غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 03-01-2019, 10:57 PM
سارونة بنت خالد سارونة بنت خالد غير متصل
©؛°¨غرامي مشارك¨°؛©
 
الافتراضي رد: قلوب قاسية كالحجارة أو أشد قسوة/بقلمي


الفصل السابع.....


نرجع لعند البنات في السوق

سيف بعصبية: أقول لك أنقلعي وروحي وجيبيها دام النفس طيبه عليكم أنتي وهي

نوال بصوت شبه باكي: سيف والله حرام عليك.. أنا أيش أسوي لها طالما هي ما تبي ترجع معنا؟ .. والله أنا حاولت معها بس هي رفضت فايش تبيني أسوي لها؟

سيف بنفس وضعه: أمشي أنا بروح وأجيبها لأن الموضوع مو على كيفها... نوال رجعت لعند البنات هي وسيف اللي وقف بعيد عنهم شوي

غادة باستغراب من بنت عمها اللي رجعت: أيش فيك رجعت لا يكون نسيتي شيء يا قلبي؟؟!!

نوال بخوف من ردة فعل بنت عمها: لا ما نسيت شيء بسس...... وما قدرة تكمل كلامها

ميهاف باستغراب: بس أيش كملي كلامك

نوال خافت من رفض غادة فقالت بغصة: غادة ممكن أتكلم معك شوي على أنفراد

غادة بشك: أنا.. وطالعت بنات خالها/طيب يا حبيبتي.. وقامت وراحت لعندها/ نعم آمري يا نوال أيش بغيتي

نوال بهمس: أعتذر منك بس أنتي لازم تجين معي لأن أخوي سيف عصب علي لأنك ما رجعتي معي وخلاني أرجع وأخذك

غادة رفعت رأسها وطالعت في ولد عمها اللي واقف ومتكتف ويطالعها بنظرة تحدي ومن ثم طالعت في نوال المكسورة بعض الشيء فابتسمت: طيب يا حبيبتي الحين برجع معكم بس بجيب أغراضي من عند البنات ونروح

نوال بعدم تصديق: من جد بترجعين معنا!!

غادة: أي يا قلبي برجع معكم طالما أنا جيت معكم مثل ما قال أخوك.. والحين عن اذنك بجيب أغراضي.. غادة تركت بنت عمها وراحت لعند بنات خالها/ بنات أنا بعتذر منكم لأني برجع مع بيت عمي

راويه باستغراب: وليش مو قلتي بأنك بتروحين معنا عشان نوصلك على طريقنا

غادة بكذب: لا خلاص بروح مع بنت عمي اللي جيت معها والحين مع السلامة.. وطلعت في ميهاف اللي ما قالت شيء.. أما غادة فأخذت أغراضها ورجعت مع ولد عمها وبنت عمها وطول الطريق كانوا الجميع ساكتين الين ما رن جوال غادة على أغنية (أحبك يا أغلى حبيب) واللي خلا سيف على طول يرفع عينه ويطالعها من المراية.. أما غادة فردت بهدوء/ هلا

راشد بعصبية: يعني أنتي تتحديني يا غادة ولا أيش؟؟

غادة واللي خافت بأن ولد عمها يسمع شيء وبالضبط بأن صوت راشد كان عالي بعض الشيء: أنا ما أقدر أكلمك الحين شوي برجع على البيت وباتصل عليك عشان نتفاهم

راشد بنفس الوضع: وعلى أيش نتفاهم يا ست الحسن.. لكن شكرا يا غادة على هذي الحركة.. وقفل السماعة في وجهها

غادة بدون شعور تنهدت من أعماق قلبها: اللهم طولك يا روح

نوال باستغراب: أيش فيك يا غادة عسى ما شر يا قلبي؟

غادة واللي واصلة حدها: سلامتك يا قلبي ما في شيء.. وأول ما وصلوا على بيتهم رفعت عيونها لسيف اللي كان يطالع فيها فقالت/ شكرا يا نوال والحين مع السلامة.. ونزلت من السيارة ودخلت على بيتهم

سيف طالع نوال وبحدة: أيش تقصد بنت عمك بهذي الحركة يعني؟؟؟

نوال: أي حركة ليش هي أيش سوت لك عشان تقول كذا يا سيف؟! .. سيف أستوعب على نفسه وسكت وما رد على أخته بس كان في سره يدعي أن ملكته تتم على غادة وفي ذاك الوقت راح يعرف كيف يوقفها عند حدودها.. بس اللي كان شاغل تفكير الشخص اللي متصل عليها.. نوال طالعت في أخوها اللي سرح في عالم ثاني/ سيف ممكن ترجعني على البيت لأني ما صليت المغرب والعشاء قرب وأنت واقف عند بيت عمي وشكلك سرحان.. سيف طالع فيها بحدة وبعد كذا رجعوا على بيتهم

**********************

وفي مكان أخر

كانت جالسة تبكي على حالها لأنها عن جد تعبت من اللي يصير لها وهي ما تعرف الين متى راح تتحمل قسوة ولد عمها بس قررت أنه بمجرد ما يرجع من الصلاة العشاء راح تتكلم معه.. فقامت ودخلت وتوضت وطالعت في وجهها اللي كان متورم بعض الشي من الكف اللي أعطاها هو قبل خروجه.. وبعد خروجها غيرت ملابسها وصلت ودعت ربها أن يغفر لها لأنها عارفة بأن الشيء اللي سوته خطيئة كبيرة.. وهي جالسه تدفع ثمنها للحين وكل هذا بسبب صحبة السوء وتذكرت أيام ما كانت بنت عمها تنصحها بأنها تبعد عن ليلى لا تضيعها.. ولكن كانت دايما تصد بنت عمها والحين هي جالسة تدفع ثمن خطيئتها اللي ارتكبتها في وقت طيش منها وفي المخلوق اللي في بطنها واللي ما تعرف أيش راح يكون مصيره في هذي الحياة مع أنها كانت تتمنى موته عشان لا ينظلم في حياته مع أم مثلها.. في هذا الوقت فاقت على صوت الباب فقامت وخرجت من غرفتها وشافت الشخص المسمى بزوجها

سمر بهدوء وهي منزلة رأسها: عبد الرحمن لو سمحت أنا أبي أتكلم معك لو كان ممكن

عبد الرحمن واللي كان ندمان بأنه مد يده عليها وهي بهذا الوضع: أسف أنا مو فاضي لك

سمر: ما راح أخذ من وقتك كثير

عبد الرحمن تكتف وطالع فيها وبحدة: خير أيش عندك أتكلمي؟

سمر: عبد الرحمن لو أنت مو قادر تستحملني ليش ما تطلقني وتريحني وتريح نفسك.. لأني والله أنا تعبت من هذي العيشة

