غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 15-05-2018, 03:22 PM
jessss501 jessss501 غير متصل
©؛°¨غرامي جديد¨°؛©
 
الافتراضي رد: رواية إذا ما عشت بدنياك أميراً فخذيني إليهـا أسيراً/بقلمي


هيااااا اتاخرتي متى ينزل البارت
مرره سرت انقهر كل ما الاقي رواية حلوة وتكون تنزل اول باول ولمن اجي اقرائها تبطل تنزل بسرعة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 20-05-2018, 09:37 PM
g_rwa12 g_rwa12 غير متصل
©؛°¨غرامي مشارك¨°؛©
 
Uploadfef5c031fd رد: رواية إذا ما عشت بدنياك أميراً فخذيني إليهـا أسيراً/بقلمي



• لايك قبل تقراء💗
#الاسـيـ⛓ـر ---
جود غمضت عيونها لا مو هذا اللقاء اللي كانت تتخيله
ولا الشخص اللي تنتظره لا هذا مو صقرها..
رفعت عيونها بجمود وقوه وركزتها بعيونه
وطال صمتها وهو ظل ينتظرها تترجم الكلام اللي يتفجر من عيونها وعجز يفسره
بعد صمت اردفت وعلى شفايفها شبح
ابتسامه ذابله/جـــود بـنـت مقـرن!!""رصت على اسنانها وتكلمت من بينها بتجي"" جـ و د ي ي ي جـوودي
خفف من قبضته وعقد حواجبه بقوه
استجمعت شي من
قوتها وحاولت تتدارك صدمتها..
رفعت يدها وابعدت يده واعطته ظهرها
مشاري ظل واقف على وضعيته بدون اي حركه..
عيونه فقط اللي تتحرك وتتبع حركتها
جود تحركت بسرعه وبهروب
وطلعت وقفلت الباب وراها
رفعت يدها على قلبها
تسيطر على نبضاتها المتسارعه..
مايتذكرها مستحيل انه يذكرها
قال جوووود هذي اول مره تسمعه ينطق اسمها""
ضحك بنشوه/اوووه هل التقى المحبين!!
رفعت عيونها وضيقتها وهي تشوفه متكي على
الجدار وعلى شفايفه ابتسامه ساخره...
عبدالعزيز هو يتأمل تفاصيلها وهو رافع حاجبه
جود فتحت فمها وامتلت عيونها
بالدموع مشت بخطوات بطيئه والدنيا تدور فيها
بدون ما تدرك انها بدون حجاب يسترها..
جود رفعت يدها برجفة وباصبعها السبابه تأشر على مكتب مشاري..بصوت باكي وكل قواها تبخرت/من هـذاا مااعرفه "هزت راسها بلا"مااعرفه مااا اعررررفه من يكون و وصقر وينه!! صقر يعرفني صقرر يناديني بجوووودي
عبدالعزيز بحقد وكرهه/نسااااااگ مااا يتذكرگ نسى اسمك وسنينك نساگ مثل ما كان ناسيني..محيت كل ذكرا كانت له معك
جود/نسـاني!!!!ما يتذكرني!!!
عبدالعزيز رفع حاجبه و ابتسم /بصعوبه قدرة اعالجه واخلي ذاكرته ترجع له لكن ما استرجع معها عافيته كامله..بسببك يعاني من مشاكل صحيه..بس كل هذا يهون عند نسيانه لكل اللي صار له بعد الحاادث ما يتذكر اي شي صار له بعد الحادث كل اللي تذكره هو حياته قبل الحاااادث..
جود تبلع ريقهاا بمحاوله مستنفذه منها/يذكر ان اسمي جوود يعرفني يعرف اني جود بنت مقرن

عبدالعزيز رفع راسه وضحك بصوت عالي/ايه يعرف جود بنت مقرن اللي تسببت بمرضه يعرف جود اللي حرمته من اخوه يعرف جوود اللي بسببها فقد كل بحوثاته يعرف جود اللي ضيعت عليه سنه من عمره يعرف جود اللي خلته مثل الخبل بديرتها يعرف جود اللي ظهره ويده موسمه بأثر حروق..يعرف جود اللي عاملته معاملة الخاادم لها و لـ اهلها...
رفعت يدها لرقبتها باختناق
حاولت تتكلم تقول شي تبرر وتنفي اتهاماته
غثيان تملكها وبطنها بدا يوجعها
ودموع تنساب منها بغزاره..
ميل راسه/ابكي دم ابكي اكثر واشفي شي من غليلي
جود ارخت راسها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 20-05-2018, 09:39 PM
g_rwa12 g_rwa12 غير متصل
©؛°¨غرامي مشارك¨°؛©
 
