غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 14-07-2018, 06:34 PM
بوح.الصمت بوح.الصمت غير متصل
©؛°¨غرامي مشارك¨°؛©
 
الافتراضي رد: رواية وكيف أهرب منه إنه قدري هل يملك النهر تغييراً لمجراه.


البارت الثامن..

ابوفهد: انا بزوجك جود
فهد حس كأن قنبلة ونزلت عليه نزل عليه الخبر مثل الصاعقه فتح عيونه على وسعها ووقف
فهد بصراخ: مستحيل يبه مستحيل
ابوفهد عصب: ليش مستحيل البنت ما ينقصها شي جمال واخلاق واذا على الكلام هذا مو بايدها
فهد كان مو مستوعب كلام ابوه : يبه انت تعرف اني ابي اتزوج رغد بنت عمي واتفقنا انه تخطبها لي وكنت موافق شو الي تغير فالموضوع
ابوفهد: كثير أشياء تغيرت وبعدين احنا ما كلمناهم يعني محد يعرف بالموضوع غيرنا ورغد الف واحد يتمناها
فهد: بس يبه انت تعرف اني احبها من واحنا صغار وانتوا مسمينا لبعض
ابوفهد: مجرد كلام وبعدين كنتوا صغار والحين كبرتوا وفيه وايد أشياء تغيرت
ام فهد سمعت صراخهم من خارج وركضت للمكتب
ام فهد: خير ان شاءالله ليش صواتكم مرتفعه
فهد كان جالس ومنزل راسه وحاط ايدينه فراسه
ام فهد جلست جنبه بخوف: شفيك يمه فهد
أبو فهد: ما فيه شي بس خبرته اني بزوجه جود
ام فهد تفاجأت من كلامه: شووو جوود
أبو فهد: ايوا جود شفيها
ام فهد: ما فيها شي بس انت تعرف ان فهد يحب بنت عمه وكنا بنخطبها له
أبو فهد: ترا اذيتوني يحب بنت عمه ويحب بنت عمه انا كلمتي وقلتها والملكة نهايه هذا الأسبوع واذا ما نفذت كلامي يا فهد لا انت ولدي ولا اعرفك
فهد طلع من المكتب ومن البيت بكبره شغل سيارته وصار يسوق بجنون ودموعه على خده حاس نفسه مخنوق مكتوم بيخسر حبه الوحيد واذا ما نفذ كلام ابوه بيتبرأ منه كان بين نارين شو بيقول لرغد كيف بيتقبلوا هالوضع
ام فهد: حرام يا بو فهد ليش سويت هالشي
أبو فهد: انا ادري ان محد بيحافظ على جود من بعدي كثر فهد البنت امانه وما اقدر اخليها للزمن مدري شوب يصير بكره
ام فهد: طيب كان زوجتها لراشد
أبو فهد: راشد صغير وما يتحمل مسؤولية والبنت بكماء مستحيل بيتحمل فهد غير تفكيره اعقل واكبر وهو انسان ناضج ومع الأيام بينسى رغد وبيحب جود
ام فهد: واذا ما صار هالشي
ابوفهد: خلي كل شي للايام وبعدين ما فيه طريقة ثانيه انتي شفتي اخواني مو قادرين يتقبلوا البنت ما اقدر اخليها لهم فهميني يا ام فهد هذي بنت يتيمة ومالها غيري ساعديني اني اقنعه بهالشي
ام فهد: انت لا تتعب نفسك بروحك تعبان ان شاءالله كل شي بيكون زين وبيقتنع اذا ما اقتنع الحين بيقتنع بعدين
أبو فهد: انا ما ابيه ياخذها عشان كلامي وبس ابيه ياخذها وهو مقتنع البنت امانه
ام فهد: ان شاءالله
ابوفهد: انا بروح عند جود بكلمها
كانت جالسه مع ريم بغرفتها اندق الباب
ريم: تفضل
أبو فهد فتح الباب
ريم وجود وقفوا: هلا يبه
ابوفهد: جود حبيبتي بغيتك شوي ممكن تجي معي
جود هزت راسها بمعنى ان شاءالله
طلعت وتوجهوا لغرفتها جود جلست بالكرسي جنب عمها كانت مستغربة ليش عمها يريدها
ابوفهد: جود ابيك تسمعي كل شي أقوله وتستوعبي كلامي وتعرفي اني سويت هالشي لاني احبك وخايف عليك
جود تستمع له باهتمام وحابه تعرف شوه الموضوع الي بيتكلم فيه عمها
ابوفهد: ملكتك على ولدي فهد نهاية الأسبوع هذا
جود فتحت عيونها على وسعها وقامت من الكرسي وكانت تأشر لعمها بايدها وراسها بمعنى ما اريد ودموعها نزلت
ابوفهد قام ومسكها من ايدها: سمعيني يا بنتي وبعدين هالدموع مالها داعي انا لازم اسوي هالشي انا اليوم معك وباكر لا وفهد هو الوحيد الي اقدر اامنه عليك .. وهو بيحافظ عليك ماله داعي كل هالخوف يالله الحين اخليك ترتاحي
طلع أبو فهد من غرفتها وجود ارتمت بالسرير وحضنت المخدة وصارت تبكي بوجع دخلت عليها ريم وحصلتها تبكي توجهت ناحيتها وحضنتها
ريم: جود حبيبتي شفيك ليش تبكي
جود ما عرفت شو تقولها قامت جود وكانت تدور ورقة وقلم وحصلت وصارت تكتب لريم يمكن تقدر تساعدها
جود كتبت: عمي يبي يزوجني فهد وانا مابيه ما ابي اتزوج
ريم فتحت عيونها على وسعها وبنفسها(كيف يزوجها فهد وفهد يحب رغد وبيتزوجها)
ريم: طيب حبيبتي هدي نفسك انا بنزل افهم شو سالفة الزواج هذي
نزلت ريم وحصلت أمها بالصالة
ريم: يمه صحيح الي سمعته
ام فهد: شو سمعتي
ريم: فهد بيتزوج جود
ام فهد: والله ابوك قرر وخلص الله يعينا على الي جاي وفهد طلع معصب مدري وين سار وانا احاتيه أخاف يسوي بعمره شي
ريم: الله يستر بس
...................................
راشد وصل للعنوان الي متعود ابوه يعطيه ظرف فلوس ويوديه لهم (كانوا ناس فقيرين على قد حالهم يساعدهم أبوفهد يرسللهم ظرف كل شهر بمبلغ زين يصرفوا منه ) دق الجرس انفتح الباب

