غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 18-12-2018, 01:48 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


حرمان في حرمان تمضي سنيني
وقتي سقاني المرّ كأس ورى كأس
وسط التّعاسة شف بقايا حنيني
ضاع الأمل في وسطها وأقبل اليأس


البارت السادس

توها صاحيه من النوم تعبت من السهر وبعد العمليه تالمها شوي ناظرت جوالها ولقت مكالمه الساعه 8 من منقذي ابتسمت وهي تاخذ جوالها ترددت كثيرا بس بعدها اتصلت عليه.

لينفتح الخط بعد ثالث رنه وتسمعه يقول بصوت جهوري وهو يكلم احد اخر/موعدنا بعد يومين ان اشاء الله.

لتسمع احدهم يرد عليه لياتيها بعدها صوته وهو يقول/هلا بالنوامه.

سهرت مع البنات ومع التعب ما دريت عن نفسي/قالتها بخجل.

بهدوء/سلامتك لا تعبين نفسك.

صمت رقيق لثواني ليقطعه هو /ريحان اذا مشغوله وتبين ترتاحين اكلمك وقت ثاني.

بهدوء وخجل/الحين مو مشغوله ممكن انشغل وقت ثاني وما اقدر اكلمك.

ببسمه هادئه/طيب تري اليوم راح تجي خالتي اهيا اللي ربتني بعد وفاة امي وتراها امي اللي ما ولدتني كنت افكر اني اجي واشوفك بعد بس بصراحه نظرات فهد ولد عمك ما اطمن ابد.

ضحكت وهي تتذكر كلام جوري عن اخوها فهد/انا بصراحه ما اعرفه بس صرت اخاف منه بالحيل.

ضحك لكلامها وهتف/ريحان ابي احدد موعد للعرس انا بصراحه بحاكي جدك بس حبيت اكلمك انتي اول عشان اذا تبين موعد معين اوممكن نحدد موعد ما يناسبك .

ضحك قلبها قبل عيونها فهو يفكر فيها قبل كل شيء/اللي يناسبك ويناسب جدي ما عندي مانع.

طيب/قالها براحه.

@@@@@@@@@@


ادم الصغير قال بخوف/لا الا بنت اخوك ذي قشره وانا ما اقرب لها حرمت.

ضحك وافي من قلبه وقال /ليش شسوت لك؟

ادم وهو يتذكر/زعلتني مره هي ومزون ما تركوني اروح الملعب مسوويين فيها كبار وانا زعلت منهم بالحيل فرحت نزلتهم علي اي باي تعرفه صح.

ضحك وافي /ايه اعرفه يالبزر وشلون نزلت صورهم/ قال بحده.

ادم بنص عين/اكيد لا بس نزلت ارقامهم واسماء وهميه وبدت تجيهم اتصالات من كل العالم وطلبات زواج وغيرو ارقامهم .

ضحك وافي وقرصه من اذنه/لا عاد تفكر تسويها.

ادم ما ناظره واخذ جواله وابتسم وهو يقرا رساله اخته ...سمع احد يرمي السلام رفع راسه وهو يرد السلام وقال/حاس اني قزم ببيت العمالقه.

وافي بضحكه/قول ماشاء الله يا ولد.

ادم /ما شاء الله .

فهد جلس بعد ما سلم علي ادم اللي اعرفه من الحراس اللي بري سمع صوت جوال عمه وامتعض يوم قال هلا ماجد.

ادم اللي هتف بعد ما انهي وافي مكالمته/ما احد يقدر يدخل البيت صح.

وافي باستغراب/ذي ثالث مره تسال ذا السؤال.

ادم شتت عيونه /ابي اتاكد بس انه اختي بامان.

دخل ابو راشد وجلس وهو يناظر ادم ببسمه حنونه ليهتف وافي/شفيه يببه سعادة السفير؟

ابوه بهدوء/بيسافر وعياله بيظلون معنا والا شرايك ادم؟

ادم ببسمه/مرتاح حيل بس واللي يسلمك بعد عني حفيدتك متسلطه حيل واي ما اقدر اتحملها

ضحك وافي وقال/تري بقول لها كل شيء.

ادم بهدوء/اقدر اقولها بوجهها.

ضحك وافي وابوه قال/تبي اي شيء يا ولدي.

ادم ناظره باحترام/مشكور يا عمي ما ابي شيء الله يسلمك.

@@@@@@@@@@

فله نزلت من الدرج وهي تسمع اصوات بالصاله رسمت بسمه علي ويهها وهي تناظر جوالها ويوم وصلت الصاله ناظرت جدتها جالسه مع حرمه وبنت سلمت عليهم بهدوء ونظراتهم اللي كانها تتفحصها حست بشيء غلط في لبسها بنطلون اسود واسع وبلوزه بلون عيونها الزرقاء بس ارتاحت يوم ناظرت نظرات جدتها المريحه وجلست بقربها وهي تسمعها تقول/هذي فله حفيدتي بنت سعود الله يرحمه.

فله بهمس/الله يرحمه.

كملت الجده/وهذي ماجده ام وليد وذي سمر بنت ريلها.

فله بهدوء/اهلا وسهلا .

ماجده بامتعاض كانها راعية البيت قالتها بنفسها/هلا فيك.

جت الشغاله بالعصير اخذت منها فله وضيفتهم بعدها ضيفت جدتها وجلست بهدوء وهي تسمع سؤال سمر/الا باي شنه تدرسين؟

فله بهدوء/انا الحمد لله مخلصه دراسه.

جدتها بحنان/ماشاء الله عليها طبيبة اسنان.

ماجده بصوت حاقد/الله يوفقها.

دخلت جنان ومعها طفله اللي ابتسمت وهي تناظر وركضت لها ولمتها وسط استغراب الكل فله مسحت علي شعرها/سالي يا عمري شتسوين هنا؟

سالي ببسمه بريئه/انتي ستسوين هنا؟

ببسمه/يا قلبي انتي هذا بيتنا الحين .

جوري سلمت علي ماجده وسمر ببرود وقالت وهي تناظر فله/تعرفينها تعرفين سالي؟

فله ناظرت ريلها الاصطناعيه وعورها قلبها بس ما بينت ولمتها بحنان/سوسو تري البنات بعد هنا.

سالي بفرحه/يس يس.

