اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 28-05-2018, 08:48 PM
ميس ال سعود ميس ال سعود غير متصل
©؛°¨غرامي جديد¨°؛©
 
الافتراضي لله در فتنة أيقظت قلبي عشقا لله در عيناك و السلام/بقلمي


السلام عليكم ورحمه الله وبركاته
مساء/صباح الخيرات
بنزل باذن الله روايتي الاول
( لله دُر فتنة أيقظت قلبي عشقاً، لله دُر عيناكَ و السلام .. )
واتمنى من كل قلبي انها تعجبكم ..
للتوضيح : الروايه كلها خييييال
لا ابيح ولا احلل من ينسب الروايه له او ينقلها من دون ذكر اسمي ( ميس ال سعود)


استودعتكم الله
كونوا بالقرب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 28-05-2018, 09:03 PM
ميس ال سعود ميس ال سعود غير متصل
©؛°¨غرامي جديد¨°؛©
 
الافتراضي رد: لله دُر فتنة أيقظت قلبي عشقاً، لله دُر عيناكَ و السلام ..


اللهم انت ربي لا إله إلا انت ، خلقتني وانا عبدك ، وانا على عهدك ووعدك ما استطعت ، اعوذ بك من شر ما صنعت ، ابوء لك بنعمتك علي ، وابوء بذنبي فاغفر لي فإنه لا يغفر الذنوب إلا انت

الروايه لا تلهيكم عن الصلاه وقراءه القران والعبادات الثانيه

البارت (1)

في عيُونك عمر ودي أعيشه، لله درّ الحياه اللي في عيونك... *منقول*

في مستشفى الولاده

صرخه عذبه انطلقت من شفاه صغيره لتبث اروع التباشير ..

ريتال نزلت من الدرج بسرعه: يمه يبه ييييمه يبببه فيييصل ترررركي ميييييس وينكككم
شافتهم كلهم متجمعين في الصاله
ام تركي : بسم الله ايش فيك تصارخين
ريتال : يمه ريما ولدت وجابت بنت
ام تركي: ولدت !!
ريتال : اي يبه الحين اتصلت علي
ام تركي : يمه تركي ودني عندها ابي شوفها
تركي : ابشري يمه بس الزياره مافتحت بعد
ام تركي : خلاص بعد العصر نمشي
تركي: باذن الله
ميس غمزت لفيصل بخبث لي رد عليها بابتسامه


في مستشفى الولاده جناح أ غرفه 216

ام تركي: ي عمري الحمدلله على سلامتك ومبروك ماجاك
ريما: الله يسلمك
ام تركي : ليه ماعلمتيني اجي معك
ريما : بسوي لكم مفاجأه
ميس تبوس النونو : ي عيون خالتك ي قلبش عليها تشبه لي
ام تركي : اتركي البزر لا تعورينه
ميس: يمه بنزل تحت بشتري كوفي
ام تركي : ارسلي اخوانك
ميس: يمه تكفين بروح دقايق بس
ام تركي : روحي خلاص بس لا طولين
ميس : من عيوني


في المصعد

ميس تكلم : طيب حبيبي الحين نازله ، قالت لهم اني بنزل اخذ كوفي ، خلاص نازله بس انت وينك ، اوك الحين جايه .

في واحد واقف معاها يفكر ( معقوله وحده تقابل واهلها معاها قويييه قسسم)
اقترب منها بخبث : كيفك ي حلو
ميس اكتفت بنظرات غضب له
حاوطها ونزل نقابها : ليش الحلو مايتكلم ولا لناس وناس لا
ميس دفت بقوه خرجت من المصعد وهي تسبه بنفسه ( حقققير زفت )

راح لمواقف السيارات شافها ركبت في سياره هز راسه باسف ( الله لايبلانا معقوله تخون اهلها وهم عندها )
~
~

في جناح أ غرفه 216
ام تركي : ميس مو كنها تاخرت
ريتال : يمه تلقينها زحمه عند الكوفي
ام تركي : وشلونك يمه حاسه بشي تبي شي
ريما : لا والله يمه مافيني
قاطعها فتح الباب ليدخلوا وبصوت واحد : مولودك غيم السعاد احلى بنوته ذكيه ملك الورد النديه جات من ربي هديه نعمه من رب الوجود ماشاءالله ماشاءالله على ( ارين ) قولو ماشاءالله
ريما الفرحه مبينه من عيونها وتحمد الله ان عندها اخوان زيهم : عمري والله
ميس : هذي الكيكه لعيون حبيبة خالتها ارين
ريما : يخليكم لها

هذا تعريف بسيط في روايتي وان شاءالله ينال على اعجابكم ورضاكم

استودعتكم الله
كونوا بالقرب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 28-05-2018, 09:22 PM
صورة AreenAlnawaq الرمزية
AreenAlnawaq AreenAlnawaq غير متصل
©؛°¨غرامي جديد¨°؛©
 
الافتراضي رد: لله دُر فتنة أيقظت قلبي عشقاً، لله دُر عيناكَ و السلام ..


بداية موفقه اتمنى لك التوفيق دائما
ياليت تقري روايتي بعد ي قلبي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 28-05-2018, 11:55 PM
ميس ال سعود ميس ال سعود غير متصل
©؛°¨غرامي جديد¨°؛©
 
11302798202 رد: لله دُر فتنة أيقظت قلبي عشقاً، لله دُر عيناكَ و السلام ..


[QUOTE=AreenAlnawaq;30276253]بداية موفقه اتمنى لك التوفيق دائما
ياليت تقري روايتي بعد ي قلبي[/QUOTE
باذن الله
بالتوفيق لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 29-05-2018, 02:24 AM
ميس ال سعود ميس ال سعود غير متصل
©؛°¨غرامي جديد¨°؛©
 
الافتراضي رد: لله دُر فتنة أيقظت قلبي عشقاً، لله دُر عيناكَ و السلام ..


