غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 24-09-2018, 02:10 AM
الربيع القلب الربيع القلب غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


ههه عرفنا الحين مع مين نصف
سر غريب عجيب
لا تطولي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 25-09-2018, 07:51 AM
صورة أم نووور الرمزية
أم نووور أم نووور غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


مشكوره كاتبتنا شموخ المبدعه على البارت الجميل


يمه منها هناء وراها بلاوي… طلعت اهي النصابه الكبيره ... مسكين رعد انفجع بالحقيقه مانقول الا ربي يحميه ...




وننتظر جديدك بكل شووق يامبدعه…

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 29-09-2018, 07:34 PM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


.



صلو على النبـــــــــــــــــــــي ..




تكملة البارت السابـــــــــع ..









العم حمزه: بصرخه: رعـــــــــــــــــــــــد انت رجال تنزل دموعك عشان شي مايستاهل ومين هناء هنـــــــــــــــــــاء قوم امسح دموعك وخذ حق امك يارعد

رفع راسه وهو تايه لأول مره يحس إنه لاحول ولاقوه له انهد حيله انكسر ظهره بخواته واحد ولدها متزوج اختي والثانيه ماعليها خوف ماخذه صديق عمري بس كيف اطلع نجد كيف كيف غمض عيونه بندم على تهوره ومطاوعت سمو كله عشان ينتقم من خالد اااااااااااااااااااااااخ ياهناء جايك والله ما ارحمك وقف

ناضر العم حمزه لرعد : أي ابيك كذا قوي لاتنكسر بيوم انا عارف ظهرك مكسور عشان خواتك معليك انت معهم الحين ويارعد بذمتك بنت ساره تراها مظلومه زيك لا تظلمها ازود

رعد: بقهر : وهالمجنونه سمو دخلت نفسها بمصيبه ياعم ناويه علي دخلت البيت عشان تنتقم مادرت فيه اللي لاعب بالدنيا كلها

العم حمزه: لاتظلمها الظلم ظلمات يوم القيامه يايبا

رعد: بهدوء هه هذي بنت عمي وحلال اللي اسويه فيها صح اهي زيه بس تتحمل دخلت نفسها بلعبتنا الوسخه ت قاطعه العم حمزه

ولا تنسى ان حلالك حلالها يارعد فلوس ابوك وابوها واحد

جمد رعد وهو ناسي الموضوع التفت باندفاع : بس ياعم اهي مره ماتقدر تأخذ حقها كيف تسوي كذا مجنونه ه

العم حمزه قاطع رعد: هذا حقها زي ما نأخذ من عمها اللي هو ابوك وهي بترجع فلوس ابوك مو فلوس سكت شوي العم حمزه ونطق بصعوبه : رعد عشان الفلوس تبي

رعد : بانفعال وصدمه : لا لا ياعم مستحيل الفلوس تعمي عيوني هذي بنت عمي بس ابي اعطيها قرصه صغيره عشان ماتلعب

العم حمزه : خلك من سمو الحين ويش ناوي تسوي مع هناء

رعد: ابتسم بقهر وحقد الدنيا : ابد ياعم كل شي راح يمشي زي قبل واحلا بس الحين هناء راح ابتدي معها ست هناء من اليوم وبشوف لوين بتوصل وبلعبها مع خالد ومع هناء

العم حمزه:خالد ماله ذنب يارعد

رعد: ببتسامه : عشان كذا برجع الفلوس لخالد

العم حمزه : يعني الفلوس باسمك

رعد: ههههههههههههههههههههههههههههههههههه الفلوس باسم هناء بس هناء حطتني لوحه عشان تلعبها صح وتلعب بالفلوس ورعد كان مفهي بس الحين راح ابتدي الحرب واكشف هناء لخالد وباحتيال وانا ياعم خلاص برجع فلوس خالد والله يسامح انا ما اسامح على ظلم خالد لي بخبث

العم حمزه : ابتسم على رعد وخبثه


بغرفه رعد
سمو بقلق وخوف: اووووووف الساعه 9 العشاء ومافي خبر عنه يالله يالله يارب لايكون هذا العجوز علمه تخطيطي طار أغلقت سمو عيونا بتفكي بس قاطعه دخوله ببتسامه فزت وهي تركض تجاهه بخوف وتحضنه : رعد حبيبي خفت عليك وينك طولت ادق عليك من المغرب ماترد ياروحي

رعد: ااااااااااخ ظهري ظهري بموووووووت ابي مساج

سمو : وهي تناظر فيه الوضع عادي ردت: اوكي ياروحي بس وين كنت

رعد: ابتسم : وقرب منها : قلت لك قبل عند زوجتي الثانيه

سمو: بفهاوه : والله

رعد: قهقه بجنون : ههههههههههههههههههههههههههههه تغاري ياروحي

سمو: بغرور : هههههههههههه اغارهه ومن يجي بجنب سمو ومن يجي على سمو وقربت منه وسحبت ثوبه ياقته اتجاها حست بنفاسه : بذمتك هذا كله تقدر تأخذ الثانيه ما بعدي احد انا

رعد: ببتسامه : وهو يتثاوب وبدون مبالاه: الثانيه والثالثه والرابعه : ماخذه بنفسك مقلب

سمو : دفته بنعومه اجل روح للثانيه والثالثه والرابعه تسوي لك مساج

رعد: بحيله : اف اف ياسمو من هذي اللي تجي مكان الغلا كله

سمو: ابتسمت وهي ودها تعرف ويش يدور براسه ااااااااااوف




اليوم الثاني

بيت مصعب

مصعب وامه وهبه بالصاله

مصعب : بصدمه : وليه ويش بك امس وانتي موافقه ايش اللي غير رايك

هبه: بضيق: فكرت مارتحت يامصعب مابي

ام مصعب : بهدوء : خلاص يمه براحتك

مصعب: بقهر وهو يوقف : الى متى هذا الخوف الى متى بتحبسي نفسك لمتى بتقفلي على حياتك منتي اول بنت تطلق ولا اخر بنت توقفي على حياتك عشان الكلمه هذي ياروحي ياهبه عيشي حياتك والله تضيعي عمرك وحياتك ياوخيتي الى متى بتضلي كذا حابسه نفسك بــ هالبيت

هبه : بصوت رايح ونحيب ونطقت بصعوبه: أخاف من نظرات المجتمع

مصعب : وهو يقاطعها بقهر: نظرات نظرات بحريقه نظرات ناس ونظرات المجتمع وقفت الدنيا عشان نظراتهم والله بتدمري حياتك ياهبه عشان المجتمع تصدقي البلا مو بالمجتمع البلا بنظراتك انتي للمجتمع والخوف اللي بقلبك تصدقي اليوم المطلقه لها قيمه احسن من باقي الكل ياوخيتي لاتحرمي نفسك من الشغل ولاتحرمي نفسك من الحياه حاشره عمرك ووو

هبه وقفت وسحبت نفسها لغرفتها وهي تبكي


التفت مصعب لأمه بقهر

ام مصعب: سيبها براحتها يمه


بيت رعد

مغمض عيوونه وناررر وشرار يحس فيها بس كاتم يبي يبدا ووده الحين بس راح يخرب كل شي التفت اللي بجنبه اللي نايمه بسلامه ابتسم ما اخبث منها احد بنت العم هي على هناء كلهم وجهين لعملة وحدة عشان الفلوس يبيعووو اغلا مايملكو كرامتهم ومبادئهم عشان الفلوس فز بسرعه وكانه تذكر شي دق على مصعب بسرعه

رعد: الوووووووووو

مصعب : بضيق: هلا رعد

رعد: ويش رايك تقدم الزواج يامصعب

مصعب: بتنهيد : مالي خلق أتكلم الحين خلنا بكره ويش رايك نتكلم

رعد: باستغراب: ايش بك

مصعب: بضيق: هبه يارعد هبه بتموتني هل البنت بتموت نفسها وبتموتني معها كانت موافقه على الوظيفه والحين رفضت خوف من نظرات المجتمع

رعد: بحزن على حال خويه يحاول يسعد هالبنت بس تصده دايم: اممممممممممممم مصعب عندي موضوع بكره راح نتقابل وراح اعلمك فيه بصراحه فيصل كلمني عشان موضوع ويبيني أتكلم معك

مصعب: باستغراب : ويش

رعد: بحزن لأنو يكذب: بكره

مصعب : اوكي

رعد قفل من مصعب ودق على فيصل وقال له اطلع على القهوه ابيك

القهوه بعد ساعه

فيصل : وجع يارعد صوت المباراة فلق دماغي ويش تبيني جايبني هنا

رعد: بضحكه وهو بالع العافيه : أي هههههه أي

فيصل: باستغراب من حركات اخوه : اشبك

رعد: ماودك تتزوج ببتسامه

فيصل : لا

رعد: بفهاوه: ههههههههه ليه ياروحي

فيصل : بخبال زي رعد: لأنو مابي ياقلبي

رعد: بدلاخه: الزواج حلو وتكون اسره

فيصل : بخبال اكثر: اسره مع بعضينا

رعد وفيصل : هههههههههههههههههههههههههههههههههههههههه

رعد: أي

فيصل : ويش معك يارعد

رعد: ودي تتزوج اخت صديقي مصعب البنت زينه ومحترمه بصراحه اذا انا ماكنت متزوج كان ان

