غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 26-07-2018, 12:31 PM
إلى متى ؟ إلى متى ؟ غير متصل
©؛°¨غرامي جديد¨°؛©
 
الافتراضي رد: لماذا يمنع علي حبه ؟/بقلمي


اشكر مروركم واحب اعرف انتقادات اللي قروا الرواية سواء بالسلب او بالايجاب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 27-07-2018, 05:30 PM
صورة امل النجاح الرمزية
امل النجاح امل النجاح غير متصل
©؛°¨غرامي مشارك¨°؛©
 
الافتراضي رد: لماذا يمنع علي حبه ؟/بقلمي


والله الرواية جد جد روعة بارفاكت بس بتمنى ماتكثري الشخصيات
وتجعل بعض الغموض والتشويق فيها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 28-07-2018, 01:11 PM
إلى متى ؟ إلى متى ؟ غير متصل
©؛°¨غرامي جديد¨°؛©
 
الافتراضي رد: لماذا يمنع علي حبه ؟/بقلمي


اشكرج امل النجاح على النقد
الشخصيات مرسومة من البداية وصعب اغيرها ...لكن اوعدج ان راح تحبينهم كلهم وانا من محبي الروايات الكبير والتي لاتعتمد على بطله وحده
اما الغموض الاجزاء الجاية راح تعجبج واتمنى تكملين الرواية معاي :)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 28-07-2018, 02:18 PM
صورة امل النجاح الرمزية
امل النجاح امل النجاح غير متصل
©؛°¨غرامي مشارك¨°؛©
 
الافتراضي رد: لماذا يمنع علي حبه ؟/بقلمي


شكرا لك على التوضيح بس لا تطولي علينا بالاجزاء

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 28-07-2018, 02:56 PM
إلى متى ؟ إلى متى ؟ غير متصل
©؛°¨غرامي جديد¨°؛©
 
الافتراضي رد: لماذا يمنع علي حبه ؟/بقلمي



الجزء الرابع

عفاف دخلت دارها وهي تبكي وانخشت تحت الملحف كأنها ماتبي حد يشوفها
واكتمت صوت بكائها الهستيري بالمخده والأفكار تاخذها وتوديها يمين ويسار
ياترى ليش يعاملها راشد بهذا الأسلوب ...او بالأحرى ليش يكرها المفروض يعطف عليها ...وحاولون يعوظونها عن نذاله اخوهم
"وبعدين هو مو صغير عشان يحط راسه براسي قرب ال 40 المفروض يعتبرني اخته الصغيرة يخاف علي ويهتم فيني
انا ماصدقت افتك من النسره مرت اخوي يجني راشد وطارق مع بعض
معقوله طارق ما حاول يسأل عني انا نكره بالنسبه له
لا تحاولين يا عفاف انتي عارفة شلون عيشج على الصوفة 6 شهور وبعدها هج وخلاج ...صحيح ما حبيته لكن كان الزوج اللي احمي نفسي فيه ماتوقعت انه هو اللي بغدر فيني
أي غدر يا عفاف انتي عارفة القصة من اول يوم في عرسج ...قالي عن حبه لمريم وعن رغبته في الزواج منها ....انا شنو ذنبي اذا امه اجبرته ياخذني"

اما راشد كان في السيارة يسوق ومخه مش معاه شلون ما يقدر يسيطر على نفسه شلون كل خليه فيه تتبرا منه اذا جاء الموضوع بعفاف ...ليش ربه ابتلاه بحبها "هل وامتحان او ابتلاء من رب العالمين ؟
اذا كان امتحان يارب اعطيني القوه على الصبر واذا ابتلاء منك فأغفر لي يارب وسامحني "

