غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 09-02-2019, 08:00 PM
fans brooq fans brooq غير متصل
©؛°¨غرامي مشارك¨°؛©
 
الافتراضي رد: يابو العيون السود الليل وحشه بدونـك/بقلمي


اقتباس:
المشاركة الأساسية كتبها rwaiah_0 مشاهدة المشاركة
@fans brooq
ياعمري تعليقك اسعدني كثيييير ، ماشاءالله حسيتك
تقرين بكل دقهه وتركيييز لانك مانسيتي احد من كل الشخصيات
اتمنى لو كل الردود مثلكك ، الله يسعدكك يارب وامييين على دعواتك الحلوه معك الكاتبه مشاعل 🇸🇦♥ ، وتشرفت فيك اختي بروق ♥♥ .


ي هلا بريحة هلي ي هلا باهل السعودية ... ونا كمان من السعودية من جدة
ي هلا ي بعد قلبي اعذريني حياتي الحين ركزت ع اول شيء نزلتيه كانت مكتوبة الكاتبة مشاعل م كان قصدي استهبل معاكي والله سوري
الحمدلله اني قدرت اسعدك بكلامي ان شاءالله دووم السعادة ياارب
والله انا اللي لي الشرف بردك ع تعليقي ..وبمعرفتك ...
عادي حياتي انتي استمري بتنزيل البارتات وبالاخير ان شالله هما كمان راح يردوا زي تعليقاتي واحسن كمان انتي لا تخيبي املك خلي املك بالله كبير وان شاءالله راح تشوفي ردود حلوة ...وعادي انا راح اكون معاكي طوول الرواية وان شاءالله اكفيك واوفي بعد
بس قوليلي متى موعد البارتات ... يعني لها موعد معين ولا تنزلي متى م خلصتي
انتبهي لنفسك ..اختك في الله ....بروق .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 09-02-2019, 10:36 PM
rwaiah_0 rwaiah_0 غير متصل
©؛°¨غرامي جديد¨°؛©
 
الافتراضي رد: يابو العيون السود الليل وحشه بدونـك/بقلمي


@fans brooq
لا يقلبي عادي اصلن ممكن كثير مايلاحظون بدايه الكلام على طول يبدون بقراءه الروايه لا تخجلين خذي راحتك معي 💕💕 ، يااهلاً بأهل جده نورتينا والله اسعدني مرورك كثييير على صفحتي وتعليقك لروايتي ، والله يرزقني ناس يعلقون مثل تعليقك الحلو واسلوبك الاروع ، مافيه يوم محدد بس بإذن الله مارح اطول عليكم لان متابعيني الي بالاستقرام بعد بيجون يقرونها هنا ف مارح اطول ان شاءالله ولا رح اقصر معاكم بشي 🌹.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 10-02-2019, 10:34 PM
rwaiah_0 rwaiah_0 غير متصل
©؛°¨غرامي جديد¨°؛©
 
الافتراضي رد: يابو العيون السود الليل وحشه بدونـك/بقلمي


البـــــــــــــارت " 6 "



