كل شي احبهه ©؛°¨غرامي جديد¨°؛©

البارت الاول



من اهني تبدأ قصتنا إلي مالها نهايه ، احنا أربع بنات قراب من بعض وايد ، وكل وحده فينا لها شي، يعني مثلا مهره وحنان علاقتنا ماشيه ( يعني مستمره ) مزنه غيرعنا كلنا يعني ما تحب سوالف الحب و الخرابيط هذي ،أما منال مالها شي محدد يعني كل يوم شي << تعريفيه بسيطه عنا ههه >> راح تعرفون كيف و شو سوينا عشان نوصل لحالتنا و كل شي .



إنفتح باب الغرفه فجأه و دخل نصووور و هو مسوي عمره معصب و اونه يبا يكسر الدنيا علينا و كلنا صدينا عشان نشوف منو فتح الباب جي ، و كانت حنان واقفه و الباب وراها!

ف عصبت و صديت ورى و قلت لا ارادي : سيييييييف

و حزتها توترت و كنت على وشك اني اصيح
قلت في داخلي: اويهههه انا شو قلت انا جبت العيد و امه بعد.

الله لا يرويكم اشكال إلي قاعدين إلي ويها مصدوم و إلي ويها مافي تعبير من الصدمه ، و طبعا بدت مهره ترقع السالفه و منال ومزنه كملو معاها الترقيع ، صحت حنان من افكارها ع صوت الباب إلي تسكر بالقو و ردت و صدت للبنات ، و إهنيي بدأ موضوع حنان ما أوصف لكم تعابير ويه حنان و هي مستحيه و بنفس الوقت ما تعرف شو اتسوي ( المهم ما علينا ) ، تجدمت و يلست ع اقرب غنفه ( كرسي ) ، و البنات بعدهم يطالعونها و مصدومين وكان هدوء

و فجأه راحت مهره لحنان و قالت : منو سيفففففف؟؟؟؟

حنان و حلجها مربوط ف هذاك الوقت ما تعرف شو اتقول ، و بعد سكوت بدت أتقول لهم سالفت سيف و كيف عرفته.
السالفه هي انه :: هذاك اليوم كانت قاعده اتكلم وحده من ربيعاتها و كانت اتكلمها عن حبيبها ف قالت لها : ياخي ريموووه أنا تعبت من حياتي خلاص أبا حد يديد يغير حياتي و نفسيتي السمم تعبت و أنا سنقل تعبتتتتتت ( وطبعا مدت اخر كلمه ههه ).

و صج هذا إلي صار المهم ، قالت لها
ريموه: تمام افا عليج عندي الموضوع بس ويت اتريي شوي.

و طلعت من المحادثه و فجأه شافت إضافه قبلت على طول بدون ما تشوف الاسم ، و طبعا على طول بدت استجوب و قعدت تسأل و شوي اتصلت لها ريم و ردت بسرعه قالت لها : شرايج بالحركه ضبطتج ولا ( و ضحكت ) ؟!

طبعا ويهها كان مافي اي ردت فعل و بعد ما سكرت من عند ريم كملت معاه سوالف و قعدو يسولفو و يوم ورى يوم قاموا يتعلقو ببعض و بعدين صارت بينا علاقه و صار ما يكمل يومها بدونه و طبعا هو من صوب حبيب ريم ف كانت كل سوالفهم مع ريم عنهم و هاي كل السالفه ، طبعا منال كانت ردت فعلها بارده ومهره طبعا متحمسه أكثر من حنان و مزنه بس قالت :والله كلام فاضي.......

كل شي احبهه ©؛°¨غرامي جديد¨°؛©

نسيت اعرفكم علينا اكثر ( حنان عمرها 19 سنه لسانها طويل و تقلب فجأه و محد يقدر عليها غير مهره يعني ف كل شي هي سمره و شوي طويله رموشها شوي طويله لكنها حلوه ، مهره 17 سنه ام مشاكل و ام لسان خروفه رقم واحد و لعابه رقم واحد و نفسيه اوفر و محد يقدر يقنعها غير حنون ،مهره حنطاويه شوي و تشبه حنون يعني بعد جميله ، منال عمرها 17 سنه اكثر وحده هاديه و بارده لحد الجنون اوفر يعني و طيبه وايد و يرتاح لها الكل هي بيضه و رموشها طويله يعني جميلهههههههه و كيوتتت ، مزنه عمرها 17 سنه اكثر وحده اتحب الاكل و ولا مره صارت نفسيه و تحب الباندا و شوي خروفه بس ما عندها سوالف حب ما حب بس تتخرفن، وهي نفس منال لكن امتن بشوي ، و طبعا نصور عمره 19 سنه شقراوي شوي و طويل و جميلللللل و مال مشاكل لسانه طويل و الي بقلبه على لسانه و صريح جدا لكنه يظل طيب وايد ، نحن اهل ، مهره تصير بنت خالتي و منال بنت خالتي الثانيه اما مزنه و نصور اخوان و يصيرون عيال خالي الكبير ، مهره اخت مزنه بالرضاعه يعني نصور بعد يصير اخوها يعني عادي يشوف شعرها و جي ، طبعا اكثر وحده ويا حنون مهره و منال اقرب وحده لها مزنه و بس ).



البارت الثاني




كان اليوم يوم الخميس يعني يوم تجمع العايله ف اجمعنا في بيت خالي الكبير يعني بيت قوم مزنه و نصور ، كنا كلنا يالسين و طبعا في صالتين ف بيت خالي و حده كبيره و وحده صغيره كانو الكبار يالسين ف الصاله الكبيره و نحن البنات و الاولاد ف الصاله الصغيره بس البنات ف صوب و الاولاد ف صوب ، كانت الضحكات و السوالف ماليه المكان ، لكن نصور مضايج و مهره حست بحزن فويه نصور و شي طبيعي ما تحب تشوفه متضايج ( لانه مهره و نصور وايد ويا بعض و كل واحد ما يرضى ع الثاني ) و طبعا مهره تعرف انه يحب........هي يحبها و يموت عليها ، تقدرون تقولون انه ( حب من طرف واحد ) مهره حلفت انها ما تخلي نصور بحاله لين ما يقول شفيه! شلت تلفونها و كلمته سناب قالت له:

مهره : شفيهم الحلوين متضايجين ؟

نصور : ما فيني شي ( هالكلمه اللي تفوز دايما لما تكون متضايج ( يعني انه العكس ههه يارب فهمتوا).)

بما انه مهره حلفت انها ما تخليه راحت و سحبته من ايده و شلته الغرفه ( طبعا محد حس فيهم لانهم منشغلين بالسوالف و الضحك )

مهره و هي عاقده حياتها : شوف يا نصور يويلك لو ما قلت لي شفيك!

نصور : قلتلج مافيني شي خلاص

مهره و هي معانده : لا تنكر أدري أدري فيك شي

نصور : .............( لحظه صمت )

فجأه ، نصور و بإنفعال : منو سيف ؟

مهره و هي ترفع حواجبها حقه : يعني جي سالفتك و ابتسمت ( و غمزة له )

قعد يتكلم و يفضفض لمهره و يتكلم بغصه : تعبتتتت 7 سنين و أنا أحبها و ما قادر اعترف ، في شي قاعد يمنعني وربي ما أنام إلا دمعتي بخدي ......نزلت دمعه حاره ع خده و على طول مسحها..... و قال من داخله : آآآآه يا حنان ليتج اتحسين فيني لو شوي ( عرفتو منو نصور يحب صح ؟ ههه ).

مهره ماحبت تشوف نصور بهالحاله و خاصتا انه نصور جريب منها وايد و قعدت اتواسيه .

نروح عند الكزنز ، ( خلوني اعرفكم على الشله ( بدر ) هذا اكثر واحد سخيف و وايد يحب ينكت هو قصير شوي و رموشه طوال ماشالله و عيونه شوي مسحوبه لكنه جميللل عمره 17 سنه و هو كان حب الطفوله لمنال ( هههههه ) يصير اخو حنان ، ( عزوز ) يصير اخو حنان الثاني طويل و ويه مدور عيونه شوي صغار عسليات حنطاوي شعره بني غامج طبعا مزاجي احيانا هادي و احيانا يفصل و عمره 18 سنه ، ( حمدان ) رموشه طوال حواجبه كثاف اسمر و طويل اكثر واحد يتضارب مع حنان بس طبعا مصخره و لسانه طويل و عمره بعد 17 سنه ) .

كنا قاعدين نسولف و نحش و نلعب و نتمصخر فجأه !
مزنه : نصور و مهوور وين ؟

منال بصوت كيوت : جنه لمحتهم فالغرفه اللي تحت !

بدر بدون ما يشوف منال : اها ..... شكلها مهوررر تضبط نصورر من ورانا ( هههه )
عزوز و هو يضحك : عقبال ما تضبطنا !

بدر و هو يضحك : طع راسك يا ريال أنت خدامتنا ما تباك

طبعا الكل ضحك ع كلام بدورررر
عزوز و هو ماد البوز اونه زعلان : اصلا الكل يتمناني ( و طلع لسانه لبدرر ).

بدر : اسكت بس اسكت
الكل لاحظ إن حنان سرحانه طول الوقت و بالها بعيد ( معروف تفكر بمنو ) القلب فدبي ( هههخ )
حمدان فلع حنان بعلبه كلينكس على راسها و تم يضحك عليها

حنان عطته نظره : نعم انت ؟ شكلك مب منضرب من زمان

حمدان : انزين و بعدين ؟ ( يستفزها )

حنان : مب فاضتلك ..... و صدت عنه الصوب الثاني

حمدان : لا دخيلج افضيلي

صرخت منال صرخه و كلهم صدوا عليها و انصدموا و اولهم بدر لانها اول مره تصرخ جي لانهم يعرفونها انها هاديه : خلاااااااص حشرتونا ( و خففت صوتها يوم حست بعمرها هههه ) الواحد ما يتأمل الغيوم بهالجو الحلو ؟
لحظه صمتتتتت.......طبعا منال فرحت لانها انتصرت و خلتهم ساكتين.
بعد دقيقه تقريبا دخلو نصور و مهره عند الشله

مزنه : هااااا ؟ شرفتوا ، أتوقع اني اختكم ليكون نسيتوني!

نصور و هو حزين شوي : ما نسيناج! بس كان في موضوع مهم.... و التفت وصد يطالع حنان الي كانت سرحانه و مبتسمه و رد والتفت للباجين و يلس عندهم
عزوز :قول عاد هالمره منو من اربيعات مهره تبا ؟
ضحك نصور من كلام عزوز و نسى سالفته : الله يخسك ههههه
مهره صدت و شافت بدر سرحان : بدوووووور قوم اطربنا شوي خل نفلها
بدر التفت لها و ابتسم : افا عليج بس شتبون ؟
مهره و بإنفعال : معلايه
منال بصوتها الهادي : لا لا .... نبا جاسم محمد حب من طرف واحد ذبحني

عزوز و متنرفز : سكتي دخيلج منال احنا وين و الرومنسيه وين .
مزنه : نبا اجنبي
حنان : مالنا غير عبدالمجيد عبدالله
نصور : يحبيبي حط حط اغاني ضيمم

حمدان : نبا شيلات فيني طاقه مش طبيعيه.
صدق يوم قالو كلن يغني على ليلاه

بدر : خلون امهاتكم يشغلون لكم عيل.

مهره : افا يا بدر افا

بدر : عذبتونا

مزنه : خلونا نروح نتعشى

مهره : هي والله قوموا


طبعا مزنه سالفتها سالفه لا يغركم سكوتها فيها ألف شي بداخلها بس ما تبا تبين طبعها جي مب قادرين انغيرها.

قبل سنه>

تاريخ 15/1/2018 حنان و مزنه و مهره و منال قاعدين فغرفه مهره يسولفو ، شلت منال التلفون و فجأه!!!
منال و هي مب مستوعبه : بنات ( و بلعت ريجها ) محمد بن........... انتقل الى رحمه الله ... و صدت على طول صوب مزنه الي مب مستوعبه الخبر و الدمعه ع خدها.
مهره و حنان : الله يرحمه يارب

بعد خمس دقايق !!!

مزنه : منو توفى ؟؟!

منال : محمد بن .....

فجأه تنفجر مزنه من الصياح مب قادرين نسكتها...و من كثر الصياح تعبت و نامت

مهره : ليش كل هالصياح ليكون تعرفه؟
حنان : شكله جي خ تقوم من النوم و بنعرف كلشي
منال :..........................( للحين مصدومه )
مهره : منال شفيج ساكته و متنحه جي
حنان : شوفي يويلج لو طلعتي تعرفين و مب راضيه ترمسين.
منال حاولت تدور طريقه تشرد من حنان و مهره
منال : بروح عند ماما بقلها شي
مهره : تعالي لا ارقعج
منال و صوتها كله حزن ع حال مزنه حبيبه قلبها : انا ما يخصني لما بتقوم سألوها
حنان : نزين انجلعي
منال : اصلا بنجلع بدون ما تقولين..........طلعت منال و راحت صوب الاولاد اللي يالسين رواحهم عشان شوي تستانس و طبعا الاولاد وايد يرتاحون لها لانها طيبه و يعني يعرفون كيف يعاملوها.

بعد ساعتين قامت مزنه من النوم ، كنا انا و مهره بالصاله و الكبار طالعين و منال ويا الاولاد ف الميلس اللي برع ، و سمعو صراخ!!!!!!!

مزنه و هي متقطعه من الصياح : محمدددد محمدددددد
و حنون و مهره من سمعوا تكسير خافو زود

مهره : بسم الله الرحمن الرحيم

حنان : قومي بنسير لها عن تسوي بعمرها شي

مهره : يلا
و ركضو و فتحو الباب عليها و شافو كلشي طايح و متكسر و مزنه دافنه عمرها تحت اللحاف و ميته صياح

مهره ركضت لها : مزنه حياتي شفيج من بدايه اليوم و انتي مب على بعضج

مزنه وهي تشهقق و تقطع : ا..با....مح..مدد ( وزاد صياحها )

حنان : و منو محمد ها ؟

مزنه :................( تصيح )

مهره : بتصل لمنال
و دقت مهره لمنال : منال انتي وين ؟

منال : قاعده ف الميلس ويا الاولاد.

مهره : تعالي بسرعه مزنه قامت

منال : يايه يايه الحين.....ركضت منال جدام الاولاد و هم يطالعونها و منصدمين انها ركضت جدامهم و هي و لا هموها اهم شي عندها احين مزنه حبيبه القلب.........وصلت منال و ركضت لمزنه اللي على طول من شافت منال حضنتها و قعدت منال اتطبطب عليها و تهديها إلين ما سكتت
حنان : مزنه بالهداوه قوليلنا شفيج ؟
بدت مزنه تقول السالفه و هي اتأتأ : أأ..ناا ( تقول السالفه و هي تصيح )وقفتها منال من الكلام: خلاص لا تكملي انا بكمل.....هزت مزنه راسها بانه اوكي.
منال بدت تقول السالفه عن محمد : سمعوني مزنه مره كانت رايحه بيت ربيعتها و ربيعتها بيتهم ملاصق من بيتهم ف هي كانت رايحه و يوم كانت خلاص بتطلع ما انتبهت و دعمت بأخو اربيعتها اللي هو محمد ف تأسفت له و هو تم يقول لا عادي و مادري شو واصلا محمد يقرب لقوم مزنه هو اخو عفوررر اذا اتعرفونها اكيد يعني اتعرفونها ........( شهقوا حنان و مهره لانهم يعرفون قوم محمد بس ما توقعو هالشي ) المهم و كل ما راحت مزنه عندهم و هو يتقرب منها زياده يعني يحبها لانه تصرفاتها و جي ف هو اتخبل و هي بادلته بنفس الشعور و طبعا خذو ارقام بعض و كانو كل يوم يرمسون و صاروا انه ما يقدرون يبتعدوا عن بعض و كان حبهم صادق و ما كان لعبان و محد يدري غيري و انتو احين عرفتوا و بس و اليوم الله اخذ امانته و الله يرحمه........و طبعا مهره و حنان وايد اضايقوو.....و مزنه كانت تسمع كل شي و تصيح زودد......وطردت منال مهره و حنون عشان تيلس ويا مزنه بروحهم............و اول ما طلعو يت و دفنت ويهها في حظن منال و تصيح و منال كسرت خاطرها مزنه و منال وايد حساسه صاحت ويا مزنه و بدت مزنه ترمس و هي بعدها دافنه راسها بحضن منال : ليش خلاني ليشششششش ماقدر اعيش بدونه ياناس والله ماقدر خلوني بموت وياههه احبههه والله احبههههه كان..كانن واعدني انه بنعيش و يا بعض و انه ما بفارقني ليش ما وفى بوعدههه ليششش اااااخ يا محمد ليش خليتني بروحي شلني وياك..........( تقول هالكلام وهي ميته صياح ومب قادره ) ....... و تمت منال اتمسح ع راسها و تقرا عليها لين ما نامت و رقدتها عدل و لحفتها و باستها ع راسها و طلعت.....( و احين نرجع لبعد سنه و الي هو الحين )........ اليوم15/1/2019 اليوم كمل محمد سنه من وفاته و طبعا ردت مزنه لصياحها و هم يسكتوها....بعدين طلعو عنها لانها نامت و كانو مقررين يسوون حفله لمزنه لانه قبل يومين كان عيدميلادها و عشان اتغير جو.......وقررو كلشي وين بسوو و من وين بسوو السويتات و الاكل من وين........طبعا الحفله بتكون في بيت قوم منال لانه منال ماعندها لا خوات و لا خوان يعني وحيده امها و ابوها.....و الاكل طلبوه من برع و حتى السويتات....راحو بيت قوم منال و جهزو كلشي بس باجي اييبون الزينه و الكيكه و انه مزنه اتيهم و بس........مهره بغت اتسوي حركه عشان نصور يكلم حنون ف راحت لحنان ركض : حنون دقي لنصور عشان اييب الكيكه باي انا بروح اكمل ويا منال...و هي تركض عن حنان : لاتنسي و الزينه بعد و تمت تضحك اتنرفزت حنان من مهره بس لانها مجبوره و مستعيله ف بتكلمه...و في هالوقت رن تلفونه و استانس نصور من شاف اسمها ع تلفونه و يرن و على طول رد: هلا حنون.......حنون: هلافيك..أممممم............نصوررر..........نصور: هلا؟............حنون :نبا منك طلب......نصور : آمروني!..........حنان : نحن طالبين كيك من......روح استلمه لنا عشان مزنه و خله الفاسدين يروحون معاك ياخذون اغراض للحفله........نصور: حفلهههه؟....حفله شوووو؟...حنان : عيدميلاد مزنه...بليز لا تتاأخرو و ترى الحفله بتكون ف بيت قوم منال ييبو الاغراض هناك......نصور : تمام....و سكرت عنه.
بدرر : اسمع حفله أنا؟!

نصور : البنات بسوون حفله لمزون!
عزوز : ليكون مب عازمينا ؟
نصور : مادري والله.
و راحو الاولاد و قسمو بعض اثنين راحو يستلمو الكيك و ثلاثه ياخذون الزينه ، و يوم خلصو يوو عند البنات و نزلو الاغراض و جهزو كل شي بس باقي انه مزنه اتيي، طبعا البنات ماخذين الهدايا لمزنه من زمان و الاولاد و هم بالطريج نزلو لهم مول و كل واحد خذ لمزنه شي عالسريع ، شوي و نصور زقر حنون و قال : نحن عادي اني وياكم؟ ..........حنون : هي عادي حياكم يلا دخلو......طبعا دخلو الاولاد و يت مزنه و استانسو و عطو الهدايا لمزنه و استانست عليهن كلهن.....يوم يا وقت الكيكه البنات خيسو ويه مزنه و الاولاد ميتين ضحك عليها و هي كانت رايحه تغسل ويها و بعد شوي ياها عزوز لانه الاولاد قلبو عليه و خيسوه وهي ما شافته و هو ماشافها و دعمو بعض بالقو و كانت مزنه بطيح ف هاللحظه و تدارك عزوز الموضوع و يودها من خصرها و سحبها و كان ويهه قريب من ويها و هو ماشالله عينه تجذب الواحد و مزنه ذابت من عيونه..................

كل شي احبهه ©؛°¨غرامي جديد¨°؛©

البارت الثالث


عزوز : اءءءءء اسف اسف
اعتدلت مزنه و عزوز سحب ايده بسرعه .
مزنه : امممممم لا عادي قلب.

مزنه حست بعمرها و ركضت لمنال...مزنهه و هي تتنفس بسرعه : منال منال لحقيني!

منال : بسم الله شفيج
مزنه : اتخيلي شو صار.......................( قالت لها السالفه من طأطأ لسلام عليكم هههه )
منال : شتتتت نور و مهند ع غفله ههاي
مزنه : سكتي بصيح
تمت منال تضحك على مزنه و مزنه تتطالعها بنص عين.