في لندن
استيقظ فيصل من النوم وجهز وطلع من الفندق ودخل الحديقة اللي مقابلة الفندق وظل يتمشى ويشوف البط والحمام وصديه جديدة لليوم او مساء هذا اليوم ولكنه مالقى من يدخل مزاجة فقرر يروح الهارودز يشتري هدية لنور
بعدها قطع الحديقة وظهر من الجهه الثانيه وكمل طريق على اقدامه حتى دخل مجمع الهارودز المعروف في لندن
توجهه نحو الحقائب وشد نظره شنطة من هرمز كانت نور تحن عليه مده تبيها وطبعا اختار يشتريها بما انه عاجبه اخته وشاف سكارف عندهم جميل والوانه حلوه عجبته وايد واستخسر انه يخليه معلق اشتراه وغلفة وقرر يخليه عنده من غير سبب فقط حس ان السكارف يناديه
بعدها توجهه للقهوة العربية اللي فوق لان فيصل مستحيل يمر عليه يوم من غير قهوه عربيه
وقبل ما يدخل القهوة شرى له كتاب (قسم الكتب قريب جداً من القهوة)
جلس على طاولة في الزاوية وطلب قهوة وفتح الكتاب وبدا يقرا
كان كتاب معروف يتكلم عن العلاقات بين الرجال والنساء
خذ له ساعة يقرى في الكتاب واندمج وايد فيه
الكتاب عبارة عن تفصيل للنساء تفكيرهم ورغباتهم ووو
: حبيت الكتاب؟
فيصل رفع عينه وراسه للحين مدنع على الكتاب للصوت اللي كلمه: نعم
: أقول لك حبيت الكتاب
فيصل سكر الكتاب وحطه على جنب : وليش السؤال
: فضول لا غير ...احب اعرف اذا رجال خليجين تعجبهم هذي النوعية من الكتب
فيصل ابتسم: ليش طايحين من عينج
: لا ...قلت لك فضول لا غير
فيصل بأبتسامة قاتله: ممكن اعرف من قاعد اكلم
: معاك رهف (ومدت يدها تسلم)
فيصل انصدم من جراءه البنت ووقف وسلم عليها باليد
البنت قربت وسلمت عليه بالخد
فيصل صعق من جراءة البنت
البنت ابتسمت وحطت بزنسس كارد على طاولة فيصل وهمست في اذنه
: كلمني اذا محتاج شي او حتى مو محتاج
فيصل ابتسم بخبث
البنت ابتعدت عنه وبعدها رمقته بنظره اعجاب وراحت
فيصل اخذ البزنسس كارد وابتسم وهو يقول في نفسه الخير يجي لعندي