عبد الرحمن بضحك ساخر: لا والله من جدك! وليش أنتي شفتي شيء يا هانم؟؟ والله مثل ما حرقتي قلب أبوك لأحرق قلبك يا سمر.. ولأخليك تندمين على الفضيحة اللي سويتيها وسودتي وجهه الله يسود وجهك

سمر بحزم: عبد الرحمن طلقني وخليني أروح في حالي لأني والله تعبت من اللي تسويه فيني

عبد الرحمن بابتسامة مستفزه: أطلقك هو أنا تزوجتك عشان أطلقك يا هانم والشيء الثاني وقت ما تقولين إنك تعبتي هو انتي شفتي شيء عشان تتعبين.. لا يا حلوة أنا مأجل عقابك الين ما تولدين لأن اللي سويتيه ما ينسكت عليه يا سمر.. وبحدة/ وتراني عبد الرحمن ماني عمي حامد

سمر واللي بانت عليها علامات الخوف وببكاء: والله انا مالي ذنب واللي صار غصب عني يا عبد الرحمن فلا تصير أنت والزمن علي.. وعبد الله اللي دمرني الله لا يسامحه

عبد الرحمن واللي الدم بدأ يجري في عروقه من شدة قهره مسكها من شعرها: هذا لأنك غبية ولو ماكنتي رحتي له كان ما مس شعرة من رأسك لا بارك الله في أبليس والحين انقلعي عن وجهي لا ارتكب فيك جريمة.. وفتح باب غرفتها ودفها جوا ورجع وسكر الباب بكل قوته.. ومن ثم دخل على غرفته وجلس يفكر كيف راح يحل مشكلة بنت عمه وكيف راح ينسب المولود لأبوه.. لانه ولده ولازم يتحمل نتيجة غلطة مثل ما بنت عمه جالسة تدفع ثمن تهورها واستهتارها نتيجة متعة ليلة وحدة

****************************

وفي بيت أبو فهد وفي غرفة البنات

غيداء جلست جنب أختها: ممكن تقولين لي أيش اللي صاير؟

غادة واللي كانت ماسكة جوالها: مافي شيء يا حبيبتي ولا تشيلين همي

غيداء بشك: غادة أنتي تهاوشتي مع أحد في السوق؟

غادة طالعت في أختها وبانفعال: لا بس الأستاذ سيف سبب لي مشكلة مع راشد.. لا والثاني متصل ويعصب علي

غيداء عقدت حواجبها وباستغراب: غادة ممكن تهديني وتفهميني كل شيء بهدوء عشان أفهم عليك يا حبيبتي.. غادة حكت كل شيء لأختها واللي قالت بهدوء/ أسمعي يا حبيبتي سيف معاه حق صراحة.. لأن هو اللي جاء وأخذك من البيت فطبيعي يرجعك مثل ما أخذك.. ولو تبي الحقيقة راشد مو من حقه يزعل والله

غادة: تبي الحقيقة يا غيداء أنا خايفة والله

غيداء بضحكة: غادة تخاف؟ ومن أيش أنتي خايفة يا حلوة!!

غادة بتنهيدة: من سيف يا غيداء أخاف يحطني في راسه

غيداء واللي تفكر نفس تفكير أختها: لا يشيخ لا تحطين هذا الشيء في بالك وسيف من فين يعرف شكلك حتى يحطك في رأسه

غادة بضحك: لا يقلبي هو شافني قبل أسبوعين

غيداء بتعجب: شافك!! وفين شافك وكيف شافك؟ يا ست غادة وليش ما قلتي لي.. غادة قبل ما تتكلم دخلت عليهم مريم شغالتهم

مريم: كادة كيداء ماما قول أنزل الحين عشان سوي عشى

غادة: طيب الحين ننزل يا مريم

***************************

وفي بيت الخال

راوية بتحقيق: أنتي بتتكلمين ولا شلون؟

ميهاف بكذب: أيش تبين أقول لك.. أنا بعد مثلكم ما أعرف شيء ولو تبين شيء عندك راشد بنفسه روحي وأساليه ولا تسأليني أنا لأنك ماراح تأخذين مني لا حق ولا باطل

راوية ضربت ميهاف على راسها وبشوي حدة: بتتكلمين ولا أوريك شغلك

ميهاف صرخت بصوت واضح: آآآآآآآييي أيش فيك أنتي علي أنا.. قلت لك ما أعرف شيء

راوية: والله إنك كذابة تكلمي أقول.. في هاللحظة دخل عليهم فارس وهو معصب

فارس بعصبية: أنتم ما تستحون على وجوهكم أصواتكم واصله لآخر البيت أنتي وهي... وأنتي يا ست الحسن بعد كم يوم بتتزوجين وجالسة تتهبلين مع أختك هذه الخبلة

ميهاف شهقت بصدمة: أيش أنا خبلة.. الله يسامحك يا أخوي ولعلمك هي اللي ضربتني عشان كذا صرخت

فارس: والله أنكم بزارين أنتي وأختك.. وأقول اعقلوا لا أعقلكم أنا بطريقتي فهمتوا

ميهاف وراوية: .......................

فارس بحدة: أنا أتكلم معكم صح ولا

ميهاف ورواية: أي فهمنا.. فارس هز راسه بالنفي وخرج وتركهم

راوية: ها عجبك اللي صار يا ست الحسن كله منك

ميهاف: لا والله لا تحطيها فيني.. أنا ما دخلني

راشد دخل عليهم: ميهاف هاتي جوالك والحقيني على غرفتي بسرعة

ميهاف طالعت في راوية وبأرتباك: طيب أن شاء الله.. وأول ما خرج

راوية: أيش فيه راشد بعد كأنه معصب.. وحضرتك أيش مسوية

ميهاف فتحت عيونها على الأخير من كلام أختها: أيش تقصدين يا راوية.. وعلى العموم أنا ما سويت شي والحمد لله

رواية بشك: متأكدة طيب روحي بسرعة لعند راشد وعاد الله يستر والله

راشد من برا: ميهاف يا زفت فينك.. ميهاف أخذت جوالها وخرجت بسرعة وراحت عند أخوها

ميهاف بخوف: نعم

راشد بحدة: ليش ما جيتي من وقت ما ناديتك

ميهاف بارتباك وكذب: كنت أدور على جوالي

راشد: أقفلي الباب وتعالي انثبري هنا لأني أبي أتكلم معك

ميهاف بلعت رايقها وبخوف من راشد: طيب بس الله يسعدك لا تعصب على ترا حدي خايفة

راشد بنفس الأسلوب: أنتي بتجلسين ولا أشلون.. ميهاف جلست بسرعة وطالعت فيه/ ممكن أعرف أيش اللي صار!! ومو أنتي قلتي بأن غادة بترجع معنا ليش ما رجعت معنا قولي لي ليش؟؟

