غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 13-12-2018, 08:55 AM
صورة aln3imia الرمزية
aln3imia aln3imia غير متصل
©؛°¨غرامي مشارك¨°؛©
 
Upload1120a2f436 نعم انك بالقلب لساكن/بقلمي


السلام عليكم ورحمة الله وبركاته
طبعا فالبدايه اصبح عليكم بالخير
نويت اليوم اكتب رواية نعم انك بالقلب لساكن اتمنى تشرفوني فيها او بس تعطوني الكومينت عليها بس عسب اعرف شو اعدل يعني
طبعا بتكون روايه باللهجه لإماراتيه انشاءالله فيها شي من الواقع بنسبه 25% بس م نختلف هني انه الروايات تعتمد ع الخيال اكثر عسب اوضح الصورة بس من المرجح ان البارت 1 بينزل لكم اليوم انشاءالله.


تعديل aln3imia; بتاريخ 13-12-2018 الساعة 09:38 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 13-12-2018, 10:30 AM
صورة aln3imia الرمزية
aln3imia aln3imia غير متصل
©؛°¨غرامي مشارك¨°؛©
 
الافتراضي رد: نعم انك بالقلب لساكن.





part 1
نشيت الصبح ع صوت المنبه ....انتبهت اني متاخرهههه وااااابيييي السير بيسجلني غياب راحيت طيراااان ع الحمام (وانتو بكرامه) اجهز ع السريع ونزلت ع الدري بسرعههههه شفت اختي قاع تتريق الصبح
فطيم: خيبه خيبه بلاج جي طايرة؟ الناس يسلمون قبل
اليازية: اقولج متاخره لا تلعوزيني الحين بروح بشوفني مسجله غياب
حطت فطيم ريل ع ريل وقالت ببرود ورفعة ضغط: الحمدلله خلصنا وافتكينا من لعوزه الجامعات
اليازية: عادي شيعني تمي انتي انا بخلص هالبكلريوس وبعده الماجستير والدوكتوراه وتمي هني انتي ربي عيالج
فطيم:بربيهم بربيهم وبربي عيال عيالهم بعد سيري سيري عن يسجلوج تاخير
(ضحكنا)
وصلت عند باب الكلاس وم خليت آيه م قريتها ويوم دخلت السير غايب
والله ويا تعب راح ع الفاضي ههههههههه
رجعت ركبت السيارههه اووف 20 مكالمهه اوبس صحح كان لازم اطمن ناس عليي
------------------------
ستوووووب
------------------------
بعرفكم بالشخصيات شوي ادريبكم ضايعين
طبعا اول شي انا اليازية عمري 19 سنه انا مب من بوظبي بس ساكنه عند اختي فطيم عسب الجامعه وجي
فطيم: اختيه العودا عمرها 26 سنه متزوجه من يوم هي صغيره شوي عسب جي عندها عيال
ماخذه سيف وعندهم الغلا6 سنين وفارس4 سنين وغايه توها نيو بورن بو ثلاث شهور
اخوي العود عبدالله: عمره 29 متزوج فاطمه وعيالهم آمنه 6 سنين ومحمد(سمي الوالد)3سنين وخلف سنتين
اختي عائشه:عمرها 12 سنه دلوعه البيت عاد هاي
اختي نوف: اكبر مني باربع سنين يعني عمرها 23 ومالجه من فتره وموظفهه
-----
امي:ام عبدالله عمرها 48 سنه بس م يبين عليها صغيره وراعيه براندات وعايشه حياتها
ابويهه محمد: بوعبدالله عمره 55 سنه
---------
بسولفلكم شوي عن حياتي انا من الشماليه بس ساكنه فيوظبي ويا اختي عشان الجامعه وغيره يعني مليون سبب امم بعد تراني وحده م صاحيه خبله وعايشهه حياتي بالطول وبالعرض وم هامني شي امشي وافر كل شيي وراي بس الي يوقفني عن خبلي شخص واحد من عرفتهه وانا احس اني ملكت الدنيا ولي فيها من كان عمري 15 تعرفت على واحد سعودي اسمهه فيصلل هالشخص يومي م يكمل بدونه انا عايشهه عشانه ادري انه تعارفنا غلط بغلط وم صحح اني ارمسه من ورا اهلي بس شسوي والله احبهههه
-----------
نرجع للروايه
-----------
اتصلت لفيصل
اليازية بهدوء: السلام عليكم
فيصل بعصبيه خفيفه: بالله احلفي بس انا صارلي نص ساعه انتظر حضره جنابك تردين علي!!
اليازية بصوت طفولي: نزين شو اسوي كنت ناشه متاخر وغير جي زخني رادار تووه لاني كنت ابا اوصل الجامعه ويوم وصلت السير محد
فيصل بتنهيدهه: زين وينك الحين؟
اليازيه فرحت انه روق: طلعت من الجامعه وبرد البيت عسب ارتب اغراضي برد بيتنا لاه
فيصلل: اييي طيب
اليازية: وينك؟
فيصل: يعني وين بكون الله يهديك (وظحك)
اليازيةة:واااااي ناس مداومين من الصبح الساعه 6 وناس الكلاس انلغى عنهم
فيصل: طيب طيب يجيلك يوممم
وظحكنا
فيصلل: اقولك
اليازيه بعدم اهتمام: قول
فيصل: الاهل حاجزين لدبي هالويك اند
اليازية :so?