ابغا اشوف تفاعل اكثر بليززز..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 15-07-2018, 10:32 AM
نونا 555 نونا 555 غير متصل
©؛°¨غرامي جديد¨°؛©
 
الافتراضي رد: رواية وكيف أهرب منه إنه قدري هل يملك النهر تغييراً لمجراه.


ابدااااااااع روعه روايتك يا مبدعه كملي نبي أكثر بارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 15-07-2018, 12:12 PM
صورة من فهمني ملكني الرمزية
من فهمني ملكني من فهمني ملكني غير متصل
©؛°¨غرامي مجتهد¨°؛©
 
الافتراضي رد: رواية وكيف أهرب منه إنه قدري هل يملك النهر تغييراً لمجراه.


روايه جميله
فهد ماراح يتقبل جود بسهوله الله يعينها
بانتظارج عزيزتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 16-07-2018, 07:20 PM
بوح.الصمت بوح.الصمت غير متصل
©؛°¨غرامي مشارك¨°؛©
 
الافتراضي رد: رواية وكيف أهرب منه إنه قدري هل يملك النهر تغييراً لمجراه.


البارت التاسع

راشد وصل للعنوان الي متعود ابوه يعطيه ظرف فلوس ويوديه لهم (كانوا ناس فقيرين على قد حالهم يساعدهم أبوفهد يرسللهم ظرف كل شهر بمبلغ زين يصرفوا منه ) دق الجرس انفتح الباب
كانت بنت ببداية العشرينات كانت متحجبة بس مو مغطية وجهها كانت عبالها ابوها لان وقت رجوعه من المسجد
اتفاجأت جواهر بالشاب الي واقف قدامها فتحت عيونها على وسعها وشهقت واحمر وجهها حيا ودارت وجهها
جواهر: تفضل بغيت شي اخوي
راشد كان مفهي فيها حس على نفسه
راشد: هااه ايه كنت جايبلكم هالاغراض عيطيهم ابوك قوليله من عند أبو فهد
جواهر مدت يدها من ورا الباب : ان شاءالله
راشد ركب سياته وكان يكلم نفسه : اول مرة اشوفها هالبنت اكيد بنته الكبيره لكن حلووة آآآه يا قلبي
...........................................
فهد كان جالس مقابل البحر وكأنه يشكيله همه حاس بثقل مو عارف شيسوي كيف ابوه يفكر يحرمه من حب حياته وهو يعرف انه يموت عليها ويحبها من هم صغار رن موبايله طلعه من جيبه كانت رغد تتصل خلاه عالصامت اول مرة ما يرد عليها لانه ما يقدر يكذب عليها اذا سألته شفيه رن للمرة الثانية وكانت ريم رد عليها
فهد: هلا ريم
ريم: وينك فهد امي تحاتيك
فهد: مخنوق يا ريم خلوني لحالي مو حاب أتكلم مع احد
ريم: ادري ياخوي الي صار من بايدك لكن الظاهر ابوي مصمم ومستحيل يتراجع عن قراره
فهد: شو بقول لرغد .. رغد شوب يصير فيها اذا عرفت
ريم: فهد سم بالله وارجع البيت
فهد: مو قادر يا ريم ما اقدر اشوف ابوي احس كل ما اشوفه اضعف ورغد نفس الشي مو قادر شو بيصيرلها لما تعرف
