الارز ©؛°¨غرامي نشيط¨°؛©

[
]في المكتب عند زيد..
كان حزين جدا ويبكي...مسك المحمول ودق على سام..
في غرفة سام من بعدما خلصت سهرته ويا ارز كان جالس على السرير ويفكر شنو بيساوي ويا منيرة على الي عملته...ودق محموله...مسكه وناظر الرقم استغرب..(زيد ليه برن علي الحين..اتصاله مومطمني ربي يستر.) سام من بعد ما رد:السلام عليكم....
زيد بصوت باكي:سام..سام خالي يا سام..
سام خاف من بعد ما سمع بكاء زيد:شفيه يا زيد شصاير تكلم قول..
زيد ببكاء:خالي عبد الرحمن يا سام اتوفى..
سام بصدمة:شنوو..؟
زيد:لازم تردوا الحين يا سام..مدري شلون توصل لها الخبر بأقل ضرر ممكن...
سام:شلون يعني مات متى وكيف وليه..؟
زيد:ساوا حادث على الطريق السريع..وجابوه لنا باصابة بالقلب بأكثر منطقة حساسة خطرة..حاولت يا سام انقذه بس للاسف حالته كانت من الاول مستحيلة..سام مدري شقول لارز مدري..وكمل بكاء..
سام بحزن كبيير حاول يمسك نفسه انه يبكي:ما عليك يا زيد..انا واثق انك ساويت كل الي تقدر عليه..لكن يبدو ان الحالة كانت من الاول النجاة فيها مستحيلة..هاذي حكمة ربنا وقضائه ما نقدر نساوي شي..لا حول ولا قوة الا بالله...وبالنسبة لارز بحاول اخبرها بطريقتي..
زيد:لازم الحين تردون يا سام..
سام بحزن:اكيد الحين بخبرهم انه لازم نرجع بسبب ظرف طارئ..
زيد:اجل كذا كويس الحين بقفل وبنتظرك يا ىسام..
سام:ماشي ولا تحمل نفسك الذنب هاذي ارادة ربنا..
زيد: ونعم بالله

سام من بعد ما قفل مع زيد..قعد محتار ما يدري شلون بقول لارز او بقولهم...فشاف انه افضل حل يقول لهم انه مضطرين يردون لجل ظرف طارئ ولما يصلوا وقتها بيعرفوا من الاهل...وارز قرر يقولها بالمستشفى تحسبا لا ي شي ممكن يصير..ولكنه للان ما يدري شلون بيوصل لها خبر وفاة ابوها..
سام :مسكينة هالبنت وربي لتنجن وقت تعرف....مسكينة يا قلبي ما قد فرحتي وكملت فرحتك بهالحياة..لا حول ولا قوة الا بالله...انا لازم ادق على همام واخبره..
سام دق على محمول همام اكثر من مرة ولكن بكل مرة يكون محموله خارج نطاق التغطية...بعدها يأس وقفله وقرر يرد يدق له في وقت ثاني...بعدها قام وطلب من الجميع انهم يتجمعوا... سام كان واقف قدام
الجميع و متجمعين بالصالة وفيهم قلق لان نبرة سام كان واضح فيها الحزن..
سام حاول يمسك نفسه قد ما يقدر وقال بجدية كبيرة:احنا لازم نرد الحين في ظرف طارئ صار ولازم الحين نلم اغراضنا ونرد..
سيف باستغراب:الحين يا سام..؟؟ما ينفع ننتظر للصبح.؟
سام بنفس الجدية:للاسف ما ينفع لازم نرد الحين..
ارز ما تدري قلبها نقزها حست ان الموضوع خطير...قلقت كثير وحاسة ان في مصيبة صايرة بس كانت خايفة تسأل ما تبغى تسمع شي فقررت تسكت عالاقل لين يردون وبتعرف كل شي..
طبعا الكل دخل ولموا اغراضهم وراحوا للسيارات والصمت كان سيد الموقف بجميع السيارات والقلق في داخلهم قاعد يزيد..وخصوصا من بعد ما سام قلهم انه يتبعوه وين ما بيتجه..ومن بعد ما قربوا يوصلوا..وشافوا سام خذ طريق المستشفى..بدا الخوف يزيد اكثر واكثر خصوصا عند ارز حست بخوف مو طبيعي...
من بعد ما وصلوا سام وقف...وطلب من الجميع ينزلوا..
الكل مستغرب ومو فاهمين شي..
هيثم:سام شفيه ليه جبتنا لهنا..
سام:الحن بتعرفوا كل شي..
ارز بدت تتنفس بصوت عالي خايفة ما تدري ليه حاسة ان في شي صاير ويا ابوها..
الكل كان متوجه لبوابة المستشفى..ودخلوا لين وصلوا لمكان ما ابو سام ومرته واقفين...
سام مسك أرز بعيد عنهم وناظرها بعيونها بجدية:ارز....اسمعيني عدل..بقولك شي بس ابغاكي تكوني قوية..
ارز بلعت ريقها الي جف من الخوف وقعدت تناظر سام بعيون خايفة..
سام مو عارف شلون بيقولها بس لازم يقول حضنها بقوة وقال بحزن كبير:ارز عمي ابو همام...ارز ابوك..ابوك..
ارز بعدت عن سام وبخوف:قول شفيه ابوي .؟؟!!
سام مو قادر يناظر لارز نزل نظره لللارض:ساوا حادث اليوم المسا ..و...اتوفى..
أرز واقفة مصدومة ومتفاجئة بنفس الوقت:شنو.؟؟؟
سام حضن ارز بقوة:يا قلبي هاذي ارادة ربنا ما نقدر نعترض ولا نقول شي...بس اطلبيله الرحمة..
بهاذي اللحظة وفاء خبرت الجميع وارز سمعت صوات البكا جمد عقلها مو قادرة تستوعب

الارز ©؛°¨غرامي نشيط¨°؛©

أرز بعدت عن سام:وينه..؟؟
سام:ارز اهدي يا قلبي..
ارز بانفعال:قلت لك وييينه..؟؟
سام اشر لها عالغرفة الي نقلوه عليها...
ارز مشت بخطوات بطيئة....وصلت لباب الغرفة وكل العيون عليها... فتحت الباب ببطئ...شافت ابوها امدد على السرير ومغطى بالشرشف الابيض...تقدمت له ببطئ ودموعها تنزل لوحدها...وقفت قدامه تناظره كيف وجهه شاحب والجروح مغطيته...ارز بهمس:يبا..يبا..يبا رد علي...بعدها قعدت تهز فيه عالخفيف..:يبا..يبا قوم انا جيت..يبا يبا بيقولوا لي انك مت.,..قوم قوم خلهم يشوفوا انك عايش قوم وقولهم انك بس كنت ماخذ غفوة صغيرة مثل العادة..يبى يبى قوووم...ونفجرت بالبكا والصراخ:يباااااااااااااا...يبااااااااااااااااااااا قووووووم قووووووم رد علي يبا قوم رد علي قولي يا قلب ابوك نورتي..يبااااااااااااااااا...يبا يبا لا تروح انت الي بقالي بحياتي يبا قوووم قوووم والي يسلمك قوم انا شلون بعيش من غيرك..يبااااااااااااااااا..يبااااااااااااااااا
سام دخل لعند ارز وحضنها بقوة.....سام قول لابوي يقوم قوله يرد لي مالي غيره بحياتي..سام قوله اني احبه وما قصدت ازعله ساااااااااااااااام قول لابوي يرد..يبااااااااااااااااااا...


بعد مرور سنة....

فيلا ابو همام...
ارز كانت قاعدة بالمكان الي تحبه..وسرحانه بالكلام الي صار بينها وبين زيد قبل كم يوم...
ارز :زيد لا تكذب وقول الصدق..قلبي خلاص ما عاد يصلح صح...قلي ولا تخبي علي ترا احس فيه كل يوم يكون اسوا من الي قبل وكل يوم يمر احس انه يتعب اكثر واكثر..
زيد:ارز شنو هالكلام الله يهديك..
ارز:زيد قول الصدق ولا تلف وتدور..قلي ان قلبي خلاص ما في منه فايدة..ترا ان كذبت احساسي بقلبي ما يكذب..
زيد تنهد بأسى:صراحة يا ارز نحتاج لزراعة قلب جديد....وانا سجلت اسمك اول القائمة بسبب سوء الوضع...اعذريني ني ما قلت لك من قبل بس ما كنت ادري شلون بوصلك هالكلام..
أرز هزت راسها بتفهم:عادي يا زيد...كنت متوقعة النتيحة هاذي..ولا يهمك...بس زيد ابغى اطلب منك طلب صغير..
زيد:انت تؤمريني يا غالية..
ارز:اوعدني ما احد يدرى عن هالكلام غيري انا وانت...
زيد:حاظر اوعدك ما احد يدرى..

بعد ما ردت ارز من سرحانها تنهدت تنهيدة عميقة جدا....بعدها جت سيلا..
سيلا:مس ارز ديفتك وصل...
ارز:ماشي سيلا دخليها للصالون الحين اجي لها..
سيلا:حازر مس ارز..
قبل ما ارز تقوم مسكت محمولها ورنت على سام...
سام كان قاعد في المكتب بيكتب تقارير المرضى...شاف اتصال ارز ابتسم ورد:هلا وغلا بقلبي انا...
أرز :هلا فيك..سام فيه عندك شي اليوم فاضي تقدر تيجي الحين..؟
سام مستغرب:خير يا قلبي فيه شي..؟
ارز:لا ما في شي بس كذا ابغى اشوفك..
سام ابتسم:ليه اشتقتي لي صح..
ارز:ما قلت لي فاضي تقدر تمر علي الحين..؟
سام :بكتب بتقارير للمرضى الحين بس اخلص باجي لك ماشي.؟
ارز:اوك بنتظرك..سلام وقفلت الخط من غير ما تسمع رده.
سام يطالع المحمول باستغراب كبير:شفيها هاذي اخلاقها مقفلة..؟ خلني اخلص هالتقارير واروح اشوف شفيها..خير ان شاء الله...
ارز من بعد ما وصلت للصالة قعدت قبال الضيفة..وقالت:هلا بضيفتي هلا بمنيرة..
منيرة رافعة حاجب وببتسامة جانبية:هلا بيك...صراحة انا استغربت من لما دقيتي لي وقلتي تبين تشوفيني..
ارز:لا تستغربي الحين بتعرفين كل شي..
منيرة:ترا اخر شخص توقعت يبغى يشوفني اهو انتي..
ارز تبغى تدخل بالموضوع عطول:الحين بريحك من حيرتك...مو انتي تبغين تنتقمين من سام.؟
منيرة رفعت حاجب مو فاهمة :شنو.؟
ارز:مو كنتي تبين تنتقمين من سام.؟
منيرة:ليه في عندك خطة يعني.؟
ارز:جاوبي وبس تبين تنتقمين منه ولا لا.؟
منيرة ببتسامة شريرة:اكيد ابغى انتقم منه وبقوة..
ارزو:اجل اسمعي الي بقولك عليه عدل ونفذيه بالحرف...
منيرة:قولي بسمعك..