فيصل: ادري ادري م في امل نتلاقى حفظت جملتك الشهيره(انا م ربوني اهلي 199999 سنه عشان اخر عمري اطلع ويا واحد وم وراي رياييل عسب اخون ثقتهم واذا انت تحبني فبتي تشوفني لما بتخطبني والمعرس ايي من الباب م من الدريشه)
اليازية:ههههههههههههههههههههه بمووووووت والله ضابهاااا لهجتنا ههههههههههه اخ اخ الله يغربل بليسكك
فيصل:لاتموتين ابيك
اليازيه استحتت: امم اخبرك وصلت البيت
فيصل:كذاابه والله باقيلك شوي وبعيد توصلين بس تبين تتهربين مني يبين عليك مستحيههه
اليازيه بكذب: ليش استحي يعني؟
فيصل:والله م ادريبك سالي نفسكك
اليازية :ههههههههههه اقولك قلبي الحين عاد صدق وصلت يلا بيبي
فيصل: لا اصبري م قلتي اسطوانه الويك اند
اليازيه: ههههههههههه تراك حافظها
فيصل: لا لا قوليها باقي شوي واحفظها
اليازيه: كك لاتتصل ولا تطرش شي ع الواتس او غيره لاني انا بكون ويا اهلي 24 ساعه فليل بروحي بتصل بك واذا م اتصلت لا تتصل لاني يمكن اكون سهرانه بالصاله ويا اهلي خلنا بعيد عن شك اهلي عقب بتصل بك .
فيصل: انشاءالله بس بطريقك لبيتكم دقيلي بسولف وياك بعد م بتحرميني منك ثلاث ايام
اليازيه : كيف سويتهم ثلاث ايام هو يوم اليوم رمستك والسبت انا اطلع العصر وطول الدرب ارمسك
فيصل: لا ثلاث ايام ومو بس ثلاث ايام ثلاث سنين وثلاث عقود وثلاث قرون ع قلبي
اليازية:صاير عيار تراك
فيصل: هههههههه خليني براحتي اصير عيار اصير الي ابيه
اليازية:والله انت هههههههه
فيصل: نزين ل تنسي ترمسنيوانتي رادهه بالدرب
اليازيه:انشاءالله بحاله انه اختي ركبت ويا ريلها برمسك بس اذا ركبت وياي اعذرني
فيصل: خلاص انشاءالله يصير خير
اليازية:يلا فداعه الله
فيصل:فداعه الرحمن
--------
نزلت وشفت اختي بالصاله يالسه وترمس بالتلفون
فطيم: سيف اقولك الولد مريض كيف يعني عندك دوام وم تقدر توديتي
:
فطيم: الولد بيموت وانت تم تم جي بالدوام ولا تتحرك
:
فطيم: انت تدريبي م احب اركب ويا الدريول واليازية بالجامعه بعدين منو ابو فارس انت ولا الدريول؟
:
فطيم: افف افف منك باي.(وصكرت التلفون)
اليازية: السلام عليكم
فطيم: وعليج السلام والرحمه ييتي ويابج الله
اليازية:بسم الله شو ييتي ويابج الله انا بروح ارقدد ابوي
فطيم:ع كيفج هو بترقدي لا م شي ولدي مريض وبنروح نييبه
اليازيه: كم مره قلت لج خذي الليسن بروحج هيزه تمي الحين ولا اوديج
فطيم: والله باخذه باخذه توبه هالرياييل م منهم فايده كل م ابا اقدم يقولي شو تبين باللسن وانا تحت ريلج متى م تبين تطلعين
اليازيه: ها وينه الحين اشوف بس نعالج تحت ريلج؟
فطيم ضربتني ع راسي: بس عاد غلطتي ع ولدي وسكتنا وغلطتي علي وسكتنا بس وصلتي الحدود
اليازيه: هههههههههههههههههه بموووت هي وصلنا حدود القلب(وغمزت لها)
فطيم: عندج حايه؟
اليازيه: لا ابدننن .
فطيم :يلا عيل بروح اييب ولدي فديته حشاشتي مريض فضلت عنهم من مدرسهه الولد محموم وم اتصلوبي غير الحينه
اليازيه: م مكلفه توديه خاص لو حاطتنه حكومي كان سيده اتصلوبجج ولا ودوه العياده ويابوه لج عيال البلاد م يقصرون
فطيم: عن الهذربان سيري شغلي السياره وانا بلبس عباتيه وبييج
اليازيه: يالله اترجاج عندج خمس دقايق ولا بروح عنج
فطيم: بعد تذلني ويا راسها
اليازيه: لاتغلطي ع راسي ويالله سرعههه
-----
ركبت وياي فطيم السياره ورحنا نطلع ولدها من المدرسهه وقلنا بالمره بنطلع الغلا وياه
الغلا+فارس: السلام عليكم
اليازية: وعليكم السلام والرحمه
الغلا:اولل مره يكون في فايده من فروس طلعونيي وياهه ولا غير جي م شي منك فايده
فارس: ماما شوفي غلا
فطيم:غلا يوزي عن اخوج
الغلا حاست حلجها: انشاءالله
اليازيه: والله هاي لاعبه فيها جيناتي لعووب هههههه
الغلا: ولي الشرف
فطيم:مدحووج جان م لقيتي الا هاي
الغلا: ع الاقل توديني الالعاب مب شراتج انتي وبابا
فطيم:هالبنيه بيوم من الايام بقص لسانها على ماانه طويل
اليازيه:بتكبر وبتقعل مثل م عقلت امها
فطيم: سكتي سكتي ستري عيل جعل الله يستر عليج دنيا واخره
فطيم+اليازيه:ههههههههههههههه
اليازية:خلاص خلاص بسكت بسكت
-------------------
البارت الاول بجزءه الاول خلص باجي الجزء الثاني انشاءالله بخلصه بعد اليوم
اذا في شي م عجبكم وجي خبروني عسب اعدل


