غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 15-11-2018, 06:48 AM
روعه ملاك روعه ملاك غير متصل
©؛°¨غرامي جديد¨°؛©
 
الافتراضي رد: رواية إماراتية : أمانة وإن طلبت الفراق دخيلك لا تفارقني !


واااو بجد البارت الثاني حلو وخاصه بوجود شخصيات يديده
وبصراحه فرحت لما دخل فهود قبل رشود سبحان الله كأنه احد مطرشنه 🤲اللهم لك الحمد
واوف منه رشود ياخي احسه ما ينطاق اتمنى انه ينسى
السالفه وتعدي على خير
وشموه اظنها راح تكشف هزاعوه لامون انه راعي بنات من خلال انها بتاخذ رقمه وبيكلمنه شموه وعلايه وبعدين بتعرف عنه
وصراحه حبيت شخصيتين واحسهم مناسبين لبعض اللي هم شموه وفهود يعني لو انهم يشوفوا بعض صدفه ويحبوا بعض
لكن اللي بيضيع حمد ماعرف شو يصير لشماني وشكله يخوف اظنه يقربلها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 15-11-2018, 01:36 PM
جميلة بنصف وجه جميلة بنصف وجه غير متصل
©؛°¨غرامي جديد¨°؛©
 
الافتراضي رد: رواية أمانة وإن طلبت الفراق دخيلك لا تفارقني !/بقلمي


{ بروق & روعه ملآك }

حبآيب قلبي ولله تخجلوني بتشجيعكم المستمر ،
وتواجدكم الدايم ، عساني مانحرم منكم يارب ..

بالنسبة ل تخميناتكم في اللي فعلآ بيصير
وفي آللي بعيد عن الوآقع ،

ههه دامه الخميس الونيس ، آوعدكم فـ بارت
اليوم المسا الساعه 8 بتوقيت السعوديه ،
=] تريــُّــوووووني .. "انتظروني" .

فداعة الله حبايبي .

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 15-11-2018, 06:57 PM
جميلة بنصف وجه جميلة بنصف وجه غير متصل
©؛°¨غرامي جديد¨°؛©
 
الافتراضي رد: رواية أمانة وإن طلبت الفراق دخيلك لا تفارقني !/بقلمي


آلعذر كل العذر منكم جميلآتي ، صآر لي ظرف ،
رآح آنزل البآرت اليوم ، قريب منتصف الليل ،
ترقبوني =) ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 15-11-2018, 11:36 PM
جميلة بنصف وجه جميلة بنصف وجه غير متصل
©؛°¨غرامي جديد¨°؛©
 
الافتراضي رد: رواية أمانة وإن طلبت الفراق دخيلك لا تفارقني !/بقلمي


[ البارت آلثآلث ]


بعد آذآن آلعششششآ بآلضبط ,
ف بيت بو خآلد < ربيع حمد ,
طبعا اكبر العيال خالد , و بنفس الوقت هو اخو " علآيه "
توأم بطلآتنآ ( امون & شموه ) ..
هالبنت .. اكسجين البيت .. بدونها ماشي حياه ..
حيويه حيل .. تلعوز كل هل البيت .. كول لابعد الحدود ..

.
.
.

خالد اول ما رد البيت : السلااام عليكم
الكل : وعليكم السلام والرحمه
علايه ركضت صوب خالد و لوت عليه : خلووود قصيت عليّه قايل لي يوم بتظهر الليسن "الرخصة"
بتحوطني ع الامارات كلها بعد مب بس بوظبي .. ماشفت شي ياخي ..

خلود : افا عليج من هالعين قبل ذيج تامرين امر انتي
علايه اونها مدت بوزها وزعلت : هيه هيه ياما قلتها و ماسويت شي ..
خلود : خلاص لعيونج باجر بنحضر اي موفي تختارينه فالسينما .. شقلتي !
علايه : الله وناسسسسسسه برمس شماني و موني اييون بالمررره نتونسس !
خلود : هيه انتي ييبي امه لا اله الا الله كلها .. زين انقلعي جد م تنعطين ويه ؟!؟!

< و راح صوب غرفته ..

علايه بكل خبث : خيخيخي اخيرا بقدر اضبط وحده منهم له وتعيش وياي للابد =$
كم انا خبيثه < و تمت تتضاحك وراحت صووب غرفتهآ

.
.
.
.

ف بيتَ بو رآشـــد . . .

كآن رآشد مروح بيت ربيعه , ف آستغلوآ آلفرصه آلشبآب وآلبنآت
ويلسوآ يلعبون جرآه صرآحه , وموصين اليهال لو شآفوآ موتر رآشد قريب من آلحآره ,
يخبرونهم , < ماخذين احتياطاتهم " بالعربي " ههه ,

آللي يلعبون :

من قوم بو رآشد , من الاصغر

" سلآمي " <== رآبع ,
" عزوز " <== ثآمن ,
"امون "<== ثآنويه عآمه ,
" مريوم " <=سنه آولى جآمعه ,
" فهود <== طيآر

من قوم بو آحمد < ريل عمتهم عآشه ,

سعيد<== خآمس ,
"ميثآ " <== ثآني ثآنوي ,
"عوآس"<== آول سنه جآمعه ,
"هزآع " <== ثآلث سنه جآمعه ,

. . . لفوآ آلغرششهَ طلعَ " هزآع يسأل , مريوم تجآوب "

هزآع / جرآه صرآحه !!
مريوم / مم .. جرآه اكككيد ..
هزاع بنذآله / يلا يدامي شلي فون عوآس و عطيني اسامي كل البنات
اللي عنده فـ الدآيركت مآل الآنستآ ..