ريم: فهد انا ادري اني بضايقك لكن احس احسن انها تعرف منك ولا من غيرك وانا سمعت ابوي اتصل على عمامي وبلغهم بالملكة
فهد تفاجأ وحس ان الدنيا تدور فيه : شوو .. اكيد عمي بيقولهم وبتعرف الله يستر وبعدين ابوي كيف تسرع وخبرهم
فهد انهى المكالمة وركب سيارته رجع للبيت
...............
ابوسالم: هذا اخوك كبر وخرف ولا شو والله صرت ما اعرفله من تصرفاته الي كل يوم اتفاجأ منها
أبو مهرة: انا مستغرب من الي صار اكثر منك كيف يسوي هالشي بالاول جابها من الميتم وبعدبن بيعطيها ورث ابوها على قولته وف الأصل ابوها ماله شي والحين بيزوجها ولده
أبو سالم: أبو فهد سحب كلمته ولا شوم و على أساس ان فهد لرغد وين راح هالكلام كله الحين نسى كل شي وباعنا صارت هالبنت كل شي بحياته
أبو مهرة: مدري شمسويه فيه هالبنت
أبو سالم: الله يعينا عالجاي
أبو مهرة: وهو رافض ان أي احد يناقشه في أي شي خاص بهالموضوع
أبو سالم : اخليك الحين انا وصلت البيت
أبو مهرة: اذا فضيت كلمني ابغا اخذ شورك في كذا موضوع خاص بالشركة
أبو سالم: ان شاءالله
دخل أبو سالم البيت وكان واضح على وجهه ان معصب ومضايق كان الكل متجمع فالصاله
أبو سالم: السلام عليكم
الكل: وعليكم السلام
أبو سالم: ام سالم ما عليك امر تعالي الغرفه شوي
ام سالم: ان شاءالله
رفا: شفيه ابوي شفتي وجهه كيف صاير
رغد: اكيد صاير شي كايد شو رأيك اروح اشوف شصاير
رفا: أخاف ابوي يعصب
رغد: اذا عصب هربنا
رفا ضحكت عليها: خبله والله طيب قومي خلينا نروح
ام سالم: خير شفيك يابوسالم خوفتني
أبو سالم: اخوي أبو فهد قرر يزوج فهد لجود والملكة هالاسبوع
ام سالم والمفاجأه واضحه على وجهها: كيف
أبو سالم: انا متفاجئ اكثر منك
البنات كانوا عند الباب وسمعوا كل الكلام رغد نزل عليها الخبر مثل الصاعقه حست ان الدنيا تدور فيها وان كل شي صار اسود
رفا بصرخه : ررررغد

تفاعل بليززز ...أبي اعرف رأيكم بالرواية..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 16-07-2018, 07:23 PM
بوح.الصمت بوح.الصمت غير متصل
©؛°¨غرامي مشارك¨°؛©
 
الافتراضي رد: رواية وكيف أهرب منه إنه قدري هل يملك النهر تغييراً لمجراه.


اقتباس:
المشاركة الأساسية كتبها من فهمني ملكني مشاهدة المشاركة
روايه جميله
فهد ماراح يتقبل جود بسهوله الله يعينها
بانتظارج عزيزتي
مرورك شرف حبيبتي يسلموااا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 16-07-2018, 07:26 PM
بوح.الصمت بوح.الصمت غير متصل
©؛°¨غرامي مشارك¨°؛©
 
الافتراضي رد: رواية وكيف أهرب منه إنه قدري هل يملك النهر تغييراً لمجراه.


