منتديات غرام روايات غرام روايات - طويلة روآيه ضمني مابين قلبك والعيون/ بقلمي
بـعثرھہ قلمـ ©؛°¨غرامي جديد¨°؛©

مرحبا جميعاً

غبت فترةً طويلة
وها انا ذي
أعود من جديد
لأكمل لكم ما بدأت



ترقبوا " بـآرت " جديد هذا المساء

بـعثرھہ قلمـ ©؛°¨غرامي جديد¨°؛©


{البارت التاسع}



بيت منصور

بصالة 2:30

شوق: مهاري , جوجو وينكن

مهرة وهي نازلة: انا يت

شوق: الله الله شهالكشخة

مهرة:شرايج!

شوق:طالعة قمر

مهرة:احمم احمم

شوق: عن تخقين بس

مهرة ضحكت:اصلا ادري اني جميلة

شوق: اهم شي الثقة

مهرة: هيه ههه , الا صح وين جوجو وعلي

شوق: بعدهم فوق

مهرة:ومنصور وسلطان

شوق: برع يحطون السامان بسيارة

مهرة: خلاص سيري لهم وانا بنادي المخابيل

شوق: خلاص اوك

بصوب ثاني

علي: اهووو خوزي عني

جواهر:يلا عاد خبرني شو بيصير عقب

علي: مابا

جواهر: بتذلني يعني

: شتسون!؟

علي صد صوب اخته: يتي الله يابج ,,شيليها عني هالمزعجة

مهرة: ليش شومسوية؟

جواهر:م سويت شي

مهرة: جوجو حبيبي قولي لي شوتبين

جواهر: ابي اعرف شبيصير بـ مها

مهرة: عقب بتعرفين الحين بنسير تاخرنا وايدد

جواهر: افف اوك

نزلوا كلهم وساروا صوب سيارة

سارت مهرة ووقفت حذال سلطان وهمست له

سلطان ضحك: ههههه وكيف عرفتيي

مهرة: كنت حاسة

سلطان: حلوة المفاجاة صح

مهرة: هيه متحمسة اشوف ردة فعل جوجو يوم بتشوفها

جواهر بطلت الباب بعصبية: من الصبح يلاا ويلاا والحين انتم تسولفون برع ,, يلاا اركبوا

مهرة وسلطان ضحكوا عليها , معصبة منهم لان محد رضي يخبرها شو بيصير بـ مها

,, يسلوا بسيارة وتوجهوا صوب المزرعة

صوب المزرعة

جواهر اول م شافت المزرعة بطلت عيونها ب اعجاب : تجنن المزرعة

شوق ابتسمت: هيه وايد حلووة

علي: قولي ماشاءالله ,, عن تصيبن المرزعة بعين

جواهر شافتة بنضرة: جب جب

مهرة ضحكت عليهم: بسك انت وياها يلاا نزلووا

ساروا سلطان ومنصور وعلي صوب الريايل , ومهرة وشوق وجواهر صوب الحريم دشن صوبهن وسلمن عليهن ويلسن

شوق: مهاري يلاا سيري

مهرة: الحين

شوق: لا باجر هيه الحينن يلا

جواهر: وين تسير

شوق: شو تترين يلا سيري

مهرة: طيب بسير , جوجو تعالي معاي

جواهر: وين؟

مهرة: الحين بتعرفين, سارت مهرة وسحبت جواهر معاها وطلعن وراحن ورا المرزعة

جواهر: وين توديني

مهرة:اششش

جواهر استغربت يوم شافت باخر المزرعة شي بيت صغير , وصلن لين هناك ودقت مهرة الباب

جواهر:مهاري بيت منو ها وليش هني باخر المزرعة؟ منو فيها؟

مهرة: شخص دايما تسمعين عنه بس م شفتيه

تبطل الباب ودشن مهرة وجواهر داخل

جواهر:ماشاءالله يجننن

: من ذوقج حبيبتي

مهرة استانست يوم سمعت هالصوت صدت صوبها: مهويي

مها حضنتها بقوو

ولازالت جواهر مستغربة منهن

مهرة: جوجو ماعرفتيها؟

جواهر: لا

مهرة: هذي مها

مها طالعت جواهر وابتسمت لها

جواهر بصدمة: مهاااا؟؟

مها: هيه مهاا

جواهر: مهاا اليي ...

مهرة قاطعتها: الي دوم نرمسج عنها

جواهر: انتي صجج يعني؟

مها ضحكت عليهت: هههه هيه صجج ,, مهاري اعترفي اكيد خبرتيها عني

مهره: هيه

جواهر: مب مصدقة انتي مهاا صج صج

مها: هيه بلااجج

مهرة: شو رايج بالمفاجأة؟

جواهر: مادري ههه مصدومة هب قادرة اصدق جد جد انتي مها

مهرة: عرفتي ليش احنا اليوم هني , وليش م كملنا لج القصة

جواهر: هيه يبتوني هني عسب اشوف كلشي يصير جدامي

مهرة: عليج نور

جواهر: مهاري احيد قلتي لي مها عمرها 16 بس م يبين عليها , جنها..

مهرة قاطعتها: هيه لان القصة الي قلت لج اياها صارت من 4 سنين

مها: والحين صار عمري 20 سنة

جواهر يت بترمس قاطعتها مهرة: والحين تبين تعرفين شو صار صح

جواهر: هيه

مها:تعالي الحين انا بقولج

جواهر انحرجت منها: م بتضايجين اذا رديتي تخبريني كلشي

مها: لا والله عادي ....




'

'

'

'



نرجع ورا شوي

قبل 4 سنين



بيت اليد محمد

بالميلس الكل يسمع صغيرهم قبل كبيرهم بناء ع طلب اليد محمد

مها كانت بعدها مصدومة من الي سمعتة

ام عبدالله كانت يالسة بصوب مع ام حمدان واليدة شيخة يهدونها

مايد قرب صوبها عسب يحضنها لكن تفاجئ يوم بعدته عنها

مايد: مهوي حبيبي بلااج

مها: لاتقرب صوبي

مايد بخوف: مهوي

مها صدت عنه

مايد سار صوب اخوه: عبود شو مستوي قولي

عبدالله صد عنه

مايد:ليش ساكت ارمس

عبدالله: لا رد

مايد زاعق عليه: ياخيي ارمس ليش ساكت

بوعبدالله: لاترفع صوتك

مايد: ياربي حد يفهمني شسالفة

اليد عبدالرحمن: مايد ابوية اسمعني

مها: شو تباه يسمع انا مش اخته؟

الكل انصدم يوم مها قالت جي

راشد: يعني الي ف بالي كان صح!!

