غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 07-03-2019, 11:31 AM
شقاوة تعجبني شقاوة تعجبني غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي


ابداعتي جميل جدا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 15-03-2019, 12:26 PM
شقاوة تعجبني شقاوة تعجبني غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي


وينك تاخرتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 23-03-2019, 02:40 AM
شقاوة تعجبني شقاوة تعجبني غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي


وينننننننننننك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 10-04-2019, 03:44 PM
صورة صرخة إحساس الرمزية
صرخة إحساس صرخة إحساس غير متصل
©؛°¨غرامي مبدع¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي


السلام عليكم جيـانــو ☺ .



تسلم أناملك حبيبتي على هييييكك بارت يجننن ويعطيك العافيه .


بصراحه مدري شقول كان بارت جداً مشوق وحلوه وخاصه لما وقفتي وما كملتي إيش صار على فـــوز << من الحماس بغيت أبكي لما إنتهى البارت عند هالنقطه 😂


وبالنسبة لمشاري وأبوه الله يستر وش ناويين عليه ؟


ودلال مستفزه بشكل لا يطاق ، ونجود مسكينه بس تستاهل .


جيهان ليه نست موضوع المواجهه بينها وبين رنا إيش تنتظر ؟



فـارس يا كرهي له بعد حركته مع فوز ما تستاهل ☹ .


وبس والله رغم إني قريت البارت بوقت متأخر تمنيت أنك منزله ثاني بارت بس خاب أملي يلا مو مشكله ننتظرك ربي يوفقك ويسهل أمورك ❤🌹.



بأنتظار البارت القادم .....!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 23-04-2019, 01:28 AM
صورة جيـــان الرمزية
جيـــان جيـــان غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي




بــسـم الله الرحمن الرحيم



السلام عليكم كيفكم ياحلوييين
ان شاء الله باحسن حال وحشششتوني
والله قد السماء واكثر ..
الي يقرؤن بصمت والي متواجدين
بالمنتدى والي خلف الكواليس
ولهم بصمتهم الواضحه احب
اشكركم على اانتظاركم لي عارفه
تأخرت عليكم وروايتي والله على البال
مانسيتها ولا نسيتكم لكن عذراً على التأخير
حصلت لي ظرووف صعبه تشتت تركيزي
وماقدرت اكتب حسيت نفسي تاآيها وضايعه
وماعرفت اتصرف صعبه حيييل
اذا كان الشخص مخطط لـ امور وترتيبات
بباله لكن يوقف القدر والظروف بوجهه
ويعثرنا ويشتت التركيز وندخل بدوامة التفكير المهلك لكن قدرت اتجاوزها
ولله الحمد بعدها مريت بفترة الفاينل
والي حاليا نمر فيها ..
اختبارات مو سهله والله
لكن الي محتاجته
دعواتتت من قلبكم لي
وتقبلوا عذري حبيباتي


قراءة ممتعه لـلـجـمـيـع ..



اتمنى يعجبكم هالبارت
واتمنى اقرأ ردودكم اللطيفه


احبكم..







البارت الرااابع عششششر







فـــوز


بالمستشفى

وبعد مرور اكثر من ساعتين
وبعد ماعقمت الممرضه جرحها
ولفته بضماد وثبته بلصق
ثلاث ايام بيكون موعدها لتغير الضماد..


وبعد الزحمه الي كانت عند عيادة الباطنيه
دخلت فــوز العياده وبدت تشرح للدكتوره
الاعراض الي هلكتها والالم الي قطعها ..

جالسه بتعب وعيونها على
الدكتوره والكلام الي موجهه لها

: بنعمل لك تحاليل حتى نتأكد
فوز بخوف : تتاكدون من وش؟
الدكتوره بهدوء: يابنتي تحاليل بسيطه لاتخافي

فوزز بدموع: دكتوره والله اخااااافف منن االابره

الدكتوره بتفهم: مافيش داعي للخوف حبيبتي
شغله بسيطه وتصيري زي الفل

اخذت نفس عميق وحاولت تهدي نفسها
: ممكن اعرف وش الي ببتتأكدون منه ؟؟

الدكتوره : والله انا شاكه اما تكون عندك الزائده الدوديه او جرثومة بالمعده لان الاعراض متشابهه

فــوز بدموع وبصدمه نطقت
: جرثومه وزائده دوديه!!!

الدكتوره تتنهد : الاعراض متشابهه وحتى نقطع الشك باليقين حابين نتأكد من هالشي !
وسبق وقلتي انك من ايام تاكلين السبايسي بكثره والمشروبات الغازيه ودول الاشياء لها علاقه بهدا كله على العموم مافي داعي للخوف لان دا كله
من ابسط الامراض ولله الحمد
هي حاجه صغيره نعمل تحليل ونتأكد

فــوز بدت ترجف خووف ورعب هزت راسها
و طلعت مع الممرضه متوجه لقسم المختبر ..





صووت بكاء قوي وصررراخ وتكسييير زجاج
جاي من غرفة التحليل المخصصه للنساء


كان بنفس اللحظه واقف قبال قسم المختبر
يتنظر اوراق بنته تجهز والي كانت اخر تحاليل
يسويها لها وبعد ما تكتمل الاوراق بيتحدد وقت
العمليه!

الدكتور علي: الاوراق جاهزه والتحاليل سليمه تطمن انا اشرفت عليها بنفسي
ولله الحمد تقدر توقع على العمليه
وانت متطمن ..

تنهد بهم وصافح الدكتور و بشكر
: مشششكووور ياعلي تعبت معي هاليومين ..

الدكتور علي يقاطعه
: لاتقول كذا ماسويت الا الواجب

قاطعهم صوت بكاء بشكل جنوني وصراخ
وخروج ممرضتين ووجههم مخطوف
ويمشون بسرعه متوجهين للدكتور

الممرضه برررعبب:
دكتوررر علي .. دكتورر علي!!!

الدكتور علي عقد حواجبه :
نعم ؟؟!!!

الممرضه الثانيه بدموع : دكتور تعال ارجوك
المريضه كان صعب التعامل معها و...

قاطعتها الممرضه الاولى بتوسل
: دكتور تعال بسسسرعه ارجوووك شوفها

ركض الدكتور علي بخطوات سريعه

توجه ودخل لغرفه للي كانت فــوز فيها ومعها
ممرضه تهديها

الدكتور علي انصعق من منظرها
وكيف لامه نفسها برعب وتبكي
بقوووة والزجاجات والانابيب متكسرة
على الارضيه والزجاج منتشر

بجدية صرخ بصوت عالي
: ممكن افهم وششش الي صارر؟؟!

كانت فــوز جالسه على الارض رفعت يدها الي تنزف وناظرت فيها ودموعها على خدها وشهقاتها المرتفعه الي راح صوتها من كثر ماصرخت
بكت اكثرررر

قرب الدكتور منها واشر على يدها
ويحاول يهديها لان واضح منهاره

: انتتتيييي شايفه الي صاير لك؟؟؟
يددددك تنزف خليني اشوف

هزت راسها برعب وبعدت عنه برعب

لف على الممرضات
: كييييف نزفت يدها وش مسوين فيها ؟؟؟؟!!!

الممرضه بخوف
: دكتور الابره انكسرت من حركتها
وجزء باقي داخل يدها

صرررخ الدكتور عليهم :
وبـ اي حق تجبرونها على عمل التحليل ؟؟؟؟؟؟!!!!

الممرضات بلعوا ريقهم برعب ماقدروا ينطقون

اشر بعصبيه للممرضات وصرررخخخ عليهم

:ابرررره منومه بسسسرررعهه

ناظر لممرضة الثانيه
: وانتي اعطيهم خبر يجهزون غرفه الجراحه

بينما فوز تبكي وتحاول تبعدهم عنها
ماركزت بالكلام قد ماارعبها صوت الدكتور
همست بضعف
: بعدددووووووا اتركوووووني

قرب الدكتور علي لــ فوز
انتفضت برعببب
ويدها تنزف صرررخت بصوت عالي
وعيونها مليانه دموعع

: ابعدددد عني اكرررهكم كللكمممم
اكررررهكم
هادددي لماررر يوووومه تعالووووووا !!

بصراخها ذكرهاا بالموقف الي حصل
لها البارحه انتفضت برعب وغمضت
عيونهها بقوة صدداع ضرب براسها
فتحت عيونها وناظرت بالدكتور رفعت
نظرها وظلت عيونها معلقه على الي واقف
عند الباب ماتدري حقيقه ولا خيال
طييفه مــر عليها لكن هالطيف بدا يتلاشى
شهقت برعب همست بصوت مبحوووح
يذبح : انـــــت؟؟؟؟!!!!!
غرقت عيونها بدموع غبشت الرؤية عندها
وصارت صورته مشوشره
تحرك هالجسد الجلمود لف واعطاها
ظهرها وخرج من العياده وتركها !!

غابت عن الوعي بعد ما انحقنت بـ ابره منومه
نقلوها لقسم الجراحه يستخرجون
كسرة الابره !



فـــارس

دخل "الدكتور علي " للغرفه
بعد ما طلبوه الممرضات لاحظت الرعب
بـ اصوات الممرضات ووجههم
المخطوف من الواضح عندهم حاله خطره
سمعت صرراااخ وصوت
"الدكتور علي" الجهوري
يخاصم ممرضاته قربت اكثر لمصدر الضجه
فجاءه طغى صوت انثوي مبحووووح
تبكي وتطلب منهم يتركوها..

