غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 04-09-2018, 09:07 AM
صورة أم نووور الرمزية
أم نووور أم نووور غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


مشكوره كاتبتنا شموخ المبدعه على البارت الجميل…

من البدايه كنت احس ان سمو تكره خالها وتبي تنتقم منه .. بس ليش تكره رعد… هـ البنت كلها عُقد والحين راح تتلاعب بـ هناء اللي شكلها بعد وراها بلاوي…



وننتظر جديدك بكل شووق يامبدعه…

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 13-09-2018, 06:51 PM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


سلام سلام متابعيني الحلوين اللي مااحد يسال 😂ولا به تعليقات زينه مافي دفع معنويات والله يالله يطلع منكم تعليق علي عموم طولت صح عارفه والله ان طولت احم احم قبل لم كنت انزل اللعوبه كنت فاضيه الحين الوضع اختلف🌚صرت الام المثاليه والله ان من جنبها🌚🤗😂علي عمون حبايبي راح اطول بتنزيل البارتات لانو وقتي صار دراسه وتعب بنوتي تدرس مافي وقت فاضيه زي قبل ادلعكم الدلع راح ياحلوين 🌚طولتها وهي قصيره خخخخ والله ودي اكتب قصه حياتي ومعناتي مع المدرسه بس يالله جايتكم وجايبه الحماس معي انتظروني اليوم ساعه 11او 12وعذررني حبايبي اذ ورد من تقصير بتاخير البارتات الجايه 😢☹😩

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 13-09-2018, 06:53 PM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


اقتباس:
المشاركة الأساسية كتبها أم نووور مشاهدة المشاركة
مشكوره كاتبتنا شموخ المبدعه على البارت الجميل…

من البدايه كنت احس ان سمو تكره خالها وتبي تنتقم منه .. بس ليش تكره رعد… هـ البنت كلها عُقد والحين راح تتلاعب بـ هناء اللي شكلها بعد وراها بلاوي…



وننتظر جديدك بكل شووق يامبدعه…
ارحبي ارحبي يالغلا والله ان افرح لم اشوف تعليقاتكم الجميله لاتبخلو عليه نورتيني ام نور متابعتي الحلو يسعدلي ايامك زي ماسعدتيني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 13-09-2018, 11:11 PM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


.




صلو على النبـــــــــــــــــي ..






البـــــــــــارت الســــــــادس







ام فيصل : ببرود: ويش تبين مني

سمو : ببتسامه هاديه: شوفي راح نتفق اتفاق صغيرون او صفقه حلوه ومن هنا راح نكسب انا وانتي عارفه انتي ان انا داخله البيت هذا بشي ببالي وماراح اطلع الا اهو معي

ام فيصل : بهدوء: الفلــــــــــــــــــــــــــوس

ابتسمت سمو وهي متيقنه ان ام فيصل عارفه كل شي عنها : عليك نور الفلووووووووس

ام فيصل : وهي تجلس مقابل سمو فلـــــــــــــــــوس خالك ولا فلـــــــــــــوس ابوك

سمو : انتفضت كل الخلايا بجسمها هذا الســر الكبير عارفه حركت يدها بتوتر من عرفت ام فيصل بسرها للحظه كرهت نفسها على تهورها وعلى دخول هــــ البييت كلهم نصب رفعت نظرها لكلام ام فيصل

ام فيصل : ماتعبت هل العمر كله عشان تجي انتي يالبزره وتخربي كل شي وتلهفي الفلوس وبشراسه ابعدي ياسمو عني لين الان ماحطيتك براسي عندي مشاريع اهم منك يالغبيه

سمو: فزت واقفه وكأنها الدغتها حيه : ناظرت فيها شوي وطلعت وبنفسها : من وين طلعت لي هذي ياربي كيف بطلع حمزه هذا اجل انفضحت عند رعد لازم اتصرف وهـــــــ العجوز لازم تطلع من حياتي

يوم الخطبه

كلووووووووش

جود: بتعب / خلاص يانجد تكفين اسكتي اللي فيني مكفيني

نجد:روقي يابنت خلاص العريس على وصول هو وأهله أي ام فيصل برا جت وسمو راح تجي الحين

جود: بحقد ويش تبي

قاطعتها نجد: خلاص جود خلي الليله تعدي وقومي البسي الفستان

بغرفه رعد

جلست وهي تلبس حجابها راح تطلع لخواتها كملت تجهيز نفسها وقفت ماحست الا حاضنها من ورا بقوه التفتت وهي مبتسمة وقالت : اليوم ناقص حنان

رعد: بضحكه : انا كل يوم ناقص حنان وبالذات لم اشوفك فانا يهبط الحنان عندي

سمو بضحكه: ياشيخ

رعد: ببتسامه : ويش اسوي لازم لي جرعه حنان

ضحكت سمو: مدمن الأخ

قرب منها لامس خشمها انا مدمن فيك انا هايم فيك انا عاشق مجنون وو قاطعته وهي تبعده عنها كل اللي تبيه يسكت دايم يجرف مشاعرها بالآونة الاخيره ماهي قادره تتحكم بنفسها من تصريحاته اللي بتجننها ردت وهي تتحاشى النظر له: تدري انك عيار

رعد: بصدمه : افا هذا كله انتي تدري من امس وانا أحاول احفظ لي كلمتين رومنسيه وانا وجهي ماهو حول حب بس لجل عين تكرم مدينه

سمو بضحكه: شفت عيار

حضنها بقوه وهو ينطقها من قلب صادق : سمو احبك

غمضت عيونها بندم

بالملحق

واي تهبلين بس ليه اسود وكم طويل بعزاء حنا

جود: بطفش : اجل تبيني مفسخه
نجد: لا قاطعتهم سمو وهي ترد السلام: السلام عليكم
سمو : برتباك :ىسلام
جود: ساكته ماتكلمت
سمو: العريس وصل قاللي رعد الحين يالله جود

وقفت جود وهي تتعدا سمو اللي ماده ايدها ناظرت سمو لنجد

نجد: بحزن: اسفه ما اقدر اساعدك وطلعت لحقتها سمو وهي شي مقبوض على قلبها

دخلت ام مصعب وهبه اللي كانت مستقبلتهم ام فيصل اللي عارفه بكل شي سلمو وجلسو طلعت جود علي جلستهم فزو بيسلمو كانت تسلم وهي مصدومه انذهلت من الموقف هذا ماتوقعت سمو تسويها بس سوت أشياء جت على كسرانها جلست وهي منزله راسها ودموعها تنزل بصمت