كايد: تستهبلون انتم شهالكلام

عبدالله نزل راسة : هذا هو الصج

مايد عصب: شو تخربط انت

اليد عبدالرحمنن: ابوية مايد ايلس مكانك وبتفهم كلشي

مايد: يدي تسمعة شقاعد يقول

بوعبدالله: م غلط بشي

مايد انصدم:ابوية انت تصدق كلامة

بوعبدالله: مايد مها مش اختك

مايد:اذا هي مش اختي! عيل هي بنت منو؟

عبدالله اشر ع بوراشد: بنتة

بوراشد: بنتيي

عبدالله: هيه

كايد: شو الدليل ان هي بنتة؟

عبدالله: واضح جدامكم الشبه الي بين مهوي وراشد

مايد شاف مها وعقب لف شاف راشدوانصدمم اكثر: يتشابهون...

احمدوه قاطعة : يتشابهون حيل

عبدالله: لانهمم توأمم

بوراشد دمعت عيونة يوم شاف مها

عزيز غمض عيون بالم وجنة تذكر شي

مايد لف صوب عزيز وسار ويلس جدامة ومسك ويهه: عزوز شوفهم يقولون مهوي مش اختنا ,, مش اختنا

عزيز نزلت دموعة

مايد:ارمسك انا رد علي

عزيز:ميود مهوي مش اختنا

مايد دف عزيز عنه: حتى انت نفسهمم

احمدوه سحب مايد ويلس حذالة يهديه: ميودد حبيبي اهدا شوي خ نفهم شسالفة جي محد بيقدر يفهم شي

بوراشد:يوم ضاعت بنتي عني كانت معاها

عبدالله قاطعة وطلع من جيبة سلسلة: كانت معاها سلسة وانا عرفتك لاني شفت صورتك موجودة بها

بوراشد اول م شاف السلسلة تذكر حرمتة المتوفية

بوعبدالله ستغرب يوم شاف السلسلة: من وين لك هذي

عبدالله بغصة: يوم لقينا مها كانت ايدها شليتها عنها

حمدان:بس كيف عرفت انها تصير بنتهم؟

بوراشد: لان السلسلة معلق بها صورة لي وللتوأم وتاريخ ميلادهم ومحفور عليه اسم العايلة

حمدان: عسب جي يوم شفت بوراشد اول شي سالتني عن اسمه واسم العايلة

عبدالله: هيه

بوراشد صد صوب بوعبدالله وحط ايدينه ع جتفه: صدقني مب شايل عليك انا واثق انكم يوم لقيتو بنتي اعتنيتوا بها بس وين وكيف لقيتوها

بوعبدالله:...........

بـعثرھہ قلمـ ©؛°¨غرامي جديد¨°؛©

{ البارت العاشر }

فرنسا

قبل 16 سنة

في شارع من شوارع كولمار

كان عبدالله يتمشى مع ابوه بين المحلات ولمح عبدالله محل ورود وتذكر امه الي زعلانة ع وفاة اختة الي م كملت اسبوع وماتت ف حب ياخذ لها وردة جميلة عل وعسى بسس تفرح شوي

عبدالله: بابا

بوعبدالله:عيون بابا

عبدالله: شوف هناك شي محل ورود , بناخذ حق ماما

بوعبدالله رغم الضيج الي به الا ان م حب يرد ولدة : يلاا امشي

سبق عبدالله ابوه ودش المحل ويلس يطالع الورود ويشمهم

خذ عبدالله الي يباه لامه وتم بوعبدالله يرمس مع البياع ويحاسب معاه

بين ما ابوه كان يسولف وعبدالله يختار الورد

فجأة وبين ما كان عبدالله يختار الورد وابوه يرمس مع الريل دشت عليهم حرمة وبحظنها بيبي

قربت الحرمة من بوعبدالله وبدت ترمس

(طبعا بيرمسون بالانجليزي بس بحط لكم بالعربي)

الحرمة: ارجوك خذ ابنتي واذهب من هنا

بوعبدالله انصدم لما قالت له جي: انا اخذها! ولكن لماذا؟

كانت الحرمة في حال يرثى لها

متبللة ن المطر وشيلتها مقطوعة وبنتها ميتة من البرد

قرب عبدالله من البنت وشلها وحظنها ع اساس بيدفيها من البرد

وبوبوع علي تم يتامل البنت وتذكر بنتة ودمعت عيونة

الحرمة: سيقتلونها ارجوك ان تاخذها

بوعبدالله تم واقف مكانة مايعرف شيسوي

قربت الحرمة اكثر وحطت بنتها بحظنة: ارجوك ان تعاملها كإبنتك

بوعبدالله سكت م قالها شي

قرب عبدالله صوبهم: بابا ليش الحرمة م تبا ؟ بنتها ليش تبانا ناخذها معانا؟

وشوي يسمعون صوت الرصاص

الحرمة بصياح : ارجوك خذها من هنا ,ف حياتها في خطر , انهم قريبون منها

البياع قرب صوبهم : اخرج مع ابنك والطفلة من الباب الخلفي سأساعدكمم انا والعاملين هنا

بوعبدالله شل البنت وولدة وطلع من الباب الخلفي

ورد بيتة

بالبيت

اول م دش بوعبدالله البيت كانت عليا حرمتة وعياله عزيز ومايد يتريونة

استغربت عليا يوم شافت بحظن ولدها بنت صغيرة

وعزيز اول م شافها نط صوب اخوه وشل البنت: ماما مهوي رجعت

مايد: ملابسها كله ماي

علي(بوعبدالله) بهداوة: حبيبي عزيز شلها البيبي ومايد ودشوا داخل

عزيز: انزين بابا ملابسها كله ماي عادي انبدلها؟

علي: هيه سير

سار عزيز وهو مستانس وبحظنة البيبي (يتحراها اخته) ومعا مايد عسب يغيروه للبيبي ملابسها

عليا: ممكن تفهمني منو هذي

عبدالله:ماما انا بقولج

{{ حكى عبدالله لامه عن الي صار لهم اليوم مع ام البيبي بتفصيل }}

عليا: لا اله الا الله ,, معقولة في ناس جي تسوي

علي:والحين شوبنسوي بها

عليا: والله مادري

علي:مب قادر افكر شسويي الحين ,, عيالج يتحرون انه البيبي هذي هي مها اختهم مايدرون ان اختهم ماتت

