غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 01-11-2019, 12:58 AM
صورة MsDeeal الرمزية
MsDeeal MsDeeal غير متصل
©؛°¨غرامي جديد¨°؛©
 
الافتراضي رد: روآيه ضمني مآبين قلبك وآلعيون/ بقلمي


{ تابع البارت الثاني عشر }

بصباح يوم يديد


نشيت ساعه وحدهه توضيت وصليت وعقب شفت فطيم نشت تريتها لين تتوضا وتصلي عسب اتيي معاي
فطيم: اقولج مهوي شي حد من خوانج ولا
: والله مادري بس خذي لج الشيلة احتياط يعني
فطيم: خلاص تمام
نزلنا الصاله شفت امايه عليا يالسه مع عموه هدى (ام كايد ) سرنا ويلسنا معاهم: صباح الخير
امايه+عموه: صباح النور
فطيم: يوعانه ابي ريوق
امايه: تعالن تريقن
: لا ماما توي ناشه مالي نفس حق شي
عموه: ليش عقب بتعبين يو ماكلتي
: ادري بس مب مشتهيه اكل شي
فطيم: عسب حارب!
شفت فطيم بحزن وصديت عنها
عموه : مهوي فطوم هب قصدها اضايجج هي بس
قاطعتها : ادري عموه بسس مابي اسمع عنه شي
عموه: حبيبتي لا اضايجين عمرج عسب ها يدج قال بيتصرف معاه
: بس اخاف يخرب خطبتي من كايد
امايه: يخسي الا هوو يسوي جذا ببنتي
عموه: صدقيني م بيصير الا كل خير لاتفكرين بشي
امايه: يلا حبيبتي نشي وعي البنات خلهمم يصلون لان عقب بنحرك
: امييه بيي معاكم
عموه: حبيبتي لازم تيلسين مع اهل ابوج عقب تدرين بيرمسون عنج
: انا خايفة
فهاللحظة دش كايد علينا حطيت الشيلة بسرعه ع راسي
عموه بعصبية: عيب عليك ادش والبنية هب لابسة شيلتها
كايد: ريلاكسس ماي مذرر ليش معصبة
عموه: كيود سير برع احسن لك
اميه: هدىى بلاج عالولد م مسوي شي ترا مهوي خطيبتهه
كايد: شفتيي عموه بلسانهاا قايلة خطيبتييي يعنيي حرمتييي صح مهوي
ياربي هالولد يحبب يحرجنيي: عموه شوفي ولدج
كايد: تراها تشوفني بلاج
فطيم: كيود انجلع برع
كايد: يالس ع جبدج انا
فطيم: البنات الحين بيقومن يلا سير
كايد: جب جب المهم بموتتت انا ابي اكل يوعان
عموه: سير صوب الشباب وتريق معاهمم
كايد: مخلصين الريوق عنيي
فطيم: مخلصينه عنك ولا انت الي بالعه كله ببطنك
كايد: فطومم انجلعي عن ويهي ولا بصفعج
فطيم: عموهه كيف بتزوجيه بنتج وهو جي شرير عقب بيصفعها
امايه: بكسر ايده
كايد: لا لا لا افااا م هقيتها منجج
امايه: عيل تقول بتصفع بنتي
كايد: بخليها كل يوم اتيج وتحبج ع ايدج وراسج انج زوجتيها لي
امايه ابتمست له: بنشوفف ^^
كايد: خخخ اوكك المهم ابي اكل
فطيم بخبث: عموهه مب مهو خطيبت كايد خ تسير تسوي له ريوق منها يعني تتعلم يعني كيف تطبخ لريلها عقب
كايد وجنه عيبته فكرة اخته: هيه صحح بشوف حرمتي تعرف تطبخ ولا لا
: تتحرون يعني ماعرف اطبخخ مثلااا ولا شو بالضبط
عموه: خوزو عن البنيه شوتبون بها
امايه: م عليج منها تدلع يلا نشي سيري سوي له ريوق
طالعت اميه يعني ليشش انا
امايه: يلا اشوفف


تميت اشوف كايد وفطوم وانا مغيضة منهمم وسرت المطبخ وانا اتحرطمم بيجننوني هالاثين من حركاتهمم الهبله آففف بديست اسوي لكايد الشاي وهالاشياء يعني وشوي ودش عندي
كايد: ماشاءالله تعرفين يعني تطبخين
: قالولك ماعرف؟
كايد: امبلىى بس قلت بشوف يعني
: اها
كايد: زعلانه
: لا
كايد: متأكده
: مادري
كايد: انزين احبج
انحررجتت ماعرفت شقوله خايسس وايد يحب يحرجني
كايد: اموت فيج
م رديت عليه
كايد: اعشقج
بعدد م رديت علي
كايد: اهواج
:حـآارب
كايد انصدمم : حـآارب!
اوييه لاا مب قصدييي ,, الحينن شو بيفهمهه ياربييي شسوي: انااا
كايد بهدوّوء: خلصي الريوق وطرشي الميلس
: كاييدد
كايد: هلا
: اناا اسفهه
كايد: اوك
يودت ايدينه ودموعي بعيوني: كايد انا اسفه
كايد: لووصحتيي بزعلل صدقيني
قربت صوبه وحضنته ويلست اصيح: والله اسفه مب قصدي
كايد بحنان: حبيبي ادري مب قاصده انتي بعدج تفكرين به بس خبريني ليش خايفه منه
: أخاف يخرب الي من بينا
كايد: اوعدجج م بيخرب صدقيني
: انا اسفه
كايد: اشش لاتتأسفين
تمينا ع هالحاله هو يهديني وانا حاضنته عقب دشن البنات علينا عاد هن ماصدقن ويلسن يغمزن لي ومادري شو
انا خوزت عن كايد وهو سواا عمره معصب عليهن: بس انتي وياها اشوف وحده بسس تقولها شي
فطيم بخبث: اوه اوهه الحبيب م يرضى اونه
كايد بضحكة: وي ويهج جب ترا جد الي بتقول شي حق حبيبتي بصفعها
مريم: حبيبتك ها انت سير واحنا بنطييح فيهاا
كايد: وانا بصففعكنن
مهرة: م عليك سير انا معاها م بيسون شي
كايد: اكييدد
مهرة: اكيدييين
كايد لف صوبي وهمس لي: بينا بالليل تمام!
سكت عنه مارديت عليه من كثر م انيي منحرجة من الموقف يعني