سلمت سالي علي ماجده اللي سلمت ببرود وسمر اللي تخرعت من رجلها كانها افعي قربت منها جوري وباست خدها وقالت/هذي بنت خالي مشعل بس كانت عايشه مع امها بعد طلاقها من خالي والحين ردت بتعيش مع خالي

فله ببسمه وهي توخر شعر سالي الاسود من علي عيونها/الحلوه ذي كانت ساكنه جنبنا ويوم امها كانت مشغوله كانت تظل معنا.

سالي همست في اذن/ليش تناظرني كاني وحش.

فله ناظرت سمر ونظراتها كانها شايفه لها وحش ومتقززه بهمس مماثل/شرايك نروح نفاجئ البنات تري كلهم هنا بس بروح اشوف جدي العود لاني ما شفته.

فله نادت الشغاله عشان تاخذها المجلس وتنتبه لها وبعد ماراحت هتفت لجوري بحزن/جوري شصار لها؟

جوري بحزن/حادث سياره..

فله بحنان ممزوج بحزن/عسي الله يعوضها الجنه يارب.

الكل/امين.

فله ببسمه/جوري شرايك نسوي كيك كراميل تري سالي تحبها حيل وبعد ريحان من صباح الله خير وهي تبي حلو .

جوري ببسمه/يلا شيف فله.

راحوا البنات وام راشد ما فاتتها نظرات الامتعاض بويه ماجده مرت ولدها الله يرحمه الله يهديها وكانت تعرف انه جيتها اليوم مو لله/شلون دراستك يا سمر كبرتي ما شاء الله.؟

سمر بهدوء/الحمد لله اخرلي سنه بحاسب الي.

ام راشد بهدوء/الله يوفقك ان شاء الله.

@@@@@@@@@@@@@

دخل ابو راشد بيت اخته ومعاه عياله وقال وهو يناظر ابو نواف جالس مع ولده نواف ليهتف بحده/سيف شفيك ما عاد حشمت احد تري والله اذا ظنيت اني راح اسكت هالمره لا تحلم؟

نواف/بس يا خالي ابوي ما قال الا الصدق بنتك هي ال.....

مسكه بوصقر من ثوبه وهو يهتف بغضب/جب ياللي ما تستحي قليل النخوه تقول هالكلام عن بنت خالك وزوجة اخوك.

وليد وصقر لمعت عيونهم بغضب واثنينهم مثل اسد هايج يبي يقضي علي فريسته اللي جدامهم دمهم فار من الكلام اللي ينقال صقر هتف/الرياييل ما تسولف عن اهل بيتهم بس حسافه موب ريال.

سيف ببرود/بنتك ما عاد تشرفني خذها ما......

وسام اللي سمع اخر الكلام هتف بحده/يبه انت شتقول؟؟

لف الكل له سمع خاله يقول بصوت هادر/ابوك واخوك يتهمون بنتي اللي هي زوجتك بشرفها ومتصل علي يقول تعالي اخذ بنتك ما نبيها.

نواف بسخريه/ايه زوجتك حاولت تغريني.

وسام حط ايده علي صدره وحس بالقرف حس انه بيستفرغ وهو يسمع كلام اخوه العود مسكه من ثوبه وحذفه علي الجدار وهو يزمجر بغضب/زوجتي اشرف منك يا الرخمه يا قليل الرجوله.

ونزل فيه ضرب تحت انظار الكل الا ابوه اللي حاول يفكهم بس ما قدر ويوم شفي غليله ناظر ابوه وقال وهو ماسك علي ايده لو مو ابوه استغفر وقال/البيت ذا مالي قعده فيه عن اذنكم باخذ زوجتي وبطلع.

حب راس خاله وطلع من المجلس .

ابو صقر بحده/لا تحسب انه انتهينا والله والله يا سيف لو سمعت اي كلمه من اي احد لا يكون اخر يوم بعمرك وتعرف زين من اكون.

طلع مع عياله وهتف بهدوء/ما تردون البيت الا يوم تتاكد انه وسام طلع مع حصه.

دخل البيت ناظر امه والبسمه علي ويهها ما يدري ليش يسوون جذي ما يعرف راح جناحه ودخل ناظرها جالسه ادلك ريولها بمساج يدري بامه ما ترحمها.

هتف بالم/حصه قومي اخذي كل اغراضك ونادي الشغالات خلي يساعدونك ما ابي شيء هنا يخصنا ولا اي شيء.

حصه باستغراب/شصاير؟

بغضب هتف/ما سمعتيني سوي اللي قتلك عليه.

بلعت ريقها وراحت تتصل علي الشغالات يساعدونها وهي حاسه بالخوف وحاسه بشئ كايد صاير.

@@@@@@@@@@@@@@

دخلت سالي المجلس ويوم ناظرت ادم ركضت له وهي تهتف/ادم ادم ادم.

ابتسم لها وهي تبوسه بس عبس شوي يوم ناظر ريلها وقال ببسمه /هلا بالاميره سالي من سنة ما شفتك؟

سالي تعد علي اصابعها/كبرت الحين صار عمري ست سنوات.

وافي ببسمه/خطير ادم وطلعت تعرف بنت ولد العم.

ادم ببسمه وهو يناظرها تسلم عليهم لترتمي في حضن ابوراشد اللي اعتصر قلبه بالم عليها توها صغيره علي كل هالفقد وكل هالوجع ناظرت ابوها ببسمه وقالت/بابا تعرف انه رفيجاتي كلهم هنا ببيت جدي العود انا بقعد هنا خلاص ما ابي اطلع من هنا.

ابوها ببسمه ارتاح شوي من انها تبي خالتها وبتتعود عليهم/طيب يبه بس ايام العطله وراك دراسه.

ادم ببسمه/بنتك ذي كانت تسكن جنب بيتنا وبيت عمي سعود الله يرحمه وتظل مع البنات يوم تنشغل امها مثل اختنا الصغيره وما اظن ترجع معك البيت.

اهم شيء تتعود علي القعده هنا ما يهمني بيت عمي مثل بيتي قال هالكلام بنفسه مبتسم/حلالها بيت جدها.

ببراءة الاطفال/بروح مع ادم انا.

ابتسم ادم/تري انا بعد بظل هنا ببيت جدك العود.

وافي اللي ضحك وهو يناظر فهد ولد اخوه اللي مو عاجبه الكلام الاخير ناظره وبعدها رد علي جواله وطلع من المجلس وهو يقول/انت متاكد من هالشيء؟

سمعه يتكلم ليهتف بخوف/انا جاي الحين؟

وافي اللي كان وراه/شصاير فهد؟

فهد بصوت خافت/ابوي مسوي حادث ما عليه شر بس لازم نتطمن عليه قبل ما نخبر اي احد.

