غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 04-11-2018, 06:57 PM
صورة bns561 الرمزية
bns561 bns561 غير متصل
©؛°¨غرامي فعال ¨°؛©
 
الافتراضي خطيبتي المثقفة


بنسوارين عالصبايا
وبنسوار واحد ويخب عالصبيان
مصاكم الله بالخير كلن باسمه
والله ما احد يقوم من مكانه انا ابجلس هنا

هذا سلمكم الله قصتي يوم يروحون ابوي وامي يخطبون لي بنوته حلوه اهلها من اثرياء مدينة الرياض والمشكله ان هالبنت مثقفه مررررررررره وانا ثقافتي لايمكن الاتصال بها الآن . كان هذا هو الموجز واليكموها مفصله ، هذا وفي القصة انباء أخرى متفرقة :
( لاحظوا هنا قلت قصه يعني لايجي واحد يتفلسف ويقول كنك تقرى من كتاب ) وترى مافي الموضوع ولا صورة << مدري وين يجيبون هالصور منه :

كنت انتظر على احر من الجمر رجعة الوالدين حفظهما الله من الرياض لانهم كانوا رايحين يشوفون فارسة احلامي << الحين هي الفارسة ، وامداني استرسل في مداعبة احلامي الا الباب يرجف ابوه باكستاني حصران ويقول بسرعه صديق << كانت الموية مقطوعه عندنا وكنت في دورة مياة المسجد ، طلعت وانا متضايق ورحت لعشة الحمام وامسك لي فرخ وانتفه واقول بتوافق مهيب موافقه ، بتوافق مهيب موافقه ، بتوافق مهيب موافقه ، شوي الا صوت سيارتي ابوي واجيك نازل مع الدرج انا اذكر ان درج بيتنا حوالي 32 درجة << هذه ضروس مهيب درج ، بس ذاك اليوم صاروا ثلاث بقدرة قادر ، والقى الوالده يخليها ربي توها بتدخل البيت ، قلت هاه وش قالت وافقت عسى ما قالت ابشوفه قالت امي اصبر شوي خلني ابفصخ بشتي واصفطه لاني مطيبته بدخون عندهم وش زين ريحه وعطني التلفون خلني اكلم ام دحيم اعلمها اني ذقت الكيوي الي يقولون ، قلت ياميمتي والله انتس فاضيه البنت وش قالت عساها وافقت بدون شروط والا ترى بوش بيدبج بيتهم ، قالت امي ايه وافقت لكن بشرط انها تقابلك وتجلس معك وتسألك اسئلة وعلى ضوئها ، تسني قلت على ضوئها ياربيه احس ان لساني انطلق عقب هالكيوي ، تقرر هي توافق والا لا ، قلت طيب ياميمتي معزمه هي ، قالت مرررره هذا شرطها وتقول بعد لازم يكون هالكلام بعد يومين ، بس وش هالبيت عندهم بايكتهم في وسط البيت من كبره وشجر وهالسناميك تمشي على سناميك ، قلت لها وشو سناميكه يابنت الحلال هذا اسمه سراميك ،المهم البنت زينه ، قالت يقول زينه ياولدي هذه البنات مهوب بناتنا في هالديرة ما تفرقهم عنكم الا بالصلاة في المسجد ، هذه طول وعرض وشعر وخشيم وعيون وثويمها كنه شق في وجها مهوب مثل مرة اخوك وبراطمها كنها عاضة عقال ، قلت يمه بس ترى ابتغر انا ما اتحمل ، قالت لا اجل لو تشوف صهروجهم والله انه ازين من حجرتي ، يمه الحين اقول علميني عن البنت وانتي تقولين حمامهم زين ، اقول وين ابوي هو الي بيعلمني بكل شي ، وشوي الا هو داخل قلت هلا والله هاه يابوي وش رايك قال والله لو تشوف مغاسل الرجاجيل قلت ياربيه هذه غلطتي اني ما رحت معكم ، بس يالله تقول بعد يومين بتقابلني مهيب مشكله اقابلها بعد يومين وش يصير ، وانا طالع لغرفتي وتلحقني امي وهي تقول كنديشن وقف شوي ووقف انتظرها وش تبي يوم وصلتني وتطقني في راسي وهي تقول ( حبشه ) وتروح تركض واسمعها تقول والله ما توقف علي <<< فسقانه هالعجيز . المهم رحت لغرفتي ادور لي ثوب زين ولقيت ثوب الدوام ينتواجه به ثوب بني وعندي بعد كوت بني لا والمحفظة بعد بني عبس قصدي لونها بني ، بس المشكله هالشقوق الي في رجلي وشلون اغطيها مالها الا شراريب بس الشراريب تبي كنادر والكنادر عن البقره قصدي محيميد ولد جيرانا توه متعين عريف في الجيش وصارفين له كنادر لماع وش زينها اباخذها كلمت ابو حميد وقال والله عندي خفارة ماقدر .