عليا: م نقدر الحين نشلها عنهمم اخاف يستوي بهم شي لو درووا عن اختهم الي ماتت

عبدالله: بابا ليش ما تخليها تعيش معانا

عليا وعلي انصدموا من كلام ولدهم

عبدالله: بعدين البيبي ماعندها ام واب , حرام خلها معانا

علي تم يشوف حرمتة

عليا: انا موافقة

علي:بس

عليا قاطعتة: محد يدري ان بنتنا ماتت من اسبوع ,, ومحد بيدري عن هذي البنت

علي: وعبود

عليا شافت ولدها بحنان: عبود حبيبي كبير ويفهم عن شو نرمس نحن م بيبخر حد > لفت صوب ولدها: صح حبيبي

عبدالله: صح

عليا: خلاص عيل البيبي هذي بتكون شرات بنتنا مها , وبنسميها ع اسمها وبربيها وبعتبرها شرات بنتي واكثر

علي: توقعت بترفضين

عليا قاطعته:م نقدر نخلي البنت بكل الحالات وبعدين امها وصتك عليه

علي: متأكدة انج بتربيها

عليا: هيه برضعها وبعاملها شرات م اعامل عزيز وعبود ومايد

علي: والله انج كبرتي بعيوني

عليا ابتمست له : من باجر رد المحل واسأل عن الحرمة ,, ع اقل نعرف شي عنها

علي: خلاص ولايهمجج

باليوم الثاني سار بوعبدالله يسأل عن الحرمة بالمحل وخبروه شي ريايل شلوها

وتم بوعبدالله يوميا يسير المحل عل وعسى يعرف شي عن الحرمة بس للأسف م قدر يعرف

ف قرر مع حرمتة انهم يبندوا هالصفحة من حيتاهمم ويربونن مها ششرات بنتهم وبيحاولون يخبون عن عزيز ومايد هالشي ان مها مب اختهم


{{ مرت الايام والسنين والكل تعلق بمها خصوصاً عزيز ,, طبعا عزيز ومايدد طول هالسنسن كانوا يضنون ان مها اختهم ,, الا عبدالله لان كان يدري بالموضع,, ودايماً بالليل علي يبطل الموضوع لحرمتة وهي تقولة خلاص مها صارت جزء منهم ومستحيل يتخلون عنها وتحاول معا عسب لايبطل الموضوع مرة ثانية وعسب مها م تسمعهم مها ,, وبيحاولون ان م يخبون عنها هذا السر (ام + بوعبدالله + اليدعبالرحمن وحرمتة وبوحمدان وحرمتة وعبدالله هم الوحيدين الي يدرونن عن سالفة مها) }}














(( نرد للواقع المر ))

حمدان: والسلسلة؟

عبدالله: دشيت داخل صوب مايد وعزيز شفتهم يبدلون لها الملابس ولقيت سلسلة كانت ب ايدها وشلتها بسرعة عنها وخبيتها ,, وبالليل قبل لا ارقد طلعت السلسلة وشفت محفور عليها اسم حمد(بوراشد) واسم العايلة وشفت الصورة كان فيها التوأم وبوراشد

عزيز: يعني هاك اليوم يوم دشيتوا انت وابوية ب البيبي م كانت اختي

عبدالله نزل راسة

مايد: واختنا ماتت!

اليد عبالرحمن: بس مها اختكم

مايد عصب:انتم تجذبون عليناا شو

ام عبدالله: لا يو لدي ها الصج

مايد: شوو الصجج ان مهوييي مب اختنا؟؟ ولاا شو

بوعبدالله: خلاص ي عيالي صار الي صار

كايد: والحين مهوي بتم معانا ولا معاهم

بوعبدالرحمن(اخو بوراشد): نحن اهالها واولى بها

مايد شافة بنضرة: لو انكمم اهلها جانن م ضيعتوهاا عنكمم

احمد بعصبية: تهبي الا انت قال اولى بها قال مهوي بترد معانا

بوحمدان: احمد ارمس مع الريال باحترام

احمد:م تسمعة شيقول اونه يبا مهوي عندهم

بوسعود : وعلى اي اساس بتم عندكم انت مب اهلها ولاشي

احمد: غصبنن عنكك بنتم اهلهاا لو شو ماصار

نشت العمه حلا معصبة : بدل لاتضاربون نشوا شوفوا البنية وين؟

عزيز لف حذاله وما لقى مها: احمدوه مها توه كانت هني

احمد لف عليه بصدمة: وين سارت

ام عبدالله بخوف: يمة بنتي وين سارت

الريم بصياح : سيروا شوفوها

ظهروا الشباب كلهم من الميلس ساروا يدوروها تم احمد يتصل بها عل ووعسى ترد عليه


صعب انك تعيش مع ناس تحبهم وتعزهم وفي الاخر تعرف بيوم انهم مب اهلك

خل نروح صوب مها شوي وونشوف شو حالها

هذا كان حال بطلتنا تمشي بين الشوارع والسكيك بس وين تسير ماتدري تمت تمشي وتمشى وماتدري ريولها وين توديها

مها بصياح : ليشش انا يصير فيني جذي ليش شسويت بحياتي ليش كل الي احبهم يتركوني

ليش كل حد يتخلي عني ليش

:بس انا م بتركج واتخلى عنج

مها صدت وشافت وراها: كايد

كايد قرب منها وحظنها: ليش تخوفيني عليج جذي

مها اول م قالها جي صاحت زيادة

كايد بحنان: اشش بسج صياح ,, مب زين لج

مها: الحين انت بتخليني بعدد لاني مب بنت عمك

كايد: شهالكلام مستحيل اتخلى عنج مهما صار انتي حياتي كيف اتخلى عنج

مها: بس انا

كايد قاطعها: حبيبي مب يعني انتي مب بنت عمي يعني خلاصص م احبج انا ببقى احبج لاخر لحظة بحياتي

مها تمت تصيح وماردت عليه

كايد: يلا حياتي نرجع

مها خوزت عنه وزاعقت: مابي ارد مابي اسير لهم

كايد: فديتج الكل خايف عليج يبيج تردين يلا نسير

رن فون كايد وكان المتصل احمد: بلاك لاتزاعق ,, هي لقيتها هي معاي ,, نزين نزين بنرد ,, قتلك بنرد بسس لااهه باي(بند فويهه)

مها: الحين عزيز بيتغير علي صح يوم دررى اني مش اخته وميود بعد صح واحمدوه

كايد لف صوب مها: فديتج لاتخافين محد بيتغير ويتخلى عنج محدد , يلا نرد يتريونج

مها: كايد افهمني دخيلك مابي ارد

كايد:قلبي انتي لازم نرد الكل يحاتيج هناك

مها: ليش خبوا هالموضوع عني كل هالسنين ليش

كايد ماعرف شيقول م رد عليها

مها حطت راسها ع جتف كايد: الله يخليك لاتردني لهم مابيهمم

كايد: خلاص لاتبينهم بس اهم شي تبيني صح!