وافي بخوف علي اخوه/تعال سيارتي بري.

طلع مع فهد بهدوء ما يبي يفجع احد.

@@@@@@@@@@@

نزلت ياسمين مع ريفان وسلمو علي ماجده وسمر وثنتينهم كانه ضربهم قطار ريفان اللي كانت ماسكه ضحكتها علي شكلهم سالت جدتها/يمه وين فله ؟

الجده بحنان صافي/تسوي كيك كراميل.

ريفان ببسمه كشفت عن اسنانها البيضاء/كانت دوم تسويها حق سالي تذكرين ياسمين اشتقت لها.

ياسمين بهدوء وهي مو مرتاحه حق ماجده مرت عمها الله يرحمه وبنت ريلها اللي ابد ما عجبها لبسها اللي مفصل جسمها بالحيل/ايه والله لها وحشه.

ريفوووووو

لفت وهي تسمع صوتها بمفاجاه ما توقعتها فتحت لها ايدينها لتركض لها وترتمي في حضنها/اشتقت لك سوسو.

سالي بدمعه نزلت علي خدها/وانا بعد انا احبكم.

ياسمين /يا حلوها سالي اكبرت وصارت عروس.

لفت لياسمين ولمتها بقوه وبكت بقوه/ياسو انا خايفه.

مسحت علي راسها وهمست لها بحنان وحب/سالي يا عمري لا تخافين نحنا كلنا معك طيب الحياه ما توقف صح.

هزت راسها وباستها وتعلقت في رقبتها ومو راضيه تتركها.

ياسمين ببسمه لها/روحي بالدور الثاني تلاقين ريحان ومزون سوي لهم مفاجاه وتلاقين كاكاو بثلاجة ريحان ما تتركي لها شيء.

ريفان بحزن /يمه شفيها سالي؟

الجده ببسمه/سوت حادث يمه وتراها بنت مشعل ولد عمك؟

ريفان بالم/الله يعوضها الجنة ان شاء الله.

سمر ببرود /مسكينه صارت معاقه وهي ياهل.

ياسمين ببرود مثلج/الاعاقه مو بالجسد الاعاقه بالعقل وحياة الانسان ما توقف عند فقده لشيء واكبر مثل علي كذا ستيفن هوكينج عالم فيزياء لو تعرفينه.

ريفان كتمت ضحكتها.

سمر عصبت بس ما ردت لترد ماجده بهدوء/ما كانت تقصد شيء.

الجده ببسمه هادئه/بس اليهال مثل هالكلام ياثر علي نفسيتهم.

دق جوال ياسمين وقفت لترد بعيدا عنهم سمعت صوت وافي عمها يقول/ياسمين اذا كنتي جنب احد بعدي ابيك؟

بهدوء/لحالي انا شفيك؟

عمك مساعد سوي حادث ابيك تروحين حق عمتك منيره وتقولين لها لانها احرقت جواله اتصال/قال هالكلام بهدوء.

ياسمين/شلونه طيب؟

وافي/ما فيه شيء بس ضغطه شوي مرتفع بيظل في الملاحظه وراح يطلع بعد ساعتين او اكثر.

ياسمين/طيب.

سكت فهتفت/صاير شيء؟

وافي بهدوء مغلف بالغضب/ايه فيه شيء صاير ابيك اذا جت عمتك حصه لا تتركين جدتك لحالها..

دام القصه فيها عمتها حصه ااكيد فيه مصيبه/طيب لا تحاتي.


قفلت وراحت المطبخ /جوري هنا الا عمتي منيره وينها؟

جوري بهدوء/بالبيت.

ياسمين/لحالها/انا بروح الحين عشان تجي تشرب معنا قهوة مو قاعده لحالها كذا.

جوري/اروح انا.

ببسمه وهي تناظر فله اللي تسوي الكيك وتدري انها مكتومه/بروح انا كملي سوالفك.

لبست جلالها اللي كان بالمطبخ وطلعت من بيت جدها وراحت بيت عمها فتحت لها الشغاله وناظرت مرت عمها تصيح بالصاله قربت منها وبهدوء/شفيك يا عمتي عسي ما شر؟

منيره بغصه/عمتك اذبحتني يا ياسمين بنت عمي اقتلتني.

ياسمين مسكت ايدها/لا تحاتي يا عمتي كل شيء بيتصلح...

بحزن سكن قلبها/وشو اللي بيتصلح وهي متهمه بنتي بشرفها ومع منو مع اخو ريلها اعوذ بالله اعوذ بالله من الشيطان الرجيم.

تفاجات /لا حول ولا قوة الا بالله لا تحاتي يا عمتي الله علي الظالم.

جلست جنبها وحطت ايدها علي كتفها وتذكرت امها الله يرحمها/عمتي منيره تري عمي مساعد ارتفع عنده الضغط وهو الحين بالمستشفي ما عليه شر.

منيره بخوف/والله حسيت من يوم طلع حسبي الله ونعم الوكيل حسبي الله ونعم الوكيل .

بهدوء وهي تشد علي ايدها/تري ما احد يدري الا انا ابيك تروحين معي لانه ام وليد وبنت ريلها مع جدتي واخاف تجي عمتي حصه وهذيك بالبيت.

وقفت تنتظر مرت عمها تلبس عباتها اخذت جوالها واتصلت بعمتها ويوم سمعت صوتها قالت ببرود /سمعيني زين يا ام نواف كلمة وحده ان زدتي حرف واحد عن الكلام اللي توك تقولينه حق عمتي منيره فلا تلومين الا نفسك وتعرفين زين انا شنو اعرف.

منيره/بس....

قفلت الجوال بويهها.

لفت وناظرت قمر بعيون دامعه اوجعت قلبها لترتمي بحضن ياسمين لتمسح الاخيره علي شعرها/كل شيء بينحل قمر لا تحاتي ابيك تغسلين ويهك وتحطين كذا كحل اخضر عشان تبان عيونك الحلوه ذي .

راحت قمر بقلب مثقل بالتعب ما تدري عمتها متي تنتهي مشاكلها.

@@@@@@@@@@@

دخل وسام الشقه بعد ما دخلت حصه انتظر العامل الين دخل كل اغراضهم بعدها قفل الباب وجلس بالصاله وحط راسه بين ايدينه وهو مو قادر يستوعب اللي صار شلون ابوه واخوه وامه بعد.