الصوت مألوف ..
وكأنه مررر علي من فتره
عقدت حواجبي بااستغراب
وقربت من الغرفه وانا متجاهل
كلام الممرضات ومحاولاتهم منعي
من الدخول..
قادتني رجولي الى مصدر
الصوت وصارت الكلمات واضحه وقريبه
كانت مناداتها لـ أشخاص مر
ذكر اسمهم بذاكرتي حاولت اتذكررر وكعادتي
صعب علي النسيان تذكرررررتها
وكيف انسى الي صار ليلة البارحه
تأكددددت شكوكي من طلبهاا
لـ أشخاص كانت ماتتخلى
عنهم حفظتهم منها وهي تستغيث وتطلب عونهم ليلة البارحه !! مافي غيييييررررهااا
هـــي ...ايـــه ...هــي ...

دخلت من غير شعور وتعلقت عيني
بعيون يغشاها الدموع جالسة على الارضيه
بتعب و"الدكتور علي" يحاول يتعامل معها راسها
ملفوف بشاش ابيض بعد الي صار
فيها ليلة البارحه اصابتها كانت
قووويه وكنت متوقع مدى الضرر الي خلفته ... حجابها مفكوك ونازل على اكتافها

همسسست لما شافتني بصوت مبحوح
يذبح :انـــــت؟؟؟!!
على همسها المسموع وعيت من سرحاني
نهرررت نفسي وتراجعت خطوتين لوراء
استوعبت وصحيت من تفكيري
وش كنت بتسوي يافاررسس ؟؟!
وبأي حق ادخل وانتهك الخصوصيه
كنت بلحظة بتهور لكن..
لفيت واعطيتها ظهري وخرجت من الغرفه
كفايه الي صار ... مابزيدها الا عذاب

خرجت متوجه لقسم التنويم
روحي وقطعه قلبي بنتي فــجــر
بزورها وأحدد وقت عمليتها

لكن عقلي وضميري بحالة تأنيب
مع هالانسانه وش صاير فيها ليييه تبكي ..
ليييه تتألم ... لييييه تاركينها لوحدها..
وين اهلهاا.. وين الي كانوا معها امس..
وش مسوين فيها الممرضات .. اذوها؟؟
قاسين معهاا..؟! ليييه بكل مكان
تخرجين لي .. لييه اشوفك بـ اصعب حالاتك..
ابعدي عن حياتي مابزيدك الا عذاب ..
"الدكتور علي " قايمه قيامته !!
اكييد اذوها ؟؟ واكيددد ضربوهااا ؟؟؟

هزز راسه يحاول يبعدها من تفكيررره
حاول يتناسها وبصفته منو؟؟ يتعب تفكيره المرهق فيها !!شد على عيونه بقوه
فتحهم وزفر بهم

دخل بغرفة التنويم المخصصه لــ بنته
فـــجــــر ابتسم غصب عنه وهو يشوفها
تلعب بالالعاب الي قبالها جالسه
على السرير بلباس التنويم الخاص

قربت مربيتها الخاصه
" نتاليا" من فارس وبابتسامة عذبه
: اهلاً سيدي

فارس رد بهدوء بعد مااعطاها الاوراق
: اهلاً
قرب من بنته
وبهمس حنون يستغرب على هالجلمود وكأنه مايعرف الحنيه : فـجـر ياروحي

على صوته رفعت فــجـر راسها وناظرته
تركت العابها
وتوسعت ابتسامتها لما شافته
رفعت يديها علامه على الترحيب باابوها
ضحكت بسعاده وصارت تصدر
اصوات دليل على فرحها بقدومه
ابتسم لها وقرب منها
رفعها بثقل وباسسها بقوه مع خدها
فتحت فمها واستقر على خد ابوها
صارت تعضه بخفه وكأنها تبوسه
مبسوووططط فيها وبحركاتها البريئه
يعشق ملامحها وتفاصيلها الجميلة
خدود منفوخه فم مليان ومفتوح
شعر املس وعيون مشدوده

ابتسم : بسسس ياروحي لاتعضين
حرك انفه الشامخ على رقبتها وباسها بعمق

: كيف الحلوه اليوم ؟؟؟ مبسوووطه؟؟
فــجــر ياروحي قولي بـــابــا

بعدت نفسها عن صدره وضحكت بمرح
وهي مو فاهمه شي
فارس برجا : يلا ياروحي بـــابــا

ضحكت اكثر ماقدر يقاومها عض خدها بخفه
: عيون ابوك وروحه لو ماقلتيها
يكفيني هالضحكه يـ الروح
ضمهااا لصدره
وشدها له اكثررررر خايف يفقدها
يحبهااا وبالفتره الاخيره تعلق فيييها اكثر
باسها مع راسها وجلس بالكرسي
وهي بحضنه صارت تلعب بـ اصابعه
وتحطهم بفمها ابتسم على حركاتها
الطفوليه اوجعه قلبه مجرد ماتذكر
عمليتها الي لازم يتحدد موعدها
ناظر بالسلك الي مايفارقها
مثبت تحت انفها الصغير سلك او انبوب
الموصل للاكسجين فـجـر تعاني من ضيق
بالتنفس والاكسجين واسلاك معلقه فيها
قرابة 18 ساعه ونادراً تنزله

تنهد وهو يفكر بـ اخر قراراته
بعد عمليتها اذا تمت بصحه وعافيه
راح تكون قريبه منه اكثر واكثر
صار الوقت الي ترجع
فيه فــجــر لـ الــقصـر تعيش عند ابوها
قريب من جدتها الي تزن فوق راسه
وتبي شوفتها لكن فارس رافض هالفكره

بعد دقايق انحنت فجر على صدر ابوها
ونامت مسح على شعرها بهدوء
تنهد ولف لـ نتاليا
الي تكلمه
: استاذ فارس !!

فارس وهو يناظر بنته الي حاطه راسها
على صدره ومغمضه عيونها
باس يدها النتفه ورد بهدوء
: نعم نتاليا

جلست نتاليا بالكرسي القريب منه :
اود اخبارك ان الامور تسير على مايرام

فارس: الحمدلله
نتاليا شدت على يدينها بقهر من تجاهل
فارس لها حاولت تحكم اعصابها
تكلمت بهدوء :
انت تعلم بـ أن فـجـر لاينبغي لها الجلوس
بالمستشفى عند اجراء عمليتها سوف تخرج

فارس ببرود : اعلم
نتاليا ناظرت ملامحه البارزه انفه الحاد عيونه المرسومه ببروز ورموشه الكثيفه
جسمه العريض والي ضايعه بنته بحضنه
وهو محاوطها عضت على شفتها وبلعت
ريقها من وسامته
ونطقت بقهر وبلا وعي : وماذا عني انا يافاررررسسسس

فارس ناظر فيها وضيق على عيونه
: ما الذي تريدينه نتاليا ؟؟!!!

نتاليا ارتبكت : لاااا اريد شي لكن ..
بلعت ريقها وبحذر ..
على والدة فجر ان تأتي لتطمئن عليها

وقف بسرعه وكأنه انلسع من طاريها
شد على فـجـر الي كانت بحضنه

وقفت نتاليا معه بخوف وهي مستغربه وجهه الي احتقن وتلون باللون الاحمر
نزل فـجـر بسرريها لف عليها
قرب من عندها وناظرها
والود ويده يخنقها بيدينه وبفحيييييييح نطق :
كم مره قلت لكِ كفي عن ذكر والدتها والا قتلتك!!

شهقت نتاليا وبعصبية نطقت
: لكن هذا ظلم تريد ابنتها نعم تريدها

فارس بصررراخخ وبالعربي
: انا بعرف منو الي كاذب عليك وقال تبيها ؟؟!

نتاليا هزت راسها بعدم فهم ماتعرف العربي

فارس بقهر يحاول يكتمه وهو ضاغط على يده
: من قال ذلك ؟؟

نتاليا بخوف : انا قلت ذلك
ضحك بسخريه:
اخبري نفسك ان فجر يتيمة الأم
وانتي مجرد مربيه ليس لك شأن في هذا كله

شهقت بصدمة: ماذذذا فجررر يتيمه الأم!!!
فارس مسحها بنظرة احتقار صد
عنها اخذ الاوراق ورجع لكرسيه

نتاليا الصدمه اخرستها فجررر يتيمه الأم!!
استوعبت وغمضت عيونها بقوه فتحتهم وناظرت بـ فــجــر الي نايمه بسريها بعمق نزلت نظرها
ماتنكر صدمتها بمعرفة هذا الخبر لكن في صوت بداخلها مبسوووط وفرحان
ابتسمت بخبث لكن تظاهرت بالصدمه والحزن على حال فجر
قربت من عنده : اممم يا ألهي كم هذا مؤسف حقاً
وبصوت خافت : استاذ فارس

فارس رفع راسه يناظرها شتبي ذي
ماتتوب رد من غير نفس : نعممم؟؟

نتاليا بخجل وهي تفرك يدينها بتوتر
: لكن انا اممم احببت فجر جداً

فارس فاهم وش تبي توصل له لكن تجاهلها
نتاليا زاد قهرها

فارس بجديه وبااحتقار وهو نظره على الاوراق
: اخرجي من هنا فـ انتِ مربيه مزعجه!
نتاليا عضت على شفايفها بقهر لكن ماطلعت

رفع فارس نظره عليها
وصرررخ بعصبية
: الا تفهمين ؟؟؟اخرررجي!!

نتاليا ابتسمت بمكر صدت
اخذت شنطتها الصغيره وطلعت


تنهد بـ هم وهمس
: ناقصني هالاشكال الحقيره

ناظر بالاوراق وتأكد منها نزلهم على الطاوله
سند ظهرره على الكرسي بتعب
ينتظر قدوم الدكتور ويتفقون على العمليه
باقي ساعه وتطلع روواد من الجامعه على حسب كلامها ان اخر محاظره لها الساعه 12
غمض عيونه وراح بعالمه الخاص
عض على شفته وشد على راسه ارهقه التفكير وصورتها محفوره ومطبوعه بعقله
ومجرد مايغمض عينه تداهمه بـ اول موقف
صار بينهم بقوتها.. وعصبيتها .. بحزنها
ودموعها الي تذبح

سرح وهو يعيد شريط ذاكرته
واحداث ليلة البارحه الي ارهقته مع هالانسانه
الدخيله بحياته !!







