غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-05-2018, 10:43 AM
حاولت احبك اكثر عن قلبي وعجزت حاولت احبك اكثر عن قلبي وعجزت غير متصل
©؛°¨غرامي جديد¨°؛©
 
الافتراضي رواية فيها غرور يهد بالرجل حيله/بقلمي


روايه فيها غرور يهد بالرجل حيله.
م احلل الي ينسب الروايه له او ينقلها من دون اسمي بالنهايه انا تعبت فيها واجتهدت مارح اطول عليكم واتمنى تعجبكم روايتي الاولى ومشاركتي الاولى في هاذا المنتدى واتقبل اي نقد او مدح منكم فديتكم فاربطوا احزمه الامان لنحلق في سما روايه فيها غرور.

البارت"1"

خلقت لي شموخ وهامة
ماطالها طويلين الانفاس
وكونت لي عرش رفيع مقامه
مايوصله جن ولا يوصله ناس
ورفعت نفسي فوق هام الغمامة
اشوف زلات البشر وارفع الراس*
واليوم كلن خصني بإحترامه
واللي معاديني بالأقدام ينداس…

الجد :سم الله عدوينك يالورع شطولك وشعرضك م تعرف تصب القهوه للرجاجيل! انشهد انه عبدالله م عرف يربي طس من وجهي لا بارك الله فيك من ولد بنت الجازي يالجازي.
الجازي بصوت عالي ومبحوح يسمعه كل الي فلمجلس:لبيه يعيون الجازي.
الجد:لبيتي في منى يبنتي تعالي يبنت عبدالرحمن قهوي جدتس.
ترك ناصر الدله على الطاوله وراح يقعد مكانه يطحلطم م هو بعاجبه الوضع.
ناصر:ابوك وش فيه معلق علي يحمد ربه ويشكره قمت اقهويه يحصله انا ناصر بن عبدالله يصبله فنجان م غير مطيح فيني صراخ وهواش وطق بعصاته الي كنها تقول عصاه ساحر من تسعين عام والله يبيلي اخذله جديده.
عبدالله:اقول لا يكثر بس صدق اني م عرفت اربي اقعد انت وهالوجه فضحتني م تعرف علوم الرجاجيل.
اطلعت الجازي من مجلس الحريم لمجلس الرجاجيل وصوت خطواتها بلكعب تملي المكان وريحه عطرها تسبقها مشه بهيبتها وبخطويتها الواثقه الي تخلي عيون الناس كلهم ينجذبون لها مشت وهي عارفه انه مهما انترس هالمجلس من الرجال محد رح يعرف لجدها غيرها وصلت لقلب(وسط) المجلس مكان جدها المعتاد وهي تعدل لثمتها الي م تبين من وجها الا عيونها الواسعه الممزوجه بالكحل الاسود امسكت الدله وصبت لجدها وهي تذكر من يوم كانت صغيره وهي تتعلم من ابوها الله يرحمه علوم العرب وسلومهم وهاذا الشي الي يحبب جدها فيها قالت بصوتها المبحوح الجازي:سم يبه
الجد:سم الله عدوينك
الجازي وكنها تبي تغيض حد من الموجودين:آمين جدي الله يسمع منك ولفت بعيونها كنها متاكده من وحوده وهمست لجدها: ولد الجالي وش جابه هنا؟
م حست الا بعصا جدها تنغرس ف خاصرتها واصرخت
:آي جدي خاصرتي
الجد:وقص بلسانك قولي آمين روحي قهوي ولد عمك يلي م تستحين.
الجازي بقهر:معصي
الجد:تعصيني يبنت عبدالرحمن؟
الحادي:اااا لا جدي افا عليك اقهويه وليش م قهويه يبشر بالسعد (جدها فالوسط وعدال جدها بعض شيوخ القبيله الي متعودين فتواجدهم فلمجلس وفالركن الي على اليمين يكون نص عيال خوالها الي م تقعد معهم بحكم انها م كانت عايشه هنا و خوالها وولد عمها بس (للعلم الجد يكون ابو امها الجازي) وفركن اليسار ثنين من خوالها وبعض الرجاجيل الي من القبيله) مشت له بخطوات واثقه وهو راسم ابتسامه خبث فوجه
الجازي: تبي قهوه؟
ذيب: دامها من ايدك لو سم شاربها.
الجازي بقهر: ليتني حطيت هالسم فالدله كان رتاح قلبي.
ذيب بهمس :لو تسقيني سم الموت بحسو عسل من ايدك لو تدبح ما تسمع صوت الا احبك واريدك.
الجازي: قل آمين.
ذيب: ماني بقايل اليوم الجمعه ترى.
خالها سالم:بنت طولتي تراك قاعدين تهمسون حق بعض وش الي تتحكون عنه؟
الجازيء: السم
سالم:نعم!
الجازي صبت لذيب القهوه واترست الفنجان وعيونها فعيونه وطبعا فعيون الجازي نظره تحدي عكس عيون ذيب الضاحكه وكانه عاجبه الوضع الكل الي فالركن اليمين قام يضحك(عند العرب الفنجان م ينترس ولا انترس تكون اهانه وكانك حامل حقد وكره للشخص الي تقهويه)
خالها تركي الي فاهم مقصدها: كفوو يبنت اختي تربيه خالك تراك.
لفت عليه الجازي وغمزت له مد ذيب لاجل ياخذ الفنجان يده وتعمد يمسك يدها
الجازيء: فك يدي.
ذيب ابتسم وداست الجازي على رجول ذيب بكعبها وتالم بقوه واتركت الدله فوق الطاوله الي قدامها وراحت تسولف مع ناصر تبي تقهر ذيب
الحازي :شخبارك
ناصر: اذلفي من وجهي كله منك جدي يهدد فيني ويوعد
الجازي بضحكه ذوبت قلب ناصر وذيب وكل الي سمعوها
: والله م هو بذني يوم انك م تعرف بسلومنا
ناصر حب يحرجها : انا منو؟
الجازي : الجني وجعع انت وشكلك يعني منوه بتكون ولد خالي
ناصر:منوه من خوالك؟ وشو اسمي؟
الجازي حبت تردها له : ولد خالي عبدالله اسمك ناصر عمرك 22 سنه تدرس فكليه الطب تماشي عيال سليمان جارنا.
ناصر: وجع كاتبه تقرير عني ولا وشو؟
الحازي : تتوقع بعيش مع ناس م اعرفهم اعرف كل صغيره وكبيره عن الكل الموجود فذا المجلس
سليمان اخو ناصر: متى امداك تجمعين هالمعلومات توك م صار لك شهر هنا
الجازي عطت سليمان نظره استحقار: من قبل م اجي هنا اعرف كلشي عنكم وخصوصا انت لا شو اسم خويك راشد مو؟ المشهور ب وسكتت لمن شافت الشرار يطلع من عيونه ذيب كان يبين انه بشكل طبيعي لاكن فقلبه نار تشتعل من الغيره مشت راجعه لمجلس الحريم واستوقفها صوت
ذيب: م ضنتي هزييت الفنجان ولا نسوك الاصول الي علمناك اياها يبنت العم.
لفت عليه الجازي: متعلمه الاصول قبل لاشوف وجهكك م ني متعلمتتها منكم ولا يشرفني اصلا يولد الجالي وهذي هي الدله قدامك قهوي نفسك بنفسك اخر عمري اقهويك م بغيت ارد جدي ترى مب من حلاوه عيونك.
م انتظرت رد ذيب ولا اهتمت باحد ودخلت داخل طبعا كل الي يصير م يسمعه جدها الي لاهي مع شيوخ القبيله م حد يسمع هالحوارات الا الي قاعد فالركن اليمين.
راحت واتركت وراها قلوب تشتعل الي كره والي فقلبه حيره والي فقلبه غيره والي فقلبه حقد والي فقلبه حب كلهم يكنون مشاعر للجازي الي من جات اخبصت عايلتهم فوق تحت وغيرت كثير اشياء بغرورها وهيبتها وقوتها.