مريوم بكل صدمه / هزززززززآع جب .. انت تعرف عوآس مآيسويهآ ..
هزآع / زين يوم انج وآثقه يلا رآوينآ ,

عوآس / ياحبيبي روح انا لو احب وحده خلاص تغنيني عن الدنيآ ومآفيه
قآلوآ لك بعضضضض الناسسس , وشآفه بطرف عينه ,
آمون مره ثانيهَ حزت بخآطرهآ , بس حآولت م تبين ,
لكنهآ حسسآسه , آلدمعه كآنت بعيونهآ , و طآحت و م آنتبه لهآ آلآ عوآس ..
كملوآ لعب , و دقآيق و وصصل رآششد وترآكضضوآ آلعيآل صصوبهم ,

البنات راحوآ فوق . , و آلشبآب تموآ تحححت , .
رآشششد : آلسسلآم عليكم ..
الكل : وعليكم السلام والرحمه ..
راششد : ع طول رآح فوق صوب غرفه آمون بدون ما يقول ولا كلمه ..
تم يدق الباب .. : امنه امنه ..
امون حست انه عند الباب .. فضلت تسوي عمرها راقده .. لجل م يهزبها ..
بس راشد يعرف حركاتها .. يوم شافها م نشت بروحه فج الباب و دخل ..
يلس ع حافه الشبريه و خوز عنها اللحاف بشويش ..
من هم صغار يوم يبي يتآكد لو راقده ولا , يتم يدغدغها صوب آرقبتهآ , ولو ضحكت يكشفهآ
ف ضحكت آمون ع طول ,

راشد : ههههه تتحريني نسيت شوه ,
امون : هلآ رشششود -,= آمر فديتك شبغيت مخرب رقاد آختك , آهون يعني ؟
راشد : عن الدلع الزايد عارفه عن شوه ياي ارمسسج صح !
امون : هممم .. شو؟؟
راشد : شو تفسرين لي اللي صار اليوم الظهر !!

امون : آي ؟ - وهي قلبهآ يدق طبوووول - ..
راشد حط عينه فعين آمنه : لآتتمين تستهبلين امون , هزآع ليش نش ورآج
ع طول و رآح مكآن مآ رحتي ! بينكم شي !
آمون وبدت تحس بالحر يخنقهآ : افا رشود وحده و ولد عمتها شو بيكون بينهم يعني
بحسبه آخويه ترآه ورب الكون لآ آكثر ولآ آقل , صدفه وآنآ آختك يعني مآتصير؟ ..

رآشد مع شويه شك : مم .. خلاص دامج قلتي هالكلام مصدقنج ..
يلا فديتج تصبحين ع خير .. وباسها ع راسها ..
امون وهي تتفداه بقلبها : و انت من اهله ..

راشد طف الليتآت و ظهر بره الغرفه .. و امون تمت تتقلب تفكر بكلآم شموه
لهآ بخصوص آلكمين ههه " الفخ " < للي م يعرف المعنى ..
وفجآه تم يهتز فونهآ , شلته الا علايه حارقه الفون سنآب كول ..

علآيه :

| تسوي سنآب كول عِشآن آمون تنتبه |


موني طلبتج بليز لآ ترديني ,
بآجر خلود بيوديني السينمآ و اباكم تييون انتيَ و شماني بعد ,
صح المدرسه خلصت البارحه بس وحيآتج متولهه ع شوفتكم حييييل !

امون :
عليوه تستهبلين , رشود هالفتره موجود عندنآ يعني اكيد م بقدر ,
الا لو رمست فهود يظههرنا تهريب و م يعطيه خبر اننا فالسينمآ ..
هممم .. خلاص لعيونج تم ..

علآيه :
وآفدييييييييتج انا يلا عيل بسير اشوف شميم ..

.
.
.

.
.
.

فـ بيت بو عآمر . .


خلوف و عآمر يلعبون ps3 , وشمهه يآلسهه ويآهم بعآلم آخر ,
اللاب بحظنهآ و من منتدى لـ ثآني , و مركبه سمآعآت وتستطرب ,
و الفون حذذآلهآ , طبعآ شما كانت متزاعله مع حمد <

.
.
.
.

sSTTToooppPPpp !!
<

حمد . . هو حبيب شمآ ,
تعرفتَ عليه من منتدى , و آنجذبت لآسلوبه ,
و فالمنتدى كآنوآ يسمحون لهم يتبادلون التويتر , ومن التويتر ضآفهآ ع السنآب ..


>
>
>

عآمر رآح آلحمآم - عزكم الله - , و خلوف م يداني صوت الاشعارات ,
شمه من كثر م هي مندمجه م آنتبهت لخليفه يوم شل الفون ,
كآن يبي يفلعها فيه , بس جاسه فضول يشوف شسالفه ..

المكتوب :

شموه قلبي ..
شموه حيآتي ..
شموه فديتج ..


