غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 18-03-2018, 06:30 PM
طبعي شيوخي. طبعي شيوخي. غير متصل
©؛°¨غرامي جديد¨°؛©
 
الافتراضي روايتي الاولى : انا بحبك اسيره


روايتي الاولى انا بحبك اسيره

البارت الاول ،

في المطعم تكلم ابوها فيس تايم ،

نوف : انزين ابويه والله فهمت ، انت رد الامارات ويصير ان شاء الله

ابوها : انتي م تفهمين الساعه مب موجوده الا فالمحل اللي هناك يلا عاد سيري

نوف : انزين خلاص اوكيه ، ابويه والله بيفضي فوني عليك ف مايخصني

ابوها : تراه باخذها منج وعد انج بتاخذينها

نوف : اوكيه والله كم مره تعيد

ابوها : مب وحده ثنتين ابا

نوف بعصبيه شوي : حق منو ثنين !!

ابوها : انتي خذيها حقي وحق ... (فضى فونها )

نوف بعصبيه : اوفففففف وقتتك تفضي انت

" طلبت الفاتوره ودفعت وقامت "

عند باب المطعم ..

نوف كانت يايه تفتح الباب جان تدق واحد وطاح فونها ، شلته وطلعت..


(نوف ردت البيت فرت فونها ع السرير بدلت ملابسها ورقدت)


الصبح قامت مسكت فونها وتذكرت انه مفضي ف قامت تجرجه وتغسلت وصلت وبدلت ملابسها... تذكرت عندها موعد ف شلت الفون وطلعت بسرعه من البيت...

رن تلفونها فالسياره لاكن الرقم مب مسجل..

نوف : الوو ؟

الريال : السلام عليكم اختي

نوف : وعليكم السلام .. منو ؟

الريال : وياج زايد ...

نوف : وزايدد ؟

زايد : انتي شكلج م استوعبتي ،

نوف باستغراب : مب مستوعبه شو ؟ ،، لو سمحت انا مب فاضيه حق سخافات من صباح الله خير

زايد : نزين هدي هدي ، شفيج معصبه من الصبح ..

نوف بعصبيه : انت داق وتتفلسف وتقول ليش معصبه ؟

زايد : نزين اسف ، بس انتي شاله فوني..

نوف سكرت ع ويهه لان م تحملت سخافته وهو تم يدق ويدق ويدق ، بس قررت انها تركز عالدرب ومايخليها تشتت انتباهها.

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 18-03-2018, 08:09 PM
صورة JasmineWA الرمزية
JasmineWA JasmineWA غير متصل
©؛°¨غرامي مشارك¨°؛©
 
الافتراضي رد: روايتي الاولى : انا بحبك اسيره


مرحبا صديقتي



اتمنى تنزلي بارت كامل لنفهم القصة زين وكبداية جميلة
,,🌸🌸

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 19-03-2018, 06:03 PM
طبعي شيوخي. طبعي شيوخي. غير متصل
©؛°¨غرامي جديد¨°؛©
 
الافتراضي رد: روايتي الاولى : انا بحبك اسيره


اقتباس:
المشاركة الأساسية كتبها jasminewa مشاهدة المشاركة
مرحبا صديقتي



اتمنى تنزلي بارت كامل لنفهم القصة زين وكبداية جميلة
,,🌸🌸
ان شاء الله بنزل بس كان كبدايه سريعه ،،

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 19-03-2018, 06:39 PM
طبعي شيوخي. طبعي شيوخي. غير متصل
©؛°¨غرامي جديد¨°؛©
 
الافتراضي رد: روايتي الاولى : انا بحبك اسيره


[size="4"]البارت الثاني :

نوف خلصت من المستشفى ، وعقب راحت المول وعطول دشت محل الساعات ، تلفونها بعده يرن لاكنها ساحبه عليه ،،


نوف تكلم اللي يشتغل فالمحل : السلام عليكم اخوي ،،

الريال : اوههه اهلا وسهلا يا نوف منزمان ماشايفينك

نوف : الله يهديك مازن ، ما اي الا يوم ابا اخذ شي يديد وها ،،

مازن : ايه طيب بشو اخدمك ؟

نوف : امممممم شي ساعه يديده نازله ؟

مازن : انتي بتعرفي كليومين نازله عندنا ساعات جديده ، اي وحده بتقصدي ؟

نوف : اظن ماشي منها ، يعني موزعينها عالمحلات ببضاعه محدوده.

