كل شي احبهه ©؛°¨غرامي جديد¨°؛©

البارت الاول :


من اهني تبدأ قصتنا إلي مالها نهايه ، احنا أربع بنات قراب من بعض وايد ، وكل وحده فينا لها شي، يعني مثلا مهره وحنان ( إلي هي أنا ) علاقتنا ماشيه ( يعني مستمره ) مزنه غيرعنا كلنا يعني ما تحب سوالف الحب و الخرابيط هذي ،أما منال مالها شي محدد يعني كل يوم شي << تعريفيه بسيطه عنا ههه >> راح تعرفون كيف حبينا و شو سوينا عشان نوصل لحالتنا و كل شي .









طبعا كل وحده منا تحب بس كل وحده لها قصه و حياه غير عن الباجين ، بس الشي الوحيد و المشترك انه كل وحده ما تعرف شو هي النهايه لحبها و قصتها .


إنفتح باب الغرفه فجأه و دخل نصووور و هو مسوي عمره معصب و اونه يبا يكسر الدنيا علينا و كلنا صدينا عشان نشوف منو فتح الباب جي ، و كنت أنا واقفه و كان الباب وراي


ف عصبت و صديت ورى و قلت لا ارادي : سيييييييف



و حزتها توترت و كنت على وشك اني اصيح

قلت في داخلي: اويهههه انا شو قلت انا جبت العيد و امه بعد.


الله لا يرويكم اشكال إلي قاعدين إلي ويها مصدوم و إلي ويها مافي تعبير من الصدمه ، و طبعا بدت مهره ترقع السالفه و منال ومزنه كملو معاها الترقيع ، صحيت من افكاري ع صوت الباب إلي تسكر بالقو و رديت صديت للبنات ، و إهنيي بدأ موضوعي ما أوصف لكم تعابير ويهي و انا مستحيه و بنفس الوقت ما أعرف شو اسوي ( المهم ما علينا ) ، تجدمت و يلست ع اقرب غنفه ( كرسي ) ، و البنات بعدهم يطالعوني و مصدومين وكان هدوء

و فجأه مهره يت صوبي و قالت : منو سيفففففف؟؟؟؟



و انا حلجي مربوط هذاك الوقت ما اعرف شو أقول ، و بعد سكوت بديت أقول لهم سالفت سيف و كيف عرفته.



السالفه هي انه :: هذاك اليوم كنت قاعده اكلم وحده من ربيعاتي و كانت تكلمني عن حبيبها ف قلت لها : ياخي ريموووه أنا تعبت من حياتي خلاص أبا حد يديد يغير حياتي و نفسيتي السمم تعبت و أنا سنقل تعبتتتتتت ( وطبعا مديت اخر كلمه ههه ).



و صج هذا إلي صار المهم ، قالت لي



ريموه: تمام افا عليج عندي الموضوع بس ويت اتريي شوي.



و طلعت من المحادثه و فجأه شفت إضافه قبلت على طول بدون ما اشوف الاسم ، و طبعا على طول بديت استجوب و قعدت اسأل و شوي اتصلت لي ريم و رديت بسرعه قالت لي : شرايج بالحركه ضبطتج ولا و ضحكت ؟!



طبعا ويهي كان مافي اي ردت فعل و بعد ما سكرت من عندها كملت معاه و قعدنا نسولف و يوم ورى يوم قمنا نتعلق ببعض و بعدين صارت بينا علاقه و صار ما يكمل يومي بدونه و طبعا هو من صوب حبيب ريم ف كانت كل سوالفي مع ريم عنهم و هاي كل السالفه ، طبعا منال كانت ردت فعلها بارده ومهره طبعا متحمسه أكثر مني و مزنه بس قالت :والله كلام فاضي. طبعا انا كان ودي اعرف اذا كانوا الباجين يحبون او لا


توقعاتتت:


منو منصوررر ؟ هل راح يكون له دور ؟


هل راح تغير مزنه رايها لسوالف الحب او لا ؟


في حد ف حياة البنات الباجينن ( مهره ، مزنه ، منال )؟



كل شي احبهه ©؛°¨غرامي جديد¨°؛©

انتظروا البارت الثاني، و كان البارت الاول قصير لانه هذي الروايه الاولى لي و انشالله تعجبكم انتظروا!!!!!!!!!

كل شي احبهه ©؛°¨غرامي جديد¨°؛©

انتظروا!!!!!!!!!!!!!!!!!!!!!!!!!!!!!!!!!!!!!!!!!!! !!!!

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1