غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 27-12-2018, 09:33 PM
صورة ورد فلسطين الرمزية
ورد فلسطين ورد فلسطين غير متصل
©؛°¨غرامي متألق ¨°؛©
 
الافتراضي رد: قلوب فوق لهيب العشق/بقلمي


كتير بتجنن
أسلوبك رائع جدا بالسرد والحوار
متابعة من الآن ومتشوقة للأحداث والبارتات الجاية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 28-12-2018, 06:56 AM
صورة مكاويه أصيله الرمزية
مكاويه أصيله مكاويه أصيله غير متصل
©؛°¨غرامي فعال ¨°؛©
 
الافتراضي رد: قلوب فوق لهيب العشق/بقلمي


زاد حماس الروايه
بانتظار البارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 29-12-2018, 04:44 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


اقتباس:
المشاركة الأساسية كتبها ورد فلسطين مشاهدة المشاركة
كتير بتجنن
أسلوبك رائع جدا بالسرد والحوار
متابعة من الآن ومتشوقة للأحداث والبارتات الجاية
الله يسلمك حبيبتي
انتظر توقعاتك
وتحليلك للشخصيات


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 29-12-2018, 04:45 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


اقتباس:
المشاركة الأساسية كتبها مكاويه أصيله مشاهدة المشاركة
زاد حماس الروايه
بانتظار البارت
مشكوره لمرورك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 02-01-2019, 04:30 PM
fulla fh fulla fh غير متصل
©؛°¨غرامي جديد¨°؛©
 
الافتراضي


اختلفنا في وجهة نظر
ليه يا خِلّي الزّعل!؟
الحبايب تختلف
وماهي تالية العمر
ليه يا خِلّي الجفا!؟
الكلام أخذ وعطا
ليه يا خِلّي القطيعة!؟
ومن شراك أنت تبيعه




البارت الثامن

نزلت ريحان ببسمه خجل علي ويهها ابتسمت حق جدتها اللي قالت/هذي بنتك يا موضي.

موضي بترحيب /هلا والله بمرت الغالي بسم الله ماشاء الله عيني عليك بارده.

سلمت ريحان بخجل/هلا خالتي.

موضي بنظرات اعجاب بفستانها الازرق الملكي لنص الساق ماسك علي جسمها بس مو بطريقه مبتذله وحلقها بلون احمر وجوتي احمر ومكياج خفيف.

مزنه ببسمه/ها يا موضي هذي هي زوجة الغالي.

ابتسمت والحين تدري شلون اخذت عقل ولدها/الله يحفظها يارب ويبلغنا يوم عرسهم.

الكل/امين.

موضي بحنان/سلامة مساعد يا مزنه عسي ما يشوف شر ان شاء الله.

مزنه بحزن غلفته ببسمه/الشر ما يجيك ان شاء الله.

السوالف كانت حيل حلوه وحنان جدتها وموضي يتذكرون ايام كانو صغار اخذت موضي جوالها وناظرت الرساله اللي جتها وهمست حق مزون اللي ابتسمت بعد.

مزنه/ريحان يمه روحي المجلس جدك يبيك.

ببسمه/حاضر يمه.

راحت ريحان لتهتف موضي/ما شاء الله الله يبارك ولدي حظه من السما زين وادب واخلاق عسي الله يحفظهم يارب.

مزنه من قلبها/امين يارب والله اني مرتاحه حيل دامها بتكون عندك يا موضي تدرين هالايام الحموات صايرات مو مثل ايام زمان.

ببسمه/ايه والله يا مزنه زمان كانو شديدات بس حنونات الحين الحموات والكناين اللهم يا كافي.

ضحكو ثنينهم لتهتف مزنه/الحمد لله كلن ياخذ علي قد نيته.

@@@@@@@@

بمكان اخر

حط ايده تحت خده يناظرها بحب شكثر اشتاق لها فتحت عيونها وهي تناظره بمحبه/صباحو يا قلبي.

ردت بخجل كبير/اي صباح يا راشد.

كانت حاسه بخجل رغم طول السنين اللي عاشتها معه الا انها بعدها تحس بخجل كبير معه كانها اول مره تناظره.

مسك كفها وباسه بحنان/اشتقت لك يا سعاد بس الحمد لله التمثيليه اللي سوينها جابت نتيجه وعرفت منو اللي يبي يفرق بينا بس تدرين عاد لازم نسويها كل فتره عشان التجديد.

ضربته علي كتفه/جازت لك يا راشد.

ببسمه /الواحد يرتاح شوي من زن الحريم.

لوت بوزها/طيب نشوف الحين برد حق امي واقول حق اخوي يرد زوجته وانا بظل مع امي.

ضحك وهي يثبتها من كتوفها/عشان ما يصير لك خير اليوم.

ببسمه /ههههههههه خلاص راشد بروح حق عيالي اشتقت لهم تري ما جلست معهم الا شوي وابي اشتري هديه حق كنتي ما تتصور شكثر فرحت يوم خبروني العيال عن بدر وقمر والله انها طيبه وحبوبه.

