غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات إدارية - يُمنع طرح اقتراحات > ارشيف غرام
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 03-02-2019, 09:35 PM
rwaiah_0 rwaiah_0 غير متصل
©؛°¨غرامي جديد¨°؛©
 
الافتراضي روايه : " يابو العيون السود ، الليل وحشه بدونـــــك"


البـــــــــــــارت " 2 "
ـ


يوم جديد /
بتوقيت الساعه 1:00 ظهراً
" فتحت عيونها، فزت بصدمممه من استغرابها
من المكان الي هي فيه! تنهدة وهي تتذكر الي
صار امس ، قامت وراحت للحمام 'وانتو بكرامه' ثواني وطلعت تصلي الي فاتها وانسدحت على السرير بهم ! "
'جت عندها سديم ودخلت'
: مساء الخير يا عسل
رتيل 'بصوت تعبان': مساء النور
سديم: اكيد جوعانه تعالي معي تاكلين شي
ولا تخافي ترا مافيه احد محمد وبابا طالعين !
" هزت براسها بالأيجاب ومشت ، مستغربه من نفسها هي وشلون جت عند ذولا وشلون ذي
البنت تكلمها وانا ارد عليها مكاني غلط عندكم !! ".
ـ
" ام محمد كانت جالسه بالصاله وتشرب قهوتها وشافتهم " : اهلين، على ماخاب ظني اسمك
رتيل صح؟
' هزت براسها بمعنى ايه '
ام محمد: انتي بكما؟
سديم 'ابتسمت و بستغراب': هو يممه !
ام محمد: مدري عنها ماسمعت صوتها !
سديم: الحين بعدين الكلام لازم تاكلين، محمد موصيني عليك
" مسكت يدها وراحوا "
ام محمد " تنهدة " .
ـ
محمد: الله يعظم اجرك، الله يرحمهم ويغفرلهم
فارس: قلبي ماهو مطاوعني على اختي !
محمد: ليه؟ قصدك انها ماماتت!!!
فارس: مدري استغفرالله بس احسها على الدنيا
محمد: لا مو من جدك شكلك تتوهم!
فارس: يمكن، المهم اني اخذت اجازه النفسيه
زفت وودي ارجع لسعوديه معد لي نفس ادرس عقب الي صار !
محمد: انتبه يا فارس تسوي كذا ! كمل وادرس وتحممل ، خل الناس تقول انو ام فارس ربت ولد شهم ، لاتنكسر يا فارس هم راحو للي ارحم مني ومنك !
فارس 'تنهد' : الله يرحمهم ويغفرلهم .
ـ
[للمعلومه: محمد صديق فارس كانوا يدرسون مع بعض بأمريكا بحكم ان محمد اكبر من فارس تخرج قبله , ومحمد مايدري انو رتيل اخت فارس لانه لين الحين ماعرف قصتها، و فارس يحسب اخته توفت بالحادث] .
ـ
ـ
بعيـــــــــــداً عن السعوديه / في أمريكــــا
ـ
فارس : عزيز ووجع قووم يالله !!
عبدالعزيز 'مفتح عين ومسكر عين': ياخي نعم؟؟
فارس: قوم يالله لا تتأخر على محاظراتك يالله
تراك امسسس منطرد !!
عبدالعزيز ' سحب اللحاف ويكمل '
فارس : ترا والله لاتصل على ابوك
عبدالعزيز' ضحك غصب': تهدد انت ووجهك
فارس : عزيزز قووم اقولك !!
عبدالعزيز'عفس وجهه ': ان شاءالله
ـ
ـ
السعوديه/ الرياض
بفله ابو محمد |
" رتيل الي كانت مرتبكه من وجودهم حولها منزله
راسها وعاضه على شفتها من ورا الطرحه "
محمد ـ بهمس ـ: رتيل قولي سالفتك تكفين يمكن نقدر نساعدك !
' رفعت عيونها المدمعه لعيون محمد رمشت ونزلت راسها '
: ءانا كنت طالعه ..من المستشفى
ام محمد ' عاقده حواجبها ومركزه معها '
' اخذت نفس وكملت '
: لانو كان علينا حادث انا وابوي وامي
محمد: وتوفو هم؟
" رتيل حطت يدينها على وجهها الي عليه الطرحه
هزت براسها بأيه وبكت ماقدرت تكلم من غصتها ! "
هاجر 'رحمتها وتقدمت لها وضمتها '
: خلاص ياقلبي هدي الله يرحمهم ويغفرلهم
ابو محمد ' تنهد ' : عظم الله اجرك يابنتي الله
يرحمهم ويسكنهم فسيح جناته
محمد ' الي ناظر امه بيأس'
ابو محمد ' اشر له يجي عنده، وبهمس '
:رح نخليها كم يوم عندنا يتعرفون عليها البنات ويسألونها
عن اقاربها يمكن عندها عمان او خوال نوديها لهم !
محمد: ابشر ، سديم خذي رتيل ورحو للغرفه
رتيل: لاااء
' لفو عليها بستغراب '
رتيل: انا ما ابغا اجلس هنا بروح
ابو محمد: وين بتروحين يا بنتي؟
رتيل: مادري بس ماابي اجلس هنا !
محمد: لالا مارح تطلعين ابدا انتي ماضايقتينا ولا شي !
ابو محمد: ابد مالك طلعه يا بنت الناس انتي الحين وحده من بناتي خلاص !
"البنات الي ابتسمو لأبوهم ! "
ام محمد' بعد ماشافتها رايحه ومعها البنات
نطقت ': لا انا ابداً الوضع ما اعجبنييي !!
انتمم من جدكممم بتخلونها عندنا النننناس
وش بتقول عنا؟؟
ابو محمد ' تنهد ': النااس بطقاق المهم انو البنت
لازم نلقا لها حل حررام الحين هي صارت يتيمه مالها احددد اذا طلعت منا وين بتروح؟
ام محمد: يمكن لها عمان خوال وش دراكم ؟؟
محمد: البنت نفسيتها تعبانه نخليها ترتاح بعدين
نشوف لنا حل معها خلااص ' وطلع '
ام محمد ' تنهدة ': استغفرالله يا ربي من هالولد
ابو محمد: انتي الحين بدال ماتبربرين روحي فوق عند البنت هوني عليها لا تحسسينها انك ماتبينها يا الفاهمه!
ـ
بجناح سديم |
هاجر: امم اقول رتيل
' رتيل رفعت عيونها '
هاجر: انتي عندك اخوان؟
رتيل ' بصوت خفيف مبحوح ': ايوه عندي اخو واحد بس
هاجر: صغير ولا كبير؟
رتيل: كبير يدرس بأمريكا
هاجر ' ابتسمت ': حلو
رتيل: ايه من زمان رايح
هاجر: طيب عرف بالي صار
رتيل ' تنهدة ': مادري
هاجر: انتي ماتدرين عنه؟!
رتيل: جوالي مادري وينه يوم صار الحادث وانا ماحفظت رقمه ! وماادري اذا هو يعرف ولالاء
هاجر: الا انتي وش عايلتك؟
رتيل: الـ......
هاجر ' عقدة حواجبها مشبهه على الاسم ': اها .
ـ
سديم: سم يبه ؟
ابو محمد: تعالي
سديم: همم؟
ابو محمد: امسكي خذي الفلوس هاذي
سديم: ابشر يبه ! بس ماقلت لي ليش ؟
ابو محمد: ابيكم اليوم تاخذون البنت تشرون
لها كم لبس تتعبر فيه كم يوم واذا كانت تحتاج
لها شي
سديم: ابشر يبه
ابو محمد: وين هاجر ؟
سديم: عند رتيل
ابو محمد: زين لا تخلونها لحالها حاولوا اليوم
اذا طلعتوها تفرحونها ونسوها
سديم:ان شاءالله
ابو محمد: يالله يابابا روحي عندها .
ـ
بصاله |
ام محمد: هلا هلا ببنتي
اروى: هلا فيك يممه
ام محمد: حمدلله على السلامه
اروى: الله يسلمك
ام محمد: متى وصلتو من دبي
اروى: والله امس الفجر
ام محمد: ايه بندر وصلك وراح؟
اروى: لا دخل بالمجلس سلم على محمد ويبي يسلم على ابوي
ام محمد: ايه
اروى: اجل وين البنات لا تقولين نايمات ؟!
ام محمد: لا وين ينامون !
اروى: اوكي بروح لهم اجل .
ـ
" صعدت الدرج وراحت لغرفه سديم "
: سلاام بنات
" استغربت من وجود البنت الي على السرير ،
وهاجر وسديم حولها !! "
هاجر: هلا اروش حمدلله عسلامه
اروى: الله يسلمك ياروحي
' سلمت عليهم كلهم '
اروى: سديم من هاذي البنوته، لاتقولين من صديقاتك لاني مختمتهم كلهم !
سديم ' مسكت يد رتيل ': اختنا الجديده
اروى ' عقدة حواجبها بستغراب': اختنا !!
سديم ' بستعجال': بعدين اقولك السالفه، رتيل قومي معنا البسي عبايتك !
رتيل: ماابي تكفيين ماابي اطلعع !!
هاجر: اوكي ياعمري براحتك سديم تعالي نطلع
سديم' بضيق': اوكي .
ـ
بصاله |
اروى: وش السالفه يمه؟!
ام محمد ' قالت لها الي صار'
اروى ' بصدمه ': ومحمد هذا خبل؟؟ يجيب اي
احد !!
ام محمد ' تنهدة': مدري وش اسوي فيه هو المصيبه الي جابها معه!! بس تبين الصدق هي تنرحم ، لو تشوفينها قبل امس يوم يجيبها وجها فيه كدمات وجروح ، شكل حادثهم قوي الله لايفجعنا !!
اروى' تنهدة بهم ': الله يعين يارب
ام محمد: اييه، الا وين يزيد
اروى: هناك مع ابوي وبندر
ام محمد: تعالي نروح لهم
اروى: يالله .
ـ
بسياره محمد |
محمد: البنت وينهاا ليه ماجت معكم ؟
سديم: رفضت حاولت فيها ماتبي ! ، مالها نفس شي
محمد: ماتنلام ، الي صار لها مو هين !
سديم: ايه والله ، الله يكون في عونها !!
محمد: وين اوديكم طيب اي سوق تبون؟
هاجر ' الي كانت على جوالها وبدون شعور نطقت '
: هايبر بنده
محمد ' بستغراب ': وشو؟
سديم 'ضحكت ': هايبر !! واضح الجوال ماخذ عقلك
محمد: مرره اعوذ بالله
هاجر ' ضحكت ': لاني جالسه واشوف عروضهم حلووه
محمد: واضح .
" بعد دقايق وصلو للمول "
محمد: هي اسمعوا لكم ساعتين بسوق لأن
الساعه 7 بروح للمستشفى
هاجر: ان شاءالله اوامر ثانيه دكتور
محمد: لاء خلاص انزلوا !
سديم: طيب .
ـ
ـ
بأمريكا وتحديداً واشنطن |
ـ
عبد العزيز انسدح بتعب: اووف يوم متعب وغثيث
فارس: والله انو ودي اسحب على الجامعه وارجع
السعوديه مالي نفس شي
عبد العزيز: لاا مو من جدك بقالنا سنه ونخلص ترااا
ترجع وتعبك ذا يروح على الفاظي!!
فارس: مالي نفس احس من راحو الغالي ، وانا خلاص ماعد صار شي يهمني
عبدالعزيز: فارس لا تقول كذا ، هذا قضا وقدر ،
لازم تكمل دراستك بكرا تصير دكتور ومعروف وصدقني لو اهلك عايشين اكيد رح يفخرون فيك واجدد !
فارس ' بضييق وبتنهيده قال': ايييييه الله يعين ، قبل شوي كلمت محمد
عبد العزيز: يالليل وش تبي فيه؟
فارس : حرام عليك والله اني احبه
عبد العزيز: مااطيقه
فارس ' ببتسامه تعب ': وحتى هو يسميك الغثيث
عبدالعزيز: والله ماالغثيث الا هو !
" وحب يلطف الجو لفارس "
: وبعدين ليش ماسويت لي شي اكله جوعان تراي
فارس ' رفع حواجبه وابتسم ': لاوالله !!
عبدالعزيز: ايه نعم وانا اقول اخوي وصديقي
وحبيبي تلقونه مسوي لي احلا كبسه بالعالم اثرك
ماعندك ماعند جدتي !
فارس ' ضحك ': مير ماقلت اسوي لك بيض ، شطحت الله يهديك كبسه!
عبدالعزيز: اووف لي ست سنوات مدري سبع مااكلتها تصدق !!
فارس ' تنهد ': اخخ ياشينها من غربه وانا اخوك!!
عبدالعزيز: هونها وتهون .
ـ
ـ
السعوديه / الرياض |
ـ
بالمول |
سديم: وااااو شوفي ذا الفستان احسه بيطلع عليها يجنن
هاجر: تستهبلين انتي خلينا نشتري لها لبس ضروري مو فساتين
سديم: هفف منكك !
هاجر: اقوول امشي نروح ستار بكس بسس نتقهوا بعدين نتسووق ، هناك فيه مزز على كيف كيفكك
سديم: وانتي ماتتوبين من حركاتك، تتذكرين مرره محمد وصديقه يوم يقفطونك تمدحين واحد
هاجر ' تذكر موقفها وضحكت': اييييه ياشينه من ذاك اليوم يممه فشلله
سديم: اححسن بعد ياليت محمد فارشك قدامه
هاجر: على تبنن بس
سديم ' ضحكت وهي موقف هاجر المخيس ! '
سديم: يالله بس عشان يمدينا نتسوق
هاجر: ياربيه انتي ليه مطفوقه ؟
سديم: بلا محمد يقول ساعتين وانا جايكمم
هاجر: هدي هدي ياحبيبتي بيكفينا الوقت والله
سديم: شفت جلابيات تو تجننن بروح اشتري لي وحده ولرتيل وحده بنطقم
هاجر : قسم ابوي اعطى الفلوس لبزر !! روحي اشتري شي ضروري ميب رايقه هي تلبس لك
جلابيييه
سديم ' بتحطيم ': طيب خلاص !
ـ

