غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 01-12-2018, 10:39 AM
صورة جيـــان الرمزية
جيـــان جيـــان غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي


السلام عليكم اتمنى منكم تعذروني اختباراتي بدأت وتخصصي صعبب دعواتكم انجح بكل المواد واكيييد راح انششغل الي ابيه منكم تنتظروني وتقبلون عذري وتبقون معي للآخر وباذن الواحد الاحد ماراح اترك الروايه الا اذا قلت لكم تــمـت بحمدالله واذا سمحت لي الفرصه والوقت راح اكتب وانزل
احبكم


تعديل جيـــان; بتاريخ 01-12-2018 الساعة 10:59 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 01-12-2018, 10:58 AM
صورة جيـــان الرمزية
جيـــان جيـــان غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي


اقتباس:
المشاركة الأساسية كتبها fans brooq مشاهدة المشاركة
هلا حياتي
كيفك .... انشالله تكونين بخير حياتي
وينك حياتي طفولتي الغيبة علينا عمري
عسى المانع خير حياتي
اشتقنالك والله
عمررري والله حصلت لي ظروف عائليه ودراسه
راح اكمل ياقلبي ومجرد ماافضى راح اكتب 💗💗

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 09-12-2018, 10:18 PM
صورة جيـــان الرمزية
جيـــان جيـــان غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي






بــســم الله الـرحـمـن الــرحــيــم

اســعـد الله اوقاتكم بكل خييير

كيفكم وكيف الاختبارات معاكم

ان شاء الله تمااام وفُل مارك وعلامات

ترفع الراس المهم مااطول عليكم

اشششتقت لكم وربي واشتقت للكتابه



الـــبـــارت اهـــداء لــلــجــمــيـع



وخـــاص لـ متابعيني الاولين الي كانوا

معي من ايـــام روايتي الاولى

حــب عــظــيــم لـكــم واتمنى

يكون بنضركم ببارت طويييل

وينال على اعجابكم



قــٰراءة ممتعه عزيزاتي




البــــارت الــسـادس





جــــــيـــــهــــان






صــــحــت الــســاعــه 6 مـــساءاً

توجهت لـ الحمام تروشت وتوضت

خرجت من الحمام وهي تحس بصداع

قوي ضرب راسها عرفت سببه والسبب

انها نامتت وهي تبكي فرشت سجادتها

وصلت الصلوات الي فاتتها المغرب

والعشاء انتهت من الصلاه قرت

اذكارها ترددت تنزل عند اهلها ولا لا

اليــوم صار على خطوبتها من مشاري

شهرين بالضبطط وقبل شوي اتخذت

هي وخبرت صديقاتها بقرارها انها تدوس على قلبها

وتقتل مشاعرها و تعلنن

موافقتها بالزواج من ولد عمهااا" مــشــاري"

لكن بهاللحظه ترددت كثثثيييررر وتراجعت

عن اتخاذ قرارها عاشت بحيييره وقهررر الحيره

تقتل وتقققهررر صار شهرين والــولــد ينتظر

غمضت عيونها بقوه ودقات قلبها تتسارع تنزل

وتقول موافقتها ولا تسحب على الموضوع

او تتتترررفضضض دمعتتت عيونهااا بقهررر

من رنـــا الي ضاربه فيها بعرض الحائط

جلست بسريها بضعف وهي تتذكر حماااس

رنــا وسوالفها عن ســــامـــي وكيف كان متعلق

فيها همسسست بقهررر: ليتني ماتعرفت عليك

يارنــا وليتني ماعرفت الساعه الي ركبت فيها معك

تذكرت اول ماعرفت ســـامـــي والــمــوقــف الي

صــار بالسياررره!!!








فــلاش بــاك



""






ســـامي: الوووو رناااا

رنـــا: هلاااا ويييينك

ســـامي: بالمواقف انتظرك

رنـــا : سامي اسمع معي صاحبتي بترجع معي

ســـامي: ياليلل سواق انا عندكم

رنـــا : اششش اعتبرها ضيفه عندنا

ســـامي بملل: ووين اهلللهاا ولا وين لايكون الحي حقهم بعيييد!!

رنـــا تناظر بجيهان الي تكلم اهلها تستأذن منهم

تطلع مع رنا لان سايقها حصل عنده ظرف واخوانها

بدواماتهم اضطرت تخرج مع اخو رنـــا

وبهمس: سامي لاتفشلني معها امسسسك لسانك

عندها اهللل واخوانها بدواماتهم وسايقها حصل له ظرف

ســـامي: اقول لايكثر ويالله اطلعي انتظرك
قفل الخط

عدل جلسته رمى السيجاره وفتح شبابيك سيارته

رشش من عطررره الثقيييل عدل الكاب الي على

راسه ثواني وطلعوا رنــــــا وجــــيــهــان توجههوا

لـسـيـارة الــبــنــتــلي البييضاء ركبت رنـــا قــدام

ولــ حسن حظ جــيــهــان ركبت وراه مباشره لان

السياره موقفه وبااتجاه مايسمح لجيهان انها تروح

مع الباب الثاني ركبت ولانطقت بحرف استنشقت

ريحة العطر الرجالي الثقيل المختلط بريحة

السجاير عضت على شفتها تعشششق العطورات

الثقيله وتعشششق رائحه السجاير اما ســامي

ناظر لها بالمرايا ولما رفعت جيهان نظرها لقدام

وناظرت بالمرآيا نزل سامي نظره وحرك السياره

بهدوء كان الصمت سيد الموقف طلع من حـــرم

الـجــامعة

وبداخله يقول : يــاولــد وش ذا العيون!

زاد من سرعة والسياره والكل هدووء لحد مانطقت

رنـــا وهي تنزل جوالها وتناظره

: ماعرفت سمسمه عاقل؟!

ســامي عض على شفته بفشله وجيــهـان كاتمه

ضحكتها من دلع رنــا سمسمه ! رجال بطول

وعرض يسمى سمسمه !!رفعت نظرها للمرآيا

وحصلته يناظر فيها وسرعان مانزل نظره خجلت

جيهان وصدت نظرها للشباك وهي تلعن نفسها

كيف ترفع نظرهاا للقدام

رنا عقدت حواجبها بااستغراب : حركات سمسمه

يعرف يصير رسمي وبعدين غريبه ماهاوشتني على

كلمة سمسمه !!

سامي ببحه: مخاطبة الجاهل منقصه لـلقدر!

رنـــا : مو لايق لك رسمي وتعطي احكام اترك هالحركات عنك

وفل ام امها ونكت وضحكني وشغل الاغاني

الاجنبيه وارقص عليها علامك مكشششر! لفت لــ

جيهان : ترا اخـــوي ونــيــس بس داقها ثقل لـ

خاطرك!

جيهان مانطقت ولاحرف

سامي طنش رنا الي تهذر وبرسميه يخاطب جيهان

: بيتكم ويــن !!

ناظرت فيه وابتسمت رنا ولفت لجيهان

: اوصفي له مكان بيتكم

جيهان عضت شفايفها بفشششله وش تقول له

بيتنا بــ الخُــبــر !! مشوار ســاعه وعليها ولا زحمة

الدوامات والاشارات الكثيره

وبـهـمـس : بــ الــخُــبــر حــي الـعـزيـزيه !!

رفع حاجبه وهز راسه

رنــا ضربت على راسها : ااوووه كيييف ماقلت لك

ذي بنت امنه الســالم صاحبة امـــي !! جيرانا

سابقاً بــنــت خالـــد الــمــحمــد اكيييد تعرفههم

سامي تذكرهم ومجرد ذكر اسم ابوها وامها عرفهم

لانها جيرانهم قبل خــمــس سـنـوات

: ايييه اعرفهم نعّم الجيران لكن من زمان

عن العزيزيه ناسي مكان بيتهم!!

جـيهان : قصدك مكان بيتنا الأول ؟!

رنــا : اييييييه سامي خبرك قددديم غيروا بيتهم

والحي ذاك صار مجرد ذكريات ياســامي

انت روح للعزيزيه وهي توصف لك بيتهم

ســامي هز راسه بمعنى اوك تنهد تنهيده عميقه

وبشوق : واحشتني الــخُــبر!!

رنــا وهي على جوالها

: شقصدك؟! الا قول الحمدلله ابتعدنا عن

الخُبر ومشاكل قرايبنا

ســـامي يسترق النظرات لجيهان الي تناظر

بالطريق : لاتنسين ان 15 سنه من عمرك فيها

يحن الشخص لمكان عاش فيه اطول سنين حياته

صحيح ناسي بعض شوارعها والحواري وقــلــيـل انزل لها

ولكن مايمر يوم الا الحنييييين والششششوق لهاا

يقتتتللل الـــخُـــبـــر تعني لي الــكــثــيــر حسبي

الله على المـشـاكل الي حرمتنا منهاا!!

جيهان تقطع قلبها على ســـامي والواضح انه يحب

الخُبر !! كانت تسمع له ولكن تناظر بالشباك

ومارفعت نظرها لـ قدددام

رنـــا تغير الموضوع الي ضايقهم

: ســامــي

سامي خفف السرعه لان وقفوا عند اشــارة ضوئيه

لف لها : هلاا

رنـــا بـــرجــا : نبغى قــهــوة ؟!

سامي رفع حاجبه بطريقه جذابه: تــبغــون؟!!

رنــا وهي تضحك لفت على جيهان

: جــيهان تبغى بــعد !!

جـــيــهان لفت وهي تتوعد بــ رنـــا الي فشلتها

وهي وضعية المزهريه بالسياره همست بقهر

: لااااا ماابغى

رنا ترفع تحرك حواجبها بحكم انها محجبه بعكس جيهان المنقبه

: الا تبغى وانا ابغى واقرب فررع ستار بوكس وقف عنده

جيهان ماتقدر تتكلم حست انها ولعت من الخجل

اول مررره تركبببب مع غررريييببب ورنـــا الوضع

عادي عندها ماراعت شعور جيهان واول مره تركب

مع اخوها !! ســــامي حرك لحظه ماتولعت الاشاره

باللون الاخضضر ناظر بالمرآيا وطاحت نظراتهم

ببعض ونطق سامي بـ ابتسامه

: لــعــيــونــك مانقول لاااا

نزلت جيهان نظرها وهي تصد للشباك وترجف

بشكل ملحححوووظ

مننننن كااان يقصصصصصده؟؟! كاااان يخاطبهااا

ماكاننن يقصصد اختتتته ياربي رحمتتتتك واضح

قليل ادب حسبي الله على حظي الي ركبت معه

لعنتتت نفسها كيف ركبببت صارت ترجف

اما رنــا الي كانت مشغوله بجوالها وتوقعت الكلام

موجهه لهاا : تسسسسلم عيونك سمسومه

بعد مرور وقت نزل يجيب لهم القهوه

: بجيب لكم على ذذذوووقي وابصم انه

بيعجبكم هاااا عاااادد الي مااعجبه اعتبره

عددييييم ذذذوق مع احتتتررامي!

