غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 23-12-2018, 11:13 AM
صورة aln3imia الرمزية
aln3imia aln3imia غير متصل
©؛°¨غرامي مشارك¨°؛©
 
الافتراضي رد: نعم انك بالقلب لساكن/بقلمي




part 2
-----------
الجزء 2
اميي:فاطمهه شكلهم يوو بنات خالتجج
فاطمهه:هي شكلهمم عيل انا بروح افتح الباب
امي(بنغزه):بو عبدالله سيرو عيل انتو الميلس عسب ياخذون راحتهمم
ابوي:يالله عيلل(وراحو كل الرياييل ورا ابوي)
راحت فاطمهه تهد الباب بس انا م اهتميت ويلست اتطالع السناب لين يوصلونن شوي ودخلوو
---------------------
بعرفكم عليهم شويي
بنات خاله فاطمه 2 وعندهم اخوان شباب 2
بو حسن: ريال والنعم فيه من تناسبنا ويا فاطمهه م مقصرر وقايم بالواجب كانه خالها ومب ريل خالتهاا
جواهر:عمرها 28 سنه متزوجهه وعندها ولد واحد بس (فاهد)
الجازي+فهد:توام عمرهم21 سنه يدرسون بعدهم
حسن:عمره 29 سنه ماخذ ايلا (ايلا تصير اخت فيصل هاي صله القرابه) م عندهم عيال بس ايلا حامل بشهرها الرابع
للعلم خاله فاطمه متوفيهه ب
--------------
طبعا الحريم يو عندنا والرياييل راحو الميلس عند قوم ابوي
جواهر وهي تسلم علي:هلا هلا باليازيهه اخبارك طمنيني عنك؟
اليازيه: انا بخير وسهاله طولي بعمرجج بشوفتكمم والله
جواهر:تسلمممي
ومرت ويلست اسلم عليهم كلهم لين وصلت لايلا
ايلا وهي تحضني:وحشتيني مرههههه
اليازيه:شسويبجج؟ انتي الي م تيي الامارات
ايلا:يعني انا اذا ابيك لازم اجيي وانتي ليش م تجي السعودييه؟
اليازيه وهي تيلس صوب ايلا:انا السعوديه م رحتها غير مرتين وكله اروح مكه بس اعتمر حتى المدينه لليوم م رحتها وبروحها المره الثالثه يوم بحج
ايلا ضربتني ع راسي: مسويهه مؤمنه يعني
:هههههههههههه
اليازيه:م يعني حامل تضربيني ع كيفجج
ايلا بنرفزهه:خلاص السموحهه
اليازيه: هههههههههههه
شوي ويرجع الجرس يدقق
طبعا نحن محد فينا عبر الجرس لانا عندنا قانون الحريم م يفتحون الباب يا الخدامهه ولا الرياييل وغالبا الخدامات طبعاا
ايلا:اكيد امي جات
اليازيه استغربت وفي داخلها:كيف يعني يايه وفيصلل مب بالمول ؟ يمكن فيصل ويا الشباب رايحين بس والحريم بييون هني
-------------------
بعرفكم بعايله فيصل
ام رائد:مره كبيره شوي بسس عسسسل تنحطط ع الجرح ويبرىى واايد احبهاااا
بو رائد: متوفيي
رائد:عمرهه 49 سنهه ماخذ جمانهه 40 سنهه
وعيالهم (طيف:25 سنه تدرس ماستر م معرسه-خالد:عمره 21 ويا فهدد وااايدحتى انهم نفس التخصص-خوله:15 سنه بعدها تدرس هاي سكول)
ايلا:عرفتكم عليها قبلل عمرها 25ماخذهه حسن وحامل
نوراا:عمرها 45 عندها عيال والله م ادري وايد عنهم ولا عن ريلها حتى ولا مره شفتها بس الي اعرفه(علي:21 نفسيهه شوي عسب جي خالد مب وياه-غنى:عمرها 19 بس م اعرفها اصلا-سارا:عمرها 16 سنه هاي حبوبه شوي اسمع انها ويا خوله وجي م اضن يت الامارات قبل عشان جي م اعرفها- خلود:12 سنهه فعمر عائشه ختي بس م اعرفها)
ميرا:عمرها 34 وماخذهه اماراتي من نسايبنا اسمهه زايد (عيالهم:ميثه: 10 سنين-خليفه:6 سنين-حمدان:3 سنين-سيف:نيو بورن 6 شهور)
-----------------------------
ام رائد:السلام عليكم
امي وهي تنش تقرب فيها:وعليكم السلام والرحمهه زارتنا البركهه
فاطمهه:مفاجئهه حلوهه والله تنور البيت
ميرا:البيت منور باهلهه
هديت شوي لانهه م اعرفهم وجيي فقررت ينزل علي وحي الهدوء وايلس اسولف مع ايلا بصمتت
نشيت اسلمم وانا بمووت من المستحى ههههههه حتى فطيم حطت علي لانه انا يوم اشوف ناس اول مرا لازمم جي لين اخذ عليهمم واتخبل عاد
ام رائد وهي تطالعني:م شاء الله هذي هي اليازيهه؟
امي:هي هاي هي
ام رائد:والله اخر مره شفتها فيها كانت بزواج ايلا وحسن وكانت لسى تدرس ثنويه عامهه
امي وهي تضحك: كبرت كبرت الحين حرمهه تدرس بكالريوس استراتيجيه وجودهه
ام رائد:م شاءالله تبارك الرحمن م ناويه تكملين بعد البكلريوس؟
اليازيه فجيت من الحيى شوي وعجبني النقاش مع انه كل حد كان ساكت ويسمع بصمت:لا خالوهه انا مش طموحي الماجستير وبس انا بكمل دكتوراه واستاذيهه دكتورااه الشهادهه سلاح بكمل م بتم جي
ام رائد:والله ونعم التربيه ياام عبدالله زرعتي فاولادك هالشي وشوفي اليوم كلهم يبون يكملو
فاطمه بغيره : بس عيالج عموه؟
امي:هههههههه فدييييت مرت ولدي هاي اولهمم
فاطمه وهي مستحيهه:هي عيل م يرمسون الا عن يزووي ونحن؟
امي:افا عليج م برمس غير عنجج
:ههههههههه
طبعا وخلصنا من جو الصمت وبديت احتكك مع نوراا وعيالها شويي
غنى:طيب انتي كم باقيلك عشان تخلصين البكلريوس؟
اليازيه:هو شوفي باقيلي سنتين بالضبط ويا الصيفي وطبعا انا باخذ الصيفي عسب يكون عندي وقت للماجستير وانا صغيره بعدي اذا طولت بلهي باشيا وايد عقب
سارا:اي والله تفكيركك صحح
ايلا:مو تسوين نفسي 5 سنين على البكلريوس
غنى:بس الصيفي صعبب والله يتعب كثير
نورا:الي يبي الشي لايمكن احد يهزهه
اليازيه:صحح بالضبطط وانتي حطي فبالج بس انج بتخلصي
ميرا:والله يليتني خلصت ماجستير ع الاقلل عشان اتوضفف هني فالامارات
اليازيه:بعدهه الوقت م خلصص وعندج فرصهه تكملي
ميرا:اي فرصه وانا معرسهه وعندي عيال
نورا:هاذول الي يحطمون انفسهمم
اليازيه:لاتحاتي م في شي اسمهه معرسه م بكمل امي كانت تدرس ماجستير ونحن اغلبنا بالجامعات
ميرا:بشوف زايد اذا بيوافقق
اليازيه بخبثث:شتبين فييه برايه هذا مستقبلجج
ايلا:خلي محضرك محضر خير عشان يذبحها بعدين؟
:ههههههههههه
اليازيه:زايد والنعم فيه م اضن بيرفض الفكرهه
ميرا:انشاءالله ادعولي بسس
اليازيه:ياااارب تحصلين شهادهه ماجستير ووضيفه بنفس اليووم وبعد تحملين ببنت وتسميها اليازيهه
ميرا بعصبيه مصطنعهه:الدعوه الاولى والثانيه م في مثلهم بس الثالثهه فال الله انشاءااله بسني عيال خلاص هلكتت
اليازيه:لا انشاءالله بتييبي وبتهلكي وانتي تذاكريي لهمم
ميرا:بس بس شلوها هاي عني
:ههههههههههه
اليازيه وهي تقول لايلا:انتي لاتضحكي خطر ع الجنين حملج بعدهه م ثابت؟
ايلا بسماجهه وهي تسلكك:صدق دكتوره اليازيه؟
سارا:لا عاد هذي من جيبها اكيدد
اليازيهه:كلهه ولا قدراتتي لحد يفكر يستهين فيهااا
(طبعا عشان تفهمون الوضع كيف كنا نسولف مع بعض كل مجموعهه بروحها يعني انا وياي قوم نورا وبناتها وايلا و الجازي وميرا معدى خلود- وصوب امي ام رائد وفاطمه وفطيم ونوف وجواهر - القروب الثالث عواشهه اختي وخلود وخوله وميثه)--كان الجو جو العصر وطررررر فققرنا نروح نقعد برا صوب اليلسهه وجي ممن البيت من وراا فرحنا انا والي كنا يالسين وياهم كلنا بس والباجي تمو داخل
الجو طررر وكنا نسولفف وكل شي تمام طبعا القعدهه م تخلا من ضرابه غنى وسارا هههههههه
غنى:انتي م تفهمين فشي لاتتكلمين
سارا:ع اساس انتي الي تفهمين
نورا:مب ناويين تسكتون اليوم؟
ايلا:خليهم ع راحتهم بكرى ليا كبرو وجوك للبيت ويا ازواجهم بتعرفين شقد يحبون بعض
ميرا:وانا اشهدد والله
:ههههههههههه
اليازيه:والله قبل كنا بشكل يومي نتضارب انا ونوف المشكله م هني المشكله حطونا بنفس الغرفه عسب نهدى وزادت ضراباتنا
:ههههههههههههههه
ميرا:نزين؟
اليازيه:وم شي اقولكمم راحت جامعه العين تدرس وكانت تيي بالويك اند بسس فكنت اشتاق لها وايد فجي تغيرناا عاد
:ههههههههههههه
سارا:يعني في امل نتغير؟
ايلا:في امل وجواهر وسارا بعدد
غنى:خلاص عيل طمنتونا الله يبشركم بالجنهه انشاءالله
:ههههههههه
سارا:صلي انتي اول وبعدين فكري بالجنه
غنى:شو قالولك انتي؟
نورا:وجععع انتي وياها م راح تسكتون اليوم؟
سارا+غني:انشاءالله
قالوها بطريقهه خلتنا كلنا نضحككككك:ههههههههههه
سارا+غنى:وش فيكم؟
ايلا وهي حابسه ضحكتتها:ابددد سلامتكمم السموحههه
وراحت عنا نورا الظاهر عند قوم امي وتمينا نسولفف
ويلسنا شوي نفكك بين سارا وغنى شوي نرجع نسولفف لين م الله افرجها واذن المغربب
ميرا:يالله نروح داخل اذنن
ايلا:اليازيه تطمنينلنا في درب؟
اليازيه:الرياييل م اضن يطلعون الحين من الميلس تعالو عادي
وفعلا دخلنا وماكان في اي احد والصاله كانت صمت بمعنى الكلمه حتى عاشه اختي كانت ساكتهه ومنصتهه
ام رائد:الله يقدم الي فيه الخير
وطبعا انا م سمعت غير الله يقدم الي فيه الخير وذالك يرجع الى الحشره الي كنا مسوينها ونحن داخلين
ام رائد:يالله بنات اتصل اخوكم يقولكمم طلعو برى يترياكم بالسيارات
امي:نزين يالله بالستر م صليتو المغربب؟
ام رائد: والله ودنا نظل اكثر بس مستعجلين
امي:ياوالله م طلعتو الا وانتو مصلين م يصير جيي م قعدتو
ام رائد: ايلا
ايلا:سممي
ام رائد:سم الله عدوك خبريهمم ينتضرونا شوي على ما نصليي عن حلاف ام عبدالله
ايلا:انشاءالله اميي
جواهر:اجل انا بعد بتصل فابوي
ام رائد:جزاك الله خير انا بروح اتوضىى
ودليناهم ع مكان الصلاه وتوضو وصلو وسلمواا وراحوو وصلناهم عند الباب بس امي نغزت لي اني ادخل وم اطلع فهمت انهه رياييل وجي خاصهه انهم سعوديين فرحت بدون لا اناقشها فوق لغرفتي
دخلت لغرفتي تعبانه الفف صليت المغرب واتصلت لفيصلل
اليازيه:السلام عليكم
فيصل بهدوء:وعليكم السلام والرحمه شخبارك؟
انتبهت انه يكملني بصيغه مذكر يعني حد عندهه:والله تمام ومن صوبك؟
فيصل:الحمدلله
اليازيه: اقولك رمسني شات كك شكلك مشغول
فيصل:اي اي حبيبي طولي بعمركك انشاءالله تامر على شي؟
اليازيه: هههههههه ابد
فيصل:اجل يلا مع السلامهه
وبندت عنه يلست ارمسهه ع الشات
اليازيه:مع اهلك؟
فيصل:مع الشباب عشان كذهه
اليازيهه:هييي زيننن
فيصل:يب
اليازيه:اقولكك
فيصل:قوليي آمريي انتي تتدليي م تقولي
اليازيه:فديييييييييييت
اليازيه:امك كانت عندنا اليوم
اليازيه:توهم طالعين
فيصل:فدوه
فيصل:اميي!
اليازيه:هيي امك وخواتكك
فيصل:غريبههه شيبون؟
اليازيه:م ادري والله نورا اختك اول مرا اشوفها بصراحهه بس حبوبهه
فيصل:اكيد طالعهه على اخوها فديت روحهه
اليازيه:طع طع مداح نفسههه ويا راسههه
فيصل:ههههههههههههههههههههههههه
اليازيه:تنرفز هههعهههههههههههه
فيصل:صليتي؟
اليازيه:هي انت؟
فيصل:لا الحين وقفنا عند مسجد عشان نلحق ع الصلاه
اليازيه:عيل يوم بتخلص دق لي
فيصل:بتصل فيك اول م اوصل الفندق تمام؟
اليازيه:تمام
فيصل:ديري بالك ع نفسككك
اليازيه:وانت بعد
فيصل:احبككك
اليازيه:مووووووووووووور
--------------------
بند عني فيصل ورحت امسح الميك اب وسبحت حسيت جي ابا اتنظف سويت لي البانيو ويلست مال نص ساعهه تحت الماي اول م خلصت حطيت ماسكك واذن العشا خوزت الماسك وتوضيت ورحت اصلي خلصت صلاه وقعدت اتطالع مسلسل ع اللاب بس فجاههههههههههههههههه( دخلو علي امي وابوي)
امي:السلام عليكمم
بندت اللاب وقعدت عدلل:وعليكم السلام تعالي ماما يلسي لاهه
امي:يلا ييت
ابوي:بس امجج؟
اليازيه:هههههههههه لا فديتكك انت وامي
يا ابوي ويلس وراي وحضني
ابوي:شخبارج بابا؟
اليازيه:انا بخير دامك وياي وبستهه على راسهه
امي:ياهو هالابو هاذهه مرهه نزين وانا؟
اليازيه:هههههههههه امايهه انتي كله تقولين لي عياره منو عيار الحين؟
ابوي:جد عيار فهالبيت كثر امجج
:هههههههههه
ابوي:اليازيه
اليازيه اتطالعت ابوي:آمر
ابوي وهي يقابلني ويبوس راسي: كبرتي واااايد يا بنتي
اليازيه بخبل:ادري واحلويت عشاني طالعه عليك
ابوي ضحك ع الخفيف:اليازيه برمسج بموضوع
اليازيه:امر ابويه
ابوي:في ناس يايين يخطبوج
اليازيه:نزيييـ
ابوي وهو يقاطعني:خليني اخلص كلامي
اليازيه:انشاءالله
ابوي:في ناس يايين يخطبوج وانا ادري وجهه نظرج بالزواج لانج تبين تكملين دراستجج بس يابنتي العمر يمر وماادري اذا الله كاتب لي اعيش لعرسج ولا
اليازيه:بسم الله عليك بابا
ابوي:قلت لج لاتقاطعيني ....ابا اتطمن عليج الحين انج ع الاقل تكوني مخطوبه للشخص المناسبب انتي كبرتي يابنتي والسنه اليايه بتكملي 20 سنهه م اختلفنا بسالفه دراستج بتكمليهاا كلها ووعد مني يكون اول شروططج بالملجهه بس اباج تفكري عدل لان الي خاطبنج ريال والنعم فيه
-------------------
البارت 2 الجزء الثاني خلص آراءكم؟ وتوقعاتكم بالكومينتت
توقعاتكمم؟
منو الي خاطبنهاا؟
بترضىى ولا بترفض؟
وشو بيصير بعد سالفه خطوبه اليازيه وهل بترفض عشان حبها لفيصل ولا مشاعر ابوها بتكون اقوى؟
وشو تتوقعون الي بيصير فابوها والي هو خيفان منه؟