البارت العاشر


البنات كانوا عند الباب وسمعوا كل الكلام رغد نزل عليها الخبر مثل الصاعقه حست ان الدنيا تدور فيها وان كل شي صار اسود
رفا بصرخه : ررررغد
أبو سالم وام سالم ركضوا عند الباب ومهرة خرجت من غرفتها على صرخة رفا شافوا رغد طايحه بالأرض
أبو سالم: شصار شفيها
رفا تصيح وام سالم مسكت بنتها وصارت تضربها على خدودها وتصيح ومهره واقفه تراقبهم بخوف
أبو سالم : جيبوا عباتها بوديها المستشفى
شالوا رغد للمستشفى
بعد نص ساعه من وصولهم خرج الدكتور
أبو سالم: طمني دكتور
الدكتور: الظاهر ان البنت متعرضه لصدمه احنا عطيناها مهدئات وبتنام عندنا اليوم واذا تحسنت باكر ان شاءالله تطلع
ام سالم: قوليل شصار مع اختك ليش طاحت فجأة
رفا: مدري يمه كنا طالعين نتطمن على ابوي لان شفناه تعبان سمعناكم تتكلموا على سالفة ملكة فهد وطاحت
أم سالم ببكا: اكيد انقهرت من الي صار قهروا بنتي وكسروا قلبها
أبو سالم: خلونا من هالكلام الحين ما يفيد خلونا نروح وبنرجع الصبح
ام سالم : لا انا بجلس معها
أبو سالم: طيب براحتك يالله يمه رفا خلينا نروح... اذا احتجتوا أي شي كلموني
ام سالم: ان شاءالله
.............................
جود كانت مضايقه وتبكي بصمت وكانت تراسل غيداء وسناء
غيداء: ليشي الخبلة مو راضيه فرصة وجت لعندك وبعدين اكيد الولد حليوه وطيب وبيعيشك ملكة
سناء: وبعدين من يشوف هالجمال ويقدر يقاوم ويقول لا
جود: بنات انتوا اكثر حد يفهمني ما اصدق انك تقولوا هالكلام وبعدين تعرفوا اني أخاف من شي اسمه رجال انا مرعوبه من فكرة الزواج وانه راح أكون معه بمكان واحد وبغرفة وحده وبفراش واحد مستحيل
غيداء: ليش كل هالخوف ترا هذا الزواج لا تصيري معقده
جود محد كان فاهم سبب خوفها ورعبها الي كان سببه الحادثه الي صارت معهم واغتصاب اختها قدام عيونها
سناء: فكري من الناحيه الايجابيه ويمكن يكون هالزواج خيرة لك ويكون هو امانك فهالدنيا
غيداء: طيب انتي ليش رافضتنه معترضه عليه كشخص
جود: انا ما عرفته أصلا ولا اختلطت فيه
سناء: نصيحه فكري ولا تتسرعي
...........................
ريم كانت تكلم رفا على دخلة فهد
ريم: وكيفها الحين
رفا: عطوها مهدئات والحين امي معها
ريم: الله يحفظها يارب ويشفيها
رفا: آآمين تسلمي حبيبتي
فهد جلس جنب ريم
فهد: شصاير ومن مريض
ريم كانت مترددة ومو عارفه شو تقو له
ريم: ررررغد طاحت عليهم بعد ما سمعت بموضوع ملكتك وشالوها عالمستشفى وعطوها مهدئات
فهد تضايق من الي صار وقام بسرعه وطلع وتوجه للمستشفى كانت ام سالم طالعه تمشي رجولها تعبت من الجلسه استغل الفرصه ودخل كانت نايمه وشعرها متناثر حواليها وباين عليها التعب والمغذي بايدها فهد تضايق على حالتها جلس جنبها ومسكها من ايدها وباسها
فهد: انا اسف انا السبب بكل شي صار لك
نزل راسه لها وحط جبينه ف جبينها
فهد: سامحيني يا روح فهد والله مو عارف كيف اتصرف انتي قوتي الي كنت استند عليها فكل موقف يصير معي بس هالشي اضعفنا احنا الاثنين
رغد كانت نايمة ولا حاسه فيه ..فهد طلع بعد ما تطمن عليها ورجع للبيت
......................
مهرة كانت بالحمام تأخذ شور طلعت وهي لافه الفوطة عليها تفاجأت لما شافته جالس بطرف السرير

رأيكم يا حلوين...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 16-07-2018, 08:54 PM
صورة من فهمني ملكني الرمزية
من فهمني ملكني من فهمني ملكني غير متصل
©؛°¨غرامي مجتهد¨°؛©
 
الافتراضي رد: رواية وكيف أهرب منه إنه قدري هل يملك النهر تغييراً لمجراه.