في مستشفى.....
سارة تتمشى مع زميلتها الشامية مي
مي : سارة قديش باقي اليك
سارة تشوف الملفات: اثنين
مي : يالله كيف بتقدري تخلصي بهاذي السرعة
سارة: لاني اجي من الساعة 6 مو 8 مثل بعض الناس
مي: انا باخود ساعة رضاعة
سارة: ليش تخذينها انا وانتي ندري انج ما ترضعين ولدج بس كسلانه وتبين تنامين
مي : في حدا بحصلوه تقليل عدد ساعات عمله وبيقول لا
احمد: أي سارة
سارة ومي لفوا وراهم
احمد ابتسم
مي ابتسمت : صحيح سارة ما في متلها
سارة : استأذنكم
وراحت بخطوات سريعة
مي : شو دكتور احمد لامتين بدك تستنى لحتى تتقدم لدكتوره سارة
احمد يتسم : لمى اتأكد من مشاعرها
مي: بس انا بعرفها لسارة مستحيل تحب حداً بهذي الطريقة من غير اشي رسمي البنت كتير ملتزمة وخجوله
احمد: مالينا من سارة الحين ...ابي اشعة المرض في غرفة 334 وتحاليلة
مي: تمام دكتور راح اجيبهم إليك
وراح الدكتور احمد
مي راحت تمشي لسارة ونقزتها
سارة شهقت : هااا بسم الله شتبين
مي : لوين رحتي ؟
سارة بملل: يعني لوين رحت ..مابي اقعد مع جليل الحيا
مي: يعني بتعرفي انه بدو اياكي
سارة: بدو ولا مابدو مابخصني انا مابدي إياه
مي تضحك: شو مالك قلبتي فلسطيني هههههههههه
سارة تضحك: هههه بعد اللي عاشر القوم
مي : لك شو ما حلاهها اللهجة عليكِ
سارة تقمز لها : اعجبج
في كلاس الدكتور سعود
البنات يتذمرون : لا لا دكتوور مانبي تونا ماقلنا بسم الله
سعود من غير نفس: انا مو قاعد اتناقش معاكم واخذ رايكم اعطيكم خبر اللي تبي تدرس تدرس واللي ما تبي بكيفها
مها: دكتور شلي بيدخل في الكوز؟
سعود: الكوز بيكون يوم الاثنين الجاي لان محد سأل ....وراح يشمل جابتر 1 و 2 ...وعلى فكره كثره الكوزارت راح تسهل عليكم الماده وفهمها للامتحان ...لان اعرف ان مشاء الله عليكم ما تمسكون الأوراق الا وقت الامتحان
ريم بصوت واطي: يستخف دمه الظريف
سعود سمعها وطنش: وطبعاً اللي ما تبي تقدم بكيفها بس بتروح عليها 5 درجات وتعرفون ال5 درجات شلون تأثر على التقدير فلا حد يجني يقول دكتور ارفعني ووو ترا من الحين أقول لكم ما راح ارفع ولا ربع درجة اللي تبي درجات تدرس من الحين
ريم تقول لنور : وين اللي تقولون عنه لطيف وساعد
نور بزعل : مادري شكلهم البنات كانوا يرفعون له
مها: لالا والله ما كان جذي انا رفيجاتي كانوا معاه ...بس هو وايد متغير هاي الكورس مادري ليش !
نور: لان بنات الجامعة ما ينعطون ويهه مايستاهلون حد يعطف عليهم
ريم: لولا ان المادة بتفتح لي مواد ولا جان حذفتهااا مب طايقة اشوف ويهه
دكتور سعود كان يسمع صوتها بكل وضوح والدم بدا يغلي
سعود: اللي مو حابه المادة عندي تقدر تحذفها وتاخذها عند دكتور ثاني الكورس الجاي ...انتوا مو مجبورين
ريم حست انه سمعها ووطت صوتها اكثر: تهقون سمعني؟!
نور: لا شدعوة
مها: ريموة ترا يخزج...اشش اكو ياي صوبنا
سعود حط يده على الطاولة ودنع وهو يشوف عين ريم ويرفع حواجبة وبصوت واطي كأنه يوجه الكلام لريم بس: مفهوم
ريم توترت وايد وهزت راسها بنعم
سعود رفع جسمه عن الطاولة وراح وبدا يكتب على اللوحة ويشرح
نور: ريموة حذفي المادة احسن لج
ريم: ليش !
نور: حطج في راسه واشكره سمعج
ريم: يخسي يرسبني ...انا دايماً درجاتي عاليه ولو حسيت انه منقصني برفع شكوى وبطلب تصحيح حد ثاني
مها خايفة : اششش خلاص سكتوا
سعود حط سؤال للبنات وطلب منهم يحلونه على اوراقهم
وراح وجلس على الطاولة
البنات بدوا يحلون المسألة
(شرح لشكل الكلاس)
كل اربع بنات تكون لهم طاولة كبيرة ففي السيد الأول يكون في طاولتين وبينهم ممر وطاولة ريم ورفيجاتها مجابلة طاولة الدكتور
ريم رفعت ديها : خلصت دكتور
سعود قام وراح جلس على الطاولة عند البنات
ريم توترت وبعدت جسمها
سعود قعد يشوف حلها وابتسم : ممتاز
وحط الورقة قدامها وقام
بنات الكلاس كان ودهم يشنقون ريم وقتها فوق ما الدكتور مميزها بعد شاطره
نور تطل في ورقة ريم : ياحظج
ريم بصوت يالله يبان: جليل حيا
مها : أي والله شلون يقعد على طاولتنا عادي
صوت بنت الرابعة اللي معاها في الطاولة تكلم البنت اللي وراها: اول مره يلبس جنز ذاك الكورس يا ثوب او بدله رسميه ...بموت انا على الجسم الجنز مظهر تقاسيم ريله ولا التشيرت الأبيض بموت اول مره اشوف عضلات صدره ويده
لو اضوق شوي جان شفنا ال6 باج
مها ونور وريم يخزون البنت بنقراف على التغزل الفاضح واللي كان صوته مسموع
سعود كان فاصخ جاكيته وحاطه على الكرسي وكان قاعد يشوف الورق لمى سمع كلام البنت
ريم لفت تشوف الدكتور سعود هل سمع البنت او لا لان احراج كأنها هي المتغزله من البنت
سعود ولا كأنه سمع البنت كل اللي سواه انه قام وراح صوب الصبورة وبعدها قال : اليوم برد مو قادر اشرح
ورجع اخذ الجاكيت ولبسه وكمل شرح
نور مسكت ضحتها وبصوت واطي جداً: ابيييه سمعها وشكله استحى ياربي كيوووت
ريم عضت على شفايفها عشان تمنع ابتسامتها
مها كانت زامه شفايفها عشان تمنع ابتسامتها
(لكن كلهم يبين عليهم انهم ماسكين ضحكتهم)
سعود انتبه لهم وفعلاً حس بإحرااااج وسب نفسه على اختيارة لملابسه اليوم

