غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 29-08-2018, 07:38 PM
صورة Sara Mahmoud0 الرمزية
Sara Mahmoud0 Sara Mahmoud0 غير متصل
©؛°¨غرامي جديد¨°؛©
 
Upload1120a2f436 رواية من أهداني الجاكيت/بقلمي


القصة تدور حول عائلتين تربطهم جيره ومحبه وانا سأفسح المجال للبطلة لتتحدث عن عائلتها علي عجالة حيث انها مشغولة اليوم والجميع يبارك لها تعالوا نذهب لها
-اهلا بيكم انا من عيلة متوسطة الحال زيي معظم العائلات المصرية والدي صنايعي بيلقط رزقه ليه في كل حاجه سباكه كهربه نجارة بني اي حاجه بيبقي بالشهور في الشغل عشان يوفرلنا اللي احنا عايزينه عمره ماحرمنا من حاجه غير وجوده حوالينااه نسيت هو اسمه ماجد سعد حلم حياتي اني اقدر اشوفه تخيلوا اني مش بشوفه غير في المناسبات بس ولما بنكلمه بس للامانه لما بنكلمه بييجي علطول مش بيتأخر علينا ورغم انه مطحون شغل الا اني لما بشوفه بحس كأنه واكل خروف وجسمه جامد ماشاء الله يعني ادعولي ربنا يخليهولي اما ست الحبايب امي بتشتغل ممرضه وممكن تشتغل ورديتين عشان توفرلنا حالها زيي حال بابا مابنشوفهاش كتير برضه وعمري ماشفتها هي وبابا مجتمعين غير في المناسبات مع ذلك بحس كأنهم عارفين عن بعض كل حاجه وماما اسمها منيره وطبعا بما ان بابا وماما مش موجودين معانا فانتوا فهمتوا اننا ماشيين علي حل شعرنا قلبكم ابيض لاء طبعا انا عندي اخويا محمد اخر سنه في كلية الهندسة وهو محترم جدا ومتدين خالص بس مفيش اطيب منه هو حنين وحازم في نفس الوقت اقدر اقول عليه راجل وانا ماليه بيها بيها بوقي وشكله شبه الملايكه أبيض وشعره اسود خالص بلمعه وطويل وناعم جدا وعينيه لونها عسلي ساعات بيقلب اخضر ماتتريقوش والله مابهزر طويل بس مش قوي وواد بعضلات من بتوع الجيم ورغم كل ده الحمد لله مش صايع ولا بتاع بنات وانا اللي بعده اسمي رفا علمني ورباني علي الاحترام والتدين انا في اولي اداب ليه صاحبه واحده هي صاحبتي واختي وكل حاجه هبقي اعرفكم عليها كمان شويه اه واخوها هو صاحب اخويا الوحيد مابحبش اللوع واللكاعه جامده زيي محمد اخويا اه اصلي بعتبره مثلي الاعلي في كل حاجه واللي بعدي مريم اصغر مني بسنتين في تانيه ثانوي عام ربنا يوفقها يارب بنت دماغ وانا وهي مش بنعمر مع بعض خالص بس بنحب بعض اوي واللي بعدها نعمه اصغر منها بخمس سنين في تانيه اعدادي مابتكرهش في حياتها حاجه اد اسمها ملامحها زيي ملامح محمد بالظبط وزيي اصل احنا التلاته شبه بعض جامد اه باستسناء العضلات والدقن اللي نسيت اقولكم عليها واللي نسيت اقولكم كمان ان هي مخلياه وسيم جدا تعرفوا كل اصحابي بيحسدوني عليه لدرجة اني بقيت بحس اني عايزه احبسه والبسه نقاب ههههه اصل الدنيا حالها اتقلب وبقت البنات بتعاكس الولاد واخر العنقود هو جاسر عنده خمس سنين دلوعة البيت كله المشاكل بعينها بيحب العياط موووت معلش ثواني بس تليفوني بيرن
