غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 29-06-2018, 06:02 AM
ميس ال سعود ميس ال سعود غير متصل
©؛°¨غرامي جديد¨°؛©
 
الافتراضي رد: لله در فتنة أيقظت قلبي عشقا لله در عيناك و السلام/بقلمي


سبحان الله وبحمده ..... سبحان الله العظيم


" البارت الحادي عشر "

♫̴.

ادعي عساك تگون مني وفيني
عل وعسىٰ ما يملگك غيري انسان

~
~


سعود بهدوء : جهزتي
ميس : اييه
سعود : متاكده مافيه شي اخذتي كل اغراضي
ميس بهدوء : اييه
سعود قام : طيب يلا مشينا
ميس وهي تلبس عبايتها : اوك

~
~

ريما تناظر المتحف وبتعجب : واااو مستغربه ان هالاشياء في ايطاليا
سلطان : اي عمري فلورنسا مشهوره في المتاحف هم دوله مهتمه جدا في التراث
ريما : اي ماشاءالله عليهم
طلعوا من المتحف وهم بقمه سعادتهم
ريما بشهقه : سلطاان
سلطان انفجع : بسم الله علامك
ريما ضمت يد سلطان وبدلع : سلطااني حبيبي
سلطان بقهر منها : علامك بس تخرشيني والدلع مايطلع الا اذا تبي شي
ريما : سلطاني حبيبي بس طلب واحد وهي ترفع اصبعها بدلع
سلطان ضمها بحب : ماضيع سلطاان الا دلعك
ريما : ههههههههه احسسن وهي تطلع لسانها
سلطان : ترى ما اسويلك
ريما بخوف : خلاص توووبه تووبه
سلطان وهو ماسك ضحكته : امري ايش تبي
ريما وهي تاشر على شبك معلقه فيها ميداليات على شكل قلوب للذكرى : بنروح هناك ناخذ لنا ذكرى
سلطان يناظر وين تاشر : ههههههه هالكل هالازعاج علشان ميداليه
ريما بزعل وهي تدفه : مالت عليك وانا ابي اخذ ذكرى معك
سلطان ضمها : هههههه وناخذ ذكرى لعيوونك هاه شرايك
ريما : اي كذا ارضى هههه
كتبنا ذكرى علقناها واخذنا وحده ذكرى لاني مو ضامنه اني ارجع لها مره ثانيه : سلططان تعال هنا باخذ لنا صوره
سلطان : اوك انتي ماتطفشي من الصور
ريما بدلع : بصور كل شي ابي احتفظ بكل التفاصيل الحلوه
سلطان : طيب يلا صوري بسرعه قبل مافوتنا القطار

~
~

ام اماني : اموون يمه انتي دخلتي شهرك
اماني بخوف : اي ومطوفه يمه لي اسبوع الدكتوره تقول تعالي اذا عديتي الخميس
شهد بشهقه : يعني لك اسبوع
اماني بخوف وهي تناظر امها : اييه
ام اماني بصراخ : وليييه ما رحتي للدكتوره
اماني : يمه خايفه وبعدين ودي اولد بنفسي مو هم يولدوني
ام اماني : قومي دقي على زوجك خليه يوديك تمشي مو جالسه كذا
اماني بطفش : واذا مشيت شصير
ام اماني بهدوء : يسهل لك الولاده يمه الله يرضى عليك قومي
اماني قامت بهدوء : طيب واتصلت على ابو عبدالعزيز
اماني : السلام
ابوعبدالعزيز : وعليكم السلام
اماني : فاضي اذا فاضي تعال ابمشي علشان اولد
ابو عبدالعزيز : طيب تجهزي كذا عشر دقايق وجايك
اماني : اوك
لبست عبايتي وجلست انتظرها ناظرت بطني وبديت امسح عليه : يمه حبيبي الله يخليك لي
قطع علي تفكير صوت جوالي كان ابو عزوز طلعت
اماني : يممهه يلا رايحه تبي شي
ام اماني : لا حبيبتي مابي شي

~
~

ساره تناظر بيتها اللي جهز واخير من زمان ودها تسكن في بيت لحالها بس نايف رافض فكره انه يسكن بعيد عن اهله الا يوم تزوج سعود وشافه سوى له بيت وانا اقنعت اني ابي بيت ومو مرتاحه وكذا يادوب وافق ناظرت البيت بتعب بتفكير : اااه لو اخذت من خدم خالتي تساعدني بس ياحبيبتي ياخالتي جالسه تجهز لاستقبال سعود وعروسته الله يوفقهم وبدت تنظف بيتها اللي عباره عن دورين الدور الارضي في صالات مفتوحه على بعض وغرفه لاستقبال الضيوف وحمام " الله يكرم القارى " ومطبخ وصاله طعام ومجلس رجال مع حمام " الله يكرم القارى " والدور الثاني عباره عن جناح لها وغرفه لعيالها " هيثم & مؤيد " ومقابله لها غرفه " ميرال" مطبخ تحضيري وصاله فوق وغرفه غسيل وفي الحوش من خلف البيت مسويه لها حديقه بسيطه ومسبح وبيت شعر وهذا كان كله من تصميم ساره
ساره ناظرت البيت بعد ماخلصت منه جلست بتعب وباعجاب : اااه ياازيين النظاافه ويااازيين بيتي واخييرا صار لي بيت
نايف جاء من وراها وسمع كلامها : ليييه لهدرجه فرحانه من خروجك من بيت امي
ساره تفاجات من دخوله : لا لا مو كذا بس فرحانه اني لي بيت بس
نايف ناظر البيت : انتي نظفتيه لحالك ولا معاك احد
ساره بتكبر : اي بسم الله عليه مو قدعه
نايف ضمها : اي بسم الله عليك هنههههههه
ساره بزعل : تضحك علي
نايف بهدوء : قوومي يلا جهزي امي عازمتنا على العشاء
ساره وقفت : طيب
طلعت مع الدرج يوم وصلت نصه حست بالم في اسفل بطني بصرخه : اااااه وجلست على الدرجه وهي ماسكه بطنها
نايف فز من صرختهاوانصدم من شكلها : سسساره شفيك
ساره بخوف والدموع ماليه وجها : مدري حسيت بالم اسفل بطني وبعدين راح
نايف مسك يدها وقومها : يلا نروح المستشفى من زمان مو عاجبني حالك
ساره وهي خايفه كمان : طيب

