غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-10-2018, 03:31 PM
الكاتبه اديم الكاتبه اديم غير متصل
©؛°¨غرامي جديد¨°؛©
 
الافتراضي رواية تهزمني السمراء وانا نّد فرسان/بقلمي


مساء الخييير ، كيفكم ..معكم اختكم أديم الراشد كاتبه
ببدا معكم روايتي ( تهزمني السمراء ، وانا نّد فرسان )
رح ابدا فيها ان شاء الله اليوم واحب اعلق على حاجه ”ان الروايه ابدا ابداً ابداً مو عنصريه "
بالعكس كتبتها وانا كلي حب لسمر واحبهم حب عظييم ✨ ان شاء الله نبدأ مع بعض بتفاعل وحماس 💕
فكرة روايتنا بتكون شوي مومعتادين عليها في رواياتي لكن اتمنى انها تنال اعجابكم✨اتقبل كل رأي ونقد محترم✨
بسم لله نبدأ
.
.
.
( تهزمني السمراء وأنا نّد فرسان)
.
.
.
الشخصيات
ثنيان ( البطل )
عمره 30 متزوج وعنده 3 زوجات انسان صاااارم وقوي لدرجه محد يرد الكلمه عليه الكل يهابه والكل يخافه اولهم زوجاته صعب مزاجي وإنسان صعب التعامل معه لانه ممكن في لحظه يقلب الطاوله على اي شخص ما يعجبه ومتمرد نوعا ما وقلبه رهيف ومزواج درجه اولى لكن قاسي ولا يسمح لقلبه يهزمه ونرجسي نوعاً ماولكن له شخصيه مخفيه يخفيها عن الكل ما عدا شخص واحد وهو ( عجاج )وسيم برجوله وله ضحكه لله درها
وطبعا أب ويحب عياله كثير ولكن الصرامه موجوده
( زوجاااااته )
الاولى : منيره تكون بنت عمه انسانه مسالمه ومتدينه واهم ما عليها رضا ثنيان وحياة ولدها سنعه وتحب الشغل والتنظيف وتسكت كثير بس اذا عصبت ينتهي الامر وام اكبر عياله محمد عمره ( 10 سنه )
الثانيه :مشاعل انساااانه مثقفه وماهي سهله هاديه بس تحفر من تحت لتحت وقدام ثنيان مسكييينه ومن وراه حييه وام لولده الثاني ( عمر وعمره 7)
الثالثه : مي الخبيثه اللي كل المشاكل من تحت راسها توها عروس من شهور وهي اللي جايبه راس ثنيان بدلعها وحلاوتها لكن طبعا ما يعطيها ثنيان جوها كثير وجميله جددا وهذا اكبر اسلحتها
................••............
عايله ابو سيف
ابو سيف: هو نفسه ابو ثنيان شايب كبيير وقديم في عمره وقاسي مثل ثنيان ومورثه قوته على الحريم وصعب مزاج ونادرا مايرق ويلين
ام سيف : ام ثنيان كبيره في سنها وقديمه عصر من الحريم الكبار الانتقاديات القويات واللي متماشيه مع وضع ابو سيف وقوته
سيف : اخو ثنيان الكبير : وهذا طبعا عكسهم تماما انسان بااااارد الحياه عنده زي ماتجي تجي ماهو مهتم لاي شي يصير متزوج ( زوجته : ثريا تصير اخت منيره وقويه عكس اختها منيره وعكس زوجها لكن قوه بهداوه
بندر : ولده الكبير عمر 20وهذا طبعا نسخه من ابوه واطباعه بس يزيد بالغشامه والنذاله وهذا اللي يخلي ثنيان مستقعد له
فجر: عمرها 17 هاذي طبعا مسكينه وحبيييبه وماعندها حال مايل كل شي عندها سيده وتشوف ثنيان قدوه لها)
دلال : اخت ثنيان الكبيره شخصيتها عاديه ارمله ومسالمه نادرا ما تعصب او تسبب مشاكل وعايشه مع ابوها
شوق : بنتها الكبيره عمرها 19 انسانه جرئيه وقويه ما عليها في احد وترمي كلامها ولا تفكر بعواقبه
نوف : 18 هاذي مايطير الطير الطاير الا بعلمها تدري عن كل شي يصير فالبيت واسرار الكل وكيف الكل عايش حرفيا سوسه )
رهام : اخت ثنيان اللي اصغر منه قوية شخصيه بس بأدب واحترام كل شي عندها وكرامتها وطبعا حبيبه ومالها فالمشاكل مريضه بالقلب واحب شي لثنيان عمرها 24
نواف : اخو ثنيان الصغير عمره 22 انسان عفوي يطقطق ويضحك ويسولف لكن عله بنفس الوقت لكن بمجرد ومايشم ان ثنيان متواجد يصير اكثر انسان محترم ................••............
عايلة ابو محمد
ابو محمد اخو ابو سيف كبييير كبيير شايب ب 90 من عمره يضيع كثيير لكن ما ينسى ثنيان ودايما يناديه ويحبه حب عظيم
ام محمد : متوفيه
محمد اصغر عيال ابو محمد اصغر من ثريا
عمره 30 بسيط وهادي ورايق جوه عليل مو متزوج ومهتم بأبوه خواته وقريب من ثنيان كثيرر لكن عكسه
................••............
عجاج ( عجاج صديق ثنيان وروووحه يطلع ثنيان من شخصيته الصعبه بثواني ويجره معاه لجنون انسان رايق وسيع خاطر واهم شي فلته ومغامر درجه اولى ومن اهم صفاته انه اسمر ( خال )
لكن ابيض قلب ونيه 24 ساعه مستانس ومبسوط
وكان تضادده مع شخصية ثنيان كبير لكن يموت ثنيان على عجاج بشكل فضيع
................••............
البطله : الترف عمرها 24 ( سمرا هي بعد )
وحيدة ابوها امها متوفيه لكن طيبه بس طيبتها ععلى هباله شوي وعبيطه صاحبة حق ولا تعرف تسكت كل شي عندها عدل ماعندها صبر ابد واللي يأذيها تاكله اكل واهم شي محد يخرب راحتها ومزاجها وطبعا قوية بحق ولا مباليه وانفعاليه مره وغالبا تبدي الغير على نفسها ولا تنسى اي كلمه تنقال لها
وتحكم عليها بيئتها البدويه الجميله المختلفه تماماً بكل تفاصيلها وجميله جمال السمر اللي يسر العين عيون عسليه واسعه وحواجب مرسومه بترتيب وجنات مورده وابتسامه جذابه وشعر طويل يفتن ونظره تشلع القلب
ابو صالح : ابو الترف انسان بدوي قاسي صعب تحكمه بيئته الصعبه ورحال شايب قديم وتفكيره قديم
صالح : اخو الترف
شاب بدوي لطيف وشجاع تختلف شخصيته عن الباقي من قبيلته رغم انه في بيئه صعبه الا انه متفهم نوعاً ما وهادي ولكن كل شي الا الترف يحرق الدنيا عشانها
.
.
باقي الشخصيات الفرعيه بنتعرف عليها بالروايه
.
.
.
^
البارت الاول |..
في غرفة مي وقف ثنيان وهو يسكر زرار بدلتة العسكرييه علق رتبه وهو يرتبها بإهتمااام وحب كبييير لمهنته رتب شكله وهو يتعطر وقف وهو يناظر نفسه بإستقامه مثل كل يوم مد يده وهو ياخذ جواله برضا تام عن شكله وطلع وهو يسمع اصوات زوجاته العاليه اللي انخفضت اول ماسمعوا صوت جزماته بالارض
دخل المطبخ وهو رافع حواجبه : الفطور جاهز
منيره : ايه جاهز
جلس ثنيان وهو يقول بصوته الرخيم: وين العيال ماصحوا
مشاعل: الا صحوا بس يلبسون وينزلون
رفع ثنيان عينه بحده : فطور اليوم عند مين !
مي ببتسامه دلع وهي تجلس جنبه: عندي انا سويته
ثنيان بحده : كم مره قلت لك ما احب الجبن وشوله ترزينه في وجهي كل يوم وانا اكرر لين متى يعني
مي : نسيت والله بس
ثنيان بإنزعاج:خلاص بس لا تحوسين مخي من الصباح
مشاعل قربت ببتسامه غيض لمي : ولا تزعل الحين اشيلها واحطها للعيال في سندويشات
ثنيان : منييره
منيره: سم
ثنيان : اليوم بنتغدى مع عمي جهزي نفسك
منيره: ابشر
نزلوا العيال وجوا وهم يسلمون على ثنيان اللي لف وهو يقيمهم بنظره وقال بغضب :مشاعل
مشاعل :نعم
ثنيان : عمر وش لااابس ليش كذا ملبسته مو شايفه البرد
مشاعل: هو مايب.. قطع كلامها ثنيان اللي ناظرها بغضب: مافيه شي اسمه مايبي هذا طفل يمرض من النسمه خذيه لبسيه زي الاودام وان حصلته ثاني مره كذا تعرفين وش بيصير
مشاعل قربت وهي تاخذ عمر وطلعت ولف ثنيان وهو يطلع مصروفهم من جيبه واتجهه لمنيره وهو يعطيها الفلوس وطلع وهو يسمع مي اللي لاحقته وتوصيه بالاغراض سكتها لما رفع جواله وهو : مرحبا يا عجاج سنيني
ضحك عجاج : هلا ياضابطنا وينك
ثنيان : موجود انت وينك غريبه صاحي بدري
عجاج : لا قول توني بنام بس بقول لك شوي تعال نبي نغير جو زهقت
ثنيان : عطني عروضك وانا افكرر
عجاج ببتسامة مكر وهو يدري بثنيان يحب السامري واجواءه : محضر لك سااامري يعدل جووك
ثنيان: اوووه كذا كثيير
عجاج : انتظرك اجل
ثنيان : على خير
.................••
عند مي اللي رجعت بضيق بعد ما طنشها ثنيان وجلست وهي تشوف مشاعل نازله مع عمر
ضحكت بمكر : تجيبين الكلام لنفسك دايماً شايفه الدنيا برد ومصره على الكشخه اخر شي تهزئتي
مشاعل ناظرتها بطرف عين : على الاقل تهزأت عشان صحة ولدي وعشان خايف عليه مو على هباله وغباء وكأنك ما تعرفين في حياتك الا الجبن
مي بكيد : هههههههههه والله لا تلوميني ما خلى ثنيان امس فيني عقل
ناظرتها مشاعل ومنيره بقرف وكيف انها ترزز ب ليلتها مع ثنيان
منيره : محمد يمه قوم يلا خذ اغراضك وروح انت واخوك وانتبهوا من الطريق
محمد: يمه كل يوم اسمع ذا الموال والمدرسه قدام بيتنا
منيره: بالله عليك يعني مافيه طريق تمشي معاه ولا كيف اقول خلص واطلع لا اقول لابوك عن كلامك
محمد : زييين زييين
اخذ عمر وطلعوا متجهين للمدرسه ................••............
وفي طرف بعييييد ومكان ثاني في قريه صغيره برا المدينه رجعت الترف وهي تنزل دبة المويه بتعب: يا ويلي ويلااااه انكسر ظهري
صالح من وراها : وش بلاتس انتي تصارخين مع ذا الصبح
الترف : تعبت يا بن الحلال ورا ما تجيب الماء انت
صالح : اقول اسكتي لا يسمعتس ابوي والله ان يذبحتس
الترف : وشوله يذبحني اقول تعبت
صالح : افااا اجل اخت صالح تتعب
ضحكت الترف بتسليك : ايه اخت صالح ما تتعب وصالح مستريح
صالح: من قالتس اني مستريح بالعكس هذاني من الفجر وانا اكرف وعلى الطاري جهزي قهوه وشاهي بيجون رجال لابوي وييقول قل لترف تعجل
الترف: منهم اللي بيجون
صالح: ضيوف جارنا ظاهر عزمهم ابوي وبيجلسون عندنا لين يجي يعرس ولدهم
الترف : وليه ظافر ما يضيفهم
صالح: ابك اسكتي ابوي لا يسمعتس تردين الضيوف وبعدين هم ماخذين بنت ظافر ولا يبون يكلفون عليه
الترف : اخسسس دويده اعرست
صالح: اييه اعرست وانتي باقي موتي يلا
الترف : انقلع بس
ورااحت وهي تجهز لضيوف ابوها وتسمع اصوات الزغاريط في بيت ظافر وحريم الجماعه عندهم
................••............
وفي بيت ابو ثنيان كان ابو ثنيان وام ثنيان ودلال جالسين يتقهون في المشب
دخل سيف : سلام عليكم
الكل : وعليكم السلام
ودخل بعده بندر ونواف وقال نواف وهو عافس وجهه : يبه عطني مفتاح سيارتك بروح الكليه
سيف : سيارتك وين !؟
نواف: سيارتي خرده معاد ابيها ابي غيرها توقف علي فالطريق تسعين مررره
ابو ثنيان: اقصر صوتك وانت تكلم ابوك وجع
نواف اسرع وهو يجلس جنب ابوه ويبوس كتفه : خلك منه هو وابوه واسمع ولدك
ابو ثنيان بحده : وش عندك انت بعد
نواف : يبه ذا الايام ماعندي دوام فا اتفقت انا والعيال نطلع نتمشى
ابو ثنيان: وين بتروح
نواف : ضواحي المملكه والله ما اروح بعيد يبه
دخل ثنيان وهو يقول : صبحهم بالخيير
الكل : صبحه بالرضا
تقدم ثنيان وهو يبوس راس ابوه وامه وجلس بجنب دلال
ابو ثنيان لنواف : ضواحي المملكه وين بالضبط
نواف : يعني جده الدمام ابها
ثنيان : وش ذا !؟
ابو ثنيان: اسمع وش يقول اسمع
ثنيان: وش تقول انت لايكون غاث ابوي بعد
نواف : لا والله بس استاذنه اطلع مع الشباب في تمشيه
ثنيان : منهم الشباب
نواف : تعرف ثنيان اصحابي ما غيرهم
ثنيان: كم يوم !؟
نواف : اسبوع
سكت ثنيان وهو يراقب ابوه وامه بهدوء
وقال ابو ثنيان: وش قولك يا ثنيان
ثنيان : خله يروح نرتاح من حنته شوي
ابتسم نواف وهو يبوس كتف ثنيان: مع انك سبيتني بس تمون
ابو ثنيان: تروح لكن جوالك اول ما ادق ترد عليه تسمع
نواف: اسمع
ام ثنيان: انتبه من عيال الحرام
نواف : منتبهه ماعليك
بندر : يبه يلاااا مالي خلق من الصباح
ثنيان لف وهو رافع حواجبه: انت من تكلم انت؟!
بندر: ابوي
ثنيان: تكلم ابوك كذا !!؟
ابو ثنيان: لا ما شفت شي بعد
بندر : انا قاعد اكلم ابوي
سيف : وللللد احترم جدك
بندر: طيب عطني المفتاح وبروح خلاص
ثنيان وقف بغضب من طريقة كلام بندر معهم ومع ابوه : وجععع ان شاء الله مفتاح ما رح تاخذه وانقلع من هنا قبل اوريك شغلك
بندر : يبه ابي المفتاح
سيف : سمعت عمك وش قال توكل يلا
بندر: اوووه كل سالفه لازم يدخل بها عمي
ثنيان اللي فار دمه وسحب عقال سيف وهو متجهه لبندر بس وقفت دلال :لا دخيلك ما تطقه باقي صغير وطايش لا تنكد علينا من الصبح
ثنيان : دلاااااال ابعدي خليني اربي عديم التربيه هذا
سيف وقف : اتركه يروح بس مفتاح ما بياخذه وخله يروح
بندر طلع وهو يتحلطم وثنيان اللي غمض بغضب : اسمعني زين يا سيف يا تربي ولدك زين ولا تركني اربيه
سيف : وش اسوي فيه ما بقى شي ما سويته
دلال : يا ناس هذا مراهق خلوه بيصحى على نفسه ويعقل
ثنيان: ترا محد مودينا في ستين داهيه الا مراهق ومراهقه نتركهم ينفلتون بعذر المراهقه لكن اقولها اخر مره وصلوله لو ما تعدل بيشوف مني شي يموت ومانساه
رمى العقال وطلع وهو يمسح جبينه بغضب وقف لما حس انه اصتدم بشي رفع راسه وهو يمسك رهام بسرعه قبل تطيح: انتي وين عيونك بعد
رهام : بسم لله ثنيان فجعتني ما حسيت فيك
ثنيان: حسي بعدين حسيييي
طلع وتركها وهي تناظره باستغراب شافت نواف طالع ومسكته: وش فيه
نواف : كالعاده عصبية ثنيان ولسان بندر
رهام: اوف ياربي زهقنا والله
نواف : اتركيهم وروحي جهزي لي شنطتي يلا
رهام: وافق ابوي ؟
نواف : وافق ثنيان
رهام: ههههههههههههههه كان من البدايه كلمت ثنيان
نواف : اكلم ابوي اهون علي ستين مره من اني اكلم ثنيان
راح وهو يجهز بحماس لطلعته
................••............
الظهر في بيت ابو محمد وقف محمد على دق الباب فتح الباب وابتسم : حي الله ثنيانوه
قرب له ثنيان وهو يسلم عليه بقوه : الله يحيك يا محمدوه
محمد غمض من قوة سلام ثنيان : كسرتني وجع
ثنيان هبده للمره الثانيه وتركه ودخل وهو متجهه لعمه اللي كان منسدح وهو يسلم على راسه : مساك الله بالخير يالشايب
رفع راسه بمحمود : هااااه
ثنيان بصوت اعلى : مساااك الله بالخيييير
ابو محمد : مساك الله بالنور ثنيان!
ثنيان: افااا ناسيني
ابو محمد : نساك موتك مانسيتك
منيره اللي قربت وهي تنزل تسلم عليه: سلام عليكم يبه
ابو محمد : هلا يا بنتي
سلم محمد عليه وقال : من انت !
ثنيان : محمد ياعمي
جلس ابو محمد وهو يناظر بشويش في محمد : محمد ولدي ! وجع انت تلعب علي
محمد نزل وهو يقول : لا يببببه هذا محمد ولد ثنيان ومنيره انا هنا هنا
ابو محمد : ماشاء الله جاهم ولد متى
ابتسم ثنيان وهو يناظر محمد اللي قال: جاهم من 10 سنين يا يبه وش بلاك نسيت سميي
ابو محمد : هو سميك
محمد :اييييه سميي
ابو محمد وهو يرجع ينسدح : اجل والتبن انقلع انت وياه
ضحك ثنيان يرفع صوته: لا يخسي مب سميه سميي ابوي
ابو محمد : ان كان سمي ابوك ياحليله وان كان سمي هالخبل يعقب
ثنيان:هههههههههههههههههه محمد وش مسوي
محمد ضحك ويصب القهوه : عطيته الابره غصب وعصب علي
منيره: الله يهديك كان سايرته
محمد : وين اسايره لو بسايره ماخذاها وهو ماينفع يتاخر
ثنيان: مالك الا اجر ، محمد قم خذ القهوه من خالك
محمد وقف وهو ياخذ القهوه ومنيره تنزل السفره
................••............
عند الترف جلست وهي تنزل صحنها بتعب بعد ما نزلت الاكل لرجال وجهزت كل شي يحتاجونه
سمعت احد ينادينها بهمس وقفت بضحك : نوره تعالي تعالي جيتي بوقتس توني منزله الغذاء
نوره ( صديقة الترف ) : قولي والله اشوا لحقتس
جلست الترف : وينتس من صبح ربي انتظرتس ماجيتي
نوره: اسكتي جيت بقولتس وش صار عند دويده (عياره لوحده مايحبونهاا)
الترف : ايه ايه بسرعه قولي وش صار
نوره : لو تشوفين وش جايبين لها حمولتها الذهب السلسال الواحد لو اضربتس به تنصرعين والهدايا اللي تشق القلب
الترف بشمئزاز : اخسس يا وجهها
نوره: لا اسكتي ما حكيت باقي
الترف : وشو بعد
نوره : انتي ما شفتي سيارة المعرس تلق لق لكنه هو خايس وجايب بعد لها جوال
الترف : في ذمتس جواااال وش قال ظافر
نوره وهي تشرب : بالله اسكتي ظاهر لو تشوفين مايقص راسه مية سيييف
الترف : اييه ياحبيبتي حظ القبايح فالسماء لايح
نوره : ان شاء الله يالترف تعرسين بواحد احسن منها مليون مره ونفرح فيتس
.
.
بوقف هنا اتمنى تسعدوني ب تفاعلكم الحلو✨