يتبع ....

ابي رايكم هذا بس نص الجزء الرابع
من اكثر شخصية حبيتوها ؟
وتوقعاتكم للاجزاء الجاية



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 28-07-2018, 05:47 PM
صورة امل النجاح الرمزية
امل النجاح امل النجاح غير متصل
©؛°¨غرامي مشارك¨°؛©
 
الافتراضي رد: لماذا يمنع علي حبه ؟/بقلمي


البارت هذا روعة روعة
اكثر الشخصيات بحبها هي ريم ورفيقاتها وخاصة لما يكونو في الجامعة
وكمان شخصية الدكتور سعود تجنن وخاصة لما يكون مغرور وما يعطي وجه
وكمان شخصيتي عفاف وراشد روعة بس مسكينة عفاف زودها كثييير هذا راشد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 28-07-2018, 07:39 PM
إلى متى ؟ إلى متى ؟ غير متصل
©؛°¨غرامي جديد¨°؛©
 
الافتراضي رد: لماذا يمنع علي حبه ؟/بقلمي




تكمله الجزء الرابع
في وزارة الثقافة
مشعل يطلب استأذان من قسم الموارد وبعدها طلع
وركب سيارته واتصل في سارة
مشعل يضغط على بلاعيمه
سارة: الو ...هلا بروح اخيتك
مشعل بصوت رايح تقريباً: سارة تعبان بلاعيمي صاكة واديخ حاس بداية سخونه
سارة: ايه عليك حبيبي فيني ولا فيك ...شوف روح داري افتح الدرج اللي عند راسي بتحصل لك حلاوة مصاص عليه صورة زنجبيل وليمون وبعد بتحصل فيتامين سي فوار خذ لك حبه واخذ لك بعد بندول فوار حط 2 من بادول و1 فايتمين سي وعقب مص الحلاوة
واذا حسيت انك للحين تعبان خذ لك مضاد حيوي "اجمانتين"
مشعل: حشى صيدلية مو درج
سارة : بعد لازم اخذ احتياطاتي حق مثل هالوقت
مشعل: اوكي ...مشكورة حبيبتي
سارة بحب : حبيبي نام في دارك اليوم البنات بتأخرون في الجامعة نام ولمى ارجع بوقضك
مشعل : ان شاء الله ...مو تنسيني عاد
سارة : لا تطمن حبيبي ...تدفى وخل الخدامة تسوي لك شاي مع ليمون يدفي بلاعيمك
مشعل : ان شاء الله يمه
سارة: طمني عليك ها مو تخليني احاتي
مشعل : ان شاء الله ...الله يخليج لنا
سارة : حبيبي
سكر مشعل الخط ولمى وصل البيت نفذ كل اللي طلبته منه سارة وراح لسريرة وتلحف ونام
بعدها بساعتين
دخلوا البنات البيت
مها ونور وريم
ريم : تو ما نور البيت
مها: بوجودكم
نور: يه يه يعني انا ماكنت منورته
ريم:ههههه لا انتي صاحبه البيت صرتي ههههه انا ضيفة عندج
نور:ههههه أي والله
مها: يعني صج نور شكثر تباتين هني؟
نور وريم ماتوا ضحك: ترا ابات هني اكثر من بيتنا لان فيصل طول الوقت مسافر
ريم تكمل: يعني 4 الي 6 مرات في الشهر مرات تقعد أسبوع ومرات بس يومين حسب سفره فيصل
مها: عيل المفروض يحطون لج حجره
نور بضحك: قلت لهم ولا ملحق برا
ريم : والله الملحق حق مشعل مسكين ههههههه
نور: ههههه حرام كله نايم بالميلس
مها قامت وفسخت عبايتها وشيلتها وراحت تتعدل جدام المنظره
ونور قامت تبي تروح حجرة نور تبدل ملابسها
وهي في نص الدرج كان نازل مشعل
نور بسرعة حطت يدها جدامة توقفه : لحظة لحظة لحظة