طلعوا نجد وسمو اللي انذهلو من اللي جالسين صدمتهم اكبر من صدمه جود التفتت نجد لسمو ونطقت : مو لـــ هالدرجه ياسمو :

سمو : ودموعها نزلت غصب عنها ونطقت بصعوبه: الله يأخذ عمري لو لي يد في هذا الموضوع ماعرف انو العريس نفسه

نجد: سحبت نفسها وهي تجلس بجنب اختها

سمو: بكرهه الدنيا وشراسه : خيـــــــــــــــــــر ويش جابكم هنا ماحنا انتهينا

هبه : بنفسها وهي تنتفض : ياليتني ماجيت ياربي ليتني ما طاوعتك يامصعب

ام مصعب : بهدوء : انسي الماضي يابنتي وحنا جايين وحابين القرب من قاطعتها سمو بصراخ اذهل ام فيصل

سمو: بعدوانيه : بــــــــــــــــــــــــــــرا

التفتت جود لنجد : سمو ماهي عارفه

نجد: بخوف : لا

ام فيصل : بحقد : اقبضي لسانش يابنت انتي ما احد براسش ما احد لا

قاطعتها سمو وهي كارههه الكل : ماتدخلي بشي مالك علاقه فيه هذولا الناس اهانوا اختي

فزت هبه وهي تبي تطلع من المكان هذا اختنقت صح أمها غلطت بس هالبنت زودتها عيب اللي تسويه التفتت من الصوت اللي جاهم

انتي ماللك شغل انا موافقه اللي راح يطلع انتي

سمو : التفتت لها بصدمه شتت نظراتها حولين المكان ماقدرت تتكلم هذي اختها قالت كذا شدت على ايدها بقوه حركت شفايفها بصعوبه نشف ريقها ماتوقعت اختها تصدمها تحركت للباب وهي ناسيه نفسها حتى الحجاب مالبسته كانت ترتجف بقهر وبحرقه وحقد على رعد وام فيصل


نجد: بصوت هامس : ليه ياجود هذي سمو

جود: بصوت خافت : وتبن
ام فيصل : ماعليكم من البزره هذي
هبه : صدمها المنظر جلست قريب من أمها وهي تناظر فيهم
بعد دقايق من طلوع سمو دخل مصعب


بغرفه رعد

رايحه وراده بالغرفه
انا مالي شغل ياجود اااااااااااااااخ لعبتيها صح ياعجوز النار انتي وولدك التفتت على فتحت الباب شافتو هو يدخل ومبتسم نارررررررر اكلت قلبها بس والله ما راح تنال اللي ببالك يارووووح امك انت على امك ردت: ليه ماقلت لي اسمه من قبل

رعد: بهدوء : سمو مصعب رجال زين وخويي والله شاري اختك ويبيها ودايم يتكلم انو يبيها وو قاطعته

سمو : مدامه خويك وشايفو زين مالي راي من بعد رايك

رعد : انجن من تسرعها بس قرب منها وهو مبتسم وحضنها ورد بصوت هامس: لاتفكري بيوم انو انا ممكن استغلك بخواتك خواتك اشوفهم زي خواتي والله لو ماهو بزين اول واحد انا بيرفض ووو قاطعت أنفاسه بجراء وهي تبتعد عنه شوي : قلت لك شايفه زين اجل زين ابتسم وهو عارف تبي تجننه اصلاً هو خلاص مجنون ومغرم فيها بس قطع عليهم رنت الجوال اللي صدم سمو
رعد: هلا عم حمزه
سمو : وهي تقرب منه وكانها لقت لغزها وتحاول تشبك كلام ام فيصل مع اتصال رعد وببتسامه قفل رعد وهي نطت بحضنه : أقول حبيبي من هذا عم حمزه

رعد: رفع حاجبه : ويش لك بهذا

سمو :فضول ياروحي اول مره اسمع هالاسم

رعد: ابتسم ويش رايك تسوي لي اكل جوعان

سمو : ببتسامه وهي تناظر فيه وعرفت ان رعد شك فيها : عيوني الثنتين الحين وهو جاهز فزت وهي تتمايل بدلع وهو يناظر فيها ببتسامه


الساعه 2 قرب الفجر بالملحق

نجد: بزعل : ليه سويتي كذا برضو هذي بنت عمي واختنا اللي تربت معنا فشلتيها قبال الناس

جود: بذهول وبصراخ: يابنت انتي من لاعب بالعدادات تبعك ويش اللي غيرك التبن سمو رمتك لــ هذولا الناس سمو اللي بدات تتحكم بحياتنا وكأننا مالنا راي سمو ماهي سمو انتي فيك شي انتي متغيره لا يكون

نجد: بهدوء وغموض: ماندري ويش اخذت بنت عمك منهم فلا تحكمي عليها

جود: بهدوء وهي تقرب من نجد: نجد ويش الكلام هذا اللي مو مفهوم انتي تلخبطي بالحكي يابنت علميني في شي

نجد: وهي تغير الموضوع : مدري بس قلت كذا على العموم خلينا من سمو : وكيف العريس حلو خخخخخخخ

جود: باستفهام وكيف قلبت الموضوع : زين مره ثانيه اشوفه عادي

نجد: مو هذا اللي قلتي عليه مزززززززه خخخخخخخخخخخخخ

جود: ببتسامه : مدري احس بتناقض ابيه ولم اذكر ان امي رافضه احس بضيقه

نجد: بحزن: اللي راح راح ياوخيتي من قال بتنقلب حياتنا كذا والولد ياجود واضح انو شاريك ومتعلق فيك انتي ماسمعتي ويش قال مت ضحك ههههههههههههههه اختها تقول خلاص اطلع يقول بالله شوي شوي بس الله يخليك خمس دقايق بس ههههههههههههههههه

جود : غطت على وجههه بحيا

تحدد زواج مصعب وجود بعد ثلاث شهور الملكه قبل الزواج بأسبوع

بغرفه رعد

كانت تناظر فيه وهو نايم قربت من الكومدينه وهي تسحب الجوال وتفكر كيف الرقم السري اكثر شي شايله همه بس اللي اذهلها ان مافي رقم سري فتحته بسرعه وهي تدور بين الأرقام وتدور على الاسم واخر شي وصلت العم حمزه اهي عارفه انو اللي تسويه يمكن يمحيها من الوجود ياتصيب ياتخيب راح تدق بس من كبينه وتستفسر من العم حمزه هذا وراح توصل له يعني بتوصل حتى لو مو هو المهمه هذي راح تنجح واذا مو العم حمزه فاهي أدت لحياتها الخراب مع رعد رجعت الجوال مكانه بعد ما اخذت الرقم

