غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 26-11-2018, 06:57 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي



البارت الرابع

مروي بتعب/احس نفسي بديت اتعود بس اليوم ما ادري شفيني تعبانه شوي؟

فله بمحبه /تقدرين ترتاحين مروي باقي حاله الحين جوري سعد.

دخلت وهي ترمي السلام ردوه بهدوء لتجلس علي الكرسي بعد ما خلعت نقابها فله ببسمه مهنيه/عسي ما شر يا جوري ؟

جوري ارتاحت للدكتوره اللي اقل ما ينقال عنها حلوه/ضرسي يا دكتوره متسوس.

طيب فتحي فمك/قالتها وهي تلبس قفازتها وتناظر ضرسها اللي باقي له شوي وينكسر .

قالت بهدوء/جوري ضرسك تري باقي له قليل وينكسر يبغاله حشوه وتلبيسه او خلع بس نصيحتي لك لا تخلعينه تري كل سن من اسنانك له اهميه وما يصير تخلعينه.

جوري تنهدت/طيب فيه بنج؟

فله ناظرت مروي وضحكت/فيه بنج بس لا تحاتي بسوي لك بنج موضعي عشان ما تحسين بوخزة الابره.

مروي وهي تجهز الادوات للدمتوره/تري الدكتوره فلة ايديها خفيفه حيل.

جوري بنفسها واسمها بعد حلو فله لو اخواني شوي هاديين كنت خطبتها لهم بس اخواني ذول يبون وحده قشره مثلهم.

بعد نصف ساعه خلصت لجوري وهي تقول/حاولي كذا ساعتين ما تاكلين عليها شيء او تاخذين شيء ساخن وارجعي باكر عشان نكمل الجلسه وبعدي عن الاكل القاسي والزيتون.

جوري وفمها ثقيل بسبب البنج/مشكوره دكتوره.

فله/العفو ما تشوفي شر يارب.

@@@@@@@@

ريفان بهدوء/ياسمين كل اللي طلبتيه صار ما تركت شيء.

ياسمين/قدها يا بنت ابوي.

ريفان ببسمه/اعجبك انا الا ياسو ريحان ما ادري شفيها مو علي بعضها زواجها ذاك مقلقها.

ياسمين وهي بعدها ما عرفت اللي متزوجها وهالشيء خفف توترها لانها ما اعرفته يعني يمكن يكون شخص زين او شخص مو زين وواصل الله يستر بس/امره هين يا ريفان الحين بس ابي اعرف اللي قتلك عليه قانونيا شنو ما ابي اي ثغره.

ضحكت/والله لو درستي قانون كنتي راح تكونين توب بس دخلتي ديكور ذا.

ياسمين /وابدعت فيه تركت شغل مصاصي الدماء لك ما علينا ابيك هاليومين تحاولي ما تروحين الشركه .

هزت راسها بالموافقه.

وشرايك الحين نقوم نسوي العشا بصراحه ياسو مشتهيه معكرونه بشاميل/قالتها بحماس.

ياسمين/تعالي يلا انا بعد جوعانه ما اكلت الغدي ولا افطرت.

حطت ايدها علي كتفها/خفي علي نفسك.

ببسمه حنونه لا تبتسمها الا قليلا ولاخواتها بالتحديد/برتاح يوم ارتاح من خالك وامه.

ريفان بحده ملاحظتها/بس ما تلاحظين انه جدتي متغيره وصارت ما تحاكينا علي الطالع والنازل صاير شيء؟

ياسمين بسخريه/جدتك متزوجه واحد عمره25 سنه.

فتحت عيونها العسليه بصدمه بانت علي ملامحها/نعم..ومنو ذا اللي متزوجها وراضي كذا؟

ببرود/عشان فلوسها والا تراه متزوج غيرها بس عايش علي فلوس جدتك اللي معها مراهقة متاخره.

ضحكت ريفان بصوت عالي/بصراحه مو قادره اتخيل...الله يعين ...اردفت بعد قليل/ياسو وحده من الموظفات فاتحتني بموضوع زواج من خالها.

ياسو بهدوء/انتي شرايك؟

هزت كتوفها وشتت نظرها/ما ادري مو مرتاحه للموضوع وبنفس الوقت مو قادره انسي مو قاده اتخيل نفسي مع ريال ثاني وبنفس الوقت ما ادري احس اني مشتته.

ياسمين بهدوء/استخيري واللي يريحك سويه بس ريفان تري العمر ما ينتظر احد توك 26 سنه بس لازم تفكرين بحياتك واللي راح ما يرد بس من رايي انك ترفضينه بعد ما تستخيري لانه لو نفس الشخص اللي ببالي ما ينفع لك.

ريفان ناظرتها بحده/انتي تشتغلين مع سي اي اي والا شلون؟

ضحكت بخفه وهي تبوس كتف ريحان/خواتي لازم انتبه لكم..

ريفان بنص عين/احيانا احس انك انتي اكبر مني انا وريحان شايله كل شيء ما ادري وش راح كنا بنسوي بدونك.

راح تكوني اقوي بدوني راح تعتمدين علي نفسك/قالتها وهي توقف وتهتف ببسمه/يلا علي المطبخ وترا بطبخ وانتي تغسلين.

ريفان بضحكه/الله يرحم اللي اخترع جلاية الصحون يا عمري.

@@@@@@@@

نزل من غرفته وناظر امه جالسه بالصاله تتقهوي لحالها اقترب منها ليقبل راسها بحنان وهو يهتف بصوت رجولي/هلا بالغاليه بالعاده هالوقت منيره عندك شعندها مختفيه؟

ابتسمت امه بحنان لذكر ابنتها الوحيده وبكرها واول فرحتها/مشغوله يمه بملكه قمر عسي الله يسعدها.

كشر وهو يفكر شلون يوافقون علي نواف ذا ما انبلع معه ابد/وبنت عمي شلون وافقت علي الزواج مو ما تبيه؟

امه باستغراب/شيخصها بنت عمك في الزواج يا مشعل قمر خطبها بدر .

تهلل وجهه وهو يسمع كلام امه/ما خبرني بدر وانا صارلي كم يوم ما مريت مجلس عمي انشغلت بالشغل.

امه بحنيه/لا تقاطع عمك يا ولدي ذا من ريحة ابوك الغالي الله يرحمه يارب.

امين/قاللها وهو كل ما يناظر عمه يتذكر ابوه اللي توفي بحادث سياره الله يرحمه يارب.

مشعل ببسمه/الله يحفظه صقر.

امه بنغزه/والله يحفظك يا ابو فهد0

ابتسم فامه تحاول ان تفتح موضوع الزواج بطريقه او باخري امه بالنسبه اليه شيء غالي فوق السحاب وبين النجوم فهي تخلت عن كل شيء من اجل تربيته الا ان اصبح جراحا وتخلت عن فكره الزواج ولم ترضخ لجده والدها بان تتزوج احيانا يحس بانانيه لانه لا يريدها ان تتزوج لكن لا يستطيع ان يفكر ان يكون رجل اخر مكان والده.

@@@@@@

ركبت سيارة زوجها وهي مبتسمه رمت السلام ليرد عليها بهدوء وهو يسال/شلونك الحين مروي عساك احسن؟

ببسمه /الحمد لله حبيبي.

نظر اليها مطولا فهو لم يسمع غزلها منذ ايام/الله يدوم الفرح.

بهدوء/امين...شرايك نتعشي بري ساري.

