غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 06-01-2019, 04:22 PM
صورة خيوط الرماد الرمزية
خيوط الرماد خيوط الرماد غير متصل
©؛°¨غرامي مشارك¨°؛©
 
الافتراضي رد: قلوب فوق لهيب العشق/بقلمي


اعجبني اسلوبك احسه قريب من اسلوبي
اعجبنتني ريحان وجوري تجنن هههههه
انتظر باقي الروايه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 06-01-2019, 04:53 PM
فرح 1 فرح 1 غير متصل
©؛°¨غرامي فعال ¨°؛©
 
الافتراضي رد: قلوب فوق لهيب العشق/بقلمي


السلام عليكم اختي كيف حالك
مررره حلوه وشوقه روايتك استمري
تقبلي مروري
عندك موعد محدد ؟!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 07-01-2019, 12:21 AM
هبوش ابراهيم هبوش ابراهيم غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


روايتك حلوة وياسمين عجبتني 💗
كملي قلبوش
دمتي بود ❤❤❤❤❤❤❤❤❤❤❤❤❤❤❤❤❤❤❤❤❤❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 07-01-2019, 11:05 AM
سلمى سعسع سلمى سعسع غير متصل
©؛°¨غرامي مشارك¨°؛©
 
الافتراضي رد: قلوب فوق لهيب العشق/بقلمي


الرواية جميلة أختي
أتحفتِنا صراحةً
أصبحتُ أترقب نزول البارت بفارغ الصبر
شكرٌا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 07-01-2019, 06:49 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


اقتباس:
المشاركة الأساسية كتبها خيوط الرماد مشاهدة المشاركة
اعجبني اسلوبك احسه قريب من اسلوبي
اعجبنتني ريحان وجوري تجنن هههههه
انتظر باقي الروايه

تسلميلي يا قلبو
يشرفني مرورك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 07-01-2019, 06:51 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


اقتباس:
المشاركة الأساسية كتبها فرح 1 مشاهدة المشاركة
السلام عليكم اختي كيف حالك
مررره حلوه وشوقه روايتك استمري
تقبلي مروري
عندك موعد محدد ؟!
وعليكم السلام ورحمة الله

عيونك الحلوه

مرورك يسعدني
ما عندي موعد محدد انزل احيانا كل ثلاث ايام وكذا ما احب احدد موعد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 07-01-2019, 06:52 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


اقتباس:
المشاركة الأساسية كتبها هبوش ابراهيم مشاهدة المشاركة
روايتك حلوة وياسمين عجبتني 💗
كملي قلبوش
دمتي بود ❤❤❤❤❤❤❤❤❤❤❤❤❤❤❤❤❤❤❤❤❤❤
عيونك الحلوه هبوووش
الله يسلمك انتظر تحليلك للرواية وتوقعاتك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 07-01-2019, 06:53 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي


اقتباس:
المشاركة الأساسية كتبها سلمى سعسع مشاهدة المشاركة
الرواية جميلة أختي
أتحفتِنا صراحةً
أصبحتُ أترقب نزول البارت بفارغ الصبر
شكرٌا

الله يسلمك حبيبتي
وجودك وردك الحلو اسعدني
دمتي بود وانتظر توقعاتك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 09-01-2019, 04:43 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي



ظامي الوجدان وأشواقك نهر
اسقني من عذب معسول الغدير
الرّموش السّود والطّرف الحور
ليتها عن لحظها لي تستخير
أول المشوار في حبّك قهر
وآخر المشوار عمري به خطير




البارت التاسع

مزون ببسمه هاديه /تدرين ياسمين اليوم صارلي شيء غريب ما ادري بصراحه طول اليوم شغل بالي.

ناظرتها بهدوء/شو؟

غمضت عيونها وهي تتذكر/كنت طالعه من الغرفه وعمك كان طالع من غرفته بس انه هالمره ما نزل نظره وطالعني بصراحه حسيت بخجل بس بصراحه ما ادري ظلينا دقايق نطالع بعض عمك بحياته ما رفع نظره فيني.

بلعت ريقها وتدري انه مزون تلقطها بسرعه /وبعدين وش صار؟

مزون تنهدت/ظلينا نطالع بعض وبعدها طلع المصيبه مو هنا المصيبه فيني انا...

ناظرتها ياسمين باستغراب وهي تناظر عيونها شلون تلمع/مصيبه شنو؟

مزون وهي تشتت نظرها/ بذيك اللحظه ياسمين ما ادري تمنيت ياخذني بحضنه تمنيت ابوس......

قاطعتها/بس واللي يسلمك ما ابي اسمع ما ظل الا تقولين ....