~
~

ميس وهي تناظر منظر الغيوم سحرها المنظر مع غروب الشمس وتفكر بحالتها : مستحيل يستمر الوضع كذا بينها وبين سعود يا انه يطلقها او انه يعتبرها زوجه له ضحكت على اخر كلامها مرا تخيلها واسع الرجال كارهني ويحتقرني وهي بكل بساطه تبيه يعتبرها زوجه بس انا مابي افشل بهالزواح وكمان مابي اتطلق لسى صغيره على الطلاق وتحس موضوع الطلاق كببيير مرا مو سهل اااه يارب صبرني ورحمني ناظرت اللي جالس بجنبها بهدوء يتابع فلم سرحت بملامحه الرجوليه عيونه الوسعيه اااه ياسعود لو القدر يغير تصرفاتنا حبيتك وانا ماشفت منك شي حلو كله تجرح فيني بس ماقدرت احقد عليك بس
سعود لفيت لها بشوف ايش تسوي انصدمت باللي سرحانه في باستهزاء : لهدرجه عاجبك
ميس بعدت ناظرها بسرعه وبتوتر : هاه لا مو كذا بس وهي تصرفه كنت بسالك وين دورة المياه
سعود : اها قدامك
ميس قامت راحت لدورة المياه " الله يكرم القارى"

~
~

اماني وصلنا للممشى
ابو عبدالعزيز : يلا نزلي
اماني وهي تناظر الممشى :اوك
نزلنا ومشينا تقريبا نص ساعه
ابو عبدالعزيز بتعب : امووون تعبت بجلس هنا وانتي كملي
اماني وهي تحس بتعب بس تحملت : اوك
اماني بديت امشى وانا احس مو قادره امشي بطني مرا كبر بعد مادخلت التاسع صرت مره ثقيله بس شاسوي ابي اولد ناظرت الممشى كله حريم حوامل يمشون الله يسهل لي ولهم ياارب وكملت مشي بعد تقريبا عشر دقايق حسيت بالم قووي على ظهري وبطني صرخت ماقدرت امسك نفسي : ااااه ااااه يييااارب
شفت وحده واقفه عندي : سلامات ياختي علامك
اماني بخوف وبنفس الوقت الم ذبحها : اااه مدري احس بالم
مسكت يدها بهدوء : امشي نجلس على الكراسي هذي
مشيت معاها وانا احس بالم
سمعتها تقول : انتي بشهرك
اماني هزت راسي سمعتها تقول لي : الله يسهل لك
اماني : اميين
... : تحسين بشي
اماني بخوف : لا راح الم مدري ايش فيني وانا اناظر بطني اخاف صار له شي
...... وهي تمسح على كتفها : لا حبيبتي ماصار له شي بس هذي علامات الولاده فتحت شنطتها وطلعت منها تمر خذي هذي التمر يسهل لك
اماني اخذت منها التمر : ليه يا خاله جايه هنا
..... : جايه مع بنتي حامل وهذا شهرها وهي تاشر على وحده تمشي هذي هي تمشي الله يسهل لها
اماني بتساؤل : طيب الحين شسوي
...... : لا تخافين حبيبتي كلي من التمر ومشي لين تحسين الطلق معك قوى ويجيك كل بعد عشر دقايق روحي عاد للمستشفى
اماني : شكرا ياخاله الله يعطيك العافيه
...... : الله يسهل لك
اماني رجعت مشيت ابي اروح لابو عبدالعزيز بامشي قريب منه اخاف يقوى الطلق وانا بعيده ناظرته من بعيد مت ضحك عليه كان فارش له فرشه ونايم عليه ياارب من هالشايب فضحنا مع الناس كملت بهدوء وبعد كل نص ساعه يجيني الطلق وكل مره يكون اقوى من اللي قبل

~
~

شيماء : يمه ابوي ليه مايجي
ام شيماء بحزن : اااه اخذته اللي ماتخاف الله حسبي الله عليه ضيعنا وضيع بناتي اااه
وجدان ضمتها : شفيك يمه بسم الله عليك هدي
ام شيماء ببكى : وين اهدي وهذي اختك وهي تاشر على شيماء مشغلينها خدامه وفاتن غاصبها على واحد معه مرتين وانا مهمل فيني له شهرين ماجانا ويوم جانا غصب فاتن على هاللي ماتسمى
فاتن ودموعها ماليه وجهاا : يمه لاتقولين كذا
رهف : يمه خلاص اقول لمحمد يصرفنا وهو يحبني مراح يرفض
ام شيماء بعصبيه : ياويلك لو تقولين له هو مو مسوول عنا والله يارهف لو اسمعك تقولين له ذبحتك
رهف بخوف : خلاااص مراح اقول له

~
~

الدكتوره بهدوء : اتوقع ان فيه حمل بس باذن الله انه يتم
ساره بخوف : حااامل
نايف ناظرها بحده بنفسه لييه ماتبي تحمل مني بس سكت علشان الدكتوره
الدكتوره بابتسامه : اي باذن الله خايفه
ساره وهي تهز راسها بقوه : لا لا مو خايفه بس يادكتوره انا اشتغلت كثير يعني نظفت بيتي وبيت ماشاءالله كبير اخاف انه
الدكتوره قاطعتها : كل شي بامر الله روحي عملي تحليل واشاعه علشان نطمن على صحه الجنين
نايف تنهد براحه من كلام ساره : طيب يلا وهو يناظر ساره عملت التحليل وطلعت حامل وسوينا اشعه وطلع صحه الجنين بخير بس نبهتني الدكتوره اني ماتعب نفسي كثير ناظرت نايف احس انه مو مره فرحان : ناايف
نايف ناظره ورجع ناظر الطريق : هلا
ساره بتوتر : فرحان
نايف بضحكه : اكييد بفرح مدام بجي لي طفل وضربها على راسها : كييف مافرح وهو ولدي ياخبله
ساره : ههههه مدري توقعت مو فرحان
نايف بسخريه : اجل لاتتوقعي مره ثانيه

~
~

اماني حسيت الطلق قوى مره معي احس ظهري بنقسم قسمين ماقدرت امشي جلست على الارض وانا ابكي وامسك بطني : ااااه يارب ارحمني يااارب حسيت هدى مشيت لابو عبدالعزيز صحيته
ابو عبدالعزيز : هههمم
اماني حسيت الم رجع لي : اااااه قووم بسسسررعه بموووت اااااه
ابو عبدالعزير فز بخوف : بسم الله عليك ايش فيك
اماني من الالم يادوب تتكلم : ااااه اااه الم ابولد بسرعه ودني ااااه
ابوعبدالعزيز بفرحه : يلا يلا
ركبنا وعلى طول لمستشفى الولاده واسمعه فرحان وهو يردد عزوز جااء عززوز جاء