تعديل aln3imia; بتاريخ 23-12-2018 الساعة 11:21 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 23-12-2018, 01:56 PM
صورة aln3imia الرمزية
aln3imia aln3imia غير متصل
©؛°¨غرامي مشارك¨°؛©
 
الافتراضي رد: نعم انك بالقلب لساكن/بقلمي




part 2
الجزء الاخير فالبارت 2 الجزء 3
-----------------------------------
ابوي:يا بويهه العمر يمرر وانا م قصرت بتربيتجج لو شوي وانا متاكد انه الي ياينج ريال والنعمم فيه بيعيشج بحياه شرات الي عشتيها هني وجانجج بعدج خيفانه بسالفه الدراسهه وعد ثاني من عندي م يعرسوج قبل م تخلصين بكلريوس ع الاقل بس اوعديني يابوي انج تفكرين وتستخيري ربجج وتردين علي بدون طاري الدراسه لان للحين صرنا رافضين اكثر من 15 واحد لنفس الحجه وانتي كبرتي وانا وامج كبرنا نبا نرتاح شوي بدون لا نحاتيج ..... بتنهيدهه) عبدالله وتطمنا ع مستقبلهه و فطيم هاذيه ويا ريلهاا وشهادتها بايدهاا وم خيفان عليهاا مول ونوف تطمنت عليها من ملجتها لسالمم يا اليوم الي تطمنيني فيه يابنتيي يابنتي الريال سعودي بس والله بيمسكج كف الراحهه بايديه الثنتين وادري مهما م بتدورين بالبلاد م بتحصلين شراته وكانج خيفانه من البعد بخليه يسكنج بالبلاد ووعد مني يما رحتي السعوديهه بس دخيلججج اوعديني انج تفكري بالموضوع
اليازيه:(فز قلبي من ياب طاري السعوديهه فيصل! فيصل الي خاطبني؟:اوعدك يابويي اني افكرر
ابوي باسني ع راسي:الله يرضى عليج يابنتي ويسعدجج يارب
وطلع تميت انا واميي
اميي:اقولججج
اليازيه بسرحان:هلا
اميي:الريال حلوو والله لايفوتجج
:ههههههههههههه
امي والله م تيوز عن سوالفها اقناعها دوم اييب راسيي م تدري اني مقتنعه جي ولا جي
اليازيه:ولد منو ها؟
امي وهي ميودهه المنكير ويالسه تسوي:هاذه من قرايب فاطمهه لا
اليازيه وملامح الراحهه عليها:منو منهم؟
امي:والله انا م اعرفهه بصراحهه بس قالي ابوج انه اسمهه فيصلل ال.....
اليازيه وهي تخفي ملامح الفرح:اونههه؟
امي:هي والله انا جوفي م كنت مقتنعهه بس ابوج قالي ريال والنعم فييه ويوم طرشتجج داخل عشان هو كان توهه طالع من الميلسس
اليازيه:جي طلعت السالفه ههههههههه
امي:هي يابوجج بس حلو حلو ضمنت مستقبل عيالجج
اليازيه:هههههههههه
امي:اقولج انتي تغلي شوي بعد مزوجينج لهم روحي انتي باجر بوظبي ولا تقولي لابوج رايج لين يوم الجمعه اليايه ادريبه ابوج بيرد عليهم بنفس اليومم
اليازيه:نزين يمكن م اوافق
امي:حتى ولو لا تردي لين اسبوعع
اليازيه:انشاءالله
امي وهي تنفخخ ع اضافرهاا:يلا عيل لاتفكري الحين م اوصيج انا رايحه ههههههههه
اليازيه:هههههههههههه كك
طلعت امي وصكرت الباب وراها كنت عايشه بحاله توتر واخيرا واخيرا بصير حرمتهه واخيرا انا لهه وهو ليي ياخيي كذاب الي قال حب السوشل ميديا كذب هو م كذب دام انهه البنت حاشمهه نفسهااا والريال خايف الله فيها ياخي واخيراااا بصير ملكهه وهو ملكي واخيرا بقدر امشي بوسط اهلي وهو ماسكك ايديي واخيرااا بقدرر اشوفههه ي خييي والله متوترههه الله يستر من حياتنا كيف بتكوون اوووف شسوي الحين اتصل فيييه؟ لا لا م بتصل فيييه ولا اقول فبالي فكرهه جهننمييهههه ببلكهه من كلل مكان وبستخير ربي واذا الله كاتب لنا بوافق عليهه لو اني احبهه بس بعد لازم استخير ويت ويت بلكتت رقمهه وبلكت كل مواقع التواصلل منهه نزين الحين؟ كيف بصبر عمري عنهه؟ اف اف اف اعرف اني م قد الوعد شو بسوييي خلاص خلاص بنشغل بالبروججكت مال الاسبوع الياي عشان م انشغل فيه وبالطريق بخبر فطيم اتيي وياي بالسيارهه عشان م اشل البلوك عنههه
من كثر التفكير رقدت وم حسيت بنفسييي نشيت الصبح شغلت اغاني عبدالمجيد ويلست ارتب جنطتي لان لازم اوصل بوظبي من وقت عسب اذاكر هناك بعد رتبت جنطتي ودخنت ثيابي شليت وراي الجرج وكل شي اباه نزلت تحت سمعت صوت سيف فرجعت البس شي ع راسي نزلت وتغديتتت وقبضت الدرب عقب وياي فطيم
فطيم وهي تركب السيارهه:هلا هلا بالعرووس
استحيتتت غربل الله بليسها:اهلين فيج والله ياخت العروس
اليازيه:يعني من امس تعرفي ولا قلتي لي؟
فطيم:ابوي محرص وموصي علينا محد يقول لج شي ولا حد يدخل عليج الغرفه قبل م هو يفاتحج بالمووضوع
اليازيه:خييبه حسستوني مسجونه انفراديي
:هههههههههه
فطيم:اوامر الوالد عاد
اليازيه:وين عيالج عيل؟
فطيم:عند ابوهم بعد شو كله بشوفهم انا بعد؟
اليازيه:والله كفووو عليج بيي لج عقب اخذ منجج خبرههه
فطيم:افا عليج الحصهه ب 500
اليازيه:زين زين حصلي بيزات عسب تروحين عقب تقدمي ع الليسنن
فطيم:اففف منجج انتي م خلصنا من هالموضوع
اليازيه:ولا بنخلصص لين تقدمي
:هههههههههه
فطيم:انتي م عيزتي الحين من سنتين انتي فبوظبي عندي م قدمت بقدم الحين
اليازيه:ولا بعيز لين بروحج تقدمي
:ههههههههههههههه
وطول الدرب انا احط عليها بموضوع الليسن وهي تحط علي بموضوع العرس لين وصلنا نزلت ورتبت جنطتي ويلست ويا عيال اختي وعقب يلست اذاكر للامتحانات والكويزات الي عندي هالاسبوع يوم خلصت لقيت الساعه 9 فالليل رحت غسلت ويهي ورقدت
صار روتيني طوول الاسبوع من الجامعه للمول ومن المول للبيت مذاكرهه والتلفون دوم اخليه بالغرفه وم اشلهه لين يوم الاربعااء قبضني خوف الحين كيف لازم استخير صليت ورحت ارقد وم حسيت بشي ولا حتى حلمت نشيت الصبح قلت لفطيم
اليازيه:اقولجج صلت استخارهه وم حسيت بشي
فطيم:هههههههههه عادي حياتي صلي مره ثانيه اذا خيفانه بعدهه شي وقت عندج
اليازيه:صدق يعني عادي؟
فطيم:هههههههه هي يبوج عاديي
رحت لكلاساتي وانا عقلي موول مب عند الكلاس
رحت للكلاس الثاني وامتحنت بس بعد احس اني خبصت مع اني ذاكرت عدل شسوي عقلي مشغول
------------------
في بقعهه ثانيهه من الارض هههههههههه
عند فيصل بالدوام تحديدا
كان طالع من الاجتماع ورايح لمكتبه ورد يتصل فاليازيه كله يعطيه مشغول اتصل لامهه ياله اذا ردو عليهم ولا لا؟
فيصل:السلام عليك يمه
ام رائد:وعليكم السلام والرحمه
فيصل:يما
ام رائد:هههههههه م ردو ادري شو بتسال محد اتصلل
فيصل:اجل يما دقي عليهم قوليلهم شو ردهم
ام رائد:م يصير يا ولدي م يصير لازم هم الي يدقون مو نحن
فيصل:لاحووول خلاص اجلل يلا مع السلامهه
ام رائد:الله يحفظكك ياولدي ويرزقك الراحه من حيث لاتحتسبب
يلس فيصل فمكتبه وين راحت هالبنت ؟ ليش م ترد وليش بلكتني فكل مكان؟ محتاجلها ع الاقل تطمني لين متى هالحال يعني؟ يمكن بترفضني هي قالت لي مو مستعده للزواج وهي عمرها لسى 19 ليش تسرعت انا؟؟ لو م تسرعت احسننن
وقعدد فيصل مسكين ياكل فنفسهه ههههههههه
----------------
نشيت يوم الخميس وراسي يعورني وااايد عندي امتحان فاينل اليوم بعد وم حلمت شي ولا ياني اي شعور رحت للفاينل وحسيت اني سويت زين رجعت البيت م رتبت جنطهه لي اكتفيت بالسلام وم رمست اختي حتى وايد
ييت برجع السياره وشفت ريل اختي عند باب الكراج
رجعت السيارهه وقفت صوبهه:السلام عليكم
سيف:هلا هلا وعليكم السلاممم
سيف:اقولج شو ها م تعرفي تسوقي انتي جي يطلعون السيارات؟
ابتسمت لهه بس
سيف:صدق حريم معطايين ليسن واسطهه ويلس يضحكك
م كان لي خلق ارد عليه واكتفيت اني اقول:يالله عيل نتلاقى بالدرب
سيف وهو متنحح:مع السلامهه
اليازيه:فداعه الرحمن
وقبضت اليازيه الدرب ودخل سيف البيت وشاف فطيم يالسه بالصاله
سيف:السلام عليكمم
فطيم:هلا والله شخباركك عيوني؟
سيف وهو ييلس صوبها:والله الحمدلله شخبارج؟
فطيم:بخير دامك هني صوبي
سيف:فديتجج........
وبعد دقيقه صمت
سيف:بلاها اليازيه؟
فطيم تبا تعرف:شو بلاها؟
سيف: شفتها ترجع السياره ييت بلعوز فيها وابتسمت بس مال تسليك وراحت
فطيم:م ادريبها من يات هالاسبوع وهي كل يوم تصير هاديه اكثر