ميهاف بخوف: هي كانت فعلا بترجع معنا.. بس والله ما أدري أيش صار.. لأن بنت عمها جات وأخذتها وتكلمت معها وبعد كذا رجعت وقالت إنها بترجع معهم.. فأنا ما قدرت أعرف منها ليش عشان راوية ما تشك في شيء

راشد بحزم: أوكي الحين تدقين عليها عشان أعرف كل شيء بالضبط وأبيك تحطين على الاسبيكر فهمتي.. ميهاف طالعت في أخوها فخافت ترفض طلبه فيلطشها ويحط كل حرته فيها هي

ميهاف بخوف: طيب أن شاء الله.. ومسكت جوالها واتصلت على غادة واللي رن جوالها الين ما فصل/ ما ترد شكلها نايمة

راشد بعصبية: أتصلي عليها الين ما ترد.. لا أتصرف أنا معك تصرف ما يعجبك

ميهاف بارتباك وصوت باكي: أن شاء الله بس لا تعصب علي الله يخليك.. ورجعت واتصلت على غادة

غادة: هلا حبيبتي

ميهاف طالعت في راشد: هلا فيك يا قلبي

غادة باستغراب: أيش فيك يا قلبي عسى ما شر أيش فيه صوتك كذا كأنك بكيتي

ميهاف طالعت راشد بخوف: ولا شيء بس أنا زعلانة منك

غادة بضحكة وحسن نيه: أنتي بعد زعلانه ما كفاني الأستاذ راشد زعلان، لا ومتصل وماسح فيني الأرض قدام ولد عمي الحيوان سيف

ميهاف بضحكة زائفة: تستاهلين أجل ليش توعديه أنك بترجعين معنا وبعدين ترجعين مع ولد عمك هذا اللي زعل أخوي

غادة بتنهيد: والله يا ميهاف الموضوع مو بيدي وأنا خفت سيف يسوي لي مشكله عشان كذا رجعت معهم.. ولا تنسين أنا رحت معهم فالمفروض راشد ما يزعل مني

راشد سحب السماعة من ميهاف وشال الاسبيكر وحط الجوال في أذنه وبنفس العصبية: لا والله المفروض ما أزعل صح

غادة من الصدمة سكتت وما عرفت أيش تقول: ......................

ميهاف بانفعال وهمس: راشد ليش سويت كذا الله يهديك

راشد طالع ميهاف بحدة: قومي وأطلعي بره أنتي بعد

ميهاف عقدت حواجبها: طيب أعطيني جوالي عشان أخرج

راشد بنفس الاسلوب: مافي جوال وقومي أطلعي بره لا أخرجك من شعري.. ميهاف طالعت فيه وبعد كذا قامت وخرجت/ وأنتي يا ست غادة أنا أنتظر ردك

غادة بكل شجاعة وحسن نية: عاد والله لو أنت مو قادر تتشجع وتجي عند أبوي وتخطبني مو من حقك تتحكم فيني يا راشد.. وأنا ما رحت مع سيف لوحدي

راشد قاطعها: لا والله جربي تروحين معه لوحدك عشان تشوفين شيء ما يعجبك

غادة بطفش من أسلوب راشد: أووف والله أنت التفاهم معك صعب يا راشد.. وخلي لو أعصابك هديت تتصل علي لأني مالي خلق حق عصبيتك وغيرتك الزايدة والحين مع السلامة.. وقفلت الخط في وجهه قبل ما تسمع رده.. راشد أنقهر من ردها وتصرفها فحط حرته في الجوال اللي رماه على الجدار فطاح وصار حطام بشاشة مكسورة

راشد: طيب يا غادة أنا بتفاهم معك بس خليني أشوفك يا بنت عمتي.. وفي هالوقت استوعب أنه كسر جوال أخته اللي ماله شهر عندها

*****************************************

والحين خلونا نروح على بيت نايف

نايف؟؟؟ نايف واللي من رجع من دوامه وهو يتذكر اللي صار في بيت أبوه الجديد

،،،،،،،،،،،،،،،،،،،،،،،،،،،،،،،

سالي باستغراب: مرحبا يا سيدي من أنت؟

نايف: هل هذا هو منزل السيد سلمان؟

سالي: نعم لقد وصلت يا سيدي

نايف: وهل السيد سلمان بالداخل؟

سالي بابتسامة: هل أنت السيد نايف؟

نايف بابتسامة: نعم أنا هو

سالي: حسنا تفضل فالسيد سلمان في أنتظارك.. وبعد ما دخل نايف شاف أبوه جالس في الصالة ويتابع الأخبار في قناة العربية

نايف حب راس أبوه: السلام عليكم يا يبه

سلمان بابتسامة: هلا وعليكم السلام ورحمة الله حياك يا ولدي تفضل أجلس

نايف جلس جنب أبوه: تسلم يا يبه ويزيد فضلك

سلمان: وفضلك يا نايف وأن شاء الله ما تعبت قبل ما توصل على بيتي

نايف بابتسامة: لا يبه الحمد لله قدرت أوصل للبيت على طول.. وهذي الاوراق اللي يبي لها توقيع

أبو نايف أخذ الاوراق من ولده وبدأ يقرأها: طيب.. نايف ركز مع أبوه على الاوراق الين ما نزلت بنت بسن أخته روان

رانيه بهدوء وخجل من نايف: السلام عليكم

نايف طالعها وركز نظره عليها أما أبوه فكان مشغول في الاوراق: وعليكم السلام.. رانية جلست بهدوء وهي تشوف نظرة نايف لها

أبو نايف رافع رأسه فشاف ولده مركز مع رانيه اللي كانت تتابع الإعلان وبشوية غيرة: نايف أعرفك على زوجتي رانية

نايف بصدمه باينه من اللي قال أبوه: أيش زوجتك أنت يا يبه.. هذه؟؟؟؟؟؟ ...نايف ابتسم وكان وده يصرخ على أبوه ويقول ليش تزوجت بنت أصغر من أصغر بناتك أو يعاتبها هي اللي رضيت تتزوج واحد في سن أبوها أو جدها بس مسك نفسه بعد النظره اللي أخذها من أبوه من كثر ما يخز زوجته وبهدوء وغصة/ هلا أتشرفت فيك يا مرة أبوي

رانيه واللي قلبت ألون من شدة الاحراج: الشرف لي

نايف واللي حس باختناق من وجوده عندهم: يبه خلصت لأني أبي أرجع على البيت

أبو نايف حس بصدمة ولده: أي خلاص وقعت لك على الاوراق وبكره أن شاء راح يكون في أجتماع فبلغ أخوك الفاشل عشان يبلغ أعضاء الادارة