في المكتب عند سام...
حط اخر ملف بيده على جنب ومدد ايديه بتعب:ااااخ اخيراا اخر تقرير...
خلني اقوم الحين اروح لارز اشوف شفيها ...
قام من ورا المكتب وتوجه للباب فتحه وطلع راح لسيارته ركب فيها ونطلق لارز...

فيلا ابو همام...في الصالون
ارز:ان شاء الله يكون الكلام مفهوم..
منيرة تضحك بخبث: هههههههاي اجللل مفهوم وتمام التمام..
ارز:اجل كويس انتي نفذي كل الي قلت لك عليه وبكذا تكونين انتقمتي منه..
منيرة:طيب انا بكون شفيت غليلي وانتقمت..وانتي شنو بتستفيدي..
ارز:ذا مو شغلك ومالك فيه...والحين سام صار على وصول...لما يدخل ويشوفك اكيد بيعصب..انتي لا تساوين شي ولا تخافي انا بتصرف وياه مفهوم..؟
منيرة:اووك
بعد بشوي رن جرس الباب وراحت سيلا فتحته...وقالت له ان ارز تنتظره بالصالون..
سام كان يمشي متوجه للصالون ومستغرب حيل من متى ارز تنتظره بالصالون وليه مو هي الي استقبلته كالعادة...
ولما وصل تفاجأ بمنيرة قاعدة..بعدها عصب ومشى ناحيتها بسرعة واهو يقول:انتي شنو الي جابك هنا ها..؟
ارز بسرعة قامت ووقفت قدامه مسكته: انا الي قلت لها تيجي لهنا...
سام واهو معصب ناظر للارز شنو...؟؟؟
ارز:مثل ما سمعت انا الي طلبت منها تيجي لهنا..
سام يتكلم بغضب وموجه كلامه لمنيرة:انتي يا حقيرة انا مو قلت لك لا عاد تقربين على ارز ولا دفعتي الثمن حياتك..
ارز بصوت عالي:قلت لك انا الي طلبت منها تيجي لهنا شنو انت ما تفهم شقاعدة اقول ولا شلون..؟
منيرة ببتسامة جانبية وقفت وبكل برود مستفز:ايه ترا اهي الي طلبت اجي لهنا..ترا احنا اصدقاء من زمان لكن نسيت اقولك ههههههههههه
سام من كثر التعصيب والغضب وجهه قلب احمر :شنو الي قاعدة تقولينه انتي...شنو هالوقاحة الي فيك بعد تكذبين هنا وقدامها..
ارز:ترا ما قالت شي غلط ومو صح..احنا فعلا صحبة من زمان...
سام مو مستوعب الكلام الي تقوله ارز:شنو الي قاعدة تقولينه..انتي مو صاحية.؟؟ شاربة شي..
ارز ببتسامة جانبية:مسكين يا منيرة الاخ هنا مو مستوعب الكلام...شوف ترا انا بقولك شي واسمعه عدل....من بعد ما ابوي الله يرحمه توفى خلاص انا مليت من ذي اللعبة...ترا كل الي طاف كان تمثيل وكذب كنت احس اني زهقانة وشفت انك لعبة حلوة ممكن الواحد يتسلى فيها...لكن الحين خلاص مليت من اللعبة ذي صارت ماسخة...ولازم تنتهي الحين...
سام كان الي قاعد يسمعه من ارز مو مفهوم ابدد:شنو..؟شنو قاعدة تقولين انا مو فاهم شي..
منيرة بضحكة مستفزة:يا حليله يا ارز مو فاهم انك كنتي تلعبين فيه وتساعديني بأنتقامي منه..بس من جد برافو عليك شكله صدقك وحبك من جد..طلعتي خطيرة يا ببنتي...
ارز:ايه ذي مشكلته مو مشكلتي... ما احد قاله يصدق كل شي ينقاله..
سام وجهه صار احممر وعروق رقبته برزت وعيونه صارت حمرا من الغضببب: عص على سنانه ويدينه بعصبييييية وقال من بين سنونه:شنو الي بتقوله ذي الواطية يا ارز ..؟ا
ارز بلعت ريقها خافت من سام حيل بس مسكت نفسها وقالت:الي سمعته...
سام صارخ باعلى صوت:شلووووووووووووووووووووووون..؟
منيرة هنا ماتت خوف ما قدرت تبقى ولا ثانية حملت حالها وبغت تهرب لكن سام مسكها من يدها بقوة منيرة حست يدها بتنكسر من قوة مسكته وبكت من الالم وصرخت :اااااااااه..هدني هدني
ارز صرخت:هدهاااا..مالك شغل فيها كلامك وياي سمعت..
سام ترك يد منيرة وعطول هربت وراحت من الخوف...
سام بعصبية موشايف قدامه:الافضل يكون الكلام الي نقال الحين كله كذبة او مقلب او اي شي..
ارز جواها خوف من ملامح سام تحسه وحش شوي وبينقض عليها..لكن لازم تكمل للاخر قالت: كل شي قلته وسمعته كان صحيح..
سام بقمة غضبه مسك ارز من رقبته ورفعها لمستوى وجهه..وقال بغضب:شلون يعني..انتي كل هالوقت كنتي تضحكين علي..؟كنتي تلعبين فيني..قوووولي..
ارز ماسكة يدينه متألمة وبصوت مخنوق:هدني..قلت لك هدني هدني..
سام بصراخ:قووولي ليييييييه..ليه ساويتي كذا..؟انتي الوحيدة الي حبيتها بصدق ..انتي الي سلمت لها قلبي...شلون تساوي فيني كذا شلووووون..
ارز تناظره واهي متألمة: ما حد قالك تركض ورا مشاعرك مثل الاحمق..
سام بصراخ:ااااااااااااررررززز..وضغطت على رقبتهها بقووووة خنقها..
ارز وجهها صار احممممر نقطع النفس عنها وصارت تسعل:كحكحكحكح
سام تركها وطلع برا الفيلا..
ارز واقفة تسعل وتناظره:كحكحكحكحكح وحاولت تاخذ نفس لين رجع انتظم...سمعت باب البيت تسكر عطول لحقت سام كانت تبغى تفتح الباب لكنها منعت نفسها بالعافية حطت يدها عالباب تتحسس اثر سام خلفه...قالت بقهر وبكا:سامحي يا بعد هلي سامحني يا قلبي يا روحي سامحني يا ضي عيوني سامحني...وقعدت على ركبها تبكي بالم ومرارة وحرقة قلب...اااااااااااخ ساااام سامحنييي..انا ساويت كذا لجلك...سامحني يا قلبي

سام كان في قمة غضبه ركب السيارة وانطلق للبحر...لما وصل البحر نزل من السيارة وتوجه للشط...سام كان يتنفس بغضب وكل كلام ارز يلف براسه...حس بغضب مو طبيعي صار يشوط الرمال الممزوجة بالماء بعصبية كبيرة لييين تعب بعدها قعد على ركبه وطالع صرخة من اعمااااااااق قلبه:ااااااااااااااااااااااااااااااااااااااااااااا اااااااااه..اااااااااااااااااااااااااااااااااااااا ااااااااااااااااااااااه..وقعد يصارخ كذا لين راح صوته وتعب....بعد شوية دموعه بدت تنزل وهو يناظر البحر...مو مستوعب الكلام مو قادر يصدقه في شي جواته يقول ان ارز تكذب..لكن شلون يسمع صوت قلبه الجريح ويكذب اذانه الي سمعت كل شي....سام ببكاء:ليييييييييييييه..ليييييييييه دمرتي كل شي لييييييه ساويتي كذا لييييه قتلتيني ليييييييييييه..

ارز كانت قاعدة ودموعا ما نشفت من اول ما سام طلع من عندها....غرقانة ببحر الدموع والحزن بشكل كبير..
سام ما يدري كم من الوقت مر عليه واهو قاعد هنا ..بعدها رن محموله...رد بعد ما جاله فوق ال20 مكالمة وهو مطنش...
سام بصوت كله حزن والم:االسلام عليكم..
همام:وعليكم السلام..
سام:همام..؟؟
همام:ايه يا سام همام....
سام:وين كنت طول هالسنة...حتى عزا ابوك ما حضرته..
همام:ذي قصة طويلة يبغالها جلسة..انت وين الحين..
سام:اااخ يا همااااام وربي محتاج اتكلم معاك مخنوق..
همام مستغرب:اجل قلي وينك الحين وانا باجي لك..
سام:انا على البحر ياريت تجيني الحين..
همام:مسافة الطريق واكون عندك..

منيرة واهي مروحة كانت سايقة بسرعة وما انتبهت على الشاحنة الكبيرة الي كانت قدامها...
منيرة صارخت:اااااااااااااه..وصدمت بالشاحنة وقلبت سيارتها...

نسيم كانت تحس بطفش رهيب واهي جالسة لوحدها...رنت على ارز اكثر من مرة ولكنها ما كانت ترد عليها...بعدها قررت تروح تتمشى لوحددها...

ارز كانت قاعدة على حالها والافكار تلف تلف براسها...تحس بيأس تحس بألم حزن اشتياق تحس بظلم....روحها تحسها ذبلانة ويأسانة كل شي حواليها تشوفه اسود في اسود...ارز قامت واهي مو صاحية توجهت لباب البيت...فتحته وطلعت كانت مو لابسة برجولها شي...طلعت تمشي بلا سبيل وين بيسقوها رجولها بتمشي...كانت مو بوعيها وما تدري وين بتروح..شعرها كله كان متناثر على وجهها...وعيونها وانفها من الصياح حممر...فضلت تمشي وتمشي وتمشي...وكل الي صار يلف براسها...