مرر اليوم سريعع والكل رد بيته وحاولت مع مهرة عسب اتيي بيت يدي واتم عندي بسس م قدرت ووعدتني بيومم ثاني اتيي لاني م ابي ايلس هناك بروحي عسب كل عمومي بيتمو هناك واحمدوه هيل ردوو بوظبي عسب شي عرس لازمم يحضروه وممم هيه صحح اليوم ماشي خبر عن حارب ودعيت ربي يبعده عني وعن اهلي وبذات عني وعن كايد لان الي صار اليومم الصراحه وايد ضايجني انا كيف نطقت ب اسمهه ياربي الحين شو بيقول عني كايد معني ادري ان كيود واييد وايد طيب خصوصاً معاي ولان وايد يحبني يسامحني ع كلشي اغلط به بس مابيه يحس اني استغل طيبته

. .

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 14-11-2019, 08:58 AM
صورة MsDeeal الرمزية
MsDeeal MsDeeal غير متصل
©؛°¨غرامي جديد¨°؛©
 
الافتراضي رد: روآيه ضمني مآبين قلبك وآلعيون/ بقلمي


{ البارت الثالث عشر }



: البنية انخطبت صح؟
حارب: هيه
: عيل شوتبا بها خل تسير برايها
حارب: انا الي مضايجني انها تتحراني اني غلطان مب بس هي يدي واحمدوه ووعزوز وميود يتحروني انا الي سويت جي بولدهم
بعصبية: لاتبرر لها شي لو صج هي كانت تحبك وتبيك كانتتت بتحطط الفف عذرر مب تصدقق الناس وخلااص يعني
حارب: حمود هي ما تركتنيي انجبرتت تهدنيي بعدوني عنهاا
محمد: البنية تركت وماتبيك وانخطبت
: لو الموت ما اتخلى عنهااا ادري انها تكابر وبعدها تحبني اليي مضايجني كايدد يعرف اني احبهاا يعرفف كيف يسوي جيي فيني ويخطبها كيف يتجرأ
محمد بصدمة: كايد ماغيرة
: للاسف هيه
محمد: احيد قبل انت وكايد
قاطعتهه: ها قبل احين كلشي تغير تغير اخخ بسسس كيفف توافق عليهه
محمد: اليي باعكك بيعهه
: ورب الكون اني ا ع ش ق ه ا
محمد: لوتحبكك ما كانت بتوافق عليهه
: والله تحبني والله بس تكابر
محمد: خلاص خلها بحالها
: اموت ولا اخليها
محمد: تعرف خوانها شبيسون
: لو يعرفون الصجج ما كان جي حالناا
محمد: وانت ناوي تبرر لهمم
: هيه بخبرهم
محمد: ولو خبرتهم بيكنسلون الخطبة
: لارد
محمد: لو صج يعزونك كانو حطو لك عذر من قبل وماصار ها كلة
الحين سكر السالفة وقوم معايي
: عند مها؟
محمد: حروب لاتنرفزنيي بس يلا قومم

نبذة👇
حارب: طبعا الكل يبي يعرف منو انا يسموني غرشوب بوظبي🌚 اعق الطير من السما🌚😂 اسولف اسولف أنا حارب عمري ٢٧
ربيع وحبيب وكل دنيا حب الطفولة مهايه ادري بها تحبّني للحين تتغلى عليكم وترا مردها لي سالفتي معاها طويلة وبتعرفونها بالبارتاات او البارت الياي🌚👌 لون عيوني عسليات واشتغل بالجيش برتبة لواء
محمد:وانا الحب ربيعه حمود
حارب: خسى ماشي حب غير مهايه
محمد: افااا م عليه بسلك لك هالمرة .. المهم عمري ٢٩ معرس وعندي ولد مزيون شرات ابوه😌👌 واشتغل بالشرطة





بصوب ثانيي



****1: كيف يعني بعدها عايشة
****2:اقولك عايشة ماتفهم انت صارلها سنين عايشة مع عايلة **** وعقب ردت لابوها
****1: وليش تكلمت احين ليش ماقتلي
****2: تريتك ترد من برع البلاد شلون اخبرك وانت ساير ب مهمه
****1: هالبنت مابيهااا تعيش سو اي شي تخلصوا منها
****2: كيف اقولك ردت يعني ماشي مجال نقرب صوبها
****1: انا اقولك كيف






بالبحر


مايد: كيود احين صارلنا ساعه هني وماتكلمت قولي بلاك
عزيز:مستوي شي نحن ماتعرفين
احمد: انا برمس عنك
عزيز: خير شو صاير
احمد: يبي يجدم ملجته ع مهوي
مايد: وليش
عزيز: عسب حارب صح
مايد: وربي لوقرب صوبكم بيندم
عزيز: من صجك احين خايف منه
كايد: فهموني شوي
احمد: ارمس نزين ليش مستعيل
كايد: تدرون شو صار بمهوي قبل عسب حارب مابي يتكرر مرة ثانية
احمد: مستحيل يتكرر اصلا
مايد:يخسي اصلا يقرب منها
كايد: انا خبرت يدي وابوي وعمي قالو بيرمسون مع بوراشد ويفهمونه
عزيز: متى تبا انت؟
كايد: قلت برمس مهوي بس اول عموه بترمسها عقب انا
عزيز: ان شاءالله خير
مايد: اوبب اوبب كايد منو قدك بتعرس قبلنا كلنا ها .. احمدوه عيل كايد بيعرس قبلك ها شو شعورك
احمد : شفت كيف الدنيا ظالمة اخوي الصغير يعرس قبلي لاا مايصير جي
كايد : يلا عاد بس جب شفيها لو عرست قبله
عزيز: م عليك منهم ميانين المهم متى بترمس مهوي!
كايد: باجر ان شاءالله بسير صوبها