ساري بحنان/عندي خطه احلي شرايك نروح فندق ال نتعشي وننام هناك.

بسعاده غامره/ما عندي مانع بس ما عندي ملابس.

ببسمة عاشق/نمر السوق ناخذ اللي تبيه وبعدين ما اظن تحتاجين شيء وغمز لها.

صبغ وجهها باللون الاحمر خجلا من زوجها الذي لا تطيق صبرا حتي يصبحا وحدهما حتي تزف له اجمل خبر تلقته في حياتها.

@@@@@@@@@

صحت فضه علي صراخ ولدها الهادر لتخرج مسرعه وهي تقول/شفيك يا فواز شصاير؟

فواز بغضب/فيني قهر ياسمنو الزفته وقفت كل حساباتي وكل ارصدتنا وحتي شركتنا الخاصه جمدتها وينها اليوم بذبحها .

رومو رومو

اتت راكضه لاهثه وخائفه/نعم بابا.

فواز/روحي نادي بنات زفت.

رومي بخوف/بابا بنات ما فيه يطلع متاكر ليل ما يرد.

فواز ركض لشقتهم اللي كانت مفتوحه وخاليه الا من الاثاث زمجر بغضب /وينهم بنات ابليس وينهم.

قلب الشقه فوق راسه ما ترك شييء الا كسره.

ليخرج وهو يسال السايق وين اخذهم.

السايق بخوف منه/بابا انا ما وصلت احد هم روحو لحالهم0

دفه بقوه/اذلف عن ويهي لا بارك الله فيك .

السيارات كلها موجوده راح عند الكاميرات عشان يشوف بس لم يجد شيء تلك الافعي اطفاتها .

امه/وين راحوا؟

فواز/مالهم مكان يروحون له بجيبهم من تحت الارض.

@@@@@@@@@

ياسمين تنهدت براحه ولاول مره تحس بهذه الراحه فالجزء الاول من خطتها قد انتهي الان بنجاح وافضل مما كانت تريد ايضا تدفع الكثير الان لتري وجه خالها وجدتها .

الان فقط ستبدا في تصفية حساباتها كل شيء ستصفيه معهم .

ناظرت فله اللي تلعب بجوالها وماله علي الاخر لانها مراح تروح شغلها ريفان مندسه بين اوراقها تعمل وتلك العاشقه في المطبخ تحضر الريوق لمعة الحب في عيني اختها لم تفتها وتمنت ان ينتهي هذا الامر بسهوله والا ينفطر قلب اختها.

لن يطول الامر كثيرا جدتها لن تفعل شيء عشان لا ينفضح امر زواجها بين الناس وخالها تفكيره المحدود لن يجعله يجدها ابدا فهي ابنة رجل علمها جيدا كيف تحافظ علي نفسها.

ريحان ببسمه/الريوق جاهز.

جلست الي الطاوله وهي تنظر الي الافطار ورائحة القهوه انعشتها سمعت فلة تقول/من زمان ما حسيت بريوق صافي.

ريفان ببسمه/ايه والاخت ريحان مسويه ريوق اوروبي بان كيك وما ادري شنو انا ابي جبن وزيتون وعيش.

ضحكت ريحان/اقول اكلي وانتي ساكته ما فيه لا جبن ولا زيتون اللي متسوق شكله اوروبي وناظرت اختها ياسمين ببسمه.


@@@@@@@@


وينك يا ابو راشد اطلع لي/كان واقف بالحديقه يصارخ بصوت عالي؟

مساعد طلع من بيته اللي كان يمين بيت ابوه وبينهم باب مشترك ليهتف بحده/شفيك انت تصارخ ما تحشم احد.

فواز بحده/اطلع منها انت يا مساعد انا ابي ابوك.

مساعد بحده/ادخل المجلس وقول وش عندك مو تصارخ بري البيوت.

دخل مساعد المجلس بعد فواز ليجد ابو راشد جالس بكل هيبته وبجانبه فهد ولده اللي عيونه تقدح شرر بس ماراح يتكلم بوجود ابوه وجده.

فواز بغضب/وين البنات يا صقر؟

ابو راشد تغيرت ملامح وجهه بخوف/وش قاعد تخربط يا فواز اي بنات؟

فواز بسخريه/لا تقعد تسوي فيها ما تعرف بنات ولدك سعود وبنات اختي.

مساعد رفع عيونه باستغراب لذكري اخيه واقرب من روحه الذي مات غدرا/بس سعود ما عنده الا بنت وحده وتوفت.

فواز/غلطان يا مساعد سعود عنده اربع بنات وانتم تخليتو عنهم عشان ....سكت.

ابوراشد بحده/فهد طلع ذا النجس من هنا.

فهد بسرعة البرق مسكه من ثوبه وجره بري المجلس ليحذفه خارج المنزل باقوي ما عنده حتي ارتطم بسيارته واخبر الحارس الا يدعه يخرج مرة اخري.

بالمجلس

مساعد قرب من ابوه اللي صار يتنفس بصعوبه /يبه شفيك؟

صقر بضعف يحسه لاول مره/ما فيني شيء..خلي وافي يجيني الحين.

وافي دخل بسرعة البرق /يبه.

ابوه بحنان/يبه سو اللي قلت لك عليه.

طلع وافي مع فهد ليبتسم صقر لمساعد /خلي راشد يجي ابيكم بموضوع يا عيالي وامك بعد.

@@@@@@@@@

ام راشد كانت تصيح فهي تعرف كل القصه تعرف بنات ولدها اللي بعدوهم عنها غصب تخلت عنهم غصب مو بايدها ولا بيد صقر اللي ذاك اليوم انكسر شموخه كان لازم يختار اما البنات او ....

قاطع تفكيرها دخول هدي بنتها/يمه صدق الكلام اللي سمعته بنات سعود موجودات يعني عنده بنات.

تنهدت /ايه صدق ولا تسالين يا هدي اعصابي بروحها تالفه.

@@@@@@@

دخل وافي المجلس ليجد ابوه اخوانه وعيال اخوانه ابوه بلهفه/بشر يبه؟

وافي بحسره/يبه مالهم اي اثر ما طلعو لا من الحدود البريه ولا بالمطارات ولا بالبحر ولاهم بالمستشفيات اثنين منهم كانوا يداومون بس اخذو اجازه مفتوحه ولا يدري عنهم احد وجوالتهم مقفله.

ابو راشد تنهد بخوف

وليد/ليش يطلعون من بيت خالهم وليش ماردو هنا؟

عمه راشد رد بحزن/ما يقدرون يجون بيت جدك ولا بيت عمانك.

صقر بهدوء:ليش يبه ليش؟

@@@@@@@@


بعد اسبوعين

توقفت سيارتين امام بيت ابو راشد لينزل منها رجلين ضخمين بملامح اجنبيه ولتنزل من السياره الثانيه فتاة بملامح اجنبيه ايضا ترتدي عباءه ووشاح يغطيها لا يظهر الا وجهها الفاتن.

اوقفت الحارسين عند الباب لتدخل لتسمع صوت يقول/باب الحريم من هنا.

لتقول بهدوء/انا ابي السيد صقر الراشد.

بدون ما يرفع لها بصره/جدي بالمجلس حياك.

ذهبت حيث اشر لها علي الباب لتدخل المجلس بالوانه البيضاء والبنيه وبنقش عربي فاخر ورائحة البخور التي تعشقها كثيرا فهي قضت الكثير من السنوات هنا.

