غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 04-11-2018, 04:42 AM
صورة روح طفلة. الرمزية
روح طفلة. روح طفلة. غير متصل
©؛°¨غرامي جديد¨°؛©
 
Upload4e28175c4a ولو قست الدنيا يبقى في قلبي أمل / بقلمي


السلام عليكم اعضاء منتدى غرام :

اخباركم .ان شاء الله تكونون بخير ..

هذي أول رواية لي . واتمنى منكم التشجيع لأستمر باكمالها باذن الله




مقدمة :


من الممكن ان نصادف في حياتنا اناس صفاتهم او شخصياتهم تشبه الى حد كبير الشخصيات
الموجودة بالرواية . لأن بعض احداثها وافرادها موجودين بيننا ...



تصنيف الرواية :

غموض ؛ دراما


التعريف بالشخصيات :


أمل : العمر 23 متخرجة من كلية التربية قسم رياض الاطفال
شعرها اسود وعادي يعني مو ناعم ملامحها طفولية اللي يشوفها مايعطيها ذا العمر بشرتها صفراء لون
عيونها بني غامق جسمها رشيق
مرحة بس كتومة


أم أمل ( رحمة )
العمر 47 سنة خريجة ثانوي ملامحها تشبه أمل بشيء بسيط
شعرها ناعم ونصفه شيب بسبب تقدم العمر وظروف الحياة جسمها مليان ورغم كبر سنها الا ان جمالها طاغي

ابو أمل (صالح ) : العمر 53
موظف بالاحوال المدنية
لون بشرته سمراء يلبس نظارات
لون عيونه بني غامق
متوسط الطول جسمه عريض

بيتوتي ( يعني غير اجتماعي )

ملتزم

(تعريف بصديقات أمل )

أميرة الدبة اللي ماهما الا الأكل >>> خخخخخ (سوالفها فلاوية )>>> تعجبني
ماخذة الدنيا سهالات

نجمة :العروس الجديدة وكل سوالفها عن الحب . وصايرة ناصحة الشلة

فاطمة : صديقة أمل وسعاد الروح بالروح كل اسرارهم وسوالفهم عندها ...

شخصية اجتماعية ومنفتحة .

ندى بنت سامية : طيبة وعلى نياتها بس خوفها الزايد وخجلها مخرب عليها ..شيخة الشلة

ندى بنت فتوح : عكس بنت سامية ... اهي قائدة الشلة

ملاك : شخصية متقلبة المزاج بدقيقة تعصب وبالثانية تروق ماتعرف لها بر

مريم : أخت ملاك من ابوها . حساسة (زعولة ) وعنيدة بس قلبها طيب .

سارة ( صديقة التؤم أنوار + نورة )
العمر 13 سنة
طويلة وجسمها نحييف شعرها ناعم وطوييل ولونه بني فاتح
لون بشرتها بيضا معيونها بنية اللي يشوفها يقول مو عربية لأن اصول عايلتها تركية
فيها دلع بس ماوصل الى درجة التكبر

أنوار : العمر 13
قصيرة وجسمها نحييف
شعرها قصير لونه أسود وناعم لون عيونها بني غامق
لون بشرتها سمرا
طيبة وعلى نياتها لكنها جبانة بشكل مو طبيعي

نورة : نفس مواصفات تؤمها الجسدية بس شخصيتها تختلف عنها تماما


هذي كانت مواصفات بعض الشخصيات وفيه غيرهم راح نتعرف عليهم مع الاحداث :




_البارت الأول _

(قبل العاصفة )








نزلت من التاكسي بنت عشرينية بهيئة عجوز . تمشي على مهل . دخلت المستشفى (مستشفى ال...) اتجهت للمصعد الدور الثالث .غرفة 7 .عند السرير الخامس على اليمين .

كانت اختها نايمة وسلك المغذي وجهاز التنفس حواليها . جلست على طرف السرير وهي تتامل وجهها كيف صار ذبلان بعد ما كان مثل للحياة . نزلت دمعة من عينها وهي تتذكر الحدث اللي صار قبل 4 شهور وغير حياتهم .

(قبل 4 اشهر )

في احد مدن السعودية وفي بيت متواضع سكانه ميسورين الحال تعيش اول ابطالنا :

يوم الاثنين . الساعة 3 العصر . في الصالة .