بيت بومحمد

حجرة مها


راشد:مهوي وويع بسج رقااد نشي
مها: اففف مابا
:كلحد تحت يسالون عنج بسج رقاد شوفي ساعهه كمم؟
مها: اوهوو برايهم مابقولك
:مهوو أن م قمتي بنادي لج يدي
مها بلا مبالاه: عادي بقولة تعبانه بيقول رقدي
: عن الاستهبال ترضين يرمسون عنج بالشين
مها: مايهمني كلاامهمم
:مهووو لاتيننيني قوميي
مها: استغفرالله العظيم انزين اطلع بنش
: بعد لثلاث أن ماقمتي
مها: اوهووو اطلعع
بخبث: مهووي تدرين منو تحت
مها تتثاوب: منو بعد
: شخص قلبج يحبه
مها شافتني بنص عين: لا ترمس بالالغاز
: سعود
مها: مالت عليك وعليه شسوي فيه وخير ياطير
: يحبج لااه
مها: حبه برص و انجلع برع ببدل
:فديت الشطارر انا يلا بسرعه
مها: قولهم يسون لي ريوق
: تستعبطين اي ريوق هالوقت !! ساعه اربع ونص
مها: لا إله إلا الله انا باكل ولا انت
:انزين انزين بقولهم بس نشي
مها: منو تحت
: كلهم موجودين
مها: يا ذا الليل🤦🏼♀️
: بسج يلا نزلي

مرت دقايق ونزلت لهم تحت لقيت الكل يالس سلمت عليهم من بعيد ويلست صوب رشود اخوي ويابت لي الشغالة ريوقي
جان ترمس عموهه خدوي: ها وقت ريوق طاعي ساعه جمم احين
شفتها ببرود وهمست: ياربيي شيفكني منها
ام سعود: شوي ويحطون الغدا شحقة تتريقين احين
جان يرد عليهم رشود: بلاكم تحسسوني اول مرة هي تاكل هالوقت ترا عادي
همست له: مادري عنهم شوي وتطلع روحهم غصب يسون مشاكل
عموه خدوي: ها مها شعندج تتساسرينً مع اخوج
عموه حلا طالعتهن: خ تاكل براحتها بلاكم انتوا 'وعقب ردت طالعتني ' بالعافيه حبيبتي
رديت عليها وانا شاقة الحلج: فديتجج الله يعافيج
سعود: اقول مها بعدج مكملة دراستج ولا
مها: هيه مكملة ليش
سعود: احيد قبل مانعين عدنا البنت تكمل دراستها بس اشوف يدي وعمي معطينج حريتج فدراسة وطلعاتج
مها: ماضني قاعده اسوي شي غلط انا
سعود شدد ع كلامه : هو مايندرى تداومي ولا. لا وغير ها مظهره ليسن
رشود: وانت شو لك
سعود: ما قلت شي بِسْم الله بس اقول يعني
شفته بنضره: والله ماضني يخصك اداوم ولا لا🤨 عليك بنفسك بس وشو يعني عندي ليسن
كمل رشود عني: بلاهم يدي وابويه ماضني مسوين شي غلط يوم انهم معطينها حريتها فكلشي ع اقل تطلع واترد من جدامهم مب وراهم
سعود: شو قصدك 🤨
رشود رد عليه: الي ع راْسه بطحة يتحسسها
ام سعود: اعوذ بالله منكم من توأم شوي شوي ع ولدي م قال شي غلط
لسانكم وايد مستوي طويل يباله قص
عموه خدوي بعصبية: مطول لسانكم والله يباله قص
عموه عاشه: بلاكم كليتوهم بقشورهم
ام سعود: ماتشوفينهم كيف يردون ولا جنه هو اكبر عنهم
عموه حنان: عاد سعود ماقصر ف أسئلتة هم بعد هو غلطان
سعود رفع حايبة: عشاني قلت كلمتين صرت غلطان
عموه حنان رفعت له حايبها: عيل شقصدك عمك ويدك معطينها حريتها !! ولا بس جي قلت وشوقصدك لو اداوم ولا!
عموه حلا: ماعليه ما صار شي هدو صلو ع النبي
الكل: عليه الصلاه والسلام
نط نهيان عندي يغير سالفة شوي: الا اقولج مهوي اي جامعه ادرسين
مها: بِسْم الله شوي شوي بتكسرني معاك
رشود: يا دفش ترا توأمي رقيقة عن تكسرها بس
حسن: خفي علينا بس يالركيكة😂
رشود فلعه بالمخدة: مب على توأمتي ها
: هيه مب علي كفو توأمي
ليلى باستفزاز : جنه ماحد توأم بالدنيا غيركم
رشود: هيه ياحلونا والله
شفتها بنضره الله يصبرني ع هالعلل بس
ام سعود: بلاج تخزين بنتي جي
ب ابتسامه : سلامتج المهم وين كنّا هيه صحح ادرس ب جامعه زايد
نهيان: هيه اوككك
: وانت وعمور وحسنين!
عمر: الله يهديج نسيتي نحن تونا ف التجنيد داشين
حسن: حسنين ف عينج يا خبلة
ضحكت عليهم: اوهه ياعسكريي
نهيان: جب بس جب
رشود زخهم من شعورهم؛ عيدوا كلامكم
نهيان: ياربي من هالتوأم خلاص سحبت كلامي
رشود: هدهم: غصبن عنكم اصلا
: جعلني بسس
عموه خدوي شافت رشود بقهر: بلاك زاخ عيالنا جي " لفت علي " وانتي بدال لا تفكين من بينهم تشجعين اخوج
ام سيف ب ابتسامه: بلاج خدوي ع التوأم تراهم يمزحون
حسن بطفره: اميهه شو شاربه انتي من الصبح بلاج معصبه
عموه خدوي عصبت عليه: انا شاربه يالي ماتستحي ها يزاتي ادافع عنك
عيسى تنرفز: عموه ترا م صار شي يسولفون ترا
عموه حلا: يهال انتوا من الصبح هالحالة بسكم خلاص
ام عيسى: الا اقول مهوي امج دقت لج
: لا عموه ليش
عموه حنان : كانت كلمتني تقول ماتردين عليها
: كنت راقدة ماشفت الفون
عموه حنان: تباج تسيرين صوبهم عقب الغدا
: ان شاءالله
ام سعود: هب جنة من يومين مبيتة عندهم
طالعتها بنضره: تباني اميهه م اسير يعني!
ام سعود: امج برضاعه تراها
بعصبيه: مالج شغل انتي اميه رضيتي ولا لا
سعود: رمسي ب ادب مع اميه
شفته من فوق لتحت : خلك ع صوب انت
ام سعود : يوم اقولكم لسانها طويل
طلعت لساني لها: لساني ولا لسانج !
رشود قرصني : اشش بس
لفيت صوبة: ماتشوفها شتقول هذي
سعود بصوت عالي: هذي عندها اسم ااضن
: ياربي صبركك بسسس
عموه حلا: سعود وبعدين معاك خل البنيه بحالها كل م نتيمع تضارب معاها
سعود: شوفيها كيف طايل لسانها
عموه حلا بعصبيه: انتم ماتقصرون معاها من يت وانتوا مب تاركينها بحالها بعدين امكك غلطانة بعد تقعد تدخل فيها
عموه خدوي: احين انتي تعقين الغلط فينا وهي الصح يعني
عموه حلا: اقولج مهايه تلبسي بس بوصلج بيت امج احسن لج من هالقعده
ام عبدالرحمن: الله يهديج حلا خليها عقب الغدا خ تسير ماشبعنا منها
عموه حلا: أخليها هُني وهيل جي يسون معاها
ام عبدالرحمن: م عليج بتقعد عندي ومحد بيقولها شي وبعدين دربهم بعيد لين بوظبي
عموهه خلا تنهدت: خلاص اوك
عموه خدوي شافتها بنضره وسكتت
ام عبدالرحمن : تعالي مهايه يلسي حذالي
ابتسمت لهها وسرت يلست معاها