——————————————————

نتاليا خرجت وهي مبسوطه
لما تأكدت ان زوجة فارس متوفيه..
طول وقتها تحسب ام فجر متخليه
عن بنتها بسبب مرضها وماتزورها
او فارس حرم ام فجر شوفت بنتها
لكن تأكدت من عدم ارتباط فارس
بـ اي انسانه .. وكعادته يجي لوحده
يزور بنته ويتطمن عليها ويطلع وكانت
نتاليا هي الانسانه الوحيده بعد الدكاتره
الي تعطيه معلومات وتطمنه عن حالة بنته
صار لها ثلاث سنوات تشتغل مربيتها
وطول الثلاث سنوات ماشهدت نتاليا
اي امرأة تزور وتتطمن على فــجـر
لكن تذكرت وبـ اول ايام شغلها
وعند دخول فـجـر للمستشفى وتعبها جات
حرمة بملامح راقيه وبـ اناقتها المعتاده بطول متناسق مع جسمها الرشيق وكانت برفقة فارس واول ماشافت فجر انهارت تبكي وصارت تبوسها وتحضنها بشوق وحزن..

حزرت نتاليا انها والدة فــجــر لكن
اخطأت لان هالحرمه تكون ام فارس وجدة فـجـر

ومن بعدها ماشافت نتاليا الحرمه واعتادت على
زيارات فارس الفرديه ويتطمن على بنته..
لكن بااخر سنه بدت تميل نتاليا لـ فارس
بسسب اهتمام فارس لها وهو يستفسر
عن ادق تفاصيل بنته فـجـر

توجهت نتاليا لدوره المياه
وهي بقمة سعادتها فتحت شنطتها
واخرجت العطر الفرنسي وتعططررت منه
ناظرت بشكلها بالمرايا الزي الرسمي كونها مربيه شعرها مغطيته بقبعه صغيره او
"منديل الي يحطونه الخدم على شعرهم "
شكلها بسيط لكن ملامحها جميله

نزلت المنديل وانتثر شعرها الاشقر على اكتافها
رطبت شفايفها بقلوس هادي
دخلت المنديل بشنطتها
سقطت بطاقتها وانحت ترفعها

بيناتها مكتوبه بالانقلش على البطاقه
حتى يسمح لها بالمرافقه مع مريض
ناظرت ببطاقتها

الاسم : نتاليا
العمر :26 سنه
الجنسيه : فرنسا
المهنه :مربية طفل

دخلتها بجيبها وخررجتت وهي تمشي
بخطوات سريعه وكل خلية بعقلها مشغوله بـ فـارس وكيف تكسبه ويكون شريكها!!

لكن تعثرت بخطواتها واصطدمت
بشي قاسي صلب ..!
حاوطها يثبتها لانها كانت بتفقد
توازنها وتسقط على الارض رفعت راسها تناظره
غمضت عيونها بقوة بعد ماكان وجهها قريب من وجهه ارخى يدينه
الي محاوطتها بعد خطوتين وراء
بعد مادفته عنها

الدكتور علي باحراج ولخبطة
: عذراً كنت على عجل
وقفت نتاليا وهي تناظره ونطقت بدون نفس
: لا تتعذر دكتور

علي ضيق عيونه : نتاليا؟؟؟!
نتاليا ميلت فمها بملل : اجل نتاليا

الدكتور علي يناظرها بتمعن
: لما انزلتي غطاء شعرك يجب عليك
احترام سياسة المستشفى

نتاليا بقهر وبعصبيه تكره تدخل الغير فيها

: لا شأن لك فـ انت مسؤول عن مرضاك
فقط !!

اعطته نظره قويه ومشت مسرعه بخطواتها متوجهه لكوفي المستشفى

الدكتور علي عقد حواجبه بـ استغراب من اسلوبها
المستفز وعصبيتها الغريبه كونه مسؤول عن حالة فجر ودايم يتحدث معها بخصوص فــجــر
و كانت هاديه معه ومحترمه
وملتزمة بـ اوامر المستشفى
لكن اليوم نتاليا مو طبيعيه
حس داخله يحترق من تصرفها
بـ اي حق تنزل غطاء شعرها!!
وتتلفظ عليه !!عض على شفته وكان بيلحقها
ويمنعها من كشف شعرها
لكنه تراجع كيف يمنعها
وهو مجرد دكتور بالمستشفى
ولا عنده سلطه في هذا كله

ابتسم وهو يتكلم بنفسه
بس والله هالبنت جميييله يخرب بيتها..!
تنهد بـ حُب ويوم عن يوم يزيد تعلقه فيها
ابتسم على خياله الواسع
توجهه لـ جناح الخاص بـ فـجـر يتناقش مع
فارس بخصوص موعدالعملية ..

_____________________

جــيهان + ريـــوف


نهاية الدوام
واقفين بـسـاحة الجـامـعـة
الجــو غيييوم والارضيه
مبلوله المطر توقف لكن
فيه رذاذ خفيف
الجو يشرح الصدر

جيهان تلبس عبايتها
وهي مبتسمه
: ياجمال الجوووو
ريوف تتنهد
: مثل جمااالك
جيهان تضحك
: امانه اسكتي لاتفقرين علينا بتشبيهك للجو

ضحكت ريوف وهي تلبس عبايتها
قاطعهم صوت هديل وهي تقرب من عندهم
: بناااااتتتت
لفوا لها
: هلااا ؟؟
هديل بخجل : اذا حابين تشاركون بالانشطه
روحوا عند رئيسة كل نادي وسجلوا عندها
ريوف بحماس: يالبى بسجل عند دكتوره صفاء

هديل ضحكت : باقي احد مايحبها؟؟!
جيهان بملل: يااااه ماقالوا لنا الا نهاية الدوام
مشوار مافيني ادخل
هديل : عادي فيه وقت راح يقفلون نهاية هالاسبوع
ريوف : لا لااا بنسجل الحين قبل الزحمه

جيييهان : ريوف لاتتحمسين بكرا نسجل

هديل تضحك
: خايفه يروح عليها نشاط دكتوره صفاء

جيهان تنفخ فمها بملل وجلست بالكراسي
المخصصه تحت المظلات وبصوت مسموع
: ماحبيتها !

ريوف تكلم هديل
: معليك منها ذي ماتحب احد

هديل ضحكت وهي تجلس جنب جيهان
: شوفي انا مع جيهان
احس البنات مبالغين بمدحها

ريوف بزعل : حررررام عليكم

ضحكوا كلهم على زعل ريوف

جيهان بضيق تحاول تخفيه
: روحي سجلي وانا بجلس
انتظرك هنا

ريوف جلست على الكرسي الثالث
: خلاص كنسلت مافيني والله مشوار ومتكسره
بكرا نسجل

رن جوال هديل
وقفت وبابتسامتها الهاديه
: بطلعععع يلااا سي يووو قايز
جيهان وريوف : سي يووو الله معك


جيهان غمضت عيونها وارخت نفسها
على الكرسي
ريوف انشغلت بجوالها
جيهان بهمس: خايفه على فــوز
ريــوف لفت وناظرت ملامح جيهان الي واضح الضيق فيها : بسم الله عليها لاتخافين اكيد نايمه

: اتصل عليها ماترد وارسلت لها
كذا مسج وماردت معقوله نايمه كل هالوقت

ريوف بضيق: ان شاء مايكون فيها شي
هزت راسها جيهان بخوف على رفيقه عمرها
فـوز ..

وقفوا وتوجهوا لبوابه الخروج
وانتهى يوم دراسي طووويل
ومتعب


________________

ام الهنوف وام سامي
الساعه 4 العصر

ام سامي : ياهلا بـ ام الهنوف نورتي
ام الهنوف بنفاق : نورررك يـ ام سامي
وبخبث وهي تناظر بـ ام سامي شايلة
صينية الشوكلت بيدها وتقدم الضيافه لـ ام الهنوف

اجلسي اجلسي ياروحي المقصد شوفتك لاتكلفين على نفسك

ام سامي بحسن نيه
: مافي كلافه قدرك اكثر من كذا
ام الهنوف بدت بالسوالف
: اييي كيفك ان شاء الله تمام
يقولون ان جارتكم ام فهد نقلت

ام سامي: اي وانتي صادقه قبل كم يوم
نزلت لــ الامارات وبيستقرون هناك
: ليييه نقلت ؟؟؟ هيي سعوديه

ام سامي وهي تشرب قهوتها
: ايه سعوديه بس بنتها وولدها يدرسون بالامارات
ونزلت معهم
ام الهنوف تفتن : ليه سمحت لهم وش هالام الي تغرب حالها عشان عيالها
ام سامي : بكيفها اهم شي هم متفاهمين ومرتاحين

ام الهنوف : ايي اقول اخبار سامي ولدك وبنتك العسل رنــا

: الحمدلله بـ احسن حال
ام الهنوف مقهوره من رنا :
بشرري ماتقدم احد لرنا ودنا نفرح لها

ضحكت ام سامي
: بنتيي ترفضض تقول دراستي اولى

ام الهنوف : بعذرها الشهاده اولى...
وبلعانه : يقولون سامي خطبتي له ورفضوا

رفعت ام سامي نظرها بصددمه
كيف عرفت ومن قال لها..
هالموضوع كان بيني وبين ام جيهان وماطلع كييف عرفت انا من شفتها تسأل كثيير مو مرتاحه لهااا وفاقدتها من ايام الخُبر الله ياخذها من ايام ومستغربه زيارتها لي بعد غياب فتره طوووويله
توو تتذكرني. ..
وبـ ارتباك حاولت اخفيه انكرت وانا اقول
: مو صددق !!

