غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 06-08-2018, 04:59 PM
11wadha_ 11wadha_ غير متصل
©؛°¨غرامي جديد¨°؛©
 
الافتراضي رد: برد الجفا / بقلمي


لااااااااا تكفيييييين كملللللي حماااااس 😭😭💕💕💕

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 08-08-2018, 06:31 PM
صورة ثرثره هادئه الرمزية
ثرثره هادئه ثرثره هادئه غير متصل
©؛°¨غرامي مشارك¨°؛©
 
الافتراضي رد: برد الجفا / بقلمي


مساء الخير
هو مفيش بارت ولا ايه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 08-08-2018, 07:59 PM
صورة cloud24 الرمزية
cloud24 cloud24 غير متصل
©؛°¨غرامي مشارك¨°؛©
 
الافتراضي رد: برد الجفا / بقلمي


اقتباس:
المشاركة الأساسية كتبها ثرثره هادئه مشاهدة المشاركة
مساء الخير
هو مفيش بارت ولا ايه

مساء النور
لا البارت السبت
مواعيد البارتات " السبت + الثلاثاء "

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 09-08-2018, 01:40 PM
صورة ثرثره هادئه الرمزية
ثرثره هادئه ثرثره هادئه غير متصل
©؛°¨غرامي مشارك¨°؛©
 
الافتراضي رد: برد الجفا / بقلمي


اقتباس:
المشاركة الأساسية كتبها cloud24 مشاهدة المشاركة
مساء النور
لا البارت السبت
مواعيد البارتات " السبت + الثلاثاء "

لا انا مسنتره من الثلاثاء بس مو راضي يفتح معي لينا ردت طلع لي البارت ❤😂
كالعاده بارت جميل وخفيف استمري 👏🏻

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 11-08-2018, 10:12 AM
صورة cloud24 الرمزية
cloud24 cloud24 غير متصل
©؛°¨غرامي مشارك¨°؛©
 
الافتراضي رد: برد الجفا / بقلمي


اقتباس:
المشاركة الأساسية كتبها ثرثره هادئه مشاهدة المشاركة
لا انا مسنتره من الثلاثاء بس مو راضي يفتح معي لينا ردت طلع لي البارت ❤😂
كالعاده بارت جميل وخفيف استمري 👏🏻
شكراً لك عزيزتي والله يسعدك💛💛

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 11-08-2018, 10:33 AM
صورة cloud24 الرمزية
cloud24 cloud24 غير متصل
©؛°¨غرامي مشارك¨°؛©
 
الافتراضي رد: برد الجفا / بقلمي


البــارت الثــاني عشـر

×

طلع بسرعه وهو يسمع صوت نجوى وراه تناديه وتضحك فتح باب الخارجي وركب سيارته وحرك يحس نفسه مخنوق ..
صورة البنت مو رايحه عن باله دام اخواته يعرفو بنت مزيونه مثل اللي شفتها ليش ماخطبوها لي
والله اني احب الزين مو قادر اتقبل ندى يعني ع اخلاقها مافي زين استغفر الله ..
ناظر جواله اللي يدق شافه نجوى رد عليها معصب : خير ان شاءالله

نجوى انخرشت : اممم ولا شي

عبدالعزيز تذكر بندر : خلي ليلى تروح المجلس بندر بيشوفها ووالله لو ماراحت انا اعرف اربيهاا قله حياا

نجوى خايفه من عصبيته : خلاص اقولهاا ماعليك

عبدالعزيز قفل بوجهها ووقف ع جنب يتمالك اعصابه ..
سند راسه ع الدركسون وغمض عيونه

شعرها الاسود لحد كتوفها وبكل نعومه ترفعه عن وجهها وليتها مارفعته ولا رفعت عيونها ..
ومن نعومتها لاصرخت ولاشي تسحبت وهي ساكته
فتنته حيييل يتمنى يشوفها مره ثانيه ويتأملها يشبع عيونه من جمالهاا..
فتح جواله يصور وهو يغني ويناظر الطريق..
قالوا ترى مالك امل في قربها لو يوم
ابعد وجنّب دربها .. هذا هو المقسوم
قلت اتركوني واسكتوا .. خلو العتب واللوم
قدني غرقت في بحرها .. ولاعاد يفيد العوم

×
×
×

نجوى تورطت ايش تسوي مع ليلى متأكددة انها رح ترفض لو قالت لها بندر يبيك بالمجلس فكرت شوي : ليلى عبدالعزيز يبيك بالمجلس

ليلى طلعت بسرعه وهي مقرره تسأله عن بندر لمتى وهي ماتدري عنه شي ..
دخلت المجلس وجات عيونها عليه رمشت اكثر من مره عشان تصدق انه حقيقه موو خيال

بندر وقف وابتسامه عرريضه : حيالله ليلى حبيبتي وربي اللي خلقني مشتااق لك ومن كل قلبي اقولك ااااسسف ع كل شي انا اسف

ليلى جلست ع اول كنبه رجولها مو شايلتهاا مو مصدقه انه للحين يبيها ويحبها ويتأسف منهاا ماطفش ماطفش منههاا الحمدلله

بندر جلس ع الارض قبالها ومسك يديهاا :اسوي الي تبي بس اهم شي ترضي علي وترجعي معي شوفي حالي من بعدك كيف

ليلى تأملت وجهه مسمر ونحفاان تدري شكثر بندر يحبها ومتعلق فيهاا
كانت اكبر صدمه بحايتها لو تخلى عنها بهالسهوله : شرط وحيد نفذته رجعت معك ماتقدر تنفذه مع السلامه

بندر بسعاده : ابشري بالللي تبي

ليلى : بيت لحالي مو شرط بيت ملك وكذا شقه بسيطه اهم شي مااعيش مع امك واختك

بندر وقف : تأمرين امر يالغاليه نمشي

ليلى ضحكت باستخفاف : وين ياحبيبي روح لحالك واذا سلمتني مفتاح الشقه رحت معك مفهوم

بندر كشر : بس كذا نطول وين القى شقه ووين ااثثهاا

ليلى وهي تذكره بالكف : صنع يدك اكله
ووقف بتطلع وسحبت يدها وطلعت ...

×
×
×

رجع البيت متأخر ونفسيه تعبانه حاول ينبسط مع اخوياه بالاستراحه بس ماقدر يدخل بجوهم وباله مشغول .. اخر شي قرر يرجع البيت
قبل يدخل سمع اصوات ضحك البنات ..
اتصل ع نجوى وقالها تجيه عند الباب ووقف ينتظرها وهو مرتبك

نجوى فتحت الباب وهي مروقه : هلا عزوز امر

عبدالعزيز : مين عندكم

نجوى : بنات عمي محسن

عبدالعزيز : بس ؟؟

نجوى : ايه ايش فيك

عبدالعزيز يفرك جبينه بتوتر : امم متى بيمشوو بنام

نجوى لاحظت توتره : مطولين

عبدالعزيز بنرفزه بدوون سبب : يعني ؟؟

نجوى ضحكت : تبي تعرف المزه اللي شفتهاا

عبدالعزيز ارتبك مو عارف ايش يقول : امم انا ماقلت

نجوى تقاطعه : هذي ندى من اول اقولك شوفهاا بس راسك يابس بالله مو ندماان انك ماشفتها من اول ماخطبتهاا

عبدالعزيز عصب : لاتلعبي علي تحسبيني مااعرف شكل ندى انا رايح انخمد بالمجلس جيبي لحافي ومخدتي


نجوى انقهرت منه دخلت البيت ونادت ندى وقالت تروح معها المجلس تحط غطا لعزوز قبل يجي

ندى اخذت عنها المخده وطلعت معهاا : مستحيل انسى هاليوم جد غيرنا النفسيه 180 درجه

نجوى وبالها مع عبدالعزيز مقهوره ليش مايصدقهاا فتحت باب المجلس ودخلت ووراها
ندى تتكلم من سعادتها بهاليوم : اخر شي اتوقعه ان ابوي يطلعنا من
سكتت وهي تشوف نجوى ترمي اللحاف ع الارض وتطلع وتسكر الباب وراها وتقفله من برا
رمت المخده ع الارض وراحت تدق ع الباب : نجوى بلا نذاله افتحي الباب

نجوى : انت ايش اسمك

ندى بعدت شعراها عن عيونها بنرفزه : نجووى وبعدين لاتنغصي علي يومي

نجوى بتأكيد : اول قولي اسمك بالكامل

ندى باستسلام وهي تتحلف بحركات يديها لنجوى : ندى محسن ال... يلا عاد افتحي قبل يجي عبدالعزيز واتورط

نجوى وعرفت ان اخوها متنح للحين مو مستوعب : عادي خليه يشوفك انت حلاله

ندى لفت ورا بقهر وهي تمسح ع وجهها بيدهاا


ابتسم لاشعوريا وهو يشوف نظراتها عليه مو مصدق اللي يشوفه معقوله هذي حلاله وقف بهدوء واتجه لها

ندى لفت ع الباب وتضربه بقوه وهي كارهه وجوده : نجووووى نجوووى الله يخليك افتحي

عبدالعزيز بابتسامه : ايش فيك خايفه مني ولا ايش

ندى بدون ماتلف عليه رجعت تدق ع الباب وبرجاا : نجووى افتحي الباب اماانه

عبدالعزيز وبيد ترجف مسك يديها الثنتين منعها تدق ع الباب وبيده الثانيه يأشر ع فمه : اوووش فضحتيناا

ندى تحاول تسحب يديها من قبضه يده الكبير ولاناظرته

عبدالعزيز يناظرها منزله راسها وصاده عنه يكفي انها قصيره وبعد منزله راسهاا سحبها مع يدها وخلاها تجلس وجلس جنبهاا وابتسامته مافارقته : ايش فيك ناظريني

ندى وصوته الثقيل مخوفها زياده قدرت تسحب يديهاا : لو سمحت ابي اطلع

عبدالعزيز يبي يناظر ملامحها : قولي ابي اطلع وانت تناظريني وانا افتح لك الباب

ندى بثقه رفعت راسها وعينها بعينه : انا ابي اطلع

صرخت وانكتمت صرختهاا وهي تحاولت تدفه عنهاا
ومن اول ماتركهاا وقفت وبعدت عنه وهي ترجف وتحاول ماتبكي : افتح الباب

عبدالعزيز راح للباب وهو مايبيها تبكي : نجووووى افتحي الباب يانجووى

لما ماردت عرف انها مو موجوده اتصل عليها وقالها تجي تفتح الباب
لف ع ندى شافها واقفه جنب الباب وترجف : خلاص اهدي ماصار شي

ندى ماردت عليه وهو جلس وعيونه عليهاا
ومن اول مافتحت نجوى الباب طلعت ودفت نجوى عن طريقها ودخلت البيت

نجوى تناظر عبدالعزيز الجالس نفس مكانه اول : انت ايش قايل لها

عبدالعزيز انسدح وهو يتبسم : ماقلت شي هي دلوعه

نجوى : همم هااه صدقتني

عبدالعزيز وذكرته نجوى فتح جواله : اطلعي وسكري الباب وراك
نجوى طلعت ورااحت لندى تستسمح منهاا

اتصل عليها وهو في حيره لازم يفهم ايش اللي يدور من وراه
وصله صوتها والسعاده واضحه : هلاا والله

عبدالعزيز بدون اي مقدمات : ممكن اعرف انتي مين شسمك بنت مين

البنت بتوتر : لا معليش انا مالي دخل انا بس حلقه وصل بينك وبين ندى صديقتي

عبدالعزيز : والحين انا وندى مانحتاج حلقه وصل بيننا بس انا حاب اعرفك مدري فضول ولا اعجاب سمي اللي تبي

البنت سكتت شوي : وندى كيف وضعك معهاا

عبدالعزيز ابتسم بخبث وبغباء مصطنع : اكيد ندى قاطعتك بعد ماتزوجتني ولا قالت لك عن وضعناا

البنت بتوتر : اممم ايه الصراحه ندى من يوم خطبتها سحبت علي ولا كأني صديقتها وساعدتها ع الزواج منك

عبدالعزيز : ناكرة المعروف حتى انتي طنشيها ولا تكلميها من باعك بيعيه

البنت : ياقلبي انت

عبدالعزيز : نعم !!احمم من قلبك قلتيهاا

البنت : امم عبدالعزيز انا بصراحه معجبه فيك حيييل ومو مصدقه انك تكلمني بكامل رضاك احس اني بحلم

عبدالعزيز : من متى معجبه فيني

البنت ماردت عليه وكأنها تفكر ومتردده ..

عبدالعزيز يناظر الباب يتأكد ان مافي احد : وانا بعد احب اعترف لك باعجابي صوتك بحته جميله

البنت بسعاده : من جد ياربي حلم حلم

عبدالعزيز : ايش فيك اتكلم جد وحاب اتعرف عليك اكثر

البنت : وندى

عبدالعزيز : ياشيخه فكينا منها نشبه فيني بيني وبينك مابكمل معهاا طول الايام اللي فاتت وانا افكر فيك

البنت : ياقلبي وينك منقطع فتره ماتنزل بسنابك فقدتك وربي

×
×
×

بسمه قفلت من محمد وقالت للبنات يتجهزو عشان يوصلوهم البيت ..

ليلى : لازم تعيدوهاا والله ليله ماتنسى

نسيم وهي تلبس عبايتهاا : كلموو ابوي بس واحنا مانقصر

بسمه شالت غيد النايمه توديها السياره : سلمى جيبي عزوز الله يسعدك

سلمى تتحلطم : مافي الا انا اشيل هالدب تعالي نسيم شيلي معي

نسيم طلعت عنها : خلفته وانا مدري

سلمى : شوفو النذله راحت عني ندى تعال

ندى معصبه ولا ردت عليها طلعت ..

سلمى لفت ع ليلى : عمه ع الفاضي قومي شيلي معي

ليلى شالت لحالها وطبطبت ع ظهره لما بغى يصحى : نام ياروح عمتك

سلمى طلعت وكانت اخر من يركب السياره زحمه قرصت ندى وبصوت واطي عشان محمد
بس ندى نطت في مكانها وطلعت منها صرخه ع طول كتمتهاا

ونزلت من السياره عشان سلمى تنزل المرتبه وتطلع ورا عند نسيم وهديل ..


طلع من المجلس شاف سياره محمد راح له وانتبه للسياره مليانه حريم
محمد نزل له وسلم عليه : وينك يالدب لما جيت المغرب مالقيتك

عبدالعزيز يمسح ع خده : والله كنت عند الحلاق وين اشوفك صرت سواق لبنات محسن

محمد ماعجبه الكلام : بنات محسن بنات عمك نخدمهن بعيوننا انت ايش فيك الايام هذي متغير

عبدالعزيز ابتسم وهو يناظر السياره مو شايف شي بس متأكد انها تشوفه : لا متغير ولا شي عال العال

محمد ضحك وهو ملاحظ نظراته : ماودك توصل حرمتك وتنام عندهم بدالي

عبدالعزيز : ابوي وعمي ينامو بجده

محمد : ايه

عبدالعزيز : اجل قولها تنزل اوصلها معي

محمد : اخاف انها ترفض

عبدالعزيز : لاتعطيها مجال ترفض او توافق
محمد ضحك وراح للسياره ومن اول ماركب سكتت الاصوات البنات ضحك : ايش فيكم اذا حضرت الشياطين ذهبت الملائكه

بسمه ضحكت : احسن لك خلهم ساكتين قسم صدعو راسي زين جيت سكتتهم

محمد وهو يبتسم : متضايقين

بسمه : عزوز وغيد نايمين ومضايقين المكان ولا السياره تكفيناا

محمد : اجل ننزل راكب

بسمه تناظره وهي مو فاهمه عليه

محمد بصرامه : ندى انزلي روحي مع عبدالعزيز هو يوصلك

ندى تمسكت بيد سلمى ماتبي تروح ومنحرجه من محمد ..


محمد لف ع بسمه قبل تتكلم بهمس : ولا كلمه .. يالله ندى انزلي عبدالعزيز ينتظرك بسيارته

نسيم : احنا مرتاحين ندى مو مضايقتناا

محمد يميز صوت نسيم : ندى يالله مانبي نتأخر

ندى فتحت الباب ونزلت وهي مقهوره من محمد بأي حق يأمرها اااه بس لولا الحيا ولا كان عاندت وجلست غصب عنه
ناظرت السياره تعدي من جنبها بقهر

عبدالعزيز واقف وراها : الله يحميهم من عيونك ان شاءالله

ندى لفت عليه ناظرته والمكان مظلم ونور البيت وراه ايش طوله عندها وصوته كله ع بعضه رعب ..
رجعت خطوتين ورا وهي ساكته

عبدالعزيز يأشر ع سيارته : يالله نمشي

ندى تحركت بهدوء وعدته مشت للسياره بسرعه وهي تحس بخطواته وراها .. ركبت قدام وحضنت شنطتها وهي تهدي نفسها وماتخاف

عبدالعزيز سكر بابه وحرك السياره لف عليهاا : منووره السياره

ندى لصقت في الباب ..

عبدالعزيز ناظر يديها اللي حاضنه الشنطه مد يده بثقه وسحب يدها اليسار
وهي تحاول تسحبها بس شدها بقوه وشبك اصابعه مع اصابعها النحيفه وطويله : ليش خايفه

ندى ماردت عليه تحس قوتها كلها راحت بعد اللي سواه بالمجلس تحس انها خايفه منه ولاتبي تجادله ..

عبدالعزيز : اممم وين تبينا نتمشى

ندى بسرعه وهي تحاول تسحب يدها منه : البيت

عبدالعزيز ضحك : هههههههههه طيب من عيوني

ندى تناظر الطريق للحين ماشيين صح طريق بيتهم بس ليش تحس انها قلقانه و مو واثقه فيه ..

×
×
×

نزلت تحت وهي كاشخه وحجابها بيدها احتياط ..
ناظرت الحريم بالصاله قربت وسلمت عليهم وجلست جنب عمتهاا

اليوم منصور مسوي عزيمه لجياد عشان تخرجه انبسطت انها بتغير جو وتشوف ناس جديده ..