كان يتكلم بـ اسلوب ظريف ونظرات جيهان الي

لاشعورياً صارت تتأمله بملامحه الوسييمه

تذكرت حركات خالها مــحــمــد

خمنت انه بعمر خالها محمد بعوارضه

الكثيفه والمرتبه بكابه الاسود من ماركة نــــايــك

وكان مقلوب وباينه حواجبه العريييضه وانفه

المستقييييم بسماااره الجذاب اول مررره

تيقن باان اللون البرونزي ييذذذذبببححح استوعبت

الي يصير وصدددت وشافته ينزل رجف

قلبهااا ماتدري وش الي يصييير كانت رنـــا تسولف

لها وهي مو معها ابدددد كانت تسترجعع حركته

بالمرآيا وكلمته " لــعيــونك مااقول لااا "

مرت قرابة العشششر دقايق رجع ومعه اكواب

القهوة حرك السياره ورنــــا نزلتتت وجلسست

مع جيييهان وررراء وصاروا يسولفون بصوت

واطي وســامي شغل على اغنيه اجنبيه واخفض

على الصوووت بعد ماقالت له رنا

وصلت للبيت وتفكيرها محصور

بـ ســامي !! بعدها بفتره نست الي صار ونست

شي اسمه سامي لكن رنـــا اشتغلت وعلقتهم ببعض

صارت تسولف لها عنه واغلب يومهم عن ســامي

حتى اعترفت رنــــا لــ جيهااان

جيييهان وش رايك نوصلك اليوم؟!

جيهان عقدت حواجبها: خييير وسواقي شوضعه؟!

رنـــا : انا يوم واحد بالاسبوع ياخذني سامي فيه

والايام الباقيه السايق حقي بس يعني للامانه عشان خاطر ســـامي !!

جيييهان : سلامات وسامي شدخل خاطره فيني؟!

رنـــا بيأس : معقوله جيهااان كل هالتلميحات

وماافهمتي ؟؟ صار شهررر المح لك لكن انتي جدار
ماتفهمييين!!

جيهان بعدم فهم: وش الي افهمه ؟؟؟!!!!

رنـــا : احممم ســـامي

جيهان عقدت حواجبها: وش فيه؟؟!

رنـــا بدون مقدمات : يـــحـــبــك!!

صدددددممممممه اخيييراً نطقت

: تسسسستهبلييييين؟!!!!

رنــــا : وهالشي يستهبببببل فيه؟؟!

جيهااان ناظرتها نظرره قويه حقرت رنا نفسها

وراحتت وتركت رنا واقفه بمكانها

رنـــا ماتوقعت جيييهان بتززعل فكررت انها بتنبسط

وتفرررح لكن نظرة جيهان لها وتركهاا لها اوجعها

ماتوقعت ولا واحد بالميه بتكون ردت فعها كذذا

ندددمتتت انها استعجلللتتت وقاللتتتت لهااا

لبست عبايتها وطلعت مع سااامي الي كااان كاشخ

ومتوقع ان جيييهااان بتجي معه لكنه تحطم لما

قالت له رنـــا انها رفضضضضت تركببب

بعدد فتررره رنـــا صارت تقترب من جيهان الي

تتحاشاها وتحتول تعتذر لها
وبشكل اوضح جيهان اذا شافت رنا ترتبك

وتتوتر وينبض قلبها بقوه صارت تخاف من رناا

تفتح موضوع سامي مررره ثانيه صحيح تعلقت

بسامي لكن جالسه بصرراع مع نفسها تجاهلت

جيهان شعورها وحاولت تتقلبب على ربكتها

وصارت تسولف مع رنــــا بشكل طبيعي

وبزلت لسان من جيهان ودليل انها اغلب الوقت

تفكر فيه كانت بتقول بطلع مع نواف بالغلطط

قالت بطلع مع سامي وحطت نفسها بموقف تافهه

ضحكت رنـــا وهي

تقول : يــ الي ماخذ عقلك؟!

جيهاان ضحكت بفششله : لا وربيييي !!

رنــــا: كذذذذابه كذذذذابببه لاتحلفييين

جيهان خجلت وانكشششف كل شي غطت وججهها : خلاصصصص !!

رنـــا ضحكت من اعماق قلبهاا وشعور السعاده

انولد فيها تحببب اخوهاا وتحب جيييهان وحست

انهم لايقين لبعضض دعت من قلبها يكونون لبعض

"














مسـحتتتت دمعتها الي انسابت على خدددهاا من

الذكريات الموجعه! فتحت جوالها وهي تكتم

شهقاتهاا لييييه يارنــــا

ليييه تغيرتي علييي لييييه سحبتوا علييي ليييييه

لما جاء وقت الجـــــد تركتونييي لييييه وربي

احبببببه وربي تعالي شوفيني يارنااا شوفي حالي

الي مايسر العدووو

شوفي كيييف اتعذب وانضغط من كل جهه
وانتي بكل برود

ساحبه علي!! حسبي الله ونعم الوكييييل حسسست

بقهررر يتولد داخلها من عمهااا ومن امهاااا ومن

ولد عمهااا ومن اخوانهااا الي ضاغطيييين عليها

سمعت اصوووات بالصاله غريبه بالعاده اهلي

مايجلسون هنا قربت من الباب سمعتت اصوات

نقاش عااااليي وميزت صوت اخوانها سططام

ونوااف وامهااا واختهااا !! مسحت على انفها

الي لونه احمر من كثر مابكت همست بحرررقه

: يارررربببب ساعدنييي


اهلي انجنوا كيف يزوجوني لـ ولدد عدوتتي الي

تتمنى موتي وتتمنى مرضي وتتمنى اني طريحه

فررراشش اهلي وش صابهم

ليييه هم كذذذا لييه يحبون يرمونا على الي يكرهونا

الله يسامحك يايمه كانك برفضي الاول وقت

مارفضته اخواني وخواتي وابوي يقولون من حقك

القرار الاول والاخير لك انتي الي بتتزوجين وزوينه

كريهه والكل يكرههاا قربها ينعااااف وبدا شغلك

يايمه وغسلتي عقول اخواني وابوي لحد ماقالوا ذي

تتدلع مسكت مكان قلبها وضغطت عليه بقوه

: داييييم انتي كذا يـــايـــمــه دايييم تقهرررين

القلب داييييم تلعبين بمشاعر غيركك

سمعتتت نقاششش حاد وصووت ســطــام العالي

: ترا تماديتوا معها فششلتونا مع الرجال شهررين

ينتظر في راسسسسها احددد؟؟

لايكون عاشقه من ورانا !!! حرررام بالله ان حركتها

ذي ورفضها المستمر للخطاطيب ان في بالهاا

احـــد! ووصلي الكلام لها ان رفضت مــشـــاري

تراها بتعنس علامهااا ترفضض بيقولون الجماعه

فيها الردى ! وليييه ترفضضض؟!

عضضضت على شفايفها لحد ماحست بالدم

يتجمع بشفايفها شهقت وكتمت شهقتها دخلت

الحمام واستتفرررغت الي ببطنها ومافي بطنها الا

المووويه مسحت فمها بمنديل وخرجتتت سمعت

صوت طرق الباب ودخلت شـــوق اختهاا وقفلت

الباب

وناظرت فيهااا: تبببكيييين؟!!؟

جيييهان : مااابيه مايفهمون ؟!

نزلت راسها شوق بحزن على اختها الي مادرت وش

متفقه امها عليها

شوق بهمس : الله يكتتتب لك الخيييره !!

جيهان بتعب : تعبت ياشوق تعبتتت

شوق: جيهان القرار قرارك وهالموضوع انا صحيح

تدخلت فيييه و قلت لك وافقي والولد واضح

يحبك بس انا بقول لك من ذا اللحظه انا مالي اي

علاقه ولا لي دخل واسفه اذا بيوم ضغطت عليك

وقلت لك وافقي لان بالنهايه الي بيتزوج انتي مو

هــــم!! انا مستغربه من امي متمسكه فييييه

بقوه!! وتحاول تجبببرك علييييه!!

غريبه اتذكر امي لما خطبك سعد وخطبك حمدان

ماكانت كذا و مجرد ماقلتي "مـــو مــوافقه " قالت

خيره وكانها جات من الله تبي تقلعهم وردت لهم

خبر رفضك مسسستغربهه وهي الي كانت تسب

فوق زيـــــنــه وعــيــال زيـــــنــه متى جات المحبه

وملزمه الا بالغصب توافقين عليه !!

جييهان وصوتها مكتوم: مدري مدري حتى انا

مستغربه لو نفترض انه صاحب منصب او مكانه

عاليه بالمجتمع او وريييثث لعايلته نقدر نقول امي

تحاول فيني لــمــصــلــحه لكن مششاري رجل

عادي وعادي جـــداً !!

ضحكت شوق بااستهزاء: ههه وامي بيوم من الايام

فكرت مجرد تفكير بمصلحتنا ؟؟!!!

جييهان وهي تعض اصابعها من التوتر : مدري ليه

تـــكـــرهـ بــــنـــاتــها !!

شــوق : الله يهديها اتوقع السبب صاحبتها ام

الهنوف !! مالاحظتي؟!

جيهان : شمصلحتها ام الهنوف اذا خربت العلاقه

بينا وبين امي ؟!

شـــوق : مدري بس دايم اذا جات منها تقوم قيامتها علينا حسبي الله على من كان هو السبب!!

سمعوا صوت امهم تنادي على جيييهان

شـــوق: جيهااان غسلي وجههك وانزلي امي تنادي عليك

هزت راسها ودخلت تغسل وججهها

خرجت وهي تنشف وجهها بالمنديل

ناظرت بالغرفه بتكلم شــوق لكن شوق

خرجت بعد ماقفلت الباب

اخذت جوالها وشبكته على الشاحن

ماتدري كيف دخلت على البوم الصور

واوجعها قلبها وهي تناظر بالصوره !!

همست : مااستاهلك وربي مااستاهلك

لكن والله مــو بيييدي والله موووو بيددي كل الي صار غصب عني

"مادرت جيهان عن الي الي مخبى عنها لو درررت

عنه عذررت رنـــا على قطع علاقتهاا فيها

ولـــ بكت جيهان دموع من الدم

على حالها هي وحـــال ســـامي!! "




الصوره الي اوجعت قلب جيهان كانت عباره عن صوره مرسلتها لها رنـــا

ســـامي بسيارته وماسك بيده كوب كـــوفي

مخطوط عليه باللون الاسود حرف j بخط كبير

وكاتب على الصوره


" يــ أم أجمل عيون حبها قلبي. "





نزلت جوالها بضيق وتوجهت للتسريحه

رتبت شعرها وربطته مسحت ع شفايفها بــ قلوس

رشت من عطرها المفضل وناظرت بشكلها كان

واضح عليها الحزن والهم وجهها الي كان منور

بسبب ضحكتها الدايمه وابتسامتها الي ماتفارق

شفايفها كانت ذابله ونظرتها كسيره لو تبتسم

يوضح وراء هالابتسامه هــمــوم واحزززان عيونننها

البنيه تحكي وتحكي لو تضحك وتحاول تفرح واضح

عليها الضيييق مسحت على وجهها كانت نحفانه

تنهدت بضيق وهي تندب حظها تعرف البنات وقت

خطوبتهم يعيشون بفرح وسعاده وهي كل

خطوباتها هــم بــ هــم يمكن لو كان ســامي الي

خاطبها يمكن بتكون بسعاده كباقي البنات الي

يتمنون هاللحظه يمكن تدخلات الاهل وضغطهم على

بناتهم والتحكم بمشاعرهم هو السبب الرئيس في

عدم فرحة البنت وبخصوص اذا كانت البنت كارهه

الخطيب من افعال اهله وبلحظه تنجبر عليه!