ب بيت بو عبدالله


عبدالله: اميهه شوتترين
ام عبدالله ؛ اختك
عبدالله : مهوي بتيي
ام عبدالله: مادري ياولدي رمست ام عيسى وقتلها تخلي حد يوصلها
عبدالله: جان قلتي لنا نحن بنسير نيبها
ام عبدالله: ابيها تتعود اتيي معاهم تدري عاد شيقولون لها انت
عبدالله : ينجلعون مايخصهم فيها
ام عبدالله: ابي ارمسها ف موضوع خطبتها
عبدالله: عسى ماشر
ام عبدالله: كايد يبي يقدم الملجة
عبدالله:زين يسوي والله ع اقل نرتاح شوي انها ملجت عليه وبتي صوبنا عقب
ام عبدالله: هيه والله




بصوب ثاني


محمد: وين مودينا انت!
: لأرد
محمد: حروب اكلمك وين بتسير
: حمود بسير
محمد. وين بتسيرر
: ماروم أتحمل اكثر عني جي بسير لها
محمد: ي بابا اصحى شو تسير لها
: حموددد أفهم احبهااااا افهم بعدني ابيها مابي اخسرها مرة ثانيهه مابيي
محمد: ولا درت عنك هي افهم انا مرمس واحد من ربع كايد يقول بيجدم ملجتة يعني خلاص مها راحت ماشي
قمت من مكاني بعصبية. خسيي والله اخليها تاخذةةة
محمد: شبتسوي بتسير تقولهم كلشي ع اساس بيصدقونك!
ياخي بلاه هذا مايفهم هذي حبيبتي بنتي دنيتي كلها زعلانه مني ومايباني اشوفها وأفهمنا كلشي: صدقوني ولا لا اهم شي اقولهم الحقيقة وتعرف مهوي اني مب غلطان وكنت معذور
محمد بزعيق: بعد ست سنين ياي تبا تقولهم حارب اصحى مها خلاص مش لك لو شو ماا صاررر تفهم لو شو ماصاررر خلاص بتصير حرم كايد
زاعقت عليه وووقفت الموتر بعصبية: لاتقوللل حرممم كايد هيئ لي انا بسس تفهم مهاا لحارب وبسس
محمد بهدوء: مابقول شي خلاص بس خ نرد البيت
: قتلك بسير لها
محمد تنهد تنهيدة طويلة: حارب لمتى بتم جي خل البنيه تشوف حياتها
: كيف كيف تباني أتخلى عن حياتي كيفف اتخلىى
محمد: تروم بس انت معاند
: لو يصير الي يصير ما بتخلى عنها مرة ثانيه مابي اخسرها افهم دخيلك خلني اسير
محمد: خلاص بسكك حنهه سير يوم ثاني مب اليوم برد البيت عند الاهل انا
ضحكت عليه وسط ضيجي: علني افداك حبيب والله
محمد: هيه يالوتي احين حبيب ومادري شي كل ها عسب بخليك تسير
: لا لا يعني تدري من اول احبك وجي
محمد: هيه قص على الهندي
: بس اصص مب فايج لك اراضيك خ اسير ادور باقه للحب
محمذ حط أيده ع راسة : اول مرة شفتها قالت لك رد احين تبا تيب لها باقة بعد عسى بس ما تفلعك بها
ابتسمت له مايدري هو وردة وحدة ترضي حبيبة قلبي مها ربي يصبرني بس لين باجر ان شاءالله تتفهم موقفي وتعذرني

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 26-11-2019, 12:24 AM
صورة MsDeeal الرمزية
MsDeeal MsDeeal غير متصل
©؛°¨غرامي جديد¨°؛©
 