مشعل وهو مو صاحي من نومته لحد الحين وطالعها بنص عين: شايبكم من الجامعة
نور : دكتورنا اعتذر
مشعل يمسك بلعومه :انزين شلي يدج بانزل بروح الميلس
نور تهز راسها بلا
مشعل منصدم منها : شفيج يالخبلة وخري بانزل
نور : مهوي تحت ومو وفاصخة شيلتها وعبايتها
مشعل ابتسم : صج ...عيل وخري خليني اشوفها مرتي المستقبلة
نور ماتعرف ليش حست بنقزة الم تجرح قلبها: ههههه سخيف
مشعل يوجه كلامة لنور : وبعدين انتي استحي على ويهج واقفة ترادديني وانا واقف بالمكسر والفانيلة
نور توها تستوعب منظر مشعل طبعاً انحرجت بس ما حبت تبين : وووي الا انت
مشعل : وايد ماخذه على الأخت
نور ابتسمت : بعد ساكنه عندكم من سنين هههههه شتتوقع روح روح تستر وعقب انزل وانا بعطيهم خبر
مشعل بغشمره : يعني مايصير اشوفها ؟ نظرة شرعية
نور تأشر له على فوق: روح رووح الله يهديك
مشعل رجع دارة وهو يضحك
نور ابتسمت على شكله ورجعت تعطي البنات خبر
نور: ريم ترا الشيخ فوق ويبي ينزل
ريم انحرجت: شمدخله البيت ...يالفشيلة
مها قامت بسرعة ولبست عبايتها وشلتها
مشعل تحنحن ونزل وهو مدنع راسه وطلع
مها تبتسم لنور وتقول : اييي عرفنا ليش نور مطيحة عندكم
ريم: أي ادريبها راسمة على اخوي
نور ماتت خجل: استحوا على وجيهكم شنو راسمه عليه اكبر منه انا
مها : وشنو يعني مافيها شي
ريم : ههههههههه
نور : جب زين
مها: بس ريموة انتو مشاءالله العيله كلها فول اوبشن ....اخوج قطعة جنه دكتور سعود
ريم: ويييي يكرم اخوي عن دكتور سعود
نور حست بغيرة من كلام مها مو عارفة سببها
مها: يكرم عاد ! يمه منج ادريبج ميته عليه بس تدارين اعجابج
ريم : انا احب الريال الذوق والجنتل مو هذا كلش مب استايلي
نور : يأم استايل انتي ...مافي محبه الا من بعد عداوة
ريم محترة: جب انتوا الثنتين انا الغلطانة يايبتكم بيتي اغديكم
نور : اوكي ...انا بروح بيتنا بيب لي رواية
ريم: اوكي ...انا ابي رواية احببتك اكثر مما ينبغي
نور: ها من ؟
ريم مافهمت : شنو
نور ماسكة ابتسامتها: منو اللي حبيته اكثر مما ينبغي ؟
ريم تأشر على الباب: برا برا ...يلاا برااا
نور تغني بصوتها الجميل عشان تحر ريم وهي طالعة من الباب:
"يا سعود فات من الشهر
25 ماشفت خلي واويلاه
شرقي حولي واويلاه "
ريم: تصرخ صكري الباب
مشعل كان جالس على عتب درج الليوان : الله الله على الصوت شرايج تروحين عرب ايدل
نور نقزت من الروع : بسم الله ....شتسوي هني
مشعل طفى زقارتة: مثل ما تشوفين
نور: ليش على الدري يعني
مشعل يحط صبعة على راسة: كيفي بيتنا حر ادخن وين ما يحلا لي
نور وهي نازله من الدرج: عشتوو
مشعل: نور
نور لفت عليه : نعم
مشعل بتردد: الا أقول كم عمر مها
نور رفعت حواجبها وتكتفت : خير ؟!!
مشعل ابتسم: مها مها كم عمرها
نور ودها تروح تكفخة صطار من الحره: صج ما تستحي شتبي بعمر البنت