وبهآلآثنآء يطلع آشعآر ثآني ، بإٍسم
عَــــوق قلبـــــيَ > مسمتنه شششموهَ ,

خليفههَ جآسهه فضول يعرف منو هاللي شمه مسمتنه جذيه
ويتغزل بهآ كل هذآآ؟!؟!
ولآ عيون شمه تطيح بعيونه ..

<

<

<

تتوقعون شو صآر بينهم ،
هل خليفهه قدر يعرف منو هالشخص ..؟
كيف بتكون رده فعل شمه يوم خليفه بيكشفها تكلم حمد ؟ ..

.
.
.

خلكم بالقرب 3 > 3> #>


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 16-11-2018, 12:01 AM
جميلة بنصف وجه جميلة بنصف وجه غير متصل
©؛°¨غرامي جديد¨°؛©
 
الافتراضي رد: رواية أمانة وإن طلبت الفراق دخيلك لا تفارقني !/بقلمي


و دآم الدنيآ خميس ، يلآ ننزل بآرت ثاني =)

البارت 4



،



خليفههَ جآسهه فضول يعرف منو هاللي مسمتنه شمآ بهالاسم ,
و هو مندمج بالتيلفون ، ولآ بـ تيلفون شمآ يرن وعينهآ تطيح ب عين خليفه "

- شمه طول الوقت تسمع آغآني ولآ تدري عن الدنيآ ، ولآ حتى عرفت آن تيلفونهآ رن
بس استغربت لمآ شآفت خليفه زآخنّه " ،فرت السمآعآت ..

خليفه بتوتر : وصمّه شموهه ، الفون احترق وآنتي ولآ ع البآل
شمه بخوف : وانت شو تبآ به .. مآ يخصكك تشلهه ؟
خليفه بشوية عصبيه : من زينه عآد ، لو مب حآشريني ومب مخليني آركز فالقيم
مآكنت ييت افلعج فيه ،
و رآح عنهآ وبعده تفكيره مشغول بآلآسم ...

عآمر بعد م ظهر من الحمآم ، رد الميلس ، وتموآ يلعبون
وبعد م ملوآ من اللعبَ ,

عامر : شميم نحن طفرنآ بنروح نرقد يلآ نشي ،
شمه : مندمجه مع الاغاني واللاب ، ولآ سمعت شي ،
رآح خليفه وراها و شل السماعات من اذنها وصرخ بآعلى صصوته ،

: ببببببببببوووووووووووووووووووووو ,

شمه ربعت ورا عامر و تصارخ : خلوف ي الككككلب كم مره قايله لك هالحركات مادانيها افف
عآمر : دوآج عيل ارمسج من الصبح م تردين علي عنبو عطينا ويه
خلوف : خلها خلها هاي التبتب مالها حبيبها لا يلست وياه تحمل تعطيك ويه ،
شمه : آقول خلوف لآ يكثر يلآ خلونآ نتوكل دآخل ,. ودخلوآ فآلبيت ..


،

خلوف و عآمر رآحوآ آلغرفه ، وتمت شمآني يآلسه فآلصآله ،
يوم ملت من آللآب عقته ع صوب ، و شلت الفون تجيك عليه ،

شميم : ششششششششت الحين بنذبح اناه !!
جيكت ع المحادثه ، شآفت آن بعد م علايه بندت كتبت لهآ سآلفه آلسينمآ ، وقآلت
آكيد دآمي مروحه اليوم م بيخلوني باجر .. بس انا دلوعه عمور بجرب حظي ،

راحت صوب غرفه عآمر ..
،


عند الباب <طق طق طق /

خلوف : ويع ان شاء الله ايد بتان "بآكستآني" مب بنيه ، مب ايد عليج كسرتي الباب
شموه : تويعك ان شاء الله ، شارنه من بيزاتك عشان تحاتيه ، اقولك فج الباب ،
خلوف فز و فج الباب : امري شمه خانوم بغيتي شي ؟

شموه : وين عموري ! عممور عممور ؟
خلوف : تعرفينه اخوج مقطع فاليوم مدري كم مره يسبح ،
شموه : زين دخيلك خلوف يوم بيطلع قردنه لي ، ابي اروح السينما باجر
متواعدين انا والربع ،

خلوف بعصبيه : خيييييييييير ؟ ما عندنا بنات يتوآعدون مع ربيعاتهم فالمولآت بدون محآرم

شموه : محآرم ولآ فآين
، آيه آيه خلوف جد يآخي .. زين تعالو وياي ماشي مشاكل

حتى اخوها تراه ياي وياها! وادري بكم انت و عمور من النوع اللي يحب يتعرف ,
خلوف :بلآ ملآقه زآيده بنت عمي/ و اصلن نوء نوء في فرق .. انا احب اتعرف ع شباب هو ع بنات ..