بتوقيت الساعه 1:00 الليل ~
" دخلت الغرفه بهدوء حصلتها نايمه "
: رتيل .. يارتيل
" رتيل الي واضح غارقه بنومتها، ونومتها الي تدل انها واضح مرهقه وتعبانه نفسياً وجسدياً " .
" طلعت وسكرت الباب ورها "
ام محمد: نامت؟
سديم: ايه
ام محمد: محمد جاء؟
سديم: ايه بغرفته
ام محمد: اوكي روحي .
' ناظرت امها بستغراب ونزلت تحت عند اروى '
سديم: اروى وين زيودي
اروى: نايمم
سديم: حسافه ماشفته
اروى: لا تخافين بنااام عندكم
سديم 'تصفق': وناااسه اجل بخليه ينام عندي
اروى: اجل وين رتيل؟
سديم: نامت رتيل بعد
اروى: وهاجر
سديم: مدري عن هاجر عاد ! .
ـ

صباحـــــــيه يوم جديد /
" دخلت للمطلخ وعليها جلال ، اخذت لها مويه وشربتها، لفت بتطلع ارتاعت من طلع بوجهها محمد !! "
: معليش اسف !
" لف بيرجع صادفته امه! "
ام محمد ' بستغراب ': انت وش تسوي هنا؟
رتيل ' الي انخفق صدق قلبها !! '
محمد ' كان مدخل يدينه بجيوب البنطلون الي لابسه ورد ببرود': ماكنت اعرف انها بالمطبخ !
ام محمد: يالله يالله توكل واذا جيت تدخل قول
شي مو تدرعم !
محمد ' ابتسم' : ان شاءالله
رتيل' الي ارتبكت بوجودها مع ام محمد '
ام محمد ' ناظرت برتيل وتنهدة '
رتيل ' تنفست براحه ' .
ـ
" صحت من نومها وقامت تغسل وتبدل ملابسها ، دخلت عندها رتيل، ووقف عند البلكونه "
طلعت سديم من غرفه التبديل، ابتسمت': ماشاءالله قايمه بدري اليوم
رتيل ' جلست على الكنب ونطقت بهدوء': ملييت من النوم وقمتت !!
سديم: ايه امس نمتي بدري ! على العموم اكلتي شي؟
رتيل: لا مااشتهي
سديم: مو بكيفك لازم تاكلين، بقوم اسوي لنا اكل واجيكك .
' تنهدت وهي تصبر نفسها ! '
ـ
بالصاله |
" جالس وحاط يزيد بحضنه " : يادلبيه بس على العيال الصغيرين ، وليدي انت تصير ولدي !!
هاجر' ضحكت': على اساس فهم الحين
محمد: اسكتي انتي، تعرف وش اسمي؟ يالله وش اسمي
هاجر'بضحكه' مو صاحي هالولد !! اقولك مايعرف صغير
محمد ' ضحك وباس يزيد ': يالله يا شاطر رح لأمك
هاجر : ياويلك منها توها منومته وانت قومته
اروى ' جت عندهم': وشوو؟
محمد' توهق': ولدك ازعجنا !!
هاجر' فطست ضحك ': ياكذااااب !! .
ـ
بتوقيت الساعه 6:00 م
مجتمعين بصاله ، بستثناء رتيل طبعاً
ابو محمد: امري يا ام محمد وش الي تبين تقولينه؟!
ام محمد: انا قررت قرار بما انكم مطولين بموضوع هالبنت ، انو محمد يتزوج رتيل ! ' كملت متجاهله نظراته 'ايه الناس اكيد مارح يصدقون انو رتيل
بنت لزايد واخت لكم بتضل تتغطا عن محمد !!
ابو محمد: وبما اننا مانحب اللف والدوران نقول انها زوجتك ؟
ام محمد: صح عليك ، هاه وش رايك يا محمد ؟
محمد ' الي منصدم من قرارهم ': بس
ام محمد: بس ايش؟؟
محمد: حنا مو مظطرين اننا نبرر لناس يمه
انها اختنا او مو اختنا !!
اروى: بس الناس ماترحم يا محمد واكيد بيطلعون كلام عنا وعن البنت!!
محمد ' الي فكر فيها وسكت '
ابو محمد: انت فكر وشوف ورد علينا
ام محمد: لا انا اشوف مايبيلها مشاوره ذي اكيد بيوافق! طالما هو جالها يتحملها !
محمد ' بعصبيه واندفاع': لا مانييي موافق ، بتجبريني مثـلاً؟؟ .
ـ
كاد حزنها على وفاه أبيها و أمها ان يقتلها ..
كانت تغلق باب حجرة النوم لساعات تقضيها
في النحيب ، والبكاء بصوت منخفض خوفاً
ان يسمعها احداً من هذه العائله فيرحمها
ويشفق عليها !! , كانت تجمعها الذكريات بهم
ويزيد بكائها على فراقهم .. !
" قامت وراحت الحمام ' وانتو بكرامه ' غسلت وجهها ، واتجهت للبلكونه وفتحتها اخذت نفس طاحت عيونها على الولد كان جالس عند المسبح وذهنه شارد ، ' خلاص يا محمد مافيه امل انك تاخذها ، كييف!!! ولا مااقدر اخليها تروح لغيري لااء ، تنهد من قلب وش الورطه الي انا فيها وش لون ابعدك يا رتيل عن اهلي وش لون اقنعهم اني ماابغاك !! ، بس انا اكيد بتزوجها اذا مالقيت احد من اقاربها ، انسدح على الارض بتعب وركز عيونه على السماء '
: محمد ' انتبه على صوتها ': هلا هاجر؟
هاجر ' ابتسمت ': الزين وش فيه قاعد لحاله
محمد 'عدل جلسته ': ابد جلست اصارح نفسي بالموضوع
هاجر: وان شاءالله انك وافقت ، محمد تكفى
قول اييه تككفى والله ان رتييل تجنن والله
محمد ' الي ضحك على شكل هاجر': لهدرجه حبيتيها؟
هاجر: واكثر ماتدري هالأنسانه كيف دخلت قلبي فجأه مدري من طيبتها مدري من اسلوبها واخلاقها محمد: بس انا يا هاجر ماودي فيها !
هاجر: صدقني يا محمد بتحبها بس بعد الزواج والله وقول ماقلت لي هاجر
محمد: مدري احس في بالي وحده!
هاجر' بصدمه ': هااه !!
محمد: ايه في بالي وحده !!
هاجر: انت تحب لالا مااصدق
محمد: انا قايل احب يا غبيه! انا اقول في بالي وحده مدري يوم شفتها عجبتني
هاجر: اكيد انو رتيل احسن منها بس قول انا اعرفها ؟!
محمد ' بكذب ': لاا ماتعرفينهاا
هاجر: انا اقول شيلها من راسك وارضى بذي لأن مارح تاخذ غيرها صدقني لانو الوالد والوالده مصممين على قررارهم !! .
ـ
" دخلت الغرفه وشافتها واقفه عند البلكونه "
سديم: الزين وش فيه جالس لحاله؟؟
رتيل: طفشانه
سديم: تعالي معي بقولك موضوع
' جلسوا على السرير '
سديم: رتيل لو يخطبك واحد مثلاً توافقين وانتي بهذا العمر؟
رتيل: ايه ليش لاء
سديم ' ناظرتها بستغراب بعدين ابتسمت ': حلو نقول مبرووك اجل
رتيل: ليش؟؟
سديم: اليوم قررنا قرار انو انتي ومحمد تتزوجون
رتيل ' بصدمه ': هااه !! .
ـ
انتهى ، توقعاتكم ؟؟.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 03-02-2019, 09:37 PM
rwaiah_0 rwaiah_0 غير متصل
©؛°¨غرامي جديد¨°؛©
 