بغرفه فايز ونجد

فايز وهو جالس قبال التلفزيون ماد رجوله ويتابع

فايز : بضحكه : أقول نجد اخبار بنت عمتك بعد الصدمه هههههه والله ماتوقعت رعد يسويها علمتني امي انو كان خاطبها مصعب هههههههه

نجد: بهدوء ابتسمت وهي تستدرجه : هههههههههههههههههههههههههههه تخيل طلعت بسرعه لم قالت لها جود مالك شغل

فايز : اووووووووووووووووو قصف جووووي هههههههههه ودي ان اشوف شعورها اصبري بس وشوفي ويش رعد بيسوي فيها

نجد: ضغطت على شفايفها بقهر بس قربت صوبه وهي تجلس قريب منه : ليه هو بينهم شي

فايز : بغباء : مدري بس رعد قال شاك بشي بس ايش مدري والله

نجد: قربت منه اكثر : طيب يازوجي العزيز وانت شهقت بفجعه وهي تشوف قفزته : اشــــــــــــــــــــــبك

فايز : وهو يمسح على وجهه كانه الدغته حيه من قربها وريحه عطرها : مارد عليها بس معطيها ظهره صار يسحب باغراضه وطلع

نجد: وهي ضاغطه على قلبها: بسم الله ويش فيه هذا فز اهي كمان تبي توصل لسمو لازم لبست غطاها وطلعت بسرعه ودقت الباب وقالت سمو سمو بعد ثواني فتحت سمو :هلا اشبك

نجد: عندك احد اذا مافي خليني ادخل بقول شي

سمو : هششش بصوت خافت : رعد نايم روحي وانا جايه اوكي
نجد: اوكي انتظرك
بعد نص ساعه بغرفه نجد

سمو : وهي رافعه حاجبها : اجل كذا

نجد: بترجي : طيب قوليلي ويش بينك وبين رعد تكفين وليه شاك فيك ماني فاهمه شي سمو

سمو : بغموض : بطلب طلب منك واتمنى ماترفضي بكره العصر كلمي اختك قولي لها نبي نجهز لعرسك الشنطه وزي كذا بس لا تقولي اني معاكم اوكي وانا بكلم رعد اني بروح اساعدكم اوكي

نجد: باستغراب : طيب بس ردي على سؤالي قوليلي تكفين سمو انا ماعاد فهمتك

سمو : وهي تضغط على ايد نجد: تكفين يانجد لاتساليني ماراح اجاوبك تكفين يانجد اقنعي جود بكره عشان نروح السوق هذي الطلعه فيها كل شي تكفين

نجد: بتنهيده : طيب


اليوم الثاني الساعه 4 العصر بيت مصعب

خواته جالسين بالصاله واللي تعاتب واللي زعلانه واللي تتأفف وكلن يعطي رايه

البنت الكبيره : من جدك يمه رحتي تخطبيها بعد ماطردنا ويش يبي فيها ولدك ويش شاف فيها البنات واجد وقفت الا عندها

ردت الثانيه : والله يمه تقهر اختها واي قهرتني وهي تطردنا لا ورحنا لهم مره ثانيه نخطب ليه يايمه

ردت الثالثه : هههههههههه نفسي اشوف اختها ومصعب يدخل اذا على كلامك يمه ماتعرف انو انتم

هبه : ردت بهدوء وعقلانيه : يابنات اذكر الله هذي اختها واكيد انقهرت عليها قبل وما احد يلومها انضرت اختها وخلاص السالفه انتهت ومصعب يبيها مالنا راي من بعد رايه هذا اختياره والزواج بعد ثلاث شهور تحدد

ردت الكبيره بحقد: وانتي ويش دخلك حد طلب رايك ولا حد قالك تكلمي بدال امي

كانت تناظر في بناتها وكلن يتكلم بس لم تكلمت اكبر بناتها على هبه كل شي يوقف عند هبه صح ماهي بنتها وبنت طبينتها بس اهي اللي قايمه فيها: حدك ياام عبدالله عند هبه وكل شي يوقف مالك شغل بهبه عطتك كلامي

ام عبدالله : بقهر مااحد طلب منها تتكلم بدالك يممممه

ام مصعب : وقطع لسانش

ام عبدالله بغيض : لا هبه هذي سحرتك يمممه حنا بناتك
قاطعهم مصعب وهو سمع كلامهم كله : سلام

فزو خواته يسلمو على راسه احترام له كونه اهو اللي قايم بيهم

مصعب : بهدوء : يالله خذو بزرانكم واطلعو ازوجتكم برا


هبه : بنفسها وهي ساكته من بدايه المناقشه الحاده اللي بين امها وخواتها على دخلت مصعب تنهدت : ما ارحمك يالله افتكيت من الملسونه

طلعو خواته قرب مصعب وهو يجلس بجنب هبه وحضنها بيده وهو يقول : اختي حبيبتي

هبه : بضحكه : وهي تناظر بامها مبتسمه قول ايش عندك يالعيار

مصعب: ضحك الشره على اللي يبي يبشرك بعلوم زينه

هبه وام مصعب ناظرو مصعب والابتسامه بوجهه

ام مصعب : خير يمه ويش معك

مصعب : مو قلتي تبي تشتغلي

هبه : بحزن" أي ياخوك بس انت تدري شهادتي مو لهناك مو شهاده جامعيه ولا قاطعها مصعب

مصعب : ببتسامه : عارف عشان كذا لقيت لك شغله خفيفه عليك ويش رايك محاسبه بشركه رعد

هبه : بفرحه : تستهبل صح

مصعب : بضحك لاوالله وقلت لفيصل اختي ماعندها شهاده لهناك قال مادامها اختك فاهي انشاءالله انها تدخلها بس قال امهلني شهر وارد لك خبر ولم فضي المكان كلمني قبل شوي لانو محتاجين ضروري محاسب ولا محاسبه وبصراحه انا كلمته قبل كذا قلت له شوف لي شغل بس شهاده يعني رد عليه انشاءالله ان اشوف لك عندي بالشركه والحمدالله اليوم كلمني

هبه : باستفسار : طيب قلت بشركه رعد : ويش دخل فيصل هذا من اهو

مصعب : فيصل هذا اخو رعد هو اللي ماسك شركه رعد مدير بس يجي يوقع الأوراق

فزت هبه وهي تحضن اخوها احبك مصعوبي

مصعب : بصوت خافت : خلاص انخنقت توك فقتي من غيبوبتك وانتي مستلمتني اساله ضحكت ام مصعب عليهم

