غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 19-11-2018, 08:48 PM
bns561 bns561 غير متصل
©؛°¨غرامي فعال ¨°؛©
 
الافتراضي خثرده




عزيزتي المراة .. هل تعتقدين أنك متضايقة من وضعك ترى غيرك حاسدك !!



كل ما قمت الصبح عشان اروح للدوام وشفت حريمنا وهن يغطن في نوم"ن" عميق .. أهوجس وأقول ليت حقين حقوق المرأة يفوزون ويغلبون الرجاجيل عشر صفر .. ونتبادل المراكز نحن وذا الحريم !!

أهم شي ما نتغيّر جسمانياً ( يعني بيصير الحريم يشتغلن ويصيرن كلش ونحن نقعد في البيت ويصكون علينا .. بس ما نبي اذا جاء المطر نتورط وينقع السيل في سطحنا .. نبي مرازيمنا على شغلها تصب هنااااااااااااك !! )

ياهي بتصير سعة صدر ..

تخيلو معي معشر الرجال .. نرقد الين نشبع نوم .. ثم اذا قمنا لقينا ( الشغاّل ) مجهّز عدة الغداء << هما الحريم عندهن شغّالات .. انحن بيصير عندنا شغّالين !!

والله يخلي لنا قدر الضغط .. عشرين دقيقة والكبسة جاهزة ( يعني ما يمديك تصك سماعة التلفون زاهمن على صديقك إلا الغداء جاهز ) << واحدن يبي يعيش جو الحريم لحظة بلحظة ..!


ثم اذا جاء عقب العصر نشرب الشاي مع الجيران .. وهات حش في خلق الله وفصفص ومكسرات الين تدخّن كبودنا !!
ثم اذا جاء المغرب نبداء نقردن حريمنا عشان نطلع مشاوير مالها ثمره مرتن نلعب عليهن ونقول نبي نشتري ملابس لعروس الصيف !
ومرتن نقول نبي ناخذ ملابس من أسواق ( السهم ) للبزران عشان ما نكلّف عليكن وعشان ننستر قدام الناس ويصيرون عيالنا كلهم ملح وقبله !!

واذا جاء عقب العشاء .. نقعد نحن ونرّن على روسهن الين يودونا مطعم معتبر نتعشى فيه وجبة عشاء لزوم سعة الصدر !!

وفي الليل ننشب في حلوقهن سوالف وتميلح عشان ناخذ حقوقنا الزوجية وبصرهم يقصرّون ويتعبون همانا بنرقد بكره إلى الظهر !!
^
^
يقول المثل : لا تحكم على جودة الحذاء .. اذا لم تستخدمه !

^
^
كل ذا اللي فوق مقدمة ..!! لموضوع ماله دخل بالمقدمة !



الموضوع :
كنت أتمشى مع واحدن من العيال ونسولف ( سواليف ل خثرده ) يعني منتهية الصلاحية نتيجة حرارة الشمس !!
وكان محور حديثنا عن خطر الثورة الصناعية في مجال الاتصالات على الجنسين العيال والبنات في وطننا الغالي .. خاصة بعد لاحظنا خروج أجساد بناتنا ( هداهن الله ) للشارع عن طريق وسائل التواصل !! و بكل ثقة وكأن الجسد المعروض في المقطع مهوب لها ؟!! ( هو صح ان الواحد استغرب ان ذا الأجساد موجودة عندنا !! ) بس مهوب عذر عشان تنتشر بذا الطريقة المخجلة ! <<< طرّاه ان فيه ناسن فاهمين مبدأ شفافية الطرح بالغلط !


وعشان أكون منصف لصديقي .. هو قال كلمتين حلوه .. وأعتقد انها في محلها مهوب عشانه صديقي .. لا والله !! بس كلامه كان منطقي !


يقول صديقي : لو أن الأسرة ركزّت في تربيتها لأفرادها على مبدأ الرقابة الذاتية وربطت ذا الرقابة مع غرس العقيدة الدينية الصحيحة داخل الأبناء .. كان ما شفنا ذا الخنبقه !!

لكن للأسف .. البعض منّا يربي أبنائه على أساس الرقابة ( الاجتماعية ) ورهبة السلطة الرسمية وغير الرسمية ( مثل الهيئة والشرطة وابناء العمومه .. الخ ) !!

ويدلّل صديقي على كلامه بملفات البلوتوث المنتشرة في البلد انتشار النار في الهشيم !! <<< الهشيم اسم من اسماء ابو الهش الله يهديه!! والي كان له حظ ونصيب من ملفات البلوتوث !!

يستمر صديقي في حديثه ويقول : شف كيف ان الفرد لمّا أمن على نفسه من السلطة الرسمية ( قعد يصور من تحت لتحت ولا يطلّع خشته ) !!

قام يصور ويبث وكن ماهنا رب بيحاسبه على أفعاله !! ( الله يعفو عنا وعنه ) !!

يعلّق أحد الأخوان على ذا السالفة ويقول : شكل غرف البالتوك .. دخلت بيوتنا غصب !!

خاتمة الموضوع :



من أطرف ما شفت من ملفات البلوتوث .. وأكثرهن ألم في ذات الوقت !! ملف بلوتوث يعرض اربع بنات بعباياتهن ونقاباتهن قاعدات على سرير ويتخيلن انهن على جمس << يا شكواي لله !!

يقول صديقي ان ذا اللقطة تعبّر عن حالة مرضية تعاني منها البنت السعودية وتسمى عقدة السواقه !! وان ذا المرض انتقل من مرحلة النشوء والتكاثر إلى مرحلة السيطرة على العقل الباطن !! بدليل ان ذا الكمخ أقنعو انفسهن ان ذا السرير ( جيب في اكس آر ) !!

ولا صحو من حلمهم الا يوم انكسر السرير من مطب قوي كله الجيب الفي اكس آر !! ( خشة واحدن انلحس مخه وما عاد يدري هو سرير وإلا جمس ) !! <<< مسيكين ذا السرير ما يدري يلقاها من ايه والا من ايه ! ( طرّاه انه قبله يصرصر ) !!

نسأل الله لنا ولهن العافية !!
اللهم أحفظ أبنائنا وبناتنا من كيد الكائدين .. ولا تفضحنا بين الخلائق !!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 20-11-2018, 08:21 PM
tornado soon tornado soon متصل الآن
arosalb7r
مستشــ¸.·* غرام *·.¸ـــاري
 
الافتراضي رد: خثرده


مكرر


؛


’،

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1