اللهم انت ربي لا إله إلا انت ، خلقتني وانا عبدك ، وانا على عهدك ووعدك ما استطعت ، اعوذ بك من شر ما صنعت ، ابوء لك بنعمتك علي ، وابوء بذنبي فاغفر لي فإنه لا يغفر الذنوب إلا انت

لا ابيح ولا احلل من ينسب الروايه له او ينقلها من دون ذكر اسمي ( ميس ال سعود)

الروايه لا تلهيكم عن الصلاه وقراءه القران والعبادات الثانيه

البارت الثاني

ي عيني إليّ بك اشوف .. ي طبي انت والدوا

سعود : تخيل ايش شفت
عبدالاله : ايشش
سعود : اليوم كنت في المستشفى زاير واحد من الربع ( وكمل كلامه عن موقفه مع ميس في المصعد)
عبدالاله : الله يبلانا وانت وش دخلك فيها
سعود بخبث : والله هي تكلم قدامي يعني مخربتها
~
~

& بيت ابو تركي &

ميس تقلبت يمين يسار بس مو جايها النوم وتفكر ( يعني معقوله اخذ فكره غلط عني بس انا ماسويت شي وهو كان وقح كيف ينزل نقابي شكل يحسب من البنات استغفرالله خلاص موقف مر وهو مايعرفني ولا اعرفه يفهم غلط مشكلته ) قامت وصلت ركعت ورجعت وراحت في سابع نومه

~

~

في بيت ابو نايف

جالسين مجتمعين في الصاله

ام نايف : ساره وين نايف ماشفته اليوم
ساره : طالع اتوقع مع ربعه
ساره : يالله عن اذنكم بروح لجناحي
الكل : اذنك معك
سعود : السلام عليكم
ام نايف : ي هلا وعليكم السلام
سعود : يمه جوعان في اكل
ام نايف : ايه فيه مييري ميري
ميري : نئم ماما
ام نايف : حطي اكل لسلطان
ميري : اوك
ام نايف : روحي يمه غير ملابسك على مايجهز الاكل
سعود : طيب
~
~

& في مستشفى الولاده &

سلطان : الحمدلله على السلامه ي عمري
ريما : الله يسلمك حبيبي
سلطان : كيفك ي بعدي
ريما : بخير ي جعلك بخير
سلطان باس ايدها : الله يخليك لي
ريما بنظرات حب : امين ويخليك لي

~
~

& بيت ابو تركي &

من الصباح والبيت كله ازعاج والخدم منتشرين في الصاله ويحطون شي ويغيرون شي
ام تركي : ميري بعديه شوي بس مو كثير
ريتال : يممه يمهه ريما طلعت وهي جايه مع الطريق
ام تركي : ي عمري روحي جهزي غرفتها وبدلي لهشام
ريتال :ان شاءالله يمه



~
~

مرت اللحظات والدقايق والساعات والاسابيع على ابطال روايتي هل سيغير القدر ويجمعهم اما كان فقط مجرد مواقف تمر ...


& بعد مرور سنتين &

في بيت ابو نايف
جـنــاح ساره & نايف

ساره : لين متى يانايف بتحمل خلاص والله مليت
نايف : وانا ايش سويت لك
ساره : قولي ايش ماسويت
نايف : الحين مسويه سالفه بس علشان بسافر مع الربع
ساره قالت باستهزاء : اي ما سويت شي ابد كامل والكامل الله مايطلع منك العيب
نايف مسك كتفها بقوه : انا كم مره قالت لك هالنبره لا سمعها
ساره انهارت : انت متى اساسا قلت لي كلمه حلو انت كله تهاوش
نايف : انتي ما ينفع معك شي وطلع وقفل الباب بقوه
ساره بصوت باكي : يارب صبرني بس علشان عيالي يارب

& غرفه لميس &
لميس : مؤيييد هييثثم جلسو رفعتو ضغطي صيروا زي ميرال
رنا : ههههه ما احد قالك تتحملينهم
لميس : يربي خلاااص توووووبه
دخلت ساره : السلام هههههه واضح من وجهك ان عيالي مطفشينك
لميس : اي تعالي خذيهم خلاص خربوا غرفتي صارت حوووسه
ساره : يلا تصبحوا على خير
لميس ورنا : وانتي من اهله

~

~

في مكان اخر في حي فقير بيتهم بسيطه ولكن تملؤها الحب والسعاده و الخضوع وبعض القهر من الحاله اللي يعيشونها ولكن يحمدون الله على كل حال

ابو عبدالعزيز : وين الغداء
ام شيماء : دقايق وهو جاهز يلا ي بنات
ابو عبدالعزيز يفكر ( اقول لها الحين ولا العصر يارب تفهم )
ام شيماء : يلا ابو عبدالعزيز
ابو عبدالعزيز : ساكت ويفكر
شيماء : يبه
فاتن : يبه شفيك
ابو عبدالعزيز : هلا
رهف : يبه علامك
ابو عبدالعزيز : لا يبه مافيني شي بس افكر في الشغل
ام شيماء : علامه الشغل
ابو عبدالعزيز : لا تفكروا بس اكلوا الاكل برد


& بيت ام نايف &

ام نايف : يمه سعود ابي افرح فيك
سعود وهو ينزل الفنجان على الطاوله : يمه بدري على الزواج
ابو نايف : وين بدري عمرك صك ال 30
سعود : توي بعز شبابي
ابو نايف : الا قول شايب
سعود : ههههههههههه حرام عليك
لميس : اي تزوج علشان ارقص
مهند : ههههه انتي بس همك الرقص
لميس : والله من زمان ماصار عندنا زواج
ام نايف : سعود الله يوفقك انك ماتكسر فرحتي خلني افرح فيك
سعود : يمه طيب انا لقيت العروس وقلت لا
ام نايف : يعني انت موافق
سعود بقهر : اي
ام نايف : والله بدور لك عروس
لميس : يمه شرايك بروى بنت عمتي
سعود : لا
ام نايف : ليييه ايش فيه روى بسم الله عليه قمر
سعود : انا مابي من العايله
ابو نايف : وليه ما تبي من العايله
سعود: يبه تكفى مابي من العايله