أمل : يبه كلها كم ساعة بس ليش مو راضي . والله ما راح اتأخر

بو امل : وانتي عسى ما احد عزمك جيتي ركض . ترى ذي الجمعات ما منها فايدة وانا ابوك غير ضياع الوقت

أمل : الا منها فايدة . ذي الحفلة مسوينها حق وحدة من البنات لأنها بتكمل دراسه برا ويمكن ما نشوفها ثانية ...

بو امل : رسلوا لها في الجوال رسالة وداع وما له داعي للتجمع والسهر الى آخر الليل .

وفي نص الجدال دخلت ام امل عرض ..

ام امل :كم الساعة بتروحين ؟؟

امل : الساعة 9 وبرجع متى ما خلص الحفل
ام امل : يعني افهم من كلامك انك ما بتتعشين في البيت

امل : اي

أم أمل : اي ندى ندى بنت سامية ولا بنت فتوح ؟؟
أمل : بنت سامية . بس ليش السؤال ؟؟

أم أمل : زين أجل روحي والله معاك . سألت لأن وحدة منهم محاربتها ..

أمل : ليش مو الثنتين تعدينهم مثل خواتك !
أم أمل : مالش دخل خلاف بين حريم .لاتكثرين كلام لا اوقف في صف ابوك . وزين انها بنت ساميه ولا ما كان رضيت .
المهم لا تتأخرين عن س12 .
أمل : ان شاء الله

راحت امل لغرفتها علشان تتجهز للطلعة .
اما بو امل فكان مقهور من داخله من ام امل اللي كسرت كلمته ووقفت مع بنتها .. ما كان يحب بناته يطلعون من البيت بدون حاجة لأن في رايه البنات مكانهم البيت واذا كثروا الدوس
برا بيضيعون (دقه قديمة )

على الساعة 8:40
رن جوال امل .

أمل : الووو هلا سعودة

سعاد : اهلين امل . جاهزة ولا ؟؟

امل : ايه جاهزة .

سعاد : اجل يلا نزلي بسرعة السيارة عند الباب

أمل : قولي والله . موب قلتي لي بتجين تسع ؟؟

سعاد : بتنزلين ولا كيف .بسرعة ا بيعصب ابوي ..

امل : خلاص دقيقة البس عباتي وانزل .
سعاد : اوك ننتظرك

لبست امل عباتها ونزلت للصالة وشافت اهلها جالسين على السفرة يتعشون .

أمل : انا طالعة مع السلامة .

الكل : الله يسلمك

في السيارة :
اول ماركبت سلمت على الموجودين

أمل : السلام عليكم

سعاد + ابوها وعليكم السلام

أمل : عسى بس ما تأخرت عليكم السموحة عم سيف

ابو سعاد : لا والله تونا واصلين الحين .ولا تقولين عمي ترا ازعل انا ابوك الثاني

أمل : بسس يا عم انت تد... مامداها تكمل كلامها الا وسعاد تقاطعها . وانتوا كل مرة بننطلع تعيدون نفس السيناريو

خلاص تعبت ..يبه أنا بنتك فكر فيني ترا نار الغيرة بدت تحرقني . صج اهي بنتك بعد بس مو من لحمك ودمك من الرض.. هالمرة أمل قطعت على سعاد كلامها بس مو بالقول بالفعل

فتحت باب السيارة وعطتها ذيك النظرة اللي على طول فهمت معناها . (نظرة الزعلانة (-_-) )

سعاد : يلا يبه لا نتأخر..


:
:
:

في بيت ندى بنت سامية :


كانوا كل البنات حاضرات :


وصلوا أمل وسعاد ودقوا الباب ثم اسمعوا صوت وحدة من ورا الباب تتكلم بصوت خشن : دخلوا الباب مفتوح

دخلوا وقاموا يناظرون حواليهم باستغراب . المجلس فاضي وظلام ظلو واقفين موب مستوعبين الوضع اهم جاو مبكرين ولا مكان الحفل تغير . واهم في شرودهم الا شخص يضربهم من وراهم من وراهم بقوة ويصارخ وااااااء

أمل وسعاد : يمااااااا ركضوا صوب باب المجلس الثاني وتوهم بيطلعون الا الانوار تشتغل وشافوا البنات قدامهم بعدها استوعبوا انه مقلب

سعاد بصراخ : ياخايسات مين مفكر بذا المقلب وقفتوا قلبي حرام عليكم

أميرة : ههههههههههههههههههههه

نجمة : بعد مين غيرها الدبة اللي تضحك جدامكم .