قاطعه فيصل : مصعب اخ وعزيز وغالي بس والله ياخوك ما افكر بالزواج

رعد: بحزن: مابي اضغط عليك بس والله ياخوك مابي البنت تفوتك محترمه واخلاق وانت اخوي بس ماتبي براحتك وبكذب بس لم قال بتنخطب لولد ثاني قلت اخوي اولى فيها بس مادامك ماتبي براحتك

فيصل : لاوالله ماودي الحين

رعد: بضغط على فيصل لازم فيصل يملك عليها: طيب املك والزواج خله لو تبي بعد خمس سنوات اهم شي البنت ماتروح تكفى ياخوك ماطلبتك الــــ وسكت

فيصل : باستغراب من اخوه والحاحه عليه : ابشر يارعد مادامك مصمم مالك الا اللي يرضيك

فز رعد وهو يسلم على راس فيصل انحرج فيصل من موقف اخوه ما توقع بيفرح كذا


غرفه فايز

كانت تراجع كتبها وشعرها رافعته نازله خصله على شعرها ومبتسم

كان يناظر فيها وهو يالله يتمالك نفسه لم يكون معها يحاول يكون كل وقته برا مايبي يكون قربها لانو يضعف هذي انثى وهو رجال مايقدر يقاوم رغباته يحاول يصد ويصد بس الى متى وهو يتغافل عن حركاتها العفويه وبرائتها غمض عيونه بتنهيده

التفتت نجد ببتسامه وهي تفز تقرب منه : هاي وينك مختفي

فايز : صد للجهه الثانيه كنت برا ورجعت وين كنت

نجد: وقفت قباله : الا ماسمعت بااخر خبر

فايز : شنووو

نجد: بخبال ابد ولاشي خخخخخخخخخخخخخخخخخخخ

فايز : انكتم على أنفاسه ريحة عطرها يحاول يصد وهذي توقف قباله : اها اوكي بتسبح

نجد: بعيار: يقولون انك زوجي صح

فايز : بقهرمن الحال اللي هو فيه: مو هذي المصيبه اني زوجك

نجد: بدلع ههههههههههههه اشبك حامي على العموم مو تحس على نفسك وتروح تأخذ لي باسكن ررر قطع أنفاسه بشراسه وو


بالصاله

هناء وخالد سوالف سمعو خطوات كعب التفتت هناء وابتسمت

سلام

خالد: ببتسامه : هلا والله ببنت اختي حبيبتي

سمو : ببتسامه مزيفه: هلا والله فيك سلمت على راس خالها وطنشت هناء عاتبها بنظراته طنشت وجلست حطت رجل على رجل

هناء : ببتسامه اشغلت سمو : ثاني مره انزلي ومعك شي لابستيه البيت به رجال

سمو: بكرهه: ياعمتي ياحبيبتي هذا محرم صلاه معليك لا احد بيجي بلبسه

هناء : بضحكه: هذا مخصص لصلاء مو لحجابك

سمو: بتافف : حاسبين بالله عليه

خالد: يناظر مره هنا ويرجع لهنا كانهم طباين التفت على دخول رعد وهو يتنحنح عشان فيصل معه

فزت سمو تأخذ محرم صلاه تغطي نفسها وهناء مبتسمه
طلع فيصل لغرفته بسرعه واقبل رعد عليهم سلم على راس هناء وهو نار بقلبه واقبل على خالد سلم عليه استغرب خالد بس قال يمكن عشان سمو موجوده جلس بجنب سمو وهو يحضنها بيده ومبتسم

خالد : ببتسامه ماكره: الله يسعدكم يارب وان شاء الله اشوفكم كذا على طول والله يرزقكم بالذريه الصالحه

كانو مبتسمين اثنينهم اختفت ابتسامتهم برعب ناظروا بعض

رعد: بنفسه: بتطلع جنيه زيها

سمو: بنفسها : يمممممممه ولدي بيطلع خبيث الله سكتت وهي تتخيل ان معها ولد من رعد ابتسمت

هناء : بغثه : بدري على العيال مو صح رعودي

سمو : بنفسها ييي يي وجع

رعد: بفرحه مبالغه فيها : لاوالله يايمه : ودي ببنوته كذا تطلع زي قلبي سمو فديت اللي جابها لي

انصفق وجهه ميه وثمانين درجه : براحتك فزت باستعجال وهي تاشر عليه : تعال ابيك

سمو : بدلع : وهي تتمايل على رعد: حبيبي روووح ولا تطول انا ابيك بعدين

رعد: وهو يبوس راسها وسط نظرات هناء اللي كانت تغلي : من عيوني

خالد: وهو يناظر لزوجته ورعد يتجهو للمطبخ التفت لسمو : ويش فيه هذا ماكنه في تقدم خخخخخخخخخخ

سمو : بطفش: لاوالله مابه تقدم هو رومنسيه زايده فيه وبعدين تعلمني الخبيثه تبعك صرخت خالد خلت سمو تبلع لسانه

خالد: وهو يرفع ايده احضري ياسمو هناء خط احمر فهمتي

سمو : بحقد وكرههه لخالها ولهناء : راح تندم هالعجوز وراها مصيبه اسمعني سكتت وهي تشوف رعد وهناء يطلعو


بالمطبخ

هناء: ببتسامه : ماعاد نجلس مع بعض زي قبل

رعد: امممم يمممه بقول لك شي

هناء : ببتسامه سم ياروحي

رعد: بخبث : أقول لك قومي معي سحب ايدها وهو يطلع لصاله قرب من خالد اللي مقلوب وجهه وناظر لسمو اللي وجهه للجه ثانيه ابتسم وهو يجلس هو هناء وهناء مستغربه اشبه رعد : بصراحه ودي أقول كلمتين بوجود أبوي خالد ببتسامه

خالد: رفع حاجب باستغراب : خير ان شاء الله

هناء : ببتسامه : دايم الخير يجيبه رعد

سمو : وهي تناظر فيهم وببالها: مالت عليك وعليه

رعد: وهو عينه على أبو فيصل ونطق كلمات اذهلت واصدمت ثنتين بغت عقولهم تنهبل من ذا الخبر : بصراحه يايبا اخذت شركتك وبيتك عشان ماتفلس سويت المستحيل عشانك وعشان امي واخواني الشركه ما شاء الله الحين من اكبر الشركات وماعاد بقي للعمر يايبا ما احد يدري متى يومه فعشان كذا يايبا خلاص اللي علي سويته لك فلوسك وشركتك ترجع لك بكره راح اكلم المحامي راح يرجع لك كل فلس حس بتلاطم بالأرض من الثلاجات والفناجين قهوه وشاي ابتسم ناظر الا هناء واقفه تناظر فيه ودها تقتله

خالد: ناظر لسمو بصدمه ماتوقع بيوم رعد يرجع حلاله او يقول او يتكلم

سمو : كانت تناظر بصدمه وقهر على حالها يعني الفلوس ترجع له وتخطيطي هذا كله يروح كذا تزوجت التبن عشان الفلوس بالنهايه ترجع لخالد عدووووووو عمي فلوس امي فلووووووووس ابوي وامي تروووووووح له ترجع له مره ثانيه كانت عيونها مصوبه عليه بقهر ودها سكين تغرزه بقلبه هو على خالد ناظرة لهناء اللي مايقل عنها بصدمه نطقت بصعوبه : بس خالي ماعااد يتحمل الشركه والشغل حبيبي انت بصحتك خالي ياقلبي اهو تعبان يعني قاطعتها هناء

هناء : باستعجال: صادقه سمو يارعد حبيبي خالد يتعب ياروحي انا ماقدر اخليه يطلع عنده ضغط ووو قاطعهم خالد

خالد: باستغراب من سمو وقهر: لا مااتعب خلاص ابني حبيبي رعد بيرجع حلالي يعني ليه مستغربين

رعد: ببتسامه : اكيد يبا حلالك وحلال فيصل وفايز والبركه بعيالك يايبا

خالد: بفرحه : صادق ولدي صادق

هناء : صرخت بجنوووووون : الفلووووووووووووس والشركه ماراح راح تكوووووووووووون بااسمك يارعـــــــــــــــــــــد انت اخوهم الكبير

سمو :بفضول : وهي تناظر لهناء وليه تبيها باسم رعد وليه مصممه

رعد: بحقد: وهو يوقف ويقرب من سمو وينطق: بصراحه يايمه انا تعبت من الشركه يالله يالله بشغلي حضن سمو بيده: وبعدين بذمتك يايمه واحد عنده زي كذا وكل وقته بالشغل مو قهرررررررر

هناء : سحبت رعد بكتفه بقوه : ايش صـــــــــــــــــار بعقلك انـــــــــــت

خالد: بقهر:هنــــــــــــــــــــــاء ويش معاك ويش ببالك خلي الولد بيرجع الحلال ليه مو عاجبك