مشعل ينزل الدرج: ابي اشوف اصغر مني ...اخطب ما اخطب
نور انصدمت من كلام مشعل ...اللي هي تعرفة ان مشعل شال فكره الزواج من مخه ليش يسأل عن مها معقوله اعجبته لهذي الدرجة وقرر صج يخطب
" واذا يا نور شللي زاعجج في الموضوع "
مشعل يحرك يده جدام ويه نور : ياهووو وين رحتي
نور تبلعمت : اشتبي ؟
مشعل يأشر بيدة على الصالة: الصاروخ اللي داخل كم عمرها
نور محترق قلبها بشكل مو طبيعي وهي مستغربة أساسا من ردة فعلها: اصغر منك ارتحت
مشعل ابتسم وهمس : نور...شفيج
نور ماتت من الاحراج : افففف باي
وطلعت من الباب وراحت بيتهم وأول مادخل جلست على الأرض وتهف على ويها تحس بالحرورة ماكله جسمها من ان درجة الحرارة نازلة
نور تكلم نفسها" شفيج نور استخفيتي ...ليش وايد زاعجج اعجاب مشعل بمها ؟ لانه اصغر واحلى منج؟ ولا ولا قولي ولا لان مشعل شاف بنت غيرج! لالالا شنو يعني شاف غيري ....اففف شفيج هذا كله لان متعودة عليه بس ...
لو فيصل اعجبته بنت راح تكون رده فعلي هي نفسها
لاتقصين على روحج ...اعترفي ان فكره ان مشعل مع بنت تضايقج وايد!
لا ما تضايقني مشعل هو اخوي الصغير...عمري ماشفته غير اخو
يا شيخة لان عمرج ما سمعتيه ولا شفتيه يكلم وحده غريبه غيرج
ماله خص مشعل يخاف ربه وما يحب الخربطة ووو
قولي و شنو ؟
ما تعامل مع بنت غريبه غيري انا ...انا البنت الوحيدة اللي مشعل يكلمها
وانتي ليش تأكده ان مشعل مايعرف بنات غيرج؟
يووووه خلاص واذا يعرف شدخلني بمشعل وسوالفة مع البنات
قامت من صدمتها وحوارها مع نفسها وراحت للمكتبه تأخذ الكتب
وبعدها طلعت وقفلت باب البيت
وشافت مشعل للحين واقف برا البيت مما صدمها
نور مشت جنبه ولا كأنها تشوفه
مشعل : نور ..نوررر
نور لفت عليه: نعم اشتبي قالنا لك اصغر منك تبي بالضبط 22 سنه حلو تبي شي ثاني ....اي صح مو مخطوبه تقدر تخطبها ...اسأله ثانية أستاذ مشعل
مشعل ماسك ابتسامته: وانتيل يش معصبه ..شفيج ؟
نور النار يتطاير من جسمها : ما يخصك
مشعل بصوت حنون : شلون ما يخصني !
نور مو فاهمة تصرفات مشعل : مشعل توكل على الله
مشعل مستانس انه قاعد يوتر نور كأنه اكتشف لعبه جديدة تونسه: متأكدة
نور مو فاهمة علية: من شنو
مشعل بخبث مصطنع: اروح واخليج ؟...اخاف تشتاقين لي
نور ماتت حيا شقاعد يخربط شصاير له : روح مشعل شكلها السخونه مأثرة على مخك ....انا نوور ها نور اصحى
مشعل راح صوب سيارته وقبل لا يركب قمز لها
نور بققت عينها واشرت بيدها له "مجنون": حمدالله والشكر اشفيه هذا ضربت فيوزاته
بعدها دخلت البيت
مشعل مثل الطفل اللي حصل له لعبه جديدة وخطيرة ومشوقة ينظر رجعة من المدرسه عشان يلعبها
اما نور فكان الوضع مخيف ومربك بالنسبه لها وخصوصا انها متأكد ان مشعل يا يتغشم رمعاها بغشمرته الدفشه او قاعد يقزرها على نور ويتطنز عليها

