غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 09-10-2018, 07:14 AM
صورة امانى يسرى محمد الرمزية
امانى يسرى محمد امانى يسرى محمد غير متصل
©؛°¨غرامي مشارك¨°؛©
 
الافتراضي مفيش حاجة جاية في السكة ولا إيه؟


- إيه يا حبيبتي، أخبارك إيه؟
إيه مفيش حاجة جاية في السكة؟
- لا والله لسه.
- ليه بس؟ ده نادية بنت عمك اللي متجوزة بعدك بـ٣ شهور بقت ما شاء الله في الشهر الرابع.

استفدتي إيه بسؤالك ده؟!
أيًا كنتي.. حماة، جارة، صاحبة، قريبة من بعيد أو قريب، أو حتى أم، الكلام ده موجّه ليكي.. استفدتي إيه؟
هي ليه الناس مش بيقدروا إن فيه حاجات في حياتنا حدوثها أو عدمه حاجة ملناش أي تدخل فيها.. يعني سؤال معلش، هل حضرتك بذلتي أي مجهود بدني أو عقلي عشان جوزك يختارك من بين كل الستات؟ أو إيه الشهادات والمؤهلات المعينة اللي خدتيها عشان تجيبي الكتاكيت الصغيرين دول؟ ولا ده كله رزق من ربنا اداهولك من غير لا حول ليكي ولا قوة؟

البنت اللي متجوزة بقالها فترة وبتتسأل السؤال ده.. الله أعلم بظروفها هي وزوجها، يمكن مش أد تحمل مسؤولية زي دي دلوقتي، يمكن ظروفهم المادية حاليًا لا تسمح، يمكن نفسهم بس لسه مفيش نصيب، يمكن فيه واحد منهم عنده مشكله وبيتعالجوا.. مليون يمكن، وفي كل الحالات أنا مش شايفة إنه يخص حضرتك في حاجة، يعني لو فيه خبر حلو وهي حابة تعرفك هتقولك من غير ما تسألي. أما لو مفيش، ليه الضغط؟ الضغط ده مبيولدش غير إحساس بالعجز وحالة من السخط وعدم الرضا على إرادة ربنا وعلى الظروف اللي ربنا بيحطنا فيها، فإزاي بتدوا نفسكم الحق إنكم تنتهكوا كامل خصوصيات البشر وتسألوا عن حاجات لو متسألتش أنا متأكدة إنها عمرها ما هتسبب أي خلل في حياتكم اليومية الطبيعية التقليدية.

ببساطة اللي جاي ده مسموش "حاجة" ولا هييجي في"السكة" ده كائن حي، روح ومسؤولية متعلقة في رقبة أهله لحد ما يبقي شخص بالغ وناضج مسؤول عن نفسه، هييجي وقت ما ربنا يقدر وجوده، وده شيء مش هيستعجله سؤالك.

الموضوع مش بيقف لحد السؤال ده بالذات، ده مجرد مثال من أسئلة كتير زي "إيه مش هنفرح بيكي ولا إيه؟" أو "لسه ملقتيش شغل من ساعتها؟"، "مش هتخاوي بنتك ولا إيه؟" كل دي أسئلة ترسخت في حياتنا وأصبح من العادي جدًا نواجهها كل يوم ومن أشخاص بيصروا على التعدي على حياتنا الخاصة.

ببساطة، لا يجوز إن حد يسألك في أي حاجة من الحاجات دي لأنها كلها رزق من عند ربنا، بتيجي من غير معاد ولا سابق علم ولا تخطيط، كلها تدبيرات ربنا وحده اللي يعلمها.

وبعدين هو مش المفروض إن دي سكتك إنتي؟ يعني من أبسط حقوقك إن إنتي اللي تحددي إيه اللي يجيلك فيها ومتسمحيش لحد يحطك في نفس القالب ويمشيكي في نفس السكة اللي مشي فيها. همّ عاوزينك تمشي فيها لأن دي السكه اللي مشيوا فيها وكانت مناسبة لظروف حياتهم، أو يمكن عشان ميعرفوش غيرها وأي حاجة هتعمليها غير كده هتكون غير مألوفة ومرفوضة بالنسبة لهم،عشان كده شوفي اللي ينفعك إنتي واللي تحبيه إنتي ومتديش الفرصة للناس يفرضوا عليكي تكوني في قالب معين شايفينه من وجهه نظرهم إن هو ده الصح.