Uploadfef5c031fd رد: رواية إذا ما عشت بدنياك أميراً فخذيني إليهـا أسيراً/بقلمي



#الاسـيـ⛓ـر ---- ميل راسه/ابكي دم ابكي اكثر واشفي شي من غليلي
جود ارخت راسها
ورفعت لثمتها ولبست نظرتها وتثبتت توربان على راسها..
تعدته و ابتعدت عن بخطوات واسعه
طلعت من المبنى وطلعت من جامعة بكبرها
وقفت على رصيف الشارع
وتكت على العمود لتنزل بتدريج وتجلس
على الارض اسندت يدها على ركبها
وثبتت راسها عليها..وعيونها معلق بين سيارات الماره بسرعه جنونيه و وجيه العابرين
لما اراك في وجهيه العابرين
لما كان لقائنا عنوانه النسيان..
لم تجدد لقائك ليتجدد معه فراقك
تنهدت بحرقه واستندت على ركبها گ عجوز في نهاية السبعنيات
نعم اعجزني نسيانگ
اعجزني نوم على اطيافگ
اعجزني لقائك
اعجزتني قسوتگ..
ما تدري كم من الوقت مرر وهي تمشي
لا كان في النهايه وجدت نفسها واقفه قدام باب شقتها
فتحت الباب ودخلت
حذفة شنطتها وحذفة نفسها على الكنبه
وتعلقت عيونها بسقف
ثواني دقايق ساعات
عيونها تتقفل ببطء
ليسحبها نوم لعالمه لعلها تنسى وترتاح
لا كان اذ بـ الاحلام تعيد تفصيل يومها
ولقائها
----
جلس في مكتبه عااجز يركز بـ اللي بين إيديه
قفل لاب توب وسحب البالطو وطلع
من الجامعة ركب سيارتع
وانطلق بسرعه جنونيه...
ومسك الخط السريع حتى خرج عن حدود مدينة ميونخ
خرج عن طريق السريع وسلك طريق الجبلي الغير ممهد وقف سيارته
ونزل لكثر مكان يرتاح
رفع راسه لقمة الجبل اللي ملبده بغيوم...
اخذ شهيق و زفير ..
مشى بخطوات واسعه
للكوخ الخشبي الكبير..
اكثر مكان يرتاح فيه مخفيه حتى عن عبدالعزيز
فتح الباب وانحنى ينزل جزمته
وبصوت عالي/مــعشوووقـتـي
ابتسم اكثر هو يشوفها تركض بتجهه وتنط عليه بقوه
ارتد لوراء واستند على الجدر هو يربت عليها/هو ههه ها انتي ذا
مسح على ظهرها بحنيه
كتحرك راسها على صدره وتمد لسانها
مسك وجهه وجلس يتحسس نعوم فروه لبوته..لها معه ثلاث سنين ما يسميها الا بـ معشوقتي..
وصل لمسامعه وصوت متهكم/لو انك لم تأتي اليوم لكنت ارسلت لك معشوقتگ لتفترس طلاب جامعتگ
وقف ويده بجيبه وعيونه على رجال الاسمر الضخم والشيب معبي راسه و معلق على ظهره بندقيه/اهلاً هاري...لو كنت انت من اتيت لوفيت بغرض هههه"" قصده انه هو اللي بيفترس الطلابه ""
هاري كشر عن اسنانه بحركت اللبوه/سأبتدي بگ
مشاري تقدم بخطوات ثابته وبنظرات قويه وحاده/وهل تستقوي القطط "اشر بيده على هاري"على الاسد"ظرب بيده صدره!!"""
هاري/متعجرف
مشاري تعاده/ههههههههههه
دخل الصاله الظيافه البسيطه
تصميم الكوخ يوحي بـ البساطه بأثاث بسيط
وغرفتين علويتين وصاله مطبخ صغير وحمام...
و وقف عند شبك فتح الستاره
هو يشوف الفيو اللي يطل على مساحات الخضراء




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 22-05-2018, 09:20 PM
g_rwa12 g_rwa12 غير متصل
©؛°¨غرامي مشارك¨°؛©
 
