غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 91
قديم(ـة) 05-01-2019, 02:18 PM
Nagham marmash Nagham marmash غير متصل
©؛°¨غرامي جديد¨°؛©
 
الافتراضي رد: لعنتي اني اشبهها / بقلمي


يا مبدعتنا الحلوه وين البارت ننتظر بله نزليه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 92
قديم(ـة) 05-01-2019, 09:50 PM
صورة الارز الرمزية
الارز الارز غير متصل
©؛°¨غرامي نشيط¨°؛©
 
الافتراضي رد: لعنتي اني اشبهها / بقلمي


اقتباس:
المشاركة الأساسية كتبها nagham marmash مشاهدة المشاركة
يا مبدعتنا الحلوه وين البارت ننتظر بله نزليه
هههههههههههه حاسة هالرواية منحوسة كل مرة بصير معي اشي...الاب توب صار فيه عطل واليوم صلحتو...ان شاء الله بكرا او بعدو بكون البارت نازل....يسعد اوقاتك يارب حبيبتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 93
قديم(ـة) 06-01-2019, 07:18 PM
صورة الارز الرمزية
الارز الارز غير متصل
©؛°¨غرامي نشيط¨°؛©
 
الافتراضي رد: لعنتي اني اشبهها / بقلمي


هااي فصل جديييد واعتذر عن التأخير احبتي
ارجوا لكم قراءة ممتعة

>>>>الفصل السادس والثلاثون<<<<

قصر ابو ايهم في غرفة ريهام تحديدا.....
كانت قاعدة على السرير حوالين عيونها هالات سودة وعيونها حمر من كثر الصياح...ما نامت طول الليل واهي تحاول تستوعب الي صار معاها حقيقي ولا كذب..شلون يعني يكون احمد الي حبته ووثقت فيه نفسه احمد الي هددها وظحك عليها كل المدة الي طافت.....؟؟ اكيد الحقيرة هوازن اهي الي اعطته رقمي...وربي لاوريك يا هوازن ...حملت حالها قامت غسلت وجهها...ناظرت لنفسها بالمراية...بعدها لبست ملابسها ونزلت ....متوجهة لناحية الباب...شافت اهلها بيفطرون مرت عليهم لجل لا يشكون بشي قالت بوجه شاحب وصوت يالله طالع:صباح الخير...
الكل يناظرها مستغرب من حالها: صباح النور..
سيف رفع حاجب : اشوفك لابسة وين رايحة من صباح الله..؟؟
ريهام: رايحة اتروق ويا رفيقتي..
ايهم: وليه ما تقعدين هنا تتروقين ويانا ولا مو قد المقام انسة ريهام..؟؟
ابو ايهم: خلاص خلها على راحتها..روحي يبا ونبسطي..
ام ايهم: اجل لا تتأخرين اليوم بنروح لجل نخطب لاخوك..
ريهام خنقتها العبرة مو عارفة شنو تقول شوية وتصيح: ان شاء الله سلام عليكم....وراحت متوجهة لبيت هوازن..
الجميع: وعليكم السلام.
سيف مو مطمن لحالها قال: شفيها وجهها شاحب كذا هالبنت مو مطمنتني ابد.
ام ايهم: ما فيها الا كل خير بس لا توسوس زيادة.
هبة كانت ساكتة وسرحانة تتذكر الي حصل الامس بالليل...
هبة كانت صاعدة لغرفتها تبي تنام...واهي ماشية مرت من عند غرفة ريهام استوقفها صوت صياح قوي...قلقت هبة على ريهام وعطول فتحت الباب وتوجهت لها شافتها جالسة على حافة السرير وماسكة راسها بين يدينها وتبكي بحرقة..هبة عطول جلست جنبها وحضنتها من كتوفها وبقلق وخوف: شفيك يا ريهام ليه حالتك كذا شصاير...؟
ريهام بهاذي اللحظة كان نفسها تبكي بحضن اختها وتقول لها عن كل شي وتطلب مساعدتها بس ما قدرت ابد خافت اطيح من عينها ...دفتها عنها بقوة وقالت بصراخ: ما فيني شي روحي واتركيني لوحدي..
هبة بنرفزة: شلون يعني ما فيكي شي وانتي تبكين بالشكل ذا..قولي شفيك يا ريهام انا اختك الوحيدة صدقيني بصف معك واساعدك لا تخافين بس قولي شفيك..؟؟
ريهام بصراخ: قلت لك ما فيني شي ..اطلعي براااا ما بي احد عندي ولا احد يواسيني مالكم شغل فيني اطلعي برا اطلعي... وقامت بقلة حيلة وطلعت...
بعد ما ردت هبة من سرحانها تنهدت تنهيدة عميييقة قامت من عالكرسي قالت: انا بروح الجامعة عندي امتحان اخاف اتاخر يلا سلام..
الجميع: الله وياك...
ابو ايهم بعد لاحظ بس قال يمكن متهاوشين على شي غبي وطنش.
ام ايهم قلبها ما كان مطمنها على حال ريهام بعد ما شافت شلون شكلها الصبح..
بعد ما الجميع خلصوا فطور كل واحد راح يشوف مشاغله..
في السيارة عند سيف وايهم..
سيف رافع حاجب وباستغراب قال لايهم: شفيهم ذولا خواتك..وضعهم ما يطمن ..واحدة شكلها كنها شبح والثانية طول الوقت سرحانة شدعوة.؟؟
ايهم: لا تقلق يا سيف ولا تشغل بالك تلاقيهم تهاوشوا على شي اهبل كالعادة..لا تشغل بالك بس انت..
سيف ابتسم لايهم: اجل من قدك انت اليوم بتخطب انوار اخيرا...
ايهم بفرح: ايه الحمدلله ..
سيف الله يوفقك يارب يخوي ويهنيك وياها تراها بنت والنعم فيها من بعد ما التقيتها بقولك من جد انك احسنت الاختيار..
ايهم: ربي يسعدك يخوي وانت بعد اخترت عدل ترا ريماس ما في منها بالدنيا..
سيف تنهد بحب وهو يتذكر حب حياته: اييييييييه جعلني فدوة لها ..
ايهم: هههههههههه راح الولد فيها..
سيف: ههههههههههههه من زمان وربي..

في بيت ايو همام..
نزل ابو همام للصالة ناظر حواليه ما لقي الارز..قعد ينادي الشغالة: سيلا يا سيلا..
سيلا جت من المطبخ: يس مستر...
ابو همام: ارز وينها ليه ما شوفها هنا..؟؟
سيلا: مستر مس أرز نايم ما تبي تقوم تقول هي تبغى تنام ..
ابو همام تنهد بحزن : خلاص روحي شوفي شغلك وقولي لسليمان يجي ينقل الشنط للسيارة..
سيلا: حادر مستر.
ابو همام: الله يهديك يا أرز..بكرا تعرفين ان كان معاي حق بالي اساويه..بعدها راح طلع توجه للسيارة وانطلق مع السايق للمطار.