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-10-2018, 04:20 PM
صورة تقى ! الرمزية
تقى ! تقى ! غير متصل
©؛°¨غرامي مشارك¨°؛©
 
الافتراضي رد: رواية تهزمني السمراء وانا نّد فرسان


السلام عليكم ورحمة الله وبركاته ..

ماشاء الله الرواية حيييل حيللل جميلة فوق الوصف!
مدري هيك دخلت قلبي بسسرعة

حبيت ثنيان وجنونه :(
ما حبيت مي وجع بعينها واضح انها حيـة.

حبييت الرواية بشكل عامّ، اتوقع الترف ساكنة بالبر صح؟

واضح هي الشخصية الرئيسية بالرواية ويمكن الزوجة الرابعة



منتظرتك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-10-2018, 09:42 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية تهزمني السمراء وانا نّد فرسان/بقلمي


مساء الخير .. ياهلا فيك بغرام .. موفقة بطرحك .. بداية جميلة وموفقة وواضح انها رواية تحمل الكثير من الاحداث بس عندي ملاحظات بسيطة

عند بداية كل مشهد حددي مكان الحدث وتوقيته وياليت لو تحددي احداث روايتك وين تدور بأي منطقة هالتفاصيل صح صغيرة لكنها مهمة في الرواية حتى يعيش القارئ صح بكل تفاصيل الرواية

كثفي السرد واوصفي المشهد اكثر ووضعية الشخصية داخل المشهد النظرات ردات الفعل لان ها لامور تطبع الاحداث باكرة القارئ وينشد لها اكثر

طريقة التعريف بالشخصيات ووصفهم بالبداية طريقة خاطئة لو تركتي التعريف من خلال ظهور كل شخصية في اخر المشهد واكتفيتي فقط بالاسم والعمر وتركتي الوصف يتعرف عليه القارئ من خلال الاحداث بالتدريج افضل لان صعب القارئ بيتذكر هالمعلومات لنهاية الرواية

واتمنى احداثك تكون جديدة وغير مستهلكة ومختلفة عن باقي الروايات وتحمل الكثير من الغموض والتشويق لان واضح انك تملكي قلم جميل ويوصل الاحداث للقلب مباشرة اتمنى تكملي المشوار للاخير وتتوج روايتك بالمكتملة لانها تستحق لك كل التوفيق

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 31-10-2018, 01:43 AM
فيتامين سي فيتامين سي غير متصل
©؛°¨غرامي متألق ¨°؛©
 
الافتراضي رد: رواية تهزمني السمراء وانا نّد فرسان/بقلمي



السلام عليكم ورحمة الله وبركاته

ماشاء الله أسلوب رااااائع

بداية تعد بالكثير

أتمنى أن تحددي مواعيد البارتات وتكبري الخط

وأن تكملي مابدأتيه وتصلي بروايتك لصفوف المكتمله

وبالتوفيق إن شاء الله



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 31-10-2018, 04:05 PM
الكاتبه اديم الكاتبه اديم غير متصل
©؛°¨غرامي جديد¨°؛©
 