يوم جديد /
كانت العائله كلهم مجتمعين في الحديقه الكبيره تبع بيتهم مسوين جلسه و يفطرون ،
سديم: والله اطلق صباح دام جدتي معنا
الجده ' ابتسمت': ياحبيلك ياسديم
هاجر: طول عمركم ماتحبوني دايم تفشلوني
" جو عندهم رتيل ومحمد "
:سلام عليكم
' الگـل: وعليكم السلام '
: يالله صباح خير وش عندها تتحلطم ذي
هاجر: وهذا اكبر واحد يقصف جبهتي
محمد' ابتسم لها': عشاني احبك
هاجر: والله؟ يالله ليش ماتقصف جبهت سديم
سديم' بثقه': هه حبيبتي انا غير وانتي غير
محمد: حبيبي الواثق
هاجر' تكش عليهم ': ميته على حبكم انا ، وانتي يافصعه اوريك بس تراها معك وجه ومن وراك وجه
سديم' بشهقه': انااا
محمد' يموت بأنه ينرفز هاجر': خليها يا سديم تغار
رتيل' ببتسامه حزن ': حرام عليكم خفوا على هجورتي عاد
هاجر ' بوناسه ': هه وش ابي اكثر من كذا رتيل معي
سديم' غارت': هييي خيرر قلبتوا علي
محمد' ضحك': سديم متى تكبرين بالله؟
سديم' ببتسامه حزينه ': مادري
ـ
بفلله ابو عبدالعزيز /
ام عبد العزيز: يالله يا عزيز قووم مابقا شي على الصلاة
' بسامع نومه '
ام عبد العزيز: دايمم يرفع ضغطي هالولد !!
" فرح طلعت من غرفتها "
: ولدك هذا دواه عندي خليه علي بس
ام عبد العزيز: ايه نشوف ، دايم تطلعين مكوفنك
فرح: افا يخسي ويعقب يكوفني انا الي اكوفنه وتشوفين
ام عبد العزيز ' ضحكت ': الله يستر
ـ
بفله فارس /
رعد: ايه لازم نرجع عشان الاحد دوام
الهنوف: طيب وش ذنبي انا ماعندي دوامات
رنا: طيب نرجع بكرا على الاقل خلونا نرجع بكرا وعادي نسحب الاحد
رعد: تسحبين هاه؟ انتي اصلن وش تداومين من الاسبوع نص ايامك سحبه
رنا' بضحكه': حرام عليك ياخالي
ندى: الا وهو صادق
مها: طيب بس هالمره، عشان بروح لسوق
رعد: يسلام عليك !
مها' ضحكت غصب على شكله': تكفوون
رعد: يصير خير بس .
ـ
' انسحب من عندهم واتصل بصديقه عزام '
: اسمع بما انو اليوم ماعندي مستشفى تعال عندي مالي خلق اطلع لمكان
عزام : اخخ منك يا البخيل
محمد' ضحك': خير ان شاءالله مين خلص ميزانيتي غيرك يوم كنا مسافرين لمريكا !
عزام: الله خليتني مخلصها والله كنت تذلنا ذلل
محمد: ماينفع فيكم المعروف
عزام: اقول بس انا حول العشاء عندكم وناد نسيبكم بشوفه
محمد: طيب بنادي معه عبد العزيز بعد
عزام: وش هالحب الي نزل فجأه؟؟
محمد' ضحك': ياخي هو حليل بس يقهر
عزام: خلاص يالله حبيبتي تتصل علي
محمد' بصدمه ': حبيبتك !!!
عزام ' ضحك وسكر الخط '
محمد' ومازالت الصدمه بوجهه وبرائه ': حيوان .
ـ
في بيت / بندر، اروى
بندر: بكرا في جمعه عند عماني لازم تروحين كل ماحطو الجمعه تصرفينهم
اروى' بتنهيده': ان شاءالله
بندر: وش فيك ماودك؟
اروى: لا عادي
بندر: زين، انا عندي مشوار الحين بطلع ومارح اتأخر
اروى: اوكي
" اخذت جوالها الي يرن وردت ": هلا هاجر
هاجر: هلا والله كيفك وكيف يزيد
اروى: حمدلله كلنا بخير انتم كيفكم عقب امس
هاجر: ايه بخير
اروى: تخيلي بكرا وين بروح
هاجر' بضحكه': اهل زوجك؟
اروى' بصوت حزين': آييه
هاجر: طيب صرفيهم كلعاده
اروى: لا بندر رفض يقول لازم اروح
هاجر: اسمعي عندي لك فكره روحي متأخر مرره يعني كذا الساعه9 عشان بس تقعدين ساعتين او ثلاث
اروى: ايه اكيد الله يعيني عليهم
هاجر: وسعي صدرك بس من زينهم
اروى: صدقتي والله، بناتهم شايفين انفسهم مدري على وش !
هاجر: تذكرين يوم اتهاوش معهم؟
اروى: اييه صدق بردتي حرتي بس لاعاد تعودينها بغيت اروح وطي
هاجر' ضحكت بقوه ' .
ـ
" جالسه قبال المسبح وداخله جو بفنها و غارقه بهوايتها ، المكان هدوء منسجمه مع صوت النافوره وصوت مغنيتها المفضله اليسـآ .. "
' طلع يتمشى بملل من سوالف العيال ، كان لابس بدله ولابس جكيت ويدينه بجيوب الجكيت ابتسم من شاف البنت شبه صغيره جالسه ترسم راح لها ابتسم ببراءه ': ياجمال الرسمه
' انصرعت من سمعت صوت الرجال الغريب
لفت عليه بخوووف؟؟؟؟؟'
'صنم وابتسم في نفس الوقت': شفيك؟؟
سديم' بربكهاخذت جاكيتها وتغطت فيه ':صددق انك ماتستحي على وجهك !!!
عبدالعزيز' ببرائه ': اول شي كنت احسبكك بزر اصلن كنك بزر
سديم' الدمعه خانقتها '
عبدالعزيز' كتم الضحكه ': على العموم انا اسف
" سديم اخذت رسمتها و جوالها وحطت رجلها
لين دخلت جوا ناظرت له وسكرت الباب بسرعه "
" حك راسه بغباء وابتسم "
ـ
راحت سيدااا لغرفه هاجر وفتحت الباب بدون ماتطقه ، هاجر قاعده على تسريحتها وتشقر حواجبها : خييير خييير ان شاءالله ؟؟؟
سديم' وهي تتنفس بقوه': قوولي من شفت بررررا؟؟؟؟
هاجر' بجمود': مين؟!
سديم: عبدالعزيزز
هاجر' بصدمه': هاااااااه !!
سديم' وتعطي ظهرها هاجر': يمممه يمممه تخيلي
كنت جالسه ارسم وجااا عندي
هاجر' بصدممه': شاااافك!!!!
سديم: لا كان وراي تغطيت بالجاكيت حقي حممار يقول احسبككك بزر
هاجر' ضحكت ': وهوو صادق صوت وشكل بعد
سديم : يممه لين الحين خايفه
هاجر' ماتنكر انها غارت بس مابينت لسديم
': عادي عادي وسعي صدرك ماصار شي
سديم ' بتنهيده': اوكي
هاجر: زين انه ماشافك
سديم : ماادري من متى وهو واقف
هاجر: اكيد يوم طلع شافك وجا عندك !
" سكتو شوي "
هاجر: طيب اسمعي عندك دوام بكرا ؟
سديم: لا بغيب هه الدكتوره اعتذرت مالي خلق اجي عشان محاظره وحده
هاجر: حلو حلو يعني نفلها مع بعض يالله قدامي على المطبخ خليني اعلمك الطبخ
سديم' بوهقه وفهاوه': هاه لا بعدين انتتي اطبخي لنا من يدينك الحلوه
هاجر: لالالا حبيبتي تجين يعني تجين
سديم' بفيس حزين': يااااربيه انا وش خلاني اقول ماعندي دوام هفف بس
هاجر' وهي بالحمام تغسل المشقر': بلا بربره زايده واسبقيني على المطبخ قطعي بصل
سديم ' بصدمه ': بصصصصل !!
وتناظر يدينها : حرررام اقطع فيهم بصصل لا يازمن
هاجر' بصوت عالي': ياااالله
سديم' بتأفف ': طعععيب .
ـ
بالتوقيت الساعه 12:00 ص
دخل الجناح بهدووء كانت رتيل مشغله الأبجوره
وكانت الأضاءه خافته منسدحه على السرير وساكته !
'غير ملابسه بهدووء وانسدح بسرير عدل لها الغطاء
واستغرب انها مفتحه عيونها ': مانمتي؟
رتيل' بكتمه': لا
محمد: شفيك ؟
رتيل: تعبانه شوي
محمد' بحنيه': فيه شي يعورك ؟
رتيل: مصدعهه
محمد: اجيب لك بنادول
رتيل: توي ماكله
محمد: يالله شوي ويطيب
" فتح جواله وجلس يطقطق عليه ! "
ـ
دخلت المطبخ فزت بخوف يوم شافت ابوها
جالس بهم ! : بابا ! شفيك بسم الله عليك
ابو محمد ' بتنهيد': مافيه شي حبيبتي بس شوي مصدع
سديم' حطت يدها على كتف ابوها': اكيد
ابو محمد' ابتسم بخفيف': ايه يا قلب ابوك انتي
" باس راسها بعمق " : تصبح على خير نوم العوافي
ابو محمد: يعافيك .