~
~

ميس وصلنا لدبي ورحلتنا بعد اربع ساعات للرياض
سعود بقهر : اووف لييه اربع ساعات شسوي فييها
بعد دقايق يلا خلينا نروح لمول هنا قريب من المطار لين يجي الوقت
ميس بهدوء : اوك
رحنا المول واخذت هدايا لاهلي واهل سعود لان في النرويج ما امداني اخذ او بالاصح مارحت لي مكان علشان اخذ حسيت بيد سعود على يدي ناظرته
سعود : امشي خلاص تعبت بنجلس بهذا الكوفي
طلبنا وجلست اناظر بالرايح والجاي
سعود قام : دقايق بروح واجي خليك هنا وبتهديد يويلك لو تقومي
ميس : طيب
بعدين رجع جلس على جواله
جاء لنا واحد مو عربي وجهه كلامه لي :
You are beautiful, do you know?
انصدمت من كلامه ناظرت سعود بسرعه وشفت وجهه احمر من العصبيه مدري شقول سكت
الاجنبي : ?Is it possible to take photos with you
انصدمت من كلامه مدري شقول سمعت سعود بسرعه رد
سعود بعصبيه : No, my wife is not a statue to take pictures with her
الاجنبي : I did not ask you وناظر ميس
‏ Please I admire you so much I want to keep it please
ميس ردت بسرعه وهي تناظر سعود : I'm sorry I can not do that
الاجنبي : thank you وراح
سعود بعصبيه قام مسك كتفها وقومها بفحيح : غطي وجهك
ميس بخوف غطت وجهها
سعود بخبث : حتى الاجانب ماسلمو منك
ميس بخوف : قسسم بالله ماسويت شي حرام عليك تظلمني
سعود قاطعها بقرف دفها : ماتشرف فيك وانا من اوصل راح اطلقك
ميس بكت ظلم وخوف
سعود : بس دموع التماسيح مو عندي
ميس بصرخه : ابعد عني الله ياخذك اااه انا ايش سويت ويوم تهاوش والدموع التماسيح ما ابكي عشانك ماهو من زينك ااه
سعود قرب وجه من وجها لين خشمه التصق بخشمها : بالله كل هذا مو زين
ميس خقت على وجهه وسرحت بعيونها
سعود ناظر عيونها و ضربها على خدها باصابعها بخفيف : هذا اللي مو زين
ميس دفته بخجل : بعد
سعود ضحك : هههههههه لا تسوين انك خجلانه ترى متعوده على هالاوضاع
ميس ناضرته بصدمه ماتوقعت انه لسى على تفكيره عقب اللي سوه معاها في النوريج قبل يروحو المطار
سعود بخبث : ههههه لا تسوين انك منصدمه

~
~

اماني رحت للدكتوره وعلى طول دخلتني قسم الولاده شفت الحريم يصرخو من الالم خفت من صراخهم فجاءه حسيت الم قوي مررره اقوى من اللي قبل كله : اااااااه ااااااه بعدين سمعت احلى صوت في الدنيا كله رفعت راسي شفت الممرضه اخذته
اماني بتعب : هاتيه ابشوفه
الممرضه : دقيقه ماما بس نظفه
غمضت عيوني بتعب ما حسيت الا بالي حاطته على صدري ناظرته وهو يفتح عيونه بشكل يسحر ياعمري ياولدي ضمته بحنان وانا اشم ريحته بدا يفتح فمه بطريقه تسحرر ضمته يممه ولدي اه هذا مني ودي اكله بسم الله عليه قريت عليه يمممه ولدي اااه ياحبيبي بسم الله عليك ربي يخليك لي ناظرته ااه احبك عزوز ناظر ماما شوفها كيف فرحانه بشوفتك ااه الله يحفظك لي ماحسيت الا بدموعي ماليه وجهي ااه يارب لك الحمد خليتني اشوف ولدي بصحه وعافيه الحمدلله


~
~

ابوعبدالعزيز جالس بتوتر : يارب يسر لها يارب سهل عليها يارب خلني اشوف وليدي بصحه وعافيه يااارب ارجم شيبي وضعفي يارب ابي اشوف ولدي
قاطعها طلوع الدكتوره
راح لها يجري : هاه يادكتوره بشري
الدكتوره : ابشرك جاء لك ولد زي القمر
ابو عبدالعزيز سجد لله شاكر الحمدلله يااارب يااارب الحمدلله ااه يااارب لك الحمدلله انك خليتني اشوف ولدي
الدكتوره حزنت عليه وراحت جابت له ولده لمسته بهدوء : ماتبي تشوف ولدك
ابو عبدالعزيز بفرحه اخذ عزوز منها ضمه : اااه ياريحه ابووك اااه ياعذاب ابوك يوم يحتريك ااااه يارب تحفظه ناظره والدموع ماليه وجهه المتجعدمن الكبر اااه ياعزوز الله يحفظك لي اااه يارب لك الحمد


~
~

انتهى البارت
"استودعتكم الله كونوا بالقرب"


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 29-06-2018, 06:03 AM
ميس ال سعود ميس ال سعود غير متصل
©؛°¨غرامي جديد¨°؛©
 
الافتراضي رد: لله در فتنة أيقظت قلبي عشقا لله در عيناك و السلام/بقلمي


السلام عليكم
الله يسعد صباحكم
اعطوني توقعاتكم وارائكم واقتراحاتكم
دمتم بخير


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 12-07-2018, 11:38 PM
ميس ال سعود ميس ال سعود غير متصل
©؛°¨غرامي جديد¨°؛©
 
الافتراضي رد: لله در فتنة أيقظت قلبي عشقا لله در عيناك و السلام/بقلمي


اللهم صل وسلم على سيدنا وحبيبنا محمد


" البارت الثاني عشر "


أشتـاق لك وأخاف لاقول مشتـاق
فيني حيا ، فيني وفا ، وانت فيني

انت انشراح الصدر لو خاطري ضاق
وانت على بالي وروحي وعيني


~
~

وصلت طيارتنا الى ارض الامن والامان والحب الى عاصمتنا " الرياض " الحبيبه وهي تحمل بداخلها الكثير من الناس اللي بعضه فرحان و الزعلان والمتوتر والقلقان و اللي غارق في حب وعشق وغرام