نايف وقف وأخذ الاوراق من أبوه: أن شاء الله يا يبه والحين عن أذنكم.. نايف خرج من بيت أبوه وفي رأسه مليون فكرة عن أبوه والبنت اللي أتزوجها وكان وده يدخل راس رانيه عشان يعرف هي كيف اقتنعت بهذي الزيجة رغم أنها جميلة وراح تلقى مليون واحد يتمنى التراب اللي تمشي عليها.. بس قطع عليه حبل أفكاره وعد

وعد: نايف أيش فيك يا عمري؟

نايف باستغراب: أيش فيه؟

وعد بابتسامة: أنت اللي المفروض تجاوبني.. لأني لي عشر دقايق وأنا أتكلم معك بس أنت مو طبيعي من وقت الغدا؟؟؟ أنت حتى أكلك مو مثل كل يوم مع أني خليت الطباخ يطبخ الاكل اللي تحبه فقول لي أيش اللي صاير

نايف تنهد: سلامتك شوية مشاكل في الشغل يا وعد.. والحين بدخل الغرفة وبنام فرجاءا ما أبي أزعجك أنتي وعيالك فهمتي

وعد لوت شفايفها: أقول ترى العيال عيالك بعد أوكي.. وبدل ما تنام أجلس شوي مع أولادك وشوف أيش سووا في المدرسة

نايف بتريقة: ولا عاد هذي شغلتك يا مدام وعد لأني من الصبح وأنا في الدوام وبعد كذا رحت لعند أبوي في بيته الجديد

وعد نقزت بسرعة ووقفت جنب نايف: أحلف أنك رحت بيت عمي.. ها شفت زوجته الجديد ولا، حلوة مثل ما يقولون خواتك

نايف بنفاذ صبر: لا حول ولا قوة الا بالله.. وبعصبية/ وعد أنا كم مره قلت لك مالك ومال كلام الناس

وعد: خير أيش فيك أنا بس سألتك فليش عصبت كذا؟

نايف بحدة: وأنا ما أبيك تسألين فهمتي وليت تهتمين بنفسك وببيتك عشان لا يكون لك شريك أنتي بعد.. وراح وخلا لها المكان

وعد بقهر بعد ما غاب عنها نايف: والله تسويها يا ولد سلمان حاكم كل العايله انجنت ويبون يتزوجون.. لكن والله لو سويتها لأكون ذابحتك يا نايف........................يتبع

******************************

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 03-01-2019, 11:07 PM
سارونة بنت خالد سارونة بنت خالد غير متصل
©؛°¨غرامي مشارك¨°؛©
 
الافتراضي رد: قلوب قاسية كالحجارة أو أشد قسوة/بقلمي


قراءة ممتعة.....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 06-01-2019, 01:05 PM
H0h__ H0h__ غير متصل
©؛°¨غرامي جديد¨°؛©
 
الافتراضي رد: قلوب قاسية كالحجارة أو أشد قسوة/بقلمي


بارت جممميل واستمري 💕
وفعلاً لو تطولين البارت اكثر اشوي بيكون اجمل 💜

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 06-01-2019, 09:47 PM
صورة الحنين الصادق الرمزية
الحنين الصادق الحنين الصادق متصل الآن
©؛°¨غرامي نشيط¨°؛©
 
الافتراضي رد: قلوب قاسية كالحجارة أو أشد قسوة/بقلمي


السلام عليكم سارة
شكرا على البارت الحلو
فيه تقدم اكيد في احداث الرواية ونحن متابعين فلا تتأخري علينا
ننتظرك يا غالية


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 08-01-2019, 10:19 PM
سارونة بنت خالد سارونة بنت خالد غير متصل
©؛°¨غرامي مشارك¨°؛©
 
الافتراضي رد: قلوب قاسية كالحجارة أو أشد قسوة/بقلمي


اقتباس:
المشاركة الأساسية كتبها H0h__ مشاهدة المشاركة
بارت جممميل واستمري 💕
وفعلاً لو تطولين البارت اكثر اشوي بيكون اجمل 💜
يا عمري ربي يسعد قلبك يا قلبي.. وتسلم أيدك والله.. وأن شاء الله راح أطول في الفصل يا عمري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 08-01-2019, 10:23 PM
سارونة بنت خالد سارونة بنت خالد غير متصل
©؛°¨غرامي مشارك¨°؛©
 
الافتراضي رد: قلوب قاسية كالحجارة أو أشد قسوة/بقلمي


اقتباس:
المشاركة الأساسية كتبها الحنين الصادق مشاهدة المشاركة
السلام عليكم سارة
شكرا على البارت الحلو
فيه تقدم اكيد في احداث الرواية ونحن متابعين فلا تتأخري علينا
ننتظرك يا غالية
تسلمين والله يا الحنين الصادق.. وتسلم أيدك يا قلبي أنا.....



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 08-01-2019, 10:25 PM
سارونة بنت خالد سارونة بنت خالد غير متصل
©؛°¨غرامي مشارك¨°؛©
 
الافتراضي رد: قلوب قاسية كالحجارة أو أشد قسوة/بقلمي


مقتطفات من الفصل الثامن......


غادة بطفش: نادي مريم ترتبها، والله أنا مالي خلق أسوي أي شيء

****************************
غيداء جلست على سريرها: يعني لازم كل يوم تذكريني أن باقي أيام وأتزوج

****************************
منى بحدة: أنا قلت أتصرف وبعدين الفلوس اللي أعطيتني هي تعتبرها فلوس هي كلها شوية تفاتت

***************************
أبو عثمان: عاد من فلاحتك في المدرسة وأنا اللي أعرف أحنا في وقت اختبارات................

***************************
عبد الله بتريقه: لا والله.. طيب ليش أنتي زعلانه؟..................

**************************
راشد بضحك: والله تصدقين أنا توني اكتشفت أنك حلوه لو زعلتي.. لا أنا يبيلي أشتري كاميرا عشان أصورك كل ما زعلتي عشان أوريه لعريسك لو جاء وخطبك عشان لو في يوم زعلتي منه ما ينحاش منك.............