شعور صعب تنهدم احلام البنت بفارس احلامها الي

كانت من الصغر تحلم فيييه الله لايوريكم بشاعة هالشعور !

اخذت اللوشن ورطبت يدينها
ناظرت نظره اخيراً بشكلها
معالم وجهها باين عليه الحزن العتيق







توك صغيره وابتديتي تحبين
من علمك ليل السهر ياصغيره ؟

بدري عليك العشق يابنت هاللحين
حرام هذا القلب وشهو مصيره ؟

انتي بريئه في الهوا ليه تشقين ؟
دروبه طوال ٍ عليك وعسيره

رحتي بدرب ٍ ماله اصلا ً عناوين
وانتي مشاويرك من اول قصيره

ياطفلة ٍ حبّت وراحت على وين ؟
عقب الهنا ذقتي الحياه المريره

وينك ووين الحب والشوق والبين ؟
عنّيتي عيونك وصرتي سهيره











مازالت النقاشات الحاده مستمره ازعاج بالصاله

واصوات اخوانها وامها حست بكتمه قبل لاتخرج

ماتدري كيف دارت وقررت تصلي اخر صــلاه

استخاره توضت وبدت تصلي بكل خشششوع

انهارت بدموعها ترتجي من ربها الخيييره والتوفيق

انتهت من صلاتها وماكان لها نفس تطلع بوجود

اخوانها لكن تشجعت وفتحت الباب مشت

بخطوات كان فيه ممر قصير وبعدها ينفتح على

صاله واسعه تتوسطها طاوله كبيره بشكل مربع

فيهاا قهوه وشاي وشوكلت وكنبات على جهتين

باللون العنابي نواف جالس على الكنبه المفرده

بينما سطام وام نــواف جالسين بكنبه واسعه

وبـــدور اختها جالسه بنهايه الجلسه بكنبه واسعه

وبحضنها ولدها الي كان يرضع رضاعه

بهدوء دخلت
: السلام عليكم توجهت للكنبه وجلست جنب بـــدور اختها

الــكل رد السلام

نــواف كان عنده كلام بيقوله لها بس اجله لـ وقت

ثاني سطام من النوع العصبي وبسرعه ينفجر

وطلباته اوامر قاسي وفيه جلااافه كان بيتكلم

وينفحر عليها ويصرخ بس مجرد ماناظرها واضح

عليها الحزن ونظرتها تكسسر العدو التزم الصمت

ام نـــواف ناظرت بـ جيهان
: اخيراً شفناااك!!

جيهان لا رد ونفسيتها بالحظيظ

نـــواف حس بجلافة امه
: بعذرها الجامعه تششغل !

جيهان مالها نفس تتكلم ولا حتى تتجامل بس

حاسه براحه سكنت قلبها بعد ماصلت الاستخاره

وهذي مو اول صلاه تصليها لكن هالصلاه ريحتها

حيل بس ماحبت تتجرأ تقول موووافقتها فيه شي

مانعها التزمت الصمت وقفت واخذت لها فنجان

قهوه وقطعه شوكلت محد نطق بحرف وكأن الي

جالسين عندهم موضوع لكن موعارفين يفتحونه او

بالاخص كيف يفاتحون جيهان فيه رفعت نظرها

وكان سطام يناظرها بنظرات قويه ارتبكت من

نظرات اخوها لها حست انها حقيييره وانها حشره

رشفت من القهوه لكن انسدت نفسها نزلت

الفنجان ووقفت وطلعت من الصاله حست وكأنها

كانت بسجن واعلنوا اطلاق سراحها توجهت

للحديقه وطلعت والهدف من خرجوها تبعد نفسها عن الموضوع الي هلكهاا!!

كانت شوق بالحديقه
جالسه على العشب الناعم وكعادتها ترسم !!
ناظرت بشوق وابتسمت على شكلها كانت مندمجه قربت بخطوات هاديه وجلست جنبها
شوق ناظرت لها ونزلت الفرشاة: اهلاً جيهان
جيهان بصوت مخنوق : وش ترسمين؟!
شـــوق لفت نظرها لمجموعه من الكراسات قرابت 10 كراسات مصفوفه فوق بعض وكانت كلها رسوماتها : ختمت الرسم كله لدرجه اني صرت ارسم افـــاعــي !!
عقدت جيهان حواجبها: بسم الله عليك افـــاعــي؟!!
شـــوق هزت راسها : اهم شي اشغل نفسي وابتعد عن الازعاج صايره الجلسه داخل ماتطاق !!
جييهان : بعذرك صار كل محور حديثهم ولــد زوينه وكأنه ملك او وزير ماينرفض !!
ابتسمت شوق: كلن على همه سرا
جيهان: شقصدددك؟!
شـــوق بصراحه: صحيح ان حواراتهم ولد زوينه وانك ترفسين النعمه برجولك وان جيهان تحمد ربها احد دق بابها وخطبها حسسوني انك عانس او فيك عيييب ماكأنك بنت توك بشبابك مادخلتي الــعــشــرين !! وخطبوك ثلاثه حسسوني اول عريس يدق بابك! والشي الثاني قصدي بالجلسه داخل ماتطاق امـــي ودعاها علينا !!
جيهان بضيق : امـــي كــســرتــنــا !!
شــوق: قبل شوي تقول البـــنــت عـــار ليت ماجبت البنات !!
جيهان شهقت وحطت يدها على فمها: استغفرالله ليه تقول عنا كذا
شوق بحزن : وتخيلي حاتم اخوي قبل شوي قال ابغى فلوس وقامت وعطته 500 مستوعبه بـزر عمره 8 سنوات تعطيه هالقد واحنا مانعه ابوي من مصروف الشهري لنا تتذكرين قبل لما كنا بالمتوسط لما كان ابوي يعطينا مصروف تتذكرين وش تقول ؟!
جييهان : الا اذكر كانت تقول لاتعطي البنات الا 100 ريال وكثيره عليهم الله اعلم وش يسون فيها

شــوق : امانه جيهان وش بنسوي فيها نشتري ممنوعات ولا نتاجر بمخدرات وش نسوي يعني!!

جييهان : امي ماتثق فينااا وتقدس شي اسمه ولـــد تفضل الاولاد على البنات مافي شي جديد ذي من يومها كذا معلينا مااقول الا الله يهديها ويحنن قلبها علينا الا انتي ليييه ترسمين افاعــــي ؟!

شوق: مدري صايره لي فتره تقريباً ثلاث شهور احلم بــ افاعي تلاحقني وتحاول تأذيني وكنت اتجاهلها

بعدها حلمت بـ افعى كبيييره مررره كانت تحاول

تأذيني واهرب منها وفجاءه لدغتتي مع يدي اليسار

وحسيت يدي تورمت لكن فجاءه صحيت وحصلت

كدمات بيدي ومدري كذا صرت ارسم افاعي

جيهان مصدومه من اختها كيف توصل فيها انها

ترسم افاعي وهي تأذيها

: طيب لاترسمينهم اكيد احلام من الشيطان تعوذي منه وبحركه سريعه من جيهان سحبت الكراس

ومسكت الورقه الي راسمه شوق فيها الافاعي

ومزقتهاا قطعه قطعه

شوووق منصدمه : خيييير من سمح لك ؟! انجنيتي؟

جيهان بصوت عالي وبعصبيه

: ولا حتى مجرد تفكير ترسمينهم ياغبيييه!

وقفت وتناثر الاوراق وطايرتهم الهواء وناظرت بـ

شوق : وضعك ماينسكت عنه كلمي مفسر احلام

يفسر لك او ارقي نفسك وتوجهت لباب بتدخل

حصلت اخوانها طالعين ماناظرت فيهم
ولا نطقت بحرف

دخلت وتوجهت للصاله كانت بـــدور وامها جالسين

توجهت بتجلس معهم بدون صوت لكن ام جيهان

وقفت واعترضت طريقها ورفعت يدددهااا واستقرت على وجه بنتهاا

وصوت الكف الي تلقته جيهان من امهاا اصدر

صفييير بااذنها ناظرت بــ امها بعدم تصدديق

شهقه من بــدور وصوت علبة الالوان والكراسات

الي طاحت من شــوق بصدمه والي كانت توها

داخله ماتوقعوا ولا واحد بالميه تنضرب اختهم

وش السبببب لييييييه ضربتهااا؟!

نبره العتببب الي واضحه من جيهان لأمها ويدها

اليسار على خدها الايسر وبصدمه نطقت: ليييييه؟!










الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 09-12-2018, 10:46 PM
صورة جيـــان الرمزية
جيـــان جيـــان غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي




شــكـر عظــيـم لحبيبة قـلـبي

فــيـتامين ســـي على نقلها

لــ روايتي في منتدى آخر

فــرحــت كثير الله يسعدها

عقبال وصول روايتي للمليون

مشاهد ونجاحها بوجودكم



الــبـــارت الــســابــع










فـــــــوز





صحت بعد نومه طوييييله
سحبت روب الديشانبور ودخلت للحمام
تروشت وبدت تصحصح مرت دقايق
خرجت من الحمام ورائحة اللافندر معبيه
المكان توجهت لتسريحه واخذت اللوشن
رطبت جسمها سمعت طرق على الباب
وبصوته الحنون
: فوووزوووه تسمحين لي بالدخول !!
ضحكت بخفه وحمدت ربها انها مقفله غرفتها
بصوت عالي تكلمت : انتظطرررر حبيبي دقايق بس!
ضحك من وراء الباب : بسرررعه خلصي
توجهت لغرفه التبديل ولبست جينز اسود
وبلوفر من الصوف السناره الابيض واسع يوصل
لنصف الفخذ نشفت شعرها الاسود وحركت
يمين وشمال عشان ينشف ربطته بربطه مطاط
اخذت جوالها وتوجهت لباب غرفتها وفتحته!!

هـــادي " عم فــوز " : كان طولتي اكثثثثر ؟!
ضحكت بخفه وضمته : وحششششتني ياددددوب
هـــادي باس راسها ونزل اخذ الاكياس
: جايب لك من مـــاك !
شهقت وهي تمسك الاكياس منه وبلهفه
: يارب قررراند تشيكن يارببب؟!