مها م ردت عليه

كايد: خلاص براحتج م بنرد لهم بنسير انا وانتي جم يوم بعيد عنهم بعيد عنهمم

مها: عبود كان يعرف اني مش اخته صح

كايد: هيه

مها: افف ليشش يصير فيني جذيي شسويت بحياتي انا عسب يستوي لي ها كلة

كايد حظنها: اشش حبيبي يلا نسيرر

بصوب ثاني

حميد: ياربي م اصدق الحين هذي مها تصير بنت خالي واخت رشود

حمد: انا بروحي مصدومم

عيسى: افف الله يعين الوضع بالبيت م يطمن

حمد: الحين وين بنحصلها هني

عيسى: جان لقيت نسخى من رشود بس بنية اكيد هيي مها

حميد: تنكت حضرتك

عيسى: لا احاول

حمد: مالت عليكم ,, الناس قاعدة ادورها وانتم هني تستهبلون

حميد: ياخي م تعودنا ع هالاجواء الكئيبة

عيسى: هيه والله ,, عاد الشي الحلو ان شي فرد يديد بالعايلة

حمد: تصدقون طول الوقت الي يرمسون الشياب فيه وانا اطالعها والله تيننن احلى عن رشود

عيسى: طع هذا لايكون حبيتها

حميد: توقع منه اي شي خخخ

حمد: جب انت وياه ,, المهم حمود دق ع ربيعك ها احمد سألة لقوها ولا

حميد: كاهو مطرش مسج هيه لقوها

عيسى: يالله نرد البييت ابا ارقدد

حمد: هذا الي يهمك

عيسى: هيه بعد شو

حميد: بس انت وياه ...



[ [واخيراَ نقول باك للواقع ]]


جواهر: يعني م رديتي لهم من بعد ذاك اليوم

مها ابتمست لها: امبلى رديت لهم

جواهر: وشو صار بعد

مها: احيد تميت اسبوع مع كايد في مكان سري طبعا م بخبرج خخخ,, وحاولت معا ان م يردني لاني وقتها كنت صج مضايجة ومنهارة ومابي اشوف حد وعقبها ب اسبوع ردينا
وللأسف خذوني اهلي عنهم

جواهر: وردة فعل اخوانج؟

مها: صارت وايد مواقف تضحك يوم تميت اول اسبوع عند هلي م كنت مستحملتهم ابد ولا تعودت عليهم دوم كنت اصيح و ايلس بروحي بالحجرة م اظهر منها ابد اودق لعزيز واحمد وميود واقولهم ايون ياخذوني

هيه تذكرت موقف ضحكني مرة من المرات عزوز وميود واحمدوه وكايد الرباعي المرح ياوا عندي شلوني مم لا م شلوني قولي خطفوني خخخ

جواهر: خطفوج؟

مها: هيه ههههه م تحملوا اتم بعيد عنهم وخططت معاهم ايوم اخر الليل وكل حد راقد يشلوني وصار الي صار وتميت معاهم يمكن قريب ثلاث اسابيع واهلي يتحرون انخطفت

عقب يدي عبدالرحمن يوم عرف عصب علينا وهزبنا وقالنا الي سوينا غلط ورشود وايد عصب ان اختي وكيف تشلونها وتضارب مع عزوز هيل وانا عصبت عليه وتضايجت منه عقب سار اعتذر لهم لان م يبي يشوفني مضايجة وو يدي محمد قالهم م بنمنعكم عن اختكم متى تبو تشوفوها تعالوا وهي بعد بتييكمم وصاروو يوميا ايون عندي ومرات اتم عندهم وجي يعني
وعقب هدت الاوضاع ووجي وخلاص تعودت

جواهر: تعودتي عليهم
مها ابتمست: م تعودت وايد بس م عليه الله كريم :")
جواهر: وكيف قدرتي تستحملين ها كلة
مها شافتها ونزلت عيونها: الحمدلله ع كل حال
جواهر: انزين....
مهرة حست جواهر بتيب العيد قاطعتها : يلاا بسكممم بنسير صوب البنات
مها مسحت دمعتها: جواهر تراني تغيرت واييد م عدت مها الي تصيح من اي شي وتخاف وايد صرت قوية والايام بتثبت لج...



صّحيَِح آلقّدرَ ( يصْدمْنيٌ ) .. لكـّـن........................ .... مآينِّهينّيٌ...

بـعثرھہ قلمـ ©؛°¨غرامي جديد¨°؛©

مــساء الــورد

أحبتي نزلت لكم " الــبارت" العاشر
اتمنى ينال اعجابكم + اجوف ردودكم(لاتحرموني منها)
وإن شاءالله بعد باجر " الاحد "

" سأضع لكم بعض المقتطفات من الاحداث القادمة "

اما بنسبة " للــبارت " الحادي عشر بنزلة نهاية اسبوع الياي بإذن الله



بـعثرھہ قلمـ ©؛°¨غرامي جديد¨°؛©

>> مـقتطفآات <<

ممنن ألاحدآاثث آالقاآدمهه



#: لم يكسبكك آالنصيبب إياه ولكن وصيتهه كـانت . . ضمني مآبين قلبك وآلعيون وحبني حّبب يدوؤمّم على مـرر آالسسنين

*: حـآاربب

# : شتسوين هني

* : تتحرا هالستت سنينن شويي

#: تكـفىى لاآ تخلينيي

*: آاشش مـآبسوؤي لجج شي . . لاتخاآفينن

#: سير شوؤفف آختكك ترمسس منو

*: لا ما مــااآتت مـا مـآأتت

#: بس انـاا آاحبكك أنتت

*: لاتلمسني

#: قلت لكمّم مآايخصكممّ قيني تسمعوؤنن

*: بنشوف يـااآ انا يـآا اهوو

#: شتقول آانتت شتخربط

*: تراآني هب زعلاآنهه عليكك

#: يعني خلاآصص بنفترق

*: والله آآسفف وربيي ندمأآانن

#: عبودد بلآاكك ليشش جي متغير

*: ضمني مآبين قلبك وآلعيون . . وآنتظرنيي مهمآا طـآالت آلسسنين

بـعثرھہ قلمـ ©؛°¨غرامي جديد¨°؛©

مــساء الورد

مثل ما قتلكم :
هذي بعض مُقتطفات من الأحداث القادمة
والأحداث الي طافت.
" الــبارت " الحادي عشر بينزل مــساء الخميس او الجمعة
قرأي خلف الشاشات أتمنى اعرف رايكم
اهني في صراحة