Uploadfef5c031fd رد: رواية إذا ما عشت بدنياك أميراً فخذيني إليهـا أسيراً/بقلمي



• لايك قبل تقراء💗
#الاسـيـ⛓ـر
-- مساحات الخضراء و البحيره القريبه منه...
نزل جكيته ومسك وضغط اسفل الشبگ زر مخفي
لينفتح له درج سري اسفل الشبك بشكل عكسي..
هاري يمسح على ظهر اللبوه/ما الامر!! اتنوي اكمل ما بدات فيه قبل شهر!!
مشاري بدون ما يرد على سؤاله/اتبعني...
لحقه لسفل القبو وتقفل وراهم الدرج السري
وبشكل ألي تحركت اللبوه وجلست فوق مكان الدرج السري...
القبو كان عباره عن كهف حجري واسع
اكتشفه مشاري قبل سبع سنوات وبنى فوقه الكوخ..
مجهزه بكل الاجهزه الحديثه...
جلس قدام شاشه الاب توب
وجنبه جهاز المجهر الموصل بلاب توب..بدا يفحص العينات بدقه...
هاري/ما اخر المستجدات!!؟ التي دفعتك لتعود البحث!
مشاري وعينه مثبته على المجهر/بلاك فيست يحولون إعادتي للمجموعه...
هاري بغضب/سحقن لهم لم يكتفو بما فعلو!!إيگ ان تعود
مشاري/ولم لا!!!
هاري رفع حاجبه العريض/لا تقول لي انگ تنوي العوديه!!
مشاري هز راسه بموافقه
هاري/افقدت عقلك!! حتماً انگ فقدت ذكرتگ بما فعلوه بك!
مشاري يكره سيرة فقدانه لذكره/انا بكامل قوي العقليه وذكرتي اقوى من ذكرتك ايها العجوز...ولا كان...."سكت للحظه" هذه المره تختلف انوي العوده بعد ان ابني لي حصون منيعه واسلحه قويه...
هاري وعيونه على شاشه لابتوب يراقب تحرك خلاي المحلول../اتنوي الأنتقام!!
مشاري سكت للحظه ثم اردف/اجـل
هاري ربت على كتفه/اذاً انا معگ
---
---
دخل البيت هو يمشي على رووس اصابعه
نزل شنطته..
ابتسم بنذله هو يشوفها نايمه على الكنبه..
توجهه للمطبخ اخذ كوب ماء
توجهه لها قرب منها ورفع الكوب بيكب عليها
واذ به يلمح مسار الدموع اللي نشف على خدها
انحنى اكثر وقوس شفايفه بزعل
من انفها الاحمر وملامحها الذبلنه..ادرك انها نامت وهي تبكي...وش بيتوقع منها غير البكى
هو يعرف مدى كرهه لهذي المدينه ..
شافها تتحرك وترفع يدها لصدرها وهي مغمضه عيونها
--
"جود"حست باحد دخل البيت
صوت خطواته وريحت عطره ما تشبه ريحت عطر ابوي..
غمضت عيونها بقوه وتتصنع النوم
اذ كان لص بياخذ اللي يبي وبيطلع..
لا كان حست فيه يقرب منها
نبضات قلبها تسارعت رفعت يدها
لصدرها مسكت مرادها
--

_
_

رفع الكوب مره ثانيه ورسم على شفايفه
ابتسامه مصطنعه
وكبه عليها دفع وحده
شهقت بقوه وهي مغمضه عيونها
بسبب الماء
من صدرها سحبت السكين الصغيره
اللي معلقتها بسلسل برقبتها بحيث
اول متشدها ينفك من تعليقه..وبجنون
وبسلوب دفاعي
حركت السكين بوجهه الشخص فتحت
عين وحده وهي تشوف السكين قريبه من
وجهه اللص
متجمد بمكانه هو يشوف اسكين
موجهه لرقبته وبرجفه/ج جوود هذا انا
جود فتحت عينها الثانيه
وهي تتفحص ملامح الشخص اللي واقف
قدامها وشهقت بقوه و شدت على السكين
وقربتها لرقبته اكثر..
رفع راسه بحوله لبعد اسكين/جوووووووود
جود بكل قوتها وبصراخ نطت عليه
وضمته بقوووووووووووووه وهي تصااارخ..
ترمي السكين..
ترجع على وراه بسبب اندفعها ولف يده ورا
ظهرها ودار فيها بقوووع
جووود بصراخ/يااااحيوووان يااا متخلف
يااا مجنووون اشتقت لك
دار فيها بسرعها اكبر/من الحيوووان ياا البــاااندا
جووود بصراخ/ااءءءءء وقف وقف وووووقففففففف اءءءءءءء
ضحك بقوه/قولي انك باااندا و اوقف
جوود بصراخ/انـاااااااا بــاااااااانـــدداا نزلني
وقف هو دايخ ونزلها ورام نفسه على الكنبه
بدوخه جلست جنبه هي تحس الدنيا تدور فيها من الدوخه
جوود لتفت له بفرح/مـنااااف متى وصلت
مناف شد القبع الشتوي على راسه/تو وصلت..بعدين يا المجرمة السكين هذي بعد معك
جود توقف وتشيل السكين الصغيره وتقفلها وتعلقها ب تعليقه/تعرفني ما امشي بدونها
مناف يمسك رقبته بطريقة دراميه وينحني ويمد لسانه يمثل الموت/اءءء كدتي ان تقضي على شقيقك
جود تظربه بخفه ع كتفه/تحتس عربي لفلع وجهك وبعدين ليش ما قلت انك بتجي قلبي بغى يوقف من الخوف
مناف يستعدل يجلسته ويشد على القبع اكثر ويكش على وجهه/يقال اني بسوي مفاجاءه انا و وجهي لو ادري ان هذي سواتك كان متصل قبل اجي بسبوع
جود ترجع راسها لوراء بضحك/هههههههههههه
مناف ابتسم وتقدم ياخذ ثلجة القهوه اللي قدامه
جود اختفت ابتسمتها وهي تشوف
راسه والقبع اللي عليه فيه شي غريب
قربت منه ونزعت القبع عن راسه بقوه..
فتحت عيونها بذهووول وشهقت بقوه
--
__
--