ناظرت بنات كذا جالسات ع جنب ويتساسرو ويناظروها ..
حست انها بتضحك بس مسكت نفسها والله شكله عرق في هالجماعه المساسر والحش ..

شافت سالمه واقفه عند المطبخ وتأشر لها تعالي
وقف وعدلت تنورتهاا وراحت لها وهي تتمخطر بمشيتها عناد بسالمه وصوت كعبها يسبقهاا دخلت المطبخ ورا سالمه وشافت مي تسوي قهوه ..
وحياة تغسل بالمواعين لفت عليهاا بتريقه : ضيفه واحنا ماندري

ابتسام استندت ع الثلاجه وابتسمت : اييه ضيفه العزيمه لاهي عزيمه زوجي ولا حتى اخووي

ساالمه ناظرتها بقهر وهي تمسح العصير اللي انكب ع الارض : والله ان مااشتغلتي معناا لااتصل ع زيد واقوله

ابتسام : اتصلي حبيبتي مابمنعك
ولفت بتطلع بس وقفت لما سمعت صوته عند الباب الخارجي : ابتسااام

ابتسام طلعت من المطبخ ورجعت جلست جنب عمتهاا تعرف مايقدر يدخل والبيت مليان حريم
تحس قلبها يدق بخوف اكيد الحين يملوو راسه عليهاا ..
×
×
طول العزيمه وهي تفكر كيف تتفاهم مع زيد او ايش بيسوي فيهاا ناظرت عمتها وقفت وراحت غرفتها بتنام
ياربي وين تروح الحين ..

ماامداها تفكر
الا تشوفه يدخل ويضرب الباب بالجدار ومبين ع وجهه معصب .. لفت نظرها لسالمه ومي وحياة طلعو من المطبخ وكأنهم ينتظرو جيته

ناظرت زيد جاي لها وبسرعه : زيد ابيك بغرفتناا

زيد بدون مايتناقش شدها مع شعرهاا وسحبها له وهو يصرخ : قوياانه اشووف والله لااادبك

ابتسام تحاول ترفع راسها وتبعد يدينه عن شعرها بس ينزل راسهاا غصب يحسسها بالذل همست وهي تقاوم دموعهاا : تكفى زيد لاتذلني قدامهم

زيد ولا عليه منها سحبها مع شعرها : ع المطبخ هااه والله ماتطلعي منه الا وهو يلمع

ودفها ع الارض عند باب المطبخ ابتسام توازنت بوقفتها بعد ماضرب راسها باالباب وهي خلاص مافيها تتحمل بتخربها عليه وع اهله
وبصوت عالي تداري العبره اللي خانقتهاا : والله ماالمس شي بالمطبخ ووريني كيف بتغصبني

وطلعت تجري بوسط مفاجأتهم من ردة فعلها
دخلت الغرفه وهي تهاوش نفسها لاتبكي ياغبيه ياويلك لو بكيتي ..اخذت جوالها واتصلت ع بسمه وردت عليها وهي تسمع زيد يصارخ يناديها ترجع بالطيب احسن لها : بسمه فزعتك تعاالي بسرعه خذيني من بيت زيد تكفييين لاتتأخري
وقفلت بوجهها ولبست عبايتهاا وقبل تتحجب

زيد وقف ع الباب ووجهه محمر : ع وين ان شاءالله

ابتسام رفعت يدها تهدد وهي ترجف : والله ان قربت مني ماتلوم الا حالك انقلع عن وجهي اشووف

زيد بضحكه متفاجأ : والله وطلع لك لساان
قرب منها وحاول يمسك شعرها بس تفاجأ من قوتها دفته وطاح ع السرير وطلعت تجري وهي ترجف تحس القوه اللي فيها من القهر والكبت طول الايام اللي فاتت ناظرت البقرات الثلاث جالسات بالصاله يترقبو الاحداث تفلت عليهم من قلب وطلعت من البيت وهي تتحجب وتلبس نقابها واتصلت ع بسمه تعجلهاا

زيد نزل يجري ناظرهم وهو معصب : وين راحت ال..

حياة تأشر ع باب البيت : طلعت

زيد طلع : هين يابنت ابووك والله لااكسر يدك


ابتسام وقفت عند باب البيت شافت منصور طالع من المجلس نادت عليه وهي بمكانها : منصوور ابوو بدر

منصور لف عليها استغرب وقفتها عند باب البيت الخارجي لف ع الباب الداخلي شاف زيد طلع وهو يتحلف ابتسام بخوف تكلم منصور اللي قرب منهاا : تكفى احميني منه
×
×

منصور لف ع زيد : زيد شصاير

زيد مارد عليه وشد ابتسام مع ذراعهاا وهو يحاول يسحبها وهي متمسكه بالباب : ادخلي يابنت ال... والله لا اربيك من جديد

منصور حاول يمسكه عنها بس كان مرره معصب صار يضربها كفوف من فوق النقاب ويصارخ ويسب

منصور يشد زيد له بقووه : تعووذ من الشيطان يارجال


سمعو صوت كفر سيارة ع الاسفلت وقفت بسرعه تدل ع غضب صاحبها

محمد مسك زيد ولفه عليه وضربه بكس ع وجهه وطاح في ضرب
ومنصور يحاول يوخره عنه

بسمه نزلت تجري لابتسام وهي تبكي : تعالي حسبي الله فيه جعل يدينه للكسر

ابتسام راحت مع بسمه للسيارة ودموعها تنزل بصمت
ركبت ورا وبسمه جلست جنبهاا
لفت تناظر محمد اللي يضرب زيد تحس انه برد قلبها فيه حتى دموعهاا وقفت

محمد ركب سيارته وناظر زيد اللي طايح عند الباب ومنصور يقومه : تفوو عليك يالكلب

×
×

تفاجأو البنات وهم يشوفو بسمه وابتسام داخلات عليهم ..

ندى بقلق حست : صاير شي

ابتسام جلست بالصاله وصارت تبكي بصوت تطلع كل كبت الايام اللي فاتت .. هذي اخرة صبرها يضربها بالشارع ويذلها قدام اللي يسوا واللي مايسوو

بسمه فهمت البنات ع اللي صار وطلعت لمحمد تشوف ايش بيسوي

محمد طلع من المجلس بعد ماقال لعبدالعزيز شاف بسمه طلعت من البيت : خليك انتي مع اخواتك انا اروح البيت عند العيال

بسمه : طيب ايش بتسوي

محمد : مالها قعده عنده بيطلقها غصب عنه

بسمه : وابوي

محمد : عمي لاجا بكره انا اتفاهم معه

×
×
×

رجع البيت بعد ماصلى الفجر بالمسجد .. بعد ماسهر مع اخوياه اللي زمان انبسط معهم وغير جوو
دخل غرفته وبدل ملابسه وانسدح ع سرير وطقطق بجواله شوي مو جايه نوم ..
جلس وهي يتذكر امس كان المطبخ ع مي اليوم ع ابتسام

ناظر ساعته يمديها الحين صحت وبالمطبخ ..
وقف وهو يعدل بجامته ناظر نفسه بالمرايه شعره حايس رتبه بيده وهو يفكر يقصه ويرتاح منه

طلع وقفل غرفه بعد وراح لباب المطبخ الخارجي القريب من غرفته وقف شوي عند الباب وعقله يقوله يرجع ايش يبي فيهاا
بس تغلبت عليه نفسه فتح الباب وبعد الستاره وهو يناظر المطبخ مظلم معقوله صارت عليها نومه

لف يناظر اللي شغل النور ابتسم لامه : صباح الخير

نوره ابتسمت له : صباح النور

جياد يحك شعره بتوتر : مافي فطور اليوم

نوره تشغل الغلايه : والله شكل ابتسام صارت عليها نومه انا بسوي حليب

جياد جلس ع الكرسي وهو يتذكر حليبها المميز تحط عليه نعناع مرره يعجبه

ياسر وقف ع باب المطبخ ومعه كادي لابسه مريولهاا : وين الفطور

نوره خافت يسوو مشكله لابتسام : الغاز مخلص مافي فطور

ياسر طلع من المطبخ بدون مايعلق ..

سالمه دخلت واخذت التوست وصارت تحشي ساندويشات لعيالها وعيال مي

نوره استغربت منهاا تسوي وهي ساكته ولا قالت شي عن ليش ابتسام سحبت عليهم اليوم..
جهزت الحليب وصبت كوب لجياد ولفت ع سالمه وبتسآئل : ابتسام وصتك تسوي الفطور عنهاا

سالمه ارتبكت وناظرت السندويشات اللي تسويهم : امم اا لا ابتسام مو موجوده

نوره استغربت : وينهاا

سالمه : البارح تهاوشت مع زيد وراحت بيت اهلهاا

نوره ضربت يدها ع صدرهاا : متى صار هالكلام

سالمه بتوتر : بعد مانمتي انا بروح افطر عيالي

طلع لغرفته بدون مايعلق شاف زيد داخل البيت وهو يتمايل بمشيته .. اول مره يشوفه كذا مو قادر يستوعب منظره ..
قالو له انه بعد ماسافر صاحب شله خربانه وخرب معهم بس تركهم وتاب
رجع بسرعه مع باب المطبخ مايبي امه تشوفه بهالشكل
ماينسى سعادتها وهي تكلمه مبسوطه ان زيد بطل هاللي يشربه وتوظف وتعدل حاله .. مايبيها تنصدم

ماشافها بالمطبخ طلع ع طول مع باب المطلخ الداخلي شاف امه جالسه بالصاله
وزيد فتح باب الصاله وهو يرفع يده يسلم : صبااحوو ع الموزز

نوره ماصدقت تشوفه تبي تفهم سبب هوشته مع ابتسام : اهلا وسهلا تعال اشووف قلي ايش مسوي بزوجتك ليش راحت بيت اهلهاا

زيد تقدم من امه وبثقل لسانه يضحك : زوجتي هههههه يااني انكفخت كفخ بسبتهاا

نوره تناظر وجهه جرح بطرف شفته ورضه قريب من عينه .. شمت الريحه المقرفه لما قرب منهاا ناظرته بصدمه : انت شارب !!؟؟

زيد جلس جنبها بثقل يهدد : بترجع غصب عنهاا واقص لسانها واكسر يدهاا

سالمه ومي جالسات يفطرو اطفالهم ويراقبو الوضع بصمت

جياد قرب بفضول يبي يفهم السالفه ..

نوره تجمعت الدموع بعيونهاا : حسبي الله فيك اكيد شافتك بهالشكل

زيد يضحك ببرود : يووه شافتني من زماان

نوره بكت وهي تناظر جياد : شيله عن وجهي مو طايقه اشوفه

جياد سحبه بقوه مع يده وسحبه معه بيوديه المجلس زيد يثبت نفسه عند الدرج ويأشر فوق : بروح غرفتي
جياد ماتردد سحبه معه لفوق وناظر الغرف : وين غرفتك

زيد يرمي ثقله ع جياد ويأشر ع غرفته جياد شده بقوه ودف الباب ورماه ع السرير وتأمل الغرفه حس قلبه ينقبض وهو يشوف عطورها وكريماتها ع التسريحه
لف ناظر زيد دفن راسه بالمخده وماله صوت شكله نام ..

قرب بتردد من التسريحه ودقات قلبه تزيد مسك علبه العطر واصل لنصها عكس الثانيات مفروغ منهم جزء بسيط
قربه من خشمه بتردد غمض عيونه بألم وهو يحس ريحه عطرها تتغلغل داخله ..

دخله بجيبه باارتباك وهو يسمع صوت منصور طلع من الغرفه بسرعه وقفل الباب ونزل تحت .. وهو يبعد تفكيره بتأنيب الضمير شلون يفكر بزوجه ولد خالته مايبي يفكر ويعرف شكثر هو حقير ..

شاف امه تبكي : حسبي الله فيه من ولد هذي سواة يسويها ببنت الناس

قرب منهم وجلس بجديه : ايش صاير

نوره ببكا : فشلنا حسبي الله ونعم الوكيل

منصور لف ع جياد : زيد البارح تهاوش مع زوجته وضربها بالشارع وجا ولد عمهاا وتضارب مع زيد

جياد شد ع يده يتمالك اعصابه : ضربها ..!!

منصور : والله اني حاولت ابعده عنها بس اعوذ بالله يبي ينجن اذا ماضربها مدري ايش مسويه له

جياد بعصبيه وقف : لو ايش مسويه مايمد يده عليهاا اللي يستقوى ع مره مااهوب رجال

طلع وصفق الباب وراه ناظر باب الشارع .. ضربها هالحيوان جعل يدينه للكسر دخل غرفه وهو يضرب كفوفه بقهر مقهور من نفسه الا البارح يسهر مع اخويااه .. والله لو كان موجود مايخليه يمس شعره منهاا ..

×
×
×

وقف عند باب الصاله .. شاف ندى جالسه بالزاويه وبيدها كتاب تقرأ
نسيم منسدحه قبال التلفزيون وتتابع مسلسل تركي
سلمى متربعه ع الارض وبيدها كتابها وتناظر التلفزيون مع نسيم. .

محسن : وين ابتساام؟ ؟

نسيم جلست بسرعه وهي تقصر صوت التلفزيون : بالغرفه
محسن راح للغرفه بدون مايتكلم فتح الباب بهدوء ودخل وسكر الباب وراه

ابتسام اللي كانت منسدحه بتنام جلست وهي تناظر ابوهاا بتوتر ..

محسن جلس ع طرف السرير : شلوونك

ابتسام تجمعت الدموع بعيونهاا : ماني بخير يبه تكفى طلقني منه

محسن : محمد قالي ع اللي صار بس انا بفهم ليش ضربك الرجال مايضرب بدون سبب

ابتسام متأكده اذا قالت انها رفضت ترتب المطبخ والسالفه بالضبط .. هو بنفسه يوديها بيت زيد : يبه زوجات اخوان زيد تبلو علي
وزيد صدقهم وضربني قدامهم ويقول اني مو مربيه تخيل يقولي قدامهم بنت ال..

محسن عصب من الكلمه اللي تهينه وقف : يجيني واتفاهم معه

وراح للباب وفتحه شاف البنات متوزعات بالصاله وكل وحده تسوي انها ترتب مافات عليه اكيد كانو يتسمعوو ..

ومن اول ماطلع ابوهم من البيت راحو جري للغرفه عند ابتسام
سلمى جلست قبالها : والله منتي هينه لويتي يده اللي توجعه

نسيم : والله خفت تقولي له الصدق بكل غباء

ابتسام تضربها ع كتفهاا : قالو لك غبيه

ندى تلوي فمها بتفكير : اخاف زيدووه يقول لابوي السالفه وبعدين ابوي ياخذ منك موقف

ابتسام ببرود : مارح يجي محمد قال بيخليه يطلقني غصب عنه

نسيم وقفت : طيب نطلع نخليك تريحي شوي

ابتسام : ايه الله يسعدكم مانمت كنت شايله هم ابوي

طلعو البنات
وسلمى راحت تجري لجوال نسيم وهي تكمل تشوف صور سهرتهم البارح بجوال نسيم : كل هالصور ترسليهم لي

نسيم جلست جنبها : اعطيني جوالي

سلمى ناظرت التنبيه ان نزلت حلقه جديده في قناة عبدالله ال.. رجعت تقرأ الاسم ولفت الجوال ع نسيم وهي تناظرها باستفهام

نسيم تورطت : اممم فضول بس

سلمى سكتت وهي تفتح المقطع بيد ترجف ..

واقف ع حافه الكورنيش يتأمل البحر ونسمات الهوا تحرك شعره الكثيف لحد رقبته :
يا مسوي في حياتي .. من بعد شفتك ( أضافه )
يا ملبسني (( غلاك )) من الجفا والبعد جبه
هاتني .. لا !! ودني لك .. وأخذني لابعد مسافه
" لف ع اللي يصور وهو يتبسم "
وأبحر بقلب يحبك مووت !! وأحذر كل غبه !!
واسقني من ( ماء الغرام ) .. اللي على جالك ضفافه
والوعد يا نور عيني .. بين مجراه ومصبه
يا عيون الظبي .. كانه ما على نفسك كلافه
نظرة عيونك عذاب .. وصاحبك حظه لعب به
(المياعه) و(العذوبه) .. و(العياره) و(الطرافه) !!
تجتمع فيك وتفرق .. في مساءات الاحبه
في شفاتك .. لذة المنجا .. ونكهات الجوافه
وخدك اللي كنه .. ( كتلة ثلج) شفي مِنه .. حٌبه
ليه تبعد .. عن عيوني يا عيوني يا حسافه
جرح قلبي من غلاتك .. من سواك يعرف طبه
لا تخلي بيني وبينك .. من الجفواا مسافه
ودامني مديت ( فنجال المحبه ) لا تكبه !!
ودي بوصلك .. وهجرك صرت اكرهه واخافه
وجعل ما ياتي لهجرك بعد ذا اللي صار سبه
لا تخلي صاحبك يمشي .. والى من حد شافه
قال .. يا عزي لحاله .. والله ان عاده يحبه !

نسيم كل مايقول بيت تناظر سلمى ولا لها اي ردة فعل .. : سلمى

سلمى فتحت المقطع اللي قبله ..
عبدالله يضحك من قلب ومو قادر يوقف مرات يجلس مره يوقف ويضرب يدينه ببعض ويضرب الرجال اللي جنبه ويتكلم مو واضح صوته
اللي يصور يعلق : عبوود مهستر اللي يشوفه الحين مايقول هذا يطلع منه قصيد

الرجال اللي جنب عبدالله : جننتنا يامصعب لاتصور

وتوقف المقطع ..
نسيم تناظر سلمى تقفل الجوال : سلمى زعلانه مني

سلمى ابتسمت : ادري بفضولك وانا مثلك من ثاني يوم دخلت ع قناته بس هالمقطع ماشفته

نسيم ضربتها ع كتفهاا : يال.. كان تكلمتي من اول خليتيني ع اعصابي

سلمى ضحكت : جدد اخووف صح

نسيم تسلك : اييه مرره سلمى جد جد ايش شعورك بعد ماشفتي مقاطعه وقصيده فيك

سلمى : هه هذا خبيث ماتشوفي عيونه يمممه ترعب اكيد ياكثر البنات اللي اعطاهم اسم قناته ماتشوفي التعليقات وكيف البنات خاقين عليه ياحاامض

نسيم تكش ع وجهها : والله انك رفستي النعمه برجولك مالت عليك ايش زين الشامه بخده مزيون وشاعر هم مالت عليك

سلمى تلوي بوزها مو عاجبها الكلام وهي تناظر نسيم تروح عنهاا للمطبخ عند ندى ...