الافتراضي رد: روايه : " يابو العيون السود ، الليل وحشه بدونـــــك"


البـــــــــــــارت " 3 "
ـ



بأمريكا ، في العاصمه /
ـ
فارس: تتوقع لو انها عايشه وين قاعده وين تاكل وتشرب؟
عبدالعزيز: فارس ! متى بتقتنع انها ماتت ياخي
فارس: مااحس اني حزنت عليها كثر ما حزنت على امي وابوي
عبدالعزيز: بقولك شي
فارس: وشو؟
عبدالعزيز: مع اني متأكد انها ميته بس يالله بنرجع لسعوديه ندورها نشوف فيه لها شهادة وفاة ولالا !
فارس: والله اني مدري نشوف
عبدالعزيز: فكر فيها ورد لي
فارس' اخذ نفس': اوكي .
ـ
ـ
يوم جديد /
ـ
" بغرفه الطعام الكبيره كانو جالسين يفطرون "
هاجر: يبوي
ابو محمد: سمي
هاجر: بما انو اليوم ماعندك شي ودي نطلع
كذا للبر الجو يجنن
سديم: ايه ايه صحح الجو صاير حلو وبااارد بعد
ابو محمد: ابشرو اليوم العصر نطلع
سديم: جمميل
هاجر ' بهمس ': اقول وين رتيل؟؟
سديم ' بنفس الهمس ': نايمه، ماتحب تقوم الصبح
هاجر: ايه ماادري احسها هاذي الايام ماتعطي وجهه كثير اغلب الوقت نايمه ، او ماتطلع من الغرفه
سديم 'تنهدة ': الله يكون بعونها
ابو محمد: اجل وين محمد ماشفته؟
ام محمد: امس كان جاي متأخر ونام
ـ
" منسدحه على السرير ومسكره عيونها وتفكر بالي قالته لها سديم "
' ماابي اتزوجه ولا اقدر ارفضه ، الحل الوحيد اطلع من حياتهم 'تنهدة بضيق ، وينك يافارس وينكك تعااال شووف اختك وشلون صارت بعد وفاة امي وابوي ' مسحت دمعتها بوجع في صدرها عجز
يطيب شي فاقد جزء كبيير بهالحياااااه !! '
ـ
بتوقيت الساعه 3:00 م
ابو محمد: هاه خلصتو وينكم يا بنات؟
' نزلو بسرعه وهم يلبسون عبياتهم '
هاجر: ايه ايه جاهزينن
ام محمد : وين رتيل؟
هاجر: رتيل تعبانه يمه
ابو محمد ' بخوف': وايش فيها
هاجر' انحرجت معرفت وش تقول لأبوها ': بطنها يعورها ، بسسء بتروح معنا يعني اقنعتها شوي سديم
ابو محمد: اذا ماودها ترا عادي نجلس
سديم ' من وراهم ': لالالاء جينا خلاص
هاجر: وين محمد؟
سديم: هذا بيجي ورانا !
ـ
في الطريق :
سديم ' ابتسمت ': رح يجي معنا ناس جدد لازم اعرفك عليهم
رتيل: ومين هم؟!
سديم: بنات خالتي ميهاف كبرنا
رتيل: ايوه
سديم: والي اكبر منها سحاب كبر هاجر
رتيل ' ابتسمت بتسليك': اها .