ببسمه وهو ينسدح/ايه يا سعاد الحمد لله ارتحت انا مع انه ما اخبي عليك كنت اتمني ياخذ من بنات سعود الله يرحمه بس الحمد لله القلب وما يهوي.

بهدوء وهي تعرف زين قصد زوجها/كلن يجيه نصيبه والحمد لله كاهي وحده ملكت والباقي ان شاء الله بيجيهم نصيبهم ياني مشتاقه اتعرف عليهم.

ببسمه وهو يتذكر بنات اخوه/ماشاء الله زين وعقل بالذات ياسمين والله انها دخلت مزاجي ذكرتني باخوي سعود الله يرحمه.....

قاطع كلامه صوت جواله اخذه وهو يناظر الرقم رد بهدوء/وعليكم السلام....هلا ياابو يزيد .....الحمد لله انت شلونك وشلون الاهل.........اذا اقدر عليه ما يصير الا اللي بخاطرك........بشاور الوالد والبنت وبرد عليك ان شاء الله.

ناظرته باستفسار/لو طرينا مليون هذا ابو يزيد متصل يخطب ياسمين لولده الصغير مجاهد.

سعاد ببسمه/ما شاء الله هذا ولدهم الشاعر والا انا غلطانه.

الا هو/قالها وهو يفكر بالموضوع.

@@@@@@@@@@@@

فتحت عيونها وهي تحس ان راسها ثقيل ردت قفلتهم من التعب وبعد شوي فتحتهم وقالت بهمس وهي تناظر ياسمين وسارا بصوره مشوشه/ميـــشيل.

وقفو اثنينهم لتهتف سارا/مزون الحمد لله علي سلامتك لا تخافي ميشيل بخير.

غمضت عيونها براحه وهي تحس بياسمين تحط كفها علي راسها وهي تدعي لها وتقرا عليها بهدوء/سلامات مزون .

بتعب/الله يسلمك بس ذا مو هو.

سارا بهدوء/اخر مره لقينا حمض نووي ثاني بالبيت اللي كان متخبي فيه بس ما طلع عندنا ولا اي يشء عنه ولا بالانتربول ولا بكندا ولا حتي هنا بالسعوديه بس لا تحاتو انا ماراح ارتاح الين انتقم منه.

ياسمين بهدوء/سارا الانتقام تري يودي بس للالم اكثر.

سارا بقلب محروق/بس هو ذبح زوجي وولدي قدامي .

حطت ايدها علي كتفها/خفي علي نفسك.

ابتسمت بهدوء بعدها باست مزون علي راسها لتقترب بعدها وتحضن ياسمين وتقبل خدها/بسافر الحين دبي واذا احتجتو اي شيء جست كول مي وسوت حركت تلفون بايدها وسوت لهم سلام بايدها وطلعت من الغرفه.

ياسمين ناظرت مزون اللي قالت بترقب/وش اللي اخذه مقابل انقاذي وش اللي اخذه.

ابتسمت لها/لا تحاتي انتي بس نامي عشان ترتاحين.

حطت ايدها علي جبهتها وقرت عليها عشان تهدي وتنام الحين مو وقت انها تقول لها انها صارت حرم وافي الراشد ما تدري وش راح تكون ردة فعلها.

تنهدت بهدوء ما تدري الين متي راح يلاحقهم عشر سنوات وما نساهم ولا نسي انتقامه يارب استرنا يارب واحفظنا يارب كورت ايدها بغضب واخذت جوالها واتصلت بريفان.

@@@@@@@@

جوري اخذت الكريم اللي علي طاوله ريحان وقالت بهدوء/حلو ذا فلو.

فله بهدوء/ايه تراه من شركة svr انا بشرتي دهنيه مناسبني.

جوري /وانا بعد بشرتي دهنيه.

ريفان وهي ترفع راسها من علي فخذ قمر اللي كانت تسوي لها مساج/اسالي ريحان او مزون ذوك خبره يعطونك اللي يمشي معك.

قمر وهي تناظر انعكاس ويهها/انا بشرتي جافه اعاني معها طول الوقت ترطيب.

ريفان ناظرتها بحسره/مثلي قمور والله انقهر انا ذولي كلهم بشرتهم دهنيه الا انا جافه تدرين شعور الجفاف ويصير عندك مثل قشور بويهك كنه صحرا بموسم جفاف.

ضحكو البنات لتهتف جوري/واي بنات اعجبني فستان بريانكا شوبرا صح سيمبل بس ذيله وش طوله.

قمر/ذي اللي تزوجت المغني الامريكي اصغر منها صح.

جوري تلوي فمها/ايه يا حظي اكبر عنه ويناظرها كانها طاحت له من السما مو اللي عندنا يقوله اصغر منك بخمس سنين يقولك لا كبيرة علي.

ريفان ضحكت وهي تجلس وتلف شعرها/مو الكل تفكيره كذا وبعدين الاجانب حياتهم غير عن حياتنا لانهم عايشين حياتهم بالطول والعرض بس نحنا مسلمين ولنا ظوابطنا.

قمر/الحمد لله علي نعمة الاسلام.