صرخت سمو بصوت عالي : لانووووووووو انت ماتتتحمل ياخال لشركه وتعب

خالد: بحقد اسكتي لاسمع حسك انتي

هناء : بقهر وحقد وهي تشوف كل شي بيروح منها كيف وثقت برعد راح يكشفو كل شي بسم مزور رعد ويش به ويش صار وين اتفاقنا الله ياخذك من يوم وثقت فيك ياتبن حتى اسم خالد عطيتك إياه عشان يقولو انو ولده وعلمته كل شي انو خالد سبب كل شي وبسهوله يتنازل على كل شي والله لا اقتلك انت على خالد وعلى التبن هذي اللي طلعت لي مدري من وين بنت ساره الذكيه اللي حاربتني على غيـــــــــــــــــــــــث وووو بس التفتو من الطيحه اللي على الدرج

صرخــــــــــــــــــــــــــــــــــــــــت
سمو بجنون نجـــــــــــــــــــــــــــــــــــد
وهي تركض اتجاه الدرج

التفت خالد للبنت اللي طاحت من اعلى الدرج هناء غطت على فمها من حال نجد رعــــــــــــــــــــــد واه من رعد فز بسرعه وهو يبي يتحرك اتجاه سمو بس استوقفه كلمه هناء : لاتروح ماهي محرم لك غمض عيونه بقهر وغبنه ضغط على ايدينه بحقد وكرههه الدنيا تجاه هذي الهناء التفتوووو على صراخ فايــــــــــــــــــــــــز





ولاتحرموني من تعليقاتكم








.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 01-10-2018, 08:41 AM
صورة أم نووور الرمزية
أم نووور أم نووور غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


مشكوره كاتبتنا شموخ المبدعه على البارت الجميل


حسبي الله عليك ياهناء لعبتي بالكل عشان الفلووس… ... قهرتي ولدنا بس ان شاءالله راح ياخذ حقه وحقوق الكل… وراح تحلوو الاجواء ويبدأ اللعب…





وننتظر جديدك بكل شووق …
وربي يوفقك ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 04-10-2018, 11:06 PM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


نورتي ام نور وفديت حماسك

وين يامتابعيني الحلوين الحماس
ابي توقعات مابه عل عموم بنزل بارت اليوم وانشاءالله اشوف حماس لانو بارت اليوم ناررررررررررررررروو ماتتتوقعوووووووو 🤗

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 05-10-2018, 02:56 AM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


.




صلوا على النبـــــــــــــــــــــي ..





البارت الثامـــــــــــــــــن ..








فايز نزل بجنون من على الدرج اخذ نجد وهي مغمى عليها وسمو تصرخ

فايز : بصراخ : جيبي عبايتها قفز رعد اخذ عباية هناء اللي حطتها لطلعتها عند الباب ونادا سمو اللي بتنجن وتصرخ وتسب بفايز غطاها فايز وطلع ركضت تبي تطلع مع اختها سحبها رعد وهو يصرخ عليها ويقول لها عليك بس محرم صلاه وهي ماهي يمه كل اللي يدور بعقلها ايش فيها اختها


بالملحق
كانت عند الدريشه تناظر بس شد انتباها اللي طالع مسرع ومعه شخص شايله فزت وهي تردد هذا فايز اخذت عبايتها وطلعت تركض لبيت رعد اسرعت بخطواتها وهي كان ودها تلحق فايز وتشوف من شايل مو اختها يارب احمي اختي كان تردد بنفسها وهي تنتفض بخوف فتحت الباب الا تشوف سمووو تبكي وتسب بفايز التفتت لهناء اللي حاطه رجل على رجل ولا على بالها وخال سمو ورعد يهدونها وهي ماهي يمهم قربت منهم : ويش فيها نجد لا رد


سمو : ناظرت بأختها غطت على وجهها وهي تبكي بندم هذي نتايج التهور دخلت اختها بمتاهات مع هذولا الناس

نطق رعد:مابها شي تعبت شوي واخذها زوجها للمستشفى

جود:بخوف: كيف تعبت فجأه مابها الا العافيه اليوم وهي عندي

هناء : بضحكه : لا ياحبيبتي مابها تعب بس شكل اختك وسكتت

سمو : رفعت نفسها واشرت بيدها: هنـــــــــــــــــــــــاء ابعدي عني وعن خواتي والله لا احرق قاطعتها جود بصراخ

جود: بقهر : الله يحرقك انتي لوين بتوصلين انتي ويش صار بأختي صارت تضرب بنفسها وتبكي

غمض عيونه بقهر ولا له حيل ولا قوه كيف يقول لهم انا اخوكم كيف

شاف سمو تتجه لجود وتحضنها وجود تبكي وتضرب بسمو

سمو : ببكي جود والله انا اسفه جود الله ياخذني من يوم فكرت صرخ أبو فيصل لأنو سمو بدأت تجيب العيد بالنسبة له

أبو فيصل : خلاص انتي وهي البنت مابها شي ادخلو داخل لم تجي


سحب نفسه رعد لغرفته وخل كل اللي في الصاله قفل الباب ودق على فيصل

فيصل : بطفش: لي ساعه من يوم خليتك لهدرجه اشتقت لي

رعد: بحقد: كل زق وارسلي أوراق الشركه اللي توقعها امي كل مره

فيصل: بضحكه: انا ابي اعرف انت مدير الشركه ولا امي نص الاوراق هي توقعها

رعد: بكرههه الدنيا : ارسل لي وبلا كثرة كلام

فيصل : وهو يتثاوب طيب بكره ارسل لك الحين لو منك عشر ناظر للجوال التبن قفل الجوال بوجهي احسن ورجع كمل نومه

مر اليوم بقلقه وتعب وتفكير سمو وجود اللي كل وحده ماخذه لها بزاويه بالصاله مافي الا هم الثنتين كلهم دخلو نامو ماعاد رعد اللي بالبلكونه ينتظر فايز ناظر لنور السياره تراجع لورا وهو يتحرك يبي ينزل


انفتح الباب على قفزت سمو وجود دخل فايز ومشى من عندهم لفوق كانت تنادي سمو بس قطع صوتها دخول نجد قربوا البنات من نجد وهما يناظرون فيها

جود: ببكى : نجد حبيبتي ويش صار فيك ياروحي ويش سوا فيك هالتبن

سمو : كانت تشوف فيه تشوهات او ضرب بس مافي شي : نجد قلبي ويش صار فيك

نجد: ساكته تناظر فيهم وتفكر وتفكر باللي قاله فايز غمضت عيونها وهي تفكر

ماخذ الزوايه وهو يسمع سمو وجود يبيها تتكلم ماتكلمت ضغط على ايده بقوه وهو ناوي على فايز بيتحرك بيدخل لفايز بس لم سمع نجد كتم ضحكته على خبالهم


نجد: نطقت باستهتار : تخيلووو شفت صرصور تحت الكرسي والنذل فايز اخذه وكان بيطيره فيني وصرخت وماحسيت بنفسي الا انا طايحه من الدرج وسكتت وببلاها ليه سويت كذا مدري مدري بس اللي اعرفه ان فايز شخص زين


سمو : بفهاوه : تستهبلي هذاك الصراخ كله صرصور فكرته قتلك ضرب

جود: التفتت لسمو : ويش صار ابي افهم ويش صار

نجد: نطقت بتعب وهي تبي يبعد الشك من الثنتين : أقول صدقتو ولا لا الله يجعلكم ماني مضطره اجلس اشرح لكم بطلع لفوفتي منتظرني ماسمعو الا ضحكت رعد: غطت على وجهها بفشله


رعد: انا هنا سمعت فوفو والله مو قصد تصنات بس ماقدرت اتمالك نفسي انفجرت اضحك: هههههههههههههههههههههههههههههههههههههه


سمو : فوفتي اطلعي

جود: بقرف: بصوت واطي : كيف حبيتي من هذي العايله ابي اعرف

سمو : ناظرت بجود: بنشوفك مع مصعوب او معصوب خخخخخخخخخخخخخخخخ

جود: ناظرت بقرف ومشت وهي تقول لنجد انتظرك بكره ريحي وتعالي معي كلام لك

سمو : بقهر وهي حنت لجلستهم بس هي السبب ناظرت لنجد وهي تطلع لغرفتها

اليوم الثاني

مصعب: فيصل خطب هبه

رعد: أي قال كلم مصعب هو مستحي بصراحه وانا قلت له انا بكلم مصعب واذا وافقت نملك

مصعب: باستغراب: وليه مافي نظره يمكن ما يتوافقو

رعد: معليك قال مدامها اختك م قاطعه مصعب

مصعب: عارف ان اختي منفصله

رعد: بهدوء وتهور: اكيد عارف وهو يبيها وعارف انها منفصله وشاري قربك

مصعب: بتفكير وبنفسه: لو قلت لهبه بترفض زي كل مره والولد زين هو صح عينه زايغه مرات بس والله رجال واخلاق ناظر لرعد ونطق بتهور : اوكي نخلي الملكة الخميس

رعد: ببتسامه : خلاص بس ويش رايك تقدم زواجك

مصعب: باستغراب: ليه

رعد: بتوتر : لا بس يعني مو احسن

مصعب: بضحكه وخجل: رعد انت عارف ضروفي يالله اجلس اجهز نفسي بـــــ هالثلاث شهور قاطعه رعد