"وصلوا وفرشو لقعدتهم ووصلت خالتهم"
رفعت عيونها بصدمه ' تحس خنقتها العبره !!'
ام عبدالله ' بصدمه ': ماشاءالله محمد تزوج
ام محمد ' ابتسمت ': ايه الحمدلله وعقبال لعيالك
ام عبدالله ' ابتسمت ': ان شاءالله
' سلموا على رتيل وجلسوا يسولفون ويتعرفون عليها '
ام عبدالله ' بهمس لأختها ': اقول عاليه
ام محمد: ههلا؟
ام عبدالله: والله اني احس انو ورا هالبنت سالفه
ام محمد: سالفه !! لا الله يهديك وشو عادي بنت من بنات الحمايل بس شكلك مستغربه انو محمد تزوج بسرعه بدون لاحد يعرف
ام عبدالله: ايوه هذا الي انا اقصده
ام محمد: والله مافظينا و محمد كان مستعجل عنده شغل بيسافر وقلنا اذا رجعوا ان شاءالله بنسوي لهم عزيمه قريب !!
ام عبدالله: اها زين الله يوفقهم اجل
ام محمد ' ابتسمت برتباك ': امين يارب
" شرد ذهنها عنهم تماماً وتتكلم في نفسها، لااا مستحيل هاذي وش قالت لهم اني انا زوجته؟!!بيزوجوني ولدهم بدون لا ياخذون شوري!!!
غرقت عيونها بدموع وانسحبت من بينهم ناظرت لها هاجر بستغراب انها قامت ، طنشتها ومشت بعيد جلست على الارض براحه ، تحس انها ترتاح نفسياً اذا انعزلت عن الناس تركت الحريه لدموعها ! ة
: رتيل ؟
كانت ساهيه وما انتبهت له
محمد: رتييل
رتيل ' فزت بخوف وحطت الطرحه عليها ': نننعم
محمد: وش فيك جالسه لحالك
رتيل ' ارتبكت ': هااه لابس طفشت وقلت بقعد لحالي
محمد: متأكده؟ طيب ليش الدموع
رتيل ' من ربكتها تنرفزت': انت وش تبي الحين؟؟
محمد: رتيل ترا قريب واصير زوجك ، وش فيك احسك تتهربين وخايفه
رتيل: زوجي؟! وانت بأي حق تقرر وامك بأي حق تقول قدام خالتك اني زوجتك
محمد' ببرود ': ايه لاني بصير زوجك
رتيل : بس انا ماابيك
محمد: ولا انا ابيك ! ، رتيل انا بتزوجك عشان امي وابوي يبوني استر عليك
رتيل: بس انا ماابغاكم انا ابي اروح عند اخوي
محمد: اخوك رح يجي عندك هو بنفسه
رتيل ' بصدمه': محمد تتكلم صددق
محمد: ايه
رتيل: فااارس بيرجع من امريكا ويجي هينا !
محمد ' هز براسه بأيه '
رتيل ' تنهدة براحه وتحس الفرج جاء بس دقيقه هذا كيف عرف اخوي ؟ ': كيف عرفت ان اخوي
بيجي عندي ؟
محمد : هاجر قالت لي عن اسم ابوك وعايلتك
قطع عليهم دخول هاجر و سحاب من وراهم
: هلا هلا
رتيل' بتوتر ناظرت بهاجر '
محمد ' الي فز قلبه من شاف سحاب ولاشعوري قال ': كيفك سحاب
سحاب 'ابتسمت': الحمدلله بخير ، ومبروك على الزواج الله يوفقكم يارب !
محمد: امين !
هاجر 'بتمثيل ': اقول ياسحاب شكلنا خربنا على العرسان جوهم !
سحاب 'ضحكت ': شكلنا
رتيل ' عضت على شفتها بقهر '
هاجر ' مسكت يد رتيل': تعالي بس لاحقين على بعض خلي البنات يشوفون زوجة اخوي المزه
ضحكت سحاب: تهبل زوجة اخوك وش زينها والله !
'صد عنهم وقلبه يحس بضيق !'
ـ
ـ
بأمريكا تحديداً العاصمه /
واقف عند البلكونه ويكلم: ماشاءالله عالبركه
محمد: الله يبارك فيك ، عقبالك
فارس: امين
عبدالعزيز دخل مدرعم : وشو وعقبالي بعد انا
فارس' ابتسمت': وعقبالك بعد انت
محمد: ذا عبدالعزيز هف اسمه سطرين تعبت
وانا اقوله
فارس' ضحك'
عبدالعزيز: ادري ادري انكم تحشون فيني قوله اسمي ازين من خشتك
فارس'بضحكه': عبدالعزيز استلمك يا محمد
الله يعينك عاد
محمد: ياكرهه هالبزر بعد وشلون معاشره انت
فارس: مدري احبه هالدب
عبدالعزيز: دب بعينك بالله وين السمنه معه
وانت كل يوم مجوعني بس ناكل بيض بنبيض
من كثر ماناكل بيض !
فارس ' ضحك': ايه يخب عليك بعد !!.
ـ
ـ
بالرياض /
سحاب: ايه مادرستي يعني جامعه؟
رتيل: الا درست بس سنه ووقفت وان شاءالله
برجع اكمل
سحاب: ايه زين
هاجر: يممه ونااااسه ذي اخر سنه وه فككه !
سحاب: بتتخرجين وتطفشين صدقيني
هاجر ' ابتسمت ':اهم شي انام واسهر وانا مرتاحه يختي
ميهاف: يالله هانت حنا بقا لنا ثلاث سنوات هه
لا تكشخون علينا بس
هاجر: اووح ثلاث مرره مطولين
سديم: يمكن انتي تسقطين وتدرسين ترم اااه
يأني بستانسس
هاجر: قممت النذاله بذي الانسانه
ـ
ابو محمد: ترا علمت خوالك الجمعه بعد بكرا الملكه
محمد ' سكت وشرد بذهنه ، ماصدقت على الله اصيد واحد من اهلها الا وابوي حدد موعد الملكه وش هالحظ؟؟ الظاهر مالي مفر منك يارتيل !'
ـ
ـ
بأمريكا
ـ
فارس: هاه شيكت على كل شي
عبدالعزيز: يس يس براذر فارس يوم السبت حنا
في السعودي ان شاءالله
فارس 'تنهد': ايه زين
عبدالعزيز: فارس ترا الرجعه لسعوديه من امريكا
مو هينه والله متأكد تبينا نرجع
فارس: ايه انا ابي ارجع عزوز اذا ماتبي ترا عادي
انا اقدر ادبر نفسي
عبدالعزيز: لا والله رجلي على رجلك بنرجع بس
هاه ترا بتروح معي لبيتنا
فارس : حتى برياض ناشب لي !
عبدالعزيز : ماقدر على بعدك دقيقه !
فارس : يا الله بسس
' ضحك عبدالعزيز وهو يدف كتفه '
ـ