جاء اليوم الموعود واكشخ في الثوب البني والكوت والاقلام واكحل عيوني لاني اكتشفت ان فيها دمل ، وقبل ما اركب السيارة مسكني ابوي على جنب وحط في غالوقتي حبتين ليبتون قلت له وش هذه علشان الحسد ، وضحك وقال وش يحسدونك عليه هذه وانا ابوك علشان تثقل خابرك خفيف . ركبت السيارة واتجهت للرياض وعلى الوصف لقيت بيتهم طقيت الباب ولا احد فتح ولا كلفوا انفسهم يقولون مين ، العن ام الاحراج ما اتفقنا على كذا ، جلست عند بابهم وين اروح ما اعرف شي في الرياض واخاف ادور واضيع ، واتلين على زلفة بابهم الا والله ذا الرخام بارد تسنك في الحرم والله واتوسد غترتي وارقد ، بعد فترة ما دريت الا واحد يحركني واسمعه يقول الله لايجزا هالشغالات خير لماذا يرمون باقي المرقوق هنا ، قمت وناظرته وقلت خير ان شاء الله وشو مرقوقه ، المعذرة يا ابني لقد افتكرتك باقي مرقوق من هذا اللبس الذي انت ترتديه ، قلت الا انت من انت قال انا صاحب هذا البيت وانت من تكون ، قلت انا زوج بنتك الي مابعد اعرست عليها ، قال قصدك بانك انت من خطب ابنتي واليوم موعد مقابلتك معها قلت له ( يس ) على بالي فصحى قال تفضل وادخل معه وقال لي تصدق يابني انني لم ارى في حياتي قط وقاطعته وقلت وين بتشوف قطو فيه وهذا بيتك تعال عندنا في الديرة من درجة الميانه بينا وبين القطاوة نسلم على بعض ولو انك في السيارة تدق لها بوري ، قال لي عن ماذا تتكلم ويحك ، قلت له لا مو لهذه الدرجة انه يحك لك ظهرك الا كانك مربيه من يوم انه صغير وناظرني شوي وقال ثكلتك امك ، قلت له اسكت ياخال مابقي الا هي الي ما كفلنني والا كل هل الديره كافليني ، وتبسم وقال ساقوم بتغيير ملابسي واعود اليك ، قلت له خلنا نشوفك عاد ، قعدت شوي لحالي الا وشوي الا هو راجع تقهويت انا واياه ، واسمع صوت جرس الباب جاء بيقوم يفتح الباب واحلف عليه انه ما يقوم واروح وافتح الباب والقى فلبيني مع اكل واخذه وارجع لخالي << يمون ، وقال من يكون ، قلت هذا فلبيني يوزع عشاء والديه ، قال يا ابني هذا اسمه التوصيل المجاني هل اعطيته فلوس ، قلت له لا << ما معي اصلن ، وقام وحاسبه ، بعد الغداء بشوي دخلت علينا بنت في المجلس والا وش اشوف ، وش هالامل كانت لابسه بنطلون ضيق مرررررررره وبلوزه بيضاء وعدسات لونين وقالت مساء الخير واقوم اشاهق واتكلم تسني بزر يتسبح في برد ، بس فهمت اني اقصد مساء النور ، شوي وقام ابوها وقال ادعكم لوحدكم لكي تخططوا لمستقبلكم ، قلت أي ياشيخ من اول ، وقالت لي وش تشرب ، قلت لها عصير ( قها ) << قديم مرررررره وينفتح بمفتاح الصلصه ، قالت وشو هذا يعني منجا ، قلت منجا منجا اتصلت بالتلفون وقالت عطونا عصير منجا، شوي