود ضحكت
من بين دموعها/ههههههههههههههههههههههههههه
مشاري غمض عيونه واخذ نفس عميق ودفن وجهه بشعرها
جود/اسبوع اللي راح كان بنسبه لي دهر...اعترف فيه اني كرهتك فيه للحظه توقعتك اخلفت بوعدك لي وانك نسيتني فيك او حتى تجاهلتني مثل ما كنت تسوي قبل اللي كان يمر شهور ما تتصل وتسال..وكاني مو موجوده في حياتك...وخفت عليك للحظه توقعت ان المنظمه منعوك تسافر وسجنوك..او حتى قتلوك..كان صعب صعب حيل علي ...وحتى لمى ارسل لي صديقك..توقعت انه من المنظمه وناوين يخطفوني..ما تخيلت ابداً انك بتكون في المستشفى وبهذي الحاله
مشاري ضمه لحضنه/ودي اعتذر لك على كل لحظه كرهتيني فيها او خفتي علي فيها..لكن مثل ما انتي عارفه اليوم بس صحيت من الغيبوبه..
ما اخفيك ان اول شي جاء ببالي هو وعدي لك..الان انا رجال ما اخلف بوعدي الا على موتي..فعلاً ماردني عن الوفاء بوعدي الا شبيه الموت
جود/ما ابي اعذار لاني عذرتك..ويكفي انك حي وبخير..وهذا يكفيني
مشاري مسح على شعرها وغمض عيونه/ابي انام..
جود رفعت نفسها عنه بس يده منعتها/خليك..
جود بصوت هادي..بدات تقراء ايات قرانيه عليه..
حتى حست بنفاسه تنتظم وغط في النوم
---
------
صباح اليوم التالي..
الساعة ١١:٣٤ ص
واقفه عند باب غرفته تنتظر خروج الاطباء من عنده..
طلع مناف من الغرفه وابتسم لها
جود/ها وش قالو !؟
مناف/رجالك قطو بسبع ارواح ما فيه الا العافيه
جود ضربته على كتفه/قول لا إله الا الله واذكر الله لا تصكه بعين
مناف/ههههه ماشاء الله...على نهاية الاسبوع بيكتبونه له خروج ان شاء الله
شدت يدها لصدرها بفرحها/الحمدالله الحمدالله يارب
مناف/كلمتي امي!؟؟ جود/ايه كلمتها الفجر..الحين في بيت جدي..




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 96
قديم(ـة) 25-07-2018, 11:46 PM
g_rwa12 g_rwa12 غير متصل
©؛°¨غرامي مشارك¨°؛©
 
الافتراضي رد: رواية إذا ما عشت بدنياك أميراً فخذيني إليهـا أسيراً/بقلمي







الاســـير “الاخــيـرة


جود/ايه كلمتها الفجر..الحين في بيت جدي..

مناف رقص حواجبه بعبط/ما قالت لك اللي صاير بالديره!؟

جود /قصدك الصلح القبيل!؟

مناف بخيبه/يعني قالت لك!؟

جود/هههههههههههه ابوي اللي قال لي قبل امس شكلك اخر وحد يدري

مناف /اماااا ..وليش توكم تقولون لي..

جود/ههههههههههه..تبي الصدق فيه مستغربته ليش فجاءه طلبو قبيلة الرامز الصلح!؟

مناف /سالت ناصر..فيه حلقة مفقوده بموضوع..كل اللي قاله لي ان اللي لهم يد في اللي صار هو وعبدالعزيز ابو مفلح..

جود بحيره/هذا اللي اموت وعرفه عبدالعزيز هذا بذات وش داخله..اللي اعرفه انه يكرهني كرهه العمى

مناف/هههههههههه يمكن عشان اخوه مو عشانك..وغير كذا سمعة انه امس تزوج بنت ابو مفلح

جود بدهشه /اوووه لا تمزح

مناف/والله

جود والفضول ذابحها/ خلنا نرجع لسعوديه واحول اعرف من ناصر ..

مناف/ناصر بحر مستحيل تاخذين منه حق او باطل اذ هو مو ناوي يتكلم

عدلت وقفتها لمى طلعو الأطباء من غرفة مشاري..

معهم هاري..

دخلت بعدهم للغرفه وهي تشوف سريره مرفوع وكان شبه جالس...