حضنها مصعب وهو عارف اخته طفشت من الروتين الممل حب يغير لها ااااااااااااااااااااااااخ ياهبه لو السعادة تهدي لأهديك إياها حسبي الله على اللي كان السبب وخرب حياتك


بالحوش كانو طالعين ثلاثتهم

جود: وهي رافعه حواجبها بقهر وعينها على نجد اللي بجنبها:ويش تبي هذي معنا
نجد: بصوت خافت : خلاص ياجود بنركب مع السواق اسكتي

جود: بقهر : ماراح اركب السياره مادامها معنا

نجد: خلاص زوجها يممممها لاترفعي صوتك امشي نركب السياره سحبت نجد جود غصب وهي تركب ورا

سمو : اوكي حبيبي يمكن نطول ياقلبي لاتخاف علينا اوكي

رعد: بهدوء: مااحب نزلت البنات لسوق وحدهم احس

سمو : ويش رعد حبيبي راح ندخل محلات للعرس انت فاهمني عيب انت معنا

رعد: اوكي فلوس معك

سمو: ههههههههههههههه حبيبي أتوقع بيجيك زهايمر قبل شوي عطيتني باي وهي تسحب نفسها وتركب بجنب جود اللي تاففت بصوت عالي ونجد ضحكت هي وسمو

سمو : ريلاكس خيتي

جود: بعصبيه :وتبن

سمو:بقلق بخشمك : وهي تكلم السايق امش يايا ايش اسم هذا

جود: بثقاله : وييش رايك اخذ اسم بطاقته واعطيك ولا اتعرف عليه لخاطر عيونك

سمو : بطفش اووووووووو جود خلاص اسكتي امش ياصديق

جود: بغيض :وجع

سمو : بعناد: يوجعك

جود: بعناد اكبر:غبيه

سمو : دلخه
جود: وو قاطعتهم نجد

نجد: بس انتي وهي بزران بزران

سكتو جود وسمو وكلن صد للجهه الثانيه بعد نص ساعه وصلو المجمع والسايق مشى

وقفت سمو بنص المجمع التفتو البنات ناظروا فيها

سمو : بهدوء : على ما اعتقد مالي شغل فيكم روحوا بجهه وانا بجهه مابي اجلس مع هالغبيه

جود: بشراسه : مالت عليك يعني انا اللي ميته عليك اقلبي وجهك وسحبت نجد ومشت

سمو ناظرت فيهم وهما يدخلوالمحل ابتسمت على جود ياروحي انتي وعصبيتك ههههههه سحبت نفسها وهي تبي كبينه تبي توصل للعم حمزه دقت على كريم ماهي الا دقايق الا وصل لها ركبت وهي تقول له ابي كبينه

السايق طيب وصلها للكبينه
نزلت سمو للمكان اللي تبيه سحبت التلفون وهي تدق الأرقام مستحيل تدق من جوالها ممكن لو عندها جوال ثاني ممكن بس ماهي عارفه الا هذا دقت رن رن رن رن ولامجيب قفل الخط رجع رن ورن ورن ولامجيب قفل الخط دقت رن ورن جاها صوت انوثي عورها قلبها للحظه معقوله يخونها رعد او متزوج عليها فكرت للحظه كذا بس أبعدت هل الأفكار وهي تقول مايهمني بحريقه اهم شي اللي ابيه ردت : الو هذا رقم حمزه

اصايل : أي من انتي

سمو : ابي حمزه ممكن أوصل له

اصايل : دقايق ابوي بالحمام اكرم القاري

سمو : ابتسمت وهي تبعد هل الأفكار من بالها يعني رعد مايخونها يحبني انا انا انتي شنو ياسمو ضغطت على نفسها وهي تبي تبعد هالمشاعر جاها صوت رجال كبير بالسن واضح التعب بصوته : ياهلا

سمو : بخوف وهي خايفه انها تهورت ويضيع كل شي وصلت لها غمضت عيونها وبتهور :حمزه

العم حمزه: أي يابنتي مين معي

سمو : بتهور : انا وحده ماتعرفني بس اعرف كل شي عن هناء

العم حمزه : عم الهدوء ونطق بثواني : مين انتي

سمو بتهور وممكن انها جابت العيد بس طبقت كلام هناء بهذا الكلام هذا بس اللي عارفه ممكن يكشفها وممكن يعلمها كل شي: قلت لك خالت رعد كل شي اعرفه عنها وو

قاطعها العم حمزه وهو ينطق بتعب.............





&& إلــــــــــــى الملتقــــــــــــــــــــــــــــى &&








.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 14-09-2018, 01:55 AM
الربيع القلب الربيع القلب غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


يسلمو.
طبعا للحين مو عارفه لمين انضم
رعد او سمو او هناء
المهم اعطينا يوم محدد للبارت
وبيتك اولى من كل شي
بالتوفيق

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 16-09-2018, 12:00 PM
صورة أم نووور الرمزية
أم نووور أم نووور غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


السلام عليكم كاتبتنا المبدعه شمووخه ..
ماشاءالله بارت جميل تسلم ايديك يارب ..

سمووو وش قد اكره تصرفاتها الحين عرفنا ليش بتنتقم شكله خالها نصب على ابووها… بس ليش تسوي في رعد كذا مسكين… بيلاقيها منها ولا من خالته اللي مايندرى وش سالفتها…
واختها بعد اللي تسحب من فايز كلام عشان يعرفوون المخطط…


شمووخه المبدعه مشكووره ياعسل على هالجمال…
وربي يحفظك…

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 16-09-2018, 01:50 PM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


اقتباس:
المشاركة الأساسية كتبها الربيع القلب مشاهدة المشاركة
يسلمو.
طبعا للحين مو عارفه لمين انضم
رعد او سمو او هناء
المهم اعطينا يوم محدد للبارت
وبيتك اولى من كل شي
بالتوفيق
انشاءالله البارتات الجايه راح تعرفي لمين انظم
واذا علي موعد محددد ماقدر والله اعطيك اخاف اعطيكم وماوفي بوعدي 💔💔💔

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 16-09-2018, 02:09 PM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


اقتباس:
المشاركة الأساسية كتبها أم نووور مشاهدة المشاركة
السلام عليكم كاتبتنا المبدعه شمووخه ..
ماشاءالله بارت جميل تسلم ايديك يارب ..