يارب رحمتك يارب رحمتك يارب

هتف بتعب/حصه ابي بنادول راسي يعورني.

وخرت عباتها ودخلت المطبخ اخذت الكيس اللي فيه الماي والبنادول وواخذتهم له وهي تبتسم له بهدوء وتوتر وجلست جنبه لاول مره تناظره معصب لهدرجة من تزوجوا صح يعصب احيانا ويعلي صوته عليها مثل اي ريال بس بعمره ما مد ايده عليها اليوم حست كانه راح يضربها من كثر ماهو معصب.

اخذ البنادول وشرب الماي وهو يحس كانه بلع له علقم استغفر بداخله وحط راسه علي فخذها يمكن ينام ويصحي من الكابوس اللي يعيشه الحين.

مسحت علي شعره بهدوء وهي عارفه توتره وهي خايفه ما تدري شنو اللي صاير .

يارب سترك يارب سترك

اللي صاير شيء كايد والا وسام مستحيل يطلع من بيت ابوه.

اخذ كفها بين كفوفه وهمس/ابي انام حصه ولا تصحيني الا للصلاه.

همست بحب/ان شاء الله حبيبي.

رفع لها عيونه وابتسم لها بتعب.

@@@@@@@@@@@

نزلت مزون وبحضنها سالي اللي تاكل كاكاو راحت المطبخ وجلست علي الكرسي وهي بحضنها ابتسمت حق فله اللي كانت حيل متوتره تدري فيها حيل حساسه/من قدها سوسو يسوون حقها كيك كراميل وانا صارلي هنا من زمان ما احد عبرني

جوري بضحكه/احس فيك عرق عراقي كدها وكلبي.

مزون بحده/جوري .

ضحكت بهدوء/خلاص يا بنت السفير اخاف اسبب ازمه سياسيه مع كندا شيفكنا عاد .

مزون رفعت لها حاجبها وهي تبوس سالي/يا حلاتها بنتنا الحلوه.

سالي/انا حلوه يعني مو مثل مرت خالي تقولي اني قطع غيار.

جوري فجت عيونها وفله ما قدرت تتحمل بكت وطلعت من المطبخ ما تبي تنفجر جدامها مزون بصوت حنون/سوسو لا تسمعين كلام احد طيب حبيبتي ما شاء الله عليك.

سالي بغصه طفله/تدول راح اظل عانس وماراح اتزوج وماراح يقبل فيني احد.

مزون باستها واخذت جوالها وسوت بحث علي جوجل وعطت الجوال سالي وهتفت بحنان مصفي/سوسو ناظري ذي اسمها ........فقدت ريلها الاثنين وهي الحين من افضل الفارسات وفازت بحيل جوائز وذا ريلها وعيالها بيوم راح نلاقيها انشاء الله.

سالي تناظر الصور وارتسمت بسمه علي ويهها وقالت ببراءه/يعني بتزوج ريال غاوي .

مزون ناظرت جوري علي كلمه غاوي لتهتف الاخري ببسمه/يعني حلو وسيم.

مزون ببسمه ساحره/ايه بتتزوجين ريال غاوي نزوجك حق ولد جوري شرايك؟

سالي/ما ابي واحد امه مخفه.

جوري بصدمه/اه ياللي ما تستحين انا مخفه ها.

مزون لمتها وهي تدفن راسها بحضنها/ههههههههه عيب سوسو ما نقول كذا عن اللي اكبر عنا طيب روحي الحين حق ريحان خليها تبدل لك ثيابك وتنامين شوي.

بعد ماراحت التفتت حق جوري/لا تزعلين حبيبتي تراها ياهل وسمعتي وش اللي يقولونه لها عورت قلبي والحين روحي ناظري فله الحين تلقينها تصيح تحت الشجره تراها حساسه بالحيل.

راحت مزون الصاله وبعد ما سلمت جلست جنب ريفان .

ماجده/الا شلون العيال يا منيره عساهم بخير ؟

منيره ببسمه/تعكس التعب والحزن بداخلها/الله يسلمك ما عليهم شر.

ماجده/قلت حق وليد انه يجي يسكن عندي بس هو رفض يقول هنا اقرب حق شركته.

منيره ما كانت ناقصتها ابد تعرفها زين من ايام ولد عمها الله يرحمه بس سمعت عمتها مزنه ترد عليها/اقرب حق شركته وبعد ما يجوز يسكن عندك وهو ماهو محرم لبنت ريلك .

ماجده/وبين جده بعد بنات عمه مو محارم له.

الجده ببرود/بس تدرين زين انه هو ساكن ببيت عمه مساعد لانه راضع مع عياله وبيت ابوه مازال له .

ياسمين بهدوء/

@@@@@@@@@@

فله اللي كانت جالسه علي الارض وتصيح بحرق علي سالي وتذكرت يوم ناظرتها بولادتها وهي اللي سمتها عورها قلبها عليها طفله وتتحمل كل ذا الالم ليش يا ربي.

استغفرت ربها اللهم لا اعتراض علي حكمك يارب.

مسحت دموعها وهي تسمع صوت جوالها ردت بهدوء علي صديقتها الكنديه وجلست علي الكرسي وهي تسولف معها بهدوء كلماتها الرقيقه انستها قليلا من حزنها وخرت شعرها عن عيونها بهدوء وبعثرته.

تبعثر شعرها كما تبعثرت دقات قلبه هو اللي وقف عاجز عن التحرك وهو يتامل هذه الاميره الاسطوريه اللي كانت احلي من كل احلامه ولغتها الانجليزيه السليمه.

صحي علي نفسه ونزل راسه وتحرك رايح حق بيتهم كان يبي ينام بس ما يدري اذا راح يقدر ينام الحين استغفر ربه وراح في طريقه.