انتهى البارت الاول اتمنى انه يعجبكم.
مع حبي لكم"حاولت احبك".


تعديل حاولت احبك اكثر عن قلبي وعجزت; بتاريخ 30-05-2018 الساعة 10:51 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-05-2018, 11:36 AM
صورة Loretta2017 الرمزية
Loretta2017 Loretta2017 غير متصل
©؛°¨غرامي مشارك¨°؛©
 
الافتراضي رد: رواية فيها غرور يهد بالرجل حيله.


اهلاً بك عزيزتي بمنتدى غرام

نورتي

القصة حيل عجبتني لاكن عندي ملاحظه بسيطه لك انو سرد الاحداث شوي ملخبط وماتوصل الفكره لنا واضحه

تحياتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-05-2018, 11:37 AM
صورة Loretta2017 الرمزية
Loretta2017 Loretta2017 غير متصل
©؛°¨غرامي مشارك¨°؛©
 
الافتراضي رد: رواية فيها غرور يهد بالرجل حيله.


واتمنى منك تعطيني رايك بروايتي

https://forums.graaam.com/624764.html

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 30-05-2018, 12:38 PM
modyblue modyblue غير متصل
©؛°¨غرامي جديد¨°؛©
 
الافتراضي رد: رواية فيها غرور يهد بالرجل حيله.


بداية جميلة تحياتي لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 30-05-2018, 01:29 PM
حاولت احبك اكثر عن قلبي وعجزت حاولت احبك اكثر عن قلبي وعجزت غير متصل
©؛°¨غرامي جديد¨°؛©
 
الافتراضي رد: رواية فيها غرور يهد بالرجل حيله.


اقتباس:
المشاركة الأساسية كتبها loretta2017 مشاهدة المشاركة
اهلاً بك عزيزتي بمنتدى غرام

نورتي

القصة حيل عجبتني لاكن عندي ملاحظه بسيطه لك انو سرد الاحداث شوي ملخبط وماتوصل الفكره لنا واضحه

تحياتي
النور نورك يقلبي
انشاءالله عيوني بدايه من البارت الثاني تبدا الافكار توضح معكم وشكرا لمرورك.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 30-05-2018, 10:31 PM
حاولت احبك اكثر عن قلبي وعجزت حاولت احبك اكثر عن قلبي وعجزت غير متصل
©؛°¨غرامي جديد¨°؛©
 
الافتراضي رد: رواية فيها غرور يهد بالرجل حيله.


