غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 13-11-2018, 06:32 AM
فاطمة السويدي فاطمة السويدي غير متصل
©؛°¨غرامي جديد¨°؛©
 
الافتراضي لاجلها ينبض قلبي /بقلمي


لاجلها ينبض قلبي
اول روايه اكتبها أتمنى تعجبكم و كلها تشويق

الشخصيات
ابو احمد
اسمه خلفان يشتغل مع اخوه فالشركة و عمره 48
مها الام عمرها 47 سنه
احمد 30 سنة مب متزوج لانه فالسجن سالفه طويله ما اعرف يمكن شوي تكون قصيرة المهم
حمدان عمره 26 محامي و يحاول يساعد اخوه احمد
حمد 25 معلم يدرس طب فالجامعة
فهد 22 سنه يشتغل مع ابوه فالشركة
ميرة عمرها 18 و بتدخل طب نفس جامعه حمدان

ابو عبدالله
اسمه حميد و عمره 46
الام اسمها هند عمرها 44
عنود عمرها 25 سنه مهندسة
هدى عمرها 23 سنه تدرس طب
عبدالله عمره 20 غير عن الكل و كل يوم يطيح في مشكلة
نوره عمرها 18 سنه
سيف مثل مايد و عمره 19

ابو وليد
اسمه محمد و عمره 44
الام اسمها منيرة و عمرها 42
وليد عمره 26 يشتغل مع فهد فالشركة
رغد عمرها 25 سنه اخر سنه فالجامعة
فاطمة 18 سنه هبلة وايد تسوي مشاكل
مايد اهبل وايد يسوي جو و 19 سنه

في بيت ابو احمد
دخل حمدان البيت : السلام عليكم ..... ااااه أبوي عندي لك خبر
ابو احمد : اذا كان عن اخوك احمد لا تتكلم فاهم
حمدان : أبوي اخوي كمل خمس سنوات داخل السجن
ابو احمد : و شو المطلوب يخيس فالسجن خله
حمدان : عقب أسبوعين انا بسير بطلعه انت ظالم
ابو احمد : ما سألتك خله فالسجن انت ما تعرف السبب
حمدان : اعرف السبب هذا بس لان اخوي كان سكران و يحتفل اخوي كان سكران هالوقت بس تاب طلعه برع أبوي أرجوك
ابو احمد : لو كنت مكاني شو بتسوي
حمدان : بسامحه و بعطيه فرصه
ابو احمد : اسمع انت لا تسير عنده فاهم انا بروحي بسير
حمدان : أبوي يوم بتسير عند الشرطة عطهم هذا الفلاش
ابو احمد : شو هذا
حمدان : هذا كل الي استوى فالشقه و هذا الفلاش يثبت ان احمد مب مسوي شي هاذيج الكلبه مرام هي الي مسوية هذا كله لازم بأجر نسير نعطيهم
ابو احمد : مرام تذكرت
حمدان : صح دقيقه أبوي شي ثاني ... في حد يعرف فهاذي السالفة
ابو احمد : محد يعرف انا قايل ان احمد سار يدرس برع و بيرجع علشان يدير الشركة
حمدان : آآآه اوك