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 13-12-2018, 12:10 PM
9amt 9amt غير متصل
©؛°¨غرامي جديد¨°؛©
 
الافتراضي رد: نعم انك بالقلب لساكن.


فـي انتظـار الـجـزء الثـانــي
مـوفقــه ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 13-12-2018, 12:36 PM
صورة aln3imia الرمزية
aln3imia aln3imia غير متصل
©؛°¨غرامي مشارك¨°؛©
 
الافتراضي رد: نعم انك بالقلب لساكن.


اقتباس:
المشاركة الأساسية كتبها 9amt مشاهدة المشاركة
فـي انتظـار الـجـزء الثـانــي
مـوفقــه ...
انشاءالله بحاول اخلصه اليوم
وياج\ك ي رب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 13-12-2018, 02:50 PM
صورة aln3imia الرمزية
aln3imia aln3imia غير متصل
©؛°¨غرامي مشارك¨°؛©
 
الافتراضي رد: نعم انك بالقلب لساكن.





part 1
---------
وصلنا البيت وطيران على غرفتي عسب ارتب جنطتي بس للاسف الطياره م وصلت الى المحطه الا ونادوها
فطيم: اليااااااااااااااااازيهههههه
اليازيه بنفسيه: هاااااااا!!؟
فطيم:اقولج تعالي شلي غايهه انا برتب جنطنا وغير جي بسوي اكسجين لفروس فبتنش هي على الحشره
اليازيه: الحمدلله الحمدلله طلعت راقده م فيني اعابل فيها وانا ابا اخلص جنطتي
فطيم وهي تضحك: خييبه يبوج م يرزى حليلها م اذتج بشي
اليازيه:ييبيها ييبيها
فطيم: هاذيه ع الشبريه مالها سيري شليها واتمنى تكملي خيرج وتسويلها جنطتها
اليازيه: اشلها هي بس جنطتها بعدد لا لين هني وبس واايد مستغليني تراكم انا يايبيني هني عسب ادرس م اشوف عيالكم ههههههههههه
فطيم: نغديج ونعشيج ونريقج ونغسل سيارتج وثيابج نكويهم وما ناخذ منج اجار وبعد تتشرطي؟
تخصرت اليازيه: ليش انشاءالله حبيبتي؟ اصلا يحصل لكم اليازيه بنت محمد ساكنه عندكم فبيتكم وكل يوم تنوره لكم
فطيم: انا اقول ليش كل يوم الكهربا تخترب
اليازيه وهي تشل غايه: ما يبالها شي ريلج م يدفع الفاتوره
فطيم:ها عندكم حبيتي هني م ندفع فواتير الحكومه الله يخليها تدفعها
اليازيه:لاتخليني احلف م اشلها وعقب شغلي مكينه الاكسجين وخلها تنش تصيح لج
فطيم:لا لا التوبه والله اسفه شليها شليها فكيني حشرتها م صدقت تنام بعد توعيها
اليازيه: هي جي اباج حرمه زينه
فطيم غمزت لها: ع هواج
--------------
رتبت الجنطه وهذا روتيني كل ويك اند ويا اختي وعيالها لان هم بعد يرجعون كل ويك اند وييت بركب السياره الا وريل اختي بركن وراي
افففففففف الحين كيف بطلع
اليازيه رايحه لهه معصبهه قاع ادق دريشه السياره: الشيخ سيف ممكن تخليني اطلع؟
بطل لي الدريشه: بلاج بلاج معصبة؟
اليازيه: انا الحين ور(رفعت راسي وانتبهت انه في حد وياه فسكتت)
سيف: هههههههههههه
اليازيه قعدت اتطلعه بنظرات الي منو ها؟)
سيف: والله طرر كل يوم بييبك وياي عشان تفكنا حشره هاي حتى سلام م سلمت سيده قبضتني بشراع وميداف وتتنازع
اليازيه بهدوء: السلام عليكم
سيف+():وعليج السلام
اليازيه:نزين ممكن الحين تروح وتبركن مكان ثاني لاني ابا اطلع
سيف:رديننا قلنا بتستحي بس م شي فايدهه
اليازيه خلاص شوي وبتصيح:يعني مكان الباركنات عندكم اكبر من حياتي م لقيت تبركن غير هني؟
سيف:اخبرك حمد البنيه بتصيح علينا خلل نروح
رحت للسياره وانا افكر من قال حمد عرفت انه اخوه اشوى م يبت العيد عند واحد غريب ههههههه بس محلو غربل الله بليسه من زماااااااان م شفته من يوووم تخرج هو من الثنويه اتذكر انه اكبر مني بسنهه يالله الله يوفجه سمعت من فتره انه خطب وانرفض الله يوفقه مع بنت الحلال
قبضت درب الدار واول م وصلت البيت لازم اثبت وجودي واسويلهم حشرهه بالهرنات لين الله يفرجها وحد طلعلي عسب يشل الجنطه مالي من الدبهه
يت الخدامه
اليازيه: هههههههااااااي شخبارج؟
الخدامه وهي مستانسه مسكينه م تشوفني وايد:الحمدلله اليازيه كله زين انتي شخبارج؟
اليازيه: انا الحمدلله بخير
الخدامه:والله انا كل يوم يقول متى بيجي ماما اليازيه متى بيجي ماما اليازيه ماما عايشه مافي زين كله قرقرقرقر!
اليازيه:هههههههههه بموووت عواشهه مخبله فيكم
اليازية: اخبرج منو داخل؟
الخدامه: ماما وبابا مال انتي م في داخل وماما عايشه بعد شوي بيجي من مدرسه وماما نوف يجي ساعه 6 من دوام وبابا عبدالله لسى م يجي من دبي بس داخل في بابا عروسه مال نوف
اليازيه: اما عروسه مال نوف قوييه هههههههههه يالله زين شلي الجنطه وديها غرفتي فوق ورتبيها بالكبت
الخدامه:معلوم معلوم انا م في خوف
اليازيه: هي جي اباج كفوو عليج
عدل وقايتي(وقايتي=شيلتي الشي الي يتحجبوبه الحريم الي يغطوبه شعرهم م ادري شو تسموه عندكم)غطيت شعري كامل وفصخت نظارتي الشمسيه
دخلت بكامل هدوئي بعده الريال م متعود ع خبلي م ابا اصدمه:السلام عليكم
سالم: وعليكم السلام والرحمه شخبارج اختيه؟
اليازيه:الحمدلله تمام والله انت شخبارك؟
سالم:بخير ونعمه والله
اليازيه: شخبار خالوه وعمي عساهم طيبين؟
سالم:الحمدلله بنعمه
اليازيه:دووم انشاءالله
سالم:يدوم حالج
اليازيه:عيل وين نوف عنك؟
سالم:نوف بالدوام لاه
اليازيه: هيييه(يلست افكر اذا نوف بالدوام ليش هو هني؟)
بعدين اصطلبت وفاولته يمكن نوف مخبرتنه ايي ولا هو ياي يرمس مع ابوي بشغله ولا يايين يتفقو ع شي يخص العرس