نرد لهمام وسام على الشط...
من بعد ما سام قال كل شي لهمام...
همام مصدوم:مستحيييييل...في شي غلط ما بصدق..انا اعرف اختي اكثر من اي احد في هاذي الدنيا ..ارز انا الي مربيها..
سام::اجل ليه ساوت كذا شنوا الفايدة فهمني..؟
همام:مدري في شي غريب ومو صح بكل السالفة لازم تعرف شنو هالشي يا سام...
سام:وشلون بعرف انا يا همام.؟
همام:من منيرة..انا متأكد ان هاذي المخلوقة تعرف السر ورا كل هالمهزلة هاذي الي صارت..
سام:وانت قلتها...طال محموله ورن على منيرة.. ردت عليه ممرضة من المستشفى الي نقلوها عليه:الو مرحبا..؟
سام استغرب الصوت:هلا اختي..مو هذا رقم منيرة.؟
الممرضة:نعم صحيح اخوي...لكن صاحبة الرقم جابوها لنا اليوم ساوت حادث واهي الحين بغرفة العمليات..
سام تفاجأ : شنو حادث..؟!!
الممرضة:ايوة يخوي.. انت تقرب لها..؟
سام توتر شوي بعدها قال:ايه انا اخوها ..قليلي اهي باي مستشفى..؟من بعد ما قالت الممرضة لسام منيرة باي مستشفى..قال لهمام انه بيروح لها يستناها لتصحى ويفهم منها كل شي...ورغم محاولات همام بأقناعه ياجلها ليوم ثاني ما قبل ابداا..وصمم يساوي الي في راسه.
من بعد ما سام راح...همام طال محموله ودق على رقم..
من بعد ما رد عليه:هلا وغلا بغلاي ودنيتي كلها..
نسيم:هماااام..متى رديت اشتقت لك حيييييييل
همام:يا بعد عمري وانا بعد اشتقت لك حيييل...اليوم رديت من اسبانيا..
نسيم:وان شاء الله نحلت كل الامور...
همام:ايه نحلت كلها والحين اقدر اظهر وانا مرتااااااح..
نسيم:احيراااااا وربي ارز بتفرح كثيييييييير بهاذي المفاجأة..ااخ اخيراا..
همام:وحشتني الدبة حيييييييل...
نسيم:اجل يلا بسرعة تعال لجل تشوفها...كافي لهنا....وربي مدري كيف مسكت نفسي بكل مرة كانت تشكي فيها غيابك...كل مرة بكون على وشك اني اضعف واقولها..لكن اتذكر كلامك اخاف وابلع غصتي واسكت..بس اتمنى انها ما تزعل مني وتسامحني اني خبيت عليها..
همام:ترا انتي النمسة...انه شلون خطرلك تراقبي غرفة ارز مدري..؟
نسيم:يا قلبي..انا اعرف ارز مثل ما تعرفها عدل....ما قدرت ما اصدق النظرة بعيونها وقت الي قالت انك عايش...واساسا كل قصة موتك غريبة والي زاد شكي الجثة الي ما لقوها...فقررت اراقب غرفتها وشفتك..
همام:ترا انتي واخوك سام عليكم افكار جهنمية اكثر من بعض..
نسيم:هههههههههه اجل مو اخوة..
همام:اجل اجل..نسيم ما كلمتيها.؟
نسيم:دقيت لها كثير لكنها ما ترد على المحمول..
همام:ان شاء الله خير..ترا صار شي رهيب بينها وبين سام...
نسيم:شنو صار..؟
همام:يا ستي العزيزة الي صار....وقعد همام يقول لنسيم القصة..

نرد لارز..
واهي تمشي وتمشي رجولها ودوها جسر بين شارعين للمشاة....طلعت درجاته ووقفت بنص الجسر تراقب السيارات الرايحة والجاية وشعرها يطير مع الهوا...وسرحانة ومو صاحية على تصرفاتها...قامت صعدت على حافة الجسر وسرحت بالسيارات الي تمشي تحتها...

في المستشفى...
من بعد ما طلعوا منيرة من العمليات...ودوها للغرفة الي بترقد فيها...من بعد ما صحيت ما كانت تحس برجولها وعرفت انها نشلت نهارت وبكت وندمت على كل شي سئ ساوته بحياتها وعرفت ان مهما تمادت بالسوء واالشر في رب فوق شايف وعارف كل شي وانه سبحانه يمهل ولا يهمل...وان الجزاء من جنس العمل...سام من بعد ما سأل عن منيرة ووضعها حس انها كسرت خاطره رغم كل الي ساوته فيه...وسال الدكتور ان كان يقدر يدخل لها الحين..وخذ الموافقة...بعدها توجه سام لها ودق الباب من بعد ما دخل وقف قبال منيرة الي وقف بكاها لما شافت سام..
منيرة بندم:شفت شلون ربنا جزاني ووقعني بشر اعمالي..؟؟سامحني يا سام سامحني..
سام:تبين اسامحك من جد.؟
منيرة:ياريت يا سام ياريت..
سام:يبقى قولين لي شنو قالت لك ارز وليه التقت فيك ..
منيرة:حاضر حقولك كل شي...

نرد لهمام ونسيم..
همام:وذا كل الي قاله لي سام..
نسيم مستغربة:مستحيل يكون الكلام ذا صحيح ارز تحب سام ححيييل وما تقدر تعيش من غيره في شي غلط انا متأكدة..
همام:هذا الي قلته لسام وراح يشوف شنوا القصة وان شاء الله يطلع بالاخر بفايدة وحل لكل هالموضوع الي من اساسه غريب..
نسيم:ايه والله معك حق..
همام:اقول وينك فيه..ابغى اشوفك وحشتيني..
نسيم..انا بمنتزه الجسر قاعدة لوحدي حسيت بطفش..تبغى تيجي.؟
همام:اكيد باجي وبروح الطفش الي تحسه روحي..
نسيم:اجل بنتظرك
همام:مسافة الطريق واكون عندك..
سام من بعد ما سمع القصة من منيرة...زادت حيرته بالاكثر واستغرب سبب تصرف ارز..قعد يرن عليها لييين اعطاه ان المحمول مقفول....سام يحس نفسه بينجن مو عارف ليه ارز ساوت كذا ليه بغت تبان بنظره واحدة ما تسوى وتلعب بمشاعره...ما يدري ليه لمع براسه مرضها...وقلبه قاله روح للمستشفى وشوف ملف ارز وفعلا سام شغل السيارة وانطلق للمستشفى..

نرد لارز الي واقفة على حفة الجسر...
ارز بدت عيونها تتدمع وتنزل دمعة ورا الثانية بقوة...بعدها نفجرت بالبكا مرة واحدة...يارب ليه اانا عايشة لليش حياتي..؟؟؟خسرت كل شي كل شييي..عيلتي خسرتها الشخص الوحيد الي حبيته بحياتي راح مني... لليش انا حياتي لليييش...؟اااخ يا هماااااااام ااخ يخوووووي وربي من يوم فراقك وانا بمووت...بموووت....
......

همام من بعد ما وصل للمنتزه...شاف نسيم جالسة وظهرها له..قرب منها شوي شوي...وغطا عيونها وقال:اشتقت لك..
نسيم لفت وقامت بسرعة وصرخت بحماس :همااااااام..وصعدت على المقعد الي كانت جالسة عليه ورمت نفسها على همام وحضنته...ووقعوا سواعالارض..
همام واهو بضحكك:ههههههههههه طول عمرك مرجوجة ما تغيرتي...
نسيم:ههههههههههه ولا حتغير ها ليكون مو عاجب بس..؟
همام:امبلا عاجب ومكثر بعد..
نسيم واهي تقوم:ايوة بحسب عاد..
همام قام وطالع من جيبه اسوارة فضة بشكل قلوب.. قال لنسيم:غمضي عيونك عندي لك مفاجأة..
نسيم غمضت عيونها بحماس::ها ها يلااا شنوو..؟
همام:هههههههههه مطفوقة..وحط الاسوارة قدام عيونها..ها شرايك..؟
نسيم بأعجاب:وااااااو هماااااااام تجنننن لبسني اياها يلا بسرعة..
وهنا نسيم بالصدفة نظرها راح للجهة المقابلة على الجسر...شافت واحدة واقفة وباين انها تصيح...دققت النظر عدل لقتها ارز....قالت بصدمة:ارز..!!!!!!!!!!
همام:هاه..؟شفيها ارز..
نسيم تشد بيد همام:ارز ...ارز انظر هناك ارز ذيك ارز..
همام لف وناظر مكان ما نسيم تأشر:ارز..!!!! شتساوي هناك...؟؟؟وليه واقفة ..نسيم قلبي مومطمن احس ارز ناوية على مصيبة..
نسيم:خلنا نروح لها بسسسسرعة...وراحوا يركضوا اثنينهم لناحيتها ويتمنوا يوصلوا قبل ما ارز تتهور وتتصرف تصرف لا تحمد عقباه..