الافتراضي رد: رواية تهزمني السمراء وانا نّد فرسان/بقلمي


مساء الخييير ♥
ان شاء الله اليوم بنزل البارت الثاني ✨ وحبيت احدد موعد البارتات عشان نكون منتظمين ومتفاعلين
طبعا راح تنزل البارتات بعد العصر ان شاء الله واذا حصل تأخير بعد المغرب 😊 اهم شي لا تشغلكم الروايه عن صلاتكم ✨
.
.
.
الباارت الثاني > ..
تاابع للبارت الاول في بيت ابو الترف >>
.
الترف : اييه ياحبيبتي حظ القبايح فالسماء لايح
نوره : ان شاء الله يالترف تعرسين بواحد احسن منها مليون مره ونفرح فيتس
الترف : والله اذا على سلنتح الجماعه حظي انا وياتس واضح
ضحكت نوره : تدرين وش النكته فالسالفه
الترف: وشو
نوره : انتس انتي طابخه غدا حمولة دويده هههههههههههههههه
الترف : ياشيخه الله يسامح ابوي والا انا اخر عمري اطبخ لدويده
وقفت لما سمعت صوت ابوها ينادي يبي الشاهي وهي تضحك على نوره
................••............
وفي بيت ابو ثنيان تحديداً في غرفة البنات
كانت رهام جالسه وهي ترتب
ودخلت نوف وهي تقول : بنات
رهام : ها
شوق : وش فيك
نوف : تخيلو وش صار
شوق : وش صار
نوف : تخيلو جيرانا اليوم صار عندهم هوشه
رهام شهقت: وين شفتيهم يا حماره
نوف : من الشباك
رهام: يامجنونه اسكتي لا احد يسمعك والله ليذبحونك تتسمعين على الناس
شوق : يوه يا رهام من بيدري وانتي قولي وش صار
جلست نوف وهي تسرد كل شي صار في بيت الجيران بالضبط
رهام: انتي ما تخافين من الله حرام بيوت الناس تكشفين سرها
شوق : والله قويه لو انا من ابوه اذبحه سكران وجاي بقوة وجه نعم
رهام : الله لا يبلانا
فجر دخلت عليهم : وش فيكم
شوق وهي تغير الموضوع : ولا شي نتكلم في وحده من صاحبات نوف مريضه
فجر: زين انزلوا يلا الغدا جاهز
طلعت فجر ومسكت رهام نوف : اسمعيني ياويلك تعيدينها ولا تقولين لفجر وتعرفين وش بتسوي وكيف بيوصل الموضوع لثنيان وهو بدوره بيتوطى بطنك
نوف : اااي طيب خلاص
شوق : امي لا تدري بعد تذبحك
نزلوا وقابلهم نواف : بندر تحت لبسوا شي يستركم
شوق : يالليل ذا البندر ورا مايطس فالملحق حاكرنا حكر
نواف : شوقوه اقصري لسانك لايكون بتطردينه من بيت جده
شوق : ما بطرده بس يحل عنا 24 ساعه مسنتر
رهام: خلاااص بشوف الطريق انا خلاص لا تسون مشاكل
طلع نواف ونزلت شوق وهي مطنشه اذا فيه طريق او لا عدت من الطريق هي متجاهله بندر اللي صد اول ماشافها وهو يهاوش
ثريا: شووووق وش بك مدرعمه بندر هنا
شوق ناظرتها بعين: ماشفته اموت يعني
دلال: شوووق اقصري لسانك
طنشت شوق وجلست بس فزت على ضربت ام ثنيان لها بالعصا: ما تستحين على وجهك انتي فوق شينك قوة عينك
شوق : يوووه ياجده وش سويت انا هو اللي حاشر نفسه وهو يدري وينه قسم الرجال
ام ثنيان: اسكتي اسكتي بس
جلست شوق بغضب وجوا البنات وجلسوا وهم متعودين على هواشهم
....................••............
في بيت ابو محمد
وقف ثنيان وهو يقول : يلا انا عاد استاذن
محمد : اجلس وين بتروح
ثنيان: بروح البيت مايمديني اوصل الا صلاة العصر وبنام شوي وبعدها عندي شغل
محمد : اجل منيره بتجلس عندنا
منيره ناظرت ثنيان بعيون راجيه :ودام بكره جمعه بنام هنا
وقال ثنيان بهدوء وماوده ير منيره: زين اجل براحتكم
طلع ثنيان وقفه صوت محمد الصغير: يبه يبه
ثنيان: هلا
محمد : يبه ابي فلوس
طلع ثنيان بوكه وهو يعطيه فلوس وعطاه فلوس وهو يقول : عطها امك
محمد : طيب .
...............••...........
. وفي بيت ثنيان
طلعت مشاعل لكنها وقفت بغضب وهي تناظر مي اللي كانت تنظف غرفتها وكنست كل الزباله قريب من باب مشاعل
مشاعل :انتيييي هيييييي خير وش تحسين
مي بطرف عين: تكلميني !
مشاعل : لا اكلم البقره يا بقره
مي : احترمي نفسك
مشاعل: انتي اللي احترمي نفسك وشيلي زبالتك عن بابي احسن لك
مي : حبيبتي انا كنست الزباله لمكان الزباله اذا انتي تشوفين انك مكان لزباله هذا رأيك
تغيرت نبرة مشاعل لهدوء اول ماشافت ثنيان جاي من بعيد وهو يسمع كلام مي بحذر سوت نفسها ماشافته وقالت : مي لا تغلطين انا ما غلطت قلت لك لا تخلين الزباله على الباب الله يهديك
مي استغربت وبعدها قالت :والله مو شغلي ماتبين الزباله شيليها انتي ماعندي وقت اتفاهم مع اغبياء تعرفين وقتي كله لثنيان والزبايل لاهل الزبايل
كان كلامها الاخير تحت مسامع ثنيان اللي احتدت نظرته وصرخ وهو يقول : مييييييي
مي شهقت ولفت برعب وابتسمت مشاعل بالخفاء وهي تاخذ المكسنه بتكنس بس وقفها ثنيان: مشاعل اتركيها
مشاعل : ابشر
ثنيان: وش هالكلام اللي اسمع وش اللي يصير هنا
مي : ثنيان هي اللي بدت
ثنيان: انكتمي انتي محد يكلمك مشاعل قولي
مشاعل: اللي انت شايفه نظفت غرفتها وتركت الزباله على بابي وقلت لها شيليها وانت سمعت الباقي
مي : ثنيان مو .....
اتجهه لها ثنيان وهو يشد ذراعها بعصبيه : حذرتك من اول ماطبيتي هنا لكن شكلك ما تفهمين بالكلام
مي بخوف : والله هي
ثنيان اللي شد اكثر وصرخت مي وقال : دقيقتين لو ما تنظفين زبالتك تعرفين وش بيصير وان سمعتك تتكلمين كذا مره ثاني مع اي احد كسرت راسك والبيت بما فيه من طبخ وتنظيف وغسيل سوا لك او مو لك بتسوينه ثلاثة ايام وراء بعض وان سمعت همس بس صدقيني ما بترضين عاقبتها
كانت مي بتعترض لكن ملامح ثنيان سكتتها وجمدتها دفها ثنيان واتجهه لغرفة مشاعل اللي ابتسمت بكيد لمي ودخلت وسكرت الباب في وجهه مي اللي جلست وهي بتبكي من القهر
................••............
عند مشاعل اللي وقفت وهي تاخذ ملابس ثنيان اللي رماها بعد ما بدل وجلس
مشاعل : وينها منيره ما جات
ثنيان: بتنام عند اهلها
مشاعل ابتسمت : لله يستر عليها وكيف عمك
ثنيان انسدح : على حاله
قربت مشاعل و هي تحط راسه على رجولها وتمسج له راسه غمض ثنيان بهدوء : اذا نمت قبل الصلاة صحيني
مشاعل : خلاص اصلا باقي شوي ويأذن
سكت ثنيان وقالت مشاعل : اليوم وين بتنام ثنيان !
فتح عيونه ثنيان السسودا الواسعه : كيف يعني !؟
خافت مشاعل : يعني الليله ليلة منيره وهي عند اهلها عشان كذا سألت
ثنيان : اذا منيره مو فيه انتي فيه
ابتسمت مشاعل اللي تنتظر ثنيان ينام عشان تروح لمي وتحرق دمها
اذن وقام ثنيان وصلى ورجع نام وطلعت مشاعل بعد ما تأكدت ان ثنيان نام ودخل بنومه
اتجهت لغرفة الغسيل وهي تدري ان مي فيها نزلت الغسيل ومن بينها قميص نوم تعمدت انها تبينه واخذته وهي ترفعه بالسله الخاصه وقالت: رجاءً مي وانتي تغسلين لا تجين هالسله خاصه
طلعت وهي مبتسمه وطلعت مي بغضب وكانت ناويه تلعن خيرها بس تذكرت ان ثنيان بيلعن خيرها هي بعد ورجعت وهي تسمع ضحك مشاعل
................••............
في بيت ابو محمد
وعند منيره اللي جلست قبال محمد معاها الشاهي وهم يسمعون هواش ابوهم في محمد
منيره : محمد
محمد : هلا
منيره: ماغيرت رايك للحين
محمد: في وشو
منيره: الزواج
محمد : منيره تكفين ترا ما صدقت ثريا تسكت
منيره: بالله يا محمد وش تنتظر شوف كم عمرك راح عمرك وانت جالس وغير كذا معجبك ان مافي البيت الا انت وابوي وهالشغاله ما مليت من شغل الخدم
محمد تنهد بهدوء : منيره مابي اتناقش ابد
طلع وتركها جلس قبال الباب وهو ياخذ نفس ينضم دقات قلبه اللي يوجعه طاري هالزواج
................••...........
. عند الترف كانت جالسه هي ونوره على الشباك ويراقبون بيت ظافر اللي صار حديث القريه
نوره وهي تضرب قلبها بحره : يا قللبي قلبااااااه شوفي شوفي الدعثه اللي صايره عندهم
الترف وهي ترمي قشر الفصفص ؛حسبي الله عليها دويده محد قهرني في حياتي كثرها
نوره: عاد هي سلقه من عمر والحين جاء عندها شي تهايط به علينا
الترف : بنت من ذي اللي جت كنها هي دويده
نوره : اشوف اي والله هي وش تبي هالخبله
الترف : مدري عنها
قربت سوير ( دويده) وهي تمايل والترف طلعت هي ونوره ينتظرونها
سوير( دويده) : انتي هييهه ، نسيت اسمتس ايه ايه الترف ابوتس قال لابوي انه متكفل بكل الذبايح لين العرس وامي ارسلتني لتس تقول قولي لها لا تكثر الملح كالعاده تعرفين ابو رجلي معه ظغط
نوره: وامتس ما لقت ترسل الا انتي يادويده ام الذبان ما حنا بناقصين ذبان .
الترف : جعلتس بالضغط اي والله
سوير: هههههههههههه وش فيتس مقهوره
الترف : تعالي قريب وانا اعلمتس وش قاهرني
سوير رجعت وراء وهي تضحك : ايه معليتس اعرف ليش مقهوره راح عمرتس يالعانس وانتي تطبخين ذبايح ابوتس
الترف : والله لو اجيتس لحطتس ذبيحة عرستس يادويده ام الذبان
نوره مسكة الترف قبل تنفلت عليها: اتركيها الخايسه تروح
رجعت الترف بقهر : والله لوريتس يا دويده يالمخنزه
نوره : قهرتني الخايسه
الترف : تحسبيني بسكت لها تعقب والله ما اسكت انا اوريها ام الذبان
نوره: وش بتسوين
الترف وقفت وهي تقول : تجين معي
نوره: وين
الترف : بنروح بيت سلوى ( طقاقه)
نوره: وش بتسوين عندها
الترف : امشي
طلعت الترف واتجهت لبيت سلوى فتحت سلوى: الترف حياتس وش جابتس هالحزه
الترف : سلوى باختصار بتفزعين ولا لا
سلوى: بسم لله علامتس يابنت روعتيني وش بتس
الترف : عطيني كلمه
سلوى: ابشري بعزتس
الترف : ابي صورة دويده اللي عندتس
سلوى: وش تبين فيها
نوره شهقت : حرام يالترف الصوره تفجع
الترف : ناسيه كيف شكلها ذكريني
نوره: مدري شوشتها منكوشه والذبان حولها وحالتها تفجع
الترف هبدت نوره: يعني تحسبيني ناسيه لا ابيييها ابييها كذا
سلوى : علميني وش تبين بها
الترف : ترضين لي القهر والمذله ياسلوى
سلوى: لا والله
الترف: اجل عطيني
سلوى بتردد طلعت الصوره وسحبتها الترف وهي تطلع تركض ولحقتها نوره بفجعه
وراحت ترف وهي تحط الصوره بظرف وكتبت عليها صورة ( دويده ام الذبان ،سوير )وكانت حرفياً الصوره بشعه وسيئه جدا
نوره: حرام عليتس يالترف
الترف بقهر: انا عانس هاااه انا راح عمري اطبخ الذبايح اوريها من اللي راح عمره
طلعت الترف وهي تنادي بزر وهي تقول : اسمع تعرف معرس سوير دويده
البزر: ايييه
الترف : خذ هالظرف وقل هذا لك خاص افتحه قبل عرسك وانتبه تعطيه احد غيره
البزر :طيب
انطلق البزر والترف تناظر بإنتصار
................••............
في بيت ثنيان المغرب
وعند ثنيان اللي صحى ولبس وطلع متجهه لحارة لعجاج نزل قبل يدخل الحارة وقف سيارته بعيد ودخل الحاره على رجله كعادته وهو يعشق حارة السمر واصلا الاغلب يعرفونه
وقف اول ماسمع ابو حمود يقول : حي الله ثنيان وينك يومين ماشفناك
اتجهه له ثنيان وهو يسلم عليه : اشغال الدنيا كيفك وش اخبارك
ابو حمود : طيب الحمدلله
صرخ ثنيان فجاءه لما حس بمغطة الكوره في ساقه ولف : عساك بالوجع ياعجاج
ضحك عجاج اللي كان رابط ثوبه على بطنه ويلعب كوره مع العيال : تعال الشوط توه بدا
رفع ثنيان ثوبه وهو يربطه ونزل نعاله ودخل معهم وهو يعرفهم كلهم وبعد شوط متعب طلعوا
وثنيان تعبااان سحبه عجاج : قوم قوم باقي تونا بدينا ذبحوك الحريم هاااه
ثنيان : ي رجال شتبي بحريمي خلك بنفسك
عجاج : وش رايك بشي بارد يبرد عليك
ثنيان: وينه ! بس ترا على حسابك محفظتي بالسياره
عجاج : امش وانا اوريك
طلع عجاج من حارته للحاره الثانيه وثنيان ياناظر بإستغراب لكن ابتسم اول ماشافهم وقفوا عند بقاله صغيره لف عجاج: تفكر باللي افكر به
تقدم ثنيان ببتسامه ومكر: فلوس مامعنا فلوس
دخلوا الاثنين البقاله وهم عارفييييين تفكير بعض بدون مايتكلمون اتجهه ثنيان للغازيات وعجاج للايسكريم والموويه وبعد ما اخذو اللي يبونه وحطوه بكيس وبسرعه البرق كل وحده حط الكيس بثوبه عض عليه وطاااااروا ركض من البقاله والهندي يصارخ وراهم: جيييب اغراض ياهراااامي جيب فلوس والله كلم شرطه والله
ضحك عجاج بصوت عالي : الشرطه بكبرها معنا
صحك ثنيان و : ننرجع فلوسك اذا نزل الراااااتب هههههههههههههههههههههههههه
وقفوا بتعب بعد ما وصلوا حارتهم وجلسو على اقرب درجه وهم يشربون ويضحكون
مرهم احد شياب الحاره اللي يعرفهم: انتم ماعندكم شغل الا تضحكون وتاكلون رجال كل واحد يمشي التيس على زنده وجالسين كنكم مراهقين
ضحك عجاج وهو يهمس لثنيان :والله مايدري ان الحريم يمشون على زندك انت
ثنيان ضحك بصوت عالي وقال الشايب :علمني الحين انت كم عمرك
ثنيان ببتسامه هبله وكذب : 24
الشايب: وللحين عاطل انت ويااااه
ثنيان: يفرجها ربك ياعمي
راح الشايب يهز راسه بإسى لما شافهم يضحكون وهو مايدري على وشو يضحكون
عجاج : اقولك كيف تسبب لاهل الحاره جلطه جماعيه
ثنيان : هههههههههههههه سهله اقولهم ان هالخبل اللي يناقز مع ولدهم الخبل ضابط وابو عيال وعمره 30
عجاج :ههههههههههههههههههههههههههههههههههههههههههههههههه ههههههه والله بيموتون اصلا محد بيشرهه علي بعدها
ثنيان: اسكت يارجال لحد يدري خلني عاطل ازين
عجاج: قم قم بنروح لسامري
ثنيان: يسعد ابو جوك ياشيخ
اتجههوا لعرس يعرف عجاج الفرقه اللي فيه وراحوا معهم وطبعا ما قصروا الاثنين بالرقص والردح لما قالوا امين
طلعو وهم يغنون ويضحون
عجاج: والله انبسطنا
ثنيان: ياليتنا كل ليله كذا نلفها ونوسع صدورنا
عجاج وهو يهز كتوفه ويتهزهز : انا عاااااادي بس مداماتك يسمحون لنا نسرقك كل ليله
ضحك ثنيان : يا رجال انا اسمح لعمري
عجاج: الساعه كم صدق .
ناظرها ثنيان وقال: اوووه 2:30 والدوام والحوسه
عجاج : متى دوامك
ثنيان : بدري بس شكلي بدور احد يمسك عني وامسك انا بالليل
عجاج : انا قررت ادور لي وظيفه ذبحتني الطفره
ثنيان: انا قايل لك غير اسمك وتفلح
عجاج : الله يسامح ابوي عجعج حظي مع اسمي
ثنيان بتفكير : وش رايك بمبلغ وقدره وانت مرتاح
عجاج بإستهزاء : وشو
ثنيان: وهو مو مرتاح مره بس يعني هه هه قول قيمة الفلوس
عجاج : انطق
ثنيان: بكره بستلم بالليل طيب ودق علي وانا اقولك
عجاج : طيب قول وشهو
ثنيان وهو يركب سيارته: بكره قلت لك توكل يلا
عجاج : ياشينك
راح ثنيان ورجع عجاج مثل العاده لبيتهم اللي مافيه الا ابوه اللي مب فاضي له ابد
................••............
في بيت ابو ثنيان
كانت رهام جالسه وهي هاديه كعادتها وتسمع نقاشات البنات اللي كالعاده ميلت راسها بملل لكن لف اول ماحست برساله سناب على جوالها من حساب مجهول عندها استغربت لكن اندهشت اول ما قرأت ( مابي ازعجك بس في كيسه صغيره على باب بيتكم خذيها سريع)
انفجعت رهام واتسعت عيونها بصدمه وتجاهلت وهي خايفه يكون احد احد يختبرها توترت وهي تحظر الحساب فوراً
وجلست بتوتر فجر : وش فيك رهام تعبانه
رهام: لا بس فيني نوم
شوق : والله حتى انا
فجر: خلاص انا بروح وبكره نتقابل
طلعت فجر وناموا كلهم ورهان في حالة رعب حرفياً
................••............
في بيت ثنيان
مي اللي كانت جالسه على باب غرفتها وهي تراقب غرفة مشاعل وتنتظر ثنيان يجي قربت بسرعه وهي تشوف ثنيان جاي ومشاعل اللي واقفه بكل غنج على باب الغرفه اتسعت عيونها بقهر اول ما شافت ثنيان اللي ابتسم لمشاعل وهو باقي عند الباب ولما قرب حضنها ودخل وهو يتغزل بها بهمس ما تسمعه مي زين لكن كانت كافيه انها تقهرها بشكل فضييييع مرت ساعه وهي مو قادره تنام من القهر اللي قهرتها فيه مشاعل اليوم ووقفت وهي تتجه للاستشوار بعدت لاخر نقطه من الغرفه وشغلت الاستشوار على وجهها لما صار نار وبهذلت شعرها واسرعت لغرفه مشاعل دقت الباب وبعد عنا فتحت مشاعل : مي وش فيك
مي بتمثيل : ثنيان ألحقني بموت
وطاحت وهي تمثل انها مغمى عليها صرخت مشاعل بفجعه ونط ثنيان وركض لها وهو يرفعها: وش فيها
مشاعل : مدري مدري
حط ثنيان يده على جبينها وكانت حااااره رفعها بسرعه وهو يضرب خدها: مييي ميييي اصحي تسمعيني مييي مشاعل جيبي مويه
رفعها وهو متجهه فيها لغرفتها نزلها وهو يحاول يصحيها جابت مشاعل المويه بخوف واعطتها ثنيان اللي كان يمسح وجهها وصحت مي بتمثيل وهي تبكي : بمووت ثنيان بموت
ثنيان: بسم لله الرحمن الرحيم وش فيك وش صار لك
مي : مدري من المغرب احس اني مو بخير قلت لمشاعل تقولك وشكلها نست
طارت عيون مشاعل بصدمه وقال ثنيان: ماعلينا وش يوجعك الحين
مي : مدري احس اني مخنوقه مو قادره اثبت احس بيغمى علي بأي لحظه
ثنيان: مشاعل جيبي دواء وش تنتظرين
مشاعل : دواء ايش بالضبط
لف ثنيان بغضب : مسكن اي شي
طلعت مشاعل بقهر وهي تجيب الدواء وعطتهم وبعد شوي ابتعد ثنيان: كيف صرتي
مي ببكي : ما احس اني بخير تكفى لا تروح اخاف يصير لي شي ناموا عندي انت ومشاعل
احتدت نظرة مشاعل قهر وعرفت ان مي كذابه غمضت بقهر لما شافت ثنيان بدا يلين لها ويصدقها وقالت : لا بنام في غرفتي
طلعت وتركتهم ومي ماصدقت وهي تضم ثنيان وطبعا بدت تألف وتمثل انها تعبت كثير
................••............
ومن بكره في بيت ابو ثنيان
عند رهام اللي صحت بدري كعادتها واتجهت للمجلس بترتبه عشان اذا صحى ابوها وامها يكون نظيف وجاهز فتحت الباب وطاح الكيس من مسكة الباب كان كييس صغير رفعته وهي مصدومه ولفته بسرعه وهي تدخله في جاكيتها اول ما سمعت صوت نواف جاي : رهام وش عندك من صبح الله
رهام : ا ا كنت برتب المجلس عشان ابوي وامي
نواف : لا لا اتركيه انا رايح له برتب انا وانتي ادخلي عن البرد وجهزي الفطور
رهام : طيب طيب
دخلت متجهه للمطبخ وهي تشتغل وعقلها مو معها اتجهت لزباله بترميها بس ترددت فتحت الكيسه وطلعت علبه جدا صغيره وهي مستغربه فتحتها وكان فيها سلسال بشكل قلب ومعلق فيه رساله صغيره مكتوب فيها ( لا يوجعك قلبك ترا قلبك قوي )
ارتجفت رهام برعب وهي تناظر السلسال بخوف وتوتر رمت كل شي واخذت السلسال وهي تحطه بجيبها وهي خايفه من اللي ارسله ................••............
في ديرة الترف وبي بيت ابو الترف
وعند الترف اللي كانت جالسه تحضر فطور ابوها وقفت لما سمعت ابوها يقول : لا اله الا الله وش بلاه الرجال هاذي مب سواة رجال
صالح : والله يا يبه مدري وش اقول الرجال قش قشه واخذ اهله وطاااار يقولون يقول والله ما اتزوجها
الترف: صالح من هاذي !
ابو الترف: وانتي وش دخلتتس بسوالف الرجال هاااه
الترف: مدري قلت اسال
صالح اشر لها تروح وهو يشوف ابوه معصب دخل وراها المطبخ وقال: سوير بنت ظافر تركها الرجال اللي بيتزوجها
شهقت الترف: ليييه !
صالح: مدري عنه وشاكين انهم مسحورين
الترف ضحكت باستهزاء : من بيسحر دويده
صالح : استغفري يا بنت
الترف : استغفر لله
قطع عليهم ركض نوره اللي دخلت وهي تقول : اللحققققققي يا الترف اللحقي
وقفت اول ماشافت صالح وضحكت الترف : تعالي معليييتس دريت دريييت
صالح : اقول لا تجلسون تحشون وتتركون فطور ابوي يلا يلا يا نوره روحي بيت ابوتس لين يروح ابوي
نوره : افا ياصالح تطردني
صالح: انا اطردتس في مصلحتس لو يجي ابوي بيلعن خيرتس
نوره : اي والله صادق اجل اسمعي خلصي وتعالي بنزهب القهوه واحتريتس
الترف : زين زييين
طلعت وهي تضحك وخلصت الترف بسرعه وانطلقت لبيت نوره
نوره : ياختي اخاف ربي يعاقبتس بفعلتس
الترف : خليني اوريها من العانس هاللي ما تستحي
نوره: تدرين يازينها في دويده
الترف : تعالي تعالي بنروح لها
طلعوا متجهين لبيت سوير اللي فجاءه فضا من الناس والكل برا بيته يناظر اللي صاير
دخلت الترف وشافت سوير لوحدها فالحوش وتقدمت وهي تضحك : دويده خذي مواعينكم اللي ارسلتوها عشان نحط بها ذبايح العرس
سوير: : انتي وش جايبتس كله منتس ومن عيونتس
نوره: ههههههههه من زينتس تعطيتس عين حبيبتي هج الرجال منتس يا ام الذبان
الترف وهم رايحين : هههههههههههههههه الله يعينتس يا دويده بيضيع عمرتس بين مواعين امتس
.
.
.
نوقف هنا 😊 واتمنى تفاعلكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 01-11-2018, 11:51 AM
صورة غـلآوي. الرمزية
غـلآوي. غـلآوي. غير متصل
©؛°¨غرامي ذهبي¨°؛©
 
