منتديات غرام أدبيات غرام شعر - قصائد - قصايد - همس القوافي طفلٍ لك الله تبهر القلب ( حوره ) .. يكتبني تاريخٍ يسكّ إمتدادي
سعد العوجان ليل النديم

يدري حضوره وجه صبحي ونوره .. ويدري غيابه عنّي ماهوب عادي

ويدري ( بني حوى ) تغيب بحضوره .. وماله شبيهٍ في مناطق بلادي

وإنه فرح قلبي وقمّة سروره .. وإنه حزن روحٍ وفرحة ( مُعادي )

وإنه ملاذ الصوت لاجف زوره .. وأصبحت بإسمه في حنيني أنادي

وإنه جهات الشوق !!.. ثورة بحوره .. وإنه هوى روحي وقبلة ودادي

وإن الشعر وإحساسي وأصدق شعوره .. يكتبْه في ليلي وسطوة سهادي

وإني أحبه رغم هجره وجوره .. وإنه حلم عمري وغاية مرادي

طفلٍ لك الله تبهر القلب ( حوره ) .. يكتبني تاريخٍ يسكّ إمتدادي

كنه ( قدر ) ليّه أجيه وأزوره .. وكني أعرفه من وأنا في مهادي

لاشك عندي له دليلٍ بصورة .. إنه لغيري عن يقين ووكادِ

وأخترْت أبعد عن دياره ودوره .. وحب الطرف حبٍ ضعيفٍ ( أحُادي )

حتى ولو أفقد صباحي ونوره .. وفقدي لنوره فقد ماهوب عادي

بـ
بُعدي
أنا
سعد العوجان
أو
ليل النديم

arrora عضو موقوف من الإداره

قرأتها اكثر من مرة
رائعة جدا
اهنئك عليها

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1