ليتفاجئ الجالسين بدخولها ليزيح كل الرجال نظرهم الي الاسفل لتقول الجده/حياك يا بنتي.

لتردف بهدوء/انا اريد مقابلة سيد صقر الراشد.

وافي ناظر ابوه وفهد ايضا ناظر جده وجدتهم ليهتف الجد بهدوء/حياك انا صقر الراشد.

جلست بهدوء وهي تخلع نظاراتها الشمسيه وتقول بصوت خافت/انا مزون ستون ابنة السفير الكندي وصديقة لحفيداتك سيد صقر.

كان نطقها لحرف القاف كاف هو الوحيد الذي يجعلها غير متقنه للغه جيدا غير هذا فان لهجتها سليمة جدا.

صقر بخوف/وين بناتي؟

سكتت للحظه ليهتف بحزم/اللي تبين تقولينه لي تقدرين تقولينه جدامهم فزوجته هي بئر اسراره العميق وابنه هو ساعده وحفيده هو سنده .

لتكمل بهدوء/تقول لك حفيدتك انهم بخير وانهم الان لا يستطيعون مقابلتك وانت تعرف السبب جيدا ولكن لا تقلق فاللقاء قد اقترب..لعنت بداخلها ياسمين وكل كلامها بحرف القاف الذي لا تعرف كيفية نطقه جيدا..لتكمل وهي تري طرف ابتسامه علي احد ابناءه/تريد منك فقط بعض المعلومات.

وضعت مغلف علي الطاوله لياخذه فهد ويعطيه الي جده الذي قراه وقال/ابي بس شوية وقت.

هزت راسها/سانتظر.

اخذت هاتفها وارسلت الي والدتها انها لن تحضر للغداء معهم.

ام راشد بهدوء/حياك يا بنتي معي.

وقفت معها بهدوء وكانت اطول من ام راشد دخلت معها البيت لتتنهد براحه كانت خايفه من هالمقابله لكن اهلهم اهون كثيرا من خالها وجدتها تلك المتصابيه لم تصدق عيننيها عند رؤيتها لها في باريس مع ذلك الفتي الصغير يا الهي كادت ان تستفرغ وهي تراه يقبلها في الشارع.

ام راشد بحنان/شلونهم البنات عساهم بخير؟

ابتسمت لها وهي تري دمعتها علي خدها لتهتف/بخير يا سيدة كلهم بخير.

مزنه بحنان/ناديني بعمه او خاله مزنه.

ابتسمت /خاله مزنه اسمك مثل اسمي.

ابتمست بحزن /سولفي لي عنهم؟

مزون بفرح/انا اعرف ياسمين منذ ان ولدنا فقد ولدنا في نفس المستشفي واصبحنا صديقات في الروضه عمي سعود الله يرحمه كان صديق ابي..اكملت بحماس/ريحان وريفان بنفس العمر ليستا توام لكن ولدتا بنفس السنه تليهم ياسمين صديقتي عنيده جدا لا ادري لما حين رايت السيد صقر تذكرتها هي ثم اصغرهم فله.

دمعت عينيها بالم لتقف مزون تجلس بجانبها وتضع يدها علي كتفها/لا تقلقي فهم بخير وسيكونون معك في وقت قريب.

وضعت مزنه راسها في حضن مزون التي لا تحب ان تظهر مشاعرها فهي كياسمين باردتان جدا سمعت صوت ابو راشد يقول/يا ولد .

مسحت مزنه دموعها لتقف مزون وتاخذ الظرف الذي وضع علي الطاوله وتقول/لا تقلق سيد صقر سيكون كل شيء علي ما يرام.

خرجت لتسمع رنين جوالها لترد بالانجليزيه/hello

وتركب السياره ويحرك السائق بهدوء بعد ما انهت مكالمتها انتبهت للسياره التي تراقبها فهي اتقنت جيدا كل عمليات المراقبه فمنذ كانت صغيره كانت تهرب من الحراس هي وياسمين.

@@@@@@@@@


نفضت شعرها البني وهي تقول/بصراحه جدكم شيء رهيب تحسين له هيبه وثقل لو ما دخلت جدتكم قلبي كنت تزوجته بس تدرون يشابه ياسمين في التصرفات.

ضحكو البنات علي كلامها بقوه الا ياسمين اللي اكتفت ببسمه صغيره.

توقفوا عن الضحك وهو يسمعون صرخة الم من ريحان وقفوا لها بخوف لتهتف مزون بخوف/شفيك ريحان؟

قالت وهي تمسك جانبها الايمن فله بخوف/يمكن زايده.

مزون اخذت جوالها لتتصل لكن ياسمين اوقفتها لتمسك جوالها وتتصل بالرقم الذي خزنته منذ ان عرفت صاحبه.

اتاها صوت جهوري يقول/نعم

ببرود/ناصر العامر.

ليرد بهدوء/نعم من معي؟

لترد ببرود هادي وخوف علي اختها/اخت ريحان؟

تغيرت نبرة صوته/شفيها ريحان؟

بهدوء/تعبانه ممكن تجي للعنوان اللي راح ارسله لك بس لو سمحت تعابسرعه.ل لحالك تعرف وضعنا شلون؟

اقفل الخط بدون ان يرد عليها لترسل له العنوان

@@@@@@@@@@@@


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 26-11-2018, 07:01 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: ط±ط¯: ظ‚ظ„ظˆط¨ ظپظˆظ‚ ظ„ظ‡ظٹط¨ ط§ظ„ط¹ط´ظ‚/ط¨ظ‚ظ„ظ…ظٹ


اقتباس:
المشاركة الأساسية كتبها ghada99 مشاهدة المشاركة
طھط³ظ„ظ… ظٹط¯ظƒ ظٹط§ظƒط§طھط¨طھظ†ط§ ط§ظ„ظ…ط¨ط¯ط¹ظ‡ ط­ط¨ظٹطھ ط§ظ„ط±ظˆط§ظٹط© ط¬ط¯ط§ظ‹ ظˆظˆط§ط¶ط­ ط§ظ†ظ‡ط§ ظ…ظ…طھط¹ظ‡ ط³ط¬ظ„طھ ط¨ط³ ط¹ط´ط§ظ† ط§ط±ط¯ ظˆط§ط¯ط¹ظ…ظƒ ❤
ط§ط³طھظ…ط±ظٹ ظˆط§ط­ظ†ط§ ظ…ط¹ظƒ ظˆط­ط¨ظٹطھ ط§ظ‚ظˆظ„ظƒ ظ„ط§ طھط­ط¨ط·ظٹظ† ط§ط°ط§ ظ…ط§ظپظٹ ط±ط¯ظˆط¯ ظ„ط§ظ† ظ…ظˆ ط§ظ„ظƒظ„ ظ…ط³ط¬ظ„ ط¨ط³ ظپظٹ ظپظƒط±ظ‡ ط¨ط³ظٹط·ظ‡ ط§ط°ط§ طھظ‡ظ…ظƒ ط§ظ„ط§ط±ط§ط، ظˆط§ظ„ط±ط¯ظˆط¯ ط§ط¹ظ…ظ„ظٹ ظ„ظƒ طµط±ط§ط­ظ‡ ظˆظ†ط²ظ„ظٹ ط§ظ„ط±ط§ط¨ط· ط¨ط¹ط¯ ظƒظ„ ط¨ط§ط±طھ ط¹ط´ط§ظ† ظٹظ‚ط¯ط±ظˆظ† ظٹظƒطھط¨ظˆظ† ظ„ظƒ ظˆط¨ط³ ❤❤
ظ†ظ†طھط¸ط±ظƒ ط¨ط§ظ„ط¨ط§ط±طھ ط§ظ„ط¬ط§ظٹ ظٹط§ظ„ظٹطھ طھط¹ظ„ظ…ظٹظ†ط§ ط§ظ„ظ…ظˆط§ط¹ظٹط¯

