غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 24-11-2018, 10:33 PM
EMAN.Y EMAN.Y غير متصل
©؛°¨غرامي مشارك¨°؛©
 
الافتراضي رد: بعد غياب ثمان سنوات " رواية لا تحسب الي جرالي بالهوى كسره "تعود من جديد


وش سبب ظهور الصفحات بالعكس ! هل هو خلل يا أصدقاء !


:(

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 25-11-2018, 12:09 AM
EMAN.Y EMAN.Y غير متصل
©؛°¨غرامي مشارك¨°؛©
 
الافتراضي رد: بعد غياب ثمان سنوات " رواية لا تحسب الي جرالي بالهوى كسره "تعود من جديد


البارت الثـاني عشر



ضاري فتح الغرفه على هاجر وانصدم ..من اللي شافه ..
كانت لابسه تنوره بيضه ميدي .. وبلوزه كات حمراء ... وشال على شكل شماغ احمر وابيض ..
لافته على رقبتها بشكل حلو ..
وكانت فاكه شعرها الطويل ومقطع بقصه مره حلووه على ظهرها .. وحاطه ميك اب ناعم مره .. وشافخها ضاري وهي تحط مسكره .. في رموشها ..
ضاري بصدمه : هاجر وش فيك ..؟!
هاجر التفتت عليه وابتسمت : ليه موحلوو لوكي ..!
ضاري حلف داخل نفسه .. ان اسامه سيئ حظ اللي خسر هالزين كله ..
ضاري : لاماأقصد اللوك .. اصلا ً طالعه تجننين .. بس انا مستغرب ..
هاجر : وش مستغرب منه ..
ضاري : مستغرب من كشختك ...ومن اسلوبك ..
هاجر بغرور : طول عمري وانا احب الأناقه .. واسلوبي هذا هو ..
ضاري : يابنتي انا ادري ان هذا اسلوبك .. بس قبل ثلاث اسابيع .. قبل مايصير اللي صار ...
التفتت هاجر عند المرايا ,,, وخذت عطر وتعطرت وهي تقول : خل الجروح في القلب ياضاري ..قررت اكون قويه .. واني اتعلم كيف انسى اسامه وانسى الحب ..
ضاري عقد حواجبه : هاجر .. اللي يحب مستحيل ينسى .. وحرام عليك اسامه يحبك ..
هاجر : ياولدي اسامه مع حرمه ثانيه في بيتي .. تزوج علي .. ولو انا مكانه ومعي رجال غيره .. مااعتقد راح يستمر في حبي ..
ضاري : اقول هاجر اعقلي ..وبلاش كلام فاضي ..
هاجر : اللحين قل لي وش تبي جايني الغرفه ...
ضاري : ابوي احمد دق علي وملزم الا اوديك له .. يقول يبي يشوفك ومشتاق لك ..
هاجر بنظرة حزن : فدييته .. وربي مشتاقه له بشكل ..يعني صار لي مده ماشفته بعد عمري ..
وفي داخلها : آااه ياقلبي اذا شوقي لجدي هالكثر كيف انت يااسامه ..
ضاري : يعني معزمه بتجين ...
هاجر : ايه ابي اروح انتظرني باللبس عبايتي ..
ضاري : اوكي ..انا ببدل بس ونمشي .. اوكي ..


* * *


في بيت الجد ...
دخلوا هاجر وضاري ...
فسخت هاجر شيلتها ..ودخلت هاجر للصاله .. لقت جدها جالس على الكنبه ...
واول ماشافها رفع يدينه :هلا هلا بتس يابنتي الغاليه ... نور البيت بدخلتس علي ...
هاجر امتلت عيونها دموع ..وركضت ناحية جدها ..
ولمته ...ضمها: حيالله الغاليه .. وسلونتس يابعد تسبدي ..
باست راسه ويده وهي تبكي :
يبه اشتقت لك ..اعذرني من زمان ماجيتك ..
الجد بدت عيونه تدمع :معذوره يالغاليه ... بشريني عنك .. وعن علومك ..
هاجر ماتبي تزعج جدها بمشاكلها ..ابتسمت : انا بخير يبه ..مااسئل الا عنك ...
بوحمدان : حطي عينك بعيني ..وقولي انتي صادقه .. انتي بخيير ..
طالعت هاجر جدها بثبات : ايه يبه ومابيك تحاتيني ..
بوحمدان : وتدرين عن احوال رجلتس ..
قامت هاجر ووقفت وعطت جدها ظهرها : يبه وش جاب طاري رجلي اللحين ..
بوحمدان : اسامه جاني قبل يمشي القصيم .. عساني ماذوق حرته يابنتي ... حالته صعبه ..
ارتجف قلب هاجر وقام يخفق بسرعه ..والتفتت : يعني وش فيه يبه ..رجال توه متزوج وموسع الصدر ..
ضاري بعد ماحب راس جده جلس وهو يقول : الا يبه احمد ماتلقى لي ثنتين واعرس عليهم واوسع الصدر مثل ولد عمي ..
بوحمدا رفع العصا واضربه على رجله : وانت ماتجوز من التطنز ياضويري ..
ضاري : آااي .. حرام عليك يبه ...احشمني جاايك وانا حتى ماقييلت جاي من الدوام ..تعبان وجايب لك ذا المأخوذه ..
طقه مره ثانيه جده :
لاتقول عن بنتي مأخوذه ..؟؟!!!
ضاري توجع : يبه لاتطق ترى بطلع وبخلي المكان لهويجر حبيبتك ..
هاجر تضحك وهي تفسخ عبايتها : الا دانه نايمه يبه ..
بوحمدان : ايه من جات هالأجازه وهي ماتقوم الا العصر ولا المغرب ..
هاجر : انا بروح اصحيها .. عشان نتغدى سوى ..
صعدت هاجر فوق وافتحت غرفة دانه .. شافت مجموعه كبيره من الاسطواناات .. مطشوشه في الارض ..
والاب توب مسكر وجنب دانه على السرير .. ومشبووك في الشاحن ...
هاجر : اعوذ بالله من غضب الله .. وش ذا الآدميه ... كيف عايشه ..
جات جلست جنبها ولعبت في شعرها : دانه حبيبتي ... قومي اصحي ..
دانه : .................>>ماترد
هاجر : دانه قومي قلبي .. خلينا نتسلى مع بعض ... وربي واحشتني ... يلا دندون عشان خاطري ....
دانه بدون سابق انذار .. افتحت عيونها ... ورفعت راسها .. وتطالع في هاجر مذهوله : هجور ...!!!!
هاجر ابتسمت : أي هجور اشتقت لك ياطعستي ..
دانه عطت نفسها كف : انا احلم .. اكيد انا لسى نايمه ..
هاجر : يابنتي انا هاجر بشحمها ولحمها ..
دانه طبت في حضن هاجر وضمتها بقووه :
اشتقت لك .. اقسم بالله .. وينك عني من زمااااان ..
هاجر حست ان هاجر تبكي ... مع ان دانه قووويه .. وماتحب تبين ضعفها لأحد ..
فاحست هاجر بغصه .. لكنها ماتبي عيونها تهل دموع وفي داخلها : لا يادمعه ارجعي مكانك .. تكفين لاتنزلين ..
بعدين بعدت عن دانه شوي وطالعت عيونها :
دندون تكفين لاتبكين .. والله مابي ابكي ... تعبت من الدموع ... ابي اجمع شتاتي تكفيين ..
مسحت دانه دموعها بفرحه : خلاص من عيوني ... اهم شي اشوفك مبسوطه ..
قامت هاجر وشغلت الأنوار :
دانه كم مره اقولك لاتنامين والجهاز جنبك ..
دانه توهقت : هااا .. لا بس انا نسيته ... وكذا ...
هاجر بتأنيب : لاتبررين ... انتي آخر مره وعدتيني ماتخلينه جنبك ولا باخذه منك وعيونك تناظر ...
دانه : حرام عليك هاجر .. آخر مره ..
هاجر : يابنتي انتي ناويه تشبين في مكانك .. وثانيا ً كلها ذبذبات زي الزفت ... اصلا ً المفروض ماتنامين وهو موجود في الغرفه ومشبوك .. مو على السرير ..
دانه قامت وخذت منشفتها : طيب اوامرك على راسي يابعد تسبدي .. انا بتروش وبنزل .. الا رجلتس معتس عشان البس جلالي ...
هاجر بنظرة حزن : لا يادانه هذاك اول اجي مع اسامه ..
دانه : ان لله .. والله لساني يبي له قص..
هاجر :البسي جلالك معي ضاري ..
دانه:يالبيييه ..المزيون هنا ..اجل بنزل بكامل كشختي ..الوكاد ينجبر فيني ويتزوجني ..وافتك من حماك ..
هاجر:يابنتي خلك من ضاري ..مزاجي ومتشرط ..ويقول انه ماراح يتزوج الا وحده هويختارها ..ويجيبنا ويقول اخطبوا فلانه ..
دانه تفتح وتغمض في عيونها بغنج :بس انا عارفه ان لوشافني بيخق معي ..وبيجيكم يترجى انكم تخطبوني له ..
هاجر: احلى ياوااثق ... اقول اقصري الهرج ..وانزلي حنـا نتظرك تحت ..


* * *


الموهم تغدى بوحمدان واحفاده ..
وفي وقت العصر .. كانوا جالسين في الصاله ويتقهوون ..
وجابت دانه طبق حلا .. وطبعا ً متغطيه بالجلال ... وتقول :
- بليز لاتطنزون ... اذا كان طعمه حلو انا مسويته .. واذا كان شين شغالتنا ..
ضاري يضحك : انا ماحب اغامر اخاف يجيني بطني ...
هاجر : اووه اوه ... وش هالتطورات .. انتي مسويه حلا .. لاصراحه بيموت جني ...
دانه حطت الطبق : بدينا في المسخره من ذا اللحين .. يوم قلنا بنتسنع قام التحطيم ..
ضاري : لا الشكل حلى ملوكي... بس الله يستر من الطعم ...
هاجر : لا لا .. بدايه طيبه صراحه .... دامك عرفتي تسوين الحلا .. الله يعينك اعلمك على الأطبقا الرئيسيه والشعبيه ... وكيف تبدعين في السلطات ...
دانه : تكفيين حبه حبه علي ... عاد ماشاء الله انتوا يابنات عمي فهد صاقلتكم خالتي ام ضاري صح في المطبخ ..
تكلم بوحمدان : ايه ليتها صاقلتس معهم .. ان تسان اوب هذا حالتس ..
دانه : لابليز يبه .. انا لاحقه على الطبخ والنفخ ... خلني اعيش حياتي ...
طق جرس الباب ..
راحت دانه تفتح ... كان ابو اسامه هو اللي جاي ..سلمت عليه وحبت راسه ..:اخبارك عمي حمدان ...
حمدان : الحمدلله .. طيب يطيب حالك ... وشلونتس يابنتي ..
دانه : الحمدلله تفضل ياعمي ..
انتبهت ان غيث كان وراه ... شكله توه موقف السياره وجاي .. عدلت جلالها : حياكم تفضلوا ...
حمدان : حولكم أحد ..؟
دانه : عيال عمي فهد .. هاجر وضاري ...
هنا تغير وجه حمدان وارتبك ..: تقولين هاجر هنا..
حمدان: اجل شوفي يابنتي .. انا بروح المجلس عشان يعني تاخذون راحتكم ..
دانه مافهمت : على راحتك عمي ..
غيث : يبه وش فيك ...؟!
كان ابواسامه يدينه ترجف .. واعصابه تعبت .. طبعا ً هاجر .. كانت جات لمـا استبطت دانه ...وشافت الموقف ...
دخلت وبصوت تأنيب :
مستحي تشوفني يايبــــــــــه ...
نزل حمدان عيونه للأرض : آاااااه يالغالـيه .. وربي موقادر احط عيني بعينك ...
قربت هاجر : يبه انت راسك دوم مرفوع وراح يظل مرفوع .. واسامه ماسوى اللي سواه عشان تنزل راسك قدامي انا ..
امتلت عيون حمدان دموع : خربت بيتك انت واسامه .. دمرت حياتكم .. كله بسببي ..
جات مسكت يده وباستها : انت تموون على الروح يبه .. لاتضيق صدرك يابعد عيني ..
حط يده على راسها ..: انتي في مكان واسامه في مكان .. ذا الحال مايرضي عدو ولاصديق .. ذا الحال يذبحني يابنتي ..
هاجر ابتسمت وقلبت المود : يبه من قالك راح يستمر الحال كذا .. انا بس معطى اسامه اسبوع عسل ..وبرجع اغثه في البيت ...
كل الموجوديين توسعت عيونهم ..
غيث : صااااحيه ام الشباااب ....!!
هاجر رفعت حاجب وتطالع غيث : وبكامل قوااي العقليه ..
ضاري : والله يوم العجايب هذا ...
هاجر مسكت يد بوحمدان : يلا عمي تفضل ... لايفوتكم الحلا ..
مسك يدها بقووه ومسك جبينها :الله يرضى عليتس ياهاجر ...
ودخلوا عند الجـ ـد ...
وسلموا عليـه .. والكل جلس .. وقـ ـامت دانه .. وقطعت الحلا ووزعت على الجماعه .. وصبت لهم القهوه ..
ضاري : اممممم .. والله خطييييير ..
غيث لسى مايدري ان دانه مسويته : ياسااتر .. خوش حلى ..
دانه خلاص تشققت ..
هاجر ذاقته : وقسسم بالله طلعتي خطيييره ..
ضاري : لا لك مستقبل يابنت العم ...
غيث : يعني رود ... >> كان بيغلط بيقول رود رنر
بعدين قال :يعني دانه مسويته ...
دانه بثقه : طبعا ً انا مسووويته ..
ضاري : اخااف الشغاله .. هي اللي مسويته .. ههههههه
دانه : تخسى الشغاله .. تسوي مثله ...
وتروح تاخذ صحن وتجلس جنب جدها .. : تكفى جدي اكل من الحلى حقي ...
بوحمدان : روحي يادانه عني .. تعرفيني ماحب الشغلات هذي ..
دانه بترجي : عشان خاطري يبه .. ابوووس يدينك ... لاتحطمن ... انت اذا ماذقت الحلى وقلت رايك .. بطيح من عين نفسي .. وماعاد اطبخ مره ثانيه ..
بوحمدان : عنبوتس .. تبين ترفعين السكر عندي اكثر من ماهو مرتفع ..
دانه : اللحين اجيب الابره وازيد الجرعه .. والأنسولين مو مقصر .. ينزل السكر ..
الجد معند :يادانه روحي اكلي .. ويكفي كلوا عمتس والشباب ..
دانه ملزمه : والله لوماكلت منه جدي لاأحبس نفسي في الغرفه اسبوع ولا آكل ولا اشرب ..
بوحمدان : ان لله ...
دانه :انا حلفت يبه .. يلا افتح فمك ...
وصدق قدرت عليه وقامت تأكله الحلى ...وغيث كان مستغرب حد اللي خلفوه من هالأنسانه .. ومستغرب من طريقة تعاملها مع جدها ... وباين انها تموون عليه بشكل ..
ضاري : الله اكبر .. اللحين من دانه كلت حلى ,, اجل اصبر بجيب لك بيبسي وان ماشربته بروح انتحر ...
بوحمدان : انتوا شكلكم تباطيتوني .. وتبون تقصفون عمري ..
دانه باست راسه ويده : جعل عمرك طويل يايبه .. واللحين شرايك في حلااي ..
بوجمدان : لا حلا ً طيب ... تعلمي ذا الشغلات عشان بكره تسوينها في بيتس ..
قامت دانه : خير انشالله ... برررب بروح اجيب ابرتك ... وهجت من الصاله ..لنها استحت ...
وضاري وغيث ماتوا من الضحك على بررب ...
ضاري وهو يضحك : البنت زاااااااااااحفه ...
غيث : شكلها كل متنقعه في الشات قليلة الحياء ..
بواسامه : استح على وجهك تقول عن بنت عمك كذا ..
هاجر ~: لا ترى دانه دوم مصطلحات النت على لسانها .. وكل شي تدخله في النت الا الشات او انها تشارك في قروبات ...
ضاري : لايكون بس تدخل مواقع كذا ولا كذا ..
هاجر ضحكت : لا حرام عليك .. اصلا ًهي تمشي على العجين ماتلخبطه .. وتستحي من نفسها ..
ضاري : أي طمنتيني عليها ..
غيث : بو الشباب مسوي خايف على البنت .. وهو يبي اسماء المواقع اللي كذا ولا كذا اذا عندها ...
ضاري : خاااف ربك .. لاتظلم بختك ..
جات دانه وهي شايله الأبره مع الانسولين .. : يلا بوحمدان .. عطنا ذراعك ..
ضاري : والله قاطه الميانه الأخت ..
عطت جدها الأبره .. ومسحت مكان الابره بالمسحه .. : بالشفه ياحج ..
جدها : يعطيك العافيه يادكتووره ...


* * *





وفي الليوم اللي بعده .. جا غيث بيت اسامه وافتحت له ام ابراهيم الباب .. سلم عليها وسئلها عن اسامه
قلطته : تفضل ياولدي .. اللحين اناديه ..
دخل غيث ومو مثل اول ماخذ راحته لأن هاجر اخته ...
اللحين في وحده غريبه ..
راح الصاله شووي الا جاااه اسامه .. : حيالله من جانـا ..
غيث يطالع في وجه اخوه .. :
مالت عليك .. هذا وجه معرس ..
سلم عليه اسامه : يابن الحلال خلها على ربك ..
غيث : وراك صاير كذا .. ياخي لايكون تتعاطى مخدرات ..
اسامه : مجنووون انت ,..
غيث : ماادري عنك .. حالتك صعبه ...
اسامه : الله يعين وانا اخوك .. بشرني عنك ...
غيث : انا الحمدلله وضعي تمام .. اسبوع الجاي ملكتي ..
اسامه توسعت عيونه : قل قسم ..
غيث ابتسم بحزن : ايه خلاص .. بنودع العزوبيه ...
اسامه : غيوث راح يدمرونك مثل مادمروني ..
غيث : الله يكتب اللي فيه الخير .. وماقولك انا شوي متفائل .. على الأقل حرمه وحده موحرمتين ...
اسامه : عااش متفاائل ..
وضحك ...
غيث : الا اخبـار حرمتك ان شاء الله مبسوط معها ..
اسامه : أي الحمدلله .. البنت طيبه وحبوبه .. وهاديه بشكل .. بس انا موقادر اكسر الحواجز اللي بيني وبينها .. لأني ماشوف الا هاجر ..
غيث فتح جواله .. وطلع صوره من الأستديو ..
اسامه : وش تسوي .. ؟!
غيث : بوريك صوره ..
اسامه : وانت ماعقلت ..!!!
غيث : لايالطعس لاتفهم غلط ...
وبدون سابق انذار حط الجوال قدام عيون اسامه وهو يقول ..: ماشتقت لهالزين ... ؟!
اسامه جمدت عيونه على الصوره ..
لقطه حلوه لهاجر عن قرب وهي بالستايل اللي راحت فيه بيت جدها ..
طالعه تجنننننننننننننن ...
مسك اسامه الجوال وتأملها ... بشوق: من وين جبت الصوره ...
غيث : امس رايحين بيت ابوي احمد .. انا وابوي .. ,اللتقينـا بهاجر هناك ..
اسامه ماشال عيونه من الصوره : غيووث صايره تجنن بالصوره ... وربي واحشتني مررره وماني قادر على فراقها ...
غيث : تصدق هاجر كانت غريبه امس .. وباين مبسووطه وقالت كلام قوي لأبوي ..
>>> وعلمه بالسااالفه ...
وكمل : بعدين قالت انها معطتك اسبوع عسل بعدين بترجع تغثك ..
اسامه التفتت ملهوف : يعني هي قالت لك بترجع ...
غيث : ايه انا سمعتها ..
اسامه طلع جواله وشغل البلوتوث ..: اجل ياحيها ويازين مغثتهاا ..
غيث : وش تسوي انت ..!
اسامه : باخذ صورة زوجتي حبيبتي ..
غيث سحب الجوال : من سمح لك .....
اسامه : خير ياطير .. بعد هذا اللي يقول .. البيت بيت ابونا والقوم ناشبونا...
غيث : اقول لايكثر وتبي الصوره بمقابل ..
اسامه : شف قلة الحياء .. قاعد يبتزني بصورة زوجتي ..
غيث : هاااا كم تدفع ..
اسامه قام وسحب الجوال وبدى يرسلها لنفسه ..: بعد انا بستأذن منك ...
غيث : صدق ناس ماتستحي ...
حذف اسامه صورة هاجر من جوال غيث : صور هجور .. حصريه ,, بس عندي ...
غيث : حذفتها يالدب ...
اسامه يرجع جوال غيث له : طبعا ً حذفتها ..
جات ام ابراهيم ومعها كاسين عصير..وقاتووو ..
غيث : الله يعطيك العافيه ام ابراهيم ... ليه الكلافه ..
ام ابراهيم : مامن كلافه ياولدي ..
مشت ام ابراهيم ..
اسامه يناظر الصوره ... : غيوث انت قلت لي ان هاجر مبسوطه .. بس ترى عيون هاجر مليانه حزن ...
غيث : ليه وش دراك .. لاتقول صرت طبيب نفسي ...
اسامه :لاتتطنزغيوث ..هاجر ممكن تغش الكل الا انا ..
غيث : والله اهل مكه ادرى بشعابها ..
اسامه : تكفى غيوث .. شوف لي وسيله اشوف فيها هاجر .. والله ماني قادر اظل اسبوع ماشوفها ...
غيث : لاياشيخ .. تبيني اغش اختي .. عشان خاطرك .. هي ماتبي تشوفك ...
اسامه : غيث والله هاجر تلقاها ميته على شوفتي ... انت بس شوف لي ط ريقه ..
غيث : اسمع هي بتجي بكره بيتنا ..لأن ابوي قال اذا صدق تبيني اصدق انك ماعادتي زعلانه تجين زي عادتك يوم الخميس .. مع جمعة البنات ...
واتوقعها بتجي ...
اسامه بحماااس : ايه ايه .. انشالله بتجي ...
غيث : لاتفرح كثير .. اخاف تتفشل في النهايه وتطيح على صخر ..
اسامه : انا على خير بجي .. والله يكتب اللي فيه الخير ...
غيث : على راحتك .. انا استأذن ذا اللحين ...
اسامه : وين غيوث والله مالك داعي .. اجلس ماسولفنا ...
غيث : الجايات اكثر ... يلا روح لاتخلي ام عيالك الحالها ...
اسامه كفخ غيث على راسه : ام عيالي في عينك ... تقلع اطلع من بيتي ..
غيث: تطردني يالشين ..
اسامه : لاتستهبل .. والموهم جهز نفسك للملكه ..
غيث : أي ملكه أي بطيخ .. بملك زي شكلي وانا واقف قدامك .. بس زياده شماغ ...
اسامه : روح خذ لك كل شي جديد ... وحتى العطر جديد ... لاتستخف باللحظات هذي ...
غيث : اجل وانت رايح القصيم كل شي جديد ..خخخخخخخخ ..
تنهد اسامه : انا ملكتي الوحيده واللي احسه يوم في العمر ... ملكتي على هجور ...
غيث : طيب تلايط ... لاتسمعك بنت الناس وتتأثر وجامل ياأخي ..
وقف وهو يقول : يلا نسلم عليك ...
وسلم على اخوه ومشى ..
* * *

طبعا ً الليوم في بيت ابو اسامه جمعة عياله ...
تجي غاده وعيالها ... والبنات واسامه وهاجر قبل تصير المشكله وغيث ...
وكانوا البنات في الصاله ..وبعد صلاة المغرب .. انفتح باب الصاله ...
ودخلت هاجر ...
وطبعا ً هاجر عندها مفتاح للبيت ...
توسعت عيون البنات بفرح ... وهي تدخل عليهم وتفسخ الشيله وببتسامه حلوووه ... :
اشتقت لكم ياطعووووووووووووس ..
توسعت عيونهم بفرحه ...
شيمـا ركضت لها وضمتها : ياحماااره .. اشتقنا لك .. والله الجمعه سامجه ومالها طعم بدونك ...
هاجر : ايه لازم اتغلى عشان يبين غلااي ..ز
غاده جات لهاجر ... وطقت شيمـا على ظهرها : بعدي خلينا نسلم على المختفيه ...
وخرت شيمـا وسلمت غاده على هاجر بحراره : وربي وربي اشتقنا لك .. اخبارك فديتك ..
هاجر ببتسامه : اخبارك مثل مانتي شايفه .. عال العااال ...
غاده : والأعصــاب ..؟!
هاجر ترفع يدها وتوريهم عضلاتها : حديـد ..
غاده : بصراحه وضعك غريب ..
طالعت هاجر ملاك الي واقفه بعيد ومصدومه وقالت : ملوكه لاتقولين شايفتني جني ... وخايفه مني ...
ملاك ركضت لها وضمتها وهي تبكي ...: هجوور فديتك .. وربي حياتنـا مالها طعم بدونك ...
هاجر تستهبل : ملحيها ولا حطي لها ماجي هههههه ...
ملاك لازالت تبكي : هجور ماتخدعيني بذا الأبتسامه والله انك تتعذبين من دااخل ..
هاجر بعدت عنها لأنها خافت تضعف ويذوب القنـاع الجليدي اللي هي حاطته : ملوكه بليز لاتطلعين علي اشاعات ... انـا قوويه ومو خكيريه مثلكم ..
وتلفتت : الا وين امي >>> تقصد ام اسامه ...
شيما : تطبخ العشا .. مسويه الليوم هريسه كأنها تدري انك بتجين ...
غمزت هاجر بعينها : هي اكيد تدري .. لأن ابوي حمدان يدري ... واكيد قال لها ...
ملاك : خياااانه ... ليه ماقالوا لنا ..
غاده والبنـات جلسوا على الكنب ...
وهاجر تفسخ عباتها وتضبط نفسها قدام المرايـا الكبيره ..
غاده بدهشه : هاجر والله وضعك غريب .. ماكأنك العاشقه .. اللي تزوج زوجها عليها ...
هاجر اللتفتت عليها .. : يابنتي من بـاعنا بعنـاه ولو كان غالي ...
طبعا ً قالت الكلمه هذي .. بدخلت اسامه من الباب .. وسمعها ..
حسها زي السكين المسموومه اللي دخلت في قلبه ...
وطبعا ً هي بمـا انها واقفه عند المرايا والتفتت تصير تشوف اللي داخل من الباب ..
وشـــــــافته ..
وشـــــــافها ..
هي كانت لابسه فستان اسود لنص الساق .. من النوع الماسك ... ربع كم وفيه فتحه طويله عن الصدر ... نهايتها ازرار صغيره .. وحزام نازل على الخصر .. ومبين نحافتها ..
شعرها منسدل على ظهرها .. وماسكته بمشبك مهمل ..
ولابسه قلاده ناعمه .. ومغمقه الكحل والمسكره .. وحاطه بس قلوس ..
كانت جميله زي ماتعود عليها ...
شيـاكه مثل مايموت فيها ...
بس فرق انها ضعفت بازيـاده ...