نزلت اللثمه وابتسمت له/صباح الخير

مشاري ابتسم بصعوبه /صباح النور

نزلت سلة القهوه وسحبت طاولة الطعام خاصه بمستشفى وقربتها منه..حطت القهوه فوقها

وصبت له فنجال ناولته ايه

مشاري شرب الفنجال دفعه وحده

جود/شوي شوي

مشاري/خلي يصحصح مخي اللي له اسبوع نايم

جود/مشاري!؟ وش صار مع المنظمه

مشاري/تحررت منهم ابشرك

جود /صدق!؟ يعني معاد بيهددونك!؟

مشاري/لا

جود/ماتو!؟ او انسجنو!؟ قبضو عليهم!؟

مشاري نزل الفنجال بستغراب/لا هذي ولا هذي..ليه ينسجون

جود بحقد/كيف ليه ينسجنون وهم حولو يقتلونك اكثر من مره ويهددونك مفروض ترفع عليهم قضيه

مشاري/ايه بس ما فيه دليل يثبته اني كنت تحت تهديدهم وحتى لو رفعت قضيه بطلع منها خسران

جود/ليشش!! تخسر والحق معك!؟ مشاري بوقعيه/هذولا ناس اكبر مني ومن المحاكم..مسؤلين في الدوله متعاونين معهم.. والمحاكم لعبتهم...

جود/حسبي الله عليهم...انت قدرت تتحرر منهم غيرك ما يقدر

مشاري/هذا هو...ان شاء الله يجي اليوم اللي تكون لنا قوه اكبر منهم وبتعاون الشباب العربي واتحادهم نقدر نتفوق عليهم خاص اذ صار فيه احتضان وهتمام اكبر بثروة العقول العربيه..مثل ما اوربى تحاول تسحب هذي المواهب وتستثمرها لصالحها ..

جود بحزن/الحروب و الثورات الاهليه و صراع المذهبي كلها في الوطن العربي واللي متسبب فيه الدول الغربيه ويجون لنا بمسمى المصلحين هم الفساد بعينه

مشاري /الله يوحد صفوف المسلمين ويرد كيد الاعداء في نحورهم

جود بحرقه/امييين يارب اميــن

مشاري ابتسم/مثل ماتوحد صف قبيلتي وقبيلتك

جود /ههههههه




مشاري ابتسم/مثل ماتوحد صف قبيلتي وقبيلتك

جود /ههههههههههههههههههههههههههههههههه انت عرفت!؟

مشاري /ايه...قال لي عبدالعزيز

جود/الحمدالله ربي اللي اصلح بينهم..

مشاري/الحين باقي نقول للكل انك رجعتي لذمتي لان بعد اسبوعين بتنتهي عدتك

جود صقفت بيدها من الفكرة اللي طرت لها/وش رايك نسوي لنا زواج

مشاري طير عيونه/من جدك!؟ تبين زواج !؟ صار لنا خمس سنوات متزوجين وقربنا نكمل ست سنوات

جود/لاا لا تحسب السنوات اللي ما كنا مع بعض فيها..ما لي معك الا سنتين بس السنه اللي قبل اربع سنوات و هذي السنه...ها وش قلت خلنا نسوي زواج و نسافر شهر العسل و نخطط للبيت اللي بنسكن فيه..طبعاً بنسكن في السعوديه

مشاري هز راسه بنفي/لاالاا نسافر شهر عسل اوكي بس زواج وقروشه..

جود بزعل/مشااااري!؟؟

مشاري /يا بنت الحلال ما تشوفين رجلي المكسوره ما بتتعافي بشكل كامل الا بعد شهرين وعليها..

جود بعناد/بس انا ابي اسوي عرس واللبس فستان ابيض مثلي مثل كل البنات يعني ما استاهل!؟

مشاري حك راسه/الا تستاهلين يا بنت الحلال..خلاص من هنا الين نرجع السعوديه ونشوف

جود ابتسمت /اوكي..





بعد اسـبـوع

في مطار نيويورك

في صالة الانتظار..

جالس على الكرسي ماد رجله اليسار لقدام بسبب الجبس اللي عليها..والعكاز مسند جنبه...

وعلى يمينه جالسه جود...

مناف وهاري يخلصون اجرائات المطار..

جود/قلبي متلهف لـ امي ما امداني اشبع من حضنها..

مشاري/اغبطك على رجعت امك لك...