B3thrah08.sarahah.com

لـا تـحرموني مـن رايـكم
دمتم بود

بـعثرھہ قلمـ ©؛°¨غرامي جديد¨°؛©

{ البارت الحادي عشر }



*ملاحظه: الحين مها الي بترمس عن قصتها


كنت يالسه سرحانه . . عقب ماخبرت جواهر كلشي سحبتها مهرة بصوب وهزأتها لانها تتحرا اني تضايجت من اسئلة جواهر ماتدري انيي ماصرت اهتم لحد
شوي تذكرت ان جواهر م تعرف اهلي اليدد فقلت لين ايبون احمدوه هيل اسير اعرفها عليهم
سرت معاهن صوب البلكونه بحيث ان محد يشوفنا بطلت الباب ودشينا ويلست اعرف جواهر عليهم
: شوفي هيج الي يالسه ع زاويه . . هاي ام سيف حرمه عمي جاسم (بوسيف) عندها
3 أولاد وبنت وحدة . . سيف عمره 27 , عليا 24 , نهيان 19 , نواف اصغرهم عمره 10
والي حذالها حرمه عمي ام عبدالرحمن حرمة عمي خالد (بوعبدالرحمن) عندها 3 أولاد وبنتين . . عبدالرحمن 30 , سلامه 25 (معرسه من سيف والحين حامل ) , الميث 21 , عمر 19 , وعامر 11
وهذيج ام سعود حرمه عمي سالم (بوسعود) عندها ولدين و3 بنات . . سعود 27 (ما ادانيه ) , ليلي 24 ( هذيج بعد ماحبها وشسمآاهه مخطوبه لحمد ) , جاسم 23 , وايمان (هالبنت واييد احبها مخطوبه لعبدالرحمن ) , وعقبهم ملاآك 9 سنين ( الحين خلصنا من اعمامي )


*ملاحظه: عسب م تقولون " بعثرهہ♪" محطيه شخصيات وايده ( نصهمم م بترمس عنهمم وايد يعني مالهم دورر مجرد تعريف للعايلة اليديدة )



جواهر: ماشاءالله وايدين اهل ابوج
: هيل عمامي الثلاث ( بوسيف , بوعبدالرحمن , بوسعود )
وبعدد عمتي ( خديجة) ام حامد عندها ولدين وبنت حامد 33 , سميه 22 , حسن 18

مهرة: وعماتها الباقي خبرتج عنهم قبل ( ام حمد , ام عيسى , حلا (وغلا) الي ماتت )

جواهر: خربطونيي م فهمتت
ضحكت عليها مسكينة بتحفظ منو ولا منو وجان مهرة تختصر الموضوع ف سطرين خخخ
مهرة: شوفي مها عندها 3 اعمام والي هم بوسيف وبوعبدالرحمن وبوسعود و 4 عمات وام حامد و ام عيسى وام حمد وحلاآ
جواهر: اهاا
: عسى بس فهمتي الحين
جواهر: خخخ هيه فهمت
مهرة: مهوي اسمع صوت سياير جنهم وصلوا
ستانست من الخاطر اول م قالت مهرة انهم ياواا من متى اترياهم فديتتهمم م لقن الا غبرتي خخخ لاتلوموني مستانسه وايد لانهمم ياواا


سرت صوب السيايرر وانا اربعع وجان ينزل كايد ويزخني
كايد: شوي شوي بلاجج تربعينن
م كمل رمسته الا وانا بحظنه يالله كيف احبه هالانسان طبعا بستتغربون ليش انيي قلت جي عنهه ( 4 سنين مرت ووايد أشياء صارت بيني وبينهه ^,* وشسمآاهه تراني مخطوبهه له الحين ووبس الكباآريه يعرفون )
كايد: بلاج تطالعين جي
: ليش طولتوا تحريت م بتيون؟
كايد: فديت الي تتريانا . . انا م يخصنيي قولي حق خوانجهم الي اخرونيي
وجان يقربو ميود واحمدوه وعزيز صوبنا وهزبتهم: توناس الحين اتيون؟
مايد: مهوي ترا ها احمدوهه الي اخرنا
: وبعدين معاك انتت دومم بتيلس تجذب علي!!
احمد: دواك تستاهل اونكك تتبللى عليي
مايد: افا بسس الحين انا اجذب عليج . . وتصدقين احمدوهه الخراط
احمد: انا الخراط يالخايس
مها: جب انت ويااه . . ليش تأخرتوو
عزيز: راحت عليناا نومهه
: هذا وانا موصيتكمم م تسهرون عسب اتيون بسرعه اوك اوك الحين بنشوف منوو بيرمس معاكمم سيروو دشوو عند الريايل انا بسيررر
احمد: مهوي يلا عاد
عزيز: فديت الزعلانينن اناا
احمد: مهاوي

جد جد زعلت يعني هم يدرون اني م ييت المزرعه الا عسب هم ياين وفوق ها كله متاخرين بعدد : نعمم

كايد: صج انكم م تستحون تزعلون حرمتي الحلوه . . زين تسوي فيكمم عسب مره ثانيه تتأدبون
مايد : ي حمار انقلعع م تشوفنهه يالسيين نراضيهاا
احمد: كيود يالدبب احسن لك سيرر ولا بتتصففع
: بسس بسس وايد يرمسون
عزيز: هيه صحح وايد يرمسون
قررب مايد مني وشلنيي: ميودد يالدبب عن الاستهبال ونزلني
مايد: اول قوليي انا مب زعلانهه
: مابي نزلني
مايد: وانا بعد مابي
: كيود شوفهه
كايد: يالخايس نزلل حرمتيي لا التكك بكفف
مايد: طع هذا قال حرمتي قال
كايد: اقول ميود شكلك م تصفعت من زمان؟
مايد: خخخخ هيه
احمد: اوبب اوبب اونهه صار كيود الدفاع المدني حقجج
: سخيف احمدوه م يضحك
عزيز: واااككككك الجبهه طارت
احمد: افاا الحينن انا مهوي تسوين فيني جي
: جب احمدوهه المهمم ميود
مايد: خخخخ والله انك مصخرهه
: وبعدين معاك انت
مايد: خلاص اسف امري شوتبين عيونيي انتي
كايد: طع هذا اشوفك مصختها . . لاتغازل حرمتيه اغارر
مايد: سير لااه انت وحرمتك
: نزين نزلني يالخايسس
مايد: اول قولي انج مب زعلانه
: آففف ميودد خلاص مب زعلانه نزلني
مايد: اكيد
: هيه يلا نزلني
وجان ينزلني هالخايسس وتميت اسولف معاهمم شوي وعقب ظهر اخوي رشود وولد عمتي حميد
راشد: هلا والله نورتونا
احمد: اهلنن شالكمم
حميد + راشد: بخير ربي يعافيك ومن صوبكمم
عزيز: الحمدلله بخير
راشد: بلاكمم طولتوا
: شفت حتى هو يقول طولتو
مايد: يا ذا الليل مهاوي والله عرفناا ان تأخرناا
: اذكركك بسس
حميد: الله يعينكمم عليها