*************************
نوره برجاء: منال ممكن أطلب منك طلب؟

*************************
سعد بهمس: شفتي عصبت أكيد ما راح توافقك

*************************
منال بابتسامة: طيب أبشروا يا حبايبي.............

***********************
مشعل أتنهد: لا والله الله لا يسامحه على العذاب اللي عيشها هو.. والله لو كنت أعرف مكانه كان انتقمت لأمي منه

**********************
ميهاف بهمس لغادة: غادة مين ذيك الحرمة اللي كانت تطالع فيك بدرجة أنها كانت بتطيح

*********************
غادة بابتسامة: أن شاء الله يا يمه الحين بروح لها.. غادة تركت المكان.. وأمها صارت تدعي لها أن ربي يحفظها من العين لأن كذا وحدة جات وسألت عن أهلها

********************
غيداء بعدت عن حضن أختها ومسحت دمعتها وبابتسامة حزن: أمين.................

*********************
لطيفة: لا والله طيب هذا وهذا وجهي لو ما انخطبتي قريب يا بنتي أنتي ماشاء الله عليك اليوم ملكة جمال أحس نصف الحريم عيونهم عليك وأنتي تقولي ما تبين تتزوجين

**********************
سيف عقد حواجبه وبانفعال بدون شعور: وليش يسألون عنها أن شاء الله

*****************************
نوال بشوية عصبية: أي هي أنا معرف ليش أنا ما أحب ذيك البنت والله ترفع ضغطي ................

***********************
ميهاف بضحك: والله لا تخافين ما راح تطولين هنا لأني سمعت حبيب القلب يقول بأن يبي يتزوج وطلب من أبوي أنه يخطبك له

********************************
الفصل يوم الخميس أن شاء الله............



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 12-01-2019, 12:34 AM
سارونة بنت خالد سارونة بنت خالد غير متصل
©؛°¨غرامي مشارك¨°؛©
 
الافتراضي رد: قلوب قاسية كالحجارة أو أشد قسوة/بقلمي


الفصل الثامن..........



وثاني يوم في بيت أبو فهد

غيداء: غادة أنتي يعني ما بتقومين وتساعديني نرتب الغرفة

غادة بطفش: نادي مريم ترتبها، والله أنا مالي خلق أسوي أي شيء

غيداء طالعت في أختها: مريم مشغولة مع أمي تعرفين عمتي اليوم بتجي من خميس مشيط.. ولازم يرتبون لها غرفة هي وبناتها

غادة: والله عمتك هذي فاضيه، ليش ما تروح وتسكن في فندق بدال ما تجي هنا وماجد ما ياخذ راحته عشان حضرة جناب بناتها

غيداء بتأفف: يا الله أقول أسكتي وقومي وساعديني عشان ننزل على المطبخ عند أمي ونساعدها

غادة لوت شفايفها: أنا أول مر أشوف وحدة بتتزوج بعد أسبوع وتدخل المطبخ

غيداء جلست على سريرها: يعني لازم كل يوم تذكريني أن باقي أيام وأتزوج

غادة قامت من فراشها وجلست جنب أختها وبابتسامة: والله مو قصدي اضايقك بالعكس ترى انا حزينة أكثر منك لأنك بتروحين وتخليني بروحي مثل ما رغد تزوجت وتركتنا عاد أنتي لو تزوجتي بصير أنا لوحدي في البيت

غيداء بابتسامة: بس رغد الحين هنا خلاص ماعد راح تسافر وتخليك يعني لو طفشتي تقدرين تروحين بيتها وتزوريها

غادة: بيتها وليش هي عندها بيت عشان أنا أروح وأزورها.. شوفيهم من وقت ما رجعوا هي وفارس وهم في بيت خالي

غيداء: يا غبية هم في بيت خالي عشان بيتهم باقي ما جهز

غادة: ممممم الله يعين بس أنتي ما قلتي لي متى بيأخذون أغراضك على بيتك عشان يرتبونها

غيداء: أمي تقول بكره أن شاء الله بعد العصر بيأخذون الأغراض والاهل بيروحون بعد بكره على طيارة الساعة ثلاث العصر

غادة: أيش طيب ليش ما قلتي لي عشان أرتب أغراضي أنا بعد.. وكمان المفروض أنا أول وحدة أعرف عشان أنا أخت العروس

غيداء بضحك: هههههه ومين قال إنك بتروحين معهم

غادة وقفت ومسكت خصرها وبانفعال: وليش أن شاء الله ما أروح معهم المفروض أنا أول وحدة تروح

غيداء واللي مازالت تضحك على أختها: عشان أنتي بتجلسين معي يا قلبي ولا تبين أجلس لوحدي في البيت وأنا عروس.. غادة طالعت في أختها وما ردت لأنها اقتنعت بكلام أختها

*****************************************

وفي بيت سعيد الثاني

منى وهي تلوي شفايفها: والله عاد أتصرف أنا أبي الفلوس قبل يوم الخميس

أبو عثمان: وأنا من فين أجيب لك يا بنت الناس.. والله كل الفلوس اللي عندي أعطيتك هي

منى بحدة: أنا قلت أتصرف وبعدين الفلوس اللي أعطيتني هي تعتبرها فلوس هي كلها شوية تفاتت

أبو عثمان فتح عيونه على الاخير: والله من جد أنتم الحريم ناكرين للعشير.. أنا معطيك خمسين ألف والخمسين الثانية خليتني اسفرك فيها لدبي والحين بعد ما خلصت الفلوس تقولين كذا

منى بعصبية: والله عاد لا تمن علي.. وأنا ما سافرت لوحدي أحنا كلنا سافرنا وانبسطنا، فعاد لا عاد تعيرني بأنك سفرتني لدبي والحين تروح وتدبرلي الفلوس اللي طلبتها لو من تحت الأرض

أبو عثمان بطفش من طلبات زوجته اللي ما تنتهي: لا حول ولا قوة الا بالله.. أنتي وبعدين معك من طلباتك اللي ما تنتهي

عثمان: يبه أنا بعد أبي فلوس عشان بأشتري دفاتر للرياضيات لأن دفاتري خلصت والأستاذ قال لو ما جبته بكرة ماراح يدخلني على الفصل

أبو عثمان: عاد من فلاحتك في المدرسة وأنا اللي أعرف أحنا في وقت اختبارات.. ومصروفك عند أمك خذ منها وأشتري

منى: المصروف خلاص عاد أعطيه عشر ريال عشان يشتري الدفتر.. أبو عثمان اكتفى بهز راسه بالنفي وبعد كذا قام وخرج من البيت وترك زوجته وولده يتحطمون

******************************

في بيت أبو فارس

ميهاف واللي كانت في غرفتهم وزعلانه على جوالها اللي أنكسر

عبد لله: ميهاف راشد يناديك

ميهاف: وليش يناديني خلاص أنا قلت له ما أبي شيء

عبد الله بتريقه: لا والله.. طيب ليش أنتي زعلانه؟ على جوالك.. لكن تعرفين عادي تحصل في أفضل العائلات