عند عزوز..
عزوز بداخله : جنه قمت احب البنت انا ( و ابتسم )!!!!..بسم الله الرحمن الرحيم بس كانت بتقول قلبي ههاي ( و بغرور خفيفي هه ) شكلها حبتني ( و ابتسم ).
بدر و هو ياي صوب اخوه : عزوز سنه سنه تغسل ويهك ؟؟
عزوز : احين طالع .
بدر : احنا قاعدين برع هاه
عزوز : تمام
بعد كم دقيقه..
طلع عزوز عندهم و عينه ما خازت عن مزنه!
مهره : عزوز عن تدعم بس ( تغمزله )
عزوز : هااا...اءءء..زين زين
نصور : ها شفيه؟؟هههه
مزنه : خلوا عنكم عزوز ، شرايكم باجر نروح المول جي كلنا يعني.
نصور : هي والله من زمان مب طالعين ويا بعض.
مهره : فكرتن منتازه ( قالتها بالسعودي )
مزنه : خلاص تم باجر العصر ، ( و هي كأنها اتهدد و ترفع صبعها ) محد ينسى يويلكم.
منال ببرود : زين فكرتوا تطلعون.
لاحظ نصور انه حنون سرحانه!!
نصور : حنان شفيج سرحانه؟؟؟
حنان : لا رددد.....
حمدان بدفاشه : ايههه يالسم ( صرخ ).
حنان : الله يغربل ابليسك من ولد.
نصور : شفيج هالأيام وايد تسرحين؟
حنان : ها! لا لا ولاشي
نصور و هو مب مقتنع : متأكده
حنان : هيهي
طبعا الكل كان ساكت و هم يسمعون كلام نصور و حنون ، و كل الاعين على حنان الي صدق حسو انها صايره وايد تسرح...بعد كم ساعه رجع كل واحد مع اخته ، يعني ناصر و مزنه و خذو مهره معاهم لانه بيوتهم جريبه من بعض و لانهم خوان بالرضاعه و عزوز راحو معاه خوانه الي هم بدر و حنون و خذو معاهم حمدان لانه بعده ما عنده ليسن وجي ، و منال تمت لانه بيتهم.
في اليوم الثاني تقريبا الساعه 4:30 العصر.....
مهره رمست فالقروب وقالت...
مهره : قايز يلا اتجهزو
نصور : انا عن نفسي مخلص
منال : انا بس باقيلي ميكب.
بدر بتهديد موجه للبنات : اللي بشوفها حاطه ميكب اوفر بتتصفع
مزنه : ما يخصك!!
عزوز : صح ما يخصك.
مهره : نصور تعال بالسياره الكبيره عشان اتكفينا.
نصور : تمام ، يلا انا بمر عليكم كونوا جاهزين.
مهره : مر علي اول وحده
نصور : تمام
مهره : مزنه يويلج لو قعدتي جدام.

فالسياره....
طبعا نصور يسوق و مهره صوبه اما اللي ورا صوب الجامه ع اليمين عزوز و صوبه مزنه و صوبها منال و بعدين بدر بس منال و مزنه لاصقين ف بعض عشان ما يلصقون ف الولدين اللي على الجانبين، و حنان و حمدان ( طبعا هالاثنين خلوهم ورى عشان الحشره الي يسووها دوم ) كان الهدوء عام على السياره..
و هم ف الطريج..
منال : نصوررررر شغل حب من طرف واحد ذبحني
( طبعا كل واحد سرح ف خياله من سمع اسم الاغنيه ، كل واحد متعذب هههه ).
نصور : هيي والله يباله مرهه ع العوق هه.
طبعا مهره و نصور على طول اطالعوا بعض.

بدت الاغنيه اللي خلت كل واحد ما يحب يحب غصب:

"أنساه لا ما فيني شايل غلاه بعيني خايف اقوله عن شعوري و اخسره ما بخسره"

بدا الحماس عندهم : بدت منال اتغني بصووت هادي بعدين كمل معاها نصور و علينا نحن الاثنين اصواتنا و بدت مهره ويانا و اتحمس الكل و بدا يغني ويانا

كلنا بصوت واحد : "ودي اقله احبك و اعيش عمري معاك نسهر نغني نعيش دنيا بهالحياه..حب من طرف واحد ذبحني كل ما اشوفه بغني الين يستوعب ابيه و ابقى معاهههههههه".( بعد كم دقيقه )

وصلوا المول..
البنات مع بعض راحن يتسوقن و الاولاد قعدوا فالكوفي.

عند البنات
حنون : اقلكم بروح الحمام شوي.
مهره : تمام بس لا تتأخري

عند الاولاد
نصور :اقلكم بروح شوي و بي.
حمدان : تمام
عزوز : ليكون مواعد ( و غمزله )!!
بدر :مسكين نصور وينه و وين هالحركات.
نصور : يلا انا رايح لا تتحركوا عشان ما اضيعكم ياليهال..و تم يضحك عليهم.

نصور و طريقه للحمام لقى حنان مع..... و كانت صدمه كبيره!!!

حنان : سيف ترى اللي قاعدين نسويه غلط.
سيف بخبث : ليش غلط؟؟
حنان : تخيل حد شافنا من اهلي.
سيف : محد بشوفنا...المهم
حنان : ها؟
سيف : متى بخطبج و نتزوج و نصير مع بعض؟؟؟
حنان و هي تتنهد : هي والله متى؟

عند نصور..
نصور و هو يكلم عمره : لازم اتصل لمهره
مهره : ها نصور ؟
نصور بحزن : مهره لحقيني انا قاعد اموت!
مهره بخوف : شفيك ؟ انت وين ؟
نصور : روحي روحي صوب الباركنات
مهره : تمام

عند الباركنات..

مهره : نصور تعال هني
نصور : مهره ما شفتي اللي شفته
مهره : شفيك تكلم ؟
نصور : شفت حنان مع واحد!
مهره وهي تشهق : سيففففففففف!!
نصور بعصبيه : سيف عيل لاه!!
مهره : ما عليه انت خلك ريلاكس!
نصور : ماقدر ماقدر
مهره : نصور بليز اهدأ
نصور بعصبيه انه خلاص بينفجر و بتهديد : خليها ترجع لا اقلب الدنيا عليهم
مهره : تمام بس انت ارجع عند الاولاد ولا تبين انه صاير شي لانه انته تعرف اخوانها كيف و امسح دموعك.."فدمعت عيناه و ما اقسى دموع رجل نزفت على حبه"
مهره تتصل لحنان...
مهره : حنان انتي وين ؟
حنان : الحين راجعه!
مهره : بسرعه!

عند حنان

حنان : سيف انا لازم ارجع عندهم.
سيف : تمام حياتي و ديري بالج ع نفسج
حنان : من عيوني
عند البنات...
منال : مهره وين رحتوا ؟
مهره : رحت عند نصور!
مزنه : ليش نصور فيه شي ؟
مهره : لا بس يباني اختار له قميص.
مزنه : زين خلونا نروح نقعد عند الأولاد
حنان : يلا نزين
فالكوفي...
عزوز و هو يطالعهم بنص عين : شرفتوا !
بدر و هو بعد يطالعهم بنص عين : كل ها شوبنق؟!
منال : هي هي في شي ؟
بدر و هو يبا ينرفزهم : هيهي
حمدان : يات ام كشه
حنان : ما يخصك
مهره تهمس ف اذن حنان
مهره : اباج بموضوع بعدين
حنان : تمام
طلبو اكل و يلسو ياكلو و بعد ما خلصو وقفو و تمو يمشون ( البنات جدام ع اليمين اول شي حنان بعدين مزنه بعدين منال اخر شي مهره ، الأولاد واقفين ورى البنات صفه وحده و وايد قراب من البنات اونه يعني كأنه بوديقارد بس لابسين كندوره ههه ، و يعني محد يقدر يتعرض او يكلم البنات فهمو عاد ههه ) قرر نصور :
نصور : شرايكم نروح السينما ؟
مهره صدت ورى عشان اتشوفه و اتكلمه : فكرتن منتازه ( سعودي )
بدر يطالعها و هو يهمس لانهم ف المول : ذبحتينا
مهره : جب و صدت قدام.
عزوز : نبا فلم رعب عاد
نصور : خلاص تم
منال صدت ورى : ايه عاد نخاف احنا!
مهره : وابوي عليج انا!
بدر عطاها نظره : لا تخافي احنا وياج ( وضحك )

دخلو الفلم و نصور قاعد ع اليمين اول شي صوبه مهره عقبها حنان و اللي بعدها عزوز و حمدان و بدر و اخر شي منال و مزنه.
الاندماج مب عند حد و فجأه يت لقطه اتخوف و ما يسمعوا الا صريخ منال و مزنه!
مهره : وابوي ع البنات انا اصطلبوا
الأولاد الضحك قاتلنهم من اشكال منال و مزنه و هم خيفانين وهم يعطو الأولاد نظره عشان يسكتو و الأولاد عشان ما يعصبو عليهم هالبنتين يكتموا الضحكه بالغصب
بس ! في شي غريب ان حنان اندماجها بالفلم مش طبيعي؟
نصور يهمس فأذن مهره : هاي مندمجه بالفلم ولا تفكر ( باستهزاء و بابتسامه حزن ) بسيفففففف!
مهره و بنفس همس نصور : علمي علمك
نصور و العبره خانقتنه : وربي فيني قهر
مهره : ما عليك انا برمسها و ابتسمت
نصور بترجي : الموضوع عندج!
مهره اطالعته بابتسامه و تأشر على عيونها : من عيوني
بادلها ناصر بالابتسامه!

بعد ما خلص الفلم تجمعوا فبيت مهره :
مهره : بنات ليش ما ترقدوا اليوم كلكم عندي ؟
منال بحماس : كشخه بس خ نكلم امهاتنا!
حنان بنفس حماس منال : هي والله محتاجين هالشي!
مزنه و هي توقف و مستعده انها تركض : انا رايحه ارمس امي

عند الحريم :

مزنه و هي تركض : امااااااااااه...اماااااااااه!
ام نصور : قولي من الحين كم تبي ؟
مزنه :مابا بيزات...بس بطلب منج طلب لا ترديني
ام نصور : قولي خلصيني
مزنه : بنام عند مهره اليوم
ام نصور : الشور مب عندي
مزنه و هي عاقده حياتها : عند منو ؟
ام نصور و هي اتأشر : عند ام وليد
ام وليد تصير ام مهره و طبعا وليد راح تعرفون عنه بعدين
او وليد : خلاص تم و كل البنات راح ينامون هني !
ركضن البنات لخالتهم و حضنوها :
حنان : حياتي خالوه والله
منال : فديتج والله
مزنه : فديتتتتتتت..امي الثانيه!
ام نصور : يلا روحو قولو لنصور يوديكم تاخذوا ملابسكم
ام وليد : ماله داعي ملابس مهره تكفي و توفي
حنان : لا خالو نبا نطقم
ام وليد : والله انتوا يالبنيات مصيبه
منال : انا ما برمس نصور مب متفيجه
مزنه : حنان محد بظبطنا غيرج
حنان : الموضوع عندي ( ضحكت ضحكه شر و غمزت لهم و الحريم و البنيات ضحكن على حركاتها )

عند الأولاد...رن تلفون نصور
نصور : هلا حنان ؟
حنان : نصور يصير تاخذنا بيوتنا ؟
نصور : و امهاتكم وين ؟
حنان : لا لا بنييب لنا ملابس
نصور : ملابس حق شو ؟
حنون : وايد تسأل!
نصور : خلاص خلاص زين بس تخلصو بسرعه
حنان : فديتتتتت..ولد خالي
مهره فتحت عينها و ضربت حنان بقوطي كلينكس
حنان : بالغلط
نصور : يلا عاد
حنان سكرت عنه
حنان : يلا بنات
مزنه : كيف وافق ؟
مهره : يعني ماتعرفي حنان
طبعا بعد ما مروا بيوتهم وصلو بيت ام وليد....
مهره : ليش كل هالتأخير ؟
مزنه : محد اخرنا غير منال
حنان : فيها برود مش طبيعي
منال : أقول جب جب ( و عطتهم نظره ) و هم ضحكوا بدال لا يسكتون.
مهره : ترى امهاتكم راحوا
حنان : متى ؟
مهره : قبل شوي المهم يلا خ نروح غرفتي
منال : من الحين اقلكم انا بنام فوق الكرفايه ( السرير )
مزنه : مب كيفج انا اللي بنام مع اختي
حنان : أقول محد بنام فوق غيري
مهره : ههاي حبايبي ترى ما بنام فغرفتي
منال وهي عاقده حياتها : عيل وين ؟
مهره : مجهزه لكم الميلس الصغير
مزنه وهي عاقده حياتها : مجهزه!!!!
مهره : سويت لكم بوب كورن و جهزت فلم و ككاوات هالسوالف يعني
مزنه : كفو عليج
مهره : يلا روحو بدلو!
فبيت ام نصور!
نصور : اماايه البنات عندهم شي ؟
ام نصور : هي بينامون عند مهره
نصور : هي زين...نزين ابوي متى برجع؟
طبعا أبو نصور... يعني سوالف الجيش وجي
ام نصور : مادري والله
نصور : تمام...انا بروح انام تبين شي؟
ام نصور : لا حبيبي سلامتك
باس راسها و راح ينام
عند البنات فالميلس:
مهره : يلا بديت الفلم
حنان : ويت ويت البوب كورن لازم صوبي
منال : بليز لحد يرمس نبا نندمج!

مهره منسدحه اول وحده ع اليسار و صوبها حنان بعدين منال و صوبها مزنه......( بعد ما خلص الفلم )
مهره : منال و مزنه فسابع نومه
حنان : اوففف فيني نشاط ياخي
مهره : حتى انا
حنان : خ نطلع برع
مهره : فكرتن منتازه
الجو كان جميل بشكل لا يوصف..ريحه المطر و الهوا البارد كان دمارررر
مهره : اقلج انتي قعدي بروح اسوي كوفي حقنا و بييج
حنان : تمام....نسيتي فونج
مهره : خليه عادي!
بعد دقيقتين :
تلفون مهره يرن عند حنان..
حنان : نسم روحي ؟؟؟؟؟ ليكون ولد
فالواتس
نسم روحي : وينك ؟ اشوفك ما تردين ؟ ليكون مشغوله!
برع الواتس
حنان : من وراي ها! ( و ابتسمت ابتسامه شر و خبث )
مهره : هاج الكوفي!
حنان : قعدي قعدي
مهره : عطيني الفون
حنان : هاج ( و بخبث ) هلا بك يا نسم روحي و يالبيه في قلبن ما اعترف بالحب من قبلك
مهره فتحت الفون وشافت انه....كان متصل ( انحرجت )
حنان : ما تقوليلي بعد لاه
مهره : هاااه ! شو ؟
حنان : منو نسم روحي شكله مب من الامارات
مهره : حلو الكوفي ؟
حنان : مهره ارمسي
مهره : زين افف....اسمه عبدالرحمن من السعوديه وبس !
حنان : يحيوانه ( و بضحكه ) من متى اترمسيهههه ؟
مهره : من سنتين
حنان : اللهههه كيوتتتتتتت
مهره : المهم يلا خ نروح داخل
حنان : استحيتي ؟ ( و غمزت لها )
مهره : حنان عاد
حنان : متى بتعرفينا عليه ؟
مهره بغرور : بأحلامج !

كل شي احبهه ©؛°¨غرامي جديد¨°؛©

البارت الرابع


"للعيون لغة لا يفهمها إلا المحبّين يخيم الصمت فيها عندما تبدأ بالكلام"



حنان : تغاري ؟

مهره و هي تتطالع حنان بنص عين : شدخل ؟!

حنان و هي تغمز و تتكلم : هي صح ، و ضحكت

مهره و حنان فالصاله و فجأه جرس البيت يدق.......

حنان : بسم الله الساعه 3 منو ياي ؟؟

مهره بمصخره : منو ياينا هالحزه ؟

حنان بخوف : اماااااااه مهره مب وقت مصخره

مهره : ويت بروح اشوف منو

حنان بخوف اكثر : هبله انتي كيف بتروحي بروحج؟

مهره : عادي شفيج!

حنان وشوي و بتصيح : اذا طلع حرامي ؟

مهره : حرامي فعينج

حنان : انا براقب هااه!

مهره : خيبه ليش كل ها ؟

و راحت مهره تشوف منو ياي ........ و حنان تراقبها من بعيد ، فتحت الباب و كان!!!!

...: السلام عليكم!!

مهره : اوه اوه و عليكم السلام

.......:شحالج مهره؟

مهره : الحمدلله....انت شو يايبنك هالوقت؟

.......:ياي اشوفج

مهره بنص عين :اصطلب

.......: اتمصخر......ياي انام هني

مهره: قوم عموه وين؟

..........: سافروا

مهره:اها....حياك ادخل

......: ربي يحييج

مهره: بتنام ف غرفه وليد؟

......:هي

مهره: تمام

و دخلت مهره الصاله....

حنان: منو ياي

مهره: عبدالله ولد عمتي

عبدالله: احممم...ادخل؟

مهره: هيهي حياك

حنان: هلا هلا

عبدالله: شحالج حنان؟

حنان:الحمدلله

راح عبدالله غرفه وليد......و مهره و حنان فالميلس....و هم فوضعيه السدحه..

حنان : تصدقين صاير جميللل!

مهره : عبدالله ؟

حنان : هيهي

مهره : وابوي عليج اصطلبي

حنان : والله جد!!

مهره : هي والله صدقج ..... تخرفنت عليه!!

حنان : اشوف تغير كلامج

مهره : نامي نامي احسن لج

حنان : تصبحين ع خير

مهره : عوافي

اليوم الثاني ( السبت ) الساعه 12 الظهر
فبيت بو وليد
ف الميلس


ام وليد عند البنات : بنيات قومن

مهره : خلينا شوي بس

ام وليد : قومي ابوج بيطلعنا

البنات فجأه قاموا من النوم

ام وليد : حشى جان طلعه تسوي فيكم جي

حنان : وين بنروح ؟

ام وليد : البحر

مهره : اخيييج!

منال : الله كشخه

مزنه : قوموا نلبس بسرعه

دخلوا البنات غرفه مهره و كل وحده لبست ملابسها و تعدلت

مهره : منال و مزنه يويلكم لو حطيتوا ميكب اوفر

مزنه : جب مهره خلينا

مهره : حسبيالله !

منال : خلينا نكوشخ ع راحتنا
حنان : ترى رايحين بحر مب عرس

في نفس البيت عند ام وليد و بو وليد فالصاله

بو وليد : قاموا البنات ؟

ام وليد : هي اول ما قلت كلمت طلعه نقزن من الفراش

بو وليد بضحكه : هههههه الله يحفظهن ....... قومتي ولد اختي ؟

ام وليد : هي صح ذكرتني......تكلمت بصوت عالي شوي ( تنادي مهره ) : مهره...مهره

مهره : ها اميه ؟

ام وليد : روحي قومي ولد عمتج

مهره : ليش انا يعني ؟

ام وليد بعصبيه شوي : روحييييي

مهره و هي تتنهد : انزينننن


صوب غرفه وليد عند الباب

مهره : عبدالله ... عبدالله

عبدالله : ............

مهره : عبدالله ؟ ......عبدالله والسم قوم

عبدالله :...........

دخلت مهره الغرفه....الغرفه ظلام و بارده!

مهره : عبدالله ؟

و كملت هي متنرفزه : أخيه ها مب موجود فالسرير ............ امييييه ليكون فالحمام الحين بيطلع

عبدالله ورا مهره و هو مبتسم : احممممممممم

مهره بصدمه و بخوف بنفس الوقت لانه خوفها صدت ليه : عبدالله!!!!!!!

عبدالله و هو فيه ضحكه ع شكل مهره الخايف : شفيج ؟

مهره : امي تقول لك قوم عسب نطلع

عبدالله : وين بنروح ؟

مهره : البحر

عبدالله و هو يفتح الليت و التفت لمهره : ليش كل هالكشخه ؟

مهره : ما يخصك

عبدالله و بعصبيه : لا والله و اذا حد نحرش فيج ؟

مهره : بعطيه كف !

عبدالله : دام جي السالفه شكلي طول الوقت بتم معاج

مهره : اء اء اء ... انا بروح ، و مشت سريع

عبدالله بابتسامه : اوووووووف

عند البنات

مهره بصوت متوتر : يلا خلصوا

حنان : شفيج ؟

مهره : هاه ! ولاشي

منال : علينا ( و تغمز لها )

مزنه و هي تتطالع مهره بنص عين : سبب هذا التوتر شكله قوييي

مهره : كلوا تبن و خلصونا !

حنان : مخلصين

بو وليد و هو يزقر فالصاله الي تحت بصوت عالي

بو وليد : بنات اترياكم فالسياره

ردت مهره بصوت عالي من غرفتها فوق : انشالله

فالسياره ... طبعا ام وليد و أبو وليد جدام ... ورا مزنه اول وحده يعني صوب الجامه الي ع اليمين و بعدها منال و حنان و مهره و عبدالله

بو وليد و هو يضحك : تمسكوا جدامنا مطبه ( كان يسرع )

فجأه طاحت مهره على عبدالله

مهره وهي مفتشله : سوري بالغلط ( و حطت عينها بعين عبدالله المبتسم )

عبدالله بصوت هامس بس مهره تقدر تسمعه : أتمنى هالغلط يتكرر

اطالعته مهره بنص عين و ترمس بصوت خفيف : جبب !