فاطمة : ههههههه هذا عقاب لكم عشان ما تتأخرون مرة ثانية

ملاك : بزران الحمدلله والشكر لا تاخذون عليهم

ندى بنت فتوح :هههههههه ماعليكم من مليكة تبون الصج ولا تزعلون ترا كلنا متفقين عليكم

حياكم البيت الليلة كله لنا لأن أهل ندوي طالعين ومراح يجون الا الصباح ...

أمل + سعاد : خلاص احنا موب زعلانين بس لا تعيدونها .بس نبي رضوة

نجمة : افا عليكم بس انتوا دخلوا وبتشوفون اللي يرضيكم


دخلت سعادوأمل للبيت وهذي كانت أول مرة يشوفونه من الداخل . انبهروا من اللي شافوه الصالة بس كانت قمة الفخامة والروعة الجدار مغلف بورق أزرق سماوي علية زخارف ذهبية والارضية سيراميك ابيض محدد بالذهبي وبوسط الارضية قطعة فرش تركواز وكنب على شكل نصف دائرة لونه أزرق بس افتح من الفرش

وجنبها طاولة زجاج شفافة محددة بالذهبي وفوقها علبة مناديل زرقاء . أما السقف فكان حكاية ثانية كان ابيض وعليه زخارف زرقاء واضاءة صعيرة على الجوانب وفي الوسط ثريا كبيرة على شكل وردة جورية يتدلى منها لولو ابيض .

سعاد باعجاب وعيونها طالعة على الآخر : ماشاء الله اذا الصالة كذا كيف باقي البيت قمة بالذوق صراحة

أمل : نديوه مين اللي منسق صالتكم ؟ ابيه بكلمة راس

ندى بنت سامية : ماراح اقول

أمل : قولي وعن هالحركات البايخة

ندى : كم تعطيني ؟

امل : فكينا زين

ندى : لا لا موب قايلة سر

أمل : وبعدين معاك

ندى : خلاص بقول .. اللي مصمم الصالة



7
7

7
7
7
7
7
7
7

7
7
7
7
7
7
7
7
7
7
7

7
77

7
7
7
لحظة صمت :

7

7
7
77
7
77

7
77
سعاد : لاتقولين انتي

ندى : ايه انا

الكل انصدم وجلس يعبر بطريقته

أميرة : جذابة ومشلوعة عينش انتي تطلع منك هالحركات


ندى : صدقتي واللا ماصدقتي هذا شي راجع لك

مريم : وليش ماقلتي لنا من قبل عن موهبتك ذي هذا واحنا صديقات من
عمر خلاص انا زعلت

ندى : لا لا لا كلش ولا زعلك اسفة والله ماكنت اقصد اخبي عليكم بس ماجات مناسبة علشان اتكلم عنها


مريم ضربت ندى على ظهرها وهي تضحك : خخخخخخخخ امزح امزح وانتي على طول صدقتي اني زعلانة

ضحك الكل على ندى وكيف هي على نياتها وكل كلام تصدقه . بعدها انتقلوا لغرفة الطعام استعدادا للعشا


__________________________________________________ ________

في مكان اثاني بعيد عن اجواء الحفلة وسوالف البنات

كانت تمشي بالشارع بسرعة لأنهاببساطة تخاف تطلع بالليل لحالها خصوصا بوقت متأخر بس الليلة غير هي مضطرة

خلال عشر دقايق بالضبط وصلت عند حديقة كبيرة وفي وسطها بيت يشبه القصر في شكله وفخامته

وقفت عند باب البيت ودقت الجرس فتحت لها الشغالة .

موني : انتا مين يبي

أنوار : موني نادي لي مس سارة

موني : أوكيه

كلها لحظة الا وسارة عند الباب

أنوار : هلا سارة

سارة : أهلين نوري كيفك

أنوار وعيونها بالارض : الحمدلله بخير

سارة : لا والله منتي بخير . انا من قالت لي موني انك عند الباب وانا قلبي قارصني ولا كيف وحدةخوافة مثلك تطلع بنص الليل

خبريني ايش الموضوع ..

أنوار : والله ما ادري شقول لك الموضوع خطير وانا مالي بعد الله غيرك ..

سارة : وقفتي قلبي قولي اللي عندك واشوف اذا ممكن اساعدك او لا

أنوار : طيب بس خلينا ندخل للخيمة لأن الجو بارد

دخلوا للخيمة وبدت أنوار تقول سالفتها :

سارة : صدق حقير ما اتوقعت ابد انه فيه شخص يسوي كذا ...