في فيلا ابو احمد..
احمد كان قاعد ويفكر بالي ساواه..ما يدري اهو تصرف صح او غلط....
احمد: انا ليه ساويت كذا..؟؟ اهي البنت تغيرت كثير ايش كان صار لو تقدمت لها وخطبتها..؟؟الصوت الثاني داخله..لا لا شنو اتقدملها انا اصلا ما احس تجاهها بشي اهي ولا شي بالنسبة لي بعلمها الادب ولازم اذلها لجل تتعلم ان مو اي احد تتكلم معاه بقلة احترام بيسكت لها لازم اعلمها درس ما تنساه طول عمرها...اجل لييه احس اني مو مرتاح...؟؟ يالييييل.. خلني اقوم اخذ لي شاور احسن شي..

ريهام من بعد ما وصلت لفيلا هوازن نزلت ودقت عالباب وكانت تنتظر احد يفتح لها...وبعد فترة فتحت لها الشغالة..
ريهام ببتسامة صفرة: مرحبا..مس هوازن موجودة..؟؟
الشغالة: نئم موجودة ..
ريهام: ممكن تقولين لها ان صديقتها تبي تشوفها..؟
الشغالة: ماسي مس اتفضلي وانا بناديها لك..
ريهام دخلت للصالة وبقيت واقفة تنتظر هوازن لين تيجي مالها خلق تقعد اعصابها تالفة ومتوترة...بعد تقريبا خمس دقايق نزلت هوازن...
هوازن لما شافت ريهام ابتسمت ابتسامة جانبية واهي تتقدم ناحية ريهام بنبرة استهزاء: هلا هلا بصديقتي الغالية هلا وغلا وانا اقول البيت منور ليه..
ريهام لفت عليها وبنظرات كره: لك عين بعد تقولين لي صديقتي يا القذرة..
هوازن ببرود: تؤتؤتؤ ليه الغلط الحين... ليه انا شساويت لك..؟؟
ريهام بغضب ومن بين اسنانها: يالحقيرة... وتساوين نفسك مو عارفة عن ايش اتكلم..؟؟
هوازن : عن الغلط عاد..تراني محترمتك للحين وساكتة لانك ببيتي..
ريهام بضحكة استهزاء: هههههههههههه لا ظحكتيني لا لا من جد ظحكتيني..ليه وانتي حظرتك من متى تعرفين شي اسمه احترام..؟
هوازن تنهدت بملل: اقول اخلصي وقولي شتبين..؟ولا جاية لهنا من اجل تقعدي تسبي وتغلطي علي وانت بنص بيتي..
ريهام وما زالت ضاغطة عسنونها تحاول تمسك اعصابها: ابغى افهم ليه ساويتي كذا فيني ها ليه...؟؟ انا شساويت لك.؟؟
هوازن تمثل الاستعباط: انا..؟شنو ساويت ما ساويت لك شي..
ريهام بعصبية وصوت عالي: اقول لا تستهبلين علي الحين وتساوين نفسك الملاك البريء...ليه تعطين رقمي لاحمد وتخليه يكلمني ليه.. وتخليه يلعب بمشاعري ..؟؟
هوازن رفعت كتوفها ونزلتهم وبكل برود: كل القصة انه قعد يترجى في كثير ورحمته المسكين وقلت له بعطيك رقمها بس اهي ما حترد عليك ولجل كذا اعطيته... ما دريت انك خفيفة كذا وبتصدقين هههههه
ريهام ضغطت على يدها تحاول تمسك اعصبها: ودريتي انه مصورني وقعد يهدد ان ما طلعت معاه بيرسل الصور لأهلي والا ما دريتي..؟؟
هوازن تساوي نفسها مصدومة: هيييي هالنذل الخسيس كيف صورك..انتي ما خرجتي معاه صح..؟؟شلون صورك ومتى..؟؟
ريهام تقدمت ناحية هوازن ومسكتها من كتوفها بقوة وصرخت فيها: هـــــيه انتي لا تستهبلين علي...انتي دبرتي كل شي
هوازن شالت يدين ريهام عنها : اقول بسك ترمين التهم علي شلون يعني بدبر كل شي ها قليلي..؟؟
ريهام: وقت المطعم يا استاذة وقت قمتي عاساس رايحة للحمام ما لقيته غير جاي ويتكلم وياي وبكل وقاحة مسك يدي ومدري مين هالواطي الي خلاه يصورني وقتها والحين قاعد يهدد ويتوعد..وانتي سبحان الله اختفيتي وما عدتي بينتي وشلون تبيني افسر غيابك واختفائك وعدم ردك علي غير انك انتي متفقة معاه على كل شي..؟؟
هوازن كانت تدري ان ريهام مو غبية لدرجة انها تصدق ان اهي مالها شغل وكانت محضرة تمثيلية لجل تحط كل الحق على احمد قالت واهي تتصنع الحزن والندم: وربي انا مالي شغل بكل شي اهو الي قعد يهددني الاول وانه بيقتلني ان ما نفذت معاه الخطة الي حطها هو الاول.. قعد يقول انا ابغى ريهام تنذل وتيجي تبوس رجولي لجل اعلمها شلون تتمادى وياي وتقل ادبها ..وانا قلت له ما يصير يا احمد ليه تساوي فيها كذا مسكينة اهي مالها دخل ولا اي ذنب هدها بحالها...قام اهو عاند وقالي انا بكسر عنادها وغرورها وتكبرها وعندي خطة وابيك تساعديني وان رفضتي بقتلك..وانا يا ريهام خفت منه وقتها عيونه كانت مليانة شر وربي اني خفت مالي ذنب بكل شي ارجوك سامحيني ووقت الي دقيتي ما كان لي عين ارد عليك سامحيني يا ريهام.. وقعدت تبكي بتمثيل بارع..
ريهام ناظرتها بقرف وتفلت عليها: تفوووووه..كان لازم ابعد عنك واقطع علاقتي فيك من زمان يا الخسيسة واني اسامحك لو بتموتي قدامي ما اسامحك يا الحقيرة...وسحبت حالها وخرجت ..
هوازن مسحت دموع التماسيح وابتسمت بشر: يا شيخة ولي من حياتي على الي قلقان فيك ولا بمسامحتك..هههههه اشرب يا احمد الحين قلبت كل القصة عليك..بس ايش انا طلعت ممثلة خطيرة وانا مدري ههههههههههه.

الحين نروح للمستشفى عند سام...

كان قاعد بوقت الاستراحة وخطر عباله همام فقال يدق عليه يطمن على احواله...طال محموله ودق على رقم همام..
همام كان قاعد يشقته ويفكر كيف نقلبت حياته ويفكر بأرز الي اشتاق لها حيييل..:اااااخ يا أرزتي الحلوة لو اقدر اشوفك واتكلم وياك مثل قبل...وحشتيني يختي يا قطعة من قلبي..الا يدق محموله ناظر الرقم لقيه سام ابتسم بفرح ورد عطول: هلا وغلا بصديقي الصدوق هلا والله..عاش من سمع صوتك وييين هالغيبة..؟؟
سام ببتسامة: هلا فيك بالاكثر والله...انت تدري المستشفى وعمليات وضغط الشغل وربي ما افضى ابد..المهم طمني عنك شخبارك شحوالك..؟؟
همام بغصة: الحمدلله...بس تدري كنت اتمنى لو كملت بالطب كنت الحين وياك مشغول بالعمليات والمسشتفى بدل ما انا قاعد ما اساوي شي...وما مني فايدة..
سام حس بهمام انه مضايق حيل فقرر يعزمه على الغدا ويطلعه من الشقة الي حابس نفسه فيها: اقول همام اليوم انا عازمك على مطعم احب اكله كثير اسمه الابرار يلا جهز نفسك جاي الحين امرك بنروح..