رعد: بنخوه: افا عليك لا تشيل هم يا

مصعب: بزعل: اقطعها سيره يارعد ويش قصدك

رعد: لا لا لاتفكر بشي ثاني ياحمار احنا ااخوان وو اوكي براحتك متى ماتبي براحتك

مصعب: بضيق: اوكي انا بروح الحين

رعد: هو يناظر مصعب بندم : مصعب يشهد الله مامعي فيها كل اللي ودي إياه انها تروح جود خلاص هالشهر معاك مابي اختي تنذل

مصعب : بصدمه :اخت مين

رعد: بهم ماتدري ايش صار ياخوك خلني افضفض ولا اموت

مصعب كان يناظر رعد وهو يتكلم طلعت عيونه من الصدمه



بغرفه فايز

جالسين بجنب بعض وكلن ساكت امس من دخلت الغرفه الا هو نايم كانت تنتظر يتكلم بس لامجيب نطقت لانو ماراح يتكلم الظاهر

نجد: فايز

فايز : بتوتر وهو يفرك بجبهته : امممم نجد انا عارف بتتكلمي عن اللي صار امس وانا أحاول اني ما اكون طول اليوم عندك انا رجال ولي وسكت

نجد: بتعب: عارفه عشان كذا بعطيك حل لك ولي راح أكون عند جود من اليوم

ناظر فيها بعتب هو حبها كيف يقدر ينساها مو حب يمكن تعلق فيها يعني مايمر اليوم الا اهي قباله نطق بزعل وهو يوقف: براحتك واسرع بخطواته لبرا الغرفه

نجد: بغصه : ناظرت فيه طيب ليه زعلانه انا ابي كذا ليه ازعل اااااااااااااااااااااااااااااااااااااف



بالشركه

كان يناظر بالورقه ويبتسم على الأقل يطلع بالشركه تنكتب بأسمه والبيت أحاول اكتبه بأسم سمو لانو حقها ولا لها نصيب اهي واخواتي معي بالشركه نصيبهم بس البيت كيف كيف بطلع هالاوراق حق الشركه اذا ماوقعت لي هناء راح اضيع لا عاد شركه ولا جدي وهي دايم تدقق بالاوراق رفع راسه وهو يفكر ابتسم وجت فكره بباله مافي الا الخبيثه تبعه تساعد هههههههههههههههههههههههههههههههههه فز وهو مستعجل يبي يطلع عشان يوصل قبل ماتطلع امه من المطبخ اشك انها عايشه بالمطبخ اهو الوحيد اللي ينقذنا المطبخ خخخخخخخخخخخخخ


حاطه رجل على رجل وتتابع مسلسل مع خالها بالصاله وتفكر كيف توصل للاوراق لين الان مافي شي ضاعت 4 شهور من وقتها اوووووووف ناظرت للباب الا رعد داخل غريبه ويش جايبه بدري الساعه 12 ونص دخل وسلم على خالد براسه غريبه ويش الحب هذا

رعد: بضحكه وهو يسلم على خالد: كيفك يبا

ابوفيصل : ببتسامه بخير يبا ويش هالاوراق

رعد: بضحكه: اوراق الشركه يبا ابي احولها بأسمك

أبو فيصل : بفرحه الله يسعدك يبا خلني أقول لهناء

رعد: بخوف: لا لا يبا ويش تقول لها انت عارف انها رافضة عشان ماتتعب خلني أقول لها انا واتفاهم معها

أبو فيصل : ببتسامه : طيب طيب

سمو: بقهر وحقد قربت من رعد وهي تضغط على ايده وتسحبه بقهر

رعد: ضحك على حركاتها : حيلك ياروحي اشبك

سمو : وهي تسحب رعد للجهه الثانيه وبقهر : انت انهبلت

رعد: بهدوء وخبث: اووووووس اسمعي الأوراق هذي كلها ابيها تنكتب بأسمك اليوم فهمتي ابي نشوشر عقل هناء

سمو : ناظرت فيه : برعب : لا ياشيخ وتبيني اصدقك انت ويش تقول

رعد: ببتسامه خبيثه: مو تبين الشركه والبيت جاي لك

سمو : باستغراب : تقربت منه ويش تبي انت

رعد: مو تزوجتيني عشان هذا الشيء

سمو : بقهر وخوف وكشفان رعد لها: وانت صدقت التبن هناء انت عارف خالي قاطعها

رعد: بضحكه : تبين الفلوس ولا لا

سمو : يتفكير: ويش يثبت لي انك

رعد: بثقه : احلف لك باغلا ماعندي البيت راح ينكتب بأسمك والشركه ترجع لصاحبها

سمو : باستغراب : أصحابه

رعد: بثقه : أي

سمو : بقهر : وتبن الشركه والبيت حق عمي ووو غطت على فمها من تهورها ناظرت رعد برعب

رعد: بحزن : راح ترجع لك ياسمو ثقي فيني بس كل شي مكتوب بأسم هناء انغدر فينيي زي ما انغدر اللي قبلي

سمو : بخوف : انت ما تمثل

رعد: بضحكه: عاشرتك هههههههههههههههههههههههههههههههههههههههههههههههههه هه اسمعي ياحلوووووه ماراح أوضح لك اكثر من كذا راح تساعديني الحين عشان نكتب هذي الأوراق قاطعته سمو

سمو : بأسمي

رعد: بقهر : تعقبي الشركه بأسمي

سمو : بقهر : هذي فلوسي عمي قال فلوس ابوي مالك حق فيها يا السروق

رعد: بقهر : ابلعي لسانك وامشي قبالي المطبخ عشان نشوشر العجوز هذي

سمو : بقهر : تخسى ماراح ااااااااااااااااااااااااااااااه

رعد: ضغط على ايدها بقهر : وبصوت واطي: الحين بينتي ياحيه كنت عارف داخله على طمع يالخبيثه على العموم بتسوي اللي أقول لك وفوق خشمك ونفس واحد بفشلك دفها بقووووووووه

سمو : بحقد وهي تحرك ايدها ونطق بقهر: جعل ايدك الكسر ااااااااااااه


ضغط على فمها لا اسمع حسك قبالي مشت وهي تسب فيه


بالمطبخ

كانت تقطع الخضار وهي مستغربه ليه المحامي ماجاء عشان توقع الأوراق اللي قال لها غريبه سمعت صوت وراها ياهلا غريبه طلعت بدري


رعد: بضحكه : والله عشان الأوراق هذي يممممه تبعك لازم توقيعها انا مستغرب انا راعي الشركه وانتي توقعي

هناء : بتوتر: هههههههههههههههههه الله يهديك يمممه يعني قلت اساعدك واغير جو شوي

رعد: اها ناظر بسمو وهي تفرك ايدها يبيها تشغل هناء

سمو : بقهر وهي تناظر رعد: أقول عمتي حبيبتي

رعد: كتم ضحكته

هناء : بقرف: نعم

سمو : باحتيال: تخيلي رعد يقول لو جت بنت بيسميها هناء شرق بالمويه وهو يناظر فيها

هناء : بضحكه: وسعد عينك وهو يحصلك اسمي

سمو : بنفسها الله لايجعلو يحصل: لا عمتي يعني البنت لازم دلع اسمك حلو

شاف انشغال هناء وهو فتح الورقه ونطق : يمممممه وقعي هنا

هناء : وهي تبي تقرا الورقه
غمض لسمو

سمو : وهي تقرب وتمسك ايد هناء : عمتي خلاص عطيني اسم انتي

هناء : وهي تناظر بسمو وبتفتح الورقه : اصبري خليني أوقع

رعد: باستعجال : هنا بس يمه وقعي أي يمه وقلب الصفحه الثانيه هنا يمه

سمو : باستعجال وهي ضاغطة على ايد هناء : ها عمه لقيتي اسم حلو

هناء : وهي تناظر لسمو ورعد وللورقه اللي توقع عليها : طيب اصبري خليني أوقع اصبر يا ابني خلني اقرا

رعد: باستعجال : ويش تقري يممممه الله يهديك انا مستعجل وبعدين أوراق عاديه

سمو : بغثه : عمه عمه عمه عمه

هناء : الله اشبك وجع

رعد: بفرحه : أي يمممه اخر ورقه هنا أي خلصنا

هناء : طيب خلصت عطني اقراهاا

رعد: بخوف : ها

سمو : ناظرت فيه ابتسمت بنفسها جعلها بينكم

رعد: يمه لازم اروح الشركه الحين مستعجل

وقفت هناء وسحبت الأوراق من ايده بلم بخوف راح ينفضح ناظر بسمو بترجي

سمو : بصراحه شفقت عليه ههههههههههههه وقفت بسرعه وانا اسحب كرتون الدقيق اللي قبالي
وبوجه رعد وصرخت

هناء : بخوووووووووف: ويش صار ويش فيك ياولد

رعد: من الصدمه ماتحرك الحيوانه ماتوقع تسوي كذا

هناء : وشبك على الولد

سمو : ببكى : شوفي ايدي وهي ايدها حمره من مسكته : ضربني
رعد: واقف ما تحرك

هناء : بخوف : وهي تحرك رعد يمممه رعد ويش فيك تكلم

سمو : باستعجال اصبري اصبري راح يفوق على ايدي سحبت القدر اللي فيه مويه والفيري وبوجهه رعد غمض عيونه بقهر