-الو.... ازيك يامحمد انت فين..... وانت طيب..... بجد هترن عليهم..... تمام اصل انا هرن عليهم دلوقت طب خلاص هشتغل انا علي عيلتي التانيه سلام...... اه طبعا هعزمها سلام بقي .....يانهار ابيض كده ضيعتولي الوقت عن اذنكم بقي لما اروح اعزمهم احسن يزعلوا ولا اقولكم تعالوا معايا حتي اكون نفذت وعدي وعرفتكم عليها تعالوا معايا..... ده بيتها اهو ماتستغربوش اه وصلنا بسرعة ما أنتوا عارفين اننا جيران اهدوا شويه خلوني ارن الجرس ترن....ترن
-رفا حبيبة قلبي تعالي كل سنه وانتي طيبه ياقلبي
-ازيك ياماما عليه معقوله فاكرة عيد ميلادي
-اه طبعا وهي دي حاجه تتنسي ادخلي تعالي
بصوا بقي دي عيلتي التانيه فيها ماما عليه امي التانيه صاحبة ماما الروح بالروح اوقولوا كانت لانها بقت ماتعرفش عنها حاجة خالص من ساعة مابقت تشتغل ممرضه هي ربتنا كلنا بس مارضيتش ترضع حد فينا قالت عشان لو حد فينا ليه نصيب في التني ما اقطعهوش ده رأيها هي
-ماما عليه فين ساره الكلبه دي بدل ماتيجي تقف معايا لاء مستنياني اعزمها ولا عشان انا اكبر منها بشهرين يعني وعيد ميلادي بيبقي الاول وبيبقي احلي واجمل من عيد ميلادها
-بت يارفا لاء مش كده انا هقولك وامري الي الله هي ياستي نزلت تجيب الهديه وفستان حلو تلبسوا ولسه واصله
-طيب عن اذنك اما ادخلها
-لاء عشان ماتشوفيش الهديه والفستان اتنيلي روقي الكنبه دي علي ما اناديلها
-حاضر....مش قلتلكم امي ياجماعه احمممم اهي وصلت اهيه المحروسه سارة كأنه عيد ميلادها مش عيد ميلادي انا
-كل سنه وانتي طيبه ياقمر
-وانتي طيبه ياختي.....هي دي ياجماعه صاحبة عمري سارة معايا من ساعة ما اتولدنا حتي فشلنا ودخلنا اداب قسم جغرافيا مع بعض نصيب بقي صحوبيه فاشلة مش زيي فهد ومحمد صحوبية ناجحه دخلوا هندسة مع بعض ونفس التقدير كل سنه جيد هما الاتنين ياجيد جدا وماشاء الله امتياز ده اللي نووا عليه السنه دي فهد ده اخو ساره نفس اخلاق محمد ورغم التداخل اللي بين عائلاتنا الا اننا انا وهو مابنكلمش بعض كذلك الامر محمد وساره مش كره بالعكس خالص ده عشان دينا بيقول كده سبحان الله جبنا سيرة القط طلع ينط
-سلام عليكم ياأمي
-وعليكم السلام يافهد
-سلام عليكم ياساره ازيك يارفا
-انا وسارة:الله يسلمك
-كل سنه وانتي طيبة يارفا
-وانت طيب ...قلتها وانت مصدومه ايه ده فاكر عيد ميلادي
-انا علي فكرة نزلت اشتريلك الهديه واشتري فستان لنفسي لكن قلت اسألك الاول نفسك في ايه اشتريهولك
-انا نفسي في جاكيت جينز
-ايه الارف ده لبس لا اختاري حاجه احلي شويه
-خلاص اتنيلي هاتي اللي تجيبيه
-رايحه فين طيب
-ها أدخل لماما عليه اسألها هاتجبلي ايه
-طيب استني تليفونك بيرن
-مين
-مش عارفه
-طيب شوفي مين وردي
-ده محمد اخوكي خدي
-طيب هاتي
-ايوه يامحمد ازيك
-فين القمر بتاعنا
-يابني مش قلتلك اني ها اروح لماما عليه
-طب اديهاني وحشتني اوي
-ماما عليه.....ماما عليه
-ايه يارفا في ايه
-محمد عاوز يكلمك
-طيب هاتي التليفون هنا
-حاضر......... خدي اهو