قبل خمس سنوات في أمريكا
في شقه احمد
دخل احمد الشقة و هو سكران من الي سوته مرام يلس و عداله كل ناس سكرانه
احمد : مرام عطييني مسكّن او اي شي ثاني راسي وايد يعورني
مرام : عادي الحين بسير قوم نرقص
احمد : دقيقة أبوي يتصل
مرام : انزل تحت كلمه
طلع من الشقفه و علطول سكر الباب و فتح التلفون لانه سكر
ابو احمد : هلا احمد وينك
( توتر ما عرف شو يقول ) احمد : آه هذا انا فآل..
ابو احمد : انت وين أتكلم تباني اي عندك
احمد حط أيده على راْسه ما قدر يستحمل وطاح
ابو احمد : آلو احمد ... احمد رد آلو احمد
حمدان : أبوي شو السالفة وين احمد
ابو احمد : حمدان بسرعة سر الشقه عند احمد انا لازم أتم هني وَيَا اخوك
عقب ساعة
حمدان وصل صوب الشقه تم واقف ماعرف شو يسوي
طلعت مرام و علطول سارت صوب احمد
مرام : اااااححححممد ،
حمدان : قومي قومي احمد تسمعني .... اتصلي على الإسعاف بسرعة
اتصلت على الإسعاف ووصلو ركب حمدان مع احمد و مرام لحقتهم بالسيارة
فالمستشفى
طلع الدكتور من الغرفة
حمدان : هل يمكنني ان اعرف كيف حاله .... تحدث مالذي حدث
الدكتور : لقد شرب الكثير جسمه لا يتحمل
حمدان : حسنا شكرًا
( تسوي عمرها ما تعرف ) مرام : كان يشرب
حمدان : لا كان يلعب ..... أكيد انتي وياه صح ، شو كنتو تسون فالشقه بسرعة قولي
مرام : كان يوم ميلادي و انا عزمت كل ارباعتي
حمدان : الخمر انتي يبتيه
( خافت ) مرام : لا
حمدان : لا تكذبين
مرام : لا انا ما يبت شي
حمدان : انزين كل شي بينكشف انا الحين بتصل على الشرطة
مرام : حرام تراه اخوك
حمدان : كلي زق
حمدان اتصل على الشرطة و خبرهم بمكان الشقه و علطول اتصل على ابوه و قاله شو استوى ، وصل ابو احمد المستشفى و هالوقت كانت مرام بتطلع بس علطول سارت صوبه ،
( تمثل على أساس تصيح ) مرام : دقيقه انت ابو احمد صح
ابو احمد : هي انا تفضلي
مرام : ولدك زقرني عنده فالشقه على أساس نسوي المشروع بس .. بس انا يوم سرت الي شفته كان شي ثاني ولدك شرب اصلن كان سكران ا اغتصبني انا مااقدر استحمل زيادة خله يبتعد عني
ابو احمد مب عارف شو يقول و هاذي الحيوانة لعبتها صح تمت تصيح وسارت علطول شقتها
ابو احمد : حمدان
حمدان : نعم أبوي
ابو احمد : نش
حمدان : نش بتدخل
ابو احمد : انا بدخل بس
دخل الغرفة تلقى احمد يصيح شاف ابوه و بسرعه قام
احمد : أبوي ترا انا ما اعرف شو استوى والله ماعرف
ابو احمد : وصخ و لا كلمه ما تتكلم فاهم انا ما ربيتك علشان تلعب على بنات الناس يل وصخ شوف اذا ما خليفتك تندم
شُل التلفون و اتصل على بدر و قاله شو استوى
اليوم الثاني بدر و صَل المستشفى و معاه ابو احمد دخل الغرفة هالوقت كان احمد راقد علطول شُل الأبره وفراه بعيد
ابو احمد : يدخل السجن هذا الحمار و ما يطّلع الا يوم انا اقولكم فاهمين
بدر : فاهمين
من هاذك اليوم الين الحين احمد فالسجن و كل يوم يتعذب