عمور وهو طالع من الحمام و رابط الفوطه ع جسمه : ي الكلب عيل تبي تشوه سمعتي يدام شميم ، اصلن شميم تعرفني زين م زين يعني انقلع لا تحاول ،
شموه : صح صح وافديت اخوي انا ، ولآنك آحلى آخو فالعالم باجر بتوديني اآلسينمآ صح !
عمور : خييييييير شميم , كل يوم سينما عاد ، مصخت السالفه اشوف- ,-" !
خلوف : ويييييييييييو سوو لها ، الاخت يايه وداقه صدر و واثقه انك بتوديها .,

شموه : جب جب اصلن عمور م قد كسر بخاطري , عمور والله جنآن ترى كل وحده اخوها بيي وياها ، وبالمره ايلسوآ تعرفوآ ع بعض آنتو ,
عمور : وآلله فكره ، .. خلآص تم ،
شميم تركض صوبه وتحضنه و ترد تبتعد اقين : اييييع ههه ليش مب لآبس تيشيرتك
تعرف اني ماحب جيه ، المهم تصبح ع خير ي احلى اخو

خلوف : افا وانا اللي ضبطت لكم السالفه م استاهل هق يعني ؟
شموه : ههههههههههه انقلع انقلع جالب علينا اوريك ، بس تستاهلها هذي م بستكثرها عليك " تطلع لسانها بشكل عبيط كالعاده "
و تسكر الباب وتروح ..

وهي تتمشى آلين بآب غرفتهآ ..
شمه ف قلبها : آوووووووووووف وآنآ طول هالوقت ساحبه ع حمد ،
اكيد الحين بيشرشحني .. يارب عونك .. اول م دخلت الغرفه و سكرت آلبآب ورآهآ
شلت الفون ودقت له ,


،



م هي الا ثواني و يرد : اووه توج تتذكريني آنسه شمه !
ماتنلامين ولو مع حبيب القلب خلوف , آكيد مونسنج ع الاخر ، !

شمه : حمدووووووووه يلا عا دانت اللي مزعلني و م ييت تراضيني ،
لا تلومني يعني ، يوم اني بطلع بليا شورك ، آدري مشتط ع سآلفه الوكآله ،
وآنك قآيل مآشي طلعآت ، بس شسوي كنت طفرآنه وآنت مب معطني ويه ظهرت ويآهوم
حمد : زين و المطلوب !

شمه : .................... آحبببببببببببببببك حمدآني يلآ عآد آرضضضى ,

حمد : آه , صدقهه آلمطرب لآ قآل : آحبك هي تكفي وزود قولهآ تطيح حدود ، خلآص رضيت بس م تعيدينهآ
شمه / وآفديتك آنآ ، زين حمدآني طلبتك قول تم
حمد : تم ي بعد روح حمد بس شو بغيتي ؟
شمه : متواعدين انا و موني و علايه فالسينما و كل وحده بتيي و آخوهآ ويآهآ ،
حتى آنآ عمور بيتم ويآي ،

حمد : آهآ ..
شمه : حححححمآآآآآآآآآآآد حيآتي آنت يلآ عآد لآ تزعل
حمد بـ غيره : يوم ان عامر فالسالفه اكيد خليفه بيخاويكم صح ،
شمه : حمدوه شفيك خلوف بحسبه اخوي وبس لو شو م نتنآقر و نتضآرب وىلله شرآت آي آخوآن ..
حمد : ولو طلع يحبج !!!!!
شمه :حمدآني شو ابا بخلوف وانت حبيبي .. لا يمكن تتغير نظرتي له ف يوم ، صدقني
حمد : وعد ؟
شمه : هيه والله وعد .. هاه رضيت !
حمد : هيه فديتج ، من قال اني اقوى ع زعلج اصلن ، كل هذا تغلي ,
شمه بصوتهآ آلعذب : و يقولون من تغلى تخلى علينآ وىنآ عنك م تخليت ،
حمد : وآفديييييت هالحس انا يعلني مانحرم منه ، زين بس شمآني ع شرط ، بخآويكم تراني
شمه : حمددددددد لا تتمصخر ، تباهم يشكون !
حمد : لآ وآلله و اشحقه يشكون ؟ اساسا بسحب ربيعي ويايه يحب الموفيز و جيه ،
ف م بيلس آتطآلع صوبكم طول الوقت ، كيفي ابي احرس حبيبتي ياخي !
شمه : هههههههههههه وافديتك انا زين عيل يلا خلنا نرقد ..
حمد : آوك حبيبتي .. تصبحين ع خير
شمه : وآنت من آهله .. باي
حمد : بايات .


>


>


معلومَــــــه : محد من آلبنآت آلثلآث آو حمد و خآلد يعرف آن
علآيـــه آخت خآلـــد /و بنفس آلوقت حبيبة رفيجه " حمد " ..

،

حمد من بند عن علآيه ، دق لـ خويه خآلد ..
حمد : مرحبآ ملآيين ولآ يسدن ف ذمتيه
خآلد : حمدوه انقللللللللللللع ماصدقت على الله عيني تغفى تخرب رقادي ليش ي حيوآن ،
حمد : ههههههههههه وافديت المنهد انا ، اصلن اعرف انا بالذات
لو متى م ادق لك ، بتفضى لي ، تاج راسك انا ،
خالد : فكنيييييييييي قول شعندك ،
حمد : بآجر بنحضر فلـــم رعب فآلسينمآ ، شقلت !
خآلد : راحت عليك ليش م رمست من آول ، مودّي الاهل ويآي ،
خلهآ بيوم ثآني ،
حمد : و من متى آنت تودي هلك آلسينمآ يآلمنكر آلآ قول موآعد الحب ،

خالد : هههههههههه روح ي شيخ انا وين والحب وين ،
حمد : خلود لاه دخيلك آفآ بس تردني ؟ زين قول لهم هم يوم ثاني ..
خالد : ههههه ياريال من يومي اصيع معاك ، بأي يوم حلى لك بنروح ،
بس هم مخططين مع ربعهم وحآله ، يعني السالفه م بها تأجيل ، وبعدين اسكت ، يمكن
القى بنت الحلال اللي تعيبني و اخطبها ،
حمد بدا يحس ان اخت خالد هي نفسها "علايه " ربيعه شمآني : رررررررررروح
عيل جيه السالفه ، انا اقول ليش الحبيب مصر .. خلآص نزين نتلآقـى بآجر ..