هناء حطت الأوراق على الدولاب وقربت من رعد وصرخت على سمو سحبت سمو نفسها وهي تسحب الأوراق وعيون رعد عليها وهي تطلع من عندهم

رعد: الحيوانه بردت بطنها فيني يمممممممه الأوراق غرقت

هناء : باستغراب : وينها الأوراق كانت هنا

رعد: طلع ورقتين من جوبه : وهو يغرقها من مويه الأرض وهناء تدور للاوراق : يمممه هذي هي ماعاد تنفع رماها بالزباله خلاص وقت ثاني اجيبها

هناء : بقهر : شوف الغبيه هذي ويش سوت فيك

رعد: بقهر : على بالك بخليها لها بقتلها الحين طالع لها

هناء : بضحكه : كفوووووووو يمممه ربها


طلع بسرعه رعد لغرفته فتح الباب بقوه وقفله فزت سمووو بضحكه

رعد: بحقد : وين الأوراق

سمو : بكرههه : بالحفظ والصون

رعد: بقهر: هاتيها

سمو : بشراسه : احلم

رعد: راح اعدمك

سمو : بتريقه : انت معدوووم بحبي

رعد: هههههههههههههههههههههههههههههههههههههههههه ماخذه مقلب بنفسك ياحلوووو بس عشان نستمتع ياحلوه معك وانتو يالبنات تموتو بالحنان فعشان كذا البي رغباتي وغمض لها ورغباتك


سمو: بحقد لأول مره حسيت بخدش بأنوثتي التبن والله ماخليها لك : جد اجل انا حلالك وهذي فطره في بني ادم مو انت بس

رعد: بغبنه : هاتي الأوراق لاعت سبدي من الدقيق والمويه والفيري اللي براسي هاتي

سمو : بدلع : لاااااااااااااااااااااااااااااااااااا ههههه

رعد: بقهر : قرب منها وهو يلوي ايدها بقوه وسمو ماعطته فرصه حضنته بجنون وتضحك وهي عارفه نقطه ضعف رعد ابتسم من جنون اللحظه نسي الأوراق واللي جاب الأوراق


بعد ساعات


ناظرت فيه وهي تبتسم سحبت نفسها وهي تأخذ الأوراق وتلبس عبايتها وطلعت للملحق

بيت مصعب

هبه : بصدمه : بس انا مابي اتزوج

مصعب: الرجال خوي وزين وو قاطعته هبه

هبه: انا جربت الزواج وكرهت حياتي

مصعب: بحنيه :الرجال كلهم مو سوا يا هبه

هبه : بخوف: مابي يامصعب الله يخليك لاتغصبني على الزواج انا ما اتخيل حياتي مع رجال خلاص ا

مصعب: وهو يقرب منها :والله فيصل رجال فيه خير اذا اهو مو زين راح ارفض تكفين ياهبه لا ترفضي لا تخليني اغصبك هذا 5 عريس ينرفض بدون سبب

هبه: بصوت رايح: كل اللي صار لي بدون سبب

مصعب: باسل رجال تبن مو كل الرجال زيه ياهبه لا تجننيني الولد زين مابي ارفض تكفين وافقي انتي اختي الصغيره مابي اشوفك مكسوره كذا الى متى بتعيشي حياتك انتي صغيره حرام تضيعي عمرك

هبه: بقهر :يعني حياتي ما تكمل الا بالرجال

مصعب: وهو يشد عليها : يعني انا على بالك مبسوط لم اشوفك كذا انتي تكسرييني لم اشوفك كذا جالسه بالبيت لا شغله ولا مشغله والعرسان ترفضيهم ليه انا فيني اللي مكفيني ياهبه كفايه خواتك وغلبهم تعبت والله تعبت

غطت على فمها ولأول مره يصرح مصعب انها حمل عليه : نطقت : يعني انا حمل عليك يامصعب


مصعب: بعصبيه : انتي تفسري كل شي على مزاجك وقف وهو يقول لها بصرامه: الملكه يوم الخميس ان شاء الله عطيتك خبر


بالملحق

كانت تناظر نجد لسمو اللي ماخذه زاويه وساكته وتعد السقف

التفتت لجود اللي تناظر سمو بحقد ونطقت : بنات ويش وضعكم

سمو : بغثه وتريقه: انا بصراحه ابي اريح أسبوع عندكم مابي اشوف رعد قرفني

نجد: ببتسامه : يمكن حامل

جود: ههههههههههههههههههههههههههههههههههههههه بتطلع خبيثه

سمو : ناظرت لجود والتفت للجهه الثانيه

نجد: لامت جود بنظراتها

جود: بطفش : خير تناظريني كذا يعني بتطلع لمن لأمها هه

سمو : بغرور : ولها الشرف ومرتبت الشرف كمان اسكتي لا اقوم ادووس ببطنك لأنو قفلت منك

جود: بحقد : وريني شطارتك وشوفي ايش بيصير فيك

سمو : فزت بقهر هي وجود : تماسكو الثنتين ومضاربه

ناظرت نجد فيهم ولا فيها حيل تدخل بينهم خلتهم ودخلت الغرفه

بعد ربع ساعه

طاحوا الثنتين بالأرض وكلن اعلن استلامه

جود: بتعب : خلاص وجع تعبت

سمو : بتنهيد : يوجعك ماعاد فييني اصلاً نكمل بعدين

جود: بهدوء: ويش اللي غيرك ياسمو من انتي ودي اعرفك زي قبل

سمو : من بين دموعها: سمو تغيرت ياوخيتي من يوم دخلت هذا البيت مابي اصدمك فيني اكثر

جود: بضحكه قهر: ليه في باقي أشياء بتصدميني فيها قطع كلامهم دقت الباب وينادي بأسم سمووو

فزت سمو بخوف وقالت لجود : قولي له نايمه ماتت ماهي هنا صرفيه

جود: بخوف: بنت ويش سويتي الرجال شكلو معصب

سمو : وهي تدخل المطبخ وتاخذ الولاعه وتدخل الغرفه وتقفل على نفسها

جود: بقلق تناظر لباب الشارع : الله ياخذك ياسمو التبن : مين

رعد: بعصبيه : سمووو وينها

جود: بهدوء : بالغرفه

رعد: بقهر : شوفيلي طريق ابيها ضروري

جود: بدخل الغرفه انا وانت ادخل شوف اول باب سمو فيها دخلت بسرعه وهي تناظر من ورا الباب ونجد تناظر اختها مستغربه
نجد: ويش بك

جود: بضحكه : التبن سمو زوجها معصب ههههههههههههه قلت له ادخل ما احد عندها جعلوا يكسر راسها

نجد: بخوف : ويش تقولي انتي


عند الباب

رعد: بقهر وحقد : سموووووووووو افتحي الباب ولا والله مايصير طيب

سمو : من ورا الباب : ليه حبيبي معصب خليتك وانت اوكي شو بك حبيبي تبي جرعة حضن هههههههههههههههههههههههههه

رعد: بقهر على نفسو عرفت نقطه ضعفه هو قربها : سمووو ابي الأوراق عطييني

سمو: بدلع : لا قلت لك لاااااااااااااااااااااا

رعد: بضحكه : ههههههههه والله ياسمو لو مافتحتي الباب نهايتك على ايدي

سمو : بضحكه وهي تفتح الباب وتبعد رفعت ايدها بتهديد


رعد: بخوف وقهر: سمووووووووووووووو لااااااااااااا لاتحرقي الأوراق يالغبيه فيها كل شي لنا سموووووو لا تتهوري انتي عارفه كيف وصلت للاوراق هذي بعد طلوع الروووووووووووووح

سمو : بشراسه وحقد: اذا ماكانت الأوراق هذي لي ماراح تكوووووووووووون لـــــــــــــــــــــــــك يا ابن خالتــــــــــــــك

رعد: بعصبيه ودخان راسه وصل للنخاع سمـــــــــــــــــــــــو لااااااااااااااااااااااااااااااااااااااااااااااااا اااااااااا






&& إلى الملتقــــــــــــــــــــــــــى &&







.


تعديل شموخ جنوبية; بتاريخ 05-10-2018 الساعة 03:09 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 07-10-2018, 10:52 AM
صورة أم نووور الرمزية
أم نووور أم نووور غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


تسلم ايديك كاتبتنا شموخ المبدعه على البارت الجميل


سمو تصرفاتها كريهه ان شاءالله بس ماتحرق الاوراق وتضيع جهد رعد .. مشكله تبي تلهف كل شي ولا راح تنهي كل شي…
مااقول الا الله يعين رعد وينصره على هناء وسموو ..




وننتظر جديدك بكل شووق يامبدعه…

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 12-10-2018, 08:53 PM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


سلام عليكم🌚طولت صح 😬💔لا ماطولت 🌚عل عموم انتظروني بعد ساعه راح اكمل بس هالله هالله بتعليقات في ناس ورا الكواليس اطلعو طيب خلوني اشوفكم ياحلوين 🌚😂والعذر علي الغيبه لانو والله ضايق الوقت عندي😕

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 12-10-2018, 09:23 PM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


.


صلوا على النبـــــــــــي ..




تكملة البارت الثامــــن ..