سمووو وش قد اكره تصرفاتها الحين عرفنا ليش بتنتقم شكله خالها نصب على ابووها… بس ليش تسوي في رعد كذا مسكين… بيلاقيها منها ولا من خالته اللي مايندرى وش سالفتها…
واختها بعد اللي تسحب من فايز كلام عشان يعرفوون المخطط…


شمووخه المبدعه مشكووره ياعسل على هالجمال…
وربي يحفظك…
ياهلا وغلا تسلمين ياقلبي علي تعليقك الجميل فديتك ❤💜

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 23-09-2018, 01:24 AM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


انتظروني اليوم العصر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 23-09-2018, 05:02 PM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


صلوا على النبــــــــــي ..




البارت السابـــــــــــــــع ..








العم حمزه: بتعب: زوجة رعد

سمو: قفلت التلفون على طول وهي تحط ايدها على قلبها وبنفسها : ياويل حالي ياويل حالي بذهول وخوف ماتوقعت واحد بالميه يعرفها ويش سويتي ياسمو يالله يالله طلعت للسواق وهي فاقده عقلها خربت كل شي بنيتها

العم حمزه : ناظر للجوال وابتسم وتذكر يوم قال لأصايل دقي على رعد كان يبي يقول له ابيك تتزوج اصايل بس رعد قال له متزوج بنت اخت خالد انصدم وسكت بس الحين راح يتكلم بالسر اللي مخبيه طول السنوات هذي دق على رعد وقال تجي الحين في سر لازم تعرفه انا ماعاد بقى لي من العمر شي ومابي اموت وهالسر يموت معي

بعد نص ساعه وصلت سمو السوق وهي ترتجف بخوف ورهبه مو عشان رعد خوف كل شي يضيع منها جلست على الكرسي وهي مقهوره هـــ الرعد ماخل لي شي كل شي معه الله ياخذك انت وخالتك من وين طلعتوا لي اوووووووووووووووو ااااااااااااااخ

رعد: يامصعب ماقدر اجيك الحين بروح اشوف العم حمزه بشوف ويش يبي مني

مصعب : طيب بس علمني واذا بتتزوج بنته قول لي عشان اصير الشاهد خخخخخخخخخخخخخخ

رعد: بزعل : عيب اصايل اخت وبتفضل اخت

مصعب: انا سبيتها عارف ياعم خذها احسن من الحيه اللي عندك

رعد: بزعل : مصعب

مصعب : وربي انك مجنون تحبها وانت عارف انها بتنتقم

رعد: بضيق : اقفل لا يتقفل الجوال بوجهك

مصعب : طيب ههههههههههههههههه باي ياروميو

رعد: قفل الجوال بضيق وهو خايف من حمزه ركب السياره ومشا


بيت العم حمزه

اصايل : بضيق : متزوج يبا رعد

العم حمزه: أي يبا متزوج

اصايل : كتمت حوبتها وقفت تبي تروح وقفها صوت ابوها

العم حمزه : بضيق مع بنته : يبا رعد راح يجي خلي الباب مفتوح

اصايل : بتعب : طيب

ماهي الا عشر دقايق وصل رعد دق على العم حمزه قال له ادخل
رعد دخل البيت وهو يناظر في الغرفه اللي شوي فيها الاضائه قرب منه ودخل شافه سادح قرب منه سلم على راسه
رعد: امرني ياعم

العم حمزه : بتعب : بدخل بالموضع على طول مابي اموت وهــــــ السر معي يايبا اليوم زوجتك دقت وكل اللي قلت لي عليه عنها عرفت انها ناويه تنتقم بس

رعد: بذهول : توقع أي شي تسويه سمو بس ماتوصل لهنا تبحث عنه كل شي هذي لوين بتوصل كله عشان تكسر امي وتكسرني هي وانتقامها التبن

العم حمزه: بغموض : لا تفكر انك تظلم سمو ترا سمو زيك ماهي عارفه أي شي انضحك عليها زي ما انضحك عليك وكلكم مظلومين راس البلا خالتك

رعد: بشتات : كيف خالتي مين قصدك بسمه او

العم حمزه: خالتك هناء مو امك الحقيقيه امك الحقيقيه بسمه

رعد: تراجع لورا بصدمه : عم هههههههه شنو تقول امي بسمه قالت لي انو امي الحقيقيه هناء وابوي مات قتلو خالد

العم حمزه: بسمه تبي تحميك من خبث خالتك هناء اضطرت تسوي اللي تبيه بسمه ولا كان ضعت زي ماضيعت العايلتين هناء

رعد: بذهول : عم لا تجنني ماني فاهم شي ويش تقول انت انا عقلي طار انا مين انا ابن مين انا مو ابن غيث
العم حمزه : انت ابن إبراهيم

رعد: بصدمه وينطق بصعوبه : اب راه يم مين ياعم إبراهيم مين ايش تقول ياعم

العم حمزه : راح أقول لك القصه من أولها ياولد إبراهيم امك علمتني قبل ماتموت عشان تحميك انا كنت شغال عند أبو امك وبعد ماتوفا جدك اشتغلت عند إبراهيم

قبل سنوات واعوام

رجع ذكريات لزمن راح ومستحيل يعود

تناظر لأختها وهي تمشي شوي وتطيح من الغطا اللي محجب عنها الرؤيه
هناء هناء وجع الولد يناظر فيك يقول اكيد سكرانه من مشيتك هذي

هناء : بقهر التفتت لأختها : خلاص راح حتى نظره ماتخلو احد يناظر وانتي لازم تنكدي عليه يا ست بسمه

بسمه : بهدوء: وانا ويش قلت وليه تناظري للرجال تسذا

هناء : وهي داخله البيت وتتحلطم على اختها : ااااااااااف حتى فهذي تنكدو علي ااااااااااااف منكم

بسمه وهي تناظر اللي واقف عند باب المدخل ابتسمت وهي عارفه كره اختها لهذا المخلوق: هناء ناظري الحب هههههههههههههه

هناء : بحقد: حبتك القراده انتي وياه يع يع شوفي كيف يقرف كريهههه

بسمه : ببتسامه : يع يقرف هذا ولد عمك ومامعك الا اهو انتي محيره له من صغركم وهو يحبك

هناء : يخسى اخذه عدمو الرجال عشان اخذ خويلد هه حبيبي ناظري الفله هذي اللي بجنبه ان شاء الله راح اسكن فيها واتزوج واحد تاجر احسن من الفقري تبعك

بسمه : ضحكت على تفكير اختها اللي كل يوم تبني امال على أصحاب هذي الفله انها ممكن تتزوج منهم هههههههههههههه كل اللي يعرفو انهم اثنين شباب مايدرو وين ابوهم وامهم ومالهم أي قرايب ضحكت على خالد وهي تشوفه يتغزل بهناء وهناء تافف