سحب الاكياس ورفعهم
: نو نو مــــو كذا تاخذينه!!
فـــوز ميته جوع نقطه وتموت
: عمووو الله يخليك لاتستلعن علي

هادي يستلعن اكثثثر

: بوسيني واعطيك
نطططت وهي تبوس راسه وخددده

واذا تبي ابوس ارجولك بعددد

ضحك وقطع عليه لمار

: ايييه عشان الكرشه باي باي يا كرررامت فــوز


فـــوز ناظرت بعمتها لمار :لااا الا الكرامه لماااروه

لمار تناظر بهادي: تعطيني الطلب وهي تطلب لها
شهقت فوز
:حرررام عليك مطفررره ماعندي فلوسس

ضحك هادي: الحين ليه واقفين عند الباب ولا ماتبين تدخلينا
اخذت فــوز الاكياس من يده :
افا عمي الغالي مايشرف غرفتي المتواضعه!
ضحك : الحين صرت الغالي وبعد ماتاكلين
وتملين كرشك تتخانقين معي وتــبـ# وحييييوا#
والالفاظ الخايسه فوق راس عمك الغالي
صحكت فــوز
لمار شهقت : يووووه نسيييت امي قالت نادي على فووز ماشفتها
فوز ضربت على كتف لمار
: اياالحيــوو### ليييه ماقلتي لي فديت لوتس قلبي ماشفتهاا اليووووم كله وبقهر
كله من الجامعه الخاااييييسـه تفووو عليها
اخذت الاكياس وبركض نزلللتتت


لف هادي لــ لمار : بــزر وربــي !

لــمـار وهي تقفل باب غرفة فــوز

: الله لايحرمنا منها !

هــادي : الحين تحصلين لوتسها تتخانق معها

لـمـار : ههههههههههههههههههههههههه ابشرك متوعده فيها

هــادي: امشي امشي لايفوتنا الفلم والدراما

لـمار وهي تنزل مع الدرج

: ودموع لوتس قلبها وترجيها لها

ضحك هادي: ماتمل من هالروتين!
رفعت كتوفها لمار بمعنى مدددري

فــوز وهي تركض وتنزل درجه درجتييين دخلت المجلس نزلتتت الاكياس على الطاوله بهدوء
ضحكت على شكل جدتها وهي شبه منسدحه
وبيدها جوال اكبر من كف يدها وعليها نظارات وجنبها العصا السودا الي تسند نفسها عليها اذا مشت وتتابع سنابات قصص اول وشكلها تتتتووووحفه وواضح انها ماتعرف كثيررر للجوال وحايسه والدليل كل رسايلها بالقروب عباره عن فويسات صوتيه واغلبها خناقات مع العجايز رفعت جوالها فوز واخذت صوره لجدتها وضحكت وارسلتها خاص لـ قروب عمامها كانت جدتها معهم بالقروب انتظرت جدتها تدخل على الصوره الي لمعت عندها كتمت ضحكتها لما شافت اصبع لوتس ضغط على الاشعار الي وصل لها وبصوت مصدوم بعد تدقيق
: يووويلي الي مايخافون الله ناشرين صورتي
رفعت نظرها لــ فــوز الي تهتز من الضحك
وماقدرت تمسك ضحكتها من تحلطم جدتها
انفجرررت ضحكك
: ييييممه لاتزعلين يالوتس قلبي انا

جدة فوز : انتي يالفصعونه هاااا يالي ماتخافين من ربتس!!

ضحكت فوز اكثثثر : اهه يــمــه انكتمت من الضحك

جدة فوز : جعلتس تنكتمين قولي اميييين

فــوز تحضنهااا بقوه وهي ميته ضحك

: اهووون عليك يا يالوتس قلبي هااا اهون عليك بدعاويك ذي علي

جدة فوز يقال انها زعلانه : بعدددي عني بعدددي

فـــوز تشد اكثر : افااا يــمـه افااا ماتبين حضني !!

جدة فوز دمعت عيونها: انا الي اهون عليتس يابنتي يومتس تروحين لمدرستتس وماتسلمين علي!

فــوز تبعد عن حضن جدتها وتناظر بدموعها وتمسحه لها وبحنان : لا يالوتس قلبي ماتهونين علي قبل لا اطلع دخلت عليك حصلتك نايمه !
وبست راسك

جدة فوز باقي زعلانه : مبب عذر يالفصعونه مب عذر ويومتس رجعتي من المدرسه ليه ماطمنتيني عليتس لييييه؟

فــوز تبوس راسها ويدها : حصلت البيت فاضي
لمار توها راجعه من الروضه ونايمه وعمي هادي
بدوامه وانتي مختفيه كلمت ريحان قالت ماما روح لبيت بابا انتي وحصلت ابوي الكبير يتوضأ للعصر سلمت عليه ودخلت نمتت

جدة فــوز: والله ان تكرر هالشي ان هالعصا تتكسر على ظهرتس

فــوز : انا فدددا لك اذبحيني حلالك
جدة فوز حضنتها : الله لايفرقتس عني
فوز تحضنها بقوه : هااا رضت لوتس عني؟!
جدة فــوز تعدل نظاراتها
: انتي متى ناويه تعتقين الاسم ذا عني

فـــوز : والله احبك كذذذا بهالاسم

جدة فـوز: حبتس بررص اعتقيني من اسم الكفار ذا

فـــوز : لوتس يالوتس ياحلو ياطعم لذيذ ماكلمت كلامها الا ضربتها جدتها بالعصا فــوز تضحك بصوت عالي : يمه من عصاتك تلسع
جدة فــوز
:قومي اكلي شوفي وجهتس نحفان من المدرسه
فوز تبوس يد جدتها : لوتس كبرت ودخلت الجامعه وانتي باقي تقولين مدددرسه ذي جامعه مدرسه اعتقتها واعتقتني
جدة فوز : مدري والله عن درستس الا بشري وش سويتي اليوم؟!
فوز تبعد وتتمدد على الكنبه: اخخخخ تعب حيييل وبعيييده وكرررف اصعب يوم مر علي

جدة فوز : شدي حيلتس وبتهون
فوز تأشر على عيونها: من عيييوني هالثنتين

هادي : خلصتوا الدراما
لفوا عليه

لمار : بالله يمه كيف تخرج دموعك ؟!

جدة فوز : اجلسي لا اضربتس بهالعصا
هادي وهو يجلس جنب امه : يمه يقولون في وحده يبي لها ضرب بهالعصا وتتكسر على ظهرها
" يقصد فوووز"
جدة فوز وهي ترفع العصا عليه : حلال من ضربك فيها

هادي: افااا يمه انا اخررر العنقود افاااا انضرب ؟؟

فــوز تقوم وتفتح الاكياس : انقلب السحر على الساحر

هادي: يمه ربيها يمه تتكلم على عمها الكبير

فــوز : اكبر مني ترا باربع سنوات قال عــم قال

هادي: فوزززز لا اخذ الاكل منك!!

فوز: نفسي تجيب لي شي ماتذلني فيه

هادي : هههههههههههههههههههههههههههههههههههههههههههههههههه ه انا اعلمك الذل كيف وقف بياخذ الاكل ومسكته يد امه وجلسته جنبها
: والله ان اخذته من فوز لـ اكسر هالعصا على ظهرك

لمار تضحك : يمه من هالصباح وانتي بكسر هالعصا على ظهرك ولا شفتك كسرتيها

ضحكت جدة فوز

هادي يحك ذقنه: وش مسويه من حسنات يافوز
الكل يدافع عنك

فــوز ترفع حواجبها وتاكل
: ســررر ماااعلم

هادي يقلدها : سرررر. مااا اعلم

فــوز تناظر بهادي : الحمدلله والشكر مريض
هــادي: المريضه انتي
فوز: انتت المريض
هادي : يمه خليني اضربها
فوز تضحك : هههههههههههههههههههههههههههههههههههههههههههههه اضربني حلالك ياعمو الحلو
جدة فوز: شوفها لسانها ينقط عسسل
هادي: والله ينقط بصل
شهقت فـوز: لوتسس شوفيه يقول عني بصل
جدة فوز ضربت هادي بالعصا : اترك البنت دايم خناق معها
هـادي: يمه تضربيني عشان البزر ذي
فــوز: يافدديييت لوتس الجميله شوفوا عيونها يالبيييه والله احبك
جدة فوز يقال استحت
لــمـار: والله مايعرف لخاطرك يايمه الا فوز
فـوز تشرب من الكولا وتأشر بيدها بمعنى لا
: لا لا مايعرف خاطرها الا جدو الحلو
مشبعها غــزل !
جدة فـوز ضحكت : ذاك اول
هــادي : شف ترا اول مره واخر مره اتفق مع هالبزر
فــوز: انقلع البزر ذي عقلها اكبر منك
ولحظه لوتس بتقنعيني ان ابوي الكبير مايتغزل فيك !!
جدة فـوز: هادي تصرف معها
فـوز: خجلت الحلوه خجلتتتت
لمار تناظر لهم وهي مبتسمه طبعها ماتسولف كثير

مرت دقايق وهادي وفوز يتخانقون ولوتس مره مــع ومره ضــد فــوز

دخلوا اخوان فــوز الصغار
صرخات هادي ولماررر والترحيب فيهم والجده ترحب فيهم ركضوا وتوجههوا لـ الجـدة وسلموا عليها راحوا لـــ لمار الي حضنتهم وهادي الي باسهم
هادي هو يبوس شعر ريان اخو فـــوز
: ياالبييييه يالريحه
سياف يحط يده على راسه
: انا بعد ألو ثعلي " انا بعد حلو شعري"
لمار بخرفنه على سياف: تعال تعال ياروحي انت كلك حلو ياحلو

فــوز : يعععع ذولا من جابهم الحين قومي يافوز راقبيهم انا هاربه من بيتنا تجون هنا لييييه

جدة فوز: وقص بلسانتس ذولا اخواتس

فــوز: معليش يمه بس انا اخواني لمار وهادي

لمار: يمه لاتلومين فوز متعوده علينا من كانت صغيره بعمرهم وهي عندنا

جدة فوز: بس يبقون اخوانها

فــوز وهي تشرب من الكولا: تقدرين تقولين اسماً فقط اخواني

جدة فوز عصبت : غصب عنتس يابنت

فوز وهي تعد على اصابعها: ريان سياف رفاء غدي وجد غزل عزوز فوزان ماشاء الله على ماما وبابا مايتعبون ! حست انها جابت العيييد لفت على

هادي الي منشغل بريان يلاعبه ويغني له

لمار عضت على شفتها

جدة فوز: اذكري الله يابنت وش دخل ابوك يتعب ماتتعب الا الحرمه بالحمل والولاده

فــوز : لا لوتس ماما تنبسط بالحمل واقصد بالتعب

لمار قاطعتها: ممكن تسكتين فووزوه

سياف قرب من فوز: لووووز باتل " فووز بآكل "