الافتراضي رد: روآيه ضمني مآبين قلبك وآلعيون/ بقلمي


{ الـبارت الـرابع عـشر }

بيت اليد عبدالرحمن


حجرة الشباب

واخيرا يه اليوم الي انتظرته من زمان اليوم الي بيجمعني ف مهوي واخيرا بتصير حلالي اخخ علني افداها بس
نشيت من مكاني والفرحة بعيوني قعدت ازهب عمري وإلا ادش علي مايد بدفاشة: شوي شوي عن تكسرين الباب
مايد: مابقولك شي عسب اليوم ملجتك
: غصبن عن اصلا
مايد : جب لااه واخيرااا ياخي بتعرسسس
: اتريا هاليوم انا من زمان ياميود
مايد: عسى ربي يوفقكم ويبعد عنكم كل شر
: امين ياربي ،، ميود ماتدري شكثر اانا مستانس واخيرا بتصير مهوي حلالي
مايد ضحك علي: عن تتخبل بس هههه .. عسى هالوناسه مديمةة عليك
: امين ياربيي
دش علينا حمدان: بو الشباب ها اشوفك كاشخ بدري ترا ملجتك باجر
مايد : وحياتك والله ها من اسبوع كاشخ
حمدان: كل ها مهوي تسويه فيك
: ياخوي شسوي يعني احبهااااا
حمدان: اثقل شوي
: الا وين احمدوه وعيال عمي
مايد: تراهم سارو عند مهوي من امس ماتدري
: ليش فيها شي
حمدان: يبون يكونون معاها بهالوقت ع قولتهم محتاجتهم
: وميود ليش ماسرت
مايد: احمم اتفقت معاها الملجة آكون من طرف أهل المعرس وع العرس من طرفها 🌚
حمدان: حمار يبقى حمار
مايد: احممم تراها راضيه
حمدان: حتى ولو حلاته تكون معاها بهالوقت ياتبن
: تراه حمار مايفهم
مايد: جنكم قاعدين تسبوني م عليه خ اشوف مها بخليها تهون عن الملجة
شفته بنضره: تخسي والله ماتروم😒
مايد بضحكة: ياحبيبي اخوها وبتسمعني
حمدان ضحك معاه : خلة عنك بيموت علينا ان هونت مهوي
كايد: ياربي لاتخربون علي وناستي
مايد ضحك: ههههه شوف عاد بتعرسون وتيبون ولد تسمونه مايد🌚
حمدان: ماشي شغله شو
مايد: شعليك انت
: وهو الصادق ماشي شغله اسميه ولدي عليك
مايد: خاين عقب كل الي سويته لك
ضحكت عليه حليله ماقصر بشي معاي علني افدا روحة هالمايد مامنه ثنين: اسولف معاك افا عليك اول ولد بنسميه مايد شوتبي بعد
مايد : كفوو بن عمي✌🏻
دشت علينا فطوم اختي: الغدا زاهب ويدي يترياكم يلا
مايد طالعني وفهمت شوقصدة ههههه شكلة السالفة بتنعاد هالمرة بس ع مايد وفطوم: افا عليك انا فالخدمة بن عمي
مايد: حبيب والله
حمدان استغرب: بلاكم
مايد : سوالف ريايل
حمدان طالعنه بنضره: والي جدامك شو 🤨
ضحكت ها ميود مايودر سخافته لفيت ع فطوم: الله يعينج
فطوم: ع شو؟
: ماشي المهم يلا نسير
سرنا نتغدا وميود يطالعني بنص عين عسب اني قايل لفطوم الله يعينج😂

المهم بين م كنّا نتغدا بدش علينا حمدان بقوه :يدي
ام حمدان: بسم الله شووفيك جي داش
حمدان: يديي من شويي رمست عبدالله
اليد عبدالرحمن: وشو بلاهه عبدالله
حمدان: يقول هيل عمام مهوي مضايجين انهم عند مهوي
بوعبدالله: وليش ان شاءالله
حمدان: عسب انهم اونه احين مب خوانها وأنهم من طرف أهل المعرس مايصير ايون صوب العروس ومايصير يشوفونها احين
مايد بعصبيه: ع كيفهم هيل عسب بعدت عنه اربع سنين خلاص يعني ستوت مب أختنا ،، غصبا عنهم بتم أختنا
اليد عبدالرحمن: استغفرالله متى صار ها كلة وليش توك تقولنا
حمدان: يدي اقولك تراني توني مرمس عبدالله ومخبرني الي ستوا
اليد عبدالرحمن: وبوراشد ومحمد وينهم عنهم
حمدان: قلت لعبود جان خبرتوا يد مها ولا ابوها وراشد يقولي من الصبح طلعوا للحين ماردوا
مايد: وها بوعبدالرحمن اعقل خوانه وينه
حمدان: ها مسافر
اليدعبدالرحمن: علي نش وشغل السياره بنسير صوبهم
ام حمدان: عمي الله يهديك هدي شوي
اليد عبدالرحمن: وين تبيني اهدا وهم هناك يغلطون ع عيالي
بوحمدان: ابوي خل عنك نحن بنسير احين انت ريح شوي عقب تزهب وتعال مع كايد
اليد عبدالرحمن: ياولدي ماقدر سيروا شغلواا السيارة
ام عبدالله: تدرون عمي مستحيل يسكت عن الي يسونه عيال محمد هالمرة وايد زودوها خلوا يسير تكفون
ام حمدان: كلها فترة واتي مهوي صوبنا هاك الوقت مابيقولون شي
بوعبدالله: ان شاءالله


م قدرت أُوصِّف لكم شعوري بعد ماسمعت كل ها وربي لو بيدي جان ذبحتهم
على اي اساس يقولون عنه م نسير صوب مهوي م عليه انا بروايهم شو بيصير احين
: يدي بيي معاكمم
فطوم: اذا كلكم بتسيرون عقب منو بيبنا نحن
بوحمدان: لا انتوا تمول معاهم نحن بنسير بس
حمدان: ابوي مايصير تسيرون بروحكم انا بي بعد معاكم
اليد عبدالرحمن: كايد ومايد بيتمون معاكم ونحن بنسير احين وأنتم عقب ماتتزهبون تعالوا
مايد بعصبية: وليش انا م اسير
بوعبدالله تنهد : مايد ولدي اسمع الرمسة ولاتعاند عقب م يتزهبن الحريم انتوا بتيبوهم
مايد: ابوييي شويخصني انا ابي اسير عند اختييي اكيد محتاجتني هي احين
اليد عبدالرحمن: مايد أبويه لاتعاند واقعد تراك بتيي
مايد : يدي الله يخليك
اليد عبدالرحمن: تراك بتيي جي ولا جي يعني ف اسمع الرمسة >>
لف يدي صوب ابوي وعمي وحمدان وقالهم: يلا خ نسير .. وطلعوا