ام الهنووف بغيض : يعني انا اكذب ؟؟؟

: الي قالك منو ؟؟؟

ام الهنوف بدت نميمتها وبكذب
: والله الي قايله لي بنت ناس وتقول ان الي خطبتي منهن يقولون مايشرفنا نسبهم ورفضوكم

هنا ام سامي ولعت بغضب وكلام ام الهنوف كواها كوي
: مو صحيييح قولي للي قالت لك مو صحيييح

ام الهنوف بسخريه : هم الخسرانين يحصلهم سامي
ويرفضونه جعلهم مايتهنون

ام سامي تحاول تغيض ام الهنوف
: ماعاشوا الي يرفضون ولدي وسامي الف بنت تتمناه لكن ماجاء الوقت الي نخطب له
الله يكتب له الخير


قاطعهم دخول رنــا الي راجعه من الجيم
وبمرح : سلاااام مامي
ام سامي بـ ابتسامه : وعليكم السلام تعالي حبيبتي

تفاجأة رنــا بوجود حرمه لكن توجهت لـ امها وهي
بعبايتها وبيدها شنطتها
باست راس امها
: كيفك ان شاء الله تمام
ام سامي : هلا حبيبتي الحمدلله انتي كيف يومك

رنا دارت بعيونها تناظر الحرمه
: تمام ياماما
وكشرت بقرف لحظه ماعرفت من تكون
ومن غير نفس
: اهلاً ام الهنوف
سلمت عليها ببرود وماكلفت تسأل عن حالها
وام الهنوف تكررره رنــا ونظرات رنــا تحرررقها
لفت تناظر امها : مامي محتاجه شي ؟
ام سامي : لا الله يرضا عليك

وقبل لا تطلع لفت لـ ام الهنوف وهي تحارشها
: ليييه الهنوف ماجات !!

ارتبكت ام الهنوف وش تقول لها تقول بنتي عاقه وماتسمع كلامي ولا تقول بنتي تنهرني وكأني اصغر عياللها مجرد ماقلت لها بتطلعين معي قالت
بغرور من زين الي تروحين لهم
كأنهم وجهك يسدون النفس
وطلعت وانا قلبي يوجعني هالبنت تعبت اربيها ضرب وضربتها وحرمان وحرمتها لكن ماينفع معها كل اساليب العقاب نفذتها وكل يوم يزيد عصيانها..
نطقت وهي ترشف قهوتها
: تعبانه
ضحكت رنـا بـ استهزاء
: سلامتها ماتشوف شر
ام الهنوف عقدت حواجبها من ضحكه رنــا الي مو بمحلها : وش يضحكك ؟؟
رنــا وهي تمشي : ولا شي وضحكت ضحكه رناناه وطلعت لغرفتها والود ودها تذبحها بس امها موجوده تعرفها بتوقف رنــا وتمنعها تقل ادبها على الي اكبر منها ..

ام الهنوف بزعل : بنتك على وش تضحك !؟؟
ام سامي انحرجت من تصرف بنتها لكنها تظاهرت بالبرود : مبسسسوطه
ام الهنوف وقفت بضيق :يلا استودعتك الله انا طالعه
ام سامي: علامك ماطولتي ؟؟!
: عندي اشغال بخلصها
ام سامي مافكرت تعتذر منها وكلامها عن خطوبة ولدها يتردد بمسامعها وباستغراب: وصل سايقك
ام الهنوف صدت : تطمني ماراح موجود برا
طلعت بعد ماسلموا على بعضهم ببرود

____________________

حركت شعرها المبلول يمين ويسار
تنتظره ينشف مشطته بخفه وتركته
براحه .. اخذت اللوشن وبدت ترطب جسمها
تذكرت لحظه دخولها وهي راجعه من الجامعه
امها قبالها واقفه عند باب المدخل
ملامحها هاديه تطمنت يعني مو معصبه
سلمت وحسيت بيدها تمسك يدي
رفعت نظري لها اتأكد وش سبب هدوء امي
الغريب
نطقت ببرود : لاتنسين بكرا فيه حفله
هزيت راسي: يمه مابروح
بحده نطقت : وششش قلتي؟؟؟
سكت ونزلت راسي
تركت امي يدي وانا مشيت بحزن وقلب كسير
مكسوره من نظرات رنــا وتجاهلها لي
ومكسوره من اهلي .. وطرقهم الملتويه لـ اجباري
وقبل لا اصعد الدرج سمعت نبرتها الجديه
: فستانك اشتريته اليوم تحصلينه بالغرفه فوق سريرك شوفيه يحتاج تعديل ولا ضابط عليك ..وبصدق ..حسيته واسع اخذته لـ السويكت
ونقص منه .. ان شاء الله ضابط
هزيت راسي وانا مافيني اتكلم

كملت امشي متوجهه لغرفتي تنهدت بضيق
الحفله بكبرها كارهتها وكنت بعتذر بالفستان واقول مافي وقت افصل لكن امي صدمتني وحطتني بالامر الواقع ضحكت بسخريه هه حتى الفستان مستكثرته علي اشتري او افصل زي العالم خاطري
اصمم فستان من ذوقي ومدققه بـ ادق تفاصيله
لكن الحمدلله على كل حال

ناظرت بـ الفستان الممتد على سريرها
سحبته بعنف ورميته بقهرر على الكنبه
مايفهمون ماابي اروووح اتركوني ياعالم
قفلت غرفتي. وتوجهت لسريري
رميت نفسي وتغطيت بالغطاء حاسه بضغط
نفسي وعجز داخلي تعباانه ومرهقه وكارهه حالي
غمضت عيوني بـ ارهاق من الدوام
ماهي دقايق غفيت ونمت بتعب


—————-


بمسساء حفله المهندسين


واقفه بكامل اناقتها وعيونها على المرايه تناظر نفسها بـ اقتناع دخلت شوووق بحبب
جيهانوووه صددق الي سمعته ؟؟؟!
لفت تناظر شوق الفرحانه
ابتسمت بحسررره وبـ استغباء : وششش؟؟
شووق وهي تسحب عطر ديور من طاوله جيهان وبنص عين : عن الكذذذب ياماما ؟؟! وبصدق .. قالت لنا امي
جيهان ضحكت بحياء : وشش قالت لكم ؟؟!
شووق تتعططر وتعطر جيهان معها وبحماس
: قالتت جيهانوووه قبلت الزواج من مشاري
باركووووو لهااا

تنهدت بهم وانا اسمع لشووق الفرحانه مدري على وش فرحانين والكل تحت متحمس دمعت عيوني وانا اسمع زغاريد امي وشوق وبـدور الي تحتت طبعاً امي ماقالت لـ ابوي واخواني عن موافقتي بس خبرت بدور وشوق تنهدت بحسسسره وغمضت عيوني بقوه لكن تسللت دمعه ماقدررت احبسها وانا احاول انسسى الي صار لحظه ماصحييت وامي واقفه عند راسي يلا ياجيهان اخر رد منك قولي موافقه وريحينا وريحي الولد نهاية هالاسبوع يبدا دوامه وهو وده يتملك عليك قبل السفر بلعت حسرتي وانا اتنهد ابتعدت عن امي الي تزفر بتعب مني ادري تعبتها بس هم تعبوني تجاهلت نبرة الرجاء منها امي اليوم هااااديه وتطلبني برجاء بس انا اكررررررههه اكررررههه وربي مشششاري هم لي اوجعني قلبي مجرد ماقالت امي ان ابوك
قال لهم ماارضى اجبر بنتي واسحبها واقول لها غصب عنك تررضين الي انتظره هالايام كلمه وحده منها يبه قبلت ولا رفضتت صرررخ عمي عليه وهو يقول يامحمد طالبين قرب بنتك والولد شاريها
لاتكبر راسهااا والله والله مايفرقنا غيرها اذا رفضت لا انا اخوك ولا انتي اخوي شهقت وانا افز برعب يمه عمي ليه تفكيره مريض ؟؟! قالت بتعب اول مره التمسه بصوت امي يابنت ابوك قال لهم والله والله والله وهذي ثلاث حلوف ماااجبر بنتي على شي هي ماتبييييه واذا على الفراق روووح الله لايردك اجل خطوبه مثل هذي تفرقنا لابارك الله فيك كانك تبي قربنا وطلع عمك وهو معصب وانتي ورايك
نزلت دموعي بهم وانا انتحب وصوت شهقاتي
عالي حسبي الله عليك ياعمي حسبي الله عليك
عضيت على شفايفي وصورت ابوي الحنون الي اعشقه مرت على بالي وكأنه يترجاني دمعت عيوني وانا اهمس بصوت متقططع يمه قولي لهم جيهان موافققه حضنتني امي بحنان وبكيت بحضنها وانا العن حظي والعن الدنيا بكبرها وافقت عليه مجبره فيه خايفه افرق بين ابوي وعمي وهم طول عمرررهم قررراب لبعضهم
طول عمرررهم متشابهين مااختلفوا ماحبيت اسبب مشاكل بين عايلتنا والسبب انا ماابيهم يكرهوني كثر ماانا كارهه حالي وكاررره نفسي
بعدتني امي وهي تقول يلا جهزي نفسك اليوم المناسبه لاتنسين قلت بخجل يمه ماابي اطلع ضحكت علي وهي تقول لاتخافين بكرا راح يوصل الخبر لعمك اليوم الليل اذا رجعنا من المناسبه راح افاتح ابوك بالموضوع باركت لي وهي تدعي وتتمنى لي التوفيق مسحت دموعي بعجز ودخلت اخذ شور يصحصني قبل المناسبه صحيح كارهه المناسبه بس هاللحظه حبيتها لان حابه اغيير جوو واطلع من الكئابه الي انا فيها يمكن نصف همي راح بموافقتي المبدئيه لكن باقي هم بقلبي انا ماانكر اني كارهه الزواج من مـشـاري لان صوره سامي باقيه بعقلي ولازم اعييد وارمم قلبي وعقلي واحذف صورة سـامي الظالم الخاين الي تركني بلحظه الحاجه ورنــا علقتني بــ وهم
وحُــب كاذذب لكن ماراح استسلم لهم من هاللحظه راح احذف كل صور سامي الي ارسلتهم رنــا لي وابدا من جديد بس يارببب ابعد رنــا عني انا مو مستعده لمواجهتها بهالفتره يارب سهل امورري وابعد الضيق عن قلبي قطعني عن تفكيري بالاحداث صوت شووق وهي تقول من الحين الي ماخذ عقلك يتهنى فيه !! ابتسمت بتسليك ووقفت اعدل الروج واكثف الماسكرا وشووق تتحلطم وتسولف وتمدح فيني وانا مو معها عقلي مع مستقبلي الي حاسه انه اعوج !! لفيت لها وانا اضحك : شوووق خلاص لاتحرجيني
ضحكت بخفه اووه حركاتتت صرنا نستحي حذفت عليها بروش البلشر : اشوووف فيك يوووم ياربب
ضحكت وهي ترتب شعرها : بعيد عن كل شي شرايك بشكلي ناظرت لملامحها الحاده انفها مستقيم بشكل جميل وعيونها واسعه ورموشها كثيفه ماشاء الله وشعرها اسووود سواد الليل بعكسي انا شعري بني ابتسمت على فستانها البينك وستايله مو نسائي كثير على عمرها كـ بنت بعمر المراهقه قلت باعجاب : حلووووووه وبضحكه
مو كأنك شاده حيلك بالهايلايت ضحكت شوق اوووه جيهان اسكتي ترا حدي مبسوطططه