جود/ما بحثت عن امك!؟

مشاري هز راسه بلا/ انا فقدت الامل في اني احصلها من زمان اكثر مرت فترة عبدالعزيز بحث عنها

جود/ولا عرف عنها شي!؟ اقلها تعرفون اذ حيه او ميته

مشاري/اتوقع ما حصل شي الانه لو حصل شي كان قال لي

جود بحيره تفكير مشوش/مدري اذ كان اللي بقوله له معنى او لا

مشاري بنتبه/قولي

جود/تذكر لمى رحت معك لـ سويسرا!؟

مشاري هزا راسه/ايه!؟؟

جود /في بقاله عربيه قريبه من الشقة اللي كنت تسكن فيها كان فيها وحده تبيع فيها حسيت ان فيها شبه من اخوك عبدالعزيز

مشاري استعدل بجلسته/كيف تشبهه صغيره ولا كبير

جود/كبيره قول في اخر الاربيعين او بدايت الخمسين

مشاري برتبك/تشبهه مره مره

جود هزت كتوفها بحيره/مدري بس كذا حسيتها تشبهه

مشاري بصيص من الامل تسلل لقلبه..تعلق بيد جود كطفل/ تتوقعين تكون هي!؟؟ جود ابتسمت بحزن /يارب تكون هي

مشاري اخذ العكاز ورفعه تحت يده اليمين و وقف بصعوبه..رفع يده اليسار يلوح فيها لـ هاري

اللي اول ما شافه يوقف توجهه له بسرعه

هاري/ما الامر

مشاري استند على يد هاري اللي مدها له/اللغي حجزي على السعوديه..واحجز لي على سويسرا..

هاري نزل عيونه لجود ثم رفعها

ل!



• لمشاري بستغراب/لما!! هل حدث شي

مشاري/لا ..فقط هناك امر يتوجب علي التحقق منه

هاري/وبحالتك هذه!؟ ما هو هذا الامر

مشاري/هناك امراأه في سويسرا اعتقد بأنها من المممكن ان تكون ولدتي

هاري/اذ كان الامر يتعلق بولدتك فسأذهب انا لـ اتحقق من ذلك..

مشاري/ولا كان!؟

هاري/اذ كانت هي فـ سوف اتصل بك واحجز لك لتلتقي بها...

مشاري جلس بتستلم ..

ومن شدة حماسه و أمل بأن امه تكون عايشه..

رفع جواله واتصل بـ عبدالعزيز/الوووووو عز

عبدالعزيز/هلا هلا ..ها وش عندك توك مقفل مني من ساعة

مشاري/اقول اصه..المهم وصلتني معلومات بان في وحده في سويسرا ممكن انها تكون امي الان فيها شبهه منك

عبدالعزيز سكت للحظه ثم اردف بجمود/وطيب!؟

مشاري عقد حواجبه من راده البارد/وش اللي وش طيب اقول لك امنا..هاري بياخذ له اقرب طيارة على سويسرا ويتاكد

عبدالعزيز ببرود/لا تتعب الرجال على الفاضي امك ماتت وشبعت موت من 6سنوات

مشاري عفس ملامحه بقوه/وش تقول انت

عبدالعزيز/اللي سمعته الفترة اللي كنت ابحث فيها عرفت انها ماتت في برلين ورحت لمستشفى اللي ماتت فيه وكانت نتيجة موتها بسبب ادمانها على الكحول..

مشاري بعد تصدق/صادق!؟؟؟ لو كنت صادق ليش ما قلت لي من وقتها!؟؟؟؟ ليش توك تتكلم بعدين كيف تاكدة انها هي

عبدالعزيز/سويت تحليل DNA وتطابقة نتيجة بنسبة9٪‏99 مع بيانات الموجوده في المستشفى..

بعدين وش اقول لك !؟ شي انا وانت نعرف انه ما بيغير من حياتنا شي...

مشاري لا رد

عبدالعزيز/انتبه لـ صحتك الحين ولا تظغط على نفسك..ماصدقنا تطلع من المستشفى بخير

مشاري اخذ نفس عميق ثم اردف/الحمدالله على كل حال...الله اشوفك في السعوديه

عبدالعزيز/ في امان الله

جود ربتت على كتفه بمواسه

انحنى بجسمه عليها حتى صار راسه على كتفها...