مازن : اههه ، عرفتاا ، تعي تعي رح فرجيكي ..

نوف راحت وياه وراواها الساعه ،،

مازن : ايه عجبتك ؟

نوف : هيه هاي هييهه ،،

مازن : انتي زين لحقتي عليها ،، الشباب عم يجو وشوي رح يكسروا علي المحل

نوف ضحكت بتسليك : هههههه ، زين ابا منها اثنين

مازن : تمام بس خليني جييك اذا فيه عندنا بالستور،،

نوف وهي تمشي بين الساعات : خذ راحتك،،

تمت تتريا اكثر من خمس دقايق وبعده مايا ، ومن ماقال مازن الشباب ايون بس عشان هاي الساعه وشوي وبدا المحل يزدحم،

مازن طلع بالساعاتين : هاي لييتلك اثنين مثل م طلبتي ، وهالاثنين اخر اثنين فالمحل فاحسن تدفعين وتطلعين بسرعه لانهم م بيخلون شي ماراح يعرضونه عليج.

نوف استانست : خلاص اوكيه غلفهم بسرعه وعطني المكينه بدفع بالبطاقه

مازن : تمام

ريال كان واقف وشوي بيقطع شعر راسه : يعني انا اتصلت وقلتلكم انا بحجز ثنتين كيف تقولي مافي ؟ كيف تقولييييي انا مادقيت ؟ تباني اطلع لك اللي قلته ؟

اللي يشتغل فالمحل : والله مانا مشكلتي هاي ، الناس يجوا ويشتروا انا شو بيضمني انك راح تجي ؟

الريال بعصبيه : احين من وين ايبها ؟ قولي من ويننن ؟

مازن تدخل : هدي يا اخي هدي ، اهدا وقولي شفيك ؟

الريال : خليتوا فيها اهدا انت ، يعني اتصلت وقلت بي بعد خمس دقايق غلف الساعتين وبي ادفع واطلع واحين ربيعك ها يقولي سولد اوت ؟

مازن : اييه والله سولد اوت من شوي وحده اشترتهم اسف والله

( الريال تم يتحرطم ونوفف تتريا الساعات عشان تطلع من هالزحمه )

الريال 2 : زايد اهدا الله يهديك شو فيك

زايد : سعيد ماتجوفهم يعني قلتلهم بي وفوق ها يقولي سولد اوت !!

سعيد : خلاص امسك فوني كلم ابوي اساله شو يبا غيرها

زايد بضيقه : هات !

دق على ابوه فيس تايم وخبره ان سولد اوت وماشي ، وبنفس الوقت نوف كانت تسمعه،

زايد : والله تعرف اني ما ابا اخلي شي بخاطرك لاكن شسوي والله دقيت وقلتلهم بس قالوا ماشي وحاله


بوسعيد : خلاص نزين برايها ماباها ،

زايد : هيه ادريبك تباها لا تحاول

بوسعيد: خلاص مب لازم والله انت اهدا احينن وبسس

زايد : نزين شو تبا غيرها ؟ ايب لك اي شي ؟


بوسعيد : والله صح كان خاطري فيها بس يالله شقول يتهنون فيها

زايد : اسف والله

بوسعيد : لو انا احين عندك جان صفعتك والله ع شو اسف ؟ برايها الساعه خذ لي اي شي ثاني

زايد : شو تبا نزين ؟


بوسعيد ( بمزح ) : خذ لي رقم ثاني عشان ماتدق لي

زايد ضحك : هههههه هاي يزاتي هااا !!

بوسعيد : يلا سكر عندي اجتماع احين اكلمك بعدينن

زايد :دق ع فون سعيد ، يلا تحمل

بوسعيد : وانت بعد وسلم ع سعيد

وسكررر ،،

نوف فخاطرها : ( احين اعطيه ولا يعني اكيد لو ابوي بسويه له اي شي يعني عادي عمي محمد مايبا خلاص خلاص بستغنى عن وحدهه ،، سامحني ابويه )


نوف نادت مازنن : مازنننن

مازن : ايه امرك ؟

نوف : خلاص عطه وحده والثانيه يلا هاتها عسب ادفع

مازن بصدمه : متاكده انتي ؟

نوف : هيه يلا بسرعه ولا تقوله شي قول انك حصلت وبس

مازن : ايه امرك

مازن نادى زايد وهو كان طالع : لو سمحتتت

زايد لف عليه : خير ؟

مازن : نحنا كتير اسفيين اخووي بس البنت اتستغنت عن وحده يعني لو تفكر تشتريها ؟

زايد ماقدر يمسك ابتسامته : خلاص غلفها وهاتها ،،،،

مازن عطا نوف الكيس اول ودفعت وعقبها دفع زايد وطلع ،،

(نوف راحت ستاربكس طلبت ويلست مسكت فونها وجافت 26 اتصال من الرقم ، دخلت الباسوورد ومارضى فونها يفتح ، جربت ثلاث مرات ومافتح )

نوف بخوف : خيبه ها بلاه مب وقتك م تفتح بعد!!