ابتسمت لهاا وانا ادعي الله يسهل اموري
دخلت امي تستعجلنا ولبسنا العبايات
ونزلنا متوجهييين لـ حفلة المهندسين

___________________



انتهى موعدنا يتجدد ببارت
اخرر دعواتكم بالتوفيق

محبتكم جيــان






تعديل جيـــان; بتاريخ 23-04-2019 الساعة 01:34 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 23-04-2019, 01:31 AM
صورة جيـــان الرمزية
جيـــان جيـــان غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي


البارت الخامس عششر تقريباً جاهز لكن يحتاج تعددديييل وتعديل كثييير وترتيب راح يطول لان حاليا مشغوله بالمذاكره الله يسهل


اذا رتبته راح انزله مااوعدكم متى بالضبط لكن مجرد مايكتمل ترتيبه
راح ينزززل

دعواتكم ☹💔💔

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 24-04-2019, 03:18 PM
صورة جيـــان الرمزية
جيـــان جيـــان غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي


اقتباس:
المشاركة الأساسية كتبها شقاوة تعجبني مشاهدة المشاركة
ابداعتي جميل جدا


يــ اهلا وسهلااا نورتي روايتي
حبيبتي وباذن الله تبقين معنا لنهايه الرواية
..
عارفه والله تأخرت عليكم واكرر اعتذاري
لكن باذن الله تنتهي الاختبارات
واحط موعد لتنزيل البارتات

موفقات جميعااً




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 24-04-2019, 03:29 PM
صورة جيـــان الرمزية
جيـــان جيـــان غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي


اقتباس:
المشاركة الأساسية كتبها صرخة إحساس مشاهدة المشاركة
السلام عليكم جيـانــو ☺ .



تسلم أناملك حبيبتي على هييييكك بارت يجننن ويعطيك العافيه .


بصراحه مدري شقول كان بارت جداً مشوق وحلوه وخاصه لما وقفتي وما كملتي إيش صار على فـــوز << من الحماس بغيت أبكي لما إنتهى البارت عند هالنقطه 😂


وبالنسبة لمشاري وأبوه الله يستر وش ناويين عليه ؟


ودلال مستفزه بشكل لا يطاق ، ونجود مسكينه بس تستاهل .


جيهان ليه نست موضوع المواجهه بينها وبين رنا إيش تنتظر ؟



فـارس يا كرهي له بعد حركته مع فوز ما تستاهل ☹ .


وبس والله رغم إني قريت البارت بوقت متأخر تمنيت أنك منزله ثاني بارت بس خاب أملي يلا مو مشكله ننتظرك ربي يوفقك ويسهل أمورك ❤🌹.



بأنتظار البارت القادم .....!


حبيييبتييي انتي يعافيك ويسلمك ربي
وكـ العاده حُــب عظيم لك ولتوقعاتك وردودك
اللطيفه ماانكر اني افتقدتك ياروحي ♥
وافتقدت برررووق♥☹

..
وما بخليها بخاطرك ولايخيب أملك البارت الجاي
اهداء لك ..


محبتكم : جيـــان



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 14-05-2019, 04:37 AM
صورة جيـــان الرمزية
جيـــان جيـــان غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي





السلااام عليكممم
مــوجــودين؟؟؟!


انزل البــارت ؟؟!


ونحط جدول التنزييل


ونلتزم فيه بحاول قد مانقدر

اذا ربي اعطانا العافيه والعمر

نختمها بـ الاجازه هذي قبل الدراسه

مدة الاربع شهوررر كافييه باذن الله

نختمها مع بعضض الله يقدرني ويساعدني

ونختمها مع بعضض باذن الله






لكن مااشوف تفاعللل ☹☹


والله افرح مجرد مااقرا ردود
حتى لو كلمة واحدده منكم تثبت لي وجودكم
الحلو وتحمسني وتدفعني للكتابه
عارررفه تقصيري معكم والود ودي
انزلل بكثره لكن انا ماتطمنت وارتاح بالي
الا بعد ماانهيت الاختبارات الي كأنها جبل
ثقيل فوق ظهريي



تــنـبـية

الروايه لكم الاحقيه بنشرها
بـ اي منتدى كان لـكن

لاتنسين الحقوق
اسمي يكون موجود ولا تغيرين
حرف واحد من الروايه
غير كذذا انا مااحلل الي ينقل او تنقلها
وتنسبهاا لنفسهاا او بدون
ذكر اسمي




وبسسس احبكم والله



محبتكم جـــيـان













الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 15-05-2019, 05:27 AM
صورة جيـــان الرمزية
جيـــان جيـــان غير متصل
©؛°¨غرامي جديد¨°؛©
 
الافتراضي رد: رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي




الــبــارت الــخــامــس عشششر





وصلت ام الهنوف بيتها بعد ماتخاصمت
مع سايقها وقاهرتها رنــا وغرورها وحركاتها
الاستفزازيه معها ماهي المره الاولى الي
تستفزها رنــا وتحرقها بنظراتها الناريه
دخلت البيت وكعادتها
بيتها هدوء الهنوف وجودها مثل عدمه
مقهوره من بنتها ماهي نفس البنات
صارت تكره تاخذها لانها تفشلها
بكشختها الي مافيها تطور وماهي مهتمه
بشكلها و مهمله ببشرتها وشعرها وجسمها ..
سبق وقالت لها وجرحت هنوف عشان تعدل من
شكلها لكن لاحياة لمن تنادي وهنوف مطنشه
امها وضاربه بكلامها بالحايط واهم شي عندها بالحياه الاكل وجوالها والنوم

ناظرت ببنتها الي منسدحه على
الكنبه وبيدها جوالها والسماعات
بـ اذنها
ام الهنوف وهي تجلس قريب منها
بعد مانزلت عبايتها وبسخريه نطقت
:زين شفتك ؟؟ مضيعه غرفتك اليوم؟ !

هنوف رفعت نظرها ولحظة
ماشافت امها تضايقت
نزلت السماعات عدلت جلستتها
وماردت عليها

ام الهنوف بنتره : قومي من قدامي غيري
لبسك وعدلي وجهك المقرف سد نفسي
الله يقرفك لاوالله مو شكل بنت
حتى الولد ارتب منك

هنوف ناظرت لبسها بجامه رماديه ب اكمام طويله
وواسعه شعرها لامته كله على فوق ومبهذل
بشرتها خاليه من اي مساحيق هي ماتحب تهتم بنفسها بـ اختصار ماتعرف تلبس ولا عندها
خلفيه عن صيحات الموضه ولاتعرف تحط الميك اب كل الي تعرفه وتستخدمه بالمناسبات
كحل وروج تدري ان شكلها غلط وجسمها
مو متناسق وزنها زايد لكن الي مطمنها
ان سمنتها مو مفرطه لكن جسمها
مأزمها ومافي لبس يليق عليها
وتكره تطلع مع امها بسبب تحطيم امها لها
بعد ماترجع من كل مناسبه تكسرها وتشتغل بتجريحها
صارت ملازمه غرفتها وتبعد عن
صراخ امها عليها

هنوف متخرجه من الثانوي من 3 سنوات
ماكملت جامعه لانها فاشله دراسياً
ونسبتها ماتقبلها بالجامعه وماعندها
الا صديقه وحده من كانت بالابتدائي
وهي متواصله معها بالجوال
لكن نادراً يلتقون

من دون نفس نطقك وهي تناظر امها
: خلصتي من هذرتك ؟؟

ام الهنوف بحده
: قص بلسانك انا امك يـ العاصيه لاتكلميني كذا

هنوف طنشت امها
ام الهنوف تدق بالحكي
: ايييه ماعندي الا بنت عاصيه ياحيف بس
اليوم رنـا تبوس بـ امها وشايلتها على راسها
وانا ماعندي الا العصيان والعقوق كله
مجتمع في بنتي

هنوف اعتادت على مقارنات امها الي تقهرها
وتحررق قلبها مايمر يوم الا وهي تمدح
ببنات جيرانهم وتقارن بينهم
وتدق بالحكي وتحطمها وتكسرها وهالشي
موجع هنوف وكاررهه كل بنات جيرانهم
وقرايبها بسسب مدح امها لهم

نطقت هنوف بسخريه
: اقول بشري عسى انبسطتي عندهم
وكيف رنــا انبسطتي بشوفتها

ام الهنووف تتجاهل سخرية بنتها
: احسن منك راجعه من الجيم
وجسمها منحوت وانتي ناظري
كرشتك وشحومك وافرحي فيهم