في بيت ابو وليد
فاطمة : أبوي انا بمر على نوره و ميره بنسير
ابو وليد : بس ما تتآخرون
فاطمة : اوك
ام وليد توها نازله : فطوم تعالي هنئ
فاطمة : نعععم
ام وليد : ما بتسيرين مكان اليوم بتي خالتج
فاطمة : انزين انا شو أسوي
ام وليد : سيري مشي هذا الميك أب كانج دريول ربيعتي
فاطمة : انا ما طلبت رايج بالعكس حلو هذا لان انتي ما تعرفين تتمكيجين
ابو وليد : يا فاطمة بقصه لسانج فاهمة
فاطمة : فاهمة
ام وليد : سيري مشي اوووووووووه هاذوم وصلوه
فاطمة : بسير بسرعه
سارت فوق و علطول اتصلت على ميرة
ميره : ليش تأخرتي
فاطمة : ما بي لان خالتي يت
ميره : اوف خلاص اوك ما. عليه باي
سكرت منها و ليست فاطمة تتعدل
دخلت عليها أمها : فطوم انزلي بسرعه
فاطمة : أمي انزين
في الميلس
اخت منيره ام وليد : وبينها فاطمة
ام وليد : بعدها المهم شو استوى كملي
كملوا سوالف
في ميلس ثاني شخص ثاني يترا
ابو وليد : طلال بس دقيقه
طلال : ما عليه خالي خذ راحتك
طلع ابو وليد من ميلس و هالوقت فاطمة توها تتصل على نوره و كانت تحش في طلال لان تكره طلال وايد
دخلت الميلس و يلست على الكرسي تحش و هالوقت طلال كان واقف ورآها و يسمع
فاطمة : نوره انتي تفهمين عربي انا كنت سايرا الحفلة وياكم فجاة أمي تقولي خالتج بتي
نوره : انزين ما عليه يوم ثاني
فاطمة : و تقولي انزلي تعالي الميلس و شوفي ما في حد
نوره : يا بنت خلاص اسكتي تعرفين شي يلا مع السلامه باي
فاطمة : باي ،،شو ها حر و انا ليش لباسه جاكيت طبعا البنت اتفصخت لا شو استهبل بس الجاكيت ملل والله ما اعرف شو أسوي اليوم الخميس و انا فالبيت شغلت أغاني و يلست ترقص و تتصور وهذا كله و طلال واقف عقب ما خلصت
طلال : خلصتي
فاطمة : طلال اوه هذا امممممم والله ماعرف ملل
طلال : فاطمة
فاطمة : شو
طلال : قولي نعم
فاطمة : أقول عزق ترا ما يستوي جذي تشوفني
طلال : وحده قمر كيف ما تبغيني أشوفها
فاطمة :
طلال : تتصورين اطرشين حق منو و يالسة ترقصين و كنتي بتسيرين حفله و منو هناك فالحفله
فاطمة : مالك خَص
طلال : جاوبني
فاطمة : مالك خَص فيني أسير اي مكان انت شو دخلك
طلال : انزين اطلعي من قبل ما يدخل أبوج
فاطمة : والله ..... في بيتي و يقولي اطلعي انت الي اطلع
طلال : شوفي انا اعرف انتي تكلمين اولاد و كنتي بتسيرين حفله فيها اولاد لانج وحده مستعمله وعادي عندج ،
فاطمة : كل زق
طلال : انتي الي كلي زق
طلعت و علطول سارت شلت عباتها و مفتاح السياره و سارت برع
ابو وايد : فاطمة تعالي .. وين سايرا فاطمة
طلال علطول طلع من الميلس : خالي شو استوى
ابو وليد سحب عليه و علطول لحق بنته و طلال وراهم
فاطمة : الحين انا مستعمله
ما حست بالسرعة الي وصلت فيها فجاة دعمت شاحنه لدرجة السياره احترقت من جدام و كل العالم تجمع عليها و ابو وليد وطلال جدامهم استوى هذا كل

انتشر الخبر في كل عائله و الكل سار المستشفى الا ابو احمد و حمدان

ابو احمد و حمدان و صلوا عند الشرطة
ابو احمد : السلام عليكم انا ياي هنئ علشان أقابل بدر
الشرطي : تفضل
دخل بدر الغرفة وسلم عليهم
حمدان : امممم بدر تفضل و شوف بعينك ياين هنئ علشان اتطلع احمد
بدر : انزين بس شو هذا الفلاش
حمدان : يود شوف
شُل الفلاش و حطاه على الابتوب و أنصدم شاف مرام هي الي سوت كل شي هي السبب
بدر ؛ منو هاذي البنت اصلن كيف جذي سوت ودقيقة تعرفون وين مكانها لازم تتعاقب على الي سوته
حمدان : طلع اخوي و قول حق الي وياك يوم معاي الشقه هي هناك انا الي قلتها تي عندي و هي طبعا ما صدقت
بدر : اوك دقيقه
علطول بدر سار صوب احمد و دخله الغرفة
ابو احمد : بدر سير طلع ولدي الحين
احمد : انا ولدك ابوي طبعا ما تتذكر لان خمس سنوات انت ما شفتني و صدقت كلامها
ابو احمد : انا أسف سامحني
احمد : انت ابوي و كيف ما أسامحك
حمدان : بدر انا طرشت الموقع وانت سير
احمد : الحين شو بنسوي
ابو احمد : نحن الحين لازم نسير المستشفى لان فاطمة تعرضت لحادث و بعدها في غرفه العمليات
حمدان : احمد انت تعرف شو لازم تقول صح
احمد : لا شو لازم أقول
ابو احمد : احمد ابوي قولهم انا رجعت لان انا الحين بشتغل وَيَا ابوي
احمد : انشاء الله
وصلوا المستشفى
الكل أنصدم يوم شاف احمد
ام احمد : احمد
ميره : متى رجعت
احمد : اليوم رجعت الصبح
فهد : وأخيرا خمس سنوات
حمد : شكلك غير اصلن ما اتذكر كيف كان شكلك المهم تعال
سلم على الكل
ابو وليد : طلع طلع الدكتور ......... دكتور بشر
الدكتور : فاطمة لازم تتنوم عندنا على الأقل يومين
ابو وليد : نورم نشوفها
الدكتور : هي أكيد الحين بيطلعونها
طلعوها و كان في شخص ماسك جهاز و مغطين جسمها عقب ما خلّصوا دخلوا عندها و يلسوا معاها
هي صح انا عرفتكم على عائلة طلال
ام طلال اسمها ريما و عمرها 40 سنه
الأب اسمه محمد و عمره 45 سنه
طلال عمره 22
منى عمرها 24