( جربت بعد مره بس انقفل مده دقيقه ،، شلت الكوفي وطلعت ع طول )

( فالسياره )

رن الفون وهالمره جافت رقمها ، عطول ردت ،،

نوف : الووو

زايد : احين صدقتي انج ماخذه فوني ؟

نوف : كيففففف ؟

زايد : مادري لا تساليني

نوف : نزين ؟

زايد استغرب : شو انزين ؟

نوف : يعني الحل ؟

زايد : يعني اجوفج فمكان واخذ عنج الفون يعني يبالها سالفه ؟

نوف : لو سمحت كلمني باحترام

زايد : انتي تستغبين وبعدين كلمتج باحترام !

نوف : المهم متى و وين ؟

زايد : احين فاضيه

نوف : اليوم لا !

زايد : تراه م بياخذ الا دقيقه شو اليوم لا

نوف : مشغوله انا مب كلحد فاضي نفسك !

زايد : نزين عادي انا بييج انتي وينن ؟

نوف : انا بدقلك وبقوللك ؟

زايد بمزح : يعني شو الاخت ناخذ عنج موعد بعد لو نبا نرجع فوننا ؟

نوف بعصبيه : مب مشكلتي انك ماخذ فوني !!

سكرت ع ويهه


راحت بيت يدها

نوف دخلت وسلمت محد كان موجود غير يدها ،

يدها ( علي ) : وينج انتي منزمان مايتينا ؟

نوف : يدي امسس يت انت محد اصلن يوم ايي ماحصل حد فالبيت

علي : هيه سوتها ، انت محد

نوف ابتسمت : والله محددد

علي : نزين يا نوف نزينن ، ابوج شحاله ؟

نوف : ابويه بخير ، بيرد اظن الاسبوع الياي

علي : هيه زيننن زينن

نوف باستغراب : الا يدوه وينهها ؟

علي : وينها بعد طالعه ولا ببيت اختها ،

نوف ضحكت : ههيهه

تمت تسولف وي يدها ، ووصلت الساعه خمس ،،

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 19-03-2018, 09:06 PM
صورة JasmineWA الرمزية
JasmineWA JasmineWA غير متصل
©؛°¨غرامي مشارك¨°؛©
 
الافتراضي رد: روايتي الاولى : انا بحبك اسيره


استمري
جميل
هتشوفين تعلقياتي لحين ما نقدر نفهم القصة زين !!

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 20-03-2018, 03:08 PM
طبعي شيوخي. طبعي شيوخي. غير متصل
©؛°¨غرامي جديد¨°؛©
 
الافتراضي رد: روايتي الاولى : انا بحبك اسيره


[size="5"]البارت الثالث ،،

في بيت يدها ،

نوف : يلا يدي انا بسير ، سلم ع يدوهه

يدها مندمج يطالع التلفزون : اوكيه اوكيه

وطلعت ،،

فالسياره التلفون بدا يرن ونست انه مب فونها وردت،،

الريال : زااايدددد ،وينكككك ياريالللل ؟

نوف عطول سكرت ع ويهه ، وراحت البيت ،،

وصلت البيت طلعت فونها الجديم وحطت بطاقته فتلفونها ودقت ع رقمها ،،

زايد : هلا ؟

نوف : تقدر تعطيني فوني لو سمحت ؟

زايد : الناس يقولون السلام عليكم شحالك شي ، بلاها هاي ؟

نوف : ماعندي وقت حق كال هالاشياء

زايد بعصبيه : نزين !

نوف : المهم وين ؟

زايد : اي مكان قولي !

نوف : ( قالتله المكان )

زايد : اوكيهه !! الساعه 7 ونص

نوف : يصير خير !