وصلو البحر

حنان : خالوه بنروح نتمشى

ام وليد : تمام بس ديرو بالكم

منال : انشالله

عبدالله و هو يطالعهم بنص عين : ع وين ؟

مزنه : نتمشى

عبدالله و هو يقوم من مكانه : ما تروحون بروحكم !

مهره : اف عاد !

عبدالله : جب يالله جدامي

بو وليد : بارك الله فيك... و ابتسم له بحب

عبدالله و هو يرد الابتسامه لخاله : اعجبك خالي !

بو وليد : ههههههههه

مهره و هي تعيب على عبدالله : اعجبك

حنان : يلا عاد

و هم يتمشوا ... حنان تهمس لمنال

حنان : لايقين ع بعض

منال بغباء : منو ؟

حنان وهي تضرب راس منال ع الخفيف : يعني مهره و عبدالله

منال و يوم استوعبت :هيه لاه !

حنان وهي سرحانه بعدم استيعاب : بس ما يصير

منال صدت ليها بسرعه : ليش ؟

حنان بغباء اكثر : و نسم روحي ؟

منال : منو نسم روحي

حنان يوم استوعبت الي قالته و ضربت يبهتها : اوهه جبت العيد

منال بشك : ليكون تحب ؟

حنان وهي تشتت نظراتها : لا وين ؟

منال : عبدالله و مهره شوي أبا مزنه و حنان

عبدالله و كأنه ما صدق حد يقول جي : اوكيه اوكيه روحوا

مهره : وين ؟ و بدوني بعد

منال و هي مستعيله : بعدين بعدين ... و سحبت حنان و مزنه و ركضت فيهم شوي بعيد

عند البنات الثلاث

مزنه وهي مب فاهمه شي : شسالفه ؟

منال و هي متحمسه : شكلها مهره تحب و ضحكتت!

مزنه و هي فاتحه عينها كامل ( منصدمه ) : عبدالله ؟؟؟؟؟؟

منال بحماس اكثر : لااا نسم روحي ..... و ضحكت مره ثانيه

مزنه عاقده حياتها : شو نسم روحي ؟

حنان وهي تعبت من اسالتهم : خلاص بقلكم بس بتم بينا

مزنه : تمام !

قالتلهم السالفه من أولها لآخرها ...

منال بصدمه : نعمممم !!!!!
مزنه بصدمه اكبر : كيففففف ؟
حنان : كيوت لاه ؟

مزنه و هي متنرفزه و حطت ايدها ع خصرها : و ليش ما تقولولنا ؟

حنان : امس عرفت انا شفيكم ؟
منال : المهم خ نقعد شوي
مزنه : تمام !

عند مهره و عبدالله ....

مهره : اففف تأخروا

عبدالله بخبث : شفيج خليهم.... و ابتسم

مهره : لاوالله
عبدالله بصوت رجولي : المهم ....

مهره و هي تتطالعه بنص عين : امييه الصراحه أخاف منك

عبدالله : علام شايفه يني جدامج !

مهره حطت عينها بعين عبدالله : هيه يني !
عبدالله مسك ايد مهره بسرعه : اوف يا مهره اوف !

مهره بخوف : تستهبل انته هد ايدي الحين عن حد يشوفنا
عبدالله و هو فرحان بس ما بين لمهره انه فرحان لانه بعده ماسك ايدها : خ يشوفوا

مهره : بيفهمون غلط

عبدالله : عادي!
مهره بخوف اكثر : اهبل .... هد هد ايدي

عبدالله يرص ع قبضه ايده الي ماسكه ايد مهره بقوه : مابا
مهره : تباا..........سكتت لانه حط صبعه على شفايفها عشان تسكت

عبدالله : بقلج شي انزين
مهره : قول بس بسرعه

عبدالله وهو عينه بعين مهره : مهره .... احبج
مهره : عبدالله أتوقع اني ........قاطعها مره ثانيه

عبدالله بعصبيه شوي : سكتي مابا اسمع منج ولا كلمه
مهره : بس.....وقاطعها المره الثالثه

عبدالله بجديه: أشش ... امشي
مهره بحاله صدمه من عصبيته : بس لازم تسمع مني

عبدالله : اعرف شو بتقولي
مهره و هي تترجاه : بليز اسمع مني

عبدالله وقف من المشي : تكلمي.....كان يشتت نظراته عشان ما يشوفها

مهره : قلت لك اني ماقدر

عبدالله و هو يحط عينه بعين مهره : بس هذا من اربع سنين و كنا صغار

مهره بغصه : كنت صغيره واللي سويته فيني ماقدرت اسامح نفسي ولا اسامحك

عبدالله و هو يحط ايدينه على اكتاف مهره و ينحني لويها وتكلم بحنان : انسي الماضي

مهره و الدموع بعينها : ماقدر .......و نزلت دموعها و بدت تشاهق و عبدالله انصدم انها تصيح

( مهره معروفه بالعايله انه شخصيتها قويه و ما تصيح على أي شي عكس مزنه و منال و حنان بعد مثل مهره شخصياتهم قويه وايد و ما يصيحوا ع أشياء تافهه و دموعهم بالقوه تنزل و هذا احلى شي فيهم انهم يتميزوا بالشخصيه القويه )

عبالله بدون وعي قرب منها و حضنها : اسف خلاص انسي اللي قلته
مهره وهي للحين بحضنه لكنها ما حاضنتنه : انت للحين معاها ؟

عبدالله : لا
مهره : ليش ؟
عبدالله و خانقتنه العبره : خانتني

مهره رجعت ع ورا : شفت كيف ؟ الدنيا دواره ...... و اطالعته بنص عين
عبدالله : ............
مهره و هي تمسح دموعها : المهم خ اتصل عليهم

عند الثلاثي

رن تلفون حنان و ردت بسرعه

حنان : ها مهره
مهره بصوت يبين عليه الحزن : انتو وين ؟

حنان : انتي صايحه ؟
مهره ببرود : لا ... يلا تعالوا

حنان : تمام
صدت حنان للبنات : صدقوني مهره فيها شي
مزنه : ليكون عبدلله قال لها شي

منال : والله بيتصفع لو ضايجها
حنان : المهم خ نروح لهم

عند بو وليد و ام وليد

بو وليد : اتصليلهم خ ايون

ام وليد : تمام
اتصلت لبنتها : مهره يلا تعالوا

مهره : تمام

عند عبدالله و البنات

مهره : يلا يبونا
عبدالله : تمام

بعد ما وصلوا عندهم

مهره : الأولاد ما بيون ؟
عبدالله : شتبيهم

مهره : ملل
عبدالله : اها
بو وليد : اتصليلهم

مهره : مزنه اتصلي لنصور
مزنه : تمام

وقفت مزنه و راحت شوي بعيد ....تتصل لنصور

مزنه وهي تبتسم : هلا بأخوي
نصور و هو كان يبتسم : هلا بأختي اللي ودرتني وراحت بيت خالتي
مزنه وهي تضحك : هههه اسفه ما بعيدها ....المهم اقلك

نصور : ها قولي !
مزنه : مر ع الأولاد و تعالو البحر
نصور : تمام ... مهره هناك ؟
مزنه و هي تضحك : هيه

نصور و هو يضحك اكثر : بوسيها لي !
مزنه : تمام ... لا تتأخروا
مشت مزنه صوبهم : مهروه تعالي ببوسج تراها بوسه من نصور

عبدالله و هو فاتح عينه : نعم نعم ؟
مهره و هي تبا اتغايضه : فديت نصور
عبدالله وهو يطالعها بنص عين : اصطلبي !
مهره : جب !

حنان وهي تبا اتغير الموضوع : احمم المهم المهم

منال وهي توقف : انا بروح عند البحر
وقفت معاها مزنه : بي وياج
منال و هي تبتسم لمزنه : يلا .... ردت لها مزنه الابتسامه

بعد دقايق وصلوا الأولاد ...... مهره على طول راحت تحضن نصور و كان نصور شاق الابتسامه

عبدالله بداخله : شهالحاله نعم يعني يحضنوا بعض

نصور وكانت مهره للحين صوبه و محاوط ارقبتها : هلا عبدالله شحالك ؟
عبدالله : الحمدالله
نصور : دوم
عبدالله : اجمعين

طبعا الأولاد الباجين اتخاشموا ويا عبدالله

عزوز بعد مالاحظ انه في حد ما موجود : مزنوه وين ؟
اطالعته مهره بنص عين : شتباها ؟
عزوز : اسأل ..... و طلع لسانه لمهره
مهره : عند البحر
عزوز : اوك

سحب عزوز اخوه بدور و راحوا عند منال و مزنه بدون ما حد يحس فيهم ، و نصور سحب مهره عشان يتمشوا و زقر عبدالله وياهم ، و حنان و حمدان قاعدين عند بو وليد و ام وليد .

عند الثنائي منال و مزنه

كانوا حاطين ريولاتهم عالماي و رافعين عبيهم و يالسين يلعبون مع بعض و مستانسين ، منال لمحت انه عزوز و بدور يايين باتجاهم ، رجعت ع ورا و دزت مزنه الي كانت وراها و مزنه طاحت ف الماي ، عزوز يوم شاف مزنه طاحت ركض بسرعه و شلها عشان يعدلها و بالغلط ويوهم كانت قريبه من بعض.....بدر فجاه سحب منال اللي كانت منصدمه وراحوا بعيد شوي عنهم...

عزوز: انتي بخير
مزنه: هي بس بردانه

عزوز فصخ جاكيته و لبسها.
مزنه: ثنكيو
عزوز: فدي.......ولكم ولكم

عند بدر و منال..


بدر : لايقين ع بعض السخيفين
منال بغباء : عزوز و مزنه؟

بدر بضحكه : لا انا وياج....يعني اكيد هم
منال بسرحان : هي والله
ابتسم بدر ع سرحانها

عند قوم ام وليد..

حنان بملل : حمدان هني وانا أقول ليش البحر صاير خايس

حمدان : ملانه شو؟
حنان :هيهي عندك مانع

حمدان : لا عندي دواس
حنان : ظريف

ام وليد : الله يهديكم
بو وليد بضحكه : من عرفتكم وانتو تتضاربوا


عند قوم نصور.....

نصور : مس يو مهره
مهره : مور وربي...ليش ما ييتوا تنامون عند عبدالله؟

نصور : يمكن عبدالله ما يبانا
عبدالله : لا والله هههه

مهره : والله مب عكبفه مب غرفته
عبدالله : تكلمت ام لسان

مهره : جب
نصور : خلااااااص

تلفون مهره يرن

مهره : هلا ابوي
بو وليد : يلا تعالوا بنروح

مهره : تمام
مهره : يلا بنروح..نصور اتصل ل عزوز

نصور : تمام
خذوا اغراضهم و راحوا... وصلوا بيت بو وليد

بو وليد : مهره سيري هاتي تلفوني من السياره
مهره : انشالله

مهره فالشارع...وفي سياره مسرعه و فجاهه..............


فبيت بو وليد..
ام وليد : بسمالله ها شوووو؟

بو وليد : عبدالله سير شوف شو مستوي برع و مهره ليش تاخرت؟
عبدالله و هو خايف انه صار شي لمهره : انشالله خالي

فالشارع.......

عبدالله بصراخ و بخوف : ممممممههههههرهههههههههههه

بو وليد سمع الصراخ و طلع برع و هو يركض و خايف

بو وليد : شمستووووووووووو........
بو وليد بصراخ و دموعه نزلن : بنتييييييييي بنتييييييي و التفت لعبدالله : اتصل للاسعاف

عند البنات فغرفه مهره...

منال بشك و خوف : شكله شي صاير خ نروح نشوف

عبدالله يدق الباب ع البنات بقو ..

مزنه بخوف : شفيك عبدالله

عبدالله و هو يصيح : مههههره مهرهههه

حنان و شوي و بتصيح : شفيهاااا؟ وينها؟

عبدالله : حححححاااادث

البنات بصوت واحد : شووووووووووو؟

سمعوا صوت الإسعاف و نزلوا تحت و هم يركضوا

مزنه تتصل لنصور

مزنه و هي تصيح : نصور الحقنا المستشفى
نصور بخوف : شصاير؟

ما سمع ردها لان مزنه سكرت فويهه

فالمستشفى...مهره فغرفه العمليات..و العايله تنتظر ...و ام وليد متعبنها الصياح...

مزنه لحنان : عبدالله وين؟
حنان بهدوء : أتوقع برع !

مزنه : تمام
بعد دقايق طلع الدكتور من غرفه العمليات

ركض له بو وليد و بخوف : دخيلك قول شي زين

الدكتور بإبتسامه اطمن : الحمدالله مرت العمليه بسهوله و بس مهره تحتاج راحه كم يوم فالمستشفى ، و شوفوا حد يبقى معاها .

حنان بترجي : الله يخليج خالو احنا بنام عند مهره

منال و مزنه بترجي : صح بليزز
ام وليد بعد ما اقتنعت : تمام حبايبي بس الله يخليكم ديروا بالكم عليها

مزنه براحه : انشالله
نصور و هو يتقرب منهم و بصوت عالي شوي : يلا أولاد ، و التفت للبنات احنا بنروح و باجر الصبح بنيكم

هزوا البنات راسهم بالإيجاب

الساعه وحده الفجر تقريبا
عند البنات ف المستشفى

مهره نايمه و البنات صوبها و الهدوء عام الغرفه

مزنه بسرحان و بهدوء : حد ياخذ فون مهره و يكلم عبدالرحمن
حنان بهدوء : انا اعرف الباس

خذت حنان الفون و اتصلت لعبدالرحمن

حنان و الدمعه بعيونها : الوو !

عبد الرحمن بخوف : وينج مختفيه ؟
حنان و خلاص بتنفجر من الصياح : انا مب مهره !
عبد الرحمن : ..............

حنان وهي صارت تشاهق : المهم اسمعني .... مهره سوت حادث !
عبد الرحمن بعدم تصديق : كيف ؟ وينها ؟ تمزحي انتي ولا من جدك ؟
حنان و هي اتهدي نفسها : ويت .... اسمع الحين مهره نايمه و لما بتقوم بنخليها ترمسك
عبد الرحمن بحزن : تكفين طمنيني

حنان : انشالله

الساعه 5 الصبح ...

فتحت عيونها بصعوبه و بصوت هادي : اماهه ؟

منال بفرح : قايز مهره قامت
حنان نقزت صوب مهره على طول : مهرهه

مهره : انا وين ؟
مزنه بحزن شوي : سويتي حادث

مهره بصياح : جسمي يعورني

فجأه .......الباب يدق !

حنان باستغراب : منو ؟
ياهم صوته الرجولي : ادخل ؟
حنان : تعال

دخل عليهم الريال و انصدموا انه ريال و غريب و ما يعرفوه ، بس في وحده منهم كان هالشخص مب غريب عنها حافظتنه مثل اسمها و الشخص الي تموت عليه و حافظه كلشي فيه صوته و ويهه ، دمعت عيونها بدون ما تحس و حاولت تعتدل بيلستها ، ركض ليها و مسك ايدها و هو خايف عليها و بحنان قوي و دموعه ع خده : الله يخليك طمنيني عليك ؟

مهره و بنبره تعب تبين من صوتها و دموعها تنزل اربع اربع : عب....د....الر..ح..من ... هذا اااا..نته صح ؟
عبدالرحمن و هو حاط عينه بعين مهره و هز راسه بالإيجاب


"عندمـا تتخاطب العيون.. تكون أبلغ من أي كلام"
"وآه من العيون وفعل العيون.. إن لها في القلب جرحاً لا يبرأ.. ومحبة لا تفنى"



البنات انصدموا اول شي و يوم عرفوا انه هذا هو نسم روح مهره و يوم شافوا الوقف تموا يصيحوا ع حاله مهره و خوف عبدالرحمن عليها.

طلعو البنات عشان يخلوهم ع راحتهم ، و بعد مده و ع الساعه 7 طلع عبدالرحمن و تقدم من البنات شوي و هو منزل راسه

عبدالرحمن : طمنوني عليها كل مره
حنان : انشالله و ابتسمت ، و رد لها الابتسامه و روح

دخلو ع مهره و كانت نايمه ، راحت حنان و نامت صوب مهره و حضنتها ، و منال و مزنه يابو لهم لحاف و نامو ويا بعض على الكنبه .

الساعه 9 الصبح
في المستشفى


دخل أبو وليد غرفه مهره و ابتسم و هو يشوف البنات بعدهم نايمين و كل ثنتين حاضنين بعض كأنهم يهال حط شنطه مهره الي يايبنها من البيت و طلع عشان يروح اييب للبنات اكل , و هو طالع شاف شخص مب غريب عليه و تم يتقرب منه لين ما دقق ف ويهه و قال بصدمه

بو وليد : عبدالرحمنننننن !؟؟؟؟؟
عبدالرحمن و هو بعد مصدوم : عمييي بووليددددددد؟؟؟؟؟
.
.
.
.
.
.
.
.
.
.
.
نهايه البارت

كل شي احبهه ©؛°¨غرامي جديد¨°؛©

البارت الخامس



بو وليد وهو مبتسم : شحالك؟

عبدالرحمن بفرحه : طيب..انته شلونك؟

بو وليد : انا الحمدلله بخير...شحال ابوك و اهلك؟

عبدالرحمن : الحمدلله كلهم طيبين

بو وليد : عسى دوم

عبدالرحمن : اجمعين

بو وليد و هو يدور ورى عبدالرحمن : ما اشوف حد وياك... ياي بروحك؟

عبدالرحمن : أي والله..جاي اتمشى بالامارات

بو وليد : تتمشى فالمستشفى هههههه

عبدالرحمن بوهقه : فيني صداع

بو وليد : سلامتك حبيبي

عبدالرحمن : يسلمك عمي ، سلامات شفيك؟

بو وليد بحزن خفيف: مب انا بنتي امس صار لها حادث

عبدالرحمن بصدمه : بنتك!

بو وليد و هو يبتسم : هي بنتي مهره

عبدالرحمن انصدم من اللي سمعه معقوله مهره مهره الي احبها تصير بنت عمي بو وليد !!

عبدالرحمن و هو للحين مصدوم : مسكينه

بو وليد : المهم اذا تبا أي شي كلمني

عبدالرحمن : طيب يا عمي عطني رقم جوالك

بو وليد : حاضرين سجل عندك**********

عبدالرحمن يبتسم : طيب

بو وليد : يلا انا استأذن بروح اخذ للبنات ريوق

عبدالرحمن : طيب مع السلامه

بو وليد : دير بالك ع نفسك

عبدالرحمن بفرحه اكثر: من عيوني

الساعه 10 الصبح
فالمستشفى عند البنات...تلفون مهره يرن

حنان بضحكه : مهره نسم روحج يتصل

مهره بحماس : عطيني عطيني

مهره ترد : هلا

عبدالرحمن : ليه ما تقولين لي انه ابوك بو وليد

مهره : عافان الله من وين تعرف ابوي..صاير أبو العريف

عبدالرحمن : تصدقين انه ابوك صديق ابوي فالشغل قبل

مهره : اونه!! صدمتني

عبدالرحمن : اول ما ناداني تمنيت اختفي وقتها

مهره : يعرفك يعني؟

عبدالرحمن : بلا غباء

مهره : هههههه انزين ليش متوتر هالكثر

عبدالرحمن : مادري تصدقين

الباب يدق

بو وليد : ادخل؟

مهره بهمس: دحوم بعدين بكلمك

عبدالرحمن : طيب

منال و هي تعدل شيلتها : ادخل

بو وليد : شحالكم بنات

البنات : الحمدلله

بو وليد : مهره ترى العصر بيطلعونج

مهره : شيصبرني للعصر

حنان : ليش العصر؟ مب جنه بوقت

بو وليد : كلمتهم انا.. مافيها شي بس لازم نهتم فيها

مزنه مبوزه : لا عاد خ تنام فالمستشفى احس فله

حنان و منال و بو وليد : هههههههههه

مهره بعصبيه : حسبيالله ع عدوج يالخايسه

مزنه : هههههه

بو وليد : بكلم اهلكم عشان تنامون فبيتنا و ما تخلون مهره بروحها

حنان : كفو

مهره : فديت ابوي اللي فاهمنا

منال : خالي شرايك الحين تكلمهم؟

مزنه بطنازه : الحين يحلموج

تلفون بو وليد يرن

بو وليد : هلا عبدالله؟

عبدالله : قامت مهره؟

بو وليد : هيه....انتو وين؟

عبدالله : فالطريج

بو وليد : تمام

بعد خمس دقايق...دخلت ام وليد و عبدالله وراها

عبدالله : هلا هلا

ام وليد : السلام عليكم

مهره و هي اطنش عبدالله : فديت امي اللي نورت المستشفى

ام وليد : حبيبتي

عبدالله : احمممم و انا؟

مهره : انت خيير؟؟؟

بو وليد و هو يكلم ام وليد : تخيلي منو قابلت

ام وليد و هي عاقده حياتها : منو؟

بو وليد : عبدالرحمن

ام وليد وهي مستغربه : أي عبدالرحمن؟

بو وليد : مال السعوديه

البنات كلهم يطالعون مهره

ام وليد : اووهه من زمان عنهم

بو وليد : هيه والله

ام وليد : وينه؟

بو وليد : رحت عنه ياي يعالج فيه صداع

مهره بصوت خفيف : احمم هي صح صح صداع و تضحك

ام وليد : المهم شرايك نسوي عزيمه

بو وليد : و السبب؟

ام وليد: بنتنا طالعه من المستشفى

مهره : منال عطيني ماي

منال و هي تمد الماي لمهره : هاج

ام وليد : بنعزم اهل عبدالرحمن مال السعوديه

مهره شرقت بالماي

حنان تضربها ع ضهرها : بسم الله شصار فيج

مهره : ولا شي ولا شي

عبدالله سرحان بمهره و مبتسم...حنان لاحظت هالشي و ما حبت انه بو وليد يشوفه وهو
سرحان


حنان : عبدالله اقعد

عبدالله : ها اءاءاء تمام

تلفون بو وليد يرن

بو وليد : الو السلام عليكم

.......: و عليكم السلام..عرفتني؟

بو وليد: الصراحه لا

......: انا عبدالرحمن

بو وليد : اووهه كنت اترياك تتصل

عبدالرحمن : امرني تبي شي؟

بو وليد : ابيك توصل الكلام لابوك باجر ابغيهم في الامارات

عبدالرحمن بستغراب : ليه؟

بو وليد : بنسوي عزيمه و أتمنى اهلك اول الحضور

عبدالرحمن بفرح : انشالله

مهره و الابتسامه ما تفارق شفايفها

مهره: بينامون فبيتنا؟

ام وليد: طبعا ابوج ما بيخليهم ينامون بفندق

مهره: تمام

البنات مستانسين اكثر من مهره ههههه


مزنه لمهره بصوت خفيف : يلا اصبري لباجر حووب

مهره : بصبر بصبر

ام وليد : انا لازم اروح البيت اسوي غدا

مهره : و الخدامه؟

ام وليد : هاي طمه ما تعرف تسوي شي

مهره : ابوي روح انت بعد ارتاح

بو وليد : تمام بس عبدالله خلك عندهم

مهره : ليششش يعني

عبدالله : انشالله خالي (يغمز لمهره)

حنان بصوت خفيف للبنات : ها شبلاه يدور ربع!