ضحكت بقوه وهي تقول/اول مره احس بذا الشعور سو قلبي ما ادري شفيه؟؟

ياسمين ببسمه/تدرين انه طلب شيء مقابل انه يعطينا مضاد السم وانتي سالتيني وانا ما جاوبتك صح.

يبلعت ريقها بخوف تنتظر الاجابه لسؤالها.

كملت بهدوء/طلبه كان زواجك من وافي.

غمضت عيونها تحاول تركز علي اللي انقال يعني تزوجت وافي ليش وشلون وكيف وليش هالشيء بالذات ردت فتحت عيونها وناظرت ياسمين بلعت ريقها/انغصب علي يعني مجبور .

بهدوء واقناع/مزون انا بذيك اللحظه ما فكرت الا انك ترجعين لنا اما زواجك من عمي ذا قرار بينك وينه تتفاهمون بينكم وانا بكون معك في اي قرار راح تاخذينه وماراح يجبرك احد علي اي شيء ومن ناحيه ثانيه انتهيتي من قصة ولد السفير ومو تبين بعد تتزوجين مسلم ومزيون بعد مو من شوي تبين ...

حذفتها بالوساده/ما لقي الا عمك كان زوجني من فهد مزيون بالحيل.

ضحكت عليها/لا يسمعك عمي يا مرت عمي.

كشرت/ما حبيتها ذي مرت عمي.

لازم تتعودين عليها يا مرت عمي/قالتها وهي تغيضها.

كانت بالحيل تحاتي شلون راح توصل لها الخبر بس الحمد لله تقبلته احسن مما كانت متوقعه/مزون ريفان خطبها مشعل ولد عمو بو سالي.

ببسمه مختلطه باستغراب/يا عيني وصرنا ننقاد وحده وري الثانيه مثل الخرفان....

ما كملت كلامها الا والباب ينفتح وتدخل جوري اللي تلهث وجهت كلامها حق ياسمين/ياسمين صدق رفضتي الشاعر مجاهد.

بنص عين/ايه .

طيبب كان قلت ليه عندي بنت عم مزيونه اسمها جوري/قالتها وهي تنسدح علي سريرها بحالميه.

ياسمين/حاضر ماما المره الجايه بجي اشاورك .

مزون بضحكه/اقول جوجو.

بضحكه/كولي يا عيون جوجو.

مزون بغيض من تقليدها لنطقها حرف القاف/روحي كنت بقولك سر بس انتي ما ينفع معك.

قفزت لها وصارت دغدغدها وهي تضحك بصوت عالي/وشو وشو قولي لي الحين.

من بين ضحكاتها/بس خلاص هههههههههه جووري واللي يسلمك.

دخلت فله وييها محتقن وهي تناظرهم بلعت ريقها وياسمين تناظرها /شفيك فله؟

اعطت جوالها حق ياسمين اللي فتحت الصفحه وناظرت العنوان زواج ابنة السفير مزون ستون وابن رجل الاعمال المعروف وافي الراشد /جوري بس خلاص.

وقفو اثنينهم وهم يسمعون صوت ياسمين الحاد والبارد مزون باستغراب/شفيك ما صار شيء؟

حذفت لها جوال فله ببرود.

امسكته وهي تناظر الشاشه بلعت ريقها وزفرت بضيق بعد ثواني تناثر جوال فله الي اشلاء في الغرفه وجوري بلعت ريقها وهي تناظرها .

فله مسكتها وطلعتها من الغرفه

مزون بعصبيه/متي بيتركنا متي نعيش مثل باقي الخلق .

ياسمين اللي عرفت الحين انه ما ترك لهم اي خيار ناظرت مزون اللي قالت/جوال فله.

نزلو دموعها غصب عنها/ياسمين لين متي هالوجع مو قادره خلاص .

قربت منها وسدحتها علي السرير وحطت راسها علي فخذها/حاولي تنامين وبعدها نفكر ولا تنسين اخذتي عمي المزيون.

@@@@@@@@@@@@

دخل وافي وفهد المستشفي وسالو علي رقم الغرفه دخلو لها ناظرو وليد نايم علي السرير سال وافي بلهفه/شفيه دكتور؟

الدكتور/صدمه عصبيه الظاهر انه سمع خبر موب زين او معه مشكله.

فهد ناظر وافي لا يكون امه كان ذا اللي يفكرو فيه اثنينهم.

كمل الدكتور/انتبهو له زين وياريت ما بتعرض لاي ضغط او حزن.

فهد هتف بعد ما طلع الدكتور/ما ادري متي بتحل عن سماه.

وافي بحده/لو تطلع هي لا يكون اخر يوم بحياتها الله ياخذها علي اهون سبب.