ميهاف طالعت فيه بعتاب: عبادي الله يسعدك أتركني في حالي ترى والله مالي خلق

راشد دخل وطالع فيهم: عبود انا مو قلت لك تنادي ميهاف

عبد الله: والله قلت لها بس هي ما تبي تجي لأنها زعلانه فعاد أيش تبيني أسوي لها

راشد ضرب عبد الله على راسه: لا تسوي لها شيء أنت أصلا ما منك فايده والحين انقلع بره

عبد الله فرك محل الضربة: الله يسامحك يا راشد الحين أنا صرت عديم الفايده طيب شكرا.. وخرج وتركهم.. راشد طالع في أخته اللي ماده بوزها

راشد بضحك: والله تصدقين أنا توني اكتشفت أنك حلوه لو زعلتي.. لا أنا يبيلي أشتري كاميرا عشان أصورك كل ما زعلتي عشان أوريه لعريسك لو جاء وخطبك عشان لو في يوم زعلتي منه ما ينحاش منك.. ميهاف طالعت في راشد بس ماردت عليه/ طيب أيش رأيك تقومين ونروح ونشتري لك جوال جديد

ميهاف: لا شكرا أنا راح أشتري من مصروفي.. والحين ممكن تتركني لأني أبي أغير ملابسي لأن أمي تنتظرني

راشد طالع في أختها: طيب على راحتك أنا حبيت أعوضك عن جوالك بس طالما أنتي ما تبين براحتك يا حلوه.. وخرج وتركها

***********************

وبعد مرور يومين وفي بيت سعيد الأساسي

منال كانت في غرفتها تخيط الملابس اللي جابتها من المشغل عشان تكملها عندها وبالضبط أنها صارت ما تروح فترة الصباح عشان تجلس مع أمها واللي كان يسعدها أكثر المكينة اللي جابتها لها أختها رانية من كم يوم

نوره برجاء: منال ممكن أطلب منك طلب؟

منال بدون ما تطالع فيها: خير أيش عندك ولا حضرتك منتي شايفتني مشغولة؟!

نوره: طيب أنتي وافقي عشان أقول لك

منال رفعت راسها وطالعت في أختها واتفاجأت من وجود سعد معها: أيش عندكم أنتم الاثنين أتكلموا!!

سعد بهمس: شفتي عصبت أكيد ما راح توافقك

نوره بنفس الهمس: أقول أسكت أنت وخليني أتكلم

منال بانفعال: أنتم بتتكلمون ولا أقوم وأتحاسب معكم؟

نوره بخوف من أختها: لا راح أقول لك بس أنتي لا تعصبين علينا

منال بنفاذ صبر: طيب يلا أتكلمي أيش عندكم أنتي وهو؟

نوره بتردد: نبي فلوس عشان نشتري من المطعم الجديد اللي فتح عندنا في الحارة... لأن كل الناس اليوم بيشترون من هناك

منال بتريقة: كل الناس لا يشيخ.. وأنتي كيف عرفتي بأن كل الناس راح يشترون منه اليوم؟

سعد بشوية أنفعال: والله كلامها صحيح حتى صديقي وليد وحمود.... وجلس يذكر أسماء أصحابه/ قالوا بيشترون اليوم من المطعم الجديد

منال بتنهيدة من أعماق قلبها لأنها ما تبي تكسر قلوب أخوانها: وأن شاء الله أيش بتشترون وأنتم توكم ما كلين

نوره بفرحة وأمل: لا أحنا بنشتري لنا عشاء

منال: طيب كم تبون؟

سعد: سعر الوجبه 15 ريال للشخص

منال: يعني ثلاثين لكم أنتم الاثنين صح

سعد هز راس بنعم: أي

منال بابتسامة: طيب أبشروا يا حبايبي.. نوره روحي وخذي الفلوس من شنطتي في دولاب الملابس حقي.. سعد ونوره راحوا وباسو أختهم وبعد كذا راحوا ياخذون الفلوس.. أما منال فطالعت في ساعتها وقامت بسرعة عشان تتوضأ قبل الاذان عشان أول ما تصلي تروح على المشغل.. منال صلت وقبل ما تخرج من البيت أعطت أختها بعض التوجيهات وحذرتها بأنهم ما يدخلون غرفتها عشان فيها بعض فساتين المشغل اللي تشتغل عليها لأنها تقفل الغرفة وتترك المفتاح مع أختها عشان لو احتاجوا شيء ياخذون فلوس من دولابها وبعد ما استودعتهم خرجت وراحت على المشغل

*******************************

وفي بيت أم مشعل

أم مشعل بفرحة: ها يمه خلصت كل أمورك

مشعل بابتسامة: أي يمه خلصت اليوم رحت وحجزت عشان شهر العسل

أم مشعل: أي زين يا يمه بس أنت اشتريت كل اللي خاطرك فيه أنت وغيداء؟

مشعل: يمه أنتي شفتي كل شيء وقلتي البيت حلو فليش ما تبين تصدقيني؟

أم مشعل: لأنك ولدي وعارفتك من وأنت في اللفة يا ولدي

مشعل مسك يد أمه وباسه: الله لا يحرمني منك يا الغالية

أم مشعل بابتسامة وحنان: ولا يحرمني منك وما أوصيك على بنت أختي غيداء يا حبيبي فالله يسعدك لا تسود وجهي عند أهلها يا حبيبي

مشعل بعتاب: يمه أيش هذا الكلام أنتي تحسسيني وكأني ماني ولدك وتربيتك يا الغالية وتعرفين كل شيء عني

أم مشعل ضربت مشعل على الخفيف في رأسه: لا والله أنا أعرفك عز المعرفة

مشعل بكذب: آآآي يمه ليش ضربتيني عورتيني

أم مشعل بخوف: أنا!! سامحني يا ولدي والله ما كان قصدي

مشعل ضم أمه وباس رأسها: والله أمزح يا عمري.. هو أنا لاقي أحد يحن علي مثلك يا غالية من عقب أمي الله يرحمها

أم مشعل واللي اتذكرت أختها وبدمعة: الله يرحمها ماتت في عز شبابها الله يسامح اللي كان السبب

مشعل أتنهد: لا والله الله لا يسامحه على العذاب اللي عيشها هو.. والله لو كنت أعرف مكانه كان انتقمت لأمي منه وماكنت رحمته مثل ما هو ما رحمها

أم مشعل بخوف على وحيدها والشيء المتبقي لهم من عقب أختهم: لا يا حبيبي لغلاتي عندك أبعد عن أبوك.. وأن شاء الله ربي راح يأخذ لأمك حقها منها في بناته مع أن بناته مالهم ذنب والله

مشعل بحدة: ذنبهم أبوهم يا يمه أبوهم وقام وترك المكان

أم مشعل: الله يحفظك من كل شر يا ولدي الله يحفظك

************************************

وفي يوم زواج مشعل من غيداء

كان في الاستقبال من جهة اليمين أم مشعل وأم فهد وأم سالم والجدة وهدى وعلى اليسار رغد وسميحة وميهاف وغادة ونوال