بارت سريع وحلو
بس ياليت تطولين البارتات الجايه مايمدي اقرا الا خلص
ماعندي تعليق حبيبتي عالبارت مافيه احداث
بخلي تعليقي للبارت الجاي
تسلم يدينج حبيبتي والله يحرمها عن النار

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 17-07-2018, 02:10 AM
نونا 555 نونا 555 غير متصل
©؛°¨غرامي جديد¨°؛©
 
الافتراضي رد: رواية وكيف أهرب منه إنه قدري هل يملك النهر تغييراً لمجراه.


نزلي بارت طويل حمااااس روايتك ابدااااااااع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 17-07-2018, 06:53 PM
بوح.الصمت بوح.الصمت غير متصل
©؛°¨غرامي مشارك¨°؛©
 
الافتراضي رد: رواية وكيف أهرب منه إنه قدري هل يملك النهر تغييراً لمجراه.


البارت 11

مهرة كانت بالحمام تأخذ شور طلعت وهي لافه الفوطة عليها تفاجأت لما شافته جالس بطرف السرير
مهره صرخت وركضت له وحضنته بقوة: اشتقتلك اشتقتلك
بادلها بحضن اقوى : وانا اكثر يا بعد روح وعمر غسان
مهرة نزلت دموعها غسان حضن وجهها بكفوفه: اووهو ليش هالدموع الحين
مهرة بابتسامه من بين دموعها: فقدتك واشتقتلك غيابك هاليومين كانهم سنتين
غسان كان يطالعها بشوق جلسها بحضنه وصار يلعب بخصلات شعرها المبلول : بعدك يتعبني
مهرة منزله راسها بحيا: بروح البس وارجعلك
غسان غمزلها: لا خليك كذا
مهرة بدلع: غساااان
غسان حضنها : خليني اشبع منك بالاول
مهرة: وانا مشتاقتلك لكن خلينا بالاول ننزل نتطمن على رغد
غسان تفاجأ: رغد ؟؟ شفيها رغد
مهرة: طاحت علينا وشالوها عالمستشفى اتصلت برفا قبل لا اخذ شور قالت قريب جايين
غسان: طيب حبيبتي بدلي وانا بنزل تحت بالصاله
......................
رجع فهد البيت وحصل الكل نايم جلس فالحديقة كان مبين عليه مهموم كان يفكر بحل عشان يفتك من هالزواجه ما حس على نفسه ونام بالكرسي فالحديقه صحى على نفسه الساعه 5
فهد: آآخ رقبتي انا كيف نمت هنا بقوم اصلي واتسدح فكرفايتي
.............
رنا كانت جالسه على اعصابها اليوم نتايجهم اتصلت فيها مهرة
مهرة: طمني كيف
رنا: ما في شي للحين
مهرة: لا تحاتي ان شاءالله النسبة الي تبيها وبتروحي التخصص الي تحبيه
رنا: ايوا ادعي ادعي والله اني على اعصابي
مهرة: لا تحاتي حبيبتي الا وين ابوي
رنا: مدري طلع من الصبح اتصل فيه عمي
مهرة: والله هنا مرتبشين من امس مسكينه رغد طاحت علينا
رنا: اوووف ليش شو صارلها
مهرة: اظن لما سمعت بخطبة فهد
رنا شهقت : فهد خطب متى ومن
مهرة: بنت عمنا الجديدة جود
رنا: يا عمري رغد اكيد انصدمت كل العيله تعرف شكثر تحب وتعشق فهد وهو بعد
مهرة: الله يستر من الأيام الجاية
.............................
طلعوا نتايج البنات ونسبهم كانت حلوة وتدخلهم التخصصات الي تمنوها
فهد كان بغرفته قام وطلع من الغرفة وتوجه لغرفة جود دق الباب بعد ما تأكد ان محد موجود
جود كانت جالسة بغرفتها كالعادة لانها ما تحب تنزل تحت سمعت الباب وسارت تفتحه من دون ما تتغطى لانها توقعتها ريم لان محد يجي عندها غيرها كانت لابسه بيجاما قصيرة للركبة باكمام قصيره فتحت الباب اختفت الابتسامة من وجهها لما شافت رجال قدامها فهد فهى لما شاف جود صار يتأمل تفاصيلها انبهر من الملاك الي قدامه للحظة بس رجع لوعيه وتذكر ليش هو جاي دفها ودخل وقفل الباب بالمفتاح بانت ملامح الخوف عليها وصارت ترجع على ورا وهو يقرب منها الى ما ضربت ف الجدار كانت تتنفس بقوة وبخوف تحس قلبها بيوقف من الخوف قرب منها فهد وحط ايد عاليمين والثانية عاليسار حولينها