& في بيت ابو عبدالعزيز &

ابو عبدالعزيز : البنات ناموا
ام شيماء : اي ناموا
ابو عبدالعزيز : غريبه ماهو بدري
ام شيماء : بكرا عندهم مدارس وناموا
ابو عبدالعزيز : بكلمك بموضوع وان شاءالله تفهمينه
ام شيماء : خير شصاير
ابو عبدالعزيز : ماهو صاير الا كل خير سكت بعدين كمل ماتبين ولد يكون لنا سند ولخواته
ام شيماء انصدمت : الا ابي بس انت ادرى بالوضع
ابو عبدالعزيز : انا ابي ولد تعبت والناس تقولي وين عبدالعزيز ابي عبدالعزيز
ام شيماء تبكي : شسوي ماهو بكيفي
ابو عبدالعزيز : الا بكيفك
ام شيماء : كيف بكيفي
ابو عبدالعزيز : ابي اتزوج والشرع محلل اربع وانتي وبناتك معززات مكرمات مراح يتغير الوضع
ام شيماء بصدمه : تتزوج علي يابو عبدالعزيز
ابو عبدالعزيز : اي وانتي اختاريها
ام شيماء تبكي : كيف تتزوج علي كيف هنت عليك وين العششره
ابو عبدالعزيز : ماهنتي علي ولا هنت علي العشره انتي مكانك في القلب يام شيووم انا بعطيك وقت تفكرين وانتي الاول وهي بس تجيب الولد
ام شيماء : كيف بوافق وهي بتاخذ مكاني
ابو عبدالعزيز : ماهي ماخذه مكانك انتي عارفه ان عندنا سبع بناات وحنا كبرنا بالسن مين يصرفهم ويكون لهم سند غير اخوهم اللي بيجي ان شاءالله قومي غسلي وجهك وطفي النور والصباح رباح فكري وردي لي خبر
ام شيماء : اذا ما وافقت بتزوج ؟!
ابو عبدالعزيز : ايه انا ابي الولد
ام شيماء : قامت وهي تبكي وطفت النور ونامت ودموعها على وجهها



لا تحرموني من تعليقاتكم وارائكم عن البارت


استودعتكم الله
كونوا بالقرب



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 30-05-2018, 04:28 AM
ميس ال سعود ميس ال سعود غير متصل
©؛°¨غرامي جديد¨°؛©
 
الافتراضي رد: لله در فتنة أيقظت قلبي عشقا لله در عيناك و السلام/بقلمي


اللهم انت ربي لا إله إلا انت ، خلقتني وانا عبدك ، وانا على عهدك ووعدك ما استطعت ، اعوذ بك من شر ما صنعت ، ابوء لك بنعمتك علي ، وابوء بذنبي فاغفر لي فإنه لا يغفر الذنوب إلا انت

لا ابيح ولا احلل من ينسب الروايه له او ينقلها من دون ذكر اسمي ( ميس ال سعود)

الروايه لا تلهيكم عن الصلاه وقراءه القران والعبادات الثانيه

البارت الثالث

& بيت ابو عبدالعزيز &

ام شيماء وهي ساجده بحزن ودموعها مبلله وجهها : ياربي اني مالي غيرك يارب مدري شسوي يارب وفقني ودلني لطريق الصح يارب
خلصت من صلاتها : شيماء
شيماء : نعم
ام شيماء : بروح لجارتي احس ضايق صدري انتبهي لخواتك
شيماء : طيب
راحت لجارتها اللي لها اكثر من صديقه وجاره وعتبرتها زي اختها و اكثر

~
~

& بيت ابو نايف &

ام نايف : ساره نايف مارجع
ساره تنهدت : لا ي خاله
ام نايف : شفيك يمه
ساره : تعبانه شوي
لميس : ايش عورك
ساره : احس شوي مصدع
قاطعها دخول نايف : السلام عليكم
ام نايف : ي هلا وعليكم السلام
نايف. باس راسها ويدها : شلونك يمه
ام نايف: الحمدلله على السلامه
نايف يسلم على لميس وقالت له : الحمدلله على السلامه
نايف : الله يسلمكم
جاء مؤيد وهيثم : بااااباا
نايف يحضنوهم ويبوسهم : يعيون ابوكم
مؤيد : بابا وحشتني
نايف : وانا اكثر ي حبيبي
نايف : يلا تبون شي بروح اريح فوق
ام نايف : روح يمه نوم العوافي
نايف صعد لغرفته
ساره انحرجت من نظرات خالتي ولحقته : يلا عن اذنكم

جــنــاح (ساره & نايف )

نايف نظرها بنظرات استهزاء : ي هلا واحشك صح
ساره صدت نظراتها عنك
نايف مسكها مع خصرها وهو يبتسم على جنب : اعترفي واحشك صح
ساره انحرجت : بعد
نايف : ليه ابعد مو انت جايه
ساره بحلطمه : ليه ممنوع ادخل جناحي
نايف بسها مع خدها : انا اسف سامحني يام هيثم
ساره غصب اسامحك لاني احبك : سكت
نايف : اسف ياعمري مسامحتني
ساره بحياء هزت راسها


~

~

ام شيماء بحزن : مدري شسوي قولي لي شسوي
ام اماني وهي ضامتها : خلاص هدي هدي
ام شيماء ببكى : اه اه ماقدر اشوفه مع وحده غيري اه ليه مو حاس فيني
ام اماني تناولها كوب ماء : خلاص هدي وخلنا نفكر
ام شيماء : طيبً
ام اماني : بروح اقول لاماني تسوي لنا نعناع علشان يريحك