نهاية البارات الاول


في بيت ابو احمد

ام احمد اتجهز السفره عقب. ما خلصت زمرتهم و كلهم وصلوا
ابو احمد : ميره بتسيرين عقب مكان
ميره : هي بخلي الدريول يوديني المستشفى
احمد : انا بوديج المستشفى
ابو احمد : انزين انتو سيروا اول عقب نحن كلنا بنسير
احمد : اوك عيل انا بسير اتجهز
ميره : يلا انا بعد
فالمستشفى
فاطمة : أكلهم خايس والله يوعانة انتي ما يبتي شي وياج
عنود : لا انا ما يبت شي
هدى : تبغيني ايب شي
نوره : لا تيبون شي شوفو وايد متنت خلها تضعف فطوم استوتي مثل الثلاجة
عنود : وين الثلاجة غير فططووووم وايد تغيرت شوفي كيف
هدى : ما اشوف والله عيني اتعورني
عنود : جسمج اخترب انا ودي اعرف الدكاترة داخل غرفه العمليات ما ....
الدكتور : خلاص انتهى وقت الزياره
سيف : محد سالك اذا انتهى وقت الزياره
فاطمة : اووووف واحد صفر
الدكتور ضد صوب سيف : شو قلت
سيف : لا تسوي جو اطلع برع
الدكتور :
سيف : يلا يلا برع
فاطمة : سيف خلاص تعال ايلس
الدكتور : اوك
و علطول طلع
فاطمة : ايييييييييييه انت شو فيك تبغي تسوي مشكله
سيف : شو انتي ما تشوفين شكلج بدون حجاب
هدى : صح كلامه
فاطمة : اسكتي انتي والله صدق انا متنت
عنود : نستهبل ماشاءالله انتي امتن وحده فالعالم
فاطمة : كلي زق
عنود : المهم انا بنزل تحت بيب شي
فاطمة : لا تنسين تيبلي
هالوقت و صلوا قوم احمد و ميره
دخلوا المستشفى و علطول على غرفه فاطمة
ميره : السلام عليكم
الكل سلم عليها
ميره : ليش وين عنود
نوره : سارت تحت
هدى : اييييه هاذي. العنز نست تليفونها و ما تعرف كم رقم الغرفة نوره انزلي شوفيها
نوره : انا بروحي ما اعرف رقم الغرفة
سيف : شوفيها تر ا بتي تسال عن فاطمة و ليعطونا رقم الغرفة
احمد : خلاص انا بنزل تحت
نزل احمد تحت وين قسم المطاعم و اصلن مافيه غير كوفي شوب شاف عنود يالسة و تلعب بالتلفون سار صوبها و يلس عدالها يعني جدامها
عنود نزلت التلفون و شلت العصير و صبته كل عليه
احمد : انتي ما تستحين
عنود : انت الي ما تستحي تي و تيلس عند البنات ياحيوان قوم يلا يلا بسرعه قوم لا تخلني اتصل الحين على اخواني شو شايف نفسك قوم يالكلب
احمد : اسكتي الله ياخذج فضحتينا
عنود : الله يأخذك انت قول امين
احمد : عنود مب معقوله انتي ما تعرفيني
( تاشر على نفسها و هي الحيوانة مصدومة ) عنود : انا لا ما أعرفك لان ما ايلس أكلم اولاد علشان أعرفك بس دقيقه انت كيف تعرفني
احمد : انا اخو ميره
عنود : اخو ميره اوووه صح انت الي كنت خمس سنوات بس المهم ما اعرف وين المهم شو تبغي
احمد : ياي عندج انتي
عنود : و تقولي انا ما تستحين
( يمثل على أساس معصب ) احمد : عنود سيري فوق عند البنات الحين بسرعه و ما اشوفج مره ثانيه بروحج بدون اي ريال فاهمه
عنود : أكيد فهمت إنشاءالله المره الثانيه يوم بسير اي مكان بروحي بشوف اي ريال يالس بروحه و بسير ايلس وياه مثل ما انت قلت لا تيلسين بدون اي ريال
احمد : انتي شو انتي انا أتكلم جد
عنود : عن تصيح انزين ترا كنت استهبل
احمد : بسرعه سيري فوق الحين انا كيف أسير فوق
عنود : بتمشي الين فوق شو المخ خمس سنوات يقولن يدرس في أمريكا و اخر شي ما يعرف كيف يسير فوق
