منتديات غرام روايات غرام أرشيف الروايات المغلقة - لعدم إكتمالها بيني وبين الناس سر وبيني وبين الله أنت دعوة/بقلمي
Malak444 ©؛°¨غرامي مشارك¨°؛©

البارت الأول؛
كانت جالسه بغرفتها.. وتفكر بحالها وبحياتها ممكن بيوم يتغير!! وممكن "يتغير للأحسن ولا بزيد سوء أكثر"
تنهدت بضيق، وغمضت عيونها، ما مر عليها ثانيه الا وهي تحس بأحد يسحب شعرها بقوه،، وبصراخ مرعب. "" كم مره قلت لك ما تنامي الا وانتي مخلصه شغل البيت انا ما احب تنظيف الخدم ماتفهمين انتي ولا صار ما ينفع معاك الا هالاسلوب"" كانت ما تسمع اي شي.. من الي يقال لها كل الي ببالها انه تبعد يدها عن شعرها،، لدرجه تحس يتقطع من قوة انها شادته صار ينزل دموعها بدون ما تنطق ولا كلمه.... "الفجر 4:00"
بعد ما خلصت كل شي ونظفت كل شي، مع انه كان نظيف بس عقاب لها طالعة الساعه تأففت.. -ياربي بأذن الفجر انا كيف بداوم اليوم وانا اصلن ما نمت -غمضت عيونها، بأبتسامه باهته حزينه....
"بمكان ثاني بعد ساعتين"
كان يرن منبه بصوت مزعج، قام بكسل، ويبعد الفراش عنه ياخذ لها.." شور سريع" بعد نص ساعه،، "طلع من جناحه كان لبس ثوبه وشماغه وريحة عطره سابقته و الثوب كان ملفت بسبب بروز عضلات صدره تكلم بصوته" الرجولي ..صباح الخير يمه.
نوره بأبتسامه مشرقه مثل حظورها:صباح النور ماشاءالله اليوم الوجهه منور عسى دوم يارب.
يوسف باس راسها، وجالس بمكانه المعتاد بمقدمة الطاوله :اكيد دامه يصبح على هالوجه الحلو.
قاطع كلامه دخوله المرح، وقالها بغيره:لو سمحت ما أسمح لك تتغزل بمزيونتي. -وهو يبوس راس أمه ويجلس بيسار يوسف-
يوسف ببتسامه ساخره :مو من عوايدك قايم هالوقت وش عنده الأخ.
طراد وهو يتمغض وهو مبتسم:ادري غيران اليوم بأخذ الجو منك ماتتدلع من يد المزيونه لحالك.
نوره ام يوسف تضحك بخفه :هو صح كلام اخوك مو من عوايدك تقوم بدري قول وش عندك.
طراد تغير ملامحه لجديه بس رد بمزح : افا حتى المزيونه وقفت بصفه لا تستانسوا بس عشان عندي شغل مهم.
يوسف الي قام وهو مو مهتم للموضوع بسخريه؛ الله يقويك. - بأس راس أمه وطلع لشغله-
نوره طالعة طراد بنظرات تفحص:وش هالشغل المهم الي اهم من دراستك إلي من دخلت هالجامعه وما نشوف وجهك الصبح وهالشغل مقعدك عشانه.
طراد وهو عارف امه و يعرف انه ما يقدر يكذب عليها، ابتسم وقام على طول :انا بستأذن بعدين يمه اقولك. "نوره الي عرفت وتأكدت،، طراد دامه تهرب من الموضوع انه الشغله الي قال عنها وراها مصيبه : وين لسى ما كملت فطورك ليش كذا مستعجل!!
طراد يبي يطلع لانه عارف نفسه ما يقدر يكذب عليها أكثر:باس راسها وطلع على طول يلا اشوفك على خير تأخرت. "نوره قلبها نغزها من حركة طراد :انتبه لنفسك ولا تطول برجعه استودعتك الله الذي لا تضيع ودائعه....