@@@@@@@@@


fulla fh

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 20-12-2018, 01:42 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


اقتباس:
المشاركة الأساسية كتبها ghada99 مشاهدة المشاركة
بانتظارك حبيبتي ❤❤
نزل البارت الجديد اتمني يعجبك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 20-12-2018, 01:43 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


اقتباس:
المشاركة الأساسية كتبها مكاويه أصيله مشاهدة المشاركة
روايه ررررروعه
ابدعتي
يسلمووو حبيبتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 20-12-2018, 01:44 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


اقتباس:
المشاركة الأساسية كتبها طوفان ~ مشاهدة المشاركة
بداية حماسية جداً جداً 😍
بالتوفيق ي رب وأتمنى لو للرواية حساب ع الانستا
تعطينا اسم الحساب 😍
منوره للحين ما فتحت لها حساب علي الانستا اول ما انزل بقولك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 22-12-2018, 02:49 PM
صورة عاصفة الجمر الرمزية
عاصفة الجمر عاصفة الجمر غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


ننتظر البارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 22-12-2018, 10:59 PM
Ghada99 Ghada99 غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


بارت جميل جداً تسلم يدك حبيبتي ❤❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 24-12-2018, 01:16 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


اقتباس:
المشاركة الأساسية كتبها عاصفة الجمر مشاهدة المشاركة
ننتظر البارت الجاي
يسلمو حبيبتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 24-12-2018, 01:20 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


اقتباس:
المشاركة الأساسية كتبها ghada99 مشاهدة المشاركة
بارت جميل جداً تسلم يدك حبيبتي ❤❤
عيونك الجلوه حبيبتي انتظر توقعاتك للبارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 27-12-2018, 01:49 PM
fulla fh fulla fh غير متصل
©؛°¨غرامي جديد¨°؛©
 
الافتراضي ط±ط¯: ظ‚ظ„ظˆط¨ ظپظˆظ‚ ظ„ظ‡ظٹط¨ ط§ظ„ط¹ط´ظ‚/ط¨ظ‚ظ„ظ…ظٹ


الأمل بالله باقٍ والبشر لا لي أملٌ
البشر هانوا وخانوا واستكانوا للخلل
عاهدونا خالفونا عاملونا بالحِيَل
وكلّما قلنا يعودوا للمبادى والمثل
لم يعودوا، بل تمادوا وارتموا نحو الوحل
وكلُّ مُرٍّ في نظرهم كان أحلى من العسل
الأمل بالله باقٍ والبشر لا لي أم




البارت السابع

قمر اخذت جوالها واتصلت بمناير اشتاقت لها حيل وهي ما صارلها يوم من سافرت لامها انفتح الخط وقالت بهدوء/منور يا القاطعه ما تتصلين تطمنينا علي وصولك؟

ما سمعت ردها فقالت/مناير شفيك لا يكون تصيحين؟

قال ببسمه/انا ما اصيح اكيد.

بتوتر/بدر.

ببسمه/اول مره اعرف انه اسمي حلو كذا كنت ببدله بس خلاص هونت.

الخجل منعها من الرد

ليهتف هو بهدوء/مناير تجهز لنا الاكل عشان كذا رديت علي جوالها يوم ناظرت رقمك نعتبرها النظره الشرعيه علي الجوال لانه اخوك فهد .

بخوف قالت/فهد.

سمعت صوته /شفيك قمر؟

التفتت وراها وناظرت فهد اخوها منزل شماغه وماسكه بايده وواضح عليه التعب /انا شفيني انت من وين طلعت؟

فهد باستغراب/قمر فيك شيء ومن تكلمين الحين؟

بدر ضحك بسره وهو يسمع صوتها وشكثر خايفه وسمعها تقول/اكلم مناير بنت عمي قصدي اهي اللي اتصلت فيني.

فهد بهدوء/طيب روحي حاكيها ببيت جدي داخل .

دخلت البيت وقلبها يرقع مثل طبول وقالت بخوف وهي تبلع ريقها/قلبي بغي يوقف.

بدر بضحكه قويه/ههههههههههههه خوافه.

بهدوء/خلي مناير تكلمني مع السلامه.

قفلت الجوال وحطته علي قلبها وغمضت عيونها بشعور ممزوج بين الراحه والخوف شكله رومانسي بدر ابتسمت غصب عنها وتنهدت براحه.

جوري اختها تناظرها وقالت بنص عين/كشفتك قمور.

قمر بخوف/انا ما كلمته اهو اللي رد علي جوال مناير يوم اتصلت عليها.

جوري وفله انسدحو من الضحك علي ويهها وتعابير الخوف وكانها ياهل مسكوها تاخذ حلوي بدون اذن.

جوري من بين شهقات الضحك/واي قمر انتي ابداع انا بس شفتك كذا منسجمه قلت اخرعك وانتي ماشاء الله قطيتي الخيط والمخيط.

فله وهي ماسكه بطنها اللي عورتها من كثر الضحك/زين اني عرفتك عشان يوم اسوي اي شيء ما اقولك لانك بتخرين كل شيء اه يا بطني مو قادره امسك نفسي.

فله بغمزه/عيل بدر رد علي جوال مناير شقالك خلاك خدودك كذا مورده.

قمر حست بخجل زاد من احمرار خدودها لتهتف جوري/لا الحكايه كبيره لازم نعرفها.

فله توها بتتكلم بس سكتت يوم ناظرت دموعها فهتفت/قمر شفيك تري نمزح معك يا عمري.

ارتمت في حضن فله وبكت بقوه لدرجة اتخرعو البنات من بكاها/قمر حبيبتي لا تزعلين والله نمزح معك شفيك؟

ردت جوري علي جوال قمر وهي تهتف/مناير اخوك شقال لاختي خلاها تصيح كذا ها.

سمعتها تكلمه/يقولك يا حشريه مالك بيني وبين زوجتي.

جوري تخصرت/قوليله بعد ما صارت زوجتك بس تدرين منور طلعو عيال الراشد رومنسيين علي كلن انتبهي الحين حق نفسك وقولي حق اخوك من الحين تبكي بنتنا.

قفلت منها وهي تناظر قمر اللي بعدها بحضن فله/الله يرزقنا بس.

ضحكت عليها فله/لو تسمعك ياسمين اعتبري نفسك معاقبه.

حطت ايدها علي ثغرها ببسمه خوف.

@@@@@@@@@@@@

مزون واقفه جدام البيت تنتظر ادم اخوها عشان بتروح شغلها في المستشفي يوط طلع لها/هلا مزون بتروحين الحين.

هزت راسها وهي تاخذ منه مفتاح السياره/ايه وبرد قبل المغرب.

بهدوء/متاكده مزون بتروحين اخذتي اجازه اليوم.

بعثرت شعره البني/لا تخاف علي ادم ساكون بخير يلا بتكبر وبتاخذني انت الشغل.

ناظرها بنص عين/مو مفكره تتزوجين يعني.

