غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 111
قديم(ـة) 28-01-2019, 06:05 AM
صورة ام لسان فديتني الرمزية
ام لسان فديتني ام لسان فديتني غير متصل
©؛°¨غرامي جديد¨°؛©
 
الافتراضي رد: لعنتي اني اشبهها / بقلمي


اقتباس:
المشاركة الأساسية كتبها ام لسان فديتني مشاهدة المشاركة
سلااااااااااااااااام
سوري ما رديت
ارز و سام مبرووووووك قلبو (خخخخخخخخخخ كاني اشوفهم)
نسيم عقبالك قلبو
سيف وريماس يجننننو مع بعض
اريج و وهيثم مبرووووووووك قلبو (خخخخخخخخخخ كاني اشوفهم)
وبس
وصح كم باقي بارتات علشان تنتهي الرواية لانك قلتي انو هذا اخر بارت بس باقي جزء منه صح او لا
لانه راح ابكي لو خلصت الرواية عنجد روايتك خراااااااافية
بس ملاحظة الخطوبة اريج و ارز مختلاطه ولا كيف
وبعدين الرواية( بحرينيه _ كويتيه ) لاني قصم بديت الخبط
سوري كثرت كلام
ودمتي بودو
اممممم سوري بس نقصت كلام
ريهام الله يعينك
احمد غبي و اهبل ليه يتكلم معه كذا غبي
تيلد وخويه المعفن احسن تستاهل الي يجيه وخويه يضحك عليه فتاة مغفله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 112
قديم(ـة) 28-01-2019, 10:28 AM
صورة الارز الرمزية
الارز الارز غير متصل
©؛°¨غرامي مجتهد¨°؛©
 
الافتراضي رد: لعنتي اني اشبهها / بقلمي


اقتباس:
المشاركة الأساسية كتبها ام لسان فديتني مشاهدة المشاركة
سلااااااااااااااااام
سوري ما رديت
ارز و سام مبرووووووك قلبو (خخخخخخخخخخ كاني اشوفهم)
نسيم عقبالك قلبو
سيف وريماس يجننننو مع بعض
اريج و وهيثم مبرووووووووك قلبو (خخخخخخخخخخ كاني اشوفهم)
وبس
وصح كم باقي بارتات علشان تنتهي الرواية لانك قلتي انو هذا اخر بارت بس باقي جزء منه صح او لا
لانه راح ابكي لو خلصت الرواية عنجد روايتك خراااااااافية
بس ملاحظة الخطوبة اريج و ارز مختلاطه ولا كيف
وبعدين الرواية( بحرينيه _ كويتيه ) لاني قصم بديت الخبط
سوري كثرت كلام
ودمتي بودو




حبيبتي منورة روايتي كالعادة
بالنسبة للخطوبة نعم هي مختلطة لاني انا بروايتي مش متبعة اي عادات وتقاليد فقط معتمدة على الخيال فيها..لو اتبعت عادات وتقاليد الاحداث كانت تختلف
بالنسبة للرواية غير محددة من اي بلد تاركتها لخيال القارئ....كذا اسلوبي احب القارئ يتخيل اي بلد تعجبه ويحط الابطال منها....كنوع من التغيير عملت كذا...ويسعد قلبك وكل اوقاتك يا الغلا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 113
قديم(ـة) 29-01-2019, 11:31 AM
صورة ام لسان فديتني الرمزية
ام لسان فديتني ام لسان فديتني غير متصل
©؛°¨غرامي جديد¨°؛©
 
الافتراضي رد: لعنتي اني اشبهها / بقلمي


اقتباس:
المشاركة الأساسية كتبها الارز مشاهدة المشاركة
حبيبتي منورة روايتي كالعادة
بالنسبة للخطوبة نعم هي مختلطة لاني انا بروايتي مش متبعة اي عادات وتقاليد فقط معتمدة على الخيال فيها..لو اتبعت عادات وتقاليد الاحداث كانت تختلف
بالنسبة للرواية غير محددة من اي بلد تاركتها لخيال القارئ....كذا اسلوبي احب القارئ يتخيل اي بلد تعجبه ويحط الابطال منها....كنوع من التغيير عملت كذا...ويسعد قلبك وكل اوقاتك يا الغلا
تسلمي النور نورك قلبو اها انا فكرة انه مو مختلطه بس استغربت كيف ارز كشفت عند هيثم و اريج كشفت عن سام
اها فهمت الحين وشكرا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 114
قديم(ـة) 31-01-2019, 09:28 PM
صورة الارز الرمزية
الارز الارز غير متصل
©؛°¨غرامي مجتهد¨°؛©
 
الافتراضي رد: لعنتي اني اشبهها / بقلمي


مرحبا حبايبي شو اخباركم

انا بدي اعتزر راح اتاخر عن تنزيل الفصل القادم بسبب عطل مفاجئ حصل في الاب توب وعند اصلاحه راح انزل الكم الفصل عطول
دمتم بخير احبتي...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 115
قديم(ـة) 04-02-2019, 04:17 PM
صورة ام لسان فديتني الرمزية
ام لسان فديتني ام لسان فديتني غير متصل
©؛°¨غرامي جديد¨°؛©
 
الافتراضي رد: لعنتي اني اشبهها / بقلمي


هلا ارز
اوكي حياتي خذي وقتك بس اذا ممكن تقدري تطولي البارت وبس
وننتظرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 116
قديم(ـة) 05-02-2019, 03:49 PM
بلسم حياة بلسم حياة غير متصل
©؛°¨غرامي جديد¨°؛©
 
الافتراضي رد: لعنتي اني اشبهها / بقلمي


منتظرك غالاتي لا تتاخرين علينا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 117
قديم(ـة) 05-02-2019, 10:14 PM
صورة الارز الرمزية
الارز الارز غير متصل
©؛°¨غرامي مجتهد¨°؛©
 
الافتراضي رد: لعنتي اني اشبهها / بقلمي


يسعد اوقاتكم اعزائي ورجعت لكم بفصل جديد ارجوا لكم قراءة ممتعة ومشكووورييين حبايبي على التقدير والانتظار...
وان شاء الله بأذن الله الفصل الجاي بيكون قريب ما حتأخر عليكم ان ما طرأ عندي شي وهذا الفصل الجديد اتمنى يعجبكم..