-ازيك ياواد فينك من الصبح مش ظاهر ينفع كده
-والله ياماما عليه كله علشان الست رفا اعمل ايه بقي قوليلي جهزتي اللي اتفقنا عليه
-كله تمام ياباشا وانا رايحه هناك اهو ورفا هتبقي مع ساره
-طب سلميلي عليها
-رفا محمد بيسلم عليكي
-فهمتيني غلط قصدي ساره وخلي رفا تديني فهد اكلمه
-حاضر... خدي ادي لفهد يكلم محمد وابقي قولي لساره انه بيسلم عليها ماشي
-حاضر هاتي
-الو يامحمد بقولك بابا وماما خلاص جايين؟؟
-ايوه ياختي
-طب جبتلي ايه
-ولا حاجه
-ايه
-بقولك ولا حاجه واديني فهد
-طب اصبر اخبط علي القوضه واديله الموبايل
وقبل ماتوصل ايدي للباب كان فتحه واتخرع لما شافني وهدي وهديت انا كمان وقلتله خد كلم محمد عاوزك وعطيتوا الموبايل وسبته ودخلت لساره علي امل اني اشوف الهديه والفستان لكن مفيش هي عارفه اني ها اعمل كده فخبتهم ولما دخلت طبعا ماشفتش حاجه خالص للاسف ولكن الباب خبط وفتحت لقيت فهد بيقول شكرا قلتله العفو علي ايه يعني مفيش حاجه وخدت منه الموبايل وهو مشي خطوتين ورجع قالي اصل صورة الخلفيه جميلة اوي
-ههههه اتفضلها
-لاء هي في تليفونك حلوه
-متشكره
-طب هاأروح لمحمد احسن لو اخرت هايدبحني
-ماشي سلام
-سلام
ومشي هو ودخلت لساره لقيتها بتقولي
-ماتحلميش تشوفي فستاني
-ليه ماأنا كل سنه بشوفه وبعدين هو انتي صاحبة العيد ميلاد ولا انا
-السنه دي حاجه مختلفه
-طيب يامختلفه نسيت اقولم ان محمد بيسلم عليكي
-الله يسلمه بقولك ايهفهد نزل فصلي انتي في قوضته واجهزي هناك وماحدش يشوف التاني غير في العيد ميلاد وكل الحاجات سبتهالك هناك بس هاتروحي تجيبي فستانك والحاجات اللي مجهزها لليوم ده وتلبسي
-انتي ازاي حطيتي الحاجات دي في قوضة فهد مع انه لسه ماشي
-لاء ماأنا استاذنته من امبارح وهو ماكانش عنده اعتراض وانا رتبتها
-يخربيتك دايما فاضحاني كده
-طب خلصي خلينا نتنيل نحضر عيد ميلادك ولا مش ناوية تحضري عيد ميلادك ههههه دي تبقي نكته
-لاء انا ماشيه اهو وبعدين ايه لوكلوك لوكلوك كده بتتكلمي وتردي علي نفسك
-طب غوري من هنا
وحدفتها بقلم الروج فقامت رفاخدتوا وهي بتقول
-طيب ياختي شوفي مين هيدهولك تاني
-لاء والنبي خلاص هاتي
-طب بوسي
-خلصي بقي يوووه
-خدي ياختي هو انتي ماعندكيش غير الشويتين دول
-لاء ماعنديش غيرهم
-طب غوري
-غوري انتي دي قوضتي
-طيب ماشي ياختي
وراحت علي قوضة فهد لكنها افتكرت هدومها فراحت البيت تجيبها
******************************************
قراءة ممتعه باذن الله


تعديل Sara Mahmoud0; بتاريخ 29-08-2018 الساعة 08:30 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-08-2018, 07:03 PM
صورة Sara Mahmoud0 الرمزية
Sara Mahmoud0 Sara Mahmoud0 غير متصل
©؛°¨غرامي جديد¨°؛©
 
الافتراضي رد: رواية من اهداني الجاكيت


البارت التاني
-ايه ده يارفا انتي جيتي البيت من غير ماتجهزي
-اصلي نسيت الحاجات وبعدين ياست مريم مش تقولي لأختك كل سنه وهي طيبه