بطلت عيوني بقوو نعم هذاا اونهه الله يعينكم عليها اشو بلاي انا ماشاء الله علي جميلة وعسل وووكل حاقه حلوه خخخ
طالعت كايد بنضره يعني يالدب قول شي
كايد: حدك عاد كلهه ولا حبيبتيي
عادد هني انا متت من المستحىى يعني قول شي يسكته هالاهبل مب تحرجنيي
راشد: طاعوو اونها استحتت هههه
مايد: شوففوو خدودها كيف صاررت
عزيز: ههههه وطلعتي تستحين ها مهوييي
احمد: ايهه بس بس صج زودتها وايد م ارضى ع اختيي
: مالت عليكمم من اخوان انقلعوا بسير داخل
مايد: اونج عااد زعلتيي سيري لااهه
: اوهوو ميودد حل عنيي
مايد: عطيني الورقه
: ياربي مستوين سخيفين اخواني الله يعيني عليهمم
عزيز: سكيوزميي لاتجمعين
: هههه نزين
احمد: أقول هب جنه طولنا برع قوموا ندش داخل
كايد: يلاا مهاوي انتي دشي داخل
: نزين يدوه هيل يايين؟
احمد: هيه بيون
مايد: ربع ساعه ويوصلون
: انزين بترياهم ايون وبدش
قرب عزيز صوبي وسحبي ع طرف: مهاوي حبيبي
: اعرف عزوزز اعرفف
عزيز: لمتى نزين بتمين تتهربين منهمم مردجج لهمم
: والله مادريي
عزيز: بابا حبيبي حاولي شويي
تنهدت تنهيدة طويلة واستسلمت للواقع ووافقت: خلاصص انزين
عزيز باسني ع خدي: هيه عفيه ع شطورة
ابتسمت له رغم الضيج الي فيني وتركتهم ودشيت صوب الحريم
اول م دشيت حسيت الكل يطالعني سلمت عليهمم ويسلت حذال مهرة زين هي موجودة ولا شوكنت بسوي انا

جان ترمسني عمتي.خديجة. ام حامد (يالله كيفف ما ادانيها نفس بنتها)
عموه خديجة: أقول مها بلاج متروعة ترا ما ناكل نحن
يخربب بيتها يااربي مب وقتها هذي آففف شو يسكتها عني الحين
ردت عليها عموه حلاآ: بلاج عليها وحليلها ما قالت شي
عموه خديجة: شوتبينها تقول . . ابي افهمم دامج موجودة من قبل ليش م يتي تسلمين علينا؟
: انا
عموه خديجة قاطعتي :ولا ماتبين تسلمين
عموه حلاآ: الله يهداج ياخدوي منو قالج مها من قبل هني تراها توها يايه صح مهوي
عموه خديجة شافتني بنضره وسكتت
وجات تقوم عموه حلاآ من مكانهه ويت تيلس حذالي : مهايه حبيبي
: هلا عموه
عموه حلاآ: فديتج لاتضايجين من عمتج خدوي تعرفينها انتي
: لا عموه ماتضايجت
عموه حلاآ: اكييد
: هيه عموه لا تحاتين
ابتسمت لي عمهه وقمان عنيي , ,حبيبتي عموهه الوحيدة الي حسيتها تقبلتنيي كوني بنت اخوها يعني غصبن عنها تتقبلني وتحبني بعدد فديتهاا والله خخخخ


ربع ساعه ووصلوو قومم يدي عبدالرحمنن
صحح نسيت اخبركمم علاقتيي بفطيم ومريم وشهد وايد تحسنتت معني مادري شو الي نزل عليهمم وغيرهم علي بس الحمدلله تحسنت علاقتي معاهم وصارن واايد معاي وهالشي ونس الريم وايد لانها كانت وايد تحاتي علاقتي معاهم بتنقطع عقب السالفة الي صارت ولا لا



دشن البنات واميهه علياا وعموهه هدى ويدوهه شويخ
سرت صوب يدوهه وحضنتهاا وهي من دورها يسلت تصيح فديتها وايد شتقت لها وبعدها امييه وعقبهم عموهه هدى وعقب يسلنا احنا البنات بصوب والحريم الكبارية بصوب


الريم: يالله مهويي من زماان عنجج
شهدد: شتقنا لجج واييد
: ادري اصلاا مشتاقين لي هع
فطيم: واثقة من عمرج هههه
: هيه شوبعدد اصلااا غصبن عنكمم كلكمم تشتاقونن ليي
عواش بنت عموه حنان: اقولكن يلا نشن بنسير نتغدا
جواهر: عاد انا يوعانههه من القلب
مهرة: شوهاي بعديوعانه من القلب
: شكلها جوجو يوعانه وايد من جي مب حاسه برمستها
مهرة: هههه هيهه
جواهر: والله صج يوعانه وايد
:تذكريني بعمري والله كنت 24 ساعهه احب اكل
فطيم: ودوم ميودد يهزبها ويناديها بالوعهه
عواش: م ينلاامم صج انج بالوعه
: افاا عويشش الحين انا بالوعه ,, خلاص هونتت ما باخذج لعبودد اخوي
عواش: لا تكفين خذيني ترا والله اموت
: خلاص اخوي ما يباج
عواش: لا حراممم اقنعيي ياخذني بموت من دونهه
: ياربي شالهلزقهه م يباجج
عواش: سيري لااه مالت عليج وع اخوج
: عويش يالخايسهه احترميني انا واخوي ترانا اكبر عنج