إن حكينـا ندمنـا وإن سكتنـا قهر ..
بين قلب عطيب وبين راس عنيد .. !!
ـ
صباحيه يوم الاحد بتوقيت الساعه 9:00 ص ..
فتحت عيونها ببطء وهي عاقده حواجبها ' وردت بصوت نعسان': ادخل
سديم' بنشاط وروقان': اخخ منك ياكسلانه الساعه تسع وانتي ماقمتي
رتيل' متنرفزه ': اخلصي وش تبين؟
سديم: ماابي شي بس ابيك تقومين يكفففي نووم
رتيل: سديم تكفين مالي خلق خليني انام بالله مرره واصله معي
سديم' بزعل': هفف نامي خلاص
" وطلعت وسكرت الباب "
رتيل' تنهدة': ياليل زعلت !!!
' ترجع تنسدح ' يالله مافيه مشكله اراضيها اذا قمت، سهرانه امس وقايمه من صباحيه ربي !! .
ـ
نزلت تحت في الصاله |
: شفيك ماده البووز يا العمه؟!
سديم: رحت اقوم رتيل وطردتني
الجده: احسن وش عليك خلي البنت تنام !!
سديم:وش تنام الساعه تسع ياجده خلاص !
الجده: طيب يمكنها مانامت زين او مو متعوده تقوم هالوقت ؟ عيب مالك شغل فيها
سديم: طيب طفشانه
الجده: يختي روحي نامي
سديم: شبعت نووم ! انا يكفيني اربع او خمس ساعات واشبع نوم مو مثل ذولا .
" قطع عليهم دخول محمد المفاجأ "
: سلام عليكم
الجده، سديم: وعليكم السلام
سديم ' بستغراب': غريبه جاي
محمد' بتعب جلس على الكنب ': بس طفشت وجيت
سديم: شوف زوجتك اقومها وتطردني
محمد' عاقد حواجبه': شعليك منها؟
سديم: بس ابي احد يقوم معي
محمد: خليها ترتاح وانا بعد بنام
سديم' بقهر': ياعينييي الحين بيأذن الظهر وانت بتنام
محمد: شتبين انتي صايره عله اعوذ بالله قومي بدال بربرتك سويلي فطور
سديم: طيب .
محمد: ايه وشلونك ياجده ان شاءالله بخير
الجده: الحمدلله بخير انت وشلونك مع الزواج
محمد' بهدوء': الحمدلله
الجده: وشلونك مع رتيل، مرتاح يمه وهي كيفها معك؟
محمد' بطفش ': الحمدلله بخير كلنا
" قطع عليهم جيه سديم جايبه الفطور "
ـ
بعد ما اذن الظهر صحت بطلتنا من نومها بنشاط اخذت لها شور ونشفت شعرها الناعم الحرير وفكته واربطت نصه والباقي مفلول لبست بنطلون جنز وبلوزه صوف بالون التيفاني حطت كريم وشويه مسكرا ومرطب شفايف ، وبعدها نزلت لصاله وانصدمت بوجود محمد الي نايم على الكنب !!
حز بخاطرها ليه ماجا ينام فوق بالجناح ، اخذت نفس وهي تحس بإحراج لو احد شافه نايم هنا وش بيفكر !! ، كملت طريقها بتجاهل له وراحت للمطبخ وصادفتها سديم :صح النووم يا الكسلانه
رتيل: انا شفت ناس بثرين بس مثلك ماشفت افف
سديم: خلاص انا اسفه ومعد اعيدها
رتيل: وانا اسفه ومعد اطردك خلاص رضينا
سديم' ابتسمت': اوكي .
" جت عندهم هاجر توها صاحيه "
: صباح الخير
سديم: هه مساء ياصباح والله جيل فاسد !!
رتيل ' ضحكت '
هاجر: غريبه محمد جاي!
سديم: مدري عنه !
ـ
انسحبت رتيل وراحت لصاله ماحصلته موجود راحت وصعدت لفوق بجناحهم سمعت صوت المويه بالحمام كلها دقايق وطلع مسح وجهه بالفوطه وناظر برتيل الي واضح على اعصابها وقفت قباله وهي قريبه مرره حطت يدها على وجهه : وجهك واضح تعبان يادكتور
'حطت يدها على رقبته ': اوف حرارتك مرتفعه بعد!!
' بنسبه لمحمد الي اول مرره رتيل تقرب له وتتحاور معه وتحط يدها على وجهه !! استغرب من نفسه انه مرتبك و وتسارعت نبضات قلبه بس مجرد لمسه من يدها صار كذا ! نزل يدها بهدوء ': لا بس تعب من الشغل واتوقع انا دكتور واعرف وش فيني
رتيل ' نزلت راسها بخجل من نظراته الي تستحي منها ': مجرد اهتمام فقط !! .
طلعت من الغرفه والعبره خانقتها تنهدة بهم، عدلت شكلها: مايخسى الا هو تنزل دمعتي عشانه عممما !
ـ
بغرفه سديم /
: هلا هلا بالقاطعه
سديم: والله ثم والله اني منضغطه انا واختباراتي يالله هانت اخر اسبوع وابثرك
فرح: زين الحمدلله امنيتي والله تبثريني
سديم' ضحكت': يازينكك
فرح : زين بعدد تجينا نهاية السبوع
سديم' تذكرت موقفها مع عبدالعزيز الي كنها تشوفه قدامها ردت برتباك ': هااه لا والله استحي
فرح' ضحكت' : هو تستحين مني
سديم: لا اخاف يعني ابوك او اخوك فيه ولاش
فرح: لاطبعا اذا عرفوا انو بيجينا ضيوف يرحون !
سديم: اوكي بشاور ابوي ادعي انو محمد مايرفض بعدد
فرح' بضحكه': لايدري انك بتجين بيتنا قولي لبيت ناس ثانين
سديم: واذا قال انا بوصلك؟ ساعتها باكل تبن
فرح: لا ان شاءالله مايقول شي .
ـ
بتوقيت الساعه 2:30 م
بالصاله /
: ياهلا والله بااروى
اروى: هلا حبيبتي رتيل كيفك
رتيل: حمدلله بخير شخبارك انتي
اروى: ماشي الحال
رتيل: وين يزيد
اروى: مع ابوي
" نزل عندهم محمد "
: ياهلا والله بأم يزيد
اروى ' ضحكت': هلا فيكك ويازين من قالها بعد
" على نزله هاجر"
: اول مرره اشوف احد يكبر نفسه
محمد: وهي وشي بزر؟ كبيره !
اروى: ماجربت الشعور والله
هاجر: هه بجرب شعور العمممه يماما
اروى: امنيتي والله اشوف محمد وولده
محمد' ببتسامه': ان شاءالله
" رتيل الي قلب وجهها احمر و خفق قلبها بخوف وناظرته ؟!!! "
"واخيراً قطع عليهم الجو المتكهرب ام محمد وابو محمد دخلو عندهم ،وجلسو يسولوفون معهم "
ابو محمد' بهمس لأروى الي كانت جمبه': بكلمك بموضوع انا وياك بس بعد الغداء
اروى' انخطف وجهها': ابشر!!
"تكلم بنفسها: لايكون بيكلمني عن بندر ، الله يستر "
ـ
جلس بصاله لحالهحس انه فعلاً وحيد ! دايم
يشغل نفسه بقراءه كتبه طلعات اشغال يحس مل من هذا الروتين فيه شي فقده مرره ومارح احد يعوضه فيه " امه و ابوه اكيد " البيت وحشه بدونكم ! رحتو وماشبعت منكم رحتو وانا مشتاق لكم ! صار يطالع في بيتهم ويحاول انه يتذكر اسعد لحظاته معهم نزلت دمعه حاره على خده دمعه نزلت من حزن وفقدانه لهم ، قطع عليه رنين جواله، اخذه وبدون لايشوف الاسم : نعم
عبدالعزيز: افا نعم مره وحده !
فارس: هلا عزوز
عبد العزيز: سلامات شفيك؟
فارس' تنهد': ابد بس طفشان
عبدالعزيز: دام راسي يشم الهواء مستحييل اخلي فارس يحس بطفش دقايق واجيك نسوي لنا بيض نفس حق امريكا
فارس' ابتسم': عاد انا تخصص بيض
عبدالعزيز ' ضحكك': منجد فطور غدا عشا بيض خلصت ميزانيتنا على هالبيض