مزنه : سخيف

منال : سكتوا عن يسمعكم

مهره: خ يسمع

بعد ما طلعوا بو وليد و ام وليد

عبدالله : المهم

مهره: انته نعم؟ مخلصين ربعك

عبدالله و هو يبتسم : لا

مهره : ما تفهم انه ما نباك معانا... يعني تشوف كلنا بنات..منو سارق عقلك انته

عبدالله : انا محد سارق عقلي..انا سارقين قلبي (و يغمز لمهره).

حنان بعصبيه : بجلع عينك

منال : ع الأقل اطلع برع نبا ناخذ راحتنا

مزنه : روح غازل البنات اللي برع...لعباتك هالاشياء

عبدالله : يمكن مهره تباني

مهره : يععععع انجلع بس

عبدالل ه: انا بنجلع بس بقلج شي......احب....

حنان بلوعه : اسكت لا تكمل خلاص ما تمشي علينا هالحركات

مهره بطنازه : روح حق اللي خذت مكاني من اربع سنين

عبدالله : يعني قلت لج انها خانتني

حنان بصراخ : و مهره ما مستعده انها تعطي قلبها لك مره ثانيه

عبدالله : انزين انا احبها

حنان : ياخييي ما تحبك افهمممممم

منال و مزنه منصدمين من الحوار اللي قاعد يصير!!!

مهره : عبدالله اطلع برع شوي

عبدالله : انشالله حبيبتي

حنان : حمار؟
عبدالله طلع برع ...... و مهره رغم انها قويه ما قدرت تتحمل و طاحت دمعتها.

حنان : لا تصيحين عشانه خ يولي

منال : ممكن حد يفهمنا شي ولا بنتم جي مثل اليدران مب فاهمين شي؟

حنان : بختصر لكم الموضوع...مهره و عبدالله قبل اربع سنين كانوا يحبون بعض بس دخل بينهم طرف ثالث.

" شعور مؤسـف أنك تريد إنسان وهـو يريـدك وكـل منكما صامت وفجأة بلا سابـق إنذار يأتي طـــرف ثالـــث يقلب أمنياتكم إلى شبه مستحيـل "

مزنه : اخيييييججججج جمك شو؟

منال بحقد : وين يبا ؟

مهره و هي تمسح الدمعه : خلوا الماضي الحين .... دحوم بينام فبيتناا

حنان : هي صح

منال و هي تضحك : اوووووووب اوووووب و تصفر

مزنه : صدقيني متحمسه اكثر عنج

مهره : خل عنج عاد

البنات : تغاررر ههههههه

عبدالله يدق الباب : ما خلصتوا؟

حنان : خلصنا بس ما نباك تدخل

عبدالله : انزين الدكتور معاي

مهره : احلف

عبدالله : والله

الدكتور : ممكن اخش؟

البنات : تفضل

الدكتور : السلام عليكم

البنات : و عليكم السلام

الدكتور : ازيك يا مهره؟

مهره : الحمدلله احسن

الدكتور : طيب عاوزه تخرجي؟

مهره : هي بليز دكتور

الدكتور و هو يضحك : طيب قهزي اغراضك و تقدري تخرجي

مهره بحماس : صدق!

الدكتور : ايوه...اجر و عافيه

بعد ما جهزت مهره اغراضها طلعوا برع المستشفى و ركبوا سياره عبدالله..البنات كلهم راكبين ورا

عبدالله: دريول انا؟

مهره: حرك حرك

عبدالله:مهره تعالي جدام لااه

حنان: يلا خلصنا

عبدالله : زين

منال : شغل لنا شي

عبدالله : تمام

ادري اني مو بقلبك..ولا عندك امل فيني

عبدالله : يخرب بيت الاغنيه....ع الجرح

مزنه : طع طع

مهره : عبدالله؟

عبدالله : قلب عبدالله؟

مهره : استغفرالله العظيم...المهم عموه متى بتي؟

عبدالله : اشتقتيلها شكلج

مهره : لا بس أبا افتك منك

عبدالله : لا تحاولي ما ببتعد عن عينج

مهره : خيبه

وصلوا بيت بو وليد....دخلوا الصاله

بو وليد : اوهه اوهه طلعوكم بسرعه

مهره : هيهي

حنان : خالوه وين؟

بو وليد : فالمطبخ

ام وليد : الغدا جاهز

مهره : انا انا بروح اييبه ( و ركضت للمطبخ).

ام وليد : انزين ****** بييبه

البنات : ************ !!!!

بو وليد : اتصلت له عشان يتغدى معانا و لما وصل ما رضى ام وليد بروحها راح و ساعدها

حنان للبنات بصوت خفيف : شكله بيصير اكشن بعد شوي

عبدالله : انا بروح المطبخ

ام وليد : عبدالله ابغيك تروح السوبر ماركت تأخذ أغراض

عبدالله : انشالله

البنات : الحمدلله

فالمطبخ

مهره بصدمه : دحوووووممممم!!! امييييههه شتسوى هني؟

عبدالرحمن : بسمالله خرعتيني

مهره : شتسوى؟

عبدالرحمن : اجهز الغدا

مهره : من متى! هههههه

عبدالرحمن : شفيك؟ ابغا اكبر بعين امك

مهره بضحكه : واو ههههههه غبي

عبدالرحمن : زوجك الغبي

مهره تتطالعه :.............

عبدالرحمن و يوم حس : سبيت نفسي؟ و يأشر ع عمره

مهره ( مستحيه) : جب جب

عبدالرحمن : تعالي شيلي الاكل

مهره : مابا

عبدالرحمن : ليه جايه؟

مهره : اشيل الاكل

عبدالرحمن : وليهه ما تاخذيه

مهره بدلع : كنسلت
عبدالرحمن يقلد مهره : كنسلت.....اقول أقول شيلي لا اطبق راسك بالأرض

مهره ابتسمت : هات

فالصاله..

مهره : الاكل وصل

ام وليد : عبدالرحمن وين؟

عبدالرحمن : جيت جيت

تلفون حنان يرن : هلا نصور

نصور : انتو بعدكم فالمستشفى؟

حنان : لا تونا واصلين البيت

نصور : تغديتوا؟

حنان : لا الحين حاطين الغدا

نصور: بالعافيه

حنان : يعافيك

نصور: حنان؟.....مهره قالت لج شي؟

حنان : عن شو؟

نصور: عن... شي شي

حنان : بكلمها بعدين

نصور : تمام

حنان : بتون؟

نصور: لا بنروح دبي مع ربعنا

حنان : انجوي

نصور: ثنكيو....يلا مع السلامه

ام وليد : يلا تعالو اكلوا

بو وليد : عبدالله ما وصل!

ام وليد : مهره اتصليله

عبدالرحمن بصوت خفيف لحنان : منو عبدالله

حنان : ولد عمتها

عبدالرحمن : الله يصبرني

مهره : الو عبدالله

عبدالله : هلا؟

عبدالرحمن سحب التلفون من مهره

عبدالرحمن : يلا تعال ننتظرك

و سكر الخط

بعد ما وصل عبدالله.. خلصوا غدا...البنات راحوا غرفه مهره.. و عبدالله غرفه وليد...و عبدالرحمن راح الفندق...

عند البنات...

حنان : مهره خ نروح برع شوي

مهره : تمام

في حديقه البيت

مهره و هي تتذكر: صح أبا اقلج شي

حنان : هذا اللي كنت اترياه...قولي

مهره : نصوووور

حنان : شفيه؟

مهره بجديه : تتذكري لما رحنا المول

حنان : هيه

مهره : انتي كنتي مع سيف؟

حنان : الصراحه هيه

مهره : نصور شافج..ولا تشوفي شصار فيه

حنان : كيييييففففففف؟

مهره : سمعي ترى نصور يحبج

حنان بصدمه : نعمممممم!

مهره : و مب من قريب...هالشعور من 7 سنين وانتي تعرفي شعور الغيره كيف

حنان بعدها مصدومه و بقوه بعد :...............

مهره : انتي تحبي سيف؟

حنان : هيه

مهره و بحزن على حاله نصور : شبتسوي بنصور؟

حنان : ماعرف مهره ماعرف....انا بحاله صدمه

مهره : ادري حاسه فيج...بس اباج تفكري كيف بتتصرفي

حنان : لما بفكر بقلج

مهره : تمام....خلينا نروح فوق

حنان : تمام

عند منال و مزنه فغرفه مهره..

منال : ياخي اشتقت ل سخافات بدر و سوالفهم

مزنه : حتى انا تصدقي وخاصه العبط اللي ف عزوز

منال و هي تغمز : هدي اللعب مزنه

مزنه : ههههههههههه

مهره و حنان دخلوا الغرفه

مهره : قايز لازم نخطط لباجر

منال بستغراب : نخطط!

مهره : ما بقدر اشوف الدحمي براحتي

حنان : الدحمي! ههههه

مزنه : صحح عبدالله

مهره : كفو والله فاهمتني

حنان: اخيييج

مهره: بنحط له منوم

منال و هي تضحك : مب جي عاد ههههه

مزنه : قايز انا يوعانه لما باكل بعرف افكر

حنان : انزين؟

منال و هي فاهمه مزنه و تضحك : تبا تطلب من المطعم

مهره : توج متغديه

مزنه و هي مطنشه كلامهم : عطيني رقمه

مهره : ***********

بعد ما وصل المطعم......كل وحده قعدت ع لابها و تشوف مسلسلها لين ما صار الليل.

تقريبا الساعه 9:00

مهره و هي هلكانه : قايز انا بنام جسمي متكسر

البنات : عوافي

مهره : يعافيكم

نامت مهره و بعدها بدقايق منال و حنان ناموا...

مزنه دخلت تتطمش فالواتس و شافت **** اونلاين

**** : عيل قايمه

مزنه : مافيني نوم

**** : فاضيه؟

مزنه : هيه

**** : انا ياينج

مزنه : عزوز لا تستهبل

عزوز : والله جد يلا انا فالطريج

مزنه : ويت انزين

عزوز : تأكدي اذا الكل نايم

مزنه : تمام

بعد دقايق

عزوز : انا برع

مزنه و هي خايفه : زين

ركبت مزنه السياره والتوتر اللي فيها مش طبيعي

عزوز مبتسم : هدي هدي

مزنه تتطالعه : هاديه شفيك

عزوز يضحك : مبين
مزنه : وين بنروح؟

عزوز : بخطفج

مزنه : اعوذ بالله

عزوز يغمز لها

الهدوء عام ع السياره...عزوز شغل المسجل

حب من طرف واحد ذبحني .. كل ما اشوفه بغني .. الين يستوعب ابيه و ابقى معاااه
.
يا حظي فيك عسى ربي لي يخليك .. انا عايش و مغرم فيك

مزنه : البحر!

عزوز : هي البحر

مزنه : ليش

عزوز جابلها و بجديه : مزنه... بقلج شي

مزنه بدت تخاف : اسمعك

عزوز يرمس و خانقته العبره و عينه تلمع : مزنه تدري اني لو الف الدنيا كلها مستحيل القى وحده نفسج و انا احبج و مب مستعد اني اخسرج ولا اباج تكونين لغيري و هالكلام من قلبي صدقيني اني مستعد الحين اروح ارمس امي واذا ما صار نصيب احتمال اروح مستشفى الامل

مزنه :.........

عزوز : انا ما اباج تردي علي الحين مب مجبوره.. بس اباج تفكرين


مزنه نبضات قلبها تتسارع بشكل كبير منزله راسها من المستحى و انربط لسانها ما تدري شتقول

رجع الهدوء للسياره.....وبعد ما وصلوا بيت بووليد..

مزنه : مع السلامه

عزوز مسك ايد مزنه و يبتسم : لا تنسي تفكري

مزنه ردت الابتسامه : تمام

فغرفه مهره

مزنه دخلت و مرتبكه ما تدري شتسوي...

مزنه : لازم أقول للبنات باجر يمكن يساعدوني

بعد دقايق...نامت مزنه


الصبح الساعه 10

فبيت بو نصور .... فالصاله


نصور : السلام عليكم

ام نصور: و عليكم السلام

نصور: شحالج؟

ام نصور: الحمدلله

نصور: اميهه الساعه جم العزيمه؟

ام نصور: أتوقع 6

نصور: بتروحين؟

ام نصور باهتمام : لازم اروح....انت وين رايح

نصور: مزنه اتصلت لي قالت قول للخدامه تطلع لي لبسه حق اليوم و اكسسوارات و هالسوالف ..والحين رايح اوديهم

ام نصور: تمام دير بالك ع نفسك ولا تسرع فالطريج

نصور يبوس راسها : انشالله

فبيت بو وليد

فغرفه مهره

مزنه مستعيله : حنان انا بروح اسبح ولما نصور بييب اغراضي هاتيهم

حنان : لازم انا؟

مزنه وهي مستعيله : جب ، و سكرت الباب بسرعه

بعد دقايق ...


نصور يتصل لمزنه

نصور بهدوء : انا برع

حنان : تمام

نصور: انتي حنان؟

حنان : هيه

نصور : زين

صوب قوم بو وليد

نصور: السلام عليكم

بو وليد : اوهه نصور و عليكم السلام

نصور : شحالك؟

بو وليد : الحمدلله ..لا تنسى العزيمه اليوم

نصور يبتسم : افا عليك اول الحضور

حنان وهي نازله من الدري : نصور وين الملابس؟

نصور يمد ايده : هاج

حنان خذت الملابس وراحت...قعد نصور مع بو وليد


بو وليد : متى بنشوفك معرس

نصور بدون وعي : لما الموضوع بيخلص

بو وليد باستغراب : موضوع شو؟

نصور بوهقه : حنا......ولا شي ولا شي

نصور: يلا انا استأذن

بو وليد : اقعد بتتغدا ويانا

نصور يبتسم و يوقف : يوم ثاني انشالله....مع السلامه

بو وليد : بحفظ الله

عند البنات

حنان بصراخ : مزنه اغراضج وصلوا

مزنوه: تمام

وصل مسج لحنان فالواتس

نصور: كلمتج مهره؟

حنان: هيه...نصور خلني افكر

نصور : اباج تفكري براحتج

حنان : انشالله

منال : مهره قومي

مهره : خلوني انام

حنان تغمز لمنال و بكذب : اييهههه عبدالرحمن تحت

مهره قامت بسرعه من النوم : حلفيييييي؟

منال : عيل قمتي هههههه

مهره بعصبيه : سخيفين

البنات : ههههههههههه

مهره : مزنه طلعي أبا اسبح

حنان : حبيبتي انا بسبح قبلج

منال بمغايض : وانا بعدها

مهره بنرفزه : خير انتو حمامي

منال : روحي حمام وليدوه

مهره باستهبال : عشان عبدالله يدخل علي

حنان : حسبيالله هههه

مهره : بروح حمام امي

الساعه 2:00 الظهر

مهره تنادي البنات : قايزات تعالوا غدا

البنات من فوق : تمام

فالصاله

بو وليد : ها جاهزين للعزيمه

مهره : اكيد

منال : انا اولهم

حنان : افا عليك

مزنه : طبعا طبعا

ام وليد: شبتلبسون؟

البنات : فستان خفيفي

بو وليد : المهم يلا بالعافيه


بعد ما خلصوا غدا....

عند البنات

مزنه : اخيييج مب متفيجه اسوي شعري

منال : نزين خ نروح الصالون

حنان : صح عشان نخلص بسرعه

مهره : منو متفيج لنا بيودينا

منال : عبدالله هني؟

حنان : اموت ولا اركب مع ها

مزنه بمنكر : بتصل لعزوز

مهره : فكرتن منتازه

مزنه تتصل لعزوز

مزنه : الو عزوز

عزوز مبتسم : هلا مزان؟

مزنه بضحكه : بطلب منك طلب

عزوز بحماس : اطلبي جعل ما يطلب حد غيرج

مزنه بمستحى : هااا ااءءءء شسمه

حنان : عطيني عطيني

حنان: عزوز فاضي؟

عزوز: هيه

حنان : ودنا الصالون

عزوز : صالون ليش؟

حنان : العزيمه لاه

عزوز : نزين عزيمه يعني صالون و سالفه ليش

حنان : يلا يلا نترياك

عزوز : زين

حنان : يلا لبسوا

مهره : انتو فيكم غباء؟

البنات : ليش؟

مهره : بروح أقول لامي

فالصاله عند ام وليد و بو وليد...


مهره : امييه؟

ام وليد : هلا؟

مهره : بنروح الصالون

ام وليد : منو بيوديكم؟

مهره : عزوز

ام وليد : عندكم فلوس؟

مهره : لا

بو وليد : تعالي انا بعطيج

مهره: صدق

بو وليد: هيه تعالي.....هاج

مهره : جم هاييل؟

بو وليد :650

مهره تبوسه : ثنكيووووووو

عند البنات

مهره : وصل عزوز؟

حنان : هيه تحت يلا

منال: تعالوا صححح ما عندنا فلوس!!

مهره: اضبطكم...يلا خ نروح

وصلوا الصالون


تلفون حنان يرن.....

مهره باستهبال : ردي ردي سوسو تتصل هههههههه

حنان بضحكه : جبجب

بعد ما ردت حنان ع سيف

حنان : هلا سيف

سيف : شحالج؟

حنان : الحمدلله

سيف : انتي وين؟

حنان : فالصالون

سيف : ليش ما تقوليلي؟؟؟؟ تستهبلييي

حنان : شفيك

سيف : أي صالون؟

حنان :**********

سيف: تمام

سكر فويه حنان......و بعد خمس دقايق...البنات يسوون شعورهم الا حنان لانه ما وصل دورها....

وصلتها رساله من سيف

سيف : انا برع طلعي

حنان : نعمممم نعمم

سيف : طلعي

حنان : زين

طلعت حنان و راحت سياره سيف

سيف : شرفتي

حنان :........