نرد لقصر ابو همام....

أرز نزلت من غرفتها للصالة بعد ما تأكدت ان ابوها راح ...قعدت على الكنبة بحزن : ليه يبا توصلني ان اتصرف وياك بهاذي الطريقة..؟؟ ليه كل ما يلين قلبي ترد انت تقسيه..؟ يبا ليه تساوي فيني كذا..؟ونزلت من عيونها دموع كان لها مدة ما نزلت...بعدها تذكرت ان امها بحاجة للفلوس وفكرت عدل وقالت: هاذي افضل فرصة اقدر فيها اسحب فلوس من حسابي من غير ما ابوي يحس فيني..اهو مسافر وما حيقدر يعرف ان انا خذيت مبلغ المئة الف.....بعدها صعدت للغرفة ولبست لها بنطلون جينز باهت مع قميص زهري وفوقه جكيت جينز على نفس لون البنطلون وربطت شعرها ورفعته لفوق وما حطت شي على وجهها ولبست شوز زهري وخذت جزدانها الجينز ونزلت ...... ركبت السيارة وخلت السواق يروح للبنك...من بعد ما سحبت ارز الفلوس رنت على امها وقالت لها انها بتمرها وبيروحون لمطعم الابرار الي التقوا فيه اول مرة....يعد ما وصلت ارز مع امها للمطعم شافولهم طاولة لشخصين وجلسوا عليها...وأرز كانت جالسة على كرسي ظهرها للطاولة الي قبالها..
وبنفس الوقت وصل سام ويا همام وجلسوا قبال طاولة أرز وامها وهمام جلس على الكرسي الي ورا كرسي أرز وظهره لطاولتهم يعني ما يقدر يشوف امه الي جالسة اقبال سام..ولان سام ما يعرف شكل ام ارز فما انتبه لها ولا عرفها ....
تيلدا ببتسامة: كيفك يا بنتي شنو اكبارك(اخبارك)..؟؟
أرز ببتسامة: الحمدلله يما كل شي بخير...عندي لك اخبار مرة حلوة..
تيلدا :شنو في..؟؟
أرز طالت الظرف الي فيه الفلوس ومدته لناحية امها..خذي يما دبرت لك الفلوس الي تحتاجينها كلها..
تيلدا تشقق وجهها من الفرحة واهي تاخذ الفلوس ناظرت لأرز وقالت: شكرا شكرا لك يا بنتي..من جد انا ما ائرف انا كيف اشكرك..بس صدكيني وئد وئد(وعد) انا برد كل فلوس الك كريب(قريب) ..
أرز ببتسامة: ولا يهمك يما المهم انك تقدرين ادبرين نفسك بهاذ المبلغ لين تقدرين تفتحين محلك..
تيلدا: تسلمين لي يا بنتي ..أرز انا هبك كسيرا(احبك كثير)..
أرز اكتفت ببتسامة ما تدري ليه ما طلعت منها كلمة وانا بعد احبك يما...حست بغصة وخنقة ...لدرجة انها ما قدرت تقعد اكثر من كذا...قالت واهي تحاول تخفي الضيقة: طيب الحين يما انا مضطرة اروح وان بغيتي تاكلي اطلبي اي شي انا بتركلك فلوس ادفعي منها على حسابي...
تيلدا: لا لا انا ما اريد شي بنتي مشكورة...انا بئد شوي لازم ارد للاوتيل...
أرز واهي تقوم: ماشي يما انا الحين بروح انتي كملي عصيرك بالعافية ...يلا سلام..
تيلدا واهي تشوف أرز تبتعد : مع السلامة ايتها الفتاة المغفلة ههههههههههه وطالعت الظرف الي بيدها وفتحته شافت الفلوس الي فيه بعدها حطته بشنطتها وطالت محمولها ودقت على جيرالد لجل تقوله ان الفلوس صارت وياها....
أرز واهي طالعة من المطعم مرت من جنب طاولة همام وسام ..لكنهم ما انتبهوا لها لانهم كانوا ياكلون ومشغولين بالكلام....
همام : اجل بعد يومين بيكون كتب الكتاب..؟؟
سام: ايه يوم الخميس ان شاء الله...
همام بحزن: كنت اتمنى اكون موجود واحتفل بينكم وافرح وياكم...الحمدلله على كل شي..
سام: ان شاء الله بتحضر العرس يا همام...
همام ناظره بتفاجؤ واستغراب: شلون يعني بحضر العرس..؟؟
سام بجدية: اجل شلون يعني بتبقى متخفي طول عمرك هالكلام ما يصير...
همام : يا سام اظن كلمتك بالموضوع من قبل الافضل ابقى مختفي..
سام بشوية عصبية: شلون يعني عاجبتك العيشة هاذي..عايش ومش عايش..؟؟ يا اخي ارحم نفسك وارحم ارز وياك...وان كنت قلقان على ارز انا اعرف شلون احميها يا اخي خلاص كافي رد لاهلك رد لدراستك كفاية تكون ميت وانت عايش...ما مليت..؟
همام تنهد بقوة: خلاص انا تعودت على العيشة كذا...هاذ قدري وانا راضي فيه..
سام: اقول بلاش استهبال انت بترد لحياتك العادية وانا برتب ويا عمي شلون نخبر الاهل انك ما زلت عايش..
همام بأنفعال: اقول سام لا تخليني اخذ قرار الحين اني اختفي من حياة الجميع واروح لمكان ولا احد يعرف له طريق ..خلاص سكر عالموضوع ذا نهائي ولا تعيد فتحه مرة ثانية...
سام:لا ما حقفل عالموضوع...وبنلاقي حل لوضعك يعني بنلاقي..
همام قام بأنفعال من عالكرسي: يوووووه يا اخي انت لكلام معاك ظايع...ولف وجهه يبي يروح الا يلمح تيلدا تكلم بالمحمول وتضحك..رد بسرعة لف وجهه لناحية سام وقعد عالكرسي...واهو مصدووم ومتفاجئ.:هاذي شنو جابها لهنا..؟!!!!!
سام يطالع همام بأستغراب: منو هاذي..؟؟
همام: ولا شي انا بروح الحين وارجوك يا سام لا ترد تفتح الموضوع مرة ثانية يلا سلام..
سام يناظر لهمام مستغرب هز راسه : لا حوووول ما في فايدة عنيد من يومه...خطرت عباله أرز ضحك :هههههههه الحين عرفت لمين أرز طالعة عنيدة للطبل اخوها..خلني اقوم ارد للمستشفى احسن شي..