رعد: سمـــــــــــــــــــــو لاااااااااااااااااااااااااااااااااا

سمو : وهي تناظر فيه مبتسمه رمت الأوراق وهي تنحرق قبال عيونه

رعد غمض عيونه من القهر ضيعت كل شي الغبيه من تهورها ويش يسوي فيها ضغط على سنونه وفتح عيونه الا شرار يتطاير من عيونه هجم عليها وهو يمسك ايدها بقوه


بالغرفه الثانيه

نجد : بقلق جود ما اسمع حسهم ويش صاير التفتت نجد على صرخت سمووووووووووووووووووووو

فزت جود بخوف وهي ترتجف : ويش صاير

نجد: بخوف مدري بروح اشوف طلعت نجد بسرعه وجود لحقتها

سمو: بضحكه : يالله اضرب يالله ويش منتظر

رعد: بحقد : انتي عارفه ايش سويتي ضيعتي كل شي ياسمو ليه ليه سويتي كذا

سمو : بحقد وشراسه : قلت لك هالاوراق اذا ماكانت لي ماراح تكون لك يارعد


نجد: واقفه تتسمع بهت جسمها أي أوراق هذولا يتكلمو عنه ويش تخبي سمو عنهم ويش قربت جود منها وهي تسمع مع نجد وناظرت اختها بخوف سمو تخبي شي كبير بس ايش ما احد عارفو

رعد: بعصبيه : ياغبيه هالاوراق بطلوع الرووووح طلعتها والأوراق الثانيه مع الأيام بتطلع وانتي بكل سهوله ضيعتي كل شي

سمو : بقهر : أي تبي فلوس عمي وابوي هذي فلوسي وفلوس اهلي انت مالك شغل فيها وفلوس خواتي يارعد وراح اطلعها من عيونك وعيون عجوز النار وخالي ماراح أوقف ولاشي راح يوقفني

رعد: سكت وهو يسمع تصريحاتها : ناظر فيها ونطق : اذا طلقتك ويش بيكون موقعك هنا

سمو : ناظرت فيه بقهر وسكتت صح بيكون مالها مكان وتحديها حتى على نفسها بيطير بالهواء ناظرت فيه وردت بضحكه وثقه: بس انت تحبني ماتقدر تتخلى عني

رعد: ناظر فيها نزل راسه وبيطلع من الباب الا البنات بوجهه مصدومين اخذ الجههه اليمين وطلع

دخلت جود على سمو اللي طايحه بالأرض تبكي رفعت راسها لأختها بقهر كيف سوت هذا كلووووو ويش عارفه هذي أي فلوس تتكلم عنها جلست قربت منها وهي تقول : سموو أي فلوس تتكلمو عنها سمو بعتي نفسك عشان فلوس لــ هالدرجه تحبي قاطعتها بصراخ

سمو : ببحه وبصوت عالي وقهر وهي خلاص كلمت رعد هدت حيلها هي عارفه ان رعد يحبها بس هي ليه انقهرت من هذي الكلمه : اسكتي اسكتي انتي ما انتي عارفه أي شي هذا البيت والشركه كلها فلوس ابوي وابوك يالغبيه عمي قال لي كل شي خالي اخذ حلالنا فهمتي فهمتي

نجد غطت على فمها بصدمه وهي تقول : انتي تزوجتي رعد عشان كذا

جود تناظر بنجد وسمو وماشافت أي رد من سمو نطقت بقهر : ليـــــــه ياسموووووووووووو ليه سويتي كذا على بالك رعد بيخليك بحالك رميتي نفسك ورميتي نجد معك وانا الله وعلم ايش بيصير فييني من تهورك

اليوم الثاني


فواز : بفهاوه: بس انا احبها

فيصل : بصدمه : يابني خلني افوق من صدمتي انا ماني فاهمك انت تفضفض ولا تصدم

فواز : بقهر راحت عند اختها قالت تبي تامن نفسها مني عطني أي حل يااخوك مابيها تروح عني

فيصل : بتفكير : لين الان ماني فاهمك بس بقولك شغله هذي زوجتك صح ولا لا روووح اسحبها بشعرها وانتهي خخخخخخخخخ

فواز : بقهر : تستهبل انا اشكيك حالي وانت تتريق

فيصل : بهدوء : زوجتك ولا لا

فواز : بتعب : أي

فيصل : روح اخذها غصب عنها بس تتركها ليه ومافي سبب وبضحكه ولا انا فاهم السبب واصلاً ماعندك سبب خخخخخخخخخ

فواز : بقهر : وقف الشرهه مو عليك الشرهه اللي يشكيك الحال يالغبي

فيصل : بضحكه : قلت لك روح اسحبها قول لها احبك اموووت فيك ماقدر أعيش بدونك ياعبلتي وصدقني تسيب كل شي وتفحط معك

فواز : بقرف: ماخذها بالساهل انت عارف كيف زواجنا وحرمت اخوك التبن هذي قاعده لي بحياتي

فيصل : بضحكه :اشبكم على سموووو امي تشتكي منها انها غيرت رعد والله البنت مافي منها بس انتم حساسين شوي

فواز : بقرف: هذي ام المصايب لا بارك الله فيها

فيصل : وهو يضرب براسه ويتذكر كلام رعد عن الملكه اللي بسرعه جت فز عشان يقول لأمه

فواز : ناظر لفيصل وهو يركض غمض عيونه بقهر ويش يسوي كيف يفهم نجد انو يحبها وتعلق فيها ماراح تصدقو اوووووووووف


يوم الخميس

بالملحق

نجد تناظر لسمو ونطقت : ماتبي تروحي عند زوجك اليوم لك ثلاث أيام

سمو : بهدوء : لا

نجد: اليوم ملكت فيصل علمتني الشغاله تقول ام فيصل معصبه كيف يخطب بمزاجه هههههههه

جود: بقرف : مالنا شغل فيهم بلا كلام زايد

نجد : بضحكه : ليه معصبه عشان عمتك دقت عليك تبيك تجي الخطبه هههههههههههههههههههههههههههههههههه

سمو : بضحكه : نجد اهدي ترين ماتتفاهم الا بالضرب ست جود وبعدين تبين تروحي عادي اخلي السواق يروح بك عشان مصعوبك

جود: بقهر وهي ترفع ايدها لفوق: اصعبو عليك حياتك قولي امين

سمو ونجد: هههههههههههههههههههههههه

جود: بقرف: مالنا شغل بــ هالناس وبزوجاتهم اسمعي يانجد فتره وراح تفتكي من ذولا الناس مستحيل تعيشي معهم بترد سمو قاطعتها جود : كفايه دخلتي في حياتها الى هنا وخلاص ياسمو

نجد : بخوف بقهر مالها راي صار الكل يدخل بحياتها وهي ساكته وقفت تبي تتحرك لغرفتها بس وقفتها جود

جود: بقهر : ماعجبك كلامي

نجد : ببحه : ما عاد تفرق معي ياوخيتي صار الكل يدخل بحياتي سوو اللي تبون ودخلت لغرفتها

ناظرت سمو لنجد وبقهر على حالها : جود البنت تحب

جود: بقهر : عارفه عشان كذا ابي ابعدها عنهم

سمو : بقهر : ليه طيب الولد اذا زين قاطعتها

جود: انتي مشت عليك كذبتها يوم المستشفى الولد مادري ويش سوا فيها

سمو : بهدوء : لاتستعجلي شوفي البنت تبي زوجها لاتخربي بيتها نجد وفواز واضح انهم تعلقو ببعض

جود: بقهر : حسبي الله عليك ياسمو انتي السبب

سمو : بضحكه : لاعاد تدعين فيني اللي مكفيني خخخخخخ

جود: بقرف : مجنونه ضيعتي نفسك يالخبله وضيعتينا معاك لوين وصلنا بسبتك شوفي ناظري نهايتنا ملحق زي الخدم وانتي هاربه من زوجك في أي لحظه راح يقتلك ولا يطلقك يالخبله

سمو : وهي تغطي على اذونها من صوت جود المزعج


بغرف رعد

رعد : واقف يلبس شماغه ولها ثلاث أيام انتظرها ماجت ماحب يروح لها مصيرها ترجع وين بتروح منه التفت للباب الا هناء داخله معصبه ابتسم


هناء : بقهر : رعد بيموتني فيصل كيف يخطب كذا وانت ساكت عاجبك الوضع

رعد: بهدوء: يمه حبيبتي البنت اخت مصعب ورجال اعرفه واعرف اهله ناس محترمين وطيبين توكلي على الله وبعدين فيصل وافق على الزواج احسن وهو لا حسيب ولا رقيب خليه يمكن يعقل من خباله

هناء : ناظرت رعد بهدوء ونطقت : رعد انت تغيرت يابني ويش فيك

رعد: بهدوء غريب عليه : ابد يمه وببتسامه : افكر اطلق سمو

هناء : بفرحه : جد يمممه ازوجك سيد سيدها يممممه

رعد : بحزن وخبث: راح اطلقها يمه بس ابي ارجع فلوس خالد قبل وبعدين ابتدي بموضوع سمو قاطعت هناء بحقد

هناء : بشراسه : انت انهبلت ياولد الرجال تعبان ماراح يمسك الفلوس ولا الحلال وبعدين نسيت اللي صار وين انتقامك ياولد