فــوز تتحلطم : ماقد تهنيت بأكلي خذ خذ
اعطته فوز قطعه واخذها وناظر
بـ لمار : لوززز ثـليله ! " فــوز شريره"
لمار انجت عليه : معليك منها ياروحي الحين اطلب لك احلى من اكلها
فوووز وسعت عيونها بصدددمه : انقلع قال شريره قال انت اول انطق اسمي عدل حسافه فيك القطعه
جدة فوز : فـوز ارفقي عليه تراه بزر
هادي يبوس ريييان : يمه ريحته تفح النفس
جدة فوز : مافي مثل ريحة فوووز
فوز ارسلت لها بوسه بالهواء : ياررووح فوز انتي
هادي : علينا يايمه فوز طولي وباقي ريحة الطفوله يمه تمزحين
جدة فوز بحب : والله ان ريحتها باقيه بقلبي مامثلها ريحه
وقفت فوز ومسحت فمها ويدها بمنديل
: يااافددديتتت لوتس قلبي وقربت من عندها
انا الي اعشق ريحتك ياقلب فوز وباست يدها
جدة فوز تمسح على شعرها بحب
هادي : عزي لـ سياف وباقي الاحفاد
مسحوب عليهم وانا من ضمنهم
جدة فـوز: فازت فوز واملكت قلبي قبلكم
هادي: الله كريم بفوز واتربع بقلب زوجتي المستقبليه
جدة فوز: لزوم ندور لك زوجه
فــوز بزعل : لااا لاتتزوج توك صغييير
: علامك غرتي لايكون زوجك لاسمح الله
فــوز: انقلع
هادي : ياعزي عنك ياسياف محد يحبك ايه كفو حب الاكل مثل عمك
فـوز: اقص يدي اذا ماتحب بنت هذا اذا ماشبكت بنات الشرقيه كلها

ناظروا بسياف الي فمه منفوخ بالشبس زياده على نفختها الطبيعيه وبيده الكولا حقت فوز لما راحت لجدتها اخذها بيشربها
قامت لمار : لا والله سياف حبيبي انا
وجلست عنده : لا ياماما لاتاكل كثير اكل نتفه نتفه
هز راسه ببراءه وشرب من الكولا

هادي: لاوالله انا رجال عاقل مالي بالحركات ذي
ضحكت فــوز: لاتتزوج قبلي
جدة فوز : فــوز زوجها انا الي اختاره
هادي : وععع والله امه داعيه عليه
فوز عطته نظره
: الا ياحــظــه
جدة فـوز تحضنها
: صدقتي ياحظ من تصيرين له حليله
خجلت فـوز وخبت وجهها بحضن جدتها
هادي: يويلي منكم يالحريم يقال خجلت وانتم ميتات على الزواج فــوز تجاهلته وصارت تلعب بيد جدتها وتبوسها وتدخل الخواتم وتطلعهم وعارفه ان عمتها متضايقه بس ماحبت تناظرها تكره نظرات الانكسار منها ماتحب تشوفها ضعيفه
لمار تكره مواضيع الي فيها زواج
اشغلت نفسها بسياف تتحاشى
اي كلمه عن الزواج تأخر نصيبها
وهي موناقصها شيء والاهم اخلاقها
وسمعتها الي مافيها نقص الكل
يمدحها ويدعي لها
بعد موت خطيبها وهي بعمر الــ16
ولحد الآن مافي شخص تقدم لها
14 ســنـة تنتظر وكلت امرها لـ ربها
هي مؤمنه ان كل تأخير في الأمر خييييره
ماحست بتجريح من اهلها او من زوجات اخوانها
لكن المجتمع نظرته تكسسسر كرهت الزواجات
والمناسبات والسبب نظرة الشفقه
من الحريم بالزواجات لها تقتلها الف مره

دخل جــد فـوز
: السـلام عليكم!
وقفت فوز وباست راسه
ضحك مجرد ماشافها يحبها ويحب ابتسامتها
: هلا هلا بــ الغاليه فــوز
فـوز: يافدديييت هالضحكه يبه
انحنى بطوله الواضح مع كبر سنه الا ان ظهره ماانحنى باس خد فــوز
لمار تقدمت وهي شايله سياف
: يبه سياف بيسلم عليك
باس راس سياف واشر بيده لـ بنته
لـمـار فهمت نزلت سياف
وقربت منه وباست راسه
جد فــوز : ماشفتك اليوم ؟
لــمـار : يبه رجعت من الدوام نمت تو صحيت
جد فــوز : وانا اقول وين فطاير لـمـار !!
لــمــار : ياروح لمار والله مافضيت تعرف انتهت الاجازه قرب هادي وهو يبوس راس ابوه
: حيالله ابو فايز
ابو فايز : الله لايحيك
هادي: افا يايبه
: علامك جالس عند النسوان انت ماتستحي قم واصلب ظهرك واجلس عند الرجال
فوز ولمار يضحكون على هادي
هادي: الله يهديك يبه وقرب من عنده وهمس
: والله يايبه ان سوالف النسوان حلوه
ابو فايز : تخسسسييي وتعقبببب
هااا ياام فايز وشرايك بكلام ولدتس عاجبتس تربيتس
ام فايز من دون نفس : مب يتيم يومك تقول تربيتي
ابو فايز: يادافع البلا زعلانه علينا وضحك ولف للبنات لزوم نراضيها ؟!
ضحكوا البنات
فـوز: انت وشطارتك بس بقولك شي قول لها يالوتس قلبي انا وترضى
ضحك وبانت اسنانه مسح ع ذقنه الي كاسيه الشيب : لا ذي حقتس انا اعرف اراضيها
جاء ريان ورفعته لمار له باسه مع راسه
نزلت ريان ومسك يدها ابوها
وباسها بعمق وبحنان الدنيا
: جعلتس تشيلين بزرانك وانا حــي
لمار خنقتها العبره ضمت ابوها وباست يده
ابتسمت وهي حابسه عبرتها
: يكفيني من الدنيا وجودكم حولي
ضحك ابوها
: الله يرزقك يابنتي
الكل امي جلس جنب ام فايز " لوتس "الاسم الي
مطلقته فوز عليها
والحين قولي يـ ام فايز وش يرضيتس
ام فايز تتغلى : مزرعتي !
ابو فايز: علامها
ام فايز تمسح دموعها : لاتبيعها
: من قال اني ببيعها
ام فايز : فوزان ولد فايز وعيال الفيصل كلهم
: عيال الفيصل تقولها وانا ماوصلني الخبر
هادي: فوزان ذا اكبر كذاب يايبه يجي يكذب على جدته ويخرج
لمار تضحك : ماعنده سوالف يلجأ للكذب
ضحك ابو فايز : تراه غالي بالحيل عندي
هادي : فايز وعياله ساحرينكم
فوز بلقافه : احلى سحر والله
ابتسم ورفع يد ام فايز باسها بعمق وناظر فيها
:وان قلت لتس ان كلامهم اشاعه
ام فايز: ارضى عنك
رجع باسها مره ثانيه ولفوا على فلاش جوال فــوز الي التقط اجمل صوره واجمل واوفى حب صادق دام اكثر من 40 سـنـه بحلوها ومرها
: ابشركم رضت عني الغاليه
ضحكوا كلهم وفــوز متخرفنه عليهم
ياربي كييييوووتتتت الله لايفرقكم
وقف ابو فايز وقبل لايطلع
: هادي اسبقني لجلسة الرجال
هادي اخذ عيال فايز سياف وريان
ابشر يبه وطلع
ابو فايز قبل لايطلع لف على بنته لمار
: الله يرزقتس الزوج الصالح والله انك غاليه على قلبي مااقوى على فراقتس لكن ودي بشوفة ضناك

لـمـار متعوده على كلام ابوها
ماله قصد يحسب بدعواته ذي
يواسي قلبها وكأنه يخفف عليها
صحيح ترتاح لدعواته لكن تخنقها
العبره وهي عارفه قصد ابوها
محبه لها مب تجررريح
لمار وفــوز : الله يطول بعمرك يارب
ام فايز : اذا ربي عافاك واعطاك عمر بتشيل ضناها
لمار : الله يديمكم لي
طلع ابو فايز وقلبه يتقطع على بنته
ماجاها النصيب وخايف يموت ولا شاف
عيالها وخايف عليها من السنين الي تمر بسرعه البرق تكون بالبيت لوحدها واخوانها بينشغلون بزوجاتهم وعيالهم وهي الي بتعيش بوحده
طرد افكاره وطلع لمجلس الرجال

لمار : الله يطول بعمره
فـوز : مايقصد شي من حبه لك والكبار يقولون كذا وهم مفكرين ان هالدعوات بتسعدك
ام فايز: يايمه ترا قلبه مافي مثله من حبه لتس
لاتشلين بخاطرتس عليه
لمار : لا عادي متعوده عليه الله يطول بعمره والله ان دعواته وكلامه يثلج صدري فديته الغالي !


فـــوز تذكرت وقفت عن اذنكم ثواني بس
طلعت وتوجهت لغرفتها دخلت رفعت جوالها
قفلت باب الغرفه واتصلت على جيهان بتسأل وش صار على خطوبتها
ماردت !!
عاودت الانصال كذا مررره لارد!! ارسلت لها
ردي بكلمك ضروري!!
رساله ثانيه : صار شي ؟!
رساله ثالثه : بالله طمنيني عنك !!
بدت تقلق عليها لكن طمنت نفسها
انها نايمه او مشششغوله



سيــاف وريـان
تــؤام اخوان فــوز
اعمارهم 5 سنوات

فــوزان اخو فوز اكبر اخوانها
من الاولاد اصغر منها بسنه
عمرره 18 ســنـه متخرج
من الثانوي ويدرس بالظهران
اول سنه بجامعه الملك فهد
للبترول والمعادن







انتهى


هي كلمات رددها

سبحان الله
الحمدلله
لا اله الا الله
الله اكبر



الاسبوع الجاي تبدا اختبارات النهائيه
لجميع المراحل الدراسيه
اذا قدرت وحصلت لي وقت فراح
اكتب وارتب افكاري مجرد مايكتمل
البارت راح انزله اذا ماقدرت اتمنى تنتظروني
لحتى انتهي اختباراتي النظريه
لان العمليه هالاسبوع كان اخر اسبوع
دعواتكم لي احبكم













الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 25-12-2018, 06:04 AM
fans brooq fans brooq غير متصل
©؛°¨غرامي مشارك¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي


هلا وغلا حياتي
ويييينك وحشتينا والله ...... عسى المانع خير حياتي
الله يفرجلك كل همومك وييسرلك كل امورك يااارب
بلييييز لا تطولي الغيبة عليناحياتي
مستنيتك بأجمل يارب ❤❤


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 25-12-2018, 10:35 PM
صورة جيـــان الرمزية
جيـــان جيـــان غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي


اقتباس:
المشاركة الأساسية كتبها fans brooq مشاهدة المشاركة
هلا وغلا حياتي
ويييينك وحشتينا والله ...... عسى المانع خير حياتي
الله يفرجلك كل همومك وييسرلك كل امورك يااارب
بلييييز لا تطولي الغيبة عليناحياتي
مستنيتك بأجمل يارب ❤❤
يااااهلاااااا ياقلبي الله يسلمك ويسعدك والله كأنك حاسه فيني قلت بشيك على المنتدى واحشني
اميييين يارووووحي والله حتى انا واحشتتي الكتابه
وروايتي وربي بس الاختباراتتتت هلكتني وبكرا اخر اختباااررر ان شاء الله الله يسهل دعواتكم لييي بالنجاح والمعدل الحلو والله شايله هم انتظروني مجرد مااعطل ببدا اكتب عندي مجموعة افكاررر كثيييره ومششششاعررر مندفعه وباذن الله راح تعجيكم الاحددداث😩♥

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 26-12-2018, 09:21 PM
صورة صرخة إحساس الرمزية
صرخة إحساس صرخة إحساس غير متصل
©؛°¨غرامي مجتهد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي


السلام عليكم

ماشاءالله روايتكگ حلوه تسلم أناملك .. أسلوب ودقه .