فارس: يالله بنتظارك بس المغرب بروح اسير على رتيل
عبد العزيز: ايه زين اذا خلصت بنمر الشركه نروح نتمشى فيها
فارس' بضحك': اوكي .
ـ
بفله ابو محمد بالصاله/ لكن بجهه ثانيه
جلست جمب ابوها بتوتر : امر يبه؟
ابو محمد: انا ناديتك يا اروى ابي اسألك عن شين يقرقع بقلبي ! وضعك انتي وبندر ماهو عاجبني؟ اذا جيتينا اشوفك مبسوطه وتضحكين وتسولفين، لكن الحين غير وجهك واضح عليه الهم ! اروى يابنتي انتي وبندر فيكم شي؟
اروى' كانت تسمع لأبوها وعيونها غرقانه بدموع، نزلت راسها لايشوف ابوها دموعها بسرعه': لا يببه مابينا شي !!
ابو محمد: علي انا يا اروى من صغرك وانتي تشكين لي وتفضفضين لي وش جاك الحين ؟
اروى' تعدل نبرة صوتها': تطمن مافيه شي كايد يبه
ابو محمد: عسى بس مو مضايقينك اهله؟
اروى: لا والله
ابو محمد: اجل مشكله صغيره ؟
اروى' ببتسامه مجامله هزت براسها بأيه لأن لو نطقت بتنخرط بالبكي !! '
ـ
بالشرقيه / وفي بيت رعد
رعد: وورا ماتقومين تذاكرين يا الكسلانه
رنا: ياربيه يا خالي مااحب اذاكر الظهر سلامات ؟
رعد: ومتى طال عمرك تذاكرين
رنا: بتغدا الحين وانام طبعاً قيلولتي لين العشاء المغرب هه على حسب بعدين اقوم اذاكر بالليل احسن عشان ترسخ المعلومه وتثبتت
رعد: والله ماظنتي انتها بترسخ وتثبت يا الدجه انتي يا ام المسلسلات
رنا' ضحكت ': تثبت ليش ماتثبت اه يامسلسلاتي اشتقتلهم يالله اذا خلصت مذاكره بناظرهم
رعد : والله من الشطاره! .
ـ
بغرفه الهنوف /
: يبعد قلبي حتى حنا اشتقنالك
رتيل: تدرين وش ودي؟
الهنوف: وش ودك يبعد حيي؟
رتيل: ودي اجي عندك وانام ونعيد ايام اول
الهنوف: ونفلها ااه يلببيه
رتيل: ايه ايه هفف احس اني مسجونه بذا البيت
الهنوف: وينهم عنك؟
رتيل: هه وينهم عني! محمد الي شاطفني ولا كني زوجته !!
الهنوف: محمد هذا نفسييه واضح عليه ، الدكاتره كذا سبحان الله
رتيل: تصدقين احياناً احسه حنون وطيب، واحياناً يكلمني بطرف خشمه احسه كذا مغرور!
الهنوف: مااقول الا الله يسعدك ويوفقك في حياتك ياعمري انتي
رتيل' بتنهيده': امين
الهنوف: طيب والباقي؟
رتيل: سديم مشغوله بأختباراتها خالتي احس استحي منها هاجر هي الي اشوفها واجلس معها يمكن
الهنوف: هاجر متخرجه من الجامعه؟
رتيل: لا هاذي اخر سنه لها
الهنوف: اها الا بسألك سحاب بنت خالتهم وش كبرها؟
رتيل: كبر هاجر اتوقع
الهنوف: اها
رتيل: ليش؟؟
الهنوف ' ضحكت': معجبه ندى فيها مرره
رتيل' بضحكه': فديتها خالتي .
ـ
بالمستشفى/تحديداً مكتب بطلنا محمد
:لا الحمدلله سيف مرره متحسن بكثير
' الرجال الكبير بسن':اكيد يادكتور
محمد' ببتسامه تطمن ': اكيد حاب تشوفه
ابو سيف: ايه
محمد: تفضل
'طلع الرجال يشوف ولده '
' فسخ نظاراته ومسح على وجهه بتعب طق الباب ودخل عنده عزام' : ماعمري دخلت وشفتك مروق الله يصبرك يا المدام بس
محمد: نعم؟
عزام: وش فيك منفس؟
محمد: مانفست بس ضايق صدري على ذا الرجال المسيكين هو وولده
عزام: الي تو كان عندك
محمد: ايه حالتهم الماديه مرره ضعيفه المشكله انه هذا ولده الوحيد والباقي كلهم بنات وهذا ولده مرره مبهذله
عزام: الله يعينه خربت ترويقتي يالله الحين شلون بقابل حبيبتي
محمد' بصدمه': وشو !!
عزام ' ضحك': نعم؟؟
محمد: صدق انك ماتستحي بالله هذا شكل واحده دكتور
عزام: ليه شفيني؟ ؟ ترا عادي الدكتور لازم تصير روحه مرحه يضحك ويسولف عشان يصير محبوب
محمد: اها وانا اشوف هالبنات طوابير عليك
' وبنبره تقليد للبنات الدلوعين 'تكتور عزام ماشاءالله عليه مرررا مررا شاتر
عزام' فطس ضحك على تقليد محمد'
محمد: المشكله انها نصابه ماقد دخلت عندك بس شافت وجهك خقت يعني مدري وين الملح معه بس !
عزام' بغرور': عن الغلط عاد مااسمح لك
محمد: يالله ماودك تفارق بروح اشرف على حالاتي بس
عزام: كلعاده يطردني
محمد' ضحك وطلع ' .
ـ
بالتوقيت الساعه 6:00 م / بفله ابو محمد
بتطلع للحديقه ومرت من باب المجلس، واستغربت انواره المجلس المشغله!! اسرعت بخطواته ودخلت بلقافه .
جالس بهدوء وينتظر رتيل الي راحت تجيب القهوه ، توه بيطلع جواله الا انتبه للبنت الي دخلت عنده !!!
هاجر' فتحت عيونها على الآخر وشهقت '
فارس' ناظرها بستغراب و عقد حواجبه !! '
هاجر ' رجعت بخطوات سريعه على ورا وحطت رجالها ، حطت يدها على قلبها من الخوف وتركض تبييي هالموقف يرووح بسسرعه بسسرعه من بالهااا الموقف المحرج و السخيف الي انحطت فيه
فجأااااااه .. طااااااااخ بصدر محمد : هووب هووب سلامات ماتشوفيننن انتي ؟
هاجر: حششى جدددار مب ادمي !!!
محمد: عميا انتييي !!
هاجر: والله انت الغبيي الي جاي قدامي
محمد ' يناظرها بنرفزه '
تأففت بقهر وصعدت الدرج وسيداااا على غرفتها، وقفت قبال المررايه ومسحت على شعرها وهي مازالت خايف من الموقف الي صار لها مع فا
: شسويتتتت اناااا وايشش رح يقول عنيييي الولد يممممه يمممه ياالفشييله !!! .
ـ
دخلت مبتسمه وشايله معها صنيه القهوه، وماانتبهت لوجود محمد ": ياهلا والله باخوي اسفرت وانورت نور بيتنا
فارس' مبتسم لها': هلا فيك ياالغاليه منور بوجودكم
" حطتها وجلست، فجأه انقلب وجهها احمر يوم شافته، وقالت بنفسها: يمممه ذا من متى وهو فييه؟!!! ماشفته "
محمد' ابتسم بخفيف لها، عرف انها استحت '
" رتيل اول مره تكون جريئه او ذربه لانها عندهم هاديه وتستحي ماتمون كثير اغلب شي مع البنات واذا كانو لحالهم بعد ، مسكت الدله وصبت لهم "
محمد: وعزيز ورا ماجاء
فارس: كنا ناوين نروح للشركه فيه شوية شغل عنده بس قلت له بروح لرتيل ،وراح لحاله
محمد: ايه
فارس: واختي الغاليه شلونها
رتيل' بحيا': بخير الحمدلله
فارس: ان شاءالله انك مرتاحه ومبسوطه
رتيل: ايه الحمدلله
فارس: شلونك مع هالنفسيه محمد
محمد' ضحك وناظر برتيل '
رتيل" بنفسها: كنك عارف بحالي ياخوي، اشهد انه نفسسيه " : ماشي الحال ! .
ـ
بعد اسبـــــــــــوع كامل على شخصيتنا ، تعالوا
نشوف جديدهم :