سيف:لو بس اعرف شو الي شاغلها
فطيم:سالفه الخطوبهه
سيف:لا مستحيل اصلا هي كله تقول لابوج انها تبي تكمل دراستها وجي ويخلص الموضوع وتيي تنكتت الموضوع اكبر
فطيم:والله سالفه الخطوبه بس ابوي ضغط عليها لانها كبرت شوي
سيف بصدمه:عمي يضغط عليها مستحيل وبعدين هي توها صغيرهه
فطيم بتنهيدهه:والله حالي من حالك م ادري بلاها
سيف بابتسامهه:بتهون اليازيهه قويهه وبتقدر ترفض شرات الي رفضتهم قبل
:ههههههههههه
فطيم:يلا عيل سير اسبح وصلى عسب تتغدى ونقبض الخط
سيف:يالله عيل
وراح سيف وتمت فطيم تحاتي اليازيه اخر شي قررت تتصل فيها
فطيم:السلام عليكم
اليازيه بهدوء خارج عن المالوف:وعليج السلام اختيه
فطيم بداخلها(اختييه هاي اول مرهه اتيي منها بالعادهه فطوم فطيم):شخبارج؟
اليازيه:بخير
...صمت...
فطيم:وين وصلتي؟
اليازيه:والله توي طالعه م مداني
فطيم:هي زين ديري بالج فالدرب
اليازيه:انشاءالله........تامرين بشي؟
فطيم:لا
اليازيه:عيل يالله السموحه ببند
فطيم باندفاع:اليازيه
اليازيه:آمري
فطيم:بلاج واايد جي غير؟
اليازيه:فطوووم خيفانهه
فطيم بحنيه:من شو؟
اليازيه:صليت مرتين استخاره وم في شعور وابويي لازم ارد عليه بقراري ع الاقل باجر اذا م كان اليوم والله م ودي ارجع الفجيرهه
فطيم:نزين خلاص خلاص حبيبتي انتي لا تفكري فالامور وخليها على الله وردي استخيري بعدج اليوم
اليازيه بتعب:انشاءالله يلا عيل سيري جهزي وراج درب بعد
فطيم:ليش م خليتيني ايي وياج انتي تعبانه
اليازيه:ههه م فيني شي لا تحاتي
فطيم(حتى م تروم تظحك):خلاص عيل درب السلامهه باي
اليازيه:الله يسلمج بباي
وبندت عنها وطول الدرب وهي ساكتهه وم اتصلت فحد حتى اغاني م شغلت وعقب شوي يت تبا تشغل قران بتلفونها فشبكت بالبلوتوث ويلست تسمع حست براحهه لين وصلت البيت وانا على هالحال وصلت وشفت امي وابوي وكل اخواني م عدى فطيم بالصاله سلمت عليهم بس ورحت فوق لغرفتي صليت المغرب ويلست اقرى قرآن حسيت اني صدق م عارفهه افكر صح اني احبه بس بعد م ابا اتهور دخل علي ابوي الغرفهه
ابوي:السلام عليكم
اليازيه:وعليكم السلام
يا ويلس صوبي ابوي:فكرتي؟
اليازيه:بابا خيفانه
وبدون تردد طحت بحضن ابوي والله قرار صعب على اي بنت لانه هالشخص بترتبط حياتج وياه للابد بتعيشون بالحلوه والمره لازم تكونين قد المسؤوليه ولازم مليون شي
رفع راسي ابوي بحنان:بابا اذا م تبي رفضي م بجبرج
اليازيه:مب سالفه رفض بس خيفانه اول مره افكر بالزواج بشكل جدي
ابوي:خلاص حبيبتي فكري لين باجر وتذكري حتى لو قرارج الرفض انا بوقف وياج
اليازيه بست راس ابوي:الله يخليك لنا
وطلع ابوي من عندي والمؤذن يعلن اذان صلاه العشا كنت تعبانه بالقو ابا اشرد وارقد بس وقفتني صلاه العشا رحت وصليت ودعيت من كل قلبي (اللهم ان كان شر لي فاصرفني عنه واصرفه عني)وصليت استخارههه لاخر مره واستسلمت عيني للنوم
نشيت الصبح وانا مرتاحهه خلاص هالقرار انا بسويهه وانا متاكدهه انه ابوي م بيجبرني ع شي م ابيه وانا توي صغيره واذا وافقت او رفضت فهاذا القرار بيعود لي انا ولحياتي انا ومحد بيقول لي شي نزلت تحت وانا عالدري يالسه اسمع اختي فطيم ويا ابوي
فطيم:ابوي دخليك دامها م لها رغبه ماله داعي تجبرها بعدها صغيرهه يابوي كاسرني حال اختي والبسمهه بعيده عنها من اسبوع
امي:يا فطيم اختج قويه ولين متى بتيلس ترفض بدون لاتحاتي حياتها واحنا م جبرناها احنا بس كلمناها بشكل جدي بعيد عن استهتارها بنفس هاي المواضيع
فطيم:راعوها شوي هي بعدها صغيره وهي طايشه مب قد مسؤوليه ابداً
ابوي:صدقيني يابنتي هي فعيوني ولو تقول حقي عفت الارض بروح وياها للمكان الي تريده بس لازم اعلمها م تستهتر وانا اليوم وياها باجر الله ممكن ياخذ امانته
نزلت بسرعهه:بسم الله عليك بابا فال الله ولا فالككك
ابوي وهو يضحك:الناس يسلمون
اليازيه بفشلهه:السلام عليكم
الكل:وعليكم السلام
ابوي وهو ياشر لي ايلس صوبهه
نزلت ويلست صوب ابوي:شخبارج بنتي؟
اليازيه:بخير وسهاله الحمدلله
ابوي وهوناش:اليازيه بعد 3 دقايق بالضبط م اكثر ولا اقل اترياج عندي بالمكتب
اليازيه وبدت تبين علي ملامح الخوف:انشاءالله
ويلست عند امي وفطيم هم يسولفو وانا بعالم ثاني شوي وانتبهت ع الساعه اووف كل هالتفكير ومرت دقيقتين بس هههههههه رحت عند ابوي ركض بس عسب م اتاخر عليه
دقيت البا بهدوء خارج عن العادهه
ابوي:تفضلي
اليازيه:السلام عليكم
ابوي:وعليك السلام تعالي يلسي هني
ويلست وصدمني انه وقف من كرسيه ويا ييلس بالكرسي الي صوبي عشان يقابلني
ابوي:قبل اسبوع فاتحتج بموضوع
اليازيه:هي ابوي
ابوي:قبل م تقولين رايج فيه ابا ارمسج شوي
اليازيه:انشاءالله
ابوي:انا يابنتي م شديت وياج الا لاني خايف عليج بس وعد مني اذا كان قرارج الرفض تراني برفض بدون لا اسالج السبب حتى بس يكفيني انج فكرتي ع الاقل
اليازيه بابتسامه:لا ابوي خلاص انا موافقهه
ابوي باسني ع راسي:الله يرضى عليج يارب
اليازيه:ويخليك لييي
نشيت من مكتبه وانا ادري اني قررت القرار الصحح حلمت اليوم اني كنت عروس ولابسهه فستان ابيض وكل حد كان مستانس لي الحلم كان غامض شوي بس الي عرفته اني وايد كنت مستانسه حمدت ربي على هالوناسهه ورحت صليت ركعتين شكر بغرفه الضيوف الي صوب مكتب ابوي
خلصت صلاه وانا ادعي لابوي بطوله العمر واسمع امي تصهل(تصهل=تيبب يعني مشاعر فرحح) حسيت اني قررت القرار الصحح طلعت وانا مستحيهه خلاص يلست فالصاله فكرت ارمس فيصل وعقب قلت لاخله يعرف من اهله وعقب بتصل فيه بليل
مر اليوم مثل اي يوم جمعهه بالعايله بس الفرق انه كل شوي حد يحط عليي و بعد الغدا ابوي يا ويلس صوبي ويود تلفونه
ابوي:متاكدههه
احمريت ع كثر م اني مستحيهه كل اخواني موجودين:هي
:هههههههههه
اتصل ابوي:السلام عليكم
:
ابوي:شخبارك عساك طيب يا رائد؟
:
ابوي:الحمدلله نحن بخير وسهاله دامكم طيبين
:
ابوي:تسلمم م تقصرر
:
ابوي:ياولدي احنا شاورنا البنت وخذنا برايها
:
ابوي:هذا العشم فيك ياولدي وترا البنت موافقهه
:
ابوي:عسى الله يقدم الي فيه الخير لهم ويسعدهم ويحفظهم ويسخر قلوبهم لبعض
:
ابوي:يلا عيل سامحني الحين
:
ابووي:مع السلامهه
:
وطبعا ابوي بنص المكالمه شردت عنه فوق عسب م يحطون علي وليتني شاردهه صدق كل خواتي يوني فوق
نوف:لا جد جد اختي الصغيره بتعرس الحين؟
انا بس ساكته
امي:ترا انتي قبلها
فطيم:يالله خلصنا باجي عاشووه بس
امي:لا هاي م تهون علي يوم بتوصل 25 سنه بزوجها
نوف:شمعنى زوجتينا عيل؟
اليازيه:هي صح؟
فطيم:طع طع طلع لسانها من مساعه ساكته
فاطمه:ابوي عندكم خبر انه هاي اليازيه تسكت دقيقه ترمس عقب عن 10 ددقايق
اليازيه:هههههههههههه خيوس
:هههههههههههه
امي:اقولكم خلنا نطلع خلل ترتاح اليوم وايد بذلت جهد مسكينه وهي تستحي شوي وبيتييها حمهه
فطيم وهي تحظني:بس الله عليها
اليازيه:يالله عيل الله يحفظكم
عائشه:خيبه طردهه معتبرهه
اليازيه:شو نسوي؟ ازعاج
وطلعو كلهم وخوزت البلوك من كل مكان عن فيصل واول م شلت البلوك عن رقمهه دقيقتين بالضبط ودق لي
فيصل بشوق:اسبوع يالظالمه اسبوع م سمعت صوتكك ولا سولفت معاك
اليازيه:هههههههههه
فيصل:يهون والله العظيم يهوون عالموافقه هاي الي جات اقسم بالله كنت اتحسب بترفضين
اليازيه:انا ارفضك خبيل انت؟
فيصل:اي خبيل وانتي الي مخبله فيني ومجننتني
اليازيه:هههههههههه
فيصل:والله مستانس مو عارف شقول ولا شسوي يخي احبككك والله
اليازيه:اموووووت فيييككككككك
-------------------
نهايه البارت 2 آرائكم وتوقعاتكمم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 23-12-2018, 05:29 PM
9amt 9amt غير متصل
©؛°¨غرامي جديد¨°؛©
 