ومتحمسه مره لزواج مشاري وجيهان .


اتوقع أم جيهان كشفت علاقة بنتها وعشان تسكت اللي كشفتها بتزوجها بسرعه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 27-12-2018, 02:34 PM
صورة جيـــان الرمزية
جيـــان جيـــان غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي


اقتباس:
المشاركة الأساسية كتبها صرخة إحساس مشاهدة المشاركة
السلام عليكم

ماشاءالله روايتكگ حلوه تسلم أناملك .. أسلوب ودقه .

ومتحمسه مره لزواج مشاري وجيهان .


اتوقع أم جيهان كشفت علاقة بنتها وعشان تسكت اللي كشفتها بتزوجها بسرعه
وعليكم السلام ورحمة الله وبركاته

نورتي ياروحي انتي 💛💛

سعيده بتواجدك واسعدتيني بتوقعك

باذن الله الاحداث الجايه بتنكشف اسرار وغموضات

انتظروني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 01-01-2019, 12:55 AM
صورة جيـــان الرمزية
جيـــان جيـــان غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي






بسم الله الرحمن الرحيم




اخباركم ان شاء الله تمام
الحمددلله عدت فترة الاختبارات
على خييير وربي وحشششتني
روايتي ووحشتني الكتتتااابه
ووحشتوني مدري اذا وحشتكم ولا لا؟!
شكررررر عظظظظظيم بحجم السماء
للانسانه الي معي من خلففف الكواليس
ممنونه انا لها بتحفيزها لي وايجابيتها
الحلوووه الله يديمها لي



اتمنى هالبارت ينال على اعجابكم
منتظره ارأكم وردودكم وتوقعاتكم الحلوه



قـــراءة ممتعه عزيزاتي












الــــبـــارت الـــثـــامــن






















ريــــووووووف



قفلت اللاب ماقدرت تركز مع مسلسلها
عقلها في حالة شوشره مستمرره رشفت
من القهوه الــمـره وكأن مرارتها كــ مراره
ماضيهاا ناظرت بجوالها بملل ماردت ولا
حتى قرأت رسايلهاا ليييه ياجيهان وش
الي صابك حتى مسلسلي مو راضيه
اركز معه اقلقتيني يابنت ردددي ردددي
ياربي استودعتك جيييهان وش صابهاا
اتصلت عليها لااا رد !!
طمنت نفسها وخلقت
اعذار لصاحبتها والهدف
من هذا انها تطمن روحها وقلبها
الي يرجف خوف عليها
يمكن نايمه او يمكن مشششغوله
او يمكن طالعه او او او وبتنهيده طوويله
يـــارب استودعتك قلبها من الضيق وقفت
وفتحت شنطتها طلعت اللاب كوت
" بالطو المعمل " يحتاج لغسييل او لا
ابحرررت سارحه تخاطب نفسهااا !!

هذي ثاني سنه لي بتخصص الكيمياء حلمت وحلمت بالطب لكن ابوي رفضض كنت اتمنى اني دكتوره في مجال طــب الاطفال اعششق
الطب واعشششق الاطفال واذا اجتمعوا
بمجال واحد بيطلععع حـــلــم حياتي الي بنيته
بطول السنوات الماضيه وتفكيري محصور بهالمجال من كنت صغيره افكررر بهالمجال
اذا صار طفل من اطفال عايلتنا بين يديني
افكرر كيف بعالجه اذا صرت دكتوووورة اطفال
لكن بعد تخرجي من الثانويه احلامي تبخرت
ورفض اهلي المشدد شلت الفكره من راسي دخلت الجامعه وتخصصت الكيمياء مجبوره فيييه لكن هو التخصص الوحيييد من بين العلوم كلها الاقرب لقلبي لكن حرررقه بقلبي وحبي لمجال طب الاطفال باقي ينبض بـ عرووق قلبي تنهدت بيأس شدددت على اللاب كوت الي بين يدينها
رمته بعنف بسلة الغسيل لحتى
تجي رانــي " شغالتهم" تغسله

تنهدت وجلست على طرف السرير ناظرت
بالحوسه الي على سريرها الواسع
الكتب واوراق المحاظرات مرميه
بـ أهمال عليه اقلام التحديد وقلم الرصاص
مرميات فوق اوراق المحاظرات نظارتها الطبيه
واللاب توب واخيره كوب القهوه الي شربت منه
ذاكرت جزء بسيط من محاظرتها
ومافيها تكمل انسدحت بملل
: افففففف بدا النكدد اخخخخ متى اتخرجج؟!
وبزعل شعوررر صعب مؤلم وموجع تنجبر على
تخصص ماكان بيوم من الايام ضمن رغباتك
وربي شعور يوجع يلا هانتتت ياريوف باقي
سنتين واتخرررج ياربي سهل الصعاب
غفت عيونهاا ونامتتت بكل تعب بجنب
حوسه مذاكرتها واغراضها المرميه كعادتها
اذا بدأت الدراسه تنقلب غرفتها قرطاسيه
بكل ادواتها وحوسة اوراق الطباعه

دخلت راني واخذت سلة الغسيييل
خرجت وقبل لاتخرج قفلت النور
وبتقفل الباب حصلت بوجهها
ام ريوف
: وين ريوف ياراني؟!
راني: مدام ريوف نوم !
ناظرت ام ريوف بساعتها بتعجب
ودخلت لغرفه ريوف
بعد ماانصرفت راني بهدوء شغلت النور
قربت من بنتها وكانت نايمه بتعب
وواضح انها مانامت من الصباح
هزتها بخفه: ريووف ريووف
تحركت باانزعاج فتحت عين وناظرت بـ أمها
وبنوم تكلمت: يمه بنام
ناظرت ام ريوف بـ الاوراق المرميه والحوسه
: ريوف مايصير متى بتصحين بيخرب نومك
ريوف تتكلم بخمول: مانمت من الصباح
ام ريوف هزت راسها وتوجهت للباب قفلت
النور وقفلت الباب معها
نزلت وحصلت ابو ريوف داخل وواضح انه
هلكان من الشغل ابتسمت بحب له
: طولت اليوم مارجعت !
بادلها الابتسامه : مافي الحمدلله على
السلامه
ضحكت بحب واضح بعيونها
: الحمدلله على سلامتك يالغالي
رفع حاجب با اعجاب حاول يخفيه وبهدوء
: وين العيال؟!

" سـارا " ام ريوف : جمان بغرفتها تذاكر دروسها
ريوف تو نامت من الصباح صاحيه

"أحـمـد" ابو ريوف : والــعــيـال؟!

ســارا : طالعيين مع عمهم

هز راسه وجلس على الكنبه بـراحه
قدمت له كوب الشاي كعادته مدمن
شاي ويحبه من يدين زوجته
اخذه ورشف منه نزله بهدوء
وبتعب : جمان وينهاا
عقدت حواجبها بـ استغراب!!
: قلت لك بغرفتها غريبه تسأل عنها !
أحــمـد : ذكريني الليل اقولك موضوعها !
سـارا بخوف : احمد اقلقتني في شي ؟صاير شي ؟!
ابتسم وهو يرشف من الشاي: تطمني كل خيير
استغربت منه اول مره يتأخر برجعته من الدوام
وواضح عليه التعب وحست انه تعبان من التفكييير !!
فضلت السكوت وهي تعرف طبيعة زوجها مايحب
الالحاح والزن والنقاش ننتظر لليل
اللهم اجعله خييير









رووووااااددد


صحت بعد نومه عميقه
رفعت الغطاء وناظرت بالساعه
وبصدمه: اوووه الساعه 8
تأخرررت ضروري انزل لـ جـريـر
والمتنبي اشتري كتب للجامعه
الي قالت لي الدكتوره عنهم قبل
لا اخررج عضت على شفايفها وهي
تتذكر لما رجعت من الجامعه وصراخ
فارس عليها بالبيت وامه تهديه
ضاق صددرهاا : اكرررهك يافارس اكرررهك
اخخ متى اتزوج واخررج من سلطتك
حسبي الله علييييك هزت راسها
اعوذبالله من ابليس استغفرك ربي واتوب اليك
سحبت روب الديشانبور ودخلت الحمام
شغلت على المويه البارررده وكأنه بيطفي حراره
قلبها دخلت وانسابت برودت المويه عليها
دمعت عيونها وهي تتذكر فارس والي صار

"
دخلت البيت بهدوء شافت امها قبالها جالسه بااحد الكراسي الموجوده بالحديقه بيدها مجموعه من ورد التوليب الاصفر وترتبه قربت من امها و
باست راسها وداخلها يرجف من هدوء فارس كان طول الطريق هادي ولا نطق بحرف
تعرفه مايهدا الا وبعدها مصيبه كبيره بيسويها
تكررره هدوءه مثل ما يُــقـال

"هـدوء ماقـبـل العاصفه"
اخذت ورده بعد مامدتها امها لها وصارت تمررها على خدها بنعومه وتحكي لـ امها اول يوم دراسي لها بالجامعه

دخل وهو يحر ويبرد فيها قرب من عندها وبفحيح
: والله وتالله وبالله اذا مره ثانيه اعطيتيني
مشغول وانا اتصل لـ أحرمك من هالجامعه
وانتي تعرفيني !
روواد منزله راسها وتناظر للورده
: كنت مشغوله
فارس تنرفز مسسك يدها وبقوه ضغط عليها
: وش قلتي ؟!
رووواد غمضت عيونها وارخت يدها الي ماسكه الورده فيها وطاحت الورده وباستسلام همست: ماقلت شي !
دفها بقوه واصطدم ظهرها بـ امها
الي وقفت وكلها خوف من عصبية فارس
كانت بتطيح على الارضيه لكن امها
ثبتتها وبحزن
: فارس تعوذ من الشيطان
فـارس وعيونه تنبه بشر ناظر بـ رووواد
هاتي جوالك رواد مانطقت بحرف فتحت
شنطتها ورمت جوالها عليه ورمت الشنطه بالارض وراحت تجري داخل لغرفتهاا وداخلها مقههوررر ومكسسسسورررر
تكلم بصوت عالي
: الجوال تاخذينه الفجر يرجع لي العصصر
كانت ودها تصرخ وتقول انا واثقه جوالي مافيه شي فتشه شوفه اتحددداك تمسك علي شي وربي مافيه شي لكنها كتمت كلامها وقهرها بصددرها دخلت غرفتها وارتمت بسريرها وبكت بحزززن
على حالهااا انحرمت من صاحباتها وانحرمت من الطلعات والحين حرمهااا من جوالها ليييييه ليييييه يافارس ليه تشك فيني والله ماسويت شي بععرررف وش سويت انا بحييياتي انحرم من كل حاجه حلوه حتى لحظاتي الحلوه تنسرق مني وينك ياييييبه وينك وحشششتني ياقلب روووواددد بنتك روادك عذبها اخوهااا يبه ليه يسوي فيني كذا ليييييه !!"