امم م كان ودي اسوي التعريف بس قلت انه احسن ليكم لاجل م تتلخبطون م رح اقول الاوصاف الخارجيه رح نكتشفهم مع بعض فالروايه

عايله ام الجازي

الجد صقر شايب معقد ملتزم بالعادات والتقاليد زوجته سعاده عجوز طيبه كثير
عنده


#عبدالله عمره 66 طيب ومتفتح وضحوك يمشي ورى كلام ابوه
زوجته ابتسام عمرها 50 نكديه وحقوده الكل يكرهها وتحب التحكم
عياله
ناصر عمره 22 سنه يدرس طب ومفرفش يضحك كثير وراعي فزعات ووقفات
سليمان عمره 22 م يدرس م يهتم لامور عايلته يمشي ورى اصحاب السوء
علي عمره 19 يدرس هندسه راعي مغازل ومشاكل
بناته
شوق 17 طيب وعلى نياتها وحساسه كثير تدرس صف 11
امل 14 سنه عنيده ومتقلبه المزاج تدرس صف تاسع




#عيسى عمره 65 جلمود وقاسي والكل يكره شخصيته متحكم فكل العايله حتى ابوه الي هو الجد صقر ما يقدر عليه زوجته سلمى عمرها 55 طيبه مره بس احيانا تكون غثيثه وفيها شوي غيره
عندهم
بثينه عمرها 33 طيبه كثير ومب متزوجه كانت تدرس طب بس م توضفت نعرف السبب بعدين
صقر عمره 29 يشتغل مع ابوه فالشرك وارث طبع ابوه جلمود وقاسي بس من داخله طيب
ساره عمرها 25 مخطوبه وطيبه ودلوعه م تدرس ولا تشتغل نعرف السبب بعدين
اخر واحد علي عمره 20 سنه حاله حال اخوه يشتغل فالشركه لاكنه حبوب مره وطيب جاري البحث عن شريكه مستقبله



#تركي عمره 25 هاذا بروحه عالم يمشي ويطفر بالناس كيوووت الف وطيب مطفوق وراعي وقفات وفزعات الكل يحبه ويروحون له فوقت المشاكل رغم صغر سنه

بنات الجد صقر


فاطمه عمرها 65 كانت متزوجه عبدالرحمن الله يرحمه وعندها
الجازي عمرها 24 (بطلتنا) و توامها غازي
نعرف شخصايتهم فالروايه.


عايله الجالي
عايله عبدالرحمن ابو الجازي
الجد سليمان عمره 86كريهه الف همه الفلوس والعادات والتقاليد يسوي كلشي لاجل فلوسه وكلام الناس زوجته خديجه متوفيه

عياله
عبدالرحمن(الله يرحمه) كان قوي وله هيبه الكل يهايه لا دخل دخل المجالس يهزها من كثر هيبته م يقعد الا فقلوب المجالس طيب ومغرور (يحقله) نسخه من الجازي

#مروان عمره 66 شديد وجلمود وجلف مثل ابوه زوجته رايه طيبه مره هي الي وقفت مع الجازي
وعياله.
ذيب عمره 27 شخصيه رومنسيه وخياليه عصبي وله هيبه وحضوره طاغي فيه عزه نفس وغرور.
سيف عمره 26 متزوج عليا عمرها 24 بثنيهنم كيوووت ويجنون عندهم عزيز عمره 5 سنين
شوق عمرها 20 بنت حساسه وجميله واخلاقها مره طيبه


#عيسى عمره 54 سكير واخلاقه زفتهه يبيع نفس لاجل الفلوس الحمدالله م عنده زوجه ولا عيال



انشاءالله بكره عالعصر انزل البارت الثاني
مع حبي "حاولت احبك"

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 31-05-2018, 07:19 PM
حاولت احبك اكثر عن قلبي وعجزت حاولت احبك اكثر عن قلبي وعجزت غير متصل
©؛°¨غرامي جديد¨°؛©
 
الافتراضي رد: رواية فيها غرور يهد بالرجل حيله/بقلمي


رواية فيها غرور يهد بالرجل حيله
البارت "2"
.
.


*فيني شموخ غارسن عزتي غرس
*ومهما يجور الوقت مالان راسي
ابوي علمني وأنا حافظة الدرس*
العز من طبعي وترى الطيب ساسي





ذيب من العصبيه احذ مفتاحه وطلع اما الباقي محد نطق بحرف ممكن نقول انهم تعودوا على لسان الجازي الطويل