فهد: سمعيني زين تروحي الحين وتقولي لابوي انك مو موافقة على هالزواج و لا والله لا تندمين
جود كانت خايفه وقربه زادها توتر غمضت عيونها بقوة وصارت تبكي
فهد كان مستغرب ليش كل هالخوف معقولة بس كلامه اثر فيها بس ما همه اهم شي يصير الي يبيه
فهد: سمعيني انا ماابيك انا احب بنت عمي رغد وهي الوحيده بحياتي وهي الي بيرتبط اسمي فيها واتشرف فيها مو وحده مثلك مدري كيف تربت
جود كانت كل كلمة تقطعها من داخلها وحاسه بالضعف لان مو قادرة تتكلم وتدافع عن نفسها وتصرخ فوجهه دفته بكل قوتها وصارت تبكي بقوة وتشاهق وتأشرله يطلع
فهد: طالع بس والله اذا ما كلمتي ابوي والله ما اخليك تتهني يوم بحياتك راح احرمك السعادة بهالدنيا مثل ما بتحرميني من دنيتي وحياتي
جود طاحت ف الأرض تبكي وتشاهق بقوة طلع فهد وتركها على حالتها ريم كانت طالعه وشافت فهد طالع من غرفة جود ركضت ناحيته
ريم باستغراب: انت شو كنت تسوي بغرفة جود
دفها ومشى عنها ركضت ريم لغرفة جود حصلتها ف الأرض طايحة وتشاهق من البكا رفعتها وجلستها على السرير وبعدت خصل شعرها عن وجهها ومسحت دموعها وحضنتها
ريم: خلص حبيبتي اهدي انا معك
جود حضنتها بقوة وكانت تبكي
ريم: خلص حبيبتي خلص شو صار ليش فهد كان عندك شو صار
جود بعدت عن حضنها وصار تهز براسها وتأشر على صبعها انها ما تبي ترتبط فيه
ريم : جود اهدي والله ما فهمت عليك
جود سحبت الورقة والقلم الي جنبها دوم وصارت تكتب
جود: انا ما ابي اتزوج فهد هو يكرهني ما يبيني هو قالي انه يحب بنت عمه ويبيها ليش اتزوجه ليش عمي ما يزوجه بنت عمه الي يبيها انا ما ابي اتزوج ليتني ظليت فالميتم
ريم كسرت خاطرها بعد ما شافت الي انكتب وحضنتها
ريم: هذا نصيب وما نقدر نتحكم بقدرنا ونصيبنا كل الي كاتبه ربنا بيصير انت اهدي حبيبتي وبعدين فهد طيب ومع الأيام راح تعرفيه اكثر يمكن هو فيه شي مضايقنه خلاه يتصرف هالتصرف وانا الي كنت جايه ابشرك بنتيجتي
جود تناست الوجع لدقايق وكانت تسمع لريم عن نسبتها وعن حلمها والتخصص الي كانت تبيه طلعت ريم من عندها قفلت على نفسها الغرفة وصارت تبكي بألم وهي تفكر بالايام الجايه الي حاسه انها بتكون اقسى أيام بتشوفها رسلت لغيداء وسناء انها تريد تشوفهم قالولها بيجوها باليل


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 17-07-2018, 11:07 PM
نونا 555 نونا 555 غير متصل
©؛°¨غرامي جديد¨°؛©
 
الافتراضي رد: رواية وكيف أهرب منه إنه قدري هل يملك النهر تغييراً لمجراه.


روعه ابدااااااااع كملي حمااااس حطي أكثر بارت

الرد باقتباس
إضافة رد

رواية وكيف أهرب منه إنه قدري هل يملك النهر تغييراً لمجراه/بقلمي؛كاملة

الوسوم
لمجراه. , أهرب , النهر , تغييراً , يملك , رواية , وكيف , قدري
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 33399 اليوم 03:06 PM
رواية مات وبجانبه مغلف/بقلمي انسان بسيط روايات - طويلة 5 17-09-2018 06:48 PM
معلومات عن فرس النهر البحري saud888 مواضيع عامة - غرام 2 21-01-2017 06:56 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 07:13 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1