يمان يمان ©؛°¨غرامي جديد¨°؛©

السلام عليكم اني عضوة جديدة في عالم غرام احب الروايات واحب اكتب من اني صغيرة اتمنى تعجبكم اول مشاركة الي
رواية دموع حسناء
الكاتبة يمان يمان
العيشُ ماضٍ فأكرِمْ والدَيكَ بهِ

والأُمُّ أوْلى بإكرامٍ وإحسانِ

وحَسبُها الحملُ والإرضاعُ تُدْمِنُهُ

أمرانِ بالفَضْلِ نالا كلَّ إنسانِ

واخشَ الملوكَ وياسرْها بطاعَتِها

فالمَلْكُ للأرضِ مثلُ الماطرِ السّاني

إن يظلِموا، فلهمْ نَفعٌ يُعاشُ به

وكم حَمَوكَ برَجْلٍ أوْ بفُرْسانِ

وهل خلتْ، قبلُ، من جورٍ ومَظلمةٍ

أربابُ فارسَ، أو أربابُ غَسّانِ

خيلٌ إذا سُوّمتْ سامتْ، وما حُبستْ

إلاّ بلُجمٍ، تُعَنّيها، وأرسانِ







البارت الاول_ الجزء الاول : ذكريات لاتنسى
(ها ماما اليوم راح تجي خالة فاطمة وبناتها وياها حتى العب وياهن ردت اسألج عادي تلعب يارا ويانا).
الجدة: يمة سلام ويه منو جاي تحجين اسم الله عليج
سلام: بيبي ليش تحجين بصوت عالي خليتي ماما تروح اوف
الجدة: اسم الله عليج يمه امج مو هنانه
سلام: لعد وين
الجدة: ماما راح تجي اذا صرت عاقلة ومؤدبة ورحت بدلتي ونزلتي جوه تنتضرين خالتج
التاريخ 2008
______________________________________________

خلونه نوقف الاحداث ونرجع سنة 2006
حادث مميت _ دخان سيارات_ صرخات طفلة تنادي امها
سلام:ماما بابا ماما ليش مو وياك وين يارا وين ماما بابا احجي فدوه

صرخات سلام المترجية وبكائها لكن لا حياة لمن تنادي

الجدة: ابني حسين حاجيني جاوبني ليش طلعت سحر من البيت احجي ابني ريح قلبي
حسين: يمة ان..... قطع كلامه صوت الاسعاف حتى بدء لطم ونحيب الجدة على زوجة ابنها المحببة لها
بعد ساعتين من الاحداث
الدكتور مرتبك من رؤية عائلة المرحومة وابنتها وكيف يوصل الخبر لهم فكل ما استطاع قوله : البقية في حياتكم
______________________________________________

بعد سنين طويلة من هذه الاحداث سنة 2014 سلام بنت ذات جمال متوسط او مقبول بشره حنطية (قمحية) وعيون واسعة بلون بني فاتح وشفايف متوسطة الحجم وردية طبيعي (يعني حلوة) وشعرها طويل بس مو ناعم عمرها 16 سنه

في احد البيوت ذات الطبقة المتوسطة في محافظة البصرة تسكن عائلة (ابو حسين) في الزبير تحديدا
جالسة في الصالة سلام تشاهد (برامج كوميديه) وصوت ضحكها يتعالى مع كل كلمة تقال علماً انها لم تكن تفهم اي ما يقال صادف عندها دخول عمها مسلم وكالعادة صراخ عمها المعتاد
مسلم : يعني انتي كاعده بالصالة بهالبس وضحكتج تجيب التايه واصلة لاخر الشارع ومحاطة على راسج شي ما تخافين يدخل واحد من ولد عمتج ويشوفج هيج ادخلي يالله انشالله دخلين جهنم
سلام بقلبها & اووف اكره عمو شرشبيل بس يدعي علية &
سلام : والله الا اقول البابا يضربك تف تف تف
مسلم : جايج بنت ال*** اني اعلمج الادب يا***.
______________________________________________