دخلت سديم ووراها ابوها بفرحهه
: وخلصنا اختبارات .. وخلصنا اختبارات .. وهيه وهييه
هاجر: هه ترا كلها سبوع وراجعين تدرسون مو انا بتخرج هاهاها !
سديم: انتي كلي تبن .. اااه وناسسه وناسسه بنام بنام
ام محمد: اسمعي بس
سديم: سمي
ام محمد: بنطلع مخيمم العصر تجهزي بعدين نامي
سديم: ان شاءالله على هالخشمم
' وصعدت بالدرج '
ام محمد ' لفت على هاجر': قلتي لأروى
هاجر: ايه .. زوجها رفض
ام محمد: على كيفهه؟ حنا نمرها
هاجر: كيفهم ماحبيت احرجها يممه
ام محمد ' تنهدة ': الله يعين .
ـ
عند ابطالي /
رتيل " كانت جالسه ترتب اغراضها هي ومحمد "
محمد' جالس يكلم فارس ': ايه لازم تجي واسحب عزيز اذا صار ماعنده شي
فارس: اجيب عزوز وش صاير بدنيا محمد
' ضحك': ياخي كيفي ابيه يجي برفع ضغطه
فارس: وهو يحب يرفع ضغطك
محمد : فاهمين على بعض
فارس: مررره خلاص تم بقوله .
رتيل 'خلصت من اغراضهم وجلست على الكنب'
محمد: خالتي بتجي
رتيل: ايه اتوقع
محمد: وبنتها بيجون
رتيل ' بستغراب': ايه شفيك !
محمد ' بوهقه': لا بس اعرفهم مو مره على المخيماات
رتيل: اها
محمد: حطو الغدا ماتبين؟
رتيل: لا تعبانه شوي بريح
محمد: براحتك " وطلع "
" تسطحت على السرير وتهندة بحزن ماتدري ليه هذا اليوم كئيب عليها من بدايته وهي متضايقه وتحس بكتمه بصدرها !! " : الله يعدي هاليوم على خير .
ـ
" بعد ماخلصو متغدين تفرقوا الي راح ينام والي يتجهز للطلعه "
بالصاله /
كان يناظر الـ tv وواضح ان فكره شارد بشي ثاني ! لاحظت عليه شروده : يمه محمد
محمد: سمي
ام محمد: شفيك منت معنا احسك!!
محمد ' تكى على الكنب': مافيني شي بس افكر بالشغل
ام محمد ' بشك': الشغل !! اكيد مافيه غيره
محمد' عقد حواجبه': ايه يممه!
ام محمد ' قربت لمحمد': دامنا لحالنا خلني بكلمك بشي
محمد: الي هو؟
ام محمد: علاقتك مع رتيل
محمد' عدل جلسته': وشفيها؟
ام محمد: ماتعجبني مادري بس احسك مو كويسين مع بعض محمد انا اعرفك اذا كنت متاضيقك من شي يبين عليك مرره !! فلا تقعد تلعب علي وتلف وتدور
محمد ' ناظرها وسكت'
ام محمد ' سكتت تنتظره يتكلم '
محمد: رتيل انا ماقدرت اتأقلم مع البنت !! مو معناته انها مقصره معي لا والله البنت ماشفت منها شي شين ابد
ام محمد: اجل؟ دامها ماقصرت معك ليه ماتأقلمت معها ليه ماحبيتها؟!!
محمد ' بسرحان وقال بنفسه': وش تبيني اقولك ياايمه اقولك اني احب وحده غيرها وقلبي مادق لها !!
ام محمد:انا اقول ياليت انك تتغير ومع الايام بتتأقلم محمد ترا انتم مالكم الا 3 شهور او اقل متزوجين يعني ان شاءالله مع الايام بتعرفها اكثر وبتعرف قد ايش هي طيبه وحبوبه
محمد: هذا كلامك لي من قبل الزواج ولا اشوف اي نتجيه !!
ام محمد ' بنرفزه ': افهم من كلامك يا محمد انك ماتبيها ولا اقتنعت فيه صح! ولالا
محمد تنهد وسكت ونزل راسه '
ام محمد: بقولها لك من الاخر فكره انك ماتبيها ولا اقتنعت فيها تشيلها مرره مرره من بالكك اعلمك ليش يادكتور؟؟؟ لان رتيل غلطه !! غلطه انت ارتكبتها تحملها ياخي بسبب ايش اطباعك الي ماادري متى تتغير شفت لوين وصلتك يا محمد الطيبه الزايده !
محمد ' بعصبيه': والله من تحكمك فينا واجبارك شوفي لويين وصلنا
ام محمد: بالله! الحين صار كل شي على راسسي ماكنك جبتها وورطتنا فيها وانا صراحه اشوف انو هذا الحل الصح لنا اننا زوجناكم تستر عليها ومانبي نشوه سمعتا
تنهد ' ومسح على وجهه وراسه وركز عيونه على الارض وهالبنت ماتطلع من بالله الي قلبه متعق
فيها ! '