يسلمو علي مرورك مع اني ما فهمت شيء ^^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 26-11-2018, 07:41 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


مساء الفلات والياسمين
كل اسبوع حنزل بارتين اذا يناسبكم السبت والاربعاء


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 27-11-2018, 10:58 AM
صورة عاصفة الجمر الرمزية
عاصفة الجمر عاصفة الجمر غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


مره رهيبه اعجبتني ياسمين وجوري بعد انتظر باقي الاحداث المشوقه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 27-11-2018, 10:27 PM
جوهرة الصمت جوهرة الصمت غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


جميله شخصية الخوات مع انو الرياضه غامضه لكن انشديت لها
بانتظار انكشاف باقي الاحداث
عادي حبيبتي نزليهم بالوقت الي يناسبك اهم شيء لاتتاخري علينا كثير

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 28-11-2018, 01:36 PM
سلمى سعسع سلمى سعسع غير متصل
©؛°¨غرامي مشارك¨°؛©
 
الافتراضي رد: قلوب فوق لهيب العشق/بقلمي


أعجبتني الرواية كثيرا
بالرغم من ضعفها هي وأخواتها لم تستلم
وكذلك يجب على الضعف أن يصبحقوة
بانتظار البارت الجاي بفارغ الصبر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 28-11-2018, 07:48 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


البارت الخامس

جالس في الغرفه معها بعد ان خرجت من العمليات كان الخوف يتاكله عليها منذ ان اتصلت به اختها وهو الذي كان يتصل بها وجوالها مغلق ترك كل اعماله لياتي اليها وهاهو يجلس الي جانبها يراقبها بخوف0

خوف من فقدانها

اي خوف هذا وانت فقط منذ اسابيع كنت تخطب ابنة عمها فقط لانها اخت صقر وفهد وابنة مساعد وحفيده صقر وابنة تلك العائله المعروفه ولكن هذه لا يعلم اي شيء يجذبه اليها.

ملامحها الناعمه ام ذلك الصوت الذي يشبه تغريد العصافير جعلته يسهر ليالي يحلم بيها ويتخيلها اهو القدر اللي جمعهم ذاك اليوم انه القدر فقد كان لا يريد الذهاب الي صديقه الذي اصر عليه والح عليه يود شكره الان علي ذاك الالحاح فلولاه لما كان التقي بهذه الحوريه.

سمع دق الباب اقترب منها ليغطي وجهها ليدخل وهو يرمي السلام ليتفاجيئ الاثنان/ناصر وش تسوي هنا؟

ناصر بهدوء/نفس السؤال لك يا وافي؟

وافي تنهد/انت زوجها؟

ناصر ليفطن بسرعه انه عمها/ايه انا زوجها.

تنهد وافي براحه وهو الذي كان يفكر طول الطريق منو ذا اللي تزوج بنت اخوه ارتاح كثيرا حين راي هذا فهو رجل في زمن قل فيه الرجال/كسبناك نسيب لنا ان شاء الله.

ناصر بهدوء وهو يرفع غطاء وجهها/ان شاء الله.

وافي اقترب منها ليقبل راسها وهو يتذكر اخوه سعود الله يا سعود بناتك بيصرو معنا يا اخوي في الحفظ والصون ليهتف/ناصر لازم نخرجها من هنا ما ادري شلون بس خالها شم خبر بالموضوع.

بهدوء/طيب انا بسوي اجراءاتي وتاخذها معك.

ليكمل حين راي نظرة الاستفهام بوجه وافي/وافي انا ابي اخذها من بيت اهلها عروس ما ابي تنكسر فرحتها ابيها تفرح مثل اي بنت.

ابتسم وافي اي حظ تملكينه يا بنت الراشد حتي يكون زوجك هذا الرجل قالها بنفسه ليكمل بهدوء/علي خير ان شاء الله.

@@@@@@@@

مناير كانت تان من الوجع وتتاوه ومن بين شهقاتها/حمد والله ما سويت شيء والله.

حمد بغضب وهو يضربها بقسوه ودون رحمه/انتي كم مره اقولك لا تطلعين من البيت ها ما تسمعين الكلام صح.

دخل بدر البيت مع عمه وافي اللي كانوا يسمعون صوت الصراخ افجعهم المنظر اللي جدامهم بدر قرب من اخته لينزعها من براثن ذلك المغفل ويدفنها بصدره كانه يخبئها من العالم.

وافي اقترب من حمد ليمسكه من ياقته ورغم طول الاخير الا ان وافي كان اقوي منه/هذي علوم الرجاجيل يا ولد الراشد تضرب حرمه واي حرمه اختك يا الرخمه عرضك وشعر ويهك.

حمد بحده/ما تدري بسواد ويهها والا ذبحتها.

وافي بحده اخافت حمد/اختك اشرف منك الف يتمني يحصل له اخت مثلها يا غبي شفيك حمد شفيك؟

حمد/اسالها مع منو تغدت اليوم اسالها الريال اللي معها في المطعم منو كان اسالها؟

وافي بغضب/انا اللي تغدت معي كنت عازمها علي الغدي شفيك انت مينون حمد من متي ونحنا نشك في بناتنا من متي بس ذا اللي يدخل الغرب بيته وما يحشمون احد.

حمد بنرفزه/شقصدك؟

وافي قرب من مناير اللي بحضن بدر تنتحب ليدفنها بين ضلوعه فهي وجوري الاقرب اليه/مناير بتروح معي الين يرد اخوي ويشوف له صرفه معك والله ثم والله يا حمد ان مديت ايدك او حتي جرحتها بكلمه لتخيس بالحبوس.

بدر عطاه نظره حاده وخرج مع عمه واخته همس لها بحنان/تبين اوديك الطبيب؟

هزت راسها بالنفي /ابي امي.

بدر اخذ جواله/هلا وليد ابي تذكرتين حق لندن باسرع وقت سلام.

قفل جواله وبحنان اخوي/اول طياره نروح فيها يا اخوك.

@@@@@@@@@


ريفان ببسمه/ياسو كل شيء صار جاهز ولا فيه اي ثغره ناقص بس التوقيع.

اقتربت منها لتقبلها علي راسها/مشكوره .

ابتسمت لها بحنان /ما بينا ولو فله شفيها؟

ناظرت تلك السرحانه بجوالها /متضايقه لانها تعودت علي الشغل وتاخرت علي مريضاتها وتحاتيهم.

ريفان ببسمه/الله يعينها تتوقعين زوج ريحان راح يتمم الزواج والا راح يطلقها.

ياسمين بهدوء/روميو وجولييت راح يتممون الزواج والا انتي شفيك ما كنتي تسمعين مكالمات اخر الليل؟

ضحكت بقوه وهي تضع يدها علي فمها وتفتح عيونها/مو هينه ريحانو.

ياسمين هزت كتفيها بهدوء.

ريفان بذكريات احزنتها/بيجي يوم ياسو راح تكونين بنفس المكان وبوقتها راح تتذكرين كلامي عيونك ذي راح تكون غير لانه روحك صارت معلقه بروح ثانيه.