رعد: بقهر : وين انتقام وانا احس كل شي ما يتوقع الا بك كيف بنتقم منه وانتي

هناء : برجفه : بعدين نتفاهم بــ هالموضوع اليوم معنا ملكه اوكي وطلعت بسرعه

رعد: ناظر لها وبضحكه املي الوحيد المحامي وفيصل ياهناء يبي لي وقت على ماطلع هل الأوراق الله يأخذ شيطانك ياسمو ضيعتي كل شي ولا وصلت لهناء بس بلمح البصر ضاع كل شي


بيت مصعب

وقفت وهي تتحرك بعصبيه وامها تهدي فيها

ام مصعب : بحنان يمه هبه انزلي امه تحت بلا فضايح والله يقطعهم من خوات ولا احد جاء

هبه : بقهر : يمه مابي اتزوج الله يخليك قولي لهم مابيه

ام مصعب : بهدوء : مصعب راح يتزوج وانا ماراح ادوم لك يابنتي واخواتك شوفي ما احد جاء

هبه : بحزن : وقفت وهي تسحب رجولها غصب صادقه أمها من لها غير مصعب ومصعب راح يستقر بحياته تخرب حياته اليوم عرفت انها عاله عليهم يمكن ما كان قصدهم هما بس معهم حق انا بالنهايه مطلقه من يبي يقبل فيني غير هذا

بالمجلس ملكوا الرجال وقع مصعب بدل هبه لأنو هي رفضت قالت وقع بدالي ابتسم مصعب وهو مرتاح

دخلوا ثنتين من اخوات مصعب ام عبدالعزيز وام خالد مبتسمين

هبه رفعت راسها حست بنغزه بقلبها غمضت عيونها وهي تستغفر

سمو البنات وجلسو ماهي الا دقايق الا مصعب يقول فيصل راح يدخل

هبه انتفضت وهي تشوف ام فيصل توقف تبي تدخل فيصل

قربت ام عبد العزيز من هبه

ام عبد العزيز : هههههه ام خالد والله قام حظ المطلقه

ام خالد: بقهر : لا واللي يقهرك له منصب اذا قام الحظ قام

هبه : ببتسامه ردت لهم : الله يبارك فيكم

ناظروها وهم ضحاكه تغطو الحريم على دخلت فيصل


هبه : حسيت قلبي وصل للقاع من الرجفه وانتفض مع انو مو اول مره بس يمكن باسل عشاني احبو مخففف علي الرجفه وهذا كونو غريب باسل كان كل حياتي بس حياتي تغيرت بعد ماتزوجتو استغفرت لانو مو وقت اقارن بين باسل وهذا ابتسمت على امي وهي تقول ارفعي راسك

شبكها فيصل وهو يرجف اخس من هبه ضحكت أمه عليه وهي تقول اخ والعيال اهجد

فيصل: بضحكه : يمممه لاتلوميني اول مره

هبه : حزت بخاطرها هل الكلمه بس طنشت لانو اكيد ماله قصد واضح الارتباك فيه

فيصل : بعد ماشبك : يالله حبايبي الله لايهينكم شوفولي غرفه انا وزوجتي العزيزه

هناء : بضحكه : والله اني عارفه ان وجهك مابه حيا استح

فيصل : ابشري: وهو يسحب هبه اللي تنتفض في ايده : اجل انا باخذ زوجتي ومع السلامه ضحكت ام مصعب وهي تنادي ام عبدالعزيز روحي فيهم على مجلس الحريم

هبه: بصراحه انصدمت وين اللي ينتفض يمممه شكله من النوع اللي يغث

كان ماسكها فيصل ويسحب فيها وهي زي الصنم دخلو المجلس قفلت عليهم الباب ام عبد العزيز الباب وراها


هبه : جلست وانا عيوني بالفرشه

فيصل بنفسه: ياويل قلبي انثى بجنبي انا لو مرت بنت بجنبي طرت اجل هذي كامله والكامل الله يخرب بيتك يامصعب عندك مزه زي كذا الحمدالله يارب فكرتها تشبه مصعب خخخخخخخخخخخخ ويش أقول انا احم احم : الف مبروك ياروحي علينا

هبه : بنفسها: وجع روحي امحق امداك : ردت بهدوء: الله يبارك فيك

فيصل : انا اسمي الحلو فيصل

هبه : كتمت ضحكتي ياربي ماخذ مقلب بنفسه

فيصل : بثقه : احم احم عندك مانع لاسمح الله

هبه : ببتسامه : ابد

فيصل : بمشاكسه : على بالي

هبه : التفت غصب عني لــ هالمجنون ناظرت فيه هو حلو بس مو لهناك يعني ماخذ مقلب بقوه بنفسه

فيصل : بمشاكسه : وهو يرفع حواجبه : بذمتك ماني حلو

هبه : ههههههههههههههههههههههههههههههههه بصراحه ماقدرت امسك اعصابي تلفت مجنون

فيصل : برومنسيه : جعلني ضحكه جعلني فدا لك ولضحكتك ياشيخه انتي المفروض تضحكي على طول الرنه هذي ماتوقف مفروض

هبه : ياويلي ويش هذا هذا كيف بتحمل جريء غمضت عيوني وانا استغفر بصوت مسموع

فيصل: ههههههههههه لاتخافي الشياطين ماراح تروح قاعد لك

هبه : ابتسمت وانا اتخيل حياتي كيف بتكون معه هـــل مجنون



بالفله

أبو فيصل بعد ماملكو رجع يرتاح رعد ومصعب طلعو سوا فواز رجع مع ابوه

أبو فيصل : انسدح على فراشه وهذا الصداع ملازمه وكل تفكيره في رعد متى بيرجع الحلال قال بيرجعه ولين الان ماشاف شي مايبي يتسرع ويندم بيشوف لوين بيوصل هالرعد


فواز جالس بالحوش يناظر للملحق وهو ناوي يتهور وخايف وقف وهو يسب في سمو اللي مخربه حياته سحب نفسه وهو يقرب من الملحق ويناظر للدريشه وخايف يقابل غير نجد غمض عيونه وهو يدق الدريشه يمكن تهور بس كل اللي يبيه نجد أي يحبها دق دق


سمو : فزيت بخوف من هذا اللي يضرب بالدريشه يمممممه يممممه قربت بخوف من الدريشه وهي تفتحه بخوف ونطقت : مين

فواز فتحت الدريشه شوي وصوت هادي مدري مين بس هي خاربه خاربه والله ما اوصل الى هنا وارجع أوصلك يعني أوصلك : نــــــــــــــــجد

سمو : جسمي حسيت انكب عليه مويه بارد ابتسمت على جنون هذا الولد ابن خالي انهبل رديت وانا عارفه كيف يكرهني : لاااااااااااااا سمو

فواز غمض عيونه بقهر وحقد وكرهههه : بنفسه يالله الله ياخذك وافتك منك كل مره طالعه لي هالمجنونه

سمو : بهدوء وهي مقدره وضعه: فواز دقيقه راح انادي لك نجد بس جود لو عرفت ماراح تسكت

فواز : باستغراب : الحيه تصلحلي الوضع غريبه : المهم ابي نجد وبس


سحبت نفسها سمو وهي تدخل غرفه البنات وتاخذ عبايه نجد وشيلتها ناظرت لجود ماهي بالغرفه ولانجد وينهم هذولا انفتح باب الحمام اكرمكم الله التفتت : البسي عبايتك واطلعي فواز برا يبيك بسرعه


نجد: بتعب : ماراح اطلع ياسمو

سمو : بتمثيل: الولد تعبان يانجد يكح بشكل يخوف والله عور قلبي وهو ينادي باسمك

قربت نجد من سمو بخوف : من جدك انتي ولا ناظرت اللي دخلت ورافعه حاجبها وكانت تتسمع لهم غمضت عيونها وهي خايفه على فواز وجود ماراح توافق

جود: بقهر : سمو ويش تبين توصليله ابي اعرف

سمو : بهدوء وبحزن : الولد تعبان ياجود قلبي تقطع لو تشوفيه قلبك يتقطع عليه

جود: بحقد : مابي قلبي يتقطع ولاراح يتقطع على هذولا الناس التفتو على بكي نجد بجنون سكتت جود وهي تناظر لسمو

سمو : ناظرت جود ورفعت حواجبها يعني اختك واضح انها مستحيل تقدر تعيش بدون فواز

جود : بقهر على حال اختها : وجع لا تجلسي تبكي اطلعيله احد ماسكك

فزت نجد اخذت عبايتها من عند سمو وهي تركض برا

جود: بذهول تركض التبن

ضحكت سمو على تعابير جود

بالحوش وبالتحديد عند الدريشه شوي ينزل راسه ويناظر مافي أي احد وجع يالحيه طولتي ماحس الا اللي يحضنو من ورا وتبكي حس شعر جسمه وقف التفت بسرعه وهو يضحك على هالمجنونه ليه تبكي : نجد ليه تبكي


نجد: بصوت رايح من البكى ببحه: سمو قالت انك تعبان وتكح ووو

ضحك فواز على كذبت سمو سحبها لحضنه مره ثانيه وقرب منها وقال لها بصوت هامس: نروح من هنا