هو اسـامه كان لابس بنطلون جينز فاتح .. وقميص اسود .. ازراره الفوقيه مفتوحه .. ومنعم وصاير دقنه خفيف وجذاب .. شعره نازله خصلاتوه على رقبتوه ..
مثل ماهو ..
مثل ماتحب تشوفه دوم .. بس في فرق .. اسفل عيونه اسود ... وعيونه مليـانه حزن ... ومعها شوق وهو يناظر فيها ..
طبعا ً هاجر انصدمت من الموقف ..
من ثلاث اسابيع ودها تشوفه ... كنها ثلاث سنين ..
كان في شي في داخلها بينهااار ... وبتركض تضمه حييييل ... وتعووض كل تعب الأيام اللي مضت ..
حست انها اضعف من انها توقف قداامه ...
اضعف من انها تواجه نظراته ...
حست برجفه ..
واتركت المكان بسرعه وهي تقول : برووح اسلم على امي ...
سكر اسامه الباب ودخل ... وماكان في احد من البنات انتبه .. انهم شافوا بعض ..
دخل اسامه وسلم ...
شيمـا : اسووم .. هاجر هنـا ...
اسامه حاول يسووي نفسه مستغرب .... لكن لهجته صارت خاويه ... وهو يقوول : اهاااا .. هنـــــا ...
غاده : اسامه .. علامك ..!
اسامه تنهد واسند راسه على ورى : يعني اللي بلااويه مثل بلوااتي ... بالله غاده وش تبين حاله ...
ملاك كانت مقهوووره : واللهي مـاعندكم ماعند جدتي ... قاعدين يلعبون فينـا زي الأراجيز ... ومـاعندنا الاندبة الحظ ..
اسـامه وماله خلق : ملاك روقينـــــا بسكاتك ..
ملاك بعصبيه : وانا عند ربي صادقه .. ليه تسمح يخربون حياتك ... وسمعوا كلكم ترى لاأحد يصدق ضحكة هاجر وبسمتها .. ترى تموت في الليوم مليون مره .. واخبارها تجيني من خوله .. من يومين انهارت .. وجاتها حاله هستيريـا من البكي .. واخذها عمي فهد المستشفى وعطوها مهدئاات ...
اسامه وجعه قلبه عليها ...
غاده : غريبه .. طيب ليه مساع تقول من باعنااا و.....
وماكملت لأن ملاك قالت : أي من باعنا واي بطيخ ... هذا كلام ناس فاضيين ... مو كلام هاجر اللي تموت في هذا ..
وتـــــأشر على اخوها ....
وكملت : بس هي تقول كذا من حرقة قلبها عليه ..
اسـامه تفائل من كلام ملاك ... يعني لسى هاجر تحبه ...
سئلهم : هي وينها ...؟!
شيما : راحت تبي تشوف امي في المطبخ ... بس ماأدري يمكن امي رقت فوق ..
راح اسامه لها ..
طبعا ً هاجر جات بتدخل المطبخ ... سمعت الشغاله الفلبينيه تقول للأندونيسيه : هذا في ايجي مستر اسامه ... اوووه واجد جميل .. سمسيم فيلم امريكا .. بنتلون هيلوه .. هذا بلوزه هيلوه ... هذا ميه ميه مستر اسامه ..
هاجر توسعت عيونها وصرخت عليها :
جانيتوووه .. عسـاتس الجني اللي يلبسك للدفنه .. وراك قاعده تغازلين في زوجي .. انا كم مره في قول حق انتـا .. مستر اسامه موجود انتي روح انقلع مطبخ ..
خاافت الشغاله ..
وحست عيون هاجر تقدح شرار ..
وقامت تقول : لامدااام .. انا في قول ... هذا واجد زين كولووو مستر في بيت ...
هاجر : كلاكي الدود والعقارب السود .. روحي انزلعي انتي مع سوينه ونظفوا جناحي اللي فوق ..
جانييت : مدام انتا في نوم هينـا ..
هاجر تحط صبعها على راسها وبلعانه : كييفي انام ماأنـام .. جا في بالي تنظفون جناحي .. ابيكم تلمعون حتى الحفر والزخارف اللي في الأثاث .. والله ياجانيت انا في شوف واحد غبار .. شفتي شلون واحد غبار في الغرفه .. لااسفرك مو الفلبين ... اسفرك ورى الشمس ..
خاافت جانيت لأنها عارفه هاجر نذله عليهم وخاصه اذا غازلوا زوجها ..
راحت بسرعه مع الشغاله الثانيه ...
وتخصرت هاجر وهي واقفه محلها : بنت اللذين كفروا .. والله لاأربيها ...
طبعا ً اسـامه شاف الموقف كله ...
وكان نفسه يفطس من الضحك عليها ... بس خاف تنتبه له ...
اشتـاق لكل شي فيها اسلوبها .. لسانتها ... كل شي ...
دخل بدون مـاتحس فيه ...
ودخل يدينه من بين ذراعينها ... طبعا ً من وراها .. وضمها ..
ودفن راسه في رقبتها .. وبهمس دافي : اشتقت لك ..
توسعت عيون هاجر على الآخر ... وهي تحس بحرارة صدره على ظهرها .. وبـأنفاسه على رقبتها ..
ريحة عطره بعثرها ... وعدلت مودها ..
تصلبت يدينها ورجولها ...
تبي تقاومه ..
لاتضعفين ياغبيه ...
خلك قووويه .. مالت عليك .. تونا في بداية الحرب ..
ماهي عارفه تنطق ... او .. تبعد ...!
محتاجه لحضنه ..
مشتـاقه له موت ..
حسها ترجف بين ايدينه ..
بصوت يالله طلع منها : اسامه .. اتركني ...
اسامه بترجي : هاجر .. دخيلك .. محتااااااجك ..!
هاجر باصرار : بعد .. عني ...
اسـامه : انـا مرخي يديني .. ابعدي عن حضني .. وماراح امسكك ...
هاجر حست نفسها اضعف وحده بالدنيـا .. ويدين اسـامه مرتخيه ... لكن عاز عليها حضنه ... موقادره تبعد عنه ...
غمضت عيونها تبي تستجمع قوتها ...
ياغبيه تزوج عليك ... تزوج عليك .. ماوفى بوعده ..
تكرر الكلام هذا في نفسها ..
وشووي شوي قدرت تنزع نفسها من حضنه ..
وظلت موقفه ومعطته ظهرها ... وتحاول تمسح الدموع اللي ملت عيونها ...
جا وقف قدامها ...
ورفع راسها بصبعه من ذقنها ... وطالع عيونها : هجور ماراح اغصبك على شي ... بس ابيك تعرفين شي واحد .. انتي هنـا ...
واشر على قلبه ..
وكمل : ومستحيل احد يحل محلك ...
ومشى الصاله .. وبعدين طلع الحديقه ... وجلس على عتبة الباب ..
هاجر فكرته في الصاله عشان كذا طلعت من باب المطبخ على الحديقه ...
وتمشت شوي وشافته ...
كان جالس على العتب .. ومبين الهم والضيق عليه ...
ياقلبي .. يـاحياتي .. ليتني اقدر اسامحك ..
شافته يطلع بكت الزقاير .. ويسحب زقاره منه .. وقبل مايشغلها ..
حس فيها تسحبها من يده .. وسمع صوتها :
انا ماراح اقدر اسامحك .. صح .. بس مستحيل ارضى تدمر صحتك ...
رفع عيونه وناظرها ...
وهي ترمي الزقاره بعيد ...
والتفتت بتمشي ... مسك يدها : هجوور فراقك صعب ..
هاجر بصوت مخنوق : مافي شي اصعب علي من فراقك ..
اسامه : طيب سامحيني .. تكفين هجور ...
هاجر : ان قلت سامحتك اللحين .. بيقولها لساني مو قلبي ..
اسامه : والله .. انا عند وعدي ومالمست الهنوف وماقربت منها ..
هاجر :اسامه اللي ماسويته اللحين بيجيك يوم وبتسويه .. وبعدين انا خلاص ماعاد يعني لي شي .. سووو الي تبييي ..
اسامه : هاجر الله يخليك . .. انا اتعذب ... واللهي حرام اللي تسوينه فيني ..
هاجر غمضت عيونها بـألم : اسامه اتركني في حالي ... الله يرضى عليك .. وقسسسم بالله قلبي يحترق ... ومو قادره اطفي النار اللي بقلبي ..
اسـامه : طيب الى متى بنظل كذا ...
هاجر : الى ان ياخذ ربي امانته وامووت ... صدقني حاسه بجفا مو طبيعي عليك ..
اسامه : حرام عليك هاجر ..... هاجر انتي الى الآن تحبيني صح ..؟
هاجر : ..............>> ســــاكته ..
اسامه : جاوبيني .. هجور دخيلك .. انتي الى الآن تحبيني ..
هاجر : كل اللي اعرفه اني مابيك .. مابيك ...وخلني في حااالي ...
وركضت ودخلت داخل ...
جثى اسـامه على العشب .. وهو متحطم ...
ويرثي لحااااله ..

* * *

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 25-11-2018, 12:12 AM
EMAN.Y EMAN.Y غير متصل
©؛°¨غرامي مشارك¨°؛©
 
الافتراضي رد: بعد غياب ثمان سنوات " رواية لا تحسب الي جرالي بالهوى كسره "تعود من جديد


البارت الثالث عشر
طبعاً جا وقت العشا...
وكل البيت منبسطين بوجود هاجر..
حتى عيال غاده البزارين مبسوطين عليها..
وعمها ومرت عمها...
طبعاً جلسو على السفره ..وهاجر بينت نفسها طبيعيه ولاكن شي صار..
أم اسامه:وين اسامه الله يهديه بيبرد الاكل..
غاده:هو طلع يدخن من شوي..
أم اسامه:كنا في غيث وصار بعد اسامه..الله يشفيهم ياربي..
دخل اسامه وجلس على الطاوله..
وكان يتحاشى يطالع هاجر..ونفس الشي هاجر ماتطالعه..
وماحد انتبه..بستثناءه هو..
انها مابدت تاكل الا يوم جلس كاعادتها..
كانت مو مشتهيه..بس جاملت عشان ام اسامه..لانها مسويه عريسه عشانها..
ملاك جالسه بعيد على الكنبه..
ناداها ابوها:
وانتي ورا ماتاكلين.
ملاك:لايبه انا مااحب هالشغلات..موصيه لي على وجبه من كودو..
ابو اسامه:الله يوفي ناقصك يابنتي...
هاجر:الحمدلله..
ام اسامه:وراك يمه هاجر ماكلتي..
هاجر:لاوالله شبعت امي..يعطيك العافيه على ذا الطبخه الزينه..
ابو اسامه:يابنتي لاتجاملين ..اذا مااعجبك الاكل ..خل تطلبلك هالخبله معها..
هاجر:لايبه والله زين..بس انا شبعت حدي..
اسامه كان رافع عيونه..وفي خاطره..كذااابه..وطالع جسمها وفي داخله:ضعفت بنت اللذين وبتخرب جسمها..
راحت هاجر..
واسامه كان يفكر..
انا متأكد انها تكذب علي...هي تكابر..اقسم بالله تكابر
هي الى الآن تحبني ..بس مو قادره تسامحني..بس انا لازم اتصرف معها طبيعي..
بعد العشا..
هاجر رقت فوق تشيك على الجناح اللي قالت للشغالات ينظفونه..
وطبعاً هذا الجناح لهاجر واسامه..
لانهم اول ماتزوجوا كان ماجهز بيتهم فكانوا ساكنين فيذا..
واحبان ينامون فيه..في بعض الحالات..
فاكانوا مجتمعين في الصاله..
البنات واسامه وامهم وابوهم..
ابو اسامه:اقول اسامه..ورى ماجبت الهنوف معك مخليها لحالها..
ام اسامه:
وش يجيبها معه ..اصلاً حنا ماتقبلنا فكرة وجودها..كيف تجيبها معنا..
ملاك:لايبه..بليز..لاتجينا ولانروح لها..والله احس اني مو طايقتها مع اني ماشفتها..
ابو اسامه عصب:
صدق انكم ماتستحون..هاذي بنت مسلط يامال اللي ماني بقايل..
غاده:
وإذا يبه..اصلاً تخيلها جات اليوم وش موقف هاجر..
شيما:يبه صحيح..جيتها صعبه للبيت ومافي احد متقبل وجودها..
ابو اسامه عصب حده:
حتى انتي ياشيما صار تفكيرك مثلهم وانت ياأسامه ماتدافع عن زوجتك..
اسامه:
يبه انت سمعت راي البنات وش هولا اجيب بنت الناس للناس مايبونها..
ابو اسامه:
البنت هاذي بنت مسلط..وغلاتها من غلاة ابوها..ومثل ماانتو بناتي هي بنتي..
ملاك:
بس يبه حتى لوجات..لااحد يلزمنا كيف نعاملها اوكي..
ابو اسامه:
اسمع اسامه الاسبوع الجاي ملكة اخوك بيت ابوك احمد..تجيبها معك والله يرضى عليك عاملها عدل..ترى هي بنت ناس ومدللـه عند ابوها..
اسامه:
خلاص يبه ..لاتفرض علي تصرفاتي..انت بس ريح حالك..ولاتشغل بالك..
جاات هاجر..
وابتسم اسامه في نفسه..يالبى هازوول والله..
وفاجأها بحركه..ضرب ظهر ملاك اللي جالسه جنبه وهو يقول:
فزي..طسي هناك..خلي بعد عمري تجي تجلس جنبي..
هاجر انصدمت واحقدت عليه..عرف انها مبينه للناس ان امورهم عاديه..ويصطاد في الماء العكر..
جات وجلست جنبه..
ايتسم ابو اسامه:
يازينكم والله..
اسامه ابتسم بشكل استفزها وحوط كتفها بذراعه..
أي والله يازينا يبه..ماودك تصورنا وتحطنا في فريم في مكتبك..ترى جد نجلب التفائل..
غاده:أي تفائل انت بعد..روحو سوو لأنفسكم تحاليل..اكيد عندكم نقص في الهيموقلوبين..اثنينكم صفر وتلوعون الكبد..
هاجر بنص عيون:
لاياشيخه مو نقض الهيمو قلوبين ولا شي ..بس من ناحيتي انا صرت مصاصة دماء فهذا لونهم تفكيرات ساديه صراحه..وخافي على نفسك لاأجي اعضتس..واشفط دمك..
غاده:بسم الله..الله لايبلانا..
اسامه همس لها:
ماودك تعضيني انا..
دقته بكوعها وزين ماحفرت جنبه..
اسامه:آآآآي..
شيما:وراك اسامه..
اسامه:لا..بس الظاهر نمله عضتني..
صوت جوال غاده..افتحته وردت:
خلاص دقايق ونطلع..وقفلت..
هاجر:وين غدوو توها احد عش ونص ...
غاده:
لاخلاص جا ابونا..مره ثانهي ان شاء الله ..اهم شي ماتقاطعين..
هاجر قامت بتسلم عليها:ان شاء الله ياقلبي..
وسلمت غاده عليهم كلهم..ومشت
ام اسامه وابو اسامه..صعدو ينامون
ملاك جالسه تتابع فلم هندي..
اسامه:يعع..ابو الكذب..ملاك من صزك منسجمه معهم..
ملاك:
والله انهم وش حلاتهم..احسن من عيشتنا اللي تغث..ليت يسووني ممثله هنديه..
هاجر:
خير ياملاك كابور..
ملاك:والله وناسه واتردح واترقص على هالشلالات..ويشيلني هالاطخم..
هاجر:هذا الاغاني حقت الفلم وبدايته..وبعدين ينقلب صياح ونياح..وابو البطله مايرضى تتزوج البطل..ويلاحقونه عشان يقتلونه..لانه فقير ومعدوم الحال..
ملاك حزنت:شفتي والله اصلح في هالادوار..
اسامه:
ملاك اهجدي بس..
جات شيما وهي تقفل جوالها..
هاجر:وين رحت يانتي..
شيما:مكلمتني عهود..تقول امكن يجينا تعيين على نهاية شهر خمسة..
هاجر:
اووه..اوه..ماأقدر على الدكتوره اللي تخرجت بتفوق..
شيما ابتسمة بحيا:
يووه..ترى استحي..
هاجر تدق من جوالها على رام..وهو مايرد..
دقت ودقت ولايرد..
شيما:وراك انتي وجوالك..
هاجر:الزفت رام ادق عليه مايرد ابي امشي الوقت تأخر..
أسامه في داخل نفسه يبتسم...
لان هو اللي قايل لرام مايرد..واذا رد بيسفره..ههههههههههه
شيما:يمكن رآحت عليه نومه ولاشي..طيب هذا اسامه هنا يوصلك..ولانامس عندنا ..دام جناحك منظف بعد...
هاجر مصره..وتدق على جوال السايق:
لاشكراً مانبي نزعج العريس..يقوم يروح لزوجته مخليها لحالها من متى..
وماقدر انام هنا..من زمان مانمت في جناحي واستوحش..
اسامه عارف انها ماتقدر تنام في الجناح هذا بدونه..
شيما:تعالي نامي معي طيب..
هاجر:لاصدقيني ماقدر لازم ارجع شيوم..
هاجر بدت تعصب رام الزفت مايرد..
وابوها من امس في الشرقيه عنده شغل..وضاري فر عرس صديقه مع غيث..طالعت الساعه..وحده..
اكيد خلص عرسهم..
دقة على ضاري..وقامت الغرفه الثانيه..
رد عليها بصوت عالي:
هلا هجــــور
سمعت هاجر الفوضى والطقطقه:
ضاري وينك ماخلصت من هالعرس..
ضاري:
لاوالله فالينها في السامري..غيث هذا هو يرقص..شوي ويستنزل..
هاجر ضحكت:
حرام عليك لاتفاول عليه..
ضاري:
وش فيك..وش بغيتي..؟!
ابيك تجيني بيت ابوي حمدان..تأخرت..
ضاري:وين سواقتس الحلو..
هاجر:ماأدري عنه الحمار..ادق عليهمايرد..
ضاري:والله اقولك هجور..فالينها مع الربع..إذا بتنتظريني لمين ثلاث ثلاث ونص..زين..ولا نامي بيت عمي..
هاجر تنرفزت:
خلاص ضروي..شكراً..لاتعطيني نصايح..
وسكرت..
وحست انها بتصيح ..ليه ياربي يصير فيني كذا..
ماتخيلت يجي الليوم اللي يمي اسامه واحتاج لأحد..
حست ان عورها قلبها..
وضاق بها المكان..
راحت تركض وصعدت الدرج..
وراحت لجناحها..وسكرت الباب..
اسامه والبنات شافوها..
شيما:ياربي وش فيها هجور..
ملاك:بقوم اشوفها..
اسامه قام:
لاخلك..انا بروح لها..
صعد اسامه فوق..وفتح غرفتهم ودخل..كانت هاجر منبطحه على بطنها على السرير..ومخبيه وجها وتبكي..
بصوت يقطع القلب..
جا جلس جنبها على السرير..
ولمس ظهرها بحنيه:فديتك خلاص بسك بكي..عشان خاطري..
هاجر ماعادت تستحمل..رفعت نفسها..ورمت نفسها في حضنه..وبكت:
اسامه ليش خذوك مني..حرام اللي يصير فيني..وربي حرام..
اسامه ضمها بحنان الدنيا وشوق الكون كله:
ماااحد ياخذني منك..انتي حياتي كلها..انتي روحي..ومن غير روحي ماقدر اعيش..
اسامه:
ليه وافقت ..انا ماأقدر أسامحك..
واللهي مو قادره..
اسامه:انا حبيبك..بتقدرين تسامحيني..
هاجر:
كيف اسامحك..وتزوجت علي..مأأتخيل ان في وحده مشاركتني فيك..
اسامه:
انا مالمستها...
هاجر:بس هي زوجتك..مثل ماانا زوجتك..هي حلالك..مثل مانا حلالك..انت مسؤول عنها..مثل ماانت مسؤول عني..اسامه لاتحاول..مو قادره اقتنع..
اسامه يلعب بشعرها:
طيب هدي حالك اللحين..وروقي..وقولي لي ليش انفجرتي اللحينوقمتي تبكين..
هاجر:لاني ماعدت اتحمل ..انت موجود واروح ادور حد يوديني بيتنا..واللهي انقهرت..
ابتسم:طيب ليه تكابرين..خليني اوصلك..اذا تبين اركبي ورى واعتبريني رام..
وخرت عنه ..وبعناد:لا..مابي..
اسامه:لاتصيرين نحيسه..ولا نامي هنا..
هاجر تمسح دموعها:
بنتظر ضاري..
اسامه:الله..اجل بيجي الصبح وهو مــــاجى..
هاجر:بخلي سواقكم يوصلني..
اسامه:لا..انا قايل لك..مع غير رام ماتركبين..
بعدين ابتسم:طيب دام الوقت تآخر ناميي هنا وخليني انام معك..ونستعيد ايام العرس..
هاجر:
نعم..نعم..نعم..اقول احلم على قدك..وقم وصلني بيتنا..خلاص ماعاد ابي انتظر ضاري..ولاراح انام هنا..
ضحك اسامه:
هاجر ترى صدقيني ماراح نقدر نصبر عن بعض..لاتكابرين واجد..
بدت تلبس عبايتها وااسمه يطالعها وهي تطلع شعرها من تحت العبايه..
اسامه:
هجور..تراك ضعفتي..شوفي لك حل..
هاجر تتمسخر:
ليش تبيني اسوي سيلكون ولااحقن بوتكس..
اسامه:يع صايره غثييه..وردودك زي وجهك..
اللتقتت هاجر وبدلع:
دامها زي وجهي ..اكيد حلووه..
اسامه يبي يجننها:
ياااشين الثقه..
هاجر عصبت وجات وقفت في وجهه:
خير عندك راي ثاني..ولابنت ابليس احلى مني..
اسامه يبي يقهرها:
والله مااقدر احكم..إذا شفتيها انتي حكمي..
هاجر:مالت عليها..قم وصلني ورح لها اشبع فيها..
اسامه قام وراح ناحية الباب:
قلنا نبي نشبع منك ماتبينا..اروح البيت اصرف لي..
جات ضربته على ظهره:
وجع..تبيني اروح البيت عشان بنت اللذين..
اسامه بنص عيون:
انتي قلتي لي روح اشبع فيها...
هاجر:ايه روح اشبع فيها ماهميتني ...
وطلعوا من الغرفه..
ونزلو الدرج...
شيما جالسه عند اللاب توب..
وملاك منبطحه على الكنب وتتابع فلم..
شافوهم..
شيما:وين بتمشين هاجر..
هاجر:ايه..بيوصلني اسامه..
ملاك:ياالبايخه..طيب نامي هنا..
هاجر:لا عذروني ماقدر الليوم..
يلا اشوفكم على خير..
وسلمت عليهم..
وطلعت مع اسامه..
فتح لها اسامه باب السياره القدامي:
تفضلي فديتك..
هاجر باللعانه:ماكنك قلت بتعتبر نفسك رام..واركب ورى..
عصب ااسمه ..وسكر بقوه:
كيفك..اركبي ان شاء الله في الشنطه..
وراح ركب..
هاجر حست انها زودتها..
راحت افتحت الباب اللي جنبه ,,واركبت..
حرك السياره..وهو يقول:
كان ركبتي ورى يامدام هاجر..
حست انها بتضحك....
بعديت تسندت وظلت تطالع من النافذه..
بروح بيت ابوي ..واسامه بيتنا..
يــادنيتي وش سويتــي فيني..
ياقلبي ليــه مو راضي تسامح..
طالعت اسامه على جنب..ياربي والله احبك يالمزيون..واشتقت لك..بس كرامتي ماتسمح لي ارجع لك...
ولع اسامه زقاره..بعدين حب يكسر الهدوء تكلم:
هاا هجور..تعزمين تجين بيتنا..
هاجر:لاياشيخ..ودني بيتنا..مالي خلق لالك ولا لبيتك..
اسامه:ياشين اللي يكابرون..
هاجر:وياشين اللي يتميلحون..
اسامه:طيب متى ناويه تجين ياعمتنا الفاضله..
هاجر:والله متى ماجى في بالي وطقت في مزاجي..بجي
اسامه:
طيب ياام حمدان متى هالمزاج بيحن علينا..
هاجر:
لاتقول لي ام حمدان..جات اللي تجيب لك حمدان..انا إذا تزوجت عليك مستقبلاً بجيب فهد..سمني ام فهد..
اسامه عصب عليها:
شفتي اذا ترملتي روحي ..تزوجي زين..
هاجر وجعها قلبها:لاأن شاء الله ماأترمل..اسامه وش فيك تقول هالكلام..
اسامه:
انتي بتجيبين لي اجلي بتصرفاتك..
هاجر:
يووه انا وش قلت..
اسامه:
اذا يرضيك اجيب حمدان من الهنوف..بيضري تجيبين فهد من أي زفت غيري..
هاجر:شفت انت عصبت من الطاري بس..كيف انا..
اسامه:واللهي تتكلمين..ماكنك عارفه الموقف اللي انحطيت فيه..وماكنك عارفه السالفه كلها...
هاجر حست ان سكرت الدنيا فيها على الآخير وصلت بيت ابوها..
وانزلت:يلا مع السلامه..
اسامه:انتبهي لنفسك هجور..عشان خاطري..واكلي زين..
هاجر:يصير خير..
وسكرت باب السياره..
ودخلت البيت..
وتنهد اسامه:حافظك ربي ..يابعد عمري..
* * * *
في بيت بو اسامه وبالليل..
ملاك في غرفتها..جالسه على سريرها وطاشه رسايل مايف على السرير..وجالس تقرأ فيهم..وتبكي...
كلام حب وغارم..واشعار..
ملاك:
واللهي ماأقدر أنساك ياالحب ..الله يحفظك ..انبطحت وحاولت تنام لكنها مو قادره..
وكعادتها كل ليله قضتها بكي ونواح...
* * * *
شيما كانت تحوس في النت..
وفتحت المنتدى..ويادوبك سجلت دخول..
الا نطت لها رساله خاصه..
من عشقتك:مكتوب فيها كلمتين..
ااتصدقين حبيتك!!
وانصدمت..
وتوسعت عيونها ..وبصوت عالي خافت احد يسمعه:
خييييييييييييييييييييييييييييييييير
* *
في الليوم اللي بعده
وفي الخبر على الواجهه البحريه..
كان عناد جالس مع فاتن اخته:
هــا فاتن..تشوفك مبسوطه ان حنا بنروح الرياض يوم الخميس..
فاتن :أي دانه بتملك..والله وناسه..
عناد:طيب بس هذا اللي باسطك..يعني الملكه..
فاتن: تفكر:لامو بس الملكه..بس بشوف البنات وربي وناسه مع هجور وخوله وملاك..وحتى شيوم عسل
عناد يتبيله:ملاك بنت خالي حمدان صح..
فاتن تضحك:أي..وش فيك عناد خرفت..ماتذكرها وهي صغيره البنت الدلوعه..اللي كنت تسميها ام حزن..
عناد تذكر وضحك:أي يابنتي هي كانت دوم كئيبه وشايله الدنيا فوق راسها...
فاتن:تصدق حتى يوم رحنا ذا المره حسيتها كئيبه ..عكس المرات الماضيه اللي نروح فيها تكون مفرفشه وفالتها..
عناد:
ليه وش فيها..؟!
فاتن:ماأدري عنها ..يمكن خالي حمدان مزعلها ولاشي..انا اذكر وهي صغيره من يقول لها كلمه ولا يزعلها في شي..تكتئب شهر..
عناد:ايه ..الله يصلحها..
فاتن:عناد قوم نروح المارينا عشان اخذ لي فستان للخطوبه..طلعت صلاة العصر..اكيد فتحت المحلات..
عناد:ابشري ياقلبي..كم فاتن عندي...
وراحت ركبت معه السياره...
وعناد يفكر في ملاك..وش اللي فيها البنت..
ياربي متى تخلص ملكة غيث ..عشان اروح اخطب ملاك..
والله مو قادر اشيلها من بالي..
تكلمت فاتن وهم في السياره:
بس تصدق انا اتوقع ملاك دلوعه لانها مغتره في حالها ...حلووه مره .وآخر العنقود..
عناد ابتسم:
يعني ملاك حلوووه؟؟!
فاتن:تجنن..ماشاء الله وستايلها عجبني بالحيل..
دق جوال فاتن افتحته:
هلا مرام..
عناد كشر..اووف..
فاتن:لاوالله مو في البيت ..ايه طالعه مع عناد..
فاتن بستغراب:نمرك..؟!
عناد يأشر لها بصبعه:لا..لا..
فاتن:لاوالله بعيد مو بالخبر ..يعني حنا بالدمام اللحين..
فاتن:خلاص فرصه ثانيه..
وقفلت..
فاتن:وش فيك عناد..
عناد يأشر على حلقه:والله بنت عمك ذي ماتمر من هنا..
فاتن:مسكينه ..والله تحبك..
عناد:لاتحبني ولااحبها..
واللهي ماتعجبني بالمره..
فاتن:هي اووب شينه..والله مملوحه..
عناد:لامو قصدي ..بالعكس ادري مملوحه..بس ماتعجبني تصرفاتها ولاأسلوبها..
فاتن:يوم درت اني طالعه معك..قالت اكيد بتروحون السوق ..مروني خلني اتسوق معكم...
عناد:شفتي..اكره ماعندي قطة الوجه واتلصق..
فاتن:على راحتك فديتك...