الافتراضي رد: نعم انك بالقلب لساكن/بقلمي


نتـريـا الجـزء اليـديـد ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 02-01-2019, 11:13 PM
صورة aln3imia الرمزية
aln3imia aln3imia غير متصل
©؛°¨غرامي مشارك¨°؛©
 
الافتراضي رد: نعم انك بالقلب لساكن/بقلمي


خبروني متى حابين الجزء ينزل؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 05-01-2019, 12:08 AM
صورة aln3imia الرمزية
aln3imia aln3imia غير متصل
©؛°¨غرامي مشارك¨°؛©
 
الافتراضي رد: نعم انك بالقلب لساكن/بقلمي




part 3
---------------
اليازيه:نزين ليش لما كنت اتصل فيك تقول بالمول؟
فيصل:بس كذا كنت ابيها مفاجئهه لكك
اليازيهه بنرفزهه:انتبه تعيدها
فيصل:انشاءالله تآمرين امر ياحرمم فيصلل
اليازيه استحت من الاسم:اقولك ابا ارقدد
فيصل:مشتاقلججج م شبعت منكك اسبوووع كامل وانا بعيد عنكك
اليازيه:يالعيار انا لو ارمسك 24 ساعه بعد بتقولي اشتقت لججج
فيصل:ترا م بنسالك هالعقاب الي سويتيه فيني
اليازيه:هههههه هذا عقاب كذبك علي
فيصل:توبههه وربي شاهد علي م اكذب عليك ثانيي
اليازيه وهي تتثاوب:نزين بيبي فيني نوم
فيصل بتنهيده:بتخليني بروحي؟
اليازيه:اقولك تعبانهه
فيصل:خلاص تمام نوم العوافي ولحافك دافي
اليازيه:ههههه يلا تيك كير
فيصل:يوتوو
----------
نشيت يوم السبت م في شي غريب مثل اي سبتت لبست مخور عسب سيف وسالم موجودين نزلت وسلمت عليهم حطو علي شوي بس سكتوو اول م دخل ابوي ههههههههه
ابوي وهو يتطالعني: رائد اتصل امس بليل
اليازيه وانا اتظاهر عدم الاهتمام مع الفضول الي ياكلني:نزين
ابوي: يبانا نحدد الشوفهه
طبعا سالم وسيف ملتزمين الصمت نظرا لجديه الموضوع ههههههههه
اليازيه وبديت احمرر بالقو: الي يريحك ابوي(وكنت قاع اخفى ويهي بشاشه التلفون)
ابوي:الخميس زين؟
اليازيه باندفاع: لا بابا مب الخميس انا اوصل هني عالمغرب
ابوي:نزين مب مشكله بتوصلين عالمغرب وشوفتج العشا
اليازيه بياس:لازم شوفهه مب لازمم بابا
ابوي وهو يخفي ضحكتهه:لازم حبيبتي
اليازيه:نزين الجمعهه
ابوي بحده:بابا هاييل ايون من السعوديه غلط نفرض عليهم وقت هم ياخذون خطوط ومسافات ومب فاضين لنا كل شوي نغير
اليازيه:عيل والله م احضر كلاس الخميس
سالم:الحين الامتحان شيخصه بالشوفهه؟
اليازيه:يخصهه لاان بابا مب راضي ياجل
سيف:انا من خذت فطيم وهاي تسوي الي براسها م بناقشها زيادهه عن تحلف م تحضر هالاسبوع ولا كلاس
:ههههههههههههه
ابوي:نزين لاتحضري مب مشكله بروح لولد خالج بيطلع لنا عذر طبي (ولد خالي دكتور)
اليازيه:كيفكم بس اهم شي انا اكون فالبيت الاربعاء
ابوي:هالبنت لو تفجج راسها شوي احنا بالسليم بس عنيدهه عنيدهه
امي:م ادري طالعهه ع منو
ابوي:ع امهاا
امي:لا حشىى بسم الله علي هاي جيناتكك
ابوي:اي جيناتي انتي جي اذا عيبتج جنطه بتاخذيها بتاخذيهاا
امي:الجنط م يخصهم بالموضوع انت فالبيت اذا تبا الشي بتسويهه
عبدالله:امي وابوي كل واحد اعند من الثاني واحنا كلنا ماخذين طبعهم ولليوم يتضاربون نحن طالعين ع منو
:ههههههههههههههههههه
عبدالله:يعني طالعين ع منو بقره الجيران؟
ابوي:خلل عنك انا مب عنيد هاي امك
امي":هذا ابوكك
عبدالله:يارب تخلص ضرابتهممم
:هههههههههه
امي+ابوي:م قاع نتضارب
اليازيه:عيل؟
امي:اسمه حوار
ابوي:نتناقش يعني
فطيم:هي هي زين تناقشو عيل م نلعوزكممم
------------------
طلعت من البيت وانا مزهبه جنطتي وماخذتنها بالدبهه ووياي امون بنت اخوي عسب بتي وياي بوظبي يوم الاحد والاثنين عندهم فعاليات وجي شرات المعسكر فانا بوديها بطريقي
امنه:اقولجج يزوي
اليازيه:عيونهاا
امنه:خاطري بكوفيي خطفي ناخذ سبانيش
اليازيه:تحبين السبانيش؟
امنه:هي
خطفت وخذت لها سبانيش وخذت لي اسبريسو ونحن قاع نتريا الطلب وقفت صوبنا رنجج ... اوب اوب هذا رنجج لطوفف ربيعتي خلل ادق لها
اليازيه:السلام عليكمم
لطيفهه:وعليكمم السلام والرحمههه
اليازيه:شخبارجج يالحواطهه؟
لطيفه بصدمهه::الحمدلله ليش انتي وين؟
اليازيه: البي ام الي صوبجج
لطيفهه:ههههههههههه
ونزلت لي تسلمم
اليازيه:لا حس ولا خبر جان الا الصدف بتجمعناا
لطيفهه:بالحياه لاهينن والله
اليازيه:م تنلامي يبوجج كلنا جيي
لطيفه وهي تغمز لي: شخبار القلب؟
اليازيه رجعت احمريت:خطبني الاسبوع الي طاف
لطيفهه بصوت عالي زيادهه شوي:حلفيييييييييييييييييييييييييي!!
اليازيه:وربججج
لطبفهه:م نروم م نروم عليكمم والله
اليازيه:هههههههههه
لطيفهه:والله انتي قوييه الصراحهه بس تستاهلين كلل الخير حبيتيه بحلال ربج وابتعدتي عن حرامهه وباجر بتكوني حلاله
اليازيه:هاي الكلمه تنرفزني عادد
لطيفه:ههههههههههههه سكتي سكتي حرم فيصل وحدههه
اليازيه:اسمي اليازيهه
:هههههههههههههه
لطيفه:متى الخطوبه؟
اليازيه:م ادري بس الخميس الياي الشوفهه
لطيفه:صدقق؟
اليازيه:سكتي يبوج والله اني بمووووت اتراقل ارتجفف
:خخخخهههههههههههه
لطيفه:عادي عادي ها اول الايامم بسس
اليازيه:بنشوفجج شو بتسوي يبو اول الايامم
لطيفه:خليني بعيدهه بعدني صغيره خل اكمل 21 وعقب بفكر بالزواج
اليازيه وهي تتذكر انها كانت جي تقول:بتمر الايام عليج وبتضطري تتنازلي عن هالمبدا
لطيفه:اذا واحد حلو بتنازل
:هههههههههههههههههه
اليازيه:يلا عيل طولت عليج وااايد
لطيفه وهي تحضني:يالخايسهه م شبعت منج مشتاقهه لج الفف
اليازيه:المشتاق يساللل
لطيفه:جان سالتي انتيي
اليازيه:اوب قفطتيني هههههههههه
:ههههههههههه
اليازيه:يلا هاذوه ياب الطلب بعد وراي خط بوظبي وغيره م بيلس اهذرب لين ياذن العشا هني وياجج
لطيفه:من يومجج خايسههه هههههههه سيري سيري الله يحفظجج
اليازيه:وياج قلبيي
لطيفه:وياي هي قلبجج م عندي حشىى
اليازيه فهمت شو تقصد:ههههههههههههه
لطيفة:تيك كير
اليازيه:يو توووو
ورحت السيارهه عند امون ويلست اسولف وياها طول الدربب والله خبلهه هالبنيه موودييي
اليازيه:صف اول صعب ولا سهل؟
امنه:اقولجج انا بنت عبدالله بن محمد يغلبني صف اول خسي الا هو
:ههههههههههههههههههههه
اليازيههه والله موتتني هالخبله:كفووو عليج والله بنت عبدالله
امنه بعدم اهتمام:كفو من رباجج
وتمينا طول الدرب جي م شي شغله يا انا اطفر بها يا هي تطفر بي مشاءالله عليها حركيه وايدد فلازم انتبه لها لين م لبستها الحزام واصطلبتت نزلتها صوب مكان المعكسر ورحت عنها وصلت البيت وم كان حد فيه فرمست فيصل ع السريع وطيران رقاااااد ههههههههه
مر هالاسبوع على خيير ويا يوم الاربعااء الي لازم فيه ارد البلاد خلصت كلاساتي وقبضت الدرب بدون لا ارجع البيت تولهت ع ابووي واايد