ضحكت بخفه /ما ادري...قالت وهي تفتح شعرها الطويل/افكر اقصه؟

ريفان بشهقه/لا لا واللي يسلمك حرام.

ناظرت شعر اختها وهي تسمي عليها شعرها طويل جدا فهي كانت تحبه وتعتني به جيدا شعرها اللي يصل الي ساقيها وقالت بهدوء/ياسو صدقيني راح تندمين بليز شعرك يجنن .

امسكت شعرها لترميه وراء ظهرها وهي تعرف زين انها ماراح تقدر تقصه/ادري بعدها راح ياكلني الندم اكل.

ريفان بهمس/تتوقعين عمامي راح يتقبلونا.

هزت راسها بالايجاب.

@@@@@@@@@@

دخلت مزنة وعيونها تدمع وهي تنظر بنت ولدها الغالي اه يا سعود يا ولدي عسي الله يرحمك يارب مسموح يمه دنيا واخره مسموح يالغالي مسموح .

جلست جنبها علي السرير ومسحت علي راسها بحنان خرجت منها انة وجع انغرست في قلب جدتها العجوز لتهمس بحنان مصفي والم عميق/شفيك يمه فيني ولا فيك يا بنت الغالي؟

فتحت عيونها وهي تناظر للغرفه بجدرانها البيضاء واثاثها البني والستائر الخضراء ليست المستشفي وليس بيت خالها وليس منزلهم الجديد/انا وين؟

مزنه بحنان/انتي هنا يمه عند اهلك ببيت جدك يمه انا جدتك يا بعد عمري.

ببسمه متعبه/جدتي مزنه.

رقص قلبها فرحا عند نطقها لاسمها/يا بعد مزنه وروح مزنه ايه انا جدتك مزنه يا بنتي.

ريحان بهمس/الحين بنام مرتاحه .

مزنه بدموع فرح رفعت عينها وهي تري زوجها يضع يدها علي كتفها لتهتف بفرح طغي عليه بعض الحزن/تعرفني تقول جدتي مزنه.

بحزن اخفاه في ثنايا قلبه المكسور/الله لا يحرمنا منهم يارب ويردهم سالمات.

لتهتف بجديه/صقر تري ولد العامر ما ياخذ بنتي غصب.

شد علي كتفها بحنان خالص/ما ينظامون وراسي يشم الهوي .

امسكت كفه لتقبله بحنان وراحه وهي تهمس/ابي اتصدق عن ولدي سعود الله يرحمه ولا تنساه من دعواتك .

صقر ما نسيته يا مزنه ما نسيته ظلمته ظلمته واعماني الغضب/ان شاء الله عسي الله يرحمه ويغفر له .

ليهمس بمحبه لم تتغير طول هذه السنوات/قومي ارتاحي.

بمحبة اكبر/السموحه يا صقر بنام معها الليله ما بتركها لحالها.

ابتسم لها وقال/طيب انا بروح حق مناير الله يهديه حمد الله يهديه.

امين يارب/قالتها وهي تعدل اللحاف علي ريحان.

@@@@@@@@@@


دخل العسكري وهو يضرب له التحيه/سيدي النقيب فهد سيدي.

خليه يدخل/قالها وهو يعدل نظراته ويقرا الاوراق التي امامه.

ليدخل فهد ليضري التحيه بهدوء/حضرة العقيد طلبتني.

ارتاح يا فهد/قالها بهدوء.

جلس فهد علي الكرسي الجلد بلونه الاسود القاتم ككل شييء في هذه الغرفه وهو ينتظر الاخبار التي يحملها العقيد راجح ويعرف انها سيئه بحاسته التي قليلا ما تخطئ.

راجح بهدوء/فهد فيه شكوي ..

ناظره باستغراب ليكمل راجح بهدوء/فهد انت تعرف بالريال اللي اذبحه عمك مناف بالغلط او لا..

اغمض عينيه بالم يعرف القصه جيدا فعمه مناف اطلق رصاصه خاطئه ذبحت رفيجه ومن ثم توفي في حادث سياره ليموت معه ابن صديقه ورفض اهله اي صلح واي دية الا القصاص الوليد في وقتها كان شابا مراهقا جده لم يتحمل ان يفقد ابنا ويفقد حفيده وفي نفس الوقت توفي عمه سعود ايضا لا يعلم كيف ولكن حصلو علي التنازل من القصاص ونسيت القصه قليلا فمالذي اعادها الي السطح الان.

فهد باستغراب/ايه..

راجح بهدوء/يبون القصاص.

بصدمه واستغراب/بعد كل هالسنين شلون والتنازل؟

راجح تنهد وهو يعلم معاناتهم ويعرف كل شيء جيدا/فهد ممكن انت ما تعرف بس....

@@@@@@@@@@

وافي يبعثر شعره بتعب/كانهم فص ملح وذاب وتدري انه لولا الرساله اللي اوصلتني ما دريت انها بالمستشفي مو قادر استوعب شيء سعود الله يرحمه مربي عساكر مو بنات.

وليد بمزاح/قل اعوذ برب الفلق راحوا بنات العم فيها.

ضحك وافي علي ولد اخوه ليهتف صقر/وبنت السفير ما لحقتها ولا عرفت وين راحت.

تنهد وافي وهو يقول/دخلت مول ال انتظرت ساعه بعدها رحت لقيت الحراس الخاصين فيها يدورونها بعد اختفت منهم .

صقر بهدوء/مو هينه.

دخل فهد بوجه غريب وملامح مخيفه كان جبلا علي عاتقيه هتف وافي/شفيك حتي ما سلمت؟

فهد/جدي وين؟

وافي بنص عين/جدك داخل.

فهد ببرود يخفي خلفه براكين تثور/وافي قم شف لي درب اي جدي الحين.

وافي بحده/اصغر عيالك انا .

@@@@@@@@@

جوري بفضول/يمه شفتيها حلوه لمن تشبه طويله متينه شلون شكل......

قاطعتها امها بحده/بس خلاص صجيتيني خلي اخذ نفس اول شفيك مطفوقه طالعه علي منو ما ادري؟

قمر تضحك علي اختها بصوت عالي.

ناظرتها بنص عين/حرم بدر سكتي.

خجلت من ذكر اسمه وجوري تضحك عليها/الله يا دنيا قمر تستحي يا اختي عادي لا تسوين فيها دراما.

ضربتها امها علي راسها/دراما وشو يا قليلة الحيا الحرمه حلاها في خجلها مو مثلك ويهها مغسول بمرق الله يصبرني بس انا وش علي مرتاحه الا انكد علي نفسي ورحت اتعالج بعد.

جوري وهي ترفع راسها بغرور/عشان تعرفين بس الاميره جوري ما تجي بالساهل .

قمر بهدوء/شلونها يمه ؟

مكنيره ببسمه/اسمها ريحان...الحمد لله طيبه الله يقومها بالسلامه وما شاء الله تبارك الله تقول للقمر تعال وانا اقعد جنبك عسي الله يحفظها.

جوري ببسمه/يمه صدق زوجها ناصر العامر.

هزت راسها بالايجاب/ايه يمه وعسي بس يتم الزواج.

ناظرت قمر وقالت/يمه مو متضايقه انه خطب بنتك وبعدين تزوج ريحان؟

امها وهي تستغفر ربها بسرها/اكيد لا يا بنت مساعد هذا نصيب واختك نصيبها مع بدر وبنت عمك عسي الله يجعله من نصيبها ولد العامر يارب.

قمر بهدوء/امين.