-كل سنه وانتي رخمه ولسانك طويل وغلسه وطيبه
-كل سنه وانتي في ستين داهيه امال نعمه وجاسر فين؟
-نعمة جات خدت جاسر معاها وهيلبسوا وهيبقوا مع بعض
-طيب تخلي بالك منهم هما الاتنين صغيرين ماشي؟
-طيب ماشي بس هو انا مش شايفه اي تجهيزات ليه؟
-هه؟! ما اعرفش بقي
-ماشي طيب
-علي فكره فهد خد قوضتك موقتا يعني
-ايه! طب وهو فين؟
-هو مع محمد
-الحمد لله عشان اعرف اجيب حاجاتي من القوضه وبعدين ماقوضة محمد ادامه ليه قوضتي ؟
-فهمتيني غلط قصدي هو اللي هيزين قوضتك
-ايه! وهما هيزينوا قوضتي ليه؟
-عشان تفضلي فاكرة اليوم ده عشان في قوضتك الزينه هتقعد وقت اطول
-فكرة مين دي هه؟
-فكرته طبعا
-هو مين؟ محمد ولا فهد
في حد نده علي مريم فجريت مريم من غير ماترد ولكن رفا ما اهتمتش عارفين ايه اكتر حاجة بسطاها في الموضوع انها هتشوف باباها ومامتها...راحت رفا لقوضتها وكانت لاول مرة في حياتها تخبط قبل ما تدخلها لكن اللي كانت بتخبط عشانه خبط علي دهرها فمن خرعتها بصت وراها لقته واقف وجنبه ناحية دهرها ومش مركز ناحيتها خالص فعرفت انه ماخدش باله ولكنه شافها دلوقت فسلم عليها وقالها
-ايه اللي جابك هنا؟
-اصل لبسي هنا فجيت عشانه
-اممم ماشي
ودخلت قوضتها ومشي هو عشان مايحرجهاش وهي قفلت الباب وخدت حاجتها ومشيت عند ساره ودخلت قوضة فهد حطتهم واتوضت وصلت وبعدها بدأت تلبس وهي في قمة السعاده وبعد شويه لقت الباب بيخبط فعرفت انها ساره فضحكت لنفسها وقالت
-يااااااه ماقدرتش تنفذ وعدها طبع فيها
وبعدين قالت عشان تغيظها اتكلمت علي انها مش فاهمه انها ساره وانه محمد فقالت
-ادخل
والمصيبه انه دخل ولكن كان فهد اتصدمت واتصدم هي شافته في المرايه فقامت ولفت ماتعرفش ازاي لكن لقت نفسها بتقول
-فهد!!!!
وهو اتكلم بصدمه رغم انها كانت لابسه لبسها كامل
-اسف والله لما شفتك هناك افتكرتك فضلتي بس خبطت لما لقيت النور مفتوح والباب مقفول افتكرت ساره هي اللي هنا
ضحكت رفا غصب عنها فكمل فهد
-بتضحكي مش مصدقاني...بس........
قاطعته وهي بتقول
-لاء اصل انا كمان لما انت خبطت افتكرتك ساره عشان كده اذنتلك تدخل
-طب انا اسف مره تانيه
-لاء عادي عامة انا كنت خلصت ونازله
-هتنزلي كده؟!
-ماله فيه ايه؟ (قالتها بخوف)
-فيه انك زيي القمر بطريقه مش معقوله
-والله انت اللي مش معقول في ايه بجد(قالتها عشان تداري خجلها)
-انا اسف والله طلعت بتلقائيه مني
-عادي ولا يهمك
والحمد لله ربنا انقذهم بتليفون فهد اللي رن
-الو ازيك يامحمد.... لاء ماهي طلعت عندي في القوضة.....حاضر هجيبها واجي....سلام. محمد قالي اجيبك واجي
-هو كان بيتكلم عني انا
-ايوه ياللي بقي
-طيب
ونزل هو ونزلت وراه وراحوا هناك لقوا النور مطفي ولما فتحته لقتهم مجهزين عيد ميلاد يهبل كانت مبسوطه وفرحانه اوي وفهد كان هو اللي بيصور لكن انتبهت ان ابوها وامها ماكانوش موجودين وقبل ماتسأل كان تليفون محمد بيرن
-الو ايوه ياماما ازيك.....ايه طيب انا جايي حالا