* * * *



دانه مع هاجر بالسياره...
دانه بتعب:والله تعبت هويجر من السوق رجولي طاحت..خلاص خلنا ناخذ أي شي ونمشي..
هاجر:لاياشيخه..اي شي في عينك..لازم تطلعين تووب في الخطوبه..
وقفه مالسايق عند موول كبير..
ودانه متذمره:



أي توب أي بطيخ ..عدال ولد عمتس يبيني ..عشان اكشخ له..خليه ينقلع بس..



هاجر نزلت من السياره:



اقول اقصري الهرج وانزلي..تراك نفختي راسي من كثر البربره..



دخلوا المول..



وعلى طول على محل فساتين سهره..



هاجر:ان شاء الله بنلقى لك فيذا المحل..



واللي حلوو فيه تصاميم نادره ..ومايكرر الفساتين..



دانه:طيب كررها ..ماكررها..خلينا نشتري والله تعبت من كثر الحوسه..



هاجر:اصلاً لو في مجال صممت لك فستان عند مصمم..بس المصيبه مابقى الاخمس ايام على الملكه..



دخلوا المحل..



دانه وهاجر يدورون في الفساتين...



دانه بتذمر:هاجر والله كلهم مشخلعين..



هاجر:يعني انتي ماتلبسين كذا..



دانه:الا..بس انا بطلع يم رجال..والله عيب..



هاجر:تلايطي ..شوفي هذا حلوو..



دانه مصدومه:



هي انتي استزنيتي..ألبس ذا يم غيث..يمه..والله اخاف..



هاجر عصبت عليها:



دوينه وش رايتس تلبسين بلوزه هاي نك واكمام ..وتنوره تخب منك شبر ..ولبسي بعد شربات وقفزات..



دانه:يمه..وش فيتس عصبتي..ماقلت شي انا..



هاجر:أي ماقلتي شي..ياخي هذا في الخطوبه جننتيني كذا..الله يستر علي..وش بتسوين فيني في مقاضي عرسك...



دانه:يووه هاجر تكفين لاتعصبين علي..خلاص اشتري أي فستان وانا بلبسه حتى لوانه خالع..بس لاتصرخين علي..انا بسكت واذا جا وقت المقاسات قولي لي..



هاجر:أي احسن يازينتس ساكته..



واختارت لها هاجر فستان مرره روعه وراقي ..حق مصمم فرنسي معروف..



له ذيل..وقماشه وردي وفيه فتحه طويله على جنب ..والجيب واسع وهو خيوط..



هاجر:وش رايك ياالعروس ..مديله روعه..



دانه توسعت عيونها..:هاجر..شوفي الفتحه اللي على جنب ساقي كله يطل..



هاجر معصبهه:



دانه خلاص ..كفايه..كل ماطلعت لك فستان طلعتي فيه عيب..روحي لأاي خياط غي أي حاره وخليه يسوي لك فستان..



دانه:اوهوو لاتطنزين علي..



هاجر حطت الفستان مكانه..:



شوفي انا بجلس ومتى ماحضرتك لقيتي فستان اشتريه وخلينا نمشي..



دانه تبي تكسر خاطرها:



حرام عليتس هجور..انا من لي غيرتس..



هاجر:لاتتمسكنين علي..تبين رايي وذوقي..انا عجبني هذا..وانتهينا..



وشالته هاجر ورآحو عند المحاسبه..وضبطه لهم في كيس خاص..وهو يسكر سحاب الكيس..دانه لهاجر:



يعني تهقين مانحوس بعد..يمكن نلقى..



هاجر:



اكلــي تراب



دانه:ان شاء الله..



وخلصوا من المحل وطلعوا..



دانه:اللحين باقي ناخذ له مجوهرات ..



هاجر:



نسيتي الشبكه مع وجهتس...



وكانت هاجر داقه على رام ..وجاهم عن البوابه وعطته الفستان وحرصته عليه يوديه في السياره...



وقالت لدانه:



تعالي ناخذ لك صدنل..



دانه:أي اهم شي ابيه اطول كعب في المحل..



هاجر:ليه ناويه تصفعين على وجهتس في الحفله..



دانه:لا..بس ولد عمتس ذا الطويل مابيه يغتر علي بطوله..



ضحكت هاجر:ليه شايفه عمرك قزمه..



دانه:



لااصلاً طولي حلو..بس هو اللي طوله ماأدري وش يبي..



هاجر:



بالعكس الطول حلو..وخاصه إذا صار رجلتس اطول منتس..شوفين مع اسامه..شعور حلو..وانا واقفه يمه وهو اطول مني..اصلاً حتى لو ضمك..تصيرين في مستوى صدره..و...



دانه تنرفزت:بس...خلاص...لاتتمادين يالخالعه..تكلمنا عن الطول ودخلت في ذا السوالف الخايسه ..



هاجر تضحك عليها:مالت عليك..ابي اعرف انتي شلون بتعرسين..



وصلو محل الأحذيه ودخلو فيه...



* * *



شيما كانت في غرفة غيث..



وفاتحه اللاب توب..واتفرج غيث على صور..



لناجيق المهور..



شيما:غيث شوف هذا حلو..



طالع الفوس مصررين بشرايط ..وكيف مصفوفين..



غيث:



شيما واللهي ماصارت..خلاص انا بعطيهم المهر في شيك وبس...



شيما:لاوالله مو حلو..مهر شيك..
غيث:طيب اصرفهم واعطيها اياه في ظرف في شنطه ..حشى مهر بنت عمك وش كثره..تبين اسوي مصرر..والله مايسوى على اللي بيلفه..
شيما:طيب انا عندي فكره..سو جزء منه في حركه..والباقي عادي في شيك ها..وشرايك...
غيث :اووب شينه:
بعدين قال:شيما خلاص..والله لاعت كبدي..اختاروا اللي تبون ..شوفي ملاك وغاده يساعدونك..امي جايتني تبيني اختار الشبكه..وانتي صندوق المهر..وذيك..كيف البسها الشبكه..ترى والله مالي مزآج لكل ذا الشغلات...
شيما:
طيب انت كلامك شبيت علينا..
غيث:
طفشت ..اللي يشوفكم انا ميت على ذا الزواجه والا راضي عنها..
شيما:
خلاص حبيبي خلك ريلاكس ولاتعصب..انا بخليك وخلا انت حَُر سو اللي تبي..
وخذت لاب توبها وطلعت..
فتح غيث بكت الدخان لقاه فاضي..راح فتح الدرج يبي ياخذ منه بكت جديد..وطاحت علينه..
على العقد اللي عطته اياه دانه..
كان ماشال الفلوس منها..
وكان الورد جف..وبعضه تكسر..طالعه فتره بعدين شاله..
وابتسم:
بس ..لقيتها....!!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 25-11-2018, 12:32 AM
EMAN.Y EMAN.Y غير متصل
©؛°¨غرامي مشارك¨°؛©
 
الافتراضي رد: رواية لا تحسب الي جرالي بالهوى كسره /بقلمي


* * *
اسامه دخل بيته..
وراح جلس في الصاله,,ورن جواله ورد..
كان عمه فهد..ويتكلم معه ,,عن امور تخص الشركه..
نزلت الهنوف..
وطالعها اسامه..من عرفها..جوم محتشمه..ولامره لاحظ عليها لبس قصير..او مشخلع..
استمر يكلم عمه..
ايه هو امس سامي استقبلهم في المينا بالشرقيه....والله على كلامه كل شي مضبوط..ومحمد اكد لي الشي هذا...
وسكت بعدين تكلم:
ايووه..هو يادوبك وصلت انت هنا اتصل علي سامي وقال لي..حلو...طيب اوكي...انا اخليك.. سلم لي على الحووب..
ابتسم اسامه وبعدين قفل..
وطالع الهنوف اللي كانت منزله راسها وباين انها مهمومه...
اسامه:هنوفه...وراك..
الهنوف:مافيني شي اسامه...
اسامه جا جلس حنبها:
الله تخبين علي ..مو اتفقنا نصير مثل الاصدقاء ونفضفض لبعض.. الهنوف رفعت راسها ورمته على ظهر الكنبه:
احس اني تعبت..حاسه بقهر..
اسامه:وش قاهرك...علمينـــي..
امتلت عيونها دموع:
اسامه انا مو غبيه..انت تتعذب..وتجاملني..قلبك الكبير حرام ينجرح بسببي..
تكفى اسامه..مو تقول انا زي اختك..طلقني وارضي زوجتك..
أسامه بإصرار:
الهنوف ..وش تبين يقولون عليك تونا ماكملنا اسبوع من تزوجنا..
الهنوف تبكي:
ماراح يقولوا شي ..الكل عارف مين انا ومن بنته..اسامه هاجر مالها ذنب تتعذب..
اسامه:
الهنوف خلاص..انا اعرف كيف اتصرف..
بعدين ابتسم:
وعلى فكره يوم الخميس ملكه اخوي غيث على بنت عمي دانه..لازم تروحين..
توسعت عيون الهنوف:
نعم..اروح..وين اروح...؟!
اسامه:
بيت ابوي احمد ..في الحفله..
الهنوف:
لالا مابووه حاجه عشان اروح..انا عارفه الكل رافضني ليه اروح..
اسامه:وانتي وش يدريك انهم رافضينك..
الهنوف:لو في احد متقبل فكرة زواجي منك ان كان حد زارني ..بس لا..تكفى اسامه لاتحطني في مواقف انا في غنى عنها..
اسامه:
الهنوف صدقيني بيحبونك..واللهي انتي تنحبين ..وصدقيني لو انا قلبي فاضي كان حبيتك..بس قلبي مليـــان بهاجر وهذا اللي منعني..
ابتسمت:
الله يحفظكم ويخليكم لبعض..
اسامه:
الموهم إذا ماتبيني ازعل منك تروحين.. وإذا تبين اوديك السوق تشترين شي للحفله قول لي ..
الهنوف:
لا...الحمدلله..فساتين رواجي كلها موجوده..
اسامه:خلاص اجل..اتفقنا..
ابتسمت الهنوف:ان شاء الله
*************



وفي بيت الجد بو حمدان..
كانت هاجر جالسه..وتدق في جوالها وكل شوي سوت مكالمه وسكرت..
جات دانه..وهي لابسه صندل سناره وردي مررره انيق..
وتمشي فيه بشكل راكز..
دانه وهي كنها تعرض ازياء:
ها..هجور..طولني..
هاجر وهي تدق رقم:أي وياخوفتي تصيرين اطول من غيث...
دانه تطالع الصندل:
لامو لذي الدرجه شايفتني صاعده على مسرح..
هاجر:انا ماشفت وحده تبالغ مثلك..
دانه تمشي في الصاله:
الخوف اني اجي على وجهي..بسوي بروفا على الدرج..
هاحر:قعدي بس لاتطيحين تنكسرين وتعفسين الدنيا..
دانه:شوفي هجور..اهم شي منعو جوالات الكاميرا..
هاجر:ترى مارراح يجي احد غريب..بس الاهل..
دانه:ادري ومايجيك البلى الا من الاهل ..بكره ادبج ويصوروني ويحطوني في اليوتيوب ..واصير مضحكة اللي يسوى واللي مايسوى..
هاجر:وربي خيالك وآسع...
ولقط الخط مع هاجر..واشرت لدانه انها تسكت..
هاجر:هلا (ام سيف) اخبارك اختي...اي بغيت اسئلك يوم الاربعاء عندك حجز..
وابتسمت:طيب حلو..اي ابيك تجين البيت..بس ثنتين بيتحنون وكله حنى ناعم..
توسعت عيون دانه وقامت:اييييييييييش
حطت هاجر سبابتها على انفها يعني...((اوص))..
دانه:هي انتي؟!
هاجر عطت الحنايه العنوان وسكرت...
دانه:
هاجر وش فيتس انتي..وشوهولا تدقين على الحنايه من غير تقولين لي..
هاجر:
وليه اقولك..الحنى حلو في الخطوبه..وخاصه اني بسوي لك ناعم..
دانه:يع وربي اكره الحنا ..ولا احبه والله قرف..وخاصه لو قام يطير تصير يدك كنها محترقه..
هاجر:ياصبر ايوب على بلواه..يابنت انا بسوي لك ناعم إماراتي يعني بس السبابه ويطلع الحنا شوي على كفك..وماراح احط في اظافرك بس في الجنوب..
دانه:لا..لا..مابي..ارجوك هاجر الا الحنا..
هاجر:الله في سماه ..بتتحنين يادوينه..ورجلتس فوق راستس..
دانه:واللهي مو مقتنعه..
هاجر:والله حنا ام سيف يجنن..شفتي الحنا اللي تحطه الفنانه اريام زي كذا..
دانه:لااريام ولا احلام ولازفت..حنى مابي ..هاجر شوفي لك حل..
جا جدهم على صوتهم..:
وراتس انتي وياها تلعلعون..
دانه:
يبه هويجر نبيني اتحنى بملكتي..
جلس بو حمدان:
ايه وورى ماتتحنين..الله يرحم جدتس وش زين الحنا في يدها..انتي بس حطي الطبوقه في يديتس وماتقومين الصبح الا يدياتس تنور وش زينها..
هاجر ماتت ضحك..
دانه:.وع..اي طبوقه..يبه بغيتك عون صرت فرعون..
هاجر:شوف يبه انا كلمت الحرمه بتجي تحنيها ودانه ماتبي ..وشوف لك حل معها..
بوحمدان:والله يادوينه إذا ماتحنيتي لاتحاتسيني ولا احاتيتس..وحتى حفلتس اوب حاظرها..
توسعت عيون دانه..
وجات حبة راسه ..فديتك يبه انت راس المال خلاص بتحني حتى لو احني وجهي اهم شي ارضاك يابعد تسبدي..
وابتسمت هاجر:فديتك يابو حمدان والله..
* * *
وبالليل في بيت اسامه..رن جواله..
وكان جالس على طاولة الاكل يتعشى..
اسامه:
يووه الجوال يرن..دخيلك الهنوف قومي جيبيه..
قامت الهنوف:من عيوني..
راحت جابت الجوال من على الطاوله...مكتوب ..العم مسلط..يتصل بك..
الهنوف ارتبكت..ياربي وش قد مشتاقه لك يابوي..
جابت الجوال:اسامه هذا بابا يدق..
اسامه ابتسم:طيب ردي عليه..وربي حرام عليك..
الهنوف:لامابي..ود انت..خذ اسامه الجوال ورد:
هلا عمـــــي..
مسلط:حيا الله هالصوت..
اسامه:يحيك..اخبارك وعلومك..
مسلط:طيب يطيب حالك..بشرني عنك وعن القاطعه..
اسامه طالع الهنوف وابتسم:
انا الحمدلله ...والقاطعه تسلم عليك..
مسلط:
واللهي قهر..ربيت ولغيري صفيت..يعني اللحين انا ماتبي تكلمني..
اسامه ضحك:
لو ادري ليه قلت لك ياعمي بس هي تقول حاجه خاصه بينك وبينها..(اسامه مسوي نفسه مايدري وش سبب زعل الهنوف)
مسلط تنهد:
والله قلبي يتقطع على فراقها ..وهي ماتدري عن هوى داري..
اسامه:
لا ياعمي..لاتفهمها غلط..ومايعاتبك الا اللي يحبك..
مسلط:
قول لها ياأسامه ..تعلمتي الجفا..وماعمري علمتك اياه..وسلم لي عليها..وخليها في عيونك..
اسامه: ان شاء الله عمي..
وقفل الجوال..
وقال لهنوف كلام ابوها..
الهنوف:اكتئبت..وحاولت تقاوم لكن عيونها امتلت دموع..
وقامت تنفخ..تحاول ان دموعها ماتنزل..
واسامه يراقبها..
وهي تقول:ياربي ليه يصير فيني كذا..انا ماعمري ضريت احد..وكل اتمنى للناس الخير..
اسامه تردد لكنه مسك يدها:
هنوفه هدي حالك..فديتك..
الهنوف انهدت في الصياح:
انا مو قادره على فراق ابوي وامي..بس ابوي غلط غلطه كبيره في حقي..وماأقدر اسامحه..
اسامه:الهنوف حاولي تنسين اللي صار..وترى كله مقدر ومكتوب..وهذا ابوك يحبك..
الهنوف حطت راسها على الطاوله..
وبكت بصوت عالي..:
اسامه انا اموووت..بس مااحد حاس فيني..وربي اتعذب..ابوي كان اناني ومافكر فيني..
اسامه عرف ان البنت مخبيه الكثير في قلبها..بس ماحب يحرجها ويطلب منها تتكلم..
قام من مكانه ومسح على ظهرها:
هنوف..تكفين هدي حالك..عشان خاطري..
الهنوف ظلت تبكي..
بعدين رفعت راسها ومسحت دموعها:
آسفه اسامه..كل اللي يصير لك بسببي ..وبسبب ابوي..
اسامه يأنبها:لاتقولين كذا..والله ازعل..
الهنوف:خلاص يالغالي لاتزعل ولاتشيل هم.. انا ان شاء الله بصير زينه..
اسامه:طيب كملي عشاك..
الهنوف:لا ماعاد لي نفس..
اسامه:مالك داعي صرآحه..
الهنوف:والله ماعاد اقدر ..انا بصعد فوق..والله احس راسي صدع..
اسامه:اومي ..على راحتك..وانتبهي لنفسك..
هزت رآسها بإيه..وصعدت..
* * *
زياد كان في غرفته...
كان وضعه سيئ..عايش مثل الخيال..
واللهم نحل حاله..
كان متلحف في فرآشه وماسك جواله..
ويكتب الأبيات هاذي..
فرصه سعيده وافترقنا على خير..
كنت اتمنى تكون قسمة حياتي...
هذا نصيبي واللي خبته المقادير..
تبعد وانا ابعد في سكون واسكاتي..
ذكركا هذي وانتهت دون تفسير..
صارت تسمى ماضي ذكرياتي..
فوصه سعيده جمعتنا على خير..
خلك بقايا ساكنه ماضياتي..
وارسلها لجوال الهنوف...
مع انه عارف ماراح ترد..
تنهد بضيق:الله يالهنوف ..من رحتي وانا ارسل ومارديتي ولا على مسج..خافي ربتس فيني..ياشينتس في قطعة عوايدتس..
>>كانو هو والهنوف يرسلون لبعض بحكم مخطوبين لبعض بالكلام..
زياد حس انه يتعذب ..
رمى جواله على الكومدينا..
وماله خلق شي..
طلق العالم كله من يوم زواج الهنوف..رن جواله ..وعرف النغمه..رد:
هلا يبه..
ابوه:وراك ماترد علي..وليه جوالك كله مقفل..
زياد كان مقهور منه:يبه مالي خلق لشي..رحائاً دآق تهزئ سكر..
بو راشد:زياد..لاتجنني انت واخوك ادق عليكم وكل واحد يعطيني حكي لون..يالله عليك وش صاير..
زياد:يبه خليك لاهي في فلوسك احسن لك..ضيعتنا..وشتت لمتنا..كله عشان الطمع...
بو راشد:زياد استجنيت انت..وراك...
زياد انهار وماعاد يقدر يسكت,,بكى وهو يتكلم:
عمي مسلط زوج الهنوف لواحد من الرياض..وراحن معووه من غير حتى حفل زواج..يبه انا بمووووت..واقسم بربي ماعدت عارف كيف اعيش ..هذا اخباري اذا كانت تهمك..
بو راشد ظل مصدوم..ماعرف يرد..
بعدين تكلم:تحتسي صادق..مسلط زوج بنتوه..
زياد:زوجها..زوجها يبه..هنوفه ماعادت لي..احلامي ماتت.. مملكتي اللي بنيتها في احلامي من يون كنت صغير..انهارت قبل اجلس على عرشها.. يبه هدمت احلامي..آآآه يبه ..يالبى قلب عنوده بنتنا اللي كنت اشوفها في احلامي تشبه امها الهنوف..نفس عنونها الكبار..ورموشها الطوال.. ماتت قبل تنولد..
لآني حضنت العنود ولا أمها..طارو في الهوى..وصدق لاقالوا احلام وتبقى احلام...
سلطان ماتكلم..
ظل مصدوم ..على حال ولدووه..وكان خايف يزر عقل زياد ويجن..
تكلم بعدين:يبه زياد هد حالك..وان شاء الله ازوجك اللي احسن منها..
زياد بصرآخ:يبه انت شكلك بعدك ماعرفت ان الهنوف احسن وحده بالكون..ودام راحت مني الهنوف..حياتي كلها وش لي فيها...
بو راشد:اصمل حالك وانا ابوك وخلك رجال..
زياد:يبه..انت خنت عمي..وهو بعذابي يبي ينتقم منك..بس ماحد يعنيني لا انت ولا هو..الهنوف ابيها ولازم ترجع لي..
وسكر الجوال في وجه ابوه...
ونهار لحاله..
ومو عارف يجمع شتات نفسه..
* * *




وقبل موعد الملكه بيومين..


كانت هاجر بيت جدها..


وكانت الفتره هذي تقضيها بيت جدها منها تقضي مع دانه..


ومنها تحاول تسلي نفسها...


لانها من تجلي لحالها..تجيها حالك البكي والنواح..


كانت جالسه في الصاله ولابسه فستان ناعم ومعه ليقنز قصير..


وصايره نعومه وهي قاعد على الارض ماده رجولها ..


وماسكه دفتر..


وتشرب قهوه سوده..


مرت دانه:ها هجور ماخلصتي..


هاجر:كل شوي تذكرت شي..تعالي ذكريني ..وصينا على الحلا والبقلادوه..والموالح..طايب ..وكلمنا ام ثامر..عشان صبابات الشاي والقهوه..واللكوشه و تضبيط الصاله اووكي..


دانه:أي اهم شي الكيكه ابيها عشر طبقات وفوقها بقعد الاب توب حقي...


هاجر:خير..خير..


انه:ياختي ماله حق يفرح معي..


هاجر:طسي انتي ولاب توبك..في نهاية الكيكه بنحط عريش وعروسه..


دانه:وع..من زين المعاريس عاد..


هاجر:انا اخترت الكيكه وانتهى الموضوع...رحت امس مع غيث وسويناها وردي عشان فستانك..


دانه تستهبل:اجل قعدوني انا فوقها والله ماأخربها


هاجر:اقول تقلعي..و1كريني على العشا..ادق على محل الورد..اخليه يدمج مع الورد الوردي ابيض..يطلع احلى..


دانه:هاجر خلاص..وربي حتى لو انه بنعرس جدي الحلو..ماسوينا كذا..كلها غيث المغرور..ودانه الخبله..


هاجر:اقصري الهرج..وقومي سوي لي قهوه فرنسيه..سوت لي الشغاله قهوه تركيه وماضبطتها...


دانه:ان شاء الله عمتي..


وراحت دانه...


شوي الا الباب يطق ..هاجر ماقامت..والشغاله افتحت..


االا بدخلت اسامه..مانتبهت له.. وهي قاعد على الارض..وكل اهتمامها في الدفتر..


ابتسم:ماقدر على الرواقه والله..


رفعت عيونها بدهشه..ولا أرادي ابتسمت..لابس ثوب وحاسر..وفاتح ازرار الثوب من فوق..


ورجعت تطالع الدفتر تضيع السالفه... وعشان مايشوف الشوق بعيونها..


وهي تقول:


حيا الله المعرس..


اسامه جلي على الارض جنبها..:


يحيك يابعد تسبد المعرس..


هاجر:


اخبار حرمتك..


اسامه:تسلم عليك..


هاجر:مالت عليها..مابي منها سلام...


اسامه يبي يضحك:والله حالتك صعبه..تسألين عن اخبارها بعدين تسبينها..


هاجر:كيفي..انا حره..


قرب اسامه منها اكثر..وهي تبعد عنه بعدين مسكها من ذرآعها..وسحبها جنبه:


يابنتي اهجدي..بتخلينا ندخل غرفة ابوي احمد...


هاجر:بعد مابي الصق فيك..ماحب تجيسني..


ااسمه رفع حاجب وبتهديد:


هجور..ترى يقولون العقل صنعه...لاتخليني اتهور..واسوي شي ماتبينه..وهنا في صالة ابوي احمد..


هاجر ارتاعت:


لابليز..اهجد..الله يسكنهم في مساكنهم..


اسامه:


اجل اركدي في مكانك..ووريني انتي وش قاعده تسوين..


هاجر:مالك شغل...