في بيت ام انوار الساعة صارت 7 وانوار كانت رايحة جاية متوترة...
ام انوار: اقعدي يا بنتي خلاص حولتيني شدعوة..؟؟
انوار بحماس وتوتر: يما بموووت من التوتر وبنفس الوقت فرحانة مو مصدقة ان ايهم اخيرا بيخطبني بس بنفس الوقت خايفة ان اهله وقت يشوفوا المنطقة الي عايشين فيها وبيتنا المتواضع يهونوا ويرفضوا هالزواج...
ام انوار ببتسامة : لا تخافين يا بنتي ايهم يدري انت من وين ويدري وضعنا وحالنا عدل اهو وايوه.. وان كان مكانا وحالنا ما يعجبهم اجل اهم بعد ما يلزمونا...انا ما ازوج بنتي لناس يهتمون بالمظاهر اكثر من الاخلاق...انوار حضنت امها بحب: اجل يما معك حق ..الا يدق الباب انوار فزت متوترة يما جم جم...
ام انوار ببتسامة: اجل روحي للداخل لين انادي عليك تجين يلا...
راحت ام انوار فتحت لهم الباب بوجه بشوش وابتسامة حلوة ودخلتهم لصالة الضيوف المتواضعة حقتهم...
بعد بشوية جت انوار ومعاها العصير وفضلت الجميع وقعدت قبال ايهم...
ام ايهم تناظر لانوار بأعجاب كبيير وابتسمة حلوة: ما شاء الله تبارك الله..مالوم ولدي ابد يوم انه اختارك وحبك اللهم صل عالنبي قطعة قمر...
انوار بخجل واهي منزلة راسها: ربي يخليك يا خالة هاذ من ذوقك..
ايهم يناظرها ويغمز لها ويبتسم..
ابو ايهم حب يدخل بالموضوع عطول قال: مثل ما تعرفين يا ام انوار انا ادري عن وضعكم وان انتي وحيدة وما الك اخوان وان ابو انوار توفى بمرض الله يرحمه...بس من هاذي اللحظة ان شاء الله يا ام انوار اعتبرينا احنا اهلك وعيلتك وبنتك بنتنا ....وانا اليوم جاي وبكل فخر اطلب يد بنتك انوار الي لو لفيت العالم ما حألقى احد زيها مثايرة مجتهدة خلوقة وتحب شغلها والاهم من كذا انها وفية ومخلصة ...وجيت اليوم اطلب يدها لابني ايهم وايش ما كان الرد احنا بنبقى لك العيلة الي تساندك اكيد..
ام انوار ببتسامة حلوة: انا لي الشرف ان ازوج بنتي لرجال مثل ايهم شخص ينشد فيه الظهر وحريص على شغلة وقد الحمل..ان شاء الله ما بنردك خايب . وانا موافقة بس لازم نسمع رأي العروس الاول...
ابو ايهم ناظر لانوار ببتسامة وقال ها شرأي عروستنا الحلوة..؟؟تقبلي بولدي ولا نرد محل ما جينا..؟
انوار بخجل كبيير وصوت هامس: اجل اقبل..وقامت بسرعة للداخل مستحية...
ام ايهم: ههههههههه يا حليلها استحت..
ابو ايهم لام انوار: ما دام العروس وافقت اجل نقول مبروك..؟؟
ام انوار: مبروكة عليكم يخوي..
ام ايهم: كلولولووللولويييييي
هبة طول الوقت كانت قاعدة تراقب هدوء ريهام وسرحانها..(يا ترى ايش الي صاير وياك يا ريهام مخليك بهاذي الحالة؟؟)
ابو ايهم اجل خلنا نتفق على المهر والذهب ونحدد موعد لكتب الكتاب..
من بعد ما اتفقوا على موعد كتب الكتاب وكل شي استأذنوا من الجماعة لجل يروحوا...

في سيارة ابو ايهم:

ابو ايهم: ها يا خديجة شرأيك في البنت..؟؟
ام ايهم: يا حليلها وربي دخلت قلبي عطول حبيتها هالبنت ما شاء الله اخلاق وادب وترباية عدلة..حتى امها ما شاء الله عليها مرة سنعة ومحترمة والاهم من كذا انهم مش طمعانين بشي..
ابو ايهم: ايه والله جماعة رغم بساطتهم الا انهم شبعانيين...

في سيارة ايهم....

ايهم يناظر البنات من المراية ها يا بنات شرايكم بخطيبة اخوكم..؟؟
هبة ببتسامة: والله يا زين ما اخترت يا ايهم ما شاء الله البنت جمال وادب وخلاق ربي يهنيكم سوا ويتمم لك ويا سيف على خير..
ايهم: امين والعقبة لك انتي وريهام...اجل ريهام ما قلتي شرايك..؟؟
ريهام: ربي يهنيكم سوا يخوي...
ايهم: بس كذا..؟؟
ريهام: البنت حلوة ولايقين على بعض وربي يتمم لكم على خير..
سيف: ريهام شفيك..؟؟من الصباح وانت مو طبيعية..؟لتكوني رديتي نفسية مثل قبل والي يسلمك لا تقولينها..؟؟
ريهام لفت وجهها عالشباك وما ردت مو قادرة ترد
سيف: يا لييييل الحقراااان...اقول..
ايهم قاطع سيف: خلاص يا سيف سيب البنت براحتها...
سيف : خلاص بنسيبها بس لجل ما اضيع فرحتك..
ايهم ببتسامة: تسلملي يخوي..
ريهام كانت كاتمة دمعها ومخنوووقة كانت حابة تفرح وياهم بالمناسبة هاذي...ما همها ان سيف قال عنها نفسية الي حارق قلبها كيف لعب ذاك الحقير بمشاعرها وكسرها وفوق كل هذا قاعد يهدد ويتوعد...
من بعد ما وصلوا البيت ريهام عطول راحت لغرفتها قفلت على نفسها الباب وكانت تبغى تروح تبكي على وسادتها الا يدق محمولها وقلبها دق معاه...ناظرت للرقم لقته رقم احمد صارت ترجف ومن الخوف مو قادرة ترد...بقى المحمول يرن لين سكت وبعدها دز لها احمد رسالة يقول فيها ان ما رديتي الحين برسل الصور لابوك وخوانك....ورد دق وبيدين مرتجفة ردت...حطت السماعة على اذنها وما تكملت ولا حرف..
احمد: اخيرا رديتي...شلونك يا قلبي وحشتيني..
ريهام دموعها تنزل وساكتة ما ينسمع غير صوت نفسها الي يرجف من الخوف...
احمد:ها قليلي يا حلوة شخبارك.؟
ريهام على حالها..
احمد عصب: اقووول وقت الي اكلمك تردين سمعتي..؟؟
ريهام على حالها..
احمد نفذ صبره: يا لييييييللل....بتردين ولا أر...قبل ما يكمل جملته ردت بصوت مخنوق وحزين..
ريهام: ال..بخير..
احمد ببتسامة جانبية:قولي اشتقت لك حموود يلا..
ريهام دموعها تزيد..
احمد بعصبية وصراخ:قوووووولي....
ريهام ببكاء: حرام عليك خلاص كافي كافي...
احمد لما سمع صوتها كذا رحمها وقلبه حن عليها ...لكن رجع قساه بسرعة وقال: اجل شوفين يا حلوة بكرا بشوفك الساعة 7 بالمطعم الي شفتك فيه المرة الي طافت وان تأخرتي يا حلوة ما تلومين غير نفسك سلااام يا حلووو..
ريهام من بعد ما قفل احمد رمت المحمول بعيد وقعدت عالارض تبكي وتبكي ليين نامت بمحلها عالارض...