~
~

فيصل يتطبل على الطاوله : يا هلال يا هلال زعيم والله زعيم يا هلال يا هلال زعيم والله العظيم
ميس تصفق : هيييه ايووو عاااشو
ام تركي : هيييه انت ويااه وين عايشين
فيصل : يمه علامك خلينا نستانس
ميس بتحلطم : اي بليييز يمه
ام تركي : اقول قوموا قاامت قيامتكم صكيتوا راسي
وانتي ست ميس ماعنك دروس قومي ذاكري
ميس بتحلطم تطلع الدرج : كل شي ذاكري وذاكري رحموني تعععبت
فيصل : يالله انا طالع
ام تركي : الله يحفظك ولا طول 11وانت هنا
فيصل : ان شاءالله


جـــنـــااح ( ساره & نايف )

ساره قامت وهي منحرجه من نايف
نايف مسك يدها : وين وين
ساره : بروح اشوف العيال
نايف سحبها وطاحت بحضنها رفع خصله طاحت على عيونها وبابتسامه : تركي الاولاد عنك مافيهم شي ابي اشبع منك وباسها على عيونها
ساره ذابت من الحياء : هههههه بس
نايف قاطعها : لا بس ولاشي


~
~
في كوفي في الجامعه ميس بقهر : يارب شتبي في هالدكتوره لازم اني انا اشرح هالصرصور
فرح صديقتها بضحكه : احد قالك تدخلي احياء
ميس : وانا شعرفني اني اشرح صراصير
فرح : ههههههه الله يعينك
ميس : يارب خلاص وهالدكتوره حاطه دوبها من دوبي ماتدري عند فوبيا من الصراصير
فرح : هههههههههه عند كيف اذا شرحنا الضفادع والارانب
ميس بقرف : اص اص غير السالفه خليني انسى مو تزيديني
فرح :عهههههههه


~

~

ام شيماء تفكر بكلام ام اماني امس : شرايك لقيت لك حل ان شاءالله يعجبك
ام شيماء بلهفه : ايش قولي
ام اماني بخبث : لقيت لك عروس تكون زي بنتك تمشينها زي ماتبين
ام شيماء : من هي
ام اماني : فكري انتي بالموضوع وبعدين اعلمك من تكون
ام شيماء : طيب كم عمرها وكيف شكلها و حلوه ولا لا وقد شفتها
ام اماني بضحكه : بسم الله شوي شوي علي ههههههههه
ام شيماء : شسوي من حرتي هههههه
ام اماني : عمرها 22
ام شيماء بشهقه : صغيره
ام اماني : انتي مو تبين وحده على كيفك اذا اخذتي كبيره تكون فاهمه اما الصغيره تمشينها على كيفك
ام شيماء بقهر : بس اخاف تاخذه مني علشانها صغيره ويطيح بغرامه
ام اماني في نفسها هذا المطلوب وبخبث : لا حنا راح نفهمها تجيب الولد وتقلع وانتي تربينه
ام اماني وعجبتها الفكره : و تعتقدين توافق
ام اماني بخبث : اي هي وحده فقيره ما احد يصرفها بس تبي فلوس واذا عطيتها تصير زي الخاتم باصبعك
ام شيماء : حمستيني امانه منهي
ام اماني : اماني بنتي
ام شيماء بشهقه : امااني بنتك
ام اماني : ايه اماني بنتي
ام شيماء : وليه تسوين كذا ببنتك حرام بنتك صغيره وتستاهل واحد كبرها مو كبر ابوها
ام اماني ببكى : والله يام شيماء اني مو راضيه ارميها هالرميه بس شسوي محتاجين هالفلس تعطينا وحنا ثقه احسن من ناس ثانيه
ام شيماء : لا لا مستحيل
ام اماني : ليه حرام عليك انتي محتاجه وحنا محتاجين
ام شيماء : مدري بفكر
ام اماني : فكري زين وردي لنا
ام شيماء بنفسها ياربي غريبه كيف ترمي نفسها على واحد شايب اه مدري هي بتضرني ولا بتنفعني
قاطعتها شيماء : يمه يمه
ام شيماء : هلا
شيماء : شفيك يمه من اليوم وانتي حزينه
ام شيماء : اه اه يابنيتي مدري شقولك اه اه
شيماء بخوف ضمت امها : يمه علامك
ام شيماء بصوت متقطع من البكاء : ا بــ ـوك بيـ ـتـ ز ووج عــ ـلـ ـي
شيماء شهقت : ايييش
ام شيماء : اه اه مدري شـسوي
شيماء : كيف يمه ابوي يحبك كيف يتزوج عليك
ام شيماء وهي منهاره : يــ ــابــ ــي عــ ـبــ ـد الــ ـعــ ـزيــز
شيماء ضمت امها بهدوء تعرف ابوها اذا حط شي باله يسويها وتدعي بقلبها يارب تبعد عنه هالفكره


~
~

ريما بصراخ : هششاامم كم مره اقولك لاتلمس اختك
هشام بدا بصراخ : اه اه اه
ريما ضمت بحنان وهي ندمانه انها صرخت عليه : خلاص ماما لاتبكي مسحت دموعها وجلسته بحضنها وضمته : ماما هذي نونو صغيره ليه تضربها بعدين ماتحبك
هشام براءه : انا ماضربتها بس اخذت لعبتي
ريما تبوس خده : خلاص ماصار شي خذي اختك وروحوا العبوا لا تتضاربوا اوك
هشام : طيب
ريما : شاطر وليدي
وقفت : يارب صبرني عليهم يارب
سلطان ضمها من وراء بهمس : مين اللي مزعل حبيبه سلطان
ريما لفت له وبدلع : في احد غير عيالك
سلطان باسها على جبتها : الله يخليكم لي
ريما : يلا الغداء جاهز بدل ملابسك على ما يحهز
سلطان ضمها اكثر بغمزه : ابيك انتي مابي الغداء
ريما بحياء نزلت راسها
سلطان رفع راسها وباس شفايفها : احبك ياروح سلطان