اسامه سحب الدفتر..وقام يقرى:


ياحليلك انتي مجهزة الحفله..


هاجر بالسانه:


ليه مو عاجبتك..


اسامه يطالعها بجرءه:المصيبه انك عاجبتني وهذا بلى ابوك ياعقاب...


هاجر على طول استحت ..من نظراته وخاصه انها بعيده عنه من زمان هو لو سافر كم يوم يبي لها وقت تتعود عليه بعد الرجعه..


عشان كذا نزلت عيونها..


قرى الكلام المكتوب بعدين قال:


لا..شكلها بتصير حفله...


هاجر كملت كلام:فاشله...


اسامه:لابالعكس ناجحه وبقووه..حبيبتي واعرفك ام الذووق كله..


هاجر وهي تاخذ الدفتر:


مشكور من ذوقك..


اسامه:ياشنك وانتي رسميه..


هاجر بالسانه:وياشينك لاقطية الميانه حنا الحين لازم نصير رسميين .. لان وضعنا تغير..


قام اسامه وهو متنرفز:


ابوها حاله معك..


بعدين سأل:


وين ابوي احمد..


هاجر:نام ..تعبان ودخل يرتاح..


اسامه:اجل اجي مره ثانيه..اشوفك على خير ياأم الرسميات...


وراح طلع وسكر الباب بقوووه....


وهاجر انقزت من قوة الصقعه وهي تقول:


كسر...في ايد مسلط وبنته..


* * *


اليوم يوم الملكه..وفي وقت الظهر..


غيث فتح ماسنجره..وقاعد يتذكر الايام الحلووه اللي قضاها مع سديم..


حلف في نفسه انها لو تدخل اللحين ..وتقوله انها بترجع له..بيكنسل الملكه والشبكه كلها..لكنها مادخلت..


وظل ايميلها اوف لاين...


وحتى شوق مادخلت...


واصلاً هو من فتره مافتح النت نهائي..ولاعنده اخبار..لاعم سديم ولاشوق..حس انه صايق صدره يقووه..


دق على ضاري:


هلا ضاري..اخبارك حبيبي...


ضاري:تمام ياقلبي..ها اخبارك يلمعرس...


غيث:زي الزفت..اسكت احس جاني وسواس..وتجيني افكار شيطانيه...


ضاري:


يارجال تعوذ من ابليس.. وانتبه بس لايكون ناوي تنتحر...


غيث:لابسم الله علي وعلى عمري..الله يخليني لشبابي..بس افكر افركش الخطوبه..ومانملك..


ضاري:هي انت..استح على وجهك..لاتفشلني


غيث:والله ضروي حالتي حاله..ووضعي مو عاجبني..


ضاري:انت وينك ذا الحين..؟


غيث:في بيتنا..


ضاري:خلاص انتظرني تحت بمرك اوكي..


غيث:يلا..وتكفى ضروي لاتتأخر..


ضاري:ابشر خمس دقايق بس...


وقفل من الجوال..


شوي ال ضاري عنج الباب..


جا غيث وركب معه..


وحرك ضاري في السياره وهو يقول:


وش فيك انت بزر..في البدايه زاهل الموضوع وبتتزوج دانه..وماأدري ايش..ويوم صارت السالفه صدق قلت بهون..


غيث:والله ياضاري تعبت نفسيتي...ماني قادر اتصور اني بتزوج كذا..انا ماني قادر اشيل سديم من بالي..


ضاري:


يابن الحلال خلاص..انسى ذا السديم هي تزوجت وعايشه حياتها..وانت تبي تدثر حالك..والله ماأنتب صاحي..


غيث سكت..ومبين محتار..وموعارف وش يسوي..وكان يطالع من النافذه..وهو حزين ومهموم..طالعه ضاري..ورحم حاله..وضاري مايقدر في غيث..يمووت فيه..


وقف السياره..وتكلم:


غيوث فديتك..إذا حالتك بتصير كذا إذا تزوجت دانه..لك اني اتزوجها ..والليوم ابطها عندهم واقول اني ابيها لي..وصدقني ماراح تفرق..وانت تزوج على كيفك


اللتفت عليه غيث وعيونه متوسعه:


ضاري انت صاحي..


ضاري:وبكامل قواي العقليه ..والله إذا أنت بتشيل كل ذا الهم والحزن عشان زواجك بلاش ذا الزواجه هذي..وانا مستعد لكل شي..


غيث:ضاري مستحيل ارضى احطم احلامك..انا عارف انك تبي تتزوج عن حب..وانا جربت نفسي مع الحب وطاح حضي..خلني اشوف حلمي فيك..


ضاري:


طيب يابو تجارب..جرب الزواج..وان شاء الله بتحب دانه..ياخي البنت حبابه..واذا صادف تكون موجود وحنا بيت ابوي احمد والله عليها خفة دم..وروحها حلوه..بس انت عط نفسك فرصه..


غيث:


ان شاء الله ضروي..بس تكفى ادعي لي...


ابتسم ضاري :الله يوفقك ..والله اني ماأحب اشوفك مكشر يالكريه..ياخي ورنا سنونك..


طلع غيث سنونه:شاريك فيهم..


ضاري:


ياخي اقصد ابتسم ..مو تسوي لي دعاية معجون..


ضحك غيث وحرك ضاري بالسياره وهو يقول:


تعال نروح الحلاق خلهم يضبطونك..


غيث:ترى شعري مو قاصه..طول عاجبني..


ضاري:ماحد طرى شعرك..ادري مو طويل حيل..بس بنضبط لك دقن ..وتنعم وبخار وحركات..


غيث:يعني بسوي كل ذا السوالف لدانووه..


ضاري:أي عشان لما تبوس خدها بخدك..ماتلقى شوك..


غيث:ياحلاتك وانت ساكت...


ضاري:ايووه بوسها ..مو مسلم عليها..


غيث:يم الناس..؟!..


ضاري:لا..لمين تصيرون لحالكم ..!


..لواني منك ..ان كان مابست بس الخد..ان كان وسعت صدري..


غيث:لاعاد انت في الوقاحه..ماأحد يوصل مواصيلك..


ضاري:مو وقاحه..اسمها جرءه حلووه وياخي بالحلال..


غيث:الله يعينك على نفسك بس...


* * *

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 25-11-2018, 12:33 AM
EMAN.Y EMAN.Y غير متصل
©؛°¨غرامي مشارك¨°؛©
 
الافتراضي رد: رواية لا تحسب الي جرالي بالهوى كسره /بقلمي


البــــــارت الرابع عشر

بيت بو حمدان..انواره كله مشغله..والأهل كلهم مجتمعين..
وداخل في الصاله..كانوا البنات والحريم..وجايبيين دي جي..
وانواع الوناسه..
وهاجر كانت فوق في غرفة دانه معها...
ومعهم الكوافيره...
دانه مرتبكه وحالتها حاله..
بس كانت طالعه جنان..مكياجها كان مرره رايق وناعم..وردي ورمادي فاتح..
وإضاءه فضيه..والروج وردي هادي..
ولون شعرها طالع نفس لون عيونها العسليين...
كانت روووعه بكل المقاييس..
دانه:هجور..والله حسافه العدسات ماضبطوا...المكياج صار رمادي ووردي ودي العدسات الروماديه ضبطت...
هاجر تطالع نفسها في المرايا...:
يابنتي أي ظبطوا..انتي لون عيونك فاتح..ولبستي رمادي فاتح..صرتي كأنك عميه..وضحكت....ماأشوف الابياض
دانه:ياسخيفه لاتطنزين ..بس ايهب عليك ضاروا عدساتك حلووين عليك..
اللتفت هاجر...
دانه:ماشاء الله عليك..احس الليوم بيخق اسوم إذا شافك..
كانت حاطه عدسات رمادي فاتح..وعيونها واسعه..والمسكره واضحه..
ومكياجها رايق مرره..ولونه البرتقالي طالع يجنن..
مع فستانها البرتقالي اللي موضح جمال جسمها..
وشعرها مضبطته على جنب ومسويه فيه كيرلي..
وفيه اكسسوار حلو..
هاجر:لايخق ولامايخق..مايعنييني...
دانه:واللهي كذابه..وماتعرفين تمثلين..
شوفي عيونك قاموا يلمعون بس جا طاريه..
هاجر:لاتبالغين..اصلاً لازم أصير قووويه الليوم..وخاصه ان بنت بليس راح تجي الحفله..
دانه:الله يعينك فديتك..قولي لي..وش رايك في شكلي..
هاجر:لا..بصراحه طلعتي رووعه..والحناء لايق عليك..
دانه رفعت يدها:حلو شكله..بس ماحبه وهو يروح..
هاجر:إذا جا يروح يجيب الله مطر..نقعي يديك في فلاش ويرووح...
دانه:ياسخيفه شايفتني خبله..
ضحكت هاجر:انا ادري عنك..هي كلها يومين ويروح ..ولاخايفه يشوفك غيث ويديك كنها محروقه على قولتك..
دانه حمرت خدودها:يووه هاجر لاتجيبين طاريه
هاجر:يابنتي خلاص صرتي زوجته ونكتب كتابكم..وبعد شوي بيلبسك الشبكه..
دانه قامت ترجف:
هاجر وش رايتس يعطوني الشبكه وألبسها قبل ادخل..والله خايفه..
هاجر:خلي اعصابك حديد..واقري عليك كم آيه..وحصني نفسك بالأذكار..
* * * * *
الهنوف مع اسامه في السياره..
وجايين في طريقهم بيت جده..
الهنوف:أسامه..ماعرف احد أنا هناك واللهي خايفه..
اسامه:انا بكلم امي وتستقبلك..وتعرفك على الجماعه..
الهنوف سكتت بعدين قالت:طيب كيف اعرف هاجر ..
ابتسم اسامه:
ليه تبين تعرفينها..
الهنوف:بس..خاطري اعرفها..قول لي شي مميز فيها..
اسامه:اوكي..احلى وحده بتشوفينها هناك هي هاجر...
الهنوف توسعت عيونها:ليه واثق طيب..يمكن تعجبني وحده غيرها..
اسامه بكل ثقه:شوفي بناتنا كلهم حلوات مو غرور..بس هذا الواقع..بس احلاهم هاجر..وانتي إذا شفتي بتقولين قال اسامه..
الهنوف:الله يستر علي..واللهي متوتره..
المهم وصلوا بيت جده..ودق على امه..وخلاها تستقبله عند باب الحريم..
دخل هو مع الهنوف..وسلم على امه..
وسلمت الهنوف:مبروك عليكم خالتي..
ام اسامه تبي تحافظ على هدؤها:الله يبارك فيك يابنتي حياك..
اسامه:يمه خلي بالك من الهنوف..وعرفيها على الجماعه..
ام اسامه:ان شاء الله ياولدي..طايب عروستنا..بتظل متغطيه..
>>فصول الحريم ..تبي تشوف كيف شكلهت..
الهنوف شالت الشيله:السموحه خالتي..وابتسمت..
ام اسامه في نفسها..ماشاء الله تبارك الله..البنت زينه..وشكلها طيوبه..
اسامه ابتسم ويداعب امه:ها اعجبتك..نخطبها..
ابتسمت امه:والله وانا امك انت تزوجت وخلصت..والبنت مافيها عيب ماشاء الله ..
اسامه:خلاص انا بروح عند الرجال..اخليكم..
الهنوف لحقت اسامه قبل يطلع وهمست:اسامه خل جوالك مفتوح ..طيب..
ابتسم اسامه لها يطمنها:اوكي وإذا بغيتي إي شي دقي علي..
هزت رآسها بأيه..
ام اسامه:يلا ندخل عند الحريم..
الهنوف:اشيل عبايتي بالاول..
ام اسامه:على راحتك ياقلبي..
ابتسمت الهنوف..شكل الام حليوووه..قالت لها ياقلبي..
فسخت عبايتها..
كانت لابسه فستان مرره راقي وحلوو.
لونه اخضر فاتح وزي الشيفون..
ولابسه عدسات خضره..
ومكياجها مرره حلوو..
نادت ام اسامه الخدامه..وعطتها عباية الهنوف..
وطالعت الهنوف وفي خاطرها..الله يحرسك ياولدي من العين..متزوج ثنتين اقمار..لاإله الا الله..
قربت الهنوف من ام اسامه ومسكت يدها..:مشينا..
استغربت ام اسامه من يدها الثلج وحست ان البنت مرتبكه بشكل..:هدي حالك يابنتي..مافيه الا الاهل..
دخلت معها..
واللي في الصاله اللتفتوا لما شافوا الهنوف..
شيما:يمه..مين الحلووه اللي معك.. عرفينا..
اما اسامه تكلم الهنوف:تفضلي يابنتي..سلمي على اهلك..
والتفتت عليهم:هذي الهنوف بنت مسلط..زوجة اسامه ولدي..
وتوسعت عيون الجميع..وهاجر ماكانت موجوده..
ام ضاري في خاطرها..آآآه عليك ياهجور.. ياقلبي عليك لما تشوفين ضرتك..
ملاك..طالعت الموقف مصدومه..وكانت معصبه..وبصوت مسموع:
بس هاجر احلى منها بكثير..
وراحت صعدت فوق بسرعه بدون ماتسلم..
ام اسامه:اعذرينا يابنتي..ملاك صغيره وصعبانه عليهم هجور بنت عمهم..
الهنوف متوقعه أي شي..
ابتسمت:عادي خالتي لايهمك..
ودخلت سلمت على الكل بحترام..
والكل لاحظ..ان البنت باين عليها عاقله وطيبه..
وجلست جنب ام اسامه..
وهي مرتبكه ..وفي خاطرها:الله يهديك يبه..حطيتني في مواقف انا في غنى عنها..
* * *
وعند الرجال..ضاري جالس عند غيث..ويقول له بشويش:الموهم مثل ماتفقنا تسلم عليها بالخد..
غيث:الله يرحم والديك خلني في حالي ..
ضاري:اتحداك..تبوس خدها مباشر..وانا قلت خدها..ركز على خدها..يعني ماقلت لك تشفشف معها عشان تصير مستحيله بالنسبه لك...
غيث متوتر..ووده يشوت ضاري:لاتتحداني..وبلييز ضويري لاتنرفزني..
ضاري رافع حاجب:اجل اتحداك ياعسل.. وإذا كذبت وجيت قلت لي بستها..اعتبر نفسك اووب رجال..
غيث:اووف..مالت عليك..
اسامه جاهم:مجتمعين على الخير انشاء الله ..
ضاري:الخير بوجهك ياكحيلان..بس اخوك مو راضي يرسيها على بر..
اسامه:ليه وش السالفه..
غيث:ولد عمك مقابلني من الظهر..الا ابوس دوينه على خدها..إذا صرنا بروحنا..
ضحك اسامه:طيب ليش لا..بوس واطرب حالك..
غيث:ياولدي خلوني في حالي..
وطالع الساعه..وقال:يلا اللحين بروح عشان ألبس مكلة الحسن والجمال الشبكه..
ضاري طقه على ظهره:ايه يلا يلا..وإذا متعيجز..أروح أنا بدالك وألبسها..
غيث طالعه بدهشه وهو رافع حاجب:خير..استح على وجهك..خلاص هذي صارت زوجتي..
اسامه وضاري طالعووه كنه مخلوق غريب..
بعدين ماتوا من الضحك ثنينهم..
ضاري:واههههههههههههههههههههههه قام يحب..
غيث:لاحب ولابطيخ ..بس خلاص ضارت من محارمي..خلني اروح ألبسها الشبكه واخلص..
اسامه:ادخل معك..؟!
غيث:خيييييييير..روح تقلع..
ودقت هاجر على غيث..
غيث:سكتوا ..سكتوا..هجور دقت..اكيد جهزوا..
اسامه:الله يخليك ..خلني ارد عليها..
غيث:هي تدق علي انا..وش يدخلك انت..
خذ اسامه جوال اخوه ورد:
هاجر:وش فيك غيوث فديتك مارديت بسرعه..
اسامه:هلا ياقلبي..اعذرينا..
هاجر تبلعمت يوم سمعت صوته..
وسكتت..
بعديت قالت:وليه ترد على جوال غيث..
اسامه:كيفي..جوال اخوي..
هاجر:ترفق على على حالك ..وعطني غيث..
اسامه:وش تبين بوووه..قولبي لي وانا اقول له..
هاجر:بلاش لعانه اسامه وعطني اياه..
اسامه يضحك:طيب ترجيني بعد..
هاجر:انا ماترجيتك..بتعطيه الجوال..وبسرعه بعد..ماعندنا وقت..
خذ غيث الجوال:سوري هجور ..بس عارفه زوجك ملقوف..
هاجر:ماعلينا..بس يلا غيث ادخل ومثل ماوصيتك..راح تكون امي والبنات في انتظارك..ودانه بتنزل من فوق..و...
غيث:خلاص هاجر والله عرفت..يلا انا بدرعم..خلي الحريم يتغشون..
هاجر:اوكي..انا رسلت شيما..تخليهم يتغشون...
وقفل ...,راح...
دخل من الباب وصوت اللواليش والميوزك ماليه المكان..
وامه وام ضاري والبنات وبنات عمه فهد هيام وخوله كلهم ينتظرونه...
سلمو عليه..
هيام:والله طاله كذاا.وتأشر بإبهامها
غيث:من ذوقك هيوووم...
ام ضاري وام اسامه تأثرو وقاموا يبكون..
هيام وغاده..
مسكووه ودخلوا معه..ووراهم البنات وتووه أقبل..
وسمع صوت اغنية راشد ..شيخة الزين تملي المكان...
ولاأدرادي..رفع عيونه فوق..
توسعت عيونه ..سبحان الله ماشاء الله..وش ذا الملاك..وش ذا الجمال..
بدون مبالغه انبهر فيها..
كانت تمشي بثبات..وماتخلو عيونها من الارتباك..
وقدامها هاجر وماسكه الكاميرا وتصور..
الهنوف انبهرت بالبنتين..
هذي دانه ماشاء الله ..روعه..
واللي تصورها..
ايه..يمكن هاجر..هي احلى وحده..شفتها إلى الآن..
يالله هذي احلى من العروس بعد..
لا..بس ماأعتقد هي..هذي كاشفه عند غيث..
وشافتها لمين نزلت كل الدرجات ..غمزت لغيث..وغمز غيث لهاجر..
وابتسم وهو يروح ناحية دانه اللي قلبها يرقع..زي صوت الديجي..
وفي خاطره:بنت اللذين..ماتخيلت كل ذا الجمال فيها...
ومسك يدها..دانه خلاص..لو احد ينفخ عليها بيغمى عليها..وظلت منزلة عيونها تحت..
هاجر قربت منها ورفعت راسها:
دوينه انا اصور..لاتصيرين غثيثه..دانه رفعت عيونها..وطالعت هاجر بتأنيب..
هاجر تأشر لهم بيدها وهي قدامهم ..يعني قصدها قربوا...
بتاخذهم على الكوشه وهي تصورهم..
الهنوف..كانت تطالع هاجر..
متأكده انها هي..قال لي اسامه احلى وحده في الخفله..بس غريبه ليه كاشفه من غيث..
بعدين سلمت هاجر على غيث بالخد وباركت له..
وانتبهت ان هيام وخوله وام ضاري كاشفين لغيث..
الهنوف:ياربي يمكن هم مايتغطون..من بعض..لان خوات اسامه عرفتهم..
سمعت فاتن تقول وهي متغطيه لوحده جنبها:واللهي غيث يجنن..ودانووه الطعسه طالعه تجنن..
اللي جنبها:بس ليه هاجر مو متغشيه من حماها وهي بكل ذا الزينه وتسلم عليه عادي..
قاتن:ألاء وراك يعني للحين انتي ماأدري كم سنه صديقة دانوه وهاجر..ماقالو لك أن غيث موضعته خالتي ام ضاري مع ضاري ويصير اخوهم بالرضاع..
ألاء:اهااااااااه.. والله حلوو كذا,,وحتى دانه صارت حلاله..ذا اللحين ..انتي بس صرتي بنت البطه السوده..
الهنوف في خاطرها:اللحين تأكدت ان هذي هاجر..بس وربي تجنن وماينلام اسامه إذا تجنن عليها..
الهنوف قامت تدقق في هاجر..
وكل مالتفتت هاجر..توسعت عيون الهنوف اكثر..
وغمضت عيونها بقووه وصوت طفله في خيالها:هنوفه انا يمشي مع امي منيره..تعالي معنا الرياض..
فتحت عيونها..وطالعت هاجر..مصدومه بالواقع..
ولمعت عيونها..هاذي هجور..مستحيل انساها..هذا هي..كانت تجي بيتنا إذا جات القصيم مع جدها وجدتها..كانت صغيره عمرها خمس سنوات الله ياهاجر كبرتي ومثل ماكنتي..حلووه وتجنيين..
آآآه ياهجور..وش ذا القدر اللي خلاني لتزوج زوجك..
آآآآه ياهجور كيف بحط عيني في عينك..
بس أن شاء الله انك ماعاد تذكريني...
ونروح عند الكوشه
هاجر:دانه اللتفتي على غيث..وش فيك انتي...
دانه وضعها مايسمح ولا كان رفست هاجر اللتفتت ناح غيث..ورفعت راسها..
وطالعته..
دانه قلبها رجف واللهي حلووو المغرور..
يجنن..
كان غيث منعم..ومضبط السكسوكه وكاشخ بالثوب والشماغ..وماسك سبحه فخمه..
وطالع وااااو..
هو شاف عيونها وخق وهي في خاطره:اصمل حالك يالخفيف هاذا ماتبيها وماتحبها..
جات شيما..جابت الدبل..في طبق فضه كله ورد جوري وردي..
وخذ غيث يدها ولبسها الخاتم..
وشاف الحنا..اففف..وش ذا الحركات..
خذت دانه الدبله وظلت ترتجف مو قادره تدخلها في صبعه..
وسوى غيث حركة هو اللي ودى صبعه للخاتم..ودخله فيه..وهو يهمس:
اخلصي يارودرنر..لا تصيرين بطيئه ..
دانه:اوووف..شلون يفكر هذا..
وبدى يلبسها باقي الشبكه ..
وطبعاً لايمكن وصف شعور دانه وهو يطوقها عشان يسكر الطوق..
حست بأنفاسه على وجهها..
وحست الدم كله يرقى في وجهه والحلق..
وفي خاطرها:الله ينتقم من اللي حط هاالعادات..تلبيس وشبكه وقلة حيه...
غيث لاحظها وش قد مستحيه..
وهمس:ترى ريحة عطرك تدوخ..
دانه تطالعه وعيونها متوسعه...
خييييييييييييييييييييير!!!..
هاجر..يلا يامعاريس على الكيكه..
صارت دانه قدام غيث..ومسك السكين الطويله اللي مزينه..
ومررها على الكيكه من فوق لتحت..
والكل يصفق..
وهجور تصور..
كان شكلهم مع بعض توحفه..
وهم يأكلون بعض ويشربون بعض..
ورموا عليهم بتلات الورد..
وابتسمت دانه ..وتأثرت ...وتمنت امها وابوها معها باللحظه هذي..
ولمعت عيونها..
هاجر انتبهت لها ..وكان صوت الدي جي قوي..قربت منها..:
دانه وش فيك بتبكين..لاتخربين الميك اب يابنتي..
دانه:هجور اخذيني من هنا واللهي ببكي..
غيث لاحظها:
وش فيك ..
دانه:تكفون ابي اقوم ..والله ترى ببكي وبفل المكان كله..
هاجر منفجعه:طيب ليه؟!.
دانه:هاجر مو متخيله اني قاعده اتزوج وماما وبابا مو معي..ماما وبابا مافرحوا باللحظه هاذي..
غيث تأثر عشانها ومسك يدها..ووقف..:
هجور خلاص خلنا نروح غرفة الجلوس..
هاجر:اوكي..
ونادت ملاك وعطتها الكاميرا ..عشان تكمل تصوير..وزفتهم...ولاآحت افتحت غرفة الجلوس لهم..
ودخلوا..
ومعهم البنات..
غاده:دانه وش فيك..
خذت دانه كلينكس ومسحت دموعها..:
واللهي تخيلت نفسي بتماسك للنهاية بس ماما وبابا مو في حاسه بقهر...حسيت اني صدق وحيده ومالي داعي..
خذها غيث وجلسها على الكنبه:
دانه..تكفين ماأسمح لك تنكرين وجودي..كيف تكوني وحيده وانا ذا الحين زوجك..
دانه..طالعت عيون غيث..حسته حنون بنظراته..
وحسها تشربكت بأيده بيدها باللحيل..بدون ماتتكلم..
بس حس كنها تقوله:لاتخليني لحالي ..
ابتسم لها..
ونادى شيما:شيوم وين القرض ..
هاجر:يووه بعد في مفاجأت..
غيث:ايه لازم..
جابت شيما سله مليانه ورد وردي جوري وابيض..وفيها فلوس مصرره..وشكل السله مليانه..
سحب غيث الورد..طلع طوق كبير مره ..كان حاط فيه جزء من المهر...
مسك يد دانه ووقفها...وهي عيونها متوسعه...ولبسها اياااه...
هاجر:وااااو رهيب..
وصل لرجولها..عشان كذا لفه لفى ثانيه وحطها على رقبتها..
وغمز بعينه لها وابتسم:تصافينا..وحده بوحده..
دانه:هذا ثقيل..
غيث يداعبها:أي الراهي لراهي...
هاجر ابتسمت وفي خاطرها:الله يهنيكم ان شاء الله..
وصفقوا لهم البنات..ويصوتون..وش هالحركات الخطيرة..
بعدين قالت:يالله بنات خلنا نخلي المعريس لحالهم..
خوله:طيب ماصورنا معهم..
هاجر:اوكي يلا ..
وصوروا معهم شوي..
بعدين قالت هاجر:يلا بره كلكم...
وراحت معهم..
نادتها دانه...:هجور ..لاتروحين...
هاجر ألتفتت وأبتسمت :ياختي اعتقيني بروح ارقص..اسلم علي المعازيم..اسبوع كامل وانا معك..
دانه تتوسلها:هجور لاتطلعين واللي يخليك..
غيث:خير..الظاهر هجور هي الاب الروحي حقك..
دانه:ايه هي ابوي وامي بعد..
ابتسمت هاجر وراحت ضمتها بقوووه وباستها وعيونها مليانه دموع:
احبتس ياغلاااي..الله يوفقتس ياربي..
وراحت طلعت..
جلس غيث:شكلك متعلقه بهاجر..
دانه:ايه مررره..
طالعها غيث وقزها قز...كل شي فيها حلوو..ودانه كانت تحاول تخبي ساقها اللي مبين من الفتحه..
غيث ضحك:طيب..خليني اشوف...
دانه:لاعيب...
غيث:طيب اجلسي...
جلست بعيد عنه..وظلت مطمنه راسها...
غيث ظل يراقبها...
وحس ان الجو هادي ..ولازم يكسر هالهدوء ..قام..وجا جنبها.:
ها دندون كيف النفسيه..
دانه:ان شاء الله زينه...
غيث:رودرنر ليه تستحين كذا..
دانه طالعته:وش سالفة ذا اللقب..
غيث:قايلك في الصباحيه بقول لك...
ماردت دانه...
وكانت تداعب الورد اللي على رقبتها...
غيث:عاجبك..؟!
دانه:ايه..انا احب الجوري..
رن جوال غيث..جايه مسج...
افتحه من ضاري...
((اقول ..لاتنسى البوسه))..
ابتسم وارسل له: ((ايه اكيد ببوس من اللي شفته))..وارسله..
شوي الا جاه مسج..((ول ول..شكلك طحت وماحد سمى عليك))..
غيث ارسل له:لا..تونا في الحمد ياسيدي..
دانه تطالع في غيث وتبتسم ..
وهي تشوفه مندمج في الجوال...
رفع عيونه وناظرها وبتسم:وش فيك..
ارتبكت:ها..لابس عاجبني البلاك بيري..
مدا غيث لها:تامرين عليه...
دانه:لاشكراً ..عندي آآي فون...
غيث:شكلك تعشقين التفاحه...
دانه:لا هي جات كذا...بس ماقولك اقتنعت مرره بالماركه هذي..
وصل مسج من ضاري..فتحه غيث..:((أقول لاتتهور بس ..انتبه للبنت..))
ضحك غيث..
دانه:من يرسل لك..
غيث:حبيبتي...
دانه رفعت حاجب:سلم لي عليها..
غيث ابتسم:لاقووويه والله..
دانه:وسع صدرك..لاتكبت حالك...
غيث:لاتصجقين ترى هذا ضاري..
دانه:وحتى ضاري سلم لي عليه...
غيث:يعني انتي من صدقك عادي لاصار عندي حبيبه..
دانه سرحة بعوينها:ياولدي مانبي شي من الدنيا...يكفيني جدي يحبني...
غيث عقد حواجبه:
أمرك غريب....!!!
* * *