في مجلس الحريم ادخلت الجازي وفكت لثمتها وهي تنافخ من العصبيه دخلت على المغاسل وشافت وجهاا فالمرايه" سايريهم يلجازي بكره تاخذين الي تبينه وترجعين لخوك غمضت عيونها وتذكرت كلام ابوها " ابي لاشافوك يا بنتي يقولون هاذي بنت عبدالرحمن ابيهم يوصفونك بالزينه م يليق على الجازي بنتي الا الزين و الغرور" الكلام الي دايم تستمد قوتها منه طلعت ببتسامه وقعدت فوق الكنب
شوق:يمهه بمووت وش ذا الحلى!
ساره: ويا بري حالي بنت منو ذا؟
بثينه: ولد عمها الجازي
التفتوا عليها وهي تضحك: حليلك يذيب عندك معجبين
ساره: وااه هاذا جمال ولا جبر خاطر امانه الجازي عطيني صورته بحطها فكبتي
شوق وهي فهيه على الآخر:يبخت الي بتصبح فويهكك يحلو ي قميل انتا
بثينه: وقص بلسانكم انتوا م تتوبون
ساره: لا تلومينا مو من كثر ما نشوف الحلى
الجازي: شوق شوفيهم يتغزلون بخوك
شوق: ليه حرم اخوي تغار؟
البنات انصدموا
نطت ساره فوق الجازي: اجل ذا خطيبتس
الجازي: وخري يالدوبه كسرتي لي عظامي يجعلك الماحي
ابتسام الي توها سمعت كلام الجازي بحكم صوتها العالي: الي يمحيك يلغبرا لا عاد تتدعين على بنتي
الجازي:فعدويني انشاءالله
وخرت ساره عن الجازي ووقفت الجازي تعلن ابتدا الحرب
ابتسام: منو هم عديونك يلهايته يصايعه مو منك من امك الي خلتك تهيتين فبلاد الغرب
الجازي توها جات ترد كلعاده بس قطعها صوت رجولي واصل من مجلس الرجال
عيسى: وينها الي م تتسمى وينها بنت …
الجد :يالله دافع البلى عن منوه تتكلم انت؟
عيسى: بنت فاطمه وينها وينها
جاه الرد
الجازي الي توها طلعت من المجلس وهي تحط لثمتها
: انا بنت عبدالرحمن ي خالي وشدت على الكلمه
عيسى : تخلخلت عظامك قولي آمين
الجازي:افا بس افا هاذا كلامك وانا الي من جيت هنا احسب الايام لاجل اشوفك؟
عيسى: حلو حلو تحسبين الايام اجل؟
الحازي: والساعات والدقايق لاجل اشوفك يولد صقر اخوي وينه؟
عيسى:فلحفظ والصون
الجازي وهي ترفع سبابتها: لاتحسب انك بتلوي ذراعي الذراع الملوايه اكسرها لانها م عاد تلزمني ونذرن علي لين يوم الدين م ارتاح لين ارجعها لك مو انا مو بنت عبدالرحمن الي حد يقدر يمشي كلامه عليها
عيسى: تهدديني انا يبنت ال…
الجازي: ابوي اشرف منك ومن الي خلفوك
وانا بنته وتربيته م يطلع من العيب يلمتخلف م حست الا بالكف الي حرق خدها وطيح لثمتها
صقر : ابوي م ترفعين صوتك عليه فاهمه
الجد: وكسر انشاءالله م عاد لي احترام وانا واقف بينكم
صقر باس راس جده:السموحه جدي
عيسى وهو يمسح علحيته:قد كلامك يبنت عبدالرحمن.
الجازي الي ترتجف من العصبيه اول مره حد يتجرا يمده يده عليها حطت عينها الي تحمل التحدي والحقد بعيون صقر:قده وقدود
عيسى مسك يدها بقسوه وطلعها من المجلس الكل لحقه ومحد تجرا ينطق بكلمه ودخلها داخل غرفه فالطابق الارضي وقفل الباب
عيسى: الزفتت ذي محد يدخل عليها لا اكل ولا شرب ابيها تموت هنا زي الكلبه وطلع وطلع وراه الجد وطلعوا الحريم من المجلس وطبعا كلهم بلعبايه والشيله
تركي:هاذا شفيه داخل بشره علينا توه صارله راجع من امريكيا
فاطمه:وش الي رح يصير فيها؟
صقر: احين انتي من صدقك خالتي خايفه على ذي؟ هاذي خافي منها
ناصر:ليه انت خفت يصقر والله يحقلك تخاف نظرتها م تبشر خير
صقر: معصي اخاف من حرمه لولى جدي كان قتلتها احين وطلع وسكر الباب وراه
شوق اخذت البنات وصعدوا غرفتها
كلهم رجعوا المجلس وقعدوا مكانهم الا فاطمه وقفت عند الباب
فاطمه:يمه الجازي انتي بخير
الجازي:ليه خليته يرجعني ييمه ليه م دافعتي عني؟ كنت بخير فامريكا مع اخوي ليه يرجعني ليه؟ خنقتها العبره و مقدرت تكمل
فاطمه:تعريف عقليه خالك البنت م تطلع برى بلادها صارله اربع سنين يعايرني فيك وانا ساكته لين جابك لي وانا حتى معرف كيف جابك سامحيني ييمه م باليد حيله وراحت فاطمه لمجلس الحريم الي الكل كان يسولف ويحش عن الجازي الي راحمها والي حاقد عليها والي يقول انها تستاهل قعدت فاطمه وهي ودها تفجر راس اخوها ودها تدافع عن بنتها ودها تسكت هالحريم بس شو نقول حكم القوي على الضعيف نزلت راسها بحسره وبالم وتذكرت ايام تعذيبها وخافت ترجع هالايام اما عند الجازي وقفت بقهر حست انها مخنوقه طبعا مستحيل تنزل دموعها فكت شيلتها وقعدت تمشي فلغرفه وينك يا بوي وينك يتاج راسي اشتقتلك ورب الكون اشتقتلك تعال شوف حالي تعال شوف حال بنتك من بعدك ي نظر عيني حققت حلمك وصرت محاميه ورفعت راسك بس ترى كلفني كثير
ييبه كلفني كثير هالحلم راحت لعند الدريشه وفتحتها وقعدت تشوف المسبح وتراعي دموعها لا تنزل والله م تنزلين ي دموعي صارلك خمس سنين م نزلتي م تنزلين احين والله م تنزلين امنتك م تننزلين ومن كثر التعب والتفكير نامت
فوق عند البنات
شوق:الله يعينك يالجازي يقلبي م تستاهل
شوق2: م تهنت بحياتها ابدا فديتها حتى لمن كانت عندنا كان ابوي يربيها طامع بفلوسها ومن راحت امريكيا م حد اهتم فيها
سارهء:يقلبي عليها ومن جات هنا م رتاحت فيوم
بثينه بضحكه: بلاها م عرفت انه عندنا البنت لا اشتغلت ولا درست برى معناها مرتكبه جريمه
شوق:الله يعينها كل شي طاح فوق راسها