نزلت البيت شفت ابوي طالع من الباب الرئيسي
اليازيه:السلام عليكم ابويهه
ابوي:هلا هلا شخبارج (وحضني)
اليازيه:والله بخير الحمدلله من صوبك؟
ابوي:انا بخيرر دامج هنيي لاتحاتيني مولل
اليازيه:فديتك ابويه(وحبيت راسهه)
ابوي:تعالي دخلي عن الشمس
اليازيه:منو داخل؟
ابوي:نوف قبل شوي يايه من الدوام وعائشه وامج طالعه مع ربيعتها
اليازيه:هيي زينن وسالم؟
ابوي:سالم بالدوامم لا
اليازيه:احسن احسن م لي خلق اغطي شعري
:هههههههههههههه
دخلنا وشفت نوف منسدحهه ع الغنفه فرحت زيغتها
اليازيه:انا اجييييييييييييييييييييييييييييييييت
نوف:خيبه خيبه والخبتين شيايبنجج؟
اليازيه بثقه:حلفت م اداوم الخميس وييتكمم اليومم
نوف بتوتر من صرخه اليازيه:نزين برايج لا تداومي بس طيرتيلي حمامه فواديي
اليازيه:ههههههههه يقولج نوف باجر بنش الصبحح الساعهه ثمان م ابا صخل فالبيت فاهمهه؟
نوف:يسوى عليج يابوج هاليوم باجي شوي وبعرس وبقبضه اجازهه ثلاث اسابيه يعني مب يوم(بفخر)21 يومم
اليازيه:هذا يوم بتعرسي انا اكلمج عن مخططاتي للحين
نوف:طع طع ابويه شلها عني
ابوي:خلها عروستنا هاي لاتخبلين فيها
نوف:عيل انا شو؟
ابوي:لا انتي قضىى عليج الدهررر
:هههههههههههههههههه
اليازيه:ويييييييويويويويو قضى عليج الدهرر انا توني نيوو تميي
نوف:ابويه م لقيت تحطني غير بلسان هاي انا عروس بعدد
ابوي:م قلت انج م عروس قلت قضى عليج الدهر يعني جديمهه
اليازيه:يليتججج ساكتههه قضىى عليج الدهرر وجديمهه بعدد لو منجج بنتحر ههههههههههههه
نوف بزعل:ابوووويهه(وراحت فوق)
:هههههههه
ابويه: شخبار الجامعه بابا وامتحاناتج؟
اليازيه:كل شي زين االحمدلله ل تحاتي بس ادعيلي اخلص ه السنتين ع خير واتخرج
ابويه وهو يوقف:الله يوفقج يارب يبنتي ون م تكوني
اليازيه:اميننن
--------------
اليازيه قبل م تدخل الميلس:اقولج فطيم شكلي اوك؟(بتوتر الففف)
فطيم:هي يابوج والله شكلج زين
اليازيه:نزين الميك اب ثقيل تحسي ولا عادي؟
فاطمه:اي ثقيل انتي م حاطه غير ايلاينر وبلاشر
اليازيه:خلاص خلاص هونت م ابا ادش(ويلست صوب نوف)
نوف:اقولج بلا دلع ويلا دخلي
عائشه:ابا افهم شو الي يخوف بالموضوع انتي بس بتشوفيه م بياخذج اليوم
اليازيه براحهه:صحح اتفق واخيرا حد فهم مشاعري خلاص اليازيه م بياخذج اليوم ارتاحي يلا دخلي
ووقفت عند بابا الميلس وم قويت افتحه
نوف:بتدخلي ولا كيف؟
فطيم:شوي شوي عليها انتي نسيتي كيف كنتي
:هههههههههههه
نوف:لو ساكتهه ابرك
اليازيه كان وقفت تحليت فيه بقوه فدخلت بدون سابق انذار:السلام عليكم
:وعليكم السلام والرحمه
رحت وسلمت على ام رائد
ام رائد:شلونتس يبنتي؟
اليازيه:بخير الحمدلله شخبارج عموه؟
ام رائد:الحمدلله بخير
رحت اسلم ع ايلا لانهم بس الي كانو موجودين
ايلا وهي تهمس لي:وبعد تطورنا من خالوه لعموه
اليازيه:بروحي زاقهه العافيه سكتي عني ل ارفسج فبطنج
ايلا:ترا م بزوجك اخوي
اليازيه وهي تغمز لها:يحصلج اصلا مرت اخو شراتي
وخطفت عنها وقفت صوب فيصل حسيت انه كل شي وقف توهقت الحين كيف مفروض اسلم عليه؟ عقب تذكرت انه بس بقوله السلام وانا بعيد
اليازيه بحيى:السلام عليكم
فيصل وهو متنح بملامحها:وعليكم السلام والرحمهه
اليازيه متوهقهه الفف :امممم
فيصلل:اخبارك؟
اليازيه بصوت يالله ينسمع:بخير
ورحت عنه من التوتر حتى م سالته عن اخبارههه
فيصل بخاطرهه: م توقعت انه بالطبيعه كذا تطلع حلووه ملاك ملاك م شاءالله ولسى تقول عن نفسها عادديه و قدرت اشيل نضري عنها لو ثواني حتى امها انتبهت بس ضحكت هههههه
امي:شخبارك بعد ولديي(شكلها ترقع سواد ويهي لاني م سالته عن اخباره)
فيصل:بخير الحمدلله
(صار الوقت اني اطلع من الميلس لان لازم يكون فيه كلام رياييل ويا ابوي واخواني بتحديد المهر وتاريخ الخطوبه)
طلعت وخلاص نبضي شوي وبيوقف م قادره اتحملل
يودت ايدي نوف
وفطيم اختي تحركت ايدها جدامي:ايييه هذا شسوا فاختنا؟
فاطمهه:ابوي البنيه ماتت
عائشهه:فال الله ولا فالجج هاييه اختي م بس حصان حمار م شاءالله
نوف:اييه بلاج ي هبله؟
اليازيه:م ادري م ادري والله خيفانه الف
(يلست اقولهم عن الي صار داخل)
فاطمه:ههههههههههههههه اخخخخ بموووت
فطيمم:غربل الله بليسجج فشلتيناا
اليازيه:بسكم عاد طنازه انتي وياها نسيتو اشكالكم؟
عائشه:انا بتطنز ع كيفي هههههههههه
نوف:صبري صبري ياينج الدور
------------فالميلس--------------
رائد دخل بعد م طلعو الحريم
رائد:السلام عليكم
الكل:وعليكم السلام والرحمه
.
.
وبدو يتناقشو بهالامور
رائد:والله عن الخطبه اذا م تمانع ي عمي افضل انها تكون قريبه
ابوي:الشور شوركم والبنت بنتكم والولد ولدنا انتو تفصلو وبنتنا تلبس
عبدالله:متى تقريبا تبون الخطبه؟
فيصل:دامنا لسى فالامارات وقاعدين اسبوع ف فاخر يوم لنا انشاءالله بتكون
عبدالله:بس صعبه على البنيه متى بتلحق تجهز وهي روحها تدرس فبوظبي
ابوي وهي يعطي عبدالله نظره:الخطبه شي بسيط وحلاتها بلمه العايله بس خلنا نخلي الحفله واللويه للعرس
رائد:مو مشكله انتو خذو راحتكم وردولنا خبر
ابوي بحزم:لا مب مشكله اليوم الي بتختاروه هو يوم الخطبه انشاءالله
-------------------
اليازيه بصدمه:شووووووووووووووو! الجمعه اليايه خطبتي؟
ابوي:بلاج انتي الى هي خطبه وانشاءالله اذا رحتي باجر بالضبط عند المصمم بيخلص لج الفستان للجمعه
اليازيه:اي مصمم الي بيخلص لي باسبوع بابا فكر شوي
ابوي:انا عطيت الريال كلمه وهي بس خطبه يعني تيك ات ايزيي(وراح)
وانا خلاص بمووت شو ها كييف جي كل شي بسرعهه؟
رحت لفاطمه مرت اخوووي سرعهه
اليازيه:اقولججج خطبتي الجمعه هاي
فاطمه بصدمه:شووووووووووو؟
اليازيه:اتذكر ربيعتج ميك اب ارتست حجزيها الحين ليي يارب م تكون فلل
فاطمه وهي تحاول تهديني:خلاص خلاص بيكون كل شي تمام اذا فلل بدبر لج عند وحده ثانيه
اليازيه وهي تحاول تهدا شوي:اوك
ورحت من عند مرت اخوي ودخلت الصاله
امي:اقولج حجزت لج حنايه يوم الخميس الياي
اليازيه وهي تتنفس براحهه:افففف الحمدلله الله يريحج مثل م ريحتيني
:ههههههههههه
اليازيه:باجي الفستان بس الفستان
امي:مب لازم تاخذي شي اوفر خلج انيقه وانتي بسيطههه
------------
رحت ارقد وانا م لي خلق لشي نشيت بالباجر رحت ادور لي فستان الحمدلله حصلت لي واحد عنابي ورحت اخذ لي وياه طقم ذهب خلصت كلللل شيي عشان عقب اخذ راحتيي
--------------------------------
نهايه البارت 3 الجزء 1 ارائكم؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 11-01-2019, 01:19 AM
صورة aln3imia الرمزية
aln3imia aln3imia غير متصل
©؛°¨غرامي مشارك¨°؛©
 