~
~

دخلت وهي تعبانه من يوم ملي بالتعب : السسلام
ام تركي : وعليكم السلام روحي بدلي على مايجهز الغداء
ميس بتعب : لا يمه مابي
ام تركي : لا مايصير ماتكلي بلادلع روحي بدلي وتعالي
ميس باست راس امها : الله يخليك لي وربي هلكااانه حييل واكلت قبل في الجامعه
ام تركي بحنان : خلاص روحي ارتاحي
ميس طلعت على الدرج بتعب بدلت وحطت راسها على المخده وبدات الافكار تسترسل عليها وبعد وقت طويل غفت


~
~

ام تركي وهي تشوف زوجها وعيالها متجمعين بطلب منها
ابو تركي : خير يام تركي وشهو الموضوع اللي بتكلمينا عشانه
ام تركي وهي تمد فنجان القهوه عليه : كل خير باذن الله
تركي : تكلمي يمه وترتينا
ام تركي بضحكه : ماهو موضوع شين الا موضوع زين ويفرح
فيصل : انا قايلكم امي ماتحيب الا الخبر الحلوه
كلهم : ههههههههه
ام تركي : يابو تركي قبل يومين كلمتني ام نايف
ابو تركي : ايو
ام تركي : تبي تخطب ميس
فيصل : حركااات والله يالنتفه صار يجيها خطااب وحركات
ام تركي : ليه وشفيها ميس منها مايجيها بسم الله عليها كامله والكامل الله
تركي : يمه تركيه عنك لمين من عيالها
ام تركي : قبل هذا وشرايكم فيهم زينين
ابو تركي : والله ان عيال ابو نايف ماشفنا منهم الا كل خير
تركي : اي بالله
فيصل : النتفه تدري
ام تركي : لا ماتدري ويويلك لو تقول لها
فيصل بغباء : لييه ماتقولون لها بتزوجونها وهي ماتدري
ام تركي بقهر من غباء ولدها : خبل انت الا اكييد بنعلمها بس انا اعلمها قبل مو انت
فيصل بضحكه : احسب بعد هههههههه
ابو تركي : ماقلتي لنا منهو


~
~


ساره الحمدلله نايف متغير مره صاير حنون معاي مو مثل قبل وهي تتذكر موقف صار لها مع نايف
ساره : نايف
نايف : همم
ساره : بروح عند اهلي بغير جو
نايف باستهزاء : ليه علامه جوك
ساره : مخنوقه بس
نايف : مين ايش مخنوقه
ساره : الله يسعدك نايف بروح
نايف : لا
ساره بقهر : ليه
نايف : مزاج
ساره بقهر : وانا مو على كيفك وعلى كيف مزاجك
نايف مسك كتفها بقوه وبحده : الا على كيفي
ساره بالم : اه بعد عني ياحقير
قاطعها نايف بكف قوي لدرجه لف وجهها : انا حققير
ساره تبكي : اه اه بعد
مسك فكها بقوه وبصراخ : ميييين الحقققيير
ساره بكى : فكني
نايف شد شعرها بقوه ويهمس عند اذنها بغضب : انا سمعتك مره ثانيه تقولي مثل هالكلام دفنتك هنا ودفها بقوه ورفس بطنها ماسمع الا صراخها من الالم
صحها من تفكيرها نايف يمسح دمعها وبحنان : من مزعلك
ساره دفنت راسها بصدرها وهي تبكي : اه اه اه
نايف : بسم الله عليك علامك قعد يقرا عليها لحد ما هدت
ساره بعدت عنه بخجل : اسفه
نايف يمسح الدموع ويبوس عيونها : ايش مبكي الحلو
ساره وتحمد الله انه غيره بصوت كله حب : الله لا يحرمني منك
نايف : هديتي
ساره : اي
نايف : اجل يلا ننزل تحت
ساره : اوك بس ببدل
نايف : انتظرك


~
~

ابو عبدالعزيز بهدوء : ايش قلتي يام شيماء
ام شيماء بحسره : ما هونت
ابو عبدالعزيز بحده : انا وش قلت
ام شيماء ببكى وبصوت متقطع : يــ ـا بـ ـو عـ بـ ـد العـ ـزيز ما احتـ مـال اشــ ـوفـ ـك مع وحـ ـده غيـ ـري
ابو عبدالعزيز ضمها ويمسح دموعها : دموعك غاليه والولد انتي محتاجته اكثر مني وفكري بناتك
ام شيماء : مادري شقولك
ابو عبدالعزيز : عطيتك مهله اخترتي فيها العروس
ام شيماء ببكى : ماقدر قلبي يختار لك
ابو عبدالعزيز : يعني اجيبها لك وانتي متعرفينها
ام شيماء بشهقه : لا
ابو عبدالعزيز : تختارينها
ام شيماء : ما قدر ماقدر
ابو عبدالعزيز : يامره الصبر فاض مني يا تختاري انك تختارينها او اني اجيبها لك وانتي ماتعرفينها
ام شيماء ساكت وماينسمع الا شهقاتها
ابو عبدالعزيز : ماهو فايدك البكى الحين قرري بسرعه
ام شيماء ببكى : خلاص انا اخترت لك وبغصه العروس
ابو عبدالعزيز بفرحه : مين هي
ام شيماء حز بخاطرها فرحتها وبقهر : مو لازم تعرف
ابو عبدالعزيز : كيف اعرس على وحده ماعرفها



لا تحرموني من تعليقاتكم ورائكم وتعليقاتكم

استودعتكم الله
كونوا بالقرب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 30-05-2018, 11:56 PM
ميس ال سعود ميس ال سعود غير متصل
©؛°¨غرامي جديد¨°؛©
 
الافتراضي رد: لله در فتنة أيقظت قلبي عشقا لله در عيناك و السلام/بقلمي


ويين الردود حبايبي علشان اكممل الروايه 😩❤
بليييز عطوني رائكم واقترحاتكم وانطباعكم وتوقعاتكم☺💕
ابغى تفااعل علشان اتحمس ونزل لكم بارت 💛