وتدخل الشغالة علينا واقوم والقط راسها على انها خالتي ، وقالت وش فيك هذه الشغالة ، قلت عادي احنا في ديرتنا نحب روس الشغالات علشان ريال فلسطين << العن ام الي ما يكمل دراسته يا شيخ ، قالت المهم ودي ابداء معك المقابلة بس قبل ما نبدأ وش رايك في لبسي قلت منتاز جدن بس لو تلبسين ملابسك احسن من انك تكشخين بملابس اختك الصغيره << أسلوب شريطي ، قالت وش تقصد قلت البنطلون هذا ضيق مررررره ، قالت ليه انت ما تعرف الاسترتش قلت الا والله بس اذا ضغطت المربع بقوه طارت الكورة فوق << على بال امه انها تكلم عن البلاي استيشن ، قالت طيب ابروح البس شورت وش رايك ، قلت لها تلبسين شورت اجل شورتك وهداية الله ، شوي ودخلت علي وقالت تعال هنا قلت والله ما اقوم <<< هذا عيب الي يلبس سروال قطن وهو رايح يشوف خطيبته ، شكلها فهمتها وقالت براحتك ودي ابدأ المقابلة معك ، قلت تفضلي قالت انا اسمي امل وشهادتي ماجستير في علم الاجتماع قلت انا كنديشن جوالي استقبال فقط ومعيد ثالث ابتدائي يعني تاريخ وجغرافيا لاتسأليني ما خذناها ، تبسمت وقالت ما يخالف نبدأ قلت على بركة الله قالت كم راتبك قلت الف قالت ايش ، حسيت انها زعلانه ، وقلت الف وادور هاليومين على وظيفه احسن من وظيفتي يعني بيصير راتبي فيها سبعه الاف <<< تسذوب ، قالت كنديشن قلت لبى قلب سخانتكم ، قالت انت الحين تعرف انه لازم ان نقاطع المنتجات الامريكية يعني مثل الماكدونالديز وش رايك ؟ قلت شوفي اذا هي في استراحة ومع شباب تعرفهم انا ما عندي مانع <<< احسبها تحسي عن الويك اند ، كتاب تعلم اللغة الانجليزية في اسبوع حاسني . ناظرتني شوي وقالت طيب باين انك رومانسي انت تعرف نزار قباني ؟ قلت والله شوفي الحنفسان انواع والقبان هذا اصغر انواعه وشلون عاد اذا صارت نزرة قبان وش بتجي << واحط رجل على رجل واثق الولد ، قالت طيب الدول الاسكندنافيه وش رايك فيها ؟ قلت والله مع العلم انه يجيب لي حرقان لكن نسكافيه مع الحليب عادي اشربه قالت طيب الجغرافيا هذه ابد ما تعرفها قلت ابد ، قالت حتى المناخ قلت لا المناخ اعرفه يصرف لنا ثلاثة الاف ريال كل سنه لكن ان شاء الله بيضيفنا ابوي معه وابشرتس بتصير تسعه ، قالت وش رايك في العولمة ، الاخيره هذه لخبطت ابو جدي وحسيت اني حست الدعوة كلها قلت لازم اصرف الموضوع ، قلت عن اذنك الحمام واقوم واروح للحمام وشوي الا القى في رجلي قطعة زوليه فخمه مررررررره كانت في المجلس اثرها نشبت في الشقوق الي في رجلي وسحبتها معي ، رجعت للمجلس ولا لقيت احد في المجلس وانتظر الى اذن العشاء ولا احد دخل علي وشوي الا الشغالة داخله علي ومطفيه انوار المجلس وافهمها وارجع لبيتنا .