الافتراضي رد: نعم انك بالقلب لساكن/بقلمي





part 3
الجزء الثاني
-----------

بعد مرور 4 سنين
قاعده بالصاله اشرب قهوه رغم الضيق الي بي بس الي صدمني دخلت ام رائد علي:السلام عليكم
اليازيه ببسمه صفرا:وعليج السلام والرحمه خالتي
ام رائد وبدون لتسالني عن اخباري:ترا والله وربي فوق سبع سماوات ان م وافقتي لا احرمك من عيالك م تشمين ريحتهم حتى
اليازيه بخوف وهلع:م ابي م غصب مب معناته ابوي متوفي تسرحوبي وتهللون ع كيفكممم ترا وراي رياييل
ام رائد:جربي تدخلين الرجاجيل ع قولتك والله حرام عليك م تشوفين عيالك حتى بجنازتك
اليازيه وهي تشوف ام رائد تطلع :حسبي الله ونعم الوكيل فيج حسبي الله عند ربي م يصيع حققق
---------------
قمت من النوم ع هالحلم بس الله شصاير دقات قلبي قاع تزيد ونفسي مش طبيعي ابد زحرارتي مرتفعه من خوفي والدموع علي
فيصل:بسم الله بسم الله عليك كوابيس كوابيس هاذي
اليازيه وانا بحضنه:فيصل الحلم يخوفف(وم زلت اصيح)
فيصل وهو يشربني ماي:تعوذي من بليس هاي مجرد احلام ل تخافي ل تخافي بعدين ولدي بيخاف معاك(وبزعل مصطنع)
-----------------------
اوكك ادريبكم متدودهين طبعا فهالاربع سنين تزوجت ويب توام سنتين ونص بنت وولد البنت ايفا وادم وحاليا انا حامل بشهري الثاني
م في اي مستجدات غير هاي
------------------------
ابتسمت لفيصل عشان يتطمن
فيصل:يلا عيل ازعجتيني خلني انام بكرى دوام
اليازيه: انا ازعجتكككك!!!؟
فيصل:ايي ويحلو الازعاج دامه منك
اليازيه:ارقد ارقد هههههه
---غفى فيصل بس م زالت افكار الحلم توديني وتيبني ليش ام رائد كانت غير؟ شو بلاها؟ وليش انا قلت ابويه متوفي بسم الله عليه احلامي والله غريبههه اما عيالي شيخصهم بالموضوع؟ افففف والله عقلي وقف من التعب بالتفكير رقدت وانا م حاسهه لدرجه اني قمت وشفت انه فيصل رايح الدوام وادم وايفا بالحضانه رحت سبحت ولبست كندوره خفيفه مع وقايه عشان انزل تحت عند عموهه
اليازيه وانا نازله:السلام عليكممم
ام رائد:وعليكم السلام والرحمههه شلونتس بنتي شخبارتسس؟
اليازيه وانا ابوسها ع راسها:الحمدلله بخير وسهالهه شخبارج عموه؟
ام رائد:والله دامك هني فالسعوديه انا بخييير الحمدللههه
اليازيه بعيارهه:دامني انا ولا ميرا؟
ام رائد بعدل:هي العين وانتي نبض القلببب
اليازيه:فدييييييييييتججج عمووه(ورحت ابوس راسها)
دخل رائد فجاه م كان حاسب حساب اني ممكن اكون بالصاله:السلام عليكم(بعدين انتبه ونزل راسهه لاني انا الوحيده الي م اغطي ويهي)
ام رائد واليازيه:وعليكم السلام والرحمههه
ام رائد:شلونك يما؟
رائد وهو يقعد بابعد مكان تجنبا قربي:والله الحمدلله وانتي وشلونتس؟
ام رائد:بخير الحمدلله بسهاله
حبيت اتواصل وياه شوي اليازيه:شخبار العيال بو خالد؟
رائد :الحمدلله بخير م يشكون باس
اليازيه:عسىى دووم ي ربب سلملي على ام خالددد
رائد:يوصل انشاءالله
حسيت انه مستحي مني فقررت اروح برع عشان ياخذ راحته
يلست احاوط برع سمعت حشره صوب المسابح يعني حوش البيت بس الجهه الثانيه الي ورا
رحت لقيت ميرا وايلا وغنى وسارا وخلود وطيف وخوله يالسين يسبحون بالمسبحح
اليازيه: اييي يالمخابييييل طلعو الحين عز الظهر
ميرا:عز الطلب عشان م يكونو فيه رياييل بالبيت
خلود:وجع صارو رياييل بعد م كانو رجاجيل
سارا:لا عاد الحين القلب اماراتي
طيف:لو سمحتو احترمو الموقف هناك اماراتيتان هنا
غني:بس احنا اكثر
:هههههههههههههه
ايلا:تعالي سبحي ويانا
اليازيه بدلع وانا اتطالع اضافري:بيبي يقول لازم م اتعب عمري توني بالشهر الثاني
خوله:هاذي الدلوعه هدوني عليها ان م ذبحتها
ميرا:تعالي لاا
اليازيه:لا يابوج م ناقصين اصابات
غنى:نزين بس شوي بلي نفسك بالمويه م له داعي تلعبي وكذا
اليازيه:نزين بروح اغير ثيابي وبييكم
رحت فوق بس من الدري الي ورا عشان اتجنب ادخل الصاله لبست مايو عادي لاننا كلنا بنات م لازم البس شي طويل فاكتفيت فيه بدون اي شي ثاني اتطالعت عمري بالجامه قبل م اروح الحمدلله بعدها م طلعت فيني كرشش وجسمي بعده متناسق مع انه بكري توام لبست الروب منعا للمواقف الي م لها داعي ونزلت من نفس الدري الي ييت منه
بس يوم نزلت شفت البنات كلهم محد والي تامين ايلا وميرا بس فاستحيت لانهم لابسين مايو شوي ساتر على عكسي طبعا
اليازيه:وين راحو الباجي؟
ميرا:قالو بيروحون ايسوون لهم كيك لبعد الغدا
ايلا:فضاوهه هههههههه
فصخت الروب وانا اتطالع نضرات ايلا وميرا لي
اليازيه بزعل:متنت صحح؟
ايلا:انا لازم اوريك كرشي الي جا بعد الحمل وانتي تقولين متنت وينه المتن ؟
ميرا:قولي م شاءالله عن يجيك فيصل ويذبحنا ههههههه
نزلت عالمسبح ويلست اسولف وياهم وهم يلعبون بس بعيد عني منعا للحوادث
-----------بالمطبخ------------
البنات طبعا كلهم بدلو ثيابهم وجي وكل وحده تغني بصوب بس فجاه دق الباب عليهم
غني:ميييييييييييييييييييين؟
علي:انا علي تعالي شوي
غني:سارا روحي ولي يسلمك لاخوك ذا
سارا:طيب
وراحت له سارا:هلا
علي:شو هالازعاج شتسوون؟
سارا:نسوي سويتات وزي كذا لبعد الغدا
علي:انا قلت مسويت الغدا على هالازعاج
سارا افف م يجي بعينه شي ذا:طيب؟
علي:وين خالتي ميرا ابي اسلم عليها من جت من السفر م لقيتها
سارا:بالمسبحح سير لها هي ع خالتي ايلا
علي:تماام
--------بالمسبح-----------
اليازيه:اقولكم انا بطلع احس تعبت شوي
ايلا:طيب ل تروحي جلسي سولفي معنا بس ظلي هنا
اليازيه وهي تطلع من المسبح:كك
ميرا:ديري بالك ي عجوزهه
اليازيه:عيز حيلج انتي وريلج وعيالكم فوقكمم
ميرا وهي تمسك ايد اليازيه بقو:شو قلتي لو سمحتي م سمعت
اليازيه:لو سمحتي بخبر عليج اخوج والله م يهدججج ولا يخليج بحالج
ميرا:لا الله يسلمك كله ولا فيصل بيذبحني
اليازيه وهي تمسك تلفونها الي يرن:هاذووه اتصل فدييتههه وفديت طاريه
فيصل:السلام عليكم
اليازيه:وعليكم السلام والرحمهه
فيصل:شخبارج؟
اليازيه:بخير باتصالككك
فيصل:فديييييييتكك
اليازيه:فدا
فيصل:وينك فيه؟
اليازيه:بالمسبح ويا ايلا وميرا
فيصل:طيب بجيك
اليازيه:كك
بندت عنه وانا اتطالعهم
اليازيه:عاديي ايي صح؟
ميرا:ايي عادي احنا لابسين المشكله فيك
اليازيه:عادي ريلي لاه ههههههه
ايلا:براحتككك
فيصل:السلام عليكممم
اليازيه رحت احضنه وانا كلي ماي:اشتقتت لكككك
فيصل وهي يحاوطني بايدهه:انا مب قاييل لك م تتعبين نفسك
------------فمكان ثانييي----------
علي:والله عرفت ي خالي تختار البنت مزههه حتى بدون ميك اب تطيح الطير من السما هذا غير جسمها هذا واهي جايبه 2 وحامل كمان استغفر الله انا شو قاعد اقووول واخرففف استغفر الله اسستغفر خل اروح قبل م حد يشوفني
-------------
اليازيه:كلههه من ايلا هي قالت ليي تعالي لا ارفسج ع بطنج(بعياره)
ايلا:والله تكذب والله
فيصل:بعددد تغصب مرتي وتقولين عنها كذابههه
اليازيه تحر ايلا بنضراتتت
ايلا:شوفها شتسوي تحرني
فيصل:خلها جعل محد يحرك غيرها
اليازيه بدلععع:خلاص بيبي م بتم عندهمم مره ثانيه
فيصل(وهو يحضني بايده):ابشري ع هالخشمم باكرى احنا فبيتنا فابوظبي
اليازيه:ههههههههههه اسولف وياك عيوني أصلا وين بلقى شرات لمه العائله عندكم هني وشرات ايلا وميرا حميااتت
فيصل: ادريبككك حبيتييي
ميرا:بعد حركات صرت تتكلم اماراتيي
فيصل:مثل حركاتك جيناتك يختييي
:هههههههههههههههههه
فيصل: يلا اليازيه بسرعه تعالي فوق ضبطي لي ثيابي (وشد علي اكثر بحضنهه) ويويلك اذا اطلع من الحمام وم القاهممم
اليازيه: تطمنن بتلقاهم وبتلقاني بعد بس خوز عني شوي خل ولديه يتنفسس