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 31-05-2018, 03:58 AM
ميس ال سعود ميس ال سعود غير متصل
©؛°¨غرامي جديد¨°؛©
 
الافتراضي رد: لله در فتنة أيقظت قلبي عشقا لله در عيناك و السلام/بقلمي


اللهم انت ربي لا إله إلا انت ، خلقتني وانا عبدك ، وانا على عهدك ووعدك ما استطعت ، اعوذ بك من شر ما صنعت ، ابوء لك بنعمتك علي ، وابوء بذنبي فاغفر لي فإنه لا يغفر الذنوب إلا انت

لا ابيح ولا احلل من ينسب الروايه له او ينقلها من دون ذكر اسمي ( ميس ال سعود)

الروايه لا تلهيكم عن الصلاه وقراءه القران والعبادات الثانيه

( البارت الرابع )

عيوني ماتبي غيرك ولا غيرك يناسبها ...

ام شيماء بقهر : اماني
ابو عبدالعزيز : اماني بنت جارتنا
ام شيماء : اي
ابو عبدالعزيز : مايهم مين ماتكون المهم الولد
ام شيماء بفرح : اي بس تجيب الولد تطلقها
ابو عبدالعزيز بصدمه من تفكيرها : ايشش كيف طلاقها و الولد مين يربيه
ام شيماء : عادي انا اربيه ومن الحين معتبره زي ولدي
ابو عبدالعزيز بحده : تبينا نحرم الولد من امه
ام شيماء بقهر : ايو اطلع على حقيقتك انتي تبي تتزوج مو هامك الولد
ابو عبدالعزيز : لا اله الا الله اطلع ابرك
ام شيماء تبكي و بصراخ : اي بتطلع علشان عرفت الحقيقه
شيماء بخوف : ايش فيه
ابو عبدالعزيز : مدري عن امك وطلع
شيماء ضمت امها : يمه علامك الله يهديك
ام شيماء بقهر : قهههرني يقول مو مطلقها بعد ماتحيب له الولد
شيماء بضحكه : يمه انتي شعليك من ابوي ام اماني مو قايله لك بس تجيب الولد وتطلب الطلاق
ام شيماء بتفكير : واذا ماطلقها
شيماء بثقه : الا بيطلقها


~
~

جالسه بغرفتها وتذاكر بضيقه : يااارب ايش يدخل هذا بمخي ومرات الدقايق وهي تذاكر وتحاول انها ماتترك معلومه لان عندها اختبار مرره صعب
نقزت بفررحه : وااااخييييرا خلصتتت
قاطع عليها دقت الباب : ادخل
ام تركي بفرحه : السلام
ميس باستغراب : هلا يمه تفضلي
ام تركي جلست عندها على السرير : كيفك يمه
ميس : تمام يمه
ام تركي بحنان : ليه مانزلتي تحت اختك ريما عندنا
ميس باستغراب : ريما هناا
ام تركي : ايه من العصر وهي هنا
ميس : والله ماعرفت كنت اذاكر عندي اختبار
ام تركي : اجل ذاكري واذا خلصتي تعالي غرفتي ابيك بموضوع
ميس بتوتر اول مره تكلمها امها كذا : لا يمه خلصت ايش فيه
ام تركي مسحت على شعرها بحنان : حبيبتي كبرت
ميس بخجل : يمه توك تلاحظين
ام تركي : الا ملاحظه من زمان بسم الله عليك كبرتي وصرتي زي القمر
ميس حمرت خدودها ضحكت بخجل ؛ هههههه
ام تركي بحنان مسكت يدها : وصاروا يجيك عرسان ويبون قربك
ميس بنظرات كلها صدمه :عرسسان
ام تركي بضحكه : ايه
ميس توترت
ام تركي :هههه يمه لاتخجلي مني
ميس ضمت امها : الله يخليك لي
ام تركي تبي تحرج ميس : ماتبي مين يكون سعيد الحظ اللي بيكون من نصيبك
ميس وهي تلعب باطراف بلوزتها من التوتر وبصوت اقرب للهمس : مين
ام تركي : سعود وهو ضابط ماشاءالله ومن عائله محترمه وابوك واخوانك سالوا عنها والكل يمدحه بس
ميس بخوف ناظرت امها : ايش يمه
ام تركي : هو كبير شوي يعني عمره 30 بس يمه العمر مايفرق اهم شي السعاده
ميس بخوف : يمه بيني بينه 10 سنوات
ام تركي : عادي يمه الرجال مايعبه شي فكري وياكثر اللي اخذوا اكبر منهم بعشرين سنه وعايشين بسعاده وقامت يلا فكري وصلي استخاره وبعد يومين انتظر منك الرد وصحيح اختك تحت من قبيل تسال عنك
ميس بخجل من امها : طيب الحين نازله


~
~

اماني ببكى : حرررام عليك يمه تبيني اخذ واحد اكبر مني
ام اماني : ي غبيه تلقين لك واحد يعيشك ملكه وتجيبين ان شاءالله له الولد ويطير فيك
اماني ببكى : يمه حرررام عليك كبر ابوي
شهد ضمتها بقهر : حرام يمه والله تغصبينها على شايب
ام اماني بقهر : ليه ما تفهموني ابي اسستر عليكم
شهد بقهر : لييه يمه ماتبينا حنا ترى بناتك
ام اماني ببكى : لانكم بناتي اسوي فيكم كذا انا خايفه عليكم خايفه اموووت وييين بتروحون والله غيير تضيعون
شهد : يمه بعد عمر طويل وعماني وين راحوا
ام اماني باستهزاء : عماانك متى شافكم متى سالوا عنك بس يوم مات ابوكم جاءكم يركضون بس علشان الورث
اماني ببكى: يمه انتي بتضيعني كذا
ام اماني وهي طالعه : انا ابي مصلحتك
اماني : اه يااارب ياااربي صبرني
شهد ضمتها : ي عمري خلاص