>>>>الفصل التاسع والثلاثون<<<<

من بعد ما خلصت الحفلة وما بقي احد غير عيلة ابو سام وعيلة ابو همام كانوا كلهم قاعدين بالصالة..وهيثم قال لابوه انه يبغى ياخد اريج يعشيها برا يحتفل اهو وياها بشكل خاص...وبقي سام وارز بالبيت معاهم...
ابو سام يوجه كلامه لسام: ليه ما خذيت خطيبتك انت بعد ورحت احتفلت وياها وعشيتها بمطعم..؟؟
أرز جاوبت ببتسامة: اهو قالي يا عمي بس انا ما قبلت..حسيت نفسي شوي تعبانة وما الي خلق اطلع فقلت له بنسهر هنا وياكم..
ابو همام يبغى يكسر الحاجز الي بين ارز وسام خصوصا ان اهو يعرف طبيعة ارتباطهم كيف جه قال: اجل بتروحون تقعدون في الصالة الثانية لوحدكم لجل تتكلمون براحتكم سوا...
أرز كانت تبغى تتكلم بس سكتت خوفا من اي احراج ممكن يسببه لها ابوها...
سام ما قدر يرفض خاف ان قال شي يشكون فيه فقال مرحب بالفكرة لجل ما احد يشك بشي خصوصا بعد الموقف الي ساوته ارز وقت الرقصة: اجل فكرة حلوة خليني اقعد ويا خطيبتي شوية لحالنا ...
أرز بينها وبين نفسها (يا ليييل ويش ذي النشبة الحين..اففف ناقصني اقعد مع معقد نفسي وياه بروحي ياربييي..)
ابو همام وجه كلامه لارز: قومي خذي خطيبك للصالة الثانية شنو تنتظرين..؟؟
أرز قامت بتملل واهي تمشي سابقة سام: من هنا الطريق ..
سام لحقها من غير اي كلمة على تصرفها المستفز الي ساوته من شوية...
من بعد ما وصلوا للصالة أرز فتحت الباب ومشت لين صارت بنص الصالة وسام وقف عند الباب يراقب فيها... كتف يدينه وقال : انا افضل ابقى واقف هنا على اني اقعد مع واحدة لا تحشم ولا تحترم غيرها وما عندها اسلوب...
أرز: على اساس انا الي قاتلة نفسي اقعد مع واحد معقد مثلك...واقول احسن خلك واقف هناك مثل العامود تراها ساعة مباركة وفكة منك...
سام عصب من أرز ونظراته صارت تخوف فك يدينه من بعض ومشى بكل هدووء ناحية أرز بعكس الغضب الي بداخله ...أرز شافته كذا خافت ولامت حالها انها تسرعت وقالت الي قالته...لما وصل لمكان ما أرز قاعدة وقف قبالها وبان فرق الطول الكبير بينهم.. وقرب لها حيييل لدرجة شوي ويلصق فيها أرز ما قدرت ترفع راسها وتناظره او تقول أي كلمة وقفت من الخوف مصنمة مكانها خافت يتهور ويأذيها مثل قبل...سام كان يناظر كيف أرز خايفة ابتسم ابتسامة جانبية وبحركة منه رفع يده ومسك ذقن أرز ورفع راسها له ولان سام كثير مقرب على أرز فأهي حست بأنفاسه تحرق وجهها...أرز ما قدرت تقول ولا كلمة توترت حيل وحست كل جسمها بدا يرجف كان حيييل قريب لها وقفت متجمدة بمكانها ...سام سرح شوية بعيون هالبنت ما يدري في شي بعيونها ساااحر يجذبه لها ويخليه بس يبغى يناظر فيها لساعات وساعات..بس قدر يسيطر على هالشعور الغريب الي يجيله كل ما يناظر عيونها وحاول يضبط اعصابه قدر الامكان ما يبغى تفلت اعصابه و يأذيها....رفع حاجبه وابتسم ابتسامة جانبية قال وهو ما زال يناظرها :شوفي واسمعي ايش بقولك عدل...وحطي كلامي بمخك ذا واحفظيه كويس....يا بتعدلي اسلوبك وياي وتتكلمين عدل وتتأدبين يا بتشوفين شي الايام الجاية ما حيعجبك ووقتها براويك المعقد والمريض النفسي ايش ممكن يساوي فيك....سمعتي وفهمتي عدل شنو قلت لك..؟؟ بعدها فك يده وبأصبعه ضرب على خد أرز عالخفيف وكمل ببتسامته: تشاو يا جميل...
طلع سام من الصالة تارك أرز بحالة من التوتر والرجفان والخوف....أرز حست بدوااار رهييب وخنقة وقلبها كل شوي تزيد دقاته....حست انها مخنوقة فقررت تطلع للساحة الخارجية تشم شوية هوا...
سام من بعد ما رد لهم وسألوه ليه ترك أرز وجه قال انه المستشفى رنوا عليه وفي عملية طارئة لازم يروح الحين...

أرز واهي واقفة قبال المسبح تحاول تاخذ نفس وتهدا... شافت ان ما فيه فايدة لازم تاخذ دواها لان قلبها دقاته بتزيد والخنقة زادت...بغت تتحرك وكانت حركاتها غير متوازنة بسبب الدوار القوي... ما قدرت تقاوم اكثر اغمى عليها ووقعت بالمي... سيلا شافتها لما كانت خارجة للجهة الثانية تبغى تجيب غرض... وعطول راحت تركض لابو همام...
سيلا وصلت لمحل ما هم قاعدين ووجهها من الخوف اصفر... سام كان واقف عالباب يبغى يطلع لكن لما شاف سيلا كذا وقف يشوف شنو صار..
قالت وهي تلهث::م.ستر...مستر...الحك..الحك..أرز..مس ...ارز
ابو همام قام مفزوع:شفيها أرز تكلمي..؟؟
سيلا بخوف: مس أرز وكع بالمي...واهو يغرك..
ابو همام بخوف وصدمة: شنو..؟؟!!
سام سمع هالكلام وبسرعة راح يركض ناحية المسبح والكل قام يركض وراه..لما وصل بسرعة شلح جكيته وكندرته واهو يركض من غير تفكير قفز للمسبح وطالع أرز ...حطها عالارض والكل تجمع حواليها..سام قعد يضرب أرز على خدودها وبقلق: أرز..أرز قومي أرز... حط راسه على صدرها لجل يشوف نفسها بعدها مسك راسها ورفع ذقنها فتح فمها وقعد يعطيها تنفس صناعي....وبعدها ضغط على صدرها عدة مرات ورد يعطيها تنفس صناعي ويضغط على صدرها....وبعد شوية أرز سعلت المي الي شربتها وسام عطول لفها على جنبها لجل تطالع كل المي الي بلعتها.... مسكها وعدل جلستها وبخوف: أرز ..؟؟أرز تسمعيني..؟؟أرز كان راسها يترنح شمال ويمين مو قادرة توازنه وكانت تغمض وتفتح عيونها تحاول تستجيب لسام...ونفسها ما كان معتدل...سام شافها كذا ناظر لليث وقال: ليث تعال امسكها ابغى افحصها بسرعة...
ليث بسرعة نزل لمستواهم ومسك أرز من ظهرها وثبتها على اساس تبقى جالسة...سام مسك يد أرز شاف ان نبضها غير منتظم...بعدها ناظر لعمه :عمي خلي احد يروح يجيب لي شنطة الاسعافات من سيارتي بسرعة..من بعد ما جابوا له الشنطة فحص أرز وطالع دوا وابرة واعطاها اياها ...من بعد ما خلص قال: لازم ترتاح بغرفتها وتبقى نايمة...وحملها طالعها لغرفتها وطلب من نسيم تغير لها ملابسها وتنشف لها شعرها وتدفيها عدل...بعدها جه لسام فعلا اتصال من المستشفى وطلبوه لعملية طارئة استأذن وراح... من بعد ما تطمن الجميع ان أرز بخير كلن راح لبيته...
في غرفة أرز نسيم من بعد ما طلبت من اهلها انها تنام عند أرز كانت جالسة بجنبها على السرير تناظر لها واهي نايمة..كانت تحس بحزن على توأم روحها وصديقة عمرها...
نسيم وهي تحسس على شعر أرز تنهدت بحزن: مسكينة طول عمرك كنتي الضحية بسبب اشيا انت مالك ذنب فيها ولا زلت تكونين الضحية من غير ذنب...ااااخ يا صديقتي الغالية لو بيدي اساعدك او امنع أي اذى عنك وربي لساعدتك...لا تظنين اني ما اعرف وجعك او اني ما احس فيكي بالعكس انا اكثر شخص بالدنيا يحس فيكي ...بس شنو اساوي...حكم القوي على الضعيف..وباستها على جبينها...وتمددت بجنبها وما هي الا ثواني من كثر التعب نامت....
في مكان ثاني في الحي المتوسط...
شقة همام...
كان قاعد ويهز رجله بتوتر ينتظر احد يجيه وجواته نار بتغلي وخوف كبير ....بعد دقايق الا جرس الباب يدق قام بسرعة فتح الباب ..كان شخص لابس كاب(طقية) وجكيت اسود طويل... اعطاه ملف وهمام شكره واعطاه فلوس مقابله .... ا خذ الملف وتوجه للكنبة الي كان قاعد عليها....قعد يناظر الملف الي بين يديه فترة بعدها خذ نفس عمييييق لجل يخفف القلق والتوتر الي بداخله وكان يدعي انه ما يشوف الي اهو خايف منه...همام قعد يفتح الملف شوي شوي ودخل يده وطال الصور بشويش...بعدها رفع الصور وقعد يناظر صورة ورا الثانية بصدمة ومفاجاة ....وبكل صورة يشوفها يشعل داخله غضب وحقد...من بعد ما شاف الصور رجع نفسه لورا بتعب و قعد يناظر الصالة بضياع وقلق حس انه غضبااان حس انه وده يقتلهم الاثنين مو مصدق الي قاعد يشوفه ...همام رد ناظر للصور بيده وبصراخ: كلااااااااااااااااب..شلووووون شلوووووون...حقيررررة ورمى الصور بعيد عالارض..بعدها مسح على شعره ورد راسه لورا وغمض عيونه...انا لازم اتصرف لااازم احذر أرز..لااازم اقوللها بأي طريقة..مستحيل اخلي انذال مثل هذول يظحكون عليها ويستغلونها...مستحيل اخليها تعيش الويل والمر الي انا عشته ولا زلت اعيشه بسببهم...مستحيل تروح تضحيتي الي ضحيتها لجل احميها كذا انا لازم اتصرف...