ميهاف بهمس لغادة: غادة مين ذيك الحرمة اللي كانت تطالع فيك بدرجة أنها كانت بتطيح

غادة وهي تطالع الحرمة وبنتها: هذي خالتي أم خالد صديقة أمي

ميهاف بضحك: يا قلبي وليش تطالعك كذا

غادة بكذب: مادري يمكن مشبهة أو معجبة عاد تعرفين معجبين

نوال بتعب: يا الله والله تعبت من الوقوف.. ورجلي صارت تعورني من هذي الجزمة الله يكرمكم

غادة بابتسامة: أقول أستحملي ترا توها الساعة عشرة وتو الناس بدؤوا يجون يعني وراك سهرة يا قلبي

نوال: لا والله شكلي بخرجها وبوقف كذا

غادة فتحت عيونه على الاخير وبهمس: استحي على وجهك يا بنت ولا تفضحينا قدام الناس

نوال طنشت غادة وخرجت الجزمة: لا تخافين محد يعرف لأن الفستان طويل

ميهاف: غادة ترا عمتي من أول تأشر لك شكلها تبيك

غادة: أوكي الحين أقوم وأروح.. غادة قامت من عند البنات وراحت عند أمها/ هلا يمه بغيتي شي يا عمري

أم فهد بهمس في أذن غادة: روحي وشوفي أختك تبيك لأنها تقول من أول تتصل على جوالك وأنتي ما تردين فأطلعي لها لأنها تبيك تساعدينها في شيء يا حبيبتي

غادة بابتسامة: أن شاء الله يا يمه الحين بروح لها.. غادة تركت المكان.. وأمها صارت تدعي لها أن ربي يحفظها من العين لأن كذا وحدة جات وسألت عن أهلها

*******************************

وفي جناح العروس وعند الباب

غادة فتحت الباب ودخلت بابتسامة: أنا وصلت يا عمري

غيداء دارت والتفتت لأختها اللي اختفت ابتسامتها: هلا يا قلبي

غادة نزلت رأسها بسرعة عشان أختها ما تشوف دمعتها وتبكي هي بعد ويخرب مكياجها وبصوت مهزوز: أمي قالت إنك تبيني

غيداء حست بحزن أختها فراحت ناحيتها ومسكت وجهها ورفعته لها: ماشاء الله عليك يا عمري والله أنك طلعتي أحلى مني أنا العروس

غادة نزلت دمعتها اللي حاولت تخفيها بس ما قدرت فاحتضنت أختها بسرعة: الله يوفقك يا عمري الله يوفقك ويسعدك والله أنك ملكة جمال.. الله يحفظك من كل عين

غيداء بعدت عن حضن أختها ومسحت دمعتها وبابتسامة حزن: أمين.. بس والله راح أشتاق لك يا عمري

غادة بشهقة خفيفة: والله أنا اللي راح أشتاق لك.. بس أنا متأكد أنك راح تنسيني لو شفتي مشعل حبيب القلب

غيداء ضربت غادة على الخفيف: يا حمارة إنتي أختي فكيف أنساك

غادة بابتسامة: والله أمزح معك أعرف أنك مستحل تنسيني.. بس أيش فيك ما لبستي فستانك الين الحين أظن المصورة الحين بتجي

غيداء: الحين بلبس مو عشان كذا قلت الامي تقولك تجين عندي لأني أستحي أطلب كذا من رغد

غادة: أبشري من عيوني أنتي تأمرين أمر... المهم غادة ساعدت أختها في اللبس وجلست معها الين ما جات المصورة وتصورت كم صورة مع أختها وبعد كذا نزلت عند البنات وعلى الساعة وحدة أنزفت غيداء مع مشعل على نغمة هادية وكانت في غاية الجمال هي ومشعل اللي ماكان يقل عنها بشيء وطبعا جلسوا شويه وبعد كذا تصوروا مع أهاليهم اللي ما يتغطون من مشعل وبعد ما خرج الأقارب وصديقات غيداء راحوا وسلموا عليها

غيداء بهمس لنوال: نوال فين غادة أنا شفت كل الناس الا هي ما شفتها روحي وشوفيها لي عشان أبي أسلم عليها قبل ما أروح

نوال باستغراب من غادة اللي اختفت من قبل الزفة: طيب أن شاء الله.. وراحت تدور على بنت عمها واللي لقته في ركن من أركان القاعة وهي تبكي/ غادة أيش فيك تبكين يا عمري

غادة مسحت دمعتها وقامت عشان تترك المكان: ما فيني شيء والحين عن اذنك يا نوال

نوال: لحظة فين بتروحين أختك تبكي عشان تبي تودعك قبل ما تروح

غادة التفتت لبنت عمها ومن ثم مسحت دموعها بسرعة: روحي وقولي لها الحين بجي نوال.. بصلح مكياجي وأجي

نوال بابتسامة: طيب يا قلبي الحين بروح وأقول لها.. وبالفعل نوال وصلت رسالة غادة لغيداء وبعد لحظة جات غادة واحتضنت أختها وهي تبكي من قلبها في هذي اللحظة جات عمتها لطيفة وبعدتها عنها

العمة بشوية عصبية: غادوا يعني تبين أختك تبكي عشان مكياجها يخرب

غادة هزت راسها بالنفي: والله مو بيدي يا عمتي وأنا مو قادره أمسك دموعي حاولت بس والله ما قدرت.. لطيفة حزنت على غادة فضمتها وبعدو شويه عن غيداء اللي ملامحها تغيرت مية وثمانين درجة

لطيفه بهمس في أذن غادة: حبيبتي أعرف أنك حزينة على فراق أختك بس لو أمك شافتك تبكين هي بعد راح تبكي وبعد كذا غيداء كمان تبكي فيخرب مكياجها وتروح عند زوجها وهي منكدة ترضين أنتي بهذا الشيء لأختك

غادة بدمعة: لا يا عمتي ما أرضى لها طبعا

لطيفة مسحت دموع غادة وبابتسامة: خلاص إذا أمسحي دموعك وودعي أختك بابتسامة وبدعوة حلو.. وبغمزه/ ما تعرفين يمكن بعد كم شهر تنخطبين ونفرح فيك

غادة بضحكة بدون شعور: لا يا عمتي أنا ما راح أتزوج الحين

لطيفة: لا والله طيب هذا وهذا وجهي لو ما انخطبتي قريب يا بنتي أنتي ماشاء الله عليك اليوم ملكة جمال أحس نصف الحريم عيونهم عليك وأنتي تقولي ما تبين تتزوجين