( عَصّب ) احمد : انتي ما تعرفين شو استوى فالخمس سنوات انزين سيري انجلعي فوق
عنود : عن تصيح يا حبيب الماما
احمد : والله انتي كريها
وصلوا هم الاثنين الغرفة
ميره : احمد ليش قميصك جي
احمد : بالغلط صبيت عصير برتقال
فاطمة : انا متى بطلع
هدى : اليوم بس لازم ورقه
دخل سيف الغرفة : أقول نحن لازم نروح ابوي بيانه يلا بسرعه
احمد : فاطمة نحن بعد بنروح على أساس قوم أمي بيون بنسير نشوف شو استوى يلا باي
فاطمة : باي
عقب ما الكل روح دخل الدكتور و معاه ثالث أشخاص طبعا فاطمة فهمت غلط
فاطمة : شو تسون
الدكتور : ارتاحي ما بنسوي شي شو فيج
: شو فيج تتحرين ترا ياين علشان نعطيك هاذي الأبره
الدكتور : انتو اطلعو انا بعطيها ..... أسف على الي استوى اذا احتجيت شي قوليلي انا هنئ مكتبي
فاطمة : لا ما احتاج شي بس عادي أسالك سوْال
دخل شخص المستشفى و سال عن غرفه فاطمة بس يوم فتح الباب أنصدم
الدكتور : انا بعطيج الأبره و عقب لازم اسحب دم
فاطمة : لازم
الدكتور : هي لازم انزين عادي تخوزين شعرج
خوزت شعرها و علطول دخل الأبره
الدكتور : شعرج طويل ماشاءالله
فاطمة :
الدكتور : انزين الحين بسحب دم
فاطمة : اوك
الدكتور : تعرفين ان في بعض من الناس يوم يشوفون دم او مثل ينجرحون ويطلع دم يغمى عليهم او احيانا ايهم دوخه
فاطمة : هي انا وحدة منهم ما أحب اشوف دم
الدكتور: انزين شوفيني
فاطمة : لا خلاص عادي
الدكتور : اخاف تصيحين
طلال : الله ياخذه كريه محد بياخذها مني
طلع من المستشفى و مصر على هذا القرار و ما بيتراجع
في بيت ابو وليد
الكل مجمع هناك
ابو وليد : ادري كلكم تسالون ليش نحن هنئ بس نحن نبغي نسوي عزيمة كبيرة و نبغي الكل ذي لسلامه فاطمة و بعد لان احمد وصل
احمد : عمي ليش اتعب نفسك
ابو وليد : انا ابغي أسوي هاذي الحفلة و انزين اسمعو و عقب هذا كله نحن بنسير الشاليه
الكل كان مستأنس و كل واحد سار على بيته علشان يجهز اغراضه
فالمستشفى
فاطمة : ملل والله مب عارفة شو أسوي أقول ابغي اكل محد يبلي و اصلن الحين الساعة كم خيبه شكلي انا الوحيدة هنئ فالمستشفى المهم عزق انا بطلع هم قالوا اليوم بيطلعوني محد ي طلعني انا بطلع
الدكتور : لازم اهلج يون و اصلن مافي حد شوفي القسم خالي
فاطمة : انزين انا مليانه ملللللل ما اعرف شو أسوي
الدكتور : تعالي وياي
فاطمة : وين و جي ( تاشر على لَبْس المستشفى )
الدكتور : هي عادي يلا
فاطمة : انزين اوك بس وين بنسير
الدكتور : تحت شي غرفه كبيرة و فيها مطبخ انتي يلسي و خبصي فالكل
فاطمة : اوك يلا
نزلو تحت و طيعا البنت فلتها دخلوا داخل و الدكتور يلس و كان بيشوف شو بيسوي
فاطمة : انزين انا ما اعرف كيف اطبخ
الدكتور : حتى انا بس يلا ما عليه خلينا نسوي اي شي
فاطمة : انا بيض ما اعرف شو أسوي و انت تقولي نسوي اي شي
الدكتور : امممم فاطمة شوفي شو حصلت
فاطمة : ههههيييييييه الله انا ابااااااه
الدكتور : ما تقول لا كل شي تبغيه
فاطمة : لا ني يوعانه
الدكتور : انتي كل دقيقه يوعانه بارحه انتي طلعتي عيني خلصتي الوجبة الاولى قلتي ابغي شي ثاني يا بنت لازم تخفين شوي خمس وجبات فساعه
فاطمة : كيفي
الدكتور : انزين يلا نرجع