بيت ابو نايف

ام نايف بصراخه : مييييري ميييري
لميس بخوف تجري من الدرج : شفيك يمه صاير شي
ام نايف بضحكه : ههههههه لا مافيه شي بس ميري ذي ماتفهم اقول لها سوي حلا وتقول لا اسوي غدا وبعدين حلا
لميس : ههههههههه
ام نايف بقهر : اي انتي اضحكي واخوك على وصول
لميس : كم عندنا ام نايف حنا
ام نايف : وحده هههههههههه
لميس : ونسوي حلا لعيون ام ناااايف وخلي ميري تقعد هي وحلاها
ام نايف : ههههههه اي مالت عليها حلاها خايس ومتفخره فيه
لميس وهي رايحه للمطبخ : هههههه اوريك فيه الحين احوس المطبخ لها
ام نايف : هههههه اي حوسيه خليني اطلع حرتي

~
~

لميس وهي تعد باصابعها مكونات الحلا: ميييري جيبي سميد و نوتيلا وزبادي
قاطعتها ميري بصراخ : مااافيه اجيب انت جيب انا مشغول اسوي غدا
لميس بقهر : اقول جيبي لا يكثر
ميري بصراخ : مااافيه اجييب انا اسوي غدا بعدين اروح ارتب غرفه بابا سعود وطلعت وتركتها
لميس بقهر وبصراخ : ههههين ياميييري والله لاعدم المطبخ عليك " رفعت شعرها وبدت تحوس وتحاول قدر ماتقدر تكب الاشياء علشان تقهر مييري "

~
~

ام نايف جالسه تبخر الصاله :ميييري مييري
ميري : نئم ماما انا مشغول واللهي مادري ايش اسوي انا اروح اسوي غدا او ارتب غرفه سئود ولا اسقي المزرعه
ام نايف : بسم الله خلاص روحي اكلتيني بقشوري
رزان : هههههه يمه امري ايش تبي اسويه لك
ام نايف : يمه مو كان الخدامه تطاولت علينا
رزان بهدوء : لا يمه لا تطاولت علينا ولا شي بس يمه والله حرام هلكنها شوفيها منحاسه ماتدري وين تروح
ام نايف بحزن : اي والله يمه انا هالكينها بس وش نسوي لميس قاعده تسوي حلا ومدري هي بتظبطه ولا لا ومهندوه بس هاج من البيت ونايف وهو ومرته مدري وينهم غاطين ومين ارسل غير هي
رزان بقهر : خلاص خلاص يمه انا بروح ارتب غرفه سعود بدل هالضعيفه ههههه
ام نايف : جيبي معك جوالي بدق على ساره ونايف يجوا يتغدوا معانا
رزان وهي تناولها الجوال : طيب انتبهي على بناتي اوك
ام نايف : لا لا الا بناتك خذيهم معك
رزان :ههههههه يمه الله يخليك والله انهم هاديين
ام نايف : ويين هاديين شفيهم لعبوا بالتحف
رزان وهي تاخذ بناتها : تالين تولين تعالو جلسوا عند تيتا لا تزعجونها بس دقايق وجايه لكم
ام نايف : يمه انتي كيف تحملتيهم الله يعينك
رزان وهي تضمهم : والله يمه انهم عسسل على قلبي اول متخوفه من التوام يوم جربت الله رحمني تحسي صح بالعافيه
ام نايف بحنان : الله يخليهم لك
قاطعهم دخول مهند : السسسلام
ام نايف وهي تناظر شكله : بالله وينك انتي لين الحين وبعدين وش هاللبس اللي لابسه
مهند وهو يناظر لبسه : ابد وين مع سامر ولبسي علامه
رزان وهي تناظر مهند كان لابسه ثوب وكله موسخ باسود واحمر ورافع اكمامه لين مرفق يده ولاف الشماغ على راسه بعربجيه وبقرف : ايش الوسخ هذا اللي على ثوبك وجع كيف متحمله وووع
مهند بقهر من كلامها : يوجعك ياحماااره هذا دم مو قرف
ام نايف بشهقه : دددممم من انت ذابح انا داريه انك ما تجيب الا المصايب يامال اللي ماني قايله متى اشوفك رجال عاقل مثل اخوانك
مهند بقهر : يمه انتي علامك خلتيني قاتل ومو رجال هذا دم كنا قانصين وذبحنا خروف
ام نايف : ومتى ان شاءالله تترك هالقنص اللي ذبحتنا فيه
مهند بضجر : لااله الا الله نسيوني وش جاي لك وين لميسسووه
ام نايف : وش تبي فيها
مهند : ابيها وين هي
رزان : في المطبخ
راح طيران لها : لميسس لميييس
لميس وهي تدخل الصينيه الفرن : هاه وش تبي
مهند : تعالي ابيك
لميس : وش تبي عارفه ماتجيب الا المصايب
مهند جرها من يدها : تعالي مسوي لك سبرايز
لميس : يلا نشوف وش عندك
لميس ماحسيت الا انا بنص مجلس الرجال وقدامي سامر
سامر بضحكه : السسلام كيفك يالميس
لميس بخجل نزلت راسها : تمام بفجاءه تذكرت شكلها ناظرت لبسها متعدم كله دقيق وزيت ونوتيلا
ناظرت مهند وعيونها مليانه دموع وناظرت سامر وطيران على غرفتها وقفت على المرايه وكان شعرها من الحر مزيت ونازل خصل على وجهها وبجامتها ميد وبلوزتها كانت كت ومعدومه زيت ودقيق يعني شكلها معدوم مرا يمه اكيد بيكرهني زود ماهو كارهني حسبي الله عليك يامهندوووه اوريك ياكلب خليني اخذ شور