أنوار : عاد أنا قررت أبات عندك ليلتين ليمن القى لي مكان استقر فيه

سارة : والله البيت بيتك بس ذا الاسبوع بابا موجود وماراح يرضا .. عذريني حبيبتي

أنوار : تكفين سارة كلميه حاولي تقنعيه ماعندي مكان اروح له

سارة : طيب . حبيبتي بس مااعتقد انه راح يصدق قصتك اصلا .لأنها ماتصير الا بالافلام والمسلسلات .

أنوار : كيف ! . يعني انام بالشارع

سارة : لا نوري .خلاص لقيتها . سمعيني زين . بقول لبابا انه امك وابوك كانوا طالعين للسوق وفي الطريق صار لهم حادث واهم الحين في المستشفى

بس اصابتهم بسيطة و راح يبقوا يومين او ثلاثة تحت الملاحظة وان شاء الله ماعليهم شر . ايش رايك ؟؟

أنوار : رأيي من رأيك . بس لو سأل عن اخواني ؟؟

سارة : لا تشيلين هم . انا راح اتصرف . اعتمدي علي .

انوار : طيب

سارة : عمري النور انا رايحه الحين . ماراح اتأخر

انوار : انا انتظرك

.......................
نرجع لأمل ورفيقاتها :

بعد العشا :
انقسموا البنات لفرق .
نجمة مشت بعد العشا لأنه زوجها عنده شغل بكرا ومافيه الا هو يرجعها
ندى بنت فتوح وملاك في المجلس يرتبونه وينظفونه من بعد حوسة العشا

سعاد وفاطمة بالمطبخ يحضرون الحلا والشاي والقهوة

و مريم تغسل المواعين


اما أمل واميرةفكانوا جالسين بالصالة مع ندى بنت سامية

اميرة : مو كأن البنات طولوا !

ندى بنت سامية : لا يتراوالك مااخذوا حتى نص ساعة

امل وهي واقفة: طيب انا رايحة اساعدهم علشان نستغل الوقت
تآمرين على شيء ندوي ؟؟

ندى : لا سلامتك
أميرة : هييه أموول أقول جلسي مكانك احسن لك
وبعدين مو اتفقنا انه احنا الثنين نجلس مع ندى ؟؟

أمل : ايه صح بس انا من رايي اني اشوف انه وحدة منا تكفي وانتي انسب من يقوم بهذي المهمة
عن اذنكم .(سكرت الباب )

أميرة : طيب خلاص .روحي انقلعي ههههههههههههههه

نديوه شرايك نلعب عن الزهق ؟

ندى بنت سامية : ايش نلعب وبيتنا مافيه العاب

أميرة : انتظرني دقيقة

طلعت اميرة من الصالة ورجعت ومعها شنطة سودا كبيرة
وفتحتها قدام ندى اللي فتحت عينها وفمها على الأخر من الصدمة

كانت الشنطة مليااانة ( العاااااااب )
مونوبولي . لودو . اونو ... وغيرهم
أميرة : يلا اختاري اللعبة اللي تبينها ...

ندى : طيب

ظلت ندى محتارة فترة وبالأخير اختارت لودو .
حطوا اللوح بالارض ورتبوا الالوان .
ندى أزرق وأميرة أصفر وتوهم يبتدون اللعب الا جاو البنات .

سعاد : الحلوين شيسوون ؟

اميرة :هههههه قاعدين يلعبون
فاطمة : الله لودو من زمان عنها

مريم : كحكحكحكح اميروه ونديووه طلعتوا لنا غبار من يلعب ذي الالعاب هالايام

اميرة : اقول مريص طسي مناك وبعدين مين قال انك بتلعبين معانا ويييييو

كان عند ندى بنت سامية تعليق على كلام مريم لكن ...
رد اميرة كان اكثر من كافي بانه يخلي مريم تبعد من المجلس بصمت

أمل : بنات اشفيكم جالسين هنا تعالوا المجلس

وفي المجلس بدأوا البنات جلسة الشاي باللعب وكانوا مبسوطين انهم كسروا الروتين واسترجعوا
ايام الطفولة . عدا مريم اللي حز بخاطرها كلام اميرة ومارضت تلعب مع انهي عارفة انه مزح .