×
يتبع ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 11-08-2018, 10:36 AM
صورة cloud24 الرمزية
cloud24 cloud24 غير متصل
©؛°¨غرامي مشارك¨°؛©
 
الافتراضي رد: برد الجفا / بقلمي


تكملة البارت
×
×

جالسين بالحوش والجو مغيم ورايق..
ناديه وهي تشرب شاي : متى زواج سالم ولد عمك

صالح : يمكن ب8

اسيل : متحمسه له من الحين طفشت ابي اروح زواج

ناديه : الله يصلحه عبدالعزيز المفروض يحدد زواجه مدري ايش ينتظر

صالح : الزواج هالوقت مصاريف لو انه مثل اول ماتردد بس كله منكم يالحريم وفشخرتكم

ناديه لوت فمها هه الحين يشتغل محاضرات

بس صالح نزل كاسته بالصينيه ووقف : هه يالله انا تأخرت ع الرجال

ناديه : مين هالرجال اللي مشغلك هاليومين

صالح : علي ال.. تجهزي من الحين بشوف لي يوم اعزمه هو واهله

ناديه : زين نتعرف

×
×
×

دخلت الصاله ترقص باستهبال وتدور

ندى : اللهم سكنهم مساكنهم ايش فيك

سلمى تهز كتوفهاا : ابوي سامحني وبياخذني معه العزبه اليوم

ندى : اييه روحي معه وبعدين لاتجيناا تتشكي ماتبي العزبه

سلمى : جلسة البيت ملل كيف عايشين انتم

نسيم : سلماان الله يخليك حاول في ابوي نمشي معكم

سلمى تعطيهم النظره الرجوليه : البنات مايطلعون من البيت

نسيم تغمز لها : اهوون عليك انا سليييم اجلس بالبيت لحالي

سلمى تخشن صوتها : انت خليفتي بغيابي وبعدين منت بلحالك معك ذا الرخمه نادر

نسيم وقفت تهدد وهي تخشن صوتها المبحوح جاي غلط : اقوول لايكثر تقول لابوي نمشي معكم وانت ماتشوف الدرب سلمانووه

سلمى : سلمانووه تاج راسك لاتهدد وجع

ندى تنقل نظراتها بينهم : وجع انتي وياهاا لايجي ابوي ويسمعكم خلاص عاد بطلووها سلمان وسليم يووه حتى انا بعد قلبتو اسمي

سلمى بحركات شباب : خفي علينا يالدلوعه ندوو

ندى ترمي عليها المخده : يمه من عيونك بغيت استحي

سلمى ونسيم ضحك من قلب عليهااا
نسيم ووجهها حمر من الضحك : ماتستحي ياختي

ندى : الله لايغير علي ويثبتني بعقلي عند هالمخفات

نسيم لفت ع سلمى : جد سلمى كلمي ابوي

سلمى : اقوله الحين ان شاءالله مايرفض



ندى بعد ماراحت سلمى : يالله لي زماان ماشفت سلمى مروقه كذا

نسيم : ايه زعل ابوي كان مهممهاا ماتعودت مايعطيها وجهه

ندى : يارب يوافق صدق ودي اطلع البر ومع الجو اليوم غيوم الطلعه هذا وقتهاا

نسيم : بس خساره لو من اول خططنا كان رحنا البقاله وجبنا لنا شي ننقنقه بالبر

ندى : هذا اذا وافق ابوي


سلمى جات تجري بحماس : بنات ابوي وووافق

البنات ينطوو بحمااس وكل وحده راحت تجهز اغراضها بسرعه عشان مايتأخرو ع ابوهم
وصحو ابتسام اللي انبسطت بهالطلعه تغير نفسيتهاا ..

وفي اقل من نص ساعه ..
محسن شغل السياره والبنات ع طول ركبو
سلمى قدام جنب ابوها والبنات ورا

نسيم ترقص برقبتها لندى بدون صوت وندى ترد لها دق الرقبه ويضحكو ع الصامت ..
ابتسام تناظر ندى بضحكه ماتعودت تستهبل : صدق من عاشر القوم

نسيم ارسلت ع قروب اخواتها وبنات عمها طالعين العزبه مع ابووي

بسمه " من جدك

ندى " والله واحنا الحين بالسياره

بسمه " ايش هاالتطورات

نسيم " واسطه سلمى

ابتسام " وطلعه بهالاجواء ولا احلى

نجوى" ليش كذا خيانه الجوو يخقق وانتم طالعين وانا لاا

ندى " لا يرحم امك اول مره نطلع مانبي عيوون

نجوى " اااهببببب محد قالكم علموني

نسيم " اعووذ بالله منك

نجوى "بسمه قولي لمحمد يطلعناا تكفين

بسمه " محمد طالع مع اخوياه وانا منثبره لحالي بالبيت تعالي عندي وين ليلى مالها حس

نجوى " ليلى نايمه
اكلم عزوز حبيب البي يطلعني لحالي

نسيم تهمس لندى : نجوى تلمح لك يالدبه ردي عليهاا

ندى قفلت جوالهاا مثل ابتسام : مابرد ع احد بستمتع بالرحله

نسيم كتبت " ندى مادرت عنك تتأمل الطريق ع قولتها بتستمتع بالرحله
وانا بعد باااي


محسن وقف عند المحطه يعبي بنزين لف ع سلمى : تبون شي

سلمى : ايوه جيب عصير فواكه مشكله

ابتسام تقرصها من ورا وتهمس : فراوله

بعد مانزل محسن ..

نسيم تسوي بيدها بوجه سلمى : مالت ع الذوق الخايس كان قلتي يجيب لنا ديوو

ندى : وشوو ديو انتي لاا ميرندا برتقال

ابتسام : انا قلت لك فراوله ليش ماتقولي

سلمى : والله حبيباتي عندكم لسان كان قلتوو

نسيم لفت تناظر الشارع : بيذلناا عاد سلمانووه "شهقت لما شافت د.عامر وقف سيارته جنب سيارتهم "

ندى : ايش فيك

نسيم بسرعه طلعت جوالها وصورته اكثر من صوره

ابتسام : مين هذا ليش تصوري بلا قله ادب

سلمى بطفش : هذا دكتورها يدرسهاا

نسيم صورته لما نزل من سيارته وهو يبتسم لابوها

ندى تراقب معهاا : يسلم ع ابوي شكله يعرفه

سلمى : ويسولف معه بعد اكيد يعرفه

نسيم نزلت جوالهاا : سلمى اسأليه من هذاا

سلمى : من جدك اساله عن الرجال احراج

نسيم : دبريهاا انتي

ندى : ايوه سلمى حاشني فضول حتى انا


محسن ركب السياره وحرك
سلمى بعدم اهتمام : يبه مين الرجال اللي تو تسلم عليه

محسن وهو مروق : عامر ال.. ولد خالتك صالحه

ندى تسوي حركات بيدينها لنسيم يالهووي ولد خالتي صالحه يدرسك يالخايبه بتفضحيناا

ابتسام ضحكت ع الصامت ..

×
×
×

قابل نجوى بطريقه
نجوى : تكفى عزوز طلبتك قل تم

عبدالعزيز : مشغوول نجوى ماني فاضي لك بعدين وين ليلى

نجوى : ليلى نايمه انا اسوي لك اللي تبي

عبدالعزيز طلع فوق وراح لغرفة ليلى فتح الباب : ليلى ليلى قومي ابيك ضروري

ليلى بعدت اللحاف عن وجهها وشعرها حايس : عزوز ايش صاير

عبدالعزيز جلس ع طرف السرير : بندر عنده كم اخت

ليلى ولسى مافاقت من نومهاا : بس اخلاص جعلهاا بال..

عبدالعزيز : تعرف ندى صديقتهاا

ليلى بسرعه : تخسى صديقه ندى قال

عبدالعزيز : يعني مالها علاقه بندى

ليلى بدت تصحصح : ولا قد قابلتهاا اصلا ندى ماتعرفهاا ليش ايش عندك

عبدالعزيز : جاوبيني ع كل شي بعدين اقولك اممم اخلاص هذي قد قالت لك شي عني

ليلى باستغراب : الصراحه هي دايما تلمح انها تبيك وتبيني اخطبها لك انت ايش دراك عنهاا لايكون قابلتك وقالت لك تسويهاا الوقحه

عبدالعزيز : لاا ماقابلتني طيب ايش عرفها بندى

ليلى : كيف ايش عرفها بندى هي تعرف ان عندي بنت عم اسمها ندى

عبدالعزيز : وندى تعرفهاا ليش طيب حاقده عليها

ليلى عدلت جلستها : عزوز انت ايش دراك عنهاا قلي

عبدالعزيز : بعدين جاوبيني اول

ليلى : يمكن لاني دايما اتكلم عن ندى وانها حلوه وتناسبك بيني وبينك انا اتكلم كذا عشان تقطع الامل في اني اخطبها لك

عبدالعزيز بقهر : بس الحين وضحت الصوره

ليلى طلعت وراه : عزوز تعالي فهمني السالفه

عبدالعزيز نزل وهو معصب ومقهور ..
قابلته اسيل اللي قالت لها نجوى عن الطلعه : عزوز تطلعنا البر

عبدالعزيز عدى من جنبهاا بيطلع من البيت : فاضي لكم اناا

اسيل طلعت وراه وبحماس : تطلعناا لعزبة عمي ندى هنااك واذا تبي اضبط لك تجلس معهاا

عبدالعزيز وقف يفكر ولف عليهاا : وعمي وينه

اسيل : عمي يخليهم بالعزبه ويروح مع البل حقاته يعني الجو فاضي لك

عبدالعزيز ابتسم لهااا : يالشيطانه مايفووتك شي انا في السياره خمس دقايق واحرك

اسيل دخلت جري وهي تصارخ بالبيت اللي يبي يطلع البر مع عزوز يجهز خمس دقايق ويحرك ...
×
×


نزلت تحت بهدوء شافت حياة وسالمه ومي جالساات بالصاله وضحكهم واصل لفوق والطاوله قدامهم والارض مليانه فصفص ..

ابتسمت : ياباسط ضحكوني معكم

حياة تأشر لها جنبهاا : تعالي اجلسي ورووقي معناا

مي تصارخ ع العيال دخلو بالكوره : اطلع اطلع انت وياه العبو بالكوره براا

سالمه : ويننا ووين الروقان بوسط هالبزران

حياة : اهم شي جلستنا مع بعض بدون بعض ناس ياخي احس البيت نور توناا نتنفس

سالمه تضحك : صدقتي والله منصور يطلع وانا نايمه عادي مرتاحه

مي : انا الحمدلله احس ياسر مايعطيها وجه

سالمه : اييه هي مايعجبها ياسر جدي بزياده تحب المزوحي

اصاله تناظرهم بااحتقار يالله ياتفكيرهم التافهه كل وحده تحسب زوجها ملاك وكل الناس ميته عليه ..

نوره دخلت من برا كانت بالمجلس هي وياسر يقنعو زيد يروح يرجع زوجته مو كذا مطنش ..
جلست وناظرت اصاله : جيبي لي مويه حر جووفي هالولد

حياة : الحين ليش محتره خليه بكيفه مايبيهاا مو غصب السالفه

نوره عصبت عليهاا : انتي هذا اللي تبيه دامها مو عاجبتك ليش صملتي نخطبها لزيد

حياة سكتت مو عارفه ايش تقول

نوره صدت عنه واخذت المويه من اصاله وشربت ..

×
×
×

دخل المفتاح بالباب وفتح الشقه تأمل المدخل صاله صغيره ولف الشقه كلها عجبته نظيفه وتخطيطها حلو ومرتب ..
وافق عليها وكتب العقد مع صاحبهاا وهو مبسوط ..

اتصل عليهاا وحصل جوالها مغلق
يبيها هي اللي تأثث شقتهم ع ذوقهاا ومنها تطلع معه وتعطيه وجه شوي

راح لبيتهم ومن اول مادخل

ام بندر : صدق انك بتسكن شقه مع ست الحسن والدلال وتخلينا بروحناا

بندر تنهد بضيق وجلس بالصاله : يايمه فهميني ايش اللي يريحك ليلى وهي عندك جننتيهاا ولا تبيها عندك هذاني بسكنها لحالها بعيد عنك

ام بندر : ايه وتروح معهاا واحنا نبقى بدون رجال

بندر : ويوسف وين راح ليش كل شي اناا

ام بندر : يوسف مايعتمد عليه انت شايف سهر باليل براا والنهار نوم

بندر ينهي النقاش : انا اخذت الشقه خلاص وماهي بعيده عنكم وقت ماتبوني جيتكم

ام بندر عصبت : طيب يابندر خليك وراا بنت ناديه تاخذك وين ماتبي ع مزاجهاا حسافه تربيتي فيكك


بندر وقف وهو مطنش كلامهاا : انا بنام لااحد يصحيني

ام بندر : ناام ها اللي صاحي فيه تتهرب بسس


اخلاص جلست جنب امهاا بعد ماراح بندر : يعني مارح ترجع ليلى لبيتناا

ام بندر : لاا خلاص اخذ الشقه

اخلاص بكشره : يعني مافي امل اشوف عزوز

ام بندر تضربها ع ظهرهاا : وبعدين معك عبدالعزيز شيليه من باالك حامض ع بوزك تاخذينه ناقصني بعد ولد ناديه

اخلاص : ياااربي نفسي اعرف ايش سوت لك خالتي ناديه

ام بندر تضربهاا بالمخده : قوومي عن وجهي اشووف تخلخلت حنوكك يالله انقلعي عن وجهي

×
*
نزل البنات قريب من خيمه الحريم وراح بالسياره لخيمه الرجال وهو يفكر لايكون عمه مايمشي والبنات ضحكو عليه عشان يوديهم لازم يقابل ندى ويتكلم معها ..
وقف السياره ونزل ناظر السما مليانه غيوم ودخل المجلس سلم ع عمه وتقهوا معه ..

محسن : وين ابوك ماجا معكم البارح قلت له يجيني

عبدالعزيز نزل فنجانه : منشغل مع علي خويه حتى احنا مانشوفه

محسن يتمتم : هذا اللي مايفهم يالله استاذنك انا بروح اشوف نياقي خذ راحتك

عبدالعزيز وهو مستحي : خذ راحتك ياعمي ماني غريب بس بعد اذنك ودي اجلس مع ندى شوي

محسن : حقك والله الحين اناديهاا لك
وطلع من الخيمه ونادا عليهاا تجيه



نسيم : ابوي يناديك ندى

ندى وقفت وطلعت من ورا الخيمه شافت ابوهاا واقف قريب من خيمه الرجال ومن اول ماشافهاا : تعالي اجلسي مع رجلك انا رايح

ودخل الخيمه عند عبدالعزيز : اذا يمديك توصل البنات معك البيت بكره دوامات وانا بتاخر الليله جاييني اخويياي

عبدالعزيز : ابشر ياعمي

محسن : تسلم يالله توصي شي

عبدالعزيز : سلامتك

×

ابتسام تهمس لها : روحي لاينادي عليك مره ثانيه ويفشلك

ندى وقفت باحراج من بنات عمهاا وراحت المجلس وهي ساكته شافت سيارة ابوهاا مشت وقفت بتردد بعدين دخلت بثقه وهي ترد السلام بهدوء

عبدالعزيز يناظرها بعبايتها الكتف وماباين الا عيونهاا ويدينهاا : وعليكم السلام

جلست بعيد عنه وهي ساكته

عبدالعزيز : حياك الله شلونك

ندى : تمام

عبدالعزيز حس نفسه مرتبك من سكوتهاا ومو عارف يفتح سالفه

اسيل دخلت وبيدهاا صينيه فيها حلا : السلام

عبدالعزيز : ههلا اسيل

اسيل نزلت الصينيه قبال عبدالعزيز وهي تناظر ندى اللي جالسه بعيد : اممم جبت لكم حلا تحلو مع القهوه في قهوه هناا صح

عبدالعزيز ناظر الدله جنب النار : ايه يعطيك العافية

اسيل : الله يعافيك ندووش ترا والله اخوي مايعض

ندى تنحت بااسيل اللي ضحكت وطلعت

عبدالعزيز بضحكه : وهي صادقه قربي شوي

ندى : انا مرتاحه بمكاني

عبدالعزيز : طيب ماودك تقهويني

ندى وقفت بتوتر اخذت الدله وفنجان وصبت ومدته له : تفضل

عبدالعزيز ابتسم وهو يناظر يدهاا واخذ الفنجان : زاد فضلك ارتاحي

جلست بمكانهاا
عبدالعزيز اخذ ملعقه من الحلا : ماتبي تحلي

ندى : لا ماابي

عبدالعزيز سكت شوي وهو يناظر عيونها اللي تتأمل الجو براا : شيلي نقابك مافي احد

ندى بدون ماتناظره : انا كذا مرتاحه

عبدالعزيز تنرفز منهاا بس حاول يمسك اعصابه : طيب براحتك واذا تبي تروحي روحي

ندى وقفت : طيب توصي شي

عبدالعزيز بقهر : لاا

ندى طلعت وهي تزفر براحهه ...