جوري تمسك الجوال وتحطه جدام جوري عشان تناظرها معها وتضحك/بنات ذي وحده ترقص كيكي بالشارع سرقو منها شنطتها اه يا بطني والله تستاهل.

فله اعطت الجوال حق قمر وهي تضحك /الله يثبت علينا العقل والدين.

جوري بضحكه ومو قادره تتحكي/ات خيل لو اقول حق فهد اقو له ههههه وقف السياره بسوي كيكي نحرني.

الكل/هههههههههههههههههههه.

@@@@@@@@@@

دخلت ريحان المجلس وناظرت الباب الخارجي مقفل ناظرت المجلس ما به احد يمكن طلع جدها لفت بتطلع من المجلس ناظرته واقف جدامها همست لااراديا/ناصر.

ابتسم لها/هلا شلونك؟

ببسمه خجوله وهي تنزل عيونها عيونها لانه كان يتفحصها من ريولها الين راسها/الحمد لله شلونك انت؟

ببسمه/بخير.

كان وده يقول لها صرت فوق السحاب يوم ناظرتك يا قلبي بس اكتفي بكلمة بخير ما يبي يحرجها .

ببسمه/استغليت فرصه انه فهد مو موجود واستاذنت من عمك اني بشوفك.

ابتسمت غصب عنها وقالت بهدوء وهي تجلس علي الكنبه لانه ريولها مو قادره تشيلها/تدري انه امك احلي بوايد من كلامك بصراحه حبيتها حيل طيبه احسها مثل جدتي مزنه.

حس براحه من كلامها جلس علي الكنبة اللي مقابلتها لانه ما يبي يحرجها/انا ما ابي منك شيء ريحان الا انك تحترمينها حتي ولو عصبت عليك.

بهدوء/ناصر تري ادري الكبار احيانا يصيرون مثل اليهال وبنصير مثلهم بيوم لا تحاتي .

ببسمه صغيره/طيب ان شاء الله بس يطول في عمرنا واشوفك كذا عجوز حلوه.

اخذت نفس عميق/الله يطول في عمرنا علي طاعته يارب.

قال وهو يحط جواله علي الصامت/بغير دهان جناحي فاذا تبين لون معين قلت اخذ رايك ؟

ريحان وهي تختلس النظر له/اختي مهندسة ديكور وفاتحه لها مكتب بصراحه شغلهم حلو لو ما عندك مانع يعني.

طيب عندك رقم او شيء/قالها بهدوء.

ببسمه/ان شاء الله .

اخذت جوالها وفتحت علي صفحة الشركة علي الانستغرام ووقفت تعطيه الجوال اشر لها تجلس جنبه جلست وكانت فاصله بينهم الخداديه فتحت له علي الصور /ناظر كذا حلو اللون الابيض.

ناظر الصوره بس تركيزه كانت علي اناملها البيضاء رد يناظر الصوره/ايه حلو بالحيل خلاص يوم ابعثي لي الصور اللي اعجبتك ونختار منها انا لازم اروح الحين.

هزت راسها بايه ووقفت معه وطلع علبه من جيبه وحطها بايدها وقرب منها وهمس لها وهو يبوس خدها/ان شاء الله تعجبك.

طلع من المجلس وقلبها بغي يطلع من مكانه طلعت من المجلس وراحت لغرفتها سمعت ضحكات جدتها وموضي وراها .

موضي ببسمه/يحليلها ذكرتني باللي مضي.

@@@@@@@@@@

ريفان بهدوء وهي تطلع من الغرفه/شلونها الحين؟

ياسمين/طيبه ما علي قلبها شر بس ريفان ما ادري شلون اوصل لها خبر زواجها من وافي.

ريفان تهدت وتذكرت شلون كان معصب منها عشان طلعت بالسياره/اتركيها يومين تسترد عافيتها بعدين نخبرها تري التعب وخبر مثل كذا ممكن يخليها تنهار.

تنهدت/طيب نحنا رادين البيت بعد شوي عسي الله يكتب اللي فيه الخير.

امين/قالتها وهي تقفل الجوال وتوها بتدخل الا تصدم في ريحان اللي كانت جايه تركض من تحت طاح من ريفان جوالها اللي صار بين اثنين.

ريحان حطت ايدها علي فمها وهي تاخذ الجوال وهي تدري اختها شلون متعلقه بجوالها هدية ياسمين بتخرجها/اسفه ريفان والله ما انتبهت.

ريفان بحزن بان علي ملامحها/ولا يهمك يتعوض الجوال انتي شفيك كانه احد يطاردك.

بخجل/ ولا شيء بس كنت مع ناصر.

ببسمه/ايه قولي كذا من الاول انتي تقابلي مع ناصر وانا اخسر جوالي روحي يا شيخه.

دخلت غرفتها وانصدمت منهم جالسين بغرفتها جوري بضحكه/شفيك مصدومه كذا شمسويه من ورانا الخدود حمرا والعيون تلمع .

ريفان/كانت مع ناصر .

جوري سوت نفسها داخت علي فله/يا ويل قلبي ويلاه شهالرومانسيه تدرين يقولون ذي احلي ايام بس مالت علي ويهي دام فهد اخوي وراي ماراح اعيشها.