غمضضت عيونها بقوه ودموعها تحرررق قلبهاا
قبل عيونها رفعت راسها وصار ماء الدش على وججهها وبرودته قششعرت جسمها وانتفضت
تحت المويه البارده بعد دقايق خرجتت وهي
ترجف برردد شدت على حبل الديشانبور
دخلت غرفة التبديل لبست بجامه دافيه ونشفت
شعرها بالاستشوار بتنزل وتطلب من فـارس
ينزلها للمكتبه تنهدت بـ هــم لااا ماراح انزل
اذا نزلت راح ينكد علي زياده على النكد الي انا فيه فتحت شنطتها واخرجت ورق استيكر صغير كتبت بشكل سريع الكتب الي تحتاجها عباره عن كتابين
وحبر طابعه وحاجات بسيطه ناظرت بالورقه
بعدت شعرها البني القصير عن وجهها وبضيق توجهت للباب ونزلت بخطوات هاديه كـ هدوء ملامحها البريئه !





بالصالة تحت فـارس جالس وبجنبه امه
فـارس: وينهاا ذي من العصر ماشفتها
امه بحسره: علامك على اختك يافارس
وتصرفاتك ذي مو عاجبتني واخر شي توصل انك
تحرمها من جوالها !! لييييييه؟! شايف عليها شي!
ياولد لاتخليني اشك بتربيتي وتربية ابوك الله يرحمه
فارس بسخريه وهو شبه منسدح على الكنبه
: لو بشوف شي عليها تتوقعين بتكون على قيد الحياه!!
هزت راسها بيأس: الله يهديك ارفق عليها
فـارس يوقف ويبوس يد امه وراسها
: انا طالع تبين شي يمه ؟!
ام فارس: الله يهديك ويحنن قلبك
بعد عنها وتوجهه لباب بيخرج
سمع همس مكسور يناديه
: فارررس !
لف بسررعه وبااهتمام حاول يخفيه
: وشش؟
قربت بخوف وخطوات ثقيله ومدت له ورقه
: حاجات ابيها اليوم ضروري !!
سحب الورقه منها وقرأها على السريع
ابتسم وناظر فيها وبملامحها الكسيره
انحنى وباس راسها بهدوء وخرج !!
رجعت لمكان امها جالسه
وجلست بضيق بجنبها
ام فارس "رفعه " قلبها يوجعها على بنتها
ماهي مثل بنات هالوقت محرومه من كل حاجه
فيها تسليه والسبب فارس الي شاد عليها
ومعقد حياتها
: اكلتي شي ياروح امك ؟!
هزت راسهت بـ لا
عقدت حواجبها رفعه : لييييه ياايمه
نزلت دمعه ومسحتها بعنف : يمه تعبت من فاررررس يايمه
وباانهيار يمه حررركاته ماتططاق
ام فارس قربت منها وحضنتها
: يارووووح امك اهدي
رووواد تحاول تكتم شهقاتها : تعبت منه عذبببني يمه انا اشوف نفسي حقيييره يمه انا حشششره
يمه لايكون اناا وحطت يدها على فمها وشهقت بحسرره لايكون فيني شي ومخبينه عني !! يمه اخوي يحررقني باليوم الف مررره يمه دخيلك لييه يعاملني كذذذا ليييه يممه يمه صح انا حقييره
ام فارس تشد عليها بحضنها بقوه
: ياروووح امك انتي الشرف كله انتي بنت ابوك انتي مب حقققيره لاتقولين هالكلام ياروحي انتي العز كله لاتخلين الشيطان يوسوس فيك
روواد ببكى: فارس ليه يعاملني كذا!!
ام فارس دمعت عيونها : ياروحي فارس من بعد وفاة ابوه تحمل المسوؤليه لو لاحظتي هو مب مشدد عليك لوحدك حتى انا امه ويأمر علي ولايتركني بالمناسبات فتره طويييله لاتاخذين بخاطرك عليه ياروحي شوفيه مو مقصر معنا لو تطلبينه مايرفض وراتبك الي مخصصه ابوك الله يرحمه يوصل لك بوقته ماينقص منه ولا ريال
دمعت رواد بحسره : يمه وش الفايده من الفلوس مخزنتها عندي خاطري بس استفيييد من هالفلوس واطلعع فيهم اشوووف العالم يمممه انكتمت الي يشوفني يحسب اني بقمة سعادتي مادروا يايمه اني مااطلع اشوف مولات الخبر الا من مناسبه لـ مناسبه يمه انا كررررهتتتت حييياتي يمه قولي وش الحل صديقاتي وكرهوني يمه صديقاتي يقولون مااصدق انتي بنت الـ فـيـصل ومارحتي لـ الـراشـد مول الا مره بحياتك يمه يحسبون اني بخيييله بفلوسي يممه تتذكرررين لما قلت لفارس بنتعشى
بــ فيروز جاردن يمه صاحباتي كانوا متجمعين هناك يمه عصبب علي كرررهت حياتي وبعدها صديقاتي صاروا يضحكون علي ويرمون نغزات علي عارفه يمه يحسبون انا بخيييله خاييفه على فلوسي وانا الود ودي احرق فلوسسسي واحررق نفسي معها
ضمتها امها بقوه قلبها تقطع على بنتها
رفعه بحسره : بسم الله عليك يابنتي فارس قلبه طيب لكن الي جاه كبييير تعقد نفسياً وفـاة ابوووه وخــ سكتت لما قطع عليها دخول فارس الي كان بيخرج لكن نسى مفتاح سيارته ودخل من باب الخدم واستوقفه صوووت اخته تشكي لـ امه واحترق قلبه من صديقاتها الي يجرحونها وهو مو داري تجاهل شعوره وكلام امه الي كـــانـت بتكشف ســـــر ولــدهــا الدفييين حمد ربه انه دخل وماكملت كلامها ناظر امه بنظرات العتب امه نزلت نظرها لرواد الي مو داريه بوجوده
رواد كانت تنتظر امها تكمل حكيها لكن فجاءة امها سكتت !!
همست بتعب : يمه كملي وش
قطع عليها صوت فارس : قومي عن امك وروحي البسي عبايتك !!
ناظرت فيه بتعجب !!
فارس مايبي يشوف وجهها ودموعها الي تضعفه!
رفعه ام فارس: وين بتاخذها ؟!
فارس يبتسم : باخذكم لـــ فيروز جاردن نتعشى
رفعه ابتسمت له لكن رواد وقفت وصداع ضرب راسها وهمست : مشكور ماتقصر ما ابي منك شي عاجبني السجن الي محبوسه فيه
تنرفز وهو طبعه عصصبي ويكره احد يرادده
: بتطلعين غصب عنك مو جاي اخذ رايك
انا اعطي اوامر وتتنفذ غصببببب تمشين
ناظرته بخوف من حدة صوته هزت راسها وصعدت لغرفتها بدلت لبسها ولبست جينز فاتح وتيشيرت بينك لمت شعرها ولبست عبايتها
اخيراً نزلت ومعها محفظة فلوسها ونقابها بيدها كانت امها لابسه عبايتها الي جابتها لها "رجاء"
مشرفة الخدم وصار لها اكثر من 20 سنه بالقصر وشاهده على طفولة ومراهقة وشباب فــارس وهي الوحيده من بين الخدم تعرف ســر فارس الدفين وهي مربية رروواددد ومعلمتها من كانت رواد بالروضه لحد تخرجها من الثانوي
طلعوا وركبوا بسياره فـارس
متوجهين لــ فيروز جاردن المطل على كورنيش الخبر











جييييهان








دخلت وتوجهت للصاله كانت بـــدور وامها جالسين

توجهت بتجلس معهم بدون صوت لكن ام جيهان

وقفت واعترضت طريقها ورفعت يدددهااا

واستقرت على وجه بنتهاا

وصوت الكف الي تلقته جيهان من امهاا اصدر

صفييير بااذنها ناظرت بــ امها بعدم تصدديق

شهقه من بــدور وصوت علبة الالوان والكراسات

الي طاحت من شــوق بصدمه والي كانت توها

داخله ماتوقعوا ولا واحد بالميه تنضرب اختهم

وش السبببب لييييييه ضربتهااا؟!

نبره العتببب الي واضحه من جيهان لأمها ويدها

اليسار على خدها الايسر وبصدمه نطقت: ليييييه؟!

ام جــيـهان : ولك عييين تتكلمين

جيهان ناظرت امها بضعف

بـــدور : يمه تعوذي من الشيطان وش سوتتت!!؟

ام جيهان : انتي قولي وش بقى ماسوتته هالبنت ؟!

شــوق تناظر مصدومه وقلبها يحترررررق

جيهان من الصدمه مانزلت دموعها

غمضت عيونها بقوه وقلبها يحتترررق الكل ضدها

اهلهاا وصاحبتهااا رنــا حسسسست نفسسسها

مضطهددده من كل الجهاااتتتت والدنييا مقفله

بوجهها ناظظظرت بـ أمهاا ثم بــدور ثم شــوق

وطلعتتت متوجهه لـ غرررفتهااا كاارررهه

البييت ومن فيييه !! دخللتتت رقعتتت الباببب

تكومتتت على نفسسسهااا ونزززللتتت دموعها

بقهررر داخلها نار تشتعل وتحرررق قلبهااا

مششاعرها لعبببه بين يدينهم متخلفييين يجبرون

البنتت توافق غصب عنهاا وبالنهايه يقولون البنت

وافقت هه يا سخرية القدر اجل البنت موافقه

الناس تطورت ووصلت للقمر وباقي في ناس تجبر

البنت لـ ولد عمها وتفضله على اي شخص ثاني !