ثاني يوم الصبح...
قصر ابو ايهم..
عند ريهام كانت تحس انها مضايقة حيل تبغى تطلع لوحدها تتمشى شوية ...نزلت من غرفتها مرت على الصالة شافت ان امها جالسة لوحدها اتجهت لها وببتسامة مصطنعة..صباح الخير يما..وقربت لها باست راسها...
ام ايهم ببتسامتها الحلوة: هلا يما صباح الخير...غريب صاحية هالحزة خير يا بنتي..؟؟
ريهام: ما في شي يما صحيت ما عرفت ارد انام قلت بقوم اتمشى لي برا شوية...طبعا من بعد اذنك يا غالية..؟ها تسمحيلي اروح اتمشى شوية ..؟؟
ام ايهم : اكيد حبيبتي روحي تمشي وتنفسي هوا الصبح الي يرد الروح بس لا اطولي ردي بسرعة لجل تفطرين ويانا زمان لك ما فطرتي ويانا ولا شفنا هالابتسامة الحلوة عسانا ما ننحرم منها...
ريهام ببتسامة طالعة بالغصب: ولا يحرمني منك يا الغلا..يلا يما بالاذن انا بطلع..
ام ايهم: اذنك معك يا قلبي خلي بالك من نفسك..
ريهام واهي تمشي وتفتح الباب: ان شاء الله يما..
ام ايهم فرحت انها شافت ريهام بدت ترد مثل قبل وحست شوية براحة لانها كانت قلقانة على بنتها الفترة الاخيرة كانت مو طبيعية ودوم تجلس وحدها وكأيبة..ام ايهم تنهدت وقالت: الله يهدي سرك يا بنتي..

نروح الحين لمكان ثاني ومنطقة ثانية...
غرفة منيرة...
كانت جالسة على مقعد بجنب الشباك وتناظر صور في محمولها وتبتسم بشر...منيرة واهي تقلب بالصور: اجل مبروووك..خطبت يا سام من غير ما تقلي تؤتؤتؤ مو حلوة بحقك ذي وضحكت ضحكة شريرة..هههههههه بس شنووو..خطيبتك حلوة حلوة.....حطت المحمول بجنبها وناظرت من الشباك للخارج وبنفس الابتسامة كملت: عين خير يا غالي...وحقي ما راح اتركه وبتشوف يا حبي شنو تقدر تساويه منيرة..

قصر ابو همام...
في غرفة أرز..
صحت من نومها لقت بجنبها نسيم...ابتسمت ابتسامة خفيفة وهمست بصوت يالله طالع:الله يخليلي اياك يا اغلى ما لي في حياتي...حست نفسها شوي تعبانة ومو قادرة تقوم فقررت تبقى مستلقية في السرير..بعد شوية رن محمول أرز بنغمة رسالة..مسكته وفتحت الرسالة وكانت من امها بتقول لها انها تبغى تشوفها ضروري...أرز شافت الرسالة وتنهدت بعمق وقالت:حتى انتي مدري ان كنتي رديتي لانك مشتاقة لي ولا بنيتك شي ثاني...مدري ما ابغى افكر بشي المهم انها هنا وبنفس البلد واقدر اشوفها وخلاص...
....:يعني انتي مو متاكدة انها جاية لجلك بعد..؟؟شلون تعطينها الفلوس وتراسلينها من غير لتتاكدي...؟؟ لين متى يا أرز تبغين مغلقة عيونك عن الي بيصير قدامك..؟؟
أرز اخترعت من نسيم كانت تظنها نايمة: بسم الله الرحمن الرحيم...خرعتيني..مو كنتي نايمة شنو الي قومك.؟؟
نسيم: قمت لجل اسمع بأذني ان حتى انتي تشكين في امك الي جت لجل مصلحة مو لشي ثاني...
أرز تنهدت بتعب وبملل: اقول خلاص سكري عالموضوع تراني تعبانة وما الي خلق ادخل وياك بنقاش وهواش...
نسيم بحنية: أرز يا قلبي لا تتورطين وياها اكثر خلاص تصرفي وقولي لها انك ما تبي تشوفينها مرة ثانية هاذي بتستغلك مو اكثر افهمي...
أرز نرفزت من كلام نسيم لفت ونزلت رجولها عالارض وهي تحس بدوار بغت تقوم بس ردت وقعت عطول...
نسيم قربت لها وبقلق: بسم الله عليك..بعدك تعبانة خلاص لا تقومين خليك مرتاحة وانا بسكت ما حقول شي..
أرز دموعها تنزل وبصوت باكي: ما ابغى افقد أي احد يا نسيم ...من بعد ما فقدت همام صرت اخاف افقد اي احد...خلها تستغلني خلها تساوي الي تبي بس المهم تبقى بجنبي...كافي يا نسيم الي بمر فيه ارجوك افهميني ولا تزودينها علي وربي اني تعبت تعبت...انا القاها من مين ولا من مين...ابوي الي جبرني على هالخطبة وانتي تدرين ولا اخوك الي مدري بشنو يفكر ولا كيف بكمل معاه باقي حياتي هذا اصلا ان باقي شي فيها لاعيشه...ولا حالة قلبي الي احس انها تتراجع يوم عن يوم...اااخ يارب ما حد حاس فيني ولا احد...اااخ يا همام انت الوحيد الي كنت تفهمني يارب خذني وريحني ...
نسيم حضنتها: لا تقولين كذا يا أرز ...حرام عليك انت تعذبيني بكلامك ذا....وانا فاهمتك وحافظتك اكثر من نفسك بعد ومن خوفي عليك بقولك الكلام الي قلته.... ولو همام الله يرحمه عايش كان قالك نفس الكلام ..
أرز واهي حزينة: يبقى فاهمة ان انا اخاف افقد أي احد قريب لي صح..؟؟ ارجوك نسيم لا عاد تفتحين هالموضوع لاني ما حغير شي من الي براسي..
نسيم تنهدت بيأس: لا حول ولا قوة الا بالله...وربي عنادك ذا حيكون في يوم سبب ليوديك في داهية...
أرز ناظرت الساعة : اقول اليوم موعد الفحص عند زيد بالمستشفى...لازم اكون هناك بعد ساعة..
نسيم: اجل انا بروح البيت وبغير الفستان تدرين نمت عندك ولبست بيجامة منك... وانا ما معي غيار غير فستان الحفلة برد ابدل ملابسي وبمرك نروح سوا..
أرز: لا ما له داعي تروحين وياي ..لكن ان بغيتي تردي لجل تقضين باقي اليوم معاي ما عندي مانع..
وليه تروحين من اساسه البسي من عندي مقاسنا واحد..
نسيم: اجل بلبس وباجي وياك عيل..
أرز ناظرت نسيم بنص عين ورفعت حاجبها: قلت لك ماله داعي تجين وياي ...يخي اول مرة اشوف واحدة تبغى تيجي وتشم ريحة المطهرات بالمستشفى الي تغم عالقلب..
نسيم ابتسمت ابتسامة ماكرة وناظرتها بطرف عينها: مممم اقول اعترفي ليه ما تبيني اجي وياك ها..؟؟تبغين تشوفين اخوي وتتغزلين فيه براحتك لجل لا تنكشفي..؟؟اعترفي احسن لك..
أرز مسكت المخدة الي بجنبها وضربتها على نسيم: اقول مالت عليك وعلى اخوك سوا قومي نقلعي ما بيك تقعدين عندي يا غثيثة..
نسيم ماسكة المخدة وتضحك:ههههههههههه وبنخجل بعد
أرز ناظرتها بغيظ: اقول لا يكثر...احسن لك
نسيم:ههههههههههههههه

نرد الحين لريهام...
كانت تمشي وكل حزن الدنيا داخلها..كانت تفكر ليه يحصل وياي كل هذا ليه انا بالذات الي تنعمل عليها مؤامرة...؟؟صح اني كنت اتعامل بغرور وما كت اعطي عين لاحد ولا اطيق اجلس ويا احد...بس انا كنت اساوي كذا لان ما لقيت احد يفهمني او يحس فيني ولما لقيت تغيرت وربي تغيرت وحسيت اني كنت عايشة غلط وبعد ما تغيرت اكتشف ان الشخص الي حبيته عامل لي مؤامرة وحطم لي قلبي وكل احلامي الي بينتها وياه..ليييه يا احمد تساوي فيني كذا ليييه..؟؟اثناء واهي غارقة بحزنها وافكارها وقفت سيارة سودا وقزازها كله مغطى اسود نزل منها شخصين واحد لف من وراها وغطى على فمها بمادة منومة...ريهام لما حست ان احد مسكها حاولت تقاوم ولكن بالاخر استسلمت للمنوم الي تغطى بيه فمها...بعدها خذوها الشخصين للسيارة دخلوها وانطلقوا...