استغفر ربه وهو ما يدري الحين يعصب علي خبر زواجه اللي انتشر وما بقي احد ما دق عليه يباركله وناس مهمه وثقيله وبعد يبون يحضرون العرس وخلاص الحين ما يقدر يتراجع بيتزوج وحده ما يدري شيء عنها وحده ماهي ابد اللي كان يبيها واول شيء سواقتها للسياره وتذكر شلون سفهته وراحت شغلها.

ابتسم وهو يتذكر ذاك اليوم بمجلس ابوه اول يوم تجي لهم شلون كانت تتكلم ونطقها لحرف القاف وبعدها تذكر يوم طلع من غرفته شلون ناظرته وهو ما قدر ينزل عيونه من عليها.

صحاه من افكاره صوت وليد يون/راحت راحت..

وقف عند راسه وهو يمسح بحنان ويقرا عليه ايات من القرا عشان يهدي

@@@@@@@@@@@@

ريفان تطلع من المطبخ /تري سويت فطاير اذا ما اعجبتكم ما ابي احد يتكلم الحين حصوص عاذرتها تعبانه بس انتي وهي....قالت وهي تناظر ريفان وقمر/طايحين غراميات .

ريحان ببسمه/هههههههههه حرام عليك ياخذ رايي في الديكور.

بنص عين/اظن اخترتي كل شيء بعدين ليه ما قلتي لريلك يجيب لي جوال بدل اللي كسرتيه.

ريحان ببسمه/حبيبتي روحي اخذي لك جوال .

قمر بخجل/انا كنت اسولف مع مناير ما اكلم بدر.

حصه ماتت ضحك عليهم وعلي قمر بالذات اللي كانت خجلانه.

ريحان وهي تذوق الفطاير/فيه امل منك ياختي.

حصه اللي كانت تناظر ريفان ببسمه كانت حبوبه وطيبه رغم كلامها القليل بس ارتاحت لهم حيل مو مثل بنات عمتها اللهم يا كافي.

قمر دق جوالها برقم عمتها ردت عليها بهدوء وطلبت منها تكلم حصه اللي اخذت الجوال باستغراب وقمر تهتف/مرت ريلك.

رمت السلام بهدوء وقالت/هلا.....

ما تركتها تكمل كلامها وهي تقول بحقد/لا هلا ولا سهلا يا بنت ابليس يا فاجره خذيتي ولدي وفرقتي بينا الله ياخذك تلعبين علي اخوه انتي ما تستحين بس مسويه له سحر عشان ما صدقنا نحنا اهله وصدقك انتي...

مو قادره تسمع اكثر مو قارده تتحكم بعضلاتها وقع منها الجوال وارتخت علي الكنبه ريحان اللي كانت اقرب لها سندتها وقالت/بسم الله عليك حصه حصه...ضربت خدها بشويش.

ريفان قربت منها/بسم الله بسم الله..انفجعت وهي تناظر الدم علي ملابسها ..الله يستر كانت تسولف لهم انه الدكتوره طلبت منها الراحه.

اخذت جوال ريحان واتصلت علي عمها اللي ما رد عليها /قمر وافي ما يرد ممكن تكلمين احد من اخوانك.

@@@@@@@@@@

بدر ابتسم لامه وابوه وهو يركب السياره وهو حيل مستغرب من وليد قال له انه جاي توقعه يكون بالمطار الحين ويتصل عليه ما يرد اتصل علي السايق اللي جاهم.

مناير/مستانسه والله اشتقت حق البنات حيل.

امها ببسمه/وانا بعد متشوقه اناظرهم واتعرف عليهم وبعد زوجة وافي سواها من ورانا.

راشد اللي كان يدري سبب الزواج من اخوه وبعد عن اللي سوته اخته كان باله مشغول حيل علي اخوه الوحيد اللي بقي له اه يا هدي لمتي بتبقين كذا الله يهديك بس.

بدر/تبون اي شيء اكل عصير.

ابوه ببسمه/لا يبه ما نبي شيء بس نبي نروح البيت اشتقت حق الكل.


@@@@@@@@@@@@

دخل وسام غرفة حصه وحس بوجع وهي تلف وجهها عنه طلعت امها من الغرفه وقف جنبها ومسك كفها وباسها بحنان/سلامتك يا بعد قلبي.

نزلو دموعها وهي تقول بهمس/سلامة قلبك.

غصت بدموعها /انا اسفه ما كنت ادري انا انا....

حط اصبعه علي شفايفها وقال/ولا تقولين شيء يا بعد عمري ارتاحي بس وبعدين نسولف.

بهمس/بتظل معي ابيك انت.

ببسمه/ان شا ءالله يا قلبي وانا اقدر ابعد عنك ولعيونك اخذت اسبوع اجازه اظن جدي ما بيقول لا.

احبك/قالتها بشفافيه.

ببسمه عاشق/الحين عمتي بري والا كان راويتك شلون احبك.