خالد : يلآ خدآفسسس
حمد : الله وياك ..


حمد اول م بند .. تم يتجلب ع الفراش .. جاسه وسواس ..لا تكون هي نفسها ..
وبعدين لو هي نفسها .. يعني شماني و امنه للي بيروحون و خالد بيلس هناك وانا لا؟؟؟
.. وبيشوف شموه وانا لا ..مايخصصصني .. اروح يعني اروح .. حتى لو كنت بعيد ..

و قرر انه يروح و يحجز له سيت بعيد عنهم .
>



فـ بيت بو رآشد ..
آمون ترمس فهود ع السنآب..

آمنه : فهودي حيآتي .. من زمآن م طلعتنآ صح
فهود : شو هالسؤال الذكي امون ، طول الوقت انا مسافر شقايل بطلعكم ..
امنه : زين مش مش وياي ياخي .. فهوووووووود دخيلك ودني السينما باجر ..
انا و شماني و علايه متفقين ، وكل وحده بيي اخوها وياها .. محد بيروم يهربني لهناك غيرك تكككفى
فهود : خفي علينا يالمخدرات ههههههههههههههه عيل اهربج هاه .. زين خلاص تم من عيوني
امنه : ههه وافديتك انا تسلم لي عيونك ، خلاص عيل بشوف متى وقت الفلم وبنتفآهم باجر
فهود اوكيه فديتج .. يلا تصبحين ع خير .. جسمي متكسر من السفر .. بروح اريح انا ..
امنه : سلامتك اخوويه .. وانت من اهله .. فوداعته
فهود : الله يسلمج فآمآنه ..


<

<


جيكت ششمآني ع وقت الفلم .. طلع ع الساعه 8 ف ىلمآرينآ ،

طرشت ع السنآب" لـ فهود و علآيه و آمون "وعطت حمد خبر انها رآيحه و الكل بدآ يتزهب و صلوآ آلمغرب و ظهروآ من بيوتهم يميع ..


1/ آلمرسدس [ عامر ] : خلوف & شموه
2/ اللكزس [ خآلد ] : علآيه
3/آلبورش [ فهد ] : آمون
4/ البي ام [ حمد ] ..


،

قبل م يدخلون ، كآن شي ششله بنآت عوده ، حآجزين سيد كآمل
من صوب اليدار < الا اربع كراسي بيتمون من اخر السيد ع اليسار ..
حجزوهن لـ علآيه و آمنه و شمآ , وبيتم كرسي فآضي ,

حمد كآن يتطالع الستوري، شآف شماني حاطه ستوري تذآكر السينمآ ، وانتبه لـ ارقام الكرآسي،
ف شآف آلشآشه و حجز المنطقه اللي فالنص .. يعني راح يكون بنفس الصف اللي فيه شموه ,
و تمنى ان محد ييلس حذالها عسبت يروم يتطالعها طول الفلم ..

بسسس آلصدمه يوم ظهروآ آلشبآب يتشرون بيبسي و ببكورن و آلخ ,
بهآلوقت حمد كآن مروح يآخذ له هآلسوآلف , ولآ يلمحه خالد


و آيي لهه !

خخالد : حححححححمد ! انت هنييييييييييي !




>

<

>



تتوقعونَ شوَ ردهَ فعل حمد .. وكيف بيرقع آلسآلفه ،

وهل بيقول له آن شمه هي ربيعه آخته ،!


/


تعديل جميلة بنصف وجه; بتاريخ 16-11-2018 الساعة 12:07 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 16-11-2018, 09:03 AM
fans brooq fans brooq غير متصل
©؛°¨غرامي مشارك¨°؛©
 
الافتراضي رد: رواية أمانة وإن طلبت الفراق دخيلك لا تفارقني !/بقلمي


يسلمووووووو حياتي البارتات كثييير حلوة وجنان ابدعتي بمعنى الكلمة حياتي
أتوقع انه خالد يسأل حمد أنت شو جابك هنا وراح يقوله انه حبيبته شمه جاية مع صديقاتها وخالد راح يقوله انه جاية مع أختها علاية وأتوقع من كلامه حمد راح يعرف أخت خالد نفس صديقة شمه وأتوقع انو راح يقولها بس ماني متأكدة انه راح يخبر خالد بهذه السالفة
مدري والله أيش اقول خلاص مخي اتقفل من كثر ماني متوترة وخايفة ومتحمسة للبارت الجاي بليز لاتطولي علينا حياتي
وشككككككككرررررررا كثيييييير عشانك اجملتيلي خميسي ببارت حلو هيك يسلم أناملك حياتي والله يسعدك ويوفقك في حياتك ويحفظك من كل شر ي عمري
متحمسة للبارت الجاي كثيييييييير
منتظرتك باحرررررررررر من الجمرررررررررر حياتي
انتبهي لنفسك حياتي
احبببببببك والله
أختك في الله بروق
سلام ❤❤❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 16-11-2018, 02:24 PM
روعه ملاك روعه ملاك غير متصل
©؛°¨غرامي جديد¨°؛©
 