في المستشفى...
من بعد ما زيد ساو ا لارز الفحوصات الي يساويها بالعادة كان يناظر النتائج وقاضب حاجبيه بعدم رضا...أرز كانت تناظر لملامحه واهو يقرا الاوراق الي قدامه...وقدرت تستنتج ان الوضع مو زين...بعدها أبتسمت وحبت تحارش زيد شوية: شنو الي قاعد تدقق فيه للحين بالوراق لاقيت كنز وانا مدري..؟؟
زيد انتبه انه نسي نفسه واهو يطالع اوراق فحوصات أرز لكن غصب عليه الي شافه ما سره ابد.رد بنفس اسلوب المزح: اجل حتى شوفين قربت اوصل للمكان خلاص ..
أرز ببتسامة استهزاء: اكيد كنز ماله أي قيمة وما باقي له شي ويختفي من الوجود صح..؟
زيد فهم تلميح أرز اضايق حيل: أرز شنو هالكلام الي قاعدة تقولينه...؟؟ هالكنز ان شاء الله بيرجع له رونقه ولمعانه بس هالشي لازمه شوية وقت مع كثير من الصبر..
أرز بضحكة استهزاء: ههههههههههههه وقت..؟! كم مثلا تبغى ممم سنة,,.؟ سنتين..؟ ثلاث ..؟عشر..؟؟ خذذ وقتك ترا في منه كثير عادي..
زيد تنهد وقام من ورا مكتبه وجلس قبال أرز مسك يدها بحنيه وطبطب عليها : صدقيني يا ارز انا بعالجك وبتتحسني اوعدك انا راح ابذل اقصى جهدي لجل تردين مثل قبل...انتي يا ارز غلاتك بغلاة اريج تماما وان شاء الله اقدر اعالجك وتردين لنا مثل قبل واحسن...
أرز بلمعة حزن في عيونها: بس انا احس اني ما اتحسن ابد بالعكس احس حالتي بتتراجع يوم عن يوم...انا بقول لا تغلب نفسك مافي فايدة..
زيد :اياك يا ارز تقولين مثل هالكلام مرة ثانية...انتي حتتحسني وان شاء الله تتزوجين انتي وسام وتجيبون لنا عفاريت صغار يشبهونكم...
أرز:هههههههههه اجل عفاريت صغار اكيد بيطلعون لسام..
زيد:هههههههههه بس ليدخل علينا الحين ويسمعك يساوي لنا سالفة...ما لحق زيد يكمل الجملة الا سام داخل...
سام شاف أرز ابتسم : اشوف خطيبتي هنا..؟؟ طبعا سام قال كلمة خطيبتي متعمد لانه يدري انها تستفز أرز كثير..
أرز تصطنع الابتسامة: ايه جيت لجل اشوف ابن عمتي زيد والعفريت الكبير هنا...
سام رفع حاجبه باستغراب: عفريت..؟؟
زيد بضحكة: ههههههههههههه اقول تعال اقعد هنا ويا خطيبتك وشربها عصير او أي شي انا بروح اتفقد حالة المريض الي ساويت له عملية قبل ساعة كيف صار كان يبغى يقوم من المقعد بس أرز عطول قالت: ماله داعي انا اساسا كنت بروح..اتاخرت على نسيم قاعدة تنتظرني ببيتنا...
سام ببتسامة جانبية: مو مشكلة خلها تنتظر شوية بعد ما راح يضرها...انا ابغى اقعد مع خطيبتي شوية تراني اشتقت لك...
زيد ابتسم قام من عالمقعد واشر لسام عليه: اجل تعال اقعد هنا قبال خطيبتك وانا بالاذن بروح اشوف المريض سلام..
سام :اذنك معك...من بعد ما خرج زيد من المكتب وقفل الباب سام رد ظهره لورا ورفع حاجب وناظر أرز وابتسم ابتسامة جانبية: اجل يا خطيبتي قولين لي كيف فحوصاتك كانت..
أرز حاسة بغيييظ منه ومن اسلوبه والاكثر من كلمة خطيبتي: اقووول لا عاد تقول كلمة خطيبتي يا شينها منك طالعة تغث وانت كلك على بعضك تلوع النفس...
سام تحولت ملامحه للجمود قام من مقعده وجلس على الطاولة الي كانت بالنص بين المقعدين وقرب وجهه من وجه أرز .... مسك يدينها وحضنهم بين يديه...وناظر بعيونها بعمممق...بعدها قرب منها حيل وباسها على راسها....
أرز هنا توترت وساحت وخجلت ووجهها صار لونه احمممر.. ما عرفت شنو تساوي حست بهاذي اللحظة احساس غريب عمرها ما حسته بحياتها...بقيت مكانها وتطالع بعيون سام بتوهان من المفاجئة..
سام ببتسامة ماكرة: ايه واضح اني الوع النفس ..شكله الوضع كذا عجبك تبين بوسة ثانية بس هالمرة بمكان ثاني..؟؟
أرز هنا وصلت معها من جراءة سام الزايدة وحست بأهانة من كلامه قامت وبنفرزة: تخسى ..تراني كنت قاعدة امسك نفسي لجل لا اطالع ألي ببطني بوجهك... سحبت حالها واهي معصبة وخرجت من المكتب..
سام عيونه بقيت معلقة عليها لين خرجت ولا زالت عيونه معلقة عالباب حط يده على قلبه لقي نبضاته سريعة وحرارة جسمه مرتفعة شوية : مدري ايش الي يخليني انجذب لك بالشكل ذا يا أرز...بس لا ما حتقدري لا انتي ولا غيرك يكسرون قلبي مرة ثانية...

ننتقل الحين لمكان ثاني في شقة فخمة ....
ريهام كانت امددة على سرير في غرفة نوم اثاثها راقي..
وقبال السرير كان في كنبة فخمة وقاعد عليها احمد وبجنبه على اليمين واليسار شابين ضخام...قال واهو يبتسم بخبث:اشوف اميرتي النايمة ما قامت للحين..
بعدها ريهام قضبت عيونها بأنزعاج وفتحتهم شوي شوي ..قعدت تناظر حواليها ثواني تحاول تستوعب اهي وين في...بعد ما صحصحت شوية من اثر المخدر قعدت عالسرير مفزوعة تناظر المكان بخوف...لحد ما استقرت بنظرها على احمد الي قاعد قبالها ويبتسم بخبث كبير...فتحت عيونها على كبرها مو مصدقة الي قاعدة تشوفه...فركت وجهها بيدينها تبي تتأكد اهي بحلم ولا علم....بعدما استوعبت اهي فين ومين الي قدامها ...
ريهام بخوف وصدمة :احمد..؟!!!
احمد بنفس الابتسامة: صح النوم يا اميرتي النايمة..توك تصحين طولتي بالنومة وانا اشتقت لك حيل...
ريهام بلعت ريقها بخوووف: انت..انت شلون ..شلون تجيبني هنا بهاذي الطريقة..؟؟مين تظن نفسك..؟
احمد قام من عالمقعد وراح جلس جنبها عالسرير وبغى يحط يده على خدها بس ريهام بسرعة زاحت نفسها لورا..احمد بنفس ابتسامته: ممم زوج المستقبل ..
ريهام بعدم استعاب: شنو...؟؟!!!!!
احمد قام من عالسرير ووقف اقبالها: شوفي يا حلوة...ان كنتي تظنين اني اتركك كذا من دون مقابل فانتي غلطانة...والحين لك تختارين بين شغلتين..يا تقبلين تتزوجيني برضاك...يا اما وناظر للشابين الي وراه ورد ناظرها بخبث..يا اما اخلي الشباب يشوفون شغلهم وياك وبعدها لا انا ولا غيري بيتزوجك...يعني يا تكونين لي يا ما حتكونين لحد...ها شنو قلتي ايش تختاري...؟؟
ريهام بهاذي اللحظة كانت بموقف لا تحسد عليه....يا اما تقبل بأحمد بالغصب يا اما مستقبلها وشرفها بيضيعون للابد...والثنين احلاهم مرر...



