روان{*_*} ©؛°¨غرامي مشارك¨°؛©

بسم الله الرحمن الرحيم.
السلام عليكم ورحمه الله


انا روان صارت لي بحياتي اشياء كثيره تعلمت منها الكثير ولكن تمنيت ايضا اني اتعلمها قبل لا تصير لي كنت اختار اقول لكل الناس يسوون الي سويته بذي المراقف او انهم يسوون الي افضل من الذي سويته قبل لا تصير لهم وكنت احب ابحث عن كل شي من قبل يصير لي عشان اقدر احل المشكله ،،،ف تمنيت جد ان ذي الصفحه تكون هي منقذه ناس كثيره في حل مشاكلهم واننا نستشير بعض بقصننا وكيف نقدر نحلها وانا راح ابحث عن ذا الشي او اني اقول تجربتي لذي الشي واعطي رايي فيه مو عيب او خطأ نقول وش صار معنا او الي صار فالي حولنا الخطأ اننا نجلس مستحيين من الي يصير فينا ولا نهتم بكيف نحل المشكله او اعتقادنا انها تنحل من نفسها .
حبيت ان يكون انشغال وقتي بشي احبه هو اني اتناقش مع الكل عن حل معين واني افيد واستفيد ،
وارجو التفاعل

وشكرا لكل من بيساهم معي

روان{*_*} ©؛°¨غرامي مشارك¨°؛©

بسم الله الرحمن الرحيم

السلام عليكم ورحمه الله وبركاته

راح اتكلم عن مشكله من مشاكلي اثرت جدا بحياتي كنت صغيره والي حولي كلهم كانوا كبار والاشياء مثل البكي او الحساسيه بشي معين او عشان كلام جارح كان بالنسبه لهم دراما صح انا الحين احس فيهم بس مع ذلك انا حاسه في الحساسين والي ينجرحون بسرعه لاني جربت ذي المشاعر
بس ممكن غيرنا م جرب ف كيف بيحس فيك؟ طيب قبل لا اقولكم كيف عالجت المشكله لازم اقول وش كانت مشاكلي بالضبط مع التعمق ،، في اشياء نسويها غلط وندري انها غلط لكن مع ذلك نتجاهلها لان نعتقد ان شخصيتنا كذا م نقدر نغيرها
انا كنت من النوع الحساس جدا كنت اتلقى المدح اكثر من السب او ( التجريح) بس كنت م اعطي المدح قيمه الا وقتها وخمس دقايق قدام بس،، بس السب كان من المستحيلات اني انساه كان يتردد بعقلي مهما سويت كنت واعترف فاقده ثقتي بنفسي مهما بينت لغيري ان م فيني شي واني قويه لكن كنت استحقر شخصيتي كوني انجرح من كل شي ليه احط للناس قيمه بحياتي وهم م اعطوني حتى ثانيه من وقتهم وهم بس قالوا كلمه بسخريه وراحوا واتحدى الحين اذا هم يذكرون وش قالوا،، او انهم قالوا ذا الشي عشان يشوفونك ضعيفه وهذا اعظم من انهم قالوا وراحوا بدون اهتمام كنت احيانا افكر بان كل الناس تشوفني كذا افكر ان ان نظرتهم لي شفقه واستحقار (( مستحيل الحين احد يحس فيني)) بس فيه ناس كذا وواجهتم بحياتي وكنت اهاوشهم ثقوا بنفسهم محد يناظرك كذا انتوا تتخيلون >> انا كانت حالتي خاصه كوني كان عندي ناس تكرهني ويقولون لي انتي الناس مصادقتك بس شفقه وانتي م تعرفين تسولفين مع اني كنت متأكده اني محبوبه يعني اذا غبت الكل يفقدني وسوالفهم كلها عني بس كان كلامها هي لانها كانت من الي احبهم وغيرها مأثر علي مره لدرجه اني اتحسس من اذا احد قاطعني مع انه عادي بس كنت احسهم يقولون اسكتي او شي زي كذا انخفضت ثقتي بنفسي فوق م تتصورون صرت نفس الي كانوا يقولونه عني الساكته الي م تطول بالكلام الي منزله عينها في الارض واحس اني وحيده مع ان الكل معي (( تدرون هذا بسبب كلمات محد ركز عليها ممكن نصيحه بس وم ثمنتها كونك صديقت/ها او تمون/ين معه بس هو ممكن في حاله تصادم مع نفسه ممكن هو يحاول يثق بنفسه وانت قاعد تحطمه)) طبعا هذي تصير للصغار كونهم يبدون يثقون بنفسهم الى فتره المراهقه هنا الوقت الي يبدون يتغلبون على ذي المشاكل ويعيشون باقي حياتهم مو مهتمين بكلام الناس او انهم يبقون على ماهم عليه وهذي حاله صعبب تعالجها مو مثل لما تعالجها وانت في فتره مراهقه اناصارت معي وعمري 12 وعالجتها لما صار عمري 13 كان بإمكاني اعالجتها بفتره اقصر بس م كان معي احد ينصحني ولا كان في احد يهتم بذي الاشياء وحيث ان حالتي رجعت مثل اول واحسن بعد رجع مرحي الي كنت معتاده عليه