في القصر
الساعة 2 الظهر
دخل سعود ورح لامه في غرفة الطعام
ام راشد: يا هلا بهاي الزول اشلونك يمه
سعود ابتسم: الحمدالله بخير ...ميت يوع شنو غداكم
ام راشد : كل خير ياولدي ...برياني سمك ...ومحاشي ...وباشمل
سعود يفصخ جاكيته ويقعد: الله الله
ام راشد تشوف ثياب ولدها وظربته على كتفه: سويعد ...ليكون قاعد جذيه بالجامعة
سعود يمسك مكان الضربة: اااح يما شفيج ...اي شفيها
ام راشد ضربة 3 ضربات ورا بعض
سعود: ااح اححح يماااا
ام راشد معصبة : اس تح على ويهك الجامعة كلها بنات مبققين عينهم عليك رايح لها مترصرص بذا الجنز وهالتيشيرت الخايس كأنك مفصخ
سعود: الله يمه يا كبرها عند الله ...مفصخ مره وحده
ام راشد : اياني وياك تروح جذي ثاني مره
سعود : ان شاء الله يمه
ام راشد : عبالي بعد بتراددني
سعود: افا معاش من يراددج
ام راشد بزعل : الا عاش وراددني وهج عني وعن مرته
سعود تنكد: لا حول ولا قوة الا بالله ...يمه رجعنا على طارق ...يمه ماردة بيرجع البلاد
ام راشد بحزن عميق: ومرته هالبنت القمر تقول للقمر وخر وانا اقعد محلك ...يقطها هاي القطه
سعود: تبينه يطلقها عيل...يمه كلنا ندري ان طارق ما يبيها بسم انتي الله يهداج اصريتي عليه ياخذها...وهذي هي النتيجة
ام راشد: عفاف يا يمه مالها غير أمها الله يرحمها وصتني عليها كأنها دارية ان اخوها ومرته بجننونها
سعود يحاول يهدي امه : واكي البنت معززة مكرمه ساكنه عندج اميره في هاي القصر انتي عوضتها عن اخوها ومرته وطارق
ام راشد : وش بيصير لها عقب عيني
سعود: يمه عفاف للحين على ذمه طارق وان شاء الله انه مو مطلقها
ام راشد : ولا اني ماشفت بنت بعقلها وجمالها لكن اخوك منعمي ولا لو أي ريال عاقل ما يخليها يوم واحد
سعود ابتسم بحزن : يمه خلاص لا تعورين قلبج عفاف شكت لج
ام راشد : لا ماشكت بس الحزن باين في عينها ما يحتاج تتكلم
سعود وهو يشوف راشد داخل عليهم
سعود: حيالله بو جاسم
راشد : الله يحيك ويبقيك
ام راشد تمسح دموعها : شلونك يمه
راشد يبوس راس امه ويرفع ويهها : افا افا يا ام راشد شلي مزعلج ...ليكون سعود الحين امسح لج فيه القاع
ام راشد : لا فديته سعود لو فيه منه 2 جان انا بخير
سعود يضحك ويأشر على راشد
راشد يسوي نفسه زعلان : افاااا يام راشد ما هقيتها منج يعني انا مو مثل سعود
ام راشد : يمه انت بكري انت فرحتي الأولى ...وسعود الجعدة
راشد وهو طالع من غرفة الطعام: رقعي رقعي يالوالدة
ام راشد: تعال تغدى وين رايح
راشد : ان شاء الله بس ابدل واجيكم
طلع راشد الدرج وكانت معذبته "عفاف" نازله منه وهي لابسه عبايتها
راشد رفع عينه وبعدها نزلها ما يبي يشوفها منحرج من اللي سواه اليوم معاها
عفاف وقفت جدام راشد
راشد وقف منصدم
عفاف ووجها محمر من البكاء: شكلي زين جذي اقدر انزل
راشد حس بطعنات سكن نارية في قلبة وجها محمر بسببي انا انا
عفاف بقهر : ممكن انزل الحين ولالا
راشد ما تكلم بس هز راسه بنعم
مرت احذاه ولفحته ريحتها اه ياريحتها وش تسوي في كل ذرة بجسم راشد قشر جسمه كله وبعدها اخذ نفس وكمل طريقة لفوق
عفاف راحت لغرفة الطعام: سلام عليكم
ام راشد : ياهلا وغلا تو مانور المكان حياج يمه
عفاف : حبيبتي خالتي
سعود: شلونج عفاف
عفاف ابتسمت : الحمدالله ...انت اشلونك
سعود : يسرج الحال
عفاف :الحمدالله
سعود : عفاف بسألج انتي خلصتي جامعة
عفاف : أي خلصت وبعدها قعدت سنتين في البيت
سعود : شنو تخصصج؟
عفاف: ماليه و اقتصاد
سعود : مشاءالله ...ليش ما توظفتي ؟
عفاف : اممم اخوي ما كان راضي ...وبعدها تزوجت
سعود : طيب ليش ما تتوظفين الحين ...انا بكلم لج راشد يشوف لج وظيفة عنده في الشركة
عفاف ابتسمت : بصراحة انا مليت من قعدة البيت ...يعني أتمنى
راشد دخل
سعود : اكاهو جا راشد
راشد جلس مقابلهم على طاولة الطعام : خير
سعود: خير بوجهك ...نبيك تشوف شغلة لعفاف في الشركة عندك
راشد انصدم : نعم!
ام راشد فتنت عينها
راشد ما انتبه لامه : مالج حايه
عفاف انحرجت وايد وتنعدت على صحنها
سعود :عفاف ملت من قعده البيت وودها تتوظف
ام راشد : ابيك توظفها مكان طارق وتعلمها الشغل
راشد ما يقدر يحاجج امه : بس يايمه طارق كان ماسك الجانب المالي
سعود : وعفاف تخصصها مالية
عفاف تجرأت : ومعدلي امتياز على فكره
راشد يسكتهم : يصير خير
ام راشد : ما عليج منه عفاف من بكرا اجهزي عشان تروحين معاه الدوام
عفاف ابتسم واخيراً بتلتهي بشي : اوكي ...مشكورة خالتي
ام راشد : حبيبتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 29-07-2018, 12:44 AM
Shaimaa_98 Shaimaa_98 غير متصل
©؛°¨غرامي فعال ¨°؛©
 