اليازيه: متى بتي نوف؟
سالم وهو ياكل: قالت حقي قبل ربع ساعه انها طالعه الحين من الدوام فبتكون الحين واصله انشاءالله
اليازيه:هيي زين(والله اتوهقت م عرفت كيف افتح موضوع وياه وهو يستحي ومنزل راسه وكل م اساله يايقول هي ولا لا)
نوف وهي داخله:السلام عليكم
سالم وهو شاق الابتسامهه:وعليج السلام والرحمه
اليازيه:هلا هلا خيتووو ونشيت احظنهاا
نوفف:والله اشتقت لج يالخايسه من ويكندين م تنزلين
اليازيه:هاذه السير غربل الله بليسه كله يسويلنا متريمات ع الاحد واذا نزلت بالويك اند اعرف اني م بذاكر وم حابه ان المعدل ينزل طبعا
نوف وهي تغمز لي:شكلها عيبتج بوظبي حتى الحين م تنزلين منها
اليازيه: وين والله م شي شرات البلادد
نوف:هي هي واضحح
سالم:خليها بحالها شتبين فيها ؟
اليازيه: هذا ريلج عياااار والله من مساعه اسولف وياه منزل راسه ويوم اكلمه هي كلمه وحده يايقول هي ولا لا وهقني م عرفت اسولف
سالم انحرج ونوف يلست تظحكككككككككككك
اليازية:المشكله م هني المشكله من دخلتي رفع راسه وشقق حلجه سوالنا عرض لاسنانه كلهاا بعد
نوف:غربل الله بليسج شوسويتي بالريال طاعي كيف استحىى ههههههههههههه
اليازيه:اقولج دخلت بهدوء المشكله انه انا بعد م عرفتني
نوف:اقولك سالم من وين طالعه الشمس اليوم اونه هاي داشه بهدوء
سالم: اايي هدوء داخله البيت وحاشره الفريج كله هرانهه بس الا يوم دخلت وهو يقلد علي(السلام عليكم)
ظحكنا
اليازيه:هذا وانا مسويه العاقله م مشت عليك
سالم:والله انا كنت بصدق انج عاقله بس المشكله من خطبت نوف وهم يتكلمون عن حشرتج حتى سيف الي هو م يخصه بالناس يقول انج مخبله فيه
نوف: لا شوف اختي عاقله اصلا بس عليها هفات تتخبل فيها
سالم:م بتكون اقل عنج طبعا
اليازيه: واااااااااااااااااي قفطووووها لا تصيحي دخيلج لاتصيحي
نوف:حيوانات انتو والله
نوف+اليازيه: شراتجج
نوف:طاحوبي عاد طاحوبي
الكل:ههههههههههههههههههههههه
عائشه وهي تهد الباب بقوو:اوب اوب سلووم عندنا
سالم:هاي عائشه هاي اقولج حد قالج اني لاعب وياج بنص السكه
نوف:الناس يقولون السلام عليكم
عائشه تطالعتهم الي انتو كلكم بلاكم علي
نشيت حقها احظنها والله متولهةة ع خبلهاا
عائشه:يزووووي اشتاقييت حقجج هاييل كلهم حيوانات
نوف+سالم:شراتج
اليازيه:ايي عاد مالجين م تطيحون باختي كله ولا العوش
عائشه:يلست تحرك لهم حوايبها بقهر
نوف:طع طع هاي
اليازيه:يوزي عنها خلها
عائشه:اقولج يزوي ابا اروح القريه اليوم
اليازيه بغباء مقصود: صدق منو بيوديج؟
عائشه:اختي العزيزة الحبيبه الي م شفتها من اسبوعين ومشتاقتلها واايد
اليازية:لا م يصير اطلع
عائشه بانفعال زايد عن اللزوم ولدرجه انه طاحت وقايتها عنها:لا لا لاتقولي جي ابا اروح كل ربيعاتي بيكونون هناك وديني وديني
اليازيه ظحكت عليها:اقولج نزين ابوي م بيخليني اطلع لدبي بس عسب حواطه
عائشه :ابوي علي انا م عليج انتي
اليازيه:اذا جي موافقه مع اني ظهري متكسر من الخطط بس لعيون العوش بظرب خطط وخطين بعد
عائشه وهي تحظن اليازيه:فديتجج والله لاخلا ولا عدم
اليازيه وهي تظحك: هي هي للمصلحه
نوف:عيل شو عبالج لعيونج مثلا؟
سالم:خليهم خليهم صايرين الخوات الحميمات
عائشه وهي تطالعه بغياظ:عندك مانع؟
سالم:ابدد سلامة راسج
عائشه:عبالي بعد
وراحت عائشه تبدل ثيابها
اليازيه:اخبركم ام عبدالله بعدها م لبست هاي وقايه؟
نوف:اونه م هاينه عليها
اليازيه:حليلنا والله بهالعمر كنا نلبس عبي بعد
سالم:بس طلعوكم حريم
اليازيه:م قصرو ههههههههه
نوف:عيالي م بعيشهم معاناتنا انا وياج بالوقي
سالم:ع كيفج هو؟
اليازيه:انا بروح ابدل ثيابي خذو راحتكم بالضرابه انتو هههههههه
سالم:يالسين لا
اليازيه ناشينن يابوك
نوف:يلا يلا مناك خليني ويا ريلي بروحنا
اليازيهه:عدالل ي خي والله عيب م يراعون مشاعر العزابيه
الكل:ههههههههههههههه
----------
صعدت فوق اتصلت بفيصل صحح م كملت ساعه من بندت عنه بس تولهت عليه وبالمره بقول له اني بروح دبي
اليازيه وانا اسكر باب الغرفه:السلام عليكم
فيصل:وعليكم السلام والرحمه اقولتس ثواني
اليازيه: كك
بندت عنه ويلست ابدل ثيابي ودق باب غرفتي
اليازيه:لحظه قاع ابدل ثيابي
خلصت ورحت افتح الباب وشفت امييه حظنتها
امايهه:يالله لا حس ولا خبر وينج من اسبوعين اسبوعين يالظالمه م شفناج ولا سمعنا حسج
اليازيه:اماييه فديتج دراسه والله وبعدين وين م سمعتين حسي وانا كل يوم اتصل بج
مايهه:لا ها غير وها غير يعني يوم تتصليبي شدراني عنج بخير م بخير مريضه ميهوده شي فيج زعلانه راضيه
بست راس امي اليازيه:فديتج امايهه بخير وبنعمه وم قاصر علي شي غير رضاج
امايه:الله يرضا عليج دنيا وآخره حبيبتي
اليازية:تعالي يلسي داخل بسولف وياج متولهة عليج
دخلت امي ويلست صوبي
اماايه:عيل يقولون انج بتودي عاشه دبي
اليازية: هي والله خبلت بي وقلت لها جانج تبين تروحين سيري استاذني من السلطات العليا وجانهم رضون م عندي خلاف اوديج
امايه: كله ولا السلطات العليا بس هههههههههه
اليازيه: هي عيل شو كيف بطلع وانا م استاذن
امايه: عدال تشرقي وتغربي فبوظبي ومحد يدريبج الحين صار لازم تستاذني من السلطات العليا