دق الباب ودخل صقر مع امه وجدته اللي قالت/سلامتك يا بعد قلبي.

قربت منها وباست راسها/طهور ان شاء الله ...تستاهل سلامة زوجتك يا ابو سيف.

الاسم ذا ماراح يسميه لابنه ابد/هلا وغلا بالغاليه ان شاء الله يارب ما تشوف شر.

همست له جدته/كل ذا حب وجهك ذبلان اكثر منها.

ببسمه وهو يحب جدته/اعشقها يمه.

صقر سلم علي اخته وتحمد لها بالسلامه وطلع مع وسام عشان ياخذون راحتهم وراحو عند الوليد يتطمنون عليه.

@@@@@@@@@@@@@

مناير دخلت مع امها بيت جدها وما ناظرت جدتها بالصاله ناظرت فله طالعه من المطبخ وقالت ببسمه/منووور.

ركضو لبعض ولمو بعض بحنان فله ببسمه/اشتقنا لج يا دبه.

مناير وهي تبوسها/وانا اكثر والله.

فله ناظرت سعاد اللي تبتسم بحنان وقالت منار/فله هذي ماما سعاد ماما هذي فله بنت عمي الصغيره.

فله قربت منها وباستها بس سعاد احضنتها بحنان/هلا يمه هلا.

فله ببسمه/هلا عمتي شلونك والحمد لله علي السلامه.

الله يسلمك يا قلبي/قالتها سعاد وهي تسمي عليها.

مناير/وين الباقي؟

فله بلمحة حزن/البنات فوق بس جدتي راحت مع عمتي منيرة حق حصه تعبانه شوي.

مناير وامها/سلامتها ان شاء الله.

نزلو البنات من فوق وهم يسمعون صوت مناير تنادي بصوت عالي/جوجووووو....مرت اخووووووي....مرت عميييييييي.....مرت ناااااااصر......ياسميين......ريفااااان.

ريفان/الله يقطع ابليسك يا منور.

جوري/فهد سمع صوتك.

مناير بخوف راحت جنب امها/يمه.

الكل ضحك عليها وجلسو يسولفون مع مرت عمهم اللي كانت حيل قريبه من القلب بعد ما سلمو عليها وسوالفهم كانت حيل مريحه ومرحه رغم لمحة الحزن لتعب حصه.

فله تقول حق مناير سالفة فهد ضحكت بقوه/ههههههههههههههههههههههههههه.

سعاد/يمه قصري صوتك.

مناير/ههههههههه موب قادره يمه بطني.

دخلت مزنه مع منيره وتهلل وجهها بالفرح وهي تناظر سعاد مرت ولدها اللي وقفت لها وضمتها بحنان كانت مثل امها واعز /هلا بك وزود يا بنتي الديره ما تسوي بدونك.

حبت راسها/والله انا اللي اشتقت لك يا خالتي.

ابتسمت حق منيره وضمتها هي بعد/هلا والله يام صقر هلا الف مبروك ليا وليك والله اني فرحت وتشققت من الوناسه يوم سمعت الخبر ما بلاقي كنة مثلها.

قمر اللي حمر ويهها وجوري تقول/الله يرزفني بحماه مثل جدتي يارب.

مناير بهمس/اخاف اطيحين بوحده مثل عمتك.

الله لا يقول/قالتها وهي تضرب مناير علي كتفها.

دق الباب فتحت الشغاله وبعد دقايق دخلت ومعها ثلاث علب متوسطه الحجم وورقه طلبت من ياسكمين توقعها وبعدها طلعت جوري تناظرها بنص عين.

قربت من العلب كان مكتوب اسم مناير والثانيه اسمها والثالثه فله.

ناظرت ياسمين بنص عين/وش ذا.

ياسمين ببسمه/اللي تبي تعرف تفتح علبتها...

ركضو البنات كل وحده عند علبتها جوري كانت الاسرع وحست بخيبه يوم ناظرت علبه داخل العلبه وفتحتها بسرعه وكانت بعد علبه ثانيه ناظرت ياسمين بنص عين.

ريحان ببسمه/اكيد شيء زين دامها تعبتكم عليه كذا.

فله فتحت العلبه الثالثه وهي حيل متحمسه كانت مثل ياهل توها بعمر العشر سنوات حست بخيبه امل وهي تناظر العلبه الرابعه ناظرت ياسمين/ليش كذا.

مناير وهي تفتح بتعب/انا توني راده من السفر.

مزون ببسمه راحت جلست جنب فله تساعدها صاحت جوري/لا كذا غش.

صرخت فله وهي تفتح اخر علبه وناظرت جوال ايفون اكس محفور عليه اسمها من الخلف بلون ذهبي وقفت وهي تقول/يس يس يس.