أبو هناء عنده بنتين
هناء وبسمه

إبراهيم : هههههههههههههههههههههههههههههههههههههههههه تستهبل

غيث : باستغراب : قايل نكته انا

إبراهيم : ياولد ليه مستعجل على الزواج

غيث : بطفش : ابي اتزوج

إبراهيم : هههههههههه طيب من تعيسه الحظ العفو سعيده الحظ خخخخ

غيث: شفت عمي حسن أبو البنات جارنا راعي البيت الشعبي

إبراهيم باستغراب عكس حواجبه : ما اعرفه

غيث: الا تعرفه مشهور أبو هناء

إبراهيم : اها ايش به ذا بنته اللي تبيها

غيث : بسرعه : لا لا مو من بناته مره كنت بالمزرعه وهو موجود مع الغنم تبعه وبنت معه والله ياخوك مارفعت راسها طول ما انا واقف مع عمها فكرت بنته بس طلعت بنت اخوه حبيت البنت شفت خالد اخته

إبراهيم : وقلبك يحب كل ماشاف بنت ماترفع راسها وبعدين خالد هذا يرفع الضغط كريهههه

غيث : اوووووووو لاتستهبل وبعدين خالد والله زين اعرفه كذا مره طلعت معه

إبراهيم : بطفش : المطلوب مني ويش تبي طفشتني ورايه مية شغلة وخالد هذا ما انبلع لي

غيث: بعصبيه : مو مهم تبلعه اهم شي اني ابي البنت ابي اخطبها من عمها تروح معي كونك اخوي حبيب وتاج راسي ببتسامه براء

إبراهيم : ضحك على عياره اخوه ما احب يكسر بخاطره : ان شاء الله اوامر ثانيه

غيث: باستعجال : متى نروح

إبراهيم : بتريقه : ويش رايك نروح الحين

غيث : بفهاوه : يالله يالله مشينا

إبراهيم : اقلب وجهك

غيث: على أي صفحه: شاف اخوه يوقف هرب وهو يضحك

إبراهيم وغيث اخوان لهم فله صغيره على قدهم ابوهم وامهم متوفين بنو مشروع صغير وطلعوا الفله الصغيره هذي وطلعو لهم مشروع ثاني ومشت تجارتهم وفتحو لهم شركه على قدهم لاهي كبيره ولاهي صغيره


بيت أبو هناء

هناء وهي ماده بوزه: بس انا مابي اتزوج

ابوهناء : بصرامه وليه ان شاء الله
هناء : مابي وبعدين ليه ماخطب بسمه

ابوهناء : بتعب من دلع هناء : خالد يبيك انتي مايبي هناء

هناء : وانا مابي اتزوج

ابوهناء : بضغط : ما معك الا خالد يابنت ولد عمك هذا

هناء : سكتت شوي ابوها كذا ولا كذا راح يغصبها ردت: خلاص لي شرط يوم تملك بسمه انا اوافق على خالد وقفت

أبو هناء : بتعب : يعني عناد الشغله

هناء : لا ماراح اتزوج قبل اختي وطلعت

ابوهناء : ضغط على نفسه من دلع هناء اللي كل يوم يزيد اوكي ياهناء لك اللي تبين بس خالد مستحيل افوته رجال كفو وراح يصونك
اليوم الثاني

بيت أبو خالد

ساره : ههههههههههههههههههههههههههههههه وليه ماتجي انتي مستحيه من خطيبك

هناء : بعصبيه : مالت عليك وعلى اخوك اسكتي لا اقفل التلفون

ساره : بضحكه : وهو يحصلك خالد ال

هناء : بقرف: مابي يحصلي وسكتي خلاص بتجي ولا لا

ساره : طيب طيب ياكريهههه جايه باي قفلت الجوال بوجهه هناء وهي تضحك لبست عبايته وهي تبي تستعد لطلوع

واقف برا يناظر اللي رايح واللي جاي يبي بكره يجي بسرعه عشمه إبراهيم قال له بكره راح نخطب كلم ابوها واخوها مستعجل يبيها ناظر شوي لفت انتباهه زي العبايه من بعيد جايه ابتسم وهي كل ماتقرب قلب غيث يفز من مكانه كيف مايعرفها وهي محتمشه بهذي الطريقه تحركت رجوله غصب عنه اتجاها وهو عارف غلط ضاعت منه قرب منها وهو ينطق بفهاوه : اخت خالد يقال يبي يتاكد خخخخخ

ساره : فز جسمي كله من هذا اللي يعرف اخوي سرعت بمشيتي وشوي اركض بخوف
غيث : بفهاوه للمرة الثانيه : اخت خالد

ساره : طار عقلي هنا لم ذكر اسم اخوي للمرة الثانيه ابي أوصل بيت عمي الله يقطعني يوم طاوعتك ياهناء ليتني ماجيت والله لو يشوفني خالد ليقطعني ويرميني للكلاب شمرت عبايتي وبحط رجلي بس استوقفتني كلامه التفت بفهاوه

غيث : بكره جاي اخطبس وابيك اتمنا ماترفضي وبنفسه : ويش هذا الغباء ياغيث تهورت

ساره : ركضت لبيت عمي وانا انتفض قلبي الولد مزيووووووووووووون قفلت الباب بكل قواتي


فزت هناء على دخلت ساره كانها هبله وتنتفض بجنون قربت من بنت عمها وتحاول تتكلم معها : بنت اشبك

ساره : بخبال : وهي ماسكه على قلبها : يمممممممممممه قلبي قلبي موووووووووووووويه الله لابارك الله فيك من يوم قلتي تعالي ليتني ماجيت يمممممممممه يخوووووووووف وبصوت واطي بس مزيووووون خطف قلبي ياهنووووو ياجعلني قلبه

هناء هنا ماتتت ضحك : ههههههههههههههههههههههههههههههه وربي انك مجنونه تتكلمي عن مين انتي

ساره : وهي تضغط على قلبها : مدري مدري بس قلبي طاررر قال لي بخطبس ياويل قلبي ياويل قلبي ياهناء ماشفتي طوله ورزته خطف قلبي من اول نظره يمممممممممممه يهبل

هناء : هههههههههههههههههههههههههه انا قلت لك انتي فضيحه لو شفتي رجال مشاعرك متهوره

ساره : بفهاوه : وقسم اني اغض بصري وحاولت بس قلبي تسلب ناظر فيه وشاف زين ونخطف قلبي وعقلي ومشاعري الش