:هههههههههههههههههههههه
فيصل: يلا اترياك وانتو الثنتين يويلكم اذا اخرتوها زيادهه
وراح فيصللل
ايلا: لو تعلميني بس شمسويه فاخوووي؟
اليازيه بتفكير: امممم ماخذه قلبهه وعقلهه وروحههه وتفكيره وكل شي يملكهه وصححح لا انسى البطاقههه
:هههههههههههههه
ميرا:يلا روحي قبل م يأخذ روحك اذا طلع وم لقى ثيابه جاهزهه
اليازيه وهي رايحهه اتطالعتهم وغمزت لها: ماخذها ومخلصص اصلاا
ورحت عنهم
ايلا:الله يخليهم لبعضض هاذي عسلل وربيي
ميرا:اجل شقالولك انا وياكك مسحوب علينا؟
ايلا:سبحي سبحي ولي يسلم عمرك بعدين بتجي امي بتسحبني انا وياكك من المسبحح
ميرا:ههههههههههه تمام
رحت فوق ع السريع من الدري الي ورا طبعا منعا للمواقف الخايسهه المترقبهه مع انه م اضن انه في حد بالبيت طلعت له ثياب ودخلت الحمام الثاني اسبح ويوم طلعت لقيته محد اكيد نزل تحتت لبست ع السريع كندوره ووقايه عشان اليوم الخميس فاكيد كل حد متجمع ع الغدا وغير جي عيالي بييون بعد شوي
نزلت تحت ومثل م قلت لقيت كل حد بويهي سلمت على جمانه ونورا لانهم الوحيدات الي م لقيتهم لما نزلت للمسبح وطبعا سلمت ع الرياييل من بعيد لان م لي خلق والله
ام رائد: اجل ايلا زوجك عيا م رح يجي؟
ايلا: امبلا راح يجي بس بيجي معه عمي والباقي
يلست اتطالع بصدمه يعني شالوضع بيكون الحين بالعاده ناكل بطاوله الطعام الحين مستحيل يعني يتم الوضع جي شوي وتطالعت الساعه الحين عيالي اييون لازم اطلع برع اييبهمم وجانه فيصل انتبه فلحقني
تميت واقفه عند باب الحوي مال دقيقتين
فيصل: ادخلي داخل شوي
اليازيه اتطالعته بصدمه الي شيايبك؟: كك انشاءالله
فيصل: لا تتعبي عمرك انا راح اجيبهم وابدل عنهم بعد
اليازيه بنظره رضى:الله يخليك ليي
فيصل:ويخلييتس لي ي رببب
اليازيه بحمااس دال ع شخصيتها الخبله: فييصلللل!!!!
فيصل:عيوووونههه امرييي
اليازيه: م يامر عليك عدوو انشاءالله امممم بسالكك
فيصل:سالي
اليازيه: كيف بيكون الوضع الحين يعني م فهمت الطاوله م بتكفينا
فيصل: طبعا م راح نجلس بالطاوله وانتي م تغطين وجهك
اليازيه:ولا بغطي ارتاححح انت من عرفتني وانا جي اضن انك كنت راضي
فيصل:خلاص تمام تمام كلتني بقشوريي
اليازيه:نزين كيف بيكون الوضع؟
فيصل:الحريم بالصاله م ادري باالطاوله والرجاجيل بالمجلس
اليازيه بنفسيههه:تمام يلا انا بروح
فيصل وهو ييودني من ايدي:زعلانهه؟
اليازيه: هي ولا تكلمني لين م اهدىى
فيصل: كم يبيلكك؟
اليازيه: وقت طويييل
فيصل:يعني؟
اليازيه:خلصت ال 20 ثانيههه
:هههههههههههههههههه
فيصل: احبتسس
رحت عنه داخل ولا عبرتهههه
دخلت داخل وشوي دخل فيصل ويا عيالي وراحو سيده عند كريستين تسبحهم وجي
وم هي الا دقايق ويو قوم أبو حسن
سلمت ع جواهر كنت مشتاقتلها الف هي والجازييي وطبعا دقايق واختفت ايلا وعقب ردت عندنا هههههههه
وتغدينا بس م كان لي نفسس حتى عمتي طول الوقت تطالعني الي شفيج حبيبتي؟
بس طنت اطمنها وانا ابتسم مع اني ادري انها حست اني تعبانه شوي
خلصنا غدى ويلس تويا عيالي شوي وبعدين رحت غرفتي من التعب لدرجه اني م قدرت استاذن حتىىى
وصلت غرفتي وجبدي لايعه خلاااص دخلت الحمام وم لي خلق شيي
بعد م حسيت عمري زينه شوي نزلت تحت ونسيت فوني المفرور ع الشبريه فوق م حسبت حسابه وفريته باي مكان قبل م ادش الحمام كرمتوو
ام رائد: يا يما شفيه وجهكك تعبان
اليازيه: م فيني شي عموه تطمنيي عادي بس تعبت شوي وييت
ام رائد: نزين ابلغ فيصل انك تعبانه يوديك الطبيب؟
اليازيه: لا عموه فديتج ميحتاي والله
ام رائد: فيصل صار له نص ساعه يدق يسال عنك ويقول اتصل فيتس وم رديتي
اليازيه: اففففف تلفوني فوووق م عليه عموه سامحيني الحين بروح اشوف وين فيصل وبطمنه علي
ام رائد:فيصل عند الشباب برىى
اليازيه:وعيالي؟
ام رائد: عند الألعاب ورى يلعبونن
اليازيه: والمسبحح؟
ام رائد: تطمني عندهم كريستنن
اليازيه:مشكووره عموه والله
ام رائد: على ايش تشكريني الحين؟
اليازيه رحت ابوس راسهااا وطلعتت
برع الوضع كان في جلستين وبالنص فارشين حصير وقاعدين عليه الشباب
فالجلسه الأولى: جواهر الجازي طيف ايلا ميرا غنى
الجلسه الثانيه: سارا خوله خلود ميثه
وفالنص الشباب كلهم يعني فيصل حسن فهد خالد علي فاهد
اما اليهال فكلهم بالمساحه الي ورا يلعبوو
-
طلعت واتطالعت المنضر يعني فويهي سيده الشباب توهقت شوي وعقب رقعت لعمري وسرت صوب يلسه البنات وطبعا فهد وحسن يتطالعون لانهم اول مره ايوون ويشوفوني وشكلي ملفت لاني الوحيده الي م اغطي ويهي وم لابسهه عبايه ولا نقاب ههههه
طبعا م مداني أوصل صوب البنات الا فيصل منادني
فيصل:اليازيه(وهو يقترب مني)
اليازيه:آمر بو آدمم
فيصل لما صار جي قريب مني وايد لدرجه انه محد يسمعنا:الحين صرت بو آدمم؟
:ههههههههههه
فيصل:وين بيبي حبي حياتي فيصل؟
اليازيه: تخيل بس اقولك امر بيبي جدام هالخلق كلهم ترا انت الي بتتفشل بس انا وراك تراا
فيصل: نزين وين كنتي شغلتي بالي عليك؟
سكتت
فيصل:كنت ادق لك وم تردين والله اقلقتيني حتى اتصلت فامي
بعد سكتت
فيصل: وش فيتس؟
اليازيه:بس تعبت شوي ورحت اريح وعاد م انتبهت لتلفوني
فيصل: تعبانه وليه م تقولي (بخوف زايد عن الطبيعي) اوديك طيب الطبيب ,,,,, انا ليش اشاورك أصلا يلا يلا بسرعهه لبسي عباتكك واترياك بالسيارهه
اليازيه وانا امسكك ايدهه: عمري حياتي انت هاي مب اول مره احمل فيها ليش جي خيفان؟
فيصل: كيف كيف م أخاف وانتي تقوليلي كنتي تعبانههه برودك ذااا يجلطط والله
اليازيه: شوف عيوني كنت تعبانه وريحت وانا الحين زينه شوفني حصاننن
فيصل: واحلىى مهر وربيي
اليازيه: سير سير عند الشباب هاذوهم يطالعونااا
فيصل:ههههههههههه نزين بروح بس جيبي مفتاح سيارتي لي
اليازيه: لو سمحت انا تعبانهه لا تشغلني
:هههههههههههههه
فيصل: خلاص عيل حقكك علي انا بروح بجيبههه
اليازيه: بتطلعع؟
فيصل: لا بس انتي ناسيه عططرك عندي بعطيه لكك لاني بودي السياره المغسله وكذا
اليازيه: هييي صححح زين يلا سير ييب المفتاحح انا بروح عند البنات ين تيي
فيصل: اجل ديري بالك ع نفسكك وقومي وحدهه منهم هاذول وقعدي وخليهم واقفين
الياويه: خيبه خيبه مرت اخو خايسه بصير
وم عبرني يعني لازم اسوي الي فراسه وراح عني فرحت ايلس شوي عندهم طبعا لازم يحطون علي وغيرهه كلاب والله
شوي ويا فيصل وياشرلي بالمفتاححح ففهمت ورحت صوب الكراجات
ركبت السيارهه
اليازيه:وينه العطر؟
فيصل:بالدرج هذووه
اليازيه فتحت الدرج وشفت ظرف بسس: ايي فيصل وينههه أصلا ليشز اقرني لو يايبه لي احسن
فيصل: اقولك بروح المغسله حبيبتي..... اممم ظررف اشووف جيبيه بشوف شوفيههه لا تفتحييه
اليازيه:لا ييب انا بشوف قبل اذا بيزات من نصيبي
:هههههههههههه
فيصل: لا لا يمكن فضايح ولا شي وعكيفك هو بيزات من نصيبك م في فلوسي هذول
اليازيه: يعني بيزات شوف حبيبي مالي ومالك واحد عشان جي من الحين حرام عيل لا يبقالك درهمم منهممم
:ههههههههههههههههه
فيصل:واذا كان بعمله الريال
اليازيه وانا افتح الظرف شوي شوي:ولا فلسس بعدد
اتطالعت 4 تذاكر سفررر للنمساااا
اليازيه بصريخخ: بنرووووووووووووووووووووووح؟؟؟؟
فيصل:واذا في فبالك مكان ثاني تدللي
اليازيه(بحماس):فديييييييت والله فديييييييييييييت يخي اقسممم بالله استانسستتت واللله فدييتككككككك
-----------------
قايز يليت محد يبخل علي بالكومينت عشان اعرف شو اعدل وجي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 20-01-2019, 05:47 PM
صورة aln3imia الرمزية
aln3imia aln3imia غير متصل
©؛°¨غرامي مشارك¨°؛©
 