ليلى من اول ماشافتهاا : ليش خليتي عزوز لحاله

ندى جلست جنب سلمى : هو قالي

ليلى تناظرها ومو عاجبها كلامهاا ووقفت : انا بروح عنده

نجوى : تصدقون بنات نفسي اجري اسوي اي هبال كذا احس فيني طاقه

نسيم : اي والله حتى اناا بس اخوك قاعد لناا مانقدر نتحرك براحتناا

نجوى : ماعليك عزوز بالمجلس مارح يطلع

اسيل : نتسابق

نسيم وقفت : يالله

ابتسام : انا ماابي

سلمى : حتى انا

نجوى تناظر ابتسام بضحكه : لاتكوني حامل

ابتسام بقرف : لاا ارتااحي

راحت نجوى ونسيم واسيل

ندى لفت ع سلمى : ايش فيك انتي

سلمى والدموع بعيونهاا : مقهوره من ابوي ليش يبيع حمامي وتخيلي باعه ع عبدالله مدري صدق ولا بس بيقهرني كنت بتكلم بس جيت عبدالعزيز خربت علي

ندى : تتوقعي هو متعمد يشتري حمامك عشان يقهرك

ابتسام اللي قالو لها البنات عن عبدالله : انا اتوقع كذا

سلمى : ايه ماهي بعيده عنه

ابتسام : خلاص روقي حبيبتي زعلك مو فايدك بشي شووفي نسيم الخبله عثرت لنجوى وطيحتهاا يالنذاله

سلمى تناظر نجوى تتحلطم وتقول غش بس نسيم واسيل يجرو ولا فكرو لهاا : يسعدلي جووهاا نسيم الله لايغير عليهاا

ندى وابتسام : امين يارب


اسيل وصلت لهم قبل نسيم وانسدحت ع الارض قبالهم وهي تضحك : ااه تعب ههههههه حررره يانسيم

نسيم رمت حالها جنب اسيل وهي يادوب تتنفس من التعب والضحك ع نجوى

اسيل تضرب راس نسيم : سبقتك ياحرره

نسيم ماردت عليهااا وهي تشوف نجوى جايه معصبه وتبي تضربهاا راحت تجري عنهاا
بس نجوى ع طول مسكتهاا وضربتهاا ونسيم ولا حاسه بس تضحك ..


وشوي كذا جات ليلى ..
ليلى : يابنات عزوز يقول يالله مشينا ترا عمي قال تمشو معناا لانه رح يتأخر هناا

اسيل : وييين بدري حتى المغرب مااذن

ليلى وهي ترتب الاغرض : قال يمشينا شوي بالسياره لين يظلم الجوو

جهزو البنات وندى كرهت الطلعه تمنت انهم ماقالو لنجوى عن طلعتهم ..
سلمى تمسك يدهاا : يالله البنات راحو السياره

ندى : ياربي يالاحراج ماابي امشي معه

اسيل واقفه ع الباب : اركبي سلمى

سلمى ركبت ورا عند نسيم وابتسام شافت اسيل ع طول رجعت المقعده بعدهاا وخلت ندى تجلس قدام معها هي ونجوى


ليلى جالسه قدام جنب عبدالعزيز : شغل لنا شيلات حلاتها بالبر ومع هالجوو

عبدالعزيز حرك السيااره : شويه قدام اهم شي مانسيتو حاجه ترا مارح ارجع

نجوى : تفقدو اغراضكم بنات

نسيم تهمس لها : مانسينا شي

نجوى : مانسينا شي متأكدين


اسيل : تكفى عزوز لاتشغل شي خلونا نسولف احسن من ثقاله دمم الشيلات

ليلى : ايه لو انها اغنيه لماجد المهندس ماقلتي كذا

نجوى تناظر اسيل : طيب سولفي لنا اطربيناا

اسيل بضحكه : الصراحه في ناس ودي اطقطق عليهم منخرشين زي البسه

نجوى : لاا عاد بنات عمي ماارضى عليهم اسكتي احسن لك


البنات ورا عايشات جوهم وراا سوالف بهمس وطقطقه ع ندى المنخرشه صدق ..


نجوى تهمس لندى : ندووي وين وصلتي

ندى وهي متضايقه من جلستها ورا عبدالعزيز : مارحت مكان

نجوى ابتسمت : ايش رايك بعزوز بالله مو هيبه وشخصيه

ندى تسلك : اييه هيبه هو وصوته

نجوى : بالله عاد لاتصدميني وتقولي صوته مو حلوو صوته رزه فخم والله لو سمعتيه وهو يغني تخقي خامت صوته مميزه

ندى ضحكت ع خفيف : خامت صوته متعوب عليهاا

نجوى بصوت عالي : عزوز طلبتك قل تم

عبدالعزيز تردد وهو يفكر بوجود ندى لازم يوافق بسرعه : تم باللي اقدر عليه

نجوى : غني لناا بعض ناس بيسمعوو صوتك

عبدالعزيز رفع عيونه للمرايه شافت ندى صدت تناظر الشباك ونجوى تحاول تكلمهاا ابتسم وهو يفكر ايش يغني

اسيل : بالله عزوز غني ناديت وينك

سلمى تهمس : يووه نجوى ورطت ندى يااعمري شوفيها كيف مستحيه

نسيم تجهز المسجل بجوالهاا : من زمان اقولكم متأكده صوت عبدالعزيز وهو يغني حلوو


عبدالعزيز ابتسم متردد يغني الاغنيه اللي جات بباله : احمم
يا ست الستات أعـنيكي بالذات
فكري معاك مروح
وقلبي بهواك مطوح
يا أجمل ماشافت عيني وأحلى كل البنات
ليت أحكي معاك واتنفس هواك
هذي لحضت مرامي فيكي أعلن هيامي
يا أجمل ماشافت عيني وأحلى كل البنات


اسيل تصفق : اووووه عاشووو

نسيم وسلمى ميتات ضحك ع الاغنيه
ابتسام تقرص فيهم وحابسه ضحكتهاا : خلاص انطموو لايسمعكم

نسيم تهمس ودموعها تنزل من الضحك : فكري معاك مروح وقلبي بهواك مطوح

نجوى لفت عليهم : هذا اللي فالحات فيه التريقه مااالت

ندى رفعت عيونها بعفويه وجات عينها بعينه بالمرايه وع طول لفت لما غمز لها وهي تحس بدقات قلبهاا تزيد بخجل

ليلى مافاتتها نظرات عبدالعزيز وغمزته ضحكت : عزووز انتبه للطريق بذمتك 7 رقاب

عبدالعزيز ناظرها بثقه : منتبه ماعليك

×
×
نهايه البارت الثـاني عشر
موعدنا الثلاثاء ان شاءالله + ردودكم وتوقعاتكم انتظرها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 14-08-2018, 12:09 PM
صورة cloud24 الرمزية
cloud24 cloud24 غير متصل
©؛°¨غرامي مشارك¨°؛©
 
الافتراضي رد: برد الجفا / بقلمي



(البــارت الـثــالـث عشــر)
×
×

في سيارة خالد .. طريق حايل ..

بسمه تلف ع البنات : صحصحوو بنااات بقى 25 قربنا

ندى تهز ابتسام : ابتساام قومي قربناا

ابتسام بخموول لفت راسها الجهه الثانيه وكملت نوم

نسيم : خليها تنام لاتعصب علينا الايام هذي صايره نفسيه

ندى حاسه فيها تتهرب من هم زوجها بالنوم ...
سلمى بسعاده : ياربي مو مصدقه بشوف اهل امي

نسيم : والله ابوي غريب متأكده انه ماوافق لنا نروح كذا لله اكيد وراه شي

خالد ضحك وهو عارف سبب الزياره : هههههه هه اشتغلت المحقق كونان

بسمه تناظر الطريق وهي تفكر كيف تقنع خالتها لازم تخليها توافق ..
بعد ماعرفت شكثر ابوها متعلق فيهاا تتمنى تعرف التفاصيل اللي بينهم ..
تبي تتطمن ان امها الله يرحمها ماكانت تعرف بتعلق زوجها باأختها ماتبي تعرف امها كانت تعاني مع ابوها صابره عشانهم دمعت عيونها وهي تدعي لأمها ..


شافت سيارة عامر تسقط عليهم ويدق بوري ويسلم ع خالد وهو يضحك

نسيم رمت حالها ع سلمى وبصوت واطي : يااالبى الغمازات جاي معناا حايل يابعد حيي

سلمى تناظرهاا متفاجأه : سليييمووه من ورااي

نسيم طنشتهاا وهي تراقب الوضع
خالد يسرع وهو مبسوط ويحاول يسقط ع عامر

بسمه : خالد واللي يسلمك لاتسرع واذا يعني الرجال تعداك عادي

خالد يعض شماغه ويجلس زين : يتعداني وانا خاله مافي احترام هين ياعموور

بسمه باستغراب : خاله

خالد لف عليها وهو يضحك : هذا عامر ولد صالحه

بسمه تذكرت عيال خالتهاا وعامر بالاخص اللي ضربوه نسيم وسلمى ابتسمت لاشعوريا من يومهم مشاغبات ومتمردات ..

ندى فتحت الرساله اللي جاتهاا من عبدالعزيز يسألها وين وصلوو ارسلت له برسميه " وصلنا حايل "

رد عليهاا " الحمدلله ع السلامه "
قفلت جوالها وهي تفكر بتغير عبدالعزيز اخذ رقمها من نجوى ويرسلهاا كل شوي يسألها عن حالها واذا محتاجه شي وبس
وهي ترد عليه باختصار .. والنهايه ياعبدالعزيز ..

بسمه لفت عليهم : صحي ابتسام مو حلوه تدخل ع الناس والنوم بوجهها

ندى حاولت فيها لين صحت

ابتسام عدلت جلستها ونقابهاا وبللت يدها مويه ومسحت ع وجهها عشان تصحصح وهي تناظر حايل مو مصدقه



خالد وقف عند بيت كبير وبنفس الوقت وقف عامر

خالد نزل مع البنات وهو حاس بتوترهم وكلهم ورا بسمه كأنها امهم. . ومجرد مافتح الباب يسمعو صوت الزغاريد والتهلي

وامه وصالحه وزوجه راشد متغطيه وبناتها سلمو ع البنات بالاحضان ومع دموع الجده والبنات
ودخل راشد يسلم عليهم واكثر شي حزنهم شوفة ابتسام نسخه زينب

×
×
×

تقلب ع يمينه وهو يدفن راسه بمخدته وريحه عطرها صحصحته .. ضم المخده ودفن خشمه فيها شوي نزلهاا وهو يضحك ع الحال اللي وصله

البارح فتح شنطه قديمه عنده ولقى دفتره اللي كان يكتب في يومياته واشعار يحبهاا
وحرفها E يتفنن بكتابته باكثر من خط

وقف وكلام كان كاتبه للحين يألمه " امنيتي اشووفك e "
يالله كيف نساها بسهوله مع الغربه وتخلى عنهاا ..

وقف عند المغسله وغسل وجهه وهو يحاول يبعد افكاره ويعيش يومه بدون مايفكر فيهاا
صح فاقدها بالبيت بس مرتاح لحالها مع زيد وهو يتمنى من كل قلبه يطلقهاا يبيها تبعد قبل يعرفها اكثر ويتعلق فيها اكثر ..


منصور وقف ع باب الغرفه : وينك كل هذا نووم

جياد طلع من الحمام وابتسم له : مانمت بعد مارحت من عندي نمت بعد صلاه الفجر

منصور : وانا احسب نايم بدري وتوك تصحى

جياد لبس ثوبه : ايش عندك وراك شي

منصور : لاا بس كلنا متجمعين داخل تعال تقهوا معناا

جياد بهدوء : و زيد

منصور : زيد موجود بعد ابشرك راح لمحسن ال.. واستسمح منه

جباد بصدمه : وبرتجع له !!

منصور : ايه بس هي الحين بحائل بس تجي يرجعها الحمدلله امي مرره مبسوطه

جياد اخذ مفتاح سيارته : انا طالع يلا سلام

منصور يقفل باب الغرفه وهو يناظر جياد يمشي بسرعه لسيارته : والقهوه يارجااال

×
×
×

بسمه دخلت الغرفه تفاجأه من ابتسام قفلت الباب وراها ومسحت ع ظهرهاا : ابتسام ليش البكا ياقلبي والكل برا مبسوط

ابتسام رفعت راسها وناظرت بسمه ودموعها تنزل : ابوي كلمني وهزأني عشان كذبت عليه وقالي بس نجي ارجع لزيد بدون نقاش

بسمه حضنت وجه ابتسام بكفوفها ومسحت دموعهاا : انتي اهدي و صدقيني من اول مانرجع انا اكلم ابوي

ابتسام تناظر بسمه بيأس
بسمه ابتسمت : يلا عاد فكي هالكشره ولاتقلقي


ابتسام تناظر المرايه خشمها احمر وجفونها : طيب انتي روحي وانا شوي اجيكم


وبسمه راحت وخلتها براحتهاا اليوم جدتها مسويه عزيمه لهم .. انبسطت وهي تشوف البنات دخلو الجو مع اهل امهم

نسيم جالسه جنب خالتهاا صالحه وميته ضحك هي وياهاا

حنان تضحك : والله ولقينا صالحه الثانيه ياربي تحفظهاا

سلمى تناظر نسيم اللي تتلصق بخالتهاا وهي تتمنى متى تختلي فيها وتفهم سالفتهاا
دخلت ع قناه عبدالله ونفس اخر فديو شافته له فتره مانزل شي .. قفلت جوالها وهي تتناسى وتنبسط بالجلسه ...

×
×
×

طلعت من المطبخ وهي معصبه وشايله غيد وجلستها جنب امهاا : امسكيها عندك جننتني كسرت مواعيننا

ناديه تحضن غيد : شوي شوي لاتزعليهاا وتتذكر امهاا

نجوى : هديل وينهاا خلها تمسك اخوانهاا ترا عزوز مدري وين لااحد يسألني عنه

ناديه تناظر اسيل وهديل جايات : عند طاريهاا هديل روحي دوري عزوز لايكون طالع الشارع

هديل راحت تدوره ونجوى رجعت للمطبخ تكمل طبختهاا

اسيل جلست جنب امهاا : يمه خلينا نطلع نتمشى قسم طفشت من البيت



محمد فتح باب البيت ودف عزوز قدامه : والله لو تمشي معه مره ثانيه لا احش رجولك

عزوز راح جري للغرفه اللي ينام فيها مع اخواته
ناديه تناظر محمد : ايش فيك وين لقيته

محمد : شفته وهو نازل من سيارة مخلد ولد جارناا ماشي معه وين مو راضي يقول الله يصلحه هالولد عنيد

اسيل : وين يروح عن عمه سميه

محمد ناظرهاا معصب : وانتي ايش حاشرك يالله روحي نادي ليلى

اسيل راحت جري وهي تتحلطم ايش خلاها تتكلم ...


نزلت ليلى مستغربه ايش يبي منها محمد شافته جالس جنب امهاا : السلام

محمد : وعليكم السلام بندر بالمجلس مع ابوي تجهزي عشان تروحي معه

ليلى : وين اروح معه وشرطي الشقه

محمد قاطعهاا : الشقه جاهزه ومو ناقصهاا غيرك

ليلى تكتفت باعتراض : طيب مفروض يقولي عشان ارتب حالي مو يجي فجأه ويلا مشيناا

محمد صرخ عليها معصب : اشووف مصختيهاا ماصارت مرمطي الرجال يلا البسي عباتك وامشي بدوون لا اسمع لك صوت

ليلى ناظرته بقهر وطلعت فوق معصبه دوومه كذا محمد مايعرف يتفاهم يحسب كل شي يجي بالغصب هي متأكده لو عاندت محمد اعند منهاا ويخليهاا تمشي غصب ويصير موقفهاا محرج عند بندر

رتبت اغراضها ونجوى تساعدهاا وتحاول تروقهاا بستهبالاتهاا بس ليلى ساكته ولا تتكلم ..

عبدالعزيز وقف ع الباب : ليلى جاهزه

ليلى اخذت عبايتها ولبستهاا تفاجأة لما عبدالعزيز حضنهاا تمسكت فيه بقوه وهي تمنع دموعها تنزل

عبدالعزيز : بندر يحبك وشاريك لاتضيعيه من يدينك وتستغلي حبه لك

ليلى بعدت عنه مستنكره كلمته : انا استغله حرام عليك

عبدالعزيز : لو انك تحبينه كثر حبه لك ماهان عليك رايح جاي بيرجعك وانتي تردينه

ليلى بقهر : انا لو مارديته كان ماتحرك وسكني لحالي كان بعدني عند امه واخته وكل يوم جايتكم زعلانه

عبدالعزيز : طيب حقك علي يلا تأخرتي ع قيس

ليلى ضحكت : وانت بعد حط بالك ع ست الستات

ناظرها وهي تضحك وتطلع لف ع نجوى : كلمتيهاا

نجوى : كلمتها اول يوم

عبدالعزيز : اتصلي عليها الحين

نجوى : وانت اخذت رقمها ع الفاضي ليش ماتكلمهاا

عبدالعزيز بتهديد : اتصلي وانتي ساكته

نجوى اتصلت ع ندى وهي تنتظرها ترد : كعادتهاا ماتدري عن الجوال ماترد

عبدالعزيز وهو طالع : راجع لك بس اخلص من ليلى

نزل وشاف ليلى تحضن امهاا وتستسمح منهاا ..

×
×
×

تناظر من شباك غرفتهم .. الحوش هادي محد يمر رجعت جلست جنب ندى اللي ترتب فراشهاا : لاتنامي ندووش

ندى: والله نعسانه اليوم مانمت نهائي

نسيم بضحكه تقهرهاا : طيب ياست الستات ناامي

ندى جلست بقهر : وبعدين يعني جننتيني بهاا انسيهاا ياختي

نسيم بطفش : طيب خلاص اووف ليش كذا خاملين ابتسام وبسمه نايمات وسلمى مقابله جوالهاا وانتي مالت عليك شسوي اناا

ندى طنشتها وغطت وجهها باللحاف ..

نسيم وقفت ورايحت سلمى : مافيني نوم سووماا تطلعي معي نتمشى برا او نسوي اي شي مافيني نوم

سلمى قفلت جوالها وانسدحت : ماافيني والله بنام

نسيم جلست ع الكرسي اللي قبال الشباك وهي تتحلطم ...