ناظرته ببرود/سلام

ركبت السياره وهي تناظر ادم يدخل البيت شغلت السياره وتوها بتقفل الباب ما تحرك رفعت عيونها الا تناظر احد ماسك الباب ونظراته ناريه وهو يقول بحده/نزلي من السياره.

ببرود/انا بر....

قاطعها بحده/اقولك نزلي من السياره احسن لك.

بهدوء/طيب ممكن توخر عشان اعرف انزل.

بعد عن السياره وعيونه بالارض لانه مو محرم لها لتستغل هي الفرصه وتحرك السياره خارجة من البيت بسرعه كبيره...

هتف بغضب/سفهتني....

دخل البيت وقال بحده وهو يناظر ريفان/رفيجتكم ذي وين رايحه؟

ريفان/مزون.

بغضب/ايه مزون الزفت.

ريفان باستغراب/رايحه شغلها عندها دوام في المستشفي.

وافي بحده/ورايحه لحالها تسوق.

ريفان ببسمه كتمتها/استاذنت من جدي واذن لها شفيها وافي تري السواقه...

قاطعها/ذي مره وعدت ثاني مره تروح مع السايق ومعها اخوها ما عندنا بنات تسوق تفهمينها هالشئ احسن لها.

راح وافي وظلت ريفان مكانها مستغربه من عمها سمعت جدتها راحت لها وهي تسمعها تقول/شفيه عمك معصب يمه؟

ريفان باستغراب/معصب عشان مزون راحت شغلها بسيارتها يقول ما تروح لحالها ما عندنا بنات تسوق معصب حده يا جده .

مزنه ببسمه/ما عليه يمه كذا عيال الراشد تحمد ربها انه فهد ما كان موجود والا كان علقها من ريلها في اول شجره ما عليه يمه انا كن بتكلم بس يوم جدك اذن لها سكتت وكنت بكلمه بعدين.

ريفان /بصراحه يا جده الموضوع ذا حيل صعب مزون تسوق من زمان وبعد ياسمين وريحان بس انا وفله حيل خوافات ما حاولنا حتي نتعلم بس الحين بوجود عمي وجدي وافي صار مساله السواقه ثانويه بس يا جده بعد فيه ناس محتاج انها تسوق مالها اي خيار وما لها اي احد.

ردت بهدوء/ادري يمه بس بعض الرياييل دمهم حار وما يرضون بهالشيء حتي لو مو من اهلهم .

ببسمه/انا الحمد لله ما اقدر اجلس واسوق احس بنفسي اموت هههههههههههه.

مسحت علي شعرها بحنان/الله يحفظك يمه من الموت عساني اشوفك عروس انتي وخواتك.

بهدوء ردت/امين.

الجده/ريحان اتجهز نفسها والا شلون؟

بضحكه/ايه يمه الكبت كله لبسته ومحتاره للحين تركت قمر معها .

بحنان خالص/عسي الله يسعدها يارب ويشفي عمك ان شاء الله يارب.

امين /قالتها بحنان.

@@@@@@@@@

بدر ابتسم حق مناير وقال/شفيها قمر؟

مناير ببسمه/لا بس تخرعت من فهد وبعد خجوله يعني رديت عليها وفهد ذي لحالها فيلم رعب.

ببسمه/وجوري ام كشه ما تتركها عاد شلون؟

ردت بفرح/كلش والا جوري حبيبتي؟

بنص عين/لا تنسين تتصلين تطمنين علي قمر بروح لواحد من الربع ولو تبين اي شيء اتصلي فيني .

@@@@@@@@@

ريم بهدوء ودلع/حمد ذا العصير اشرب حبيبي.

اخذ منها الكاس وشربه في مره وحده وهو مسحور فيها/تسلمين حياتي وين اليهال؟

ريم بدلع/عند امي حبيبي لا تحاتي.

ابتسم لها ومسك ايدها وقربها منه وباس خدها/عشان يفضي لنا الجو شوي اشتقت لك.

حطت اصبعها علي خدها وبهمس/وانا بعد البيت حلو وهادي عاد ياريت اهلك ما يرجعون ان شاء الله.

حمد ببسمه/ان شاء الله.

@@@@@@@@@@

ياسمين تتصل فيها للمره الخامسه وماردت بدت تخاف لانه دوامها خلص من ربع ساعه والحين مفروض انه ترد البيت غمضت عيونها بالم وخوف اجتاح جسمها.

راحت لجناح عمها دقت الباب ودخلت يوم سمعت صوت عمها يقللها ادخلي.

ناظرته جالس يقرا شيء في جهازه/هلا ياسمين؟

ما ردت عليه.

لف لها وناظرها شارده وييها اصفر وواضح عليها الخوف استغرب من يوم عرفها اهي قويه وما تبين ضعفها وقف وقرب منها/صاير شيء خواتك فيهم شيء؟

هزت راسها بلا/وافي واللي يسلمك مزون ما ترد علي جوالها ودوامها خلص وما ردت للحين.

عفس ويهه وتذكر اللي سوته/يمكن راحت مكان او بيتهم السوق..

قالت وهي ترص علي اسنانها/انت ما تعرف شيء انت ما تدري اليوم ذا وش صار فيه وافي....

تذكر سؤال ادم الصبح وربطه بكلام ياسمين الحين فيه شي صاير وما يدري شنو بس انهيار اللبوه ذي يخليه يعرف انه شيء كايد قال وهو ياخذ مفاتيحه/بروح المستشفي وعساه خير.

حط ايده علي كتفها وطلع بسرعه بعد ما اخذ شماغه من علي الكرسي اخذت جوالها واتصلت بعد ما ردت عليها راحت المطبخ اخذت كاس وميه شربته تبي تبرد النار اللي تاكلها.

وهي تفكر وش اللي ممكن يصر لمزون غمضت عيونها بالم ما تقدر تتحمل تفقدها بعد.

ارتسمت صورتها في بالها ضحكتها وغشمرتها وعيونها الخضراء اللامعه يارب سترك يارب.

اتصلت بمزون مره اخري لترد هذه المره لكنها لم تكن مزون /رفيجتك معي؟

ارتعش جسدها /انت منو ووين مزون؟

بسخريه/نايمه مثل الملاك.

والله ان لمستها لا يكون اخر يوم في عمرك تسمعني/قالتها بحده مخيفه.

ليهتف/ميشيل مقابل مزون معك ساعه تفكرين.

قفل الخط بوجهها اتصلت بوافي وهتفت اول ما رد /رد البيت وافي ابيك الحين.