الكل ضحك عليها /هههههههههههه.

قمر/استحي علي ويهك واحترمي اخوك هو صح شديد بس لانه يخاف علينا.

انا ما قلت شيء انا قلت انه باكر يوم تملكين علي بدر لا تحلمين انه تجلسين معه او حتي تكلمينه جوال يعني هو زوجك وش راح يصير بمدار الارض لو جلستي معه/قالتها بدراما.

فله بضحكه مكتومه/سكتو ذاك اليوم بروح الدوام يوم صرخ انا رديت البيت خفت من صوته ومن كلام جوري بصراحه .

جوري بضحكه/يارب يارب املك وفهد يكون بشهر بصله اقصد عسله مع المسكينه اللي راح تندب حظها ههههههههه.

وكملت/اه يا ويل قلبي ويلاه.

ريفان بهدوء/بنات تري مزون تعبت شوي وراح ترد البيت بعد شوي عشان كذا ما ابي هذره فوق راسها طيب.

ريفان وفله بنظرات ترقب وخوف/شفيها؟

شويه تعب وقلة اكل/قالتها وهي تبعد نظرها عنهم.

@@@@@@@@@@

جالس بواحد من المقاهي الهاديه مع صديقه اللي كان سرحان بفكره تركه علي راحته ما يبي يضغط عليه بس ابتسم يوم ناظره وقال/تصدق صقر انك مرتاح يا اخي احسدك.

ضحك/لا تسمعك ام صقر الحين.

تنهد/احس يا خوي اني بحرب مو قادر ارتاح ابوي الله يهديه بعد ما رضيت وتزوجت بنت عمي جبرني اتزوج مرت اخوي الله يرحمه عشان عياله يا اخي شهالتفكير والحين صرت بين المطرقه والسندان الشكوي لله.

صقر يناظره/متعب هونها وتهون.

متعب بنفاذ صبر/صقر تري ذا مو امتحان تصبرني عليه وتقولي تهون اذا ما نجحت هالمره بنجح المره الجايه ذي حياه زوجاتي يعني ابتلشت خلاص.

صقر ومتعب اصحاب من ايام الثانويه ودرسوا مع بعض ادارة اعمال في لندن.

صقر/حالتك صعبه بس لازم تكون حازم معهم يا متعب لا تترك الحبل علي الغارب كذا راح تتعب انت وبس انا ما اقولك طقهم بس عطهم حقوقهم وخذ حقوقك يعني من حقك ترتاح .

كمل صقر/انا جايك بموضوع وانت فتحت لي موالك الطويل.

متعب ضحك/موضوع شنو هات ما عندك؟

صقر بجديه/بصراحه انا ابي اناسبك وابي اختك بس ابيك تشاورها قبل ما اجيب الاهل او اكلم ابوك لاني اعرفه راح يجبرها.

متعب اللي ما توقع الموضوع ابد قال/اي وحده من خواتي؟

صقر وهو يناظره/مشاعل.

الصدمه ما تركته يتكمل اخر شيء كان يتوقعه ما ينكر انه سعيد بالخبر/صقر انت اعز واقرب صديق لي وما اخبي عنك فرحت بالخبر بس انت تدري كل شيء عن مشاعل وشلون تركها ولد عمي بيوم ملكتها وشلون الناس تكلمت عنها ما قالو تركها عشان عندها سكري لا بس قالو لانها....

قاطعه/متعب بصراحه انا ابي نسبك ومشاعل اهيا الاقرب لسني يعني مثلا باخذ مريم اللي بالثانوي ما يصير.

ابتسم/الله يسعدك يالنسيب.

ضحك/ان شاء الله بس متعب واللي يسلمك لا تكون مثل ابوك لانك بس تبيها توافق علي صاحبك شاورها ومهما صار ماراح نتزاعل ابد.

@@@@@@@@@@@

ياسمين جالسه بالحديقه مع ادم وكان منزل عيونه ودمعة خانته/يعني مزون بغت تموت؟

بهدوء/الحمد لله صارت احسن لا تحاتي ابيك تكون اقوي من كذا.

ادم/لين متي بنظل كذا نخاف حتي من ظلنا .

تنهدت/الله بيفرجها من عنده ان شاء الله انا كلمت امك وابوك وخبرتهم بكل شيء حتي زواجها.

تتوقعين مزون بتتقبل الموضوع عادي انا خايف من ردة فعلها/قالها بخوف وهو يفرك ايدينه.

بخوف غلفته ببرودها مثل دايم/ان شاء الله مصيرها بتتزوج بيوم.

قال وهو يناظرها/تدرين ياسمين مرتاح انها تزوجت عمك ما ادري بس اولهم انها مسلم لانه من يوم اسلمت وهي تقول تبي تتزوج واحد مسلم عشان عيالها وبعد عشان تفتك من ذاك ولد السفير ال.......

ضحكت غصب عنها/بس عاد وافي ومزون نار عسي بس ما نحترق.


@@@@@@@@@@@


ابو راشد بحده وهو يناظر بنته وزوجها/ما تسحون انتم ما تسحون يا حيف بس يا حيف....

هدي/بس يب...