>>>>انتهى الفصل<<<<



تعديل الارز; بتاريخ 06-01-2019 الساعة 10:36 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 94
قديم(ـة) 07-01-2019, 11:01 AM
صورة ام لسان فديتني الرمزية
ام لسان فديتني ام لسان فديتني غير متصل
©؛°¨غرامي مشارك¨°؛©
 
الافتراضي رد: لعنتي اني اشبهها / بقلمي


هللللللللللللو سوري على تاخير الرد بس والله كنا مسافرين مع اهل امي لينبع وما اخذت الشبكه نسيته في البيت ولا قريت البارت وامس رجعنا سووووووووووووري الموهم ادري طولت خخخخخخخخخ
توقعاتي :
ايهم مبررررررررررررررروك الله يتمم عليكم خخخخخ كاني اشوفه
انوار عجبتني شخصيته
ارز اخخخخخخخخخخخخ قهرتنيي ليه تعطي امه قهههههر
تيلدا يا عجوزه موتييييي فيكنا من شرك عجوز شمطاء
هممممام ليه ما يبي يحضر عرس اخته خبللل
وسام الله يعنيك على ارز
وبس دمتي بودو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 95
قديم(ـة) 07-01-2019, 09:29 PM
صورة الارز الرمزية
الارز الارز غير متصل
©؛°¨غرامي نشيط¨°؛©
 
الافتراضي رد: لعنتي اني اشبهها / بقلمي


اقتباس:
المشاركة الأساسية كتبها ام لسان فديتني مشاهدة المشاركة
هللللللللللللو سوري على تاخير الرد بس والله كنا مسافرين مع اهل امي لينبع وما اخذت الشبكه نسيته في البيت ولا قريت البارت وامس رجعنا سووووووووووووري الموهم ادري طولت خخخخخخخخخ
توقعاتي :
ايهم مبررررررررررررررروك الله يتمم عليكم خخخخخ كاني اشوفه
انوار عجبتني شخصيته
ارز اخخخخخخخخخخخخ قهرتنيي ليه تعطي امه قهههههر
تيلدا يا عجوزه موتييييي فيكنا من شرك عجوز شمطاء
هممممام ليه ما يبي يحضر عرس اخته خبللل
وسام الله يعنيك على ارز
وبس دمتي بودو
هلا وغلا بالحلو...اول شي الحمدلله على السلامة ...ولا يهمك المهم نبسطتي بالسفرة...ونورتي يا غلا..حتى انا ارز قهرتني ههههههههههه رغم انك تحسيها شخصية طيبة ومهزوزة لكنها قوية جدا...يسلمو على هالمرور الجميل يا قلبي .

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 96
قديم(ـة) 08-01-2019, 02:47 PM
صورة ام لسان فديتني الرمزية
ام لسان فديتني ام لسان فديتني غير متصل
©؛°¨غرامي مشارك¨°؛©
 
الافتراضي رد: لعنتي اني اشبهها / بقلمي


اقتباس:
المشاركة الأساسية كتبها الارز مشاهدة المشاركة
هلا وغلا بالحلو...اول شي الحمدلله على السلامة ...ولا يهمك المهم نبسطتي بالسفرة...ونورتي يا غلا..حتى انا ارز قهرتني ههههههههههه رغم انك تحسيها شخصية طيبة ومهزوزة لكنها قوية جدا...يسلمو على هالمرور الجميل يا قلبي .
الله يسلمك حبيبتي 😘 يب مرررررررررره كثييييييير انبسطت 😂😂
ارز اخخخخ صدق هي طيبه على نياته بس في نفس الوقت غبيه 😔
مرورك الاجمل 💋

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 97
قديم(ـة) 10-01-2019, 05:59 AM
Sarah ahmed Sarah ahmed غير متصل
©؛°¨غرامي جديد¨°؛©
 
الافتراضي رد: لعنتي اني اشبهها / بقلمي


متى البارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 98
قديم(ـة) 10-01-2019, 05:30 PM
صورة الارز الرمزية
الارز الارز غير متصل
©؛°¨غرامي نشيط¨°؛©
 
الافتراضي رد: لعنتي اني اشبهها / بقلمي


اقتباس:
المشاركة الأساسية كتبها sarah ahmed مشاهدة المشاركة
متى البارت
هلا يا حلوة...ان خلصته اليوم بيكون بأذن الله وان ما قدرت للسبت لاني مشغولة الجمعة ما حأقدر انزله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 99
قديم(ـة) 10-01-2019, 10:34 PM
صورة الارز الرمزية
الارز الارز غير متصل
©؛°¨غرامي نشيط¨°؛©
 
الافتراضي رد: لعنتي اني اشبهها / بقلمي


فصل جديد اعزائي
ارجو لكم قراءة ممتعة
>>>>الفصل السابع والثلاثون<<<<


ثاني يوم ...

في قصر ابو همام>>>>>

أرز كانت جالسة بمكانها الي تحبه اثناء وهي قاعدة جلسة تأمل ويا نفسها رن محمولها وكان على الطاولة الي قبالها ناظرت الرقم لقته نسيم...ابتسمت ابتسامة خفيفة وردت: هلا وغلا بقلبي انا...شخبارك ويين لك فترة ما سألتي عني ولا جيتي عندي..؟؟ شنو الي شاغلك ها اعترفي..؟
نسيم بضحكة: هههههههههههههه الله يرجك...شنو الي بيشغلني غيرك يا جميل...
أرز: شوف النصب شوف..
نسيم: المووهم انا الحين بطريقي الك يا حب انتظريني لك عندي مفاجأة حلووووة...
أرز رفعت حاجب: مفاجأة..!! الله يستر من مفاجأتك انتي بس..
نسيم: اقول لا يكثر ربع ساعة واكون عندك...
أرز: اجل ما دام حضرتك جاية لهنا بترني ليه..؟؟
نسيم بغيظ: تدري الحق مو عليك الحق على الي اشتاقت لك ورنت وجت عندك مالت عليك...وقفلت بوجهها
أرز بضحكة خفيفة: ههههههههه ياربي لولا هالبنت بتخفف عني حيل كان انا اكيييد الحين يا بالقبر يا مستشفى المجانين..