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 22-05-2018, 09:22 PM
g_rwa12 g_rwa12 غير متصل
©؛°¨غرامي مشارك¨°؛©
 
Uploadfef5c031fd رد: رواية إذا ما عشت بدنياك أميراً فخذيني إليهـا أسيراً/بقلمي



• صل على النبي قبل تقراء🍂
#الاسـيـ⛓ـر --
--
قربت منه ونزعت القبعه عن راسه بقوه..
فتحت عيونها بذهووول وشهقت بقوه
مناف نط واقف وابتعد عنها وتوتر من نظراتها
وقفت وعيونها مفتوحه على وسعها
مناف يلوح لها بيده بمعنى اهدي
رفعت يدها تغطي عيونها ورجعت تفتحها وهي
مفجوعه/مـنااااف!!!
مناف ارتبك من نظراته الحاد/ريلاكس سيد باندا
جود عصبت وبصراخ/وش مهببب بعمرگ
مناف يحك شعره الاشقر المصبوغ/استايل نواكب سنة 2016
جود تضرب صدرها فجعه/يويلي ياااشرهتنا بين العربان..نعنبو بليسك انت انهبلت
مناف ابتسم ابتسامه عريضه/جود حبيبي خليك كول وستايل
جود انحنت وسحبت شبشبها وهجمت عليه/تعقب وتخسي
مناف ركض هرب منها
جود حذفته بشبشب وتفادها
جود تلحقه بحرق/حسبي الله عليك طلعتن كانك وحدن منهم يا المخزي
مناف وقف وراء الكنبه يحتمي فيها وبتبرير/انتي تعرفين الامريكان وكرههم للعرب وانا ملامحي عربيه ف عشان تمشي اموري لونت شعري
جود تركب فوق الكنبه وتتعلق برقبته وتشد شعره/عذر اقبح من ذنب
مناف يمسك يدها اللي على رقبته وبقوته الرجوليه اللي يتفوق بها رفعها فوق ظهره
وبحرك سريعه شقلبها حتى صارت قدامه
ويده صارت وراء رقبتها وراسها على صدره
جوود تالمت على خفيف/ااااءءءءءءخخ فكني
مناف يشد على رقبتها /سامحيني وافقكك
جود بقهر/يا التسلب تضربني وتقول سامحيني فكني لصيح
مناف بلا مبالاه/والله مافكك الين تسامحيني
جود بستسلام /سامحتك بس فك
مناف فكها استعدلت بوقفتها وركضت بسرعه لغرفة ابوها دخلتها وقفلت الباب..
مناف لحقها يدق الباب /جوود افتحي زعلتي!! سيد بانـدا
جود تدور في اغراض ابوها بقهر من صبغته وحتى قصة شعره المستفزه هذا اللي يكرهه فـ اغترابها هي واهلها
ان بعدهم عن ديره ينسيهم العادات
وتقاليد والاهم من هذا كله الديـن
من انولدت اهم مغتربين ابوها درس بهذي الديره وكون نفسه فيها وامـي اللي اهلها من
زمان ساكنين هنا
ومنااف اللي كان مثلها يكرهه المانيا ويعشق السعوديه
اللي كان حريص مثلها بكل
إجازه ينزل لـ سعودية
لا كان الوضع اختلف صار مثل ابوها
نادراً ينزل لسعوديه..
تخاف تصير مثلهم توصل لمرحلة تعود على الغربه ..
تلفتت في انحاء غرفة ابوها اللي بديكور عربي
وبيتهم كله من الدخله تصميمه نفس البيوت السعودية وحتى اوني المطبخ..
فتحت الحمام وحصلت مرادها على رف الحمام
ابتسمت بخبث
مكينة حلاقة نقزت حواجبها بمتعه..اجل تبي تصير مثلهم معصي وانا بنت ابوي..
طلعت جوالها من جيبها ودقت فديو على جوال سهاره شغلة جدنها..
سهاره تفتح زر الاتصال و وجهه لصق
الكاميره الاماميه وبفرح/جود كيف حال انتي
جود بهمس /سهاره انا كويس عطي جدي الجوال بسرعه