ارز كانت تبكي بحرقة والم تصرخ وتقول :يخوووووووي لييييش لييييش رحت وخليتني لييييييش......؟؟؟ رفعت راسها لفوق وكملت بصراخ:بس كاااافي خلااااص ما عاد اقدر اتحمل اكثر خلاااااص...وبصوت هامس وكله بكا:اذا كنت انت مستحيل ترد لي انا بروح لك.......؟؟؟ اخوووووي حبيبي انا جاية لك اشتقت لك حييييل مو قادرة اعيش بدونك اكثر... كملت وهي تصررررخ وتبكي بقهههر وحسسسرة من جوا قلبها :انا خلاااااااص تعبت من كل شي.... تكلم نفسها ودموعها مغرقة وجهها وصوتها نبح من كثر الصياح:انا اصلا كذا كذا بموت قريب,.. بس الي بعمله اني بختصر على نفسي عذااااب..... يااارب سامحني يااارب تعبببت والله تعببببببت.....!! غمضت عيونها خذت نفس وحبسته مدت رجلها وهي معلقة بالهوا تبي ترمي نفسها,....!! فجأة سمعت احد ينادي بصوت عالي وصراخ لاااااا تكفييين لا ترمين نفسك, ..... فتحت عيونها بسرعة لفت وجهها لجهة الصوت... نصعقت نصدمت مو مصدقة الي تشوفه عيونها .....؟؟!!!!!!! لكن للاسف فقدت توازنها و زلقت رجلها وطاحت وهي تصارخ ااااااااااه..نسيم شهقت ووقفت مجمدة من الخوف...همام بسرعة ركض لها يبغى يلحقها...ومسك يدها لكن للاسف زلقت منه ووقعت على سقف سيارة وكحت دم خرج من فمها وهنا وقفت كل حركة السير......همام مصدوم نزلت دموعه وصرخ:لاااااااااااا..ارز لااااااااا..وراح يركض من الدرج بسرعة ونسيم لحقته همام وصل لعند ارز...كان مصدوم من المنظر الي شايفه...ارز نازل من انفها وفمها دم ومن غير أي حركة حملها ونزلها بكل حذر عالارض وطلب من نسيم الي غارقة بالبكا تطلب الاسعاف....... كانت دموعه تنزل واهو قاعد عندها قال:...ارز يا ننور عيوني ليه..؟ليه ساويتي كذا..؟
ارز كانت تتنفس بصعوبة:هم..ام..؟؟انت.. هم..ام ص..ح..؟
همام بين دموعه:ايه همام يا قلب اخوك همام يا بعد هلي انتي..
ارز ابتسمت وكانت تتكلم بصعوبة كبيرة:يعني... ان..ت عايش.... وانا ...الحين.. م..ما يت...هيأ لي ولا اشوف اوهام..؟
همام ببكا:لا يا قلبي لا يا عيوني انتي ما يتهيأ لك انا هنا قدامك واكلمك..
أرز :ك..كنت...متأكدة...انك ما متت...و..ور..بي...كنت ..احس...ف..فيك..ب..بس..ك.كلهم..ما..ص..صدقوا..وسعلت من فمها دم اكثر من اول...
سام بخوف:خلاص يا قلبي لا تتكلمين....ارتاحي..
ارز ببتسامة ذبلانة:ا..ال..حمد..لله...ان..ان شفتك..ق..ق..وما قدرت تكمل الكلام اغمى عليها..
همام بخوف:ارز..!ارز..! وحملها حطها على رجوله..ارز قومي..ارز يا قلب اخوك فتحي عيونك ارز ارز لااا..وبعدها جت الاسعاف وراحوا للمستشفى..
في المستشفى...في المكتب
سام كان يدور على ملف ارز..واخيرا لقيه...فتحه وقعد يطالع ويقرأ كل المعلومات...سام كان متفاجئ من الوضع السئ الي قلبها وصل له وفهم كل شي وفهم اهي ليه ساوت كذا وتصرفت بهاذي الطريقة...سام يحس نفسه غضبان من كل شي...بهاذي اللحظة زيد دخل على سام وشافه كيف حاط راسه بين يديه وقدامه ملف...عرف انه طال ملف ارز وقرأه...
سام انت شلون تطلع ملف من ملفاتي السرية..؟
سام ناظر لزيد بعصبية:انت..انننت...وقام توجه له ووقف قباله ومسكه من قبه قميصه..ليييه..؟؟ليه خبيت علي وما قلت لي لييييييه..؟؟
زيد بكل هدوء:سام اهدى وروق...ذا كان طلب ارز وانا اعطيتها وعد ..
سام:بس يا زيد ذي ارز كيف قدرت تخبي كيف..واهي ليه خبت لييه..
زيد:ارز كانت خايفة عليك تتالم مثل الحين..لجل كذا خبت عليك...
الا تيجي ممرضة كانت تلهث بسبب الركض...
دكتور زيد الحق في حالة حرجة جت من شوي ولازم تيجي تشوفها...
راحوا اثنينهم يركضوا للطوارئ....ولما وصلوا نصدموا من الي قدامهم عالسرير..
سام تقدم بسرعة لها:ارز...ارز..!!!
ناظر قدامه شاف همام:شصار..؟؟شصااااار..؟
زيد مو مستوعب شايف همام وارز الوضع صار بمخه ملخبط للاخرر.لكنه شال كل شي من راسه وراح شق قميص ارز...وقال للمرضة:روحي جيبي لي جهاز الالترا ساوند بسررعة..
همام خذ نسيم وانتظروا بعيد بسرعة ...
زيد مسك سماعته وقعد يسمع نبض قلبها.....مسك يد ارز وقاس سرعة النبض..ما تطمن ابد الوضع حرج جدااا...سام ما يصح تدخل معي وانت منهار كذا للعملية بتنتظرني وياهم سمعت..
سام واهو يناظر ارز مو مستوعب: شلون حصل كذا .؟؟شلووووووون؟؟ قرب لارز ومسك وجهها وكان يبكي...:شصار لك ييا عمري ليه حالتك كذا..؟؟ارز يا قلبي ييا حبي ردي علي...
زيد راح لسام مسكه وبعده عن ارز...سام اسمعني عدل لازم ننقل ارز لغرفةالعمليات حاالا...انت بتنتظر ويا نسيم وهمام ..
سام ناظر لهمام بسرعة قال:لا انا بدخل وياك ما راح اتركها لحالها مستحيل انا بدخل وياك...
زيد:ان دخلت يا سام بتزيد الوضع سوء..ابقى خارج وانتظرني خلاص لا تضيع الوقت...
زيد نادى على همام لجل ياخذ سام عنده...
بعدها نقلوا ارز لغرفة العمليات...
على باب الغرفة كان ينتظر همام ونسيم كانوا واقفين والقلق واضح عليهم....
سام كان قاعد عالارض وثاني رجليه وحاط راسه بين رجوله ويديه على جبينه ويبكي بحرقة ويقول:ارز يا قلبي ارجوك ردي لي...لا تتركيني وتروحي يا ارزة حياتي انتي...
نسيم سمعته يقول هالكلام نزلت لعنده وحضنته وبكوا اثنينهم سوا...وهمام ما قدر يمسك دموعه وبكا هو الثاني...
بعد ساعتين اخيرا طلع زيد...
سام قام بسرعة ومسكه من كتوفه وناظره بخوف:زيد ..؟شنو وضعها..؟
زيد:حالتها مستقرة الحين وبنقلها لغرفة الانعاش كام يوم...
سام ركى عالحيط وبكى اكثر من الاول....اااخ يا غلاتي ااخ يا ارزتي..
همام مسك سام من كتوفه:سام شفيك المفروض انت الي تقويني وتقوي اختك شد حيلك شوية...
سام:ااخ يا همام ما فيني عالقوة ولا شي هاذي ارز ارز..تعرف شنو يعني الارز....ونهار بالبكا..
زيد:لا حول ولا قوة الا بالله..يا سام ادعي لها بالشفاء بدل هالبكاء خلاص استهدي بالله وروق...
سام مسح دموعه وقدر يتحكم بنفسه شوية:انا بروح اغسل وجهي...وبرجع
نسيم ببكا:مدري ازعل على منوا ولا منو..
همام:خلاص اهدي يا نسيم ربي يرجعها لنا بالسلامة..
نسيم:اميين يارب
زيد:ادري ان الظرف غير مناسب وان الوضع حرج..لكن مو انت على اسا س مت بحادث سير..؟؟ممكن افهم شنو الي قاعد يصير.؟
همام:انا بفهم الجميع كل شي بس مو الحين...مو قادر اتكلم ابد..
زيد تفهم الوضع وقال:ماشي..بنأجل الكلام لين تقوم ارز بالسلامة..
همام هز راسه:ان شاء الله
ثاني يوم...
سام كان قاعد عند ارز بغرفة الانعاش...مع ان زيد قاله ما يصير وممنوع واهو يدري هالشي لكنه اصر ودخل....كان قاعد يتأمل حبيبة عمره وحياته واهي مغطاة بالاجهزة....قاعد يسمع بالغرفة صوت الاجهزة بدل صوت حبيبته....
سام قرب لجبين ارز وباسها وطول شوية ونزلت من عينه دمعه على خدها وخذت مسارها للاسفل..
سام بصوت باكي:ارزة حياتي مو ناوية تقومي وتخليني شوف هالعيون الحلوة الي تسحرني دوم..؟مو ناوية تقومي تسمعيني صوتك العذب...
بعد شوية ارز فتحت عيونها...سام بلهفة قام وطالعها:ارز قلبي حبيبتي تسمعيني.؟
ارز قعدت تناظر للغرفة بضياع ..
سام:حبي تسمعيني ارز..؟
بعدها حركت عيونها لجهة صوت سام وقعدت تناظر فيه...ابتسمت شبه ابتسامة وقالت بصوت خافت:احلى شي حصل للحين....اني فتحت عيوني وشفتك بجنبي...
كان صوت جهاز القلب مالي المكان..وارز كانت تتكلم بصوت خاافت طالع معها بالقوة....رفعت يدها تبي تحطها على خد سام..سام عالسريع جلس بجنبها وقرب عليها...ارز واهي حاطة يدها على خد سام واهو ماسك يدها:تدري...شنو كانت...امنيتي..من بعد ما دخلت حياتي..؟
سام بحنية:شنو يا قلبي.؟
ارز:تمنيت ربي...يعطي قلبي قوة ...لجل نتزوج..ونجيب عيال...تملي علينا...الحياة..
سام باس يدها:وان شاء الله يا قلبي بتتحقق امنيتك...
ارز كانت بعد كل كلمة تاخذ نفس ومو قادرة تتكلم بس حست انها بحاجة تقول كل الي بقلبها لسام:تدري...شنو كنت ...احلم كل.يوم.؟
سام ببحة صوت باكية:شنو يا نور عيني.؟
ارز نزلت من عيونها دموع:كنت احلم...باليوم الي يكون فيه عرسنا...وكنت احلم نساويه غير عن أي عرس...كنت احلم بكوشة معلقة بالهوا.....مع بلالين وزهور تطير بكل....مكان..كنت...كنت احلم...اصير وياك ب....بنفس البيت....نخلف ولاد وبنات...كنت اتمنى اجيب ....منك ولد يشبهك بك..بكل شي...
بس للاسف ال...الظاهر حتى...احلم كثير علي..
سام:لا تقولين كذا يا قلبي....ان شاء الله بنعمل العملية وتصيرين احسن من اول وتحققين كل احلامك وامانيك انا وياك سوا يا روحي وقلبي...
بهاذي اللحظة دخل زيد ولقي ارز صاحية...زيد ببتسامة:الحمدلله على السلامة اروز الحلوة..
ارز اكتفت ببتسامة ذبلانة شاحبة..
ارز:زيد..بطلب منك..طلب
زيد:امري انتي بس...مو تطلبي..
ارز:تسلملي..يارب
ارز خذت نفس حست انه نفسها نقطع وقالت:ارجوك...ابغى اشوف همام...ابغى اتكلم وياه...
زيد:مو كويس لجلك الكلام الكثير..ارتاحي الحين وانا بجيبه لك تكلميه بعيدن..
ارز بترجي:ارجوك..ابغى..اكلمه واشوفه..الحين
سام:خلاص يا زيد خله يجي لهنا...
طلع زيد ورد ويا همام...بعد شوي جاله اتصال وطلع من الغرفة مستعجل
ارز لما شافته دمعت عيونها..ومدت يدها له...همام بسرعة توجه لاخته وحضنها....
ارز بين دموعها:الحمدلله...انت طلعت عايش...الح..الحمدلله الي شفتك قبل ما موت..
همام:شنو هالكلام يا عمري...ان شاء الله تردين لنا وتكونين بيننا بضحكتك الحلوة مالية حياتنا...
ارز:انا..اكثر حد..يحس بحالة قلبي...قلبي ما حيصمد كثير..
نسيم قربت لها:لا يا ارز ما نبغى نسمعك تقولين هاالكلام..
ارز ببتسامتها الذبلانة:شفتي...همام...حب طفولتك..اهو رد..
ارز ودموعها تنزل كنت ....اتمنى..اعيش...لجل احقق احلامي واماني...لكن...ربنا راد شي..ثاني...
ارز بدت تتنفس بصعوبة اكبر...وجهاز القلب صوته علي اكثر وصار اسرع...بعدها ارز غمضت ونزلت اخر دموع من عيونها...ومع تغميض عيونها خط القلب استقام واعطى صوت صفير..
سام راح لها وقعد يطالعها:ارز..ارز ردي علي ارز قومي...وحاول يساوي لها انعاش لكن للاسف ما في استجابة واهو ما استسلم وبقي يحاول ويحاول..
بهاذي اللحظة جه زيد واهو مبتسم:ارز اخيرا حصلنا قلب...واختفت ابتسماته بسرعة لما شاف الوضع..
سام كان يحاول ينعش قلب ارز:ردي ردي لا تروحي وتتركيني اااااارز....
همام ودموعه تنزل..تقدم لسام وبعده عنها:خلاص يا سام خلاص ما في فايدة..سام بعد يدين همام عنه وبصراخ:اتركننننني اتركني ورد يساوي لارز انعاش...
زيد تقدم وكله حزن مسك سام بقوة وقال:خلاص يا سام...ارز..راحت..
هالكلمة خلت سام يجمد بمكانه بضع ثواني واهو يراقب ارز مغمضة عيونها من غير حراك...تقدم لها واهو يجر رجوله بالقوة....جلس على ركبه وصار وجهه قبال وجهها...حسس على شعرها ووجهها قال بعدم تصديق:ارز..ارز اصحي قومي...ارز شوفي شوفي شنو جبت لك...وحط يده بجبيبته وطال منها سلسال فضة عليه شكل كرات الثلج الجليدية...ارز قومي فتحي عيونك شوفي شنو جبت..ذا السلسال الي عجبك...ذا الي قلتي لي مرة انه نفسك تلاقي مثله من كثر حبك للثلج..ارز شوفي شوفي جبته لك...انا كنت بخبيه لك مفاجأة بعيد ميلادك بس خلاص مو مشكلة بعطيك اهو الحين...ارز...قومي يلا عاااد بلا بياخة...ارز مو وقت مزحك الحين...شوفي ان ما قمتي الحين انا باخذ السلسال وبروح عليك...ارز ليه ما تردين...؟شفيك قومي..وقعد يناظرها شلون ما ترد ولا تتحرك جثة هامدة...قام ومسكها من كتوفها وقعد يهزها بقوة:ارز ردي علييي...ردي ليه ساكتة..ارز فتحي عيونك ردي علييييي...ونهار بالبكا ااااااااارززززز قوووومي....وحضنها ارز لا تروحي وتتركييني ارز انا بعدك امووووووووت....ااااااااااارز...ورفع راسه للسما وصارخ:اااااااااااااااااااااااااااه يااااااااااااااااااااااااارب..يااااااااااااااااااا ااااااارببببب
نسيم وهمام وحتى زيد ما قدروا يمسكوا دموعهم على المنظر الي يشفونه قدامهم...