في داخل البيت البيت كانت الجدة في المطبخ تحضر الغدة كالعادة ووقتها سمع صوت صراخ ابنها مسلم وقتها عرفت واكيد وي سلام فراحت تركض تلحق قبل ما يذبحهه
الجدة : يمة مسلم على كيفك شنو الصاير عوف بنت اخوك شبيك
طبعآ سلام اختبأت ورة جدتها وصارت تبكي وتصيح : بيبي كتلني بيبي ويغلط علية وعلة امي
الجدة : مسلم جاهل انت جاهل يله كافي هاهية
(طبعا مسلم اصغر عم من اعمام سلام ظابط وعمرة 27سنه)
طبعاً سلام من جدتها قالت هذا الكلام مدت لسانها (على اساس تقهره وهوه مايصدك)
مسلم : يا**** بت ال*** اني اليوم قاتلة قاتله اني اعلمج
الجدة : اهوو ولزمت راسها
هذا حال ابنها الي مايهمه بس نفسه ومايقدر بنت اخو مريضة وما يرأف بحالها
"'نهاية البارت الاول _الجزء الاول"'
_____________________________________________البار ت الاول_الجزء الثاني

دخلت بيتهم الراقي في ارقى شوارع لندن وصلوا الى الطبقة فوق المتوسطه على عكس بيت جدها واعمامها
هدى: اوف لو بس يبطلون عنصرية تصير لندن احلى مدينة

واقفات بعيد يتهامسن كالعاده على الدرج
لجين: اجت انسة لوك لوك
ميسم: من سوالفه هاي هسه بابا يمل ويرجعنه
الخدامة(انجليزي بس ترجمة فصحى) : مدام خديجة تنادي عليكم للغداء
لجين:اوك حسنا نحن قادمون
جالسين على الغدة
قال الاب (ابراهيم) الذي يعتلي ويتقدم المائده: انشالله رايحين باجر للبصرة
لجين: افوف لاحقين على مدينة الاشباح انت مو قلت بعد شهر
الاب: ابوي يجي الجمعه الجاية لازم نروح من باجر
لجين بملل تنظر لميسم وتهمس لها :ميسم شنو رأيج بالروحة
ميسم:لازم بعد شوي نروح للسوق
لجين بنرفزه:ميسم اقصد البصرة شنو رأيج بالروحه
ميسم: اها اريد اروح لان مشتاقة للبنات
لجين : وييع محد يفهم علي
(ابراهيم ابو عبدالله عم سلام اصغر من ابوهه بسنه
عبدالله:28
هدى : 26
علي : 25
لجين:16
ميسم:16
خديجة زوجة ابراهيم من بغداد سافروا للندن هجرة لمن صارت الاحداث بالعراق سنة 1999)
----------------------------------------------------------------------------------

جالسة بملل وهي تقرا اكثر مادة تكرهها الرياضيات اس امها هددتها اذا رسبت هذه المرة تسحب موبايله
عكس اختها الكبيرة بكل شي تكره الدراسه وماتحرك نفسه ماتشتغل دوم متشائمة ومكتئبة بس هي احلا شكلا فقط من اختها بأعتراف الكل فهذا الشي خلاها مغرورة
منتهى: اووف لو اني مريضة نفسية مثل سلام ماجان مقابلة وجهج واقرأ
ريناد: استغفري ربج تردين تصيرين مخبلة ولا تقرين
اخذت موبايلها متجهه للباب وهي تسمع صرخات ريناد وراهها : هي يا مخبلة وين رايحة  اوكفي لا اصيح ماما
التفتت منتهى لريناد وانطتها نظرة قوية. وطلعت
منتهى:15
ريناد:18
---------------------------------------------------------------------------------
بعد يومين من الاحداث
تباوع (تشاهد_تنظر) لنفسها بالمراية للمرة المليون اليوم جميلة وعلى قدر كبير من الجمال وهي واثقة من هالشي بس تبقى منتهى(جميلة العائلة) وتقريبا جمالها وجمال وجمال منتهى متقارب لكن الفرق هو لون العيون لان منتهى لون عيونها عسلي فاتح مايل على الاخضر وهي اسود
ميسم:لجين لجين
لجين:...........لاحياة لمن تنادي
ميسم بصوت عالي: لجييين
لجين بخرعة(بفزع) : ها
ميسم : اي مو صارلي ساعه احجي وياج وين جنتي بيا عالم
لجين : اووه ميسم باوعيلي شلوني طالعه حلو لو لا
رفعت ميسم رأسها لوجه لجين وضلت باوع وجهه دائري كأنها مسويه فلر لكن طبيعي بعدين القت نظرة لحواجبهه المرسومه رسم دقيق وناظرت بياضهه بيضه بياض ناصع وشفايفها متناسقة وملمومه يعني جملية جدا ومناقصهه شي
ميسم: حلوه وتجننين يله كلهم ركبوا تأخرنا
______________________________________________