~
~

ام نايف بخوف : شمسوي باختك ياحمار
مهند بضحكه : هههههه ماسويت شي
ام نايف: والله انك مسوي بلا فيها منها طلعت تركض تقول مجنونه
رزان تمسك يده وبترجي : ايه امانه وش مسوي فيها
مهند : ههههههه ابد بس دخلتها على سامر
رزان بشهقه : بشكلها هذا
مهند بفهاوه : ايه علامه شكلها
رزان بضحكه : عز الله انها بتقعد عنك يمه
مهند : ليييه
رزان : انت ماشفت شكلها معدوم كله دقيق وشعرها مزيت فوق ماهو دهني صايره كانها مجنونه
مهند بوناسه : هيييييه بتقعد عندنا وقام يرقص باستهبال الحمدلله ان احد قعد عندي مو بس انا هييييييه
ام نايف وهي ترميه بالمخده : ومين قال لك ياحظي انك بتقعد كذا الا بزوجك وكاد تعقل
رزان : الا قولي يجننها معاه
قاطعهم جرس الباب
ام نايف : مييري
قاطعتها رزان بضحكه : لا ييمه لا تنادي مييري تاكلنا الحين انا بقوم افتح
قامت وفتحت الباب : هلا سارونه تعالي فيه مهند عندنا
ساره بخجل : السلام
الكل : وعليكم السلام
ساره باست راس خالتها : كيفك ياخاله وكيفك يامهند
مهند بهدوء قام : تمام الحمدلله انتي علومك ومانتظرها تكلم يلا يمه انا بروح ابدل علشان باستهزاء بجيب العرسان من المطار
ام نايف بقهر : ياويلك لو تسوي خبالك عندهم خلك عاقل مو تفضحنا عند البنت وهي دوبها تدخل عندنا
مهند وهو يرقى الدرج : والله ماعرفنا اذا صرت ثقيل قالو ليه ماتضحك واذا صرت استهبل قالو ليه ماتعقل وس اصير اروح ارقد واسحب على المعقد هو وزوجته احسسن
ام نايف بصراخ : يياوييلك لو تسويها ذبحتك
البنات : ههههههههههههه
ام نايف : بروح اشوف لميس زوجها ينتظرها بالمجلس وهي شكلها ماعندها خبر
رزان بضحكه : وهو لسى ماراح توقعت انه هج
ام نايف وهي تضربها على ظهرها : مالت عليك الا مات من جمالها الروباني وراحت
ساره : لييه علامها
رزان : قالت لها كل شي هههههههه
ساره : ههههههههه


~
~

سعود طلعنا ندور مهند شفته مت ضحك : يلا هذا اخوي وهو ياشر
ميس ناظرت وين ياشر مت ضحك كان ماسك ورقه وكاتب عليها " اهلا وسهلا بالعرسان " : هههههه ياحليله يعني مسوي زي الشركات
سعود بضحكه : اي هههههههه بس بسرعه مسكها مع يدها وبحده : اسمعي
ميس بخوف من تحوله وناضرت اخوه اخاف انتبه لنا بس مو يمنا ابد وشكله ماشافنا اصلا : نعم
سعود : اللي صار بينا محرم على احد يسمعه فهمتي
ميس : اوك
سعود: وقدامهم حنا الزوجين اللي نحب بعض ومتفاهمين فهمتي
ميس : طيب
سعود بغموض : لو يصير غير اللي قلته مايصير لك شي طيب
ميس بخوف : طيب
سعود : يلا
مهند شافهم : ياهلا والله بالعرسان وباستهبال مباركين عرس الاثنين ليله ربيع وقمره كللللوشش
وسلم على سعود وبهدوء : كيفك يامره اخوي
ميس بخجل وبهمس : الحمدلله وانت
مهند وهو يدخل السياره : بخير الحمدلله
مهند باستهبال : شوف وش سويت لك
سعود بضحكه : ايه الله يعطيك العافيه ولو انك فضحتنا بالمطار الكل يضحك علينا
مهند باستهبال : احمد ربك اني ماكتبت اسمك واسم المدام والله اني خفت انهم يصلون علي العصر انت واليد اللي عليك
سعود : ههههههعه ودك تجربها
ميس كتمت ضحكتي غصب يازينه يونس ياليت هو اللي تزوجتها ماهو هذا وناضرت سعود والله لو يسمعني لاموت على يده هذي ههههههههههه
وصلنا بيتهم حسيت بتوتر وخوف تمنيت احد معي اعرفه على الاقل يروح الخوف والتوتر
مهند : يلا انا بنزل وانتو امسكو يدين بعض وادخل عليهم كذا وانا بدخل قبلكم نسوي سبرايز لهم هههههههه لازم تصيرون رمنصصين توكم عرسان
سعود ضربه على راسه : خلاص انت ترى عطيتك وجهه
مهند : ااااه احسب بعد العرس بتصير انسان رقيق الا طلعت وبدلع استهبال متتوووحش ونزلت بسرعه امزح وربي امزح
سعود وهو يلحقه بالعقال : اوريك ياكلب تعععاال يارقيق تعااال
ميس شفتهم يوم دخلو وقفت متردده مدري ادخل ولا لا قهرني سعود ماتوقعت يتركني كذا حاولت قدر الامكان امسك نفسي عدلت نفسي بسرعه وسميت بالله وطقيت الباب لعل احد يجيني من البنات
رزان بترحيب : ياهلا والله بالعروس
ميس بخجل : هلا فيك
ودخلت لصاله كانت ام نايف وساره وعيالها وبنات رزان سلمت عليهم وبعد السوال وكذا
ام نايف بحنان وهي تمسح على ظهر ميس : كيفك يمه مع سعود
ميس بخجل : تمام الحمدلله
رزان : كيف النرويج
ميس بكذب : تجنن مرا جميله
ساره : ان شاءالله اذا ولدت بروح لها
ميس : ماشاءالله انتي حامل
ساره بفرحه : ايه ولي شهرين الله يفرحني بقدومه
رزان بشهقه : ياكلبه وتوك تقولي لنا
ساره : لا والله امس اللي طلعت التحليل وقالت لي الدكتوره لي شهرين حامل
ام نايف : وليه توك تسوي تحليل ليه مو من اول
ساره : هي عندي مو منتظمه يعني شهر تجي وشهر ماتجي واحيان شهرين وهي ماجت وعلشان كذا ماتوقعت اني حامل ههههههه
ميس : الله يتمم لك

~
~

لميس جت امي وقالت لي سامر ينتظرني تحت رفضت انزل بس هو اصر انه يشوفني لبست وجهزت على السريع دخلت المطبخ سويت قهوه واخذت من الحلا اللي سويته وسميت ودخلت
سامر بضحكه : ههههههه ليه طلعتي اول
لميس باحراج وهي تعطيه فنجان القهوه : هههه لا بس كنت اسوي حلا و حست نفسي
سامر : يعني بعدين كل يوم اشوفك كذا ههههههه
لميس باحراج نزلت راسها
سامر بحنان : لميس انا بحدد الزواج خلاص ماصار لنا اربع سنين من ملكنا
لميس بخجل : بكيفك
سامر : ايش رايك بالاجازه اللي بين الفصلين يكون عندك اجازه
لميس بهدوء : مدري لازم اقول لامي وابوي
سامر : انا قلت لعمي وهو قال تفاهم انت وزوجتك
لميس : خلاص بكيفك
سامر بغمزه : يعني نقول مبرووك
لميس قامت بخجل : ايييه
سامر : تعالي تعالي وين رايحه هههههههههه
لميس بخجل : الحين جو سعود وزوجته بنطلع نستقبلهم
سامر : اذا كذا حتى انا بروح يالله سلام