في المستشفى>>>>
هبة كانت بزيارة لصديقتها في المستشفى ولما انتهت خرجت من الغرفة كانت تمشي في الممر لجل ترد للبيت...وبنفس الوقت زيد كان ماشي بنفس الممر رايح لجل يتفقد مريض بغرفة جنب غرفة صديقتها وهنا زيد شاف هبة اتجه لها وبوجه بشوش وابتسامة جذابة: هلا ببنت الخال ..شتساوين هنا بالمستشفى..؟؟
هبة ما كانت منتبهة له لانها كانت متأخرة ومستعجلة تبي ترد للبيت ولما سمعت صوته نقزت:بسم الله الرحمن الرحيم..خرعتني..
زيد بضحكة حلوة:ههههههههه شدعوة خرعتك شفتي جني..؟؟
هبة ببتسامة مرتبكة: لا العفو مو القصد..بس ما كنت منتبهة لك ابد..
زيد ببتسامته الحلوة: ولا يهمك.ما قلتيلي شتساوين هنا..؟؟
هبة وقلبها يدق بقوة بسبب ابتسامته الي تجنن: اا..كنت بزور صديقتي.
زيد: اهاا عليها العافية... ممم قليلي شخبار خالي عدنان..؟؟
هبة: الحمدلله بخير ويسلم عليك..
زيد بنفس الابتسامة:سلمتي انت واهو...اقول شرايك اعزمك على الغدا ..؟؟
هبة بتوتر: لا مشكور ماله داعي..انا لازم ارد البيت الحين لاني متأخرة..
زيد: لا لا ما يصير..بنت خالي وقليل ما شوفك وجيتي هنا لحد المستشفى عندي واتركك من غير حتى ما اعزمك على الاقل على فنجان قهوة..؟؟مو حلوة بحقي صح..؟؟
هبة حست نفسها تورطت وما في مجال للهروب قالت مستسلمة: خلاص بشرب وياك فنجان قهوة بس هنا بكافتيريا المستشفى ما ابغى اطول كثير..
زيد :ولا يهمك بس ها هاذي لا تعتبر عزيمة ابد ولا تحسبيها علي عزومة ماشي..؟؟
هبة هزت راسها أوك بخجل..
لما وصلوا للكافتيريا زيد راح لجل يجيب القهوة وهبة كانت جالسة وسارحة تتذكر ابتسامته وملامحه الوسيمة..وعيونه البنية الفاتحة ووسيعة...بعد شوية جه زيد واهو حامل القهوة ومد كوب لناحية هبة وقال ببتسامته: اتفضلي احلى كوب قهوة لهبة بنت خالي..
هبة بخجل: ربي يسلمك كلك ذوق..
زيد: اجل قليلي هبة انتي شنو تدرسين..؟؟
هبة: ادرس فنون..
زيد: اي سنة..؟؟
هبة: هاذي اخر سنة لي ان شاء الله
زيد: اجل بالتوفيق يارب ...
هبة: ربي يسلمك...
زيد يبي يطول الحديث اكثر : شخبار خالي مرة خالي والعيال زمان ما شفتهم..؟؟
هبة:الحمدلله كلهم بخير ويسلمون عليك..
زيد:سمعت ان ايهم خطب صحيح..؟؟
هبة: اجل طلبناله بنت ما شاء الله عليها...والخطبة بتكون قريب الاسبوع ان الله راد..
زيد: الله يوفقه ويتمم له على خير ..وناظرها نظرات جذابة بينت اللمعة الحلوة بعنيه : العقبة لك يا بنت الخال..
هبة استحت حيييل ووجهها قلب طماط وقلبها شوي وبيطلع من مكانه:ااا..تسلم يارب
زيد:هههههههه ما عندك غير تسلم يارب..
هبة ضحكت بتوتر:ههههه ناظرت الساعة بعدها قالت: انا اتاخرت كثييير عن البيت لازم ارد..ومشكور على القهوة ..
قامت عن الكرسي وقبل ما تروح زيد بسرعة قال: لا تنسي هاذي لا تعتبر عزيمة ولا تنحسب علي ...المرة الجاية بعزمك على الغدا تعويض عن اليوم اتفقنا..؟؟
هبة ابتسمت ابتسامة حلوة وهزت راسها بخجل وكملت وجهتها للبيت..
زيد بقي جالس ومبتسم ما يدري ليه هالبنت دخلت قلبه عطول... كمل شرب القهوه واهو طول الوقت يفكر في هبة..


في السيارة عند نسيم...
كانت تناظر سام واهي رافعة حاجب:اقووول شنو الي يدور في عقلك ها..؟؟
سام ببرود: شنو الي يدور بعقلي يعني ولا شي ..
نسيم تناظره بنص عين وبشك: سام قلي شنو غرضك من ورا هالحركات...ليه ما خليت هيثم اهو الي يوصلني كالعادة..؟؟
سام ناظرها بعدها رد يناظر الطريق: ابغى اشوف خطيبتي فيها شي هاذي..؟؟
نسيم على نفس النظرات: ساااام...
سام: ما في شي يا نسيم شفيك والله انه امركم غريب انتي واخوك ..ما قد شفت اخ واخت يضايقون لما اخوهم الكبير يخطب ..
نسيم: سام لا تقعد تستهبل الحين...انت شايل الفكرة من راسك نهائي وفوق كل هاذ انت اصلا بنظرك كل البنات كذابات وغدارات... شلون الحين نقلبت بالله كذا فجاة ممكن افهم ..؟؟
سام واهو يصف بمدخل القصر وقف السيارة وطفاها قال واهو يسحب مفتاح السيارة من مكانه: عادي ترا الناس تغير رأيها ولا تخافين ما راح اساوي شي لأرز البنت عجبتني وقلت بخطبها ..وخلاص قفلي عالموضوع ويلا انزلي...كان بيفتح الباب جنبه بس نسيم مسكته وبسرعة: لا تقووول ناوي تيجي وياي..؟؟؟
سام ناظرها واهو رافع حاجبه: ايييه بروح وياك ...
نسيم بتذمر:لاا سام والي يسلمك الحين أرز بتقلب علي وتزعل مني تقول عاملة علي مؤامرة وجايبتك وياي..
سام ناظر نسيم : وليه هاذي بعد كارهتني كذا..؟؟
نسيم بنص عين: لا عاد....تستهبل انت الحين صح..؟
سام تنهد وقال: بنزل خلها تتعود اني كل مرة بوصلك وباجي اشوفها خلاص واقع لازم تتقبله وبتنسى الي صار مع الايام..
نسيم بيأس: اااخ بسسس ربي يستر منك ومنها بعد..وما اعند منك الا اهي....بس اعرف يا سام عدل ان قلبت وزعلت مني وربي اعيفك حياتك...
سام ضحك على نسيم:ههههههههه اقول بس انزلي خلنا نشوف بنت عمك الخبلة ذيك...
من بعد ما دخل سام ويا نسيم للقصر ..توجهوا للمكان الي أرز جالسة فيه وعطول نسيم ركضت لجهة أرز وصرخت بصوت عالي..أررروووزززة قلبووو اشتقت لك حيييل...
أرز لفت عطول تبي تحضن نسيم واهي مبتسمة لكن سرعان ما راحت البسمة من وجهها لما شافت سام واقف ورا نسيم...وقفت تناظر فيه مثل الصنم وبعدت نسيم الي كانت حاضنتها عنها...قالت لها واهي تنناظر سام...هاذا شنو جابه هنا..؟؟
سام تقدم وبكل برود جلس على احد المقاعد وحط رجل على رجل وكتف يديه :اظن لي اسم ينادوني بيه مو يقولون هاذا..
أرز تحاول تضبط اعصابها ناظرت لنسيم : اقول شنو جابه هنا..؟؟؟
نسيم حست انها بموقف لا تحسد عليه كله من سام قالت تحاول تلطف الجو: اا..ههه شفيك يا ارز ترا عادي وصلني لهنا ونزل حب يسلم عليك ما فيها شي ..
أرز : ومن متى كان اهو اللي يوصلك وينه هيثم ليه ما وصلك اهو..؟؟
نسيم: يا أروز يا قلبي هيثم مشغول بالشركة وانا ما كنت لاقية احد يوصلني وسام كثر خيره اهو قال بيوصلني لهنا..لا تكبري الموضوع واهو صغير..
أرز: لا مو مكبرة شي..بس ما الي خلق اشوف ناس تتلقف وتفرض نفسها على غيرها..
سام بكل برود وما زال على نفس وضعه: يبقى اعملي حسابك من اليوم وطالع بتشوفيني كثير بوجهك وياريت وقت تتكلمين عني اتكلمي بأدب...
أرز بضحكة استفزازية: هههههههه ليه هو انت تعرف الادب..؟؟
سام قام من عالمقعد وتوجه لأرز ووقف قبالها تماما: اقول احترمي نفسك يا أرز ترا ساكت لك من الصبح لان ما احب اعلي صوتي على بنت...فألزمي حدودك وادبك وياي يكون افضل لك سمعتي..؟؟
نسيم خافت تصير مشكلة ويتهاوشون مع بعض قالت لسام تبي تصرفه: سام مو قلت لي ان عندك عملية بالمستشفى..؟؟شرايك تروح لجل تلحق عليها..؟؟
سام اسلوب أرز استفزه كثير قال بنرفزة يحاول يخفيها: لا سلمت زيد العملية مكاني وانا بجلس هنا وياكم اليوم كله...ولف وجهه ورد جلس مكان ما كان قاعد الاول ووجه كلامه لارز ببتسامة مستفزة: ما ودك تشربينه شي ولا بنت عمي وخطييبتي بخيلة..؟؟
أرز جلست عالكرسي بعصبية وكتفت يدينها وناظرت لسام بعصبية : يعني ما حنفتك منك انت..؟؟
سام ببرود مستفز: لا قاعد لك هنا على قلبببك...ولو سمحتي ابغى قهوة