تدرون وش صار ........ الغريبه انها وافقت لانها تقول لازم يكون لي دور في المجتمع وبينفعني هذا في تحضير شهادة الدكتوراه وابيه قريب مني ، وابشركم العرس بعد كم شهر بس شارطين اني اسكن معهم وانا متردد . هاه وش رايكم اخذها واسكن عندهم والا وش تقولون


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 04-11-2018, 07:21 PM
صورة الْثلجْ الرمزية
الْثلجْ الْثلجْ متصل الآن
ذوي غموض مترف على الذاكره
 
الافتراضي رد: خطيبتي المثقفة


... حاله من الصمت
اقصر عليك الكلام واقول توكل ع الله وتزوج تعيش وتشوف كثير هههههاي . فلتت صحكتها
رج ابليس العدو















الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 04-11-2018, 07:26 PM
صورة جنانوهـ الرمزية
جنانوهـ جنانوهـ غير متصل
©؛°¨غرامي ماسي ¨°؛©
 
الافتراضي رد: خطيبتي المثقفة



_








_




كنديشن ي كنديشن ، من اول ما سجلت وانا اقول هالولد يطلع منه شيء زين
بس لليوم ما اشوف الا مخ فاصل وكم نقطة بنهاية الطريق ههههههههههههههههههههههه

هههههههههههههههه انا اقول اسكن معهم بالبيت حتى تكون قريب منها وتنفعها وتنفعك

الله يعطيك الف عافييه ، قصصة حلووة ومضحكة ^^

ليين تزوجتوو لا تنسانا من قصصة ثاانيه حلوة ههههههههههههه



ودي ^^





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 04-11-2018, 07:33 PM
صورة نـــــيروز `° الرمزية
نـــــيروز `° نـــــيروز `° غير متصل
واستراحَ الشـوقُ منـي °
 
الافتراضي رد: خطيبتي المثقفة


°













ههههههههههههههههههههههههههه
كنديشن الا فاونديشن ي الاخ
متاكد انو ذي قصة حياتك ولا فلم هندي 100%

ربي يسعدك ضحكتني كثير
سلملي على المثقفة



















الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 04-11-2018, 08:01 PM
صورة الليدي أريام الرمزية
الليدي أريام الليدي أريام متصل الآن
لا شئ يصــفني سوى أحرف إسمي ..
 
الافتراضي رد: خطيبتي المثقفة


ههههههههههههه

قصه كوميديه بإمتياز ههههههه

لكن كـ واقع انصحك ماتكمل بهذا الزواج لأن الكتاب باين من عنوانه ههههههههه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 04-11-2018, 09:06 PM
صورة .هداية الرمزية
.هداية .هداية غير متصل
©؛°¨غرامي نشيط¨°؛©
 
الافتراضي رد: خطيبتي المثقفة


ههههههههههههههههههههههههههه..

التمام ع خير.. واعزمني ع العرس..