سيف بجديه : برري لي

حنان باستغراب : شو

سيف : ليش تطلعين و ما تقوليلي؟

حنان : مال سرعه سرعه

سيف بسخريه : خوش عذر

حنان بتنهيده : استغفرالله

سيف مسك ايد حنان بقوه

سيف : انزين احبج

حنان : احلف؟

سيف : حيوانه انتي؟هههه

حنان : هااا؟ ليش؟

سيف: المهم شتسوي فالصالون؟
حنان : استشور شعري

سيف : عندكم شي؟

حنان : هيه

سيف : انزين لا تنسي نبا نشوف كشختج

حنان : تمام....يصير اروح؟ أخاف اتأخر
سيف : تمام..ديري بالج ع نفسج
حنان : من عيوني

نزلت حنان من السياره و دخلت الصالون و على طول راحت سوت شعرها

الساعه 4:50

منال : مزنه اتصلي لعزوز

مزنه : تمام

مزنه تتصل لعزوز

مزنه : عزوز؟

عزوز : عيونه؟

مزنه : اءءء تعال

عزوز : خلصتوا؟

مزنه : هي و سكرت

حنان : بي؟

مزنه : هيه

بعد 5 دقايق

مزنه : عزوز برع

البنات: زين

فالسياره

مهره : عزوز في حد فبيتنا؟

عزوز : ما أتوقع بس سمعت انه السعوديين فالطريج

مهره : نعممممممم!! يلا ريس كامل ع البيت

عزوز : خيبه شفيج

مهره : ولا شي ولا شي بس لازم بسرعه نرجع

بعد ما وصلوا البيت

مهره : يلا نلحقققققققققق ( تركض )

حنان : الله يهديج هههههه

منال بضحكه : هدي هدي المهيري

مزنه : الحين بتتعثر

فغرفه مهره. .طبعا البنات لبسوا و تمكيجوا

مهره : أتوقع اني مستعده اواجهه عمتي المستقبليه

البنات : ههههههه

مزنه : الأولاد هني؟

منال : أتوقع وصلوا

مزنه : خ يشوفوا كشختنا

مهره : وابوي عليج

مزنه : عيل انتي دحومج بيشوفج

مهره : اووه صح

حنان : زهايمر زهايمر

الساعه 6 المغرب ف موقع العزيمه
ام وليد فالصاله

ام وليد بصوت عالي : مهررههه

مهره بصريخ : هلا اميهه؟

ام وليد : الناس وصلوا

عند البنات

مهره بسرعه : عمتي المستقبليه وصلت.... وين العطر و الدخون ؟ .....شعري حلو ؟ كيف شكلي ؟ الميكب اخترب ؟

منال بضحك : هدي هدي هههه

مهره بنص عين : مول مب وقتج

حنان : طالعين حلوين فديتنا ....يلا خ ننزل

فالصاله ....البنات نازلين و عين الناس عليهم

ام وليد : شرفتوا

ام عبدالرحمن : ماشالله

ام نصور : تعالوا سلموا

مهره : شحالج خالوه ام عبدالرحمن؟

ام عبدالرحمن : طيبه انتي شلونك؟

مهره : بخير دامج بخير

ام عبدالرحمن : كبرتي يا مهره

مهره بضحكه كيوت ...

حنان تهمس لمهره : مول مب لايق

مهره بضحكه : جب يالخايسه

طبعا برع مسوين بوفيه و محطين طاولات للبنات وحده و صوبهم مال الأولاد و شوي بعيد مال الحريم و وحده للرياييل

طلعوا الحريم و البنات من الصاله و الرياييل و الأولاد من الميلس و كل واحد راح مكانه ، بقلكم كيف كانوا يالسين

طاوله البنات اول شي منال بعدين مزنه بعدها حنان و مهره و اخت عبدالرحمن ، اما طاوله الأولاد اول شي عزوز بعدين بدر بعده نصور و عبدالرحمن و حمدان و عبدالله

طبعا كانت السوالف ما تخلص ف كل طاوله يتكلموا عن سالفه ، نروح عند طاوله البنات :

مهره بابتسامه : شخبارج تالا

تالا ترد الابتسامه لمهره : طيبه
مهره : دوم

تالا : اجمعين

و طبعا الثلاثي كانوا يضحكون و محمرين بعد من الضحك ع مهره الي اونها تبغي تتقرب من اخت نسم روحها و مهره اتخزهم بنظراتها الي معناها بعدين براويكم

و بعد دقايق وقفت مزنه و راحت صوب حنفيات الصاله الي جريب الحمام عشان تعدل شكلها

وقف عزوز و راح عند طاوله البنات

عزوز و هو ينحي صوب منال و بصوت خفيف


عزوز : ايه

منال نقزت ع الخفيف و صدت له و بصوت خفيف: يحمار خوفتني ( وابتسمت )

عزوز و هو يبتسم : هههه اسف .... وينها ؟

منال بخبث : مزنهه؟! ( ضحكت و غمزت له )

عزوز بجديه : هي يعني منو

منال وهي تتقرب من اذنه ( لانه يلس ع ركبه ) : راحت صوب الحنفيات الي ف الصاله , و ضحكت

عزوز و هو يبتسم : هههه تمام

راح لها صوب الحنفيات و شافها وهي تعدل شيلتها ، و بعد مده

عزوز : احمم

مزنه صدت صوبه بسرعه : بسم الله ( وابتسمت )

عزوز و هو يبتسم : محلوهه

مزنه و هي محمره :............ ( تبتسم )

عزوز بجديه شوي : فكرتي ؟

مزنه و هي مستحيه : هي ..... و..و..موا..موافقه ( ابتسمت )

طبعا لا تسألون عن حال عزوز ف هذاك الوقت كان فرحان و مب عارف كيف يعبر عن سعادته ، و أخيرا تحقق الي كان يبغيه عزوز ، عقبال الباجين ههه

" أحببتها ، وفي أحيان قليلة ، قليلة جداً.. أحبتني هي أيضاً "

نرجع حق الي برع

كان عبدالرحمن مستغل الوضع انه الكل يسولف و كان يطالع مهره و هي تطالعه وعايشين الجو و ما كانوا يعرفوا انه في حد يالس يراقب نظراتهم لبعض الي صدق اتبين فيها الحب

" و احببتها فوق هذا الحب حباً إلى أن دُهشت عيون الحب مني "

، ما قدر يتحمل وقف وراح صوب طاوله البنات

..... : مهره تعالي شوي بغيتج

مهره : نزين

مشو و راحو شوي بعيد

....... بعصبيه : شو بينج انتي و هذا السخيف عبدالرحمن

مهره : مافي شي ، و كملت و هي اتأشر عليه من فوق لتحت : وصح يا أستاذ عبدالله انته شو يخصك؟

عبدالله : .............

طبعا مهره يوم شافته ما يرمس انسحبت و راحت و يلست مكانها وهي كارهتنه كرهه

وقفت تالا و راحت تيلس ويا الحريم ، و ردت مزنه و يلست مكانها و هي محمره انتبهت لها منال

منال بخبث و ببتسامه : شفيججج؟ ( تغمز لها )

مزنه و هي تبتسم : جبببب

طبعا مزنه ما قالت لحد عن الي صار لها امس مع عزوز و فضلت انها تسكت

قاموا الأولاد و يلسوا ف طاوله البنات و طبعا كانو البنات مستحيات لانهم اول مره يكشخون وايد و يشوفونهم الأولاد ، كانوا الأولاد مبتسمين و يطالعون وحده وحده

مزنه و هي مستحيه : ليش تطالعونا جي ؟ في شي ؟

نصور و هو يبتسم : خيتوو عن جد صايره بتجنن ، وضحكك

طبعا تموا الأولاد يتغزلون ف البنات و يضحكون و سوالف

نروح لطاوله الحريم

ام وليد و هي تصد لام عبدالرحمن : تعالو معانا باجر بنطلع و بنروح البر شرايج ؟

ام عبدالرحمن : أي عادي بس اشاور بوعبدالرحمن

بعد ساعه كل واحد شل عياله وراح بيته طبعا قبل لا يروحوا ، ام عبدالرحمن كلمت ريلها عشان يروحون معاهم باجر و وافق و اتفقوا ف أي ساعه و كل شي

البليل الساعه 1

دق جرس بيت بو وليد

طلع بو وليد و فتح الباب


بو وليد عاقد حياته : آمر .. بغيت شي

.....: عبدالله ................ موجود؟

بو وليد : هي موجود ، شو تبوه و منو انت ؟

......: معاك الضابط محمد ......... و كمل : و عبدالله مطلوب عندنا بقضيه مخدرات و انه يتعامل مع مافيا و نبغيه احين !

بو وليد و هو فاج عينه كامل : شوووووو ؟ و طاحح !

كل شي احبهه ©؛°¨غرامي جديد¨°؛©

البارت السادس



بالبدايه خل اوصف لكم الشخصيات الباجيه

عبدالله عمره 18 سنه اسمراني و طوله متوسط شعره عادي عيونه مسحوبه شوي .
عبدالرحمن عمره 19 سنه طويل و ابيض شنبه نفس التركيين و عيونه كبيره و رموشه طويله .
تالا اخت عبدالرحمن عمرها 17 سنه شعرها كستنائي قصير لين رقبتها و عيونها ناعسه شفايفها صغيره طولها متوسط.

طبعا عبدالله قصته قصه ... مريم حبيبه عبدالله ( اللي خان مهره عشانها )
مريم عمرها 18 سنه مدمنه مخدرات و ام مشاكل و خريجه سجون .. شعرها بوي و اسود .. بيضه عيونها كبار و تحب الاكتئاب.


طبعا مريم اللي خلت عبدالله يدمن المخدرات من يوم ما افترق عن مهره .. عبدالله تعرف على مريم ف الدسكو.. اول ماشافها خق عليها و وقتها فكر انه يخلي مهره عشان الي ما تتسمى مريم.. بس الدنيا دارت على عبدالله و مريم خانته مع اعز ربعه.


في مركز الشرطه

طبعا الأولاد يوم سمعوا الخبر لحقوا الشرطه بسرعه

نصور و هو ع اعصابه و بهدوء : ممكن حد يقول لنا شصاير؟

الشرطي محمد و هو يطالع واحد واحد : عبدالله يهرب مخدرات و يبيعهم!

فتحوا الأولاد عيونهم كامل من الصدمه و شهقوا !

عزوز و هو بدا يتنرفز : و الحين شو بصير ؟

الشرطي محمد : بنعتقله!

حمدان و هو عاقد حياته : لمتى ؟

الشرطي محمد : هو المفروض مؤبد بس بنشوف بعد اسبوع فالمحكمه شو بصير!

بدر بصدمه و هو رافع حواجبه : مؤبد!!!

الشرطي محمد : هيه لانه يبيعهم!

نصور و هو يتنهد : الله يهديه

الشرطي محمد و هو يطالعهم : ترى فتشنا تلفونه و لقينا صور بنات و اكتشفنا بعد انه يهكر تلفوناتهم و سارق صورهم بس الحمدالله متحجبات!

نصور بشك : ممكن نشوف؟

الشرطي محمد : تمام تعالو معاي مكتبي!

و طلع الشرطي و الأولاد وراه لين ما وصلوا المكتب

فالمكتب

الشرطي يطلع الصور و يعطيهم.. و كانت الصدمه!!!

بدر بصدمه كبيره و بعصبيه : صور قوم منال!!!!

نصور بعصبيه و بصراخ شوي : وربي ما ارحمه الخايس ال*******

حمدان بنرفزه : نحن معاك

عزوز يصد للشرطي : نبا نشوف عبدالله شوي

الشرطي محمد : بعد شوي بنسجنه

نصور : خ نروح عنده

بدر بعصبيه : يلا

الأولاد يمشون و النيران ف عينهم و كل واحد يتوعد لعبدالله و
طلع عبدالله جدامهم و كانت ايده مكلبجه


نصور ما تحمل .. فجأه طراخخخ..صفعه كف قوي لدرجه ان عبدالله طاح

عزوز عصب : تستاهل يالخايس

حمدان بعد عصب : عيل هاي سواة تسويها ؟ و يرفسه.

الشرطي محمد و هو يحاول يهديهم و بعدهم عن عبدالله : خلاص يا شباب هدو الوضع

بدر يضحك بإستهزاء : نهدي ؟؟

الشرطي محمد يبعدهم عن عبدالله : نحن بنتفاهم معاه ، و الحين انتو روحوا.

الأولاد صدو لعبدالله و تفلو فويهه و عطوه ظهرهم و راحوا

فالمستشفى صوب العنايه ، البنات و ام وليد و اهل عبدالرحمن

مهره حاضنه تالا و تصيح : ابوي شصار فيهههههههه! و تصيح .

تالا و هي تدمع : هدي حبيبتي هدي راح يطلع ! و اتدمع اكثر.

مهره بصراخ خفيفي : ابغي ابوووووي

عبدالرحمن يطالع مهره بس مب قادر يسوي شي.

عبدالرحمن شوي بعيد يصد لمهره : خلاص يا مهره لا تبكين اكثر

مهره اتصيح : ماقدر

ام عبدالرحمن : ماعليه يا قلبي راح يطلع انشالله

بوعبدالرحمن ساكت و سرحان و تدمع عيونه و البنات يهدوا ام وليد

مزنه راحت شوي بعيد عشان تتصل ل****

**** : الو

مزنه : هلا ****

**** : اهلين مزنه شحالكم ؟

مزنه : الحمدالله

**** : زين فكرتوا تتصلو فيني!

مزنه : وليد بقلك شي ( ادمع عينها )

وليد : ها ؟

مزنه و هي تصيح : عمي ف العنايه ( تشاهق )

وليد بصدمه : ابوي!!!!!!!!!

مزنه تمسح دموعها : هيه ، ارجع من لندن مهره تحتاجك.

وليد : انا باجر ياي الامارات

مزنه : تمام

و سكرت عنه

الأولاد وصلوا المستشفى

بوعبدالرحمن : ها بشروا ايش صار ؟

الكل إلتفت صوبهم

نصور بهدوء : بعد أسبوع بيحكمون عليه

حنان تصد لنصور : شمسوي هو ؟

نصور يطالعهم كلهم : يبيع مخدرات و يمكن ينسجن مؤبد

الكل منصدم و كل واحد يطالع الثاني

عزوز يضحك بإستهزاء : و فوق ها عنده صوركم!

عبدالرحمن بصدمه كبيره : صور ميننننن! يستهبل ذا

بدر بحاله صدمه : صدمني والله

مهره تصيح ع الحاله الي وصلوا لها : خلوا عنكم عبدالله خ يولي الحين ابوي متى بيطلع؟

فجأه !! الدكتور متوجهه لهم


ركضت مهره لدكتور : بشر ؟

الدكتور يطالعهم كلهم و يرد يصد لمهره و يتنهد : الحمدالله مافيه شي و احين بنوديه غرفه خاصه ( يبتسم ) و بعد دقايق انشالله بيقوم

مهره تتنهد بقو : الحمدالله يارب ( تصد للدكتور ) اقدر اجوفه؟

الدكتور : لا يوم بنوديه الغرفه بتقدرين اتجوفينه

مهره براحه : خلاص مشكور دكتور ( ابتسمت له )

الدكتور : العفو ، و يلا مسحي دموعج و لا تخلي هالدموع تنزل من هالعين ( غمز و ابتسم ) و راح

مهره صدت ورى و شافت عبدالرحمن يطالعها و عاقد حياته و معصب لانه سمع الي قاله الدكتور.

فجأه وصلت لمهره رساله ف الواتساب

نسم روحي : خير؟ ايش في؟

مهره تطالع عبدالرحمن بطرف عينها

و بعد دقايق

ابوعبدالرحمن كسر الصمت الي صار

: ناصر خذ البنات و رجعهم البيت.

نصور : انشالله بوصلهم و برجع تامرون ع شي و انا راجع ؟

ابوعبدالرحمن بإبتسامه : لا سلامتك

بالسياره نصور يسوق و اخته صوبه و وراه حنان و صوبها منال بعدين مهره

نصورو هو يشوف حنان سرحانه : ها وين وصلتي دبي ؟

حنان بحقاره : دبي ؟

وصلوا البيت

نصور : حنان و مهره تمو شوي

نزلوا منال ومزنه و دخلو البيت

فالسياره

نصور : اسف اذا زعلتج بس زلت لسان

حنان : لا عادي بس شو قصدك بدبي؟

نصور يبتسم : عساس مب فاهمه!( يرفع حاجب واحد )

حنان بسرعه : خلاص فهمت فهمت

نصور يصد لمهره بإبتسامه : خلاص روحي بقول لحنان شي!

مهره بإبتسامه هاديه : اوكيه

نصور يصد لحنان و بتردد : حنان.......اتحبيه ؟

حنان مستحيه و منزله راسها : هييه

نصور بهدوء : و هو...( يبلع ريجه ) يحبج؟

حنان ترفع راسها و تطالعه : ليش تسأل؟

نصور بجديه : لازم اوثق انه ما يزعلج و يضايقج و انه نهايه حبكم زواج مب لعب!

حنان تبتسم : تطمن انا ما اتعلق بالناس الي مب زينين!

نصور يبتسم : الحمدالله ، يالله تقدري تروحي!

حنان بفرحه : اوكيه

خلاص نصور تعب و قرر انه يحاول ينسى حنان لانه ما يبغي يخرب و بينهم

عند مزنه و منال

مزنه لمنال و هي منزله راسها : ليش قاعد يصير لنا جي ؟

منال عاقده حياتها : كيف يعني ؟

مزنه : يعني قاعده تصير لنا أشياء ورا بعض!

منال تبتسم و ترفع راس مزنه بصبعها : قولي انشالله اتعدي و انشالله بيعدي كل شي

مزنه ترد الابتسامه : انشالله.

مهره دخلت

منال اتصد ورا مهره : وين حنان ؟

مهره بهدوء : تحت الحين بتي

بعدها بشوي دخلت حنان


منال بفضول : وين كنتي ؟

حنان بإبتسامه : اشرب ماي

ردت منال الابتسامه

هدوءءءءء

فجأهههه

**** : يعني ليش نحن بالذات ؟ ليشل يش ؟ ( و تصد لهم و تصيح )

منال تروح صوبها و تمسح دموعها : مب زين مهره لا تقولين هالكلام!

مهره تشاهق : تعبت والله خلاص ما اقدر استحمل اكثر من جي

مزنه خانقتها العبره : خلاص قوموا بنصلي قيام الليل

و راحوا يصلون و عقب الصلاه كل وحده نامت ب مكان

في اليوم الي بعده

قاموا البنات من النوم و نزلوا تحت عشان يسوون ريوق حق اهل عبدالرحمن لانهم كانوا بايتين عندهم

نزلت ام عبدالرحمن و وراها أبو عبدالرحمن و جافوا البنات مجهزين كل شي و ابتسموا


ام عبدالرحمن بإبتسامه : يعطيكم العافيه

البنات بإبتسامه : الله يعافيج

بوعبدالرحمن مبتسم : مهره اذا تقدرين تقومين تالا و عبدالرحمن

مهره بوناسه : انشالله عمي

دخلت مهره الغرفه اللي نايمه فيها تالا ، فتحت الليت و الستاره و راحت صوب تالا و قومتها عقب راحت عند عبدالرحمن و وقفت قدام الباب متردده تدخل عقبها بشوي دخلت شوي شوي وصلت عن السرير و ما جافت حد ،، فجأه حست انه حد مسك كتفها

********* : وش يسوي القمر هنا ( يبتسم ) ؟

مهره شهقت بخوف و صدت ورا و مسكت قلبها

: زيغتني ي حمار!

********* : هههه جعل ما يخاف غيرك ( شق الابتسامه )

مهره تطالعه بطرف عين : لا والله و تضحك بعد

: انزين وش كنتي تبين ، ليه جايه هنا ؟*********

مهره : ابوك يقول تعال تحت عشان تاكل!