يتبع..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 25-11-2018, 12:34 AM
EMAN.Y EMAN.Y غير متصل
©؛°¨غرامي مشارك¨°؛©
 
الافتراضي رد: رواية لا تحسب الي جرالي بالهوى كسره /بقلمي


هاجر رآحت الصاله...
وسلمت على الموجودين ..كانت تبتسم وقلبها من جوى يحترق...
ياربي اول مرره احضر مناسبه واسامه ماشاف زينتي..وماعلق علي..
حست بوحده وكآبه..اسوم حبيبي انت اللي تملي مكاني...
وكانت إلى الآن تسلم ..ووصلت للهنوف..وطالعت عيونها...
رجف قلبها ..من المعازيم الموجودين هذي اول مره تشوفها..
حلووه.وهاديه..سلمت عليها..بالخد..
وانتبهت لشامه الكبيره الغامقه اللي على رقبة الهنوف..وتوسعت عيونها..
ورآحت عنها...وهي تحس انها مو مرتاحه لخفقات قلبها..
مسكتها شيما:هجور..عرفتي زوجة أسامه..
طالعتها هاجر باللهفه:أي وحده...
أشرت شيما على الهنوف:هذا هي...
طالعتها هاجر بصدمه..هذي زوجته...
هذي زوجة زوجي...بنت اللذين حلووه...
حست هاجر بتعب...وماعادت قادره توقف...
رآحت صعدت فووق في غرفة دآنه...
وجلست على السرير...
وظلت صورة الهنوف والشامه اللي على رقبتها ..وعيونها مو رايحين عن بالها...الهنوف..الهنوف..مسكت رآسها بقووه ..حسته بينفجر..أنا شايفتها...
ياربي من تكون..ماهي من الجامعه..
ولامن صديقات خواتي...
بس واللهي شايفتها...
أمتلت عيونها دموع...اكذب على نفسي لو سويت نفسي قووويه...
والله انا ضعيفه...
ياربي كيف بواجه اسامه...
كيف بروح معه الليوم البيت ومعنا هذي..
آآآآه ياقلبي...
ورجعت صورة شامة الهنوف الوآضحه في خيالها...أنا شايفه الشي هذا..وربي مو غريب...
غمضت عيونها وهي تعصر خيالها...
"ووع رقبتك فيها وسخ...:".."هذي شامه ياغبيه.."...
فتحت عيونها....وين..وين انا شايفه الشامه هاذي...
رن جوالها ..كانت رساله..فتحتها..
"احبك..ومشتاق لوجودك معي ياغلاي"
من"الحب كله"من اسامه...
عيونها دمعت:يالبى كلك..ويالبى حبك..
فكرت في الهنوف وحلاتها...
معقوله اسامه صادق وماجاسها...وهي جنبه ومعه في البيت بروحهم...
لعب ابليس في مخها:"ماأتصووووور"..
حست انها منهاره ..وتعبانه..رمت نفسها على السرير..
وهي دموعها تنزل...
* * *
في غرفة الجلوس..غيث مع دانه..
غيث:
طيب ماسئلتك..وين تبين شهر العسل...
دانه تفكر..
غيث:تبينها في اوروبا ولا شرق آسيا...يعني يمدحون ماليزيا وش رايك...وإذا حابه أوروبا نروح جبال الألب مرره تجنن..
دانه إلى الآن رافعه عيونها وتفكر..
غيث تنرفز:
وش عندك انتي ..حشا تبين تسافرين القمر على ذا التفكير...
دانه:لا..أنا أبي اروح الشرقيه..
غيث بصدمه:وش تفضلتي به..؟!..
دانه:ايه..إذاا بتنفذ رغبتي ابي اقضي شهر العسل في مزرعتي هناك..من وفاة ماما وبابا مادخلت فيها..
غيث:طيب مالك خاطر تتمشين وتسافرين بره...
دانه هزت رآسها بلا:أنا شبعت وأنا أسافر بره..ومن زمان خاطري اجرء واروح مزرعتي..بس كل احس بخوف..يمكن إذا كنت مع زوجي تنفك العقده...
غيث ماعجبه الوضع..
الشرقيه عاد..ديرة سديم..اووف وش ذا المصيبه...
دانه:هااا..وش قلت؟!
غيث:اوكي أفكر..
دانه:الله يخليك..والله نفسي اروحها..ودايماً اتردد..دامني تشجعت..
غيث حسها كنها طفله وهي تتوسله:خلاص اوكي يسلم راسك..نروح الشرقيه...
دانه فرحت:مشكور ياغيث...الله يطول لي بعمرك...
غيث يأشر على خده::يلا قومي بوسيني ولا اهووون...
دانه ارتاعت وخدودها زي الطماط:
لاعاد ..كثر لي منها...
طالعها بنص عيون..:
وليه ماتبوسيني ياروح امك....
دانه:لا..لا..اقسم بالله استحي..لاتاخذ اني قمت اسولف معك يعني قطية الميانه..ترى ماهنا جرءة...
غيث قام من مكانه وجا قدامها...
دانه خافت وهي تطالعه طويل وواقف قدامها
دانه بخوف:غيث الله يرضى عليك بعد عني...
غيث انحى عليها ومسكها من ذراعينها ووقفها...
دانه بهمس ترجف:غيث الله يوفقك..خلني في حالي...
خذها ضمها بقووووه وحط خده على خدها..
دانه ماتدري ليه حست برآحه بحضنه..مع ان قلبها يرجف بشكل..همس في أذنها: دانه تعودي انك ماتستحين مني...
ورآح باس خدها...
خلاص دانه..الحراره طقت عندها فوق الاربعين....
وحسها غيث ترجف بقوه في حضنه...
واستغرب ليه دانه حيويه لدرجة هذي..بنات هالايام اغلبهم جريئات...
ودانه عيونها في الارض ماعادت تطالعه...
وظل يطالعها فتره....
وهمس لها:دانه انا ماشي...اشوفك على خير..وأنتظري مني ألو...
دانه هزت رآسها بأيه...
وراح هو ناح الباب وطلع...
وتهالكت دانه على الكنب وكلها ترجف...:اففففففففف ..ايش اللي صار لي ياربي..
وحطت يدها على خدها:كيف تجرء وباسني....
وقامت:يمه وين هويجر تنقذني...
وطاحت عيونها على الارض..وشافت سبحة غيث طايحه...
شالتها ..كانت كلها مطعمه فضه وكهرمان مرره روعه..خذتها وحضنتها في كفها...
وخذت جوالها من زوايا في الغرفه...
ودقت على هاجر..
هاجر في وضعها المأساوي ذاك...
ردت على دانه:هلا قلبي...
دانه:هجور وينك عني...تكفين تعالي...
هاجر:مشى غيث...
دانه:ايه...يلا انتظرك....
هاجر:اوكي دقايق...
وقفلت ...وقامت ضبطت حالها ونزلت لدانه....
وبس دخلت لها في الغرفه..وسكرت دانه الباب..
دانه وهي الى الآن مصدومه:
سكتي...سكتي..طلع ولد عمك قليل ادب...
هاجر ببتسامه:ليه وش سوى لك...
دانه وعيونها متوسعه:تخيلي ضمني..وباسني..واللهي مايستحي...
هاجر ضحكت رغم اللي فيها:
حسبي عليك يادانه واللهي من كلامك قلت لايكون تحرش فيك ولا شي...عادي يبوسك..يعني هو خذا الشفه...
دانه شهقت:
كان اذبحه..فوضه هي...انا بنت ناس ومتربيه...
هاجر:هذا زوجك وحلاله يسوي اللي يبي...
دانه:
لاعاد بدون تمادي..بس هو باس خدي..
هاجر:الله ومسويه كل ذا الفوضى..عادي...اصلاً أنا مستغربه ليه ماباس شفايفك انا اسوم باس شفايفي يوم صرنا بروحنا ..
دانه:ورضيتي يالخايسه...والله عيب...
هاجر:انتي مع العيب صحبه..يابنتي رجلي حلالي ..كيفه يسوي فيني اللي يبي...
دانه:لا..لاصراحه...بغير رايي في العرس...
هاجر:فكينا بس ..ويلا تعال يم المعازيم...بس فسخي ذا العقد ..خليني ارقيه فوق...لايقتلونك الخدمات ويسرقونه...
دانه فسخته:
بسم الله علي امووت عشان عقد مايسوى علي...
حطته هاجر في السله ..:يلا تعالي انا برقيه فوق...وانتي ادخلي عند النسوان ..
دانه:اوكي...
* * *
وطبعاً الحفله اكتملت على خير وفلوها...
بستثتاء ملاك اللي كانت مكتئبه...
ومو طايقه احد...
وهاجر اللي كانت تبتسم وتجامل ...وفي قلبها نار...
جا وقت المشي..ودق اسامه على هاجر..وردت:مرحبا...
اسامه:مرحبا بأحلى صوت...
رفعت هاجر حاجب:آآآمر..وش بغيت...
اسامه:يلا نمشي البيت..
هاجر:ايه اوكي انا بروح اليوم البيت...
اسامه:خلاص انا بره...
هاجر:طيب اوكي...
وراحت لبست عبايتها..ولاحظت ان الهنوف بعد لبست عبايتها..
هاجر:ياسلام ..يعن يهذي بتروح معنا بالسياره..طيب ياأسامه...
وطلعت هاجر الحديقه..ودقة على رام...
هاحر:هلا رام..انت موجود بيت بابا احمد ولا مشيت...
رام:ايوه انا موجود مع صديق انا كومار..
هاجر:طيب حلو..بسرعه شغل السياره عشان توديني البيت...
رام:ان شاء الله مدام..
وقفلت...
ورآحت تنتظره بره..ولاحظت ان اسامه ركب سيارته في الكرآج..وشغلها..الا بجية رام...بسيارة هاجر...
ركبت...
وقالت له يمشي..
جات الهنوف وركبت ورى في سيارى اسامه...
الهنوف:اخبارك اسامه..
اسامه:الحمدلله مبسوط جدي..هاجر اللحين بتجي...
الهنوف:يووه غريبه هي طلعت قبلي..
اللتفت عليها اسامه:
انتي شفتيها طلعت...
الهنوف:ايووه..طلعت هي بسرعه...
دق اسامه على جوالها ..ردت:
هاجر انتي وينك ماطلعتي...
هاجر:اسامه انا مشيت مع رام...
اسامه عصب حده:هاجر ..اقسم بالله مالك داعي...
هاجر توترت:يوووه حسيت وضعي سخيف وانا راكبه معك انت وزوجتك الجديده...
اسامه من شدة عصبيته ..لاحظت الهنوف العرق اللي ينبض برقبته:هجور..والله لو ماعدلتي اسلوبك معي...
هاجر خافت بس سوت نفسها قويه:ايه يعني وش بتسوي...
اسامه يتوعدها:انا اعلمك وش بسوي...
وقفل الجوال بوجها..
ورمى شماغه بعصبيه...:
ألعن ابوها حاااله...
واللتفت على الهنوف:هنوفه قومي اركبي قدام...
جات الهنوف..وركبت جنبه..وهو شغل زقاره..وحرك السياره...
الهنوف اول مره تشوفه كذا...
همست:اسامه هدي بالك...
ظل ساكت...
الهنوف تبي تروقه:هجور كانت مرره حلووه...وعرفتها انها احلى وحده بالحفل مثل ماقلت لي..
اسامه كان يسمع لها بس ظل ساكت..وهو عقله عند هاجر...وحركتها الغبيه...
الهنوف:اسامه..لاتسرع بالسياره تكفى...انت معصب ومو عارف وش تسوي...
اسامه من بين اسنانه:
تفكيرها غبي...غبي...
------- هاجر وصلت البيت ونزلت بسرعه ..دخلت وطالعة بيتها:يالبى بيتي والله اشتقت لك...
والتفتت طالعت الباب:يمه صوته كان يخوووف..
رقة بسرعه فوق ودخلت غرفتها..وسكرت الباب عليها...
طبعاً هي يادوبك دخلت كان اسامه وصل البيت..وتلفت ماشافها..
دخلت الهنوف ورااه..وشافته وهو يصعد الدرج بسرعه..وفي كل خطوه ياخذ درجتين...
الهنوف:يالله اسامه معصب مرره ..
وصل غرفة هاجر...وكانت توها داخله..
وتدور المفتاح تبي تقفل..
فتح الباب بقووه..
هاجر نقزت من مكانها..وهي تقول:اسامه اطلع من غرفتي...
سكر اسامه الباب ...وصرخ عليها:انا توقفيني انتظرك..وتركبين مع سواقك ياهاجر..
هاجر تبي تبرر:قلت مابي ازعجك انت توك معرس جديد...
اسامه:هاجر انتي ماتفهمين ..انتي ماتسمعين..انتي ماعاد فيك عقل..
هاجر:اسامه لاتناقشني..واطلع من غرفتي..
اسامه:مو بكيفك..ولاتقولين غرفتي هذي غرفتي وغرفتك..يعني غرفتنا..ولاتبيني انام بالصاله..
هاجر:لاياشيخ تبي تقنعني..مانمت في غرفة الهنوف..
توسعت عيون اسامه:صاحيه انتي..
هاجر:انا شفتها ..حلووه..ماأعتقد قاومت هالجمال...
اسامه:هي هاجر..ترى انا لاقلت كلمة ماارجع عنها..وانا وعدتك مأألمس غيرك..
وطالع هاجر وزينتها..وحلاوتها..وقال:
بعدين انتي مو وآثقه بحالك..انك احلى منها....
هاجر رفعت حاجب بغرور:الا ادري اني احلى منها ..ومن اللي خلفوها بعد...
اسامه:أي احلى ياواثق..بس ترى اخلاقك وحركاتك البايخه اللي قمتي تسوينها هي اللي تشينك..
هاجر:انا حركاتي عاجبتني..
وجاات دفته:يلا اسوم اطلع عن غرفتي وخلني في حالي..
مسك يدينها وطالع عيونها:هاجر بسك تكابرين..وطالعي عيوني واعرفي وش قد مشتاق لك..واعرفي اني ماأشوف غيرك..
طالعة عيونه وضعفت قدامهم..
وبهمس وهي ترتجف:اسامه تكفى اتركني..
اسامه ضمها بقووه:هجور انا احبك هزني غيابك..عصبت يوم مشيتي وانا كنت متلهف لجيتك وشوفتك..
هاجر:اسامه ابوس ايدينك مابي اضعف..لأني عارفه بندم إذا صحيت بكره...
اسامه:وليه تندمين..مو انا زوجك..حبيبك..
هاجر:بس انا مأابيك..ماسامحتك..ماأرجع لك الا لمين تطلق هذي..
وخرها عنه..وطالعها:هاجر خافي ربك...إذا طلقت البنت اللحين..وش بيقولوا عليها الناس...
هاجر عطت اسامه ظهرها:
يقولوا اللي يقولوا..انت نفذت رغبة عمي وتزوجتها عشان موقفه مع الرجال..وخلاص جا وقت الطلاق..إذا كنت تبيني ارجع لك...
اسامه:هاجر لاتصيري انانيه ..انا بطلق الهنوف...بس مو اللحين..حرام اطلقها..وحنا ماخذنا وقت من الزواج وانتي تعرفين الناس وكلامهم..
هاجر:اجل ماأقدر ارجع معك زي اول..صدقني اسامه مو قادره..صدقني ماأدري اللي فيني قساوه..انانيه..حب تملك..بس هذا آخر كلامي..
اسامه جا قدامها وطالع عيونها:فكرتك راح تضحين بأنانيتك وكل شي عشان خاطري...بس قسوتك طغت على كل مشاعرك..
وخلاها وطلع من الغرفه..وسكر الباب بقووه..
وحاولت هاجر ماتبكي..
لكنها بكت وانهارت..وبكت بصوت عالي...وكانت في حالة هستيريا..
وهي ترمي الفازاا الزجاج...
والتحف اللي على التسريحه..
جلست على الارض وتبكي بقووه..وهي تقول:لاتخليني بروحي اسامه..لاتروح لها..الله يوفقك لاتروح لها..
وبكت وبكت..
بس اسامه كان طلع من البيت ...
وخلاااها..ومشى من القهر...
* * *

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 25-11-2018, 12:36 AM
EMAN.Y EMAN.Y غير متصل
©؛°¨غرامي مشارك¨°؛©
 
الافتراضي رد: رواية لا تحسب الي جرالي بالهوى كسره /بقلمي


البارت الخـامس عشر

دانه في غرفتها..جالسه تفسخ شبكتها...
وتفكر بكل اللي صار بالحفله...وتفكر بغيث..احيان تحس تصرفاته حنونه..واحيان مغرور...
رجف قلبها وهي تتخيل ضمته لها...بوسته على خدها...عطره الجذاب...وسامته الوآضحه..
طالعت نفسها في المرآيا...:انتي ماانتي صاحيه تفكرين في هذا المغرور..بعدين وش فيني ..انا كنت اضحك على هاجر لو شفت لهفتها على زوجها..وانا توني في البدايه وقاعده أفكر فيه مو قادره أشيله من بالي...
راحت بدلت ..ولبست بجامه نعومه..بعد ماتروشت واغسلت شعرها والمكياج..افتحت لاب توبها...
وتذكرت ان عندها مهمه لازم تخلصها ...الليله لازم تخترق موقع..هي مهدده إدارته..وتدمره وتقفله...
دانه:واللهي يستاهلون..اجل التسلب راعي الموقع..فاتح شات بدون رقابه..والله لاأوريك..
وتبدى تشتغل بتركيز..ودقه..
وباينه خبرتها فيذا المجال..
ورن جوالها...وماسمعته على طول... لأن مخها كله في اللاب توب...
بعدين استوعبت انه يرن...
طالعت الشاشه رقم غريب...
عقدت حواجبها ..مين يدق اللحين...وش ذا الرقم الغريب..فاضيه انا لمغازل...
ورمت الجوال جنبها..
وسمعته رن مره ثانيه شالته"الظاهر مو مخلصه شغلتي على خير..
فتحت الجوال وبدفاشه:نعم..
غيث:تعالي طقيني بعد..
دآنه عقدت حواجبها :مين معي..؟!.
غيث:امداك تنسين صوتي..انا زوجك ياذكيه...
دانه توسعت عيونها..يوووه صح ..انا ملكت...
ارتبكت:آآآسفه غيث ..بس تعرف صوتك في الجواال صاير غير...
غيث:وش قاعده تسوين.؟!
دانه:والله توني متروشه..وفتحت اللاب عندي شغله فيه...
غيث:وش الشغله اللحين..ويعني ضروري تفتحينه بيوم شبكتك...
دانه:يووووه يوووه...حتى بيوم عرسي بإذنه تعالى...بفتحه...شفت إذا قالوا لك ..الكتاب خير جليس..انا اشوف ان اللاب خير جليس..
غيث:ارحمينا بس..وقولي لي..وش نوع اشغالك في اللاب..يعني وش ميولك في النت..
دانه:كل شي تبيه..بستثناء الشات ماأطيقه..وماأحب ادخل في قروبات على الايميل..
غيث:يعني مثلاً انتي وش قاعده تسوين..
دانه كانت يدها في اللاب وهي تكلم غيث وتقول له:قاعده اخترق موقع ..وناويه ادمرووه واسكروووه...
غيث سكت بعدين مااات ضحك:كثري لي منها ..يالهكر..
دانه رفعت حاجب:يعني انت مو مصدقني ياولد ابوك..؟!
غيث:ولا راح اصدقك..لأنك ماعندك سالفه...
دانه..كبرت في راسها وبتحدي:يعني انت مو مصدقني..
غيث ببرود:ولاراح اصدقتك ...
دانه:طيب عطني ايميلك بضيفك عندي..وراح ارسل لك رابط الوقع اللي راح ادمره بعد شوي...
غيث:
لاتتعبين نفسك ..ترى مالي خلق حق زعطات البزاريين...
دانه عصبت:بتعطيني ايميلك..ولالا...
غيث:اوكي...سجلي عندك..وانا بشغل اللاب وبدخل...وارسلي الرابط ..يامس هكر..
واعطاها ايميله...
وبسرعه قالت له دانه:اضفتك..
غيث:بسم الله..امداك...
دانه:إذا دخلت الماسنجر وقبلت اضافه عطني خبر...
غيث:اوكي ..لخليك ذا اللحين يامس هكر..وضحك..
وسكر..
دانه قفلت جوالها ...:هين ياغيث تضحك علي انا أوريك...
شوي الا شافة تسجيل دخول منه...وارسل لها:
مرحبا يامس هكر...
دانه:هلا بك...
غيث قرى ايميلها وقال في نفسه:لا البنت مصدقه حالها..اسم ايميلها "هكر كوين"..
خيييييييير..
ارسلت دانه الرابط...
وفتح غيث الموقع...وارسل لها ضحكه طويله...وفيسات ميتين ضحك..وكتب لها..."اجل بتخترقين موقع الـ...... أي كثري منها يامدلله...هذا من اكبر المواقع..مو شي بسيط...
دانه:ممكن تسكت ذا اللحين وماتشغلني...واصبر علي دقايق...
غيث:الحق الكذاب لا الباب ...خلصي شغلك...
وظل شوي...
ودانه تشتغل...وهو كل شوي يرسل لها فيس شكل..وهي متجاهلته...
بعدين كتبت له:
روح حدث الرابط الللي عندك يازوجي العزيز...
غيث ببرود رآح للرابط..وحدثه...
وانتظر شوي الا فتحت له الصفحه سوداء..والكلام بالأحمر...
مكتوب.."هددت لكنكم ماسمعتوا ..وعدم الرقابه في الشات ماعجبتني...وبمناسبه عزيزه على الليوم...
حبيت يكون أغلاق موقعك...
هديه لشخص عزيز..
أخذها ياغيث..
تحيــــــاتي
"هكر كوين"
غيث عيونه متوسعه..ومو مستوعب ..وحدث الصفحه كذا مرره..
صاحيه هذي..البنت هذي دآهيه..هذي خطر على النت...
توني اكلمها ..قدرت تسوي هالبلوى...
دانه رآسله فيس يحرك حواجبوه:
وش رايك ياحلوو...أن شاء الله اعجبتك الهديه...
غيث رسل لها:انتي.مانتي صاحيه...واحس اني الى الآن مو مصدق....
دانه ارسلت له ضحكه طويله واكتبت...:اقول يابعد تسبدي ..انا ماأنتظرك تصدق لأني وآثقه من قدراتي..وعلى فكره..حبيت اقولك..لطشت كل الايميلات اللي موجوده يإيميلك..عقاباً لك انك ماصدقتني من البدايه..
وحاطه فيس ماد لسانه..
غيث..خير..من صدقها هذي...
ارسل لها:هي دانه ..من صدقك....
دانه:طبعاُ من صدقي..ولاحظ ايش بسوي...
فجأه جا لغيث تنبيه انه داخل من جهازين...
وقامت تكتب من ايميل غيث ..وهو يطالع
كاتبه:عرض بسيط لمهاراتي...
غيث انبهر فيها وكتب:دانه..اطلعي من ايميلي ترى عيب..خصوصيات...
دانه:طايب يابو خصوصيات انت...انا بطلع ...بس ترى الايميلات الموجوده في ايميلك..محفوضين عندي...وماارح احذفهم الا بمزاجي...
غيث تذكر ان أيميل يديم وشوق فيه....وش ذا المصيبه..لاتشوفهم وانتشب...
غيث كتب:دانه تعوذي من ابليس ..واللهي مايصلح...
دانه:اوكي..مو محطوطين في ايميلي اللي استخدمه..في ايميل جديد توني مسويته..ماراح افتحه..اللا لو سويت شي ماعجبني..عشان اشوف فضايحك...
غيث عصب عليها:
اقول دانه ماهميتيني ...وهذا انا احذرك..الإيميلات خاصه ...لاتتليقفين فيها....
انه تتثاوب:خلاص..الله والإيميلات عاد...يلا انا بروح انام...
غيث:كوابيس سوده..
دانه:وانت كذالك...
وارسلت له فيس باي...وطلعت...
وغيث ظل مصدووم من البني آدميه هذي....
هذي مو بس هكر...هذي فنانه في الهكر...وطالع الساعه...
نص ساعه بس معها سوت هالبلاوي..
الله يكافينا الشر..
وانبطح يبي ينام
* * *
اسامه كان في السياره...ومن طلع وهو جواله يرن...كان رقم البيت..بس هو مايرد...واخيراً رد:نعم...
صوت الهنوف ترجف:اسامه...انت مشيت وانا صعدت فوق..وسمعت هاجر تبكي بصوت عالي في غرفتها...وشكلها منهاره...
عقد اسامه حواجبه:طيب رحتي عندها؟!
الهنوف:من صزك انت اروح عندها... هي مو متقبلتني ..تعال الله يوفقك...لاني قمت ماأسمع لها صوت...
اسامه:اوكي..عطيني عشر دقايق...
شوي رجع اسامه ...وحصل الهنوف في الصاله ويابن عليها متوتره....
ماتكلم معها..صعد بسرعه فوق وفتح غرفة هاجر...
لقى الفوضى في المكان ...والزجاج المكسر..وهاجر جالسه في الزاويه ومخبيه رآسها على رجولها وتبكي...وفستانها كله دم...
جاااها اسامه بسرعه:
هجور..وش سويتي في حالك...
هاجر كانت تنشق من صياح ومن بين دموعها:
الله يخليك اسامه لاتروح لها..تكفى لاتخليني بروحي...
سحبها من مكانها وضمها:يابعد كل من لي... وانا اقدر اخليك لحالك .. آآآه ياهاجر على حالك ..وحالي..
هاجر بهستريا كانت تبكي في حضنه...
شالها من مكانها ووقفها وخذها على السرير... وطالع يدها المجروحه من الزجاج اللي كسرته...
اسامه:كذا سويتي في نفسك..
هاجر ماهي قادره تسكت من البكي...
خذها أسامه للحمام...وغسل لها ايدها من الدم..
هاجر بصوت يالله ينسمع:
اسامه ممكن تخليني بغسل وجهي...
ابتسم يدآعبها:خليه عاجبتني العفسه اللي صايره فيه...
ابتسمت وماردت عليه...بدت تغسل وجها في المغسله...واسامه يطالعها...لمين خلصت..وعطاها الفوطه الصغيره..نشفت وجهها ..:مشكور..
اسامه مسكها :في الخدمه...
وخذها الغرفه..رآحت هي نآحية الدولاب..وخذت لها بجامه قطنيه نآعمه..
جا اسامه لها وفتح سحاب الفستان..وظل يرآقبها وهي تبدل ..وهي تتحاشى تناظره...
بعدين ابتسم:يعني الشوف مو من الممنوعات...
ابتسمت:على حسب المزآج...
ااسمه خذها على السرير..وطلع شاش ومعقم من الدرج ولف جرحها :ايش هالحنا الحلو...
هاجر:من ذوقك..
باس يدينها:فديتك..
هاجر:اسامه في دم بثوبك....
اسامه:انا بقوم اتروش اوكي...
انبطحت هاجر بدون ماترد...كانت تحس انها مفهيه بعد الحاله اللي جاتها...
وكان مخها مشوش ...غمضت عيونها..كانت صورة اسامه وهو بيقول لها انه بيتزوج مو مفارقه خيالها...صورة الهنوف..الشامه على رقبتها...حنان اسامه..حضنه..دفاه...نفسيتها اللي مارآقت الا معه...بس انا ماقدر ارجع معه زي اول...هو قدر يتزوج علي...هنت عليه ..وفجأه يداعب خيالها ابتسامة اسامه...وحبه لها...
حست بيده تدآعب خدها ..فتحت عيونها كانت الانوار مطفيه..ومافي الا نور الابجوره...
همس لها:
كيف وضعك اللحين...؟!
هزت رآسها:الحمدلله ارتحت....
اسامه:طيب تبيني اطلع من الغرفه عشان ترتاحين اكثر...
هاجر هزت رآسها بلا...وهي تهمس:لاتروح عني..بس على شرط مابي يصير بينا..
ابتسم:بحاول ..بس ماأوعدك...
غمضت وفتحت عيونها وابتسمت:توعدني..ولامابيك تنام جنبي...
اسامه انحنى عليها وباس جبينها:اللي تبينه فديتك..اوعدك..
بعدت شوي وسوت له مكان جنبها..
وجا اسامه انبطح جنبها ..وحس براحه من زمان ماحسها..انه ينام وجنبه هاجر....
اللتفتو يطالعون في بعض...
كانوا مشتاقين مرره لبعض...بس عناد هاجر مو مخليهم يعبرون عن مشاعرهم....
همس لها:تعالي في حضني..
قربت منه...وحطت راسها على ذراعه ..وضمها بحنان ودفى...
ونامت كنها طفله صغيره عنده...
* * *
الهنوف..يوم حست ان هدى المكان..ومااعاد في صوت لهاجر....
دخلت غرفتها وحست بارتياح..اسامه ماطلع من عندها ..اكيد تفاهموا...
الله يوفقهم ..ويخليهم لبعض..
حست بوحده ..حست انها بقووه مالها داعي في البيت...
راحت خذت جوالها من على الكومدينا...
الليوم تقريباً عاشر ماسمعت صوت امها وابوها...
الليوم عاشر وماعندها اخبار عن الحب...
آآآآآه يازياد...آآآه ياعمري...آآه لو تدري ان فراقك مر...
طالعة الجوال..من زمان حاطته بره الشبكه ..وخايفه تشغله...
ودها تعاقب ابوها على اللي سواه فيها ...وامها اللي ماسوت شي عشانها..وخايفه من زياد...
خايفه انها تهز وضعها كزوجه...
هي ضعيفه قدام مسجات زياد..
خايفخ ترسل له..ومهما يكن هي على ذمة رجال..ومايصير..حتى لو زوجته بالأسم...
بس هاذي خيانه...
ظلت تطالع الجوال..ملهوفه..ودها تفتحه...وتجيها افكار انها تكسر الشريحه هاذي..وتفتك...
غمضت عيونها:"ياربي ساعدني"
طرى عليها بعض الكلام"يخليك ربي يابعد عمري""أموت في نظرة عيونك""يالبى بسمة شفاتك""هنوفه امووت فيك"
فتحت عيونها...
وضغلت الجوال..ورمته على السرير...
ورآحت الحمام تآخذ شاور..