~
~
نزلت تحت ولقتهم متجمعين تحت يسولفون بحب
ميس : سسلام
فيصل :ياهلا والله بالعروووس
ميس بخجل سلمت على ريما
ريما : مبرروك ي قلب اختك والله يتمم لك
ميس بحياء : لسى ماصار شي
فيصل بخبث : وين ماصار شي وانا سامعك تقوليين وييينك ي سسعووود
ميس شهقت : كذاااب قسسسم
ريما بضحكه : لا اخوي مايكذب ههههه
ميس بقهر : يمه شوفي عياالك
ام تركي : ههههه يمه يمزحون عليك
دخل تركي : السلام عليكم وجلس جنب ميس : حيالله العروس
ميس بخجل : الله يبارك فيك
فيصل بقهر : ايه تركي تقولين تردين عليه وانا بس صراخ
تركي بضحكه : ليه تغار مني اساسا مافيه مجال بيني وبينك
فيصل : مالت بس
ام تركي : وانت يمه متى تفرحني فيك
تركي : توو الناس
ام تركي : وين تو الناس
تركي تكلم جد : يمهمتى ما احس نفس جاهز للزواج راح اقولك
ام تركي : الله يكتب اللي فيه خير


~
~

ساره بضحكه : هههههههههه اه بطني يعورني هههههه ليتني شفتك
لميس بقهر : بسس لا تضحكين
ساره : اه هههههه من زمان ماضحكت على احد
لميس : خلاص لاتخليني اندم اني قلت لك
ساره تتخيل شكل لميس : ههههههههه اتخيل شكلك عههههههه قسسم نكت
لميس : اف لا تذكرني هههههه
ساره : ههههههههههههههه
قاطعه نايف : اوف اوف كل هذا ضحك شصاير
لميس بسرعه تكلمته لان عارفه ساره راح تنكبها : سوالف بنات ماتعرف ساره تضحك على اي شي
نايف جلس بجنب ساره وحط يده وراها : وليه حرمتنا من الضحك الحلوه هذي
ساره بحياء نزلت راسها
لميس قامت : يلا عن اذنكم
نايف : وين عادي جلسي
لميس : لا بروح انام بكرا عندي جامعه
نايف شاف لميس طلعت فوق لف على ساره : شفيك سكتي
ساره بخجل لانها ماتعودت نايف معها كذا : ايش اقول
نايف بخبث باس شفايفها
ساره بسرعه بعدت عنه
ناايف بقهر : هييه رجعي مكانك
ساره : نايف مو هنا
نايف جرها بحده : اذا كنت عندك ماتقومي لو تموتي فاااهمه
ساره بخوف : طيب
نايف باس رقبتها بقوه يطلع كل قهرها منها
قاطعهم دخول ساره شهقت وطلع فوق بسرعه
ساره ببكى : عجبك الحيين
نايف : اي عجبني وطلع
ساره بنفسها يارب كيف بطل بوجهها مره ثانيه وطلعت لجناحها


~
~

ميس تكلم : مدري والله خايفه لان على حسب كلام امي كبير
فرح بشهقه : كم عمره
ميس : ثلاثين
فرح : متزوج
ميس : لا لو متزوج ما اخذه لو يموت
فرح : ليه ماتوفقين عليه
ميس : كبير
فرح : بالعكس اللي كبره يدل اكثر ويكون واعي وناضج
ميس : يعني
فرح : اي استخيري مو صاير الا كل خير


~
~

سعود بتفكير يارب يعني كيف شكلها وهل راح توافق وراح احبها ونعيش بسعاده ولا تكون حياتنا بارده ممله يارب تهدني وتصبرني وتخليني اهدى من العصبيه اللي مخربه حياتي قاطعه طق الباب : ادخل
العسكري طق له التحيه : طال عمرك في مشكله صايره
سعود : ايش
العسكري بخوف : السجين خالد هـ ـرب
سعود بعصبيه ضرب الطاوله بقوه : ايييييششش
العسكري : هذا اللي صاري
سعود : مين المسؤول عن السجن اليوم
العسكري : فرقه 16
يعود بغضب : جيبهم لي الحيين


~
~

ميس في سجودها تدعي : يارب تكتب لي الخير يارب تسعدني يارب اني لا اعرفه ولا اعرف اخلاقه لي يارب اذا كان خير لي ويجعل حياتي سعاده بان تقربه واذا كان فيه شر تبعده كبعد المشرق عن المغرب يارب اجعله لي كما اريد واجعلني له كما يريد : السلام عليكم ورحمه الله وبركاته
السلام عليكم ورحمه الله وبركاته
طفت الانوار وراحت بسابع نومه

~
~

ام اماني : يابو عبدالله اماني جايها خطاب تعال علشان يخطبون منك
عم اماني ابو عبدالله : ومين يكون
ام اماني يدها على قلبها خايفه يرفض : جارنا ابو عبدالعزيز
ابو عبدالله : بترمين بنت اخوي على شايب
ام اماني : البنت موافقه
ابو عبدالله بخبث : بشرط
ام اماني : وشو
ابو عبدالله : لي عشر الالف من المهر
ام اماني : ابشر بس تعال
ابو عبدالله : خلاص يوم الخميس وانا عندكم
ام اماني : اقول للجماعه يجون يوم الخميس
ابو عبدالله : ان شاءالله

~
~

بعد اسبوعين

ام نايف بفرح : كلللوووووووششش
ام تركي : هههه الله مبرروك علينا
ام نايف : الله يبشرك بالخير والله فرحتينا بروح ابشر سعود
ام تركي بفرح : روح بامان الله
ام نايف : بامان الكريم
لميس : يمه ايش فيه
ام نايف والفرح مو سايعتها : وافقو وافقو يالميس
لميس بفرحه : جد يمه
ام نايف : اي يمه عقبال مافرح فيك
لميس نزلت راسها بحياء
كادي جت تبكي
ضمتها ام نايف : مين مزعل حبيبتي
كادي براءه ؛ ماما هيثم ضربني
ام نايف : مو شاطر هيثم
كادي : ماما انا جوعانه
ام نايف : يلا احط لك اكل