• جود بهمس /سهار انا كويس عطي جدي الجوال بسرعه
سهاره تهمس مثلها /اوكي اوكي
ماكنت الا ثنواني وهي تشوف وجهه جدها اللي يمله الوقار والحنيه/هلا يا ابوووي..جود يا ابوتس كيفتس
جود تقوس شفايفها بزعل/جدي بنيتك مغبونه
ابوصقر/ابو صقراً ابوه من مزعلتس!!
جود تخبي المكينه في جيب بنطلونها الخلفي و تفتح باب الغرفه وتنزل عيونها لمناف اللي كان متربع قدام باب الغرفه ينتظرها تفتح الباب
جود/مناف مزعلني يا ابو صقر
مناف اول مسمع اسم جده فز واقف
وصرخ بقهر/جووود والله ان قلتي له ان تتكفخين صدق
ابوصقر سمعه وبحب كبير لـ مناف/ مناااف !!وش اختك مسوية لك يا ابو صقر
جود تلوح بجوال بهديد/هاا اقلب الكاميرة يا جدي و اوريگ حفيدك الغالي وش مهبب بعمره!!
مناف رص على اسنانه/جود جـووود وربي ان تزعلين ان قلبتي الكاميره
جود تقرب اصبعها من رمز قلب الكاميره من الاماميه الى الخلفيه/توعدني الحين تغيرها ذا اليوم ولا نخلي الشيخ ابو صقر يزعل عليك
مناف يرجع على وراء/بغيرها بس قفلي الحين
ابوصقر بقهر وبعصبيه /جووود وش صاير بينكم!!! مناف وش انت مسوي يا ابووك
جود وعينها على الجوال/تخيل يا جدي مناف صـ
مناف يتغفلها ويسحب الجوال ويقفله ويدخله في جيب جكيته الداخلي
جود/هات جوالي
مناف بقهر/انهبلتي تقولين له والله لو عرف وزعل علي ان زعل عليك انا
جود/مدام يهمك زعل جدي ليش تصبغ
مناف يصد عنها/كيفي حريه شخصيه
جود تمشي وراه ودفه بقوه فطاح على بطنه
جلست جنبه وثبتته راسه بـ الارض
وبيدها الثانيه شغلت مكينة الحلاقه/حريه شخصيه
مناف مصدوم/جود تعوذي من بليس يا مجنونه
جـود/تقلد الكفار يا المخزي وتقول تعوذي من ابليس..
قسم بالله انك تقرف يا الخكري يع عليك
مناف/استسلم خلاص خقتس بس الا المكينه
جود/احلف ان تغيرها
مناف/والله ان اغيرها
جود ترخي يدها وتبعد عنه
فجاءه انسحبت يدها بقوه
وسدحها واخذ المكينه من يدها وابتسم بتسليه/وش رايك اجربها على شعرك
جود فتحه عيونها بذعر
مناف يحرك المكينه حول شعرها/نعنبو ابليسك فضحتينا بـ عادات وتقاليد واخرتها ما تطبقين شي من
احترام اخوك الكبير
جود وعينها على مكينه/وش اسوي اذ اخوي الكبير مضيع عقله
مناف /لااا هذي بحق يا بنت مقرن "قرب المكينه من شعرها"وش رايتس اقص شعرتس مثلي ونصير اخويا
جود فتحت عيونها بصدمه/تعقب
مناف ضحك بقوه/هههههههههههه
وقف وطفى المكينه وحذفها ومد يده لها
جود مديت يده له و وقفها..
تبادلو النظرات للحظه وكل منهم قراءافكار الثاني
جود مناف ركضو على الخداديات وكل وحد منهم صار يحذفها على الثاني
---
مقرن رجع من الشغل وبيده اكياس من اسوبرماركت
وقف للحظه عند باب الشقة هو يسمع اصوت
غريبه