رفعت يدها خلف ظهره وهي تربت عليه بحنيه










في مطار الملك خالد الدولي"الرياض"

هاري /لا اصدق بأني ازور السعوديه..لم اتخيل قط اني سأكون على ارضها في يوم من الايام

مشاري/هههههههههههههههه هذا اكبر شرف تحصل عليه بزيارتك لها

هاري/هههههههههه اجل انا سعيد بزيارتي لـ لوطن الاسلامي..

مناف/بتطولون واقفين!؟

مشاري/لا

جود تنتظر هاري يبعد عن مشاري وقربت منه/كيفك الحين!؟

مشاري بتسغراب/بخير!!

جود/يعني معليك خوف!؟؟

مشاري/لا

جود بحركه مفاجاءه ضمته بقوه/انتبه على نفسك .. وشوي شوي على رجلك..

تحركت بتبعد عنه ..

مسكها من معصمها بقوة بتوجس/وش وراء كلامك!؟

جود تفلت نفسها منه/اشوفك بعد شهرين ..لم تتعافى رجلك..وحدد موعد الزواج مع ابوي

مشاري بحده/زواج ايش انتي انهبلتي!؟

جود اسرعت بخطواتها لـ مناف وتعلقت بيده ..

ثم اللتفت لمشاري ولوحت له بيده بمعنى "باي"

وهو واقف في مكانه بذهول

هاري قرب له/ما الامر!؟ اخبرني مناف بأنه قد استأجر لنا شقة لمدة شهرين!؟ مشاري بعصبيه/يعني مخططه هي واخوها من وراي..

هاري/على ماذا تخطط

مشاري يحاول يمشي بسرعه بعكاز/الانسه تريد ان اقيم لها زواج..

هاري /فقط!؟ اذ من حقها!؟

وقف والتفت له ورفع العكاز بتهديد فيها بعصبيه ...









بــــعــد شــهريــن واسبوع.... الساعة 6:30

واقف امام المرايه يلبس بشته الاسود..

نعم هو اليوم عريس..لتلك العروس العنيده المتمرده..

مو مستوعب انه مر شهرين كااامله

بدون ما تتصل فيه او حتى ترد على اتصالاته او مسجاته.. و اي شي تبيه منه تؤكل مناف يكلمه بدالها و يوصل طلباتها اقصد اوامرها...

عايشه دور العروس بكل تفاصيلها..

دفع لها المهر والشبكه و فوقها بيت ملك في الديره

من غير تجهزات الزواج اللي حجز له في اكبر قاعده في الديره والغريب انه يستجيب لكل طلباتها..

بداخله حقد عليها كيف طاوعها قلبها

تتركه فـ وقت هو كان يحتاجها..

ولا لانها عرفت انه يحبها صارت تتغلى!؟؟

قطع صوت عبدالعزيز اللي وقف جنبه/ها كيف شكلي

حرك عيونه بتقيم لـ شكل عبدالعزيز

في الزي السعودي والبشت الاسود عليه

و الابتسامه شاقه وجهه شق..

مقدر الا انه يبتسم ويرفع عيونه لنعكاسهم في المرايه..

بـ طولهم المتقارب من بعض

ما تخيييل بيوم ان زواجهم يكون مع بعض وبيوم واحد

عبدالعزيز/شف شف الزين معرس بسم الله علي..بكامل شبابي مو مثل بعض الناس اللي شيب غزاء راسه وما خذ وضعيت المعرس

مشاري يدفه/اقول استاقها بس كل هاذي الفخامه و والوقار وتقول شايب!

عبدالعزيز بـ الالماني/انا لا افهم هل انتهت الايام حتى يكون زواجي وزواجك بيوم واحد!؟ الى هذه الدرجه تحب مشاركتي في كل شي!؟

مشاري بعربي/اقول تكلم عربي ولا يكثر..

عبدالعزيز/لا الاخلاق تجاريه اليوم



مشاري /امش امش تأخرنا على العرب




السـاعة 10:40 م

وسط تلك الاضائات الخافته العابثه بـ الالون المختلفه في ارجاء القاعة..

تخطو بخطواتها البطيئه على انغام الموسيقى ..

بفستانها الابيض يعكس بياضه مسكتها من الورد بلون الاحمر..

تمشي كـ الأميره المتوجهه لعرشها العاجي..

وسط انبهار الحضور بجمالها الطاغي...