نجد: ناظرت فيه ودموعها تنزل وهي ترفع راسها وتنزله

سحبها وهما يركبو السياره ويطلع من البيت بكبره


تحدد زواج فيصل بعد أسبوعين


أسبوعين مرت نشوف ايش صار فيها

رعد يبحث في هذي الشركه عشان أوراق الملك ولقا شي بسيط بس يبي له فتره عشان يوصل للي بباله صار كل وقته بالشركه دوام ونوم سمو مايدري عنها أي شي يحن لها بس يكابر على نفسه لانو فعلا دمرتو ودمرت نفسها خربت كل شي يبي يعاقبها بس مو الحين الحين مو فاضي لها يبي يخلص من هناء اللي لاعبه بالدنيا صارت تروح الشركه من وراه وتوقع أوراق لأيش ما يدري


فيصل متهني مع عروسته مو حول احد

فواز ونجد بشهر العسل اخذ اجازه شهر وعلى مكه ورجع للإمارات ولين الان مارجعو والجامعه وقفتها فتره

جود : وياويلك يانجد من جود بتموت من نجد وتهورها وخوفها من زواجها اللي كل مايجي له يقرب

سمو : ووووووواخ ياسمو وصلت لأشياء رعد ما قدر يوصل لها : هههههههههههههههههههههههههه العبها يارعد بتلعبها يالغبي معي ضاع كل شي منك وصار كل شي بيدي أي ياهناء يالغبيه ما توقعت انو بسهوله أوصل لها فتحت الورقه وهي مبتسمه بس يبي لها توقيع هناء الغبيه بس نرجع مع سمو ليوم الأوراق


لابسه حجابي كنت بالحوش جالسه نجد الخبله هربت مع الحب حقها وجود بتموت منها ههههههههههههههههههه هبله وانا انتظر في أي لحظه رعد يقتلني بس وقفت وانا اشوف العامل يدخل وبيده أوراق فزيت بسرعه للعامل : سلام ياعم العامل :هلا يابنتي

سمو : هات عنك تبي اعطي مين هالاوراق

العامل : والله يابنتي المحامي قال سلمها لهناء بيدها

سمو : بفرحه : اف ياعم هذي امي الحين اعطيها سحبتها غصب عنه وهي تقول له روح شوف شغلك وانا بعطيها : سحبت نفسي وانا افتح هالاوراق لشنو لشنو فتحت الا هي أوراق البيت قلبي حسيته بيطير من الفرحه هذي أوراق البيت والملك والاساس غمضت عيوني والله ودي ابكي من الفرحه سحبت نفسي وانا اركض للسواق وقلت له ودني السوق بسرعه ركبت وانا افتح بــ هالأوراق وصلت للتصوير واخذت كذا صوره لها واخذت الأساس مبتسمه كنت سحبت نفسي وركبت السياره وانا طايره طايره ودي اشوف وجه رعد ههههههههههههههههههههههههههههههه

وصلت البيت ورجعت للعامل وقلت له روح اعطها الأوراق انا طالعه ضروري سلام ولي أسبوعين الحين وهناء ماعاد شفتها مدري ايش صار مادري درت انو الأساس عندي او ايش صرت خايفه انكشف والأوراق هذي ماوقعتها : اووووووو ناظرت للرجول هذي كمله واقف ما انتبهت شكلي له رفعت راسي ببتسامه عياره : ارحب يالحب اشتقت لك


رعد : شفتها تفكر وبالها ماهو معي بس انتبهت على اخر شي : سحبتها من جنبها بقوه حسيت بعروقها طقطقت

سمو : بحقد: ااااااااااااااااااه وجع حبه حبه شايفني شنو رجال وبمياعه ترا انا انثى

رعد:بشراسه ههههههههههههههههههههههههههههه انثى الجن انتي مصيبه حلت علي اوقفي قربت منها وانا انطق من بين سنوني بقهر : سمو أوراق البيت الأساسي وينها امي لاعبه بالدنيا تدور عليها والمحامي يقول سلمت العامل والعامل يقول سلمتها لأم فيصل

سمو : بتمثيل وبضحكه : طيب وانا شدخلني اذا الأوراق هذي ضايعه

رعد: وعيونه عليها سمو تريني اعرفك ما اخبث منك احد طلعي الأوراق

سمو : وهي تقرب منه : ليه منت مصدق ماهي معي واذا هي معي ما اتردد لحظه احرقها واحرق البيت بكبره معها

رعد: بتعب : سمو االاوراق هذي اذا اهي معك والله ما اسامحك

سمو : بتمثيل : تكفى رعد الله يخليك لاتقول كذا قلبي يتقطع وبصوت ثقه : ما هميتني لا انت ولا مسامحتك

ارتفع ضغط رعد وهو يأخذها على ظهره

صرخت سمو بجنون رعــــــــــــــــــــــــد رعــــــــــــــــــــــــد نزلنــــــــــــــــــــــــــــــي



ببيت مصعب

بالمجلس

مصعب : بطفش : ترا طفشت امي خلاص بكره الزواج

فيصل: واذا بكره الزواج يا اخي حرام عليكم من يوم الملكه ماشفتها لا والجوال ممنوع ويش ذا

مصعب : بضحكه: عشان تشتاقو لبعض

فيصل : بقهر : الله ياخذك انت واشتياقك نادها لي ولا والله لا ادخل اسحبها بشعرها

مصعب : بضحكه : جرب صدقني ايدك تنكسر

فيصل : بضحكه طيب قوم نادها لي ماراح اطلع الا قبل ما اشوفها تكفى الشوق يذبح ياخوك

مصعب: هههههههههههههههههههههههههههههه طيب طيب

طلع مصعب ينادي هبه بعد 15 دقيقه

دخلت هبه مبتسمه بحيا

فيصل : وهو يصفر ارحبي يالغلا وأخيرا الله يخرب قوانينكم اللي لعبت فييني

هبه : بضحكه وهي تسلم عليه وتجلس قريب منه : يازين قوانينا

فيصل: وهو يقرب منها : احبك

هبه : وهي تغير الموضوع بحيا : بكره زواجنا ويش اللي جاي اليوم

فيصل : بعتب يعني اشتقت لك ويش ذا وادق على عمتي ما ترد علي تعبت وانا ادق عليك ماتردي

هبه : خلاص قلت أسبوعين وانتهت وبكره زواجنا

فيصل : بفرحه : وقسم بالله ماني مصدق فرحان ياهبه ما اصدق وانتي عندي

هبه : بحزن : اتمنى يا فيصل هالكلام ما يتغير بعد الزواج لأنو قاطعها فيصل وهو يحضنها

فيصل : اف اف ياام رعد ويش اللي يتغير مستحيل يتغير

هبه : وتغير مزاجها: ويش اللي ام رعد

فيصل: لأنو حبيب قلبي رعد اهو اللي قال لي عنك انك اخت صديقه عشان كذا قررت أن أبني بسميه رعد

هبه : وهي تذكر كلام باسل : بعد الزواج ما تتغير

فيصل : باستغراب : اشبك يابنت شوي وقلتي بعد الزواج ما تتغير مستحيل هو بيتغير بعدين كل شي بيزيد الحين بضحكه بيزيدو العيال هههههههههههههههههههههههه

هبه : زواجي الأول كرهني بالزواج

فيصل : مبتسم كان صارت الابتسامه تروح تدريجين : أي زواج قصدك زواجنا

رفعت راسها هبه بخوف ونطقت : زواجي الأول

فيصل : بفهاوه : قصدك زواجنا

هبه : بقهر وخوف : فيصل انا كنت متزوجه وتطلقت ما علموك

فيصل : هـــــــــــــــــــــــــــــــــــــــــــــــــ ــــــــــا









&& إلــــــــى الملتقــــــــــــــــــــــــــــــــــى &&







.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 15-10-2018, 01:17 AM
صورة شموخ جنوبية الرمزية
شموخ جنوبية شموخ جنوبية غير متصل
©؛°¨غرامي مشارك¨°؛©
 
الافتراضي رد: رواية خذي وقتك ياسيدتي العزيزة/بقلمي


😑😑😑😑🤨🤨🤨🤨
شنو هذا البارت نزلتو أتوقع قبل ثلاث ايّام أو اربع
ولين الان مافي تعليق يعني مو معقول مافي مشاهدات أنا اشوف المشهدات زينه فرجاء خلف الكواليس ☺اطلعو علقو عطوني دعم عطوني تعليق مرضي لي ☹☹☹
ماراح اكمل لم اشوف تعليقات الي تجبر بالخاطر 😞😞😞😞😔

الرد باقتباس
إضافة رد

رواية خذي وقتك ياسيدتي العزيزة/بقلمي؛كاملة

الوسوم
للكاتبة , العزيزة , ياسيدتي , جنوبية , شموخ , وقتك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عرش السُلطان/ بقلمي. خيال. روايات - طويلة 126 18-08-2019 01:30 AM
رواية زيزفون الجنوب /بقلمي smoker_39 روايات - طويلة 73 10-08-2016 11:22 AM
رواية أنا لست سوى عاشق في زمن كثر فيه التلاعب/بقلمي الـكاتبه : إيـم الـعتيبي. أرشيف الروايات المغلقة - لعدم إكتمالها 2 14-05-2016 11:59 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 12:15 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1