الى هنا وينتهي البارت الثاني اتمنى يعجبكم مع تحياتي" تعبت احبك"


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 02-06-2018, 07:12 PM
حاولت احبك اكثر عن قلبي وعجزت حاولت احبك اكثر عن قلبي وعجزت غير متصل
©؛°¨غرامي جديد¨°؛©
 
الافتراضي رد: رواية فيها غرور يهد بالرجل حيله/بقلمي




روايه فيها غرور يهد بالرجل حيله.
البارت"3"
.
.
.

.

إيـِه أنَّـآ بِنّتٍ مَآ بَهْآ نَقّص أوُ خَسَّآرهـْ ،
دّآمِنّي بِنّتٍ لـِ أُبُويْ أّفْتِخِر إنّي بِنَّيـِهْ ،،



فتحت عيونها العسليه واشعت الشمس تلاعب وججها الابيض الناعم و نسمات الهوى اداعب خصلات شعرها الاسود الطويل وقفت على حيلها وهي تحس بتثاقل وراسها يوجعها بحكم انها م كلت شي من امس مشت لنصف الغرفه وقعدت تتاملها غرفه فاضيه جدرانها مصبوغه بللون الاسود كانها مخصصه للتعذيب بس دارت حول نفسها بدت تفكر وتخطط بس انتقامها من صقر ماخذ الجزء الاكبر من تفكيرها م حست الا بصرخه وقفت قلبها من الخوف ناظرت جهه الباب ولقته مفتوح مشت لحد صارت قدامه ببيجامتها الورديه وشعرها المتناثر على ووجها الشاحب
الجد: لي ساعه فاتح الباب واصرخ عليك ليه م تردين؟
الجازي: كنت سرحانه يجدي وباست راسه
الجد:مو ناويه تتعذرين من عيسى يبنتي
الجازي: ههه انا اعتذر ومن منو؟ من بابا نويل هالاقرع انسى جدي
الجد: والله اني خايف عليك يابنتي عيسى ولدي وانا اعرفه مستحيل يخليك مرتاحه
الجازي: لا تخاف يبعد قلب الجازي انا بنت عبدالرحمن م يصيبني ضر انشاءالله
الجد ضمها وبعدها وطلع وقفل الباب
ابتسمت الجازي وتذكرت اول م جات هنا
كيف كانت تكرههم كلهم وتهاوشهم كل ساعه و م تحترم احد الين جاها جدها وقالها انه هم مالهم دخل ف رجوعها وانه الذنب كله على عيسى ومن وقتها غيرت طريقه تعاملها قام الكل يحبها ويتعلق فيها م عادا ابتسام الي كل يوم تتهاوش معاها وقعدت معاهم تنتظر عيسى سمعت طق على الباب لبست عباتها وتوجهت لعند الباب
الجازي:نعم!
ساره من ورى الباب:هاذي انا ساره
الجازي:هلا قلبي فيك شيء؟
ساره:ايه يلجازي طلبتك افزعي لي م بي اتزوجه ياخ
الجازي: منوهوه؟
ساره : خطيبي عبدالله تعرفين اني مغصوبه عليه تخيلي توه ابوي يقول الملكه هتكون بكره
الحازي: الله يهديك يساره نحن كم مره تكلمنا فلموضوع؟ انتي شوفيه بلاول واذا م عجبك انا اول من بيوقف بوجه ابوك.
ساره: اي شوفه باجر ملكتنا بعدين محد يقدر يوقف بوجه عيسى ولد صقر.
الجازي: اسمعي يقلبي بكره بعد الملكه اطلبي انك تشوفيه واقعدي معاه واذا م ارتحتي له قوليله انا م بيك واني مغصوبه عليك وترى كل رجال مستحيل يقعد مع مره هي عايفته
ساره: طيب ادعيلي يبعدي والله اني ارتحت من كلمتك مشكوره والله معرف كيف اوفيك حقك
الجازي: ولو يروحي يلا روحي جهزي فستانك يعروسه
ساره: م رح تحضرين!
الحازي : لا رح احضر افا عليك
ساره: ابوي م رح يوافق
الجازي : م علي منه بكره هتشوفيني معاك
ساره ارتاحت: طيب انا خليك احين محتاجه شي؟
الجازي: الله يخليك جبيلي مويه ودخليها من الطاقه من دون م يشوفك احد
ساره : طيب عيوني
راحت ساره علمطبخ واخذت كاسه مويه وراحت لعند المسبح وهي تلتفت يمين ويسار تخاف احد يشوفها وصلت لعند طاقه الغرفه الي فيها الجازي وطقت عليها
فتحت الجازي الطاقه
الحازي: حي الله تو م نورت الغرفه
ساره: من جدك! خذي المويه قبل م يشوفنا احد
الجازي : تحسسيني انك حبيبي وقاعدين نتغزل فبعض
ساره: ايه بالله والجو يجنن انشهد انك انهبلتي
مدت لها كاسه المويه بس قبل م تمسكها الجازي طاحت على الارض وانكسرت
صقر:انتي م سمعتي ابوي شقاال؟
ساره: حرام عليك ترى الا مويه
لف صقر وشاف الجازي المفزوعه من حركته وهي م عليها الشيله وفهى بجمالها
الجازي: انت هيه وش تناظر فيه ومدت يدها ولفت الشيله عليها
صقر: هه عطشانه؟
الجازي: ايه بس انسدت نفسي من شفت وجهكك وقفلت الطاقه وقعدت على الارض
امت عند ساره.
ساره: م هقيتك كذا قاسي وجلمود حرام عليك من امس وهي م شربت ولا كلت شي
صقر: لايكثر بس تستاهل محد قالها ترفع صوتها على ابوي
ناظرت ساره فيه نظرت استحقار ومشت
