غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 23-08-2018, 03:51 AM
سديم الـ إبراهيم سديم الـ إبراهيم غير متصل
©؛°¨غرامي جديد¨°؛©
 
الافتراضي رواية مدامني عشت الزمن دوم محروم شيصير لو ضاقت علي كل ساعة /بقلمي


بسم الله الرحمن الرحيم
السلام عليكم ورحمه الله وبركاته
كيفكم ؟ إن شآء الله بخير
كتبت قصه وحبيت أشارككم فيها ..
ويارب تعجبكم وتحبوها
ماني مطوله عليكم وببدي ع طول بس
إنتوا عطوني رأيكم فيها

"للمعلوميه تروني احب المدييييح والمجامله" .. ههههههههه😁😅 أمزح أمزح ..
يالله اربطوا الاحزمه سنقلع إلئ قصتنا ونعيش عالمهم :)



البارت الأول
《١》
سبحان الله ،الحمد لله ،الله أكبر ،لآ إلاه إلا الله ،لا حول ولا قوة إلا بالله
{ صلوا على النبي }

صلى الله عليه وسلم



.
.
.

جالسه في حوشهم والهوئ يلعب في كشتها لعب..سرحانه تفكر في كلام أبوها
" ......../اسمعيني زين يا حليمه وحطي هالكلام في راسك إن ما وافقتي عليه والله ثم والله لا تتحسري علئ عيشتك هذي إلي انتي بها الحين وموعاجبتك 'رفع اصبعه السبابه وهو يأشر عليها'وبتتمنينها ولا بتلقينها 'وبتأكيد' صدقيني بتتمنينها

حليمه ساكته وخايفه إلا مرعوبه وبتموت خوف وش توافق عليه الحين ؟؟! يا ربي وش فيه ابوي اليوم جالس يهذي بكلامه وشكله يقول انه جاد في هرجته بس وش الشي إلي يبغاني اوافق عليه ...يارب يكون سكران وهذي من هلوسته المعتاده ..إيه اكيد سكران ولا ليش يهدد ويتحلف وأوافق !! أوافق علئ ايش بالضبط ؟

أبوها بزمجره وهو فاتح عيونه ع آخر شي حتئ بانت عروقه المحمره من كثر الغضب أو بالاصح من كثر الشرب بس الحين صارت حمراء بزياده من كثر م انه معصب / إنتي فاهمه كلامي وفاهمه وش أقصد.. وأظن إن عندك شي اسمه عقل داخل ذا الصندوق بين اكتافك 'يقصد راسها'فكري به .. ولمصلحتك فاهمه!! 'وببطء' مصلحتك

"طلع وسابها كان ودها تسأله وتطلب توضيح لكلامه ؛لكن م قدرت خوفها مسيطر عليها وهو م عطاها الوقت علشان تدفع خوفها شوي وتفهم الالغاز إلي انقالت لها...طلع والحين له خمسه أيام م شافته ولا حتئ لمحه لكن كلامه مشغلها ومسبب لها قلق وش يقصد .." صحت من سرحانها ع صوت عند باب الحوش حقهم بس الصوت كان خفيف مره وكأنه حرامي يحاول يفتح الباب بهدوء ومن غير محد يحس عليه .. حلوم إرتعبت من فكره الحرامي وفي نفس الوقت حست بسخريه من هالحرامي إلي ما لقي غير بيتهم يسرقه ههههههه والله انه منكوب ذا الحرامي ...شوي وسمعت صوت مشي والظاهر ان ذي الخطوات متوجهه جهت بيتهم .. يا ربي وش ذا هذي شكلها عصابه جايه تستحل بيتنا لأن حركه رجولهم تدل ع عدد مو شخص واحد ..ياربي سترك يارب وهي تناظر باب بيتهم إلي رفسه وحده ويقع في الأرض ..وباب الحوش اخسن وأردى متأكل من الصدى وحالته حاله .. بدأ ضرب قوي علئ الباب .. بس الغريب إن العصابه م تحاول تكسر الباب ..لا جالسين يدقون ع الباب
وفي عز خوفها وهي لاصقه في الباب تناظر من فتحه صغيره لباب الحوش .. تنتظر متئ ينكسر بابهم حق الحوش و يدخلون عليها العصابه ..سمعت ذا الصوت / آوووف يمه شكلها م بتفتح الباب وانا بصراحه انكسر ظهري وانا اشيل في ذي الصينيه وواقفتبها علئ
الباب
...../صدق يمه والله حتئ انا رجولي عورتني وإيدي *تصلم *من ذي الدلال اشيل فيها ثلاث والله ثقيله!!!

عيوش/أقول نوير تبادلين اشيل الدلال وانتي تاخذين الصواني؟؟

نوير /أقول طيري بس قال إيش قال تبادلين علئ اساس الصواني اخف ..أقول يمه خلينا نروح البيت احسن والله شكل بنت اختك ذي م بتفتح الباب والظاهر انها ناايمه ولا هي حاسه بحد

منيره الصغيره / لا لا يمه الله يخليك لا نرجع البيت والله هي بتفتح الحين *وقامت تضرب ع الباب بقوه وهي تنادي ع حليمة* حلوم يالدبه قوي افتحي لنا الباب الله ياخذك من الساعه أربعه وحنا ندق ع بابكم ذا *المروح-الخايس* افتحي

عيوش تغطي ع فمها / أنطمي أنطمي يالغبيه فضختينا الله يقلعك الناس كلها سمعت صياحك يا القرده حتئ حمود في الملعب سمعك "حمود اخوهم "

منيره وهي زعلانه م تبي ترجع البيت هالبنت تحب شي اسمه طلعه من بيتهم وتعشق شي اسمه هياته..تخصر وهي تشيل في كيس معبأ بسكوت منوع وشابوره "الناس إلي م تعرف الشابوره هذا شي ينوكل مع الحليب بالشاي او النسكافا ..إلي يسوون دايت ياكلونها كثير تنفع لهم وصح اظن الكويتيين يسمونها صمول أو حاجه زي كذا :)" / وتبغينا نرجع البيت بعد ذاك التعب كله !! لا حبيبتي اذا تبغين ترجعين ارجعي لحالك لوحدك احنا م بنرجع وذي الحيوانه بتفتح الباب

' حليمه بعد م صحيت من صدمتها وتخاريف مخها وفي هذاك الوقت كانت تضحك وهي تتخيل خالتها زعيم العصابه ههه وبناتها الافراد "
فتحت الباب وهي وهي متفشله من خالتها إلي واقفه لها ساعه عند الباب وهي راحت تفكر في اشياء سخيفه حرامي هه حرامي يدخل بيتهم

منير شهقت بفرح وكان باب الجنه انفتح لها ما هو باب بيت حلوم هههه / ما ني قلت لكم بتفتح ذي البقره بس
لازم تلطعنا اول بعدين تفتح

حلوم ببتسامه /هلا خاله حياك تفضلي
دخلت خالتها والبنات وقفلت الباب
بعدهم

خالتها ام محمد بهدوء/ هلا فيك يمه بس علامك علئ الباب م تفتحينه ..الله يهديك ساعه لنا واقفين ننتظرك تفتحين
"وبتفحص لوجهها" ووجهك م يقول انه
توك صاحيه من النوم

نوير بجزع وهي تقلد صوت حلوم /والله يا خاله محد يجيني واجلس بالايام والاسابيع لوحدي ..هو انتي افتحي الباب بالاول بعدين تشرهي

حلوم وهي منحرجه / والله اسفه ي خاله وحقكم علي يابنات بس كنت مشغول جوة البيت انظف في المطبخ وم انتبهت للباب"م حبت تقول انها خافت وكذا عشان م يجلسون يتطنزون عليها البنات وتشره عليها خالتها *مرأه* وش كبرها تخاف إذا اندق عليها الباب !!