قاطعها بحده/لا تقولين ابوي انا ماني بابوك تطعنين في بنت اخوك لحمك ودمك يا هدي عرضك والا تحسبين الشيء ذا هين بس الله فوقكم كلكم الله فوقكم.

وانت يا سيف والله لا تشوف ايام ما عمرك شفتها وقول صقر ما قال سكت لك كثير بس الحين خلاص للصبر حدود عند عيالي وتوقف/قالها بحده وهو يضرب عصاه بالارض .

سيف بلع ريقه ما توقع يصير كل ذا توقع ولده يطلق بنت خاله وينتهي بس الغبي يبيها وواثق فيها/بس يا عمي...

بسخريه/انت ما خليت فيها عم يا ولد صالح الله يرحم ابوك كان ريال...

بحده/سمعوني زين اذا احد قرب لوسام وحصه فحسابه بيكون معي ونواف ما اناظر رقعة ويهه الرخمه ذا وانتم تجون مثل الضيوف وبالموعد البيت ما عاد مرحب بيكم فيه.

قال كلامه وطلع.

سيف بحده/ذا شورك يا بنت الراشد بيجون يترجونا عشان نستر علي بنتهم والحين احنا اللي راح نترجاهم.

هدي بزفره غضب/ولدك ذا اللي ماشي مثل الخروف وري مرته يسوي اللي تقوله مالت عليه وعلي بطن جابته.

اشر علي نفسه وقال/ما فيه خروف غيري هنا.

طلع من الصاله وهو ينافخ وهدي بنفسها ما فيه غيري غبيه اللي تزوجتك اوف يا.

@@@@@@@@@@@

فهد كان جالس بمكتبه دخل الظابط بعد ما رمي التحيه/حضرة النقيب الاستاذ فهد صالح بالتوقيف يقول انه ولد عمتك...

قاطعه/يتعامل مثل باقي الموقوفين.

طلع الظابط مرر ايده بشعره بنفاذ صبر وش مهبب ذا الحين سمع جواله وقال بعد ما رد السلام/هلا مشاري شلونك........ايه حدي جوعان بس خلي العشا بالمطعم..........طيب ......نلتقي بعد نص ساعه.

دق جواله مره ثانيه وناظر رقم جوري اخته رد بهدوء وانتظر ترمي السلام بس ما سمع صوتها وسمع اصوات ضحكات وبعده سمع صوت جوري اخته تقول/يا ويل قلبي ويلاه شهالرومانسيه تدرين يقولون ذي احلي ايام بس مالت علي ويهي دام فهد اخوي وراي ماراح اعيشها..

رغم غضبه الا انه ابتسم من كلامها اخته الصغيره اللي يخاف عليها من الهوي.

تخيل شكلها بس لو تدري انه يسمع كلامها الحين قفل الجوال عند كلمتها يا ويل قلبي ويلاه.

لانه ما يبي يتسمع اكثر هم بنات وسوالفهم ما تهمه بس يا تري يفكرون فيه كذا وحش.

ناظر رقم عمته ما رد عليها واخذ جواله وبوكه ومفاتيحه وطلع من المكتب.

@@@@@@@@@@

تاني يوم

فله كانت حيل متضايقه اليوم مروي ما اجت حق الشغل والممرضه اللي معها اليوم بغت تضربها كف تعدل لها حنكها طلعت بيها كل شيء سيء اليوم طول الوقت وهي علي جوالها واتس تنهدت بهدوء.

فله ببرود/سلمي ما عليه وقت الشغل ياريت تتركين الجوال شغلنا دقيق وما يتحمل.

سلمي بدلع/حاضر دكتوره.

انفتح الباب وطل منه واحد لفت فله بسرعه رغم انها لابسه الماسك ومو باين غير عيونها وكانت متاكده انه ما ناظرها نزلت نقابها/انت شلون تفتح الباب كذا.

سلمي /هذا اخوي دكتوره.

فله بحده وهي تسمع الباب ينقفل/اخوك او غيره فيه اختراع اسمه جوال يكلمك عليه.

طلعت من الغرفه بعد ما اخذت حقيبتها وقفت عند الاستقبال مررت بطاقتها علي الماسح عشان خروجها ناظرت المسؤوله عن الممرضات/لو سمحتي اخت مفيده ياليت تغيرون الممرضه سلمي بوحده ثانيه .

مفيده/شفيها؟

فله بهدوء/انا ما ابي اقطع برزق احد بس انا ما اقدر اشتغل معها.

مفيده/لا تحاتي الدكتور اللي تشتغل معه باكر يرد وان شاء الله اشوفلك احد ثاني ومشكوره دكتوره تعبناك اليوم.

نزلت يوم سمعت رنه من جوري وركبت السياره قفلت الباب وسمعت جوري تقول/الاخلاق مقفله.

تنهدت/استغفر الله بس جايه متحمسه حق الشغل سدت نفسي الله يهدينا بس اخذت كل طاقتي الايجابيه وافي واللي يسلمك ودنا محل sweet cake.

جوري /تراه موب وافي شفيك اليوم.