بعد ما مر على الاحداث الاخيرة خمس سنين

سيف وريماس تزوجوا وجابوا توأم ولاد..وبنت
ريهام رجعت لاحمد وسامحته وتزوجوا وعايشين احلى حياة واهي الحين حامل باول طفل لهم

ام زيد خطبت هبة لزيد من بعد ما قالها انه يبغى يتزوجها...
همام ونسيم خطبوا..
هيثم واريج تزوجوا جابوا بنت واهي الان حامل..
انوار وايهم تزوجوا وجابوا ولد..
ليث سافر لجل يكمل دكتوراة..من بعد ما خلص الماجستير..
والباقي كانت حياتهم مستمرة كالمعتاد..

في بيت سيف وريماس...

كان سيف يلعب ويا ولاده التوأم (تامر وسامر) على لعبة المصارعة بالبلايستيشن وداخلين جو اخر شي وحماس وصرييخ...
تامر يقول لابوه:يلاا ..اذربه هنا..لا لا بابا بابا بتخثر الحين لاا..
سامر بيضحك بشر:هعهعهعهع انا الي بفووذ..
سيف:اقول اذلف انت ووجهك..اعرف اتكلم الاول بعدها تعال قول انا الي بفوز الحين بتشووف شلون ابوك بيغلبك....
طبعا كل ذا والبنت الصغيرة بتبكي فقعت من الصياح والبكا...وهم ولا هنا..جت ريماس شافت شلون حاطين البنت عالكنبة بين الوسايد لتقع وبتبكي وسيف وولاده داخلين جو باللعب...
جت خذت البنت وقالت واهي واصلة حدها منهم:مااالت عليكم وعلى الي بيعتمد عليكم بشي...كذا اقول لكم خلو بالكم على الصغيرة لين ما اجيب الغسيل ارجع الاقيها طاقة روحها من الصياح وحظراتكم ولا هنا داخلنلي جو ويا ذا الزفت..؟
سيف:من جد لينا كانت تبكي..؟تصدقي ما انتبهت...
ريماس معصبة منه:انا اصلا عندي 4 اطفال مو 3...مالت عليك من بين الابيات....وراحت ونسيت قنينة الحليب على الطاولة..
سيف قام اخذها ولحقها...ريماس قاعدة بتطبطب على بنتها وتقول:خلاص يا ماما خلاص يا حبيبتي..الحق علي الي بعتمد على ابوك المطفوق والمرجوج بشي...
هنا سيف مد لها قنينة الحليب وجلس بجنبها وببتسامة:افاااااا..الحين انا مطفوق..
ريماس خذت القنينة منه:ومرجوج بعد...
سيف:ربي يسامحك...بس برضو احبك يا جميل..
ريماس ابتسمت:وربي انك رايق...

في بيت ابو سام..
نسيم كانت جالسة على المرجيحة بالساحة االخارجية وكانت تشرب شاي....جه همام وكان مخبي ورا ظهره وردة..تقدم شوي شوي وجه من وراها ومد لها الوردة...وقال ببتسامة:يسلملي الي قاعد يشرب شاي برواق هنا..
نسيم ضحكت:هههههههههه تعال اجلس وياي وبجيب لك كوب الحين..
همام واهو يجلس بجنبها:وانا اقدر ارفض عرض مثل هذا..
نسيم قامت:ثواني ويكون الشاي عندك..

على البحر...
كان سام واقف ويطالع البحر ويتامل فيه بعمق....خذ نفس عميييييق واطلعه...بعد شوية جت بنت عمرها 3 سنين تركض لناحية سام وتقول:بابااااا...
سام التف لها وابتسم حملها ولف بيها وقال:عيون ابوك يا روحي..
وبعدها ناظر للي جاية له...قربت منه وحضنته من خصره واهو حضنها ممن كتوفها:شفتي كيف ربك راد لك تعيشي واحلامك تحققت..؟
ارز:الحمدلله...وربي يخليكم لي ولا يحرمني منكم ابد..وباسها على راسها
سام:مدري الي صار معجزة ولا ربنا رأف بحالي..لكن كيف قلبك رد دق مدري....ولحسن الحظ القلب الي كنا طالبينه كان واصل وزيد كان جاي يبشرنا بهالشي...اااخ يا ارز بحمد ربي مليووووون مرة الي عطاني فرصة اعيش ويياك ونجيب احلى بنت بالدنيا....ربي يخليكم لي يا كل دنيتي...
ارز باسته على خده..وباست الصغيرة:ويخليكم لي يا اغلى ما لي في حياتي...

وبكذا كانت نهاية قصتي انا ارز...تحملت وصبرت قاسيت وعانيت تالمت وبكيت رغم كل القسوة الي مريت فيها والظلم الي تعرضت له...وقرارت تتاخذ من غير ما يكون لي رأي فيها....والاسى والحزن والقهر ...بحمد ربي الي اعطاني فرصة ثانية اني اعيش وسط حبابي وصحابي...وبعيش اطلب من ربي المغفرة والسماح على اني فكرت انهي حياتي وانا املك هالحق....بس الحمدلله ربي الي عوض صبري خير ورزقني احلى زوج واجمل واروع بنت....بالنهاية احب اقول الي بيصبر بينال بس نتوكل على الله واهو كفيل يبدل حزنا فرح وضيقنا سعادة..وفي النهاية اقول دمتم بود ومع السلامة..


>>>>النهاية<<<<

اتمنى تكون روايتي نالت اعجابكم احبتي واتمنى لكم كل خير ودمتم بحب وود

Good bye ©؛°¨غرامي نشيط¨°؛©

حلوووووووووووة نهاية مثلك
يسلموا يا عسل

كيإني ©؛°¨غرامي جديد¨°؛©

روايه جميله

آحاسيــس ~ ©؛°¨غرامي فعال ¨°؛©

المشاركة الأساسية كتبها الارز اقتباس :
مررحبا حبايبي كيفكم..اسسسفة كتير كتير على التأخيير بس كان غصب عني..في عندي هاي الفترة ضغط شغل رهيييب كنت اروح مش قادرة اكتب كلمة..سامحوووني على الغياب الطويل...وانا تعويضا عن التأخير طولتلكم الفصل عن المعتاد....استمتعوا

>>>>الفصل الواحد والاربعون<<<<

ثاني يوم .....