فرحت وهي تقرأ رد عبير "ايه صاحيه"
ارسلت لهاا " انا مابراسي نوم واخواتي ناموو "

عبير " جايتك الحين حتى انا ماابي انام

طلعت من الغرفه وشافت عبير جايه لهاا : يسعدلي جوك ياشيخه مو مثل الدجاجات اللي عندي

عبير : حرام عليك اكيد تعبانين بعد العزيمه ولاتنسي بكره وراكم قومه بدري

نسيم : مو شرط انام ابي انبسط باخر ليله هناا

عبير مسكت يدهاا :تعالي ابسطك اناا اول شي نسوي لنا شي ناكله

راحو المطبخ ..
عبير تفتح وتقفل بالدواليب : مشكله بيت جدتي ماعندها نقنقه اخر الليل وماتعترف بالحلويات بعد هذا اندومي تحبيه

نسيم اخذت النوته والقلم اللي ع الطاوله : اذا في ليمون عادي بدون الليمون مااكله

عبير بدت تسوي الاندومي : الله يعيننا ع هواش ريتاا لو درت اننا اكلنا حقهاا

نسيم : حليلها شغاله جدتي مرره واثقه من نفسهاا وعادة نفسها الامره والناهيه

عبير : جدتي معطيتها وجه وهي كمان من زمان عندناا

نسيم تتأمل عبير قريبه من ملامح عامر ونفسه دبدوبه. . ابتسمت لها واخذت السحن منهاا
عبير طلعت لها ليمون من الثلاجه : خذي

نسيم : يعطيك العافيه

عبير : يعافيك ربي انتي اخر سنه بالجامعه صح

نسيم بخوف نزلت ملعقتهاا : ايه ايش دراك

عبير : سلمى قالت بس ماادري ايش تخصصك عشان بفاجئك بشي

نسيم : محاسبه

عبير : تاخذي مواد مع دكتور

نسيم بسرعه : لا كله دكتورات

عبير كشرت : خساره خربتي المفاجأه

نسيم تسوي انها متحمسه : طيب قوليها حمستيني

عبير : اخوي عامر دكتور بجامعتكم تخصص محاسبه قلت يمكن تاخذي عنده ماده واصدمك

نسيم متفاجأه : دكتور عامر اخوك من جدك اعرف بنات اخذو عنده بس انا مااخذت

عبير بحماس : ايوه طيب ايش يقولو عنه البنات في احد خاق

نسيم : علاقتي فيهم رسميه بس يقولو انه يفهم وشديد ع الغياب

عبير بحمااس : قهر كنت اتمنى يدرس هناا ويدرسني حمااس

×

ابتسم وهو مميز بحه صوتهاا ومع كلامها تأكد تنحنح : يااعبيرر



عبير تناظر باب المطبخ الخارجي : جايه
وطلعت له ونسيم ماقدرت تميز صوته بس تدعي انه مايكون هو ...

عامر وصوته يوصل نسيم اللي تضرب خدودهاا من الفشيله : سوي لنا شاهي

عبير بحلطمه : الحين

عامر : ايه بسرعه

عبير دخلت وهي تتحلطم : شاهي ع اخر الليل ياجووكم

نسيم وقفت : انا بنام عن اذنك

عبير تكلمها وهي طالعه : نسيييم ويين بدري

راحت لغرفتهم جري تحس انها بتبكي من الفشيله اكيد سمعهاا وهي تكذب ع اخته ...


عبير جهزت الشاهي واتصلت ع عامر
عامر وقف ورا الباب يتنحنح ودخل لما عبير قالت له مافي احد : غريبه جالسه لحالك

عبير : كانت عندي وحده من البنات بس راحت تنام

عامر جلس ع الكرسي : كيف شفتيهم بنات خالتي انبسطتي معهم

عبير : مرره الله يسعدهم عسولات بس مارح يطولو بكره رايحين

عامر اخذ النوته وشده خطهاا اللي يعجبه : خط مين هذا ماشاء الله

عبير تناظر النوته : ماشاء الله توي انتبه لهاا هذي قبل شوي نسيم تخربش فيهاا

عامر وقف : وين الشاهي

عبير لفت تشيل الصينيه وهو دخل النوته بجيبه بدون ماتنتبه واخذ منها الصينيه وطلع وهو يتذكر كلامها ويضحك نصابه ...

×
×
جلست ع الكرسي الخشب وهي تناظر الجو الشمس للحين ماطلعت حضنت ذراعها وهي لابسه شال ثقيل عن البرد ولفت ع خالتها اللي تسقي الزرع : خالتي بكلمك بموضوع

صالحه اسقت الزرعه الاخيره وجلست جنب بسمه ع الكرسي : تكلمي ياقلبي ناقصك شي متضايقه

بسمه تقاطعها : لا لا انا بكلمك عن ابوي

صالحه بضيق : ايش

بسمه : جدتي البارح قالت لي انك رفضتي ممكن اعرف السبب

صالحه : حبيبتي بسمه حطي نفسك بموقفي اتزوج زوج اختي اللي كانت تحبه فوق ماانه مطنشها ولا يبادلها الحب احس اني اخونها لو اتزوجه وبعدين عيالي اذا تزوجت ابوهم ياخذهم مني

بسمه : يعني بتعيشي طول عمرك كذا عيالك بيتزوجو ويعيشو حياتهم مو دايمين لك

صالحه تنهد ولفت تناظر الزرع : انا رافضه محسن كشخص مو كفكره زواج

بسمه : يعني عيالك بس عذر

صالحه : عيالي كبار عبير وبتتزوج السنه الجايه وعامر منشغل بعمله هه وعمر يتخرج من الجامعه هالسنه بيروح ورا رزقه

بسمه : طيب ايش اللي مو عاجبك باابوي

صالحه ناظرتهاا : هه انتي عارفته اكثر مني ويمكن تتذكري كيف كان مهمل امك وبس طالع

بسمه ترددت شوي : مهمل امي عشانه مفتون بااختهاا ابوي يبيك عشانه هو مو عشاننا

صالحه ناظرتها بصدمه : نعم ايش الكلام هذا

بسمه : عمي صالح قالي كل شي ابوي لما خطب امي كان قصده يخطبك انتي مو داري ان عندك اخت اكبر منك حاول يأقلم نفسه
بزواجه من امي بس عمي يقولي انه كل ماتجونا يتضايق ويحط حرته فينا وبأمي

صالحه تجمعت الدموع بعيونهاا : لا مستحيل هو محسن انا اشوفه بالحلم بس مااصدق

بسمه تناظر خالتها بااستغراب وهي تغطي وجهها بابيديها وتبكي .. قربت منها ومسحت ع ظهرهاا : خالتي انا ماقصدي اضايقك
بس ابوي كاسر خاطري ابيه يفرح بااخر عمره

صالحه تشهق وهي تبكي : كرهت زوجي وشتت عيالي ومن شيخ لشيخ كله من نفسه حسبي الله

وقفت وهي تحاول تهدي نفسهاا ودخلت البيت وبسمه جالسه تناظرها باستغراب

وقفت ودخلت البيت تشوف اخواتها صحو ولا باقي ..
وقفت ع باب الغرفه
ندى : وينك بسمه دورتك مالقيتك

بسمه : كنت بالحوش مع خالتي

ندى قفلت شنطتها ولفت ع سلمى اللي طلعت من الحمام : كان نمتي احسن

سلمى : يالله صباح خير ايش فيك معصبه

ندى ماردت عليها ودخلت الحمام ..

بسمه جلست جنب ابتسام النايمه مسحت ع شعرها : ابتسام يلا اصحي

سلمى : جدتي صاحيه

بسمه : ايه باالمجلس وشابين النار بالمشب

سلمى ابتسمت بسعاده : الله ع هالاجواء انا رايحه لهم لااتتأخرو

بسمه لفت ع نسيم : نسيم يلا انتي كمان اصحي

ندى طلعت وهي لابسه ومتجهزه : من اليوم احاول فيهم ولا وحده راضيه تصحى

بسمه : لازم يصحو عشان نفطر ونروح الطايف يلا بنات اصحو مانبي نتأخر ع خالد

ندى سحبت اللحاف عن نسيم : يلا اصحي

نسيم ترجع اللحاف معصبه : يووه خليني انام مانمت بدري

ندى : محد قالك نامي متأخر
ولفت ع بسمه القريبه من ابتسام : اسحبي لحافها وخليها تصحى
بسمه وقفت : تفاهمي معهم

×
×
×
صحى منه بانزعاج من صوت جواله نسى يحطه صامت
ناظر الشاشه واعطاها مشغول وجلس ورمى جواله بعيد عنه وهو متنرفز .. هذي ماتفهم قالهاا عرف انها اخت بندر وهددها يقوله ولا خافت بعدها تتصل وتحاول تشوه سمعه ندى ..

ناظر جواله يدق ثاني اخذه ورد : ايش تبي انتي

اخلاص والعبره خانقتها : عزوز انا والله احبك تكفى لاتحرمني منك

عبدالعزيز وقف معصب : حبتك القراده انتي مافيك حياا خير شر والله الحشيمه مو لك لبندر

قفل الخط بوجهها وقفل جواله ..
ولبس ثوبه وطاقيته والشماغ حذفه ع كتفه .. وفتح باب الغرفه بس انصدم بأسيل اللي كانت متكيه ع الباب طاحت قباله

اسيل وقفت وهي تضحك بتصريفه وربكه : بسم الله علي

عبدالعزيز تكتف وهو يناظرها برفعه حاجب ينتظر تبرير لوقفتهاا

اسيل ناظرته باارتباك : كنت انتظر نجوى "وطرت ع بالها ندى" ايييه بنروح بيت عمي البنات جاو من حايل

عبدالعزيز : بالله متى

اسيل بسعاده داخليه انها ضيعت السالفه : الظهر

عبدالعزيز : مين يوصلكم

اسيل لفت ع نجوى اللي طلعت من غرفتها وبيدها عبايتها وشنطتهاا : ابوي وينك انتي اخرتيناا

عبدالعزيز : انزلي انتي ابي نجوى

اسيل ناظرته بتعالي وراحت عنهم ووقفت عند الدرج تتسمع ..


نجوى تتبسم : ايووه اكيد تبيني مرسال لندووش

عبدالعزيز بضحكه : لا مو مرسال انا ابي اشوفهاا

نجوى : طيب !!

عبدالعزيز : ايش اللي طيب اقولك بشوفهاا دبريني

نجوى : عادي روح لبيتهم واطلب تشوفهاا

عبدالعزيز : مدري بنت عمك نفسيه للحين ماعرفت لها اخاف ترفض

نجوى تلبس عبايتهاا : انت بس اهتم فيها واعطيها من وقتك بدال هالناس اللي ماتعرفهم ترا عطيت ندى حسابك

عبدالعزيز يمشي معها وهي تلبس نقابهاا : من جدك ليش يعني تتابعني

اسيل نزلت كعبها ونزلت تجري قبل يشوفوهاا ..

نجوى عدلت نقابها وناظرته بتسائل : ليش ماتبيها تتابعك

عبدالعزيز ماعجبته نظرتها : لايروح بالك بعيد بس انتي شايفه البنات وتعليقاتهم اخاف تفهم غلط "وبتردد" وتتضايق

نجوى وقفت ع الدرج : انت وياها تفاهموو خلاص بطل تخلي وسيط بينكم يلاا انا تأخرت


عبدالعزيز استند ع الدرج وهو يفكر ويتذكر كلام اخلاص واللي خلاها تتعلق فيه اكثر الفديوهات اللي يصورهم وسوالفه ..

×
×
×

تأملت ملامحه العابسه ماقدرت تقول شي يخفف عنه ..
محسن رفع راسه واخذ نفس : بكيفهاا هي الخسرانه

بسمه تفرك اصابعها : لو تبي ادور لك غيرهاا اخطبها لك

محسن ناظرها وابتسم من قلب ابدا ماتوقع بنته توقف معه كان متوقع بناته يرفضو فكرة زواجه ..
قرب منها ومسح ع شعرهاا : لاتتعبي نفسك العروس موجوده

بسمه ابتسمت مو مصدقه اسلوب ابوها معها : نعرفهاا ؟

محسن وقف : لا بتتعرفو عليها قريب

بسمه : سلمى تبي تروح معك العزبه

محسن : يالله خليها تجيني بالسياره

بسمه دخلت البيت : سلمى سلمى

نسيم المنسدحه بالصاله وبيدها جوالهاا : سلمى بالغرفه

بسمه تعلي صوتها وهي ماشيه للغرفه : سلمى بسرعه اجهزي ابوي ينتظرك بالسياره

سلمى طلعت وهي تمسح ع شعرها توها مستشورته : بالله ليش كذا ماشي بدري

بسمه : مدري بسرعه لايروح عنك هو بالسياره

سلمى دخلت الغرفه ولبست عبايتها وتلم اغراضها بشنطه ع السريع وسلمت ع اخواتها وطلعت ..

ركبت السياره مع ابوهاا لفت عليه : تأخرت عليك

محسن حرك السياره : لا

سلمى تحاول ترجع مع ابوها نفس ماكانت قبل : اشتقت لعمي ابو حمود يجيك بالعزبه للحين

محسن ابتسم : ايه وجايني اليوم بعد

سلمى : مرره طيب ماشاء الله عليه

محسن وقف عند الاشاره واسند يده ع خده : كيف حايل واهلهاا

سلمى : مرره انبسطت تعرفت ع بنات خالي راشد وعبير بنت خالتي ياليت لو نروح لهم ثاني

محسن بهدوء : انســي

سلمى سكتت تستوعب كلمته

محسن : وخالتك صالحه انبسطت فيكم

سلمى بهدوء : ايه

محسن لف عليها بقهر وحرك السياره ...

×
×
×
مدت فنجان القهوه لعمتها ناديه اخذته منها وهي تناظرهاا لفت باحراج لنجوى وصبت لها فنجان

نجوى تناظرها بقهر : وينك عن جوالك سحبتي علي من رحتي حايل

ندى جلست جنب ابتسام : لاتلوميني اهل امي ماصدقت اشوفهم

ابتسام اخذت تمره : وجدتي يابعد عمري تبينا طول الوقت جالسين معهاا

ناديه : ماتنلام الله يسامح ابوكم بس

بسمه مجلسه غيد بحضنها : كيف العيال جننوكم

اسيل بسرعه : هبلوو فينا عزوز بس يطلع الشارع وغيد كسرت بيتنا

ناديه : ماعليك منها هالدفشه والله انهم اسعدونا اعطو جو بالبيت ربي يحفظهم

هديل بزعل : واناا

اسيل تسوي مالت ع وجهها ..
ناديه بضحكه : وماشاءالله ع هديل مهتمه باخوانهاا سنعه ما شاءالله


عزوز اللي كان يلعب كوره مع جيرانهم جا يجري : خالتي ابتساام

ابتسام تناظره واحساسها يقول زيد : نعم

عزوز بسعاده طفوليه : رجالكي برا يقول اطلعي واعطاني عشره ريال

بسمه ناظرته بعتب : انا كم مره اقولك ارفض لما احد يعطيك

ناديه : خلييه بزر مو فاهم لاتكسري فرحته

بسمه سكتت وهي مو عاجبها الكلام ..

ابتسام اللي دخلت الغرفه ولحقتها ندى تحاول تلطف الجو وهي تتذكر كيف ابوها هاوشها وتحلف لها لما يجي زيد تمشي معه وهي ماتشوف الدرب لبست عبايتها ببرود وطلعت : يالله اسلم عليكم

سلمت عليهم وطلعت شافت زيد بسيارة مكشخ ركبت وهي ساكته تحاول تداري دموعها ..

زيد : سلمي داخله ع كفار

ابتسام باستهزاء : متأكد انك مسلم المسلم يصلي يخاف الله

زيد تنرفز قاطعهاا : خليك ساكته ازين


ابتسام لفت تناظر الشوارع والسيارات بهم ..

زيد وقف عند البيت ونزل قبلهاا ..
ابتسام نزلت وشافت جياد جالس ع عتبة باب المجلس مشت وهي تاخذ نفس وتحاول تكون واثقه وتبين انها رجعت برضاهاا
ومارح تسكت لهم من اليوم ورايح بتردح لهم لين يكرهو عمرهم مثل زوجه جياد ..

ارتاحت لما شافت نوره جالسه لحالها بالصاله شالت نقابها وراحت لها

نوره ابتسمت : هلا والله

ابتسام سلمت عليها وحضنتهاا هالانسانه الحنونه هي اللي تهون عليها الجلسه بهالبيت : وحشتيني

نوره بسعاده : ياقلبي وانت اكثر البيت مظلم بدونك

ابتسام جلست وهي تعدل حجابهاا : شلونك طمنيني عنك

نوره : بخير الحمدلله كيف جدتك وصالحه بعد قلبي

ابتسام : كلهم بخير ويسلمو عليك كثيرر خالتي صالحه تقول مشتاقة لك حيل

نوره تنهدت : وانا اكثر والله ودي اشوفها بس حايل مين يوديني لها

ابتسام : اعطيتها رقمك قالت بتكلمك

زيد وهو فووق يناظرهم : ابتسام تعالي

ابتسام تنهدت بضيق
نوره شدت ع يدهاا : زيد طيب بس يبي احد يفهمه وان شاء الله يتعدل ويصلح حاله ع يدك

ابتسام ناظرتها بعتب تبو ولدكم ينصلح ع حساب تعاستي ..طلعت له بخطوات بطيئه ..
قابلت سالمه ع الدرج

سالمه سوت بيدها مالت بوجهه ابتسام ..
ابتسام ع طول مسكت يدها ولوتهاا وهي تهمس : اكسر يدك لو ماعدلتي اسلوبك معي

سالمه تحضن يدها بعد ماتركتها متألمه ومتفاجأه من ردة فعلهاا : انجنت انا اشهد


ابتسام واللي سوته بسالمه وشافت الخوف بعيونها زاد ثقتها بنفسهاا فتحت الباب بقوه وراسها مرفوع دخلت وسكرت الباب بدون ماتناظره ..
ونزلت عبايتها ورتبت شعرها ع التسريحه وهي مطنشته وكأنه مو موجود ..

زيد جالس ع السرير ويتأملهاا تناظر حالها بالمرايه : قمر وربي

ابتسام لفت عليه وبدون نفس : ماطلبت رايك

زيد : ابتساام احترمي نفسك ولاتخليني اعصب عليك واسوي اشيا ماترضيك

ابتسام : احترمك اذا انت احترمتني مو تخلي كل من هب ودب يتمسخر علي بسبب افعالك

زيد قرب منهاا بهدوء : افعالي !!