الافتراضي رد: رواية أمانة وإن طلبت الفراق دخيلك لا تفارقني !/بقلمي


إلى من نحبهم❤ في الله
جعل الله يومكم نوراً وسروراً
ودعاء لكم بالخير العميم🤲 في ظهر الغيب مستوراً
جمعه مباركه طيبه عليكم جميعا 🌹🌹🌹🌹🌹

*******************

ابدعتي بجد في البارتات 😍😍
ولكن بصراحه عندي بعض التعليقات والتوقعات 😎😎

1/ علايه بتنجح خطتها انها تظبط اي وحده لخلود لكن يمكن تعجب او بالاصح تحب فهود في السينما يعني يمكن يصير بينهم موقف ويخليهم يحبو بعض 🤗🤗

2/حلو انه امون نجت من رشود هالمره🙂🙂
لكن اظن بيصير موقف ثاني بينها وبين هزاعوه النذل الكريه 😡😡>>> ياخي ما احبه ما ادري ليه
وبعدين بيعصب رشود عليها 🙁🙁

3/ يمكن امون وخلود بعد يصير بينهم موقف ويحبو بعض
ونفس الشي علايه وعمور >>> 😁😁 غصب اطبقهم فبعض

4/ عندي احساس بأنه خلوف يحب شماني لكن ما يريد يبين لها 👀وبيكشفها انها تكلم حمد وبيغار عليها🤭🤭 ويمكن يهددها يعني بيسوي اي شيء عسب تترك حمد وتحبه >> خفي علينا ام الاحساس 😒😒😁

5/ حمد اظنه بيعترف لخالد عن شماني وخالد بينصحه انه يتركها وانها يمكن تكلم شباب غيره🖤🖤 >>> يعني بالاصح انه حمد وشمه بيفترقوا 💔💔بسبب موقف راح يصير

*************

وهذا كل ما عندي طلعت كل اللي بخاطري لو اني طولت بالهذره
واسمحيلي تأخرت عليكِ في الرد كنت برد الصبح لكن انشغلت كثير

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 16-11-2018, 11:04 PM
جميلة بنصف وجه جميلة بنصف وجه غير متصل
©؛°¨غرامي جديد¨°؛©
 
الافتراضي رد: رواية أمانة وإن طلبت الفراق دخيلك لا تفارقني !/بقلمي


^ الحلوتين 3>
فديت حمآسكم لآ خليت منه يآربي ،
ههههه مثلي آكرهه هزآع ولآ آطيقهه -,-"

بتصير آكشنآت وآيد ، تريوآ عليَّـه بس
بتعرفون منو بيحب منو ..
وبتستغربون مرآت كيف جي بيصير هههه
ترقبوووووآ البآرت بعد دقايق .. =)

.
.
.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 16-11-2018, 11:18 PM
جميلة بنصف وجه جميلة بنصف وجه غير متصل
©؛°¨غرامي جديد¨°؛©
 
الافتراضي رد: رواية أمانة وإن طلبت الفراق دخيلك لا تفارقني !/بقلمي


آلبآرت آلخآمس

.
,
.


مدخل :

..
ذوله وذول يحجولي����
شماته يخون كلولي��

حبيتك على نيتي â‌¤
صورة حبنه جابولي����
حبيبي ردلي دمعاتي��
وامانه ويااك بوساتي��
عليك بداعه العشره��
ماغزرت حضناتي�� . . .

،

خآلد : حححمد آنت هني !!

ححمد -بتوتر- : ههههه صدق من قال ان الدنيآ صغيره ،
و انت ما حلى لك تختار الا الفلم اللي انا اخترته يعني !
لا وبنفس التوقيت ههههههههه يخرب بيت الصدفه !

خالد : هيه والله وانا اشهد ههه .. تعال بعرفك ع الشباب ! أقرب ،
حمد <- تمنى ان الارض تنشق و تبلعه ولا انه يتعرف عليهم ..
فحيآته م توقع آنه ممكن ف يوم يتلآقى ب آخو حبيبته ..
و كآن خايف من هالشي انه يصير ، . .
لان لو علاقته قوت معاهم ورابعهم ، مابيقدر يكمل علاقته مع شمه
<- اكيد فهمتوآ علي ... مآبيرضاها ع اخت ربيعه :) !"