>>>>انتهى الفصل<<<<


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 118
قديم(ـة) 09-02-2019, 04:34 PM
صورة الارز الرمزية
الارز الارز غير متصل
©؛°¨غرامي مجتهد¨°؛©
 
الافتراضي رد: لعنتي اني اشبهها / بقلمي


اتمنى لكم قراءة ممتعة مع الفصل الجديد احبتي

>>>>الفصل الاربعون<<<<


ريهام بهاذي اللحظة كانت بموقف لا تحسد عليه....يا اما تقبل بأحمد بالغصب يا اما مستقبلها وشرفها بيضيعون للابد...والثنين احلاهم مرر...ريهام حست بذل واهانة كبيرة ...شلون يعني يا بضيع مستقبلي يا بتزوجه غصب عني وبدفن نفسي بالحياة وياه ..شلون يعني...؟؟ حست مو قادرة تخضع لخياره مو قادرة تنذل اكثر من كذا...رجع في بالها كل الي ساواه فيها وشلون ضحك عليها ولعب بمشاعرها واخر عمايله يخطفها ويهددها بعد..حست بغضب وقهر قالت من غير ما تحس: وربي لو ما بيبقى غيرك في هاذي الحياة ما اقبل فيك لو فيها موتي سمعت..؟؟
احمد رفع حاجب وبنفس ابتسامته البشعة: فكري عدل يا غلاي ولا بتندمي..
ريهام بعناد ونبرة كره: ما بتزوجك الا على جثتي..
احمد بكل نذالة وبرود تحرك لجهة الباب فتحه وقال:اجل انا بطلع وخلي الشباب يشفون شغلهم وياك ابتسم بخبث طلع وقفل الباب....


نروح الحين لعند همام...
كان قاعد ويفكر بطريقة يقدر فيها يخبر أرز عن جشع وحقارة امهم... ...
_طيب الحين ان ظهرت انا متأكد ان الي صار من قبل حيتكرر وكل الاحداث تعيد نفسها وممكن بعد يكون الخطر على أرز اكبر هاذي المرة..و يستغلون طيبتها ويستدرجونها ....وان صار كذا كلنا بنكون بخطر ...اففف استغفر الله...ما يصير اظهر بالصورة ابد بس شلون اوصل لها شلون..ممم صحح شلون غاب عن بالي..؟؟مالي غيره...وطال محموله ودق الرقم وقعد ينتظر الرد...
_السلام عليكم..
همام: وعليكم السلام شخبارك ..؟؟
سام: الحمدلله بفضل الله بخير..
همام: شخبارك ويا أرز ان شاء الله اموركم تمام..؟؟
سام بمسخرة :ايييه امورنا عال العال..
همام :خير صاير شي بينكم.؟
سام تنهد: يا اخي هاذي اختك مدري عقلها شلون جاي..؟؟اهي عنيدة كذا عطول ولا معاي بس..؟؟
همام:هههههههه ايه اهي طول عمرها تعاند شكلها للحين على ذا الطبع..
سام: اااخ الله يعيني انا قايلك انها ما حتقبل بسهولة الوضع..
همام: معليش بكرا تتعود وحالها يتعدل...بس طمني عن وضعها الصحي ان شاء الله تمام..؟؟
سام: زيد قالي ان كل شي بخير والحمدلله...
همام: ايه الحمدلله..اقول سام..؟
سام: هلا..؟؟
همام: طلبتك يخوي بمساعدة مستعجلة تراها مسألة حياة او موت..
سام قلق شوية: خير يا همام قول شفيه..؟؟
همام تنهد بعمق: ااخ وربي يا سام مدري شقول انا لازم اشوفك الحين ضروري....
سام :اجل مسافة الطريق واكون عندك...
همام: انا بنتظارك..

قصر ابو همام...
أرز كانت جالسة ويا ريهام في الساحة الخارجية مكان ما أرز تحب تجلس بالعادة...
كانت قاعدة وسرحانة بعالم ثاني وتفكر بالي صار من شوية وياها في المستشفى وما تدري ليه مجرد ما تناظر لسام تضعف وكل دفاعاتها تنهار...وفوق كل ذا..بدت تحس بشي غريب داخلها وخايفة حيل من هالاحساس الي بدا يسيطر عليها...
نسيم كانت قاعدة رافعة حاجب وتناظر لارز كيف رايحة بعالم ثاني: هيييه انتي وين رحتي..؟؟لي ساعة قاعدة وياك وانتي ماخذة وضعية الصامت.. بعدها ابتسمت ابتسامة: شنووو..؟؟اتكونين وقعتي بشباك اخوي ..؟ قلت لك من قبل اعترفي بس انتي مدري ليه تعاندي..
أرز ناظرت لنسيم بتملل وتنهدت: ما في فايدة فيك...تفكيرك كله محصور بس بهالشي..تطمني يا غثيثة..لا بقع بشباك اخوك ولا غير اخوك...وانا سبق وقلت لك يا نسيم مستحيل اقدر احب بوضعي ذا..
نسيم كسرت خاطرها ارز :يا قلبي مش زيد قال لك انه حيلاقي طريقة يعالجك فيها وبتردين مثل قبل بس لازم تصبري..؟؟
ارز : وبعد قال يبغالها وقت...وانتي اكثر حد يدري اقل شي املكه بحياتي اهو الوقت..
نسيم: طول ما في امل يا ارز ما لازم تيأسي...وترا عادي ما فيها شي اذا حبيتي سام...
أرز ناظرت لنسيم بجدية :فيها كل شي يا نسيم..مستحيل احب اخوك واخليه يتعلق فيني وانا احتمال بأي وقت اروح عن هالدنيا وقتها قلبه بينكسر وبينجرح ويتألم وانا مستحيل اقبل بهالشي...ما ابغى يحبني ولا احبه...اساسا مدري ليه ارتبط بواحدة وضعها مثل وضعي...
نسيم عصبت من أرز الي كل مرة ينجاب فيها طاري الموضوع تتكلم عن الموت وانها بتروح قريب قامت منرفزة وزعلانة: تدرين شنو..؟؟انتي واحدة انانية ما تفكرين الا بنفسك..تتكلمين دايما عن الموت من غير ما تاخذين بعين الاعتبار ان في ناس وياك تتالم وقت تجبين هالطاري...وانتي كل مرة كل مرة اقعد فيها وياك تغرزين سكينة بقلبي وتقولين بروح عن هالدنيا قريب...بدت دموعها تنزل لوحدها...ليه ما تراعين مشاعري انا بعد ليه كل مرة تألميني بكلامك..؟ عاد تدرين هاذي اخر مرة اقعد فيها ويا واحدة ما تعرف تراعي شعور الي معاها...سلام..
أرز تناظر لنسيم واهي تبتعد قالت بحزن وانكسار: يمكن كذا احسن خلها تبعد شوي ويخف تعلقها فيني..ما ابيها تتألم كثير وقت اروح من هالدنيا...ناظرت بجنبها شافت غيتار همام...صار دايما الغيتار ذا يرافقها كل ما تقعد بمكانها...خذته وضبطت اوتاره وقعدت تعزف وتغني بصوتها الحلو..