الافتراضي رد: لماذا يمنع علي حبه ؟/بقلمي


رووووعه بجد
تسلم ايدك :*

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 04-08-2018, 10:00 PM
Moly9 Moly9 غير متصل
©؛°¨غرامي مشارك¨°؛©
 
الافتراضي رد: لماذا يمنع علي حبه ؟/بقلمي


الرواية جدا جميلة من ناحية السرد و الأسلوب و من الشخصيات اللي حبيتها(راشد،عفاف) و اتمنى تزيدين الحوارات بينهم،يعطيج العافية❤.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 05-08-2018, 02:33 PM
Moly9 Moly9 غير متصل
©؛°¨غرامي مشارك¨°؛©
 
الافتراضي رد: لماذا يمنع علي حبه ؟/بقلمي


متى بتنزلين البارت؟

الرد باقتباس
إضافة رد

لماذا يمنع علي حبه ؟/بقلمي

الوسوم
لماذا , دموع
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لماذا يتوقف الآخرين عن حبنا ؟ ابو شروووق مواضيع عامة - غرام 33 02-10-2018 08:38 PM
لماذا يٍ أبي ....؟ ملاك الكون.. خواطر - نثر - عذب الكلام 10 25-04-2018 05:22 PM
لماذا لا يحترم الإعلام العربي رمضان باب التوبة مفتوح مواضيع عامة - غرام 52 10-04-2016 09:56 PM
حبيبي لماذا فعلت ! رُوحَ عاَريِةة خواطر - نثر - عذب الكلام 12 22-09-2015 05:29 AM

الساعة الآن +3: 12:42 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1