يوم جديد/ بتوقيت الساعه 6:00 ص
بغرفه سديم |
'كانت هاجر تطق الباب عليهم': سديمموك
افتحي لي الباب ووجع .. سديمم.. يالله قوومي ..تأخرتي على الجامعه..سديمووه
سديم 'مفتحه عين ومسكره عين': وتبن ان شاءالله
هاجر' ابتسمت': يالله يا عمري لا تتأخرين
سديم' سكرت الباب بوجهها وراحت للحمام
وانتو بكرامه، تغسل '
هاجر: عممما !! ياهو افتحي ابي اقوم رتيل بما
انو اليوم عندي اف رح نطلع نفطر !
ـ
ام محمد: سديم ماما لازم تفطرين يالله
سديم: ماما مااشتهي والله
هاجر: رتيل قامت
سديم: لا
هاجر: لييه
ام محمد: وش تبغين في البنت
هاجر: مشتهيه كذا طلعه صباحيه بنروح نفطر
محمد: يالله بس ماعندنا بنات يطلعون الصبح
هاجر: نعممم؟
محمد ' يتكلم وفيه النوم ': ايه انا اقول تروحين تنامين ابرك لك يالله
هاجر: الحين انا مواصله ومتعبه نفسي عشان ذا الفطور وبالأخير تجي انت بارده مبرده تقول مافيه طلعه سلاممممات؟
ام محمد: بس بس بالعه رادوا انتي وانت قوم
وصل اختك للجامعه وروح الدوام يالله
محمد: يالله سديم نمشي ازين من الناس الفاظين
هاجر' ضحكت': الناس الفاظيه على قولتك بيطلعون يستانسون مو مثلكم بتنكرفون
سديم: اننن !
محمد' كاتم ضحكته على شكل سديم المنفس': بعد قلبي المنفس والله
ـ
هاجر: رتتييل..يارتيل يالله قووومي تكفييين
رتيل: هاه هاه شتبين؟
هاجر' ابتسمت': قومي نطلع نروح نفطر
رتيل ' الي رجعت تكمل نومتها':هاجر يا فظيييكك
هاجر: انتتتي ماتملين قووومي معي بس هالمره
رتيل: خلاص خلاص بقوم اوف
هاجر: يالله بروح البس عباتي دامك تقومين .
ـ
ـ
في أمريكـا /
عبدالعزيز: ان شاءالله يممه..ايه ايه السبت
عندك .. يبعد قلبي ..ابشري..فمان الله
' نطق بعد ماسكر منها': امي متحمسه لجيتنا
اكثر منا
فارس ' ابتسم': يزينها كان خليت الرجعه يوم الجمعه السبت شكله مطول
عبد العزيز'ضحك بالعانه': مو على كيفي الحجز طيب
فارس: ايه واضح
عبدالعزيز: وفي نفس الوقت ماابيك تحظر ملكه محمد
فارس ' شهق بصدمه': انا شفت ناس نذلين بس مثلك ماشفت
عبدالعزيز: ايه والله بعد انا الي مصلح كل شي واخر شي نرجع وتروح لذا وتسحب علي
فارس ' ضحك': عزيز كنك بزر
عبدالعزيز: اوص بس قوم سو لنا قهوه من ايدينك الحلوه
فارس: والله
عبدالعزيز: ايه تكفى اف مشتهي كاكاو كندر
فارس: قوم جيب لنا شقليطات واصلح لك قهوه من ايديني الحلوه
عبدالعزيز: بشتري لي ذاك الكاكاو الابيض احبه
بس لين الحين ماعرف اسمه
فارس'ضحك': طيب يالله .
ـ
في السعوديه /
رتيل: فيه احد يروح لسوق الظهر؟
هاجر 'ضحكت':ايه انا
رتيل: كنت اقول بنفطر وبرجع اكمل نومتي فجأه طلعلنا السوق
هاجر: لاحقه على النوم حبيبتي الحين تعالي ندور لك فستان
رتيل: يعممتي اي فستان امشي بس للبيت
هاجر: ياربيه من هالبنت بكرا ملكتك وانتي ماتجهزتي
رتيل' بصدمه': بكرا ملكتي !!!
هاجر: اييه ،، تعالي نشوف هذا المحل
رتيل: هيي وش الي نشوف المحل، بكيفكم تقررون انتم
هاجر ' ناظرت رتيل بصدمه ، ومسكتها عالجنب ': رتيل حبيبتي فكري فينا ترانا حبيناك والله واعتبرناك اختنا بعد ولا نبغاك تروحين من عندنا يمكن هذا الشي يضايقك بس والله اسفين، فكري بناس الي بتطلع علينا كلام بنت غريبه ساكنه معهم، ومحمد وابوي مو محرم لك مايصلح تكفين ارضي بالي بيصير تكفيين ! .
ـ
" عند بطلنا و ابوه "
محمد ' تنهد ': ايه يبه مانسيت
ابو محمد: فارس عرف
محمد: لا ودي اذا رجع اقوله
ابو محمد ' تنهد ': زين
محمد: تتوقع بياخذها معه!
ابو محمد: لا هي رح تكون زوجتك مايقدر ياخذها بس اذا يبغها ياخذها يطلعون مع بعض يستانسون
محمد: طيب يبه ، الحين رتيل ولقينا اخوها وش رايك ياخذها ويرحون
ابو محمد: افهم من كلامك انك ماتبغا البنت ؟
محمد: لا..لابس انا اقول ماله داعي اتزوجها
ابو محمد: لا والله واذا لقينا اخوها حنا حبينا البنت ونبغها تصير زوجتك فيها شي ذي واعتبر هذا الشي الي سويته معروف لصديقك وسترت على اخته
محمد 'تنرفز': ايه فيها ، فيها اني انا الضحيه الي باخذ بنت ماابيها مو من اختياري!
ابو محمد: اذا تزوجتها رح تحبها وتعجبك معاشرها انت ؟ لا تحكم على البنت يا محمد !
محمد ' تنهد وسكت '
ـ
في بيت ابو عبدالله |
سحاب: يازينها رتيل والله كيوت
ميهاف' ابتسمت': صادقه والله مره تجنن
سحاب: اقول يمه
لفت عليهم ام عبدالله: هاه؟
سحاب: محمد ولد خالتي عاليه ليه ماسوا عرس وكذا !!
ام عبدالله: تقول انهم مستعجلين وانو محمد بيسافر واذا رجع بيسون لهم زواره كبيره يعني
عرس لهم
سحاب: اها
ميهاف: ايه حلو
ام عبدالله: عاد اشوف خالتك تقول عازمين خوالك بكرا شكلهم بيتعرفون على اهل العروس
سحاب: يمكن .
ـ
واقفه عند البلكونه وتفكر بكلام هاجر
: انا وش جابني عندكم؟ متى ياافارس تجيي متتى ابي اروح معكككك ماابي اجلس عندهم ماابي .
' دخلت عليها بدفاشه سديم '
فزت بخوف ' تنرفزة':وش فيك خرعتيني!
سديم: اسفه يا قلبي بس جيت بقولك انو بكررررا العائله الكريمه كلهم بيجون عشان ملكتك انتي ومحمد
رتيل ' نزلت راسها بهم '
سديم: رتيل..؟ وش فيك مااشوفك مستانسه
رتيل: وانتي شايفه وضعي يستاهل استانس
سديم' عقدة حواجبها': ماني فاهم عليك ؟