تغيرت الموسيقى بجلوسها على الكرسي المعلق لها من الورد الابيض



رفعت عيونها لـ امها وابتسمت بفرح وسعادة تغمر قلبها ها هي امي هنا تشاركني اجمل ايام عمري..

قربت لها مها وضمتها بسعادة والدموع تملى عيونها...

بعدت عن جود تمسح دموع الفرح..

لتترك المجال لجدتها اللي حطت يدها على راسها بحنيه/اعيذك بكلمات الله التامه من كل شيطان وهامةه عين لامه...ماشاء الله تبارك الله الله يحفطتس يا امتس من كل شر وكتب لتس السعادة بكل درب



جود تسحب يد جدتها اللي فوق راسها وتبوسها/امين ويخليك لي

منى /متى بينزف المعرس!؟

مهره من وراءها/من قال لك بينزف!؟

منى تناظر جود/ليه!؟

جود بدلع/اغااار عليه

منى /مو من جدك

جود/والله صدق تخيلي اخليه يدخل عشان يسدحونه عين..بروحه اللي فيه مكفيه..

مها والجوال بأذنها/جود يللا اطلعي مناف يقول مشاري يدخل لغرفة التصوير

وقفت/يللا •••••

جالس على طرف الكنب بوجهه عابس ينتظرها تجي..

والمصوره واقفه باجهزتها الاضاءه وكامراتها...

يبي هذي الليله تنتهي بسرعه ..له يومين ما نام زين...

فز واقف اول ما انفتح الباب و دخلت

تحول عبوسه الى ابتسامه واسعه

من هالات الجمال الطاغي اللي هي عليه..

ايحكي عن جمال عينيها العسليه ام تلك الابتسامه التي تترقص على شفتيها...

لم اعد اشعر بغضب او بحقد عليها..

تقدم منها وعنقها بشتياق لـ خمس دقائق

ثم احتضن وجهها بكفيه و لمس انفها انفه..

وكان عيونها وعناقها بمثابة الاعتذار الذي

صفح به عن غيابها...

قرب من شفايفها غمضت عيونها..

قبل ان تتلمس شفتيهما

قطعهم الضو القوي على وجهيهما

من فلاش الكاميره

اللي تكرر اكثر من مره..

انتفضو من مكانهم وعدلو وقفتهم

بسبب المصورة اللي نسو وجودها للحظه

المصورة/الصوره بتاخز العأل..خزي العين شو طعمين وكانكم مع بعز من وات طويل "مع بعض من وقت طويل""

مشاري وجود ناظرو بعض

وانفجروضحك/ههههههههههههههههههههههههههههه

ههههههههههههههههههههههههههههههههههههههههه










بــعــد ثمان سنوات

الساعة2:30

دخل البيت راجع من دوام الجاااامعة

وغترته على كتفه وبيده مقاضي للبيت

نزل الاغراض على الارض بعصبيه

هو يسمع صوت البكاء العالي اللي جاي من المطبخ

• هو يسمع صوت البكاء العالي اللي جاي من المطبخ

توجهه للمطبخ /خيييير ليش تبكي

ركضت له وحضنت رجله بكت اكثر

نزل لمستوها/من زعلك

جودي/ابي همي

مشاري رفع عيونه لجود اللي معطيته ظهرها وتقطع سلطه/ليش ما اكلتيهاا هاا تركتها جوعانه

جود بنزعاج/بنتك باندا تاكل اربعه وعشرين ساعة

مشاري بعصبيه/لا لا صكيها عين احسن مو انتي الباندا الكبيره!؟؟ جود صدت عنه بتطنيش

جودي تعلقت برقبة ابوها اللي شالها

وطلع من المطبخ جالس بصاله يمسح دموعها/خلاص يا بابا

جودي/ما احب ماما..

صقر بستهزاء/ما احب ماما حتى ماما ما تحبك

مشاري بنهر/صقرر..وش ذا الكلام

صقر يجلس جنب ابوه/ما تسمع دلوعتك ..اللي تبكي على كل شي مسبب ازعاج

مشاري/ههههههههههه

جود بصوت عالي و من دون نفس/يللا الغداء جاهز

مشاري وقف وجودي في حضنه

ومسك صقر ولده اللي عمره ما تجوز 8 سنوات

جالس على السفرة

ونزل جودي جنبه..