اليازيه: هههههههههههه طلعتو زاخيني
ورن تلفوني--المشكله م هني المشكله انه فيصل الي متصل والله موقف بااايخ الحمدلله اني مسمتنه فطوم بوظبي كلاس الماث
امايهه: اليازي تلفونج يرن
اليازيه م عرفت كيف ارقعها:افف فطوم الحين بتيلس تسولف م فاضيه لها انا م صدقت يتكنسل كلاس اليوم
وكان ابند تلفوني كامل غلقته
امايه:م عليه اميه ردي عليها يمكن تباج بحايه السير يباها ولا بتناقشج بالامتحان وغيره
اليازيه:انا ادري تبا تهذرب م متفيجه لها
امايه: ههههههههههه انتي م صاحيه والله
اليازيه:حرام عليج اميه ههههههه
امايه: حرام علي انا ولا عليج الحرمه تتصل وانتي م تردي
اليازيه:امايه بعد سويتيها سالفه ها الحين بتصل(وانا خلاص بموووت)
امايه وهي ناشه بتطلع:لا برايج لاتتصلي اسوي وياج سوالف بس
اليازيه:يلسي امايه
امايه:بروح مع نوف عسب ناخذ زهبتها لا من المول
اليازيه: الحين؟
امايه:لايمكن عقب شوي بس بروح اجهز
اليازية:هي زين عيل م اعطلج
امايه:يلا(وسكرت الباب)
رجعت اتصل ففيصل وانا ارتجف من الخوف
فيصل:السلام عليكم
اليازية والخوف مبين من صوتها:وعليكم السلام
فيصل:بلاج عيوني؟
اليازيه:توك يوم اتصلت امي كانت صوبي
فيصل وهو متوتر:نزين؟
اليازيه:م ادري كيف بس ترقعتت يعني م شكت وجي
فيصل:الحمدلله ي شيخه خوفتيني عليك
اليازيه:قايله لك مليون مره لا تتصل وانا فبيتنا انا بتصل بك
فيصل:والله م كنت اعرف انه ممكن احد يدخل عليك وانتي بالغرفه
اليازية:يالله مب مشكله الحين عرفت
فيصل:اقولك اليوم طيارتي
اليازيه: ادري بس متى الوقت بالضبط؟
فيصل:بعد ساعتين بكون بالمطار انشاءلله
اليازيه:توصل بالسلامه
فيصل:الله يسلمك ويسلم غاليك من كل شر
اليازيه:عيل بتنور الديار
فيصل:الديار منورهه فيك
اليازية:ادري م له داعي تقول هههههههه
فيصل:والله انتي م ادري منو معلمنك الثقه
اليازيه:انه عرج يسري في دمي
فيصل:والله منتي بصاحيه هههههههه
اليازيه بصدمهه مصطنعه:لو سمحت انا عاقله
فيصل بتسليك:أي أي صح صح
-------------------------
اليازية وهي منطنقرة:عاشووه انا قيله حقج الساعه 5 بكون بالسياره ومن ربع ساعه قاع انتضرج اشتغل عندج انا؟
عائشه وهي مبعده التلفون عن اذنها:ريلاكس بيبي ريلاكس والله بس باجي المسكره وبنزل
اليازيه: انتي ياهل تسوي ميكب ليش؟
عائشه:عقب عقب بناقشج بهالموضوع
بندت اليازية التلفون وانتبهت انه اخوها نازل من سيارته وراها راحت تسلم عليه
عبدالله:هلا هلا اشتقت لجج يالمعصقلهه
اليازيه:حرام عليك عبدالله متنت شوي
عبدالله: مادري من وين انتي تروحي تردي معصقله فوق م انج معصقله زود م ادري شو يسووبج سيف وفطيم
اليازيه:شفت م ياكلوني
عبدالله:انا حاس الويك اند الياي بتختفي يبوج
اليازيه: يالله عاد حرام عليك ل تقعد تتمصخر علي
عائشه: السلام عليكم
اليازيه: هامس عايشه خلصتي المسكره
عائشه:لا ركبت رموش عسب يكون احلا
عبدالله:انا هالجيل م برمس عنهم
اليازية:ولا انا حابه ارمس
عبدالله واليازيه:ههههههههههههههه
--------------------
وصلنا القريه وراحت عائشه ويا ربيعاتها وتميت انا احوط مع نفسي
مريت صوب محلات كتب وخذت لي كمن كتاب اتسلى بهم للاجازة ورحت التركيه ادور ثياب لعيال اخواني بس م حصلت شي حلو يلست احوط واحوط لين حصلت محل ثياب حلو خذت للبنات كلهم فستان ابيض مع شريط اسود احس بيطلع عليهم كيوت وخذت لفارس ومحمد وخلف بدله رسميه سودا بس القميص الداخلي ابيض دام انه عرس نوف جريب فبيلبسونهم فيه
مشيت صوب اقرب كوفي لابسه كعب وريلي تعورني يلست على الطاوله وفريت الجياس صوبي اتصلت اجيك على الخبله عاشوه
اليازية:السلام عليكم
عائشة:هلا هلا يزوي
اليازيه:اخبارج؟
عائشة:اقولج يزوي عقب برمسج يالسين نلعب الحين هب فاضين لج
وبندت عني صدقه سالم من تخلص مصلحتها بتروحح هههههههههه
انتبهت للطاوله الي صوبي لمحت ريال اعرفهه اوب هذا برهوم ولد خالتي
------
إبراهيم ولد خالتي اكبر مني بثلاث سنين يعني عمره 22 يوم كنا صغار وجي كانوا يقولون انتو لبعض يعني سوالف اهل بس كبرنا والموضوع عادي بس المشكله انه يحبني ورافض فكره الزواج عسب انا رفضتها بحجه الدراسه فينتضرني اخلص دراسه بس م يدري انه قلبي عند شخص ثاني
-----
اتصلت لهه بجيك اذا هو ولا لا فرن فونه
اليازيه:إبراهيم تطالع الطاوله الي وراك
إبراهيم وهو يلتفت: اوب اوب شتسوين هني؟
اليازيه وهي يالسه احتراما لان ربعه وياه: ابد يايبه الخبله عاشووه
إبراهيم وهو يبتعد عن الطاوله: هاي البنت صدق الله يعينكم عليها
اليازيه:زين ليش رحت بعيد تعال سولف هني
إبراهيم:م أبا ربعي يشوفوج
اليازيه: ههههههههههه شو يعني عادي ترا بنت خالتك انا
إبراهيم: حتى ولو
اليازيه: عيل شعدنك فالقريه؟
إبراهيم: ابد ياي اتمشى وبعد شوي بنروح نلعب
اليازيه: عيل الله يخليك جانك شفت عاشه قولها تدير بالها على روحها
إبراهيم:انشاءالله يلا باي بنت الخاله
اليازيه: يلا برهوم بباي
وبندت عنه وانا مقرره اطلع دامه م يبا ربعه يشوفوني فرحت للكوفي الي صوبه بس انتبهت انه ستاربكس جريب فقررت اروح هناك وانا اتصل لفيصل وهو م يرد فقلت اكيد بيكون فلويه المطار وغيره
بس وانا امشي في وحده دزتني