الافتراضي رد: رواية تهزمني السمراء وانا نّد فرسان/بقلمي


صباح الخير

ما شاء الله بداية جميلة ورائعة تحمل في طياتها الكثير من الاحداث
ثنيان شخصية جميلة جداا اعجبتني ...
بداية جميلة ورائعة
موفقة بإذن الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 01-11-2018, 01:40 PM
صورة تقى ! الرمزية
تقى ! تقى ! غير متصل
©؛°¨غرامي مشارك¨°؛©
 
الافتراضي رد: رواية تهزمني السمراء وانا نّد فرسان/بقلمي


مساء البارتات الجميلة ..

ما اعجبتني حركة ثنيان وعجاج !
مهما كانوا م يسرقون وهو بهالعمر وابو عيـال..

مي كل ماله يزيد كرهها..

والترف بعد ما حبيت حركتها لانها خربت بيوت الا ما يجيها يوم وينخرب بيتها

منيرة حبيتها هالمرة احسها اعقل حريم ثنيان ..


عندي ملاحظة بسيطة مو افضل لو تزيدين الف التعريف على كلمة "ند الفرسان"..

لان لو زادت ال التعريف يكون ند كل فارس،
ولما تكون فرسان يكونون نكرة وممكن انهم ابطال اخرين بالرواية!!
لم توضحي هوية "فرسان"..

الافضل تعديل الاسم والخيـار لك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 01-11-2018, 05:31 PM
الكاتبه اديم الكاتبه اديم غير متصل
©؛°¨غرامي جديد¨°؛©
 