خالتها بحنيه /م عليك حبيبتي بس خلي بالك من الباب يمكن احد منا ولا منا يجي يسير عليك ويشوف علومش
كيف قايله يتطمن عليش

عيوش بفرح /ابشرك حلوم خلاص م بنسافر للجنوب بعد اليوم وبنستقر هنا
حليمه بصرخه /صدق قولي والله
عيوش / والله والله م اكذب
حلوم ضمتها وهي فرحانه واخيرا بيصير لها احد هنا ؛..دايم وهي لوحدها من توفت امها وهي تجلس في بيتهم لحالها بعد م كان ابوها معها بس الحين لا خلاص ابوها تغير من لما ماتت امها وهو مو هذاك الاولي تغير ميه وثمانين درجه والفضل يرجع لأصحاب السوء شوفوا كيف شايب عمره في الخمسينات يتأثر بشله فاسده فاسقه م تعرف الحرام ولا العيب .. بعد م كان ابوها في احسن حال انقلب عليها وعلئ نفسه اهمل حياته واهمل بنته ..حتى صلاته وعبادته اهملها بعد م كان .... والحين صار .. (راح احكي لكم وش صار له وتغير بعد وفاة حرمته بس في الوقت المناسب )الحين خلونا نرجع لحلوم /الحمدلله الحمدلله والله فرحت كثير كثير بستقراركم هنا
وربي م تتخيلوا قد ايش مبسوطه فيكم وقد ايش انزعج لما تسافرون وتخلوني

ام محمد بحنان الام /ي قلبي وشلها
من داعي الدموع الحينه

عيوش وهي الدمعه في عينها /اي
والله صادقه امي

حلوم ما قدرت تمسك دموعها وانفجرت بالبكي والمصيبه بصوت عالي / والله العظيم غصب عني من يوم ما ماتت امي وتغير ابوي وانا لحالي وانتوا م تجون إلا في السنه حسنه ..والله ان افرح بشوفتكم وربي
شاهد
نوير تضربها ع ظهرها بخفيف وهي تحاول تغير الجو الكئيب في نظرها وتعرف امها وحليمان إذا انفتحت سالفه خالتها الله يرحمها يسوون عزاء م عاد يسكرونها / أقول حليموه ترينا ضيوف عندك قومي جبيبي المويه والفناجيل شوفي ذا الدلال انكسرت يدي وانا اشيل فيها وانتي م صبيتيها

حلوم ابتسمت وهي تمسح دموعها وتشوف الصواني والدلال إلي جايبينها خالتها وبناتها / والله ي خاله ماكان كلفتوا ع نفسكم وشهوله ذا كله الله
يهديكم تعبتوا نفسكم والله
ام محمد /أقول استحي علئ وجهك وش كلفتوا؟! ما حبيتها منك يا حليمه
لا تعاودينها مره ثانيه

حليمه ببتسامه / ابشري يا قلبي انتي
بس لا نزعلين علي وهي تبوسها

خالتها /ههههههه حبيبتي خلاص مني بزعلانه والحين قومي جيبي الفناجيل
خلينا نتقهوئ
حليمة / ابشري من عيني ذي قبل ذي

الخاله / تبشرين بالجنه يابعدي

قامت حلوم للمطبخ وىاحت عيوش وراها أما نوير ومنور رتبوا الجلسه
في الحوش

نوير / ماشاء الله اليوم الجو حلو

منيره / هذي بركاتي ولا الرياض من
متى جوها زين!!

نوير بتريقه /هالله هالله يابركاتك
اسكتي بس لا يقلب الجو عجاج
هههههههههههه

حلوم بترحيب وهي تشيل في الصينه / يامرحبا بكم والله ونورت الرياض

نوير ومنيره كل وحده تسابق الثانيه بس طلع صوت واحد / بنوري والله

نوير وهي تناظر منيره بغيض /نعم
تقلدين
منيره ونفس النظره / والله مدري
مين إلي يقلدني

حلوم وعيوش وام محمد/ههههههههه
هههههههههههههههههههه هههههههه
هههععهههههعههههههههه

الخاله /لا بنورك ولا بنورها

عيوش بلقافه /بنوري انا :)

الخاله / ولا إنتي بنور اهلها .

نوير تشم في الهوا وتتلفت وكأنها
شمت شي وتدور للمصدر حقه

منيره / وش فيك كنك كلب بوليسي
وش تشممين
/ههههههههههههه ههههههههههههه
ههههههههههههه

نوير بقهر / كلب في عيك يالكلبه

حلوم / أجل وش تشمي ؟؟!!!

نوير / لا بس شميت ريحت حرق لان
جبهة بعض الناء انحرقت قبل شوي

عيوش / ههههههههه ايه والحين جبهتك إلي مولعه ههههههههه
ههههههههههههههههههههههههههههه
هههههههههههعهععههههه!!

وكملت جلستهم علئ ذا الحال و كل ما فتحوا موضوع يسولفون فيه تناقروا البنات وحلوم تشققت من الوناسه
فرحانه بهم بالحيييييييل



.
.

.



في أحد أحياء الرياض الراقيه

في بيت اختها تتكلم ،بقهر ، بحسره،
بمراره ، بوجع

..... /آخ يا قلبي يبي يتزوج علي بعد
ههالعمر كله يجيب له بزر ويحطها
علئ راسي
أختها تهدي فيها وهي حزينه عليها جد صعبه بعد كل ذيك السنين يتزوج عليها / خلاص يا شيخه هدي م يصير تسوي
بنفسك كذا
شيخه / اه يافاطمه والله من قهر قلبي .. لا وبكل بجاحه جاي يقول أنا أبي ولد يشيل إسمي وانتي م فيك غير البنات ..ليه هو بيدي ولا على كيفي ؟؟! ربي م كتب لي اجيب عيال أنا وش ذنبي ..وش ذنبي يمسخرني
بين الناس ويشمتهم علي

فاطمه / هدي هدي وصلي علئ النبي
قول اللهم صلي على محمد

شيخه بوجع/عليه الصلاة والسلام الف

فاطمه / إيه صلي ع النبي واستغفري ربك وهو ألطف بك وبيكتب لك الخير
إن شاء الله
شيخه وهي تبكي/والله محد يحس
بوجع قلبي والله م تحسون به
حسبي الله ونعم الوكيل
حسبي الله عليك
يا سالم حسبي
الله

دخل والقئ السلام بصوته الجهوري
/السلام عليكم ورحمه الله وبركاته
"استغرب امه دايم تجلس في الصاله إلي يمين المدخل ع اساس اول م يدخل يلف يمين من عند الباب يشوفها في وجهه بس الحين مو موجوده .. والأكيد انها م طلعت من البيت لان دايم أي مكان تبي تروحه لازم تعطيه خبر
أجل وينها لايكون تعبانه وجالسه في
غرفتها..تلفت في الصاله وهو يلقي نظره علي الغرف المقابله وهو ينادي"
/ يمه يمه فطومتي وينك ؟؟!