مشاعره متضاربة بين الخوف والقلق والفضول
الخوف من المجهول
والقلق من المستقبل اللي يتذكرة كل ما ذهب للبصرة
والفضول لرؤية المسماة "خطيبته" والتي هو في الواقع غير راض عنها ولا يريدها لكن (حكم القوي على الضعيف)
انتشله من افكاره صوت امه وهي تناديه
خديجه: يمه عبدالله صعد الجنط بالسيارة واركب يمه صحت لك سنيثا(الخدامة) تساعدك
ركبوا بالسيارة
بعد ساعة تقريباً انطلقت طائرة ابو عبدالله الى العراق مطار البصرة الساعة 10:00
اتمنى يعجبكم البارت الاول

Bly 3bood ©؛°¨غرامي جديد¨°؛©

كملي يا عمري جمييله 😘
منتظره البارت التاني 🌸
وياريت تطولي بس شويتين❤

لامــارا ©؛°¨غرامي نشيط¨°؛©

السلام عليكم

اسم روايتك مذكرات طفلة ولا دموع حسناء ؟؟

Bly 3bood ©؛°¨غرامي جديد¨°؛©

المشاركة الأساسية كتبها لامــارا اقتباس :
السلام عليكم

اسم روايتك مذكرات طفلة ولا دموع حسناء ؟؟
هيا المفروض قالتلي دموع حسناء معرفش ليه فوق مذكرات طفله!

يمان يمان ©؛°¨غرامي جديد¨°؛©

المشاركة الأساسية كتبها bly 3bood اقتباس :
كملي يا عمري جمييله 😘
منتظره البارت التاني 🌸
وياريت تطولي بس شويتين❤
شكرا 😍 نورتي
انشالله الج مني بارتين يوم الاربعاء

يمان يمان ©؛°¨غرامي جديد¨°؛©

المشاركة الأساسية كتبها لامــارا اقتباس :
السلام عليكم

اسم روايتك مذكرات طفلة ولا دموع حسناء ؟؟
وعليكم السلام
يا هلا نورتي
اسم روايتي دموع حسناء
بس واني اكتب تلخبطت وكتبت مذكرات طفلة وبالتعديل ما اعرف ليش ضل فوق مكتوب مذكرات طفلة

يمان يمان ©؛°¨غرامي جديد¨°؛©

البارت الثاني
كم يشتاق القلب اليك
ويسرح فى خيال عشقك
يتذكر انغام كلامك
ويعزف باوتار حبك
الحان تقول بحبك
وهذه ابسط كليمات
تنبع من قلب كان مات
لتناجى من احياه
وانتى من احياه
بكلامك العذب ما احلاه
وابتسامتك كانت لجرحى دواه
نستيني كل الماضي
فبواقع حبك انا راضى
لانك كل مرادى
الكل مجتمع اليوم لانتظار إبراهيم وهذي من جمعاتهم القليلة (أحياناً ما يجتمعون الا مرة كل شهر)
في المطبخ
******
:انتي ما تفتهمين كم مرة قلت لج لا تحطين (تضعين) دجاج بالشوربه محد يحبه يعني اكتبة بورقة على القدر
دفعتها بايدها وهي بين ايدين مرة ابنها
هديل بالم لاحتراق يدها: اسفة عمتي انشالله هسه اطبخ غيره