مر الوقت بسرعة بين اللعب والسوالف
طاحت عين امل على الساعة المعلقة بجدار المجلس
صرخت ووقفت : لاااا مستحيل الحين الساعة 12 ولا احد تكلم .
انا معنمدة عليك يا سعاد ليش ماكلمتي ابوك للحين ؟؟؟
ايش بقول حق امي وابوي ؟؟؟

سعاد : اموول حبيبتي لانحاتين ماراح يصير الا الخير . ترا احنا مو متعمدين اخذتنا السوالف
وغير كذا احنا من زمان ما اجتمعنا وجلسنا مع بعض . بتصل على ابوي الحين ومايصير خاطرك الا طيب .

(الاتصال )

سعاد : هلا بابا

ابو سعاد : اهلين يا بنتي خلصت الحفلة . تبوني امركم الحين
سعاد : ايه بابا يعطيك العافية ياليت تمرنا الحين ولا تتاخر

ابو سعاد : طيب سعوده كلها نص ساعة وانا عندكم
عندي شغلة اخلصها واجيكم مع السلامة

سعاد : الله يسلمك بابا باي .

سعاد : بيجي بابا بعد نص ساعة
امل : يوووه
ندى بنت فتوح : جلسوا بعد ساعة
ايش عنكم في البيت ذا الوقت غير الملل والطفش
امل : انا وعدت اهلي اني مااتأخر .والحين خالفت الوعد. وابوي كان اقناعه صعب
(الله يستر بس )
ملاك : ذكري الله يا امل ولا تحاتين واذا رجعتي البيت اعتذري من ابوك واخذي بخاطره واكيد انى بيرضى عليك
لا تكبرين الموضوع .

أمل : ونعم بالله


مرت النص ساعة بسرعة وكأنها ثواني

ودعت أمل صديقاتها وركبوا السيارة
في السيارة
كان الهدوء سيد الموقف .

سعاد نعسانة وبكل دقيقة تتثاوب

أما أمل فكانت تتأمل الطريق من النافذة وهي سرحانة بافكارها


بعد 10 دقايق :
وصلوا الحارة اللي فيها بيت أمل شافوها بحالة فوضى

رجال خارجة من بيتها وسيارات أمن مقفلة الطريق

ابو سعاد وهو في حالة ذهول سأل احد رجال الأمن :

عفوا حضرة الضابط ممكن اعرف ايش صار هنا ؟؟

الضابط : والله شقول لك يا اخي اللي صار بهذي المنطقة هي جريمة اخلال بالأمن العام أول مرة تصير بالمنطقة والمجرم هرب -

والى الآن احنا بصدد التحقيق في القضية

حتى نلقى دليل يوصلنا للمجرم .

ابو سعاد :

طيب ممكن تخلونا نمر . بنت اخوي بيتها اهنا >>> قال بنت اخوه لأبعاد الشبهة

الضابط :

تفضلوا

كملوا طريقهم والضابط وراهم وعند البيت كانت الصدمة

أمل ضرخت بأعلى صوتها :
لا لا لا آآآآآآآآآآآآآآآآ





























نهاية البارت :


ايش توقاتكم للبارت الجاي ؟؟
[/b][/b][/b]
[/SIZE][/SIZE][/SIZE]

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 04-11-2018, 06:14 AM
fans brooq fans brooq غير متصل
©؛°¨غرامي مشارك¨°؛©
 
الافتراضي رد: ولو قست الدنيا يبقى في قلبي أمل ... بقلمي ...


السلام عليكم ورحمة الله وبركاته
هلا وغلااا عمري
كيفك.. عسى تكوني بخير حياتي
انا حياتي شدتني اسم الرواية والله لما شفت قلت خليني ادخل واقرأ ...... من ندمت والله لما قريتها... عجبتني الرواية من أوله لأنه أحب الرواية يكون بين صديقات ويكون درامي احبهم
توقعاتي ..... لسا م فهمت الرواية كثير .... مع انو يفهم والله بس يبغاله بارتات كثيرة عشان يدخل للعقل ...حبيت كثيير الشخصيات صديقات أمل.. واتوقع مع انو اتمنى انو م يكون نفسه انو يمكن يكون أهل أمل صارلهم شيء لا سمح الله او ماتوا ويمكن بعدين أهل سعاد يبغوا يهتموا فيها بس أمل م تتقبل هذه الشيء ويتركهم ويبني نفسه بنفسه وبس والله
للكاتبة: جزاكي الله الف خير حياتي ابدعتي بأول رواية لكي ي عمري كثيييير حبيت روايتك واتمنى انك تكمليها
الله يسعدك ويرزقك اضعاف اضعاف سعادة ويحميكي ويحفظك من كل شر ي عمري
روايتك تجننن يسلم أناملك ي بعد عمري بلييبز لا توقفي وكمليها حياتي ابدعتي بمعنى الكلمة والله و عندي كلام أقولها لك ي بعد عمري بعد الإبداع اللي سويتيه بأول رواية لك حياتي
منتظرة احررررر من الجمر
منتظرة جديدك حياتي
ياريت لو تحددي الموعد ي عمري
وشكككككككككررررررررا لبارت حلووو
اتقبلي مروري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 05-11-2018, 01:36 AM
صورة روح طفلة. الرمزية
روح طفلة. روح طفلة. غير متصل
©؛°¨غرامي جديد¨°؛©
 