حمد : لالالا مايحتاي وانت تعرف طبعي مب اجتماعي لذاك الزود
نتلاقى خلاف ان شاء الله !
بهآللحظه فهد و عآمر و خليفه آنتبهوآ آن خآلد رآح بعيد عنهم ,
خالد وهو لاف صوبهم : شباب اعرفكم ع رفيجي حمد ،
بالصدفه بيحظر الفلم اللي بنحضره بعد ،
الشباب رآحوآ يسلمون : ياهلا ويا مرحبآ , الخ ويوم خلصوآ ،
فهد بطبعه الاجتماعي : شكلك بروحك ؟ شرايك تيلس حذالنا !
بالمره نتعرف ع بعض كلنا
حمد توهق : هاه هيه بروحي , < قال ف قلبه : اففف خلاص اصلا شافوني
مابقدر راحت علي شوفتج يآ شمآني ..
ودخلوآ آلقآعه بعد م شلوآ آلببكورن آلخ ,

.
.
.

علآيه : آحححم آبآ كل وحده منكم تعقل اليوم
مانبا خبال هاه ، خلكم رزينآت ، لعل وعسى وحده منكم تعيب خلودي

امون وهي تكفخ علايه : اقول استريحي بس ، وبعدين بروحي ابي افتك
من هالعله هزاعوه يظهر لي اخوج بعدين ، يلا مناك! !

علايه : ع الاقل اخوي مب خروف شرات بعض الناس ... " تقصد هزآع "

شموه حست انها حزت بخاطر امون , قآلت وهي تغير السالفه :
هذوهم الشباب وصلوآ و الفلم بيبدآ اللي بتصرخ منكم ياويل ويلها
لا تنسون اخواننا بييلسون ورانا يعني ابو التكفيخ بيصير فالبيت =)) "

علايه و امون : : هههههههههه خلآص لزوم نعقل ..

.
.
.

كآن فلم { the grade } آليآبآني <-- رعبَ

خلوف <- من النوع الخوآف شويه كل م طلعت لقطه
الجنية يشل دبّـة آلمآي و يحطهآ يدامه و ييلس ينآظرهآ ,

انتبـه له عمور : ههههههههههاي طع الخواف يابوي يوم انك مب قد الفلم
حد جبرك تدخله من الاساس !!

خلوف : ايهييييي الحين ها شو يفكني من لسانه ! ، تدري شو ؟
طالع الفلم بروحك ،

وهو ناوي ينش الا و ايد خالد تسحبه : ياريال ايلس خل عنك ههه عن الدلع
و الفلم شكله طر م يتفوت قر فمكانك انا اقول ،

بعد م يلس ،

صوب البنات
امون : شموووووه يالكلبه وتقولين فلم اكششن ! مايخصني الحين الحين بطلع
من هني و ها ويهي لو ططعت شوركم مره ثانيه
و طلعت من الصف ، شمه على طول نشت من مكانها و زخت ايدها :
امممون عن المصصصاخه والله طر الفلم !
وبعدين وكأنــّــي اسمع صوت خلوف و عمور صوبي يعني اكيد فهد اخوج يالس بنص ...
م وحى لها تكمل جملتها الا عينها بعين حمد < كان يالس وراها ،

انصصصصصصصصصصصصدمت !
كان حد صب عليها ماي بارررررررررررررررررد !
شمه ف قلبها : حححمد !!! لا ويالس حذال خليفه هه ؟!!!!!!!!!!!
خليفه ماراح شكل شمه وانقلابها المفاجىء عن باله ، خصوصا بعد ماشافت ويه حمد <
شمه : آآآ امون حتى انا مابي اشوف الفلم يلا بنطلع !
علايه استغربت من الوضع /: ايلسوا فضحتونا الناس تبا تتطالع <
شلت فونها الا ع السنآب : حووووو اقعدددوآآ فضضضحتونآ انتي وربعج الهيلق

علايه : زين لكم خلود يقول عنكم هيلق وانا اللي بغيت اضبطكم له مالت عليكم بس اقعدوآ ..؟
كل وحده يلست وهي بالها ف مكان ، امنه ضاربه بوزلانها تكره الافلام اللي من هالنوع
و شمه منصدمه من اللي شافته ، معقوله حمد ربيع خليفه و انا مادري !
وليش ماقال لي من اول ؟ بس مستححححييل ! ليش بيخون ربيعه !

،
بعد م خلص الفلم البنات ظهروآ قبل الشباب يعني كآنوآ يدامهم ،
وسلموآ ع بعض و نفس الشي الشباب بعد ماضافوآ بعض ع السنآب، كل وآحد رآح لآهله ،

،

ف موتر خالد "


خالد : والله انهم سوالف و حبوبين ع الاخر خصوصا خليف هههه فنتك هالانسان
علايه وهي داشه جو : هيه صح اصلا دوم يسولفون لي عنهم شماني هو و عمور
هههههههه م ينطاقون ابد هي وياه ،
خالد وهو حس باحساس غريب :هاه شماني .؟
علايه : هيه ربيعتي شموه عمور اخوها و خليف ولد عمها وهي وياه كانهم توم وجيري هههه

خالد بعد ما تذكر رده فعل حمد ( اها جذي السالفه يا حمد ! ) : ايواااااا هههه الله يحفظهم
خالد وهوشآل بخآطره من حمد : ماعليه يا حمد خل اوصل البيت و بيننا ان شاء الله !!