نهايه البارت الاول توقعاتكم
شو بيصير بين اليازيه وفيصل؟
و منو الي دزت اليازيه؟



تعديل aln3imia; بتاريخ 13-12-2018 الساعة 03:50 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 13-12-2018, 07:58 PM
9amt 9amt غير متصل
©؛°¨غرامي جديد¨°؛©
 
الافتراضي رد: نعم انك بالقلب لساكن.


شو بيصير بين اليازيه وفيصل؟
- أحس بيستوي شي بينهم وما بيكملون ويا بعض مع أني أتمنى أنهم يكملون ويا بعض

و منو الي دزت اليازيه؟
- أتوقع يا وحده من أربيعاتها من زمان ما شافتها وتبا تسوي فيها حركة أو عايشه أختها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 15-12-2018, 02:27 PM
صورة aln3imia الرمزية
aln3imia aln3imia غير متصل
©؛°¨غرامي مشارك¨°؛©
 
الافتراضي رد: نعم انك بالقلب لساكن.


اقتباس:
المشاركة الأساسية كتبها 9amt مشاهدة المشاركة
شو بيصير بين اليازيه وفيصل؟
- أحس بيستوي شي بينهم وما بيكملون ويا بعض مع أني أتمنى أنهم يكملون ويا بعض

و منو الي دزت اليازيه؟
- أتوقع يا وحده من أربيعاتها من زمان ما شافتها وتبا تسوي فيها حركة أو عايشه أختها
شكرا اختيه على تفاعلجج بالموضوع

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-12-2018, 02:28 PM
صورة aln3imia الرمزية
aln3imia aln3imia غير متصل
©؛°¨غرامي مشارك¨°؛©
 
الافتراضي رد: نعم انك بالقلب لساكن/بقلمي


السلام عليكم اول شي بس بغيت اسالكم للي متابعين الروايه متى يناسبكم انزل البارت 2؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-12-2018, 09:17 AM
صورة aln3imia الرمزية
aln3imia aln3imia غير متصل
©؛°¨غرامي مشارك¨°؛©
 
الافتراضي رد: نعم انك بالقلب لساكن/بقلمي





part 2
---------------
وبندت عنه وانا مقرره اطلع دامه م يبا ربعه يشوفوني فرحت للكوفي الي صوبه بس انتبهت انه ستاربكس جريب فقررت اروح هناك وانا اتصل لفيصل وهو م يرد فقلت اكيد بيكون فلويه المطار وغيره
بس وانا امشي في وحده دزتني
البنت: سوري اختيه
والتفتت اليازيه تطالعها:لا مسمو(يلست تدقق بالملامح)
اليازيه:لطوووف
-----------
لطيفه ربيعت اليازيه مال ايام المدرسه وجي كانوا وايد كلوز ويا بعض بس الجامعه وغيره خفف من علاقتهم ويا بعض شوي
------------
لطيفة وهي تحضن اليازيه: غربل الله بليسج وينج انتي؟ اشتقت لجججج!
اليازيه:والله انا اكثررر شخبار الدراسهه طمنيني؟
لطيفة:اقولج تطالعي هناك شوفي مركبين زينه شحلاتها
اليازيه وهي فاهم قصد لطيفه:هي هي صح هههههههه كل شي يصير حلو بمجرد م بس نييب طاري الدراسه
لطيفه وهي تغمز لليازيه: ع هواجج
اليازيه: يلا عاد انا استاذن ريلي هلكتني
لطيفهه: م اشلج؟
اليازيه:هههههههه م يحتاي استريحيي
لطيفه:يلا عيل تيك كير
اليازيه:يوتوووو
وراحت اليازية بدربها خذت لها كوفي بس م استسلمت كملت دربها لاقرب محل وخذت شوز(تكرمون) وبدلت الكعب. انتبهت على الساعه كانت 2 العشر ونص يعني لين يطلعون من القريه ويمسكون درب البيت ويوصلون بتيي الساعه 1 فما فيها ع النزاعه اكثر فقررت تروح تدور ع عائشه لين م حصلتها تبي تدخل لعبه
اليازيه:عاشهه يلا بنروح
عائشة بخيبه امل:نزين بس اخر لعبه
اليازيه:شو اخر لعبه تبينا نوصل الساعه2 البيت شو
عائشه:م بتاخر م بتاخر
اليازيه:اقولج م لي خلق انهزب حابه تنهزبي مع نفسجج
عائشهه:اففف نزين بسلم ع ربعي وبييج السياره
اليازيه: اتجدمج يعني؟
عائشه بوناسه:هي هي
اليازيه: بتجدمج بس م معناته تفليها وتلعبي بترياج 5 دقايق بعد م اشغل السياره بس واذا تاخرتي خذيلج تكسي
عائشة:التوبه يبوج يايه يايه وراج هه
اليازيه:ههههههههههه جي اباج
تجدمت عاشوه مال خطوتين وسيده فيصل اتصل حمدت ربي اني تجدمتها
فيصل:السلام عليكم
اليازية:وعليكم السلام والرحمه
فيصلل:حي هالصوت والله اشتقت لك كثييييييير
اليازيه بتغلي:انا م اشتقت لكك
فيصل:ليييه؟
اليازيه:الحين من متى انا اتصل فيك وم ترد؟ وغير جي خوفتني عليك م طمنتني
فيصل:ادري والله حقكك علي .........
فيصل:نزين لا تسكتين آسفف
اليازيه وهي حست انها زودتها:مب زعلانه ل تعتذر
فيصل:صدق؟
اليازيه:هي والله
فيصل: ي شيخهه خوفتينيي
اليازيه:هههههههههه نزين من متى واصل الامارات؟
فيصل:قبل شوي وصل الفندق
اليازيه:هيي زين انا بعد بدبي
فيصل:والله بامر مين جايه؟
اليازيه:بامر ابوي محمد النقبي
فيصل:والنعم والله ههههههههه
اليازيه :ينعم بحالك طويل العمر
فيصل: لساتك بدبي؟
اليازيه:للحين هي بس بعد شوي بقبض خط الفجيره
فيصلل:مين معاك؟
اليازيه:عواشهه بعد في حد غيرها ملعوز حياتي؟
فيصل:ههههههههه خليها هاذي بخطبها لولد اختي
اليازيه:عن يخلوك بس اهلي هاي دلوعه البيت الود ودهم م تعرس بعد تقول تاخذ سعودي
فيصل:طلعت حاله خاصهه هالنتفه
اليازيه: م بس خاصه مستعجله بعد
فيصل:ههههههههههه الله يخليها لكمم
اليازيه:آميييييين ياربب
فيصل:ديري بالك بالخط لاتسرحين ولا تجهدين نفسك كثير ركزي بالشارع وخلي هالنتفه م تعلوزك
اليازيه:انشاءالله اي اوامر ثانيه يا عم الحج؟
2:ههههههههههههه
فيصل:لا فديتك
اليازيه:فدوهه
فيصل:بكره في مخططات انك تطلعين مكان؟
اليازيه وهي تركب السياره:للحين لا اصلا م اعتقت الجمعه كلها جمعات اهل وجي
فيصل:اهااا يعني فبيت جدتك
اليازيه:م اعتقد اننا بنروح هناك لان مشاءالله احنا بروحنا عائله
فيصل وهو يتثاوب:اجل ديري بالك على نفسك وااول م تفضي طمنيني عليك
اليازيه: من عيوننيي
فيصل:تسلمم عيونكك
اليازيه:الله يسلمك ويسلم غاليك
فيصل:ههههههه لازم تدعي بعد لنفسها
اليازيه:عادات وتقاليدد
فيصل:مجنونه والله ههههههههه
اليازيه بعصبيه مصطنعه:لاتغلطط وسير نام يلا
فيصل: انشاء الله يما اي اوامر ثانيه؟
اليازيه:اقولك فيصل عواشه بتركب الحين هاذيه لازم اسكر
عائشه:السلام عليكم
فيصل:تمام
اليازيه:يلا عيل فطوم تيك كير ديري بالج ع عمرج
فيصل: هههههههههه تمام ي روح فطووم
اليازيه:يلا بباي
فيصل:باي
--
اليازيه: م جنج تاخرتي
عائشه:والله العظيم بس 8 دقايق والله حتى م لعبت
اليازيه:هههههههههه زين خلاص سامحتج
----------
وقبضت درب البيت واول م وصلت توهقت فباب الحوي مسكر خليت عواشهه تنط من فوق الله لايراويكم الشكل شرات الحراميه هههههه المهم ودخلنا وكل حد كان راقد وطيراااان امسحح الميك اب واحط ماسك ع السريع وارقد