اكل لقمه/تسلم يدك كبسه في المخ

صدت بعيونها بعيد عنه بزعل

مشاري قبص خد جودي بخفيف/خليتي امك تزعل علينا

جودي ضحكت وهي ما تدري وش السالفه..

جود كتمه ابتسامتها

تدري انه يمدح الاكل عشان يرضيها الانه عصب عليها من شوي..

خلصو الغداء لمت السفره ودخلت المطبخ

تغسل الموعين..




فتح لاب توب يدخل غياب الطلابه..

وصقر جالسه بجنبه وعيونه على يد ابوه

صقر بفضول طفولي اشار على اثار الحرق القديم اللي بيد ابوه/بابا وش هذا!؟اللي بيدك وبيد ماما بعد!؟

مشاري رفع يده وهو يشوف الأثر اللي على بشكل راس الصقر يتخلله حرف A..وابتسم/والله يابوك هذا اثر الأسـر

صقر بذكاء/كنت أسـيـر !؟؟ في ألمانيا!؟

مشاري/الا كنت أسـير لـ امك مستغله كانت مستغله فقداني لذاكرتي وتعبي وتزوجت مني وانا ما كنت بعقلي...

صقر ميل راسه بعد فهم/ و الحين!؟

مشاري اللي انتبه لها واقفه تسمعهم وبيدها كوب شاهي بنعناع..قرب من اذن صقر وبهمس/حـبـها حررني من أسـرها

ابتعد عن صقر اللي ضحك بصوت طفولي

مشاري رفع اصبعه على فمه/اشششش سر

جود بقهر من مسرتهم نزلت الكوب جنب لاب توب

وجلست بينهم وهي تبعدهم عن بعض بيدها/سمعتكم

صقر /اتحدك وش قلنا!؟

جود ترجع شعرها بغرور خلف اذنها/كنتو تسبوني

صقر بحماس/ههههههههه لا لا والله والله ما كان نسبك بس ابوي يقول انه كان أسـير عندك

مشاري بقهر/انت ما تعرف تسكت!؟

صقر رفع يده على فمه/نسيت

وقف وركض لغرفه هرب من نظرات ابوه الحاده

جـود/هههههههههههههههههههههههههه شوي شوي لا تطلع عيونك على ولدي

مشاري/ولدك هذا يبي له تكفيخ

جود/حتى اكفخ بنتك

مشاري بعجبه/مرات اشك انك تغارين منها

جود/انـااا!؟ طبعاً لا..بس انت مرات تقهرني احسك تحبها اكثر مني

مشاري/ههههههههههههههههههههههههههههههه
وخالقك وخالقها ما عمر قلبي ما حب بنات حواء الا أنــتـي وبنتك بــس

جود ابتسمت ابتسامه رضى لشي هي تعرفه ومتاكده منه لا كن في كل مره ينطق بحبها ما يقدر قلبها الا انه يخفق بضربات سريعه..

فقلبي به قد اكتمل وبك غُلب

وانك بي اكثر مما تظن و أظن ...لا ادعي المثاليه في حياتنا التي تنتعش بحب تاره

ويتسلل لها البؤس تاره اخرى

بلسمها جودي وصقر..

سعادتنها تشبك يده بيدي

دموعها عناد و تجاهل..

راضي صوته يتسلل لمسامعي

وعلاج اوجعانا العناق المطول...

---

مرر يده على شفايفها الباسمه..

احببتها وانتهى الامر كانت لي الاميره

وكنت لها الاسـير..

-----

تـمـت بـحمدالله

النــــهـــــــــااااااااااااايــــــة

روايـتـي


رواية إذ ما عشت بدنياگ آمـيراً فخذيني إليهـا آسـيراً --
وشكراً بحجم السماء لمن سااهم بنجاح الروايـة

وشكر موصول اللي ساعدتني في نقل روايتي للمنتدى
ام عبدالرحمن دراج







واخيرررراً انتم من كنتم زعمااء النجاح 💗
ودافع لي للابداع...
بكم ولكم اكتب •



--
الى الملتقى


مع روايتي الرابعة غريـق انـساه القاع امـل النجاة
"بـجااد &*****
حالياً تنزل بارتاته على حسابي في انستقرام
‏G_rwa12@.