هناء : بطفش : خلاص خلاص اسكتي خليني اكلمك على اللي خطف قلبي

ساره : بانزعاج : وجع وجع انتي تحبي واحد ماتعرفي حتى اسمه خليك من هذا اللي ماتعرفي اصله ولا فصله يابنت اخوي يحبك ويبيك وبعدين وافقتي خلاص بعد ما تنخطب بسمه ان شاء الله نصيبها يجي انتي لخالد رضيتي ولا لا

هناء : بزعل : الله ينكد عليك انتي واخوك ياشيخه مااحد يحلم معكم

ساره : هههههههههههه احلمي مع خلووووووووود

هناء : بقرف : مالت
خالد وبسمه توم مالهم أي احد غير عمهم ابوهم متوفي وامهم متزوجه وماهي معهم وهما رباهم أبو هناء عيال اخوانه

يوم الخميس

ناظرت عمها واخوها يدخلو فز قلبها وهي تتذكر كلام المجهول غمضت عيونها وفتحتها بسرعه وهي تسلم على عمها وترحب بيه

ساره : ارحب يالغالي

أبو هناء : بدخل بالموضوع على طول ما احب الف والدوران انتي عارفه البنت لم تكبر مالها الا بيت رجلها صح يايبا وانا كبير سن يالله يالله بحالي واخوك ماهو دايم لك لنا ولاهو

ساره: باستعجال: بعد طول العمر ربي يخليكم لي يارب

ابوهناء : ابتسم وهو يتمنا بنته بربع عقل ساره :يا يبا في رجال اجودي خطبس من خالد ومني الرجال ما شاء الله يشتغل بشركه على قده اهو واخوه فكري يايبا الرجال زين وردي لنا خبر

ساره : انتفض قلبها وهي تفكر بهذا المجهول معقوله هوووووو


ناظر عمها مافي رد

وقفت ساره وهي تناظر لعمها واخوها وجههه استو احمر

خالد: بهدوء: فكري الولد زين

ساره : بخجل : ان شاء الله ومشت لغرفتها وهي تدق على هناء : هناء الحقيني بمووووووووووت

هناء : بخبال: الله يرحمك يومك وبعدين من الحمار اللي خطبك شكلوووو مفهي زيك


ساره : هههههههه وجع هناء اصحي معي أقول خطبني اللي قلت لك عليه ماني مصدقه ماتوقعت جدي سذا

هناء : طيب من وين اهو

ساره : مدري والله بس عمي قال رجال زين وخالد قال فكري زين الولد مايتعوض

هناء : بطفش: اجل وافقي ويش معك متردده

ساره : بهدوء: بستخير وبشوف ارتحت بوافق

هناء : اوكي اجل مبروووك مقدم

ساره : بحيا : هههههههههههه اقلبي وجهك


بعد أسبوع بعد موافقه ساره على غيث

جالس بالمزرعه يفكر كيف يقنع هناء تملك على خالد وخالد مستعجل يبي الملكه ناظر اللي جاين بتجاها ابتسم

إبراهيم : اخبارك ياابو هناء

أبو هناء : ببتسامه ارحب يايبا بخير نحمد الله

إبراهيم : شفتك جالس وساهي عسى خير يايبا

أبو هناء : ابد جالس افكر قاطعه غيث وهو جايه يسلم عليه

غيث : ببتسامه : اخبارك يالغالي

ابوهناء : بخير ياولدي انت اخبارك

غيث : بخير يسرك الحال

أبو هناء : ناظر العامل وهو يتكلم مع إبراهيم ابتسم باحراج: شكل المزرعه تبعكم

غيث: ببتسامه : صغيره على قدنا حق ابوي الله يرحمه

ابوهناء: الله يرحمه : وبحراج والله ياولدي احب اجلس فيها دايم مادريت انها تبعكم توني قاطعه إبراهيم

إبراهيم : حياك يايبا باي وقت تجي انت الداخل وحنا الطالعين

ابتسم ابوهناء على رد إبراهيم وكل مايجي له يكبر بعينه: تسلم يايبا التفت لغيث : متى تبي الملكه ياغيث

غيث: باحراج : بصراحه يايبا كلمت خالد قلت مابي ملكه ابي زواج مره وحده وحدددنا بعد شهر من بعد اذنك طبعاً

أبو هناء : الله يكتب اللي فيه الخير يارب

غيث: عن اذنكم عندي مشوار

إبراهيم وابوهناء : اذنك معاك

ناظر أبو هناء لبراهيم وبتهور وهو فباله فكره الرجال هذا مايتفوت : أقول يبا ماودك تتزوج زي اخوك

إبراهيم : بضحكه: مانقول لا بس وين بنت الحلال ماحن النصيب لين الان

أبو هناء : وبتهور : ابشر بالنصيب الزين جتك بسمه ياولدي

انتفض إبراهيم من تهور هذا الشايب رد باحراج: تسلم يا ابو هناء لا تحرج نفسك قاطعه

ابوهناء : بفرحه : مابه احراج وين بلقا لبنتي رجال زين زيك والله انو يوم السعد يا ولدي وانا اشتري رجال وماني لاقي احسن منك لبنتي

إبراهيم : باحراج وهو خلاص مايقدر يرد هذا الشايب حدد مصيره وهو يبي يتزوج بس مو بهالسرعه : نطق بصعوبه : لي الشرف والله بنسبكم يايبا على خير شاور البنت وان شاء الله متى ماحبيت ن

ابوهناء وهو يقاطعه بفرحه وهو يحضنه: الف مبروك يبا وبسمه ماراح تلاقي احسن منك

بعد شهر تحدد الزواج والملكه قبل الزواج بيومين
اليوم ملكه ساره وبسمه وكانت الصدمه لهناء صفقه قويه من بنت عمها اللي ماتدري ان غيث هو فارس أحلام هناء او فلووووس غيث

قاطعه رعد وهو يسكت العم حمزه بصوت يقطع القلب وكانه فهم الغز اللي مو عارفه احد غير حمزه وبسمه اللي ماتت بسرها

رعد : جلس على ركبته من الصدمه مايبي العم حمزه يكمل وكأنو عرف سر الهناء

والعم حمزه سادح مايقدر يتحرك وهو يسمع صوت رعد المكتوم
يبا رعد اذكر الله قول لا اله الا الله انا اسف يبا اني خبيت عليك