: يمه شبيج ليش ايدج حمرة
الجدة: اي هاي تربيتج هديل يجي يشوف بيبيته (جدته) ما يسلم
هديل:يمه امير سلم على بيبيتك
امير ما عبر بيبيته وراح للثلاجة وجاب مرهم حروق وقعد امه على كرسي وقعد يداوي بيه
الجدة: اي طبعا ابن هديل طبعا تصي....
قاطعها امير : بيبي امي ما جابتني بلا ابو اذا تردين تحاسبين حاسبي ابوي همين
الجدة : طالع الك لسان ابن الحية اني اعلمج هديل اله اوصل هذا الحجي لمحمد
قاطعها محمد : يمة شكو
الجدة طلعت من المطبخ زعلانة
باوع لهديل بعدين راح وره: امه يمه يمه اوقفي
الجدة : اذا بيك خير روح علم مرتك الادب من ذاك يم الى هذا يوم على نفس سوالفها
محمد : يمه على كيفج ماعليج بيها هسه اني احجي وياها
الجدة : اي هذا الفالح بيه بس الحجي
وراحت وعافته فهوا من راح امه راح لمرته
محمد بصراخ: اكثر من مره قلت لج لا تضوجين امي ما تفتهمين
لا والله هسه اشيل اغراضج وما الج قعدة عندي
____________________________________________
محمد
ما كنت اريد اصيح عليه بس امي قبل كلشي ما اريد اعيد اللي صار قبل سنين ما كان بيدي شي بس اباوع لدموع هديل وابقى ساكت
محمد: يله اني طالع للاستقبال

امير
ما اتحمل دموع امي وقلبي ضل يوجعني بس اني مو قد ابوي حتى اواجه
امير: يمه لا تبجين انتضري
راح جاب شريط لاسق ابيض للجروح ولف يدها بيها وقعدها على الكرسي مرة ثانية
هديل: يمه امير شلون اشتغل وايدي هيج
امير ضل ساكت واخذ القدر وحط بيه تمن(رز)
امير: يمه هذا يكفي لو لا
هديل: حط بعد كوبين وحط بعد ماي همين
امير خلص وحطهن على النار
امير: يمه لازم النار عاليه لو ناصية(منخفضة)
هديل ضحكت وقامت حتى تسويها : اذا ماتعرف ليش شلعت قلبي
امير بزعل مصطنع : يمه المفروض تشجعيني مو تخليني احس باحباط فرضا صرت شيف
هديل بضحكة: الله يخليك الي يمه
____________________________________________

تستعرض كأنها عارضة ازياء ولابسة بنطلون جينز ازرق وبلوز ثقيل ابيض (لان هم في الشتاء) وفوقه ستره بيضاء منقطة باللون الاسود وشعرها فاتحته على طوله ومسويته كيرلي
ريناد: اوف مو كافي منتهى ما مليتي بس تباوعين لنفسج بالمراية
منتهى : بكيفي حره
سمعن اصوت بره وهلاهل فعرفن اكيد انو خالهن ابراهيم اجه
فراحن ركض
تصفيق حار وكلمات الجدة وفرحتها لشوفة ابنها اللي ما شافته من اربع سنين
بعد ذلك على الغداء
الجدة: يمة خديجه شلونج بنيتي
خديجه: الحمدلله عمتي انتي شلونج حيل اشتاقيت لكم
الجدة: والله عاش من شافج بنيتي رنا ( اخت امير) روحي صيحي سلام على الغده يالله
رنا:صار بيبي رايحه

رنا:26
امير:20
____________________________________________
ساعة 3:45 ص
اليوم ضليت عند ليث وعلي لان اصروا علي هواي حتى ابقى نزلت اشرب ماي من المطبخ بس لحظة!!!
سمعت صوت واني بالمطبخ يجي من الصاله صراخ وضحك طبعا اني خفت منو قاعد لحد هالساعه
وقفت بالصاله قريب من باب المطبخ ميزت ان الصوت صوت بنت بس ما عرفت من هي حمدت ربي على نعمة العقل
استغفرالله كانه مجنونه مره تصرخ ومره تضحك ومره ثانيه تبجي لا ياربي تونه انتبهت وجهه اسود فحم بس!!!
التفتت علي اني خفت وكتهه وما عرفت اتصرف هي من باوعت عليه كامت بس تصرخ
امير : انتي منو
: يماااااااا يمااا
طبعا اني خفت تقعد الباقين فرحت صميت(سديت_غلقت) فمها
امير : ولج اسكتي اني امير
: امير ولك وخر امير دير وجهك اني مالابس حجاب
طبعا هي ركضت بس رجعت مره ثانيه قبل ما تصعد ما اعرف ليش وشنو المغزى من هالحركة بس
امير: اخخ هاي شبيج
ركضت ومالحكت عليه ضربتني بوكس اخخ والله رجال جنه مو بنت صدق
_____________________________________________
اخخ قلبي ما وقف دق بقوه احس كل العالم سمعت صوته
اني بس جنت حاطه ماسك لوجهي وقاعده. اباوع فيلم رعب
ما تخيلت ولو واحد بالميه انو امير هنانه حسبالي بس بيت
عمو ابراهيم واكيد هسه نايمين تعبانين من السفر اه اه
هسه اكيد ليث يذبحني اذا عرف ياربي بما يقول لليث
ياغبيه هو منين عرفني واني حاطه الماسك يالله الحمدلله