أبلغ حبيباً في ثنايا القلبِ منزله أني وإن كنت لا ألقاهُ ألقاهُ .. وإن طرفي موصولٌ برؤيته وإن تباعد عن سكناي سكناه .. !
ـ
في فله ابو عبد الله /
دخلت الغرفه عند اختها : اقووول سحاب
سحاب 'تحط مناكير': همم؟
ميهاف: بننام بالمخيم
سحاب: امم لا ماتوقع ماقالت امي
ميهاف: متأكده
سحاب: يس يس
ميهاف: ايه اشوا
سحاب: جهزتي اغراضك
ميهاف: ايه
سحاب: زين .
ـ
بتوقيت الساعه 4:00 عصراً
" تجهزو العايله للروحه "
هاجر: سديموووه قومي يالله .. ترا بنروح عنننك
سديم ' وفيها النوم': تخيلو ترحون عني والله ترجعون من نص الطريق تاخذوني
هاجر' بقله صبر': طيببب قوومي ترا بنروح
سديم ' بكسل مالها خلق تقوم من الفراش': طيب انا جاهزه لبست ونمت
هاجر: ياااابروودك بعددين اذا جينا نطلعع من البيت تطلع الاغراض
سديم: لاوالله مجهزه كلش
" سمعو صوت ابوهم "
: يالله يابنااات
قامت سديم ' لبست عبايتها وخذت شنطتها والجوال فصلته من الشاحن وطلعت '
' تحت نظرات هاجر المصنمه': من جدها ذي؟
هه يالله لايرحون عني بعد انا .
ابو محمد: محمد بيجي بسيارته
هاجر: ايه يبه
ابو محمد: يالله اجل نروح لسيارتنا دامهم يلحقونا
هاجر: يالله سديموه
سديم' تفتح عيونها ': يلا يلا .
ـ
بجناح ابطالي /
كانت لابسه عبايتها وفاكه شعرها والنظارات الشمسيه رافعتهم وتطقطق بجوالها
" طلع محمد من غرفه التبديل ، وقف قبال التسريحه، وببرود يعدل شعره و يتعطر "
رتيل ' بنرفزه': يالله نمشي ياخي!!!
لف عليها ورفع حاجبه بغرور: ترا اسلوب الامر هذا مايمشي عندي لانقعد الحين !
رتيل بنفسها تقول:يع يع ياالغرور قسسم كنك بزر مو دكتور !.
" طنشته رتيل بصمتها و نزلت نظاراتها ولبست طرحتها وتغطت وطلعت وطلع ورها " .
رتيل شافتهم راحو : الله يعين بركب مع ذا المغرور ياويلل قلبي كيف بتحمله !!
'فزت من سمعت صوته '
: ماتبين نمشي ؟!
رتيل ' بهدوء ': الا يالله .
ـ
في فله ابو عبد العزيز بالملحق /
فارس: المهم وش قررت تروح معي ماابي اروح لحالي
عبدالعزيز: اني عارف سبحان الله ماتمشي الا فيني .عارفك داج
فارس ' الي يسلك ': ايه ايه والله
عبدالعزيز: وانا الي ادبرك ولا انت سبك قاعد
فارس: صح فعلاً
عبدالعزيز: مسيكين ينلعب عليك لازم اصير وراك
فارس: خلاااص عااد مصختها يا التبن سفلت فيني بما فيها الكفايه
عبدالعزيز 'ضحك': ياقلبي عليك على قلبي كل الفوارس والله
فارس: اخرر كلام بتطس ولا لا
عبدالعزيز: ايه بروح بروح
فارس: طيب ياقليل الذوق قم جيب لي شي اكله مجوعني ترااك
عبدالعزيز' بستهبال': ابششر على هالخشم الحين اخلي فروحه تسويلنا بيض
فارس' بصدمه': بييض!!!! انت كل ماشفت وجهي قلت بيض حرام عليك ياشيخ
عبدالعزيز'ضحك': والله اني امزح .
ـ
في المخيم /
وصلوا العايله بس مو كلهم ، شويات ووصلوا معهم ابطالي ، تقابلت سيارتهم مع سيارته ابو عبدالله الي كانوا واصلين معهم في نفس الوقت !
ابو عبدالله: حي الله ابو زايد
محمد' ابتسم': هلا والله ابو عبدالله
" وسلموا على بعض وسلم على خالته ، راحت رتيل وجو عندها البنات وسلموا عليها "
سحاب: هلا هلا بزين
رتيل: هلافيك حبيبتي
ميهاف: كيفك رتولتي
رتيل: حمدلله بخير ياعمري كيفكم انتوا
سحاب: مبسوطين بشوفتكم " ودخلو جوا "
" استقبلتهم سديم "
: اطططلق واحسسن من جاء رتولتي " وحضنتها "
هاجر: والله لو يشوفك محمد ياسديم ينتفك تنتيف رتيل ' بنفسها تقول': ايه هين عاد ماغار الا ولدكم '
سديم: اييه مايدري عني
سحاب: وينها خالتي نسلم عليه جدتكم ماجت ؟
سديم: لا ماتحب المخيمات
سحاب: فديتها
رتيل: فرحانه اجل عطلتي
سديم' وهي مازالت حاطه يدها على كتوف رتيل': اييه يالبى .
ـ
بقسم الرجال /
" ابتسم براحه يوم شافها جايه !! "
ابو محمد: فارس بيجي
محمد: ايه يبه يقول بطريق بيجي مع عبدالعزيز
ابو محمد: زين الله يحيهم .. اقول يابو عبدالله وش صار على عبدالله؟
ابو عبدالله: ان شاءالله كم شهر ويجي ويرتاح
ابو محمد: زين الحمدلله على البركه
ابو عبدالله: الله يبارك فيك
ابو محمد: يالله عقبال الزواج اجل
ابوعبدالله: والله واضح ماعنده نيه
ابو محمد: افا وراه؟
ابو عبدالله: تعرف جيل هالوقت اذا دخل الثلاثين يفكر يتزوج
ابو محمد: وانت صادق والله .
" قطع عليهم محمد الي دخل ومعه فارس وعبد العزيز "
ابو محمد: يهلا والله بنسيب
فارس: الله يحيك ياعم
ابو محمد: اسفرت وانورت والله ، وعزوز ياحبيلك والله اني احبك
عبدالعزيز' اول مره يستحي': الله يسلمك ياعمي والله
محمد' ضحك': الله يقطع شيطانك تستحي اجل
عبدالعزيز ' يرمش بعيونه بستهبال على انه صدق يستحي ! '
ـ
بالقسم الحريم /
" رن جوالها "
: هلا والله محمد