ناظرته وشعره البني اكيد موب وافي اللي شعره اسود حست بالخجل ورسلت مسج حق جوري/راح اذبحك يا جوري ليه ما تتكلمين من اول.

ضحكت جوري وارسلت لها/موب فهد تري.

بعدها فتحت علي السجل ناظرت مكالمه صادره حق فهد استغربت ما اتصلت عليه لا يكون قمر ناظرت الوقت وبلعت ريقها وقالت/يا ويل حالك يا جوري.

وليد اللي كان كاتم ضحكته قال/شفيك؟

ف ف ف ف/ما قدرت تتكلم.

بضحكه/شفيه فهد وش مسويه هالمره؟

راحت فيها اختك يا ويلي ويلاه ذابحني اليوم ذابحني/حطت ايدها علي راسها وهي تقول هالكلام.

وليد/وش مسويه حق فهد انتي امس نايمه ببيت جدي وهو مارد البيت الا الفجر؟

وقف السياره جدام المحل ونزل يوم نزل سالتها فله بخوف/شصاير؟

جوري/وش اللي صاير فهد سمعنا امس وانا اقول شهر البصل والرومانسيه يا ويلي توني الاقي مكالمه مدتها دقيقه وشوي سمع كلامي .

فله تهديها/ممكن ما سمع اهدي انتي بس خل ننزل ناخذ اللي نبيه.

نزلو اثنينهم والمحل كان حيل هادي ومو زحمه ناظرت فله الكيك اختارت اللي تبيه وبعدها وقفت تقول لجوري وش تبي وبدورها همست لوليد.

راحو جهة الهدايا وصلت رساله لجوري من قمر+منالو عندنا*

ردت جوري*وعو وعو*

وليد اللي كان ينتظر يسويله طلبه عشان يحاسب ناظر اخته وبنت عمه عند الهدايا ارتاح انه المحل مو مزدحم وبعد عشان انهم راحو جهة الهدايا ما به احد.

@@@@@@@@@

وسام دخل الشقه راد من الدوام حده تعبان ومعصب اخوه اللي بالسجن عشان تهاوش مع واحد وكسر له سيارته واشتكي عليه لا ومعطيهم رقمه عشان يجيه بعد كل اللي سواه.

تنهد وهو يشم ريحة البخور مختلطة بريحة الاكل ابتسم غصب عنه وهو يناظرها بفستان حق حوامل اخضر بحزام احمر قرب منها ولمها من وري/الحلو من كثر سرحانه ما انتبه لي.

ببسمه وهي تحط صحن اللي فيه ورق العنب/هلا يا قلبي ما حسيت عليك.

لفها له وهو يحط ايده علي بطنها/ولدي الحلو مو متعبك.

ببسمه وهي تحط راسها علي كتفه/الحمد لله طالع لابوه طول عمره مريحني فديت روحه.

ببسمه/خلينا نتغدي لا اهون عن الغدي لاني حيل جوعان بدخل اغسل وابدل وراجع ارتاحي انتي.

ابتسمت وهو يروح غرفة النوم ما سالته عن سبب تركهم لبيت ابوه ولا راح تساله هو حتي جوالها طلب منها تقفله ولا تكلم احد الله يستر بس.




@@@@@@@@@@@@@

يتبع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 02-01-2019, 04:31 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي



جالسه مع جدها وعمها وافي وعمها مساعد اللي قال ببسمه/شوفي يبه تري ما فيه احد بيجبرك علي شيء الشور شورك؟

ناظرت جدها اللي ابتسم لها وقالت/انا بصراحه مو موافقه علي الموضوع وخبرت جدتي بهالشيء.

وافي ارتاح لرفضها كان معارض بس ابوه قال لازم نشاورها.

عمها/ليش يا بنتي تراه ريال زين...

قاطعته بهدوء/عمي انا ما قلت عليه شيء بس تعرفون انه شاعر يسافر وايد ولقاءات ومجاملات يعني يبي حرمة تسافر معه تجامل الناس وتطلع وانا بصراحه ما احب هالحياه وهو ياما بسفرني معه او بيتركني لحالي وانا في الحالتين ماراح يناسبني.

جدها بهدوء/ولا يهمك يبه اهم شيء راحتك .

ياسمين بهدوء اكبر/الله يسلمك يا جدي.

مساعد بهدوء/ياسمين بصراحه فيه عريس حق ريفان .

وافي بضحكه/بالجمله العرسان .

ابوه/اذكر الله يا ابوك.

وافي ببسمه/لا اله الا الله محمد رسول الله..انا رايح الحين يمكن ما يعجبني العريس وافركش العرس.

طلع وافي ليهتف مساعد/مشعل ولد عمي طلبها مني وانا قلت له شاور البنت.

تهلل وجه صقر بفرحه ما قدر يخفيها وركز مع ياسمين وهي تقول/عمي اكو شيء لازم يعرفه هو بعد انه ريفان كانت مالكه بس ما صار العرس لانه زوجها عطاك عمره.

جدها وعمها/الدوام لله.

مساعد بحنان/بعطيه خبر ان شاء الله وانتي شوفي رايها او جدتك انا كنت بكلمها مثل ما شاورتك بس هي تستحي حيل واخاف توافق منحرجه مني او من جدتها.