~
~

ميس بعد الغدا الكل راح لغرفتها خالتي طلعت غرفتها وساره راحت لبيتها ورزان راحت مع زوجها لبيت اهله
لميس بضحكه : الكل راح الا انا وانتي
ميس : هههههه اي والله
لميس : ايه كيف النرويج
ميس : تجنن مرا رايقه واحلى شي فيها الصباح يفتن مرا
لميس : ههههه بالعكس باليل احلى
ميس : هههه لا انا احب اجواء الصباح مرا ودي كذا بس اتامل الشروق
لميس : ههههههه يمكن الا ماشفتي جناحك
ميس : وين اشوفه وانا من قبيل وانا مقابلتك هنهههههههه
لميس : عههههههه مدري توقعت روميو صورها لك
ميس بكذب : النذل رفض يقول سبرايز لازم انا اوريك هي
لميس : هههههههه والحين سحب عليك
ميس بقهر رمتها بالمخده : ياحماره تضحكين علي اشوف فيك يوم ياكلبه
لميس : ههههههه تعالي اوريك جناحك
ميس قامت : اوك
وصلنا عند باب الجناح
لميس بضحكه : هههههه اخليك تشوفينه لحالك مابي اجرحك اكثر من كذا ههههه
ميس : هههههه ياحيوانه انقلعي
لميس : ههههههه يلا روحي دايخه نوم من الساعه 9 وانا صاحيه كله علشانك انت وروميو حقك
ميس طلعت لسانه : احسسسن ودخلت وقفلت الباب يوم شافت لميس بتضربها
لميس : ياحيوانه اوريك هيييين تطلعين من جناحك
ميس بسخريه : يلا يلا منك روحي زين تشغلين الواحد ماتخلينه ياخذ راحته ههههههه
لميس بقهر : انا ياكلبه اوريك بس تطلعين وراحت وهي تضحك
ميس دخلت الجناح كان غرفه النوم وغرفه ملابس ومطبخ تحضيري وحمام " الله يعز القارى " وصاله جلست على الكنبه شفت شنطتي فرحت مرره لاني تعبانه مره و ودي بشور ونووومه طلعت لي بجامه واخذت شور ونمت بهدوء

~
~

مهند : الله يخلف عليك انت الحين تارك زوجتك وقاعد تلعب مع هالخبل بلاستيشن
سعود : واذا متزوج ما العب بلاستيشن
مهند يهز راسه بقوه : انا ماقول كذا بس ياخبل توك متزوج حتى شهر ماكملت تلعب مع هذا وعندك وحده
سعود : يالليييل الحين انت ليه ماتروح ترقد وتفكني
مهند بقهر : ااااه لو انا اللي متزوج قسم بالله اني اقعد شهرين وانا ماشوفك ولا اشوف هالخبل اللي معك
سامر ضربه بقوه على بطنه : انا خبل ترى من اول ساكت لك وانت مستمر
مهند بالم : ااااه ياحمار بطني ذبحته ياكلب ورجع له الضربه
سامر : الله يلعنك انقلع
مهند : ماني منقلع انت انقلع هذا بيتنا انت اللي تطلع فاهم
سامر اخذ جواله ومفاتيحه : انا طالع مالت عليك وعلى بيتك
سعود لحقه : سسامر سسامر
سامر بابتسامه : هلا سعود
سعود : لا تاخذ بخاطرك على مهند انت تخبره خبل ومايحسب الكلام اللي يقوله كذا حياته كله استهبال وفله ومايراعي شعور الناس
سامر بضحكه : تعلمني باخوك
سعود : ههههههه المشكله الكل خابره كذا لا تزعل منه وانا اخليه يجي الحين يعتذر لك
سامر : ههههه لا يعتذر ولا شي عادي اللي صار معي ومهند كذا حنا نحب نمزح
سعود مسك يده بهدوء : اجل يلا نرجع نكمل جلستنا
سامر : لا والله انا بروح لاني دايخ نوم وانت روح وباستهزاء لجولييت
سعود بجد : امانه لا تزعل عليه ترى والله خبل ماينشره عليه
سامر مسك يد سعود بمزح : ههيييييه ترى ماسمح لك تغلط على صديقي
سعود دفه بخفيف : اجل انقلع انت وخويك وانا مصدق وقايم وراك مادريت ان علومك كذا
سامر : ههههههه لا تاخذ اللي بيني وبين مهند جد ترى ابد ماهو جد لو تشوف الجد اللي بينا تحسب انا اخوان وماهو اخوان وبس الا توام هذا خويي اللي من فتحت عيني على الدنيا وانا ما اشوف الا غيره وهو مايشوف الا غيري واقول لك بكل ثقه مافيه شي يزعلني من مهند لو وصل لحد السماء تربيت معه على الصح والخطا
سعود باعجاب من كلامه : الله يخليكم لبعض
سامر : اللهم امين يلا فمان الله
سعود : فمان الكريم
طلعت لجناحي شفت السكون يعمه شفتها نايمه بهدوء حزنت عليها اني خليتها مع اهلي لحالها اخذت شور وطلعت شفت الساعه كان ثلاث الظهر تحمست اروح النادي بس خفت تصحى وماتشوفني تسوي مشكله لو احد من اهلي سالها رحت عندها
سعود بصوت خافت : مييسس ميسس
ميس تقلبت بانزعاج سمعت الصوت يتكرر علي مره ثانيه : هههمم
سعود بعد خصله على عينها : قومي
ميس استندت على السرير : امر ايش تبي
سعود : مايامر عليك ظالم حبيت اقول لك بروح لنادي لو يسالوا عني اهلي
ميس مسكت يده بترجي : الله يخليك ابي اروح معك لاهلي امانه الله يسعدك
سعود مسح على راسها بحنان : اوك بس اذا رجعت من النادي
ميس بزعل : لا الحين
سعود بهدوء قام : قلت بعد النادي لاني بروح معك لازم اكشخ انتي جهزي الحين وانا ماطول كلها ساعه وانا راجع
ميس : اوك
قمت وجهزت وانا متحمسه مره لاهلي وطلعت هداياهم من الشنط وهدايا اهل سعود اذا رجعت من اهلي ان شاءالله بعطيهم هي وربي مره خجلانه بس بحاول بسعود يعطيهم معي