ركضت عند اختها ولمتها بحنان /مشكوره حيل.

مناير صرخت وهي تناظر جوالها نفس فله بس بلون ازرق ملكي وجوري بلون احمر ونفس الشيء كل وحده محفور اسمها خلف الجوال جوري بفرح وسعاده غامره/وينك عنا من زمان الله يجازي اللي كان السبب بس.

امها ضحكت/الدنيا مصالح عسي الله يسعدك يا بنتي مثل ما اسعدتيهم.

مزون ببسمه/عيل ريفان الجوال اللي عندي لك كنت ابيه حق فلو بدل اللي كسرته.

@@@@@@@@@@@@@


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 09-01-2019, 04:44 PM
fulla fh fulla fh غير متصل
©؛°¨غرامي جديد¨°؛©
 
الافتراضي رد: قلوب فوق لهيب العشق/بقلمي



وليد فتح عيونه ناظر عمه وافي اخر شخص تمني يناظره بهالوقت ابتسم رغم عنه بتعب وهو يسمعه /سلامتك يا وليد عساني افداك يا ولد اخوي.

حس انه ظلمه وهو يسمع الحنان في نبرة صوته/الله يسلمك يابو صقر.

فهد وقف وهو يمسح علي راسه/خوفتنا يا اخي شفيك؟

ببسمه/دامك خفت فيه امل قلبك حي ما قلت لي وش سويت بجوري.

ضحك/حسابها بعدين تعال فيه ناس بغو يترقدون جنبك.

ناظر بدر بعيون مليانه خوف/سلامات يا وحش.

وليد بتعب/الله يسلمك السموحه منك ...

قاطعه/اهم شيء انك بخير لا تحاتي ولا تهتم.

ناظر عمه/مبروك يا عم خلاص الحين بناظر ناس ثانيه تتزوج.

وليد بضيق/ابي اطلع موب طايق ريحة المستشفي.

فهد/ان شاء الله بنروح بعد شوي .

@@@@@@@@@@@@

ببيت ابو راشد

ريفان بهدوء/ياسمين عطيني وقت افكر فيه .

ببسمه/خذي وقتك واللي يريحك سويه بس ابيك تفكرين زين وتستخري واذا تبين تسالين اي شيء عنه سالي قمر .

قمر ببسمه/لا تحاتي تراه خالي وانتي بنت عمي.

ياسمين/يلا ممكن نزفكم مع بعض.

مزون ببسمه وهي تدخل/انا بصراحه ما احب احد يشاركني الاضواء احب اكون النجمه.

ريفان بضحكه/الله يعين عمي علي غرورك.

بنص عين/ثقه يا عمري بسوي ميلك شيك احد يبي.

الكل رفع ايده

لوت بوزها/اوكي.

نزلت للمطبخ حست بالجوع اخذت لها تفاحه وهي تفتح الثلاجه طلعت كاكاو حليب وكريم خفق وشووكلا وسالت الخادمه عن مكان الخلاط طلعته لها واستاذنت.

بعد ما حطت كل المكونات بالخلاط شغلته والصوت كان عالي شوي وقفته رتبت الكاسات عشان تحط الميلك شيك سوت عشر كاسات وبعد ما زينتهم بكريم فتحت الثلاجه ورتبت الكاسات راح يسهرون الليله عليهم.

دخلت سالي المطبخ وهي تصيح مسكتها مزون /شفيها الحلوه تصيح؟

سالي من بين دموعها/بابا بيتزوج وراح اصير مثلا سندريلا مرت ابوي راح تضربني وتعدبني.

ببسمه هاديه/منو قال لك كذا؟

سالي /حالتي ادول.

باستها علي خدها/تعرفين بابا منو بيتزوج انتي.

هزت راسها بلا.

طلعت معها الحديقه/يا قلبي ماراح يتزوج الا وحده يعرف انها حبوبه وبتحبك.

ما تبي تقول حق ياهل ابوك خطب ريفان لانها ممكن ما توافق وما تبي تحطها جدام الامر الواقع سالي بضحكه/قلبي مو كلبي.

مزون حتي الياهل تتمسخر علي صارت ادغدغها وسالي تضحك بقوه/شوفي يا بنت الراشد شبسوي فيك.

سالي بضحكه/بس زو ماراح اكول شيء.

فتحت عيونها بصدمه/انا الساحره الشريره.

فلتت منها سالي وراحت تركض راحت وراها بس تعثرت يوم انفسخت جزمتها ووقعت علي الارض تاوهت بوجع رجلها تعورت وقفت بس ما قدرت الظاهر رجلها التوت حطت ايدها بجيبها جوالها مو معها.

حست باحد يمشي وراها التفتت بخوف وناظرت يبتسم بسخريه تنهدت براحه اقل شيء يقال انه زوجها وسالي كانت متخبيه وراه بهمس طفولي/زو انتي زينه.