فاطمه سمعت صوته /هذا حسام جاء .وبصوت عالي.هلا يمه تعال هنا فوق
خالتك عندي
حسام طلع الدرج متجه للصاله الداخليه فوق عند امه وهو يرحب /هلا والله
هلا بخالتي وانا اقول البيت منور
بزياده أثاري بنات الجازي
متجمعين

ام حسام /الله يحفظك حبيبي والله
النور كله صادر منك ي قلبي

حسام يبوس راسها /كيفك يمه؟!

ام حسام وهي تبوس كتفه بما انه اطول منها /الحمدلله بخير دامك جمبي
وولدي انا بخير الحمدله خالقي

حسام / الحمدلله 'توجه لخالته يسلم عليها 'أفاااا أم حسام وش فيها تبكي
من إلي كره نفسه وزعلها هاه من
كيف يزعلون أمي الثانيه!!

هنا شيخه انفجرت بكي جاء كلامه ع الجرح .. صح هي م خلفت ولد بس حسام دايم يحسسها انها امه ويناديها بيمه ..وكأنها امه الثانيه نفس م قال وهي تحبه بالحيل واي شي تبيه هي وبناتها تطلبه وهو م يقصر معهم ابد
وعادهم مثل امه وخوووواته

إلي هنا ونكتفي وبإذن الله
نكملها بكرا أو بعده وإن شآء الله نالت
إعجابكم وتقبلتوها بكرا راح تبدي
الأحداث ويالله حبيباتي لا تبخلوا علي
بردودكم وكلامكم الجميل
إلي يشبهكم
اممممممممممممممممممووووح وهذي بوسه لكم ع قول بنت اختي بوسه النوم في ذا الوقت ههههههه
هههههعهععععهههه ههههههه



سبحانك اللهم وبحمدك أشهد أن لا
إلاه إلا انت استغفرك
واتوب إليك
اللهم صلي وسلم على نبينا محمد
وعلى آله وصحبه وسلم
الوتر حبات قلبي
ردوركم :)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 23-08-2018, 07:32 AM
فيتامين سي فيتامين سي متصل الآن
©؛°¨غرامي متألق ¨°؛©
 
الافتراضي رد: رواية مدامني عشت الزمن دوم محروم شيصير لو ضاقت علي كل ساعه بقلم >سديم ال إبراهيم



السلام عليكم ورحمة الله وبركاته

مبروك روايتك حبيبتي

بداية راااائعه وموفقه إن شاء الله تكملينها

حسام أظنه بيفزع لخالته ويخلصها من زواج زوجها عليها

كيف الله أعلم بأي طريقه يحاول يمنع زواج زوجها أظن حتى لو لزم الأمر أنه يتزوجها هو

لأنه واضح حبه لخالته

أتوقع حليمه هي اللي بيتزوجها زوج شيخه

أبو حليمه الظاهر بسبب سكره وحاجته بيزوجها غصب لشخص متزوج وأكبر منها

تسلم يمينك منتظرين بقية الأحداث


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 24-08-2018, 03:03 AM
سديم الـ إبراهيم سديم الـ إبراهيم غير متصل
©؛°¨غرامي جديد¨°؛©
 
الافتراضي رد: رواية مدامني عشت الزمن دوم محروم شيصير لو ضاقت علي كل ساعة /بقلمي


بسم الله الرحمن الرحيم
السلام عليكم حبيباتي كيفكم؟؟!

اللهم صلي على سيدنا محمد

.
.
.
.

البارت الثاني
《٢》




طلع معصب وعفاريت الجن والإنس كلها تتنطط قدامه..ونيته إما يذبح أو ينذبح ..خلاص م عاد ينفع معه

الكلام ولا جاب فايده...

أبوها معند وحالف إن يزوجها لهذاك الكلب... إلي أكيد وواثق ميتين بالميه ٢٠٠% م يبيها غير تسليه مده ثم يرميها ولاهو مفكر بها ولا سائل عنها

وانا متقطع ومتشفق عليها وعلى شوفتها ومن وهي صغيره وهي لي ودايم خاله ناديه تقول إن حليمه لي لي أنا.. أنا وبس والحين أبوها يرميها لذاك النجس علشان كم قاروره من *الهاري* إلي يتسممه.. والله والله م
يتم ذا الزواج إلا بعد جنازتي



لحقه بسرعه وهو يركض خايف ع
خويه يعرفه متهور وم يحسب لشي
حساب ..يسوي إلي في راسه
والمشكله ...دايم يتورط / سلوم
سلوم تكفئ وقف أبي اروح معك

سلمان من غير م يلتفت / لا شكرا م
أحتاج أحد يروح معي

علي وهو يسرع مشيته بإتجاه سلمان / صح منت محتاج احد بس انا ابي
اروح معك

سلمان يلتفت له وبرفعه حاجب / وانا م ابي احد .. يعني ضف وجهك يلا

علي/ كيف م تبي احد .. وقف خلني اجي معك وبلا مبزره ..انت اصلا حتى سواقه م بتقدر تسوق بذي العصبيه
أقرب عمود بتصفق به وبكل
بساطه حادث


سلمان زادت عصبيته زم شفايفه وهو
يناظر علي بقهر والنار شابه في
قلبه وعلي زادها بكلامه / طيب الحين
انا بزر ولا أعرف اصرف واقرب
عمود راح اصدمه
انت وش تبي هاه ..روحه معي ما
راح تروح يالله وش بتسوي !!
والكلب هذاك راح اذبحه لو م هون من إلي ناوي به ..وأنت اغلط زي ما تبي
لكن شغلك بعدين بس افضي
حالي لك

علي دخل اصابعه في شعره وده ينتفه من كلام خويه الغبي في نظره إذا
عصب م عاد يميز شي
/ لا حول ولا قوة إلا بالله ؛ وش
غلطت فيه الحين انا !!!