ببسمه هاديه /ولا يهمك يا عمي .

ببسمه هاديه/اليوم بيتي منور بوجودكم وابي اغير ديكور انا بعد.

@@@@@@@@

متعب وهو واقف عند الباب/والله يا مرام ان ما سكتي لا ابلعك لسانك ما صارلنا سننتين من تزوجنا وقبل شهرين كاشفين والدكتور يقول ما فيه شيء.

مرام وهي تجلس بقهر/ابي عيال ابي اشوف حياتي.

متعب بنفاذ صبر /اقول كلي تبن احسن لك.

طلع من جناحه وهو حيل مصعب وناظر باب جناح زوجته الثانيه ينقفل اكيد كانت تتسمع يارب ارحمنا ولا تبلانا نزل للصاله ناظر امه جالسه مع خواته حب راس امه اللي قالت/هلا يمه.

ببسمه/هلا يمه مريوم واللي يسلمك عصير برتقال.

مريم ببسمه وهي تاشر علي عيونها/من عيوني يالغالي.

تنهد متزوج ثنتين ما يعرفون الا الهواش والغزل والكلام ما يعرفونه الا اذا يبون شيء منه يارب يارب.

مشاعل بحنان/تبي شي متعب.

هز راسه بلا وهو يقول/ابوي وينه؟

امه/سافر الصين يقول عنده صفقة مهمه.

تنهد وقال/يمه تري فيه احد تقدم حق مشاعل....ناظرها تنزل راسها ووجهها احتقن خجل وزعل وكمل بهدوء/مشاعل ابيك تفكرين زين وتراه يدري عن مرضك وتراه راضي وما يبي الا رايك انا بصراحه كنت بعطيه موافقتي لانه ماراح تلاقين ريال مثله وشهادتي فيه مجروحه بس بالاخير هذا قرارك بس ابيك تفكرين زين.

ام متعب /منو المعرس يمه؟

وهو يناظر اخته/صقر الراشد رفيجي.

مشاعل بلعت ريقها ما توقعته ابدا ووقفت راحت لغرفتها تركض وكان فيه وحده تتسمع حق كلامهم.

ردت مريم مع العصير ما لقت اختها/وين راحت ذي.

امها/روحي حق اختك يمه.

راحت وهي مستغربه ليهتف بحنان/يمه صقر يبي يشاورها قبل ما يكلم ابوي لانه يعرفه راح يجبرها وهو يبيها عن طيبة خاطر.

رفعت ايدينها للسما وبفرحه/عسي الله يجعله من نصيبها والله انه امه وخواته ينحطون علي الجرح.

متعب تنهد/اهيا بتتزوجه اهو والا امه وخواته.

ببسمه/حمواتها يمه لازم تتفاهم معهم والا تبيها تعيش مثل حريمك.

ضحك علي كلمة امه حريمك/احس اني صاير شهريار علي حريمك ذي.

ضحكت امه علي كلامه.

@@@@@@@@@@

وقف وليد جدام بيتهم /تري الكل بيبتنا هنا لانه فيه عمال ببيت جدي.

جوري تتحلطم/يا ليل البعارين اوف الحين الاقيها من فهيد والا الاقيها من المغثه اخت رفيجه انا وش مسويه يارب.

وليد بضحكه/وش مسويه اخت جوري.

خبرته جوري بكل اللي صار وهي تتحلطم وخلاص وليد ما قدر اكثر/ههههههههههههههه والله طحتي يا جوري وكل شيء ضدك يعني الله يستر بس.

فله اللي طلعت منها ضحكه ما قدرت تكتمها ناظرتها جوري/مو كانك حكيتي وانتي تقولين عنه ما ادري شنو.

وليد بضحكه/ولا يهمك يا بنت العم بتحط حرتها فينا.

نزلو البنات ووليد يكلم جوري/جوجو ابي مثل عصير امس عجبني ممكن ابي كاس كبير.

جوري بنفس خايسه/قول حق بنت عمك هي اللي مسويته.

بهمس/ان شاء الله يابو مساعد.

دخلت فله/اوريك يا جوري الحين تحطين حرتك فيني احد قالك تسوين النوم تبع شاشتك دقيقه واتصل تلفونك بالغلط.

جوري تنافخ/الحين بتنبط كبدنا داخل بعد.

دخلت فله وهي تضحك وتطلب من الشغاله عشان ادخل الاغراض وقفت عند المرايا بالمدخل وفسخت عباتها وكانت لابسه تنوره سوداء طويله وفوقها بلوزه صفراء باكمام طويله رتبت شعرها وطلعت قلم الكحل ترتب كحلها.

جوري اللي ضحكت وهي تفسخ عباتها/مطقمين وما ندري.

كانت لابسه بنطلون اسود ونفس بلوزه فله ومسويه شعرها الاسود ظفيره من بدايه شعرها مسويتها لها ريحان بدراما قالت/ياربي ما فيه احد يجي ويشوف هالجمال.

فله ضحكت وهي تدفها عشان يدخلون وسمعو جدتهم وقالت/هلا والله ببناتي هلا.