-قمت الصبح ع اذان الفيير صليت ورديت ارقد من التعب وعقب نشيت ع الاذان الاول لصلاه اليمعه فقمت والله لاحول ولا قوه مع اني كنت تعبانههه سبحت وحطيت ميك اب خفيف بس فاونديشن وبلاشر واي لاينر ومسكره ومشطت حوايبي بس رحت للكبت (كبت=دولاب) طلعت لي مخور خفيف وعقب غيرت رايي وطلعت مغربيه خفيفه لونها عنابي لبست عليها المريه (المريه=نوع من انواع الذهب التقليدي فالخليج)ولفيت وقايتي عقب حسيت في شي ناقصص بس م عرفت شو هو نزلت تحت لقيت رياييل خواتي واخوي +ابوي قاع ينتدخنون اففف عرفت شو الباجيي ترييتهم لين يروحو الصلاه
اليازيه:فاطمهه لو سمحتي خلي المدخن فالصاله
فاطمه وهي تعرف اني م بخوز عن المدخن:ممنوعع كل كسره عود بالف درهمم
اليازيه:بابا شارنه ييبيهه بتدخنن انتي سيري جهزي عيالجج
فاطمهه:ههههههههوالله عيارهه
اليازيه: وين فديني مب عيارهه
فاطمهه وهي تحط لين المدخن تحت الكندورهه:صح صح
اليازيه:هي فديتج صحح
نشت فاطمهه:اقولج انا بسير اسبح محمد بعده م سبح ديري بالج ع خلوف وامون
اليازيه:كك
فطيم:وبعد غايه لاهنتي بروح اتسبح انا
اليازيه:اقولكم حد مخبرنكم اني فاتحه هني حضانه؟
فاطمه+فطيم:هي امايهه
اليازيه بعصبيه:بذبحكم انتو وعيالكم
الكل:ههههههههههههههه
نوف وعايشه وهم نازلات من الدري:السلام عليكم
الكل:وعليكم السلام
فاطمه:يلا عيل انا سايره
فطيم:وانا بروح بعد عن اتاخر
عائشه:شو ها من شافو ويهي راحوو
نوف:شنسوي اذا ويهج اييب النكد
اليازيه:يريت م تتكلمي لانج كنتي نازله وياها
عائشه:هههههههههه يريتج ساكته
نوف:هي والله لو ساكته ابرك من لسانكن انتي وياها
وقعدنا نتريا الرياييل لين ايون من المسيد وبعد الغدى راحو الحريم الصاله وتمو الرياييل بالميلس بس وانا خاطفهه سمعت اخوي عبدالله
عبدالله:ابويهه امس رمسوني عرب يصيرون لاهل فاطمهه
------------------------------
للي للحين متشتت ترا فاطمه مرت عبدالله امها سعوديه ففيصل يصير لفاطمه بس من بعيد مساله نسب وجي يعني
------------------------------
ابويه وهو مبتسمم:خير انشاءالله؟
عبدالله:م ادري ناويين يزورونا اليوم جانهم
ابويهه:حياهم الله اذا م توسعهم الدار بنحط لهم بوسط العين مقدار
----يلست بحيره فنفسي فيصل بيي؟ اصلا يعني ليش ايي هو اوريدي فدبي مب بالفجيره بلاني انا وايد احاتي اكيد بنات خاله فاطمه بييون شرات كل مره انا م بيوديني فداهيه غير مخيي يالسه افكر بشي م يسوى .
كملت دربي ورديت للصاله
امي:يبتي الفحم؟
اليازيه: ها؟
امي:انا م مطرشتنج تييبي الفحم شو رد بج وانتي م يايبه شي
اليازيه:انشاءالله اماايه ههههههه
امي:بترفعلي الضغط تضحك بعدد
عائشه:(اشتغل المحامي مالي)شو يعني الواحد م يضحك الا وارتفع ضغطكم
امي بنبره حنيه:لا امييه بس انا مطرشتنها تييب الفحم
اليازيه بزعل:والله ان فيير مب عدل انا انهزب وعواشه نبره حنيه ولا امييه
عائشه وهي تحرك حوايبها بغياظ:شنسوي العنقود انااا
امي وهي تحظن عائشه:هي فديتها اصغر عياليي بتنفعني فديتهاا
الكل:عيل نحن شو ؟
امي:بسممم الله كلوني بقشوريي
:هههههههههههه
اليازيه:هاذوه فحم مطرشيني هناك ليش؟
امي:لا ها باجي من عمره دقيقتين وبيموت
اليازيه وهي تلمح الخادمه يايه:جيت وش جابكك حبيبي من بعد طول المغيبي
الخدامه:ههههههه ماما اليازيه شو يريد؟
اليازيه: تفهميني فديت روحج عل انشاءالله محد يفهمني غيرجج
امي:يسوىىى يبوجج بتروحي الحداق انتي الا هو المطبخخ
اليازيه:لا طال عمرج انا متدخنه اروح وتخترب ريحتي ليش؟
امي:عدالل
اليازيه:حبيبي انتي سيري سوي فحم وييبيه حق ماما
الخدامه:انشاءالله
ويت تبا تروح الخدامه الا وتزقرها اليازيه:اقولج سوي ثلاث مداخن
امي:خيبه خيبه ليش؟
اليازيه:واحد حق ماما وواحد بعد حق ماما عسب م ترجع تطرشني بعد 10 دقايق والثالث لي حطيه فعرفتي تحت الثياب
امي:لا لا م يحتاي بس ييبي واحد
اليازيه وهي تغمز للخدامه:3 اوك؟
الخدامه:انشاءالله ماما اليازيه
وراحت الخدامه
اليازيه:خدامتكم هاي بتجلطني ماما وماما منو قاص عليها ومخبرنها اني معرسه وعندي عيال
:هههههههههههههه
امي:احترام هذا مب منو قاص عليها ليتج تتعلمي منها