محمد: هلا رتيل خليهم يجهزون القهوه والشاهي فارس وعبدالعزيز وصلوا
رتيل' ببتسامه': فارس جااء
محمد: اييه
رتيل: سلم لي عليه
محمد: ان شاءالله .
هاجر: هذا محمد؟
رتيل: ايه يقول فارس وعزيز جوا
هاجر: اها ! .
ـ
" انسحبت من بينهم واخذت جوالها واتصلت بصديقتها ": هلاااا واللله وغلا
سديم: هلا فرووحه كيفكم ياعمري
فرح: حمدلله بخير كيفك ياالمعطله سدي
' ضحكت': توي اول يوم مابعد تهنيت فيها !!
فرح ' ضحكت '
سديم: خير ليش ماجيتي مع عبد العزيز للمخيم
فرح: عزيز جاااي معكممم !!!
سديم: اييه هو وفارس جاين قبل شوي
فرح: وصخ ماقالي والله
سديم: خسااره والله ودي انك جايه تخرشينا
فرح : يالله المرره الجايه ان شاءالله
سديم: ان شاءالله متى بتعطلين
فرح: يالله الثلاثاء اخر شي
سديم: ياعممري مرره بعيد
فرح: لاتسوين يعنني تطقطقين
سديم' ضحكت': لاوالله
فرح: يالله بس بذاكر
سديم' ببتسامه': اوكي ياعمري بتوفيق
فرح: وياك
" وسكرو "
' بضحكه قالت ': مجنونه
" دخلت سناب تصور نفسها "
ـ من النوع الي طفش بسرعه طلع حاط السماعات، مستمع لمغنيه المفضل! ناظر بربكه لهالبنت الي تقريباً المره الثانيه ! هي ماغيرها ام الوجه البريء الطفولي وكأنه اعجبه الوضع ونسى العالم ابتسم لاشعوري ركز عيونه عليها بأنسجام وانغام الاغنيه
، واخيراً الفاهيه طاحت عيونها على هالولد الي جالس يطالعها من بعيد ويبرق ماعرفته؟ بس شبهت عليه كان لابس نظارات شمسيه وهذا الي خلاها ماتعرفه زين ! ، حطت يدينهاا على وجهها المحمر بخجل صد عنها عبدالعزيز مايبي يحرجها اكثرر ! ، دخلت الخيمه بروعه طلعت بوجهها اختها هاجر : سديم شفيك ليش وجهك كذا ؟؟
سديم' بربكه ': هاه؟ لا بس خفت كان فيه قطوه يممه روعتني بعيونها !!
هاجر ' ضحكت عليها ومشت '
ـ
وقفت بدون توازن وتحس نفسها بترجع ! طلعت بدون لايحسون فيها راحت سيدا للحمام ' وانتو بكرامه ' غسلت وجهها الي انقلب اصفر وجلست على الكراسي بتعب وتستنشق الهواء ناظرتهم من بعيد بعيون دامعه وتحس نفسها مالها خلق اي احد سدحت نفسها على الكرسي وحست بأحد يمرر يده على شعرها وكتفها ! : قلبي رتيل وش فيك ؟؟
رتيل: تعبانه
ميهاف : حرارتك مرتفعه مرره تعالي ندخل الخيمه الثانيه احسن من هنا بررد .
مسكت يدهاا ودخلو للخيمه ، استرخت رتيل على الكنب وتحس نفسها بردة غطت نفسها بالجاكيت وسكرت عيونها
: رتييل ياقلبي وش تحسين فيه الحين
رتيل: مصدعهه مرره
ميهاف: بروح اجيب لك بنادول
" هزت براسها بأوكي "
دخلت عليها سديم: رتوولت قلبييي شفيككك تعبانه
رتيل: ايه
سديم' جلست جمبها ': اشوف شفيك بسم الله عليك
" جتهم ميهاف وعطتها الحبوب "
سديم : اذا ماتحسنتي نروح للمستشفى
رتيل: لاا بسم الله علي الحين اصير حصان
ميهاف' ضحكت': ان شاءالله
رتيل ' وماتبي تبين لهم ': يالله قوموا نروح عندهم
سديم' وهي حاسه برتيل بأنها تجامل !': اوكي يالله
ـ
بتوقيت الساعه 8:00 م
طلعو برا وسوو لهم جلسه حلوه وشبوا الضوو
سديم: اخخ يالبييه يلوموني بشتاء احببه يناسس
سحاب: صادقه يالبييه
هاجر: وعع مااحبه يممه يمممه ياالصيف يجنن
ميهاف: عادي كلهم عندي نفس الشي احس
هاجر: بس الصيف غير لو ترحون وتجون مافيه مثله
سديم: ايه خلاص درينا
هاجر: عمما صايره ماتستحي ولاتحترم اختها
سحاب' ضحكت': سديمم انتي كذا
هاجر: انتي ياالفاسسده لا تفسدينها عليي
سديم: يووه انا الي شايله همم تخرجها وه وه بتزعجنا فيه
هاجر' ترقص': تخرجي يوم الاحد وهييه وهييه
سديم: اللله يعين على البثاره بس
ـ
ابتسمت بحب يوم شافته جاي عندها وشوفتها له حستها اجمل شي في هذا اليوم : وشلونك بخير احسك تعبانه يبعد قلبي
رتيل: شوي بس الحين تحسنت حمدلله
فارس: يالله ماتشوفين شر ان شاءالله
رتيل: الشر مايجيك يا الغالي
" بعد ماانتهوا سواليف مع بعض قام باس راسها وراح شافها محمد لحالها وجا لعندها "
ومسك يدها، استغربت بس مابينت له!! : هلا محمد
محمد: سلامات تقول هاجر انك تعبانه
رتيل: حمدلله بخير انا الحين
محمد' الي يناظرها ومنتبه لسحاب الي من بعيد وراهم '
: زين الحمدلله
" لحظة هدووء ، سرحت بعيونه السود وغصب نبضات قلبها تنبض له ! ميلت راسها و عقدة حواجبها من نظراته لوراء ؟ لفت لاشعورياً على ورا شافت سحاب واقفه وعينها شبه عليهم !حز بخاطرها وحست بإحراج هي تناظر زوجها ! وزوجها يناظر غيرها ! حست انو فيه شي غريب والي خلاها تشك فيه نظرات محمد الي وش معنها ؟! ، انسحبت من عنده و كملت طريقها راجعهه لهمم ولا لفت له عتباً منها ! بنسبه له ما اهتم واذا شاف جميلته ينسى كل الي حوله ! "
سقى الله في العمر ليله .. !
ظهر في صفوها بدرين .. قمرها ووجهك الفتان ..