هنوف اوجعها قلبها
لكن تجاهلت طعون امها لها
واعدامها لثقتها
صدت عن امها وهي تناظر بجوالها
وبداخلها يقول ياكثر طعونك يايمه

لكن صوت امها الهادي صدمها
بكلامها وهي تقول
: سألت ام سامي عن خطوبة ولدها لجيهان
تقول مو صحيح كذذب

شهقت هنوف بصدمه : يمه خييييررر تقولين لها انا سمعتهم يتهامسون ماله داعي كل هذا
وبأي حق تسألينها ؟؟؟؟؟؟

ام الهنوف : اسكتي بس ماقلت لها انك سامعتهم
هنوف بغيض : وش قلتي اجل؟؟
: قلت لها يقولون سامي ولدك خطبتي له
ورفضوا قالت مو صحيح كذب ومنو قايل لك
قلت والله الي قايله لي بنت ناس وتقول ان الي خطبتي منهن يقولون مايشرفنا نسبهم ورفضوكم

هنوف موسعه عيونها بصدمه من كلام امها
وبـ استنكار
:انتي ماتخافين من ربك انا قايله لك
نسبهم مايشرف ورفضوكم لهالسبب؟؟؟؟ انا قلت كذا؟؟؟! الي تسوينه
كذب وافتراء يمه اصحي على عقلك واتركي الغيبه والنميمه الي ماتعب لسانك منها
ترا ذنوبك كثيره مو ناقصه ذنوب
ولاتظلميني بكلام انا بريئه منه !!

ام الهنوف بحده
: بسسسسس ابلعي لسانك مالك دخل يالعاقه

حست بقهر يتجدد بداخلها
وقفت بحقد : اصحي اصحي على عقلك يمه وش لك بهالكلام وش مصلحتك فيه

ام الهنوف بحده :انكتمي و اجلسسسسي بكمل كلامي

هنوف جلست بقهر
: ليييه وش تبين مني؟؟؟

ام الهنوف بخبث
: الي ابيه منك بكرا تعدلين شكلك المقرف وتطلعين مع السايق تشترين ملابس
تفتح النفس وتكشخين مثل خلق ربي وباخذك معي ترزين نفسك عند سامي
لعل وعسى يجيك نصيب يالعانس

هنوف ناظرت امها بصدمه
:تستهبلينننننن؟؟؟؟؟؟؟
ام الهنووف : جعلك للجنون
وهذا وقت استهبال ؟؟؟

هنوف تظاهرت بالبرود لان اعصابها تلفت
من كثر ماانصدمت من تفكير امها
: مستحيييل لايمكن ولا اجرأ اسويه

نزلت نظرها لجوالها وانشغلت فيه
ام الهنوف بحددده
: ناظريني ماخلصت كلامي

هنوف طنشت امها فجأءه وبلحظه
انسحب منها جوالها وانرمى على الجدار وتكسرر

شهقت برعبب وبعصبية نطقت
: لييييه ؟؟؟!! انتي صاحيه انجنيتي ؟؟وشش الي سويتيه !!

ام الهنوف بعصبية اكبر : اشششش ولا كلمة
ولا والله لـ اكسر راسك معه اجل انا اكلمك وتطنشين

هنوف وقفت وهي بكامل عصبيتها
مسكت الفازه الي من زجاج وفيها ورد التوليب شالتها بجنون ورمتها بقهررر على الارضيه وتكسسرت كلها وانتشر الزجاج
وبحقد ودموعها مغرقه خدها وهي
تصارخ بشكل هستيري :
ليييه ليييه تسوين فيني كذا
قهرتيني حرقتيني مابقى فيني شي
والحين بتصغريني بنظر الرجال
اكرررهههههكم اكررررههه اشوف وجهك
ليييه وهي تأشر على جوالها وببكي هستيري
لييييييه كسرتي جوالييي وبصرراخ اقوى
لييييييه ؟؟؟؟!!! شدت على شعرها
بعنف وصارت تضرب نفسها بقهرر
:كرهت نفسي تعذبت منك كله منك
ليه تقارنيني بــ رنــا وجيهان ورفيف
والبنات لييه تحطميني ارتاحي
وتطمني ترا مابقى فيني الا كسوررر
كسرتيني وكسرتي شخصيتي
قهرررتيني ضربت راسها بالجدار
صارت تبكي بحرقه ماحست الا بالكف
الي يلف وجهها غمضت عيونها بـ الم
غامت عن الوعي وطاحت على الارض
بقسوه

ام الهنوف بصراخ
: ماااااااررررييييي

ماري الشغاله جات تركض برعب : نعم مدام؟؟

ام هنوف بكره
:نادي على حليمه واخذوا هالمجنونه لغرفتها

مارييي انصعقت من منظر هنوف وهي مغمى عليها ووجهها احمررر ودموعها مبلله وجهها انحنت وحاولت ترفعها لفت لحليمة الي جات
وبدت تساعدها اخذوها بصعوبه لغرفتها


بعد دقايق

كانت ماريه وحليمة يحاولون يصحونها
مارررري وهي تمرر المنديل الي غرقته عطر
وتقرببه من أنــف هنوف لعلها تصحى
عقدت هنوف حواجبها وبدت تأن بـوجع
ماريي وحليمه تطمنوا انها صحت

ابتعدوا عنها بعد ماغطوها
وطلعوا وهم يسكرون الباب بحذر
ونزلوا برعب من ام هنوف الي
واضح مسببة ازمه نفسيه لبنتها

لكن ام هنوف مالها اي اثر
وواضح ماهي مهتمه لـ بنتها
والدليل تركتهم ولاتطمنت
عليها بدوا بالتنظيف
وشكل الصاله معفوس
والزجاج متناثر بكل مكان



___________________________



مـــشـــــاري


جالسين بمجلس عمي ابو نواف ليلة البارحه
بعد ماطلب ابوي حظورنا كلنا
انا واخواني جميعاً واتفقنا على رأيه المقنع

توجهنا لعمي من غير تردد
واستقبلنا عمي ببشاشته المعتاده
والابتسامة ماتفارقه..
مع عياله نـــواف كعادته
الي كان رسمي معنا ونادراً يسولف
وصعب علينا معرفة شخصيته من كان
صغير كتوم ومتحفظ وهادي
والامور عنده سهالات لكن تنحل
بطريقته الواقيه ومحد يعرف شخصيته
الا تركي اخوي الي كان نفس شخصيته
وكانوا ملازمين بعضهم طول اليوم
مايطفشون من بعض ودوامهم مع بعض
اتذكر اييام ماتعين نواف بالجسر وطلب تركي اخوي نقل
شغله ودوامه للجسر بحجه انه
مايقدر يبعد عن نــواف وبعد فترة
تم نقل تـركي اخوي لــ الجسر
مع نـواف لكن صعب علينا معرفة شخصيتهم

بعكس سطام الي اغلب وقته معنا وقريب منا
وفصلاته الي بــ اخر الليل بطريقته الي تونسنا
صحيح سطام ونيسسس لكنه عصبي ودمه حاررر ومستحيل يعدي الموضوع عنده بسهوله والحل عنده بالضرب وياويل الي يكون خصمه
يمكن هالصفه الوحيده
الي اشترك معها بسطام !انا عصبي ويدي
تحكني اذا ماضربت خصمي ودمي حار !..

تذكرت نظرات نواف البارده ولا كأن
موضوع ابوي الي يكلم عمي فيه مهم عنده
بعكس سطام وهو شاد حيله ويطمنا
وانها بتوافق ..

زفرت وانا اتذكر كلام ابوي وجمعته
لنا قبل لاينزل ماانكر ان رأيه اعجبني
ووافقته لكن حاس ان عمي مايوافق
وانه بيرفض كعادته بحجه مايبي
يجبر بنته !!

تنهددت ورجع تفكيري بالاحداث
الي صارت بمجلس عمي ابو نواف
ابومــشـاري بجديه: يـ اخوي
انا طالبك تكلم بنتك اليوم ونحسم الامر
ابو نواف: وهذاني انتظر ردها وماودي اضغط عليها
ابو مششاري : قل لها ان الولد سفرته هالايام هذي
ودوامه بيبدا ودنا نملك قبل لايسافر
ابو نواف تفاجئ عقد حاجبه : ولدددك ؟؟؟! بيسافر
ابو مششاري : اتصلوا السفاره عليه طالبين حظوره يقولون
معك هالاسبوعين تستعد فيها وانا اقترحت له انه يملك عليها وياخذهااا معه !!!
صـــدمــة الجمت ابو نواف ونواف !!!
ابونواف بضيق:علامكم مستعجلين ؟؟!
: البنتت تدرسسس وتوهم بادين دراسه
نملك على بركه الله لكن ماهي موافقه على هالزواج انتم صاحييين ؟؟؟!!! اليوم تملك وبكرا تسافرررر!!!
لفوا على نواف الي كان يتكلم بعصبييه
ابو نواف : اهدددا ياولد
ابو مششاري: الرأي الاول والاخيير لهاا لكن فكروا بـ اقتراحي اننا نملك باسرع وقتت ومنها نسوي عششاء كبيررر نشهر فيه زواجهم وياخذذها معه !!
ابو نواف: ولييه مايسوي الزواج اذا رجعع من شغله
مشاري بهدوء: مطول ياعمي مابرجع الا بعد ست شهورر
نواف: تنتظر ست شهور ومنها تكمل دراستها واختباراتها
مشاري وده يذبح نواف : انا مستعجل !! مابصبر بغربه مده طويله من غير اهل..
نواف زفر وهو يقول : لزووم موافقتها
ابو مشاري: عاد هذي عندكم اقنعوها وخلوها توافق بـ اسرع وقت ونملك وبعد الملكه الي كاتبه ربي بيصير وانت يابو نواف اقنعهاا حاول معهاا
سطام: خذها مني ياعمي بتوافق بـ اذن الله
ابو نواف بضيق
: انا ماارضى اجبر بنتي واسحبها واقول لها غصب عنك تررضين الي انتظره هالايام كلمه وحده منها يبه قبلت ولا رفضتت
صرررخ ابو مششاري بعصبيه :
طالبين قرب بنتك والولد شاريها
لاتكبر راسهااا والله والله مايفرقنا غيرها اذا رفضت لا انا اخوك ولا انتي اخوي
العيال بصدمه: استهدوا بالله وتعوذوا من ابليس
ابو نواف بصوت عالي :والله والله والله وهذي ثلاث حلوف ماااجبر بنتي على شي هي ماتبييييه واذا على الفراق روووح الله لايردك اجل خطوبه مثل هذي تفرقنا لابارك الله فيك كانك تبي قربنا