: انزين اسبقيني *********

********* نزلت مهره تحت و وراها

بوعبدالرحمن : وش فيكم بطيتوا علينا ؟

مهره بإحراج : اممممم ، عبدالرحمن تأخر ف الحمام ( و تطالع عبدالرحمن بطرف عينها )

عبدالرحمن يضحك عليها

منال بهدوءها المعتاد : قايزات متى بتروحون المستشفى

مزنه تصد لها و بهدوء : بتصل ف نصور عسب يوصلنا كل وحده بيتها عقب بنسير

البنات بأدب : انشالله

اتصلت مزنه ف نصور و كل وحده راحت بيتهم عسب تسبح و تبدل

في بيت بو ناصر

مزنه تصارخ : نصور

نصور بصراخ : ها ؟

مزنه تكمل بصراخها : عندك شي عقب ؟

نصور ايي عندها : هيه ليش ؟ ( عاقد حياته )

مزنه : كنت اباك توصلنا المستشفى

نصور : نسيتي اني بروح اييب وليدان ( وليد ) من المطار

مزنه : هيه صح خلاص اوكيه و طلعت

اتصلت مزنه على مهره

مزنه بدفاشه : اقلج مهروهههه

مهره تضحك : ها ؟

مزنه تصارخ شوي : ياخي مافي حد بيوصلنا المستشفى لانه نصور بروح المطار وليدان وصل لاه

مهره كانت حاطه سبيكر و ام عبدالرحمن سمعت و تضحك ع دفاشه مزنه و هبلها

تقربت صوبه ام عبدالرحمن : عيب عليك يا بنت و احنا وش ؟

ابتسمت مهره و خبرت مزنه عشان اتقول للباجين انهم بيو وياهم ، راحت تتلبس

نصور وصل البنات بيت بو وليد و راح المطار

ف سياره عبدالرحمن

عبدالرحمن يبتسم : يمه ؟

ام عبدالرحمن : وشو ؟

عبدالرحمن بخبث و بجديه : ابي اتزوج

مهره كانت تشرب ماي يوم سمعت كلامه شرقت

عبدالرحمن يضحك : امزح امزح بس حبيت اغير جوكم ( يطالع مهره من الجامه و يضحك لانها يالسه وراه و هي ما قصرت تعطيه نظرات قويه ههه )

ام عبدالرحمن : لا تعيدها ( ضربته على راسه بالخفيف )

عبدالرحمن : زين ، انتو محد يمزح معاكم ( مد بوزه اونه زعلان )

البنات ضحكوا

وصلوا البنات المستشفى عقبها بشوي وصلوا الأولاد ( طبعا الي يايبنهم عزوز لانه نصور راح المطار )

مزنه لاحظت شي غريب بس سكتت

همست مزنه لمنال : اقلج أباج ف موضوع

منال فهمتها و استأذنوا من الكل و طلعوا عسب يروحون الكفتيريا اللي تحت ،
وصلو الكفتيريا و يلسوا ف طاوله لشخصين و قابلوا بعض


منال تطالع مزنه : شالسالفه ؟

مزنه بتردد : منول ما لاحظتي شي ؟

منال بهدوء : لا شو ؟

مزنه وهي ترمس بسرعه : نظرات بدوور لج ( تطالعها عين بعين )

منال وهي تحاول ما تحط عينها بعين مزنه : حلفي ؟

مزنه وهي مستغربه من منال : والله

منال بتردد : أمم ، مزنه بقولج شي من زمان أبا أقوله بس قلت بتأكد عقب بقولج! ( تطالع مزنه )

مزنه بشك : شو ؟

منال ببرود : انا احب

مزنه تحاول انها ما تفلت ابتسامتها : منوو؟

منال نزلت راسها و سكتت ، بعد دقايق رفعت راسها و كانت بترمس بسس؟؟

جافت مزنه مهره و حنان يايين من بعيد

مزنه ترمس سريع : اقلج مهور و حنون يايين غيري السالفه بسرعه

منال اونها تغير السالفه بسرعه : انزين عقب شو استوى ؟

مزنه متوتره : هي عقب طردتها

مهره وقفت و تطالعهم

: شو تسوون هالكثر ( ترفع حاجب واحد )

منال متوتره : هه يعني شو نسوي ، يعني ما تعرفوني سالفه ورا سالفه و نسيتكم و خليت مزون تنساكم بعد ( تضحك بتوتر و تحاول تخفيه بالضحك )

حنان : ههههه من يومج

ردوا البنات عند بو وليد

مهره : ها ابوي ما قالوا متى بيطلعونك ؟

بو وليد بتعب : ما ادري ي بنيتي سيري جوفيهم

بعدها بشوي دخل نصور و وراه ****


**** يصارخ و هو مبتسم و فاتح ايده عشان حد ايي و يحضنه
: السلام عليكم

صدت مهره و ركضت و صارخت : ولييييييييييد

حضنته مهره و عقبها ركضت مزنه و حضنته و الكل يضحك على صريخهم و هبلهم يوم شافوا وليد

وليد و هو يفجهم من حضنه : انزيت ويت خلوني اسلم على ابوي و امي اول ( يضحك )

بعد ما سلم وليد على الكل قعد يسولف ، و بدورر ما شال عينه عن منال و عزوز لاحظ و ضحك على حال اخوه و مسك تلفونه و طرش مسج حق مزنه عشان تطلع برع


طلعت مزنه و سارت صوبه

: شو فيك

عزوز يضحك : اقلج الأخ عاشق ( يضحك )

مزنه مب فاهمه شي : منووو ؟

عزوز : لا تخلي عمرج غبيه يعني منو غيره طبعا بدور ( يبتسم )

مزنه فهمت و ضحكت : هيه جفته ، بقولك شي بس بيتم بينا انزين

عزوز عاقد حياته : شو ؟

مزنه تهمس : ترى حتى منال تحبه ( تضحك )

عزوز شهق : حلفيي ؟

مزنه تبتسم : والله

عزوز يضحك : شتتت ما توقعتها ، المهم شرايج انضبطهم ( يغمز )

مزنه تبتسم و تغمز : افا عليك ما طلبت شي ، انزين يلا انا بدخل !

عزوز بخبث : اترييييي انزين ، بقولج شي ( يبتسم بمكر )

مزنه عاقده حياتها : شو ؟
عزوز يبتسم اكثر : احبجج

مزنه استوت حمره ضحك عليها عزوز ، ودخلت مزنه داخل بسرعه و قعدت صوب منال

منال استغربت من خدود مزنه و همست لها : شو بلاج ليش جي حمره؟

مزنه بهمس : سكتي عقب بقولج !

وليد : بالله عليكم ما اشتقتولي ؟

مهره : هيه والله

ام وليد : اكيد

مهره : هالايام عباره عن مستشفى

حنان : هي والله

وليد : خير ؟ شصار بعد ؟

ام وليد : اختك صار لها حادث

وليد : وليش ما قلتولي ؟

هدووووءء

وليد : الله يسامحكم


بعد 5 دقايق

وليد بجديه : امييه أبا اتزوج

مهره : هاههه!!! منوو هاي اللي تباها ؟ حلوه ؟

وليد : بسم الله شفيج ههه

ام وليد : هاذي الساعه المباركه يا وليدي اللي اجوفك فيها معرس ، عندك فلوس ؟

وليد : ما عليج مضبظ عمري ( يغمز لها ) كل شي جاهز بس باجي موافقتج انتي و ابوي

بو وليد : اذا هي بنت حلال و اخلاقها زينه اكيد بنوافق

ام وليد : جم شهر باجيلك و بتخلص ؟

وليد : شهر و بتخرج بإذن الله

الكل : انشالله

دخلت ام عزوز وياها ام منال


ام عزوز وهي تبوس راس بو وليد : الحمدالله على سلامتك اخوي

ام منال و هي تحط الباقه على الطاوله : الحمدالله على سلامتك يالغالي ( تبوس راسه )

بو وليد يبتسم : الله يسلمكم

و قعدوا يسولفون لين ما تأخر الوقت و راحوا بيوتهم

في بيت بو ناصر

كانوا قاعدين فالصاله

نصور : اميههه!

ام ناصر : ها؟

نصور : ابوي ما قالج متى بينزل ؟

ام ناصر : على الأسبوع الياي انشالله

مزنه : يوصل بالسلامه

الكل : امين

اليوم كان يوم السبت و باجر الاحد ، و طبعا بيبدا الفصل الثالث من باجر

اللي بيداومون فالمدرسه هم : مهره ، مزنه ، منال ، حمدان و بدر و هاذي آخر سنه و آخر فصل لهم ، اما فالجامعه حنان تدرس علم نفس ، و نصور هندسه ميكانيكيه ، طبعا هاذي السنه الثانيه حق نصور و حنان ف الجامعه ، اما عزوز اول سنه جامعه و يدرس هندسه بترول.

الصبح الساعه 7:30

بيت بووليد

مهره و هي نازله : صباح الخير يا حلوين

الكل : صباح النور

مهره : وليدان ؟

وليد : عيون وليدان انتي !

مهره : فديت عيونك ، اممم بما انه ما عندك شغل ش رايك توصلني ؟

وليد : من عيوني بس بسرعه

ف السياره

وليد : شتتت نسيت بوكي ف الغرفه

مهره : نزين سير بسرعه عسب ما أتأخر

نزل وليد و دق تلفونه

مهره شلت التلفون جافت الاسم (My Queen)

طبعا مهره الفضول بيذبحها ، ردت و تمت ساكته سمعت الصوت و انصدمت

******* : وينك تستهبل صح ؟

مهره ساكته


******* : بعد ما يرد ، هذا اللي بيذبحني اليوم بلاك ؟

مهره جافت وليد ياي من بعيد و سكرت على طول

وليد ركب ، و رن التلفون مره ثانيه ، و رد على التلفون

وليد : ها رشود شحالك ؟

******* : هيه اوكيه قول انه في حد صوبك مب اتم ساكت

وليد : اقلك رشود برمسك عقب اوكيه

******* : اوكيه دير بالك على نفسك

وليد : و انتي بعد !! قصدي و انت بعد يلا فمان الله ، و سكر.

مهره ابتسمت و نزلت


وليد رد يتصل ، خلوني اعرفكم عليها

ميرة : عمرها 20 جميلة وطيوبة وتدخل القلب بسرعة يعني بإختصار فلاوية تعرف عليها وليد فالجامعة واكتشف انها تقرب حقهم بس من بعيد

وليد : انا ما قلت لج انا بدق

ميرة : يعني من الصبح وانا اصبر عبالي صار فيك شي ويوم بيكون صوبك حد قول مب تتم ساكت

وليد : ليش انتي كم مرة داقة

ميرة : مرتين !! ليش؟

وليد : ترا رحت اوصل مهرة المدرسة

ميرة : شتتتتتتت

وليد : وانا أقول هاي ش بلاها توزع ابتسامات شكلها عرفتج ههه

ميرة : عيل يوم بترد البيت بتهزبني هه

وليد : أصلا هي من زمان تقولي بزوجك وحدة طرر

ميرة : حتى انا تقولي يوم تبي تتزوجين انا بختار ريلج , المهم انت متى بترد ؟

وليد بإستهبال : ليش؟ اشتقتي لي ؟

ميرة : لا بس اسـأل ههه

وليد : انا براويج خليني ارجع جوفي شو بسوي

خلونا من الحبايب نرد للمدرسة

نسيت اقلكم مهرة و مزنة ومنال فنفس الصف

مهرة وهي تدق الباب مال الصف بقو : هااايي قايزز

مزنة : شوي شوي كسرتي الباب

منال : اقلكم , جفتو ابلة الاحياء ؟

مهرة وهي تسحب الطاولة صوبها : ترى انتي وايد متفيجة , تبدا تدق وتغني

مهرة : يا ليالي و يا ليالي قالو انه الحب حالي ما السبب في ضيق حالي , يلا يلا اسمع ,
والبنات يرددون ويصفقوا

فجأة تدخل عليهم ابلة الاحياء

ابلة الاحياء : ماشا الله شكلي داخلة مرقص مب صف

مهرة بصوت واطي : اخيي ويهها اييب النكد , هيهي مرقص

البنات : هههههههههههههه

ابلة الاحياء : ضحكونا وياكم

منال : ولا شي

للعلم ترا كل الأبلوات يحبون منال لأنها مؤدبة

وعلى الحصة الأخيرة دخلت العاملة

العاملة : لو سمحتي ابلة مزنة محمد و مهرة حمد و منال عبدالله بيروحوا البيت

البنات مصدومين وكل وحدة تجوف الثانية

الأبلة : الحصه الاخيره يعني ليش تروحون؟

مهره: ونحن شعرفنا؟ ها سؤال يعني الله يهديج

منال: مهره خلاص سكتي خ نروح

الابله: لا ما تروحون

مهره: نعمم؟ وليش انشالله؟

الابله: احترمي نفسج

مهره: ذكريني باجر احترم يالله مع السلامه

مزنه: مهره سكتي

مهره: يلا يلا خ نروح تعبت من هالاشكال

الابله: قليله ادب

مهره: كلن يرا الناس بعين طبعه

و طلعت مهره و سكرت الباب بقوه و بعدها منال و مزنه

وصلوا عند الاداره و كانت الصدمه اللي كان ياي ياخذهم هو*********

كل شي احبهه ©؛°¨غرامي جديد¨°؛©

البارت السابع



مزنه و هي تركض بفرحه و بصراخ : ابويي!

مهره و هي تخوز مزنه : قومي بسج دورنا

بو ناصر بضحكه : يلا لأني بمر على الباجين

مزنه عاقده حواجبها : منو ؟

بو ناصر : حنون و الأولاد

مزنه بفرح : يلا

عند الجامعه

بوناصر : تمو هني بروح اييب حنون و بي!

البنات : انشالله

راح بو ناصر كلاس حنون و استأذن من المستر
حنان اول ما جافته انصدمت وبعدها راحت عنده و حضنته

بو ناصر : أي وحده مدرسه حمدان و بدر ؟

منال اتكلمت بسرعه : مدرسه قوم نصور القبليه

بو ناصر : هيييي عرفتها

و توجهوا للمدرسه و عقب الجامعه عسب يشل نصور و عزوز

بعد ماركب الكل ف السياره

نصور : ابوي وين بنسير ها مب طريج البيت

بونصور وهو يضحك : بوديكم مطعم بابو يمدحونه

الكل : ههههههههههههههه

منال عاقده حواجبها : انزين خالي نحن لابسين ملابس المدرسه !!!

بو نصور : و يعني الا مطعم بابو ( وضحك )
و ردوا كلهم يضحكون

فالمطعم

سوالفهم و ضحكهم شاله المطعم شل و لانهم وايد ويا خالهم فياخذون راحتهم معاه بالرمسه

بونصور : شرايكم ف الويكند نروح الحديقه المائيه

مهره بحماس : فكرتن منتازه ! ( فجأه بوزت ) بس ما أتوقع الوالد بيرضى

الكل ما عدى مزنه و نصور : حتى نحن ما نتوقع

بو نصور : لا تحاتون خلوهم علي ( يضحك و يغمزلهم )

الكل بضحكه : تمام

ف السياره


طبعا سياره بو نصور فورويل و تكفي الكل

نصور كان قاعد جدام و وراه منال و بعدها مهره و حنان و اخر شي مزنه و ورا مزنه عزوز و صوبه حمدان و بعده بدر

تقدم عزوز عسب محد يجوفه و دخل ايده بين الكرسي من صوب الجامه و كانت مزنه حاطه ايدها على الجامه سحب ايدها و مسكها
شهقت و كلهم صدوا لها خيفانين

بوناصر بخوف : شفيج ؟

مزنه بتوتر : هااه ..... اممم ..... تذكرت اني لازم اذاكر لأنه باجر علي امتحان

طبعا مهره و منال كتموا ضحكتهم لانه أصلا هم ما عليهم امتحان ، وعرفوا انها تكذب بس ما يعرفوا السبب

بو نصور بارتياح : ههههه انزين ترى الحين رايحيين

الكل : ههههههههههه

و رد الهدوء

طبعا بدر و حمدان ما كانوا منتبهين حق عزوز ، و كان عزوز يلعب باصابع مزنه و مزنه تحاول تسحب ايدها بس ماقدرت ، و طبعا حنون كالعاده سرحانه و منال يالسه اتسولف مع حد بالفون و مهره تسولف ويا خالها و نصور بعالم ثاني طبعا .

كان خالهم امقصر على الأغاني ( فجأه ) سمع اغنيه هلا هلا و طول و الكل قام يغني بعد دقايق وصلوا بيت بو وليد لانه الكل كان موجود هناك ، وأول ما دخلوا

الكل : الحمدالله على سلامتك يا بو ناصر

بونصور بابتسامه : الله يسلمكم

و قعدوا يسولفوا

بو نصور بصوت عالي : جماعه الخير ترا بطلع الشباب و البنات

ام عزوز : لا والله طلعنا احنا !

بو نصور يطالعها بطرف عين : مافي انتو المره اليايه

بو وليد : وين بتروحون ؟

بو نصور بثقه : الحديقه المائيه

ام وليد : بس البنات ما يصير يروحوا

مهره مصدومه : ليششششششششششششش؟

بو نصور بجديه : عادي بيلبسون مايو!

البنات صدوا له بصدمه و قلبت ويوهم الوان من المستحى

الكل : ههههههههههه

بو وليد : خ يروحوا عادي في لبس إسلامي

مهره : صحيح والله انك كفو ( و تطرش له بوسات فالهوى )

بو وليد ضحك

صدت منال لابوها

بهدوء : بابا ؟ شتقولل ؟

بومنال بابتسامه و بهدوء : تمام

منال باسته ع خده : فديتك

ام منال تطالعهم بنص عين : و انا وين رحت؟

الكل ضحك

منال بغباء : ها ! شفيج ؟

ام منال : استأذني مني!

منال : ماما عادي اروح ؟

ام منال : زين

حنان : طبعا الوالده اكيد موافقه

ام عزوز : روحوا أصلا أبا الفكه منكم

بدر : الله عليج الوالده

حمدان : طبعا اكيد اكيد الوالد موافق ، وغمز لابوه

بو حمدان ابتسم ابتسامه تدل ع الموافقه

بو نصور : خلاص عيل تجهزوا يوم الخميس

نصور : تمام

بعد العشا الكل راح لبيته

يوم الثلاثاء

البنات و ربيعاتهم كانوا متجمعين عند مهره طبعا جمعتهم عباره عن حش و أغاني و رقص

مهره : جفتوا هاييج اللي تحط فاونديشن فالمدرسه

مزنه : هيه بيض والله

منال تغني : اسمي غنوه مابين شفايفوا صوتوا اجمل صوت ناداني ( اتنهدت ) الله عليج يا شرين ( وعضت شفايفها )

البنات كملو الاغنيه

*** : مهره ابي ماي

مهره : اقلج انا ما اروم سيري تعرفي مكان المطبخ

*** : يعني انا ضيفه المفروض ما اتحرك من مكاني

مهره تبتسم : هههه تحسسيني انج اول مره اتين

*** تنهدت : اففف خلاص اوكيه

و طبعا كالعاده الأولاد عند وليدان

**** : اقلكم انا بروح اشرب ماي حد يبي ؟

الكل : هيه انا

**** : لو ادري جان ما قلت

الكل ضحك

فالمطبخ

**** دخل و عباله اللي واقفه مهره

حضنها من ورا : فديت اختي اللي من يومين ما جفتها

*** بتوتر : ااااااااءاءاءء ، انا مب مهره

**** و هو يرجع ع ورا بتوتر : ها عي ...عيل انتي منو ؟

*** التفتت له و هي مغمضه عينها من المستحى : ااااااناا اربيعتهم

نصور يغطي ع عيونه لأنها مب متحجبه : اسف اسف عبالي مهره ( وطلع برع )

وتم يفكر بالقمر اللي جافه و هي ماشالت عينها عن المكان اللي كان واقف فيه

عند البنات

حنان : مهروووه سيري جوفي *** لأنها وايد تأخرت

منال : هيه صح هالكثر ماي

مهره : اوكيه!

ف طريجها للمطبخ جافت **** واقف و سرحان راحت له و صرخت بإذنه :
نصووووووووووووووووووووور

نصور نقز : بلاج بلاج ترى والله احتاجها ( يأشر ع اذنه )

مهره وهي تضحك : شكلك يموت ياليتني كنت يايبه فوني راحت علي ( وتمت تضحك )

نصور : ما يضحك ويا هالويهه ( و مشى ) و قال : حماره

مهره : ههههههه ( وكملت طريجها ) ، يوم وصلت للمطبخ جافت *** سرحانه :
أخيه بلاكم اليوم ؟

*** : ها ؟ شفيج ؟ شو ؟ زين ؟

مهره : ايه بلاج ؟ ههههه

*** : هاه ؟ لالا ماشي انا بروح عند البنات

طلعت و شافت نصور واقف صوب الباب

مهره بصراخ : الله يخس بليسج انا ليشي يايه المطبخ

نصور مشى بسرعه و *** ركضت عند البنات

مهره : ماعليه انتي يالخايسه

عند البنات


حنان : شفيج تركضين ؟

*** : بس جي

منال بعدم تصديق : واو ( و رفعت حواجبها )

مهره دخلت بصراخ : انتي تستهبلي يالمكاره هالكثر ماي

*** تضحك عليها

عند الأولاد

نصور دخل

الكل بصراخ : ويننن المايييي ؟

نصور ببرود : نسيتكم لاه

وليد : لا والله!!

نصور : المهم ما علينا انا بسير البيت

بدر : ليش تو الناس

نصور : لا بس تعبان أبا ارقد ، يلا مع السلامه

الكل : فمان الله

فجأه

عزوز يصارخ : شتتتت نسيتتتت ( و يضرب ايده ف جبهته )

حمدان : بلاك ؟

عزوز : باجر عندي برزنتيشن ، و لازم اسير اسويه

وليد : انا الحين بروح أوصل حمدان تعالو بوصلكم ف طريجي مادامك ما ييت بسيارتك

بدر : اوكيه يلا

عند البنات

بدر كان يتصل حق حنون بس ما كانت ترد فقرر يتصل لمنال

ردت منال بهدوء : الو!

بدر يبتسم : هلا شحالج ؟

منال : اهلين حمدالله ، انت شحاالك؟

بدر توسعت ابتسامته اكثر : بخير دامج بخير ، امممم حنون صوبج ؟

منال تصد لحنون : هي

بدر : قولي لها تطلع برع لانه بنروح

منال ترمس بسرعه : اوكيه ، بس عادي توصلوني ف طريجكم ؟؟

بدر : اوكيه يلا

و سكرت و قالت لحنون تلبس عباتها

برع عند الأولاد

وليد وهو يصغر عيونه : هذي مب جنها سياره نصور ؟

صدو الأولاد

حمدان : هيهه!!!

راحوا عند السياره جافوا نصور سرحان

دق وليد الجامه

نصور و هو ينزل الجامه : خوفتني الله يغربلك

عزوز يضحك على شكل نصور : اوييي شكلك يموت هههههههه

نصور : ما يضحك ، و مسك تلفونه عسب يتصل لمزنه

نصور : اقلج!