في الاوتيل...
كانت ام ارز وحبيبها جالسين في اللوبي....
جيرالد:اجل يا عزيزتي هل بعثتي لابنتك رسالة من اجل ان تلتقوا لكي تعطيكي المبلغ الذي طلبته..؟
تيلدا: لقد ارسلت لها رسالة لكنها لم تجبني لا ادري لماذا...سوف ابعث لها مرة اخرى الان..
جيرالد: حسنا..انا سوف اذهب قليلا للخارج واخبريني بماذا سوف تجيبك..
تيلدا: حسنا يا عزيزي...
من بعد ما راح جيرالد تيلدا بعثت رسالة لأرز بتقول فيها انها تبغى تلقاها ضروري اليوم في الكوفي الساعة 12..وقالت لها انها تحتاج 100 الف دولار ضروري..

في قصر ابو همام تحديدا غرفة أرز...
كانت قاعدة عالسرير وتفكر بكلام سام عن امها الامس ومعقول يكون كلامه صحيح ولا قال كل هالكلام لجل ينرفزها ويعصبها..؟في هاذي الاثناء وصلتها رسالة امها فتحت المحمول وقراتها قعدت تتأملها شوية بعدها تنهدت وكتبت انها موافقة تشوفها وحتجيب المبلغ وياها ....ورمت المحمول بجنبها ورجعت راسها لورا وقالت: اجل اليوم بنشوف ان كان صادق او يكذب.....بعدها مسكت محمولها وترددت ترن على سام ولا تدز رسالة..؟ بعد تفكير شافت ان الافضل تكلمه صوت احسن شي...ودقت عالرقم وقلبها يزيد دقاته مع كل رنة تسمعها....

في المستشفى ...
سام كان قاعد بالمكتب ويناقش حالة صعبة ويا زيد...رن محموله ناظره لقيها ارز استغرب من الاتصال عمرها ما دقت عليه....مسكه ورد: السلام عليكم..
أرز متوترة:..وعليكم السلام...
سام:هلا أرز شخبارك..؟؟
أرز:الحمدلله بخير...
سام:ايه الحمدلله ...اجل أرز ليه داقة صار شي..؟؟
أرز ما زالت متوترة:اجل فيه شي جديد بخصوص الموضوع الي كلمتني فيه..
وناظر لزيد الي كان جالس وبيده الملف...قام من الكرسي وقال:خليك معي لحظة بس....سام قال لزيد:بروح شوي اكلم وارجعلك..
زيد ابتسم:خذ راحتك يا الحبيب...
من بعد ما خرج سام..وقف بالممر:اجل يا ارز قولي شفيه..؟
أرز: اليوم امي بعثت لي رسالة تقول انها تبغى تشوفني وتبغى فلوس..
سام:ايه كملي..؟
أرز:قالت بتشوفني اليوم الساعة 12 بكوفي وقالت لي تبغى 100 الف..
سام: ماشي ردين انك موافقة وانا بجيب الفلوس وبمرك عالموعد بتكونين جاهزة لجل ننفذ الي اتفقنا عليه ماشي.؟
أرز :ماشي..
سام:اجل سلام وان شاء الله بجيك عالموعد...
ارز: فمان الله...
أرز قفلت منه واهي قلبها يدق ما تدري اهو خوف ولا توتر لانها كلمته...ما تدري شنو الي قاعد يصير وياها كل ما ينجاب طاري هالرجال ينقلب حالها...يا خوفي اكون وقعت بحبه وانا مدري...اااخ ياربيي..
سام من بعد ما قفل ويا أرز سرح مع نفسه شوية( شنو الي قاعد يصير وياي انا ليه كل ما اتكلم وياها اتذكر عيونها الساحرة الي تقتل بجمالها...ليه يا ارز تخطرين عبالي كثير..؟ليه كل ما اقعد ويا نفسي شوية تجين تتسللين لافكاري وشوف صورتك قدامي..؟؟شعور مو قادر اسسيطر عليه بيجتاحني ومو قادر اوقفه...خلاص انا استسلمت ما عاد اقدر اخبي احساسي اكثر من كذا...انا لازم اعترف لها والي يصير يصير...

نروح الحين لمكان ثاني....
عند البحر بمكان مرتفع على حافة عالية كثير عن البحر...
كانوا واقفين اريج وهيثم..
هيثم: مين قلبي انا..؟؟
اريج بضحكة خجل:ههههه بسك عاد يا هيثم..
هيثم قضب حواجبه تصنع الانزعاج:افااا كذا تكسفيني خلاص زعلت..
اريج ضربته على كتفه عالخفيف: خلاص يا هيثم عاد بلاش استهبال..
هيثم مساوي نفسه زعلان: لا خلاص زعلت ما تكلميني..
اريج: يوووووه يا هيثم لا تصير بزر...
هيثم: وبعد تقولين عني بزر لا السالفة كذا كبرت يبغالها قبايل تحله...
اريج:ههههههههههه الله يرجك قبايل شنو بعد هو انا قتلت قتيل وانا مدري..؟
هيثم:ايييه قلبي الحين جريح ينزف لجل الكسفة الي الحين..
اريج:ممممممم طيب وشلون نداوي قلبك ذا..
هيثم:قولي احبببك هيثوومي..
اريج:ممممممم اقول بس بشرط..
هيثم:بعد فيه شروط شنو هالحب الي كله ذل ..؟
اريج:هههههههههههه ..اقولك بس ابغى اشوف الاول كم تحبني..؟
هيثم رفع حاجب: وشلون بالله...؟
اريج وهي تأشر عالبحر من المكان العالي الي اهم فيه...ان قفزت للبحر من هنا وقتها انا بداوي قلبك وروحك بعد...
هيثم بس كذا..؟؟
اريح تناظره بشك:اييييييه بس كذا...
وما لحقت تكمل الجملة الا تشوف هيثم قافز ويقول بصراخ:مييين حبيبيي...وغطس بالمييي..
اريح ناظرت للاسفل بخوف ما توقعته مجنون لذي الدرجة ويساويها....بعد ما شافته طلع من البحر ويلوح لها بيده قال بصوت عالي وصراخ...يلااااا قوووليي...
اريج :ههههههههههه احبببببببببببك يا مجنووووووووووووون

فيلا ابو احمد....
في غرفة احمد..
كان قاعد على الكنب وفاتح صور ريهام ويناظرها وقلبه محروق ويبكي بحرارة كيف خسر الانسانة الوحيدة الي حبها وبكل غباءء ظيعها من يده...
_اااخ يا ريهام اااخ وربي من بعدك انا عايش بلا روح اااخ شقد اشتقت لك ولصوتك وظحكتك وكلامك ودلعك....ريهام يا ترى بتسامحيني ولا خلاص قلبك قسي..هههههههه قال تسامحني قال ادري انه مستحيل من بعد الي ساويته فيك....اااخ يا حبي الوحيد...
احمد كان فاقد الامل وفاقد كل رغبة بالحياة يحس روجه بتطلع منه شوي شوي...مسك محموله وقرر يبعث لريهام اخر رسالة واهو متأكد انها ما راح ترد عليه بس حب يجرب...
(ادري اني واحد نذل وواطي...ادري اني ظيعتك مني بسبب غبائي وكبريائي الغبي...ادري اني ما استاهل تسامحيني...بس يا ريهام وربي اني تعبان من غيرك احس اني بموت ارجووك ارجوك سامحيني...ريهام يا حبي الي غاب من عمري انا وربي حياتي عذاااب من غيرك انا نحرمت الهنا....من بعدك لمين الورد بينحني وبتشرق لمين شمسك يا دنيا...ارجوك يا شمس حياتي وروحي ارجعيلي وربي وحشتيني...اعطيني فرصة اخيرة وانا اوعدك ما راح ازعلك بحياتي ارجوك يا ريهام ارجوك...)بعثها ورمى المحمول بجنبه وقعد يناظر بالفراغ...

فيلا ابو همام...
ريهام كانت جالسة بالحديقة الخارجية وماسكة بيدها خاتم الالماس الي احمد اعطاها اياه...كانت قاعدة تتأمله بحزن واسى...وفجأة محمولها رن بنغمة رسالة مسكته شافت الرقم...فتحت عيونها بمفاجأة:ذا رقم احمد القديم...!! فتحت الرسالة وقرت المكتوب حرف حرف وردت قرتها مرة ثانية وثالثة ورابعة ودموعها تنزل على خدودها....حست انها مشتاقة له حييييييل كان نفسها تقوله سامحتك يا حبيب روحي سامحتك..بس كرامتها ما سمحت لها والجرح الي تركه بداخلها منعها ...كل الي ساوته انها حضنت الخاتم مع المحمول وغرقت بدموعها...

في احد المطاعم كانت هوازن جالسة ويا ضحية جديدة وقاعدة تلعب لعبة جديدة لجل تتسلى...كان في واحد قاعد على طاولة ثانية ويراقب فيها وكان له مدة يراقبها وكل مرة تروح للمطعم ذا اهو يلحقها ويقعد يناظرها بنظرات حقد وكره....
هوازن:ايه يا قلبي ما قلتلي ايش الهدية الي بتجبلي اهي بيوم عيد ميلادي..؟
الشخص الي تكلمه اسمه فارس:يا قلبي انتي امري وتدللي وكل شي تبغيه يجي لعندك..
هوازن بدلع:مممممم ابغى عقد الماس..ها يقدر حبي يجيبه لي ولا بيرفض ويخليني حزينة..؟
فارس ذاب عليها: ايه يا قلبي غاالي والطلب رخيص...من عيوني انا الي اجيب لك احلى عقد الماس لعيونك كم روري عندي انا..؟
هوازن بضحكة دلع:هههههههههه يا قلبي فديتك..

قصر ابو سام...

ليث كان قاعد في الصالة ويتفرج على التلفزيون حس نفسه طفشان حييييل ...مسك محموله ودق على سيف....