سلمان / والله شوف نفسك وكلاممك معي إلي يشوفك يقول اصغر عيالك

علي بهدوء يحاول يكسب سلمان ويهديه / محشوم والله بس انا خايف عليك منهم.. أفهمني انت تبي تروح للموت برجلك !! والله الامور ما تنحل بذي الطريقه .. وصدقني انا ابي
اساعدك

سلمان بسخريه / اي ما شآء الله ؛ كثر الله خيرك .. تبي تساعدني ؟! تبي الطريقه؟! أنا أقولك بها *وبوقاحه* إنثبر هنا ولا تدخل نفسك في أشيآء
ماهي لك ..ولا تعنيك بشي
*وهو يضربه ع خده بشويش* أوك
ياشطوووووووووووووور الماما



علي مسكه من ياقة ثوبه و حشره
على السيارة وبعصبيه / اسمعني زين يا سلمان والله ثم والله إن م تعقل وتمسك أعصابك وتشوف لك صرفه مع
مخك الغبي ذا .. ولا تراك بتندم ..
تحسب نفسك بتقدر على خليل؟! هه
*بسخريه* والله إنك مسكين ..حبيبي
خليل راح ينهي حياتك مقابل قاروره
وحده ..يعطيها لواحد من ضعيفي
النفوس إلي عنده والله إن يساوموا
روحك بقاروره ..وقتها تصير حسره في قلوب أهلك ..وفكر في كلامي زين

سلمان هدي شوي بس قهر قلبه زاد /كيف طيب علمني قولي كيييف

علي فكه ورتب له ثوبه وبراحه / كيف.. أنا اقول لك بس انت الحين صلى ع النبي وأدخل الإسراحه ؛نفكر سوا

سلمان لف وجهه بضيق / لا ما ابي ادخل ألإستراحه أحس مخنوق

علي / أوك أجل خلك هنا وانا أجيب نعالي واجيك *ببتسامه*الله يهديك طرت طيران من لما سمعت سالفه خليل وان ملكته صارت قريبه ..ما مداني ألبس نعالي ..فزيت وراك

سلمان بضيق / انتظرك

راح علي وثواني إلا صار في السيارة وأصر إنه هو إلي يسوق بدل سلمان ..وصاروا يلفلفوا في شوارع الرياض من غير هدف .. ولا حتى كلام ما غير بين فتره وفتره تطلع تنهيده
من سلووووووم ...






.




.





.

في بيت أم محمد

بصوت عالي : أنا قلت ذا الشايب مو
متزوجته يعني مو نتزوجته واشوف
كيف بتغصبوني!!!

أم محمد يحنيه / يا بنتي استهدي بالله وصلي على النبي ...وش إلي
نغصبك؟؟؟

عيوش / اللهم صلي على محمد ..
وزواج ما راح اتزوج


ام محمد / صلي إستخاره طيب ؛ يمكن ترتاحين ولا حد يعرف المكتوب
إن كان أهو نصيبك فصدقيني بتاخذينه
ولو سويتي المستحيل عشان تمنعي
ذا الزواج ولا قوة فوق قوة تقدر
توقفه
عيوش / يمه خلاص هو خطب وانا
رفضته يعني خلاص ما له نصيب عندي
يروح يدور وحده غيري يتزوجها
لسا البنات ما أنقرضوا

أم محمد /بس أبوك ملزم!!

عيوش يتنهيده كررت / ابوي أبوي ..
متأكدين أنه بكامل قواه العقليه !!

" أم محمد أندهشت من كلامها .. كيف كذا .. بنتي مو وقحه عشان تقول ذا الشي عن ابوها .. تشكك في عقله لا لا .. عيوش منتي كذا "

عيوش لما سكتت أمها / إي والله شي يحير ولا فيه إنسان بكامل قواه العقليه ... يزوج بنته ع واحد اكبر منه
.. والله وحسافه يا يبه ما كنت أظن الفلوس تهمك أكثر من مستقبل بنتك
بترميها على شايب أكبر منك بس
لانه بطران وعنده كممممم فل....
" ما قدرت تكمل كلامها من الكف القوي إلي جاء ع خدها وعينها ..حستها بتطيح من مكانها بقوه الكف "

أنصدمت من أبوها إلي واقف ينتفض
من العصبيه .. ما توقع ذاك الكلام يطلع منها بنته البكر إلي يعتزي فيها وفي نظره هي العاقله والفاهمه .. وعلشان كذا أختارها ..هي في أزمته فكر انها راح تحس فيه وتكون عون له .. بس خسارة ظنونه فيها...خابت هقوته منها وانقسم ظهره من طريقه تفكيرها فيه "

ردد بمراره / حسافه حسافه يا عيوشتي .. يابنت أبوك *وطلع*


أم محمد أنلجمت من الصدمه ما عرفت وش تسوي !!!

أما عيوش فكانت شبه غايبه عن الوعي .. الدموع ماليه محاجرها وهي جالسه على ركبها في الأرض البارده ..ويتردد عليها كلام أبوها "ههههه والله إذا بتغارون بكيفكم هذي عيوشتي .. بكري مالي غنى عنها .."حسافه حسافه يا عيوشتي ..يا بنت أبوك"




.



.


.

.


...../ لا تقولين كذا يا خاله ..ولا تطلبين الطلاق والشرع حلل أربع .. وياكثر الحريم إلي متزوجين عليهم رجالهم لا إنتي بأول وحده ولا إنتي بأخر وحده ..غيرك فوق راسها أرببببببععع!!!!!
وعايشين ومبسوطين..وإذا تبين نصيحتي لا تروحي تتطلقي وتخلي لها
كل شي..كوني ذكيه ولا تخلينها تستحل مكانك ..خليها تكون مجرد ..مربيه للولد إذا جاء ..وعمي لا تتغيرين عليه وخليك مثل ما إنتي واحسن ..ولا تسوين حركات الشرايك وهبال الحريم هذاك .. لا خليها ع الهامش لا تقربينها منك ..ولا تسمحي لها تتقرب ناحيتك


أم نوف بنظره مكسوره ..جالسه تطالعه وتسمع كلامه ..والحره ماكله
قلبها وتردد"بعد كل هالسنين"


حسام بحنيه / أعرف إن كلامي صعب عليك.. لكن أنا كلمت عمي والرجال ما بذنه ماي صامل ع الزواجه .. بس الافضل إنك ما تهدمي حياتك بسبب دخيله عليها ..وشوفي مصلختك ومصلحه بناتك .. وإمشي خلفها


أم نوف بقهر / سألت عنها بنت فقر
طلعتتتتتتتتت


أم حسام / أكيد انها داخله ع طمع دامها بنت فقر ..

حسام / أكيد لو إنها داخله طمع ما راح تطول .. وعمي سالم مو غبي

"قام باس أمه ع راسها و خالته كمان"

/يالله انا رايح الدوام تامرون ع شي؟

أم حسام /لا يا قلبي ؛أنتبه ع نفسك

حسام / إن شآء الله ؛ وانتي يمه
شيخه توصين ع شي؟؟

شيخه هزت راسها/مشكورررر

حسام / أجل سلام ؛ دعواتكم

/ الله يحفظك انت وأخوياك يارب



.


.



.


.

في إستراحه بعيده عن المناطق السكنيه بالرياض .. حيث الفسق والفجور .. يملئ أرجآئها .. ورائحه الخمر القذره تعبي المكان .. ودخان الشيشه يتطاير في الهواء ..مسبب
رائحه مثيره للإشمئزاز

يتجمع الكثير من الرجال بمختلف أعمارهم ...فمنهم الشايب ؛ومنهم الشباب ؛ ومنهم المراهق ..تجمعوا على الشي إلي يضرهم ولا ينفعهم
يضر صحتهم ويضر طاعتهم لأوامر ربهم بشربهم للخمر؛ومضر سمعتهم بين الناس حتئ مجتمعهم والناس المحيطه فيهم تتضرر من ذا الشي
{الله يهدي كل من مشى في طريق الظلال جاهلا أو قاصدا أو مجبرا ويرده الله إلى سبيل الرشد والصلاح }

نادئ بصوته الغليض / اليوم كل شي بنص السعر *وببتسامه كريهه وهو يطالع أبو حليمه* والنص الثاني مدفوع من عشيق ناديه هههههههههه بمناسبه
خطبة بنته هههههههههههههههه
ههههههههههههه8هههههههههههه
ههههههههههههههههااااااي


أعتلت الضحكات والتبريكات مع جهل معرفه الفارس الملثممممم





.