زايد : انزي....(سكرت ع ويهه )

نوف فخاطرها : اوففف باقي ساعه شسوي ؟

فتحت لابتوبها دقت ع ابوها " فيس تايم " مارد ،، بدلت ملابسها وحطت شوي مكياج وطلعت ،،

راحت ستاربكس وطلبت وتمت هناك لانه قريب من المكان اللي قالت بتجوفه فييه ،،

طلعت وتمت يالسه فالسيارهه وتترياهه فالمكان اللي اتفقوا فيه ،،

دقلها يقولها انه وصل ،،

نوف : ها امسك تلفونك !! وين فوني ؟

زايد كان سرحان يطالعها " ياخي هالبنت جايفنها مكان ؟ اعرفها ؟ يعني اكيد اعرفها اوفففف والله اعرفها "

نوف : ايههه انتتت اكلمك ؟

زايد : بلاج ؟

نوف تمدله فونه : هاك فونك وعطني فوني ؟

زايد : اوهه ( شل تلفونه ) صح بقولج شي ؟

نوف : شو بعد ؟

زايد : تراهه تلفونج مب ويايه ؟

نوف : جوف مب وقت استهبالك عطني تلفوني !!

زايد : م استهبل !!

نوفف بعصبيه : ايييييييههههه عاااااااادددد

زايد : شوفيج مب مشكلتي انتي مستعيله تبين فونج ونسيته فسيارتي الثانيه !

نوف بنبره صوت عاليه : لا والله ؟ انا المستعيله ؟ مب انت اللي شوي وبتصيح تبا فونكككككك ؟؟ وتقوللللل انا مستعيلههههه ؟

زايد بعصبيه شوي : لا تصارخين عليي ( طلع فونها من مخباته وفره عليها ) احترمي انج يالسه ترمسيننن ريالل !

نوف بعصبيه : لا والله احترمك ليش انت احترمني عشان احترمك ، وتجوفني متفيجه حق سخافاتك ؟

زايد مشى : بس سكتي مب خذتي فونج ؟ ، خلاص يلا معسلامه

نوف تمشي الصوب الثاني : اوفففف وفوق ها مفضي فونيي ( علت صوتها ) احمد ربك مجرجه لك فونك !

زايد : استغفرالله ، خلاص فكينا ،

نوف : يالله ،، لا تجوفك عيوني يلا روح خلاص بعد شتبا ؟

زايد : استغفرالله مب ميت عليج تراهه ، ولا ميت ابا اجوفج

نوف ركبت سيارتها تترياه يروح ،، وراحح

دقت ع ابوها وكلمته فيس تايم وقال انهه جدم سفرته وبيرد عقب يومينن ،، حركت سيارتها وراحتت المول تاخذ كم شي تباهه ،، وعقب م خلصت طلبتلها عشاا وراحت بيتهمم ،، تعشت ورقدت ،،

الصبح ،،

نشت ع صوت منبهها ، تغسلت بدلت ملابسها ، حطت شويه مكياج وطلعت ،، مرت ستاربكس اللي م تقدر تعيش بدونه خذت الكوفي وعطول راحت الدوام خافت تتاخر ،،

طبعا اليوم كان طويلل ، ف رجعت البيت تعبانه ورقدتت ،، نشت قريب المغرب صلت الصلاه اللي فاتتها وطلعت راحت بيت يدهاا ،، وتعشت هناك وعقب ردت البيتت كملت رقادها ،،

طبعا هالروتيننن اليومييي ،،

عقب يومينن ،، العصرر

دق ابوها : راقده شوو ؟

نوف بصوت تعبان : هيه راقده ؟

ابوها : نزيننن ترانيي وصلت الاماراتت

نوف قامت : صدققق والله ؟

ابوها : هيه والله بلاج ؟

نوف استانست : اي اشلك من المطار ؟

ابوها : لا ولد محمد بيي ياخذني ، وصح بنروح المطعم ف اباج اتيين ؟

نوف : اوكيهه ؟

ابوها : خلاص نجوفج هناك عيلل ،،

نوف : تماممم ،،

لبست ملابسس كشخهه وفوقها العباهه حطت ميك اب كالعاده خفيفف ولبست كعب بس مب طويل وايد ،، شلت شنطتهاا وتعطرت وطلعت ،، وصلت طبعا قبلهم وحجزت طاولهه ،، يلستتت وتريتهم لين م وصلوا ،،