وقسم بالله تنرفزت هالمرة زودوها هيل وايد يديي يدري وأبوي بعد شكثرر. اكرهه قوم بوسعود ويدرون اتريه اي زلة اي شي بس عسب اضاربهم هالمرة مستحيل اسكت عنهم ابوي يدري شكثر تغيرت وصرت عصبي من عقب ما سارت عنه مهوي اختي صح نشوفها وعلاقتنا معاها للحين قويه بس انها بعيده عنها لانها تعيش مع ناس م ادانيهم بعيشه الله فوق ها كلة يمنعونني اسير معاهممم

قرب صوبي كايد: م عليه ميود دام يدي معاهم وبيصير لهم م بيصير الا كل خير
: يعني شحقة ماخلوني اسير معاهم لو صار شي لها
ام عبدالله: حبيبي ميود عبدالله معاها وعزيز واحمد لا تحاتي مابيصير لها شي
مايد: اميهه مايخصني اليوم مهوي اتيي عندنا م أتحمل عاد اكثر عن جي
ام عبدالله: ان شاءالله انت اهدا اول ويلا ي بنات عن نتأخر بس سيرن تزهبن


((سار الكل يتزهب عسب م يتاخر ع مهوي لانه ع اساس اليوم مسوين لما بسيطة مع مهوي بس للاسف دوم تصير اشياء تحاول تخرب عليهم هالمة الحلوه ))




عند مها



عصبت وايد كلة ولا خواني ب اي حق اي هذا المخلوق ويقول لهم مايصير اتيون عندها الا بيوم الملجة منو سمح له يقولهم جي وب اي حق يقول عنهم مب خواني بيتمون خواني غصبنا عنه : انت بلاك كل م شفتني مستانسه تنكد علي شوتبا بالضبط
بوسعود زاعق: لاترفعين صوتج يابنتت احترميني
: انت خليت فسالفة احترام
احمد: لوسمحت فارج عنها
بوسعود: ماتفهمون انتم ليش ياين هنيي
عبدالله عصببب : ع كيفكك اهووو اني عندها ولا لا
قرب سعود صوب عبدالله يضارب: يا**** كيف ترمس جي مع ابوي
عبدالله: سير انت الثاني وحسن ألفاظك
بوسيف: استهدوا بالله مب جي تنحل المشكلة
عزيز: االمشاكل م يت الا منكم سيروا لااه شتبون أحين
بوسيف: خ ندش نحل سالفة بالميلس م ينفع هني
: عميي اي مشكلة تقول عنها انت شفت اخوك شو يقول شفت شيسوي
بوسيف: مها حبيبتي هو مب قصدة شي كل الي يقوله ان م يصير ايون صوبج عسب انهم أهل المعرس كيف تبينهم يشوفونج تراهم مب خوانج يبقون غرب بنسبه لج

لاجد عايله ابوي فيها شي مب من صجهم هيل شهالتفكير: عميي بلاك تراهمم خواني نسيت ولا شووو؟ شلون مايصير يشوفوني هيل اهلي خواني حبايبي
بوسعود: مهااا دشي داخل ولاتتفلسفين
زاعقت عليه: ع اي اساس تباني اسمع كلامك
بوسعود: قلت لج دشي داخل ولا
قاطعته: ياعمي بلاك انت شوتبا احين ماعرفنا لك
قرب عمي يمد ايده علي و

بهالحظة دش ابوي ويدي ومعاهم رشود استغربوا من شافونا كلنا برع ورشود من شاف موقف عمي يه صوبي ع طول وماقصر هو بعد وزاعق عليه🌚✌🏻 : نزلل ايدك عنها منو سمح لك تمد ايدك عليها
بوسعود: صج هالتوأم يبالهم أعاده تربية
بوراشد: عسى ما شر بلاك كم وبعدين شهالصريخ والويه شومستوي
قربت صوب ابوي: ابويييه تعال فهم خوانك الي مادري شو بلا عقولهم
اليد محمد: لا اله الا الله بلاكم ي عيال كل يومين مشكلة شومستوي هالمرة
عبدالله: يدي محمد سمحلي عاد عيالك مستوين مال مشاكل ماينبلعون
احمد قرب من ابوي ويدي وبدا يقولهم كلشي
يدي عَصّب: بلاكم انتم عمامها وجي تسون فيها ابي افهم الكره الي بقلبكم لمتى بيتم متى بتحسون ع دمكم شوي
بوسيف : ابوي الله يهديك مب كره ها ،، نحن نقول الصج مايصير يشوفونها
أبوية رد عليه بعصبيه: وع اي اساس تقولون جي تخبلتوا ولا شو
راشد: مايفهمون هيل اختييي مالكم شغل بها عليكم بعيالكم بسس
بوسعود: عايبك انت تشوف عيالك يرفعون صوتهم ع خوانك الي اكبر عنك صج يبالهم أعاده تربيه
أبوية: عيالي متربين احسن تربيه وجان عندك شي تقوله خله لعمرك عيالي كبار ويعرفون الصح من الغلط وانا واثق بكلشي يسونه وبعدين ع اي اساس تبي تمنع بنتي عن خوانها
بوسعود:ادخل عايله غريبه ع بنتك ماتخاف عليها
ابوية قاطعه: عسب ماتنسى تراها أختهم برضاعه وشرات م انتوا عمامها هيل بعد اَهلها وخوانها وأقرب لها منكم ياريت تحتفظ بكلامك لنفسك ولا عاد اشوفك مقرب صوبهم سنين وانا أدورها ولقيتها مع ناس الي للحين مستعدين يسون اي شي عشانها للحين هي بحسبه بنتهم وأكثر. واحين تباني أمنعهم عنها تباني امنع بنتي عن ناس اهتمو بها طول هالسنين الي المفروض كانت تربى فيها بحضني وجدامي والي بسببك انت والي معاك حرمتوني انا وولدي منها ومن امها
بوسعود بخوف: شو تخرف انت منو الي حرمك تراها ضاعت
ابوية: اسمع زين الي صار لاتتحرا اني بنساهه والحين اقولك عيالي وعيال علي كلهم واحد وكلهم حسبة عيالي والي يغلط عليهم مابيتهنى بعيشتى ومن يوم ورايح خلك بعيد عن عيالي >> لف ابوي صوب اهله الي كانوا متيمعين كلهم : الي بيتجرأ ولا يفكر بس يقول لهم شي يضايجهم حسابه عندي


وع رمسة ابوية حمد دش يدي عبدالرحمن وابويه علي وعمي

يدي محمد كان ساكت ولا قال شي يدري عياله وايد غلطوا ويدري من عقب كلام أبويه حمد محد بيتجرا يسو شي
بوسعود: يبه راضي بالي تسمعه انت
اليدم محمد: بس خلاص كافي لمتى بتم جي انت خلاص غير نفسك والي قاله اخوك تستاهلة وزود
أبويه حمد: حي الله من يانا


….