ما تركت له مجال للحكي وركضت لغرفتها فتحت لابتوبها وشغلت برنامج تحديد المواقع عشان تعرف مزونها وينها فيه جهاز تحديد المواقع مو بجوالها عشان كذا ماراح يوخرونه عنها .

تنهدت براحه وهي تناظر الاشاره بموقع مزون يارب انك تحفظها يارب يارب استرنا يارب.

سمعت صوت ريفان تقول/ياسمين بروح بيت عمي ابو صقر مع جوري.

بهدوء/طيب لا تتاخرين.

@@@@@@@@@@@@

لفت بفستانها لجدتها/جدتي حلو فستاني؟

ام مشعل بفرحة/انتي محليتيه يمه عسي الله يحفظك.

سالي بطفوليه/بروح حق ريحان تسوي شعري عشان اطلع حلوه مثلها.

ناظرت ولدها اللي يبتسمك وقالت/شنسوي ريحان خذاها ولد ناصر العامر والا خذيناها.

ابتسم بهدوء لامه تبي تزوجه بس هو مو قادر يدخل تجربه زواج ثانيه وهو بعده ما تعافي من الاولي /ريحان حبيبتي انتبهي حق نفسك طيب وجدتك اتصلت تسال عنك؟

قالت وهي توقف/ما ابي مابي اروح عندهم تلهم هنات يدولولي بعنس وماراح احد يطالع ويهي.

بهت وجهه وهو يسمع كلام بنته اوجعه قلبه عليها ليفتح لها ذراعيه وارتمت في حضنه وهذه المره لم تبكي وهي تهتف بقوه وثقه/انا ما اهتم لتلامهم بس ما ابي الوح عندهم ما ابي اخذ منهم طاقه سلبيه.

ضحك بصوت عالي علي بنته يوم واحد بس معهم وثقتها بنفسها زادت/ايه حبيبتي ما نبي طاقه سلبيه الحين روحي مع الشغاله لانه انا وجدتك بنروح بيت عمة منيره.

راحت سالي وام مشعل ببسمه/الله يهديهم بس الحين يا مشعل لازم تفكر زين في موضوع الزواج بنتك محتاجه لاحد يراعيها انا اكيد مو مقصره معها بس يمه تحتاج اخوان بعد وبعد يمك انا ابي اشوف عيالك ابيلم ولد يرفع اسمك واسم ابوك من بعدك.

هتف وهو يبوس راسها/ان شاء الله يمه ان شاء الله .

راح ورفعت ايدينها للسما بفرحه لانه اول مره يقول كذا وهو مبتسم/عسي الله يرزقك بحرمه سنعه يا ولدي.

وهو يبتسم/يلا يمه نروح حق منيرة الحين اكيد متضايقه.

امه/اختك فيها شيء غير تعب ريلها بنتي واعرفها.

بهدوء وهو ياخذ جواله /الله يهدي سرها ان شاء الله.

@@@@@@@@@@

قمر ببسمه /يا ويل حالي عليك يا ريحان هذا وانتي تكلمينه بالجوال وتعرفينه وكذا عيل انا شقول احس بقلبي بيوقف ما بناظره الا يوم العرس والا فهد ينحرنا اثنينا.

ببسمه ساحره وهي ترتب شعرها اللي سوته فلو/هههههه الله يعين ومن كلامك واضح انه بدر حباب بس عاد المحامين ذولي ما ينعرف لهم.

قمر ببسمه/تري جوري وريفان راحو بيتنا اذا تبين شيء؟

بهدوء/لا حبيبتي يسلمو بس بصراحه ابي اتطمن علي عمي بس حيل مستحيه.

قمر تنهدت/الحمد لله بخير لا تحاتين بوصل له سلامك يا قلبي انتي الحين خففي من التوتر تراها خالته حيل حبابه مره زارت جدتي وهي طيبه حيل .

عسي ان شاء الله اتعب معك في عرسك ان شاء الله يا قلبي/قالتها وهي تحط كريم مرطب لوجهها.

بخجل/تسلمين تدرين اني خجلانه حيل من عمتي سعاد ام بدر .

بضحكه/وتلوميني يوم احاتي مقابله امه.

دخلت فله وببسمه/عرايسنا شلونهم؟

قمر وهي تناظرها باعجاب/بخير يا حلو.

فله جلست علي السرير وهي تناظر ريحان تحط كريم علي ايدينها وقالت/تري عمي مساعد يسلم عليك الحمد لله صحته زينه يبيله بس شوي راحة من الشركة ويصير زين.

قمر جلست تبرد اظافرها المقصوصه وكملت فله/ وبعد جدتك وخالك مشعل هناك انا بصراحه حسيت بخجل وطلعت من البيت قلت عشان خالك ياخذ راحته ولانه واحد من اخوانك معطي حق الشغاله اجازه فاشتغلت بدالها اليوم.

ريحان ناظرتها بحنان لتهتف قمر/ههههههههههه ما بنلاقي احسن عنك.

قمر/بصراحه كنت بشتغل عندك بس ما ادري من اخوانك وايد يطلب ما ادري قهوة وبعدين قهوه وبالاخر سويت له عصير ليمون قلت اكيد معصب خلي يهدي اعصابه.

قمر/هههههههه اكيد صقر او وليد لانه لو فهد اكيد كان جاك وعلي راسك يا قلبي.

فله انسدحت وقالت /باكر راده الشغل اشتقت حق مرضاي وانتم اتركمم عاطلات عن العمل حرم بدر وحرم ناصر.

ريحان/نحنا اميرات الراشد ما نشتغل.

قمر/عن نفسي ما احب الدوام والالتزام ما احب صراحه اهم شيء معي شهادتي اذا احتجتها بيوم.

انفتح الباب ودخلت سالي اللي ارتمت بحضن فله/ابي كيك.

@@@@@@@@@@

وافي وقف جدام المستشفي بنفس الوقت اللي وقف فيه فهد ونزلوا من سياراتهم فهد قرب منه بلباسه العسكري وهو يهتف/شفيك وافي شصاير؟

وافي بقلة صبر/بنت السفير ما ادري عنها احد خطفها حكي مع ياسمين ما ادري ما فهمت منها شيء الا انه احد خطفها ومعها جهاز تعقب والاشاره هنا بالمستشفي؟

فهد وهو يمشي معاه ويناظر الاشاره بجوال عمه/شيبي ما قال؟

هز راسه/ما ادري بس ما فهمت منها شيء الا ذا اليوم ما تدري شنو صار؟

فهد بعد تفكير/لاحظت ادم اليوم شلون يسال؟

رد عليه/ايه فكرت انا بعد ما ادري شصاير بس الحين لازم نلاقي بنت السفير قبل ما يصير فيها شيء.