إليكم مقتطفات قصير من *غَريق أَنساهُ الْقاع أَملِ النَّجاة*

تركض بالمطار بسرعة وخوف
وتتلفت وراها و شعور انه احد يتبعها يرعبها
شهقت بقوه لما إستشعرت يد مسكت كتفها توقفها..وتسحبها لمكان بعيد عن الانظار..
—-
كت🎬
تنهد بإستسلام وشدها لحضنه/سأشتاق اليك كثيرًا
سحبت نفسها منه بصدود...
تحركت بخطوات سريعه تجر شنطتها لصالة المغادرين
رفعت التذكرة تقرأ إِسم الدولة اللي متوجهه لها
"المملكة العربية الـسعـــودية"..هربت منها وهذه هي ترجع لها مرة ثانية..
..

كت🎬
——-
شدت على قبضة يدها بقهر ونار تشب بصدرها..جن جنونها وهي تشوفه يحتضن اختها..
ما عادت تقدر تسكت عن الوضع اكثر من كذا ..
—-
كت🎬..
بقهر/الناس تتكلم بعرضها طول هذه السنين وانا ساكته..الناس اكلت وجيهنا مدخله بيتها غريب ياكل ويشرب معها ويدخل ويطلع بدون ما أحد يوقف بوجهه..وتلومني على سكوتي..
صرخ بتهور وإحتقار ممزوج بقهر/
——
—-🎬
بتهديد/ والله إن لقيتك انه ما يكفيني ذبحك والشرب من دمك..وحذف عظامك للكلاب يا كلب.
...بصدق/إِلقاني يا*15 سنه انتظرك تلقاني و توقفني عن كفري فـيه—-
🎬
بإلحاح/و لو بتعيش حياة جديدة و بتفتك من سموم اهل الديره وقذفهم واستحقارهم لك
انسدح وغطى عيونه بذراعه/يقولون خلك على قردك لا يجيك اللي اقرد منه ——-
🎬
وعيونه تدور في أَنحاء الحاره بحذر /اسكت فضحتنا
***يمسح دموع ضحكاته/انت عجبه كل اللي يصير لك عجيب..اكسبها وإِكسر راس اخوها فيها -
🎬

قبل أَن يتسنى له ان يلتف..احس بألم حااد
وبنصل السكين البارده تخترق جنبه من الخلف.. وحرارة دم على ظهره..
بهمس حاد حقود/تستغل اختي يا حقيـر تطعني في شرفي!؟ تشوهه سمعتي!؟ باختي!؟ تذوقني من كأس مُرك!؟ موووت موووت جعلك بـ نـااار يا الشيطاااان
🎬

انحنى عليه ثم
رفع الشبريه لـ اعلى مستوى بِنية غرسها في أَضلُع صدره لعله يشفي شيئ من غليله .. لكن خدر أَصاب جسده جعل يده تهتز برجفه من تعلقت عينه بعيونه*** لبضع ثواني…وشعور غريب يجتاحه..شيئ يجعل قلبه يخفق بإِضظراب حاول يتخلص من هذا الشعور..
و هو يوجه الشبريه اكثر بإِتجاه صدره..
ولكن صـراخ باكي اربكه/لاااا ولـدي لاااااااا تكفى —
🎬
بقهر/إِسجنه تكفى سجن مؤبد
نطق بحدة لإسكاته/يـبـه!؟؟؟
إِلتفت له ودفعه على الجدار وهمس في اذنه بكرهه وحقد/حظك يفلق الصخر اللي نجاك مني اليوم وترا السجن حماك 🎬
بهمس لـ**/تخيلي لو تتزوج واحد من اخواني والله انه بتنجلط امي وخالتي
تلكزها وبنفس الهمس/اتخيل شيئ مستحيل؟؟
بصوت منخفض /ليه مستحيل؟؟ بتبرير/ للان عمي ما سجل اسمها
في كرت العائلة.. 🎬

يدوس على البنزين بسرعه أكثر و بإنفلات اعصاب
/ والله مايطولونك وانا حي

(

كـونوا بخيـر يا أصدقائي











الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 97
قديم(ـة) 26-07-2018, 05:19 AM
فيتامين سي فيتامين سي غير متصل
©؛°¨غرامي متألق ¨°؛©
 
الافتراضي رد: رواية إذا ما عشت بدنياك أميراً فخذيني إليهـا أسيراً/بقلمي


ألف ألف مبروك اكتمال رااااائعتك

وبالتوفيق في روايتك الجديده

المقتطفات حماس ومشوقه


الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1