حقير الشوق ما يرحم ما له وقت او حزة
يعور قلب كل انسان فقد له واحد يعزه
حقير الشوق ما يرحم ما له وقت او حزة
يعور قلب كل انسان فقد له واحد يعزه
يا ليت الشوق عنده قلب عشان شوي يحس فينا
كل ما صار تالي الليل فْوَقت النوم يأَذّينا
يا ليت الشوق عنده قلب عشان شوي يحس فينا
كل ما صار تالي الليل فْوَقت النوم يأَذّينا
حقير الشوق ما يرحم
حقير الشوق ما يرحم ما له وقت او حزة
يعور قلب كل انسان فقد له واحد يعزه
غصْب نِتحمَّلَه مُو طِيب مهما نْصِدّْ و نِتْحاشاه


أرز قطعت الغنا ما قدرت تكمل حست انها دايخة وتعبانة حيييل...كانت بتقوم تروح للداخل بس وقعت على الكنبة ما قدرت توقف تحس نفسها بدا يضيق والدوار يزيد....حست بألم في قلبها بيزيد تبغى الدوا بس مو قادرة تجيبه....بهاذي اللحظة جه ابوها شافها كذا عطول راح يركض للداخل جاب لها الدوا وشربها...ابو همام بخوف:أرز بنتي تسمعيني..؟؟
أرز بعدما صحصحت شوية: ايه يبا اسمعك لا تقلق انا بخير...
ابو همام : تبين اخذك المستشفى ..؟؟
أرز بشبه ابتسامة: لا يبا الحين اتحسن مو محتاجة مستشفى..
ابو همام بقلق وعتاب: ابغى افهم ليه تهملين علاجك لين توصلين لهاذي المرحلة..؟؟ ارز لا تهملين العلاج ارجوك ما ابغى افقدك لا عاد تهملين دواك يا بنتي اوعديني..
أرز ابتسمت : خلاص يبا اوعدك ما حأهمل علاجي خلاص بس روق واهدا..صدقني انا صرت كويسة الحين..
ابو همام تنفس براحة: اتمنى يا أرز ياليت تنتبهين على صحتك اكثر..هاذي المرة وبالصدفة انا جيت وكنت متواجد المرة الجاية ما ندري ايش ممكن يصير وياليت تخلي دواك دوم قريب منك..ماشي..؟؟
أرز: ان شاء الله يبا..
ابو همام باس أرز على راسها وقام: الحين انا مضطر اروح في شغل ضروري بالشركة بروح انادي لك سيلا لجل تاخذك لغرفتك تنامي وترتاحي..
أرز هزت راسها بالموافقة لانها بجد تحس انها بحاجة للراحة والنوم...

نرد الحين لريهام...


ريهام شافته طلع ماتت من الخوف ما توقعته حقير لذي الدرجة....حست نفسها نشلت عن الحركة ومو قادرة حتى تتكلم واهي تشوف الشابين يقربون حتى انها مو قادرة تتحرك تهرب منهم تحس نفسها مربطة ولسانها من الخوف ارتبط...وكل شوي الشباب يقربون ويناظرون لها نظرات مقرفة وكلها رغبة مثل الذيب الي يبغى ينقض على فريسته...قربوا وصلوا لعند السرير وبدوا يفكوا زرار قميصهم ويستعدوا لجل يهجموا على ريهام..وهنا ما تدري شلون استجمعت كل قوتها وصارخت: احممممممد لحححق عليييي..
احمد كان يبغى يروح بس ما يدري شنو الي خلاه يوقف وينتظر على امل ريهام تغير رأيها ولما سمع صوتها تصارخ عطول فتح الباب وبصراخ: وقفوا لا تقربون منها اكثر..الشباب تراجعوا وردوا لمكان ما كانوا واقفين الاول..
احمد جلس عالسرير :ها غيرتي رأيك..؟؟
ريهام والدموع متجمعة بعيونها معاندة انها تنزل: مو كافي الي ساويته فيني..؟؟ما اكتفيت وقت الي خططت تلعب بمشاعري لجل تكسرني...الخطة الي رسمتها واجبرت هوازن انها تعطيك رقمي وتكلمني وتوهمني انك شخص ثاني وتقعد تدز لي مسجات وقصايد وشعر لين ما وقعتني بحبالك وبعدها تكمل خطتك القذرة وتطلب تحت التهديد من هوازن تطلع وياي للمطعم وتقعد تصورني...لين فين تبغى توصل بالنذالة والحقارة..؟؟فهمني ليه ليه..؟؟كل ذا لجل ما رضيت اكلمك ..؟ليه بغيت تكسرني..؟؟بغيت تجيبني لللارض..؟؟انا بقولك برافوو احمد وصلت لهدفك وانا الحين بترجاك اتركني بحالي ارجووك اتركني بحالي..وبدت تبكي بكاء مريرر..
احمد قاعد يطالع ريهام متفاجئ بالي سمعه..بعد ما استوعب :لحظة لحظة..منو الي قالك اني انا الي مخطط وجابر هوازن بعد على انها تعطيني رقمك..؟؟ اقول ترا اهي الي قعدت تخطط وترسم واقنعتني بكل شي...اهي الي رسمت وخططت لجل اوقعك..مدري ليه ساوت كذا بس انا بوقتها لقيت انها فرصة ما لازم افوتها لجل ارد اعتباري واعلمك شلون تحشمين الناس وأأدبك...ترا مو ذنبي ان انتي اخترتي صديقة نذلة وتبيع بسهولة....
ريهام طالعته بصدمة ودموعها تنزل عخدودها: شنو..؟؟؟
احمد من بعد ما شاف نظرة الانكسار والحزن بعيون ريهام حن قلبه وخلاص ما قدر يكذب على نفسه اكثر قرب لها اهي خافت وبعدت شوية ولكنه ما وقف قرب ومسح بيده دموعها وبكل حنية: صح بالاول الفكرة كانت عاجبتني بس يا ريهام ورب الكون والي رفع السما وساوا الارض اني من بعد ما قعدت اكلمك وعرفتك تغيرت وصرت انسان ثاني...والله انتي رديتي فيني الشخص القديم الي اختفى رديتيني احمد القديم الي فسدوه اصحاب السوء...انا ما كنت مرتاح لكل شي اساويه فيكي بس مدري ليه كنت اكمل...والي ساويته اليوم لجل لا اضعين مني وتروحين للابد..ما قدرت اتحمل فكرة انك تكوني لغيري....والظاهر اني ظيعتك مني للابد...وغصب عنه نزلت من عيونه الدموع..قام من عالسرير توجه لناحية الباب فتحه وقال بنبرة انكسار: روحي يا بنت الناس الله وياك ويوفقك بس اتمنى انك تسامحيني ان قدرتي....ريهام قامت وتوجهت لناحية الباب وكانت بتطلع بس قبل لتروح احمد قال بسرعة: لحظة يا ريهام..ريهام لفت عليه
حط يده بجيبته وطالع خاتم اهو كان عبارة عن خاتم الماس محفور عليه من الداخل اسم ريهام مع قلب حب.... تذكري وقت الي قلتيلي انك تحلمين بهدية يوم عرسك خاتم الماس مع اسمك محفور داخله ....انا ساويت ذا الخاتم لك خصوصي ..كنت ابغى اعطيك هالخاتم يوم العرس واحقق لك حلمك...بس الظاهر ليس كل ما يتمنى المرء يدركه وانا ظيعتك بغباء واعترف.... ارجوك خذيه وساوي فيه الي تبين كبينه احرقينه بس المهم تاخذيه...وقبل تروحين كلمة اخيرة لازم اقولها لك...ريهام وربي اني حبيتك...الحين الله معك ...
ريهام بكل كلمة قالها لها احمد تحس ان الكره والحقد تجاهه بدا يتلاشى...كان نفسها تقول انها سامحته كان نفسها ترتمي بحضنه وتقوله خلاص تعال ننسى كل الي صار ونفتح صفحة جديدة بس ما قدرت عزة نفسها منعتها واحساس القهر والخوف الي عيشها فيه لساه محفور جواها ما قدرت تسامحه ....راحت وتركت قلبها معلق عند احمد راحت واهي تبكي مقهورة ومتألمة ...وتاركة وراها قلب ثاني مكسور ومتألم...

من بعد ما وصل سام لشقة همام...