منتهى: اه الحمدلله ياربي
ريناد: منتهى ازعجتيني نامي
منتهى بس اخذت موبايله وضلت سهرانه عليه لحد ما نامت
______________________________________________

: فهمني عاقل انت لو مخبل مدافتهم شي شنو معنى سلام خطيبتك
عبدالله: لجين فهميني شبيها سلام
لجين بعصبيه وطبيعة صوتها الحاد: شنو المابيها مخبله تعرف شنو مخبله
عبدلله بصدمه: مخبله شلون مخبله ميسم احجي شي
ميسم بخوف وتوتر : عبدالله ااا هي اا
عبدالله بصرامه: ميسم احجي
ميسم: سلام عندها انفصام بالشخصيه
عبدالله بعصبيه طلع متوجه لغرفة ابو
بس اعترضت طريقه هدى
هدى: عبدالله شبيك فهمني وين رايح
دفعها عبدالله : ووخري
هدى بخوف: ميسم لجين شكو
ميسم بخوف اكبر : والله هو اللي سأل
لجين بقلق اخفته خلف حدة صوتها: اول تالي راح يعرف هدى اني ما اكره سلام بالعكس احبها كلش بس خطيبة عبدالله لا والف لا بس افتهميني هذا يسموا غش
قاطع حديثهم صوت ابوهم وهو يصيح: يا.........
___________________________________________
اليوم الثاني
من الصبح وهو ببيت عمه عرك وصراخ كلهم واقفين ضده ليش محد يفهمه هو عمره المفروض ياخذ وحد بالعشرين وفاهمه وعاقله مو "مخبله" على قولته
حسين بصراخ مالي الدنيا : طبعا اذا بقى هذا قدامي راح اذحبه
ابراهيم اخذ ابنك و طلعوا منا لاقلب البيت اليوم
عبدالله: والله ما اطلع منا الى حد ما افصخ الخطوبه
ابراهيم بعصبيه: عبدالله احترم نفسك يالله قدامي على البيت
عبدالله: والله ما اطلع منا اليوم الى حد ما نلقى حل
اجه مسلم وياه الجده
الجده: عبدالله يمه على كيفك جدك بعد كم يوم وجاي ماتقدر تنتظر
عبدالله: لعد خاطبين الي وحده مخبله شنو اسوي بيه
مسلم: احترم نفسك يا***
حسين: ايا ال*** اذا ما طلعت هسه من بيتي شوف شنو اسوي بيك
ابراهيم بحزم : عبدااالله!! اقعد نتفاهم
محمد: والله اني اقول ننتظر ابوي هو اليقرر وانتو بعد بكيفكم
الجده: عين العقل انتظروا ابوحسين وهو يحلها
__________________________________________

يمان يمان ©؛°¨غرامي جديد¨°؛©

اتمنى يعجبك البارت

ضيّ خالد ©؛°¨غرامي مشارك¨°؛©

مساء الجمال والابداع

بارت جميل والرواية ككل حلوة وبسيطة واحداثها جميلة

بانتظارك
...تحياتي...

يمان يمان ©؛°¨غرامي جديد¨°؛©

المشاركة الأساسية كتبها ضيّ خالد اقتباس :
مساء الجمال والابداع

بارت جميل والرواية ككل حلوة وبسيطة واحداثها جميلة

بانتظارك
...تحياتي...
منوره يالغلا😍

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1