-في ايه يامحمد هما ماجوش ليه؟
-اصل بابا عمل حادثة في القاعة اللي شغال فيها اليومين دول
-ايه!! و...وهو فين هو فيييين(وهي عماله تعيط)
-اهدي بس انا هروح اشوف في ايه
-لاء انا ها اجي معاك
-رفا ماينفعش
-واحنا هانيجي معاك(قالها كل الموجودين)
-خلاص هاتهم يافهد وتعالي وانا ها اخد رفا معايا
سارة قالت
-وانا كمان ها اجي معاك عشان اهدي رفا
وافق محمد ومشيوا علي الاتفاق ده ولكن مصيبه تانيه العربيه عطلت منهم فنزل محمد يصلح فيها وبعد 10 دقايق مشيوا ووصلوا هناك لقوا كل المعازيم واقفين زعلانين وفجاه النور بدا ينور ويطفي والدنيا مطرت واليوم اتبهدل خالص بس رفا طلبت من محمد يوديها عند باباها
-بس انا مش عارف هو فين حتي
-احنا كلنا عارفين تعالوا نوديكم
ومشيوا كلهم والدنيا ضلمه لحد ماوصلوا وجم يدخلوا ففي حد هي ظنت ان هو الدكتور قالها
-ماينفعش حد يدخل لاننا حاصرنا قوضته
فعرفت انه ظابط واترجته
-ارجوك عاوزه ادخل لبابا الله يخليك
-القوضه هي مكان الحادث وفيها الدليل الجنائي عن سبب الحادثه فخليكم هنا وانا هطلعه بس ابعدوا عن الباب عشان اعرف اطلعه
وكلهم بعدوا وبعد5 دقايق سكوت ورعب النور جيه ولقيتهم كلهم ملفوفين حواليها وهما بيضحكوا وبيقولوا
-happy birthday to you
-ولقت باباها ومامتها في وشها فقعدت تعيط وباباها ومامتها حضنوها وكانت مش عارفه تعمل حاجة غير انها تعيط وبعد شويه هديت وكانت مبسوطه اوي بس طلبت تفهم ايه اللي بيحصل فبدا محمد يقول
-والله ماليا دعوه هو فهد اللي عمل كل ده ماليش دعوه
-فهد! معقوله كل ده تخطيط فهد؟
-انا اسف والله
-مقبول ولو انه كتر بس فهمني
-بصي احنا اتفقنا نعمل العيد ميلاد هنا بس يكون بطريقه مميزه فعملت كده علشان تيجي خليت باباكي ومامتك مايجوش عشان تفكري وقبل ماتسألي اكون رنيت علي محمد فيقفل ويعمل كأنه بيرد عشان الرصيد يعني ههههه
كلهم ضحكوا حتي رفا فكمل فهد
-بس ويخدك لحد هنا
-اه بس اللي حارق دمي ساره هااجي معاك علشان اهديها
-والله ما كنت اعرف حاجه
-ما أنا قلت لفهد مايقولهاش عشان ماتقولكيش يا أختي العسل
-وبعدين ياستي قلتله شويه وتعمل ان العربيه اتعطلت وتنزل علي انك بتصلحها يكون المعازيم وصلوا وقاموا بدورهم وتكمل لحد ماتيجي هنا وبعدين عملت حكاية المطره دي عشان تصدقي ان النور قاطع وماتشوفيش العيد ميلاد وبعدين بس
-لهو انت كنت عايز حاجه تاني؟!
-عاوز اقولك كل سنه وانتي طيبه يارفا
-وانت طيب يافهد وعاوزه اقولك متشكره جدا علي المفاجأت اللي كانت هتوقف قلبي دي
-سلامتك يارفا سامحيني
-هي سامحتك خلاص انا عارف بنتي قلبها ابيض
-علشان خاطر ست الكل بس هه
-طب يالا يابني شغل خليني افرح بعيد ميلاد بنتي الغاليه
-تسلم يابابا
وابتدي العيد ميلاد اغاني ورقص وهزار ولعب وجيه وقت نطفي الشمع واحد اتنين تلاته وطفينا الشمع وسألت رفا عن الهدايا فقالوا
-والله ياسلام يعني مش عاجبك العيد ميلاد عاوزه هدايا كمان؟!!!!!!!!!!!