سيف كان قاعد يرسل لريماس رسائل حب وغزل...وجاله اتصال ليث..
سيف..يوووه يا ليث وقتك الحين تدق اففف...
سيف: نعم شتبي..؟
ليث:بسم الله علي...خير ليه الاخلاق مقفلة..؟
سيف:لانك قاطعت علي اجمل لحظات بحياتي ...
ليث:اقول خف علينا يا دنجوان زمانك...
سيف:اقووول اخلص عاد قول ليه داق شتبي..؟؟
ليث:الحين لك كم ساحب علي ولا تدق يا نذل لا تقول صديق طفولتي وابن عمي اشتقت له بكلمه...من اول ما خطبت للحين يادوب طلعنا كم مرة وحتى ان جيت لهنا تقعد ويا ريماس شذا الصديق الي ما يعرف للوفا مكان..
سيف رفع حاجب: والله ان كنت غيران روح اخطب والتهي ويا خطيبتك ما احد مانعك...
ليث: لا ما ابغى اتزوج او ارتبط الحين ابد خليت الحب والعشق لكم...
سيف بتملل: اجل شتبي داق قول يا ليث تراني بديت انرفز ها..
ليث: يما يعني خطبناك وعرسك قريب وبعد ما زال الاسلوب عندك معدوم...
سيف بنرفزة: وربي يا ليث ان ما قلت الحين شتبي انا بقفل الخط بوجهك..
ليث:افففف من هالاخلاق....اقول انا داق لاني احس اني طفشاااااان حيييل وربي مخنوووق ابغى كذا رحلة او سفرية مرتبة اغير فيها جو..
سيف بتفكير:مممممممم تدري عاد خطرت لي فكرة حلوووة..
ليث:ها قول.
سيف:شرايك نروح لبيتنا بيت العايلة تبع جدنا.. الي على جبل الثلج..؟؟بنروح احنا كلنا
ليث:مين كلنا..؟؟
سيف:انا و خطيبتي وهيثم ويا خطيبته وسام ويا ارز وبجيب ريهام وهبة وانت ونسيم وبنقول لزيد ان كان فاضي ويقدر يجي وايهم ان حب يجيب خطيبته اهو حر..
ليث رفع حاجب: لا عاااد احلف...انا اقترحت نروح الشباب مو كل واحد يجر لي خطيبته وانا اقعد ويا نفسي وما كون استفدت شي...
سيف: يا اخي لا تصير بايخ..انا اوعدك بقضي الوقت اغلبه وياك خلاص عاد...
ليث تنهد:ماشي امري لله شساوي مجبور اقبل ترا الطفش واصل حده وياي..
سيف:اجل حلو اليوم انا بكلم ايهم وانت كلم سام وهيثم وخبرهم وخليهم يخبروا الباقي...
ليث:ماشي ان شاء الله ..
سيف: يلا الحين بقفل ولما تخبر الجميع وتتفقوا على وقت ويوم بتردلي خبر..
ليث:ماشي يلا روح مع السلامة..
ليث من بعد ما قفل ويا سيف كلم الجميع والكل وافق ورحب بالفكرة الا سام الي ما كان يرد ...قال انه بيكلمه بعدين وحددوا اليوم واتفقوا على الوقت...بعدها بعث لسيف رسالة قاله بما ان بكرا وبعده عطلة رسمية بيروحون يومين لجبل الثلج وبيطلعون الصبح بدري الساعة 7 لجل يلحقوا يوصلوا...وكذا اتفق الجميع على الرحلة بس كان باقي سام وارز..

نرد الحين لسام...من بعد ما صار الوقت استأذن من زيد وقال له ان عنده مشوار ضروري بيساويه وبيرد ان شاء الله... وطلع من المستشفى توجه لمصف السيارات الخاص ....ركب سيارته وانطلق لبيت عمه ابو همام..من بعد ما وصل دق على أرز وقال لها انه بينتظرها بالسيارة...بعد بشوية أرز نزلت وكانت تتقدم للسيارة بتردد وبطء مع خوف كبيير ....وقفت شوية مترددة ما تدري تركب ورا ولا قدام بجنبه...سام لما شافها كذا مترددة مد نفسه من مكانه وفتح لها الباب:يلا أرز بسرعة ما معنا وقت...
وركبت أرز وداخلها كثير مشاعر مختلطة....
أرز :جبت المبلغ..؟
سام ببتسامة جانبية: شايفتيني غبي لذي الدرجة لجل اعطي مبلغ مثل ذا بكل سهولة..؟
أرز ناظرته بتفاجؤ:اجل...كيف بنفذ الخطة...؟؟!!
سام بنفس الابتسامة:بكل بساطة انا جبت ذي الشنطة ومليتها بقطع اوراق فاظية..واشر على المقعد الي وراه...
أرز اكتفت بأنها تتنهد ..
سام: لا تخافين يا أرز انا بكون وياك وان شاء الله ما احد يقدر يظرك وانا بجنبك...بس ذي الخطوة لازم تتخذينها لجل تفتحين عيونك عدل على حقيقة الناس الي يدخلون حياتك كذا فجاة من دون سابق انذار لجل انهم يحتاجون يمشون مصالحهم على حساب مشاعرك الشخصية..
أرز: سام اوعدني تبقى بجنبي وتقويني بالي حساويه..
سام مسك يدها: اوعدك ببقى جنبك وما حتركك...
من بعد ما وصلوا للمكان الي اتفقت عليه ارز مع امها...سام صف سيارته بعيد شوي عن المكان ...ناظر لارز وقالها:لا تخافين انا بكون هنا شايف كل شي ..يلا روحي الحين وكوني قوية ماشي.؟
أرز هزت راسها بالموافقة خذت الشنتة ونزلت من السيارة وتوجهت لمكان ما امها تجلس...
كانت امها جالسة على طاولة بالكوفي لشخصين..وتناظر جيرالد الي قاعد اقبالها على طاولة ثانية...
من بعد ما وصلت ارز لها سلمت عليها بشوق كذاب ورحبت فيها ... تيلدا:كيف هالك(حالك) يا أرز...انت كويس ليه وجهك اصفر في انت شي..؟
أرز ببتسامة طالعة بالعافية: لا ابد بس شوية تعب من قلة النوم..
تيلدا:سلامتك يا قلبي...ايه أرز انا صراهة خزلانة(خجلانة) منك ومو ئارف(عارف) انا ايش اكول(اقول) بس انا مبلغ نكص(نقص) وائتبريه(اعتبريه) اخر مبلغ انا بطلب منك تئطيني(تعطيني)..
أرز هزت راسها وكملت تمثيل: ما تقولي هالكلام يما سبق وقلت لك انا مستعدة اساعد لين تقدرين توقفي على رجليك وما تحتاجين احد..ومسكت الشنتة حملتها ومدتها لامها..:خذي المبلغ الي طلبتيه
تيلدا ابتسمت بخبث وقالت:انا بوئدك بوئدك(بوعدك) راه (راح)رجئ(رجع) لك المبلغ كله ..
أرز هزت راسها ببتسامة زائفة :اجل انا الحين مضطرة اروح عندي موعد خلي بالك على نفسك يما..
تيلدا:ايه مئ(مع) السلامة..
أرز وصلت لمكان ما سام وركبت بالسيارة...وبقيت تراقب اهي وسام الي حيصير...
بعد شوية لقت امها وقفت وحضنت جيرالد واعطته الشنتة...ارز شهقت وحطت يدينها على فمها...سام طبطب على كتفها: معليش يا ارز ادري انه منظر صعب بس كان لازم تشوفين بعينك حقيقتها...ارز عصبت كثير ونزلت من السيارة بسرعة واهي منفعلة
سام شافها نزلت قعد يناديي:أرز...يا أرز ونزلت عطول راح وراها....
وصلت أرز لعندهم واهي تحس انها غضبانة من نفسها قبل امها الكذابة الي استغلتها بابشع طريقة..
أرز بغضب:هذا اهو محل الحلو الي تبغين تفتحينه وناقصك الفلوس...؟هذا اهو الي فضلتيه على عيلتك وزوجك وولادك..هذا اهو الي مستعدة تباني بأوسخ صورة قدامنا لجل تبقي وياه..؟؟ انت شنو ها انت شنو..؟؟ اشك انك من البشر اشك انك انسان انتي شيطااااااان شيطاااان...ياريتك كنتي متي ولا شفتك بذي الصورة الي بتنطبع بعيوني للابد....حسبي الله عليك بس ...انا تخدعيني وتستغليني لجل ذا الحقير...بس شقول انتم اثنينكم من نفس الطينة الوسخة نجبلتو فيها ...وربي ابوي معاه حق الي يكرهك وما يطيق ينجاب طاريكي قدامه الحين فهمت كل شي الحين وضحت الصورة قدامي...وربي اني ما استاهل يكون لي اب مثله..حسبي الله فيكي.. اسمعيني عدل من اليوم اعتبريني اني متت ورقمي ذا بتمسحيه من ذاكرتك وحياتك كلها...ولا تظنين انك ظحكتي علي لا يا ...ذي مجرد قصاصات اوراق فاظية خذيها واشبعي فيها ..وناظرتهم بقرف:اشبعي فيها انتي وحبيب القلب.....سحبت حالها وتوجهت لسيارة سام واهي معصبة ومخنوقة...
امها ما قدرت تتكلم بحرف ولا تقول شي وخايفة بس من رد جيرالد ليعرف ان الي في الشنطة مش فلوس...
جيرالد: ارى انك انكشفتي للمرة الثانية..
تيلدا: ارجوك يا جيرالد سوف اعيش تحت قدميك خادمة ولكن لا تتركني...
جيرالد: اسف فانتي تعرفينني جيدا والذي يبقى معي يجب ان يقدم مقابل مادي...
تيلدا:ارجوك سوف الاقي طريقة احضر لك فيها المبلغ الذي تريد..
جيرالد بضحكة استهزاء:هههههههههههه لو كنتي تستطعيني ذلك لما بحثتي عن ابنتك من اجل ان اعود لك والان وداعا للابد يا حلوة ولا تفكري بالتكلم معي او الاتصال بي والا حصل لك شئ لن يعجبك سمعتي..؟باي باي يا حلوة..
تيلدا قعدت على الكرسي ودخلت بنوبة بكاء:لااا لا اريد العودة لحياتي المزرية...