اليازيه:تعلمت منها اناديج ماما وازقر يدوه اماييه كل ها وم فيني احترام
امي:فديت بنتي المحترمههه (ويت تبا تبوس خدي)
اليازيه استحيت وجان اشرد عنها:فدوه اميه فدوهه
امي:والله انتي خبله فكل شي بس لليوم م رمت اصابيج وابوسجج
اليازيه:م يكفيج اني ابوس راسج كل يوم؟
امي: يكفي
فطيم وهي تغمز لي:بيي الي بيبوسها وهي راضيه
اليازيه:لو سمحتي انا بتم فبيت ابويه بعنس وكل شي هني تمي انتي يالمعرسه يلي م عندج ليسنن
فطيم:اففف ردينا ع الليسن
فاطمه:لو ماخذتنه وفاكتنا حشره هاي مب احسن
اليازيه:اي حشره وانتو م تشوفوني الا بالويك اند وفوق ها من ويكندين م نزلت
نوف:كنا مستانسين حسافهه
عائشه:منو قالج م كنت انا مستانسه تكلمي عن عمرج ولا تتكلمي بصيغه الجمع
الغلا:نزين انا م استانست انا اشوف هاي كل يوم
:هههههههههههههههههههه
اليازيه:فطيم ربي بنتج شلت يبهتي كاملل
فطيم:تربيتييي خبز ايدي هاي كفو عليج ماما
اليازيه:غلوه ام لسان طويل لاتصدقيها هاي امج انتي كنتي كله عندنا هاي امج المغبره كانت تسافر مع ابوج وانتي تتمين عندي
الغلا:صدق اماايه؟
امي:هو بصراحه ودي اقولج لا بس صدق
:هههههههههههه
اليازيه:اقولكم بروح فوق بغير وقايتي وبيي
امي:لا تتحيرين
اليازيه:انشاءالله
فاطمه:عموه الياوم بنات خالتي بييون
-- هي جي السالفه انا بعد حسيت يعني مستحيل شو بييب فيصل عندنا الحمدلله م حطيت آمال بسي مستحيل اصلا هو بعدهه توه متوظفف وياي سياحهه اصلاا وعقب شو هالتفكير يعني من صدقج بتعرسي وانتي حتى العشرين م كملتي بعدجج اصلا سني مش مناسب للزواج رحت فوق بدلت وقايتي وتطالعت الفون قلت برمس فيصل شوي
فيصل:حيي هالصوت والله
اليازيه:هابي جمعههه
فيصل:ههههههه الله يهديك من جمعه مباركه لهبي جمعهه
اليازيه:شنسوي بعدد... اخبرك
فيصل:آمري, لحظههه شوي
اليازيه: كك
......
فيصل:هلا سوري عاد فدبي مول والاهل عاد كانوا يبوني شوي
اليازيه:هي زين زين عيل م اعطلكك
فيصل:طنتي تبي تقولين شي
اليازيه:لا سلامتكك
فيصل:يلا عيل ديري بالج ع عمرج
اليازيه:انشاءالله وانت بعد
فيصل:يالله سلام
------------
نزلت تحت عند اهلي بالصاله شفت انه كلهم قاعدين يسولفون بالصاله يلست صوب ابوي ولوى علي بايده
ابوي:شخبارج بابا؟
اليازيه:دام اني بحظنك انا بخيرر
امي:يوم اقولكمم عياره
سيف:عموه يقولولج البنت عديله امها اكثر وحده تعرف هالمقوله فطيم
عبدالله:نسيت تظيف فاطمه للقائمهه
فاطمه+فطيم:خيووس والله
:ههههههههههههههههههههههههههههه
امي:نزين ليش معصبين ترا فيوم كنتو تشاركون ابوكم ويا امكن ويا اليوم الي يشاركك رياييلكم فيكمم
سيف:بس م بننسا رياييلكم الثانيين
عبدالله:والله جلطهه عندي ثنين كل واحد حاظن امه من صوب انته اهون واحد بس
سيف:واحد هي بس م يخوز عن امه عن 10
:هههههههههههههه
سالم:اهم شي اانا للحين خارج نطاق التغطيه ويا نوف
اليازيه:لاتنسوني انا بعدد
:ههههههههههه
ودق الجرسسس
---------------------
نهايه البارت الثاني الجزء1
آراءكم وتوقعاتكم
شو بيصير بين بنات خاله فاطمه واليازيه؟
وشو بيكون جديد فيصل واليازيه؟
قايز اي تعديلات ع الروايه كتبولي كومينت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 23-12-2018, 09:11 AM
صورة aln3imia الرمزية
aln3imia aln3imia غير متصل
©؛°¨غرامي مشارك¨°؛©
 
الافتراضي رد: نعم انك بالقلب لساكن/بقلمي


السلام عليكمم
الجزء الثاني من البارت 2 متى حابينه ينزل؟

الرد باقتباس
إضافة رد

نعم انك بالقلب لساكن/بقلمي

الوسوم
في قلبي هو الساكن.
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثالثه : هو يحسب ان الغلا بالقلب لعبه ما جرا لي من بعد هجر نصيب سآكِبَتْ الْـ عُ ــودْ أرشيف الروايات المغلقة - لعدم إكتمالها 87 29-07-2017 11:51 PM
للي لهم بالقلب حشمة ومقدار &دنيا ماترحم& شعر - قصائد - قصايد - همس القوافي 15 23-01-2016 06:54 PM
رواية وشلون أضمك وأنت بالقلب موجود عمركم سمعتوا بواحد ضم جوفه/بقلمي حفيدة شكـسبير روايات - طويلة 3 03-12-2015 06:28 AM

الساعة الآن +3: 04:36 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1