-لاء بجد ياجماعة
-ماهو احنا جمعنا تمن الهدايا وعملنا بيها الحفله دي
-مش مشكله
قالتها وهي زعلانه لان الهدايا هي اللي بتبقي تفكرها لكن قالت لنفسها في الاخر مش مشكله وساره قالت
-بس انا جبتلك هديه بما اني ماكنتش عارفه الحكاية دي كلها
-بجد ياساره؟! طب وريني كده
-خدي اهيه
فتحتها رفا لقت قلب مكسور بطريقة الشرشرة لانها بتأمن ان هي ورفا واحد وربنا قسمهم في بطنين امين لكن مش الغريبه في كده هي ساره دايما تجيب لرفا نصين قلب لكن دي اول مرة تجبلها نص واحد
-قصدك ايه ياساره بنص القلب ده ما أنتي كل مرة بتجيبي النصين اشمعن المره دي
-اكيد مش هسيبك يعني بس والله وانا بلفها وقعت مني في الهدوم وماطلعتش غير كده
-ولا يهمك وايه دي كمان
-شوفيها
-واو ساعة
-اه ايه رأيك
-واو تحفه بجد ياساره شكرا
وراحوا عشان ياكلوا وعلي كده خلص العيد ميلاد ورجعوا للبيت ولما دخلت لقت عيد ميلاد تاني لكنه كان عائلي واتفاجأت بمحمد بيقولها وهو بيشاور علي حاجة كبيره نوعا متغطيه بكيس كبير وبيقول
-دي التورته بتاعتك فراحت ورفعت الكيس بس مالقتش تورته ولقت هدايا كثيرة اوي
-ايه يوم المفاجات ده والله تعبت من كتر المفاجأت
-فهد:بصي يارفا هننقلك الهدايا في قوضتك ع السرير ترتاحي وتفتحيها براحتك لاني عارف انك مش هيجيلك نوم الا لما تشوفيهم
-عندك حق والله مش هيجيلي نوم الالما اشوف كل الهدايا
وبدأ فهد وساره ينقلوا الهدايا جوه وبعدين دخلت رفا جوه وطلبت من ساره تدخل معاها فساره رفضت وقالتلها
-اتفرجي لوحدك وهبقي اتفرج معاكي بعدين
علي اساس ساره تدي رفا مساحة تعيش مع نفسها شويه خصوصا هدايا باباها ومامتها ودخلت رفا وقفلت الباب وكلهم قعدوا ينضفوا البيت ويعملوا شاي واتفرجوا علي التليفزيون ورفا غيرت هدومها وراحت ناحية الهدايا تتفرج بشهوه وفتحت اول هديه كانت مصحف وظرف فيه5000جنيه وورقه مكتوب فيها احصنك بالحي القيوم يارفا يابنتي ياللي مفيش حد في الدنيا هيحبك ادي انا مهما بعمل فده عشانك وعشان اخواتك انا ابوكي وبحبك اوي خلي بالك من نفسك اوي واوعي تدي لقلبك فرصه يحب حد غير جوزك فاهمه؟بحبك اوي....ابوكي وجابلها سلسله جواها مصحف فلبستها علطول وهي هتموت وتعرف ايه سر خوف ابوها الكبير عليها هو طيب اوي وفتحت الهديه التانيه فكانت قميص نوم فا اتخضت لكن لقت جواب مكتوب فيه القميص ده اتوسخ بحرام كتييييير ونفسي يدوب في الحلال ابقي البسيه لجوزك جوزك بس فاهمه اي حد تاني لاء خليكي ماشيه صح اوعي يغرك شكله فاهمه يابنتي....امك فزادت حيرتها اوي لكنها كملت وهي بتقول ايه الهدايا الغريبه دي في الاول ساره وبعدين بابا وماما وفتحت تالت هديه لقت كتاب او روايه بمعني اصح ومكتوب في اول صفحة عارفه انك بتحبي الروايات قوي دي روايه اسلاميه حقيقيه رومانسيه اوي جميلة جدا وعلي فكرة لما هتقريها هاتلاقي اسمها اللي هو استاذي زوجي مالهوش علاقه بالروايه خالص ....مريومتك فابتسمت ياااه هديه مفهومه اخيرا صحيح هدية بابا قيمه جدا لكن كلامه غريب ودخلت علي الهدية اللي بعدها لقت كتاب اسمه نعمه بيتكلم عن نعم الله علي الانسان وفي النهاية بيقول ان النعمه من ربنا وانها حاجه جميله اوي فعرفت ان نعمه هي اللي بعتاه علي ان المفروض هي اللي تقول لنفسها كده هي اللي بتكره اسمها مش احنا ومعقداني بكرهها ليه اوي لكن لقيت جواب ففتحته لقيتها كاتبه بمناسبة عيد ميلادك هحاول اتغلب علي كرهي لاسمي فمحستش بنفسي الا وانا بقول امييين ودخلت علي الهديه اللي بعدها اه ماأنا لازم اشوف كل الهدايا اللي