فاطمة : لا دقيقه انا قوطي الكندر داخل
الدكتور : لا اااااااااا بينفجر
القوطي احترق بس من برع
الدكتور : شوفي شو سويتي
فاطمة : انزين عادي المهم انت عطني الكندر الي داخل
الدكتور : يلسي كلي
فاطمة : انزين ما في شي ثاني بعد
الدكتور : بممممموت خلاص. بسج اكل و غير هذا الله يخليج شوفي شكلج كيف تعالي شوفي
فاطمة : عادي الناس تتمنى هالشعر
الدكتور : استهبل والله كلي بالعافيه و شعرج اصلن وايد حلو سيده كأنه شعر الفلبينيات
فاطمة : نعم
الدكتور : الساعة. 3 الفجر
فاطمة : انزين عادي يلا انتي أسئلني و عقب انا بسألك
الدكتور : كم عمرج
فاطمة : 18
الدكتور : العمر كله
فاطمة : شو اسمك
الدكتور : اسمي بسام
فاطمة : من وين
الدكتور : انا ابوي سعودي و أمي اماراتية بس انا انولدت في الامارات
فاطمة : خلاص بس شبعت شوف خلصت قوطي كامل كندر
بسام : امممم فاطمة اذا بعطيج شي الحين بتردين تعطيني
فاطمة : لا ما بردك
بسام : هذا رقمي عادي وتم على تواصل
فاطمة : لا انا ما ابغي انا أكلم حد ثاني
بسام : نعم انتي تكلمين ولد ثاني
فاطمة : ترا استهبل وياك عن تصيح ما أكلم حد اصلن منو بيكلمني
بسام : انا بكلمج كل يوم كل دقيقه
فاطمة : ما اعرف اخاف حد يشوفني
بسام : محد بيشوفج بس ابغي اكلمج كل يوم ابغي اسمع صوتج
فاطمة : ساعه كم الحين
بسام : لا تغيرين السالفة
فاطمة : اوك انت قلت كل دقيقه كل يوم
بسام : اوك
شلت الرقم و علطول وداها الغرفة و هو كمل شغله
اليوم الثاني وصل ابوها و طلعها من المستشفى وصلوا البيت طبعا الكل كان هنأك حتى طلال و أمه
فاطمة : ابوي انا تعابنه و بدش أتسبح عقب ارقد
ابو وليد : لا ميتسوي اليوم نحن مسوين عزيمة
علطول سارت الغرفة و اتجهزت و صَل طلال البيت و سار مع وليد الميلس يلس
طلال : السلام و عليكم اممممم خالي انا عندي طلب و أتمنى ما تردني
ابو وليد : تفضل أسمعك
طلال : انا ياي علشان أخطب بنتك فاطمة
ابو وليد فخاطره ( استغفر الله الحين انت ياي علشان بنتي يعني فطوم تباك مسكين ) : تعرف المفروض تسال فاطمة لان هي الي بتتزوج مب انا اسالها
طلال : انا عادي عندي بسالها بس هي وين
ابو وليد : يعني وين بتكون
طلال : انزين خالي ما عليه انا بترياها
ابو وليد ( عادي يسويها و يرقد فالبيت )
فغرفه فاطمة
فاطمة : اتصل نوره اتصل
نوره : اتصلي اتصلي
اتصلت و تمت تتريه
بسام : آلو منو وياي
فاطمة : انا
بسام : انزين منو انتي
فاطمة ؛ فاطمة انا
بسام : فاااااااطمة اشحالج
فاطمة : بخير
بسام : امممم ،،،انزين قولي شي
فاطمة : ما اعرف شو أقول
بسام : فاطمة انتي عادي تصنعين تسيرين اي مكان صح
فاطمة : هي عادي
بسام : انزين يستوي انا اطلع وياج
فاطمة : لااااا أسفه انا ما اطلع وَيَا شباب
بسام : بس شوي بس
فاطمة : ما اقدر خلااااص سكر
سكرت من بسام و عقب نزلوه يكملون سوالف
ابو وليد : فاطمة تعالي
فاطمة : نعم ابوي
ابو وليد : فاطمة البس أوقايتج و سيري وَيَا اخوج وليد المطبخ اصلن وليد بالمطبخ
فاطمة : كلهم هناك انا شو يوديني
ابو وليد : اخوج هناك
فاطمة : اوك خلاص بسبر ( اصلن ليش أحط الحجاب بس اخوي هناك )
سارت المطبخ اول ما فتحت الباب انصدمت