والمشكلة هنا إن تغيير وجهة نظر جيل كامل شايف إن من حقه يعرف عنك حاجات عاوزة تحتفظي بيها لنفسك (اللي هو يعتبر من أبسط حقوقك كإنسان) هيكون شيء صعب يكاد يكون مستحيل في مجتمعنا.. لكن أضعف الإيمان يكون "بالصد" ولكن بأدب، متسمحيش لحد يعرف عنك حاجة إنتي مش عاوزاه يعرفها، دي حياتك إنتي تمشيها زي ما إنتي عاوزة، وإحنا مش في سبق، ردود زي "أنا مش حابة أتكلم في الموضوع ده" أو "ده موضوع خاص بيني وبين زوجي" مع ابتسامة لطيفة، ممكن يرحمك من تكرار سؤال زي ده، واللي يسمحلها فضولها إنها تتدخل في أمورك الشخصية اسمحي لنفسك إنك تحرجيها.. وكله بالأدب.

والحل التاني والأمل في الجيل اللي جاي إنه يتعلم ميبقاش زي الجيل اللي فات وميكررش نفس مساوئه.. خليكي في حالك وعلمي بنتك تبقى في حالها وقولي لمامتك وأختك وصاحبتك وجارتك وقريبتك تبقوا في حالكم وتسيبوا الناس في حالها.. واقتدوا بالرسول اللي قال ((من حسن إسلام المرء: تركُه ما لا يعنيه)) حديث حسن؛ رواه الترمذي وغيره.
واعرفي إن اللي عاوز يفرح بيكي بجد مبيسألكيش إنتي، بيسأل ربنا وبيدعيلك من غير ما تعرفي.

وتاني مرة حد يسألك عن أي حاجة من الحاجات دي قوليله اسأل اللي رزقك وبيرزقني.. اسأل الرزاق ربنا.. متسألنيش أنا.

بقلم/ سارة حلمي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 14-10-2018, 03:46 PM
صورة راحله لن ادوم. الرمزية
راحله لن ادوم. راحله لن ادوم. غير متصل
©؛°¨غرامي ذهبي¨°؛©
 
الافتراضي رد: مفيش حاجة جاية في السكة ولا إيه؟


المشكله يتعبوا في نفسية الشخص
حتى لو هو راضي بحاله


سبحان الله.......شنو بيستفيدوا.....الله أعلم






الله يرزق كل محروم من الذريه الصالحه



و الحمد لله على كل حال







........

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-10-2018, 08:25 AM
صورة ابو شروووق الرمزية
ابو شروووق ابو شروووق غير متصل
✿ إدارة الإقسام ✿
 
الافتراضي رد: مفيش حاجة جاية في السكة ولا إيه؟


كل شئ بيجي في وقته
والناس في كل الأحوال ما تبطل مثل هذه الأسئلة
الطبيعة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 12-11-2018, 10:47 PM
صورة كيكة باسكن الرمزية
كيكة باسكن كيكة باسكن متصل الآن
•·.·`¯°·.·• كاميرا ساهــ ر •·.·°¯`·.·•
 
الافتراضي رد: مفيش حاجة جاية في السكة ولا إيه؟


سلام مساء الخير

انا من خذيت خمس سنوات تاخرت عن الحمل عندهم فضول شديد التاخير بسب من ؟!
الله يسهل بس ... دعواتكم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 13-11-2018, 10:53 AM
jwry jwry غير متصل
©؛°¨غرامي جديد¨°؛©
 
الافتراضي رد: مفيش حاجة جاية في السكة ولا إيه؟


من حسن اسلام المرء ترك ما لا يعنيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 08-12-2018, 12:12 PM
صورة حفيد. الرمزية
حفيد. حفيد. غير متصل
©؛°¨غرامي نشيط¨°؛©
 
الافتراضي رد: مفيش حاجة جاية في السكة ولا إيه؟


لا مفيش حاجة ربنا يسهل ^_^

انا دايما بقولها لاصدقائي بس بهزار
موضوع الحمل دلوقت بقي صعب جدا عند كل الناس معرفش ليش اغلب الناس تقعد 5 سنوات او اكثر فا بقت حاجة عدية مش زي زمان
ربنا يرزق الجميع يارب

شكرا لك


الرد باقتباس
إضافة رد

مفيش حاجة جاية في السكة ولا إيه؟

الوسوم
لفحص , امسكت , حادث , إيه؟
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
قطعه من سحر فرنسا / بقلمي روزاريو روايات - طويلة 438 29-05-2018 03:45 PM
امسكت لك القلم / بقلمي kokil@ خواطر - نثر - عذب الكلام 5 05-09-2017 12:27 PM
شقاوة نساء اسقطت الرجال همـــــــــــي ودنــيتي روايات - طويلة 340 19-03-2017 01:02 PM
تائهون . اريس؛الحربي× روايات - طويلة 58 13-11-2015 08:04 AM
رواية You are warm / بقلمي hajer 195 روايات - طويلة 28 02-05-2015 02:59 PM

الساعة الآن +3: 03:00 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1