وقف ابو مششاري : الايام بينا عسى الله يكتب الخيره
مششاري برعب باس راس عمه: العذر والسموحه كان ضايقناك لكن يشهد الله شارييهاا

طلعوا ونزل ابونواف شماغه بضيق
فتح ازرار ثوبه وهو يتعوذ من الشيطان
سطام ماسك نفسه والود وده يصرخ على جيهان
ويجبرها غصب عنها تتوافق لكنه طلع قبل لا يغضب ابوه بكلامه ودمه الحار

نواف وهو يصب له قهوة : استهد بالله يبه الامور سهالات

ابو نواف بضيق : ونعم بالله

نواف : وانت بتوافق على موضوع ملكتها وسفرتها

ابو نواف: مابيدي شي اذا هي وافقت الله يسهل لها

نواف بسخريه: هي ماوافقت على خطوبه تنتظرونها توافق على زواج بيكون بيوم الملكه بتصدمون نفسيتها ؟؟!

ابونواف :الله يكتب الخييره
تنهد نواف وهويفكر بموضوع جيهان الي يوم
عن يوم يتبهذل خايف ماتوافق وتصير مشاكل
عائليه سببها هالرفض!!















———————————-


فـــارس


سرحان وباله بعييييييد
ذهنه شارد
يتذكر تفاصيل الليله الي فاتت
مع فـوز ويتذكر ادق التفاصيل

لحظة مامرت من الطاوله وشمقت
ورفعت انفها بصد وتعدته

نظررراتها الساخره
وصدهاا وكأنها شايفه شيء مقرف
وانفها المرفوع بغروررر حرررققه
وحسس انه صغييير عندها وتستصغره
بنظراتها الي تحرررق
ومن غير تردد وقف ينهي هالمهزلـة
احقرررر وابشع مخلوقات ربي عنده
النسسسساء وكيف بـ فــوز
الي بنظره انها انسانه
تجردت من الحياء الانثوي
الصفه الفريدة بـكـل بنت !!
بسبب كشفها لـوجهاا ...

كان يركض وراها بخطوات سريعه
وقبل لاتدخل دورات المياه المخصصه للنساء
قدر يمسكها مع ذراعها بـقـوة
سحبها واصطدمت بصدره ماينكر الشعور
الي اجتاحهه بلحظة مااصطدم ظهرها بصدره
االعريض بقسوه
اااه خرجت منها مكتومه ومرعوبها
سحبها وثبتها صارت تصرخ برررعببب
وتنادي يمممه هادددي
لما حس بصوتها يعلى ارتفعت يده وثبتتها على فمها يكتم صراخها
والي طمنه ان الزبائن مشغولين بالجلسات الخارجيه والوقت متأخر من الليل و دوامات
وكان الزبائن قليلة ..

ثبتها اكثر لانها كانت تتحركك محاولة الافلات
سحبها لمكان مظلم صاله صغيره
حسس بدموعها سالتتت وبللت يده
الي كاتمه على انفاسها بعد يده عنها
تألمت بوجععع وهي تلف وتناظررره
برعببب شهقت من اعماق قلبها
مجرد ماعرفت من يكون !!! تكلمت بقهرر
خيييررررر وششش تبي مني ؟؟!
وبحدددده اكبرررر : انااا مو مثل زوجتك
بسكتتت لك وبصبر على جبروتك

عقد حواجبه بـضيق وطاري زوجته لسعه
من تكون ؟؟وليييه تذكررره فيها وتتشمت فيه
احترقق جواته شي مستحييل ينطفي من بداية اليوم كل شي يذكره فيها تجي ذي وتزيده همموم
ماكان ردة فعله الا انه رماهاا بقسوة
على الارضيهة صد واعطاها ظهرهه
بيخرج لكن ااه مكتومه
خرجت منها لف بحركه سريعه
صوت علب المنظفات سقطت من
الطاوله قرب منها اكثر راسها
اصطدم بحافة الطاوله
بلحظه تأكد بانها غابت عن الوعي
قرب اكثر رفعها بخفه بين يديه
قربها لحضنه عض على شفته بقهر
انسابت قطرات الدم وغطت وجهها
ارتخت وصارت مثل الورقه بيدينه

حس قلبه يدق بقوه وشششش سويييت
وششش سويييت يافارس نزلها بخفه
طلع بسرعه واخذ علبتين مويه
رجع بسرعه ورفعها وسكب المويه عليها
ارتجفت بحضنه طلع من جيبه
مناديييل ضغط على جرحها الي بجبهتها
بعد دقايق فتحت عيونها بـ الم
استوعبت الي صار مسكت راسها بـ الم
ناظرت فيه بحددده
بعدت عن حضنه وبهمسس: وش سويت ياحقيير
جلست ونزلت راسها تدور شنطتها
صارت تبكي بقهررر وتدعي عليه..
الله يحرق قلبك ..يـا حقييير
وششش سويت فيني ناظرت جسمها برعب
لكن الي مطمنها عبايتها بمكانها
حجابها نازل شعرها واضح لـ انظاره
صارت تعدل حجابها برعب وتغمض عينوها
بـ الم ..
ثبتت المنديل على جرحهها
الي ينزف .. صارت تدعي عليه بحرقه
ومع كل دعوه منها
كانت تهزه هز ودعواتها الي كأنها رصاص ينغرس بقلب فارس
وبقهر منها : وين شنطتي؟؟!
تكلم وششش سويييت فينييي ؟؟؟! وين شنطتي
نطق بصوت قصير جامد : ماسويت لك شي
وقف بيطلع لكنها وقفت معه وطلعت قبله متوججهه
للشارع عقد حواجبه بـ استغراب من تصرفها
ناظر بشنتطها المرميه اخذها وراح يلحق وراها بلحظات كانت بالشارع وتحاول توقف تـاكٰسي صار قريب منها وبحده : مجنونه انتي
لفت عليها بقهررر غمضت بقوة من الالم الي هلكها : نعمممم ؟؟؟! وووشسس تبي بالضبط !!!

قرب اكثثر ووقف قربها : ارجعي داخل
فتحت باب التاكسي الي توقف
عرف انها بتطلع دخل يده بجيبه واستخرج
مبلغ بسيط من بقايه مصروفه اليوم دخله
بشنطتها من غير لاتحسس
: خذي شنطتك نسيتيها !
بقهرر : جعلك للحرقه بقلبك تكويك ياربببب
سحبتها بعنف قرب اكثر وهو يرفع طرف طرحتهاا ويثبتها على وججها بشكل لثمه
بعدته عنه وهمست: يامتتتسسلطططط
يــا حقـير قفلت الباب بووجهه
وبقهررر وهي تمسح دموعها
كلمت سايق التاكسي : حرررركككك
مشى وناظرت بالشباك
كان واقف ويناظر ببرود
سندت راسها على الشباك
وانسابت دموعها بعذاب بعد مااعطت
سايق التاكسي العنوان ..وباقي الثمه مثبته
على وجهها

كان واقف بجمود لحد مااختفت سيارة التاكسي
عن انظارهه رجع للمطعم
وقلبه يحترق ماكان بيأذيها
ولا توقع انها بتتضرر وتصاب من الطاوله
الي ماحسب حسابها الي كان يبيه
انه يتلفظ عليها ويعلمها الادب ويجرحها
بكم كلمة لكنها استفزته بذكرها لـزوجته
الـخـ....... بتر كلمته موقادر ينطقها
قلبه يحترقق وجرحها غايررر وطري
مابعد برى ...

الي ماكان يدري عنه فارس ان فــوز
مازالت تعتقد ان روواد زوجه فارس وماتعرفف
اي شي عنه لكن فارس فسرها
بـ انها تقصد زوجته الاولى ...




صحى من سرحانه على صوتت
الدكتور علي الي دخل
بهدوء: استاذ فـارس

حرك راسه ببرود : اهلاً
دكتور علي: جاهز نوقع على العمليه
فارس تنهد : على بركة الله

وقعوا على عملية فــجـــر
الي بتكون نهاية الاسبوع ..