نهايه البارت الثاني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 13-11-2018, 10:44 AM
فاطمة السويدي فاطمة السويدي غير متصل
©؛°¨غرامي جديد¨°؛©
 
الافتراضي رد: لاجلها ينبض قلبي الكاتبه فاطمة السويدي


اليوم بنزل البارت الاول و بارت الثاني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 13-11-2018, 11:17 AM
Moly9 Moly9 غير متصل
©؛°¨غرامي مشارك¨°؛©
 
الافتراضي رد: لاجلها ينبض قلبي الكاتبه فاطمة السويدي


بداية جميلة،في انتظارج❤.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 13-11-2018, 11:54 AM
فاطمة السويدي فاطمة السويدي غير متصل
©؛°¨غرامي جديد¨°؛©
 
الافتراضي رد: لاجلها ينبض قلبي الكاتبه فاطمة السويدي


اقتباس:
المشاركة الأساسية كتبها moly9 مشاهدة المشاركة
بداية جميلة،في انتظارج❤.

شكرًا 😊 إنشاءالله البارت الثالث بينزل يوم الثلاثاء

الرد باقتباس
إضافة رد

لاجلها ينبض قلبي /بقلمي

الوسوم
لاجلها , السويدي , الكاتبه , ينبض , فاطمة , قلبي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إعزف على أوتار قلبي مقطوعة الحب /بقلمي ~ أوتـــ حــزيــنةـــار ~ روايات - طويلة 54 06-12-2018 11:42 PM
.يتيمة الاخت. /بقلمي لَـحـْن* روايات - طويلة 14 30-10-2018 01:39 AM
ودقت عقرب ساعة اللقاء /بقلمي وتين الحياة قصص - قصيرة 11 13-10-2018 02:06 AM
روايه لحظه صمت /بقلمي roz_33 روايات - طويلة 6 30-09-2018 05:58 PM
ذنبك ياخوي دمرني /بقلمي كويتيه و روحي المملكه روايات - طويلة 0 12-02-2017 04:31 PM

الساعة الآن +3: 01:50 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1