ابتسام جلست ع الكنبه بتبعد عنه : اييه تسافر المغرب وتقلي انك رايح دبي وسهراتك كل ليله ماتخلص وتجي فاصل ماتدري وين ربي حاطك وماتبيهم يتمسخرو علي

زيد جلس جنبهاا : مين يتمسخر عليك

ابتسام بدموع تماسيح : اختك حياة ومي وسالمه في كل جلسه يتكلمو عنك وانا اسكت ماقدر ادافع عنك بعدين يقلبو السالفه ع راسي ويسوو لي مشكله

زيد انقهر : لاتسكي لهم

ابتسام : انا اخاف تهاوشني اذا دريت اني تكلمت عليهم او سويت شي

زيد : لا مااهاوشك حلوه هذي يقطعو فيني قدامك وانتي منطمه

ابتسام وبنفسهاا تتحلف لهم دامها اخذت الكرت الاخضر وتطمنت ان زيد مارح يفشلها قدامهم والله لااقلب الطاوله عليكم ..

×
يتبع...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 14-08-2018, 12:11 PM
صورة cloud24 الرمزية
cloud24 cloud24 غير متصل
©؛°¨غرامي مشارك¨°؛©
 
الافتراضي رد: برد الجفا / بقلمي


تكملة البارت
×
×

جالسه عند النار تجدد القهوه وتتسمع سوالف ابوها وابو حمود .. مبسوطه ع سوالفه يجيب قصص الناس زمان ومعها قصيده ..
انسان طيب مرره وع نيته
سمعت صوت سياره كشرت اكيد هذا فالح النسونجي ..اخذت دله القهوه وحطتها قبال ابوهاا : انا بروح انام تبي شي

محسن : سلامتك

ابو حمود : الله يحفظك يابنيتي والله لو عندي عيال بسنك كان زوجتك له

سلمى طلعت وهي تضحك ع تعليق ابوهاا
محسن بضحكه : احفادك كبرهاا

مشت لخيمتها وكتمت صرختها لما سمعت صوته وراهاا : ليش رفضتيني

سلمى قلبها يدق بخوف هذا ايش جابه مو مخليها بحالهاا

عبدالله بهدوء : ردي علي

سلمى لفت عليه تبي تصرفه تخاف ابوها يطلع من المجلس ولا شي وبصوت واطي : الزواج مو غصب واحترم الرجال اللي ضيفك ببيته وتجي تتعدا ع حرمته ورجع حمامي يالسرووق

عبدالله يناظر عيونهاا من النقاب وهي تتكلم مو حاسه بنظراته

سكتت وانتبهت لنظراته صدت عنه بخوف مشت للخيمه وراحت جري لشباكها شافته واقف بنفس مكانه وشاد ع قبضه يده رفس الارض برجله : الله ياخذهاا

حطت يدها ع قلبهاا وبنفسها الله لايتقبل منك ..

×
×
×

طلعت السطح ونجوى وندى واسيل وراها ..
وقفت واخذت نفس : اااه الله يازين الجو دافي والقمرا الله

نجوى فرشت السجاده وندى وزعت المخدات عليهم وجلسوو
ندى ناظرت اسيل تطقطق بجوالها : من الحين اقول جلستنا مانبي فيها جوال اللي تبي جوالها تنزل تحت

اسيل مدت بوزهاا : بس لحظه بسمعكم شي

سكتو البنات وناظرو الجوال
قالوا ترى مالك امل في قربها لو يوم
ابعد وجنّب دربها .. هذا هو المقسوم
قلت اتركوني واسكتوا .. خلو العتب واللوم
قدني غرقت في بحرها .. ولاعاد يفيد العوم

نجوى تناظر ندى : اكيد مادخلتي ع حسابه

ندى : مافضيت

نسيم تضربها ع خفيف : ماشاءالله يالبرنسيسه اسيلووه ارسلي لي بتابعه والله صووته رهيب

اسيل : ايه بس يقهرني ذوقه بالاغاني قديم مايغني جديد

نجوى : عزوز بطل اغاني من زمان ويغني من اللي كان يسمعهم مو مثلك استغفر الله

اسيل ترفع يديها للسما : يارب تهديني

نسيم قفلت جوالها : يالله اللي عندها سالفه تسدحهاا

ووسط سوالفهم سمعو صوت ضربه قويه .. ماعرفو ايش هي نسيم قفلت لمبه السطح وراحت للسلم رقت كم درجه وناظرت الشارع
اسيل : ايش تشوفي سوي لي مكان جنبك بشوف

نسيم : مااشوف شي

ندى : خلاص انزلي لااحد يشوفك

نسيم نزلت نظرها لبيتهم : سيارة خالد

اسيل حشرت نفسها جنبها تشوف : ماافي احد غير السياره

نجوى : لا يكون دخل البيت واحنا ماندري وحده تنزل تشوف

ندى : صح يمكن بنزل اشوف

نجوى : خلاص بنات انزلوو

نسيم : والله وناسه هناا


نزلت مع الدرج واخذت شرشفها ولفته ع شعرها وطلعت عند الباب الداخلي تناظر الحوش والمجلس المفتوح : خالد انت هناا

سمعت صوته داخل المجلس : تعالي ندى

ندى لبست الشبشب ونزلت الشرشف ع كتوفهاا وراحت للمجلس ..
وقفت ع الباب شافته جالس وقباله سلاح : كان قلت لنا انك جاي مو كذا تدخل

حست عيونها بتطلع من اليد الكبيره اللي سدت فمها ورصتها ع الجسم اللي وراهاا مو شايفته ..

خالد وقف وبضحكه شريره : مصدقه اني خالد خالك هههههه

جسمها يرجف مو مستوعبه اللي يصير لا مستحيل هذا خالهاا تعرفه زين .. حست بشي ع راسها حركت عيونهاا بخوف لااا مسدس

اللي وراها بصوت ثقيل : اعطيني الاسوره اللي بيدك بسررعه

خالد ينظف سلاحه وكأنه وكل المهمه لغيره ..

ندى والدموع بعيونها وتحاول تشغل عقلها وبرجفه نزلت الاسوره الذهب من يدها ورمتها ع الارض وبكوعها رفسته ع بطنه بقوه
تركها وتراجع ع ورا لام يدينه ع بطنه متوجع

ندى تصارخ باعلى صوتهاا وهي تجري للباب بدون ماتناظرهم ..

خالد لحقها بسرعه وهو يضحك مسكهاا مع يدها : اوووش ندى فضحتيناا

ندى وهي تبكي وتدفه عنهاا : بعد عني بناااااااات نسيييم بعد.اقوولك

عبدالعزيز نزل لثامه وهو ميت : هههههههه وربي مقلب اهدي

ندى نقلت نظراتها بينهم بصدمه جلست ع الارض وغطت وجهها بيديها وتبكي ..

خالد بسرعه طلع للبنات لما سمع صوتهم لاحظ ثنتين ع طول رجعو ع ورا
نسيم : ايش صاير

خالد : ارجعي عبدالعزيز بالمجلس


عبدالعزيز جلس قبالها وهو يحاول يمسك ضحكه : ليش تبكي الحين

ندى تشهق ببكا : وربي نذااله

خالد دخل وهو ماصدق يخلص من نسيم تحقيق : للحين تبكي اييي ياندى

ندى تبعد شعرها عن وجهها وتمسح دموعها بقفا يدهاا وهي تناظر خالد متجاهله عبدالعزيز : طيييب والله مااسامحك

خالد : تعالي خذي حقك والله مااخليها بنفسك

ندى وقفت بقهر وراحت له ومسكت يده وعضتها بقووه
خالد دفها عنه متألم وهو ينفض يده : اعووذ بالله ادميه انتي

عبدالعزيز وعيونه تلاحقها وابتسامه ماتفارقه ..

ندى وهي متجهه للباب : باقي ماشفت شي

خالد يأشر ع عبدالعزيز : وهذا بعد ماتبي تاخذي حقك منه ولا معه واسطه

ندى لفت تناظر عبدالعزيز اللي رجع ع ورا بخوف لاشعوريا .. ابتسمت بضحكه وطلعت

عبدالعزيز رمى حاله ع الارض باستهبال : ياجعلني فدووة عيونهاا

خالد بضحكه : اقوول قم بس نظف سلاحك تأخرنا ع الشله

×
×
×

ناظرت منصور دخل المطبخ باحراج وهي تتذكر زيد ضربها قدامه جعل يده الكسر بس ارتاحت لما شافته جلس يفطر مو فايق ولا يناظر احد

جهزت القهوه وخلاص بتطلع بس انصدمت لما شافت زيد ولاول مره تشوفه متجهز للدوام وجاي بيفطر ومكشر هو الثاني اشر لها ع كوبه بدون مايتكلم

صبت له حليب .. وجلست معهم ع الطاوله وهي مالها تنفس تاكل بس ماتبي تروح ويرجعو ينادوهاا تسوي شي ..
تكون بالمطبخ لين الكل يخلص فطوره ناظرت مي وسالمه حايسات مع بزارينهم مسوين ازعاج ع هالصبح

رفعت عيونها للباب الخارجي اللي انفتح محد يجي من هنا غير جياد ..
جلس بمقدمه الطاوله وصب لنفسه حليب

منصور طلع ودخلت حياة و اصاله متجهزه للجامعه ..

مي : وينك حياة تأخرتي حاولي تفطري بسرعه عشان مايتأخرو العيال

حياة تاكل ع السريع عكس اصاله تاكل بهدوء ولاهمها اذا بتأخرهم

زيد وقف وطلع طلعت وراه وهي تبي تبين للبقرات الثلاث انهم سمن ع عسل ..


مي تقلد مشية ابتسام وهي بمكانهاا : ماامدانا انفكينا منها ونفرح الا ت

سكتت وهي تناظر حياة تأشر لها ع جياد لايدري انهم سبب هوشتها مع زيد ..


رجعت للمطبخ بعد ماالكل راح دوامه تبي تشيل الفطور ولما تصحى عمتها تحط لها فطور وتفطر معهاا

وقفت ع الباب تناظر جياد للحين بمكانه ومي وسالمه يفطرو بروقان بعد برزانهم

اخذت الاكواب الفاضيه تغسلهم اووف متى يشبعوو تبي تغسل مواعين الفطور وتروح تنام لها شوي قبل تصحى عمتهاا

مي تشرب من الحليب وتنزله بتقرف بتقهر ابتسام : اييه ياابتسام ماتعرفي شي اسمه سكر حليبك ماصخ مافي سكر

جياد تأملها وهي تناظر مي بنظرات مو فاهمهاا .. شافها قربت من مي ودخلت اصبعها بكوب الحليب ..
حس الحركه هزت قلبه هز
تتبعها بعيونه تطلع من المطبخ وهي تمسح يدينها ببعض

مي : شووفي بنت اللذين ياشين الثقه الزايده " وقفت وكبت الحليب بالمجلى "

سالمه تمسح ع يدهاا : مو اقوولك قويانه

جياد وقف ودف الكرسي وطلع من الباب الخارجي مو متحمل يشوفها مره ثانيه .. واثقه انهاا حلاا سكر ع هالجمال ماشاء الله
×
×

تتأمل يدينه اللي تأشر صح عند اسمها واسماء الابنات بعدهاا .. فتحت الكتاب ع درسهم الجديد
وهي تحاول تركز وتفهم معه وتبعد الافكار من بالهاا بس هي تحس انه يعاملها غير عن البنات حتى في طريقة نطق اسمهاا
يمكن يتذكرني وانا صغيره وعاجبته ضحكت ع افكارهاا وهي تتمناها صدق

ميعاد : نسيم ايش فيك ماتسمعي

نسيم رفعت راسهاا : هلا

ميعااد : الله يخلف عليك قوومي الدكتور يسألك

نسيم عدلت جلستها وهي تناظر البنات الكل يناظرهاا : ايش سأل

البنات قدام يقولو لها بسرعه تعالي لايعصب نسيم راحت وهي مو عارفه ايش تجاوب
البنت تقولها بهمس : ماسأل بس نادا عليك

نسيم وهي مستحيه منه تتذكر كلامها لعبير اذا كان سمعه : ايوه دكتور

د. عامر : صار لي 5 دقايق منادي عليك وين كنتي

نسيم باحراج وصوتها واطي : جالسه ورا ولين ماجيت

د. عامر سألها سؤال في المحاضره اللي فاتت
نسيم فتحت ع المحاضره اللي فاتت وجاوبته بسرعه ورجعت مكانهاا وهي تفكر وتأكد افكارهاا انه يميزها عن البنات ..

×
×
×

جهزت القهوه وجلست تنظر صالح يجي ياخذهاا ..
نجوى : يمه مين عند ابوي

ناديه : عمك محسن

نجوى : ايش عنده

ناديه : وانا ايش يدريني انت ليش صايره تحشري نفسك باامور مالك دخل فيهاا

نجوى : ايش فيك يمه عصبتي ماقصدي شي انا

ناديه وقفت : اذا جا ابوك اعطيه القهوه

نجوى جلست مكان امها مستغربه امها ايش قالب حالهاا
صالح دخل : وين القهوه

نجوى مدتها لها وطلعت لامهاا شافتها جالسه بالصاله تناظر برنامج طبخ ..
جلست قريب منها : يمه مضايقك شي

ناديه : اختك ليلى الله يصلحهاا كلمتها قبل شوي تقولي بندر يبيها تروح تتغدا عند اهله وهي رافضه

نجوى حطت مخده بحضنهاا : ليلى يبي لها رجال يكرشها كرش مو يشاورهاا

ناديه : والله انك صادقه طمعت في بندر طيب بزياده قلت لها لو ماسمعت كلامه لاعاد تكلمني

نجوى : الله يهديهاا وكمان ام بندر وبنتهاا لايطاقو الصراحه

ناديه : حتى لو لازم تحترمها عشان زوجهاا مثل ماهو محترمني ومهتم فيني لازم هي بعد تكون مثله


صالح دخل عليهم وجلس وبهدوء : محسن خطب

ناديه : ايش !!

صالح : محسن اخوي خطب وبيملك خلال هالاسبوع

نجوى تناظر ابوها وهي ساكته تفكر بالبنات وايش ردة فعلهم

ناديه : ومين اللي خطبهاا وايش طرا عليه هالخطبه الا الحين

صالح : وحده ماتعرفوهاا من ال.. مطلقه

ناديه تنهدت ومو عاجبها : من راسه يخطب كان قالنا نخطب له وحده نعرفها مو يخطب وحده مانعرفها والله يستر كيف تتعامل مع البنات

صالح : البنات كبار ماهم صغار عشان تخاافي عليهم والحرمه انا اللي خطبتها له ..

ناديه : وانت من وين تعرفهاا

صالح : اخت خويي علي

ناديه : ومين هالعلي اللي ازعجتنا فيه من متى تعرفه

صالح وقف معصب : تحقيق هوو ماني اصغر عيالك انتبهي لكلامك

وطلع وصفق الباب وراه ...

×
نهايه البارت الثالث عشر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 18-08-2018, 08:11 AM
صورة cloud24 الرمزية
cloud24 cloud24 غير متصل
©؛°¨غرامي مشارك¨°؛©
 
الافتراضي رد: برد الجفا / بقلمي


( البارت الرابع عشر )

في بيت بسمه ..

سلمى تعض اظافرها بقهر : الحين ماخذين راحتهم بالبيت واحنا الدلووخ اللي فضينا لهم البيت

نسيم اللي جالسه جنب سلمى : اي والله مدري ايش خلانا نسمع كلامك يابسمه

بسمه تصب الحليب في الاكواب ناظرتهم بزهق ولفت ع هديل تمد لها الكوب وهي توزع ع البنات ..

ندى تناظر نسيم وسلمى : الله يعين التفاهم مع البزارين صعب

بسمه : والله جبتيهاا لمتى وانا اتكلم ابوي لنفسه حق كم سنه بالله وهو جالس بدون زواج عشاننا

نسيم : مو عشاننا مين قال

بسمه : الا عشانك يالخبله ولاايش اللي مانعه مايتزوج

سلمى : طيب ليش يتزوج الا الحين

بسمه تناظر ندى بزهق

ندى : خلاص بنات ماصارت ابوي بكيفه واحنا كبار ماعدنا بزران نخاف من مرت الابو

هديل مدت الكوب لسلمى اخذته منها بقهر ..

بسمه وقفت وراحت لمحمد بالمجلس تجلس معه شوي عشان مايقول انشغلت عنه مع اخواتهاا ..
×
×
نزلت مع الدرج وهي لابسه عبايتهاا ومتحجبه ونقابها بيدهاا شافت حياة واقفه وتناظر من شباك الصاله الكبير قربت تبي تشوف ايش تناظر

انتبهت لجياد يغسل سيارته بالحديقه
اول كانت تحسب جياد اخو زيد بس قد نوره قالت مع السوالف انه ولد اختهاا
ابتسمت بستفزاز تعودت هالفتره هي تبدا تتحرش فيهم : ومراقبات لولد الخاله ايش معناته

حياة لفت عليهاا مصدومه ع طول جلست ع الكنبه : وانتي ايش دخلك رووحي لاهلك بس فكيناا

ابتسام ضحكت وهي تمشي جهة الباب : لا تخافي مابقول لاحد هههههه

حياة تنرفزت منها وطلعت غرفتهاا..


ناظرها واقفه عند الباب وهي متنقبه وتكلم بالجوال

ابتسام : وين رحت

زيد : مشوار قريب وجاي

ابتسام : اكيد تجي مو تسحب علي لاتنسى ابوي موصيك تجيبني

زيد : مارح اطوول

ابتسام جلست ع الدرج : استناك عند الباب ترا
ناظرت جوالها قفل بوجهها دخلت جوالها بالشنطه وهي تتأكد من الدقايق عشان تحسب لزيد كم يتأخر ..

جياد ناظر حوله مافي احد غيرهاا دخل اصبعه بلي المويه عشان توصل المويه لبعيد لفه ع جهتها وابتسم بمشاكسه ..