• وقف للحظه عند باب الشقة هو يسمع اصوت
غريبه
رجع يده لجيبه واستخرج مسدس واللي
صار قبل ثمان سنوات ينعاد له..
نزل الاغراض وفتح باب الشقة بحذر
وسلاح بين إيديه..تقدم وبلع ريقه هو يشوف الصاله معفوسه فوق تحت
الكنب متحرك مكانه والخداديات طيحه
وطرف سجاده مرتفع..سمع صوت في غرفته
تقدم وقلبه يدق بشده كل تفكيره في بنته..
فتح باب الغرفه واستعد لطلاق النار
واول طحت عينه عليهم
متمسكين بشعورهم وكل وحد يهمس ب"فكي وافك""
حس بـ كان احد كب عليه ماء باارد
ودم مشف بعروقه
جود وهي تشوف بوها وبالم من
شد مناف اشعرها/يـبههه شوف مناف منتف شعري
مناف /يـبه بنتك ما تحشم احد
مقرن استند على الجدار وهو يحس
بظغط وصل عنده لـ الف
مناف وجود فكو بعض وتقدمو من ابوهم/يبه فيك شي
مقرن رفع عيونه لهم ونظرات حده
مد يده ومسك رواسهم وظربها في بعض بكل قهر وغيض
جود مناف/اااءءءءءءه
مقرن مسك اذن مناف واذن جود وسحبهم لـ الصاله/وش اسوي فيكم نعنبو بليسكم الوحد فيكم
صك عمره العشرين وكانكم بزران وش اسوي هاااا حسبي الله عليكم من عوال
جود بتبرير/يبه مـ
مقرن شد اذنه اكثر/جب ولا حرف
مناف/يبه انا تـ
مقرن شد اذنه الثاني اكثر/جـب
دفهم بعيد عنه وعيونه محمره من العصبيه
جود مناف جلسو جنب بعض وحشمو انفسهم
بسبب عصبيت ابوهم
مقرن يمسح وجهه بقوه ويعض شفايفه
هو فعلاً معصب منهم
تلفت حوله يدور شي يظربهم فيه وطحت عينه
على حزام بنطلون على رف التليفزيون
توجه له وسحبه
وثنه ثنيتين
جود ومناف بلعو ريقهم تمسكو في بعض
مقرن بقهر رفعه وبقوه ظرب به جود على ظهرها
ورجع رفعه بقوه وظرب فيه مناف على جنبه
كتمو صراخهم ونزلو روسهم
مقرن هو يتنفس بغيض حذف الحزام
وجلس على الكنبه هو يزفر بضيق فك
ربطة العنق والازرار الاماميه لقميصه الابيض الرسمي...
بدا ينفخ بفمه بقوه لعل روعته تخف..رفع جواله اللي يدق واذ به ابوه رد بضيق/ارحب يا ابوي
ابوصقر بعصبيه/انت وينك!! ها عيالك وش صاير معهم دقو عليه هم يتهوشون وقفلو بوجهي قليلين الخاتمه
مقرن نظرهم بحده و وعيد/هذاني عندهم..رجعت للبيت وحصلتهم متنشبين كانهم قطوه
ابوصقر/يبي لهم جلد اخ بس لو اني عندك لمسط اوحد بالعقال الين يعرف ان ربي حق
مقرن /ما خليتها بخاطرك يا ابو صقر جلدنهم بـ الحزام
ابو صقر/كفو...العصا لمن عصى ..يللا قفل
حسبي عليهم من عيال
مقرن من بين سنونه/امين..استودعتك الله يا الغالي..
قفل ابوه و بحده/حتى جدكم ما سلم منكم
مناف وجود لا رد
وقف وتوجهه للمطبخ وقفله
بمفتاح ودخله بجيبه/شكلي برجع اعقبكم مثل البزران..ذا الليل ما فيه عشاء وطلعه من الشقة مافيه..قفل الشقة بـ مفتاح



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 28-05-2018, 05:51 AM
nora799 nora799 غير متصل
©؛°¨غرامي جديد¨°؛©
 
الافتراضي رد: رواية إذا ما عشت بدنياك أميراً فخذيني إليهـا أسيراً/بقلمي


متى البارت الجاي ينزل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 28-05-2018, 07:51 AM
ghadahk ghadahk غير متصل
©؛°¨غرامي مشارك¨°؛©
 
الافتراضي رد: رواية إذا ما عشت بدنياك أميراً فخذيني إليهـا أسيراً/بقلمي


تسسسسلم يدددك على البارتات الجميله واحنا بانتظاااارك❤❤❤❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 28-05-2018, 08:04 PM
g_rwa12 g_rwa12 غير متصل
©؛°¨غرامي مشارك¨°؛©
 