طبعا اول واحد جافته ابوها سلمت علييهه وعقب جافتت عمها محمد ،،

عمها محمد : وينج انتييي منزمان مب جايفينج ؟

نوف : موجودهه والله ،،

وعقب سوالف طويلهه يا شخص ماكانت تتوقعه ،،

"":: السلام عليكم ،،

كلهم م عدا نوف : وعليكم السلام

طاحت عينه عليها وانصدم هو بعدد ،،

محمد : نوف ها ولدي زايد تراهه

نوف بابتسامه متصنعه : اوهه ونا عبالي بس عندك سعيدد ،،

محمد : زايد اصغر عن سعيد ،،

عبدالله ( ابو نوف ) : وهاي بنتي الوحيده ،، نوفف

زايد : نايس تو ميت يو نوف

نوف : هه يو تو

تموا يسولفون وطبعا عينه وعينها م خازت عن بعض من الصدمه ،،

نوف بخاطرها : ياربييههههه انا شسويتتتتت عن يخبر ابوههه عني وعقب ابوهه يخبر ابويييي ووو اوففففف يالله شهالبلوه ،،

تعريف الشخصيات ،،

عبدالله : ابو نوف ، يشتغل براا البلادد ومطلق ماعنده عيال الا نوفف ،،

نوف : بنته الوحيده، و الله رزقها جمال م ينوصفف ،، عنيده ووايد عصبييهه ،، بس فوق ها كله طيبه ويهمونها الناس حولينهاا ،، تكره الرياييل الا اللي تعرفهم طبعا ،، ونقدر نسميها عاشقه القهوهه بعد ،، ومتى م تضايقت طبعا تحصلونها فالبحرر ،، وطبعا تعرف ان محمد عمها وكانت بس تعرف ان سعيد ولده عسب جي انصدمت انه عنده ولد ثاني وهو زايدد

محمد : ابو سعيد ،، يعني ابو زايدد ،، يشتغل برع البلاد وي عبدالله ، هو مب اخو عبدالله بالدم بس اخوه بالرضاعه ف يعني يستوي عم نوف ،، وهو بعد ولد خاله عبدالله فيعني يستوي لهم ف كل الاحوال.

سعيد : ولد محمد العود ،، عنده ولد صغير اسمه حمدانن ،، هو مطلقق لاسباب بتعرفونها ف باقي الروايه ،، ولده يعيشش وياهه ويحبهه واييددددد ،، وطبعا م ننسى انه يحب اخوهه ؛ زايد ؛ .

زايد : نقول اخر العنقود ؟ ،، ونقدر نسميه برنس جارمنق من جماله ،، هو م يحب البنات ولا يحب يرمس بناتت ،، ف مايعرف يتعامل وياهم ،، عصبي بس مب وايد ،، يحب الكوفي ومايقدر يكمل يومه بدونهه ،، يحب يكشخ وايدد بعدد،، زايد يعرف عمه عبدالله بس هو مب وايد قريب منهم ف عسب جي ماكان يعرف انه عنده بنت



انا اسفه لان البارتات قصيره وشوي مب حماسيه لاكن اوعدكم فالبارتات اليايه بتتحمسون وي الروايه وتححبون الشخصيات وطبعا شي شخصيات بتكرهونها ،، اتمنى اني احصل منكم ردود ايجابيه وطبعا اتقبل السلبيه لان هالشي بيعلمني كيف اكتب ،، ان شاء الله احصل منكم دعمم ،،


روايتي الاولى : انا بحبك اسيره

الوسوم
الاولى , اسيره , بيتك , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الاولى/ الضياع ضائعه بين احرف روايتي أرشيف الروايات المغلقة - لعدم إكتمالها 32 12-06-2020 07:07 PM
روايتي الاولى: عودة الماضي aloxi_29 أرشيف الروايات المغلقة - لعدم إكتمالها 12 22-08-2017 09:21 PM
روايتي الاولى : ياصديقاتي ترى لكم صديقه تبيع الدنيا عشانكم biack_shdow^_^ أرشيف الروايات المغلقة - لعدم إكتمالها 175 08-06-2016 04:21 PM
روايتي الاولى: جرحت وحكمت بلا دليل وانا حبيتك بلا ضمير بنت شيوخ و كلي شموخ أرشيف الروايات المغلقة - لعدم إكتمالها 6 29-04-2016 01:30 PM
روايتي الاولى : لكل شخص ظروف وفي ظروف تجبرنا نسوي اشياء م نبيها . Miss Jo0oJ أرشيف الروايات المغلقة - لعدم إكتمالها 9 30-04-2015 10:55 AM

الساعة الآن +3: 07:34 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1