في الجمب ده لأن دي هدايا اهلي اما الباقيين فمحطوطين في ركن لوحدهم المهم لقيت اشي عربيه واشي دبوس واشي مسمار وورقه وقلم مكسور وبسكوته وهو في غيره جاسر حبيب قلبي ماهو ده اللي يعمل خيرا اصل انا خليتوا يجيب هديه لأختي ساعة عيد ميلادها والظاهر هو فهم ودخلت علي اللي بعدها فكانت هدية فهد وكان جايبلي موبايل جميل اوي وكل مستلزماته ففرحت بيه جدا ولقيته كاتبلي ماجاش علي بالي حاجة غيره اجبها معلش اصلي ما اعرفش عنك كتير يعني اتمني اشوفك ماسكاه علطول وفتحت اللي بعدها لقيت محمد يانهار اسود ايه ده معقوله موبايل بردو يانهار الوان ولقيته كاتبلي حسيتك محتاجاه جدا فقلت اجيبهولك عايز اشوفه لازق في ايدك بدل التاني المعفن وكمان كل كمالياته اهيه كامله عشان مايبقاش ليكي حجه.... حبيبك واخوكي اعمل ايه انا في الوكسه دي هما اصحاب ودماغ واحده كمان يكونوش تؤام وانا مش عارفه اه ياقلبي انا هبقي اسال ساره تقولي اعمل ايه ده حتي نفس الموبايل ونفس كل حاجه دول لو متفقين مش هيعملوا كده ولقيت هديه تاني فتحتها كانت ماما عليه كاتبالي ياريت تبقي تيجي تغسلي السجاد اصلي تعبانه اوي وكمان تروقي وتمسحي وتغسلي الغسيل وفرش الكنب وتعملي الكرنب ده وانا هبقي في السوق بكره عشان كده سايبالك المفتاح في الظرف وهأخر علشان هعدي علي اختي اقضي معاها اليوم ولو جيت مالقتكيش خلصتي همرمطك ....ماما عليه ههههه هههههه طيب ياماما عليه والله لأبروزهالك واحطهالك في الصاله علشان يتفرجوا عليها ماشي وخصوصا انك خطك كبير ولقيت اخر هديه ايه ده ما العيله خلصت مابقيش حد اكيد اتحطت في الناحيه دي بالغلط ولاتكونش ماما عليه كانت بتهزر وهي جابت هديه هنا اما افتح واشوف وفتحت لقت ايه ده مش معقوله جاكيت جينز وكمان بالمواصفات اللي انا عايزاها ياتري مين جابه ولقيت جواب مكتوب فيه انا عمري ماهديت حد هديه زيي ماهديتك دي قبل ما ادعي ربنا انه يفرحك بيه دعيت ربنا انه يكون سبب في امانك دايما....حاميكي
************************************************** *******
اتمني اشوف ردودكم واسمع ارائكم قراءة ممتعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 31-08-2018, 01:05 PM
صورة Sara Mahmoud0 الرمزية
Sara Mahmoud0 Sara Mahmoud0 غير متصل
©؛°¨غرامي جديد¨°؛©
 
الافتراضي رد: رواية من أهداني الجاكيت/بقلمي


اقتباس من بارت 3
يارب يعجبكم
-ياتري مين صاحب الهديه دي دي غريبه اوي ممكن ساره عشان هي اللي طلبت منها تجيبهولي بس ده مش ممكن يكون كلامها وبعدين هي جابتلي هديه وخلاص وماكانتش تعرف حاجه عن المقلب يعني مين ممكن محمد طب ماهو جابلي موبايل وفهد برده ولو ماما اوبابا كانوا قالوا اما اطلع انادي ساره انا هتجنن
وطلعت تنادي ساره لكن لقتهم نايمين كلهم فبدأت تدور علي ساره فيهم ها يانهار اسود معقوله ساره ومحمد لو حد شاففهم كده هيضايقوا اوي ازاي ناموا في حضن بعض كده اما اصحيهم بس بالراحه يارفا احسن حد يقوم ويشوفهم كده وراحت تصحيهم وصحت محمد ولما بص لقي نفسه في حضن ساره او ساره في حضنه بمعني اصح اتخض وده اللي قوم ساره وشافت الموقف ده فاتفزعت ومحمد وساره بقوا وشهم في الارض مش عارفين يعملوا ايه ومحمد بيبص حواليه بيتأكد ان كله نايم الحمد لله تمام اصله ماخدش باله من فهد اللي شاف الموقف من اوله وعمل مش شايف حاجه عشان مايحرجش ساره اخته ومحمد وساره في قمة الاحراج واخيرا رفا حلت الموقف خدت ساره بحجة انها عايزها في موضوع مهم ولما دخلوا وقفلوا القوضه ساره زاد خجلها ورفا حست بكده فمارضيتش تتقل عليها اكتر من كده