علاجي له كان مرره سهل اخذ مني شهرين بس

1-كنت اشوف اولا السب او الشتم وكنت اتذكر بعد المدح الي كان ينقال لي اكتبهم بورقه وكنت اسأل صديقاتي او ناس امون معهم انا كذا ولا ماني كذا واخذ ناس م تجامل عشان م اقول مشفقين علي او يسلكون لي واحط عليها صح او خطأ

2-كنت اشوف عيوبي الي صدق طلعت فيني احاول اعالجها كنت ابحث عن الموضوع بكثره بالانترنت او بكتب واحاول اعالجها وم اقول ابدا انه مستحيل لان هذا يعتبر استسلام ،، اذا كان الشيء بالجسم او بالوجه(اذا كنتي سمينه انحفي بس لازم يكون بداخلك مو عشان احد عشان نفسك انك تبين الكل يشوفك بدون عيوب،، اما اذا كان بالوجه انتي اهم شي اقتنعي بنفسك قولي خلقه ربي ولازم تشوفين نفسك جميله بقلبك مو بس كلام اما اذا كان ع البشره او شي تقدرين تسوينه سويه عشان نفسك مو عشان احد لا تقولين انا كذا م راح اتغير لان هذا يدل ع الاستسلام وهذا اكثر شي مفروض تبعد عنه

3- كنت اشوف المدح الي صدق يقولونه عني وافكر فيه كل م تذكرت عيوبي يعني انا عندي صفات حسنه يعني ممكن اصير انسانه رائعه مستقبلا

4- كنت اقرأ كتب عن الثقه بالنفس في كثير من الكتب مفيده مره لكن مو تقرين وبس لازم تكون عندك العزيمه انك تتغيرين عشان يأثر فيك الكلام

5- اهم شي حاولي تسولفين مع ناس تحبك مو ناس تدرين انها تسبك من وراك او مهم ثقه

6- ناظري بعين الشخص لما تسولفين ابدا لا تنزلينها

7-افتخري بنفسك قولي لنفسك حتى لو بالمرايه لحالك انتي جميله انتي قويه امدحي نفسك بقوه ادري ان الحركه غبيه بس والله كانت تفيد معي مرههه وللان كل م شفت نفسي بالمرايه اعطي نفسي بوسه ولا اقول فايتننق يعني( تشجعي بالعربي)

الي يجون يقولون كيف اشياء مثل ذي م تخلينا ننجرح او نتأثر ؟؟ راح اقولك هذا سبب من الاسباب الي م تخلينا ننجرح بسرعه لاننا واثقين بنفسنا م راح تخليك تتخلى عن كل حساسيتك لان وراك مشوار طويل يعني لازم تثق بنفسك من كل النواحي انك تناظر عيوب ذا الانسان وتبتسم ذا الشي راح يغير منك مره ومهما بكيت لاتكمل تقول كذا بارتاح نهائي م راح يفيد بالعكس وقف رح تابع لك شي تحبه او كلم ناس تحبها لا تحزن ابدا لان ذا الشي بيضعفك

لو باجلس اتكلم عن الموضوع م راح اخلص بس هذا شي صار لي ويصير مع ناس كثير وانا متأكده
والي يبي تفاصيل زياده اتمنى يقولي وش بالضبط وانا باساعده اذا قدرت وان شاء الله اقدر لاني جربت ذا الشي ولا راح اسأل والكل راح يعطي خبراته بإذن الله

وشكرا لقرائتك نصيحتي والي عنده ذي المشاكل تأكدوا اني راح اوقف معكم لاني كنت منكم يوم من الايام ولا اتمنى احد يصير له ذي الاشياء لاني اعرف قد ايش قاسيه

الي عنده موضوع معين يبي اتكلم عنه ي ليت يشجعني ويكتبها مع الاسأله لان نبي تختصر بالاشياء المهمه عشان محد يمل وهو يقرأ

ابو شروووق ✿ إدارة الإقسام ✿

يمكنك المساعدة هنا تحت اشراف الإدارة
ولا داعي لطرح روابط
نهارك سعيد

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1