مزنه بهدوء : ها؟

نصور : لج 5 دقايق اذا ما طلعتي بروح عنج

مزنه : اوكيه بس عادي ف طريجنا توصل وحده من ربيعاتنا بيتهم

نصور : بيتهم بعيد ؟

مزنه : لا

نصور : زين بس بسرعه ( سكر و صد للأولاد ) و انتو شو تتريون روحوا لاه

وليد : شارع ابوك و انا مادري ههههههه

نصور : هيه هههههههه

و راحوا لانه البنات طلعوا

طبعا سياره وليد صغيره و الحمدالله كفتهم

بدر ماشال عينه عن منال و عزوز لاحظ نظراته و شل تلفونه و كتب
: يود عينك عن تطيح

بدر فتح المحادثه و عطى عزوز نظره خلته يسكر التلفون


مزنه طلعت و كانت وياها*** من جافها نصور بدت دقات قلبه تزيد و هو مايعرف شو هو السبب و *** من جافته بدت تستغفر

ركبت السياره بهدوء و بدون صوت

مزنه : اقلج نوفوه ؟

نوف بصوت واطي : ها ؟

مزنه : انتي من متى تعرفي حنون ؟

نوف : من اول ثانوي

مزنه : اها

نصور : وين البيت؟

نوف : صوب ال........

نصور : هيه عرفته اللي لونه بني صح ؟

نوف : هيه

نصور ف باله : ياخي اعرف هالبيت بس بيت منو ههففف

خلوني اعرفكم عليها اسمها نوف و هي ويا حنون من اول ثانوي طيوبه و هاديه لدرجه فظيعه و جميلهههه

وصلها و راحوا البيت


بعد ثلاث أيام

طبعا نسيت اقلكم ان وليد اجل رحلته لانه حب يقعد ويه اهله بما انه عنده اجازه موعد السفر يوم السبت

يوم الخميس المنتظر

فالسياره

بو نصور : أي وحده تبون تسيرون ؟ الشارجه ولا دبي ؟

الكل : الشارجه

طبعا فالسياره كانوا قاعدين نفس القعده القبليه بس هالمره وليد جدام و نصور ويا الأولاد ورا

بعد دقايق وصلوا الحديقه و ماكان في وايد ناس عشان جي كانوا مستانسين و طبعا البنات كانوا لابسين لبس سباحه ساتر ،

فجأه سمعنا صوت وحده تقول بفرحه : مناللللللللللل

الكل صد عسب يجوف هالصوت ياي من عند منو

صاحبت الصوت كانت بنت عمت منال و كانت يايه ويا اخوها و مزنه لاحظت نظرات منال الي يبين انها فرحانه من اول ما جافت ولد عمتها حست انه في شي بس سكتت

منال راحت لهم بسرعه تسلم عليهم و الباجين كملوا لعب ما عدا بدور اللي من جاف نظرات منال لولد عمتها شك بالموضوع

عزوز كان واقف ورا الزحلاقيه شل تلفونه و اتصل لمزنه

مزنه : ها ؟

عزوز بعصبيه : تعالي ورا الزحلاقيه الطويله ( و سكر بدون ما يقول شي ) ، مزنهه حست انه الموضوع كبير ، فراحت له ، يوم وصلت

مزنه : شو صاير ؟

عزوز بعصبيه : شو بين منال و ولد عمتها ؟؟

مزنه : اهدا اول

عزوز يفور من العصبيه : مزنه لا تزيديني قولي بسرعه

مزنه : ما بينهم شي

عزوز : مزنه لا تكذبي علي

مزنه : والله مابينهم شي انت تعرف اني ما اخبي عليك شي و لو كنت اعرف شي كنت بقولك بدون لف و دوران

عزوز يتنهد : اففف الحمدالله ريحتيني ، سوري اني عصبت عليج

مزنه : لاعادي ما ازعل منك

عزوز : فديتج الله

ويهها استوى احمر فركضت عنه بعيد و هو تم يضحك عليها

عند منال

كانت تسولف مع بنت عمتها ف دقت للبنات عشان اييون و قالت لهم
: و خلو الأولاد اييون بعد

مزنه : ليش ؟

صدت منال لولد عمتها و ابتسمت : عشان ولد عمتي لاه

مزنه : ويعني ؟

منال ابتعدت عنهم : انتي شفيج خليهم اييو عشان اشلوه معاهم و جي و لاني اباهم يكونوا وايد ويا بعض زين ؟

مزنه : نزين نزين

و سكروا

كلمت مزنه البنات و زقروا الأولاد وياهم و سلموا و تعرفوا و عقبها راحو وكملو لعب ويا خالهم و عيال عمة منال ، طبعا عين منال ما خازت من ولد عمتها

عقب كم ساعه طلعوا من الحديقه و قرروا انهم يروحوا مطعم

فالمطعم

اول ما دخلوا

المطعم كان اول ما تدخل يمين و يسار فيه طاولات ف هم قرروا يروحوا اخر شي عشان ياخذون راحتهم ، و هم يمشوا كانوا كلهم جدام الا منال كانت مشيتها بارده بس هالمره غير كانت اكثر برود

( و فجأه ) حست بقبضه خفيفه بقلبها فتساندت عالكرسي الي صوبها و بدت تأخذ نفس عشان يخف
فشافها بدر و ركض عندها بس محد لاحظ

مسك كتوفها لا ارادي و بخوف : منول شفيج ؟

منال كانت منزله راسها ف يوم سألها رفعت راسها له

وهي تأخذ نفس : ها ؟ ( وبتعب ) ولاشي ، مافيني شي بس حسيت بقبضه خفيفه و احين احسن .

بدر بخوف : اكيد ؟

منال بابتسامه تعب : اكيد!

التفتت منال لكتفها ف استوعب بدر و خوز ايده و عطاها ظهره و قال
: يلا عن يحسون بشي

راحت معاه و وصلوا الطاوله بهدوء و يلسوا مجابلين بعض

بعد الاكل ركبوا السياره و كان الكل تعبان ف كل واحد حط راسه ع كتف الثاني و نام ، الا اثنين ما ناموا و هم بو ناصر و منال

كانت منال يالسه صوب الباب ورا خالها و الي كانت صوبها مهره

فجأه منال قالت بصوت شبه هامس و دموعها بخدها
: خالي وقف خالي ماقدر

سمعتها مهره و قالت بخوف لخالها
: خالي وقف منال تعبانه

طبعا محد سمع لانهم تعبانين ، فوقف الخال و هو خيفان و اول ما وقف بطلت منال الباب و نزلت تمت تتنفس بسرعه و تحاول تضبط نفسها ، نزلت لها مهره و تمت تمسح ظهرها و تقرا قرآن لين ماهدت و عطتها ماي فيلست و يلست معاها مهره

مهره تصد لمنال : منول شفيج

منال و دموعها اربع اربع : ماعرف ماعرف مادري شفيني احين هاي المره الثانيه اتيني هالحاله ( تصد لمهره ) : مهور ( همهمت مهره ) كملت منال : احس في شي صاير

مهره : انشالله خير ، نزين يلا قومي اتأخرنا

منال هزت راسها

يوم ركبوا السياره كان هدوء ، استغربوا مهره و منال ليش بو ناصر ما سأل ، فتجدمت منال و شافت خالها محطي راسه ع السكان و كانت تشوف دموع ، ستوب ستوب دموع اكيد شي صاير هذا كان الكلام الي يدور ف بال منال

حطت ايدها ع كتفه و بدت دموعها تنزل و هي ما عارفه ليش
: خالي صاير شي صح

زادت دموع خالها و هي بدت تعلي صوتها اكثر شوي
: خالي جاوبني شصاير ( تهز كتفه )

قاموا البنات و الاولاد وهم مستغربين من حال منال و بوناصر

ردت منال بس هالمره بصراخ و هي تهز كتف خالها اكثر
: خالي قول شصاير الله يخليك ، والله اعرف انه صاير شي والله ( تأشر ع قلبها ) و تقول : هذا يقول لي انه في شي يعني خالي انا احس ، بس ليش يعني انا الوحيده الي قلبي يعورني ها ( صارخت ) قولل ؟ اكيد ماما او بابا صاير فيهم شي صح ؟ قول الله يخليك ( بدت تشاهق و ماقدرت تتنفس فأشرت لمهره انه ابغي ماي ) عطتها على طول ف شربت

و تمت ادور تلفونها لين ما لقته فدقت لأول رقم شافته و كان رقم خالتها ام قوم عزوز ، نزلت منال من السياره و اول ما ردت خالتها قالت منال و هي تصيح
: الو خالو الله يخليج لا تكذبي علي ! قولي منو فيهم ؟ شفيهم ؟ الله يخليج.

ردت خالتها و هي تصيح : ه..هم ... هم الاثنين ( و انفجرت من الصياح )

طاح التلفون من ايدها و عيونها تنزل شوي شوي ، فيلست و هي للحين مصدومه و فبالها : يعني .. يعني بروحوا عني لا لا ( تضحك بهستريه ) اكيد يكذبوا علي انا بروح المستشفى و بشوف اكيد يمزحون .

كان الكل يطالعها من السياره و هي كاسره خاطرهم و مب عارفين شو يسوو

ركضت للسياره و ركبت ، يوم يلست تمت تهز خالها و تقوله و دموعها تنزل
: خالي يلا روح مستشفى********* خالي بسرعه الله يخليك

بدر خاف ف قال : ل.. ليش ؟

صدت منال و دموعها تنزل : م.. ما ..ماما و بابا هناك( نزلت دموعها ف غمضت عينها و ردت تصد جدام )

حرك بوناصر و هو دموعه اربع اربع ، بعد دقايق وصلوا و اول ما وقف السياره بطلت منال و ركضت ف نزلوا الأولاد بسرعه لانهم يخافوا انه يصير فيها شي.

وصلت عند الرسبشن و سألت عنهم و قالو لها
: فالعنايه!

منال صدت للأولاد و هي تصيح
: يعني صدق ؟! لا مستحيل

و ركضت لين العنايه ، كان الكل هناك ، ( في ممر طويل و اخر شي العنايه ، منال كانت بدايه الممر ) شافتهم ف ركضت لين الباب و تمت تصارخ
: دخلوني دخلوني قلت ، اباهم ، ما عندي حد غيرهم ، شو بسوي من بعدهم ، خلوني بدالهم ( و بدت تصيح بهستريه )

راحت لها ام عزوز بسرعه و حضنتها : منال حبيبتي ، لا تحاتي انشالله يكونون بخير

سكتت منال من بعد ما طلع الدكتور من العنايه فركضت له
: هم بخير صح ؟

نزل الدكتور راسه ثواني و رفعه و قال
:********

خفاياليل ©؛°¨غرامي مشارك¨°؛©

حلوه الروايه استمري ❤

كل شي احبهه ©؛°¨غرامي جديد¨°؛©

البارت الثامن





( قبل الحادث ب 6 ساعات )

فالسيارة و هم راجعين البيت

أم منال : بو منال ، انا لازم اخبرك بشي

أبو منال خاف : بسم الله ، شصاير

أم منال بتردد : البيبي لازم اطيحه

أبو منال بصدمه : نعممممم؟ انتي صاحيه؟

ام منال بصياح : مب ذنبي والله مب ذنبي

أبو منال بهدوء عكس الي داخله : كيف يعني ؟؟

ام منال: البيبي متشوه و احتمال كبير ما يعيش

بو منال : ...........

تجمعت دموعه و بغصة: و بن... و بنتج كيف نقول لها انج حامل و لازم تطيحين البيبي؟

ام منال : مب لازم نقول

بو منال تشتت تفكيره و دارت الدنيا فيه و م حس بالدنيا لانه تخيب ظنه و ما بيده يسوي شي الله كاتب

ام منال بصراخ : انتببببببببببببببببببببببببببه

بو منال قطع الإشارة الحمرا و دعم الشاحنة

نرجع للمستشفى

منال تصيح : ما بيصير شي صح؟

بو ناصر يمسح ع راسها : ان شاء الله ما بيصير شي توكلي على الله

طلع الدكتور من غرفه العمليات

منال ركضت صوبه: طمني

الدكتور باسف : فقدنا الاب و الجنين

الكل بصدمة : الجنييييييييييييييييييييين؟

منال بصراخ : ااا ... يعني ابوي توفى؟ هه لا لا لا ما اصدق

سارت جدام الدكتور و باستهزاء : انتواا تقصصصون علي؟ و دموعها تنزل بحرقة ...و بعدين أي بيبي ؟؟؟

ولد عمتها ماقدر يشوفها بهالحال و سار صوبها حضنها بقوه و بدر انقهر و حس انه قلبه بيطلع من ضلوعه و بحركه سريعه تقدم عنده و سحبه و ضربه على فكه

بدر و الغيرة حارقة قلبه و بعصبيه : منو سمح لك تحضنها ؟

ولد عمتها يرد له الضربه : و انت شدخلك ؟

مهرة صرخت عليهم : خلاص مب وقتكم نحن وين و انتوا وين

و البنات سحبوا منال و طلعوها برع

بو ناصر : انتوا ما تستحون؟ شكبركم و تضاربون جدام خلق الله؟ عيب عليكم و بعدين شو حضن ما حضن؟ وين قاعدين؟

بدر يصارخ : انا شذنبي دام اني حبي....

عزوز يبا يرقع الموضوع سحب بدر برع: بخليه يهدا

بو ناصر : الله يهديكم بس

عند البنات


منال تحس انه ريلها ما شالتنها و عينها صارت حمرا من كثر الصياح و مزنة حاضنتنها و تصيح حنان و مهرة يهدونها

داخل المستشفى

ام عزوز بصياح : الله يرحمهم و يغفرلهم يارب

بو ناصر : قعدتكم هني ما منها فايدة ، روحوا البيت و ارتاحوا وانا بخلص إجراءات العزا

وليد و هو يدق لأبوه عسب يخبره : السلام عليكم

أبو وليد : و عليكم السلام ، وينكم اتأخرتوا؟

وليد بتردد : اا ابوي بقلك شي بس اهدا

أبو وليد : بسم الله شصاير

وليد : نحن بالمستشفى

أبو وليد : ليش؟ فيكم شي؟

وليد : خالتي أم منال و أبو منال سوو حادث

أبو وليد وقف من الصدمه : حادددث؟ كيف؟ يلا يلا انا ياي

وليد : لالا نحن الحين بنطلع و بنييكم

بو وليد بتوتر : هم فيهم شي؟هم بخير؟

وليد : انا لله و انا اليه راجعون..بو منال توفى و البيبي

أبو وليد انصدم : البيبي؟ أي بيبي؟ أم منال حامل؟؟؟؟!!!!

وليد : لما بي بفهمك كل شي

أبو وليد : يلا عيل مع السلامه

وليد:مع السلامه و سكر

اول ما سكر ، دق أبو وليد لأبوعبدالرحمن

أبو وليد بحزن : السلام عليكم

أبو عبدالرحمن انصدم من نبرته : و عليكم السلام ، عسى ما شر

أبو وليد : بو منال توفى بحادث أتمنى اشوفكم فالعزا

أبو عبدالرحمن حزن : انا لله و انا اليه لراجعون ، خلاص ان شاء الله بكلم ام عبدالرحمن و نجيكم

أبو وليد : بحفظ الرحمن ، مع السلامة

أبو عبدالرحمن : مع السلامة

و خبر اهله عسب يجهزون الأغراض و يتجهون للإمارات

عبدالرحمن خاف : خير؟ وش صاير؟

بو عبدالرحمن منزل راسه : بو منال توفى

ام عبدالرحمن انصدمت : شلون؟ الله يرحمه يارب

بو عبدالرحمن : بحادث

ام عبدالرحمن : يالله برحمتك الله يجعل مثواه الجنه

تالا : يبه اكيد بتاخذوني صح؟ ابي اروح عند البنات

بو عبدالرحمن : اكيد بناخذك

و قعد بو عبدالرحمن يدور حجوزات للامارات ولقو و اتجهوا للامارات

نرجع للمستشفى

ام وليد: منو بيتم عند ام منال؟

منال بصياح : انااا ، انا بتم م ابغي اخسرها مثل م خسرت ابوي

ام عزوز : م يصير لازم تروحين البيت و ترتاحين ، انا بتم عندها لا تحاتين

بو ناصر يحضنها من جنب : يلا حبيبتي منال لازم نروح البيت

وراحت منال و عقلها عند أمها

نروح عند بدر و عزوز ف حديقة المستشفى

عزوز بعصبية : انت تستهبل؟ كنت بتقولها و جدام أهلنا بعد

بدر بمشاعر واضحه : انا م ابغي ابتعد عنها و لا حتى اخسرها انا احبها تعرف شو يعني احبها ، و يروح واحد شرات هالجلب و يحضنها و جدامي !!!!!

عزوز : بس مب لدرجة انك تضرب الريال واصلا خالي بو ناصر بيتفاهم معاه

بدر: يتفاهم معاه؟ انت تقدر تجوف واحد يحضن مزنة؟ تقدر؟

عزوز و ألف علامة استفهام ع راسه : ها؟ مزنة؟ انت شعرفك؟

بدر : كل شي مبين من نظراتكم لبعض

عزوز: انزين يلا خلنا نروح

بدر: يلا

فالغرفة

تفتح عينها بصعوبة و تلتفت يمين و يسار

ام منال تصيح : وينه؟وينهههههه؟و انا وين؟ شصاير؟

ام عزوز : هدي حبيبتي هدي لازم ترتاحين

ام منال تصيح بطريقة هستيرية : قوليلي وينه؟

ام عزوز بحزن : مما ... البقاء لله

ام منال قعدت تصيح و ام عزوز تحس هموم و الزعل الدنيا على قلبها و ام عزوز نادت النيرس تعطي ام منال مسكن

عند منال و مهرة

منال تمت تصيح الين م نامت ، طبعا مهرة كانت تصلي العشاء متاخر و اول م خلصت طلعت و راحت حديقة بيتهم و كانت تفكر بمنال و حالتها

……
طلع من الغرفة و راح الحديقة بعيد عن انظار اهل البيت

تنهد و قال بينه و بين نفسه: شتسوي الحين؟ نايمه؟سهرانه؟تبكي؟

و لمح وحدة واقفة و عاطتنه الظهر ، تقرب منها : مين انتي؟

مهرة شهقت من الخوف و قالت: عب ... عبدالرحمن؟

انصدم منها: مهرة؟ !!!!!

نزلت راسها عسب ما يشوف دموعها ، و هو رد يرفع راسها بأطراف أصابعه

عبدالرحمن مصدوم : تبكين؟

مهرة م قدرت تكتم و انفجرت صياح


عبدالرحمن و هو بعده مصدوم سحبها بحضنه و قعد يهديها : خلاص اهدي

مهرة و هي تصيح :ممم منال ... أبو منال راح و البيبي بعد راح و أمها بالمستشفى ، شو بتسوي؟ كيف بتتحمل؟ م اقدر اجوف حد يصيح و انا مااقدر اسوي شي صرت ما اتحمل شي

عبدالرحمن مصدوم : أي بيبي؟ و عقب كمل : ماعليه ي حبيبتي اهدي ، هذا يومهم و هذا قضاء الله و قدره ، كلنا بنموت و كلنا لله بنرجع مافي حد بيبقى ، المفروض الحين تقوين عمرك عشان تعرفين شلون توقفين معاها و تساندينها ارجعي مهره القويه بس و امورك بتصير تمام

مهرة ارتاحت بعد كلام عبدالرحمن و انتبهت انها ف حضنه و استحت : اااءءء اسفه

عبدالرحمن لاحظ انها استحت و ضحك : ههههههههههه لا شدعوه

عبدالرحمن : صح انتي قلتي بيبي أي بيبي؟

مهرة تمسح دموعها : ام منال كانت حامل و مات

عبدالرحمن : الله يرحمه و يصبر قلوبكم

عبدالرحمن قرص خد مهره: يلا ما عندنا بنات يطلعن ذا الوقت

مهره: انتو متى وصلتوا؟

عبدالرحمن : مالك دخل يلا روحي...تعالي تعالي تعشيتي؟

مهره تقلد عبدالرحمن و بجديه : مالك دخل

عبدالرحمن كاتم ضحكته : يا بنت!! تعشيتي ولا؟

مهره : لا لا

عبدالرحمن : وليه؟

مهره : مالي بارض عشا

عبدالرحمن : اطلب لك؟

مهره : لا لا

عبدالرحمن : الا انا داري انك تبين

مهره: والله مابا

ركضت مهره عشان عبدالرحمن ما يصر عليها و راحت الغرفه عند منال

شافت منال قاعده ع السرير بطريقه مزريه

مهره: منال حبيبتي شاللي مقومنج الحين؟

منال دموعها تنزل و تشهق : حلمت بابا

مهره راحت قعدت صوب منال و حضنتها

منال و هي تصيح : مالي ريال غيره يحميني و يحرسني ، كيف.. كيف بعيش بدون سند لي و احين منو بدلعني..منو بيوقف وياي اذا احتجت وقفت ريال؟؟

مهره: عندج عمومج و خوالج ما بيقصروا فيج اكيد ..هو الحين محتاج دعائج ادعيله بس

منال تمسح دموعها : ادري ما راح يقصرون..الله يرحمه يارب...انتي نمتي؟

مهره: لا

منال: وين كنتي؟

مهره: فالحديقه...انتي يلا ارجعي نامي

منال: تمام...تصبحين على خير

مهره: عوافي

اول يوم عزا ف خيمه الرياييل


الرياييل واقفين سطر واحد عموم منال و رياييل عماتها و كانوا عند المدخل عشان يسلمون ع الناس ، فجأه دخلوا خوال منال و راييل خالاتها و كزناتها سلموا على بعض بسس.....؟؟؟


فهد بهمس و هو يسلم على بدر:نعمممم؟خييير؟شعندك ياي؟

بدر بهمس: والله ما أتوقع العزا يباله عزيمه و بعدين لا تنسى عزا أبو حرمتي المستقبليه

فهد عصب : احترم نفسك

عزوز شافهم طولوا فالسلام و عرف انه في شي راح عندهم

عزوز : بدر و فهد ما توقع انه وقتكم مب يهال انتو ع الأقل احترموا عزا الميت

فهد: شل اخوك عني يالس لي حرمتي و مادري شو

عزوز سحب بدر و خلاه يروح عند قوم نصور و رجع ل فهد


عزوز بهمس:ههه ما أتوقع انه يكذب ( يقصد لما بدر قال ل فهد حرمتي المستقبليه)..و محد بيقوف لك غيري..ما عاش اللي يقهر اخوي

فهد: نبا نخلص من واحد يطلع لنا الثاني

عزوز بتهديد : قلت لك انا

عند الرياييل

تلفون نصور يرن

نصور: الو

الشرطي محمد: هلا ناصر

نصور:هلا الشرطي محمد

الشرطي محمد: ادري انكم فعزا و عظم الله اجركم دقيتلك عشان موضوع عبدالله

نصور: اجرنا و اجرك...انزين شصار

الشرطي محمد: البنات اللي كانوا فالصور

نصور بشك: شفيهم

الشرطي محمد: نبا نعرف هل بيرفعون على عبدالله قضيه ولا

نصور: انا برمسهم و برد لك خبر

الشرطي محمد: أتمنى حد من اهله يكون حاضر

نصور: بنشوف الوضع

الشرطي محمد: تمام يلا عيل بخليك مع السلامه

نصور: مع السلامه

راح نصور عند بو وليد و قال له

بو وليد: ههه اكيد بيرفعون قضيه انا اعرفهم

نصور: قلت له بشوفهم اول

بو وليد: و متى الجلسه فالمحكمه

نصور: بعد يومين

بعد 5 دقايق

عزوز: نصور ها مب جنه بو عبدالله؟؟؟

نصور: رجعوا من السفر!!