رتيل' تنهدة': مانتي فاهمه ولا رح تفهمين لانك ماتحسين فيني
سديم: رتيل انتي متضايقه
رتيل: بنام تصبحين على خير
سديم: وانتي من اهله تلحفي زين ترا الجو بارد برا !.
ـ
يوم جديد /
بتوقيت الساعه 12:30 ظهراً
قامت بطلتنا رتي راحت واخذت لها شور وطلبت لها قهوه ،
دخلت عليها هاجر: مساء الخير لأحلا رتوووول بدنيا
رتيل' ضحكت': مساء النور
هاجر' جلست وبراحه': لالا اليوم البنت مروقه دوم دوم
' ابتسمت رتيل بمجامله'
هاجر: ترا كلمت الكوفيرا ان شاءالله بتجي العصر
رتيل' ارتبكت يوم تذكرت انو اليوم ملكتها '
ـ
سديم: ماااامااا
ام محمد: هلا سديم
سديم: اروى تأخترت مرره متى يمدي اروح اجيب الكيكه والورد والشقليطات
ام محمد: وين هاجر؟
سديم'بطفش': هاجر مع رتيل
ام محمد: خلاص شويات ان شاءالله وتجي اروى
سديم: طيب اتصلي عليها 'دخلت عليهم اروى '
سديم: واخيراً شرففتي
اروى: وش اسوي رحت للصيدليه اجيب اغراض ليزيد تعبان
سديم' ماسكه يزيد': يوومه يوومه اسمله عليهم التعبانين والله
اروى: يالله عطيه امي عشان نروح تأخرنا
سديم: يالله
ـ
بتوقيت الساعه 5:00 العصر
الكوفيرا تصلح شعر رتيل
هاجر' ابتسمت': صلحي لها احسسن شي
عندك
الكوفيرا: اصلن الانسه رتيل بتجنن ماشاءالله
هاجر' بضحكه': حركككات حرررككات ايه هاذي زوجت الغالي اكيد بتصير حلوه وتاخذ العقل
' استحت ونزلت راسها '
دخلت عليهم سديم بتعب': واخيراً خلصنا هاجر ' تحط مناكير ': نعيما، اسمعي ترا اغراضك عندي بالغرفه مكياجاتك وكل شي سديم: ايه زين باخذ شور واروح
هاجر: ولو اني استحليت بعض الاشياء بس وش اسوي هه
سديم'ناظرتها بنص عين': كم مره اقولك لا تجينهم
هاجر 'ابتسمت': ارواجك تفتني الوانهم
سديم ' ناظرتها بقهر ومشت '
ـ
بالمستشفى | بمكتب محمد /
' دخلت عليه الدكتوره هيفاء زميله له ':السلام عليكم
محمد ' نزل الكتاب الي يقراه ': هلا هيفاء
هيفاء: هو انت مو من صجك اليوم ملكتك وانت قاعد تقرا بهلكتاب قووم يالله
محمد' ابتسم': طيب عادي كلها خمس دقايق ترا واجهز مايبيلها
هيفاء: شنوو الي خمس دقايق!! لازم ترد البيت ترتاح عشان اذا يا وقت الملكه تصير مروق
محمد: اوكي الحين بقوم خلاص
هيفاء: يالله بسرعه
' طلع محمد من المستشفى بعد ماباركوا له اصدقاه الي بشغل بيوم ملكته '
ـ
بتوقيت الساعه 8:00 م
دخلت ام محمد معها البخور
محمد' ابتسمت لها '
ام محمد: الله يوفقك يا وليدي ويتمم لكم على خير
محمد: امين
ام محمد: محمد بنبهك على شغله
محمد: امري يمه ؟
ام محمد: يمكن انت الحين من جواتك مو مستانس تجامل لنا عشانا زوجانك وحده مااقتنعت فيها ومو من ذوقك بس صدقني ترا البنت مرره طيبه واخلاق ومن وجهها البريئ صدقني ان شاءالله بتحبها بعد الزواج
محمد: هه وذولي يمه الي وجيهم في كميه من البرائه من جوا ماتدرين عنهم
ام محمد: محمد !! حنا اهلك واكيد نتمنا لك الخير ونبي مصلحتك ولا تحكم عليها وانا ماتدري وش جواتها
محمد' تنهد بنرفزه وسكت '
ـ
بغرفه سديم/
لبست رتيل فستانها لونه وردي يميل على اللحمي شوي و طويل ماسك على جسمها واكمامه طايحه على الكتوف ومن تحت عن الركبه فيه كسرات بسيط وله ذيل طويل لبست كعب عالي واكتفت بساعه وحلق لونه فضي وعقد مرصع بألماس 'رشت من عطرها المفضل "
ـ
دخل عليها ام محمد: هاه جهزتي يارتيل رتيل' برتباك': ايه خالتي
ام محمد: ماشاءالله وش هالزين يابختك يامحمد والله ، جبتلك عصير يهدي اعصابك شويا
رتيل: ااء خالتي
ام محمد: هلا؟
رتيل 'تفرك بأصابعها برتباك': فارس اخوي بيجي؟
ام محمد ' استغربت وبنفس الوقت ماعرفت وش تقول': والله يابنتي ماادري بس اتوقع لا
رتيل ' الي خاب ظنها وبحزن': لييه؟ ليشش طول ماجاء
ام محمد: ماعليه يابنتي انا بسألك محمد وارد لك زين
رتيل' هزت براسها بطيب'
ـ
بامجلس الرجال /
ابو حمد: الف مبروك يا محمد الله يتمم لكم على خير
محمد' ابتسم': امين الله يبارك فيك يا خال
ابو معاذ: مبروك ياولدي الله يوفقكم يارب
' باركوا له كل الي في المجلس '
ابو محمد ' بهمس لمحمد': محمد ترا البنت جاهزه روح شوفها
محمد: لازم يبه ماله داعي
ابو محمد' بصدمه': تستهبل انت اظاهر !!
محمد: لا يبه بس والله ماله داعي
ابو محمد: انا اقول تقوم يعني تقوم ياالله روح اقعد مع شوفها سولف معها ادرسها شوي ياالله
محمد'تنهد بنرفزه': طيب طيب خلاص' وقام '
ـ
بالصاله عند الحريم /
الجده' كانت رتيل جالسه جمبها'
:الف مبرووك يا بنيتي الله يوفقكم ويتمم لكم
على خير يارب
رتيل ' بهدووء': آمين
الجده: اقول عاليه وينه محمد ابي اسلم عليه وابارك له
ام محمد" برتباك": ههلا يخاله ايه هو الحين بيدخل للمجلس عشان يشوف رتيل وتدخلين تسلمين عليه
الجده: ايه اجل زين
ـ
بالمجلس الثانيه/
دخلت ام محمد وماسكه يد رتيل، محمد ' ارتبك شوي وناظر امه '
ام محمد: يالله انا بخليكم لحالكم اجل ،
محمد: رتيل كيفك
رتيل ' رفعت عيونها بخوف وبهدوء ردت': الحمدلله بخير
محمد' ابتسم بهدوء كانت رتيل كيوت مرره، نعومه وملح وزياده على كذا خجلها غطاء عليها .
محمد: رتيل بصارحك بموضوع بس اتمنا مايضايقك
رتيل 'رفع عيونها له'
محمد' نزل عيونه عنها وكمل': اعتقد انك تعرفين ليه تزوجتك ، واكيد اهلي دامهم يحبونك يتمنون لك الستر وكل خير ، ' تنهد بحزن' رتيل اذا شكى العاشق ماينلام صح؟