.

.







إلى هنا أحبتي والتقيكم بإذن الله
في القريب العاجل شكرا لكم

سبحانك اللهم وبحمدك اشهد ان
لا إلاه إلا انت استغفرك واتوب إليك

ردودككم وتوقعاتكم :)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 24-08-2018, 03:06 AM
سديم الـ إبراهيم سديم الـ إبراهيم غير متصل
©؛°¨غرامي جديد¨°؛©
 
الافتراضي رد: رواية مدامني عشت الزمن دوم محروم شيصير لو ضاقت علي كل ساعه بقلم >سديم ال إبراهيم


اقتباس:
المشاركة الأساسية كتبها فيتامين سي مشاهدة المشاركة

السلام عليكم ورحمة الله وبركاته

مبروك روايتك حبيبتي

بداية راااائعه وموفقه إن شاء الله تكملينها

حسام أظنه بيفزع لخالته ويخلصها من زواج زوجها عليها


كيف الله أعلم بأي طريقه يحاول يمنع زواج زوجها أظن حتى لو لزم الأمر أنه يتزوجها هو

لأنه واضح حبه لخالته

أتوقع حليمه هي اللي بيتزوجها زوج شيخه

أبو حليمه الظاهر بسبب سكره وحاجته بيزوجها غصب لشخص متزوج وأكبر منها

تسلم يمينك منتظرين بقية الأحداث
هلا حبيبتي وعليكم السلام ؛ الله يبارك في عمرك يارب وتسلمي كللك ذوق وتسلمي ع التوقعات الحلوه 😘😘

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 24-08-2018, 03:49 AM
سديم الـ إبراهيم سديم الـ إبراهيم غير متصل
©؛°¨غرامي جديد¨°؛©
 
الافتراضي رد: رواية مدامني عشت الزمن دوم محروم شيصير لو ضاقت علي كل ساعة /بقلمي


مقتطفات من البارت القاااادم



جالس في مكتبه ويفكر في خطبته الحين أنا خطبت ثنتين!! أتزوجهم كلهم مره وحده ولا كيف ؟؟؟؟؟!!! لا لا بتزوج إلي توافق بالاول
والثانيه إذا احتجتها ... بجيبها ... لا لا لو وافقوا كلهن هذا المنى وحده مسيار والثانيه
نوديها للبيييييييييتتت ؟؟؟؟

.
.
.
.


انت وش سوييييت ؟؟ الرجال مات صح؟؟!


: والله إن السجن ابرك من .....


بصرااااخ/ يبه يبه وش فيييييييييك وش تقول إنت


تحط إيديها ع اذونها وبإنهيار /خلاص خلاص تكفى ما عاد ابي اسمع شي خلااااااااص



/سمعتي ابوك وش يقول !!!

/ ايه سمعته وش الجديد ؟؟


/طيب اذا عرفتي للراحه طريق يال****



تووووقعععععاتكككم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 30-08-2018, 05:26 AM
سديم الـ إبراهيم سديم الـ إبراهيم غير متصل
©؛°¨غرامي جديد¨°؛©
 
الافتراضي رد: رواية مدامني عشت الزمن دوم محروم شيصير لو ضاقت علي كل ساعة /بقلمي


السلام عليكم حبيباتي كيفكم؟
اللهم صلي على محمد
صلوا عليه

أعتذر عن تأخر البارت ..للأمانه انقطع النت من عندي ..وانا طفرررررانه ..والحين جالسه على الصدقه <قلب مكسرر
المهم بارت اليوم إن شآء الله يرضيكم
قراءة ممتعه






《 البارت الثالث 》


.



.

.

سانده ظهرها على الجدار ..وضامه ركبها لصدرها ..تبكي.. تبكي بقهر ..اول مره في حياتها ابوها يضربها.

ذبحها القهر

..مقهوره من نفسها ...مقهوره من كلامها عن أبوها..كيف!!كيف قدرت

أقول هذاك الكلام عن ابوي ..كيف أنا ما تربيت على كذا ..والله اهلي ما

علموني ارفع صوتي على أحد..أقوم أرفع صوتي عليهم ..على امي

وابوي.. "اعتلت شهقاتها " هم
الغلطانين ..هم إلي يبوني اتزوج

واحد شايب ..علشان فلوسه ..ليش ليش ..أنا بنتهم ليه يرموني كذا ..


دخلت نوير ومعها منور ..وهم خايفين على عويش من أبوهم.. لان

شكله كان يخوف لما طلع ..من البيت


نوير ركضت لعيوش تضمها.. / عيوش حبيبتي وش فيك!! ليش تبكين يا قلبي ؟؟

"عيوش تمسكت في اختها وزادت في بكاها .. نوير ما قدرت تتحمل وبكت معها على طوووول "

نوير وهي تبكي / خلاص عيوش الله يخليك ..اسكتي والله قلبي عورني منك ..عيوش خلاص لا تبكين

"عيوش كل ما حاولت تهدي نفسها شوي زادت بصياحها..وبعد جهد قدرت تهدي نفسها شوي ..وشهقاتها مازالت"

منور جلست عند خواتها ..على الأرض ..حطت إيدها على خد عيوش

الأحمر..إثر الكف إلي أكلته..وأصابع أبوها معلمه في وجهها ..منور بدموع

/ عيوش باب ضربك صحححح ؟!! هو ليش بابا ماعاد يحبنا مثل أول؟؟

"عيوش مع كلام منور ..انهاااارت ..ضمت منور..ورجعت تبكي من جديد"

منور تبعدها عنها شوي وهي تبكي / لا تبكين حتى انا الحين صارخ علي عند الباب ..خلاص انا ماعاد بحبه..

نوير تبعد منور عن عويش وبعصبيه / منور خلاص ماهو وقتك ..اطلعي برااا
منور بصراخ نفس نوير / لا ماراح اطلع ..ولاهو بكيفك تطلعيني

نوير / لاحووووول ..منور روحي شوفي امي وينهي؟؟..ورجاء تروحي ساكته..لان الجو ابد مو ..رايق لك أبد


"منور طلعت تشوف امها ..وهي معصبه ..وتتحلطم .."

نوير تمسح على ظهر عويش وبحنيه/ خلاص عيوش تكفين ..والله قطعتي

قلبي من كثر ما تبكين ..ارحميني وارحمي حالك


عيوش تبكي بإنهيار / اخ يا نوير اخ والله ..مو قادره ..موقادره اصدق إن

ابوي يسوي فيني كذا..كيف كيف يبيني أتزوج شايب أكبر منه كيف !!! ..

طول عمري أقول إن ابوي ..ما يهمه شي قد سعادتنا ..ولا يبي من هالدنيا

غير يشوفنا مرتاحين .. بس الحين لا لا تغير تغير وحيييل بعد..