منيره بهدوء/تري بنات عمتكم هنا.

جوري عفست ويهها /يع0

امها بحده/بنت.

جوري تتحلطم/ما يجون الا بمشكله يمه تري تعبنا منهم .

@@@@@@@@@

قرب من خالته وباس راسها بحنان/صبحك الله بالخير يمه؟

ببسمه حانيه/هلا يا ناصر يمه هلا بالغالي هلا بالمعرس.

ابتسم لفرحتها فمنذ اخبرها بزواجه وهو يري فرحتها الكبيره وذكرته بتلك التي حادثها البارحه بصوت متعب ولكن هذا الصباح لم ترد علي مكالمته الثلاث ولا علي رسالته اهي مريضه ام ماذا؟

ترك هذا الموضوع ليهتف لها/عسي الله لا يحرمني منك يالغاليه اليوم ابيك تروحين لهم...

قاطعته وهي تضربه بعصاها/تعلمني الاصول يا ولد مهره.

هذه هي اذا غضبت عليه تناديه باسم والدته عسي الله يرحمها ويغمد روحها الجنه ليردف/افا افا زعلت علينا مضاوي.

ابتسمت له ما تقدر تزعل منه ولا تبي تكسر هذه الفرحه واللمعه الغريبه التي في عينيه منذ ان رجع نلك الليله ليخبرها بانه تزوج عسي الله يفرحك يا ولدي دنيا واخره.

@@@@@@@@@@@

كان الجد في صدر المجلس بين اولاده واحفاده وهو لا يعرف ماذا يفعل فكما خير قبل كل تلك السنين سيختار اليوم ايضا لكن ما الذي سيخيره بينه اليوم برجاء عميق قال بسره اللهم عليك توكلت يارب.

راشد ببرود/شتبي يا فواز؟

فواز وهو عارف انه بموقع القوي/شروطي واضحه ياما تنفذوها او القصاص.

فهد كان يمسك نفسه بصعوبه وهو يريد تحطيم تلك الابتسامه الساخره علي وجهه كور قبضة يده بقوه .

مساعد/والبنات؟

فواز بغرور/ذيك تزوجت عند ريلها شورها اما الثانيه ما ابيها وراح اتنازل عن الوصايه لكم بس الباقيات راح يبقون معي ضمانه.

وليد وقف بغضب/انا مستعد للقصاص.

ابوراشد هوي قلبه للارض وهو يراه ويستمع الي كلامه يارب سترك يارب.

شده صقر ليجلس وهو يري نظرات جده المتعبه فهو قد خسر اثنان من ابنائه ولا يريد خسارة الثالث.

فواز ببرود/عشر ملايين والبنتين والا .....

لتقاطعه بصوت بارد جعله يرتعد/والا شنو يا خالي؟

اهتز صوته وهو يراها لا يظهر منها شيء/ياسمين.

تراجع الشباب بعيدا .

لتري جدها الشامخ ولن تسمح لاحد بان يكسر شموخه وبعدها اعمامها الثلاثه لتعيد نظرها الي خالها وتهتف بصوت خافت/تتوقع يا خالي انه رديت بعد كل ذي السنين لاهلي عشان اتركهم يخسرون واحد من عيالهم لا انت غلطان.

رفع فواز عيونه بخوف لترمي له اوراق كاد ان يغمي عليه وهو يقراها كيف علمت بكل هذا كيف قال بتلعثم/ما تقدرين؟

ناظرته بتحدي وكانه تقول له جربني.

عمها راشد /يا بنتي فهمينا؟

قالت بهدوء/يا عمي ..لا تعلم ولكن شعور جميل راودها وهي تنطق هذه الكلمه واكملت بهدوء..عمي مناف الله يرحمه صح صاوب خالي فاهد بالغلط بس مو الرصاصه اللي ذبحته اللي اذبحه اختناق وبعد حادث السياره كان بفعل فاعل.

فواز ارتجف من الخوف.

اشرت عليه ببرود/هو اللي سوي كل ذا عشان ياخذ حلال ابوي لانه خالي فاهد كان واقف له...سكتت بالم لذكري ذلك الرجل لتكمل وهي تناظر خالها/الحين راح تنقل الوصايه حق جدي وراح توقع كل ذي الاوراق.

بعد عشرة دقائق خرج الشباب يخرجون فواز من المجلس لترفع نقابها وتقترب من جدها الذي فتح لها ذراعيه بحنان ليدفنها بين ضلوعه حفيدته الغاليه تشبه في قوتها وفطنتها والدها حين تتحدث كانه هو من يقف امامه رحلت وتركت ورائك خلفا يا ولدي.

سلمت علي وافي بهدوء ولكن مساعد جذبها الي حضنه وهو يشم فيها رائحة اخيه المرحوم لتبتسم وهي تري راشد ذلك العم الذي يشبه والدها كثيرا.

ليهتف الجد وقد تزاحم الدمع في عينيه لاول مره/وين خواتك؟

اشرت علي الباب ليخرج وافي الي الخارج ليجدهم في السياره مع ابنة السفير التي ابعدت نظرها بسرعه فتح باب السياره وهو يقول/نزلوا يا بنات؟

اقفلت فلة الباب وهي تهمس لمزون/انتبهي لنفسك؟

مزون ببسمه وهي ترتدي نظاراتها الشمسيه/روحي الحين وانتبهي حق نفسك ولا تنسين موعدنا.

لوحت لها لتركض وراءاختها الي المجلس وجدت ياسمين جالسه بجانب جدها التي تعرفه من صوره في الجرائد وعلي التلفزيون لم تهتم لاحد غيره فقد ارتمت في حضنه وبكت بل تنتحب فالامر قد كان اقوي منها بكثير.

مسح علي شعرها بحنان/بس يبه لا تصيحين يبه عسي الله لا يفرق بينا يارب.

اخذت طرف شماغه ومسحت دموعها ليضحك كل من كان موجودا في المجلس هذا القاء كان رقيقا جميلا مليئا بالحب والاشتياق.

مساعد وهو يبتسم ويسلم عليها/هلا ببنت اخوي الغالي.

ابتسمت بهدوء وتسلم علي الجميع لتهتف/وين ريحان؟

وافي/مع جدتك داخل.

جدتي اهي مثل جدتي فضه ام لا اتكون مثلها ام لا لا تعلم كيف ستكون؟

دخلو الي البيت مع جدهم لتخرج تلك من الغرفه بهدوء لتتساقط دموعها وتهوي علي الارض جالسه ركضت لها فله وريفان ليجلسا بجانبها ويقبلا يديها وهي تئن بوجع.

ريفان صاحت هي ايضا بوجع لهتف فله من بين دموعها/يمه لا تصيحي واللي يسلمك نحنا هنا معك بنات سعود .

دفنتهم بصدرها وهي تقول/بنات الغالي ولدي ..اه.

اقترب من زوجته ليضع يده علي كتفها كانه يساندها ويقول انا هنا يا رفيقه دربي انا هنا يا حبيبة قلبي انا هنا يا زوجتي .

ببسمه صافيه وهي تقبل خدها/انا ريفان.

ناظرتها بمحبه صافيه وامل اشرق في ثنايا قلبها/يا بعدي يا يمه يا بعدي.

ناظرت فله لتهتف بحنان مصفي/وام شعر قصير فله.

قبلت فله راسها وخديها /فديتك يام سعود ايه انا فله.

