غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 21-03-2018, 04:54 PM
أحمد محرم أحمد محرم غير متصل
©؛°¨غرامي جديد¨°؛©
 
Upload004d4df318 رواية لست كما أبدو /بقلمي


السلام عليكم اليكم الفصل الاول من روايتي "لست كما ابدو"
مقدمة

من منا لم تمر عليه الأيام مرور الكرام دون ان يضيف شيئا جديدا يعطيه قيمة لكيانه ويظل يغلق على نفسه أبواب السعادة التي لا يجدها في شيء مع بضع المحاولات البائسة التي غالبا تبوء بالفشل.
لست كما أبدو هي تجربة يعيشها بطل الرواية تؤثر في جميع قارئيها لتطرح في أنفسنا اسأله عديدة هل يمكن ان نستعيد التحكم في مسار حياتنا هل نستطيع ان نعيد ترتيب افكارنا وبالتالي نبدأ حينها فقط ان نعيش حياتنا كما نريد نحن بإرادتنا.

انه السؤال الذي لطالما راودني انا شخصيا هل مازالت عجلة القيادة نحن ما نتحكم بها ام ظروفنا التي تجبر هذه العجلة بالتحكم فينا ولا تعتقد ان بعد قراءتك لهذه الرواية أنك ستجد اجابة على هذا السؤال ولكن الذي اتأكد منه أنك لن تنتهي من قراءتها قبل ان تتغير أشياء كثيرة في نفسك لم تكن تتوقع تغييرها ابدا
المؤلف: احمد محرم
-------------------------------------------------------------------------------------------------
الفصل الاول
- "أزيك يا ماجد" بقالي كتير مشوفتكش
نظر لها في تعجب! ما هذا الاسم الغريب
- حضرتك تقصديني انا
- أسفه افتكرتك حد تاني
- ولا يهمك، قالها في نفسه قبل أن ينطلق كعادته لانتظار الحافلة لتأخذه إلى الشركة "يعمل نور مهندس في شركة مقاولات متوسطة في هذا المجال نور شاب في الخامسة والعشرين كثير الصمت ولا يعلم أحد ما بداخله من مشاعر
وصلت الحافلة وعندما صعد وجد صديقته، منه
تعمل منه في سكرتارية مكتب المدير وهي من اعز أصدقاء نور التي لا تخفي عنها شيئا عن حياة نور
- صباح الخير قالتها بابتسامه ليرد نور
- صباح النور أزيك يا منه
قالت منه
- رنيت عليك الصبح كتير مردتش ليه
- مفيش انتي عارفه موضوع الكوابيس اللي بتجيلي
- انتا لسه يبني الكوابيس دي بتجيلك
- اعمل ايه مبقتش فاهم حاجه خلاص المهم انتي عامله ايه مع خطيبك
- عزمني النهارده على العشا
- أخيرا اتصالحتو
- انتا عارف هو عامل زي الأطفال قالتها بابتسامه
ظلوا يتحدثون الى ان وصلوا إلى الشركة وعندما وصلوا ذهبت منه إلى مكتب المدير بينما ذهب نور الى مكتب المهندسين
صباح الخير قالها نور لزملائه كان يوجد سلمى زميلته في المكتب ومحمد نائب المدير وهو شخص حاد الطباع شديد المعاملة مع جميع الموظفين عدا سلمى كان جالسا مع سلمى يتحدثان والضحكات تملأ المكان بينما كان ينتظره طارق صديقه وزميله في الشركة يعمل طارق في الشؤون القانونية في الشركة
- صباح النور رد بها الجميع ما عدا محمد الذي كان لا يروقه على الإطلاق وبنفس القدر أيضا نور
- ايه يا عم التأخير ده كله قالها طارق لنور في استعجال
رد نور
- انتا عارف الطريق الصبح عامل ازاي
خرج محمد من المكتب
- المهم عملت إيه في الموضوع قالها طارق بصوت خافت
- موضوع ايه قالها نور باستغراب !!
- تاني يبقا معملتش حاجه يا أخي حرام عليك
قالها طارق والضيق يملؤه كأن الموضوع يخصه هو
- اعمل ايه مش لاقي فرصه أكلمها لوحدها منتا شايف محمد مبيسبهاش واهو كانو عمالين يضحكوا أزاي وشويه هيقوموا يرقصوا
- هما عشان بيتكلموا وبيهزر معاها يبقا خلاص في حاجه بينهم قالها طارق بصوت مرتفع
- وطي صوتك هتفضحنا يا اخي
كانت تنظر سلمى إليهم كأنها كأنها تعلم أن الحديث عنها