رتيل' بصدمه رفعت عيونها له '
محمد' ارتبك وبكذب ': كنت بس الحين لا طبعاً ، يعني بعد زواجنا ان شاءالله بيتغير كل شيء
رتيل ' ناظرته بستغراب ': ان شاءالله
' عم الهدوء عليهم '
رتيل ' رفعت عيونها له والتقت عيونهم في بعض '
' ابتسم محمد بمجامله
' ماتنكر انها خقت مع هالابتسامته '
محمد' مازال مبتسم': شفيك؟
" قطع عليهم دخول سديم المدرعه "
سديم ' مبتسمه ': جدتي بتسلم عليكك ، وينك يا جده
قام محمد وراح باس راس جدته وسلم عليها
محمد: كيفك وكيفك الصحه ان شاءالله انك بخير
الجده: اللهم لك الحمد بخير ونعمه و على البركه الله يوفقكم يارب ويتمم لكم على خير
محمد' ابتسم لها ': امين
سديم' مسكت يد رتيل '
محمد 'يناظرها بستغراب': سلامات اتركي زوجتي !
سديم: خلاص يكفي البنات بيشوفونها
باااي 'وطلعو'
الجده' جلست على الكنب ': تعال بكلمك بموضوع
محمد: امري يا جده؟
الجده: الحين انت مقبل على زواج صح
محمد' تنهد ': صح !!
الجده: يعني سحاب تشيلها من راسك
محمد ' بقهر': والله؟
الجده: ايه وشفيك؟! ياولدي البنت ماتدري عنك والله وحرام تفكر فيها ٌوتضيع حياتك
محمد: كيف انسها
الجده' ابتسمت': بتنسها من رتيل بتنسيك سحاب وطوايفها ان شاءالله، رتيل بنت ماشاءالله عليها جميله و اخلاقها وسلوبها حلو ، مع الايام بتنسها بس سحاب لاتحطها في بالك اتفقنا
محمد' تنهد ': ان شاءالله
الجده: فمان الله اجل
محمد: مع السلامه
'دق جواله'
محمد: هلا فارس
فارس: هلا فيك على البركه الله يتمم لكم على خير
محمد: الله يبارك فيك ، متى الجيه فارس: بكرا ان شاءالله
محمد: عاد سير علينا
فارس: اكيد افا عليك
محمد: جيب معك عزيز
فارس' ضحك': اجيب عزيز !
محمد : اي احس اني مشتاق له
فارس :وش صاير بدنييا !
محمد ' ابتسم بهدوء !'
ـ
بتوقيت الساعه 1:00 الليل /
رتيل كانت صاحيه وجالسه عند البلكونه
وتفكر بكلام محمد اليوم !!
' شكله كان يحب ، امم مين ذي الي كان يحبها ، تنهدة؛ ياترا محمد صادق بكلامه يوم يقول بعد الزواج بيتغير كل شي! تجيها افكار واحاسيس
وشك طردتهم من بالها وقامت طلعت للمطبخ
عقدة حواجبها بستغراب من الازعاج الي بالمطبخ
بكسل': شتسوين انتيي؟!!
هاجر' تقطع سلطه': هلا برتولتي واخيرا جاء معي احد ياكل
رتيل: ايه تصدقين عاد جعت وش مسويه
هاجر: وفيه غير المكرونه بسوي مكرونه جبن مع دجاج يالله يالله ياحلوه قطعي لي ثوم بنصلح الدجاج احسن من وقفتك هنا
رتيل' بصدمه': اقطع ثوم !! ماتستحين انتي اليوم انا صرت زوجه لأخوك تقولين لي اقطع
هاجر: وخير يا طير وذا زوجه محمد شسوي لك انا
رتيل: لا ماابي عطيني اكمل السلطه
هاجر: اوكي يالله
رتيل: اقوول
هاجر: هاه!!!
رتيل: الحين انتي مو عندك جامعه وش مسهرك ؟
هاجر: بروح مواصله واصلن برجع بدري عادي عادي سهلات !
رتيل: مره سهلات مره .
ـ
ـ
بأمريكا /
وبتوقيت الساعه 5:30ص
فارس: كنهم طولوا
عبدالعزيز: يالله انت وش فيك ماتصبر
فارس: هف طيب اذا وصلنا السعوديه تتوقع كم الساعع بتصير ؟
عبدالعزيز: امم نقلع 6 الحين نوصل لسعوديه 6 المغرب
فارس: الله يعين قم جيب لنا فطور جعت
عبد العزيز: والله؟
فارس: تكفى يالله
عبدالعزيز: اوكي
ـ
بالسعوديه /
بتوقيت الساعه 12:00 م
رتيل: هلا بزين كيف اختبارك
سديم: ايه ماشي حاله
رتيل ' ابتسمت': شكلك جايبه العيد؟
سديم: يعني شوي مو كثير
رتيل: طيب انا وهاجر بروح السوق العصر تجين معنا
سديم: لا والله بنام ' وغمزت لها' بااااتسر بغييييب
رتيل: زيننن
سديم: اللله بقهررر هجيررر التبنه قاهرتني
رتيل: قدااام
" هاجر من وراهم "
: كني كني والله اعلم سمعت اسمي
سديم' بثقه ': اي نعم كنت اقول انو بغيب بكرا عشان اقهرك
هاجر'ضحكت بقوه: حتى انا بغيب بكرا
سديم' بصدمه ناظرتها'
رتيل' ضحكت ': لم تزبط معنا يا سديم
سديم: عادي عادي المره الجايه
ـ
عائله اول مره نجيهم /
عائله عبدالعزيز ، صديق فارس
ام عبدالعزيز: فرح يا فرح
فرح: هلا يممه؟
ام عبدالعزيز: ماقالك اخوك متى يجي
فرح' ابتسمت': يقول المغرب يمه
ام عبدالعزيز: رتبتي الملحق
فرح: ايه يمه سويت لهم كل شي حتى تخيلي
سويت حلا
ام عبدالعزيز: يابعد قلبي
فرح: اوامر ثانيه
ام عبدالعزيز: لا شكراً
فرح: يالله اجل بروح انام .
ـ
نزلوا من السياره وقابلهم محمد/
محمد: ماشاء الله طالعين
هاجر: ايه رحنا السوق نجهز لعروستنا
محمد: كيفك رتيل
رتيل' بهدوء': تمام
محمد: تعالي بكلمك شوي
رتيل ' ناظرته برتباك '
هاجر ' ابتسم ': اخليكم لحالكم اجل
ـ
سديم: هلااا بططش ورش شوفي بس السناعه مسويه حلا
هاجر: يبعدد تسبدي والله
سديم: وين رتيل اجل
هاجر: مع محمد يتكلمون بموضوع .
سديم: اها
دقايق و ' دخلت عليهم رتيل '
سديم: هلا بالزين
رتيل ' بفرحه': هلا فيكك يعمري، بنننات اخووي فارسس بيجي اليوووم
' البنات فزو بفرحه ': صدددق
رتيل: اييييه
' نزلت عندهم ام محمد '
: سلام عليكم
؛ وعليكم السلام
هاجر: ماما تعرفين من رح يجينا
ام محمد: مين؟
سديم: فاارس اخو رتيل
ام محمد': جدد؟
رتيل: اييه
ام محمد: الحمدلله على سلامته
رتيل: الله يسلمكك خالتي
ـ
انتهى ، توقعاتكم ؟؟ .