صقر حس بالذنب> صح هو جلمود من برى بس ترى قلبه طيب< راح المطبخ واخذ كاس مويه جديد ورجع لعند الطاقه وتردد يفتحها< انا شقاعد اسوي معقوله رحمت ذي الافعى> كان توه بيرجع ولا الجازي افتحتها
الحازي: انت بعدك هنا وشافت المويه فيده
صقر: ليه بيت ابوك اهوه!
الجازي: هه تخسي يكون هالمزبله بيت ابوي
صقر حب يقهرها وبدا يشرب الماي ويتلذذ فيه
صقر:سوري م سمعتك
الجازي: حقير
صقر ضحكك بقوه ومشى عنها وهو يسمع صراخها
الجازي:والله لرجعها لك والله
وسكرت الطاقه وقعدت على الارض ونامت
قامت على الظهر كذا وهي تسمع صوت عند للدريشه قامت وافتحتها من الخوف بس م حصلت احد وحصلت دبه مويه ابتسمت فديتك ي ساره خذتها وشربتها ورجعت تخطط لاشياء كثيره
نروح بعدين شوي عنهم
ذيب:ايش قلتي كيف يعني يحبسوها!
شوق:والله هاذا الي صار يخوي
ذيب من العصبيه حس انه الدنيا م تكفيه اخذ مفتاحه وطلع شغل السياره وقام يضرب على الدركسون من عصبيته ومشى بسرعه لبيت الجد صقر
في مكان مجهول يشبه الخرابه
عيسى:خذيتوا البضاعه؟
....../ ايه طال عمرك
عيسى:جهزوها هنسلمها بكره العصر
..../تامر طال عمرك
عيسى:الا شصار بالولد الي ف امريكا؟
...../رجعناه شقته طال عمرك
عيسى:عسى بس رجعتوه سالم ومعافى؟
..../ ضربوه الشباب حتى فقد وعيه
عيسى وهو يبتسم:انا وريك يبنت… اجل تهدديني انا!
نرجع للفيلا
امل توها راجعه من المدرسه ودخلت الغرفه وشافت شوق نايمه
نطت فوقها وبصراخ : علي ولد عمي عيسى دخل الغرفه وشافك كذا وطلع
قامت شوق مفزوعه وركضت للحمام
امل وهي بتموت من الضحك:اييي يمه بموتت تعال ي علي تعال شوف وش مسوي باختي
طلعت شوق من الحمام ومسكت الوساده وقامت تضرب اختها امل بقوه
شوق: الله ياخذك قولي آمين بغى قلبي يوقف
امل بصوت متقطع من الضحك: تستاهلين اجل انا ادوام فذا الحر وانتي نايمه ومرتاحه
شوق قعدت عدالها
شوق: والله كله من ام الدويس اجل تفصلني انا من المدرسه الي م تستحي والله لرجعها لها
امل: الي يسمعك مقطعه الكتب من كثر الدراسه مغير طايحه مقالب فلمعلمات والبنات وبيني وبينك ولو اني م عرف سبب هالفصل بس تراك تستاهلين وزود وبعد
شوق ضربتها بخفيف على راسها: وجع ترى انا اختك وراحت بها ذاكرتها لليومم الي انفصلت فيه
خلود: شوق يلمهبوله رح يسمكونا
شوق: لا م عليك امشي انتي بس
خلود: ي بنت والله خايفه
شوق: منومتى ونحن نسويها م امسكونا يمسكونا احين؟
مشت شوق ووراها خلود لغرفه المعلمات الرياضيات وفتحوا الصندوق الي فيه الحشرات وخلوا الحشرات تتنتشر فلغرفه
شوق بحماس: 5 4 3 2 1
وبدا صريخ المعلمات ووقفوا شوق وخلود يتفرجون عليهم وهم يركضون برى الغرفه وماتوا من الضحك مشوا وطلعوا الساحه
خلود: واايي يممه بمووتت ههههههه
شوق: هههه اخ بطني شفتي استاذه سلمى كيف تركض ههههه
خلود: م قدرت تركض المسكينه ههههه
شوق : اما استاذه مروه لما طاحت ع وجهاا هههههه
خلود: محد قالها تلبس كعب طويل هههه واي بمووت حرام عليك
شوق: الا يستاهلون يلا نروح عند معلمات الفيزيا.
خلود: امم م جبنا حشرات حقهم
شوق وهي تمشي: تعالي انا اقولك وش نسوي
وصلوا عند غرفه المعلمات وفتحوا صندوق الكهرباء شوق: روحي امسكي الباب لاجل م يطلعون
خلود: طيب بس اخاف تجي وحده من المعلمات الدوبات وتفتحه واطيح فوقها زي المره الي فاتت
شوق: طيب تلثمي وتجهزي للنحشه
خلود : طيب
اولشي شوق بندت النت وبعدها بدقايق
بدت شوق تلعب بلكهرباء تشغلها وتبندها بسرعه وخلود ماسكه الباب.
عند المعلمات
المعلمه....: النت قطع عندي
المعلمه...: حتى انا كنت بدخل درجات البنات وش ذي النشبه
المعلمه....: انا بروح اشوفف من صندوق الكهربا وقبل لا تطلع تبندت الاضواء وردت اشتغلت
المعلمه....: بسمالله جنن اكيد جنن
المعلمه....: سكنهم في مساكنهم وقامت تركض تفتح الباب بس الباب م طاع يفتح
المعلمه...: اشهد ان لا اله الا الله وان محمد عبده ورسوله
المعلمه...: اسكتي لا يعصبون علينا لانك ذكرتي اسم الله
وحده من المعلمات الدوبات قامت تفتحه الباب بقوه وانفتح وما لقوا الا وجهوه متلثمه
المعلمه....: يمهه حراامي