فهد بهدوء/بروح اكلم مدير المستشفي اذا يعرف اي شيء صديقي وما نبي شوشره وانت رح ناظر الاشاره اذا تاخذك لها او لا.

وافي مشي نايحة الدور الثالث واستخدم الدرج لانه المصعد كان مشغول وهو يفكر منو ذا اللي يخطفها وياسمين ليش خايفه كذا وليش ما تبي احد يدري لو يبي شيء كان اتصل وطلب فديه ولو ارهابي كانت الحين صورها علي كل صفحات الانترنت.

بعثر شعره وهو يوصل للدور الثالث قسم الجراحه والاشاره صارت تقرب اكثر واكثر وقف عند الاستقبال وسال عنها ما احد يعرف عنها شيء الا انها طلعت بعد ما خلصت عمليتها.

راح عند المخزن والاشاره صارت تصير اقوي كل شيء مرتب وناظر عربة الغسيل يوم قرب لها الاشاره صارت اقوي يوم ناظر فيها ناظرها وكانها ميته.

مسك ايدها فيه نبض بس خفيف اخذها بين ايدينه وكانت ثقيله نوعا ما طلع وحطها علي اول سرير وهو ينادي الممرضه اللي جت تركض وهو تهتف/دكتوره مزون شفيها؟

هز راسه وهو يقول/ما ادري؟

تحركت ودخلتها لاول غرفة ملاحظه وهي تستدعي الدكتوره واخذ جواله واتصل علي فهد اللي جا بعد دقايق معاه صديقه هتف وافي/هلا دكتوررابح نبي نكتم ع الموضوع مثل ما تعرف الوضع حساس.

ناظر فهد وبعدها قال/ان شاء الله انا الحين بدخل اشوف شفيها؟

وافي زفر بضيق/الحين ما ادري شلون بوصل حق ياسمين الخبر؟

فهد/لا تخبرها الين نعرف حالتها؟

رد بنرفزه/فهد مو وقتك الحين اكو شيء يصير هنا ما اعرفه بس احس انه هالشيء كايد والا مثلا ليش السفر اول مره يسافر لا وعياله يظلون عندنا .

فهد بهدوء/كانه انتقام.

ناظره وهو يقول بنفسه نفس الكلام اللي بعيون فهد مين اللي يبي ينتقم منهم وليش شنو اللي مسوينه.

بعد عشر دقايق ناظر في الممر وحده تمشي معها اثنين دخلت الغرفه بدون ما تناظرهم او تكلمهم بهدوء تحدثت/لو سمحتو ممكن تطلعون بري واعطتهم الورقه.

الدكتور رابح قراها وهز راسه وطلع من الغرفه ليهتف بهدوء/معاها امر انها ما يقربها احد الا هي طبيبة وشغاله في الانتربول.

بعد خمس دقايق دخل ثلاث اشخاص ومعاهم نقل اخذ منه وافي الورقه قال وهو يقرا/امر بنقلها للمستشفي العسكري.

@@@@@@@@@@

بعد نصف ساعه دخلت ياسمين المستشفي العسكري مع جدها وقلبها يرقع بين ضلوعها ناظرت سارا وراحت لها وهي تقول بهدوء ممزوج بخوف/شفيها سارا صار معها شيء؟

سارا بهدوء/ما لمسها احد بس عطوها سم اذا ما عرفنا وش هو او علاجه ما ادري اذا راح تعيش.

اخذت جوالها واتصلت برقم مزون وهي تاشر لساره تسمع معها انفتح الخط فتحت سبيكر وبدون تردد قالت/شتبي؟

اكيد لقيتوها /قال بسخريه.

وكمل ببرود/لا اتعبين نفسك وتتبعين الاشاره لانه ماراح تلاقينها من زمان عنك سارا.

بلعت ريقها لتهتف بغضب/انت منو؟

ضحك ببرود/ما يهم اللي ابيه الحين المقابل عشان اخبركم بالدوا اللي ينجي صديقتكم بس شرطي صعب ما ادري اذا عمك يقدر ينفذه.

ياسمين باستغراب/عمي شنو يخصه؟

بسخريه/اذا ما تزوج عمك مزون خلال الربع ساعه الجايه راح تموت صديقتك بعد ساعتين لانه السم راح يبدا مفعوله بعد ساعه ويبدا كل شوي يوقف عضو حيوي بدايه بكلي نهاية بقلبها.

صدمه بانت علي ملامح سارا وياسمين/بس.....

قاطعها بضحكه/انتظرك.

قفل الخط زفرت بضيق/ساره منو ذا المجنون انا توقعته هو بس ذا موب اهو .

ساره بهدوء/مزون ذا شريكه اخر مره يوم لقينا مكانه لقينا حمضين نوويين يعني بيكون شريكه بس ما طلع عندنا ولا تطابق مع اي احد.

بنفاذ صبر/شيبي من وري طلبه ذا وش اللي يضمن لنا انه ينفذ هالشيء.

ساره/وري طلبه شيء ما ادري شنو بس متاكده راح ينفذ كلامه واذا ما نفذ ما خسرنا شيء بنكون سوينا كل اللي علينا الحين عمك راح يوافق او لا.

صمت حل لدقائق حطت ساره ايدها علي كتف ياسمين/لازم تحاكين عمك او ....الوقت ضدنا.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 27-12-2018, 05:35 PM
صورة عاصفة الجمر الرمزية
عاصفة الجمر عاصفة الجمر غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


راااااااااااااااائعه

الرد باقتباس
إضافة رد

قلوب فوق لهيب العشق/بقلمي

الوسوم
لإخت , العشق , رومانسيه , روايتي , روايه , فوق , واقعيه , قلوب
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رياحين العشق/بقلمي Lazz_a روايات - طويلة 2 25-01-2018 10:16 AM
روايه:متهورون جمعهم العشق/بقلمي رنوش الخزاعي روايات - طويلة 15 06-11-2016 04:40 AM
رواية ملاك العشق/بقلمي فرح ياسر روايات - طويلة 42 01-02-2016 02:09 AM

الساعة الآن +3: 10:54 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1