نوير وهي تبكي مع اختها وتحاول تهديها / اووووووووش ..خلاص

؛خلاص اسكتي... لا تبكين خلاااااص


.


.

.

.

.

.
.


.

جالس في مكتبه ويفكر في خطبته الحين أنا خطبت ثنتين!! أتزوجهم كلهم مره وحده ولا كيف ؟؟؟؟؟!!!

لا لا بتزوج إلي.. توافق بالاول..  والثانيه إذا احتجتها .. بجيبها.. لا لا

لو وافقوا كلهن.. هذا المنى وحده
.. مسيار والثانيه نوديها للبيييييييييتتت ؟؟؟؟


" وهو في عز افكاره ..يخطط لمستقبله هههه لزواجاته الألف!!!..

انفتح الباب بأقصى قوة.. دخلت عليه وهي بقمة عصبيتها ..وقهرها ..


/حسبي الله عليك ...حسبي الله عليك ..ياسالم ..الله يقهرك مثل ما قهرتني

..بعد هالعمر كله تبي تتزوج علي!! ..انا شيخة بنت الشيوخ تجي على

رأسي ..ذي إلي مادري من أي شارع
جايبها لي..تبي تشمت الناس فيني

.."وبأعلى صوت" يادممم قلبك ياشيخه ..يادم قلبك ..وياشماتت العدوان فيك ..يابنت حساان ..

أبو نايف ..انفجع منها ..درعمت عليه كذا ..من دون سابق إنذار.. / علامك يامره ..انجنيتي ..صار في عقلك شي؟؟!

شيخة تضربه على صدره ..بقهر/ تسأل بعد!!..حسبي الله عليك ..قالها المثل ..يقتل القتيل ويمشي بجنازته..

وهذا إنت اليوم..طعنتني وتسألني علامك.."وبحرقه"ياجعل ربي يحطها

بين عيونك.."المصايب قصدها..تكون بين عيونه"


أبونايف يسكر فمها وبعصبيه /اسكتي وحطي لنفسك قدر إن كان تبغين ..ولا

يبي يصير علم ..مابيعجبك ولاهو بمرضيك أبد


شيخة جلست بنهزام ..ونفس مكسوره..وكل شي يرجف ..فيها من القهر والعصبيه../ هذي دعوت أمك ..عليك ياشيخة


أبونايف جلس على.. الكرسي المقابل لها .. وبهدوء / ماهقيت هالتصرف ..يطلع منك أبد ..وهذا وأنا أقول إنك العاقلة..سويتي كذا!!

شيخة رفعت عيونها له ونظرات مكسوره / وش كنت تتوقع مني ؟!..وأنت بعد كل هالسنين ..وبكل

برود قلت لي بتتزوج علي.."وبصوت عالي شوي.. بعد ماكانت تتكلم

..بصوت خافت شوي" وجيت تبشرني بموافقتها ..اخ .. عمري ماقصرت

عليك بشي ..كل واجباتك وحقوقك علي تميتها لك ..قايمه فيك وفي بيتك

وبناتك..تسافر وتغيب بالأيام والأسابيع..وعمري ما شكيتك ولا قلت

مقصر .. اشغالي واشغال بناتك ..قايم فيها السايق ..ولا حسام الله لا

يخلينا منه ..وإنت مرتاح ولا انت مهتم اصلا..والحين تبي تتزوج..عطني سبب

واحد لزواجك واقنعني به..وأنا مستعده اشبكها لك لو تبي"قصدها

تلبسها الشبكه"..بس إنت اقنعني

أبونايف ببرود / تبغين سبب واحد؟؟! "وهو يرفع أصبعه السبابه..مشيرا للعدد واحد"

شيخة / لذي الدرجه ..كثيره الاسباب ..إلي تخليك تتزوج علي!!!

أبونايف بنص إبتسامة / إنتي قلتي سبب ..واحد وانا حبيت أتأكد ..علشان

أقولك .."وبرفعه حاجب" مو إنتي طلبتي

شيخة تنهدت بقهر / إيه قول..أسمعك..

أبونايف بنفس بروده ..إلي يقهر / بكل بساطة ..وبدون مقدمات ..راح

أقول لك ..واتمنى إنك ما تزعلين..من صراحتي ..وتراي مالك

آي حق إذا زعلتي ..لانه من حقي وربي حلل لي ..أربع "وهو يأشر

بأصابعه ٤" وانا ابغى ولد ..يشيلني لا كبرت..ويشيل خواته ولا يخليهم

يحتاجون ..لأحد لا حسااام ولا غيره


"شيخة كانت بتتكلم وتشفي ..غليلها من زوجها وكلامه إلي ..يجيب المرض "
لكن أهو رفع يده ب"ستوب" في وجهها.. وبحزم / خلاص الكلام إنتهى..هنا وبس زواج راح اتزوج..


عجبك كان بها ..ما عجبك الخيار بيدك..تبغين بناتك.. اجلسي ببيتك


معززه مكرمه..لك حقوقك ولي حقوقي..وربي يقدرني واعدل بينكم..

" طلع من المكتب ..وهو مقفي / اطفي الانوار وسكري ..الباب لا طلعتي ياشيخة..واحتمال في ذا

الاسبوع ..تجي الحرمه الجديده..وابيك تعقلي وتعقلي ..بناتك وحركات الشرايك ومرة ..الابو هذيك أنا ما بيها..

"طلع وهو يشوف سماح واقفه عند الباب.. عارف إنها واقفه ..من زمان

وسمعت كل شي..وهذا إلي يبه ..عطاها نظره وقفى عنها ..كمل

طريقه وطلع من البيت "








"سماح ..كانت في الصاله ولما.. سمعت صوت عالي.. من جنب مكتب

ابوها..توجهت له وكانت أمي..إلي تصارخ..وقفت عند باب المكتب

وأنا..اسمعهم وأشوف كيف أمي..مجروحه من زواجة ابوي ..يالله

ياقساوة.. قلبك يايبه..بعد كل هالعشره..تقهرها وتكسرها ..تكسر

أمي!! وعلشان مين؟..علشان وحده وافقت عليك..بس لأنها طمعانه بفلوسك..والايام راح تثبت"


" بعد ما راح ابوي ..ركضت لأمي ابي ..اواسيها ووقف معها ..وكانت

امي تبكي والله انها تبكي من قهر.. ويحق لها ..بس للامانه ابوي ما

يستاهل ..تبكي عشانه...ايه ما يستاهل لا تستغربون !!..صح هو

ابوي واحبه واحترمه بس فعايله بأمي..اجبرتني اقول كذا..ولو انا

مكان امي ..والله ماببكي عليه ..وهو باعني بسبة ..ذي إلي إلى

الحين ما جت وهو ..يسوي كذا أجل لو شرفت ست الحسن..وجابت الإمبراطور..وش بيسوي؟!!"


قربت من امي وحبيت راسها / خلاص يمه ..حبيبتي إنتي والله ما يستاهل دموعك ..تنزل عشانه


شيخه قربت بنتها منها وضمتها بقوه ..لحد ما بغت تكسر عظامها..وبقهر / يبي يلويني بك ياسماح ..يبي يلويني

بك وبختك يا يمه.. من قال إني ابكي عشانه ..لا والله ابكي عشاني عشان نفسي..