-بقولك ايه اخوكي واخويا الاتنين جابولي موبايل نفس الشكل والكماليات ونفس كل حاجه حتي اللون وكل واحد كاتبلي نفسي اشوفه في ايدك اعمل ايه يافيلسوفه
-هه ولا حاجه
-ولا حاجه ازاي يعني ماتنطقي مالك؟
-م مفيش بصي وريهملي
-اهم ياستي
-ايه ده؟! دول شبه بعض تمام
-ماهي دي الفكره يكونوش بيلعبوا عليا؟
-طب غمضي عينك لحظه
-اهو خلصيني
-فتحي...اختاري واحد من دول
-اختار ده
-حلو اوي شيلي التاني وهما شبه بعض والاتنين هايتوهموا انك ماسكة الموبايل اللي اشتراه
-بس ده بتاع مين فيهم
-بصي انا طلعتوا من شنطة الهدايا دي
-يبقي بتاع فهد
-طيب
-طيب ايه ماتركزي معايا شويه مالك ياساره؟
-يعني مش عارفه؟ لما اصحي الاقي نفسي في حضن اخوكي عادي كده
-ومالك بتقوليها كده ليه
-مش عارفه
-يعني ايه انا مارضتش اسألك في الاول عشان ما احرجيش بس لاء هو في ايه بالظبط؟
-انا هحكيلك بس توعديني يبقي سر بينا يارفا اوك
-طبعا ياساره احكي بقي شوقتيني اعرف في ايه
-انا بحس ان محمد اخوكي بالنسبالي مش اخ هو بالنسبالي حاجه كبيره اوي
-بتحبيه ياساره؟
-يمكن اكون بحبه مش عارفه
-قوليلي والله ماهقول لحد كانك بتكلمي نفسك بالظبط مأنتي عارفاني مش بتاعة الكلام ده
-عارفه يارفا بصي انا قلبي بيدق جامد وبفضل افكر فيه علطول بس بخاف لو عرف وبخاف ليكون شعوره ناحيتي مجرد اخوه
-طب تعملي ايه لو قولتلك ان محمد بيحبك وموت كمان
-عرفتي ازاي انه بيحبني ؟
-بده(وشاورت علي دماغها)
-يبقي مابيحبنيش مادام قلتي بده
-وماله ده؟
-ده بتاع اداب وده بتاعوا بتاع هندسه ايه جاب لجاب
-هيجيب ياساره
-متأكده اوي كده ليه؟
-بالسنس
-امممم
-سيبك انا عندي مصيبه عاوزه اكلمك فيها
-ايه هي؟
للأسف رفا مالحقتش تحكي لساره لان فهد خبط علي الباب ولما رفا فتحت ولقته عدلت حجابها وهو قالها
-ناديلي ساره لو سمحتي عشان نمشي طولنا اوي
-حاضر انا جايه يافهد
-هتمشي ياساره ليه خليكي
-معلش نكمل بكره تصبحي علي خير
-وانتي من اهله سلام
-سلام
ومشوا خطوتين وفهد ساب ساره ورجع لرفا وقالها
-انتي اخت مدهشه لما شفتي اختي نايمه جمب اخوكي صحتيهم بالراحه عشان ماحدش يشوفهم وعشان ماتحرجيهمش وكمان ختي ساره جوه عشان تنهي الموقف
-انت عرفت ازاي
-مش مهم لكن كنتي قمر النهارده وخصوصا وانتي بتعيطي كنتي جميلة اوي وطفله خالص (ولف دهره ورجع قالها)لاء ملاك
ومشي هو وهي وقفت مكانها شويه وبعدين ابتسمت ودخلت قوضتها وسرحت في الهدايا خصوصا الجاكيت ياتري مين جابه قطع تفكيرها صوت التليفون وهو بيرن كانت ساره فردت بسرعه
********************************************
لو سمحتوا عرفوني ارائكم هل الروايه كويسه ولا لاء واسلوب كتابتي صح ولا غلط يعني عاوزه شوية دعم منكم
قراءة ممتعه

الرد باقتباس
إضافة رد

رواية من أهداني الجاكيت/بقلمي

الوسوم
الجاكيت , اهدائي , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عرش السُلطان/ بقلمي. خيال. روايات - طويلة 121 14-03-2019 10:31 AM
رواية حلفت عليك لا تناظـر بعين غيري/بقلمي memeyah روايات - طويلة 18 03-04-2017 03:49 AM
رواية زيزفون الجنوب /بقلمي smoker_39 روايات - طويلة 73 10-08-2016 11:22 AM
رواية أنا لست سوى عاشق في زمن كثر فيه التلاعب/بقلمي الـكاتبه : إيـم الـعتيبي. أرشيف الروايات المغلقة - لعدم إكتمالها 2 14-05-2016 11:59 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 01:18 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1