بحثت بعينيها عن تلك الرابعه تلك الشامخه فهي تماما كما وصفتها ريحان فاتنه وبارده كاثلج كزوجها تماما وكابنه سعود يا الله/ياسمين تعالي يمه.

وقفت تنظر اليها جدتها

وكل كلام ابوها اللي كان يسولف لها عنها

لكنه لم يلقاها

عسي لقاهم الجنة ان شاء الله

اقتربت منها لتدفن راسها في حضنها ولتحس براحه لم تحسها منذ سنين طويله راحه ان خواتها صار عندهم سند وما تخاف اذا صار عليها شيء عليهم وتحاتيهم لانهم الحين بين اهلهم.

همست جدتها/مثل ابوك شامخه وقويه.

وجدي بعد/قالتها وهي تهمس.

لتساعد جدتها علي الوقوف ويدخلو لغرفة اختهم ليسلمو عليها بحنان وحب واشتياق وراحه لبدايات جديده بعيدا عن الخوف والحذر والاحقاد.

طلعت جدتها مع فله وريحان لتظل هي معها لتهمس بوجع/ياسمين ما ابيه؟

مسحت علي شعرها بحنان/ليش حبيبتي؟

ريحان بغصه وهي تتذكر كلام عمتها وشلون خطب بنت عمها وانه بس يبي العيله وانه استحي منه وخالها باعها كل هذا الكلام تصاعد في راسها لتصرخ/انا تعبانه تعبانه.

ريحان يا قلبي هدي وماراح يصير الا اللي تبينه بس اهدي/قالتها وهي اطلع دواها وناظرت بنادول نايت اعطتها حبتين وغطتها جيدا وخرجت.


@@@@@@@@@@@

سلمت علي الجميع وحين سلمت علي عمتها انزلت راسها وكانها ستقبلها لكنها همست لها/مو كل طير يتاكل لحمه يام نواف بعدي عن خواتي تري قديمك كله اعرفه.

بلعت ريقها بخوف وهي تنظر اليها وش اللي تعرفينه يا بنت سعود وشو.

دخلت جوري متاخره ناظرت فله امامها/دكتوره شتسوين هنا؟

ضحكت بخفه وهي تتذكر مريضتها اللي تخاف من الابره/هلا جوري شلونك الحين؟

جوري باستغراب /زينه.

شهقت بقوه/لا يكون انتي بنت عمي.

هزت راسها بالايجاب.

جوري تتحلطم/الله يعينك.

ابتسمت بعدها لتحضنها بقوه/هلا وغلا انا جوري بنت عمك مساعد.

ببسمه/ايه اسمع جدتي تقول وين المطفوقه ما جت ادري بها الفضول ماكلها.

ايه الحين مزنو ما تعطينا وجه يوها بنات الغالي/قالت وهي تناظر عمتها وبناتها بنص عين.

فله ضحكت البنت ذي فيها من ياسمين اختها الله يعين من وحده صارو بثنتين.

جلست جنب ريفان/بنت عمي مساعد جوري شبيهة ياسو هههههههه ما ادري عمتك ذي وش مسويه ياسو ما ادري شقالت لها والحين جوري تناظرها بنص عين.

ببسمه صافيه/ما ادري ما ارتحت لها ولا لبناتها .

بضحكه/بدي شغل المحاميات.

@@@@@@@@

انت شلون تسمح له يدخل لها كذا /قالها بحده

وافي ببسمه/يا اخي ريال يبي يشوف حرمته شفيك معقد كذا يا فهد.

ناظره بحده/يوم ياخذها لبيته ذاك الوقت يشوفها مثل ما يبي.

ضحك بقوه/يا اخي ما ادري شفيك مثل جدي يا اخي خلك لين كذا وتعامل مع الامور.

سفهه/خلينا الليونه لك يا حضرة الظابط.

@@@@@@@@

دق الباب ودخل لم يجدها في السرير لا يعلم اين هي ولا يستطيع الخروج لوحده فوافي سوف يعود بعد قليل والخادمه اخبرته بانها هنا في غرفتها كان سيخرج لولا صوت باب دورة المياه الذي فتح لتخرج منه كاحد اجمل احلامه.

ترتدي فستان ابيض بدون اكمام قصيروشعرها الاسود يصل الي خصرها

كانها من صنع الخيال

شهقت بقوه وهي تراه/شتسوي هنا ؟

اختبات وراء لوحة التبديل ليضحك علي خجلها وهو يهتف/اكو وحده تهرب من زوجها؟

همست بفزع/ناصر.

تنهد لصوتها وهي تنطق اسمه /ريحان ممكن تطلعين ابي اسولف معك وعمك راح يرجع الحين.

بهمس/ابدل ثيابي.

جلس علي الاريكه وهو ينتظرها لتخرج بعد عده دقائق وهي ترتدي بنطلون اسود فضفاض وتيشيرت ابيض ورفعت شعرها باهمال كم يتمني لو تتركه حرا .

جلست وهي تقول/شخبارك؟

اصبحت جيدا منذ رؤيتك لكنه هتف/الحمد لله انتي شلونك وشلون عمليتك؟

بهدوء وقلبها يكاد ان يخرج من بي اضلعها/احسن الحمد لله.

هتف/ريحان انا ابيك...كاد قلبها ان يتوقف...زوجة لي ولا تفكرين انه خالك ذاك اليوم جبرني لا وحتي لو كنت مجبور اقدر اتركك ولا فيه احد بيلومني بس انا مو مجبور وانتي بعد ما ابيك تنجبرين علي شيء.

يمكن اكون حمل ثقيل/قالتها وهي تنزل عيونها بخجل والم.

ابتسم /انتي حلم جميل....ولا ابي اسمع منك كلمة الانفصال مره ثانيه وتردين علي جوالك.

هزت راسها بالايجاب فكلام ياسمين هو الذي اقنعها وكلامه اكد علي ذلك فلا احد يجبر علي الزواج في حين انه يستطيع ان يلغيه بكل سهوله.

سمع صوت وافي يتكلم في الجوال كانه خايف يدخل ابتسم ووقف وهو يقول وهو خارج/انتبهي لنفسك

لقيتها ناقصه ايد والا رجل/قالها وافي بضحكه

ناصر بهدوء ناقصها انا بس ليهتف/تطمنت عليها

خرجا معا وهما يبتسمان علي كلمات وافي وهو يخبره الا يحتك بفهد حتي لا يعلقه في اول شجره.

@@@@@@@@@@

لم يبقي سوي هدي وبناتها وجوري التي اصرت ان تنام هنا هذه الليله وحرب النظرات بين جوري وابنتا هدي لم تنته بعد وقفت ريفان وهي تهتف بهدوء/جوري تعالي نسوي شي ناكله انا جوعانه وانتي بعد.

جوري بفرح/واخيرا لقيت احد يحب الاكل مثلي.

ضحكت ريحان ونظرات عمتها الناريه لم تعد تهمها/طيب انا عن نفسي بسوي عصير كوكتيل فرش ما ابي اكل بالليل.

فله اللي كانت بحضن جدتها تمسح علي شعرها وكل واحده منهم تمتص حنان الاخري/ريحان ممكن تسوي لنا بيتزا بليز .

ريحان ببسمه/بشرط انكم تساعدوني .

قامو البنات علي المطبخ وسط ضحكاتهم وضحكات جدتهم اللي ملي قلبها سعاده وفرح بعد طول هالسنين فله همست لجدتها/جدتي نظرات ياسو هذي معناها انها راح تخسركم فلوس الديكور موب عاجبها.