رعد:حضن العم حمزه بشده وبكاء بدون خجل من كونه رجل دمعته خانته امه اللي اعتبر امه العمر كله هذا تطلع خالته وخالته اللي قالت له هناء تطلع امه الحقيقيه حاول يتمالك نفسه بس كان سؤال بباله إبراهيم هذا أبوه ناظر العم حمزه بشتات : ياعم إبراهيم هو نفسه أبو جود عم سمو ابوي انا

العم حمزه بتعب : أي يبا

نزلت دمعه قهر ويش صار يبا ويش سوت هناء وخالد مو اللي سرق فلوس ابوي وقتله

العم حمزه: كذب هناء كذبت عليك عشان الفلوس تخرب على غيث حياته تبي الفلوس والفله كل همها الفلوس ساره ماقدرت لها ماعطتها مجال ساره تدخل هناء بحياته بس انضحك على بسمه كونها اختها بسمه بريئه وانظلمت من اختها غدرت فيها إبراهيم مات وهو مايدري انو عندو ولد كانت حامل فيك بسمه ودرت هناء قبل إبراهيم يدري لعبت على بسمه قالت متزوج عليك بالسر قال لخالد جن جنونها لم دريت انها حامل لعب فيها وهربتها في ليل اسود عندي ماكنت اعرف القصه كنت مصدق هناء انو إبراهيم خبيث ومشيت معها بس قبل موت بسمه علمتني كل شيء كنت اعرف انها خبيثه من يوم ما اشتغلت مع أبو هناء بس ماتوقعت واحد بالميه تسوي كذا

رعد: نطق بحرقه : وإبراهيم ويش صار عليه وجدي أبو هناء

ابوحمزه: بعد زواج بناته توفه ابوهناء بعد سنه او سنه ونص والله ماني فاكر

إبراهيم : بغى ينجن وهو يدور لبسمه هو وخالد خالد كان حمل عليه لانو هذي مقام اخته

رعد: بكرههه: خالد انجس من زوجته ياع قاطعه

العم حمزه: خالد مافي انظف من قلبه بس حطه بوحده ظلمتكم كلكم

رعد: بصدمه وهو خلاص بيموت ويش الاسرار هذي اللي تطلع ماعاد وده يكمل العم حمزه ويش مخبي هذا الشايب: ويش تقول يبا

العم حمزه: إبراهيم جالس سنوات يدور على بسمه وتعب حبها اكثر من نفسه عشقها عشق جنون وده كان يعرف ليه سوت كذا مات ولا هو عارف انو الخبيثه هناء سوت كذا زوجة خالد بنت صديقه اللي اهي ام جود صبرت عليه ام جود وهو ينطق اسمها ويبكي بجنون تحملت

رعد: بصراخ : ياعم خالد خالد ويش قصته هذا مو سببب كل سكت وهو يضرب صاعقه العم حمزه

العم حمزه : خالد فاقد ذاكرته من سنوات من يوم حادث أبوسمو وام سمو وهو معهم ربي سلمه كان مع اخته ومن يوم فقد ذاكرته

رعد: بصدمه: ماني فاهم طيب وبعدين فقد الذاكره

العم حمزه بتعب اكثر: بعد سنه سنتين ماعالجته هناء عشان يرجع ذاكرته حاولت بكل الطرق ماترجع ذاكرته عشان تنوي اللي ببالها بعد ماجاب ثنتين بنات توم إبراهيم بدات المشاكل قالت لها سرق فلوس اختك وشركه اختك اخذها ابراهيم راح خالد يطالب بحقه ههه على باله فلوس اخته وتعب اخته

رعد: نطق بصعوبه: وليه ابوي ماقال له انو فلوسه

العم حمزه : لانو هددد بسمو ياخذها ويحرق قلبه فيها وهذا مو كلام خالد كلام هناء لعبت عليه لانو خالد مو بعقله

رعد : مسك على راسه من خبث هناء : عم خلاص اسكت

ابوحمزه: سكت و سكت على ظلمك وظلم إبراهيم وظلم بسمه بسمه اللي اوجعتني وماخلتني انطق عشان اختها ماتضرك يبا يبا خالد مايدري من هو خالد زي الالي تمشيه على مزاجها

رعد: بقهر وحقد: وكيف كتبت كل شي بسمي كيف يبا

العم حمزه : انتبه يبا مستحيل هناء تكتب شي لك لانو لعبت بالدنيا عشان هذي الفلوس والشركه وبالنهايه تعطيها لك مستحيل هذي كارثه اكيد خططت على شي قبل ماتلعبها معك صح

رعد بصدمه وقف وهو يتذكر اخر موقف بينه وبين فيصل لم قال له هذي تحتاج توقيعك اخذ يبي يوقع قال له المحامي تحتاج توقيع امك قال له انا المدير تلعثم قال أي بعض الأوراق انت موكل امك يعني كل شي لسا مكتوب باسمها غمض عيونه بقهر وهو يتذكر كلامه ببعض الأوراق


العم حمزه :رعد سموووو بنت ساره اكيد مفكره خالها هو اللي لعب بالدينا خالد بالاسم بس ولا هناء اللي تخطط اكيد ابوك مفهم سمو انو خالد اخذ حلال ابوها

رعد : غمض عيونه بقهر وهو مغبون كيف الصدفه هذي سمو بنت عمي وجود ونجد خواتي صرخه مكتومه بقلبه اااااااااااااااااااااااااااااااااااااااااااااااااا اااااااخ اااااااااااااااااااااااااااااااااااااااااااااااااا اااااخ ياهناء والله لا اخليك تبكي قهر وتعضي أصابع الندم لا اخليك تعيشي اللي عاشته امي بقهر وغبنه وخووووف لا اخليك تكرهي اليوم اللي انولد فيه رعد انا تلعبي علي

العم حمزه: رعد رعـــــــــــــــــد بصرخه رعـــــــــــــــــــــــــــــــــــــــــــــــد







&&** إلــــــى الملتقـــــــــــــــــــــــــــــى **&&







.

الرد باقتباس
إضافة رد

رواية خذي وقتك ياسيدتي العزيزة/بقلمي؛كاملة

الوسوم
للكاتبة , العزيزة , ياسيدتي , جنوبية , شموخ , وقتك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عرش السُلطان/ بقلمي. خيال. روايات - طويلة 126 18-08-2019 01:30 AM
رواية زيزفون الجنوب /بقلمي smoker_39 روايات - طويلة 73 10-08-2016 11:22 AM
رواية أنا لست سوى عاشق في زمن كثر فيه التلاعب/بقلمي الـكاتبه : إيـم الـعتيبي. أرشيف الروايات المغلقة - لعدم إكتمالها 2 14-05-2016 11:59 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 11:28 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1