Uploadfef5c031fd رد: رواية إذا ما عشت بدنياك أميراً فخذيني إليهـا أسيراً/بقلمي



لايك قبل تقراء🍂
#الاسـيـ⛓ـر 22
--- الليل ما فيه عشاء وطلعه من الشقة مافيه..قفل الشقة بـ مفتاح وتوجهه لغرفته وقبل يدخل/اصحى الصباح واحصل الشقة بنفس وضعها هذا حبس اسبوع
دخل غرفته وقفل الباب بقوه
جود مناف طلعو بعض
وانفجرو ضحك/هههههههههههههههههههههههههههههههههههههههههههههههههه هههههههه
مقرن من غرفته/جـــب
كتم صوت ضحكهم بيدهم..
مناف ينسدح ببتسامه/والله شكل ابوي زعل مره حتى نسى يسلم علي
جود /هههههه كله من قذلتك
مناف توسد الخداديه /بذمتك ما صرت اخقق يا بنت طيحت نص بنات امريكيا
جود تنظره بنص عين
مناف يغطي وجهه/ههههه امزح امزح
جود/بكره تغيرها
مناف/نغيرها كم عندنا باندا
جود توقف ترتب الصاله/وحده بس
مناف يتثاوب/وفديتها قليب اخوها هي
جود بحنيه/ادخل بدل ملابسك واقراء اذكر النوم ونام
مناف يوقف/اي والله ميت نوم ---
---
الساعة 6:30
صباح اليوم الثاني
طلعت مع اخوها من البيت بدون ما يفطرون
الان المطبخ مزال مقفل..
وتوجهه للجامعة مشي على رجولهم
جود تدخل حرم الجامعة
الساعة 7:23
ويدها بيد اخوها/لا اطلع من الجامعة الا واحصلك مغير صبغتك
مناف يرفع لثمتها اكثر على انفها/ما بطلع من جامعتك الا وانتي معي ونروح مع بعض نغيرها وش تبين اكثر
جود ابتسمت برضى/سلمتك
مناف يمسك جنبة وبالم/والله ضربة ابوك مورمه بشكل
جود تمسك ظهرها/اي حتى انا هههه عصب من قلب
مناف يرفع بلوفره ويكشف عن جنبه يوريها
مكان الظربه اللي لونه مايل للبنفسجي والاخضر
جود تضربه عن جنبه وتصد
عنه تمشي/ما تستحي تكشف قدام خلق الله
مناف لحقها وشبك اصبع يده بصابعها/من خلق الله انتي!! اختي وعادي
جود تاشر بطرف راسها على البنات اللي
نظراتهم مركزه عليهم..
مناف حك راسه بخجل/هههه ما انتبهت لهم والله
جود وقفت لحظه وهي تشوفه
متكي على سيارته وعينه عليها..
ها هو صباح يجدد القاء!! بمكان وزمان مختلف!!
و ان إلتقيك ولا اراك تسرع بخطواتك الي
كما في السابق
ان اراك تقف بعيداً ك الغريب بعد ان كنت
لي گ الاكسجين
إكتمل لغريق كاد ان يموت ..
محو تفصيلي من ذكرتك !!
اذاً لم تبقى ذكرايتك وتفصيلك ترودني!!
‏⁦‏فـ هل بنسيان!!
‏يمكن يمرّ الزمان
‏ونلتقي صدفه بـ مكان!!
‏ونرجع نجدد تفصيل منسيه!!
مناف ميل راسها ولوح بيده قدامها/جود جود!!
جود رفعت عيونها له/هاا
مناف عقد حواجبه بضيق هو يشوف
الحزن بعيونها/وش فيگ!!
جود ابتسمت وهزت راسها بنفي/ما فيني شي
مناف وقف قدامها وثبت يده على كتفها/لا تقولين ما فيني شي الا فيگ..اخرها امس كان واضح انك نمتي وانتي تبكين
جود نزلت راسها اخذت نفسه
تقوي فيه نفسها
---
----
----
--- ----


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 28-05-2018, 08:06 PM
g_rwa12 g_rwa12 غير متصل
©؛°¨غرامي مشارك¨°؛©
 
Uploadfef5c031fd رد: رواية إذا ما عشت بدنياك أميراً فخذيني إليهـا أسيراً/بقلمي



صل على النبي قبل تقراء
#الاسـيـ⛓ـر ---
---
----
دخلت القاعة وعقدت حواجبها وهي تشوف
اغلب الطلاب دخلوا واخذوا الصفوف الأماميه على غير
العادة..وكان اغلبهم بناات..
توجهت للخلف وعينها على الطالبات
اللي كل وحده ماسكة مرايتها او جوالها ويرتبون اشكالهم..
سيف من خلفها/ما بتجلسين قدام معهم
التفتت له باستغراب
فهد بسخريه/والله انتو يا البنات مخفه ما يهمكم الا المظهر والشكل
جلست وهي رافعه حاجبها
سيف يكمل/الرجل بأفعاله مو بجماله..نعنبو ابليسهم حتى الطالبات العربيات صافين قدام يقال انهم خاقين
فهد بقهر/اللي ما توقعتها من هذي النوعيه خوله
جود التفتت لهم /خوله!! ايش صاير!
سيف/عشان دكتور نـاتـان
جود فتحت عيونها و وقفت تناظر قدام وهي تشوف خوله معهم
خوله انتبهت لها وبصوت عالي/جوود تعالي هنا مسكت لك كرسي معي
جود عضت شفايفها بقهر وهي تشوف خوله بزينتها المبالغ فيها على غير العاده..واللي جنبها لا يقلون عنها
جلست وبقهر/سخيفات وقليلات ادب صدز خفيفات
سيف بمدح/والله انتس كفو وبنت رجال هذي البنيه السنعه
فهد بسخريه لاذعه/لو كنت شايفها معي قبل شوي دقة حنك مع واحد اجنبي ولا موصلها بعد للجامعة كان ما قلت ذا الكلام
سيف بتعجب/تقوله صااادق!!!! ولا تمزح
فهد/والله..يا رجل كلهم نفس الطينه من تطلع البنت من السعودية تنسى الرجال اللي وراها وتفصخ الحياء
جود رصت على أسنانها بقووه وشدت على شنطتها
تفرغ غيضها فيها..تحاول تسيطر على اعصابها
غمضت عيونها وصدرها يرتفع وينزل..
رفعت يدها على فمها تمنع نفسها من الرد والتبرير
لهم..اصلاً من يكونون عشان أبرر لهم..
مانفووه ان ماحلقت لك شعرك ...
فتحت عيونها على صوته
دخل للقاعه بخطواته الثابته وحضوره الطاغي..
بدا المحاضره..
تحس الظغط وصل مليون وهي تشوف
مياعة البنات الزايده معه واللي قهرها اكثر
تجاوبه معهم..
ولاشعوري تقطع بالجلد اللي حول أظفرها لإصبعها الابهام
وتغرس اظافرها فيه..الغيره بتآكلها أكل
اذا على ايام الديره كانت تغار من نظرات بنات مدرستها له لما كان يوديها ويرجعها من المدرسه..مع انهم كانو منقبات..فكيف بـ الحين
وكل البنات اللي قدامه فاصخين الحياء وكل وحده تقول الزين عندي...