* * *


شيما..في حاله تشتت..وش اللي قاعد يصير فيني...
مااني قادره انااام...
تجيها أفكار انها تضيف ((عشقتك))وتشوف وش سالفته في الماسنجر..طيب وليه اضيفه..وش بلاني..ماتخيلت نفسي فضوليه..
هو مو اول واحد يقول انه يحبني...في النت واجهت كثير..
في المستشفى ياما حاولوا معي..
دووم رآفضه الفكره وماتشوف غير ضاري..
ليه اللحين انشديت معه..
ليه يقول انه يحبني..
طيب هو كان يقول انه يحب وحده وبتزوجها..
ياربي..ساعدني..
وانا احب ضاري..امووت فيه...شيل ذا الغريب من افكاري..
جلست على فرآشها وهي مو قادره تظل منبطحه اكثر..
((معقوله لاني عاطفيه مره احب شخصين ...مستحيل...انا عقلانيه اكثر من اني اكون فضوليه...
طالعت الساعه...
"وجع الساعه ست وانا مانمت ابي اقوم اصلي الجمعه الله لايثمني"
انبطحت مرره ثانيه..
وغطت رآسها بالبطانيه...
وهي تحاول تنام بدون فايده...
* * *
الهنوف طلعت من الحمام..وجوالها إلى الآن يدندن بنغمات الرسايل...
خافت كثير من انها تشوف...
لكن شوقها...ماخلاها توقف اكثر...
افتحت الرسايل...
رسايل مررره مره كثيره..بعضها رسايل موجوده...وبعضها كلام مكتوب...
شي من امها وابوها ومن بنات خالاتها...ومنه...آآآه منه....
ياكثر مسجاته...نكه"ربيع القلب"
تجاهلت كل المسجات وبدت تفتح مسجات زياد:"كلها شوق ..وعتاب..كلها يبيها ترد عليه..كلها يبي يطمن عليها...كلها ألم فرقى وونات وعذاب.."
دموعها بدت تنزل .."ياحبي لك..وياحبي لك..وش قد مشتاقه لهمسك..وش قد مشتاقه لكلامك...
فتحت رساله كانت وسائط...
وشغلت المقطع اللي فيها...
كان لرآشد
"يارب خذ روحي..وخذ بالإحسان قضيت بالدنيا حسابي وعذابي
آآه عجل بنا يارب بملاقى المحبين
صاحبي يارب زين الأعطا في...
..."
الهنوف انهارت...قامت تبكي بصمت... ياربي..ليه يايبه سويت فيني كذا...ليه يايبه...فرقتني عن زياد...ياقلبي عليك يازياد"
بسم الله عليك من الموت..ياربي لاتذوقني حرته...
مسحت دموعها...
لازم تطمن زياد عليها..."ماأخليه في هالاحاله...
كتبت مسج:"يابعد عمر اللي ترسل لها...وتحن لها..ياقلب هنوفه وروحها..ياحياتي يازياد..انا عشت احبك..وباحيا احبك..واموت على حبك...تطمن انا بخير ولله الحمد...ومستحيل انساك..
بس تكفى لاترسل..انا على ذمة رجال..استر علي الله يستر عليك...وارسلتها..
وبعدين رآحت وقفت عند النافذه..وحست شوي برتياح.."ماسويت شي غلط..الكل مايفكر الا في نفسه...وش هولا اهتم..
ابوي فكر كيف ينتقم..عمي فكر كيف يجمع الفلوس..اسامه مايفكر الا بهاجر..طيب وانا..من لي غير زياد فديته..
سمعت رنة في جوالها ..طالعت الشاشه ..توسعت عيونها.."لاعاد..ليه تتصل يازياد"حاولت تتحاشى ترد عليها..
لكن قلبها ماطوعها...
فتحت الجوال وحطته على اذنها...ظلت ساكته..همس زياد:اشتقت لتس..
الهنوف بهمس:وانا بعد..
زياد:ماقويت على فراقتس..
الهنوف:وانا بعد..
زياد:طمنيني عنك..انتي بخير..
الهنوف:الحمدلله..
زياد:بترجعين لي..
سكتت الهنوف وبنفس الهمس:ان شاء الله...
الهنوف:زياد اخليك اللحين..
زياد:خلاص هنوفه..بس طمنيني عنتس ..فديتس..
الهنوف:وانا بعد..
وقفلت..وهي قلبها يرقع بقووه..ايش سويت انا..
ياربي تب علي..
رمت جوالها على سريرها...
حست انا صوت زياد..رجع لها حب الحياه..
صوته حسسها انا لها قيمه..
بس لو يدري اسامه..اني حاتسيته ..
وش ممكن يصير فيني..
يمه..لو يدري ابوي..اكيد بيذبحني..\حست بخوف ورهبه من الموقف..
وراحت اخفت نفسها في فراشها..
وقلبها يرجف بقوووه...
* * *
صباح بطعم التو البـــري...
صباح برائحة ورد مبتل..بزخات المطر...
صباحي الحبيب..اطلت علي اشراقك..كم اشتقت للاستيقاظ..
وانا مدفونه بين ضلوعه "من نبضي"
فتحت هاجر عيونها..وحست بريحة عطره الرايق تداعب انفها..
حست ان راسها على صدر اسامه..
رفعت راسها..
وشافته نايم بهدوء..انفاسه هاديه..ابتسمت ..وش قد انت حلو ياأسامه..
داعبت خذه ورقبته بيدها..
تموووت فيه لحد الجنون..
تحس انه تمتلك الدنيا كلها لو كانت قريبه منه كذا..
انتبه اسامه للمساتها..فتح عيونه شوي..وبصوت ناعس وابتسامه كسلانه:
صباح الخير..
هاجر ببتسامه:صباح النوور..
اسامه :اشتقت افتح عيوني على وجهك..
هاجر ظلت ساكته بس تتأمله ..
خذها بذراعه وحضنها وهمس:
شرايك فيني..ووفيت بوعدي..
هاجر:أي شاطر..
اسامه:طيب ليه النحاسه..
هاجر:قول الحمدلله..انت نمت جنبي هذا تطور...
وقامت..
اسامه:طيب ليه؟!
هاجر تفتح الستاير:كذا نفسيتي وش أسوي..
اسامه:طيب سكري الستاير..انا ماشبعت نوم..
هاجر:لاياشيخ الساعه عشر ونص..قوم عشان تفطر..وراك صلاة جمعه..
اسامه:واللهي باقي على صلاة الجمعه..تكفين فيني النوم..
هاجر طلعت له ملابس من الدولاب..وعطته المنشفه :اخلص مافي وقت..
قام اسامه..ومبسوط انا هاجر ونظام هاجر رجع له..
طالعها بنص عيون:فديتك..
هاجر:شكراً..
جا ندسها بكتفه:ليه الرسميات...
هاجر بتضحك..بس كتمت الضحكه:اسامه ليه تضيع الوقت..
اسامه راح الحمام وهو يقول:ياثقالة دمــــك..
يوم دخل الحمام هاجر بهمس:وياحبي لخفة دمك..
* * *
نجي لبيت حمدان...
دانه متكوره في الصاله..ونايمه على الكنبه...
والشغاله:دانه يلا قوم..في يجي اللحين بابا احمد سوي وآجد مشكل..انت مافي صلي جومعه..
دانه وهي نايمه تصرخ على الشغاله:
ياكثر بربرتك انتي..انزلعي عن وجهي..
طق الجرس...
وراحت الشغاله الثانيه تفتح..
كان اللي جاي غيث..الشغاله:
سلام أليكم بابا..مبروك جواج..
غيث ماله خلق لها:الله يبارك فيك ..عقبالك..
الشغاله:سنو انت كلام..
غيث:اقول وخري عن وجهي..خليني ادخل..ماشفتو مسباحي..هنا..
"المسباح غالي عليه لأن هدية اسامه بمناسبة الملكه"
دخل..وسمع الشغاله وهي تصحي دانه..
الشغاله:يلا دانه قوووم..بليز..
دانه وهي معطتها ظهرها:
عساس اللي يبليتس..انا مانمت الا الساعه تسع ومقعديني من الساعه 11...
الشغاله:هذا بابا احمد..كلام عشان انتي صلي جمعه...
دانه:صلوا عليك ميته..قولي آمين..خلاص..ياختي انتي ذبانه ليل ماتفهمين..ابوي احمد الظاهر يبيني احضر الخطبه في المسجد..من يسمع الآذان الاول قال..صحوها..
دخل غيث وهو يكتم ضحكته...
وش هالآدميه..
أشر للخدامه انها تروح..
دانه انبسطت لأنها ماعادت تسمع صوت الخدامه وكملت نومه..
غيث حسها صغيره على الكنبه..وكنها طفله..
انتبه لشعرها الفاتح المبعثر على وجها وعلى الكنبه..كانت لابسه بجامهcat برمودا..
والبنطلون كله صور السنافر...
جا قرب منها..وعارف ان البنت تستحي بشكل فا حب يقهرها..
طالع ذرآعها اللي كلها مكشوفه..
بلوزتها اللي مرتفعه شوي ومبين بطنها وظهرها..غيث مايكذب..اعجبه شكلها...واغرته..
لمس ذراعها ..وتحرك تفكر حشره..
بعدين قام لمس ظهرها..وجنبها...
دانه كأنها تكهربت..نقزت من مكانها وهي تصرخ:وجــــع..
طالعت غيث وعيونها متوسعه..وخدودها صاروا حمر واخذت مخدة الكنب وحطتها على حضنها كأنها تخبي جسمها:انت وش تسوي؟!
غيث رفه حاجب:وش عندك ماصليتي الجمعه...
دانه:ليش كم الساعه...
غيث :الساعه وحده اللحين...
دانه مو عارفه تقوم لان بجامتها ضيقه وقصيره...
وجسمها كله سخن ان لمسها..
دانه حست قلبها مرتبك ..ويخفق بسرعه...
وتلفتت ماشافت بو حمدان..
وبعصبيه:وش هولا تلمسني وانا نايمه وش مدخلك الصاله بدون اذن..
استرخى غيث على الكنب..
والله البيت بيت جدي..مثل ماهو جدك..واول استأذن بحكم انك تتغطين...بس اللحين انتي زوجتي...
دانه:ولو..مايصلح تدخل وانا بذا اللبس..اصلاًً عيب تشوفني وانا نايمه وماخذه رآحتي بالصاله..
غيث عقد حواجبه:دانه وش عندك انتي عيب وعيب..ارحمينا بس ..وبعدين وش هولا تاخذين راحتك في الصاله ..مهما يكن ..هذا بيت عايله..افرضي مو انا اللي جاي..واحد غيري من الشباب..
دانه حطت المخده على الكنبه وقامت:
خير ياعمي ..هذا البيت كلن يدري اني فيه..يعني بيتي وآخذ حريتي فيه..واللي يدخل من غير أذن قليل ادب ومايستحي..
طالعها بنص عيون وهو رافع حاجب...
وشاف بابا سنفور كبير على صدر البلوزه...واعجبه لوكها...ومرره كانت حلووه بطبيعتها..
غيث:طيب شوي شوي لاينط فيك عرق ياراعية البيت "وطلع جواله وصور بابا سنفور تللي على بلوزتها"
دانه لاحظت انها تهورت ..وشافت انها واقفه قدامه بذا اللبس...
وبعصبيه:يووووووه...
وراحت تركض بسرعه فوق...:بصلي وانزل..
ضحك غيث عليها:اللهم لك الحمدوالشكر..
شوي الا جا جده..
قام سلم عليه:هلا يبه احمد اخبارك..
يوحمدان:هلابك ياولدي...
غيث:تقبل الله...
بوحمدان جلس:منا ومنك..ورام ماصليت...
غيث:بلى يبه صليت..وجيت قلت بشوفك وباخذ مسباحي نسيته فيذا..بس انت وراك تأخرت الله يطول لنا بعمرك...
بوحمدان:دخلت عند ابو عبد المحسن جارنا وشربت معه قهوه...
بوحمدان نادى الخدامه:ماجلست دانه..
الشغاله:ماادري بابا..دانه نوم في صاله..انا كلام قوم هي مايبغى...
غيث:الا يبه قامت..بس رايحه تصلي...
بوحمدان:الله يهديها...
نزلت دانه..والشغاله كانت تقول:هذا دانه سوي واجد جنجان مايبغى قوم..
دانه كفخت الشغاله على مقفاها:
انا سويت جنجان يالتسلبه...ماأدري ليه البني آدميه هذي تحب تطلع علي أشاعات..
غيث توسعت عيونه وبيضحك....لكنه قال:
ترى الرسول وصى على احترام الخدم...
دانه سوت كفك مع الشغاله وهي تضحك:
لاهذي صديقتي كل نمزح مع بعض..تطقني واطقها...
بوحمدان:اخذيها معتس وفكينا منها...
دانه:كلها شقه بسكن فيها فوق بيت عمي...اجيب بعد شغاله..ماصارت...
طالعها غيث..كانت بدلت..لابسه برموده جينز فاتح...وبلوزه طويله لونها ابيض..وحاطه مطاطات على يدينها سماوي وابيض..
وفاكهه شعرها..صاير شكلها مرره رايق وناعم..
بوحمدان:يابنتي مالقيتي مسباح زوجتس جاي يدور عليه ضيعه هنا..
دانه رفعت حاجب:مااحد قال له يضيعه..انا كل شي اشوفه في الارض آخذه لي..
غيث:خير ياطير..اقول رجعي مسباحي...
هزت دانه راسها بلا..:ماراح ارجعه عجبني..
غيث:اجيب لك غيره..هذا هديه من اسامه..
دانه:اوب مشكلتي..انت اشتر لك واحد جديد..هذا خذته وبخليه ذكرى لخطوبتنا...
جدهم قام:
انا مالي خلق لهذرتس انتي وياه..بقوم انسدح في حجرتي..ان طاح الغدى قولوا لي ..
دانه تداعب جدها:
ها حمود بتروح تنسدح في غرفتك اللي تحت واللا اللي فوق عشان تتذكر حبيبة القلب منور..
بوحمدان:ياطويلة اللسان..مابي شده اصعد فوق..بنسدح فيذا الحجره..
دانه ترسل له بوسه في الهوى:
ياحبي لك..لاتنسى حبوب القلب..يابعد قلبي انت..
راح الجد..:الله يسعدكم يابنتي..
غيث:ماشاء الله تعرفين تغازلين..
دانه:تصدق احس نفسي ماأعرف اغازل الا ابوي احمد..ياخي امووت فيه..
غيث:حلوو..الله يهنيكم..ووين مسباحي..
دانه ابتسمت وبشقاوة اطفال:لالا..ماراح اعطيك ايااها..
غيث:انتي حراميه..
دانه:وانت لئيم..وش ماخذه منك انا يالبخيل..
غيث:مو على بخيل..بس هاذي هدية اسامه..
دانه:خلاص حنا ماراح نكون مع بعض..يعني الحلال وآحد..
وطلعتها من جيب بنطلونها..وحطتها قدام عيونها..وابتسمت:بس واللهي ذوق..
شغل غيث زقاره..
وقام يدخن..وابتسم:خلاص.اخذيه يارودرنر دامه عاجبك لذي الدرجه..
دانه فرحت..:صدق..مشكور ياغيث..ماقصرت..
نفخ الدخان:بس بشرط..
دانه:آمر..
غيث:تحذفين ال‘يميلات اللي لطشتيهم من ايميلي..
دانه قامت ومسكت يده وافتحتها وحطت السبحه:سوري غيث..خذ مسباحك..بس الإيميلات ماراح اخذفها..
غيث معصب:طيب وش لك فيها..
دانه:تطمن لاانا بغازل ربعك..ولابفتحه..بس كوني هكر..خل عندي ذا العاده ..ماأحذف الإيميلات اللي اسرقهم الا بمزاجي..
غيث:وليه حضرتك..بتفتحين معرض ايميلات..
دانه هزت كتوفها:ليش لا..
غيث قام:انا بمشي اللحين..اشوفك على خير..
دانه:طيب تغدى معنا..وتكفى غيث لاتزعل...
غيث:مانب زعلان..
دانه:كذاااب..والله باين عليك زعلان..طيب ماعندك ثقه فيني..
غيث:ماقلت كذا..>>وخاف اذا اصر عليها تشك فيه..
عشان كذا قال:خلاص خلي الإيميلات عندك ومانب زعلان...
ابتسمت دانه:مشكور غيث..
ولاحظ في ابتسامتها انها مستحيه..
واحتار في نفسه ..من ذا البنت..
وراح مشى ناحية الباب وهي واقفه..
اللتفت ورمى عليها السبحه..:
احتفضي فيها ولاتضيع..
لقفتها>>مسكتها...
وهي تطامر:هييه..مشكور غيوث..
ابتسم:العفو..
ومشى..
* * *
يتبع ........

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 25-11-2018, 12:38 AM
EMAN.Y EMAN.Y غير متصل
©؛°¨غرامي مشارك¨°؛©
 
الافتراضي رد: رواية لا تحسب الي جرالي بالهوى كسره /بقلمي


في بيت أسامه..نرجع للوقت اللي تروش فيه اسامه...وحتى هاجر خذت شاور..
واللبست ونزلت...
كانت لابسه فستان نعووم..واللوانه فاتحه..ورافعه شعرها..ومكدشته بالجل..وحاطه كحل وقلوس..
شافتها ام إبراهيم وبفرحه:
حيا الله الغاليه..نور البيت يابنتي...
سلمت عليها هاجر:كيفك ام إبراهيم..واللهي لك وحشه..
ام إبراهيم:انتي اللي اخبارك وعلومك يابنتي..
هاجر:تمام..هاسويتي الفطور..والا اسويه..
ام إبراهيم:جاهز يابنتي ..حياكم..
اللتفتت هاجر ناح الدرج..وشافت الهنوف تنزل..
حست بقهر..من تكون الهنوف ..عشان تاخذ راحتها في بيتي..اففف
وشافت بعدين اسامه ينزل..ويمر جهة الهنوف..لان هو ك1ا ينزل ويرقى على الدرج بسرعه وسمعته وهو يقول لها:
صباح الخير هنوفه..
والهنوف ببتسامه:صباح النور..
هاجر حست الدم كله يصعد في راسها..ليه يصبحها بالخير..
ليه يقول لها هنوفه..
تجاهلتهم..وراحت جلست على طاولة الاكل..جا اسامه وهو مبسطو انه يشوفها:فديتك منوره السفره الليوم..
هاجر بملامح جامده:
شكراً النور نورك انت والمدام..
وكانت الهنوف توها واصله..
وببتسامه هاديه:منوره بيتك ياهاجر..
هاجر تصب لنفسها قهوه سوده:
شكراً..
اسامه حس الوضع مره متوتر...
جلس مكانه..:
الهنوف جلسي ليه وآقفه...
الهنوف صدق مالي داعي زوج وزوجته ..وش هولا انا ناطه معهم..جات جلست..
هاجر كانت تشرب القهوه وهي ساكته..وتحاول انها ماتطالع لا اسامه ولا الهنوف..
اسامه:
ها..اجل وش سويتوا في الحفله؟!..
الهنوف كانت مرتبكه..
وهاجر طالعت اسامه ورفعت حاجب:والله الحكي عند زوجتك..انا ماحضرت الا جزء بسيط من الحفله..طول الوقت مع دانه..
الهنوف:
كانت الحفله حلووه مرره...ومرتبه..ماشاء الله ماينقصها شي..
اسامه:أي دام الذيبه هاجر مرتبتها..
هاجر ماردت ..ل،ها فتحت الجريده وجالسه تتصفحها...
وكانت تحس انها تعبانه..وقلبها يذوب..بس مو قادره تبين..كبريائها مايسمح لها..
الهنوف:ماشاء الله ..صراحه ذوق ياهاجر..
هاجر نزلت الجريده..وطالعتها بنظرات عدم اهتمام...
وفي ذيك اللحظه انتبهت للشامه على رقبتها..وعقدت حواجبها وفي نفسها"انا بجن..شايفه الشي هذا بس وين..مستحيل اكون اتوهم..لان شامتها مره كبيره ووآضحه..
الهنوف تقول لأسامه:
اسامه البارح فتحت جوالي..
اسامه بإهتمام:بالله ..طيب كلمتِ ابوك..
الهنوف:لالسى..
اسامه:طيب كلميه وش تنتظرين..
هاجر خلاص وصلت حدها..الولد ماين معها وعلى الآخر بعد..
حطت الجريده بقووه على الطاوله...وكأنها تنبههم لوجودها..
اسامه كان رافع فنجان القهوه يشرب منه..
وطالع هاجر بنظره حلووه...وكان عاجبته الغيره اللي مبينه في عيونها..
بعدين تكلم:هجور..اكلي ..بسك قهوه...
هاجر رفعت حاجب...انا عامله ريجيم..حاسه اني سمنت من الرآحه النفسيه اللي كنت فيها..
اسامه ضحك:كثر لي منها..يابتاعة الريجيم..طيب علمينا وش رجيمك ياحلووه..كني انا بعد سمنان ابي انحف..
هاجر تشرب في القهوه:لا أركد انت..إذا ضعفت اكثر من كذا تصير مو حلو..ثانياً الريجيم مايصلح لك قوي شوي..
اسامه:
طيب افيدينا ..يادكتوره..
هاجر بعدم اهتمام..بس كانت صادقه..:انا بكمل الشهر ..ماأشرب الا قهوه وابلع كبسولات فيتامين...واحيانن آكل مع دآنه ...واخرب الريجيم..
كانت تتكلم واسامه عيونه تتوسع..عصب عليها..وقف وهو يضرب الطاوله:
مجنونه انتي..وش ناويه عليه..تبين تذبحين حالك..
طالعته هاجر وهو يتكلم..وقفت وهي متفلته اعصابها..وضربت الكوب الي قدامها ورمته على الارض..وانكسر..
وبصوت عالي...:
وليه اعيش..من زينها عيشه..جالسه افطر وضرتي قدامي..اسامه كل شي اجامل فيه الا أنت..من تكون الهنوف اوغيرها تطق حنك معها...عسى الله ياخذني وافتك...
رفست الكرسي ورمته..ورآحت تركض فوق...وهي تبكي..
دخلت غرفتها وسكرت الباب عليها...
وقامت تأنب نفسها:أنا غبيه ..كنت على امل اني بصير قووويه وبواجه الموقف..بس صدق طلعت مو قدها..وكيف أواجه ..جالس يسولف معها..هذا قدامي كذا...
تخيلت اسامه يبوس الهنوف..وضمها..تخيلت نام معها في غرفه وحده...
وانهاارت..يلعن الهنوف واللي خلفوها طالعه لي في البخت هذي..
سمعت آذان الظهر..بكت..
بكت ياربي افتحها علي..وفرج همي..ياربي حنن قلبي على اسامه ...ورجعه لي..ياربي ارحمنـــي..وألطف بحالـــــي..