الافتراضي رد: رواية تهزمني السمراء وانا نّد فرسان/بقلمي


مساء الخير " موعدنا اليوم مع
البارت الثالث✨
.
.
.
في بيت ثنيان
وعند منيره اللي دخلت البيت وهي تنزل عبايتها شافت في وجهها مشاعل اللي جالسه تأكل عمر بقهر : سلام
مشاعل : هلا
منيره: وش فيك
مشاعل : منيره بالله كم الساعه
منيره:11:30
مشاعل :11:30 واليوم جمعه هالزفت ما صحت ولا صحت ثنيان لصلاة
منيره: ثنيان نايم عند مي !!! مشاعل : قصدك مي كذبت عليه لين نام عندها
منيره: وش تقولين انتي
مشاعل قبل تتكلم سمعت صوت باب الغرفه وطلعت مي وتمشي بغنج : اووه صاحين والله مدري شقول صباح الخير والا مساء الخير
مشاعل : لا حبيبتي قولي صباح الكذب والكرف ولو سمحتي عجلي بالفطور وشغل البيت قبل يصحى ثنيان ويعلمك شغلك
ضحكت مي بإستفزاز : سوي فطورك بنفسك او انثبري مو همي اسوي فطورك
مشاعل : يعني مو هامك كلام ثنيان
مي : وش قال ثنيان !؟ نسيت
منيره : اقول صحي ثنيان لصلاة قبل يصحى ويلعن خيركم كلكم
وقفت مشاعل وراحت لغرفة مي دخلت وهي تشوف ثنيان نايم بعمق قربت وهي تقول بسرعه: ثنيييااان بسرعه قوم صلاة الجمعه راحت عليك
فز ثنيان بسرعه وهو مفجوع من صوتها: وش فيييك تصارخين
مشاعل : راحت عليك الصلاة وعمي اكيد ينتظرك
ثنيان: كم الساعه؟!!
مشاعل : خلاص 12 الا شوي
ثنيان بغضب:وليه ماصحيتوني من بدري
مشاعل: ميي توها صحت وهي اصلا مقفله الباب ولا رضت نصحيك
رمى ثنيان اللحاف بغضب وهو يصرخ: مييييي
مي جت تركض برعب : سم
ثنيان: وسسسسم ان شاء الله خلصي خلصي جيبي لي ملابس وانا اتفاهم معك
دخل الحمام وطلعت مشاعل وهي تضحك ومي اللي حطت مشاعل براسها
................••............
وبعد الصلاة في بيت ثنيان
رجع ثنيان وعياله ودخل البيت وهو ينادي : منيره مشاعل بسرعه اللبسو
منيره : جاهزين
مشاعل : جاهزين
مي : جاهزه انا
ثنيان : انتي انثبري هنا مافيه روحه
مي شهقت: ثنييييان لا تصدق مشاعل الكذابه هي اللي كذبت انت تدري اني مريضه بالقوه صحيت
ثنيان: صوتك مايرتفع سااامعه
مشاعل خافت ان ثنيان يعصب عليها وقالت : ايه صح تعبتي من الاستشوار اللي حطيتيه على وجهك ولا من الغماءات الكذبيه اللي تمثليها
ثنيان : انتي من سمح لك تتكلمين
مشاعل قربت وهي تناظر ثنيان بهدوء : انت من امس تسمعها شلون تغلط ولا قلت لها شي وبعدين اذا مو مصدق كلامي خلها تحلف ان اللي صار امس كله صدق
ثنيان اللي لف لمي وهو مكتف يدينه ورا ظهره ونظراته لها حاده قال بصوت واطي: محمد عمر انتظروني برا
طلعوا وثنيان مازالت عيونه على مي لللي خافت وبان كذبها وقبل تتكلم فهم ثنيان كذبها وألجمها بكف وبعده شهقت منيره ومشاعل
ثنيان : ثاني مررره قبل تكذبين وتألفين وقبل تتصرفين تصرفات هبله حطي هالكف في بالك وانقلعي ولا اشوف وجهك اسبوع
مي اللي على طول بكت وهي تناظر مشاعل بحقد وركضت لغرفتها وهي تتحلف تروح بيت اهلها
ولف ثنيان لمشاعل بغضب: ان انعادت هالحركات يا مشاعل بيصير لك أسوأ
مشاعل : ابشر
طلعوا متجهين بيت ابو ثنيان والصمت عم على الكل
................••............
في بيت ابو ثنيان الكل كانوا مجتمعين بما فيهم ابو محمد والمجلس مزحوم ونواف اللي كان واقف وهو يصب القهوه
محمد : متى بتروح يا نواف
نواف : بعد الغدا
ابو ثنيان: انتبه زين
بندر: عشرين مره حذرتوه تراه كبير
سيف: اقصر لسانك لنا مالك شغل
محمد : بعدين انت متى بتحشم نفسك وتصير آدمي ولا لازم ينلعن خيرك عشان تمشي عدل
بندر : مدري ليه مستقعدين لي لكن انا ماسويت شي غلط
ابو ثنيان: قم انقلع من ذا المجلس احسن لك ققققم
وقف بندر وطلع وهو يهابد ودخل بعده ثنيان مع عياله وهو يسلم عليهم
ابو ثنيان : وش بلاك متأخر اليوم
ثنيان : تاخرت امس بالنوم وراحت علي نومه
محمد ببتسامه وهمس : يا زييينه ليل العزابيه
ابتسم ثنيان نص ابتسامه وهو يهمس : بيني وبينك احسن لك
محمد : هههههه اخيرا اقتنعت
ثنيان : والله ما اقتنعت مره
محمد : باقي يعني ما تأدبت
ثنيان : يا رجال الحياه حلوه
محمد : حلوه بس مب بتجميع الحريم على قلبك
ثنيان : خلاص ثلاث ويالله يالله اقدر عليهم
محمد : واضح انك تعبت يالشايب
سيف : بتسولفون سولفوا بصوت عالي ولا اسرار
نواف بمزح : شكل شايبنا حربه صايره قويه هههههههههههههه
سيف : قلنا لك ما بتجميع الحريم خييير ما تسمع
نواف : مشكلة القلب الهواوي
وجهه له ثنيان نظره سكته فيها ولف وهو يسولف مع ابوه وعمه ................••............
وعند البنات فالمطبخ دخلت نوف بفرح: بنات عندي لكم بشااااره من السماء والله
فجر: وشو
نوف : حزروا ليش مي ماجت اليوم
رهام : ايييه صح غريبه ما جت
شوق : اصلا الغريب ان خالي ثنيان مخليها
نوف : لا ياقلبي خالك ثنيان هو ما خلاها تجي
فجر: اوف عمي اللي ما خلاها تجي لييش
نوف : ههه وعمك مو بس ما جابها لا مكفخها بعد
شهقوا البنات رهام: اماااا يا ويلها
شوق : وش صار وكيف دريتي
نوف : دريت ما عليكم
رهام: طيب وش سوت
نوف : مدري ما فهمت السالفه زيين بس اللي فهمته انه كذبت على مشاعل عند خالي
فجر : يووووه
رهام : عشان كذا معصب
شوق : بالله عليك يا رهام من متى اصلا وخالي مروق دايم معصب ونفسيه
دخلت منيره: سلام
الكل : هلا
منيره اللي دخلت وهي تجهز لشاهي
رهام : وش تسوين
شوق بإستهزاء : يعني ما حفظتوا الموال شاهي ثنيان النادر
منيره : صدق ما حفظتوا
فجر : خاله ليه ما تسويه مشاعل دايم انتي
رهام بضحك وهي تحضن منيره بمزح: اصلا لو يسون الدنيا ثنيان مايحب الا شاهي منيره
ضحكت منيره وهي تكمل والبنات يطقطقون عليها ................••...........
. العصر وعند الترف اللي كانت تمشط شعرها وتلبس فستانها وهي تتجهز لزواج واحد من الجماعه
صالح : الله الله من ذا المزيووونه منهي بنتن له
الترف نطت وهي تتمخطر : افا ما عرفتها هاذي الترف اخت صاااالح
صالح بضحك: اييه صالح المزيون اكيد اخته مزيونه
نوره اللي دخلت : حمدلله والشكر بس دام هذا الاخو وهاذي الاخت
صالح: انتي وش دخلتس ذابحتس الغيره منا
نوره: عشتوووا اغار من من يمكن الترف بس انت معصي
صالح: ليييه ؟! نوره: انت ابخص
الترف : فكوني من المجادل نوره وش بغيتي
نوره : ابد طال عمرتس خلصت وجيت بشوفتس اخلصي بسرعه بنروح بدري
الترف : وشوله نروح بدري
نوره : حبيبتي بنروح من العصر عشان تشوفنا دويده ونشوفها باقي ما شفى غليلي منها
صالح: استغفر لله يالحريم وغيرتهن
الترف : صالح يا اخوي ورا ما تروح عند الريجيل وتعرض معهم افود صح
صالح : صح بس وينها ثيابي ومجندي وجنبيتي
الترف : هذا هي
لفوا على صوت سلوى : يا بنات وينكم
الترف : هنا
سلوى : اعجلن يلا
الترف : اصبري اصبري شوي
بسرعة البرق خلصت الترف وطلعت مع سلوى اللي كانت هي وفرقتها من بداية القريه ليين وصلوا عند اهل العرس وهم يدقون ويغنون
دخلوا وهم يدورون على سوير وشافوها
نوره : بالله يالترف خلينا نرقص قدامها ونقهرها
الترف : سلوى غني لي اغنية بدق خشمها
سلوى : ههههه روووحي
ودت تغني سلوى والترف ونوره اللي ما قصروا في سوير وفي قهرها
................••............
وعند رهام اللي طلعت وشافت محمد واقف برا ويدخن وكملت طريقها وهي متغطيه وعادي مايفرق معها محمد : محمد بغيت شي
محمد اللي طفى زقارته: لا سلامتك بس كنت ادخن
رهام : زين اجل
دخلت ومحمد يراقب خطواتها بهدوء ابتسم ورجع وهو يدخل المجلس
ثنيان: وين رحت
محمد : قريب
سيف : اقول محمد ما طرا لك تزوج
محمد : رجعنا على طير يالي
ثنيان: انا مدري وش تنتظر اصلا
نواف : انت خليت له شي اصلا شكلك اخذت الزواج عنه كله
ثنيان:: اقول نواف
نواف : سم
ثنيان: خفت دمك ذا اليومين صايره عاليه
نواف : امزح وش بلاك
محمد : وهو صادق كل ما قلت بتزوج لقيتك متزوج قبل
ثنيان : لا اله الا الله اجل هالمره اصمل ماني متزوج
سيف : خلاص انت ماخليت برقبتك شي باقي بس مكان واحد وتسوي للي عليك كامل
ثنيان: اذكروا الله يا عرب
ابو ثنيان : نواف قم شوف الغدا وش صار عليه
منيره دخلت : الغداء جاهز
وقفوا كلهم واتجهه ثنيان لابو محمد اللي كان يسب ويسخط في محمد وهو يسنده
سيف : محمدوه وش مسوي بعمي حاقد عليك ذا الفتره
محمد : والله يا اخوك ذنبي اني اعطيه علاجاته وهو مايبي
نواف: بأجره يا محمد
ابتسم محمد وهو يجلس وكان حرفياً حريص على ابوه ويداريه حتى بأكله رغم ان ابوه كان يضرب ويهاوشه ومع ذلك مبتسم ................••............
في بيت عجاج اللي صحى وهو يحس انه جوووعااان حيل وقف وطلع وهو يشوف ابوه جالس بالحوش ومشغل الراديو ويغني معاه
عجاج : صباح الخير
ابو عجاج: وشو صباحه ، الساعه 2
عجاج : اوووه الصلااااة
ابو عجاج : بدري توك تذكر صلاتك والله لو قلبك حي لتقوم تصلي لكن وينه قلبك
عجاج اللي ركض وهو يوضي ويصلي ويستغفر وهو فعلا راحت عليه نومه رجع وهو يقول : مافيه غدا
ابو عجاج : من تبي يسوي الغداء انااااا
عجاج ميل فمه بضيق ودخل المطبخ وهو يقلب فالاغراض وابتداء يخبص اي شي وطلع وهو ينزل الصحن
ابو عجاج: وشو ذا
عجاج : كبسه يبه
ابو عجاج : قم قم ودها عني الله يكرم النعمه
عجاج : قام وهو شايل صحنه وجلس بالمطبخ وهو يذوقه لكن رجعه بسرعه: الله يديم النعمه
رجعه وطلع وهو يلبس اتجهه للبقاله وهو يدخل : سلام عليكم يا عم ابو حمود
ابو حمود : هلا هلا يا عجاج
عجاج: باخذ لي اغراض بالدين يا عم تسمح
ابوحمود : اسمح يا ولدي اسمح
دخل عجاج وهو ياخذ له كم غرض وطلع متجهه للبيت ................••............
العصر في بيت ثنيان دخلو بعد ما رجعوا من الجمعة وجلس ثنيان بتعب بالصاله وهو يقلب بجواله
محمد : يبه
ثنيان: نعم
محمد : تكفى نبي نطلع نغير جو
ثنيان: ليه انت من وينك جاي الحين
محمد : اقصد بنطلع من البيوت
عمر: ايه يبه بنروح ألعاب تكفى