~
~

ام شيماء بصدمه : ايييش
شيماء بخوف على امها : يمه حبيبتي هدي
وجدان : ايه يمه الله يخليك لي هدي
ام شيماء وهي تدور من القهر : وييين اهدى وهذي العله جابت له الولد وهو من قبله مايدري عن هوا دارنا والحين شراح يصير فينا
رهف بخوف على امها لانها تشوف امها منهاره : يمه حبيبتي هدي الله يخليك لنا
ام شيماء راحت المطبخ
شيماء : ليه راحت المطبخ
فاتن بخوف : مدري
رهف : بنات روحوا لها اخاف تسوي بنفسها شي
وجدان ضربتها على راسها : خبله انتي ليه ايش شايفه امي مراهقه على الحركات هذي
فاتن : والله اتوقع ان امي تسويها احس انها فقدت عقلها
شيماء بخوف : بنات لا تخوفوني زياده
فاتن : شييوم روحي شوفيها
شيماء : لا لا وجدان انتي روحي
وجدان وهي ترجف من الخوف : لا لا اخاف تحط حرتها من ابوي فيني
انصدموا من امهم وهي طالعه من المطبخ ومعاها طشت مليان مويه ومساحه بلاط وتغسل الحوش
شيماء بصدمه : شفيها امي
فاتن : مدري
وجدان : يمه علامك بسم الله عليك
ام شيماء بهدوء : مافيني شي بس بغسل الحوش شوفوا كيف مغبر
رهف : يمه امس مغسلينه
ام شيماء : مغببير انتو ماتشوفووونه اتركووووني على كيفي
البنات انسحبن لان يعرفوا امهم تشتغل من قهرها

~
~

اماني بقهر : ابو عبدالعزيز اتركه ذبحت الولد
ابوعبدالعزيز وهو ضام ولده : اااه ماتدري كم انتظرت لي 22 سنه انتظره اااه لو جاء يمديه كبرك كذا
اماني بحب : الحمدلله انه ما جاء لو جاء كان انت مو من نصيبي
ابو عبدالعزيز بحنان ضمها : الله يخليكم لي انتي وعزوز
ام اماني بشهقه : ابو عبدالعزيز الله يهديك وش مجلسك هنا
ابو عبدالعزيز : ليه جالس عند ولدي و امه
ام اماني : مايصير الحين الحريم يجوا اطلع اطلع الله يهديك
ابو عبدالعزيز ضم عزوز : الله يخليك لي يييوووه اني باشتاق له هالنتفه الله يخليه لي باسه وطله يلا مع السلامه

~
~

ابو عبدالعزيز : شيمااء شيمااء
شيماء : هلا يبه
ابوعبدالعزيز : افا ماتبي تباركي لابوك جاء سنده
شيماء بحزن : الف مبروك يبه والله يجعله من الصالحين
ابو عبدالعزيز ضم شيماء بحنان : الله يبارك فيك ياروح ابوك
شيماء من زمان فاقده حنان ابوها والدموع ماليه عينها : جد انا روحك
ابو عبدالعزيز بحنان باس راسه : اي انتي روح ابوك وقلبه ودنيته وعيونها وكل حياته
شيماء ضمته بقوه وضمته : اااه يبه مشتاقه لك مرره من زمان ماجيت لنا
ابو عبدالعزيز ضمها : سامحيني ياعيون ابوك انشغلت عنكم
شيماء بغيره : اي اشغلك ولدك
ابو عبدالعزيز بهدوء : ههههه لا ياول ضناي انتي اغلى منه واحسن منه انتي اول فرحه لي بالدنيا فرحت فيك اكثر من هالنتفه
شيماء بفرحه : جد يبه
ابو عبدالعزيز : اييه ياعيون ابوك وابيك تحبيني اخوك هو سندك وانتي وخواتك سنده
شيماء بهدوء : من عيوني ياروح بنتك
ابو عبدالعزيز ضمها : يااااه كم فقدتها هالكلمه الا وين امك
شيماء : امي تنظف السطح
ابو عبدالعزيز بضحكه : السطح هههههه علامها
شيماء : مدري روح شوفها
ابو عبدالعزيز قام : طيب
وطلع فوق وشيماء راحت لخواتها : ياابنااات ابوي رجع لنا زي اول اااااه لو تشوفنه روحوا له بيغروقكم حنااان
رهف : جد وينه وربي مشتاقه له ولحنانه
شيماء : طلع لامي فوق بيشوفها خليه اذا نزل يمكن ماينزلو من السطح هههههههه
وجدان : اجل خل نسوي عشاء لهم
فاتن : يلا يلا وكل وحده مسكت لها شغل وسوا لهم عشاء

~
~

ام شيماء من القهر قمت انظف بكل جد وقوه ماحسيت الا اللي ماسك يدي ناظرته ااااه اشتقت له تقريبا من ست اوسبع شهور ماشفته اااااه ماحسيت بنفسي الا اني مرتميه بحضنه وابكي بكى مو طبيعي هذا حبيبي عشت معه ثلاث وعشرين سنه من اروع الايام ماتفرقت منه مازعلني الا هالزعله قررت اسامحه لان الحياه بدونه مو حلوه موحلوه الحياه من دون حب وحنان وشوق وحد يقابلك الحياه ماستمر الا بالحب حبيته من كل قلبي سلمته قلبي وعمري وفكري جبت بناتي كله لاسعده وتمنيت اجيب ولد له بس الله ماكتب اغار عليه بس خلاص صار اللي صار بس ماراح افرط فيه مره ثانيه مر علي حياتي معه من اول ماتم عقد قراني معه الى اليوم ذكريات كل حب وحنان وغرام ودموع وحزن لكن من اجمل الاياام كل هذا دار بالي وانا بحضنه ودموعي تزداد كل مافكرت اني ممكن افقده لا مستعده اعيش لو معي ثلاث ضراير المهم اعيش معه الحياه اللي احبها هي معه لو كلها مشاكل هو حياتي ودنيتي مالي حياه من دونه : اااه ااااه اااااه اااااه
ابو عبدالعزيز : بسم الله عليك هدي بسم الله عليك
ام شيماء رفعت وجهي اناظره : اااه وحــ ـشـ ـتنـ ـي ااه
ابو عبدالعزيز ضم وجهها بيديه : وانا اكثر وباس عيونها ومسح دموعها بشفايفه
ام شيماء ضمته مره ثانيه : لا تتركني مره ثانيه انا بدونك ولاشي
ابو عبدالعزيز ضمها بهدوء : مراح اتركك يلا ننزل نتعشى مع البنات
ام شيماء مسحت دموعها وبابتسامه : يلا
نزلوا تحت عند البنات والبنات ركضوا لابوهم وضموه وهم مشتاقين له ولحنانه ودموعهم ماليه وجيههم
ام شيماء بضحكه : يلا يابنات خلصت دموعنا هالليله
شيماء : هههههه اي والله نحتاج دموع عيوننا شكلها الليله بتنشف
ابو عبدالعزيز : بسم الله عليكم ماودكم تعشونا
ام شيماء : الا بنعشيك وقامت يلا يابنات نجهز العشاء
البنات: طيب
ابو عبدالعزيز سحب ام شيماء وجلسها بجنبه : خلي البنات يجهزو العشاء وانتي اجلسي سولفي علي
ام شيماء بخجل : من عيوني كم عندي حسسون
ابو عبدالعزيز : بس حسن واحد ههههههه
ام شيماء وهي تضمه: والله يخلي لي هالحسن