ببسمه طفوليه بعد وهي مبوزه/تعورت.

راحت عندها وقالت/وين يعورك؟

اشرت علي كاحلها نزلت سالي وباست كاحلها/الحين بيصير طيب.

حاولت توقف وهي تبتسم لها/ممكن.

كان يناظرهم ومبتسم ما يدري منو الطفله هي والا سالي ناظرها مو قادره تتوازن قرب منها وسندها حس وكان لسعه كهربا يوم مسكها همس بهدوء/تقدرين تمشين.

هزت راسها بلا وهي تهمس/مو قادره ممكن تنادي وحده من البنات يسندوني داخل.

بنص عين/ليش انادي البنات وانا موجود مو زوجك.

بلعت ريقها بخجل كافي انه قريب منها كذا تخاف تسوي شيء تندم عليه وهي بعيده كانت تبي تبوسه تخاف الحين تجيب العيد معه سالي تهتف/عمو شيلها.

ناظرتها بصدمه وهو ضحك وشالها بخفه وهو يهتف/كم وزنك انتي 40 كيلو.

لفت ويهها عنه بعصبيه وبهمس سمعه/سخيف.

بهمس مثلها/ما احب زوجتي كذا.

ما ردت عليه وهو يدخل البيت وهي تحس بالحرج بقربها منه واذا ناظرهم احد وش راح تسوي وسالي ماراح تترك احد والا تقوله يارب المتها رجلها بشده حطت راسها علي كتفه وشدت علي ثوبه من قوة الالم.

دخل غرفة ياسمين وسدحها علي السرير وهي تون وجع جلس جنب راسها وقال/اوديك المستشفي.

بهمس موجوع/حقيبتي بالكبت.

وقف فتح الكبت وهو يكتم ضحكته اخذ حقيبتها وهو يقول/تبين منها شيء؟

بهمس/افتح تلاقي حبوب مسكن مكتوب عليها موبيك.

فتش الين لقاهم ورفعهم وهو يقول/ذا.

هزت راسها جلس جنبها اخذ كاس الماي بعد ما اعطاها الحبه اخذت الكاس شربت ولاحظ ويهها انعفس وهي تبلع الحبه شكلها مر بتلقائيه/سلامات.

الله يسلمك/قالتها وهي تشتت نظرها عنه وهو حيل قريب منها.

كان يبي يسالها/مزون......

قاطعه دخول سالي وياسمين الغرفه وقف بسرعه وهو يطلع وياخذ معه سالي في حضنه دخلت بسرعه وهي تناظر وجهها المحمر لتهتف بخبث/صار اللي تبينه.

بنبره وجع من رجلها/لا قطعتي علينا بدخولك.

ضحكت وهي توقف عند رجلها اللي شكلها راح تنتفخ ببسمه/لازم لها صوره.

مزون بالم/انا الدكتوره هنا مو انتي تري مضاد للالتهاب مع رباط يومين او ثلاث وراح تخف ان شاء الله.

راحت عند الصيدليه وطلعت لها رباط وجلست عند ريلها وهي تلف لها بحذر عشان ما توجعها وبعدها حطت لها واقي بلاستيك مثل الريل عشان اذا تحركت ما يالمها .

خلصت بعد عشر دقايق وناظرتها /شلون الحين؟

ببسمه/تسلمين خف الالم مع المسكن.

@@@@@@@@@@

جوري جالسه عند الوليد وهي تحاول تخليه يشرب العصير اللي مسويته له امها/وليد اشرب واللي يسلمك ويهك شاحب يا اخي.

ببسمه باهته اخذ منها الكاس ورشف منه شوي/ان شاء الله يا حنانه.

ببسمه/ايه فديت اخوي الغالي قولي وانا اختك من ذي اللي سحبت عليك.

ضربها علي راسها بقوه/ما تستحين انتي يا خبله.

حطت ايدها علي راسها/اي توجع ما خبله الا زوجتك طيب.

اخذت الجوال من جيبها وراوته الوليد/شرايك؟

باعجاب/واو حلو جوري ما اظنه نزل بالسوق بعد ...قالها وهو ياخذه منها وقال/256جيجا بعد ولونه عجيب من وين لك.

ببسمه/هديه من بنت عمي ياسمين ومناير بعد واختها تصدق بغت تجيني جلطه من الفرح.

ببسمه باهته/ههههههههه الجلطه بتجيك الحين..قالها وهو يناظر وراها.

لفت وماتت البسمه علي ويهها وحل محلها خوف وهي تناظر فهد اخوها بلعت ريقها وهي تحاول تتجاهله من لما عرفت انه سمعها.