كان واقف قدام الباب ينتظر همام يفتحله..
همام من بعد ما فتح الباب لسام ورحب فيه قعدوا اثنينهم بالصالة وراح همام ساوا لهم كاستين شاي وجه قعد..وبقي ساكت...
سام رفع حاجبه: ايييه مطول وانت ساكت يعني بسحب الكلام منك انا سسحب..؟؟
همام وملامح القلق على وجهه: سام في موضوع ضروري ولازم تسمعني بأنتباه وتفهم ايش ابغى اقولك عدل لان الموضوع مو هين ابد وما في حد ثاني يقدر يساعدني غيرك....
سام قلق بزيادة: قول يا همام عاد اعصابي تعبت ترا...
همام بجدية: الموضوع يتعلق بأرز وامي...
سام باستغراب: أرز وامك..؟؟؟!!
همام: ايه
سام بانتباه:قول اسمعك..
همام: تذكر وقت كنا قاعدين بمطعم الابرار وتناقشنا بموضوع ان اظهر واقول اني عايش..؟؟
سام:ايه..؟؟
وقتها بنفس اليوم كان قاعد ورانا على الطاولة امي شفتها جالسة والاكيد وقتها كانت ويا ارز..
سام:ايه كمل..
همام: وقتها شكيت وخفت انها تكون لقت أرز وقصت عليها بكم كلمة وجاية لجل تاخذ فلوس..
وبالفعل قلت لازم اتاكد خليت حد يراقبها كم يوم وخليته ياخذلي صور بعد...
سام :كمل..
همام كان بجبنه الظرف مسكه واعطاه لسام:خذ شوف شنو في بالصور...
سام طالع الصور وقعد يناظر شاف واحدة بتشبه أرز كثير ومعها واحد بالاربعينات من عمره: ايش ذا..؟
همام خجلان ومتردد: امي مع...
سام: تكلم يا همام..
امي مع الحقير حبيبها زعيم عصابة المافيا الي اهم سبب في الي انا فيه الحين..
سام بتفاجؤ:شنو..؟؟؟؟!!!!!!!!!
همام:مثل ما قلت لك..والظاهر انها خذت من أرز فلوس مثل ما باين بالصور..واكيد ابوي ما يدري بكل الموضوع ولا كان زمان وقف هالمهزلة وصارت مشكلة كبيرة...وانا ما ابغى ابوي يعرف ابد...بس ابغاك يا سام تساعدني لجل تقنع ارز انها كذابة وبس تقص عليها لجل تاخذ منها فلوس....وان ما رضيت تسمعك او تصدقك ...خلها لين تعطيها فلوس مرة ثانية ووقتها وريها انت بعينك حقيقتها...
سام بتفكير:مممممم..خلاص همام ولا يهمك اترك الموضوع ذا علي..انا بعد ابد ما اقبل انه احد يستغل أرز وعمي ابد...صح بلاقي صعوبة كبيرة بس اوعدك حخليها تشوف حقيقتها بعينها....
همام حس شوية براحة ومسك كتف همام وشد عليه:تراني راح اوكلك بالموضوع واركن عليك يا سام لان واثق انك قدها..
سام مسك كتف همام بيده الثانية وبعد شد عليها: ولا يهمك اطمن وارتاح ...
طلع سام من عند همام وركب بالسيارة منطلق لارز وقاعد يفكر بطريقة لجل يقنعها ان امها كذابة وتستغلها لجل تاخذ منها فلوس مو اكثر..وكان يدعي ربنا يستر من ارز خصوصا انها عنيدة وما تسمع لحد بسهولة...


عند شركة ابو همام...
كان طالع من الشركة معصب من بعد ما اكتشف ان ارز ساحبة 500 الف دولار من حسابها لما فتح الحساب يبغى يحط فيه فلوس لجل تعيش من بعده ما تحتاج احد...طلع ومو شايف قدامه من كثر ما اهو معصب ركب السيارة وطلب من سايقه يوصله للبيت باسرع ما يمكن...

في قصر ابو همام...
ارز من بعد ما قامت من النوم ...كانت جالسة تطالع التلفاز...
وبهاذي اللحظة دخل ابو همام واهو معصب حيل ووقف قدامها ومعاه اوراق الحسابات....أرز شافته كذا عقدت حواجبها وتناظره مستغربة...ابو همام بعصبية وهو يرفع الاوراق:ممكن افهم ايش ذا ..؟؟
أرز وقفت مو فاهمة شي: ايش ذا..؟
رمى الاوراق بوجهها بكل عصبية: ممكن افهم ليه ساحبة كل هالمبلغ من حسابك..؟؟
أرز هنا جمدت من الخوف ما عرفت ايش تقول ولا بايش تبرر..لان المبلغ المسحوب مو قليل ابد وايش ما قالت اكيد ابوها ما حيقتنع...ارتبط لسانها وقفت مكانها مثل الصنم ما عرفت بايش ترد...
قرب منها ابو همام ومسك يدها بعصبية وصراخ: جاوبي قولي ...فين وديتي كل هالمبلع ذا...؟؟تحشي انطقي قوليييي...؟؟
أرز واقفة خايفة ما تدري ايش تقول...ولحسن حظ أرز بهاذي اللحظة ندق الباب وكان سام...شاف كيف عمه ماسك أرز ومعصب توجه عطول لهم قال بقلق: خير عمي شفيه ..؟وليه ماسك أرز كذا شصاير..؟؟
ابو همام ما زال ماسك يد أرز ناظر لسام يحاول يضبط اعصابه: ذي البنت ساحبة مبلغ 500 الف من حسابها...ومدري وين راحت في الفلوس ذي كلها وليه ساحبه ذا المبلغ الكبير..؟؟
سام ادارك الموقف وعطول ابتسم ابتسامة حلوة :كل ذا التعصيب لجل كذا..؟؟
ابو همام مستغرب: ايه وانت شايف هالشي بسيط..؟
سام يحاول يمتص غضب عمه: يا عمي اعذرني بس انا الي طلبت من أرز مساعدة بذا المبلغ لجل نجيب اجهزة حديثة للمستشفى ووقتها ما كان عندي سيولة وانا صراحة خجلت اطلب منك فقلت بطلب من أرز بما انها باعتبار مرتي شرعا وقلت برده لها لين يصير في سيولة والحمدلله قدرت اوفر المبلغ وبكرا يكون رد كله بحسابها عمي بس انت روق واهدى يعني ارز ايش تبي بكل ذا المبلغ تسحبه..؟؟
ابو همام اقتنع بكلام سام هدي وترك يد أرز وناظرها بعتاب :ليه ما قلتي من الاول يا بنت يعني ضروري تخليني اعصب عليك كذا لا حول ولا قوة الا بالله..معليش يا بنتي سامحيني بس وربي فار دمي ما بقالي عقل...
سام ببتسامة: اكيد مسامحتك يا عمي لا تقلق..
ابو همام ابتسم لسام: اجل انا بروح الحين ...تراني تارك شغلي وجيت..يلا بالاذن ودير بالك عليها..
سام: في عيوني يا عمي... فامان الله ..
أرز كل الوقت كانت تناظر لسام مستغربة حييييل ..شلون انقذها من موقف كان حيودها بداهية..وما كانت قادرة تستوعب اهو ليه ساوا كذا واهو ما يحبها..
سام من بعد ما راح عمه تقدم ووقف قبال أرز وكتف يدينه: يعني لو ما لحقتك باخر لحظة كان ايش ممكن يصير فيك ها..؟؟
أرزساكته بس تناظره: ....
سام تنهد وفك يدينه من بعض :أرز ممكن نتكلم في موضوع ضروري ابغى اكلمك فيه..
أرز:ليه ساويت كذا..؟؟
سام: لانك خطيبتي ..
أرز بنرفزة: قولي ليه ساويت كذا ومن غير استهبال..
سام اضايق منن اسلوبها:قلت لك لانك خطيبتي..
أرز بأستهزاء: لا والله اقنعتني ترا...لا تستهبل عاد ومن متى انت تقلق فيني ان كنت خطيبتك ولا من قبل...اكون..؟
سام:من اليوم بقلق فيك لانك خطيبتي وبتكونين زوجتي وام ولادي بعد..وواجبي اخاف عليك وادافع عنك..
أرز ضحكت بأستهزاء:ههههههههههههه لا ظحكتني جد جد ظحتني وما الي خلق اضحك...اقول اخلص ليه ساويت كذا..؟
سام تنهد بعمق وقرب لارز حييل وقعد يناظر لعيونها..هنا ارز توترت ونزلت نظرها عطول لللارض..وبتوتر قالت:.اا..ما.قلت ليه ..؟؟
سام: لا تظنين اني مدري وين وديتي بالفلوس..
أرز ناظرته بصدمة:....
سام بجدية:ايه ادري كل شي..
أرز بعدم استيعاب:شنو ..؟ايش ..؟؟
سام بهدوووء:أرز صدقيني الي اعطتيها الفلوس قاعدة تستغلك واهي جت لجل تاخذ منك فلوس مو لجل انها مشتاقة لك..
أرز مصدومة :شنو..؟؟ انت ايش الي قاعد تتكلم عنه..؟؟
سام:ارز من غير استهبال...انا قاعد اتكلم عن امك الي كنتي تتقابلي وياها لجل تعطيها الفلوس..
أرز متفاجئة: شلون عرفت..؟؟!!!!!!!!
سام: مو مهم شلون عرفت...ذا ولا شي مقابل الي عرفته جديد..وانا كنت جاي خصوصي لجل انبهك واقولك اصحي يا ارز ولا عاد تعطينها فلوس...
أرز ما زالت غير مستوعبة:نسيم قالت لك..؟؟؟
سام مستغرب:ليه نسيم تعرف بالقصة ذي..؟؟!!!
أرز بدت تنرفز:جاوب...
سام: اكيد مو نسيم الي قالت لي انا دريت بطريقتي..
أرز بعددم تصديق: لا عااد...اقول شلون عرفت ومين قالك..؟
سام: انا شفتك يا ارز بالصدفة وقت اعطتيها الفلوس وكنت مستغرب مين هاذي الي تلتقين وياها وتعطينها فلوس بقيت ورا الموضوع لين عرفت مين تكون ولمين تعطي الفلوس ذي..