وبدوا المعلمات يصرخون طبعا شوق وخلود انحاشوا
خلود: واااي بطني لا لا بموت هههههه
شوق: شفتي وجهها وهي اقول حرامي اقتلتني هههههه
خلود: لا يشيخه حرامي ف المدرسه وش يسرق اقلام؟
شوق: لا خرائط الجغرافيا هههههه
خلود: الله يرزقهم العقل ويقولون انه نحن الي مب صاحين اجل هم شو يطلعون؟
شوق: معلمات اخر زمن امشي بنجيب مفتاح الصطح
خلود: نحن ليش م ننسخ هالمفتاح؟ كليوم نسرقه
شوق: والله فكره انا اليوم بخذه معاي البيت وبنسخه طيب احين تلثمي عشان في كيمرات هنا
تلثموا ودخلوا وسرقوا مفتاح السطح حق المدرسه ورجعوا صفهم ولا كن شي صار
وفي وسط الحصه دخلوا المديره والنائبه يفتشون الطالبات
طبعا شوق وخلود عبالهم تفتيش كلعاده يطلعون البنات الي جايبين تلفوناتهم وكذا
بدا التفتيش لين وصلوا عند شوق
وهم يفتشونها حصلوا المفتاح
النائبه: هاي هي البنت
المديره: امشي معاي للمكتب
شوق خافت وراحت معهم فمكتب المديره
المديره: تعالي وقعي على لتعهد
شوق وقعت بدون ايي حرف لانها عارفه انها غلطانه
المديره: جيبي البنت الي كانت معك
شوق: كنت لحالي
المديره: لا يشيخه يعني الكيمرات تكذب؟
شوق:مدري فيك انتي وكيمراتك بعدين نحن م خذنا غير هالمفتاح
المديره: ولسان طويل بعد! قطعت المديره ورقه التعهد وطلعت ورقه جديده
المديره : وقعي عالفصل
شوق وقعت وهي تحب تغيض المديره وقعدت تناظرها بنظرات تحدي
المديره من العصبيه مسكت المايك وقالت: اعلان تم فصل الطالبه شوق عبدالله صقر ال… لمده ثلاثه ايام اكرر تم فصل الطالبه شوق عبدالله صقر ال… بمده ثلاث ايام خلصت وحطت المايك فوق الطاوله وشافت شوق ورمست ابتسامه نصر فوجهها
شوق وهي تضحك: ولي الشرف
قطع عليها حبل افكارها اختها امل وهي تضربها ع كتفها
امل: هيه وين وصلتي لايكون عند علي ولد خالي عيسى
شوق:وجع وشلك انتي
امل: مدري شو تحبين فيه ويعع قطع قطع جعله الماحي
شوق: هيه هيه انتي الا علاوي فديته
امل: فديته بعد!! يمههه تعالي شوفي بنتك يمه وطلعت من الغرفه تصرخ طلعت شوق تركض وراها
ابتسام: شفيك تصريخ انتي ووجهك
امل: ترى شوققق
ابتسام: شفيها؟ لايكون افتحت الباب حق العقربه بنت فاطمه
شوق: لا يمه م افتحت لحد الله يهداك
ابتسام: اجل وش مغبره يلمفصوله! مالت عليكم محد فيكم رفع لي واسي ومشت تدعي على عيالها
ضربت شوق امل بقوه
شوق: اصلا انا غبيه اقولك شي
امل: آي يدفشهه شفيك م كنت ههقوللها
شوق: تستاهلين يلا بدلي ههنزل نتغدى بعدها نشوف الجازي
امل: طيب انتظريني لا تروحين
نزلوا تغدوا
شوق وهي تهمس حق امل: وين علي ليه مب موجود.
امل: مدري حتى ابوه ماهبموجود
بدوا ياكلون بعد م جلس الجد خلصوا ماكلين ومحد تكلم لانه وجه الجد م يبشر خير راحوا للصاله وقعدوا يسولفون مشت شوق وقامت معاها امل وبثنيه وساره
ابتسام: على وين!
شوق بكذب : في الحديقه نغير جو
ابتسام:فذا الحر!
الجد: شوق تعالي شوي
شوق راحت لجدها : سم جدي
الجد:خذولها اكل من المطبخ وانتوا رايحين
شوق الي تمثل البراءه:منو هي؟
ضربها جدها بلعصا
شوق: اييي جدي طيب خلاص فهمت وطلعت للحديقه وطلعوا وراها البنات وهي تتحلطم على جدها عند الشباب الي كانوا عدال الجد
ناصر:وين عمي عيسى
صقر: اتصلت فيه عنده شغل
علي ولد عبدالله: ووين سميي؟
صقر: علي اخوي طالع البر مع الشباب
ناصر: امحقق ولد عم ليه م اخذنا معاه
وقعد يتوعد فيه
سليمان: جوكم بيض ي شيخ امشوا نروح للكوفي الي ورى بيتنا
صقر:والله انك جبتها
ناصر:الا تعال جدي وش فيه معصب اليوم حتى استغربت م هاوشني ابد
سليمان: مدري عليه من يوم طلع ولد الجالي عنه وهو معصب
صقر : ذيب كان هنا؟
سليمان: ايه وكان يدور عليك وشكله معصب
صقر ابتسم وفي داخله: اجل مشكتيه لولد عمك يبنت عبدالرحمن
طلعوا سليمان وناصر وصقر وعلي
وهم وطالعين شافوا تركي واقف على تلفونه
ناصر : حيي الله تروك
تركي: تروك طل فعينك خالك انا يالورع
ناصر: امحقق خال اقول لا يكثر اكبر عن ب3 سنين بس
تركي:اخلص شتبي
صقر:بنطلع للكوفي تجي معنا
تركي:لا بدخل اريح
طلعوا الشباب
نروح عند البنات
ولا اخليها فلبارت الرابع