"بعد ما هديت أمي..وديتها غرفتها ..واكلت علاجها ونامت ..الله يجبر

قلبك يا يمه..نمتي ووجعك وقهرك في قلبك ..ما قاسمتي به احد "







سماح بقهر/ سمعتي أبوك وش يقول!!!

....."ماسكه جوالها ومدنقه عليه " ببرود وطفش / إيه وش الجدييييد؟؟

..ابوك طول عمره يخطب ..ويهون وكل مره امك تسوي لها مسلسل ..

والنهايه نفس ماهي..وشهو الجديد بالله؟؟!! "ورجعت مسكت جوالها"



سماح بغيض من برود اختها / الجديد إن الحمارة إلي خطبها ابوك وافقت


..والجديد انه بيسكنها في بيتنا ..في بيت أمي ..بيجيبها ويجلسها هنا


.."وهي تاشر على صدرها" عله على قلبك ..ياجعل قلبها للقهر يارب


والجديد بعد إن البيت قايم قاعد .. وانتي ولا حاسه بشئ..

امك بتموت من القهر والغش ..تقطع قلبها ..وانتي ما كلفتي على نفسك


..تنزلي تطيبي خاطرها بكلمه ..أو تحاولي تقنعي أبوك يطخ ..عن الخبال

إلي يبغى يسويه .."وبعصبيه" يلعن برودك ياشيخه ..


"جود نزلت جوالها ..تناظر سماح

بعدم تصديق ..كيف !يعني الحين

خلاص..صدق ابوي بيتزوج على أمي ..مو نفس دايم بس كذا كلام !! "

سماح بوعييد وتهديدد / طيب تبين تعرفين للراحه طريق يال******

..أنا لك والله لاخليك تندمين ..يوم توافقين على أبوي..



.
.
.
.
.

.

علي / لو تبي نصيحتي ..سيبك من هالبنت ..والله والكلام إلي ينقال

عنها..وعن أمها وربي ينفر الواحد..


سلمان بعصبيه /علي خلاص كم مره..تبيني اقولك ان كل.. الكلام إلي

أنقال وإلي لسا ..بينقال كله كذب ..وظلم وحرام عليك الحرمه ميته

..تقوم تظلمها وتتكلم عليها ..


علي بنفووور / لا لا لا لا ..انا لا ظلمت ولا قلت شي ..من راسي و

هذا..الكلام الناس كلها تعرف به ..وتتكلم عنه حتى من قبل ..لا تموت

الحرمه..وانت بكيفك هذي نصيحتي


سلمان / خل نصيحتك لك ..احتفظ فيها لنفسك ..عساها تنفعك.. ولا تتكلم في

اعراض الناس..وانت ما تدري ..مجرد سمعت فلان أو فلانه تكلم..


علي / إن شآء الله بحتفظ فيها ؛ لكن بسألك أبوها كيف؟؟!!..مظلوم اهو بعد !!

"سلمان ساكت ما عنده مبرر لابهوها "

علي / إيه اكيد بتسكت ..ما عندك شي تقوله وتدافع عنه..او تبرر له

..قدام العين ..خمار سكار ظالم وحرامي ..والعياذ بالله ..هذا إذا ما

كان زاني بعد..أسألك بالله هذا واحد ..يشرف يكون ابو لزوجتك..أوجد لعيالك ؟!!


سلمان عصب وسودت الدنيا بعيونه / علي ممكن تسكت ..خلاص ماعاد ابي اسمع منك ..حرف واحد ..والبنت وش

ذنبها إذا كان ابوها كذا..هاه وش
ذنبها..تحاسبونها على فعايل ابوها

..اهي أكيد ما بيدها شي..ولا تنسى يا علي ..ان ابوها ما كان كذا..وتذكر

لما كنا في المدرسه..ست سنوات فراش.. في مدرستنا مافيه أطيب

منه..مصلي مسلم ..وانت خابره ..والحين ربي ابتلاه..والبنت مالها

دخل..والحين بدل ما تفرحون.. لها بتتزوج وتفتك منه ..ومن وساخته لا

تبون تقطعون نصيبها ..الله يا ناس خافوا ربكم..وترا الدنيا تدووور

..والحين وقف خلاص ابي أنزل "وبصرخه" ياخي وقففففف

علي زاد السرعه / ماني موقف ..واذا كلامي ما عجبك بكيفك..انا ما جبرتك

ولا راح اجبرك..خويي وابي لك الخير ..عقلك براسك وانت حر..مجرد نصيحه وقلتها لك ..وانتت حرررررررر




.

.

.

.


.

"هذي هقواتك فيني..ياعيوش طماع وببيعك..انا ابيع عمري عشانك انتي وخواتك ..وشلون ابيعك !! على واحد بطران..نفس ما فكرتي ..صحيح انا غلطت لما فكرت ..إنك راح تساعديني في محنتي ..لكن شديتني من يدي الي تعورني ياسالم..."نرجع للخلف شوي"

" في شركة ابو نايف وتحديدا..في مكتبه.. سالم جالس على كرسيه العريض..بسترخاء 'رجل فوق رجل'
ببتسامه خبيثه وهو يشغل نفسه في الأوراق الكثيرة قبال وجهه/ حقي وانا طلابه..'رفع راسه له'وعشانك حبيب وغالي راح أساعدك

أبومحمد /وشلون تساعدني.. ثلاث ميه ألف هذي ..وأنا على الله وعلى راتبي ..إلي يروح ثلاث ارباعه ..للديانه.."يقصد الناس إلي لهم دين عنده"سيارتي وبعتها ..ولحقت بالبيت عليها .. اتمنى انك تقدر تساعدني صدق ..لآن والله ضاقت علي وعلى عيالي ..وانت مب حاجتها..خيرك يا ما شاء الله ..

سالم / خيري الله يزيده قول آمين..لكن حقي وأظن يحق لي اطلبه ..في اي وقت ولا؟! ..يابو عايشة ..

أبومحمد وسعت عيونه ..كيف يعرف أبو عايشة!! / عفوا؟؟؟

أبونايف ببتسامة أعوذ بالله منها / قلت تبيني أساعدك ..هاه؟؟

أبومحمد وبدأ يعصب بس حده الزمن ..لكن قال بسخرية/ هذا إذا كان تقدر

أبونايف بخبث ومازالت نفس الابتسامه / لا نقدر إن شاء الله..بس بموافقتك.. 'رفع حاجب وحط عينه بعين أبومحمد .. أبومحمد عقد حواجبه ..وش قصده؟! بموافقتك'

أبومحمد / موافقتي؟!!!

أبونايف بخبث /وموافقت عيوش ..والثلاث مية ألف.. ماتغلى عليها

ابومحمد قام يقال مقروص/ كييييف!! انت وش تقول..بعقلك؟؟!!

أبونايف / أجل يومين ..وفلوسي بجيبي..ودبر نفسك عاد..ولا تنسى إن نص الفلوس ..انا معطيها لأسامة ..هههه وأسامه إذا قال هات ما يعرف غير فلوس ..والباقي إنت عارف

أبومحمد قام وهو يغلي ..والله يالزمن يالي حديتني على ..هالاشكال "

والله إن السجن ابرك من المذله ..