لما وصلت أرز لسيارة سام ركبت وقعدت تبكي وتبكي...سام كان يمشي ببطئ وراها شافها ركبت وقعدت تبكي تنهد واهو لف من قدام السيارة وركب مكانه...
سام:روقي يا أرز....
أرز واهي تبكي: شلون تبيني اروق..؟؟ياربي احس اني بنخنق..ليه ليه يستغلوني الناس عشان طيبة ولا لاني غبية..؟؟ليه انا الي يصير وياي كل ذا..؟؟ليه ليه مكتوب لي اعيش قهر والم والبكا يكون دوم مرافقني...ليه انا الي افقد اغلى ما عندي ..؟؟وتبيني اروق شلون شلون..؟؟
سام مسك يد أرز بحنية :طيب شرايك اخذك لمكان حيريحك كثير..؟؟
أرز هزت براسها مو قادرة تتكلم ...
بعد شوية وصل سام مع أرز للبحر...نزلوا ووقفوا على الشاطئ...مرت لحظات صمت طويلة...بعدها سام قال:تدرين انا كل ما اكون مخنوق من هالحياة كلها اجي لهنا اقعد هنا لساعات واراقب امواج البحر واهي تمشي ورا بعض موجة ورا الثانية وبكل موجة احس القهر والضيق الي بداخلي بيروح شوي شوي...كذا لييين احس اني هديت وارتحت...بعدها لف لارز ومسكها من كتوفها ولفها له....
سام بحنية واهو يناظر عيون أرز وأرز لما جت عيونها بعيون سام توترت وعطول نزلتهم للارض ما تبي سام يكشف ايش اهي تحس تجاهه...سام تكلم:ادري ان الي صار من شوية صعب عليك...بس كان لازم يصير ..بالحياة هاذي احنا ما نتعلم اي شي ببلاش ان ما تأذينا ووقعنا ما حنقدر نقوم مرة ثانية...أرز ناظريني ليه ما تناظريني..؟ أرز زاد توترها وكانت تناظر بضياع للارض...أرز قلت لك ناظريني...واهي على حالها وتوترها مع دقات قلبها بيزيدون...سام مسك وجهها ورفعه لمستوى وجهه...سام يناظرها بعمق:ليه تنزلين عيونك للارض...لذي الدرجة تكرهيني..؟؟وأرز ردت مرة ثانية زاحت نظرها مع وجهها لجنب....
سام ابتسم بحب لانه مجرد نظرة واحدة بعيونها قدر يعرف كل شي....قرب منها حيييل ما عاد يفصل بينهم شي...مسك ذقنها ولف وجهها له ورفعه وقال بحب:لا تظنين انك بذي الحركات تقدرين تخفين الشي الي تحسيه بداخلك تجاهي....
أرز بلعت ريقها وبتوتر:ااا.انا..ما..ما اخفي شي..
سام بتحدي:اجل ان كنتي ما تخفين شي خلي عيونك معلقة بعيوني ولا تبعدينها....
أرز زاد نفسها من قربها لسام ....وبصوت راجف وبهمس:سام اتركني...
سام ببتسامة جدا حلوة: لا مو تاركك...تدرين يا أرز انا حبيتك من اول مرة شفتك فيها...
أرز ناظرته بأستغراب:ها..؟؟
سام ضحك على رد فعل أرز:هههههههههه..لا مو ذيك المرة الي عورت يدك فيها...
أرز وزاد استغرابها.: اجل متى..؟؟!!
سام:وقت كنتي ترقصين...
أرز وفوق راسها مية عللامة سؤال:.....؟
سام:كنت يومها متخرج وراد للبلد جديد..وكنا انا وابوي جايين نزور عمي...وقتها الشغالة اضطرت تروح لجل ابنها....وعمي كان يبغى يقوم يجيب الضيافة وانا اصريت اجيبها عنه..ولاني غايب مدة طويلة فكنت ناسي القصر وما اذكر الممرات عدل...ولما رحت اجيب الضيافة وانا راد لهم..غلطت ببوابة الصالة ورحت للباب لي يودي للحديقة الخارجية..ووقتها سمعت صوت اغاني عالي لفيت وجهي ووقتها شفت ملاك ساحر يتمايل ويرقص قدامي....شفتك سحرتيني وعيونك وقتها لمعت لمعة للحين محفورة براسي ونحفرت من وقتها بقلبي ولا راحت....ما كنت متخيل بحياتي اني ارد احب مرة ثانية بعد الي صارلي وانا بدرس بأمريكا..
أرز مستغربة:اجل وليه يوم الي شفتني عندكم جيت زفيتني وصارخت بوجهي ومسكتني من يدي كنت بحسها حتنكسر...ووقتها كنت اول مرة اشوفك...؟
سام:خفت....
أرز:خفت...؟؟!!!
سام:ايه خفت لانك وقتها كنتي مسيطرة على تفكيري بالكامل...خفت ارد احب وانخدع من جديد كنت خايف ينكسر قلبي وكنت مو ناسي بعد طعم المر الي ذقته.....صح انا كنت اكره جنس حوا وما اطيقهم لكن من بعد ما عرفتك اكثر حبيتك وكاني الحين اعترفلك يا ارز انا ما عاد اقدر خبي مشاعري واكابر واظحك على نفسي اكثر من كذا....أرز انا احببك ايه احبك احبببك..
أرز بتردد وحزن باين بعيونها:بس..انا..
سام:انتي ملاكي وروحي ونفسي...لا تخافين طول ما انا وياك...ولا تقلقي ولا تخافي وتركي نفسك وحبيني ولا عاد تخبين اكثر...ادري انك انتي بعد تحبيني شيلي الهواجس الي براسك وريحيني وقولي...
أرز بحزن:ما ابيك تتعلق وبعدين..
سام عطول حط يده على فمها سكتها وقال:هوووسسسس..هذا قلبي وانا حر فيه يلا الحين سمعيني احلى كلمة ممكن اسمعها بحياتي...
أرز عيونها تملت دموع وما لقت نفسها غير تحضن سام وومن بين دموعها:احبك وربي احبك...
بعد ما أرز بعدت عن سام:مممم ما تبغى تقولي شنو الي صار وياك بأمريكا..
سام:اوعدك في يوم حقولك كل شي...
بعد ما مر ساعتين تقريبا على ارز وسام وهم على البحر...سام تذكر انه حاط المحمول على وضعية الصامت فقرر يطوله يشوف ليكون احد رن من المستشفى او شي...ما لحق يحطه عام الا محموله يرن..سام نفزع:بسم الله الرحمن الرحيم ما لحقت اطوله لسى..
أرز:هههههههههههههه..بسم الله عليه حبيبي..
سام ناظرها بحب:فديت الي يقولون حبيبي يا ناس..
أرز:ايه رد عالي يتصل الحين بيفصل.
سام:ايه خليه يولي ذا المفهي ليث..
أرز:ههههههههههه حرام عليك رد عليه شوف شيبي
سام :من عيوني يا قلبي...سام رد:السلام عليكم.
ليث شوي منرفز:بدري تو الناس...كم مرة صرت داقق لك للحين لرديت كنت بفقد الامل وبقفل خلاص..
سام:لا يكثر بس وقول شتبي..؟
ليث:اوف مدري شفيكم اليوم علي انتوا مطلعين اخلاقكم الشينة لي..
سام:لييث..
ليث:ماشي ماشي ....اتفقت مع الشباب ان بكرا نروح لبيتنا الي موجود على جبل الثلج بنام هناك يومين...والكل موافق بس باقي انت وارز ..ها شقلت تروحون ويانا..؟؟
سام:الكل رايح شباب وصبايا.؟
ليث:ايه كل واحد مع خطيبته ومع بنات عمي عدنان ريهام وهبة ..ونسيم
سام بعد تفكير لقي انها فرصة حلوة يقوي علاقته مع أرز وبنفس الوقت يخليها تنسى الي حصل لها من شوية:اجل خلاص احنا موافقين..
ليث:اجل ماشي بكرا الساعة 7 التجمع قدام بيتنا..
سام:ان شاء الله..
ليث:يلا مع السلامة..
سام:فمان الله
أرز تناظر سام بتساؤل:شنو يبي..؟
سام:يقول انه بكرا بنطلع رحلة لجبل الثلج وبنام يومين هناك وان كل شباب وصبايا العيلة طالعين ووباقي انا وانتي وقلت له انه موافقين..
أرز رفعت حاجب:اجل وشلون تقرر عني..مش يمكن ما ابغى اروح..؟
سام:ايه يا روحي مو على كيفك باخذك انا غصب..
أز:لا والله..
سام قرص خدها:ايه والله..
بعدها سام رد أرز للبيت و راح للمستشفى...

في قصر ابو همام....
من بعد ما ارز رجعت راحت تقعد للمكان الي دايما تقعد فيه... كانت تحس بتأنيب ضمير تجاه ابوها وشلون قعدت تنتقم منه وتكلم امها وتودي لها فلوس وبالاخر الفلوس ذي تعطيها لحبيبها...حست بجد انها مضايقة من نفسها..تحس انها مغفلة وغبية وساذجة لدرجة القرف...بهاذي اللحظة جه ابو همام لجل يطمن عليها...ابو همام لما وصل لعند أرز:شخبارها غلاتي..؟؟
أرز ناظرت لابوها واهي من داخلها حزيينة وتحس انها ما تستاهل ابوها...عطول قامت وحضنت ابوها:يبا احبك وربي احبك...سامحني سامحني..انا بنت عاق ما افهم وغبية ونفجرت أرز بالبكا...
ابو همام بقمةاستغرابه:خلاص روقي يا قلبي اهدي اهدي...

في المستشفى..
من بعد ما سام وصل كان يحس بفرحة كبيرة...ما بعمره تخيل يرد يأمن لبنت من جديد..لكن الي يحسه مع أرز حتى مع منيرة ما عمره حسه...ولكن للاسف فرحة سام ما اكتملت من اول ما رد المستشفى شاف بوجهه اخر حد كان يحب او متخيل يشوفه بحياااته....
منيرة ببتسامة خبيثة:مرحبا يا حبي...
سام بتفاجؤ:انتي؟!!!!!


>>>>انتهى ىالفصل<<<<
يا فرحه ما تمت، بغض النظر ان الروايه حلوه ومشوقه، الاسم العجيب ارز شيحس فيه يوم سماها ارز كان جوعان ولا شجوه الاخو

آحاسيــس ~ ©؛°¨غرامي فعال ¨°؛©

اطلق ناسات سام وارز ناقصهم بس بهارات

آحاسيــس ~ ©؛°¨غرامي فعال ¨°؛©

المشكله اسم منيره دايم يوحي لوحده عاقله رزينه واعيه للي تسويه مو ابليس فرع الحريم

آحاسيــس ~ ©؛°¨غرامي فعال ¨°؛©

it's so so a beatiful novel, i can be patient yo end this novel. you're so amazing .thanks

Eman zghoul ©؛°¨غرامي فضي¨°؛©

رووووووووعه

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1