ثنيان : بس انا عندي دوام
عمر: بس نص ساعه تكفى
ناظرهم ثنيان بهدوء : يلا يلا غيروا ملابسكم بسرعه
محمد : اقول لامي وعماتي
ثنيان: لا بس انتم
ركضوا وثنيان اللي وقف وهو متجهه لغرفة منيره: منيره جهزي لي بدلتي واغراضي بطلع العيال نص ساعه ارجع وراي دوام
منيره : ابشر ، بس شوي متى تنتهي دوام
ثنيان: مدري على حسب
طلع ثنيان وهو متجاهل غرفة مي المسكره رغم انه يحبها اكثر بس مستحيل يطيعها ويخليها تتمرد عليه
................••............
وعند الترف اللي كانت مشتطه هي ونوره ويضحكون ويرقصون
جات سوير : مبسوطات !؟
الترف : نوره تسمعين صوت
نوره فهمت عليها وبضحك: ايه اسمع بس غريب تهقين صوت وش
الترف: ههههههههه معليتس لا تخافين اكيد انه صوت عنز
نوره : ههههههههههههههههههه وش جاب ذا العنز
الترف : مسكينه خليها تعبر عن مشاعرها
سوير: انتي العنز يا وجهه العنز
الترف :اوووه هذا انتي دويده ام الذبااان
نوره: ليتها كانت عنز كان اشوى
سوير: هين يالعوانس اوريييتس هين
الترف : على الاقل بكرامتنا محد هج وخلانا هههههههههههههههههههههههههههههههههههههههههههههههههه هههه
سلوى : الترف خلاص حرام عليتس مب كفايه الصوره
الترف :اقول طقي بس خلنا نفلها
..................••............
المغرب في بيت ثنيان مشاعل ومنيره اللي جالسين وهم يتقهوون
منيره: غريبه مي مالها حس
مشاعل:يا حرام جرح مشاعرها ثنيان بتكفيخه لها
منيره: حرام عليك يا مشاعل ترا كل شي يهون الا الضرب
مشاعل: احسن محد قالها تطول لسانها
منيره: الله لا يحطك مكانها بس
مشاعل :خلينا نروق ونفتك من خشتها شوي
منيره : الله يصلح ثنيان ليته ما طقها اخاف تروح بيت اهلها
مشاعل: يا ليييييت نفتك منها ياليت
منيره : لا حول الله
رجع ثنيان وعياله الي دخلوا وهم محملين بالاغراض ووقفت منيره وهي تلحق ثنيان لبس ثنيان
وقربت منيره وهي تركب له الرتب وهي مبتسمه ناظرها ثنيان بهدوء وهو مبستم وبعد ما علقتها له اخذ ثنيان يدها وهو يبوسها : عساها يد ما تمسها النار يا منيره
منيره ابتسمت بخجل وهي تمد له باقي اغراضه اخذها وهو يطلع لكن وقفه جواله برساله من مي تترجاه يجي لها
لف ثنيان بهدوء واتجهه لغرفة مي دخل وهو يشوفها جالسه بكامل زينتها قربت وهي تحضنه وهو جامد تماماً
مي ببكي : ادري اني غلطت وماكان لازم اسوي كذا بس وش اسوي احبك مقدر اجلس مرتاحه كذا خصوصاً ان مشاعل دايم تجااكرني
بعددها ثنيان بغضب : مشاعل !! تجاكرك مازلتي تستهبلين علي
مي : طيب خلاص انا اسفه بس انت لاتزعل
ثنيان طلع وتركها ومي اللي رجعت بقهر وهي تجلس سمعت صوت سيارته لما راح وابتسمت وطلعت وهي تمشي بتمايل دخلت المطبخ وجلست وهي تاخذ القهوه وتصب لنفسها
ومنيره ومشاعل يسولفون ووقفوا يناظرونها بإستغراب مي: خير ان شاء الله ليش تناظرون
مشاعل بلكاعه:مدري لفتني ان خدك باقي احمر
مي رفعت حواجبها بقهر وبعدها ابتسمت وهي تحط يدها على خدها بضحك : اوووه صح الله يهديه ثنيان توه كان بيراضيني لكن شكل بوسته علمت بدون مايحس
منيره طارت عيونها بصدمه من وقاحتها
ضحكت مشاعل :ايييه دام كذا الله يكثر هالبوسات
طنشت مي بقهر ومنيره اللي تبستم ومشاعل اللي رجعت تقرا كتابها وهي تضحك
................••............
عند عجاج اللي كان واقف ينتظر ثنيان شافه جاي بسيارته ووقف واستقام عجاج وهو يدق تحيه قويه
ضحك ثنيان ونزل وهو يرد له التحيه
عجاج : ابطيت علينا
ثنيان: شسوي يا عجاج مشاوير من الصباح
عجاج : ليه وش بك كانك متضايق
ثنيان: مشاكل حريم
عجاج : قلت لك يا ثنيان مالك ومال الوجع
ثنيان : وجع الراس اذا بالحلال يا زينه
عجاج : ماش قاضي مافيك حيله
ثنيان: ما علينا المهم بقولك شغله يعني بما انك رافض المساعدات نهائياً خلني اساعدك في ذي على الاقل
عجاج : وشو
ثنيان : اسمع دور اطنخ حي فالرياض
عجاج: كيف يعني
ثنيان: حي فخم والناس اللي فيه مقتدرين
عجاج : طيب
ثنيان ورح انشب لواحد منهم لين يكفخك ولا تدافع لا خله يكفخك لين تدوخ
عجاج: خييييير
ثنيان: اصبر واسمع يفقش راسك يجرحك واذا كسر يدك بعد يكون احلى شوي
عجاج : انهبلت انت مرييض حسبي للله عليييك تبيني اخلي الرجال يكفخني واسكت
ثنيان : الحين انت ما تقول تبي تشتري سياره
عجاج: اييه وش دخل
ثنيان : الحين اذا ضربك واعتدى عليك لك علييه ديه ويقدرها لك اللي بيحكم بينكم
عجاج : احلف ، اقول ورا ما تلايط وتضف وجهك لشغلك
ثنيان: والله يعني فكرت فيها مربحه يعني شف اصلا كم بيطلع لك اذا اصبعك بس فيه تقريبا يطلع فيه لك 100 200
كل مازاد التكفيخ زادت الفلوس
عجاج: حسبي الله على من حطك ضابط وحكومه
ثنيان: ياخي تدري ان واحد قبل فتره جاء متكسر عطوه مبلغ وقدره وبعدين انت خذ هالمبلغ وحطه قسط اول لسياره اللي بتاخذه دامك مو محصل وظيفه واشتغل على السياره وسدد القسوط الباقي
عجاج: تستهبل ! صح
ثنيان: والله صادق يعني انا ودي والله اساعدك بعيوني وانت رافض وانت ديونك كل مالها تزيد
عجاج : ثنيان انت عندك 3 بيوت تعيلها
ثنيان: فهمنا ذا الموضوع الحين وش قلت
عجاج : بفكر
ثنيان : المهم اذا رحت دق علي اكون قريب
عجاج : بس والله بطلع رخمه
ثنيان : ياخي الرخامه بتفك ازمه
عجاج ضحك وهو يقول : يلا يلا
راح ثنيان اللي كان يحاول يساعد عجاج اللي فعلا ماله حظ ولا احد راضي يوظفه وغير كذا رافض انه ياخذ من ثنيان اي شي
ضحك على فكرته الغبيه بس وش يسوي وعجاج اللي اقتنع شوي
وحول مساره يدور افخم حي وافخم بييت
................••............
بعد ساعات كان ثنيان جالس بمكتبه وهو يقلب في نفس القضايا وفز اول شاف عجاج مرسله وينه وانه تهاوش وانتهى ركض ثنيان وهو ينادي الدوريه معاه وراحوا لمكان الحادث وقف ثنيان وهو يشوف عجاج اللي مستند على الجدار وكله دم سواء نفسه ما يعرفه عشان محد يشك فيهم بعدين والشرطة تسأل عجاج وبلغ عن الرجال وراحوا واخذوه وطلعو وثنيان اللي جلس عند عجاج ودق على الاسعاف واول ما تحركوا الشرطه وصار مافيه الا عجاج وثنيان والاسعاف اللي يسعف عجاج وفجاءه انفجروا ضحك الاثنين كل اللي بالاسعاف يناظرونهم بإستغراب وعجاج اللي مكفخ من قلب ناظر في ثنيان وهو يضحك: ياقهري اني صرت رخمه
ضحك ثنيان وهو يناظر ملامح عجاج المختفيه: هههههههههههههههه الحين صدق يصير اسمك عجاج هههههههههههههههههههههههههههههههههههههههههههههههههه هههه
طبعاً كل اللي بالاسعاف يناظرونهم بصدممه من ضحكهم الهستيري والالام عجاج اللي كل ما تألم ضرب ثنيان
بعد ما تأكد ثنيان ان عجاج كويس واصاباته مافيهت خطوره مجرد جروح وكسر رجل اهذ التقرير وهو يقدم بلاغ ووصل عجاج لبيتهم وراح وهو يكمل دوامه كان دوامه قريب من هجر وقرى وقف اول ما سمع صوت الرصاص ورمي وطلع :وش ذا الصوت
الشرطي : مدري جاي من جهة القرى من هناك
الشرطي الثاني : يمكن حفل
ثنيان: طلعوا دوري وراي بسرعه
طلع ثنيان وراه دوريه ومشوا وهم يدورون على مكان الرصاص
................••............
وعند صالح اللي كان يرمي بوناسه هو والعيال معه بس وقفوا اول ماشافوا الدوريات والكل اختفى بس صالح اضطر انه يسرع لبيتهم اللي كانت الترف فيه تاخذ اغراض نزل ثنيان وهو يناظر المكان بهدوء ويشوف الناس وقفت رقص وكلها تناظره
ثنيان بصوت رخيم : السلام عليكم
الكل : وعليكم السلام
ثنيان: اول شي مبروك للمعرس وثاني شي سلمو السلاح واللي يرمون
ابو الترف : اقلط تقهو
ثنيان: زاد فضلك لكن ماعندي وقت اتمنى انكم تسلمون الاسلحه بنفس الكرم
ظافر : ماعندنا اسلحه يا طويل العمر
ثنيان ابتسم ولف وهو شايف صالح من البدايه : هذا اخر الكلام
الكل : ماعندنا شي
اتجهه ثنيان بخطواته لبيت ابو الترف والكل يراقبه ................••...........
. عند صالح اللي ركض وهو يعطي الترف السلاح : خذي وخبيه
الترف: لييييه وش فيك
قطع عليه صوت ثنيان: اطلع بسلاحك شايفك
غمض صالح وطلع : سم
ثنيان: سم الله عدوك لكن بدون لف ودوران سلم سلاحك وخلها تقصر على السلاح مابي اعتقلكم مع السلاح
الترف اللي سمعت الاعتقال وانهبلت طلعت وهي لابسه برقعها وعبايتها ومعها السلاح : وشوله تعتقله
الكل صار يناظرها وقال صالح بغضب : ادخلي جوا يا بنت
الترف : انت ما تعرف العادات والتقاليد ما تعرف سلوم العرب الحين يومهم فرحانين مع اهلهم بتعتقلهم
ثنيان ناظر بهدوء ولف يناظر بصالح اللي عصب ولف لها : اول وش اقولتس ادخخخخخلي
اخذ صالح السلاح وهو يمده لثنيان للي رفع عينه وهو يراقب الترف اللي كانت تناظر من الطرف وعيونها سوداء وحاده ابتسم ثنيان وهو يقلب السلاح : مرخص
صالح:: ايه
ثنيان ناظر صالح بهدوء : دامه مرخص وشوله تهرب وتخبيه
صالح : هذا انتم يالحكومه ان خليناه ذنب وان خبيناه ذنب
ثنيان : ايه صح لكن الحكومه مثلك تعرف السلوم تعرف العادات وتدري انك فرحان بضيوفك تبي تستقبلها لكن بنصحك نصيحه عشان تمنع نفسك والحكومه الاحراج
صالح : لاهنت
اخذ ثنيان السلاح وهو يعشقه وهو يلف به جهة الغرب ورمى به كم طلقه
اخذ ثنيان السلاح وهو يعشقه وهو يلف به جهة الغرب ورمى به كم طلقه تحت ذهول الكل وقال وهو يعطيه صالح : نصيحتي لك قبل ترمي اعرف وين اقرب مركز شرطه لك واذا عرفت انه بالشرق ارم بالغرب وان كان بالغرب ارم بالشرق والله يهنيك
ابتسم صالح : ابشر وصيتك على راسي
ثنيان اللي كان يشتت عيونه بعشوائيه وهو يحاول يلقط الترف وابتسم : يسلم راسك
رجع ثنيان وهو يركب لكن ما تركوه قبل يتقهوى عندهم ويوعدهم بزياره وهو عقله مع بيت ابو الترف وبعدها طلع متجهه لدوامه بهدوء وهو مستغرب من هالبنت اللي طلعت في وجهه وغيرت قراره وهو اللي كان بيسحب السلاح واللي معه السلاح
من طرف كان هجوم البنت عليه ومن طرف انها كانت ديرة سمر وثنيان يعشق السمر
.
.
بنوقف هنا اتمنى تفاعلكم♥