غادة واللي تبي تشرد من عمتها: عمتي أنا بروح عند غيداء قبل ما تخرج

لطيفه بخبث: أوكي روحي ولكن موضوعنا ما خلص أوكي

غادة بابتسامة خجل وهي تترك عمتها: طيب أن شاء الله.. وراحت عند أختها عشان تشاركها فرحتها.. وبعد ما راحت غيداء دخلت غادة حالة حزن مو طبيعية

***************************************

وفي السيارة

أم سالم: ماشاء الله الليلة مره كانت حلوة

سيف: يعني انبسطتوا يا يمه

أم سالم بفرحة: أي والله انبسطنا يا ولدي

سيف وهو يطالع أخته من المراية: بس يا يمه نوال شكلها ما يقول إنها انبسطت

أم سالم: لأن الهانم زعلانه حضرتها تبي تروح بيت عمك وتنام هناك

سيف باستغراب: وليش تبي تنام هناك ليش أنتي ما عندك بيت تنامين فيه يا ست نوال

نوال بهدوء: لا عندنا بس غادة طلبت مني أروح معها لأن نفسيتها كانت تعبانه شوي

أم سالم بحدة: لا والله لا نفسيتها تعبانه ولا ما يحزنون هذا دلع بنات

نوال: لا والله غادة مو مدلعه ومن حقها نفسيتها تتعب

سيف بخوف على غادة اللي دق قلبه من طاري أسمها بس بدون ما يبن: وليش أيش فيها ست الحسن غادة

أم سالم بتنهيدة: أي والله أنها ست الحسن والبنت كل مرة تحلى ماشاء الله عليها اليوم معظم الحريم يسألون عنها

سيف عقد حواجبه وبانفعال بدون شعور: وليش يسألون عنها أن شاء الله

أم سالم طالعت بسيف بتعجب: أقول سلامات أيش فيك كذا انفعلت

سيف بنفس الاسلوب: يمه أنا سألتك ليش ما تجاوبيني على سؤالي

أم سالم طالعت في بنتها المصدومة ومن ثم لولدها المنفعل: يعني ليش.. أكيد عشان يخطبوها

سيف بصدمة: أيش يخطبوها وليش مافي بنات في الزواج غيرها

أم سالم: لا فيه بس البنت ماشاء الله عليها فيها مواصفات مره حلوة وكل وحدة تتمانها أنها تكون لولدها سواء هي أو أختها اللي أتزوجت ولد خالتها مع أني والله بغيت أخطبها لأخوك سالم

سيف بتريقة: وليش ما خطبتيها طيب وأنتي تعرقين تمام بأنك لو كنتي طلبتي ماراح يرفضون

نوال: تخيل أنت بس سالم يتزوج غيداء أقسم بالله أنها راح تنتحر

سيف بابتسامة جانبيه: أخير فكيتي يا زعلانه

نوال: أي والله من حقي أزعل أتخيل أنسان يطلب منك مساعدة وما تساعده في النهاية راحت وطلبت من بنت خالها

سيف بتساؤل: مين بنت خالها اللي كانت معكم في السوق

نوال بشوية عصبية: أي هي أنا معرف ليش أنا ما أحب ذيك البنت والله ترفع ضغطي ودايما يوم ما تطلب غادة مني شيء هي تقوم وتسوي وكأنها تجاكرني في بنت عمي والله أوووف منها.. سيف طالع في أمه وأكتفى بالسكوت لأن دقات قلبه زادت وهو يحس بغيرة غير طبيعية على غادة اللي ما شافها غير مره وحدة وتهاوش بعد فيها معها

****************************************

وفي بيت أبو فهد

ميهاف: غادة الله يسعدك قومي وبلاش كسل

غادة واللي كانت صاحية من أول بس مطنشة ميهاف ومن تحت اللحاف: نعم يا ميهاف أيش فيك أنتي من أول تقولين لي اصحي

ميهاف شدت اللحاف من غادة وبصدمة: أنتي بالله من جدك.. هيا أنتي ترى أختك أتزوجت وما ماتت عشان تبكين عليها كذا

غادة جلست وبعدت شعرها عن وجهها اللي صار مثل الطماطم من كثرة البكاء: بعيد الشر عليها وأختي اللي تقولين عنها أنا ما أتعودت على فارقها يا ميهاف.. اليوم أنتي جيتي ونمتي عندي ما قصرتي بس أكيد بيجي راشد أو خالي وياخذونك من عندي وراح أصير لوحدي

ميهاف بضحك: والله لا تخافين ما راح تطولين هنا لأني سمعت حبيب القلب يقول بأن يبي يتزوج وطلب من أبوي أنه يخطبك له

غادة طالعت في ميهاف: أيش ومتى صار هذا الكلام وحضرتك ليش ما قلتي لي

ميهاف بتردد: لا أبوي قال ما يبي أي أحد يتكلم في هذا الموضوع الين ما يتقدم لعمي عمر ويخطبك منه وطبعا هذا راح يكون بعد زواج راوية أختي

غادة بتنهيدة: الله يكتب اللي فيه الخير لنا يا ميهاف.................يــتـبـع

********************************************

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 12-01-2019, 12:44 AM
سارونة بنت خالد سارونة بنت خالد غير متصل
©؛°¨غرامي مشارك¨°؛©
 
الافتراضي رد: قلوب قاسية كالحجارة أو أشد قسوة/بقلمي


أعتذر عن التأخير... وقراءة ممتعة يا حبايبي...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 12-01-2019, 08:49 PM
H0h__ H0h__ غير متصل
©؛°¨غرامي جديد¨°؛©
 
الافتراضي رد: قلوب قاسية كالحجارة أو أشد قسوة/بقلمي


باارت حلو ززيك ❤
اهم شيء لا تطولي علينا وننتظرك ,
بس ناسيه اذا كان في لقاء صار بين سيف وغاده ؟

الرد باقتباس
إضافة رد

قلوب قاسية كالحجارة أو أشد قسوة/بقلمي

الوسوم
(قلوب قاسية كالحجارة أو أشد قسوة)
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مغرورة عنيدة قاسية ! لكن لا ارضى بالقليل جنون انثى ~~ خواطر - نثر - عذب الكلام 25 29-07-2016 06:26 PM
ميلان يغضب على إنتر بثلاثية قاسية في الكالتشو الـ شــــموخي999 كوووره عالميه 2 02-02-2016 03:41 PM
لجنة الانضباط تفرض عقوبات قاسية على السومة والأهلي @yazeed@ كووره عربية 3 07-12-2015 02:10 PM
الوحدة قاسية و العودة إليها أقسى , , نيرووز خواطر - نثر - عذب الكلام 14 25-04-2015 02:34 AM

الساعة الآن +3: 12:26 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1