الى هنا وينتهي البارت الثالث اتمنى يعجبكم مع تحياتي"تعبت احبك"

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 04-06-2018, 03:37 AM
العزوبية عز العزوبية عز غير متصل
©؛°¨غرامي مشارك¨°؛©
 
الافتراضي رد: رواية فيها غرور يهد بالرجل حيله/بقلمي


بصراحة فيها اوفر وخيال بزيادة يعني الشايب مهتم بالعادات ويهاوش على دلة القهوه ومو معترف بالحرام تدخل بنت بريحة العطر واللثمه والكحل وتقهوي مجلس الرجال والشيوخ والقبايل والرجال جالسه كل عياله واحفاده مايعرفون يصبون القهوة وش عالشغله الصعبه وتفرفر على الرجال وتتكلم معهم ورجال العيلة جالسين تقول رقاصات ليش حتى البدو مايسوونها وعيب عندهم يمكن تقولين خيال بس ماحبيت قريت البداية وماقدرت اكمل اتمنى لك التوفيق

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 04-06-2018, 11:21 PM
حاولت احبك اكثر عن قلبي وعجزت حاولت احبك اكثر عن قلبي وعجزت غير متصل
©؛°¨غرامي جديد¨°؛©
 
الافتراضي رد: رواية فيها غرور يهد بالرجل حيله/بقلمي


انشاءالله رح انزل البارت بكره انتظروني " تعبت احبك"


تعديل حاولت احبك اكثر عن قلبي وعجزت; بتاريخ 04-06-2018 الساعة 11:26 PM.
الرد باقتباس
إضافة رد

رواية فيها غرور يهد بالرجل حيله/بقلمي

الوسوم
بالرجل , حيله. , رواية , غرور , فيها
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عرش السُلطان/ بقلمي. خيال. روايات - طويلة 132 11-05-2020 07:37 AM
رواية حلفت عليك لا تناظـر بعين غيري/بقلمي memeyah أرشيف الروايات المغلقة - لعدم إكتمالها 18 03-04-2017 03:49 AM
رواية زيزفون الجنوب /بقلمي smoker_39 أرشيف الروايات المغلقة - لعدم إكتمالها 73 10-08-2016 11:22 AM
رواية أنا لست سوى عاشق في زمن كثر فيه التلاعب/بقلمي الـكاتبه : إيـم الـعتيبي. أرشيف الروايات المغلقة - لعدم إكتمالها 2 14-05-2016 11:59 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 11:47 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1