العصر
بحجرة مها
: ها كلة الي صار
مهره بنرفزة: سوري مهوي بس جد أهل ابوج مادري شو اقول عنهم لا جد جد اوڤر يعني ابي اعرف لمتى بتمون جي يكفي
: مادري والله من عقب خطبتي من كايد وهم جي
جواهر: أساساً من قبل هم جي
: بس عقب خطبتي زودوها وايد
مهرة: نزين ما قلتي لي عمي علي ويدي شقالوا عن الموضوع
: أبويه حبيبي من عقب م سمع كلام ابوي حمد ان عيال عبدالله وعيالي كلهم واحد ومن هالكلام وايدد ستانس لدرجة ان الدموع بانت بعيونه و اول م شافني حضني وقال لعمامي اي واحد يفكر يقول عن مها انها مب بنتي ولا اخت عيالي بيشوف شي عمره ما شافه ،، مها بتضل بنتي رضيتوا ولا لا
مهره: عمري انا الحنونين
جواهر: عن يسمعج بابا تتغزلين بغيره
مهرة : ههههه مالت عليج ترا حسبه ابوي فديته
: بعد تتفداهه ترا اميه تغار ها
مهره: وي ويهج😂 تراني اقولكم حسبه ابوي
: علينا ها😏
مهرة: جب بس

شوي ووصلوا قوم فطوم
نزلنا انا ومهاري وجواهر صوبهم وقعدنا بميلس الحريم

قعدت انا ومهاري صوب البنات
عواش: مهوي جد م اصدق باجر بتملجين
: صدقي حبيبتي
ايمان: عسى ربي يوفقكم
: امين ياربي
الريم: اقولج مهوي توه ميود دق يقولج طلعي برع صوبهم يبونج
: خلاص تمام يلا عيل بسير
عواش: ها شوعندكم
: سوالف خوان شتبين
عواش: ويه هالويه سيري لااه



بصوب ثاني

: حمود بسير لها اليوم
محمد: انت مانسيت
: انسى روحي بس مانسى اني اسير لها
محمد: مالت عليك بتسير شبتقولها!
: بقولها الصج
محمد: حارب باجر ترا باجر بتملج
: ....
محمد: تتوقع بتهون عن الملجة يوم بتعرف!
: ابي اشوفها انا قتلك هي لي يعني لي انا
محمد: الله يهديك بس
: بتسير معاي ولا
محمد: شسوي بعد بسير معاك بس شلون بتشوفها
: اعرف ان اليوم بتسير صوب البحر مع احمد
محمد: وكيف عرفت
: سر المهنه😌 يلا نش



حمدان: هلا هلا بالعروس
مايد: ياعيني بس ناس باجر بيملجون
راشد: والله غش انا اكبر عنج المفروض اعرس قبلج
عزوز: والله ثنينكم يهال😂
راشد: طع هذا خُف علينا يالكبير
مايد: اوهه. مهوي اشوفج ساكتة ماتردي
احمد: هلاا بحرم كايد😉
مها استحت منهم: بسكم عاد ترا برد ادش
احمد: وقمنا نستحي ها
كايد : ايه خلوها لاتلعوزونها
عبدالله: ها اشوفك صرت ماترضى عليها😂
حمدان: انت شو ميلسنك معانا
راشد: هيه صح المفروض ماتشوفها اليوم
مايد بنذالة: منقود عندنا الريال يشوف خطيبته
قبل لايملجون احين بسير اخبر يدي عنكم
كايد: طع ها بكيفك يعني
عبدالله: يلا اشوف فارج عنها باجر بتشوفها وتشبع منها
وانتي يالدبة تشوفينه معانا ليش تين صوبنا
مها رفعت حايبها: مب جنكم انتم ناديتوني
عبدالله : هههه وي هالويه اسولف معاج يلا سيري لبسي عباتج بنسير
مها: وين؟
مايد: لا وين اتي معانا وخطيبها موجود
احمد: هيه صح لاتين😏
عزيز: وهذا وانت أكبرنا تقولها اتيي ومعانا كايد
عبدالله: عبالكم اهبل انا ولا شو اكيد بتسير معاي انا مب تمشي معاه
كايد رفع حايبه: من وهي نتفه تطلع وانا معاها احين اونكم منقود وعيب😒
احمد: هذاك اول ياحبيبي احين ملجتكم ياتبن باجر يعني انجلع لاتشوفها الا باجر
مها بعصبيه: احين ناديتوني عسب تقعدون تتفلسفون ع راسي مرة أتين ومرة لا قلعتكم مابسير معاكم انا > لفت ادش صوب البنات
عزيز مسكها: اوهه عصبت عصبت
مها: جبً
مايد: طاعوا ويها كيف محمر شكلها صج معصبه
مها: لاتجذب مب معصبه
احمد: يمه فديت المعصبين انا
مها: جب انت الثاني
حمدان: مهوي طبيهم عنج ودشي😂
مها: والله تنرفزون وانت يالتبن هدني
عزيز: ليش معصبه نزين
كايد خوز عزيز عن مها: اييه بسكم لااه كلة ولا مهوي 😒يلا فديتج سيري تلبسي م عليج منهم
عبدالله : فديتك كيود مستوي رومنسي اليوم مع مهوي
كايد: انا كليوم رومنسي مع حبيبتي
احمد: يلا بس جنك مصختها
كايد: شمعورك انت
مها: ايه بسكم وسيروا من هني
كايد: بتسيرين معانا
عزيز: بعد تبيها تسير معاك
مها عصبت منهم: انجلعوا مابي معاكم
عزيز رد زخها مرة ثانيه: اييه من صجج زعلتي
مها: جب مايخصك
عزيز ضحك: فديت المعصبه انا سوري نستهبل معاج😂
مها: ادري بكم احين وخر عني بدش
احمد: ماتبين أتين؟
مها: لا مابي
احمد: افا خلاص عيل كنسلنا الطلعة
مايد: طع هذا ع كيفك
مها: يلا جب وسيروا من هني
عزيز: متاكدة ماتبين ااتين!
مها: هيه يلا سيروا
عزيز: ومتاكدة مش زعلانه
مها: فديتك والله مب زعلانه يلا سيروا
عزيز: اصلا غصبن عنج😌
مها: ادري ماتقصد يلا انجلع من هني
احمد: تراني بشلج عقب العشا خلج زاهبة
مايد: وين وين سايرين
مها: انت شو لك – لفت عنهم وسارت داخل