* * *

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 25-11-2018, 12:40 AM
EMAN.Y EMAN.Y غير متصل
©؛°¨غرامي مشارك¨°؛©
 
الافتراضي رد: رواية لا تحسب الي جرالي بالهوى كسره /بقلمي


البارت السـادس عشر
ظلت هاجر في غرفتها..انبطحت على فرآشها وبكت..حاولت تكون قويه ماقدرت..
حاولت تفكر بعقل وترجع لأسامه مثل اول ماقدرت..
قلبها مو قادر يتجاوب مع فكرة انه تزوج عليها..
حتى لو شكلي..
هو قاط الميانه مع البنت..
ماتدري متى خذها النوم..ونامت..وشافت منام غريب..
وهي صغيره تبكي عند جدتها منيره..:
يمه منيره ابي اروح لهنوفه..الله يخليك وديني لهنوفه..والله ماأبكي اقول اجي..ابي هنوفه..ابي هنوفه..
جلست من النوم وهي تشهق..
وعيونها متوسعه..
ومسكت قلبها اللي كان ينبض بسرعه.."اعوذ بالله من الشيطان..."
وظلت مصدومه...
بعدين قامت فتحت دولابها وطلعت بوكس افتحته..كان فيه كاميرة فيديو..
دورت في الأشرطه اللي في البوكس...ماحصلت اللي تبي..
نزلت بسرعه تحت..مالقت احد في الصاله...رآحت المطبخ..وانفاسها تلهث..:
ام إبراهيم عطيني مفتاح السرداب..
ام ابراهيم:خير هاجر وش تبين فيه..
هاجر بعصبيه:اخلصي هاتيه..
افتحت ام ابراهيم دولاب وطلعت رزمة مفاتيح..وطلعت واحد منهم:سمي..
خذته هاجر وراحت بسرعه:سلمتي..
ركضت ونزلت من درج السرداب شغلت الانوار وافتحت الباب...
ودخلت..وافتحت انوار السرداب..من زمان ماجات فيه...
كان جزء منه مسويته مرسمها...شافت لوحاتها القديمه..والألوان..
والجزء الثاني في اغراض وخزاين ..
راحت افتحت خزانه وطلعت بوكس كبير..
اجلست على الارض وافتحته..
كان كله اشرطة لكاميرا الفيديو...واشرطة فيديو...
وقامت تدور..كلهم مكتوب فيهم...
"هذا عيد ميلاد خوله...هذا نجاح ضاري بسادس ابتدائي..وهذا خطوبة هيام..وهذا طريق القصيم...وهذا رحلة الثمامه 1418.."
هاجر توترت وهي تدور اشرطة القصيم ومو محصلتهم..
خذت البوكس وكبته على الارض..وقامت تدور فيهم...
ولقت شريط مكتوب فيه"هاجر والقصيم"
خذته ...يمكن هو...
طلعت من السرداب..وكان وقت مغرب...رآحت الصاله برضو مافيه احد..وطبعاً جابت الكاميرا..واشبكتها على البلازما..وحطت الشريط..
عادته..كان في مشاهد لها وهي عمرها يمكن اربع او خمس سنوات..مع جدها وهذا مع امها منيره...وهم في مزرعة اهل جدتها..
قامت تقدم..مافي شي من اللي هي تبيه...
مش معقوله...مافي تصوير للبنت اللي كانوا يودوني لها هناك...
فجأه لقطت مشهد ..وعادته...
هي مع بنت ثانيه صغيره..بس شكلها اكبر منها بسنه سنتين...
منبطحين قبال التلفزيون ...على مسند..ويشوفون فلم هندي..
وباين ان الشغاله هي اللي تصورهم..في المشهد..
هاجر رفعت رآسها وتكلمت :
انتي ياثلامه لاتخربين كاميرتي ادبحك..
الشغاله:أنا في معلوم صور..يلا شوف فيلم..جميل وآجد..
البنت الثانيه رفعت رآسها...:سلامه..نبي اغنيه زي مساعه في الفلم..
الشغاله:اللحين ييجي انوف..شوف..
هاجر عادت المشهد تبي تركز على الاسم اللي قالته الشغاله.."انوف"
هاجر متوسعه عيونها..اسمها الهنوف..اكيد اسمها الهنوف..
ظلت وآقفه وتطالع باقي المشهد اغنيه هنديه في الفلم..
هاجر تأشر على التلفزيون:أنا بتزوج البطلى..حلوو..
الهنوف:انا اللي بتزوجه ..انا قايله قبلك..
قاموا البنتين..ويتهاوشون كل وحده هي اللي تبي تتزوج البطل..
الا طلع ولد في التصوير يمكن عمره سبع سنوات حليووه ولابس ثوب شتوي وطاقيه ومسكين يقول:
هنوف..تبين تتزوجين الهندي..وماتبيني..انا بثير زوجك بعدين..
الهنوف حطت يديها على خصرها:
زياد انا مابي اتزوجك ..انت سنونك طاحت اللي قدام وصار شكلك اوب حلو انا ابي اتزوج البطل..
زياد يكسر الخاطر:امي قالت يطلعون لك..لازم يطيحون اللحين..
الهنوف بلعانه:لا مايطلعون لك..شكلك بيظل يخوف..مابيك..انا ابي البطل الحلو اللي في التلفزيون..
هاجر:مو على كيفك انا بتذوجه ..انا احلى منك..
الهنوف:انا احلى منك..
الشغاله:خلاص هادر..انوف..هذا بطل جميل زواج هادر انوف سوا اوكي...
البنات:أي..صح يتزوجنا ثنتينا..
زياد بيصيح:هنوفه وانا ..من يتذوجني..انا ابيك انتي..عمي قال هنوفه تصير زوجتك بعدين..
هنوف تمد لسانها عليه:مااااابيك..
ووقفت هاجر التصوير..
على صورة الهنوف الكبيره وهي ماده لسانها..
وكانت عيونها تهل دموع..
وهي تطالع في صورة الهنوف الكبيره على الشاشه والشامه مبينه في رقبتها..نفس العيون والملامح..
سمعت صوت الهنوف وراها تهمس:شفتي ياهاجر فاولت علينا الشغاله وخذنا نفس الرجال..
هاجر ظلت ساكته ولا اللتفتت..
قربت الهنوف من الشاشه...
وكانت مبينه صورة زياد..حطت يدها على الشاشه:
هاجر أنا هذا حبيبي..ومثل ماأسامه مايقدر يحب غيرك..انا ماأقدر احب غير زياد..
هاجر جلست على الكنبه وسندت رآسها على كفوفها:الهنوف انتي كنتي صديقتي وحنا صغار..انا اذكر كيف كنت اتلهف عشان اجيك ..ليه تصيرين ضرتي..
الهنوف تنهدت وهي ماتشيل عيونها عن زياد:
مو على كيفي واللهي مو على كيفي..لو على كيفي ياهاجر ان كان ماعشت مع غير زياد..
ظلت هاجر ساكته..
الهنوف تطالعها:هاجر ..الله يخليك خلي بالك من اسامه..وربي يمووت فيك..انا ماشفت واحد يحب زوجته لدرجه هذي..
هاجر:
انتي مو فاهمه شنو انا وأسامه..انتي مو فاهمه وش قد مصدومه فيه..
الهنوف:ياهاجر اللي يحب يسامح ..وتدرين ان اسامه من طلع لصلاة الجمعه مارجع ..وماهو راضي يرد على الجوال..
هاجر خلاص حست ان اعصابها تعبت..ومو قادره تجمع افكارها ولا تركز على شي ..تركت المكان وصعدت غرفتها..
* * * *
شيما جلست في غرفتها..وفتحت المنتدى..
ونسخت ايميل "عشقتك"واضافته..
ماتدري ليه فقدته كذا..
ماتدري ليه خافت عليه...
من بعد رسالته اللي قال لهاانه يحبها فيها وهو مختفي..
وحتى في المتواجدين ماتشوفه...
كانت تحس بخوف من اللي سوته..
بس..في شي دفعها انها تسويه..اضافته...
ورجعت على المنتدى..
شوي الا جاتها مكالمه من دانه...
ردت شيما..:
هلا دنو..حيا الله عروستنا..
دانه:يحييك ياغلاااي..اخبارتس وعلومتس..
شيما:انا تمام..أنتي كيفك..وكيف ابوي احمد..ان شاء الله وضعوو منيح..
دانه:الحمدلله..انا مكلمتك عشان ابوي احمد..
شيما:خير وش فيه..
دانه:ماادري شيما..والله احس خايفه عليه ..السكر عنده مو رآضي ينتظم..يعني اقيس له اياه مثلاً الظهر اشوفه اربع ميه..اعطيه انسولين..بعد ساعه ساعتين..ينزل لدرجه يوصل ثلاث وخمسين..اربعين..
شيما:عادي حبيبتي ..انتي شوفي بعد ماتعطينه الابره..عطيه شي ياكله..
دانه:وربي خايفه يصير له شي..يشتكي من قلبه ..بس مايقولي..شيما وش اسوي..
شيما:دانه حبيبتي ..ان شاء الله مافيه الا الخير..انتي بس لاتوسوسين ..وشوفي السن له دوره..
انتبهت شيما ان عشقتك صار اون لاين..وعلى طول كتب لها..لالا
ماأصدق معقوله الدكتوره عاشقه سراب اقبلت اضافتي..مستحيل..
ارتبكت شيما..ومو عارفه تكلم دانه ..
ودانه كانت تقول:
شيما عذريني طفشتك معي...
شيما:لاعادي فديتك..مثل ماهو جدك..جدي انا بعد ولا نسيتي..
دانه:الله يجزاتس خير..يالله سلمي على الأهل..
شيما:الله يسلمك..
وقفلت..
وكتبت لعشقتك..."سؤال ليه انت متأكد اني انا نفسها..
عشقتك:لأن ايميلك نفس نكك بالمنتدى ...بس وربي نور ماسنجري..كيف اقتنعتي تضيفيني...
ماعرفت شيما وش تكتب..
بعدين اكتبت:بس كذا بمزاجي..
عشقتك:ياثقالة دمك..قولي انك فقدتيني..وفادت معك الخطه..
شيما:وش خطته..
عشقتك:خطة الابتعاد عن المنتدى اكيد فكرتيني مت..
شيما:يعني كنت تستغفلني..اللحين اعطيك بلوك..
عشقتك:لادخيلك..انا سحبت كلامي..انا مو مصدق وصلت لك..
شيما:طيب اللحين واضفتك..وش تبي مني بالضبط..
عشقتك:لا..لا بصرآحه ماتوقعتك جلفه لذي الدرجه ..بغير نظرتي فيك ..ياختي صرت انا البنت وانتي الولد على ذا الاسلوب..
شيما:وش لك بأسلوبي ..لو سمحت اختصر عشان اقفل واحذفك..
عشقتك:لو سمحتي ياعاشقه>>تدرين مو حلو نتعامل بنكات...
شيما:والمعنـــــى..؟!..
عشقتك:انا اسمي سلطان..
شيما:وانا احب تناديني ام حمدان...
سلطان حط فيس مصدوم:خير انتي متزوجه..
شيما:لاوالله مو متزوجه ..بس احب ذا الاسم..وعشان نظل رسميين وماتقط الميانه معي...
سلطان:بس وربي حسستيني انك عجيز كبر جدتي الله يرحمها..
ام حمدان..والله كبير الاسم..
شيما:بليز لاتطنز..واخلص ترى ماعندي وقت..
سلطان:انتي وش بلاك ..وش اخلص..انا ابي اسولف معك..مابيك تخلصين لي معامله..
شيما:شكل الكلام ضايع معك..
سلطان:لاكفين ..دقيقه لاتقفلين...
شيما:وبعدين..؟َ!..
سلطان:شوفي خليني اتكلم معك بصرآحه..وبعيد عن المزح وخفة الدم ..شوفي ياأم حمدان..
شيما ابتسمت يوم شافته كاتب ام حمدان..
كتبت:ايوووه...
سلطان:انا من شفت خواطرك واسلوبك وانتي عاجبتني ..حسيتك حنونه ومعذبه..
شيما:تكفى يالمحلل النفسي..
سلطان:اقسم بالله ترى بقفل وماعاد تشوفين خشتي..
شيما:لاخلاص كمل..
سلطان:اسمعي يابنت الناس انا شخص مريض وحالتي صعبه..ومابقى لي في العمر كثر مامضى..وعمري خمس وعشرين..
شيما قلبها خفق بقووه:..
وكتبت:انت تكذب وتبي تستدر عطفي..
سلطان:شوفي انا عمري ماقلت لأحد اللي فيني لاني ماأحب اشوف الشفقه منهم..بس يوم حسيت ان قربت منيتي..وشفتك حبيت اعيش معك قصة حب..حتى لو تكذبين علي بمشاعرك..اهم شي افرح قبل امووت..
شيما حست بغصه في حلقها ..وش قاعد يقول هذا..من صدقه ..
كتبت:طيب وش نوع المرض اللي فيك..
سلطان:ماأبيك تعرفينه ..واللي ابيك انك تنسين الكلام هذا..وتفكرين صح..
إذا تقدرين تعيشيني جوو الحب قبل امووت..
شيما:وش فيك انت..انا مستحيل اكلمك او تشوفني واشوفك..
سلطان:واللهي قابل ياام حمدان..انا بس إذا شفتك على ها الماسنجر..يغنيني عن الدنيا كلها...
شيما:طيب انت مافكرت في مشاعري..ماخفت اتعلق فيك بعدين افقدك..
سلطان:صدقيني انتي عاشقه..وادري انكرتحبين ..مبين في خواطرك..بس عطيني القليل..ومو مطالبك في شي..
شيما حست بصداع..مش معقوله..الوضع مو طبيعي ..
هذا الانسان بيعيشني على اعصابي ..ماأدري احذفه وافتك..
كتب لها:ارجوك ياام حمدان لاتردين..مريض يبي يمووت يتوسلك..وش دراك يمكن تعطيني وجه ذا اللحين ..واموت بكره وترتاحين مني..
شيما تبي تتملص منه كتبت:
طيب وان قلت لك اني اووب حلووه ومرره سمره ..وشعري خشن..وسمينه باللحيل..
سلطان:ابد قابلين فيتس حتى لونك تكرونيه...
شيما ضحكت:وش يبي ذا واللهي لزقه عنزروت..
شيما:أي اكيد لأنك تكروني..
سلطان:سمعي ياام حمدان..والله لا انا امدح نفسي ولا غرور ..بس الحمدلله انا فيني زين..لو تشوفيني تخقين معي..بس المصيبه مابي صحه..
شيما:ايه صدقتك..وحاطه فيس "نص عيون"
سلطان:والله صدقتي ولا ذا شي راجع لك...حنا اوب معرسين ..ولا علينا من اشكال بعض..حنا بنعيش قصة حب..يمكن تكون يوم يومين اسبوع شهر ..بس ماهقيت سنه...
شيما:وش فيك انت متشائم...
سلطان:لأن هذا الواقع ..ها..وش قلتي ..قابله باللي قلت لك...
شيما:اوكي..افكر..
سلطان:الله يحنن قلبك علي..
فتحت ملاك الباب..وعلى طول شيما نزلت الصفحه...
ملاك:قومــــي يلا..جا آخر من يعلم..
شيما قامت بسرعه...ونست سلطان نهائي...
وهي تقول:جيتك..فديت خلودي والله..>>طبعاً الحلقه كانت لخالد عبدالرحمن...
وطلعت من الغرفه...
* * *
رجع اسامه البيت يمكن الساعه وحده وماكان في احد...
صعد فوق ناحية غرفة هاجر...
فتح الباب شافه مقفل...
هاجر كانت متوتره من كل شي صار...
وكانت منبطحه على سريرها ومو نايمه...
وحست بصوت الباب...
اسامه وصلت معه الف..ومن بين اسنانه:
هاجر الحركات الزفت هذي بطلي عنها...
ماردت...
وكانت تحس ان قلبها ينبض بسرعه..
رفس اشامه الباب وصرخ وهو معصب:
انا اوريك ياهاجر..انتي اللحين مكذبتني ومصدقه افكارك البايخه..انا اللحين ماعاد ابي منك شي ..ورايح اناام عند الهنوف
واشبعي بأنانيتك يابنت عمي..
وماعطاها فرصه ترد..راح جهة غرفة الهنوف...وفتح باب الجناح ودخل...وقفل الباب...
هاجر كانت تسمع كلامه وعيونها متوسعه...
قامت بسرعه وافتحت الباب...
لكنها ماشافته...
ظلت عيونها متوسعه وهي تطالع في جناح غرفة الهنوف ..
وانهارت وهي تجلس على ركبها...
ماقدرت تصرخ...
مسكت راسها بقوووه..حست انه بينفجر...
انا وش سووويت ..وش سويت..
* * *
دخل غيث بيتهم شاف شيما وملاك عند التلفزيون...
غيث:وانتو مانمتو...
شيما ابتسمت:هلا حبيبي ..وش فيك ماتنشاف...
غيث:جلس جنبها وحط راسه على حضنها والله زهقان وطفشان..
ملاك:ليه وش فيك يارووح أمك ..يقولك احلى ايام ..ايام الخطوبه...
غيث:ارحمينا بس..اي خطوبه أي بطيخ..احس الليوم اني مخنوق وحالتي حاله..والله مو قادر اتقبل الوضع...
شيما تلعب في شعره:
طيب ليه ...غيث ماعجبتك دانه..
غيث طالع عيون شيما:
شيما بالعكس دانه مررره حلووه..ماأنكر ..بس انتي فاهمه وش اقصد..
عرفت شيما انه يقصد سديم...
ابتسمت له:
دامها اعجبتك..بتحبها..ياغيث..دانه روعه..وتكفى لاتتخلى عنها..
غيث:انا مستحيل اتخلى عنها..واللهي ماعندي نيه اتركها ..بس...
وفي ذيك اللحظه كانت ملاك تفرفر فو جوالها وتشغل اغاني...
وشغلة اغنية..
أنا وش ذنبي بغيابك
لهيب الشوق يكويني
أنا ماأقدر على بعدك
وقلبي مايطاوعني
ياروح الروح ياروحي
غيابك غير حسفيني
لأنك يابعد عمري
حبيبي الصاحب المعني
تعالي ياغناة الروح
تعالي وامسكي يديني
انا من غبتي ماألقى
بكوني شخص يسمعني
تعالي واسكنيني دوم
تعالي لاتخليني
انا كل مانويت ارحل
غرامي لك يرجعني
غيث كان يسمع الاغنيه واللكلمات...
وهو مغمض عيونه بقوووه..
وقلبه معوره...
وشافت شيما الدمعه اللي نزلت على جنب عينه..
همست :غيوث حبيبي..
فتح عيونه ..وقام:انا بروح انام...
ملاك اللي مو منتبه لشي:بتنام ولا بتكلم الحووب..
رفع حاجب ..:أقول خلك مع اغانيك المأساويه اللي تجيب الهم..
وراح..
قامت شيما..:انا بعد بروح انام...
ملاك..:مالت عليكم ..واللهي تجيبون الكآبه والقهر..
شيما:قومي نامي بعد انتي ..وش عندك..
ملاك:كيفي مابي انام ..اصلاً من اروح الغرفه احزن..خلني جالسه قي الصاله احسن..
جات رساله لجوال ملاك..افتحتها..شافتها من نوره اخت نايف..
وعلى طول انخطف لونها وقامت:
انا بعد بروح غرفتي..
شيما:وش فيك؟!
ملاك ركضت على الدرج :جاني النوم..مافيني شي..
ودخلت غرفتها..وافتحت الرساله ..
"ماقدرت ارد عليك الفتره الماضيه..لأن وضعنا صعب ..نايف تعب مره في كندا..ورحنا انا وابوي عنده..كل منك ياملاك..كل منك..
ملاك تأثرت..وقلبها وجعها ..وقامت تدق على نوره وذيك ماترد ولا تعطيها مشغول..خلاص بدت تبكي..."ليه يانوره تسوين كذا فيني..حرام مو ذنبي والله مو ذنبي ...

شيما رجعت غرفتها...
وافتحت اللاب توب..وقالت:يووه..كيف نسيته..
افتحت الصفحه اللي كانت تسولف معه فيها..شافته كاتب ..الو..الو..الو...وينك..ام حمدان...ردي...شكلك ماعاد تبين تكملين معي...على راحتك....
وكان اوف لاين..
كتيت له رساله فوريه"سوري..صارت عندي ظروف واضطريت اطلع بدون استأذن ..."
وقفلت الماسنجر ..والاب توب...
ونامت..
* * *
الساعه سبع الصباح...نزل اسامه وكان لابس ومتظبط ..بيروح الدوام..ومر في الصاله..
لقى هاجر منبطحه على بطنها على الكنب ..ويدها مرخيتها جهة الأرض..وعيونها متفتحه ..ومليانه دموع..ناظرته بصمت..
وهو وقف وطالع عيونها مده طويله...
بس بدون مايتكلم ..
حسها مجروحه ..مذبوحه..
وعيونها مره حمره وتصب دموع..
عوره قلبه بشكل..ومو هاين عليه يروح ويخليها..بس هي اللي تبي كذا ..هي اللي خلتني اسوي كذا..
همس لها:ليه مانمتي الى اللحين.؟!
لفت راسها للجهه الثانيه..ماتبي تشوفه او ترد عليه..
اسامه رفع راسه وتنهد بقووه..وطلع من البت..
* * *
مر كم يوم..
بختصار..
وضع هاجر..صاير دوم ساكته..ومبينه انها مطنشه ..وماتعطي اسامه ولا الهنوف وجه..
اسامه كان منقهر منها ..بس يكابر عليها..
الهنوف رجعت تكلم امها وابوها..وتجيها احيان مسجات من زياد...بس ترد عليه الا في النادر..
ملاك صار وضعها مره صعب...وخاطه بعد ماعرفت ان حالة نايف صعبه وانا مريض بسببها ونوره مو راضيه ترد وتطمنها...
شيما بدت تكلم سلطان على الماسن وتاخذ وتعطي معه ..والمصيبه انها مرره تعودت عليه وخايفه يصير فيه شي..وحاولت انها تسلى عن حب ضاري اللي مو معبرها بسلطان لكنها مو قادره..
فتحس احيان ان فيها انفصام في الشخصيه ..
غيث ودانه قمت التحشيش..
ماكنهم مخطوبين ..مايكلمون بعض..واذا حصل وجا لأبوه أحمد واللتقوا يفلونها ويحسها غيث واحد من الشباب مو خطيبته..
والليوم بالليل...
وبيت بو حمدان..
غيث ودانه يلعبون بليستيشن ..
دانه تضحك:شفت فزت عليك للمره السبع طعش..
غيث:اصبري يالطعسه علي نلعب ذا القيم وتفوز عليك للمره الثنعش..
دانه:اتحداااك..
غيث:ماراح اطفيه الا معادل النتيجه..
دانه:اجل بتقعد الى بكره...
وهم يلعبون ..دانه وقفت اللعب :
انا بروح اطمن على ابوي احمد...طيب..
غيث:اوكــــي..
وصعدت فوق...
غيث طلع الحديقه يبي يدخن...وشغل زقاره...وسرح بعيونه..يفكر..
واللهي دانه حبوبه ..ومافيها شي..بس ليه مالقيت اللي في سديم فيها..
سديم غير...كل شي فيها غير...
آآآآه ياقلبي ياسديم..ليت الايام ترجع ان كان ماضيعتك...
بعدين شي يقول في نفسه:طيب ودانه المسكينه من لها في الدنيا..بعد عين ابوي احم..بعدين بديهي تكون سديم غير ودانه غير..ليه انا دوم اقارن...
نزلت دانه ماحصلت غيث..فكرته مشي راحت ناحية الباب..شافته مفتوح..فتحته لقته جالس على العتب يدخن..
همست:فكرتك مشيت..
اللتفت غيث عليها وابتسم:وتفكريني بمشي قبل اسلم عليك..شايفتني ماعندي ذوق..
ابتسمت..ابتسامتها الحلووه اللي حبها غيث..
وجات جلست جنبه..:
وش مجلسك في البرد بره....
غيث تنهد وهو يرمي الزقاره...:
تعرفين ماحب ادخن داخل..وخاصه ابوي احمد يتضايق...
دانه لمت نفسها بكفوفها ومسكت ذراعينها ومبين ان شفايفها ترجف من البرد وهي تقول..:
طيب ليه ماتفكر تبطل تدخين...
غيث يطالع النجوم:
حطيت الفكره هاذي في بالي فترة وشلتها..
دانه:طيب ليه..؟!.
غيث:يعني احس متعود عليه مره...
بعدين احيان تمر علي ظروف مايعلم فيها الا الله...
دانه:وانت تفرغ في التدخين...
غيث:تقدرين تقولين..؟!
بعدين اللتفت عليها ولاحظ انها بردانه..
خذها بذراعه وضمها ناحيته..
دانه حست جسمها تكهرب ..وهي تحس يده ماسكها ذرعها العاري..
لكنها تحس بالراحه لقربه..حاسه انها تعلقت في غيث..وماتحب يظل فتره مايجي لهم..
وتحس انها تتضايق بقووه لو كان بيمشي...
همس لها:
دندونه..ماكنا تعودنا على بعض..
دانه وهي تلمس زرار ثوبه ..عشان ماترفع راسها وتشوف عيونه:
انا احس كذا بعد...
غيث:دانه..
دانه:هااا..؟
غيث:باقي على زواجنا اسبوعين...متأكده ماانتي ندمانه على ارتباطك فيني...
رفعت دانه راسها..وطالعت عيونه..
وابتسمت وهزت راسها بلا...
ابتسم..وهو يتأملها ..مرره حلووه ونعومه..
غيث وهو محتفظ ببتسامته:دانه انتي من وين جبتي العيون العسليه الفاتحه...
دانه:من امي..اصلاً انا كلي اشبهه امي..
غيث يداعبها:أثر خالتي الجازي ..كانت مزيونه..
دانه:ايه الله يرحمها..كانت تجنن..وحتى ابوي كان قمر...
غيث:اسكتي يقولون ان ابوك الله يرحمه...كان مدلل عند ابوي احمد..لأن آخر العنقود..وعشان كذا جدي يمووت فيك انتي بالذات..
دانه رفعت حاجب:
خير ياعمي ...غيرانيين مني...
غيث:لاوالله..انا اشهد ان العز للرز والبرغل قتل حاله...
دانه:وش تخربط..
غيث:سلامتك..يلا انا بمشي..بكره عندي دوام..
دانه تترجاه:تكفى غيث خلك توها اثنعش...
غيث صادها ..رفع حاجب:
وليه تبيني أظل..؟!
دانه ارتبكت واستحت:بس كذا...
غيث:طيب دامك تتلهفين علي وتبيني ليه ماتدقين علي...
دانه:وربي استحي داق عليك..احس مالي داعي..
غيث:ايش هالكلام يابنت...
دانه:والله دوم امسك الجوال وبدق عليك..واتردد..
غيث:دانه وليه تترددين..ترى انا زوجك اوب خويك..
دانه:يوووه والله ادري..
غيث:اجل وريني..واللحين والله مضطر امشي دانه..اشوفك بعدين..
وقام وقف..
قامت دانه..:بجيب شماغك من داخل ..
وراحت بسرعه ..وجابته ..
خذه غيث وهو مبتسم:زين تذكرتيه ..لو مخليه كان لطشتيه زي المسباح ..
حط العقال على رآسه..والشماغ على كتفه..
واشر بأصبعه جنب رآسها يعني يحييها..
وهو يقول:
يلا ياعسل ..اشوفك على خير..
دانه فتحت جوالها:
ممكن اصورك...
غيث جا جنبها:ممكن بس تكوني معي في الصوره..
دانه:لابتطلع مو وآضحه..
غيث:ماعليك جنبك الخبره في التصوير..
وخذ جوالها ..وقرب راسه من راسها وبعد الجوال شوي وخذا الصورة..
وباس خدها بسرعه ..واللتقط الصور..
وهو يقول:
هذي بتصير احلى..
دانه شهقت:غيوث...لا...
فتح الصوره..:شوفي والله روعه...
اثرنا ثنائي حلو...ارسليهم لي على الإيميل ولا وسائط...
دانه:ان شاء الله ..وانتبه لنفسك ولاتسرع بالسياره...وبس توصل عطني رنه..
غيث:تامرين امر الشيخه...
ورااااح...
ودانه تناظره..وفي داخلها:"ربي لايحرمني اياك"...