ابتسام رفعت عيونها له متفاجأه هذا كيف يتجرأ يرش عليها مويه اشوا المويه جات عند رجولها
وماحاست عبايتها وكشختهاا تمتمت بس سمعها : وقـح

جياد لف المويه عليها مره ثانيه وهو يضحك من كبت داخله .. شافها وقفت ورجعت كم خطوه ورا تتفقد عبايتها ..
ماتدري انه منتبه مايحوسها بالمويه بس يخوفهاا

شدت ع اسنانها متنرفزه من حركته اللي فسرتها فضاوه وحب نكاده

راحت جلست في الجهه الثانيه من الدرج لان مكانها تبلل وهي تتحلف له بيدها يعني لا تعيدها احسن لك

ناظرته متفاجأه ينطط ويروش نفسه بالمويه ويضحك بخبال الحمدلله والشكر ايش فيه ذا انهبل

يحس بسعاده صار شي بينهم ولو بيسط وبدون حوار بس يكفي تناظره وماعصبت منه وتتحللف له بيدهاا وكأنها تمزح معه

نزل المويه وهو يشوف سيارة زيد وقفت وهي راحت له
وبس قفلت بابهاا رش مويه ع السياره من جهتهاا وع كبوت السياره


زيد يضحك ع شكله مبهدل مويه لازم يبهدل الناس معه

ابتسام مستغربه من حركاته اكيد مو صاحي لايكون هو بعد يشرب مثل الاخوو والله العايله هذي ماتستغربي عليهم شي
×
×
بسمه حضنتهاا : ويين الغيبه

ابتسام سلمت ع البنات وهي تتعذر عن غيبتهاا
نسيم : كأنك ناسيه الحدث اللي ملتمين عشانه

ابتسام بضحكه : وينهاا

سلمى تأشر ع الغرفه بقهر : منحشره بالغرفه مثل البسه

نسيم : للحين ماشفناهاا شكلها خايفه مننا

ندى تقرص نسيم تسكت وهي تشوف ابوها يدخل : السلام

البنات سلمو ع ابوهم وباركو له ..
وجلسو ينتظرو ست الحسن والجمال تطلع

بسمه بصوت واطي : رجاءً بنات خليكم عادي مانبي مشاكل

ابتسام عادي متقبله زواج ابوها بس زوجته ع حسب لما تشوفهاا ..

: السلام عليكم
كلهم رفعو عيونهم للباب
بسمه تناظر ملامحها الحاده : وعليكم السلام

ابتسام تناظر طولها وضخامه جسمهاا : وعليكم السلام

ندى تناظر شعرها الاسود الطويل الخفيف : وعليكم السلام

نسيم تناظر الذهب اللي ماليهاا : وعليكم السلام

سلمى تناظرها وهي تجلس بدون ماتسلم عليهم ...

محسن يأشر ع كل وحده يقول اسمهاا : بسمه ام عبدالعزيز ابتسام ندى نسيم واخر العنقود سلمى

صيته بضحكه : وين اخر العنقود هذا زماان

سلمى ناظرتها بقهر ولاقدرت تتكلم تخاف ابوها يحرجهاا قدامهاا ..

محسن جلس ويأشر ع القهوه ع الطاوله : ندى صبي القهوه

ندى وقفت وصبت لابوها فنجان ولصيته ولابتسام وبسمه اشرت لها ماتبي ونسيم وسلمى نفسها

صبت لنفسها وجلست تناظر صيته تحاول تحلل شخصيتها مبين متوتره من حركه رجلها ونظراتهاا اللي ماثبتت ..

محسن وقف : انا بروح لصالح يبيني تبو شي

نسيم بسرعه : سلامتك بابا

ابتسام وندى مسكو ضحكتهم لااا عاد شطحتي نسيم بابا قالت ولا نظرة ابوها المستغربه بس طنش وطلع ..
بعد ماطلع محسن ..
بسمه طلعت جوالها وهي تكلم اخواتهاا : بتصل ع محمد يجيني اكيد عزوز وغيد بهدلو هديل

سلمى : يمديهم جننوهاا

بسمه وهي طالعه من المجلس والجوال بيدهاا..

ندى وهي تصب لنفسها فنجان : وانتي ابتسام متى تروحي

ابتسام : مدري والله

نسيم وقفت : انا بنام ورجاء لا احد يصحيني

سلمى تراقب الاحباط ع ملامح صيته ان محد معطيها وجه لفت ع نسيم وهي تسوي انها خايفه منهاا وتغمز لها : اكيد محد مقرب منك انتي اللي يقرب منك ياااويله

نسيم فهمت عليهااا : اييه خليك دوم متذكره ذيك المره شسويت فيك

ابتسام تحبس ضحكتهاا : حتى سلمى ماشاء الله ماتقصر يمه رعب انتي وياهاا

نسيم وسلمى طلعو بسرعه من المجلس لايضحكوو ويخربو اللي سووه ..

ندى اخذت فنجان صيته بتصب لهاا

صيته : لابس خلاص ماابي

ندى رجعت مكانها جنب ابتسام : براحتك

ابتسام تناظر صيته : عندك عيال

صيته برسميه : عندي ولد مع ابوه

ابتسام : اهاا كيف شفتي ابوي

صيته عدلت جلستها بارتباك : احم ماشاء الله ماعليه قصور

ندى ابتسمت وهي تشوف ابتسام مسويه شخصيه عندهاا : فنجان ثاني سوماا

ابتسام ماسكه ضحكتهاا : اييه

صيته : بيتكم قديم ماتوقعته كذا

ابتسام : ايش توقعتيه قصر ولا فيلا

صيته تمسح ع شعرهاا : لا ماتوقعت شي بس اممم هو البيت حلو الصراحه بس مبين قديم بس

ندى وعيونها عليها تحلل شخصيتهاا
ابتسام : ايه هذا بيتنا من كنا صغار اختيار امي الله يرحمهاا وابوي مايبي يغير البيت بعدهاا ولا رح يتغير رح نبقى فيه لاخر العمر ان شاءالله

ندى بعد ماسكتو فتره : ايش شهادتك

صيته : سادس

ابتسام وندى ناظرو بعض ..

بسمه دخلت وهي لابسه عبايتها : يالله بنات توصو شي

ابتسام : سلمي ع عمتي والبنات

بسمه تناظر صيته : يوصل مع السلامه
×
×
ناديه : كيف شفتو زوجه ابوك

بسمه وبحضنها غيد : مدري والله للحين ماعرفناها الواحد مايحكم ع الشكل

نجوى : حلوه ؟

بسمه ابتسمت : لا عاديه

ناديه : ان شاءالله تكون طيبه وتخاف الله فيكم

بسمه : ماعادنا صغار ياعمه ونسكت عن حقناا

ناديه : اكيد بس مهما كان لو طلعت شريه ماتسلمو منهاا

نجوى : ايه وتفتح عليكم باب مشاكل

بسمه : الله يعين احنا مانقول غير كثر الله خيره ابوي صبر وماتزوج واحنا صغار

ناديه : صادقه والله

×
×
جالسات ع الارض بغرفتهم .. وبوسطهم القهوه وصينيه حلا

نسيم : للحين مو مستوعبه زواج ابوي

ندى نزلت ملعقتهاا : احسها من تحت لتحت اول شي كانت بتتقوى علينا تحسبنا مساكين

ابتسام : ايه حتى انا لاحظت بس لما شافتنا مع بعض ومحد اعطاها وجه انخرشت

ندى : هوشاتنا نبطلهاا اذا بنتهاوش مو قدامهاا

ابتسام تاشر ع نسيم : خاصة انتي نسيم دايما تبدأي الهواش بطلي

نسيم : خبرك عتييج الحين ندى اللي بس تهاوش مسويه كبيرة البيت

ابتسام بضحكه : المهم خليكم يد وحده لاتتفرد فيكم

ندى تناظر سلمى اللي تاكل ولاتتكلم : سلماان ايش اللي تطبخه براسك

سلمى بهدوء : باقي ماجهز

نسيم : يمه منك قولي لنا ايش تفكري

سلمى تناظرهم : اخاف ابوي يتغير عليناا

ندى : قصدك يتغير عليك انتي وبسمه ولااحنا الثلاثه ماتفرق

ابتسام راحت لجوالها اللي يدق اشرت للبنات يسكتو : هلا

زيد بهدوء : انا بمجلسكم يلا بنمشي

ابتسام بااستغراب : بالمجلس من متى ابوي جاك

زيد : ايه كنت جالس معه يلا لاتتأخري

قفلت منه وناظرت البنات : زيد بالمجلس واحنا هنا ماندري عن شي ابوي كان عنده

ندى : ايش بنسوي يعني احراج نجلس بالصاله وابوي وزوجته بغرفتهم

نسيم تناظر ابتسام تلبس عبايتها : اكيد زيد هو اللي خلا ابوي يطلع من الغرفه

ابتسام تلبس نقابهاا : اتوقع بيبارك له ياحظي

سلمى : من بكره نجلس بالصاله وع التلفزيون نفس قبل ولا علينا منهم
ابتسام سلمت عليهم وطلعت
×
×
ناظرته باستغراب ينسدح ع السرير ويغمض عيونه ..
من اول مارجعت له ماصار يشرب وينام بالليل ويداوم كذا تحسه انسان طبيعي في امل تتعدل حياتها معه

زيد مغمض عيونه : بكره اهلي بيطلعو باستراحه اذا تبي تروحي معهم

ابتسام : انت مابتروح

زيد : لا بروح عرس خويي

ابتسام : الكل بيروح

زيد : ماادري انتي شوفيهم بيروحو من الفجر وسوي اللي يريحك

ابتسام انسدحت بجهتهاا وهي مقرره ماتروح وين الوناسه اللي تجي من مقابل البقرات الثلاث ..
×
×
صحت الصباح متكسله مالها خلق تداوم بس قومت نفسها بالغصب لفت ع سلمى داعسه بالنومه

بالصاله فارشه الصفره ومجهزه الفطور وقفت متردده تصحي البنات ولا لاء بس اللي تعرفه انهم يدرسو بالجامعه ..

وقفت ع باب غرفتهم وقبل تدق الباب انفتح وطلعت نسيم اللي ناظرتها باستغراب

صيته: كنت بصحيكم عشان ماتتأخرو ع الجامعه

نسيم عدت من جنبهاا رايحه للحمام : صاحياات

صيته ناظرت الغرفه وهي برا شافت سلمى اللي كانت جالسه رجعت انسدحت وتغطت
ترددت تصحيها ولا بس آخر شي خلتها ورجعت جلست بالصاله تنتظرهم ..


سلمى لابسه عبايتها وتلف الطرحه وقفت وهي متنحه بالفطور اللي انقطع من بعد زواج ابتسام
كانت تصحى تسوي لهم فطور مو مثل ندى بس تصلي وترجع تنام

صيته ابتسمت لهاا : افطري قبل تروحي

نسيم طلعت من الغرفه وهي تعدل نقابهاا : سلمى اجهزي سمعت صوت الباص عند ميعاد

سلمى ابتسمت لصيته : مايمديني يعطيك العافية

نسيم تناظر سلمى بقهر ع طول اعطتها وجه عشان فطور ..

صيته ابتسمت بسعاده وهي تسوي ساندويش ع السريع : خذيها معك اكليها بالباص

سلمى اخذتها منهاا : تسلمي
نسيم طلعت معصبه وهو مو عاجبهاا الوضع وقفت عند باب الشارع تنتظر الباص وهي تهز رجولها معصبه

سلمى وقفت جنبها وهي تاكل ووقفت اللقمه بحلقها لما صرخت عليها نسيم : ليش تعطيهاا وجه احنا ايش اتفقناا وين كلامك البارح

سلمى بضحكه : خقيت ع الفطور

نسيم تقاطعها متنرفزه : بطينيه من يومك وجع يلا قدامي اطلعي
طلعت سلمى للباص ووراها نسيم تتحلطم وجلست جنب سلمى : ع الله ندى تكون ع اتفاقنا وماتسوي غدا

سلمى تعدل جلستها : ان شاءالله

نسيم ارسلت لندى تذكرهاا ..
×
×
جالس بالصاله يفكر ويحاول يحسبها صح لمتى وهو عايش بالديون ومعتمد ع عياله لازم يدخل هالمشروع ويغامر لو مره بحياته ..

ناديه : ابو محمد شفيك ماترد علي

صالح رفع راسه عن الورقه : بالي مشغول شعندك

ناديه جلست جنبه بقلق : في ايش مشغول قولي صاير شي

صالح يضرب بالقلم ع جبينه بخفيف : في مشروع بدخل شريك مع خويي و90 بالميه ينجح ان شاءالله وتنفتح عليناا

ناديه : مشروع !!؟

صالح : ايه خلاص ياحرمه لاتسأليني عن شي خليني اشتغل براحتي

ناديه راحت عنه وهي تقول بقلبهاا الله يستر من افكارك ياصالح وقفت ع باب المطبخ وهي تناظر نجوى تطبخ الله يرزقهاا بالزوج الصالح

نجوى لفت ع امهاا : يمه سويت كيكه ناخذها معنا لما نروح بيت عمي

ناديه : حلوو يعطيك العافيه
×
×
دخل المطبخ وشافها تقطع سلطه والقدر يطبخ ع النار : السلام

صيته بابتسام : وعليكم السلام هلا بالغالي

محسن ابتسم لها وجلس ع الكرسي قبالهاا : ماشاء الله ايش هالريحه الزينه شطابخه

صيته : مسويه دجاج مشوي ورز بيعجبك

محسن وهو يضحك : انا من الريحه شبعت خلاص

صيته ضحكت : خلاص عاد لاتحرجني

محسن : طيب وين ندى خليها تعلم منك غير كبستها اللي متدبسين فيها كل ظهريه

صيته : هههههه هذا هم بنات هاليوم مالهم بالطبخ

محسن : انا مالوم بناتي ماعندهم اللي يسنعهم بس دامك موجودك الومك انتي اذا ماتسنعوو

صيته : ابشر ع هالخشم بناتك بناتي

ندى راحت غرفتها جري لما حست بصوت الكرسي تحرك وان ابوها بيطلع .. قفلت باب غرفتها بهدوء ورجعت انسدحت ع سريرها ع انها نايمه ...

محسن فتح الباب ووقف عنده : ندى ندى قوومي كل هذاا نوم

ندى تتحرك تحت اللحاف بتمثيل

محسن : ندى يلا اصحي

ندى بعدت اللحاف عن وجهها وبصوت ثقيل : خلاص صحيت
جلست بعد ماطلع ابوهاا وهي تضحك ع حالها من متى هي كذا تتمرد ع ابوهاا صدق من عاشر القوم

دخلو البيت وسلمو ع ابوهم الجالس بالصاله
نسيم سيده ع غرفه ندى : ايش سويتي

ندى بصوت واطي : سحبت عليها ونمت هي سوت الغدا

نسيم : كذا حلوو اهم شي اول مره تتأقلم انها هي استملت البيت وشغله احنا مالنا دخل

ندى بقهر : وييين ياحلوه سمعت ابوي يقولهاا علمي بناتي السنع ويقول عن كبستي متدبسين فيهاا كل ظهريه هذي نهايه تعبي كل يوم اسوي غداا

نسيم تضرب كفوفها ببعض : من جد يقول عنا مو سنعات من اولها كذا يامحيسن طيييب

سلمى دخلت وهي مبدله : يلا انتي وياهاا ابوي ينتظرنا ع الغدا تجنن ريحته جعت بزياده

نسيم عضت شفتها بقهر وهي تدور شي تضربه بهاا : هذي اللي بذبحهاا

سلمى طلعت تضحك ..

ندى تدف نسيم قدامهاا : امشي بس حتى انا اشتهيت الغدا من ريحته

×
×
×

واقفه تغسل بعد الغدا وهي تتمنى بندر يقول لهم بنمشي انتبهت لنظرات اخلاص من المرايه صدت عنهاا عشان ماتبدأ مشاكل ..

اخلاص وقفت جنبهاا : متى عرس اخوك عبدالعزيز

ليلى وتتمنى تتوطى ببطنها من بعد ماقالها عبدالعزيز عن سواتهاا : ولك عين بعد تسألي بعد اللي سويتيه احشمي نفسك لا اقول لبندر عنك

اخلاص بقوايه عين تكي ع الجدار وابتسامتها مستفزه : قولي ايش اللي مانعك

ليلى ناظرتها من فوق لتحت باحتقار وعدت من جنبهاا وهي تحاول تتمالك اعصابها .. رجعت جلست عند ام بندر بالصاله
وشوي دخل بندر اللي كان عند اخوه بالمجلس وقالها مشيناا
لبست عبايتها بسرعه وهي تحمد الله انها طلعت من هالبيت ماتدري كيف كانت ساكنه فيه ..

بندر حرك السياره : هاه كيف الجلسة صار في تصادم

ليلى : لا الحمدلله شايف احسن كذا اكون بعيده عنهم مايمونو علي
×
×
طلعت من الغرفه تمشي ورا زيد كاشخ وكأنه عرسه مو عرس اخوه .. ماتدري جاها هاجس ان اليوم عرسه واهله في العرس مو باستراحه
ومخبيين عنهاا .. واذا صدق تحليلهاا زيد مايهمهاا بس اللي يهمها كلام الناس انه تزوج عليهاا وهم توهم ..

انتبهت لاصاله فتحت باب غرفتها ومن شافت زيد دخلت وقفلت الباب

زيد لف عليها وهو ينزل : زين اصاله عندك

ابتسام ارتاحت انها مو لحالها بالبيت : الحمدلله

بعد ماطلع راحت المطبخ تسوي لها شي بسيط تاكله هي واصاله ..
ياحلاة البيت هادي من صحت الصباح ومالقتهم ..
ماهمهاا ان محد قالهاا تروح معهم بس اللي مستغربته عمتها كيف مااهتمت فيها وسألت عنهاا

فتحت الثلاجه وهي تكلم نفسهاا بروقاان : فكككه منهم كلهم خليني بس ارووق لحالي

طلعت حليب وفتحت الدولاب واخذت القهوه الفرنسيه
تبي تسوي قهوه فرنسيه بالحليب ..