أرز باسلوب ساخر: لا والله يا محقق كونان وشنو الي طلع وياك..؟؟لمين اعطي الفلوس يا محقق ووين كنا نلتقي..؟
سام يحاول يضبط اعصابه من اسلوبها المستفز:يا حضرة الي مالك مخ...اهي كانت تاخذ منك الفلوس وتعطيها لحبيبها يا مغفلة...وانت مثل الخوثة تركضين تعطينها فلوسك واهي تعطيها لحبيبها..واماكن التقائكم يا اما بالفندق الي اهي مقيمة فيه او كوفي وفي منهم بمطعم الابرار...
أرز مو مستوعبة وانفعال:انت تكذب...بعدين ترا مالك شغل فيني فلوسي وانا حرة فيها بعطيها للي احب مالك شغل سمعت..؟
سام بصوت عالي: شلون مالي شغل فيك...نسيتي اني ابن عمك قبل لاكون خطيبك..؟؟اصحي عاد لا تكونين غبية ...شكلك نسيتي ايش صار من شوية..؟؟اقول كافي غباء وسذاجة لين متى بتبقين كذا وتخلين ناس ما تسوى تستغلك خلاص اصحي عاد..
أرز بدت الدموع تتجمع وبأنفعال: مالك شغل مالك شغل بس تبغى تبعدني عنها وتخليني اكرهها كلكم تبغون ابعد عنها...انت ما تحس الي فيني ولا احد يحس الي فيني..كلكم كبرتوا وجنبكم امهاتكم وابهاتكم كلكم ما حسيتو طعم الحرمان من الام والاب وانتوا صغار...حتى الشخص الي كان يعوضني كل ذا راح وتركني لحالي..انت شنو تعرف عني لتقولي الكلام ذا...؟ انتوا ما تحسون فيني كل الي همكم الفلوس الفلوس...يا اخي يلعن ابو الفلوس ما ابيها خذوها بس ابي احس بأمان وحنان ابي حضن دافي يعوضني عن الي فقدتهم .....ببكاء مرير كملت: الشخص الوحيد الي كان يفهمني هدني لحالي بذي الدنيا المقرفة...كلكم مثل بعض ما يهمكم ايش ان احس المهم انه انتوا كلكم تبون تطالعوني غلطانة وتصرفاتي غلط وحياتي غلط...مالكم شغل فيني مالكم شغل فيني انا حرة حرة بنفسي...
سام شاف أرز كيف منفعلة ومنهارة: قرب لها حضنها حاول يهديها....
أرز لما سام حضنها الاول قعدت تضربه على صدره بكوس وتقول بعد مابي احد اتركوني بحالي...بس سام شد عليها اكثر وحضنها بكل حنية واهي بالاخير استسلمت له وحضنته بقوة وقعدت تبكي لييين ارتاحت...بعد شوية أرز هديت...قعدها سام على الكنب وقعد بجنبها..
سام بكل حنية: أرز انا مالي مصلحة افرقك عن امك او اكرهك فيها..ترا احب ما عندي تجتمعون..لكن يا ارز ذي مش ام ذي بس تبغى منك فلوس ...اذا مو مصدقتيني اقدر اثبت لك وتشوفين بعينك...
أرز ناظرته كانت حزينة بس بنفس الوقت كرهت انها تكون شخص مغفل وغبي ويستغلونها بالطريقة ذي وكانت حابة تتاكد بنفسها لجل لا تندم على اي تصرف او قرارحاسم ممكن تاخذه قالت: شلون بتثبت..؟؟
سام:لما ترد تدز لك رسالة تبغى تشوفك لجل تعطيها فلوس مرة ثانية...كلميني وقوليلي المبلغ الي طلبته وانا بجيبه لك ....ووقتها بمرك وباخذك للمكان الي تبون تلتقون فيه..انتي بتروحين تعطينها الفلوس عادي مثل العادة ولا تبينين لها شي وانا بقعد اراقب من بعيد وبنتظرك بالسيارة لين تخلصين...ولما تستاذنين منها...بتردين للسيارة عندي ووقتها بتشوفين بعينك الي حيصير..
أرز هزت راسها موافقة على خطة سام وقالت بهمس:مشكور على الي ساوته من شوية..والفلوس الي بتحطها بحسابي راح احاول اردها لك قريب...
سام تنهد بياس من أرز ما في فايدة مصرة اضايقه..قام منرفز: ما ابغى منك فلوس...وقلت لك الي ساويته كان واجب لانك خطيبتي ..انا بروح الحين وياريت ما تنسين الي اتفقنا عليه يلا سلام..وراح
أرز ابتسمت ابتسامة على غبائها وسذاجتها والاخص على كلمة سام واجب:يعني ما قال لاني احبك او لانك تهميني لا قال لانك خطيبتي وواجب..يعني حتى ذي اعتبرها واجب ولازم يساويه وخلاص...يا برودك وقساة قلبك يا اخي...أرز بعدها حست بتعب صعدت لغرفتها وحطت راسها على المخدة وتذكرت كل الكلام الي صار من شوية وغرقت بدموعها....

<<<<انتهى الفصل>>>>


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 119
قديم(ـة) 10-02-2019, 01:26 AM
Amal2013am Amal2013am متصل الآن
©؛°¨غرامي جديد¨°؛©
 
الافتراضي رد: لعنتي اني اشبهها / بقلمي


بارت جميل فرحت يوم دافع وسام عن ارز عندعمه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 120
قديم(ـة) 10-02-2019, 04:25 PM
صورة ام لسان فديتني الرمزية
ام لسان فديتني ام لسان فديتني غير متصل
©؛°¨غرامي جديد¨°؛©
 
B6 رد: لعنتي اني اشبهها / بقلمي


البارت جنننن

الرد باقتباس
إضافة رد

لعنتي اني اشبهها / بقلمي

الوسوم
لعنتي , اشبهها , بقلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
. . .| | مَلِڪة الإِحسَّاس الرَّاقِي | |. . . فايزة . سكون الضجيج - مملكة العضو 1165 19-02-2019 09:27 PM
رواية : يا معشوقي لعبت بأوتار قلبي و انت ناوي عذاب بس ما طرى لك انك بمعزوفتك أسرت كياني بالنوتات / بقلمي Roond روايات - طويلة 73 20-12-2018 12:39 PM
أحببتك بجنون فكان لابد أن أدفع ثمن حبي المجنون/ بقلمي إلــــيــــنــــا قصص - قصيرة 6 01-10-2017 03:48 PM
جنازة كلمات...\بقلمي DELETED خواطر - نثر - عذب الكلام 16 06-08-2017 07:51 PM
قصه عتاب جاء من بعد الغياب بقلمي (saldhaheri) suhaila.seed قصص - قصيرة 3 07-05-2016 02:16 AM

الساعة الآن +3: 01:32 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1