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 01-11-2018, 11:14 PM
الربيع القلب الربيع القلب غير متصل
©؛°¨غرامي مشارك¨°؛©
 
الافتراضي رد: رواية تهزمني السمراء وانا نّد فرسان/بقلمي


معاك عزيزتي
واضح الروايه مرحه وقريبه للروح

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 03-11-2018, 07:03 PM
الكاتبه اديم الكاتبه اديم غير متصل
©؛°¨غرامي جديد¨°؛©
 
الافتراضي رد: رواية تهزمني السمراء وانا نّد فرسان/بقلمي


مساء الخير ✨
‏اذا مررتم هنا أذكروني بدعوة♥
.
.
.
البارت الرابع>>..
.
.
عند عجاج اللي كان راسه يوجعه من الضرب ومن هواش ابوه اللي سبب له ازمه وقف وهو ياخذ عكازه
ابو عجاج : وينك طاس تبي تجيب لي مشكله ولا تفضحني فالناس
عجاج : يبه الله يخليك بروح ارتاح تعبت من الحنه
ابو عجاج : ايه روح ارتاح روح بعد ما خليت كل الحاره تقول ولده رخمه
اخذ عجاج نفس وطلع وهو يضحك كل ما تذكر شكله وهو ينطق ويحسب طقاته
................••...........
. وعند رهام اللي كانت تراقب السلسال بخوف وهي ماتدري من ارسله ولا تدري من هذا اللي يدري بمشاكل قلبها مسحت جبينها بضيق ولفت بسرعه اول ماسمعت دلال تقول : رهام ليش مانمتي للحين
رهام: بنام بس كنت اشرب مويه واحضر ادوية امي
دلال ابتسمت : الله يعطيك العافيه
طلعت دلال وهي متجهه لغرفة بناتها فتحت وشافت نوف نايمه وشوق اللي قاعده على جوالها
دلال: شوق وش تسوين
شوق : ابد اتابع
دلال: يا بنتي نامي السهر مب زين
شوق : يمه ترا ويكند بنستانس شوي
دلال: وبعدين تكلمي باحترام مع خوالك وحريمهم
شوق ميلت فمها: ابشري
دلال : خلصي ونامي
طلعت وهي تهز راسها بأسى من شوق اللي تصرفاتها تعصبها كثير .................••............
وعند منيره اللي بعد ما تأكدت ان محمد نام وغطته وهو عمر وطلعت رفعت الجوال وهي تقول : هلا ثريا
ثريا : منيره كيفك
منيره : حمدلله وانتي
ثريا : حمدلله عندك احد؟!ثنيان فيه
منيره: لا محد فيه وثنيان مداوم يطلع بعد ساعه يمكن
ثريا: ايه تعالي مي هاذي وش قصتها تقول فجر ان ثنيان كفخها
منيره بضيق : ايه الله يصلحها ويصلحه وفجر من وين عرفت
ثريا:مدري بس قلت بسألك سولفي لي وش صار
منيره قالت لها السالفه ومنيره اصلا ضايقه من ذا المشكله
ثريا : احسن عساه يكفخها ليل ونهار
منيره: يا بنت وش تبين فيها استغفرلله زوجها وكيفه معها .
ثريا: يووووه يا منيره تقهرين زوجها زوجك مستوعبه انتي
منيره : ادري وكل وحده لها قدرها في قلب ثنيان ما راح يظلم احد
ثريا: ايه حبيبتي خليك كذا ضعيفه لين تطير الطيور بأرزاقها اقول مع السلامه بس
سكرت ثريا ومنيره متضايقه ووقفت وهي تطل من الشباك وشافت ثنيان اللي وصل ونزل رجعت لفراشها وانسدحت بهدوء لكن جلست بأستغراب وهي تشوف ثنيان داخل
ثنيان: سلام
منيره: وعليكم السلام
ثنيان: شفيك تناظريني كذا!؟
منيره وقفت وهي تاخذ منه اغراضه: يعني غريبه جاي واليوم ليلة مشاعل
ثنيان : منيره قلت لك قبل انام فالمكان اللي يريحني وبعدين امس كنت عند مشاعل
منيره : لا مو قصدي البيت بيتك تنام مكان اللي تبي
ثنيان: صلحي لي عشاء جوعان
منيره: ابشر
طلع ثنيان وهو يتفقد عياله كالعاده وراح لمشاعل وكانت نايمه ورجع وهو يجلس عند منيره بالمطبخ
وحضرت منيره اكل سريع وحطته وجلست
منيره: غريبه ما تعشيت فالدوام
ثنيان: ما كان معي وقت
منيره : شكل يومكم كان صعب
ثنيان وهو يناظر بفراغ : اي والله صعب
منيره: الله يعطيك العافيه
ثنيان وهو يناظرها: مدي يدك !
منيره: تعشيت ولله
ثنيان ببتسامه : افتحي نفسي على الاقل
منيره ابتسمت وهي تمد يدها معاه
................••............
عند مي اللي كانت تنتظر وهي متوقعته يجي لها لكن تأخر فتحت الباب وهي تسمع اصوات وسوالف فالمطبخ وضحك تقدمت وهي تشوف منيره وثنيان جالسين يسولفون ويضحكون تقدمت بغضب ودخلت
ولف ثنيان يناظرها بهدوء وراحت مي وهي تصب لها مويه وطلعت كانت ماتدري وش هدفها من الحركه بس انقهرت وقف ثنيان بغضب وهو ناوي يكفخها بس مسكته منيره: ثنيان الله يخليك اجلس واتركها
ثنيان: منيييره لا تدخلين
منيره : ثنيان مهما كان هي توها صغيره وجاهله يعني وباقي حتى ماكملت سنه باقي ما تأقلمت كفايه لللي صار اليوم
سحب ثنيان يده بغضب وتوجه لغرفة منيره وهو يحاول يهداء اما مي اللي دخلت غرفتها بغضب وهي تنسدح بضيق ( ماشاء الله الدلع والرومانسيه لحريمه وانا بالطقاق اللي يصير فيني يصير)
................••............
في بيت ابو الترف
وعند الترف اللي مسكها صالح بغضب بعد الزواج: وش ذا اللي سويتيه انهبلتي
الترف : وش اسوي خفت يسجنك صدق
صالح: ليه شايفتني رخمه قدامتس
الترف : لا محشوم بس خفت
صالح: ان شاء الله تعدينها مره وبعدين احمدي ربتس ابوي ما درا بتس والا كان ذبحتس
الترف : تكفى يا صالح لا تعلمه والله خفت عليك
صالح : صادقه انتي ماني مهبول اعلمه
الترف سكتت وهي تشوف صالح معصب منها صدق بس ما اهتمت اهم شي دافعت عن اخوها
................••............
ومن بكره الصبح في بيت ثنيان
عند ثنيان اللي كان جالس على الطاوله بهدوءه العصبي المعتاد والكل جالس ما عدا مي
ثنيان بغضب : قم يا محمد قلها تجي قبل اجيها ويجيها موتها
راح محمد يركض لها وهو يدق الباب فتحت مي : نعم
محمد : ابوي يقول تعالي قبل اجي ويجي موتك معي
مي خافت وطلعت : جيت يلا
لحقت محمد ودخلت : سلام
الكل : وعليكم السلام
ثنيان بغضب: انتي وبعدين معك كم مره قلت لك مابي انتظر على الفطور كم مره افهمك
مي : ما انتبهت
ثنيان: وش اللي ما انتبهتي له يا هانم !
مي : انا اسفه
ثنيان : اي هذا اللي فالحه فيه
جلست والكل ساكت وثنيان اللي انتهى وقام وقامت مي : ثنيان ابيك بشغله
راح ثنيان ولحقته : ابيك توديني لاهلي
ثنيان : ليش !
مي: اليوم عندهم اعمامي وبروح لهم
ثنيان: مافيه تروحين
مي بصدمه: ليش !
ثنيان : لاني مابيك تروحين وخري عني تأخرت
مي : ثنيااااان كذا كثير
ثنيان: ما سمعت !
مي بكت على طول: ترا من يومين وانت تدقر فيني وتخاصم وتضرب وانا ساكته والحين ما تبي اروح لاهلي
ثنيان: مابي اعيد الكلام وان عدتي اي كلمه بتروحين لاهلك بس بدون رجعه
طلع وتركها ومي اللي جلست وهي تبكي منيره جات على صوتها : مي وش فيك !؟
مي اللي بعدت منيره وراحت وهي تبكي بقهر هزت راسها منيره بأسى ورجعت
................••............
في بيت ابو عجاج
عند عجاج اللي كان يسمع الباب يدق وهو مافيه يتحرك وقف وهو يمشي بضيق فتح الباب وشاف ثنيان: كيفك عجوووو
عجاج: في ستين داهيه بفضلك
ضحك ثنيان: ههههههههههههه حرام عليك
عجاج : انت اللي حرام عليك شف كيف حالي
ثنيان: جعله والله فيني لكن قم اللبس وبنطلع كلنا للمزكر وبيعطونك حقك
عجاج : يعني بكم بيعطوني
ثنيان: يعني هه هه 10 9 10
عجاج: ريال!!!!!!!
ثنيان:هههههههههههههههههههههههههههههههههههههههههههه هههههههه وش رياله يالخبل افاا هاذي قيمتك
عجاج: اجل كم
ثنيان 10 الاف
شهق عجاج : في ذمتك
ثنيان : شف هات تقريرك
اخذه وهو يعد عليه : كسر فالرجل وكسر مضاعف بعد وفك فالكتف وجرح عميق براسك ورضوض وخدش فالجفن ! ماشاء الله عليه مصفقك من قلبه شكلك قهرته
عجاج : الله لا يوريك كيف دخلت عليه انا قهرتني صراحه ، اصلا الممرضه منفجعه تقول مدعوس ولا مضروب
ثنيان:هههههههههههههههههههههههههههههههههههههههههههه هههههههههههه يعني توقعتك تطلع بشي بسيط بس براڤو
عجاج : قم يلا قم
طلعوا متجهين للمركز وطبعا بعد سين وجيم وتحقيق وكلام كثير اخذ عجاج ديه للاضرار بمبلغ 10 الالاف
................••............
في بيت ابو الترف
وعند الترف بعد ما انتهت من شغلها اتجهت لبيت نوره دخلت وهي تقول : نووره يا نوره
ام نوره: هلا يالترف تفضلي يابنتي
الترف : زاد فضلتس يا خاله بس اني ابي نوره مستعجله
نوره: وش فيتس تصارخين من صبح الله
الترف : استاذنتس يا خاله بنروح انا ونوره عند سلوى شوي
ام نوره: ما عليه
سحبت الترف نوره ورواحوا وهم يدقون باب سلوى اللي فتحت وهي تغني : هلااااابتس حي من عكس اتجاه الريح وجابتس
ردت ترف وهي تسلطن معاها : هلاااابتس قد ماسوى الولىه فيني بغيابتس
وكلهم بصوت واحد : هلاااااابتس
ضحكت سلوى : ادخلوا ادخلو جيتوا بوقتكم
نوره: ماشاء الله عليتس مزهبه قهوتس وشاهيتس من تنتظرين
سلوى: ابد انا دايم قهوتي زاهبه بس البلا باللي ما يجون
الترف : اسكتي وصبي قهوتس جينا عاد
سلوى وهي تصب القهوه : اقول يااترف وش سويتي امس يقولون وقفتي بوجهه الضابط
شهقت الترف : يا ويلي ويلااااه من يقوله
سلوى ضحكت : وش بلاتس خايفه
نوره : افا عليييتس يالترف ولا تقولين لي هذا وانا صديقتس واخيتس
الترف : ليتس تسكتين بس اصبري افهمتس لا تاكليني سلوووه من قالتس
سلوى: ياخبله كانت معتس سعديه نسيتي
الترف: اي والله وسعديه السلقه لايكون نشرتها
سلوى: لا معليتس حرصت عليها تسكت
نوره: وش السالفه
الترف : السالفه الله يسلمتس ......... وكملت السالفه
نوره: يهبييي يا وجهتس وقفتي في وجهه الحكومه يا ويلي ويلاه ياقوة قلبتس
الترف: وش اسوي اخليهم ياخذون اخوووي واسكت
سلوى: لكن زين انه فشلتس وطلع حليل ولا كان سحبتس انتي واخوتس للقسم
الترف: يخسى وانا الترف
نوره: اقول على شحم انتي وهياطتس قالت يخسى انتي والله اللي تخسين والله لو انه مايخاف الله كان لا انتي ولا اخوتس
سلوى: اي والله انتي اللي تخسين
الترف: اي والله اخسى اصلا طلعت عفويه لكن جتني ام الركب بعدها
سلوى:ههههههههههههههههههههههههههههههههههههههههههههه ههههههههههه اي ياحبيبتي هذا مب دويده
نوره: على طاري دويده اليوم مختفيه !
سلوى: اي والله دايم تجي اليوم ماجت
الترف : خلوها ياعرب تختفي تريحنا
فزوا على دق الباب وكان صالح فتحت سلوى : صالح هلا وش بغيت
صالح: ابي الترف
الترف : صالح وش فيك
صالح : امشي انا اوريتس وش فيني
راحت معه وهي خايفه ابوها درا بس الصدمه كانت اكبر لما دخلت البيت وشافته كله زباله وقرف
شهقت بصدمه : وش ذااااااا
صالح: انا اسألتس بعد
الترف : والله اني نظفت البيت كله والله
صالح : ادري بس اللي بقولك ان ابوي جاي وراي بسرعه نظفي
سلوى ونوره اللي خافو فيه شي وركضوا وراها : الترف وش فيتس .
شهقت نوره: وش ذا
الترف: مدري مدري
صالح: استعجلي ابوي جاي
ودخلوا سلوى ونوره معها وبسرعه بسرعه يرتبون وينظفون ويحطون بخور
صالح :ابوي جاء ابوي جاء
ركضت نوره وسلوى وصقعوا بعض وصرخوا وجلسوا وهم مرتبكين ودخل بذا اللحظه ابو الترف وهو يناظر بإستغراب وفجاءه قال : صالح وجع وش مجلسك مع الحريم
صالح: هاااه اي كنت باخذ اغراض وبطلع
ابو الترف : اطلع اخلص
لف على الترف : وش انتي وش فيتس