سلمت جوري علي ام مشاري وعلي منال اللي كانت مفهيه علي فله اللي سلمت بعدها وبعدها قربت من جدتها وحبت راسها وبعد حبت راس مرت عمها وجلست وهي تسال/وين البنات؟

مرت عمها/البنات راحو مع وافي عند حصه وياسمين طلبها جدك بالمجلس ومزون نايمه فله اذا جوعانه روحي اكلي مع جوري.

فله/ايه حيل جوعانه ما افطرت اليوم زين وبعد وليد يبي عصير امس.

ببسمه قالت مرت عمها/روحي يمه .

ام مشاري بعد ماراحت فله مع جوري/الله يحفظهم ان شاء الله قومي منال روحي مع البنات.

دخلت منال المطبخ ابتسمت فله بهدوء وقالت جوري/شلون سلوي؟

منال بهدوء/ما عليها شر.

دق جوال فله برقم غريب ما ردت عليه وجلست وهي تحط صحن جدامها وتاكل بهدوء ونظرات منال ما عجبتها وهي تناظر جوري بتعالي اللي كانت ماسكه الشوكه وكانها تنتظر اعدامها.

منال وهي تبتسم/جوري شرايك نروح السوق انا سالت مشاري وقال راح يودينا شرايك؟

جوري ببرود غلفته بهدوء مجامله بس/السموحه ما اقدر وراي دراسه.

فله بغت تضحك بس كتمتها وهي تاكل ورق العنب وقالت/طبخ ريحان ذا.

جوري بنص عين /وليش مو ريفان؟

ضحكت فله/ههههههههه ريفانو والمطبخ تسوي قهوة وشاي ويمكن حلا بس اكل وكذا لا حبيبتي.

منال بترفع/بنات الحمايل ما يطبخون الطبخ بس للفقاري ليش اوسخ ايديني واكسر اظافيري وانا عندي من يخدمني ما اقدر اتصور نفسي في المطبخ واطبخ ياي بيئه .

فله بهدوء/كلن وتفكيره وقناعاته ومو انه الفقاري بس تطبخ بس فيه ناس ما تبي زوجها وعيالها ياكلون من الشغاله تري الطريق الي قلب الرجل معدته عشان كذا اخاف يحب الشغاله بعدين.

ضحكت جوري/من اليوم بقول ريحان تعطيني دروس قبل ما ياخذها ولد العامر.

يا ولد

جوري وجهها صار ابيض وفله ما قدرت تكتم ضحكتها/جوري شفيك؟

ناظرتها بحده/كانك مش عارفه اللي فيني.

منال قامت وراحت الصاله مفكره انه فهد راح يدخل تبي تناظره ياسمين ناظرتها بهدوء وهي تطلع ركض من المطبخ اخذت سماعة التلفون وردت بهدوء بعد ما سمعت صوت حرمة ترد/هلا ...

سمعتها تقول/اسمعيني لا تتركين اخوك صقر يتزوجها تراها عوبه وراعية سكر مريضه يعني اخوك ما راح يجيه عيال يا حظي هخبري امك انا فاعلة خير تري.

قالت ببرود/ولا يهمك الموضوع عندي.

قالت هالكلام بس عشان لا ترد تتصل مره ثانيه منو ذي اللي بيخطبها صقر وبعد تبي تخرب عليها الله يحفظها ان شاء الله من كل شر يارب.

قفلت السماعه وابتسمت حق جدتها اللي كانت مبسوطه حيل بزواج ولدها تنهدت وهي ما تدري وين راح يكون مصيره الزواج ذا.

@@@@@@@@

fulla fh


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 02-01-2019, 06:06 PM
صورة عاصفة الجمر الرمزية
عاصفة الجمر عاصفة الجمر غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


عجبتني مره جوري يا ويل قلبي عليها فله واخو سلمي وش قصته وهدي وريلها وبناتها ما حبيتهم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 05-01-2019, 05:12 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


اقتباس:
المشاركة الأساسية كتبها عاصفة الجمر مشاهدة المشاركة
عجبتني مره جوري يا ويل قلبي عليها فله واخو سلمي وش قصته وهدي وريلها وبناتها ما حبيتهم

يسلمو لمرورك يا قلبي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 06-01-2019, 08:36 AM
عاشقة السرااب عاشقة السرااب غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


واو تجنن كملي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 06-01-2019, 12:20 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


اقتباس:
المشاركة الأساسية كتبها عاشقة السرااب مشاهدة المشاركة
واو تجنن كملي
ان شاء الله

الرد باقتباس
إضافة رد

قلوب فوق لهيب العشق/بقلمي

الوسوم
لإخت , العشق , رومانسيه , روايتي , روايه , فوق , واقعيه , قلوب
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رياحين العشق/بقلمي Lazz_a روايات - طويلة 2 25-01-2018 10:16 AM
روايه:متهورون جمعهم العشق/بقلمي رنوش الخزاعي روايات - طويلة 15 06-11-2016 04:40 AM
رواية ملاك العشق/بقلمي فرح ياسر روايات - طويلة 42 01-02-2016 02:09 AM

الساعة الآن +3: 11:09 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1