................................................
البارت الثاني؛
دخل لشركته بهيبته،،،
" ويرد السلام بكل تواضع لكل من يسلم عليه من الي يشتغلوا بشركته...
دخل لمكتبه الكبير،، كان يعكس شخصيته، بكل شي موجود
"من أثاث وديكور من مكتبه الفخم من ادق التفاصيل الموجوده"
وقف قدام -طاقه ،دريشه، نافذه -كل واحد ولهجته..
كان ماخذ نص مساحة الجدار، وهو يتأمل الشوارع والمباني الي قدامه،، وعقله مو معاه خايف، كان عارف وش يقصد طراد بسالفه شغل مهم!!! بس ما كان حاسب حساب هاليوم بكون قريب
" كذا تنهد بضيق، كان حاط يده على جدار، وعيونه مركزه على نقطه وحده، ويده الثانيه قابض يده زادت لدرجه عروق يده برزت، وحمرت ضرب الجدار بكل قوته، و هو يكلم نفسه
-والله لو حاول مجرد تفكير يأذي طراد راح امحي من الارض اهخ منك ي طراد مو وقتك ولا وقت الي تبي تعرفه-
............................
بجامعتها كانت تضحك وتطقطق،، ولا كأنه شي يهمها ولا انه ذي الانسانه تعرف الحزن قبل ساعه كانت مع صديقتها
فطوم الي ميته ضحك من كلام انفال ،وبصعوبه تتكلم : اهخ قلبي حرام عليك بموت بسببك امانه مو متخيله شكلها وهي تطيح؟
انفال وهي مبتسمه : والله هذا الي صار عاد المسكينه ما طاحت الا قدامي وش يفكها الحين.
فطوم وعيونها مدمعه من الضحك ،تمسحهم بطرف اصباعها :امشي امشي ندخل قبل ما تطردنا مدري كيف بدخل عندها بعد الي قلتيه.
انفال زادت ابتسامتها:والله يخوفي من اشوفها وأتذكر شكلها اوف المشكله هي بدون شي ماتطيقني بعد هالسالفه احسها حاقده علي من قوة حظي الجميل محد كان موجود غيري انا وهي يا انها اعطتني نظرات حقد..
-كانوا يسولفوا ودخلوا للكلاس، وطلعت نفس الدكتوره معتذره ماتوا ضحك،، طبعا الكل مستغرب من وضعهم من سمعوا انها اعتذرت وهم يضحكون!!

"المغرب6:00"
طراد كان واقف قدام "قصر كبير وجميل، وفخامته هي كانت تتكلم عن الشخص الي يسكنها،، كان حولينه سور كبير من حديد وفيه أشواك من فوق السور، هذا غير السور الأساسي للقصر كان
" موقف تقريبا ربع ساعه"
وهو يتأمل القصر تأفف من الحارس الي طول على ما يفتح له وأخيرا انفتحت البوابه!!!
ودخل بسيارته، لداخل القصر،، انصدم من الي شافه كان فيه نافورة كبيره بوسط القصر..
هذا غير السيارات، والي تدل على شركات كبيره ومعروفه، غير المزرعة الكبيره الموجوده، و الأشجار الي تضم القصر من كل الجهات،،
نزل من سيارته، وهو يطالع المكان وكأنه بحلم، توجهه لباب القصر الداخلي، "انفتح قبل ما يوصل له دخل اول ما حط رجله لداخل القصر، حس بضربه قويه على راسه من ورا اغمى عليه.

أتعبني غروري!!!! ©؛°¨غرامي مجتهد¨°؛©

وااااو روايتك حماسيه جمييله جدا


بداايه متألقه

الشخصيات مو واضحه كثير

لمن تكملي كم بارت ححلل الشخصيات

بس باين انه فيه الم ظلم


وكمان اكشن😍😍


كملي وانا معاكي


.......

Malak444 ©؛°¨غرامي مشارك¨°؛©

ياعمري انا بعد كم بارت ببتعرفوا على شخصيات ان شاء الله تنال اعجابكم💓💓

لامــارا ©؛°¨غرامي نشيط¨°؛©

السلام عليكم اختي

أنتي مو كنت منزلة مقدمة للرواية بمشاركة من قبل

؟؟

هذي


قد يكون حياتكُ سوداويه بنظركِ وقد يمليها التعب والمشقه ولكن ثق بربك فقد يعوضوُكَ بشيئاً يفرحُك ويسعدُك اضعاف حزنكِ.

لقد احببتك كثيرا يا ابي فأنت الأمان والحياة لقلبي فلا احداً سايكون مثلكُ.،،

عشقي لذاتي قد يتسبب لي بالمتاعب ولكن انا ... فوق كل شي واذا أرادت ذاتي شيً فعلت المستحيل لها فكيف بقلبي ؟؟

انا إنسان شرس وغير قابل للنقاش لمن يقترب للممتلكاتي فكيف من يتجاوز كل الحدودُ معي قد يكون الموت اقِل ما يحصل لهُ !!!

امن بلدي هي مطلبي الوحيد حتى لو الأمر تطلب مني انه أفقد نفسي وكرسُت حياتي لذالك ولكن لما أدُرك ان هناك من كان يحتاجوني وهو بقربي وأقرب إليه من عروق قلبي فسامحيني.!!

قد اكون إنسانه صرامه وحازمه بقراراتي ولكن عند صغاري لا استطيع ان أرفض لهم طلباً حتى وأن كنُت ببعض الوقت قاسيه معاهم الا ان قلبي يتقطع بسبب قسوتي لهم ولكن الحياة علمتني هذا القسوه لكي نعيش بسلام .....



ليه عملتي موضوع جديد ؟؟

Malak444 ©؛°¨غرامي مشارك¨°؛©

ياختي اول مره استخدم المنتدى ف شكله خربطة الي تعرف للمنتدى تجيني💓💓🙁

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1