بو عبدالله يسلم على بو وليد

بو عبدالله يكلم قوم نصور : ها شباب شحالكم؟

الشباب : الحمدلله

بو عبدالله:عيل عبدلله وين عنكم؟

بدر بصوت خفيف : هههه فالقفص

عزوز يقرص بدر من تحت : تخيل الريال سمع اسكتتتتت

بو وليد: بو عبدالله بغيتك بموضوع برع

بو عبدالله: حاضر بس بسلم على الرياييل و ياينك

وراح يسلم على الرياييل

بدر : خالي بنتكلم معاك

بو وليد: ههه ليش ما اعرف أتكلم انا؟

بدر يحط ايده ورا شعره : بنساعد

بو وليد: زين زين

بو عبدالله يأشر حق بو وليد (تعال برع)

بو وليد: يلا شباب

برع الخيمه

بو عبدالله شاف انه كل الشباب يو ف شك : عسى ما شر

بدر يضحك : الا شر شر

بو وليد: احمم احممم (اشاره ل بدر)

بو عبدالله: ارمسوا!!! عبدالله في شي؟

نصور: انته اهدا

بو وليد: تسأل عن عبدالله؟ترى عبدالله فالسجن

بو عبدالله شهق: كييييييففففففف؟و ليشششش؟ شمسوي ولدي؟

بدر يضحك : شو مب مسوي الله يهديه

عزوز يهمس لبدر : انته لو تسكت دقيقه بس

بو وليد: الولد يتعاطى و مهكر تلفونات البنات و ماخذ صورهم

بو عبدالله يمسك كندورة بو وليد: احترم نفسك و تكلم عن ولدي زين...انا ولدي ما يسوي شي

بو وليد: هدي يا ريال و افهم

نصور يمسك ايد بو عبدالله و ينزلها

نصور: أتمنى هالايد ما ترتفع مرة ثانيه

بو عبدالله: جب ولا كلمه .... امنت ولدي عندكم و جي تسوون فيه؟

بو وليد: لو سمحت لا ترد علينا ولدك الغلطان

حمدان توه واصل العزا و شافهم

حمدان: شمستوي هني؟

بو عبدالله: ها انته بعد تكلم عن ولدي

حمدان يصد ل بدر: ههههه قلتوله ولده شمسوي

بدر يضحك اكثر : يا ريال مب راضي يصدق

عزوز: انته وياه امشوا امشوا نرجع

بدر : خلنا نقول له شيسوي ولده قليل الادب

بو عبدالله: تكلم عن ولدي بأدب

بو وليد: شباب شوي شوي

بو عبدالله يأشر على بو وليد: أصلا انته مب ريال

بو وليد: احترم نفسك

بو عبدالله يعطي بو وليد كف و بو وليد من الصدمه ما سوا شي

نصور عصب: لا بركه فيك ولا ف ولدك يالخايس ( و يرجع له الكف)

بو عبدالله: انته مب مرباي

نصور: ولدك اللي مب مرباي و ما عاش اللي يضر اهلي

بو ناصر طلع و شافهم راح يبا يفرقهم

بو ناصر: شو صاير هنيييييي؟

بو عبدالله: ربى ولدك عدل....و مسكوا بناتكم الهايتات

بو ناصر: نصور؟ شمسوي

نصور: بعدين نتفاهم ابوي (و راح)

بو ناصر: احترموا العزا شو هالمهزله

بو وليد توه يستوعب

بو وليد يهجم على بو عبدالله: انته تغلط على بنات منو ؟

عند البنات

كل شي احبهه ©؛°¨غرامي جديد¨°؛©

تكمله ...


مهره : بناتتتتت لحقوا ابوي و و ريل عمتي يتضاربونننننن

حنان انصدمت : شووووووو!!

مزنه خافت : عن يذبحون عمارهم...ابوي مب قادر يفرقهم

مهره: لازم اروح....هذا منو عشان يضرب ابوي

و مهره تركض و البنات يحاولون يمنعونها لين وصلوا برع

مهره بصراخ: عمي مانع

كلهم التفتوا لها...و راحت مهره عند بو عبدالله و تضربه على صدره

مهره: انت منو عشان تضرب ابوي؟هااااااا؟الله ياخذك انت و ولدك الخايس

بو عبدالله يدز مهره بقو لين طيحها ع الأرض وعبدالرحمن يحاول يتمالك نفسه و ما يروح عشان مهره

بدر بصراخ: يا قليل الادب تضرب بنت

بو وليد:***تضرب بنتي ليششششش

وليد وصل: شو مستوي هني؟ منو مطيح اختي؟ ( و يشيلها من الأرض)

بو عبدالله: ها وليد انته بعد تبا تقول شي

وليد: شو أقول..خوز عن ويهي بروحي ما ادانيك

بو عبدالله: واو ع التربيه

بو وليد: ما يخصك ف تربيتي

وليد: صح ما يخصك....( سحب مهره ع صوب) شو مستوي

مهره: شفته يضرب ابوي بس عجزت افهم السبب

وليد: تمام انتي روحي

و راحت مهره

وليد رايح عند نصور...و قال له السالفه بالتفصيل

وليد: ها ما عنده كرامه؟ليش ما يروح

نصور: من متى أصلا

بو وليد متجهه صوب نصور و وليد

بو وليد: وليد اباك تقنع البنات ما يرفعون قضيه مب ناقصين

وليد: بس ما يستاهل

بو وليد: ادري بس عشان نفتك و بعدين انا مب حاقد عليه

نصور: عمي بس بقلك شي... لا تخلي هالقلب طيب زياده عن اللزوم

بو وليد: شنسوي بعد

عند الحريم

طبعا منال بحاله مزريه تفكر كيف بتعيش بدون ابوها و أمها متى بتطلع من المستشفى
منال تركض لام عزوز : خالو بليييييز وديني عندها بلييييييييز أبا اجوفها

ام عزوز والدمعة بعينها : اوكيه حبيبتي الحين بييب عباتي بس اباج تتصلي حق بدر عسب يروح ويانا

منال : ان شاء الله

منال تتصل لبدر

بدر : الو

منال بصوت تعبان : تعال بسرعه

بدر: شصاير

منال: تعال انت

عند الشباب

عزوز: شصاير؟ شفيك

بدر: لازم اروح منال متصله

فهد سمع و لحق بدر..بسس!!!!

عزوز مسكه

عزوز: ع وين يا حلو؟ ( يغمزله)

فهد: خوز عني

عزوز: مابا شبتسوى؟

فهد:خوز ياخي

عزوز: تبا تلحق ع منال؟هههاي قول لها مع السلامه

فهد عصب : والله ما اخليه يتهنا فيها

عزوز يضحك : كل هوا واقعد

وصلوا المستشفى

كان الدكتور توه طالع من غرفة ام منال

منال من جافته زادت سرعتها

منال : دكتور ماما فيها شي ؟؟

الدكتور : الحمدالله احسن من قبل

منال : نزين يصير اجوفها

الدكتور : هيه بس خمس دقايق

منال : اوكيه .....ودخلت

اول ما جافت أمها حاولت تمسك دموعها بس ما قدرت

ام منال: لا تصيحين مافيني شي

منال تمسح دموعها : متى بتطلعين ؟

ام منال تحاول تقوي عمرها عشان ما تصيح بنتها : باجر ان شاء الله

منال بترجي : بتم عندج

ام منال: لا حبيبتي ما يصير

منال : لا ترديني

ام منال : لازم توقفين فعزا ابوج

دخل الدكتور : يلا خلصت الخمس دقايق

منال : بس شوي

ام منال : خلاص روحي ولا تحاتي

منال تبوس راس امها : ان شاء الله , وصلت صوب الباب وصدت على أمها : ديري بالج على نفسج

ام منال : ان شاء الله وانتي بعد

طلعت منال

ام عزوز : قعدي هني انا بدخل اجوفها وبطلع

منال : اوكيه

بدر كان واقف بعيد شوي يوم جاف امه دخلت تقرب ووقف جدام منال ، طبعا منال كانت منزله راسها وتصيح

بدر يلس على ركبه و رفع راسها بصبعه : لا تخافي كل شي بيصير بخير

منال : ما اقدر ما اقدر أحاول أوقف دموعي بس مب بايدي وكملت صياحها

بدر بحنان : ترا صياحج ما بيرد الزمن ولا بيغير شي لازم تدعي لهم الحين هم شو بيستفيدون من صياحج ما بيستفيدون شي صح؟ الحين هم محتاجين لدعاء صح انه كل شي صار بسرعة بس هذا قضاء وقدر لا انتي ولا نحن نقدر نغير شي , يلا قومي غسلي ويهج وماابا اجوف هالدموع مرة ثانية و ابتسم فويهها

منال هدت شوي وارتاحت من كلام بدر وراحت تغسل ويهها و طلعت ام عزوز من عند اختها وراحوا للعزا

عند البنات

طبعا وليد قاعد يقنعهم انهم ما يرفعون قضية على عبدالله

مهرة : يعني فوق ما انه ابوه ضارب ابوي تباني اتنازل لا يا حبيبي ما بتنازل

حنان : انا ودي اعرف شي واحد كيف وصل للصور؟؟

وليد : الحين شو اخر كلام

البنات : ما بنتنازل

مزنة كانت داخل ويا منال

مزنة : منول

منال بسرحان : ها؟

مزنة : انتي منو كان قصدجج هذاك اليوم

منال : منو؟؟ شو؟؟أي يوم؟؟؟

مزنة : تذكري يوم قلتي لي بقولج شي وبيتم بينا قلتي انا احب بس ما قلتي منو الشخص

منال : هيه قصدي فهود ولد عمتي

مزنة بصدمة :هاه ؟؟؟؟؟؟؟؟؟؟؟؟؟؟؟؟؟؟

منال : شفيج ؟

مزنة : ااا لالا ولا شي

منال خلت راسها على كتف مزنة

مزنة : منال انتي بخير ؟

منال تحاول تمسك عمرها عشان ماتصيح : الحمد لله احسن عن قبل

مزنة : نزين الحين انتي ارتاحي

منال حطت راسها فجاة انفتح الباب بقو

مهرة : والله لو يبوس ريلي ما بتنازل

حنان : هو عباله اللي سواه شوي

مزنة : بلاكم بلاكم اكيد في مصيبة يديدة

مهرة : هذا ال****** يبانا نتنازل

مزنة : بعد كل اللي سواه يبانا نتنازل يحلم شكله

منال : انا أقول تنازلوا وفكو عمركم من الحشرة احسن لكم

مهرة : شكلج ما تعرفي شلي سواه ابوه

منال : شو؟؟

مهرة : صفع ابوي طراق

منال : هااااا؟

حنان : هيه اونه نحن اللي مدخلين ولده السجن من حلاة ولده عاد

مهرة : لأنه ما يعرف اللي سواه ولده , الحين وليد يبا يعرف الجواب النهائي

البنات : ما بنتنازل

مهرة : كفو........ وراحت عند وليد

عند وليد بالصاله .

وليد : ها شوقالو البنات الباجين .

مهره : ما بيتنازلون .

وليد يحط ايده ع ويهه بقله صبر : يا صبر الأرض على عناد البنات

خلص العزا.... منال هدت شوي.

بعد يومين فالمحكمة .

عبدالله يصد للشباب و بو وليد: انتو عايله انتو؟الله ينتقم منكم

بدر يضحك : يلا يلا والله لا نبهدلك انته و ابوك

الشباب :ههههه

بووليد: يوزوا عنه عشان ما يصيح

بعد دقايق

القاضي يسال أبو وليد : شو الحكم الي تبونه مبلغ ولا سجن ؟

بو وليد : ما نبا منهم فلوس ولا شي الحمدلله بس , سجن احسن عشان يتعلم .

بو عبدالله : حسبي الله ونعم الوكيل يا محامي ليش ساكت ؟!

محامي عبدالله : ما اقدر أتكلم لانه الحق وياهم و عبدالله غلطان .

بو عبدالله : و عشان قضيه المخدرات انا ادري عبدالله مظلوم .

المحامي : عبدالله يتعاطى و يسوق يعني القضيه صارو قضيتين .

بو عبدالله : و مستقبل ولدي يضيع.

بو وليد : انت الي دمرت الولد لو مهتم فيه ما كان بصير كل ها .

بو عبدالله : انت ما يخصك

بو وليد : انا اقدر ارفع عليك قضيه غير عن ضرب اختي بس ساكت

بو عبدالله : لا تدخل بيني وبين حرمتي .

القاضي : رجاءا هدوء

سكت بو عبدالله و خلصت الجلسه .

بعد ما خلصت الجلسه

رجعوا البيت...و البنات مستعيلين يبون يعرفون شصار

اول ما انفتح باب الصاله

مزنه متحمسه : وصلو وصلو

الشباب: السلام عليكم

حنان: و عليكم السلام...يلا يلا ها سجنتوه...والله تمنيت تسجنوا ابوه بعد

بو وليد: في جلسه ثانيه

مهره باحباط : لاااا عاد ما نبا نتريا ولكمممم ملينا

منال تنهدت : بنصبر و امرنا لله

ام عزوز: والله هالبنات مصيبه

بو ناصر: سمعوني ما ابغيكم تتصورون وايد هاه و ما تطرشون صوركم لحد

ام وليد: هي والله الدنيا ما منها امان

نصور بمزح : الحمدلله قلتولهم جي..ما نبا نشوف ويوهكم يالاحصنه فالقروب

مهره عطته نظره : انطم

بعد اسبوع طلعت ام منال من المستشفى . وزاروها خواتها بالبيت و البنات راوحو لمنال .
عند منال .

مهره :قايز يبالنا طلعه انرفه عن انفسنا شوي تعبنا من الهموم .

منال : يبالنا شاليه و جي مسبح أبا ارتاح من التفكير .

مزنه : انا ما يخصني قررو و قولولي

حنان : علي الحجز بس وين بالضبط تبو و بضبطكم .

مهرة : تذكرون يوم كنا رايحين الشاليه ويه خالي محمد (بو ناصر ) من سنه تقريبا؟

البنات : هيه

مهرة : بس المشكلة ما اعرف شو اسمه

مزنة : صبري بدق له

اتصلت مزنة لأبوها

بو نصور : هلا حبيبتي

مزنة : اهلين , ابويه

بو نصور : امري

مزنة : تذكر يوم كنا رايحين الشاليه هذاك

بو نصور: اللي غرقتي فيه؟هههههه

مزنه :هههه للأسف هيه

بو نصور: شكلكم تبون تروحون؟

مزنه : هي نبا نستانس

بو نصور: اسمه******

مزنه : ثنكيوووو يالحلوو

و سكرت

مزنه: قال لي اسمه ******

حنان: متى تبون؟

مهره: خ نرمس امهاتنا اول

منال: يلا شو نتريا

مهره: مب الحين ما متفيجه

منال: زين

بعد 5 دقايق

تلفون حنان يرن

حنان: بسمالله رقم غريب

مهره: ردي ردي خ نتمصخر عليهم

منال: لا بنات عن تصير مشكله

مزنه: هي صح

مهره: سيروووا لاااه

حنان: يلا يلا بفتح سبيكر
.....
حنان: الو

*****: السلام عليكم..حنان؟

حنان: هي انتي منو؟

***: معاج شما

حنان: منو شما؟؟ اعرفج؟

شما: ما تعرفيني بس يايه اخبرج ابتعدي عن سيف

البنات انصدمووااا.....حنان مب رايمه ترمس

مهره: اييهههه ايييه انتي منو؟ نعم داشه عرض جي تقولين؟

شما: كلامي مع حنان مب معاج

مهره: مافيييييي ترمسين معاي انا

شما: منو حاطنج محاميه عنها؟

مهره: امج

شما: احترمي نفسج

مهره: خلصينا شو تبي

شما: قولوا لحنانتكم تبتعد عن حبيبي سيف

مزنه: حبج برص

و سكروا

حنان بصياح:هااااا! بنات ممكن حد يقول لي شقاعد يصير؟

منال: اهدي انتي و نحن بنتصرف

حنان: تتصرفون؟؟انا لازم اتصل ل سيف

مهره: صح اسمعي من الطرفين و شوفي شو بيقول

مسكت حنان تلفونها بتتصل لسيف

حنان باحباط كبير : ما يوصله!!

مهره تهمس ل مزنه : سواها الخايس

مزنه تهمس لمهره: سكتي عن تسمعج حرام

حنان راحت الحمام تغسل ويهها

مهره: لازم نتصرف

منال بعد تفكير : انا عندي فكره

مزنه: كيف؟

منال : مب ع أساس بنسيرالشاليه؟بنخليه ايي لنا

مهره : نرقده معانا مثلا؟بلا غباء

منال تنهدت و بعصبيه من غباء مهره : لاااا مالت عليج...بنيلس صوب الكاسر اللي عند البحر

مزنه : صح والله

مهره اتفاجأت و صفقت : الحمدلله يطلع منج شي..ما بنقول ل حنان هاه

منال بعد تفكير دام لثواني : نبا مساعده من ولد

مزنه باستغراب : ليش بعد

منال : عشان يرمس سيف...لانه لو عرف انه نحن ما بيرضى

مهره بثقه و هي تضرب صدرها : اححححم خلاص عندي الموضوع

مزنه بفهاوه: بتسرقين لنا ريال

مهره : فعينج....فديييت الدحمي بسس

منال : صححححححح بنستغل الفرصه

مهره: بسس تالا!

مزنه : لازم هالايام نخلي تالا تتقرب من حمدان..شرايكم

منال : عبالكم بسهوله

حنان طلعت من الحمام : عن شو ترمسون؟

مهره التفتت لها : نبا نقرب تالا لحمدان

حنان : ههههه لا تضحكوني

منال : مزنه رمسي عزوز خليه يقنع حمدان

مزنه : تمممم

حنان تضحك : بيقتنع بسرعه...يحب البنات

الكل: هههههه

فالصاله

ام وليد تصرخ: مهرهههههههه يلا انزلي بنروح

مهره نازله: اميهه وربي اسمعج

ام وليد: اخوج يتريا فالسياره

فالسياره

وليد: تاخرتوا

ام وليد: اختك اخرتنا

وليد: كنت شاك

مهره: استغفرالله....ما برمس

بعد دقايق من الهدوء فالسياره

وليد: اميييه...شصار ع موضوع زواجي

ام وليد بجديه : من عايله منو هالبنت؟

وليد بثقه و بابتسامه من تذكرها :*********

ام وليد: شووووووووووووو!!لا ما يصير سامحني

وليد بصدمه: لييييش؟

ام وليد توترت : ما بقدر اقلك السبب...سكر موضوع هالزواج ولا تفتحه جدام ابوك

وليد حس باحباط : لاااا اميههه لازم تقوليلي

مهره زعلت عشان اخوها : اميههه حرام عليج

ام وليد بجديه: بس لازم تعرفون الحقيقه!!
...............

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1