البنات وهم يجهزو العشاء وجدان : يمه شوفوا امي وابوي تقول عرسان
شيماء : الله يديمه عليهم يارب تعبنا من فرقاهم
رهف : يلا خلصنا
حطينا العشاء وتعشينا اللهم لك الحمد والله يديم النعمه والحب والحنان بين كل سره

~
~

ميس جاء سعود وطلعنا رايحين لاهلي دخلت الصاله لقيت فيها امي وابوي وهشام وارين وتركي
ميس : السسسلام
ام تركي : ياهلا والله وعليكم السلام
سلمت على اهلي بحراره مره مشتاقه لهم وبعد السلام والسوال عن الحال
ميس وهي تضم ارين : ياعمري امها ماجات
ام تركي : لا بكرا تجي ان شاءالله ومناك تروح للعمره
ميس : ياعمري الله يتقبل منها وضربت جبهتها يوووه نسيت يبه سعود برا بيسلم عليك
ابو تركي : الله يهديك يبه تركتي الرجال برا
ميس : نسيت يبه
ابو تركي : يلا ياتركي نروح نسلم عليه
تركي قام : يلا
ميس : يمه وين ريتال ماشفتها
ام تركي : فوق بغرفتها من قبيل اصحيها ومو راضيه
ميس : انا بقوم اصحيها الخايسه ماقامت تستقبلني
طلعت دخلت غرفتي وغرفه ريتال يمه ايش هذا الغرفه مره بارده فتح النور
ميس : ريتتال رتوووول
ريتال : هااه ايش تبي
ميس بشهقه : ياحيووانه بدل ماتضميني تقولي ايش تبي
ريتال وهي ترتب شعرها : شسوي ماصدقت افتك منك
ميس جلست على سريرها ورمتها بالمخده : حمااره وانا اقول مشتاقه لها
ريتال : ههههه كثري منها ودخلت الحمام
ميس بقهر : شوفوا هالخبله يعني جد ماشتاقتلي اااه وحشني سريري مالت عليك يالخبله
ريتال طلعت من الحمام وخذت بجامه ولبستها ولبست جلال الصلاه وفرشت سجدتها وصلت
ميس تناظره بهدوء : بسم الله شفيها هذي شكلها ماصدقت وانا افارقها
ريتال خلصت صلاتها ناظرت ميس حست انها مقهوره حبت تسوي باختها مقلب عارفه اختها اكثر شي تكرهه التجاهل : ههههههه وسحبت ميس وضمتها وبهمس ادري انك ودك تذبحيني بس مشتاقه لنظراتك هذي ومافيه طريقه الا اتجاهلك
ميس براحه : ياحيونه قسسم احسب انك ماصدقتي على الله وفارقتك
ريتال وهي تبعد عنها : افا هذي تجي ماحب ميسسوو
ميس : حيوووانه قهرتيني
ريتال تسحبها : الا كيفك وكيف النرويج
ميس : الحمدلله والنرويج تجنن مرررره
ريتال : وكيف ابو الشباب معاك
قاطعهم جوال ميس شفته كان سعود
سعود : السلام
ميس : وعليكم السلام
سعود : يلا انا تحت انتظرك
ميس : لا امانه بجلس شوي
سعود : يلا بنروح خوالي هناك ولازم انتي تكوني معي يلا الله يرضى عليك بسرعه
ميس : اوك قمت ولبست عباتي
ريتال : ليكون بتروحي
ميس : اي والله ودي اطول بس سعود يقول لازم يلا فمان الله
ريتال : فمان الكريم انتبهي لنفسك اوك
ميس : اوك ناظرت في الصاله امي وين
ريتال : والله مدري
ميس سلمت على ريتال : يلا باي رتووول وقولي لامي اني دورتها ومالقيتها
وطلعت ورحنا لبيت اهل سعود بس انصدمت ان اللي جو بس رجال انقهرت من سعود انه كذب علي وباليل بعد العشاء طلعت جناحي اخذت شور ولبست بجامه واخذت جوالي ولقيت رساله من سعود " السلام عليكم ابي اقول لك اني بقنص اليوم مع العيال يعني لاتنتظريني "
رديت عليه " ليه طيب ماخليتني عند اهلي "
سعود " بكرا الصباح ان شاءالله جايه جدتي وتبي تشوفك وان جاي ان شاء الله المغرب يلا استودعك الله لان الحين داخلين منطقه مافيها ابراج وايه صح اي شي تحتاجينه قولي لامي وهي تجيبه لك وانتبهي لنفسك اوك يلا مع السلامه "
رديت " اوك استودعتك الله وانتبه كمان لنفسك ترى البر كله عقاريب وثعابين الله يحفظك "
شفته مارد والرساله اصلا ماوصلته عرفت انه دخل المنطقه اللي مافيها ابراج قمت صليت الوتر ودعيت له ان ربي يحفظه ورحت نمت لان بكرا اتوقع انه يوم طويل وشاق بمعنى الكلمه


~
~


انتهى البارت
استودعتكم الله وكونوا بالقرب












الرد باقتباس
إضافة رد

لله در فتنة أيقظت قلبي عشقا لله در عيناك و السلام/بقلمي

الوسوم
لله ، در ، فتنة ، أيقظت ، قلبي ، عشقاً ، عيناكَ ، السلام ، روايتي الاولى
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ولَئن سُئلت عن هويتي سأشير الى عيناك \ بقلمِي . غَيدْ ! روايات - طويلة 695 01-04-2018 06:56 PM
وحين ظننت بأني نجوت وجدتني في عمق عيناك غريق.. روايات خلود روايات - طويلة 37 10-09-2017 03:57 AM
وخالق عيناك مطفشة خواطر - نثر - عذب الكلام 4 24-02-2016 02:12 PM
متى دمعت عيناك آخر مرة؟ الفتى الاسمراني مواضيع إسلامية - فقه - عقيدة 10 15-11-2015 03:01 AM
عيناك نافذتا حلم jnoon 2ntha خواطر - نثر - عذب الكلام 6 26-07-2015 08:51 PM

الساعة الآن +3: 01:55 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1