وليد ضحك غصب عنه وهو يسمع فهد يقول/شلونك الحين جوري؟

وقفت بخوف/انا ب خيير .

قالتها وطلعت ركض من الغرفه.

ضحكو اثنينهم علي خبالها بعدها جلس فهد وقال بهدوء/امك لها دخل باللي صار لك؟

هز راسه بالنفي/لا يابو مساعد امي مالها خص شوية ارهاق وقلة نوم.

متاكد/قالها بشك.

هز راسه/ايه

فهد كان متاكد انه الموضوع مش بس قصه تعب بس ما يبي يضغط عليه .

@@@@@@@@@@

بعد يومين

ام متعب تلولش بصوت عالي /الف مبروك يمه والله هذا يوم اللي قلبي فرحان.

مريم اللي كانت راده من المدرسه دخلت علي صوت امها/شصاير يمه؟

امها تاشر علي مشاعل/اختك بتتزوج وافقت.

مريم تلم اختها بفرح/الف مبروك والله حظك من السما خذيتي الصقر يا انه كل البنات بفصلي بيتخبلون عليه زين ورزه.

امها بحده/عطيه عين الحين.

مرين بضحكه/عيني بارده يالغاليه.

قالتها وهي تحب راس امها بحنان وحب/لا تعصبين يا بعدي.

امها بحنان/اه منك بس تري ابوك رد الصبح.

بروح اسلم عليه ركضت للمكتب اكيد بتلاقيه هناك رغم انه عصبي بس حنون ركضت له وارتمت في حضنه /اشتقت لك يبه اشتقت لك.

ببسمه حنان يخفيها خلف بروده/هلا يبه هلا ببنتي.

شلون الدراسه/قالها بهدوء.

ردت وهي تجلس علي الارض مقابله ابوها/تدري بنتك ذيبه ما ينخاف عليها.

ضحك غصب/الذياب ما ينخاف عليهم ينخاف منهم.

بهدوء/اكيد يبه بقولك شيء ولا تزعل مني بنت اخوك مرام ما تحشم احد يبه طول الوقت تعاير مشاعل بمرضها وحتي يوم يجيها ولد الراشد تقول اخذك بس عشانه رفيق اخوك يبه انا دمي حار تري بذبحها وافتك منها يبه متعب اخوي الوحيد ليش تتركه يتعذب بين زوجتين ولا وحده داريه عن هوي داره.

تنهد ابوها الياهل قالت اللي ما قدر احد يقوله بس شيسوي اخوه حطه جدام امرين اولهم امر من الثاني وهو اختار اقلهم مراره/لا تحاتي يابوك لا تحاتي.

تنهدت بعد ما قالت كل اللي بخاطرها وسمعته يقول/روحي غرفتك بتلاقين شنطه لك ان شاء الله تعجبك .

باسته وطلعت تركض طلع وراها ناظر زوجته جالسه تتقهوي جلس جنبها وصبت له قهوه وحطت تمر وحلي عنده/مشكوره.

ابتسمت باستغراب/الله يسلمك.

بهدوء/سامحيني يا وداد تري المده اللي مضت كنت وايد مضغوط السموحه منك .

ببسمه كبيره وراحة بال/ولا يهمك يا سلمان لا تحاتي انا زوجتك ان ما تحملتك من يتحملك.

سلمان بمحبه/قاصركم شيء عشان يوم يجوكم الناس لخطبة بنتك.

ناظرته/خيرك سابق مو قاصرنا شيء.

قال وهو يفكر/وداد ابيك ادورين لسلمان عروس باختياره هو.

ناظرته باستغراب/وزوجاته..

سلمان /شاوريه واذا رضي خطبي له وزوجاته اللي عجبها عجبها واللي ما عجبها بيت ابوها.

قاطعته بصوت حاد وهي تنزل من الدرج/اذا رحت بيت ابوي عيالي بيجون معي.

سلمان ببرود/الباب يفوت جمل بس عيال ولدي ماراح يطلعون بري البيت يا وعد والله والله لاكسر هالبيت فوق راسك وراس ابوك.

بلعت ريقها وطلعت غرفتها وهي تتوعد داخلها .

حطت ايدها علي كتفه/هدي حالك ما يصير تري عندك الضغط لا تزعل ولا تحاتي .

@@@@@@@@@@@

وقف عند الاستقبال وقال بهدوء/الدكتوره فله الراشد لو سمحتي.

قالت بدون ما تناظره/الدكتوره بس اطفال ونساء ما تعالج رجال.

ببرود/الحاله طفله.

رفعت راسها وناظرت البنت المبتسمه وقالت بهدوء /تفضل.

دخل الغرفه بعد ما دق الباب وسمع صوتها تقول تفضل ركضت لها سالي/فله فله.