انسجمت معكم.. صراحة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 04-11-2018, 09:32 PM
صورة لقاء الأرواح الرمزية
لقاء الأرواح لقاء الأرواح غير متصل
©؛°¨غرامي فضي¨°؛©
 
الافتراضي رد: خطيبتي المثقفة


ههههه هههه هههههههههاااايي

ياربيييي ضحكتني ومافيا حيل اضحك 😂😂😂😂😂😂

مين هالبنت المثقفة الي تاخذ واحد راتبه الف وما كمل ثالث ابتدائي 🤔😂😂😂 من اي كتاب اسطوري جات! سبحان الله 😂😂😂😂😂😂😂😂

لحظة امسح دموعي🤚 😂😂😂😂😂
الزم بيتك وبر والدينك تسعد في حياتك 😂😂😂

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 05-11-2018, 06:57 AM
صورة bns561 الرمزية
bns561 bns561 غير متصل
©؛°¨غرامي فعال ¨°؛©
 
الافتراضي رد: خطيبتي المثقفة


اقتباس:
المشاركة الأساسية كتبها فتاة لندن مشاهدة المشاركة
... حاله من الصمت
اقصر عليك الكلام واقول توكل ع الله وتزوج تعيش وتشوف كثير هههههاي . فلتت صحكتها
رج ابليس العدو
هلا وغلا بنات لندن << يسمع بالدلع
تسلمين لنا دوم وعسى هالابتسامة ما تفارق خشيشتك << عنده اسلوب بس ظروفه .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 05-11-2018, 07:37 AM
صورة bns561 الرمزية
bns561 bns561 غير متصل
©؛°¨غرامي فعال ¨°؛©
 
الافتراضي رد: خطيبتي المثقفة


اقتباس:
المشاركة الأساسية كتبها جنانوهـ مشاهدة المشاركة
_




كنديشن ي كنديشن ، من اول ما سجلت وانا اقول هالولد يطلع منه شيء زين
بس لليوم ما اشوف الا مخ فاصل وكم نقطة بنهاية الطريق ههههههههههههههههههههههه

هههههههههههههههه انا اقول اسكن معهم بالبيت حتى تكون قريب منها وتنفعها وتنفعك

الله يعطيك الف عافييه ، قصصة حلووة ومضحكة ^^

ليين تزوجتوو لا تنسانا من قصصة ثاانيه حلوة ههههههههههههه



ودي ^^
شوفي ياحنانوه كل بدايه ولها نهايه .. وكل نهايه ولها بدايه <<< وكل تبن ولاتسوي فاهم اصرفلك لذلك فأن الشخص الطبيعي ينولد تحت اثار فسيولوجيه تنم على طبيعه الشخص ربما يكون هادئ وربما يكون عصبي وربما يكون عاقل وربما داشر وربما وربما وربما اما انا فان طبيعيتي منذ الطفوله لم تنم على ذلك البته بل تنم على ثواره ودلاخه وعدم احساسي بطفولتي الكامله من يوم اني في ظهر ابوي كنت احس اني دلخ الناس تقعد في الفقره الرابعه من العمود الفقري وانا جالس في الحوض ابي ادحدر بسرعه وهذا اكبر دليل ثاني يدل على اني مخ فاصل ومضروب ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 05-11-2018, 07:56 AM
صورة bns561 الرمزية
bns561 bns561 غير متصل
©؛°¨غرامي فعال ¨°؛©
 
الافتراضي رد: خطيبتي المثقفة


اقتباس:
المشاركة الأساسية كتبها نـــــيروز `° مشاهدة المشاركة
ههههههههههههههههههههههههههه
كنديشن الا فاونديشن ي الاخ
متاكد انو ذي قصة حياتك ولا فلم هندي 100%

ربي يسعدك ضحكتني كثير
سلملي على المثقفة
خخخخخخخخخخخخخخخخخخ
هذا اللي لاقالولك فيلم هندي بس بالطبيعه
مشكوره يالغالية


الرد باقتباس
إضافة رد

خطيبتي المثقفة

الوسوم
المثقفة , خطيبتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
هل يخشى الرجال المرأة المثقفة ؟.. مساحة نقاشيه تامر العربي نقاش و حوار - غرام 41 22-11-2017 07:21 PM
قصيدة في حبيبتي خطيبتي ابوو يزيد المقهى الأدبي نبض الحروف 0 31-07-2015 07:22 PM

الساعة الآن +3: 12:56 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1