الترف بإرتباك : مافيتس ا ا اقصد مافيني شي
سلوى وقفت هي ونوره: اجل حنا نستاذن يالترف
الترف بنفس الارتباك : اذانيكم معكم
انفجرت نوره تضحك وطلعت بسرعه والترف اللي وقفت بتوتر
ابو الترف : اعجلي جيبي لي القهوه
الترف : ابشر
راحت الترف وهي مقهوره ماتدري من كب الزباله فالبيت حضرت القهوه وهي مقهوره وجلست بقهر وهي تشوف ابوها اللي جالس وماله نيه الطلعه
................••............
وفي بيت ابو محمد
رجع محمد وراه وطاح من قوة ضرب ابوه له شهقت الخدامه وراه وقف محمد وهو يبتسم : يبه الله يخليك خذ دواك عشان ما تتعب
ابو محمد : لاااا لااا انا مافيني شي تبي تذبحني انت تبي تذبحني
محمد : يا يبه الله يخليك لي وشوله اذبحك
ابو محمد : اقولك انقلع
غمض محمد بضيق : خلاص ابشر مارح معطيك دواء خلاص
حط محمد الادويه على جنب وهو محتار كيف يعطيه بعد شوي حط بعض الادويه بمويه وقال : يبه خذ اشرب مويه
اخذه ابو محمد وارتاح محمد انه اخذه بيشربه بس ما يمديه جلس الا ورجعه ابو محمد وهو يتفله على محمد : تلعب علي انت تلعب علي
وقف محمد وهو يمسح وجهه بضيق وطلع وهو يدق على الدكتور يبي حل لانه مو جالس ياخذ ادويته
................••............
وبعد ايام قدر عجاج انه يتشافى وتروح جروحه ولا بقى له الا الكسر كان جالس قبال بيتهم وهو يراقب سيارته اللي خذها بفرح وقف بفرحه اكثر وهو يشىف ثنيان جاي : عجهههه
عجاج : عجه تطيرك ان شاء الله ترا اسمي مب ناقص تعويق
ضحك ثنيان: كيفها رجلك
عجاج: الحمدلله احسن
ثنيان: تقدر تروح تجي
عجاج : مدري ماني متاكد
لف ثنيان وهو يضحك وشاف عربية السوبر ماركت وابتسم : اوووه الحين بنتاكد
عجاج طارت عيونه : نعم نعم وش اللي بتأكد منه لا يا حبيبي انا امشي الحمدلله مالي نيه اتكسر مره ثانيه
ضحك ثنيان وهو متجهه لها اخذها ورجع وهو يقول : عجووو تدري انك ما تقدر تعترض اركب بنستانس شوي ونرجع
عجاج : على حسابي تستانس
سحبه ثنيان بسرعه وهو يحطه فالعربيه غصب وعجاج يصارخ نزل ثنيان نعاله وركض وعجاج يصارخ وهو يفحط فيه بكل الحاره واللي يضحك واللي يهاوش ثنيان واللي ماسك راسه وعجاج اختلط صراخه ب ضحكه لكن هنا اجتمع صراخ عجاج وثنيان وضحكهم لما ما قدر ثنيان يسيطر على العربيه وصكت فالجدار وطاح ثنيان وطاح عجاج والعربيه عليه والكل ركض يرفعهم لكن المصيبه انهم كانو يضحكون وخصوصا ثنيان اللي كان ميت ضحك وهو يدف عجاج والعربيه عنه
ابو حمود : انتم صاحين ولا مجنن
سعيد : ثنيان انت بخير
ثنيان بضحك: بخير بخير
عجاج: هاذي والله العجه صدق استانست الحين
ثنيان: هاااه تأكدت انك بخير
عجاج : قلت من اليوم بخيير
سعيد: الله يخلف على اهلكم يالاثنين
راحوا وهم مازالو يضحكون وقف عجاج بعد ضحك عميق وقال: اسمع اللبس وتهندم بتروح معي
عجاج: وين
ثنيان: بوريك شي يسر خاطري وخاطرك
عجاج: صدق وين!؟
ثنيان: ساعه وارجع واحكي لك القصه بس اجهز
عجاج: طيب
طلع ثنيان متجهه لبيته ببتسامه وهو يضحك للان رغم انه تألم اما عجاج اللي دخل وهو يلبس وماهو مستغرب هبقات ثنيان الغريبه ................••............
عند محمد اللي طلع مع ابوه من المستشفى وقفه صوت جواله رد : هلا عمي
ابو ثنيان : سلام عليكم
محمد : وعليكم السلام
ابو ثنيان: كيفك وكيف ابوك
محمد . حمدلله بخير انت كيفك
ابو ثنيان: بخير بخير لكن انت وين
محمد : توني طالع من المستشفى
ابو ثنيان: زين اجل تعال انت وابوك تعشو عندي وتقهوو وخل ابوك يغير جو
محمد : ابشر
طلع محمد متجهه لبيت عمه ونزل وهو يساعد ابوه ينزل قابلته ثريا وهي تسلم عليك : وش فيك محمد يوجعك شي
محمد اللي كانت يده فعلا توجعه من كثر ما شال وحط في ابوه وغير ضرب ابوه المتعب : مافيني شي بس يدي توجعني شوي
ثريا : دقيقه بجيب لك مرهم كويس للعضلات
محمد : طيب
ابو ثنيان : محمد وانا ابوك الله يعطيك العافيه ويكتب اجرك
محمد : امين
ابو ثنيان: ورا ما تزوج وحده تعاونك وتعاون ابوك
محمد تنفس بهدوء : يا عمي محد يتحمل ابوي غيري والله يخليني اخدمه لاخر يوم في عمري
سيف: الله يخليك له ما قلنا شي بس تزوج اقل شي احد يقوم بالبيت بدال ذا الخدامه وتقوم بك
محمد : ماني فاضي يا سيف انا همي ابوي وبنت الناس اللي بجيبها مب مكلوفه في ابوي
ام ثنيان: وش دراك لو تطلع بنت حلال
محمد لللي سكت وهو يناظر الباب بهدوء : بنت حلال بس ما تقدر
سيف : وشو ما نسمعك
محمد : كل البنات بنات حلال
جات ثريا وهي تحط له المرهم ومحمد اللي كان ساكت وباين ضيقه ................••............
وفي بيت ثنيان
وعند ثنيان اللي دخل بيته وهو مستعجل وقف وهو يقول : مشاعل زي البرق ابي ملابس جديده ونظيفه بسرعه معزوم
منيره جهزي لي العود وقهوه على السريع بطلع بها للخط
طلع ووقفت مشاعل وهي تسرع تجهز ملابسه ومنيره بعد
جلست مي بضيق وهي تشوفه ما يكلمها من ايام
طلعت وهي متضايقه
وعند مشاعل طلع ثنيان ولبس ابتسمت مشاعل : شكلك معززوم بعيد
ثنيان : ايه
مشاعل: طيب متى بترجع
ثنيان: مدري
مشاعل وهي تعطيه الشماغ : بيروح معك عجاج
ثنيان ناظرها : وش رايك اكتب لك برنت
مشاعل بفشله: لا بس اسأل
ثنيان: تعرفين ما احب ذا الاسئله
مشاعل : طيب
طلع ثنيان وقابلته منيره وهي تبخره لف لمحمد : خذ القهوه ونزلها السياره
محمد : ابشر بس يبه بروح معك
ثنيان : بكره ايش !؟ محمد : الثلاثاء
ثنيان: يعني ايش !
محمد : دوام بس خلصت دورسي يبه ماعندي شي وطفشان
ثنيان : محمد انتهى ! طفشان هذا اخوك عندك انا بتاخر
محمد : ي... قطعه ثنيان اللي لف بغضب : لا ترد الكلام
سكت محمد واخذ القهوه وطلع وطلع ثنيان وراه وهو متجهه لعجاج واخذه وطلعوا متجهييين لقرية الترف
عجاج : وين بتودينا
ثنيان ابتدا يقوله السالفه ولف عجاج وهو يناظره بصدمه: انت ما سحبت السلاح عشان بنت
ثنيان: مب عشان بنت لا عشان كلامها اثرت فيني يعني
عجاج : ايييه يا حبيبي عشان تعرف ان حنا الخوال صقووور رجالنا وحريمنا
ثنيان : اقول انثبر قال صقور قال
................••............
وفي قرية الترف دخل ثنيان بسيارته والكل يناظره نزل وعجاج يناظره بهدوء ونزلوا
والكل عرف ثنيان وبما فيهم ابو الترف وصالح واقبلوا يسلمون عليه ويهلون ويرحبون به دخلوا مجلس القبيله والكل دخل معهم
ابو الترف : حي لله الضابط ثنيان
ثنيان: الله يحييك ويبقيك
صالح : حمدلله انك جيتنا وما نسيتنا
ثنيان: نساك الموت وهو فيه احد ينسى كرمكم وطيبكم
ابو الترف : والله ماجيت الا في ديرتك وبين اهلك
ابتداء كل المجلس يرحبون بثنيان وبعجاج
................••............
وعند الترف اللي كانت جالسه بالحوش هي وسلوى ونوره لف الترف بقهر : الحين بس ابي اتاكد اللي مسويتها دويده ولا ام شوشه ولا نوير الدعله ؟؟
سلوى: يووه يالترف عورني راسي ياكثر ما تمشكلين مع العالم
الترف: مب انا اللي اتمشكل هم اللي يغلطون
نوره: والله مدري يالترف اي وحده بس حركتها قويه
الترف سحب عبايتها واخذ عصا المكنسه : الحين نبي نعرف من
لحقوها سلوى ونوره وطلعت الترف وهي تشوف البزران يلعبون وبسرعه البرق جمعتهم وهي تطق بالعصاء على الارض وتصارخ عليهم: الحين بتعترفون من اللي كب الزباله في بيتنا
رضا : والله مب انا يالترف والله
وابتدوا كلهم يحلفون الترف تدق بعصاها وتصارخ وهو خايفين
حمود : انا شفت سوير دخلت بيتكم معها اكياس كثيره وبعدها طلت واكياسها فاضيه وهي تركض
الترف : متأكد !
حمود : وربي
الترف وهي تنزل برقعها زين وركضت وهي تقول : انا اوريتس يا دويده
ركضت سلوى معاها ونوره دخلت الترف وهي تقول : دويييده وينتس اطللعي يالمخنزه اطلعي
سوير : خييير وش تبيييين
الترف : الحييين اقولتس وش ابي
انفلتت الترف وهي تمسكها من يدها: انتي كفو تكبين زبالتس عندنا يا المخنزه
فكتها امها وهي تقول : اني هييييه اذلفي لبيتكم وفكينا من شرتس انتي وش تبين بنتي كل ذا غيره اللهم يا كافي كفايه طيرتي المعرس من عيونتس جعلها بالفقع
الترف شهقت : نعم نعم نعم ااااانا اغار من دويده ام الذبان معصصصصي والله
نوره: الله واكبر معاد الا هي نعطي بنتس عين من زينها بنتس اللي حتى الذبان مبتلش بها .
ام سوير: حبيبيتي الله يعلم من اللي اهله مبتلشين به جالسين عوانس على قلوب اهلكم
سلوى: يا جماعه تعوذوا من ابليس
الترف: وين ان تعوذ وابليس قدامنا
انطلقت الترف على سوير وهي تطقها وطبت ام سوير على الترف وطبت نوره وسلوى على ام سوير واعتلاء الصراخ والهواش ................••............
وفي المجلس وسط الضحك والسوالف جاء حمود وهو يركض بتعب : اللحق يا صالح اللحق يا ابو الترف
صالح فز : وش بلاك
حمود وهو يلهث: الترف لعنت خييير سوير وامها كفختهم تكفيخ والدم للركب
كل المجلس فزوا وهم يسمعون الصراخ وركضوا الا ثنيان وعجاج المفجوعييييين
عجاج: الدم لركب !!!
ثنيان: شفت صالح!
عجاج : ايييه
ثنيان: اخو البنت اللي اقولك عنها وشكلها هي اللي لعنة خير سوير
عجاج: منهي سوير!!
ثنيان: وش دراني تسمع البزر
عجاج وهو يطل: والله ياحبيبي العجه هناك والله فيه دعثه شكل الترف مب هينه
ثنيان : قمة التناقض بين الاسم والافعال
ضحك عجاج : اقولك وش رايك تاخذها الرابعه تخليها تلعن خير حريمك الثلاث وتريح راسك انت
ثنيان طالع فيه بهدوء وهو يبتسم ونط عجاج: امزح امزح امزح لا تفكر يرحم امك لا تفكر امزح
ثنيان ضحك: بس والله صقور يالخوال ياحبني لكم
عجاج جلس وهو يضحك : يا رجال انا خال حضري ما انفع هذولا واالله اللي ينقال لهم خوال شف بالله شف الدعثه
ضحك ثنيان: لو هي عليك والله انك ما تسوى التاليه من الغنم
عجاج : اخس واعقببب والله لنادي عزوتي عليييك وانادي ذا الجنيه اللي صفقت العرب
ضحك ثنيان وهو يسلم على خشمه: يا اخوك امزح
عجاج : ايه اعععقل والله اني لهاجر واجلس عندهم خلهم يأدبونك ليي
ضحك ثنيان وهو يشوف صالح اللي مار وهو مسرع من بعيد ومعه وحده واضح انها تهاوش
.
.
.
بنوقف هنا♥اتمنى التفاعل

الرد باقتباس
إضافة رد

رواية تهزمني السمراء وانا نّد فرسان/بقلمي

الوسوم
السمراء , تهزمني , رواية , فرسان , وانا
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 33269 الأمس 11:07 PM
رواية أملي / بقلمي اشتقت له روايات - طويلة 10 28-08-2017 05:33 PM
رواية تمنيتك لي بس ربي ما كتب/بقلمي رهيف عبدالله روايات - طويلة 6 03-12-2015 01:37 AM
رواية على حافة الانتقام للكاتبة / داليا {أجـمـَلُ إبتسآمـة} روايات - طويلة 9 22-10-2015 05:21 PM
رواية رفقا بي يا اهاتي /بقلمي شيــــ chichi مـــاء روايات - طويلة 61 11-09-2015 10:03 AM

الساعة الآن +3: 12:20 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1