ابتسمت لها من وري نقابها/هلا سو شفيك؟

بخوف/ضرسي يالمني.

ناظرت عمها ببسمه/هلا وافي.

ابتسم/اشتغلت سايق عندكم انا.

ضحكت وهي تجلس سالي علي الكرسي وتطلب منها تفتح فمها بعدها ابتسمت راحت مكتبها كتبت لها شويه ادويه/خذ لها ذا الدواء وان شاء الله ما علي قلبها شر.

ببسمه/الحين التعب ذا كله علي كم دقيقه.

ضحكت وما تدري وش اللي مخليه طفشان لا يكون مشتاق حق مزون اللي راحت بيت ابوها /ممكن تنتظروني دوامي يخلص بعد شوي.

قال بهدوء/طيب يلا ننتظرك بالسياره.

راحت غسلت ايدينها وعقمتهم زين ورتبت اغراضها واخذت حقيبتها سمعت الممرضه تقوللها/دكتوره تري الدكتوره مروي صار حادث لزوجها وابوها واخوها والله اخذ امانته.

انفجعت/لا حول ولا قوة الا بالله وينها فيه هي.

الممرضه/يقولوون ببيت خالها مالها احد بعد الله الا هو.

فله بحزن/واللي يسلمك اذا عرفتي عنوانها خبريني وطلعت وهي تتصل علي جوالها اللي يعطيها مقفل ركبت السياره وهي حيل شارده الله يعينك يا مروي الله يصبرك.

وافي ببسمه/فله شرايك نتغدي بري.

فله ببسمه باهته/ما عندي مانع.

ما حبت تكسر بخاطر عمها اللي قال/تدرين انه ملكة قمر وبدر ومشعل وريفان راح تكون بنفس الليله.

بفرحه/حلو الله يسعدهم ان شاء الله يارب الفال يوم اناظرك معرس والله نفسي احضر عرس.

باستغراب/ما حضرتي عرس انتي.

هزت راسها بلا/العرس الوحيد اللي حضرته العروس هربت من المعرس يا عمي هههههههههه.

سال باستفسار/صديقتك؟

هزت راسها بلا/صديقة مزون وياسمين وتراهم هم الثنتين هربوها الين اليوم اتخيل في شكل ابوها بس عاد هي ما كانت تبي تتزوجه بس ابوها اجبرها هي مغربيه وابوها يبي يزوجها من ولد رفيجه بس هي تحب واحد يدرس معها.

بضحكه/شكل المدام سوابق.

ضحكت/لو احكي من اليوم لين باكر ولا اخلص ههههههههه.

@@@@@@@@@@

وليد كاتم ضحكته وهو يناظر بدر المكتوم وخاله مشعل اللي بيقوم يكفخ فهد وهو يهتف/ما عندنا بنات تشوف ازواجها الا بعد العرس.

مشعل ببرود/اختك كيفك بس بنت عمك مالك عليها كلمه.

ببرود اكبر/تتحداني يا مشعل.

مشعل/لا تنسي اني خالك؟

بضحكه/ولا تنسي اني اكبر منك بسنه الملكه نهاية الاسبوع والزواج السنه الجايه اشرايكم؟

وليد وفهد ضحكو علي شكلهم اثنينهم هتف وليد/اه يا بطني شفيكم؟

بدر بحده/الاخ مروق اليوم ويحسبنا العساكر عنده يا اخي قوم تري البلد بخطر دامك موب بشغلك.

دخل ابو راشد المجلس وهو يرمي السلام جلس وهو يهتف بعد ما ردو السلام/مشعل يبه عرفت انك ما تبي تناظر زوجتك الا بعد الملكه علي راحتك يبه فهد خبرني.

كتم مشعل غيظه/ان شاء الله يا عمي.

صقر ببسمه/علي خير ان شاء الله الله يبارك لكم يا عيالي باقي فهد والوليد نفرح بهم.

مشعل يناظر فهد يعني راح اذلك.

ابو راشد ببسمه/الا وين حمد صارلي مده ما شفته.

بدر ناظر جده وكانه يقول مو الحين يا جدي/مشغول يا جدي.

@@@@@@@@@@@@


fulla fh


الرد باقتباس
إضافة رد

قلوب فوق لهيب العشق/بقلمي

الوسوم
لإخت , العشق , رومانسيه , روايتي , روايه , فوق , واقعيه , قلوب
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رياحين العشق/بقلمي Lazz_a روايات - طويلة 2 25-01-2018 10:16 AM
روايه:متهورون جمعهم العشق/بقلمي رنوش الخزاعي روايات - طويلة 15 06-11-2016 04:40 AM
رواية ملاك العشق/بقلمي فرح ياسر روايات - طويلة 42 01-02-2016 02:09 AM

الساعة الآن +3: 11:38 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1