————————————————


عايلة ريـــوف


يــوم الـثـلاثـاء المــسـاء


ريوف
الي توها صحت من رجعت
من الجامعة وهي هلكانه
وتعبانه وتحسسس بـ ارهاق
مو طبيعيي نامتتت بعد
ماصلت العصصر ومن التعب
ماحسست بنفسها ولا حست
بالوقت الطويل الي راااح وهي
نايمه صحت على الساعه
10 ناظرت بساعتها بمللل
وابتسمت على النومه الي
اخذتها وروقتها وحاسه
بكمية نشششاط مو طبيعيه
ابتسمتت : اخخخ بكرا اوف
ماعندي دووام يعني هاليوم
بفل ام امهاا وبسهرر اتابع افلامي
ومسلسلاتي اهه ياجمالهم
فزت واقفه اووووه اخرت الصلاااه
ياربي سامحني توجهت
لـ دورة المياه توضت وخرجت
وهي تتوجه لدولابها اخذت
جلال الصلاه وفرشت السجاده
وبدت تصلي صلاواتها الي فاتتها
بعد ماانتهت اخذت المصحف
وبدت ترتل وتقرأ وردها اليومي
سكرت المصحف بعد مادخلت
امها عليها ابسمت غصب عنها
لـ امها الي جلست على طرف
السرير
ريوف بـ اهتمام وهي تبوس
راس امها : نوررتي غرفتي يـ احلى مام
ام ريوف : حبيبتي اجلسي عندي لك موضوع
ريوف دق قلبها بقوة من جدية امها
ووجها الي خالي من اي تعبييير
نطقت وهي تنزل جلالها
: وشش ؟؟!ان شاء الله خييير
ام ريوف: كل الخير يمه
بس تعرفيني ماعندي مقدمات
احب ابدا بالموضوع وادخل فيه
من غير مقدمات ومن غير خرابيط

ريوف توترت بس حاولت قد ماتقدر
تسيطر ع توترها
: قولي اسـمـعك

ام ريوف: يابنتي انتي كبرتي وبـ ثاني
سنه بـ الـجـامعة وفـاهمه وواعيه
وقد المسؤوليه

ريوف ترمش بعدم استوعاب
: من الاآخر يمه وشش عندك؟؟!

ام ريوف: انـخطبتي

: هـاه

ام ريوف : ياماما ياريوف انتي واختك
تقدموا لكم عيال حلال وابوك سأل عنهم
والكل يمدح فيهم
كلمت جمان وبتستخير



ريـوف بـ انفعال وانهيار
: لااااا يووومه لااااا ماابي ارفضووووهم

عقدت حواجبها بـ استغراب من انفعال بنتها
المفاجئ
: علاامك ؟؟! انجنيتي؟؟

: لا انجنيت ولا شي بس ارفضي يمه وبرجاء
تكفين يمه تكفييين ماابي اتزوجج ماابييي

نزلتتتت دموعها غصب عنها
: يمه كلمي ابوي يرفضهم تكفييين!!!
لاتجبرووني !!
ام ريوف: اهدي بسم الله عليك
ما بنجبركم يااروووحيي
بس لييه كل هالانهيار ؟؟

هزت راسها يمين وشمال
:مافي شي بس كذااا انا رافضه فكره الزواج
وبرجاء يمه ارفضيهم

ام ريوف: وانتي لسان عن اختك وش دخلك فيها

ريوف بغباء: هاه اختي ؟؟!
ام ريوف تتنهد : مو منك من الانهيار الي صابك فجأءه لدرجه وماركزتي بكلامي

هدت ريوف : وش كلامك

ام ريوف بصبر : اختك وانتي تقدموا لكم شابين
وحسب كلام ابوك انهم رجال انعم واكرم
ومحترمين وسأل عنهم اكثر من مره كلمت جمان مارفضت مثل ماتعودنا عليها قالت بفكر وبصلي صلاة استخاره
وعشان اكون معاك صريحه ابوك اصر على خطيب جمان اكثر منك لكن ماحبيت اقولك من البدايه انتي فكري وصلي صلاة استخاره وشوفي الي يريحك مابجبرك لاتخافين

تنهدت ريوف براحه : بصلي استخاره بس يمه اقولك من الحين انا ماابي اتزوج لسى ادرس

ام ريوف تسايرها : خلاص ياماما روحي صلي واعيد واكرر مابجبرك !

ريوف براحه كانت خايفه ان امها تجبرها مثل ام جيهان لكن تطمنت من تفكير امها ومابتجبرها على شي هي ماتبيه !!
: حركات جمان اختي بتصير عروسس

ام ريوف تضحك : والله وكبرتوا
الله يكتب لكم السعاده
ريوف تضحك : والله وجاء وقتي بستلمها
طقطقه واحرجها

ام ريوف وهي تضحك : يابنتي مسويه طالعه منها ترا كلكم بالهواء سوا

ريوف تبتسم : لا ياماما انا غيييييير هي الي بتتزوج مو انا !!

ام ريوف : الله يكتب لكم الخير
طلعت من غرفه ريووف بعد ماتأكدت
من رد ريوف المبدئي وهي متإكده منها
بترفضه لكن حبت تتركها تفكر وتصلي
الاستخاره بعدها بيكون قرارها النهائي

ابتسمت : الحين بموضوع جمان
بعدين وقتك ياريوف توك صغيره


نزلت وتوجهت لـ الصاله الي كانت
جمان جالسه على الصوفا بذهن شارررد
ومحتاره لكنها مرتاحه من ووجه جمان
الي ملامحه تطمن ..




ريــــوف

اخذت جوالها بتتصل ع جيهان وبتخبرها
لكن تذكرت ان جيهان عندها اليوم
مناسبه ونازله لها " حفلة المهندسين"
قررت تخبرها بوقت ثاني تركت جوالها
ورمت نفسها على سريرها بـ اطمئنان
اخخخ الحمدلله توقعت بنجبر عليييه
وبتصير سالفه طويييله الحمدلله ياربي
الحمددلله دمعت عيونها وقلبها رجف
بخوفف مجرد ماتخيلت انها بتكون
خطيبه لهالشخص وهي حتى اسمه
ماسألت عنه واضح انها كارهتته
ولا همها من يكون المهم تكون لـ
ذذااااككك الانسـان له هو وبسس
مستحيييل تتزوج غيييره
يـ ما حلمت وحلمت وكانت احلامي
على قدي ماكنت احب ابني
تخيلاتي واسعه يمكن كنت افقد
الخيال الواسع واميييل للواقع اكثر
لكن ... قلبي ماحبببب
غيييرررر مــشـــعــل ابتسمت بسعاده
مــشـــعــل حبيب وصديق
وصاحببب الطفوله

غمضت عيونها واخر شي كانت تذكرهه
وعالق بذاكرتها ومتعمق بذاتها


قبل سنتين


بـ احد الشاليهاااتت

كان الكل مبسوووطط
ومتجمعيين عايلتها وعوايييل خوالها
وخالاتها وجدتها وجدهااا وكانت
السعاده ماتفارقهم

خالة ريوف : بناتتت البسوا وتستروا
بيدخلون الشباب يسلمون على جدتكم

البنات سرريييع راحوا يلبسون
طرحاتهم والعبايات
ريوف وهي تلف الطرحه بعد مالبست عبايتها
:والله بنفقد خالتي سميره
غيداء بنت خالة ريووف : منجدد يرجعون بالسلامه يارببب

دخلوو الشباب وهم يسلمون على جدتهم

مششعل وهو يبوس راسس جددته
: هاه يمه ماابي اسافر وانتي زعلانه

جدة ريوف: افااا وانا اقدر ازعل عليك
ضحك وهو يضمها : الله لايحرمنا منك يالغاليه

جدة ريوف: شدد حيييلك وارفع روسنا لاترجع الا وشهاادتك معك

مشعل وهو يأشر على عيونه: من عيوني
رجعت تضمه وتمسح دموعها
والله بنفقدكم كلكم امك واختك وانتت
الله يسهل لكم وترجعون بالسلامه

الكل تأثر ريوووف نزلت دموعها
وهي تناظر بمشششعل خلاصصص
بيسااافرر.. ويجلس سنوواتتت
مابششوفه مسحت دموعها وهي تثبت
لثمتها

مششعل : اللهم امييين بدا يسلم
على خالاته وخواله وعيال خواله
رفع يده للبناتت
: فمان الله كلكم
ركز عيونه بعيون ريوف الي عرفها وهو
مبتسم : استودعتكم الله انتبهوا لنفسكم
تهامسوا البنات وهم يودعونه
انسحبوا الشباب وخرجوا

ريوف قلبها يدددق بسسرعه
ونظراته الي ماغابت عن بالها ثانيه
ابتسمت وهي تمسح دموعه همست
استودعته الله

تحبببه كثر مواقفها معه
تحببه كثررر ماقال انتي الورد وبستانه
من كانتتت صغييره وهي تحبببه
كبرررت وكبررر حبها معه
لكن من كبرت وتغطت
صارت فيه حواجز بينهم
مجرد نظرات متبادله

لكن من سنتين من سافر يدرس
وهي ماشافته ولا تعرف اخباره

تنهددت وهي تدمع عيونها
مسكت قلبها مكان مايدق بسرررعه
همست بحُب : ترجعع بالسلامه يارب



حب الطفوله.. ماتغيّره الأيام!
وأصدَق شعور الحب.. حب الطفوله.



انتهى


البارتات تنزل باذن الله

الثلاثاء

الجمعه



موعدنا الجمعه بـ اذن الله



جيـــان




الرد باقتباس
إضافة رد

رواية لحون الحـزن جمعتنا بلا ميعاد راحت الأيام تمشي وطيف الفرقا فرّقنا/بقلمي

الوسوم
لحون،الحزن،جمعتنا،بلا،ميعاد،راحت،الايام،تمشي،جيان، الكاتبه،جيان
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
عندما يستقيم الحب تتعثر الامنيات/بقلمي؛كاملة حنان | atch روايات كامله - يتم نقل الرواية هنا بعد اكتمالها 70 29-05-2019 11:26 AM
ستبقين اجمل فرج لسنوات صبري/بقلمي؛كاملة اجمل أسطورة روايات كامله - يتم نقل الرواية هنا بعد اكتمالها 104 03-08-2018 10:35 AM
رواية عيشتني بجحيم فعلك وحرمتني جنة أفعالك / بقلمي؛كاملة Novels01x_ روايات كامله - يتم نقل الرواية هنا بعد اكتمالها 71 02-08-2017 12:58 PM
رواية شلة ماسنشر بنات وشباب ~Remas~ روايات - طويلة 5 30-06-2017 11:11 PM
رواية ماتهزني ريح بس يكسرني الحنين/بقلمي De.muneer روايات - طويلة 18 17-05-2015 01:51 AM

الساعة الآن +3: 04:49 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1