،


ف موتر فهد

فهود : هههههههههه فضحتينا امون طول و عرض اخرتها تخافين من الجن
لا و فلم يعني كله تمثيل هههه واالله فلم يابنيه مب صدق شو بلآآج !!
امون : ججججب فهود انت تعرف اني ماحب افلام الرعب و لو شميم مب ميودتني جان والله ظهرت
فهود ف بصوت واطي : ماشاء الله تبارك الرحمن عيل هاي شما ،
امون : ها ها ها ها كاني سمعت شي عيد عيد فهيدان ماسمعت تراني
فهد : هاه هههه لا لا ماشي ماشي خل عنج هاللقافه الزايده
امون : وش صآآآآر لي هالقلب ، حب وعشق وآنحححب ، وآنآ آدري انهه صصصآر "

،


ف موتر عامر

كان الصمت سيد الموقف ، خليفه مصدوم و يحاول يتوقع شو بين شما وبين حمد
وليش هالنظرات ! ، و شما خايفه من اللي بيقوله لها خليفه ،
اما عامر مستغرب منهم وقال وهو يقطع الهدوء :
هههههههههههه لا لا اكيد الشمس طالعه من الغرب اليوم
عيل شميم و خليف صاخين عن بعض لا لا اكيد السالفه فيها ان
خليفه : هههههه اختك آلخوآفه من شافت الينيه لسانها نربط طالعه ع ربيعتها م تنلام
عامر : الا صح شميم شسمها االعيوز الشمطاء اللي تحرطمت عليكم ههههههه شكلها نكته
صراخها واصل لعندنا وتتحرى صوتها واطي هههههههه
شميم بعد ما كلام عامر غير جوها : هههه جب مب ع عليوتي آوصصصَ
خليفه : وابوييي عليك تسكت عيل ريال طول عرض و يسكتونك "
و كملوآ منآقر ،

،

بعييييييييييييد عن الباجييين ،

صوب البحر تحديدا ،
يلس حمد بعد ما بركن موتره ، وهو يفكر !
ياترى شو مصير علاقتي مع شما !
اكيد خلود ما بيرضاها ع اخت ربيعه !
اوففففف يعني خلاص انهي كل شي ؟ بس انا احبها !
يا حمد .. حتى لو تحبها يعني بتاخذها !! بتاخذذها وهي اللي خانت ثقه اهلها ورمستك !
اكيد اللي خان لجلك ، يخونك ، و تم بين زحمه افكاره لين وصله مسج شما :
شو تفسسسر لي ياللي شفته اليوم بعيني !

.
.
.
.

بعد م وصلوآ آلبيت ، عآمر كآن مستعيل : خلوف ياخي بروح بيت الراحه بند الموتر وهات السويج داخل
خليفه : هههه اقول طس لوعت جبدنا ، خلاص اوكيه تم حاضرين
عامر : خلصت المعجم يابوك ههههه و راح عامر ،
شما وهي تحاول تشرد باسرع وقت بس سبقها صوت خليفه : شما !
شما : هلا ..

خليفه : انتي بينج و بين حمد شي !
شما يوم يصير شي يضايقها بقوه ، ينقبض قلبها و يصعب عليها التنفس ،
حطت ايدها ع قلبها وبدت تتنفس بصعوبه حست عمرها بتطيح و زخها خليفه

شممممممممما !!!

مخرج :

لو ميّــت ولآ دآري ،
حبيب آنــي يحــب ثآني �� !
آعز آحبآبي معقوله ؟
جنت مخدوع بي آآني �� . .

.
.
.
.
.


بآنتظآر توقعاتكم عن ابطال قصتنآ

حمد < ياترى شو بتكون رده فعله !
خالد < كيف بيتصرف مع حمد ؟ بخصوص جذبته + اللي صار ؟
خليفه < هل فعلا يحب شما و لا لانه مايرضى ع بنت عمه ؟
عامر و فهد < ياترى ابتدت قصه عشقهم من هني ؟ ولآ مجرد فضول "

.
.
.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 17-11-2018, 12:03 AM
9amt 9amt غير متصل
©؛°¨غرامي جديد¨°؛©
 
الافتراضي رد: رواية أمانة وإن طلبت الفراق دخيلك لا تفارقني !/بقلمي


can't wait
على ألي بيستوي بين خليفه وشما
خليفه إذا كان يحب بنت عمه ولا مافي ريال يرضاها على حد من أهله
وحمد المفروض ما يتخلى عنها، يخطبها !

الرد باقتباس
إضافة رد

رواية أمانة وإن طلبت الفراق دخيلك لا تفارقني !/بقلمي

الوسوم
أمانة , الفراق , تفارقني , دخيلك , رواية , إماراتية , طلبت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية سأخبئك بين أضلعي ثم أنثر قبلاتي على شفتيك وعنقك واخبرك اني أحببتك وبشدة /بقلمي Asli_novel روايات - طويلة 22 02-12-2018 10:42 PM
رواية قاب قلبين او ادنى /بقلمي Mehya.md روايات - طويلة 39 25-05-2018 08:36 AM
رواية مبصر بلا عيون /بقلمي قيثارة الصِبا روايات - طويلة 0 12-07-2017 09:40 PM
رواية: اللقاء ليس إلا بداية الفراق. -بقلمي- ZAMalr روايات - طويلة 0 03-04-2017 12:20 AM
رواية واكتشفت اني... /بقلمي 88.d.1 روايات - طويلة 32 20-11-2016 05:07 PM

الساعة الآن +3: 04:03 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1