عواش: اقول مهوي نسير ناكل احسن




سرنا كلنا وتغدينا وعقب طلعنا احنا البنات وسرنا نحوطط بالمزرعة شوي
وشوي شفت سيارة عبود واقفه جدام البوابة البنات كلهن دشن داخل الا انا تميت واقفه اتريا عبود نزل من السيارة وقرب صوبي ومد ايده يسلم
فهاللحظة حسيت عمري بصييح واييد متغير عليي م قام يرمس معاي شرات قبل صحح عزيز وميود واحمدوه كانو قراب ليي بس عبود كان غيرر عبودد اعتبرته شرات ابويه كان وايد يخاف علي لكن الحين يحسس بعدي عنهمم هو السبب فيه
عبدالله: مهوي بلاج
: عبود بلاك ليش جي متغير
عبدالله بهداوه: مابلاي شي
عاد هني صج صج م تحملت و صحتت
عبدالله خاف علي واييد: حبيبي مهاية بلاج
:حرام عليك انا شسويت عسب جي تسوي معاي
عبدالله نزل راسه وسكت
قربت منه وحضنته: تراني هب زعلانهه عليك
عبدالله: بس انا
قاطعته : عبود حبيبي السالفة مرت عليها 4 سنين وانا خلاص نسيتهاا
عبدالله: بس انتي مضايجه مني لاني خبيت عنج هالموضوع
: بالعكس كبرت فعيني وايد لانكك طول السنين م حسستني اني مب اختك وللحين بعد
عبدالله حضني بقو: انا اسفف تحريتج زعلانهه علي وماتبين تشوفيني من جي م قمت ارمسج نفس قبل
: حبيبي اخويي لو شو مايصير مستحيل ازعل عليك انتت ابويهه الثاني فديت روحك
عبدالله مسح دمموعي: يلا فديتج انا بدش صوب الريايل وانتي الحين دشي داخل ترا بررد وايد عن تمرضين
: ان شاء الله فديتك

سار عني عبود ودش صوب الريايل وانا قلت بسير صوب الخيول شوي وعقب بدش داخل
المهمم كنت مرتاحهه صجج كنت اتريا من زمان اشوف عبود عسب ارمسه فهالموضوع
عسب هو من بعد السالفة حاول مع ابويه واميه وافقو ورجع فرنسا تم تقريبا 4 سنين هناك ويوم يدق من هناك مايرمس معاي وايد من شهر تقريبا رجع
وحسيتة متغيرر وايدد ف قلت ان لازمم افتح الموضوع لاني مب متحمله هالوضوع الصراحهه المهم
تميت اتمشى وجان حد يحط ايدينه ع عيوني خفت وايد: منووو
: شتسوين هني
اول م سمعت هالصوت حسيته مألوف وايد مستحييل انسسىى هالصوتت هيه هذا هوو هذاا وهاليد اكيدد هوو لفيت بعمري عسب اشوفه وانصدمت:
حـآاربب
حـآاربب: قلبب وعيون وروح حـآاربب

بـعثرھہ قلمـ ©؛°¨غرامي جديد¨°؛©

أسعد الله مسائكم

أولاً:أعتذر على تأخيري لتنزيل " ألــبارت "

ثانياً: عندما أحدد لكم موعد مرة أخرى لن أتأخر عنه
ثالثاً: " ألــبارت " ألقادم بينزل في مــساء الـسبت القادم بإذن الله
رابعاً وأخيراً: أتمنى أن أرى بعض تعليقاتكم ( سواء كان نقد أو مدح)

دمــتم بــود

بـعثرھہ قلمـ ©؛°¨غرامي جديد¨°؛©

{ البارت الثاني عشر }



تميت اتمشى وجان حد يحط ايدينه ع عيوني خفت وايد: منووو
: شتسوين هني
اول م سمعت هالصوت حسيته مألوف وايد مستحييل انسسىى هالصوتت هيه هذا هوو هذاا وهاليد اكيدد هوو لفيت بعمري عسب اشوفه وانصدمت: حـآاربب
حـآاربب: قلبب وعيون وروح حـآاربب
شفته بخوفف
حارب:بلاج خايفة
: ليش رديت
حارب:لاني ابيج
: بس انا مابيك
حارب: امبلى تبيني
: انا نسيتك
حارب: جذابة بعدج تحبيني
: انخطبت
حارب(حسيته انصدم من رمستي) : بترفضين
: وافقت
حارب بعصبية : انتي لي انا بس
: انا مب لعبة ب أيدك متى ما تباني ترد ويوم ما تباني تخليني وتسير , تتحرا عقب هالسنين كلها رديت لي بحن لك مثلا ولااه ببقى احبك تتحرا يوم بشوفك بصيحح ,, لاحبيبي انت غلطان انا تغيرت ماعدتتت مها الي الكل يمشي ويدوسها ويتركها هاا اول والاول تحول
حارب: لايغيروج علي
: محد غيرني عليك انت بنفسك غيرتني
حارب: بس
: لابس ولاشي الحين حق شو ياي
حارب: منو خطبج
لفيت بسير عنه بس هو يود ايدي وسحبني صوبه
حارب: منو ها؟
: مايخصك تفهمم
حارب رص ايديه بقوه ع ايدي : منو اللي خطبج
: هد ايدي عورتني
حارب زاعق علي: اكلمج انا ردي
: كايد
حارب: وليش وافقتي عليه
: لان يحبني وانا بعد احبه
حارب: وانا ماتحبيني
تجمعت الدموع بعيوني : عقب 6 سنين ياي شو تبا ,, انت تعرف شو صار فيني خلال هالست سنين
حارب قرب وحضني: والله اسف وربي ندمان
:انت تتحرا هالست سنين شوي
حارب: مهوي
: لاتلمسني بعد عني
حارب: اشش مابسوي لج شي لاتخافين
: سير مابي اشوفك
حارب: ماتبيني
زاعقت عليه: هيه مابيك روح عني روحح
حارب: بس انا احبج
: وانا على قد م حبيتك كرههتكك ,, كنت لي كلشي امي وابوي٠ واخوي وربيعي وحبيبي بس الحين انت ولاشيي ولااشي
حارب بغصة: ولاشي
نزلت دموعي جدامه وياليتها م نزلت : هيه ولاشي روح عني
حارب : مردج لي
: قصدك لـ كايد
حارب بقهر : بنشوف يا انا ياا اهوو>> لفيت عنه ومسحت دموعي عسب ادش داخل لكن مسك ايدي
حارب: لاتروحين
م رديت عليه
حارب: لاتخليني
سحبت ايدي عنه وتركته بمكانه
وسرت صوب ميلس الحريم وأول م دشيت تفاجأت ان الشباب والبنات متيمعين موجود: شتسون هني
راشد قرب صوبي وحضني: كل عام وانتي بخير توأمتي
انا انصدمتت اليوم يوم ميلادي وانا ناسية : اليوم ميلادي
راشد: هيه بلاج لايكون نسيتي
هزيت راسي ب هيه
راشد تم يشوفني: فيج شي؟
: لا
راشد بنضرة: متأكدة
سكت عنه مارديت
شوي وقربو احمدوه هيل وتم يحضنوني ووو تعرفون يعني هسوالف
ايمان: مهوي ورشود تعالو قصو الكيكه
ابتسمت لها وقربت صوبها معنى فخاطري اطلع من هني واسير البيت بس شسوي مجبورة
احمد: مهويي شوفي وراج
لفيت وراي الا وشوي اشوف هالدب محط كريمة ع خدي: احممممدوووهههه يالدببب
مايد: الله عليك احمدوه
احمد: مهوي والله تجننينن مع الكريمة
: جب جب لاتكلمني
مايد شل قطعه كبيرة من الكيكة وحطها بحلجي
كايد زاعق: يالخايس ميودد خوز عنها
اما عن رشود حالته حاله سحبوه الشباب وحطوه ويهه بالكيك سرت صوب عبود الي كان يالس مع عيال عمومي الكبارية اول م شافني نش وانا سويت عمري اوني زعلانه: عبوددد شوفف خوانك الخايسين شمسوين فيني
عبدالله بعصبية: ميووودد
مايد: مايخصني ها احمدوه
عبدالله: يالخايسين بسس حرامم هاي نعمهه لاتعلبوو بها
عزيز: شوفو يانا المطوعع
: ليش مب عايبك يعني
عبدالله: ظهركك يحكك؟
مايد: لا والله امزحح
عبدالله: اتحرا بعدد
: خفت هاا يالديايه
مايد بصوت واطي: انا براويج عقب منو الدياية
ابتسمت له اغايضة وسرت الحمامم امسح الي ع ويهي ورشود سار يسبح لان مخيسينة من الخاطر
وبين ما الكل كان مشغول بسوالف سحبني كايد لبرع وسرنا ورا الفلة
: بلاك شوي شوي علي
كايد هد ايدي ويلسني جدامه: شوفيج
: بلاك انت شو شفيني
كايد: ابي اعرف ليش عيونج حمرر تتحرين م سمعت كلام رشود يوم يسالج
سكت عنه ومارديت عليه
كايد: خبريني
مها: ماشي
كايد: بتجذبين يعني
م رديت عليه الحين شقولة مادري , أقول والله من شوي شفت حارب ولا شو أقوله بالضبط
ماتحملت وصحت
كايد بخوف: حياتي خبريني شوفيج حد سوا بج شي
: رجععع حااربب
كايد: شوووو ومتىى وانتي شوعرفج
: قبل شوي كان هنيي شفتهه وياليتني ماشفته
كايد: سواب بج شي قالج شي
: رجع يقولي يبانيي وانا
كايد قاطعني: تبينه؟
: مابيه
كايد: بس هو يبيج
زاعقت عليه : انت ماتفهممم قتلك مابييه انا احبك انتت انتتت مب هوو مبب هو
كايد قرب صوبي وحضني: بس بابا بس
زعاقت مره ثانية عليه وانا اصيح: ليشش رجعع
كايد بعصبية:م بيلمس شعره منج صدقيني ما راح اخليه يكسرج مرة ثانية
: تكفى لاتخليني
كايد: مستحيلل اتخلىى عن حياتيي مستحييلل