أرز بغيظ: لو بتموت ما بشربك شي سمعت..
سام ناظر لنسيم وقال بنفس البرود: روحي جيبي لي قهوة يا نسيم...بما ان بنت العم بخيلة ما حتقوم بواجب ضيوفها...
نسيم فهمت من نظرات سام انه يبي يجلس ويا أرز لوحدهم فقامت واهي خايفة ومتوترة وتقول ربي يستر من الي يدور براسك يا سام...
من بعد ما راحت نسيم قام سام من مكانه وجلس بجنب أرز ومسك يدها وناظر لعيونها بعمق وسكت شوية...أرز لاول مرة تشوف لون عيون سام الخضرا الوسيعة ورموشه الكثيفة ونظرته الحادة عن قريب...توترت كثير وقلبها صار يدق بسرعة لدرجة نفسها تسارع ...سام لاحظ هالشي بعدها ضغط على يدها بقوة وناظرها بجدية وتحذير: شوفي يا أرز احنا بعد مشوارنا سوا طويل فالافضل لك تعدلي اسلوبك وياي وترا لا تظني اني قاتل نفسي عليك تراني عايف جنس حوا ....ولا تجبريني اتصرف وياك بطريقة ما تعجبك..هالامر نفرض علينا ولازم نتقبله شئنا ام ابينا...وان قليتي ادبك وياي مرة ثانية قدام اي احد لا تلومين الا نفسك مفهوم..؟؟
أرز رغم انها متوترة وخافت شوية من نظرته لكنها قالت: وليه تخطبني دامك عايف جنس حوا..؟؟
سام: كذا مزاج مالك شغل..
أز ناظرته بكره : انت شخص معقد ومريض يا كرهي لك..
سام عصب منها جرحته بكلامها مسكها من ذقنها بقوة ومن بين سنانه: شوفييي وربي يا أرز ان عدتي هالكلام بتندمين وبصراخ فهمتييي..؟؟؟
وبهاذي اللحظة جت نسيم حاملة صنية القهوة مع الحلا شافت الوضع كذا بسرعة جت: شفيه شصاير..؟؟
سام ترك وجه أرز وقام واهو معصب: ولا شي انا بروح وابقي دقي لهيثم يجي يردك سلام..
نسيم حطت الصنية على الطاولة واهي تناظر لسام يبتعد بعدها قعدت جنب أرز وناظرتها: شصار..؟؟
أرز شوي وتبكي بس مسكت نفسها: ولا شي...قايلتلك من قبل اخوك معقد لجل تصدقين..
نسيم تنهدت : لا حووووول ...حسست عظهر أرز وكملت: يا قلبي يا اروز ارجوك لا تستفزينه...اهو بالعادة شخص هادي ويحسب تصرفه الف مرة قبل ما يساويه...بس اانتي تستفزينه زيادة فيفقد السيطرة على نفسه..
أرز بعصبية: مو عاجبه يهون عن الخطبة ذي بكبرها..
نسيم تحاول تهديها: خلاص روقي وخذي ساويت لك انا النيكسافيه مثل ما تحبينها بيدي مسكت الكوب ومدته لأرز :خذي اشربي وروقي يا قلبي..
أرز ابتسمت ابتسامة صفرا: تسلمين لي يا احلى نسيم بالدنيا..
نسيم وكنها تذكرت شي وبصوت عالي: هيييي صحيحح..
أرز كانت بتشرب من النيسكافيه و صوت نسيم خرعها فشرقت: كحكحكحكح... الله يرجك طالعتي روحي بصوتك شوي شوي شفيك يا مفهية..؟؟
نسيم : ما قلتيلي شنو اخر التطورات بقصة امك..؟؟
أرز لفت كل نفسها لجهة نسيم : اجل خلني اقلك كل شي صار للحين...

عند احمد...
كان قاعد ويناظر للساعة بغرفته..وكانت لسى 1...حس انه طفش واهو يستنى فقرر يرسل لريهام انه الموعد كمان نص ساعة...مسك محمولة وكتب(شوفي يا حلوتي انا صراحة مو قادر اصبر للسبعة وابغى اشوفك الحين...نص ساعة بالكثير وتكوني موجودة بالمكان الي قلت لك عليه...وان ما جيتي يا ويلك مني سلام مؤقت يا حلوة هههه). وهااذي زر الارسال ها..