الافتراضي رد: ولو قست الدنيا يبقى في قلبي أمل ... بقلمي ...


اقتباس:
المشاركة الأساسية كتبها fans brooq مشاهدة المشاركة
السلام عليكم ورحمة الله وبركاته
هلا وغلااا عمري
كيفك.. عسى تكوني بخير حياتي
انا حياتي شدتني اسم الرواية والله لما شفت قلت خليني ادخل واقرأ ...... من ندمت والله لما قريتها... عجبتني الرواية من أوله لأنه أحب الرواية يكون بين صديقات ويكون درامي احبهم
توقعاتي ..... لسا م فهمت الرواية كثير .... مع انو يفهم والله بس يبغاله بارتات كثيرة عشان يدخل للعقل ...حبيت كثيير الشخصيات صديقات أمل.. واتوقع مع انو اتمنى انو م يكون نفسه انو يمكن يكون أهل أمل صارلهم شيء لا سمح الله او ماتوا ويمكن بعدين أهل سعاد يبغوا يهتموا فيها بس أمل م تتقبل هذه الشيء ويتركهم ويبني نفسه بنفسه وبس والله
للكاتبة: جزاكي الله الف خير حياتي ابدعتي بأول رواية لكي ي عمري كثيييير حبيت روايتك واتمنى انك تكمليها
الله يسعدك ويرزقك اضعاف اضعاف سعادة ويحميكي ويحفظك من كل شر ي عمري
روايتك تجننن يسلم أناملك ي بعد عمري بلييبز لا توقفي وكمليها حياتي ابدعتي بمعنى الكلمة والله و عندي كلام أقولها لك ي بعد عمري بعد الإبداع اللي سويتيه بأول رواية لك حياتي
منتظرة احررررر من الجمر
منتظرة جديدك حياتي
ياريت لو تحددي الموعد ي عمري
وشكككككككككررررررررا لبارت حلووو
اتقبلي مروري

هلا وغلا

fans brooq

شكر من القلب لتشجيعك وتحفيزك لي

بهذه العبارات البسيطة
جد جد رفعتي من معنوياتي
بعد ماكانت متحطمه من عدد المشاهدات على موضوعي بدون اي رد

اما بالنسبة لموعد نزول البارتات

لسى مابعد احدده بس
راح يكون بارت واحد بالأسبوع


تحياتي لك

نورتي موضوعي

الرد باقتباس
إضافة رد

ولو قست الدنيا يبقى في قلبي أمل / بقلمي

الوسوم
الدنيا , بقلمي , يبقى , قلبي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
المنتقى النفيس من كتاب (حلية الأولياء ، وطبقات الأصفياء) (3) حُـــور مواضيع إسلامية - فقه - عقيدة 2 30-06-2018 05:58 PM
المنتقى النفيس من كتاب (حلية الأولياء ، وطبقات الأصفياء) (2) حُـــور مواضيع إسلامية - فقه - عقيدة 1 27-06-2018 08:32 PM
المنتقى النفيس من كتاب (حلية الأولياء ، وطبقات الأصفياء) (1) حُـــور مواضيع إسلامية - فقه - عقيدة 2 22-06-2018 07:58 PM
مزايا حافظ القرآن في الدنيا والآخرة مَلاك الرّوح مواضيع إسلامية - فقه - عقيدة 14 11-05-2018 05:42 PM
انها الجنة Baylisan7 مواضيع إسلامية - فقه - عقيدة 7 27-03-2016 10:48 AM

الساعة الآن +3: 07:51 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1