جلست بهدوء على الكرسي وهم جالسين في الارض استرخت بهدوء وغطت وجهها بالشارب حقهاا ،
بنسبه لسديم وهاجر ماكان عاجبهم وضع رتيل ابداً !! واضح انها تعبانه .
ـ
عند الرجال /
حس انها محتله الجز الاكبر من قلبه و مخه ؟طاحت عينه على محمد ورفع حاجبه ، بنسبه لمحمد الي كان مركز مع فارس ومو منتبهه لعبد العزيز !
: نفكر نرجع نكمل انا وعزوز نبي نخلص ونفتك
" انتبه لهم يوم سمع اسمه "
محمد ' ببتسامه': شدو الهمه اجلل
عبدالعزيز: ضاع عمري وانا ادرس ما تهنيت بحياتي !!
" ضحكو عليه "
محمد: هونها وتهون ياشيخ .
ـ
بالشرقيه / فله رعد
ندى: غريبه اتصل على رتيل ماترد!
رنا: يمكن ماعندها ابراج او شي لانهم طالعين مخيم
ندى: اها يمكن اجل
الهنوف: وشرايكم نزورهم دام العطله جت؟
مها: ايه ايه
رنا: هي هي لين اخلص
الهنوف: ايه انتي بقالك شوي وتعطلين اذا خلصتي يعني
رنا: ايه زيين
ندى: ماشاءالله عليكم تحبون تخططون على كيفكم
الهنوف' بضحكه': انا اقترح عليكم ياقلبي
ندى: اقترحي عندي مو عند ذولي يالله الحين بيجلسون يزعجوني يالله نروح الرياض يالله نروح لرياض
الهنوف: تلقين رتيل مشتاقه لنا الحين
" دخل عندهم رعد "
: السلام عليكم
" ردو عليه السلام "
ندى: مها قومي جيبي القهوه لخالك
مها: ابشري
رعد ' لف على رنا': ذاكرتي ؟
رنا ' ببتسامه، هزت براسها '
رعد: وانتي شفيك طفشانه
الهنوف: ودوني الرياض
رعد: ابشري ماطلبتي شي وديها ياندى الرياض
الهنوف: والله جد اتكلم
مها: ايه لازم نروح مشتاقين لرتيل
ندى: ان شاءالله لما تخلص رنا
" مها ورنا يناظرون امهم بصدمه "
الهنوف' بفرحه': وااااافقتي؟؟؟؟
ندى ' هزت براسها بأيه '
ـ
بالمخيم /
جالسه تتمشى وتطقطق بجوالها ، ومحمد كان توه جاي من سيارته وشافها قباله حس الوقت المناسب الي يتكلم معها ، نسى كل شي في باله من شافها وماطرى على باله احد !! تقدم بخطواته تجاهها ،
حست بضل رجال سد عليها رفعت راسها بخرعه من شافته : محمد !! .
محمد ' ارتبك يوم التقت عيونهم ببعض !! '
سحاب : بغيت شي؟ انادي لك رتيل؟
' بستغراب منه، مررت بيدها لوجهه '
: محمد بسم الله شفيك انت !!
محمد' استوعب على نفسه وسحبها ومسكها بقوه
: ابيك انتي !!!
سحاب ' فتحت عيونهااا وشهقت بخوف': محمد يا مجنون !!!! بعدد لحد يشوفنااا عييب
محمد: وليه عيب؟؟؟ واحد جالس مع بنت خالته
سحاب' وفيه البكيه': بنت خالتكك مو اختكك بعددد !!
محمد: يابنت اهجدي بقولك شي
سحاب ' وعيونها غرقت دموع'
محمد انحنى لها وبهمس نطق '
: ‏اويلي من عيونٍ وساع و رمشها معّكوف !
' مرر يده على خدها الي سحره ' : والخد مثل البدر ليلة تمامه ! جيتك وانا بقولك فيه قلبٍ يحبك ويهواك تكفين لا تصدينه !
"صفق وارتعد قلبهـا بخوف ،ماتصور ان هالأنسان يوم من الايام بيجي يعترف لها بحبه لها !! وبعد وشو ؟ يوم تزوج ويوم طاح الفاس براس ! سحاب كانت معجه بشخصيته فقط بس يوم تزوج معد صارت تفكر فيه و صارت تعتبره كنه اخو لها وماتصورت يوم من الايام انها بتحب زوجته رتيل مرره وتتقبلها !!" .
ـ
هاجر: يعع مااحب انام بالمخيم
ميهاف: بالعكس
هاجر: مااحب غير فراشي حبيبي
سديم: وين سحاب
هاجر: لايكون بس نامت!!
ميهاف: مدري عنها
ام محمد' لفت على رتيل ': يمه رتيل خفيتي ولا لين الحين تعبانه
رتيل' الي فيها نوم ': لا خفيت
ام محمد: تبين محمد يوصلك للبيت
رتيل' ودها بس تستحي تقول ': لالاوالله
ام محمد: براحتك .
" اخذت جوالها بضيق ودخلت جوا بالخيمه انسدحت وتلحفت بالحافها حطت يدها على جبينها سكرت عيونها براحه يوم انسدحت ،
دخلت عليها سحاب وانصدمت بوجود رتيل ! هي ومحمد تو كانوا من ورا هالخيمه قريبين شوي لايكون درت بشي !!! ، حطت يدها على قلبها الي ينبض بسرعه وجلست بهدوء والارتباك واضح عليها " .
ـ
انتهى ..
توقعاتكم 💕؟؟.

الرد باقتباس
إضافة رد

يابو العيون السود الليل وحشه بدونـك/بقلمي

الوسوم
🕊🎻 , rwaiah/masheal
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : تذكرين ؟ بهالتاريخ والميلاد بدينا قصة العشاق / بقلمي شجن | ~ روايات - طويلة 154 26-05-2018 08:10 AM
لهذه الاسباب يبتعد الزوج عن زوجته ابو شروووق الحياة الزوجية - الحمل - مشاكل الزواج - خاص بالمتزوجين 7 14-10-2017 03:13 PM
بعضاً من حقوق الزوج على الزوجة تامر العربي مواضيع إسلامية - فقه - عقيدة 0 10-08-2017 01:28 PM
تعرف على 5 تصرفات تفعلها المرأة المطلقة "سرا" في ساعات الليل المتأخرة! @yazeed@ مواضيع عامة - غرام 4 02-06-2015 09:40 AM
كيفية صلاة الشفع والوتر وقيام الليل والتهجد Cold night مواضيع إسلامية - فقه - عقيدة 4 03-04-2015 05:17 PM

الساعة الآن +3: 01:22 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1