.
.

.

.
.


.


منسدحه على فراشها تنتظر النوم ..متى يحن عليها و تغمض جفونها ..تفكر في كلامها هي وعيوش


"جابت الصينية وجلست بجمبها .. وبمرح / حيا الله عيوش ..إيه شخبارك؟! ..غريبه جايه لوحدك ههههه وين منور عنك !!

عيوش ببرود / في البيت... ما عندها علم بطلعتي ولا كان تعلقت في ظهري
حلوم / هههههه حبيبتي تطفش لوحدها ولا فيه أحد فسنها أو قريب لعمرها تلعب معه .. المهم خلينا منها
.. وقولي لي إنتي وش فيك ؟ احسك مو مروقه

*عيوش تناظرها بصمت*

حلوم عقدت حواجبها بتساؤل / وش فيك وش إلي مضايقك ..

*مازالت عيوش صامته*

حلوم بترجي / عيوش وش فيك تكلمي ...ترا ما احب كذا اشوفك زعلانه

عيوش تاخذ نفس / أبوي يبي يزوجني
حلوم عقدت حواجبها وبترقب / إيه

عيوش / وشهو إلي `إيه`

حليمة / ما تبين تتزوجي صح؟؟

عيوش وبدأت تخنقها العبرة / إيه صح

حليمة / ليه وش السبب ؟!

عيوش تناظرها بغيض

حلوم / هههههههه عويش ياعمري لا يكون صدقتي البنات أيام المتوسط ؟؟

الوعد والخرابيط هذيكك .. ترا كلهم كذابات.. وأول وآحد دق بابهم وافقوا عليه

عويش / حلوم انتي مو فاهمه علي

حليمة / أجل فهميني

عويش خلاص حبتين وتبكي / ياربي حليمان والله ما ابغى أتزوج

حلووم / طيب قوليلي ليش!!.. وش سبب رفضك كذا من الباب للشباك ما

تبغين !! لازم يكون به سبب لرفضك ..وتري الزواج سنه الحياة ..وكلنا

ماشيين عليها..و إذا كان إلي خطبك شخص اخلاقه زينه وسمعته طيبه

..صايم مصلي يخاف الله فيك ..احمدي ربك و وافقي عليه


عيوش بقهر / حلوم إلي خطبني شايب..شايب أكبر من أبوي!! متخيله اتزوج واحد اكبر مني بخمسين سنه!!!

حليمه انصدمت من العمر / خمسين؟!!

عيوش هزت رأسها بإي

حلوم بدأت تخمن وتسال بسرعه / متزوج ؟ عنده عيال؟

عيوش /إيه متزوج.. امي تقول عنده خمس بنات.. اصغر وحده فيهم إحتمال
تكون اكبر مني

حلوم بعصبيه / عمى بعينه .. وش عاد يبي يتزوج

عيوش بقهر / يبي ولدددددد .. متزوج من عهد فرعون ولا جاب له ولد .. ولا

راح تزوج في وقتها .. لا الحين تو يبي ولد ..قال ايش يشيل اسمه عسى

عزرائيل يشيله.. اهو وإسمه إلي مدري وشهو
قولي آمين

حلوم من قلب / آميين ؛ عويش حبيبي قولي لأبوك إنك ما تبينه ..

وخلاص ماله نصيب عندك.. لا تضيعين عمرك مع ذا الشايب .. والله احس انه

مزواج ..ولا واحد بعمره فاضي للخطبه وللزواج ..هذا إلي بعمره

يطلب الله حسن الخاتمة ..مو يتزوج وحده أصغر من بناته بعد ..بيصير جدها


عويش بسخريه / ههه اقول لأبوي وكأن رأيي مهم.. إنتي ما شفتيهم لما

يقولون لي إني انخطبت هو وامي ..وكأنهم وافقوا وانتهوا وخلاص

جايين يعطوني خبر !!..مو جايين يسألوني عن رأيي!!!


حلوم / لا مستحيل خالتي و خالي عبدالله يغصبونك.. خصوصا خالي

عبدالله ...طول عمره وإنتي دلوعته..الحين يقوم يغصبك على ذا الشايب..لا حرام لا تظلمينه


عويش / لا انا ما ظلمته بس ابوي من فترة وهو متغير ..صار غير عن أول

حلوم / كيف تغير؟؟!

عويش / تغير في كل شي ..في معاملته لنا ..صار طول الوقت عصبي

وما يتحاكى ..آي شي يعصبه وادنى شي يزعله..تخيلي باع سيارته لما كنا

في أبها ..وبعد أسبوعين باع بيتنا .. جلسنا في ملحق في بيت صاحبه ..ما

قدرنا نتحمل ..والله ياحلوم ماتتخيلي القلق إلي عشناه ..هذيك الفترة.. ما

قدرنا نرتاح في بيت الرجال خصوصا إن ابوي يطلع كثير في شغله وبعد ما

ينتهي دوامه ..قلنا له نبي شقه نسكن فيها ..قال ما أقدر ما عندي

فلوس..طيب فلوس البيت والسيارة وين راحت!!!


حلوم / يمكن ابوك يشرب؟؟

عويش / بسم الله عليه ..الله لا يقوله وش يشرب ذي ..لا لا ابوي مو راعي ذا الحركات ابد


حلوم / يمكن؛ مجرد تخمين لان لما قلتي كيف صار عصبي وما يتحاكى

تذكرت أبوي والفلوس ما تدرون وين يوديها نفس الشي ..المهم خالتي وش قالت ؟ ما اتوقع تجبرك هي بعد



عويش / خالتك ؟ خالتك موافقه وكانها تبي الفكه مني ..صدعت راسي وهي تقنع فيني اوافق..بس انا بكلم ابوي بالأول..

.
.
.
.
.
.
إلى هنا احبت ي
سبحانك اللهم وبحمدك أشهد أن لا إلاه إلا انت أستغفرك واتوب إليك

ردودكم وتوقعاتكم حبات قلبي
امممممممممممممموح احلى بوسه لكم


الرد باقتباس
إضافة رد

رواية مدامني عشت الزمن دوم محروم شيصير لو ضاقت علي كل ساعة /بقلمي

الوسوم
>سديم , مدامني , محروم , الزمن , بقلم , رواية , ساعه , سيصدر , إبراهيم , ضاقت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية : قلت لك بنساك بس الزمن ما نساني | بقلمي عاشقة وهمم روايات - طويلة 32 06-10-2017 03:02 PM
رواية مبصر بلا عيون /بقلمي قيثارة الصِبا روايات - طويلة 0 12-07-2017 09:40 PM
رواية واكتشفت اني... /بقلمي 88.d.1 روايات - طويلة 32 20-11-2016 05:07 PM
رواية : طال الزمن ولا قصر تبقى انت انا وانا انت ساحرة جفونك روايات - طويلة 9 11-04-2015 11:19 AM
رواية وش تبين ؟ بخفايا روح مجروح الزمن ! : ابيك بجنبي الليله . حكايا ناي روايات - طويلة 2 29-01-2015 04:45 PM

الساعة الآن +3: 01:57 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1