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 03-02-2019, 09:54 PM
Sweetlce9 Sweetlce9 غير متصل
©؛°¨غرامي جديد¨°؛©
 
الافتراضي رد: روايه : " يابو العيون السود ، الليل وحشه بدونـــــك"


حلوة
استمري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 07-02-2019, 06:47 PM
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روايه : " يابو العيون السود ، الليل وحشه بدونـــــك"


مساء الخير .. عزيزتي كملي البارتات بنفس الموضوع الاصلي ممنوع تفتحي اكثر من موضوع لنفس الرواية

يابو العيون السود الليل وحشه بدونـك/بقلمي

نزلي نفس البارتات بموضوعك الاول وكمليها فيه

لللارشيف

الرد باقتباس
إضافة رد

روايه : " يابو العيون السود ، الليل وحشه بدونـــــك"

الوسوم
روايه : " يـابو العيون السـود ، الليـل وحشه بدونـك"
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
قيام الليل رضآك يـآـرـب مواضيع إسلامية - فقه - عقيدة 8 27-09-2017 07:33 AM
روايه في الحـرب لا تـذبلي!/بقلمي ما عرفوك صح يا توأمي روايات - طويلة 29 09-06-2017 02:16 AM
حركه خطيرة جدا تقتل المتعة بين الزوجين [ فانتبهوا منها ] سموانسان الحياة الزوجية - الحمل - مشاكل الزواج - خاص بالمتزوجين 6 27-07-2016 05:40 PM
رواية الى متى وأنا اناظر فيكك ريميه * روايات - طويلة 18 14-07-2016 08:43 AM
كيفية صلاة الشفع والوتر وقيام الليل والتهجد Cold night مواضيع إسلامية - فقه - عقيدة 4 03-04-2015 05:17 PM

الساعة الآن +3: 01:21 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1