مايد: خيبةة بلاها هاي
عبدالله: عن الهذرة الزايدة وامشوا نسير


مر الوقت بسرعه ويه احمد وشل مها وتوجهوا صوب البحر
نزلوا وسار احمد عن مها ايب لهم شي يشربونة

بهالوقت وصل حارب صوبهم لمح احمد يبعد عنها بما ان المكان الي ساير له احمد بعيد عنهم شوي > صوب ثاني شاف بنية صغيره وسار لها
حارب: ياحلوه شتسوين؟
البنية شافته وابتسمت: العب
حارب: نزين يا حلوة انتي شفتي هذيج البنت
البنية: هيه
حارب مد لها الوردة: ابيج تسيرين وتعطينها هالوردة وتقولين لها انتي وايد حلوة
ميمي: منو هذي
حارب ب ابتسامة: هذي قلب حارب ، يلا سيري

سارت البنية صوب مها وحطت الوردة بحظنها ومها استغربت منها
البنية: انتي وايد حلوة
مها ضحكت: حبيبتي والله انتي الحلوة فديتج
البنية: ابتسمت لها وسارت
تمت مها يالسة وتتامل فالوردة
: عيبتج صح
فزت مها بخوف من مكانها
: اششش حبيبي لاتخافين
مها بخوف: شتسوي هني
: ياي عشانج
مها: حارب سير عني - بعدت عنه بس حارب زخها من ايدها

مها بدت دموعها تنزل: حارب فجني خلني اسير
قربها صوبه ومسح دموعها: حبيبي ليش تصيحين
مها بترجي: حارب هدني الناس بتشوفنا
: شعلينا منهم واحد وحبيبته ام عياله شيبون فينا
مها: حاربب افهمم انا مب لك احين انا باجر بكون ع ذمة غيرك
حارب بعصبية: مهاوي لاتخليني اشلج معاي احين ويحلم تكونين ع ذمته
مها: حارب
: عيون حارب انتي روحة دنيته كلها ليش خايفة مابسوي بج شي بس برمسج شوي
مها بخوف: بعدد
حارب حظنها وهمس لها: تعرفيني شكثر احبج
مها: حارب بعد عني
: انا جي مرتاح ليش تبين تعذبيني وتبعدين
مها: ليش ياي الحين ليش
: ابيج تسمعيني
مها: مابي اسمع شي سير عني – دزته مها بقو وسارت تمشي روحها
بس حارب رد لحقها وسحبها صوب سيارتة
مها عصبت: شتسوي انت مينون


للمرة الثانية ابيها تسمعني وترفض لمتى بتم رافضة تسمعني وتتجاهلني ولا تبي تعرف منو الغلطان وشو ستوا هاك اليوم عصبت منها وهذي اول مرة اعصب عليها وساحبها جي لين سيارتي بس شسوي انجبرت اسوي جي بس عسب اقولها الصج: اشش مابي اسمع شي بخلص رمستي عقب سوي الي تبينه
مها خافت منه وسكتت
حارب:..........







اليوم الثاني

الساعة ٧ المغرب


مهرة: مهوي فديتج يلا وقعي
ام عبدالله: مادري هالبنيه بشو سرحانه
ام حمدان: بلاكم عليها خلوها ع راحتها
فطوم زاعقت: حووو مهاوييي يلااا وقعيي
مها فزت من مكانها بخوف : بلاكم
الكل ضحك عليها
ام عبدالله: يلا فديتج يتريونج
مها: منو؟
فطوم: هالبنت بتجلطني الله يعينك ياخوي
مها انحرجت منها
ام حمدان شافت فطوم بنضرة: انتن البنات يلا ظهرن لاتحشرونها- لفت صوب مها
: يلا فديتج وقعي
مها للحظة تمت تفكر
مهرة حست فيها والي فبالها وهمست لها: انسي الي راح احين ووقعي تر الكل يطالع فيج
مها بدت ترجف

و

وقعت!

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 07-12-2019, 10:30 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روآيه ضمني مآبين قلبك وآلعيون/ بقلمي


تغلق بطلب من الكاتبة

روآيه ضمني مآبين قلبك وآلعيون/ بقلمي

الوسوم
مآبين , بقلمي , روآيه , وآلعيون/ , ضمني , قلبك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
. . .| | مَلِڪة الإِحسَّاس الرَّاقِي | |. . . fayza al jebrty سكون الضجيج - مملكة العضو 1201 12-12-2019 06:50 AM
جنازة كلمات...\بقلمي DELETED خواطر - نثر - عذب الكلام 16 06-08-2017 07:51 PM
قصه عتاب جاء من بعد الغياب بقلمي (saldhaheri) suhaila.seed قصص - قصيرة 3 07-05-2016 02:16 AM
اعشقك يانبض قلبى (بقلمى) مصريه وأفتخر خواطر - نثر - عذب الكلام 12 14-10-2015 03:11 AM
لابئس غداً أجمل / بقلمي. ليليانه أرشيف الروايات المغلقة - لعدم إكتمالها 28 08-03-2014 04:22 AM

الساعة الآن +3: 11:28 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1