يتبع ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 25-11-2018, 12:42 AM
EMAN.Y EMAN.Y غير متصل
©؛°¨غرامي مشارك¨°؛©
 
الافتراضي رد: رواية لا تحسب الي جرالي بالهوى كسره /بقلمي


شيما..كانت تكلم سلطان على الماسنجر واكتبت له:
بارك لي تعينت..
سلطان:بالله..مبروك يالغاااليه ..والله فرحت لك من قلب...
شيما:طيب وبما اني صرت دكتوره ليه ماتجي المستشفى واشوف حالتك..
سلطان:لا تكفين ..ترى خلاص تعقدت من المستشفيات ..
شيما:سلطان ليه انت متشائم كذا..وترى الطب تطورر..
سلطان:لاتعصبين ياام حمدان ...خلك ريلاكس وخلنا نسولف سوالف تونس احن..
شيما:مابي اسولف..النفس طابت..وبعدين انا مضطره اقفل ..بروح انام...وراي دوام بكره..
سلطان: افااا..وتخليني اللحالي ..
شيما:سلطان والله تعبانه..تكفى اعتقني..
سلطان:خلاص على راحتك..وانتبهي لنفسك..وتغشي عدل في المسستشفى..وانتي مداومه..
شيما حطت فيس يحرك حواجبه:الناس وش لهم بوحده جيكره وشينه..اكيد بيطالعون الحلوين..
سلطان:ولوو..انتي اسلوبك بس يدرخ..
شيما:الله يجبر بخاطرك..
باي...
وقفلت..
** ** **
دانه انتظرت غيث يعطيها الرنه مادق...
وظلت تنتظر..وهي تحاتيه..
بعدين دقة عليه هي...
ورد على طول:
هلا باللي نورت جوالي..وش صاير في الدنيا...
دانه ماعرفت وش تقول:
ليه ماعطيتني الرنه...
غيث:بس قلت بشوف إذا زوجتي خايفه علي بتدق..
دانه:وش شفت؟!..
غيث:لا والله طلعت صدق تخاف علي...
دانه:وراك مانمت دامك وصلت...
غيث:ابد ماخذ لي شاوور..وتوني بلبس الا دقيتي..
دانه توسعت عيونها:خير وانت قاعه تكلم وانت مالبست...
غيث ضحك:وش اسوي فيك..انتي مادري وش تبين داقه قبل ألبس..
دانه حمرت خدودها..:
اقول روح ألبس واستح على وجهك..ترد على ناس وانت مو لابس..
غيث مات ضحك:ليه وهم بيشوفوني ..
دانه حست انها صدق..صدق...ارتفعت حرارتها..:
المفروض تفترض ذا الشي...
غيث بخباثه:اجل وش رايك اكلمك فيديو...
دانه:سخيييييييييييييييييف...
وقفلت في وجهه...
غيث مات ضحك..وهو اصلاً كان لابس ومخلص...
بس دوم يحب يموووت ضحك على تعابيرها...
** ** **
الليوم وفي وقت الظهر وبيت اسامه...
هاجر نازله من الدرج وهي تكلم جوال:
هيام وش فيك انتي ماتفهمين..اقولك لازيم تجين ..مافي مجال أأجل الجمعه..
بعدين جلست في الصاله اللي كانت الهنوف جالسه فيها..وحطت رجل على رجل...
وقالت:
خلاص راح انتظر..يعني بيبتدون يجون البنات من بعد المغرب...
هيام:مين بيجي منهم...؟!
هاجر:كلهم..يعني شيما وملاك..خوله ودانه..وغاده قالت بتشوف ظروفها ..لان فارس ولدها عنده موعد على المغرب..تقول ان خلصت بدري بتجي..
هيام:خلاص..وبخلي بعد البنات عند الشغاله واجي بروحي اوسع صدري..
جا اسامه في ذيك اللحظه...
وهاجر:اوكي فديتك..اشوفك على خير..وقفلت..
اسامه:السلام عليكم...
هاجر والهنوف:وعليكم السلام..
جا جلس ومبين تعبان من الدوام..
الهنوف:يعطيك العافيه..
اسامه:الله يعافيك..
وناظر اسامه هاجر بجنب عينه..ولقاها تدق رقم في جوالها...:
الو رام..شوف بعد صلاة العصر ابيك تجيب لي شغلات اوكي..
وسكتت بعدين قالت:
اولاً ابيك تروح باسكن روبنز وتجيب كيكه سمسيم جبتها آخر مره..وبرضو كيكه رول بالشكولاته..بس خلهم يقطعونها طيب..وروح شوكلاين..جيب كيلو منوع واهم شي يكون الصحن حلوو..طيب رام..
وسكتت بعدين كملت:
خلاص انا ارسل لك فلوس..باي..
وقفلت...
اسامه:ماشاء الله عند حفله ..
هاجر وهي تلعب بالجوال:تقدر تقول..
اسامه:طيب ماطلبتي بعد العشا...
هاجر:لا..لا..متفقه مع الصبايا كل وحده بتسوي طبق..
اسامه:ماشاء الله عليكم..من زود السنع..
هاجر:لاتطنز..لانك اكثر واحد تعرف وش قد انا سنعه..
اسامه:بس صار لي شهرين ماذقت طبخك يعني غيرت رايي فيك وبقووه..
هاجر:عادي..شي راجع لك..مو مهم عندي..
اسامه ضحك بسخريه:ياشين النماسه والنحاسه اللي صارت فيك..
هاجر رفعت حاجب:ممكن تحتفظ برايك فيني لنفسك..
اسامه بنص عيون:ماهميتيني..ورايي بقول..
بعدين ألتفتت على الهنوف وقال:
المهم...هنوفه اكيد معزومه معكم..
توسعت عيون هاجر..والتفتت تطالعالهنوف..خيييييير..بس هي من صارت الهنوف معها في البيت ..مالقت منها شي يغث..بالعكس تلاحظها تتقرب منها..
هاجر قامت وهي تقول:
اللي يجي حياه الله..
وراحت..
الهنوف:اساميه تحرجها انا مالي داعي ادخل نفسي بينهم..
اسامه استرخى على الكنب:
الهنوف لاتتفلسفين بعد انتي..وخلاص حضري جمعتهم..
الهنوف:اسامه..انت وش تفكر فيه ليه تسوي كذا في هاجر مع انك تمووت فيها وكل ليله تظل سهران وتهوجس بها..
اسامه رفع عيونه..وناظرها ..ورفع سبابته بتهديد:
سمعي يالهنوف..الامور هذي مابي هاجر تدري بها..وانا ماأكره هاجر لو سويت معها كذا..انا بس ابي اربيها..
الهنوف:بس والله حرام عليك اسامه...
اسامه:هاجر راسها يابس..وعنادها زاد عن حده..وانا اللي اعرف لها..
الهنوف:انا ماراح اجي يم ضيوف هاجر..
اسامه:ترى كلهم خواتي وبنات عمي..يعني مافي احد غريب..
النوف:انا هذوول ماتعودت عليهم..
اسامه:الهنوف انتي حُره ..بس يودي تكوني موجوده...
الهنوف قامت:يصير خير..
** ** **
بو اسامه في مكتبه...
جا له اتصال رد:هلا..
ام عناد:هلا اخوي..شلونك ..واخبارك..
بو اسامه:هلا..حيا الله الغاليه اخباركم واخبار بو عناد..
ام عناد:الحمدلله منسأل الا الا عنكم..بشرني عنك..وعن ام اسامه..واخبار الاولاد..
بو اسامه:طيبين يطيب حالك..
ام عناد:مشغول ولا اقدر اناقشك في موضوع..
بو اسامه:آمري وش بغيتي وان ااخوك..
ام عناد:شوف ياخوي ..انا ودي بملاك بنتك لولدي عناد..بس قلت اشوفك بالأول وتشوف البنت بعدين نتقدم رسمي..
بو اسامه:والله الساعه المباركه وانا اخوك..وين نلاقي احسن من عناد..
ام عناد:جعل عمرك طويل يالغالي ..بس انت شوف البنت وشاورها..وشاور امها..
ابو اسامه:خلاص يصير خير..وابشري بالي يسرك..
ام عناد:ماتقصر يالغالي ..في امان الكريم..
ابو اسامه:في امان الله...
** ** **
طق باب بيت اسامه..وافتحت ام ابراهيم الباب..
كانوا شيما وملاك هم اللي جايين...
دخلوا..
وقابلهم اسامه..وابتسم:
هلا..حيا الله القاطعات..
سلموا عليه..
ملاك:بعد انت ماتعزمنا في بيتك..
اسامه:عر اقبح من ذنب..يعني مسوين نفسكم غريبين...
شيما وهي تفسخ عبايتها:
والله اعرنا يابعد تسبدي..وين هجور..
اسامه:اتوقع فوق..
جااات هاجر وهي قمة الكشخه..لابسه برمودا قصيره لونها ابيض..وبلوزه"cat"لونها احمر...ومصلحه شعرها كيرلي ورافعته..
جات بسرعه وعدت اسامه وسلمت على البنات بحراره..
اسامه تنح وهو يطالع فيها..صايره مره تجنن وقطعه..
كانت تقول للبنات:
تفصلوا فديتكم..
راحوا الصاله ..
وراحت هاجر جهة المطبخ واسامه لحقها..
هي كانت رآيحه ومو مهتمه له...
مسك يدها..
واللتقتت هاجر:نعم..؟!..
اسامه طالع عيونها مباشر ومن بين اسنانه:
لاتتجاهليني كذا..
هاجر تحاول تنزع يدها من يده..:يكفيك الهنوف ..خلني انا في حال سبيلي..
اسامه ضرب انفها بصبعه:
شوفي هاجر غرورك هذا اوب علي..فهمتي..
هاجر كانت تناظر عيونه بتحدي..
بس كان قلبها يخفق بقوووه...
اشتاقت له..وبالحيل...تحبه..وبشكل..وعارفه انه مايحب الهنوف ..
ويحبها هي..
بس كل شي انكسر من يوم راح نام عند الهنوف..
هي ماكانت قادره تسامحه..
وهو مانتظرها تسامحه...
هاجر:اسامه اتركني..ولتنعكر مزاجي في ذا الليله..
ترك اسامه يدها وراح خذ له كاس ..
وصب له ماي..
وهي كانت تضبط بيالات..
تكلم اسامه وهو ماسك الكاس ويطالع من النافذه:
كنتي غير..كنتي تشاوريني في كل شي..من زمان ماجيتي ماسألتيني وش رايك في لبسي..من زمان ماسألتيني عن حالي..من زمان وقلبي يحترق وانتي ولا هامك..
هاجر كانت تسمعه وتحس بغصه في حلقها...
اسامه من بين اسنانه:
ماصدقتي اللي قلت لك..وشككتي في حبي لتس..حسستيني اني اخونك..ولاني قد كلمتي..
رفع الكاس وضربه في المجلى بيده وانكسر..
وهو يقول:انا اتعذب وانتي ماهنا احد...
شهقت هاجر...
وجات بسرعه وشافت يده مجروحه...
هاجر:انت وش سويت ...؟!..
وكان تبتمسك يده..لكنه سحبها..:
لاتكلميني.. وروحي عني لايتعكر مزاجك
وطلع من باب المطبخ..
وطلع من البيت...
هاجر ظلت عيونها متوسعه...آآآه ياقلبي..أسوم حبيبي يتعذب...آآه ياأسوم ليتك تدري وش قد امووت فيك..واتعذب لفراقك...
جات شيما..:هجور وينك..
هاجر نفضت راسها:هاا...جيت بجيب القهوه...
شافت شيما الزجاج:يووه وش منكسر..
هاجر:هذا الكاس طاح من اسامه وانكسر..
شيما:وينه اسسوم..؟!.
هاجر:طلع من ذا الباب ..يقول يمكن البنات جاو ولاشي..
شيما كانت جايبه سلة رحالات..وابتسمت:
شوفي هجور..هاذي اطباقي انا وملاك..مسوين لزانيا..ومشكشك..وبابا غنوج..
هاجر كانت متوتره عشان اسامه ..بس ابتسمت:
اووه ماشاء الله ماخليتو شي..
شيما:وش دعوى..يلا تعالي ..جات خوله وهيام..
هاجر:يلا جايه..
المهم تجمعوا البنات وقمة الفله والوناسه...
ملاك كانت لابسه برمودا اسود..وبلوزه مخططه اسود وفوشي..
ومسويه تسريحه ايمو..وصبغه مؤقته فوشي...
ومغمقه الكحل..ويدينها مليانه اساور..فوشي واسود...
هاجر تضحك:ملوكه وش عندك على هاللوك...
ملاك بنص عيون:انا صرت من جماعة الايمو..
دانه:خييييير...مالت عليتس...تبين توحشين علينا...
زفرت ملاك:لأني اشبههم صراحه...كئيبه وحزينه..وماحد فاهمني...
هيام:هي انتي ياام الشباب صاحيه...بعد كفري وقولي ماحد فاهمني..
ملاك:يابنتي خلي الواحد يعبر عن شعوره على الاقل في لبسه...
هاجر:والله اصلح اصير زيك واعبر عن شعوري..
ملاك:لبسك مضبوط..بس قومي لبسي برمودا اسود...
خوله:حدك عاد..لاتفسدين اخلاق اختي...
ملاك:طيعيني هجور..وعبري عن شعورك..
هاجر:خلني اقوم قبل تخربين عقلي..وقوموا افتحو غرفة الطعام..وزعوا الصحون اللي على السفره...وضبطوا الأطباق اللي جبتوها..على الطاوله..انا بروح اجيب اطباقي...
وراحت المطبخ ..ولقت الهنوف هناك...
كانت لابسه تنوره حلوه بيضه وفيها تشجيرات برتقالي وتركواز...
وبلوزه نعومه برتقالي..
ولاحظت هاجر ان البنت دايم محتشمه..حتى في البيت...
وكانت تشك في الوضع..هذي حتى ماتلبس لبس يلفت اسامه لها..
وبدت تجيها افكار..ان ماصار بينها وبين اسامه شي...
معقوله هو بس يبي يهيء لي ان يدخل ينام مع الهنوف في الغرفه...وهو مايصير بينهم شي..
انا اشوف البنت تستحي من اسامه بشكل..
حتى وهي تسولف بوجوده تكون متحذره ..
قطع شرودها صوت الهنوف:
هاجر انا سويت تشيز كيك..حبيت اشارك معتس في اطباقتس..
نفضت هاجر رآسها..وشافت الهنوف مبتسمه..وماسكه طبق فيه تشيزكيك شكله يشهي..
هاجر استغربت وعقدت حواجبها:ماله داعي كنتي كلفتي على نفسك يالهنوف..
الهنوف:
لاوالله مابه كلافه..ان شاء الله يعجبك ويعجب البنات..
هاجر:طيب انتي اوب جايه يمنا..
الهنوف:لا..اخليكم ناخذون راحتكم ..عارفه اني شخص اوب مرغوب فيه ..بينكم..
هاجر انكسر خاطرها على الهنوف..وحاسه صدق ان البنت ضايعه من جات..وملاحظه ان بس اسامه اللي يسولف معها ويسليها..
فا حطت نفسها مكانها..وماقدرت تتخيل..
قالت:
طيب تقبلين دعوتي لك يالهنوف..وتشاركينا حفلتنا الصغيره..
توسعت عيون الهنوف..وابتسمت ابتسمامه حلوه..
انتي من صدقك هاجر..
هاجر راحت تفتح ورق القدير عن الاطباق..وهي تقول:
أي ماأدري حسيت اني ابيك تكوني موجوده في الحفله..شوفي الهنوف انا مو حاقده عليك لذاتك..انا حاقده عليك انك تشاركيني في اغلى ماأملك...
الهنوف:
والنعمه اللي انا ماسكتها بيدي ..اسامه مايبي احد غيرك...
اللتقتت هاجر وهي عاقده حواجبها:
وش تقصدين..؟!..
الهنوف خافت توضح شي اسامه مايبيها توضحه عشان كذا قالت:
اقصد ان اسامه يحبك انتي وبس..ومستحيل يحبني..
هاجر رفعت حاجب بغرور ..وفي دآخلها كانت تقول بكل حنيه:فديته..وفديت حُبه...
جات هاجر لغرفة الطعام وهي شايله صينيه ...
ومعها الهنوف اللي كانت شايله طبق الحلى...
وكلهم توسعت عيونهم..
حطت هاجر الطبق على والطاوله..وخذت الطبق من يدين الهنوف..
وطالعتهم كلهم وهي رافعه حاجب:
اعرفك ياللهنوف على عصابة العايله...
هذي هيام اختي الكبري..وهي البكر..عندها بنتين ..هذي دانه سلفتها..زوجة غيث..انتي شفتيها وهي على الطبيعه..وهذي شيما..اخت اسامه صارت دكتوره..وهي مفخرة العصابه صراحه..
واشرت على خوله:وهذي اختي الحلووه خوله ..نعومه وتحب تتعلم لغات..عانس على صغر ...تقول ماتبي تتزوج..وهذي ملاك ماعليك من ستايلها وكوشك الاكسسورات..
تراها تبي تجرب حظها في الإيمو..بنت مقروده على مرتبة الشرف..
ملاك كان مو عاجبها الوضع..ولاعاجبها ان الهنوف جايه بينهم..
وقال بنرفزه:هاجر انتي وش عندك...
خزتها هاجر بنظره جامده:
ملاك..قومي سلمي على الهنوف مع البنات واللي يمس الهنوف بكلمه..كنه ماسني..
الهنوف كانت في شدة العجب والدهشه...
وش صاير في الدنيا..
ياأنها تحلم..او هاجر اووب صاحيه...
اشرت هاجر على الهنوف وابتسمت:
هذي الهنوف عضو جديد في عصابتنا...
قاموا البنات وسلمو على الهنوف...
وكانت الهنوف مرتبكه من الوضع...
وجلست على كرسي..وشوي بدوا يتعشون..وكانوا فالينها وضحك...
هاجر:خساره غاده ماجات..
ملاك:هي معقده الامور..الا تروح مع فارس موعده في المستشفى..قلت لها خليه يروح مع ابوه..
هيام:والله ماتقدر..انا لازم اروح مع بناتي..في مواعيدهم ماأقدر اهملهم..
دانه:تصدقون عاد نفسي ارقص..احس جاييني كبت...
شيما:يالشينه وليه تنكبتين..وانتي عرسك ماباقي عليه شي..ترا بتصيرين شينه...
دانه:اقول انطمي بس..بتشوفين بصير ألمع في العرس..انا ناويه اروح لبنان واشد هالتجاعيد اللي طلعت لي..
ضحكوا البنات..
هاجر:خير ياجدتي..زهقتي من تجاعيدك..
دانه تستهبل:أي والله يابنتي ..ياختي حماك شيب ابي..
الهنوف تفاعلت معهم وهي تضحك:
يازينتس يادانه..مير احستس بزره..وماتخيلتس بتعرسين..
دانه شهقت:
ياحبي لتس يالقصيميه..كلامها طبق الاصل زي ابوي احمد..انا حبيتك بزود..
الهم وخلصوا البنات العشا..
وبعدين في الصاله..
شغلة هاجر الاستريو..
وقالت:يالله يالمكبوته فليها...
دانه:لالا عاد لازم حد يرقص معي...
قامت معها خوله...ورقص..
الهنوف انبسطت معهم...وحستهم فله..
هاجر كان اسامه مو رايح عن بالها..ومشغوله عليه قامت..وراحت غرفة ثانيه ودقة عليه..
رد وبسخريه:
اكيد غلطانه في النمره يابعد تسبدي..
هاجر بهمس:
اسامه مو وقت مسخرتك..حبيت اطمن عليك...
اسامه:وماخفتي ذا الشي يهز كبريائك السخيف..ويشوه مبدئك في االانتقام مني..
هاجر:اسامه انا ماأبي انتقم منك ..اسامه حبي لك اكبر من اني افكر التفكير هذا..حبي لك اكبر من انه يتحمل يصير...
اسامه:
ياعالم انا انحطيت في موقف..ياعالم اللي صار مو ذنبي..اللي قارهني انك مشككه في صدقي معك..
هاجر وعيونها مليانه دموع..:طيب اخبار جرحك..لايكون عميق..
اسامه حس بحنان صوتها:تطمني مافيني الا الخير..
هاجر ملهوفه عليه:طيب وش سويت فيه..نظفته..
اسامه:
لاتخافين..انا رحت المستوصف وسو لي ست غرز..واللحين وضعي مضبوط..
هاجر شهقت:اييش..خطيوه لك..يعني الجرح كبير..
اسامه:عادي يابنت الحلال..هذا انا اكلمك يعني مامت..
هاجر:بسم الله عليك..
ااسمه:الله من زمان ماحسيتك ملهوفه علي..ولا تسئلين علي..
هاجر ابتسمت:مصيبه القلب..مايقدر يظل قاسي عليك على طول..
اسامه:اسعدني اتصالك..
هاجر:الله يحفظك ..انا بقفل...
اسامه:اوكي في امان الله..
هاجر:في امان الكريم..
** ** **
واكتملت الحفله على خير..كلوا الكيك واقاتو..وارقصوا وتونسوا..
مشت هيام وخوله...
شيما تكلم غيث:خلاص غيث حنا ننتظرك لأن الوقت تأخر..وتعرف ابوي مايرضى نجي الوقت هذا مع السايق..
غيث:خلاص فديتك..تجهزوا انا قريب..
وقفلت..
الهنوف كانت تكح..
شيما:الهنوف وراك..كحتك كو طبيعيه..
الهنوف تنحنحت وهي تحاول ماتكح..:
لاعادي فديتك ..بس يمكن شوية حشره مع ريحة العود والعطور
دانه:انتي متعوده يصير لك كذا...
الهنوف منحرجه:لا..اللحين تخف...
وصل غيث ودق عليهم ..
شيما:ها دندون تقومين نوصلك...
دانه:هاا...لا وش يوديني معكم بيجيني كومار..
شيما:طيب تروحين الحالك معه..والله الوقت تأخر...
دانه:لا عادي ..البيت قريب..بياكلني هو...سواقنا الصديق هذا..له عشر سنين معنا...
شيما:على راحتك...يلا ملاك...
وسلموا عليهم وطلعوا...
ركبت شيما قدام ..وسلمت:
غيث..وعليكم السلام..ياخي فالينها وحفله وماعزمتوني..
شيما:خير..تنط انت بروحك بينا..مايصير..
غيث:انا حلال على الجميع...عشان اقهر ضويري..
ملاك:بس الهنوف مرت اخوك كانت موجوده...
غيث:اوووه..اووه..
شيما:وزوجتك بعد موجوده...
غيث:بعد..مشت هي صح..
شيما:لا..تقول بيجيها السايق...
غيث وقف بالسياره على جنب:خير..وش سايقه ذا الوقت..
شيما:مادري تقول متعودين عليه...
غيث طلع جواله ودق على دانه...وشوي ردت:
هلا غيث...
غيث:دانه البسي عبايتك ..انا راجع لك...
دانه:يوووه..ليه الكلافه..والله مابوه داعي...
غيث:لايكثر..يلا انا راجع لك..
وماعطاها فرصه لأنه سكر الجوال..
ورجع ..وعطاها رنه...
طلعت..وركبت جنب ملاك...
وبس سكرت الباب....اللتفتت غيث كله ناحيتها:
ها دندون ناويه تركبين مع السايق ذا الوقت فوضه هي...
دانه تطالعه بغباء:طيب وش بيسوي لي هو...
غيث ابتسم بخباثه:الليله اكلمك واقولك وش ممكن يسوي السايق...
ملاك:خير ..استحوا ترى حنا فيذا...
دانه ماتفهم عاد..يعني دوم تحس نفسها غبيه في الامور الوسخه والافكار السيئه عكس ملاك...
غيث:خلاص..خلني اوصلهم اول..واتفرغ لك...
دانه:لا يالطيب..نزلني اول بيتنا..وروح مع خواتك بيتكم...
حرك غيث السياره ..وهو يضحك:
مو على كيفك...


** ** **

الرد باقتباس
إضافة رد

رواية لا تحسب الي جرالي بالهوى كسره الغصن عايش ولو طارت عصافيره /بقلمي؛كاملة

الوسوم
ازاله , رواية , هاجر
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية عربجية بنات /بقلمي؛كاملة novel9_ روايات كامله - يتم نقل الرواية هنا بعد اكتمالها 586 27-08-2017 09:35 PM
روايات نزول الوحي على رسول الله slaf elaf قسم المواضيع المخالفه للفترات الزمنية 1 08-03-2016 08:02 AM

الساعة الآن +3: 07:24 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1