ريهام كانت جالسة بغرفتها ومتوترة مو عارفة شتساوي...رن محمولها بنغمة رساله وقلبها مع الرنة حسته وقف من الخوف..مسكت المحمول بجسد يرجف..ولما فتحت الرسالة وقرتها رمت المحمول جنبها عالسرير ودخلت بنوبة بكا كبيرة...اااخ ياربي ليه كذا لييه..؟؟ ياربي انا مو كذا ولا عمري كنت كذا..؟ ليه يصير وياي انا هالشي شمعنى انا,,..؟؟ يعني عشان تغيرت وقررت اصير انسانه احسن يقوم يصيرلي هالشي..؟؟ ااااخ كله منك يا هوازن يا حقيييرة حسبي الله فيك حسبي الله فيك... قامت بلا حول ولا قوة لبست تجهزت وقفت قدام المراية تناظر شكلها وكيف عيونها ذبلانة وحمرا من قلة النوم والصياح...ربطت شعرها كله لفوق ومسكت شنطتها خذت نفس وراحت ...
بعد نص ساعة احمد وصل للمطعم وكان قاعد ينتظر ريهام كل شوي يناظر للساعة...بعده بخمس دقايق وصلت ريهام ودخلت المطعم وكانت تدور بعيونها على مكان ما جالس احمد ولما لقته حست قلبها شوي ويطلع من مكانه ودها تبكي وتصرخ وتقول يا ناس انقذوني من هالوحش الي جالس هناك...بس اهي تحس لسانها مشلول ومو قادرة تتكلم..مر تقريبا عليها واهي واقفة عشر دقايق...ولما شافت احمد مسك محموله وكان يبغى يدق..عطول توجهت له ووقفت جنب الطاولة...
احمد ابتسم ابتسامة ماكرة : هلا هلا اخيرا جيتي تأخرتي....ثاني مرة ممنوع التاخير مفهوم..؟؟
رفع حاجبه وكمل: وليه واقفة هنا مثل عامود الكهربا اقعدي خلصي...
ريهام قعدت على الكرسي الي قباله وتناظر للطاولة وبقيت ساكتة وما رفعت نظرها له ابد ..
احمد حس بغيظ من حركتها قالها بنبرة قوية: وليه ما ترفعين راسك وتناظريني مثل الناس..؟؟ ارفعي راسك وناظريني يلا..
ريهام بكل انكسار رفعت راسها وناظرت له بعيونها الي كلها حزن...
احمد قعد لحظات سارح بعيونها وشاف فيهم الحزن والانكسار اللوم والعتاب...حس نفسه مو قادر يتكلم ولا بكلمة من بعد هالنظرات حس انها ذبحته..في هاذي اللحظة نهارت جميع قواه وقال كل الي بقلبه والي كان مخبيه ويكذب على نفسه ويعاند وبحركة جريئة ولا ارادية منه مسك يدين ريهام وناظرها وقال بنبرة ترجي: ريهام شرايك ننسى كل الي طاف واتقدم لك واخطبك؟؟
ريهام حست بجسمها كله تخدرر وتفاجئت حست بنفس اللحظة انها متغاظة ومعصبة منه شلون يتجرا يطلب يدها من بعد ما ذلها وقعد يهدد ويبتز فيها سحبت يدينها منه بقوة و قالت بعصبية ونظرات تحدي وغضب: ورب الكون والي خلق الدنيا لو ما بقي غيرك ما حأتزوجك لو فيها موتي ما حأقبل فيك ابددد..لانك مو رجال..
كلمات ريهام هاذي شبت النار بصدر احمد وخلته يوصل حده من التعصيب...قرب منها ومسك فكها بقوة وبنظرات تخوف و صوت كله عصبية: وربي لاندمك يا ريهام على كل كلمة قلتيها الحين وان ما خليتك تترجيني وتبوسي يدي لجل اتزوجك ما اكون انا احمد....وتركها وراح..
ريهام ما قدرت تمسك نفسها ونفجرت بالبكا خايفة منه ومن الي راح يساويه...:يااارب احميني منه ياااارب مالي غيرك اااااااخ..

نروح لشركة ابو سام...
كان وقت الاستراحة وهيثم كان قاعد يراسل اريج والابتسامة شاقة حلقه..
ليث شافه كذا حب يحارشه شوية: احم احم نحن هنا..
هيثم كان مندمج بالمحمول ولا انتبه لليث...ليث رفع حواجبه ومد يده قدام وجهه وقعد يحركها :هووووو من الارض لهيثم هل تسمعني..؟؟
هيثم نزعج من ليث ناظره وبأنزعاج: يا شين الازعاج يخي شتبي شتريد نعم شبغيت..؟؟
ليث يحرك حواجبه وبنزلهم : ولا شي بس حبيت اسمع صوتك..
هيثم رفعه حاجب: لا عاااد..؟؟قول والله
ليث: والله...
هيثم يناظره بنص عين متغاظ منه : معك جزء من الثانية والاقيك مختفي من قدامي والا وربي العب عليك ملاكمة واخربط معالم وجهك..
ليث قام وهو يضحك: هههههههههههه كاني رايح يما صاير ما تتحارش قالب نفسية ليه كذا..؟؟
هيثم كان قدامه كوب قهوة ورق فاضي مسكه ورماه على ليث وليث بسرعة هرب وهو يضحك...

>>>>انتهى الفصل<<<<


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 100
قديم(ـة) 11-01-2019, 10:46 AM
صورة ام لسان فديتني الرمزية
ام لسان فديتني ام لسان فديتني غير متصل
©؛°¨غرامي مشارك¨°؛©
 
الافتراضي رد: لعنتي اني اشبهها / بقلمي


سلااااااااااااااام كيفك قلبو 💋
يااااااي البارت جنننننننننن 🌹
ريهام راح يسوي فيه شي احمد او انه يخليه تجيه الشقة وبعدين يندم ويروح يتزوجه 😭
وسام الله يعينه هو و ارز شيطان و شيطانه 😂
نسيم احببببببه 💖💖💖💖
ليث مجنون خبله خخخخخخخ😂😂😂😂
ودمتي بودو😘😘😘

الرد باقتباس
إضافة رد

لعنتي اني اشبهها / بقلمي؛كاملة

الوسوم
لعنتي , اشبهها , بقلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ناظر عيوني وتدري وش كثر أهواك / بقلمي؛كاملة صمت إحساآس روايات كامله - يتم نقل الرواية هنا بعد اكتمالها 66 01-01-2019 04:19 PM
خبني فيك محتاجه امانك / بقلمي؛كاملة آريـــــــن روايات كامله - يتم نقل الرواية هنا بعد اكتمالها 49 11-04-2017 05:56 PM
رواية رسالة من العالم الأخر/ بقلمي؛كاملة صآحبـةة الزعيـم | روايات كامله - يتم نقل الرواية هنا بعد اكتمالها 226 20-03-2017 05:01 PM
برفة عين تنقلب الموازين \ بقلمي؛كاملة ‏.. فِيولـيّت ، روايات كامله - يتم نقل الرواية هنا بعد اكتمالها 130 23-03-2016 12:47 PM
عصر الفوضى/ بقلمي؛كاملة like_winter روايات كامله - يتم نقل الرواية هنا بعد اكتمالها 36 05-03-2016 03:17 PM

الساعة الآن +3: 02:45 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1