لايك قبل تقراء
#الاسـيـ⛓ـر --
--
--
وحده من الطالبات الألمان جالسه بالصف الامامي/دكتور ولكن هذة النقطه من المسأله 3 لم افهمها!؟؟
مشاري تقدم منها وانحنى على كتابها يشوف
النقطه استقام بوقفته وبدا يشرحها لها ويرفع راسه يعيد شرحها لطلاب
بعد ما انتهى من شرحه/هل فهمتيها!!
الطالبه بغنج/اجل
ابتسم لها وربت على كتفها.. رجع لمكانه يكمل المحاضره..
قوست شفايفها ونزلت عيونها لأصبعها اللي بدا
ينزف
رفعت عيونها له ولجزء من الثانيه رفع عينه لها.. --
كان يحاول ينهي المحاضرة بأسرع وقت..
وراه سفره لـ نيمسا يجهز لـ المؤتمر اللي باقي عليه اقل من اسبوع ..
مالفته ابداً تجمع البنات فالصفوف الاماميه..
قد مالفت انتباهه انها ما كانت جالسه بينهم..
وعلى عكسهم تماماً جالسه بـ الخلف...
انهى المحاضره
وجمع اغراضه وتوجه لمكتبه نزل
كتبه اخذ جهازه اللاب توب وجاكيته ..
وشنطة الظهر اللي اخذها معه من البيت...
طلع وهو يمشي بخطوات واسعه وسريعه..
رفع معصمه يشوف الساعة/9:30 ص اذا مشيت الحين بوصل على العصر..
ركب سيارته وشغلها ورفع جواله واتصل بـ اخوه"بالعربي/الوو عزيز لا تنتظرني على الغدا طالع لـ نيمسا
عبدالعزيز"بالالماني"/لما!! انتظر هل غادرت!! سأرافقك
مشاري /لا ما بطول بكره راجع..الامر مستعجل نهاية الشهر ابشر نسافر لمكان ما تبي..
عبدالعزيز بخيبه/لا بأس..قد بحذر..
مشاري/ابشر قفل منه ومسك الدركسون وقبل يتحرك انفتح الباب بسرعه وجلس جنبه شخص/حرك
مشاري رفع حااجبه لصوت الانثوي زفر بطفش
مو فاضي لسخافات البنات/ترجلي فلا وقت لدي
البنت ربطت الحزام ونزلت طرف النظاره الشمسيه اللي على طرف انفها وعينها بعينه "بالعربي"/حرك حـرك
مشاري تأمل عيونها للحظه حتى تعرف عليها
ضحك على جنب بسخريه/هذا انتي!!
جود عقدت يدها على صدرها وعينها تركزت على نقطه معينه بالسياره
مشاري بجديه/انزلي
جود لا رد
مشاري حرك رقبته واصبعه تطق على
الدركسون وبحده/انـزلــي
جود لا رد
مشاري ألتفت لها بجسمه كله وانحنى عليها حتى لمس جسمه جسمها وفتح بابها على وسعه/انزززززلي
جود تحركت بسرعه وقفلت الباب وبعناد/لاااااااا
مشاري اعتدل بجلسته وشغل السيارة/إذا مانزلتي الحين تأكدي اني مابوقف ما بيكون لك فرصه تنزلين!!
جود بإصرار/صار
مشاري رجع شعره لوراء/تشهدي على نفسك
وحرك السيارة بسرعه جنوونيه...
شدت نفسها على المقعد من شدة سرعته و
--
--
الى الملتقى بـأذن الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 29-05-2018, 02:06 AM
ران موري7 ران موري7 غير متصل
©؛°¨غرامي جديد¨°؛©
 
الافتراضي رد: رواية إذا ما عشت بدنياك أميراً فخذيني إليهـا أسيراً/بقلمي


روووووووعه
بس البارت كان قصييير مره
والقفله فضيعه
واااصلي احنا في انتظارك😘😘😘😘ولو تكوني تحددي موعد نزول البارتات
😍😍

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1