~
~
شيماء : فااااتن وجدااان تعالوا ساعدووووني
وجدان : طيب
فاتن : شيووم انا عندي اختبار بذاكر
شيماء : طيب نادي رهف
رهف : جيت خلاص
شيماء : روحي جيبي الصابون علشان بنغسل الحوش
وانتي وجدان روحي اسقي المزرعه
وجدان طيب ورحت تسقي المزرعه
شيماء : يلا خلصنا بس شطفي الارضيه زين وانا بروح اشوف امي ايش تبي على العشاء
دخلت على امي ولقيتها تبكي رحت ضميتها : يمه حبيبتي خلاص انسي الموضوع ترى مايسوى
ام شيماء : ودي والله ودي
شيماء : يمه خلاص بس بكى
ام شيماء : خلاص بقوم اتوضاء واصلي
شيماء : ايش تبين على العشاء
ام شيماء : عادي سوي اي شي
شيماء : طيب

~
~

ليان بصراخ : يييييمه يييمممه ردي علللي عبدالاااللله
رحت تركض وتنادي على اخوها
عبدالاله : ايش فيك
ليان ببكى : عبدالاله امي امي ماترد علي مدري علامها
رحوا يركضوا لمهم عبدالاله يضربها على خفيف في خدودها : يمه يمه يمه حبيبتي قومي
ليان : يييمه قووومي
عبدالاله : جيبي عبايتها ولبسي عبايتك
ليان : طيب


~
~

رجع من الدوام وهو هلكان سمع طق الباب : ادخل
دخلت امه والفرح باينه عليها : قواك الله
سعود قام وباس راسها : الله يخليك لي
ام نايف : ويخليك لي وبفرحه ماقدرت تخبيها : ابشرك
سعود بابتسامه بتعب : ايش
ام نايف : وافقت العروس
سعود بابتسامه : عساه مبروك
ام نايف : كلوووووش
سعود :ههههههههه
ام نايف : متى تبي العرس
سعود باس يدها : متى تبيه الغاليه
ام نايف : الود ودي اليوم
سعود : ههههههههه
ام نايف : طلبتك انك تخليه بعد 6 شهور
سعود انصدم بس ماقدر يردها : تم
ام نايف : الله يبشرك بالخير خلاص اجل بتفق معاهم تكون الملكه بعد اسبوعين
سعود : على كيفك


~
~

& المستشفى &

ليان ضامه اخوها تبكي : اه اه اميي
عبدالاله : ادعيلها ياليان عسى الله يشفيها
قاطعهم طلوع الدكتور تكلم بسرعه عبدالاله : خيير يادكتور كيفها الوالده
الدكتور : الحمدلله الوالده بخير بس انتبهوا لها لان معاها مرض القلب واي شي يضايقها او يزعلها راح تروح فيها
عبدالاله : شكرا يادكتور يعطيك العافيه
الدكتور : لا شكر على واجبنا
عبدالاله ضم اخته بفرحه : الحمدلله الحمدلله

~
~

انتهى

لاتحرموني من تعليقاتكم و ارائكم ..
توقعاتكم ايش راح يصير بالملكه
هل راح تم او لا

~استودعتكم الله ~
~كونوا بالقرب ~



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 31-05-2018, 04:03 AM
ميس ال سعود ميس ال سعود غير متصل
©؛°¨غرامي جديد¨°؛©
 
الافتراضي رد: لله در فتنة أيقظت قلبي عشقا لله در عيناك و السلام/بقلمي


اتمنى القي ردوود تعليقات علشان اعرف ان الروايه عاجبتكم 😔💛
مراح اكمل اذا ما لقيت ردود
عطوني توقعات هل راح يعرف سعود ميس ولا لا ؟!
وهل ميس تعرف سعود ولا لا ؟!
اذا عرف سعود ان ميس هي اللي قابله ايش راح تكون ردت فعل؟!
واذا عرفت ميس انه سعود ايش راح تكون ردت فعلها ؟!
ايش راح يصير في الملكه ؟!
عطوني بس توقعاتكم وارائكم بلييييز 😭❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 31-05-2018, 09:31 AM
صورة كادي العسيري الرمزية
كادي العسيري كادي العسيري غير متصل
©؛°¨غرامي مشارك¨°؛©
 
الافتراضي رد: لله در فتنة أيقظت قلبي عشقا لله در عيناك و السلام/بقلمي


عنوانها جذبني
قريت كم سطر واسلوبك مره حلو ماشاء الله وبكون صريحه معك
ما اقرا الروايات الغير كامله لان اتشووق وفي النهايه مايكملون
بس يارب انتي تكونين قدها وتكملين ( انتظر التكمله)
بالتوفيق


الرد باقتباس
إضافة رد

لله در فتنة أيقظت قلبي عشقا لله در عيناك و السلام/بقلمي

الوسوم
لله ، در ، فتنة ، أيقظت ، قلبي ، عشقاً ، عيناكَ ، السلام ، روايتي الاولى
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ولَئن سُئلت عن هويتي سأشير الى عيناك \ بقلمِي . غَيدْ ! روايات - طويلة 695 01-04-2018 06:56 PM
وحين ظننت بأني نجوت وجدتني في عمق عيناك غريق.. روايات خلود روايات - طويلة 37 10-09-2017 03:57 AM
وخالق عيناك مطفشة خواطر - نثر - عذب الكلام 4 24-02-2016 02:12 PM
متى دمعت عيناك آخر مرة؟ الفتى الاسمراني مواضيع إسلامية - فقه - عقيدة 10 15-11-2015 03:01 AM
عيناك نافذتا حلم jnoon 2ntha خواطر - نثر - عذب الكلام 6 26-07-2015 08:51 PM

الساعة الآن +3: 10:37 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1