جدتها ناظرت ياسمين بحنان وهمست بدورها/حلالها الغاليه.

فله باست جدتها وقامت تلحق البنات المطبخ.

همس بنت هدي مريم لامها واختها/كانه بيت ابوهم.

ياسمين اللي اسمعتها وقالت بهدوء/يمه مزنه قومي نامي تعب عليك لا تحاتي البنات بظل معهم وما بيقدر اي احد يلمس شعره منهم بنات الراشد مو اي احد يوصل لهم.

وقفت تساعد جدتها علي الوقوف لتهتف بحنان/لا تعبين نفسك يمه.

ياسمين بهدوء/ما فيها تعب وبعدين ابي جدي لانه باكر العمال بيجون وشركة الامان عشان الكاميرات نبي كاميرا جدام البيت.

جدتها ببسمه/علي راحتك يمه.

ابتسمت ببرود وهي تري الامتعاض علي وجوههم ما ارتاحت لهم ابد.

هدي/الله ياخذها بنت سعود قويه مثل امها الله ياخذها.

مريم بخبث/لا تحاتي يمه بطيح في ايدي مثل غيرها.

هدي /شفيك يا مني مع الجوال من صباح الله خير؟

مني بهدوء وهي تقفله/اكلم رفيجتي يمه.

ياسمين اللي جلست بالصاله في جناح جديها وابتسمت بداخلها وهي تناظر شلون جدها يناظر بشوق وحب لجدتها ليهتف/هلا يبه عساكم مرتاحين؟

هزت راسها بهدوء وهو يقول/ما عليه يبه انتي العوده...

لتقاطعه الجده بحنان خالص/لا يا صقر ذي مو العوده ريحان وريفان اكبر منها.

تفاجا الجد بذلك فهي قويه شجاعه تتحكم بكل شيء من حولها ليهتف/الله يحفظها يارب.

ياسمين بابتسامه صافيه قليلا ما تظهر/جدي بصراحه وايد اشياء ابي اغيرها.

ضحكت الجده وتذكرت كلام فله.

جدها بمحبه/اللي تبيه سويه يبه البيت بيتك.

ياسمين بهدوء/كذا شوي ديكور وبس وغرف البنات وبعد فيه شيء.

جدتها بحنان/احكي يمه؟

ياسمين بهدوء/ريحان تحاكي زوجها بالجوال بصراحه انا هالشيء ما احبه بس الظروف اللي هي فيها واللي صار معها تركتها علي راحتها حبيت بس اعطيك خبر عشان تكون بالصوره.

تمنت لهما ليله سعيده وخرجت لتقابل قمر بوجه احمر محتقن ودموعها بعيونها/شفيك قمر؟

حضنت ياسمين وبكت بهدوء حضنتها ياسمين تهديها وتمسح علي راسها /شفيك يا قمر الراشد منو مزعلها؟

قمر بحزن/جيت عشان اسهر معكم بس عمتك وبناتها غثوني .

تنهدت بهدوء ما تترك احد بحاله الله يعين/ما عليك منهم تعالي غسلي ويهك وخلينا نسولف بعيد عن جوري اختك شكل لسان العيله كله اخذته ومع فله اختي.

ضحكت /ذيك ما تسكت الا اذا ناظرت فهد.

ضحكت غصب عنها/تدرين انها مسجلته في جواله فيلم رعب.

ضحكت قمر/كل يوم باسم جديد.

كملت ببسمه/تعالي نسولف بالحديقه والا نروح البنات المطبخ.

ياسمين ببسمه هادئه/شرايك نروح حق مناير عشان تنزل معنا للمطبخ.

@@@@@@@@@@@@


منيره ببسمه/يمه جوري انا وابوك بنروح السوق تروحين معنا؟

جوري بهدوء/لا يمه مشكوره ما ابي اروح.

صدمه علي وجوه الكل اولهم صقر اللي رفع حاجبه بسخريه مو من عوايدها قبل اول وحده توقف للسوق.

ابوها بحنان/اقول يبه قمروش تعشيتو ببيت جدك امس.

قمر بضحكه/بيتزا يبه.

وليد بضحكه/واليتامي ما تقولون نعطيهم.

قمر بخجل/قلنا حق وافي اكل معنا وقال متعشيين.

جوري بهمس/انا ماراح اروح السوق مره ثانيه.

امها باستغراب /ليش؟

قمر بضحكه/امس تقول انها صارت اخت بنات عمي سعود وهي من عمر فله فقالت لها ياسمين قد كلامك وما تردين فيه بنتك قالت قده فاول القوانين سوق لا.

ابوها بضحكه/يا ويلك عاد يبه ياسمين هذي نسخة من ابوها الله يرحمه يعني الله يعينك وانا ابوك ولا تجين تستاذنين مني خلاص صرتي مع بنت عمك.

قمر/ايه يبه بعد ماراح تروح تركيا لانه وقت دراسه واي شيء تبيه يجيها لعندها.

هنا ضحك كل من صقر ووليد وامهم بصوت عالي لتقف جوري بغضب وتذهب لغرفتها ليهتف وليد/جابته حق نفسها؟

قمر بهدوء/وليد تذكر ذاك المبني اللي تقول انه ابداع وتبي تسوي شيء قريب له حق مكتبك.

هز راسه/شفيه؟

بنت عمك هي اللي مسويته/قالت ببسمه وفخر.

وليد باستغراب/دقيت علي مكتبهم عطوني اقرب موعد بعد خمس شهور الحين صرنا اهل بصراحه يبه شغلها ابداع اعتقد الاسبوع الماضي واحد من تصاميمها فاز بجائزه احسن تصميم.

عمها بفخر/بنت الراشد تراها.

سكت وهو يسمع صوت جواله ليرد بهدوء وهو يهتف يغضب/نعم....انا جاي الحين واذا فيك خير انتظرني يا مسود الويه.

صقر ووليد وقفوا ويتبعونه وهو يشير اليهم بيده.

منيره/يا رحمن استرنا يارب يا حسرة قلبي وش اللي صاير .

قمر بخوف/عساه خير يمه عساه خير لا تحاتي.

@@@@@@@@@@


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 12-12-2018, 01:38 AM
Ghada99 Ghada99 غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


بانتظارك حبيبتي ❤❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 12-12-2018, 11:33 AM
صورة مكاويه أصيله الرمزية
مكاويه أصيله مكاويه أصيله غير متصل
©؛°¨غرامي فعال ¨°؛©
 
الافتراضي رد: قلوب فوق لهيب العشق/بقلمي


روايه ررررروعه
ابدعتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 13-12-2018, 12:29 AM
صورة طوفان ~ الرمزية
طوفان ~ طوفان ~ غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


بداية حماسية جداً جداً 😍
بالتوفيق ي رب وأتمنى لو للرواية حساب ع الانستا
تعطينا اسم الحساب 😍

الرد باقتباس
إضافة رد

قلوب فوق لهيب العشق/بقلمي

الوسوم
لإخت , العشق , رومانسيه , روايتي , روايه , فوق , واقعيه , قلوب
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رياحين العشق/بقلمي Lazz_a روايات - طويلة 2 25-01-2018 10:16 AM
روايه:متهورون جمعهم العشق/بقلمي رنوش الخزاعي روايات - طويلة 15 06-11-2016 04:40 AM
رواية ملاك العشق/بقلمي فرح ياسر روايات - طويلة 42 01-02-2016 02:09 AM

الساعة الآن +3: 12:12 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1