مر الوقت بسرعة وابويه علي وامي ويدوه شويخ والبنات وخواني كلهم درو عن حارب
لان كايد خبر احمدوه وعزيز وميود وهم واييد عصبوو وحلفووا لو شافواا ما يتكرونه بحاله
بس يدي عصب عليهم وقالهم م يسون شي هو بيتصرف معاه
وبنسبة لبابا حمد ويدي محمد خبرهم عبود كلشي وهم بعد عصبو

وعقب الكل سار يرقد وشسمااه كلهم بيتو بالمزرعة حتى مهرة وريلها وعقب بالليل دشيت حجرتي لقيت البنات راقدات ما حبيت ازعجهم وظهرت سرت صوب المطبخ وشفت رشود يالس جنه يترياني

ابتسمت له: شو بعدك مارقدت
راشد: لا اترياج
ستغربت منه: تترياني ليش؟
راشد: تعرفين انتي
: لا ماعرف قولي
راشد: مهاوي حبيبي حطي عينج بعيني
رفعت عيوني له
راشد بهدوّوء : تراني اعررف كلششي
انصدمت اول م قال جي ومارديت عليه
راشد: اكيد استغربتي صح
: وكيف عرفت
راشد: حبيت اعرف كلشي عن توأمتي لاني ادري بها م بتخبرني ف رمست كايد وخبرني كلش وادري عن سالفه هاك حارب
حاولت امسك دموعي لكن ماقدرت
راشد حضني بقو: دموعجج ماتنزلل ع واحد شرات هالخايسس ماتنزل
م رديت عليه اكتفيت بأني احضنه
راشد: ما بسمح له يسوي بج شيي مرة ثانية اوعدجج
: ولا بتخلي يقرب صوبي
راشد: ما بخليه
ابتسمت له وحضنته بقوو
راشد: ومن اليوم أي شي يصير بج تخبريني ان مب توأم عالفاضي كللشي بيستوي معاي بخبرج وانتيي لاتخشين عني شي
واييد ارتحت من كلام رشود حسيته صجج صج يحبني ويخاف عليي مب لاني بس توأمته او يمكنن هو يبا يتسمك فيني اكثرر ويعرف عني كلشي ويعوضني ع كلشي راح

سار رشود يرقد وانا سرت حجرتي وانسحدت حذال مهرة تميت افكرر وافكرر لين حست بي هي ونشت
مهرة: مهوي بلاج
: ماشي
: قالي مردج لي شوتتوقعين بيسوي
مهرة: منو
: حارب
م عليج منه ها بسس يتفلسف ويبا يخوفج
: وايد خايفه انا أخاف يسوي شي ويخرب خطبتي من كايد
مهرة: فديتج كلنا معاج لاتخافين
ابتسمت لها
مهرة: يلا لاتفكري بشي وارقدي
: ان شاء الله مهروو عادي ارقد بحضنج
مهرة بضحكة: ههه هيه حبيبتي عادي تعالي فديتج
:احين جواهر بتغار
مهرة: هههه هيه ماعليج منها
: عرفت عنه
مهرة: ما يطوفها شي , يلا رقدي
: ان شاءالله



يتبع . .

بـعثرھہ قلمـ ©؛°¨غرامي جديد¨°؛©

مساء الـورد

أتمنى أن ينال " الــبارت " إعجابكم
وسأضع لكم الجزء المتبقي منه خلال هذا ألأسبوع
أي يوم (ألأربـعاء أو الخميس)

كونوا بالقرب

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1