سمعت صوت سيارة دخلت الحديقه .. قربت من الباب الخارجي وبعدت الستارة شوي
شافت جياد ينزل من سيارته ويروح لغرفته ..

جهزت فناجين القهوه بصينيه وطلعت فوق لاصاله لازم تكسبها بصفها وتطلعها من الصمت اللي عايشته طلعت فوق ووقفت عند غرفه اصاله دقت الباب بهدوء
ماردت عليها دقت مره ثانيه : اصاله انا ابتسام

وقفت تنتظرها تفتح بس ماتسمع ولا صوت ترددت شوي بعدين فتحت الباب : معليش
وقف الكلام بحلقها وهي تشوف اصاله طايحه ع الارض نزلت الصينيه ع الطاوله وراحت جري لها
جلست جنبهاا وضربت ع خدودهاا : اصاله اصاله اصحي بسم الله عليك

حاولت تصحيها بس وكأنك تحرك ساكن تجمعت الدموع بعيونها اول مره يمر عليها موقف كذا كيف بتتصرف ..
طلعت تجري اخذت عبايتها من الغرفه لبستها وهي تنزل وتتحجب
طلعت مع باب المطبخ الخارجي


يعدل شماغه ع المرايه مواعد واحد من اصدقائه زمان اخذ مفتاحه وجواله بجيبته
لف ع الباب اللي يدق وصدمه صوتهاا : جياااد جيااد بسرعه الله يخليك

فتح الباب بسرعه خايف من نبرة صوتها والدموع اللي بعيونها : ايش صاير

ابتسام برجفه : اصاله ماادري مو راضيه تصحى

جياد تحرك بسرعه قبلها ودخل مع باب المطبخ اصاله يعزها ويحبها من هو صغير هي الوحيده من عيال خالته ماضرته او جرحته بكلمه راح لغرفتهاا اللي يتذكرها زمان شافها طايحه ع الارض
حاول يصحيها ولا هي حاسه باللي حولهاا
ابتسام جابت عبايتهاا : ناخذها المستشفى

لبست اصاله عبايتها وشالها جياد وهي دخلت غرفتها بسرعه اخذت نقابها وجوالها ونزلت تجري

وقفت عند السياره
جياد نزل اصاله بالمرتبه اللي ورا وقفل الباب شاف ابتسام واقفه ورا
ابتسام بسرعه : بروح معكم

جياد مارد عليها وركب وشغل السياره

ابتسام فتحت الباب اللي ورا مالها مكان اصاله منسدحه بكامل المرتبه ع طول فتحت الباب اللي قدام وركبت قبل يحرك السيارة

جياد : كم صار لها مغمى عليهاا

ابتسام : ماادري هي كانت بغرفتهاا ماادري ايش صار لهاا

جياد شد ع الدركسون وهو يحاول يسرع ويركز بطريقه ومايفكر باابتسام وقربها منه

وقفت قريب وهي تسمع الدكتور يقول لجياد السكر منخفض مرره
توها تدري ان اصاله عندها السكر

جياد لف عليهاا : عادي ترافقي معهاا الدكتور يقول لازم تتنوم

ابتسام تفرك اصابعها بتوتر : اكيد عادي بس هي كيف صحت ولا

جياد غصب يناظر يدينهاا واصابعها الطويله : ماصحت ممكن شوي تصحى

ابتسام تناظر باب الغرفه ومو حاسه بنظراته : ادخل عندها الحين يعني

جياد يحس بألم بقلبه مايبي هالحوار بينهم ينتهي : اييه

ابتسام فتحت الباب ودخلت شافت اصاله للحين ماصحت والمغذي بيدهاا
جلست ع الكرسي وطلعت جوالها من جيبها ترسل ع زيد تقوله عشان مايسوي لها سالفه

شوي كذا سمعت الباب يدق بهدوء
عدلت نقابهاا وراحت فتحته ناظرت جياد مبتسم وبيده كيس : مويه واشياء بسيطه تبي شي ثاني

ابتسام مدت يدها واخذت الكيس اللي ماده لهاا : مشكور

جياد بيطول السالفه : اصاله صحت

ابتسام بعدت عن الباب عشان تسكره : لا

جياد استحى ع وجهه : يالله انا رايح البيت مع السلامه

ابتسام سكرت الباب ورجعت جلست ع نفس الكرسي
فتحت الكيس تشوف ايش جايب
اكثر من علبه مويه
وعصيرات اغلبهم فراوله
ولوزين تصبيره اكثر من نوع

اخذت لها عصير فراوله والباقي رتبتهم بالثلاجه ..

وفي سيارته
شارد بتفكيره بالحوار اللي صار بينهم يتذكر نبرة صوتها ناعمه وتحاول تكون رسميه
ناظر الكرسي جنبه .. كانت هناا مايفصل بيني وبينها الا شي بسيط
لو كانت زوجتي بتركب جنبي وامسك يدهاا اشبك اصابعي باصابعها الطويله
×
×
يصور طريقه وهو يمشي ويتكلم : عبوود وينك الكل يسألني عنك
بالنسبه للي يسألني انت مين هههههه انا سرقت القناه لما شفت عبود مطنشهاا ماينزل شي

قرب من شبك الحمام وعبدالله جالس يتأمل الحمام ومعطيهم ظهره : هذاا عبود مسكته لكم عبووود ايش فيك

عبدالله لف عليه : تصور ؟!

الرجال يثبت الكاميرا ع عبدالله : ايه نبي جديدك يالغلا

عبدالله ناظر في الكاميرا شوي بعدين لف ع الحمام :
لحًحدنٍ يحححآكيني ترى الخخآطر آقصآه ..
والدمع يَ قلب العنإ مآيططيبك ً ..
حتى لـِؤ آبكي وش ورى ـآ دمعي ومآه
ويلي على آدري ويش قلبي يبي بـك
تطططري علي وآلقلب مَ جججآه كفآه ..
غآيب لكـن ً غيبتك ً مَ تغغيبك
متععومس الخآطر ويَ قلب ً ويلآآآآآآآه
مَ قد ذبححني إلآ سسكوتك وطيبكً
ولآ إنت ً ! يَ لآهي ولآ إدري ويش آلهإه
طفِ بوصصآلك مَ بقى منً لههيبك ً
يَ ححبك لقطع ً الموآصيل حبآه
قططعت ً قلبي منك ً لآ قطع ً صصيبك
وسويت ً في اللي سسوآتكً مَ سسوآه ..
وآتحملك مَ همممإ جرى وآرتضي بـك ً ..
يآذآبحي يَ صصبر ذآ القلب صصبرآه
ذبححته بكفك وهو ملتجي بـك ً
آتروح ؟ روح ً ودربك آلله يرعإه
لو آبغى آججيبك آعرف وششلون آجيبك
در في ثرى الدنيآ ومثلي مَ تلقآه ...
تبططي عظم مَ ششفت ً زولن ً يذبك ً
حظ الهوإ الي تعيش به بس حظظآه
لآنه الوحيد الي قدر يخخختلي بك ً
آدري عليك من ً الهوإ وآتححشآه
وآروف بك ً وآهيم بكً وآعتني بكً
لآنك سسحآوي والسسحى يكسر آجبآه ..
وشلون مآتبغى الهوآ يسستحي بكً ..
عيبي آححبك لو غرإمك معإنإه
وآنت الغغيآب الي بلآ ععذر عيبك
آضيق منً جفوإك وآججرهإ آآآآه
آخخآف منً غدر الزمإن يغدي بك ً
لو آنك تدري خآطري عقبك ً آيش جآه
يمكن تنوحً الليل وآتططر جيبك ً
آششره على الححب الي عططيتك يآآآه
ملعون حظ حط حبي نصصيبك
هملتني بينً الإمل والمحإتإه
مدري عدوك صرت ولآ حبيبك !

رجعت عادت المقطع مره ثانيه وهي تشوفه كيف متغير ونحفان مو مثل اول ماشافته وحماماتها بالشبك يتحركو بهدوء ..
قفلت جوالها ورمته ع السرير وطلعت من الغرفه ماتبي تختلي بنفسها وتفكر فيه وتتأثر وتندم ...

راحت للبنات لما شافتهم واقفات عند باب البيت ...
نجوى : تكفين ندووش بطليها هالرسميه معه

ندى ترتب شعرها بالمرايه اللي بالمدخل ولاترد عليهاا

سلمى : ايش فيكم

نجوى : عزوز بالمجلس وطلب ندى

سلمى تناظر ندى : وتروحي ويدك فاضيه خذي معك القهوه

ندى : ودينا القهوه له من بدري
وطلعت وهي تعزز ثقتها بنفسهاا ودخلت المجلس بهدوء : السلام

عبدالعزيز وقف : وعليكم السلام

وتقدم منها وسلم عليها بيده وع خدودهاا ورجع جلس وهي جلست بعيد عنه شوي ..
تأملهاا وهو يتذكر كلمته لها مافيك انوثه والله انه ظلمهاا : احمم اخبارك

ندى : تمام الحمدلله انت اخبارك

عبدالعزيز : بخير الحمدلله

ندى بتبعد التوتر عنهاا وتوضح له ثقتها ناظرت القهوه ع الطاوله : تقهويت ؟

عبدالعزيز يكذب : لا

ندى وقفت وصبت له فنجان اخذه منها وقربت منه التمر والحلا وصبت لها فنجان ورجعت مكانهاا ..

عبدالعزيز : قالت لي نجوى انك مانجحتي بالاختبار

ندى : نقصني عن النجاح درجتين يمكن خيره

عبدالعزيز : يالله تعوضيها ان شاءالله في اختبار ثاني صح

ندى : ايه قدمت عليه

عبدالعزيز ابتسم لهاا : يلا عاد شدي الهمه وادرسي من الحين

ندى : ان شاءالله

عبدالعزيز يفكر ايش يتكلم معها كمان مايبي الصمت بينهم يطول لازم يفتح سالفه

ندى شربت من فنجانها تبعد التوتر واكتشفت انه فاضي سوت نفسها تشرب ونزلته ع الطاوله قبالهاا
لفت ع عبدالعزيز متفاجأه لما قالهاا : فستانك حلوو

وابتسم باحراج : وبعد شعرك اسود طبيعي صح

ندى صدت عنه باحراج وبصوت واطي : ايه

عبدالعزيز : حلو القصير عليك بس لاعاد تقصينه ابي اشوفه طويل

ندى حست وجهها يحرقهاا ومتأكده انه احمر ماتعودت ع جلسه هاديه مع عبدالعزيز وكلام كذاا

عبدالعزيز وعيونه عليهاا يبيها تتكلم : تعرفي تطبخي

ندى شدت ع اصابعها باحراج ومتورطه : اعرف حاجات بسيطه

عبدالعزيز تكى ع المركى عجبته السالفه : ايه وايش هم الحاجات تسوي كبسه

ندى بدون شعور ضحكت وهي تتذكر كلام ابوهاا عن كبستهاا حطت يدها ع فمهاا تمنع ضحكتها بس خلاص مو قادره توقف غطت
وجهها المحمر بيديها وهي تضحك

عبدالعزيز يناظرها باستغراب بعدين ضحك ع ضحكهاا : ايش فيك يابنت بسم الله عليك هههههه دووم الضحكه ياربي

ندى يادوب مسكت ضحكتها وتهوي وجهها بيديهاا

عبدالعزيز وهو مبتسم : ممكن اعرف سبب هالضحكه

ندى وقفت وهي تحس انها بترجع تضحك ثاني : بس اتذكرت شي

عبدالعزيز وقف بطريقهاا بفضول : ماافي طلعه لين اعرف

ندى رجعت تضحك وجلست بمكانهاا ومسكت ضحكتها وهي تاخذ نفس : اوووه يااربي خلاص الله يخليك

عبدالعزيز جلس جنبهاا وعجبته عفويتها : انتي دوم تضحكي كذاا

ندى وهي مبتسمه : لااا مو كذا بس هالضحكه تجيني مرات تمسك معي

عبدالعزيز : طيب ليش ضحكتي ماتعرفي تسوي كبسه

ندى تسلك له : ايوه مااعرف

عبدالعزيز : عشان كذا تضحكي

ندى منزله راسهاا : ايوه

عبدالعزيز سكت مايبي يناقشها في موضوع الطبخ وتأخذ فكره عنه بطيني ناظر الساعه : استأذن الحين توصين شي ناقصك شي

ندى : لا شكرا

عبدالعزيز وقف وهو ينتظرها توقف معه : هاه ماتبي توصليني للباب

ندى وقفت باحراج وطلعت معه وكانت تمشي وراه وتتأمل طوله وظهره العريض وطريقه نسفه للشماغ
نزلت عيونها بسرعه لما لف عليهاا ووقفت لاتصدم فيه
عبدالعزيز يهمس لها وهو ينزل راسه قرب منهاا : فيها ازعاج لو اكلمك جوال

ندى ارتبكت من وقفتها جنبه وهي متأكده ان اخواتها يراقبو من شباك المطبخ : احمم عادي

عبدالعزيز وابتسامته مافارقته : يلا اشوفك ع خير

ندى رفعت نظرها له غصب : مع السلامه
ونظرته لها قبل يطلع مستحيل تنساها زادت دقات قلبهاا
قفلت الباب بعده وناظرت شباك المطبخ اللي انفتح كله ووضحت لها نجوى ونسيم وسلمى يغمزو لها ويسوو حركات سامجه ..


طنشتهم ودخلت عند عمتها ناديه وزوجة ابوهاا ....
×
×
لفو ع الباب اللي انفتح
ودخلت نوره وحياة ومنصور ..

ابتسام عدلت حجابها وهي تناظر نوره تحضن اصاله

نوره بعتب : اكيد مااكلتي كويس ومااخذتي الابره هذا وانا موصيتك

اصاله : يمه والله ماكان لي نفس

حياة تمسح ع شعرهاا : والله لو سمعتي كلامي ورحتي معناا

نوره : كيفك الحين

اصاله : الحمدلله طيبه بس يقولو السكر للحين منخفض

منصور : اييه قالي الدكتور وتتنومي اليوم بعد

نوره لفت ع ابتسام : وانتي كيفك تعبناك معناا

ابتسام : لاتعب ولا شي هذا واجبي

حياة : انتو روحو يمه انا اجلس مع اصاله

وشوي كذا طلعت مع نوره ومنصور اللي يتريق ع زيد جننهم بالبيت جيبو مرتي معكم ..

وصلو البيت ..
وهي تسمع ازعاج البزران والتلفزيون ماامداها تتهنى بالبيت وهو هادي شافت زيد وياسر وجياد وسالمه ومي جالسين بالصاله..

حست بعيون سالمه بتقتلها عشانها جات مع منصور طلعت فوق ع طول ونوره ومنصور جلسو بالصاله ..
جياد ناظر زيد طلع ورا ابتسام بدون مايتطمن ع اصاله

زيد دخل الغرفه شافها تنزل عبايتهاا : حياالله الحب

ابتسام لفت عليه : اهلين

زيد حضنهاا وجلسها معه ع الكنبه : اشتقتلك حيل

ابتسام تناظره تحاول تتقبل تغيره اللي لاحظته صار يهتم فيها والاهم مايسكر وتنسى اللي فات ..

×
ناظر صيته تنزل العشا ع الصفره قرب من الصفره وسما وبدا ياكل .. والبنات ياكلو بصمت
قطع صمتهم صوت التليفون..

نسيم راحت ترد جلست ع الكنبه وهم قبالهاا يتعشوو : الوو

صالحه : السلام عليكم

نسيم ع طول ميزت صوتهاا : وعليكم السلام هلا والله خالتي صالحه شلونك

محسن ع طول رفع نظره لنسيم
وندى وسلمى يراقبوو بعد ماقالت لهم بسمه عن خطبته لهاا ..

نسيم : والله الحمدلله كلنا تمام كيف جدتي وخالي

صالحه : كلهم بخير الحمدلله اقوولك موجودين بالبيت بكره

نسيم : ايه

صالحه : ادري انكم ماتطلعو بس قصدي ابوك

نسيم تناظر ابوها اللي يناظرهاا : امم ماادري ممكن يطلع

محسن وقف وراح سحب السماعه من نسيم وبكل القهر اللي جواته منهاا : ايش عندك متصله

صالحه تتأفف ماكنت تبيه يدري عن هالمكالمه : بسلم ع البنات

محسن مو ملاحظ نظرات الكل عليه : انسيهم اريح لك
وقفل الخط بوجهها ولف ع البنات : لو ادري بس انكم تتواصلو معهاا مايحصلكم طيب

طلع من البيت انسدت نفسه عن العشاا ..

صيته ناظرت البنات بفضول : ليش ابوكم عصب ايش مسويه خالتكم

نسيم ع طول : لاتتدخلي بشي مايعنيك

صيته رفعت حاجبهاا : نسيم تأدبي معي اخير لك

نسيم باستهزاء : يممه خفت مرره
بعد العشى
رجعت ع جوالها تكمل مقاطع عبدالعزيز اللي ينزلهم ..
عاديه اغلبها يتمشى بالسياره ويغني
وينزل له صور
بس اللي نرفزها التعليقات البنات مرره خاقات عنده
×
نهايه البارت الرابع عشر ...


الرد باقتباس
إضافة رد

برد الجفا / بقلمي؛كاملة

الوسوم
الجفا , cloud24 , بقلمي/
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
برد الجفا ما يرحم ضلوع مغليك/بقلمي؛كاملة Baraem al Saba روايات كامله - يتم نقل الرواية هنا بعد اكتمالها 1356 12-08-2018 06:28 AM
رواية أنت الدفا ببرد الشتاء / بقلمي. عنوود الصيد روايات - طويلة 14 10-08-2016 12:52 AM
ليه الجفا /مسابقة/ يرخص لجلك ياحرية منقولات أدبية 7 05-07-2015 11:12 AM
نداء لهمس الدفا نـررجسـيھے سجل الأعضاء - للتواصل بين الأعضاء 4 26-06-2015 07:12 AM
|مسآبقه| انا الجفا البَآذِخْهه ! منقولات أدبية 1 23-06-2015 05:21 AM

الساعة الآن +3: 05:55 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1