بعد انتهاء يوم العمل وفي الانصراف كالعادة ذهب نور إلى منه في المكتب للانصراف معاً فهما دائماً يتواجدان سوياً
- منه إيه قاعدة شويه ولا ماشيه
- اه يلا بينا هخلص الورقه دي وجايه
- خلاص ماشي مستنيكي بره
- بشمهندس نور ناداه محمد
استدار نور
- فين تصميمات مشروع الواحات أجاب نور في تعجب
- الواحات !! مع سلمى يا أستاذ محمد
- لا مشروع الواحات هتاخده تكمله انتا منها وهستلمه منك انتا
قالها مبتسما كأنه ينتصر عليه في معركة دامية
- إيه بس مالك متضايق ليه قالتها منه بعدما رأت وجهه الغاضب
- محمد أفندي أزاي يسيبني في حالي كده مش لازم يرخم عليا
- برضو لسه بيوصل سلمى للبيت؟
- غير كده كمان بيريحها في الشغل والمفروض اني اشتغل شغلها عشان يروحها بدري
- معلش يا نور انتا عارف الاتنين بينهم حاجه غريبه محدش يعرفها حتى القريبين منهم ميعرفوش
هز رأسه متفهماً
- مش يلا بقا ولا ايه قالها نور وهو في قمة العصبية
وصل نور لشقته كان يوم طويل مرهق بالنسبة لنور دخل إلى الشرفة لشرب الشاي يعشق هدوء الليل وتلك النسمة التي تدغدغه تنسيه إرهاق العمل , تجاهل حبيبته
غلبه النوم فذهب للفراش
*********************************
- ادخل يا سيدي خلينا نلحق الفرح من أوله عقبال ليلتك يا عم ماجد
دخل ماجد السيارة وانطلقوا إلى الفرح
سأل ماجد
- هو الفرح فين ؟
- في قاعه في مدينة نصر
وعندما وصلوا إلى القاعة
- عمنا أزيك يا ماجد عامل إيه
- الف مبروك يا ابو علي امال العريس فين
- أنتا عارف بقا ياسيدي ليلة العمر وده اخويا وأنا عارفه هو لازم يجي متشيك في كل حاجه ما بالك الليلة دي بقا.

ابتسم ماجد قائلا
- أنتا هتقولي ده اخويا بس انا زعلان ازاي الفرح جه بسرعه كده من غير ميقولي!! وكان مختفي فين ده بقالو اسبوعين معرفش عنه حاجه واسلام اول مره يعملها معايا
- انا كمان استغربت ده حته هو مقاليش أي حاجه
قطع حديثهما صوت انثوي مناديا: حسن
- اه نسيت اعرفك بالمدام اهي جايه اهي
- معلش يا حسن يخويا محضرتش فرحك كنت مسافر
- لا ولا يهمك اعرفك المدام (سالي)، ماجد صاحب إسلام
- مد يده قائلا ألف مبروك
نظرت له في عينه ولم تقل سوى كلمة واحده
-ازيك يا ماجد
قام مفزوعا من النوم نظر في ساعته انها الرابعة فجراً وكان السكون يعم المكان
ذهب وفتح الثلاجة اخذ زجاجة الماء ليشرب
ثم نظر الى المرآه قائلا في تعجب واندهاش
""ماجد مين""!!


********************

الرد باقتباس
إضافة رد

رواية لست كما أبدو /بقلمي

الوسوم
محرم , ابين , احلى , تأليف , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية لا زعلت وجاك مني خطا إمسكني بيدي وعلمني خطاي /بقلمي * الغيد .. روايات - طويلة 113 12-02-2017 12:15 AM
رواية كل شي يتغير في لحظة /بقلمي like_the_moon روايات - طويلة 21 08-04-2016 01:32 PM
قصة الأثم /بقلمي قلم مضطرب قصص - قصيرة 6 31-03-2016 12:53 AM
رواية وعيونك اللي تعلم الخاين يتوب ويردّ لدروب الوفا عاشق /بقلمي الكاتبة:احلام روايات - طويلة 1 25-03-2016 08:38 PM
رواية في هالدنيا عابرين /بقلمي ماضي جميل روايات - طويلة 2 09-03-2015 02:20 PM

الساعة الآن +3: 10:51 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1