تنهددت بـ هم طيب يــ رنــا طيب مو قلتي

بنخطبك مو قلتي انتبهي يـ جيهاان لاتوافقين على

احد يتقدم ويــن وعودك لي وينك عني الحييين

وين رسايلك ومحادثاتك مع ســـامي ترسليها لي

وش صابببك تخليتي فجاءه عني قطعتي فيني

ولا كلمتيني ونسيتي الاسرررار الي بينا نسيتي

ايامنا الحلوه انا بس ابي اعرف شي واحد وش سبب

بعدددك يارناا عني مسحت عيونها بعنف

نهايتها امي تضربني عشششان من؟؟!!!

عشان ولد زوينه حسبي الله ونعم الوكيييل

تعوذت من الشيطان وحاولت تقوي نفسسهاا

وتقابل بكرا رنـــا بالجامعه وتجبررها تبرر لـهـا

سبب اختفاءها وقطع علاقتها وقفت وحاولت

تقوي نفسها غسسلت وجهها وناظرت وججهها

بالمرايا توجهت لجوالها وبيدها المناديل تمسح

وجهها مسكته ناظرت مكالمات فائته من فــوز

ومن ريــوف ورسايلل كثيييره منهم رمت جوالها

على سريرها بملل مافيها حيل تكلم احد وتعرف اذا

كلمتهم بتزيد عليهم الهم ناظرت بشنطتها ولا لها

نفس تذاكر وتراجع دروسها فتحت الدولاب

وبدت ترتب وتنسق لها لبس للدوام بعد

ماانتهت من تجهيز وترتيب لبسها جلست على

طرف سريرها بذهن شاردد تفكيييرها متشتت

من كثثثر الضغوط الي واجههتها تتمنى تختفي

عن العالم تتمنى تصرخ وتقول افهموا يانااسسس

قلت لكم رافضضه ارتبط فيييه لييه ماتفهمون

ليييه يرجع يخطب من جديد

حست انها بتستفرغ من كثر هالموضوع الي

يتردد على راسهاا هلكها التفكير انسدحت

وسرحت تفكررر بحياتها كيف كانت وكيف بتكون










بــمــجــلــس الــرجـال


ابــو نواف : ياعيال استهدوا بالله

سطام : يبه البنت ذي ترفض الخطاطيب !! صاحيه ولا لا فيها عقل ؟؟! علامهاا يايبه!!

نواف: سطام اهدا دمك الحار ذا مب نافعنا بشيء هرجك كثيير ولا منه فايده

سطام ناظر ابوه : يبه شهرررين ذي مب يوم يومين

انا مدري كيف الولد متحمل انا لو مكانه فسخت

هالخطبه والله حاله مثل حال الحرمه المعلقه لاهي

متزوجه ولا هي مطلقه !

ابو نواف: انا ابيها تفكرر! وتقتنع ثم تجي وتقول بالفم المليان انااا موووافقه

نواف: جالسين تضغطون عليها وتجبرونها وتقولون

نبيها تجي منها الموافقه البنتت قالتتت مااابيه

رفضضضته لكن انتتم تعيدون عليهاا الموضوع

لحتى توافق صابتها حالة نفسيه منكم

سطام : انتم الغلطانين كان جيتها وقلت ولد عمك خطبك ووافقنا جهزي حالك لـ تحليل الزواج

نواف بعصبيه : ولددد علاااامك انجنيت وين عايش انتتت وش هالتخلف ؟؟!

ابو نواف : لا يا سطام الله يرضى عليك انا والله لولا

ولد اخوي مب متمسك فيها ويبيها وشاريها كان

قلت له رووح الله يوفقك بـغيرها لكن اخوي وولده

واضح مايبون غيرها

نـواف : لاتضغطون عليها راعوا نفسيتها

ابو نواف : قلت لـ أمك تقنعها بهدوء!

نواف : وام نواف تعرف الهدوء؟!

سطام : انتم بس عطوني وقت واكلمها والله لـ اخليها توافق

نواف بعصبيه : سطام والله ان ماسكتت وبلعت لسانك لـ احوسك هنا

سطام ناظر بنواف وبششر : تخسسى

نواف وقف : وششش وش قلتتت ؟!

سطام وقف : نواف ترا واصل حدي من اختتك الـ#### والله لا اكفر فيييك وفيها

نواف عصب وابوه وقف يفرق بينهم

ابو نواف بحده والود وده يذبح سطام
: تخسسسسى ياقليل الرجوله اختك اشششرف منك !

نواف قرب ومسك ياقة سطام وبفحيح :
اختتتتك يالـ #### تكررررم عن هالالفاظ والله ان

كلمتها او رفعت صوتك او تدخلت فيييها لـ يجيك

شي ماشفته بحياتك كللهااا تركه بقوه وتعثر وسقط

على الارض خرج نواف من المجلسس وهو واصل
حده
ابو نواف ناظر لسطام وبتهديد
: سبق وقلت لك ماراح تجني من عصبيتك الا الذل
ونقصان قدرك
مسحه بنظره وخرج من المجلس
وترك سطام يعض اصابع الندم على الفاظه البذيئه












مــشــاري



بســيارتـه راكنها بـ مواقف السيارات تبع كورنيش الخبر
هذي ثالث سيجاره يولعهاا شاب راسه من كثر الانتظار
طال انتظاره وخايف جيهان ترفضه ماقد حب ولا عشق
غيرها لكن هي قاسيه معه معقوله مافهمت ولا في بالها واحد غييري ؟ ولا السبب اهلي وخوفها من مستقبلها !؟
هز راسه من الافكار الي هلكته ناظر بالناس المجتمعه والي يشون وريحة المشويات معبيه المكان والي يركض ويسوي رياضه والاطفال يلعبون وضحكاتهم وازعاجهم معبي المكان الجو حلو بدا يبرد وهالوقت تكووون الخبببر عشششق لـ اهلها بالوقت من كل عام يعتدل الجو وتخف الرطوبه ويهب نسييم بارد بوقت الليل يحرك مشاعر المشتاقه وينعش الروح


تذكر الفجر الساعه 4 صباحاً لما
اتصلوا عليه السفاره بعثته مع وفد القنصليه
راح تكون بعد اسبوعين عليه الاستعداد للمباشره
عمله تنهد وخبر اهله وهو الود وده يتملك على جييهان قبل سفرته لانه راح يضل مسافر مده 6 شهور
خايف من شعور انه يسافر قبل لا يتملك عليها ويرجع يحصلها رايحه لغييره مجرد تفكير في هالشي زاد اصراره والتملك الي اجتاحه زززاادد شد على شعررره الاسود وبقهررر : والله ماتروحييين لغيييري انا وراك وراك وانتي لي طال الزمن ولا قصصصررر تنهد بهم
وحرك سيارته صداع بدا يضرب براسه عرف وش دواء صداعه توجهه لمكان يروح له يومياً بعد مرور دقايق وصل لكوفي الي يعشقه وقف عند ڤيروتشي كافيه انعشته ريحة الاسبيرسو حاول يتناسى همه ويتناسى كل حاجه تضايقه ويوكل امره لـ ربه ويدعي من قلبه ان اموره تتيسر
بعد دقايق اخذ كوب القهوه بدا يرتشف من قهوته بذهن شارد وسرررح بعالم يخصه هو عالم مافيه الا مشششاري وجيهان !!









انــتـهى



موعدنا يتجدد بوقت آخر وبارت جديد
بإذن الله انتظروني

محبتكم : جــيـان




سبحان الله
الحمدلله
لا اله الا الله
الله اكبر




































الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 02-01-2019, 04:34 AM
صورة صرخة إحساس الرمزية
صرخة إحساس صرخة إحساس غير متصل
©؛°¨غرامي مجتهد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي


😍😍😍😍😍 هلا هلا أكيد وحشتينا كثيييييير ♥ وكل شوي أدخل اشوف إذا نزل البارت ولا لا ، الحمدلله على السلامه من ازمت الاختبارات هههههه الله يوفقك ياروحــي ..



نروح للمهم خخ .. البارت جميييييييل وتسلم أناملك حبيبتــي بس قصير 😭 .

اممممم فــارس أحس ورآه قصه عشان كذا صار معقد وعقد أخته معه وكرهني نفسي هههه بس حبيتـه لما حنن قلبه على أخته هههههههعععع .

أم جيهان عساها لللموت 😬😩 وش فيها على جيهان من الباب لطاقه طراااخ عطتها طراق سلامات ، أحس قلبي انحرق انقهرت مو جيهان هههههه وجع توجها ، ودي أعرف ليه تعامل بناتها كذا وخاصه جيهان .

شوق حبيتها 😋♥.

بدور مدري أحسها نذله 🤷🏻‍♀.

جيهان يا عمري عليها عاشت قصة حب فاشله حسبي الله على سامي وأخته ، علقوا البنت بلهوا وتركوها وجعععععععع .

سطاااااام يا كرهيييييي له وكمان عساه يموت ويلحق أمـه << 😂 حاقده البنت

تسلم يمين نواف بس لو كملها وعطاه كف يخليه يتفل العافيه 😩😂 .

مشــاري مدري ليه مصر يأخذ جيهان يعني جد يحبها ولا فيه شي ثاني ؟ مع أنها رفضته بس رجع يخطبها ودي اعرف لييييييه ؟؟؟؟

وشكله بيتزوج على السريع ويأخذها وتصير أكشن قصدي رمنصي 😂 وحركات .

والله أحب الروايات اللي زي كذا بس انقرضن .

وكمان حبيت شخصيته بغيت أدخل بالروايه والكمه على فمه لما أكتشفت أنه يدخن 😬😂.

وبس والله ننتظر البارت القادم على احر من الجمر . لا تطولين بلييييييييييييز 😭😍..


الرد باقتباس
إضافة رد

رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي

الوسوم
لحون،الحزن،جمعتنا،بلا،ميعاد،راحت،الايام،تمشي،جيان، الكاتبه،جيان
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
عندما يستقيم الحب تتعثر الامنيات/بقلمي؛كاملة حنان | atch روايات كامله - يتم نقل الرواية هنا بعد اكتمالها 69 04-12-2018 04:25 PM
ستبقين اجمل فرج لسنوات صبري/بقلمي؛كاملة اجمل أسطورة روايات كامله - يتم نقل الرواية هنا بعد اكتمالها 104 03-08-2018 10:35 AM
رواية عيشتني بجحيم فعلك وحرمتني جنة أفعالك / بقلمي؛كاملة Novels01x_ روايات كامله - يتم نقل الرواية هنا بعد اكتمالها 71 02-08-2017 12:58 PM
رواية شلة ماسنشر بنات وشباب ~Remas~ روايات - طويلة 5 30-06-2017 11:11 PM
رواية ماتهزني ريح بس يكسرني الحنين/بقلمي De.muneer روايات - طويلة 18 17-05-2015 01:51 AM

الساعة الآن +3: 11:15 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1