الافتراضي رد: نعم انك بالقلب لساكن/بقلمي


okeey soo really i'm so sorry
كان مفروض م اقطعع وي بس بعد تعرفون سوالف الدراسهه وغيره
that is why يعني
اتمنى تتفهمون شوي وبحاول باقرب فرصه اني انزل لو انه محد متفاعل بس انا مقتنعه من عدد الفيوز الي واصلتنه وم ابي اخيب ضنه فيني

الرد باقتباس
إضافة رد

نعم انك بالقلب لساكن/بقلمي

الوسوم
في قلبي هو الساكن.
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثالثه : هو يحسب ان الغلا بالقلب لعبه ما جرا لي من بعد هجر نصيب سآكِبَتْ الْـ عُ ــودْ أرشيف الروايات المغلقة - لعدم إكتمالها 87 29-07-2017 11:51 PM
للي لهم بالقلب حشمة ومقدار &دنيا ماترحم& شعر - قصائد - قصايد - همس القوافي 15 23-01-2016 06:54 PM
رواية وشلون أضمك وأنت بالقلب موجود عمركم سمعتوا بواحد ضم جوفه/بقلمي حفيدة شكـسبير روايات - طويلة 3 03-12-2015 06:28 AM

الساعة الآن +3: 12:13 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1