غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 30-03-2019, 09:26 PM
Angeell9331 Angeell9331 غير متصل
©؛°¨غرامي مشارك¨°؛©
 
الافتراضي رد: ان كان غيري جاز لك في غيابي غيرك تعنى لي وانا صدّيته/بقلمي


اقتباس:
المشاركة الأساسية كتبها بنــــ ابوها ــــت مشاهدة المشاركة
مافي بارت يديد
الا الحين بنزله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 30-03-2019, 09:26 PM
Angeell9331 Angeell9331 غير متصل
©؛°¨غرامي مشارك¨°؛©
 
الافتراضي رد: ان كان غيري جاز لك في غيابي غيرك تعنى لي وانا صدّيته/بقلمي


اقتباس:
المشاركة الأساسية كتبها بنــــ ابوها ــــت مشاهدة المشاركة
شكرا لدعوتي ...

بدايه موفقه.... استمري
من ذوقك عيني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 30-03-2019, 09:28 PM
Angeell9331 Angeell9331 غير متصل
©؛°¨غرامي مشارك¨°؛©
 
الافتراضي رد: ان كان غيري جاز لك في غيابي غيرك تعنى لي وانا صدّيته/بقلمي


البارت الثالث

مدري متى يـا عين ودك تنامين
نامت عيـون الناس والليـل قفى

عُمر السهر ما لم شمل المحبين
نامي وشوق القلـب كفى ووفى

..........

جا صوت من وراهم بعصبيه : خير انت وياه وش عندكم هنا

الشباب طبعا من شافوا غازي انحاشوا

البنات فرحوا كثير....

غازي بعصبيه: امشي انتي وياه قدامي .... بسرعه

البنات خافوا كثير .... وكل وحده ما عرفت شو تسوي تصنموا مكانهم من عصبية غازي المفاجئه
غازي بصراح : ما تسمعي انتي وياها يلا اشوف قدامي
دانه بخووف: وش فيك يا غازي كذا تصرخ

غازي ناضرها بنظره خلتها تمسك يد الريم وتمشي

ركبوا الثلاثة السيارة

كانوا الثلاثة فحالة صمت طول الطريق
وصلوا بيت الريم
وقبل لا تروح : يلا دانه مع السلامه

غازي : وش فيها صديقتك رافعه خشمها ... وليش يعني خصت السلام لك بس

دانه : الصراحة انت زودتها شوي .... ليش تصرخ علينا ف المول ... اوكي صرخ علي ... لكن انت وش دخلك فيها .... بـ...

قاطعها غازي بعصبيه: دانوووووه وجعع اشوف طال لسانك .... قمتي ترادديني

دانه بخوف : اسفه والله ما حسيت

غازي بتحذير : بشوف اخرتها معاك

اول ما وصلوا البيت
ذياب استقبل ابوه غازي

ذياب بفرحه : باابااا
غازي بشوق: يا روووح بابا انت

ام غازي: زين انك جيت ... تعبني وهو يقول وين بابا ومتى بيجي بابا
غازي: افا يا ذياب فاكرك رجال .... كذا تتعب جدتك

ذياب : اسف بابا... بس كنت مشتاقلك

غازي باسه فخده: يالبى قلبك حتى انا والله اشتقتلك
ام غازي: فديته هالذياب طالع مثل امه الله يرحمها

غازي حزن من طاري زوجته : يلا يمه انا بصعد فوق وباخذ ذياب معي

ام غازي : هاه يمه ما فكرت بالموضوع

غازي باستغراب: اي موضوع يمه؟؟
ام غازي: موضوع الزواج .... ما تريد لــ
قاطعها غازي : يمه انا كم مره قلت ما ابي افتح سيرت هالموضوع ... وانا قايل زواج ماني متزوج

اخذ ذياب ولده وصعد فوق
ام غازي: الله يهدك يا ولدي ... ونزلت دمعه على خدها

دانه : يمه خلاص لا تبكين .... ترى والله ابكي معك... اهوو للحين ما نسى زوجته المتوفيه ... عطيه كم يوم وبيجي برجيلاته يبشرك بالزواج

ام غازي : الله يسمع منك يا بنتي

دانه : يلا يمه بسير ارتاح شوي
ام غازي بحب: نوم العوافي يا بنتي
باست راس امها وطلعت غرفتها

..................................

ام غازي : اسمها هيام طيووبه وعلى نياتها تموت ف اولادها عمرها 42 ربة منزل ... وتتمنى تشوف غازي عريس قبل لا تموت

ذياب: حبوووب ومشاكس شوي عمره 7 سنوات حليووو شعره لونه بني وعيونه كبار

...

نروح للريم

من دخلت البيت
شافت امها واخوها طلال

الريم : السلام عليكم
امها واخوها : وعليكم السلام

طلال : هلا والله بحبيبة اخوها

الريم : هلا بطلولي اشتقتلك الصراحة

راح طلال ومسكها من اذونها : اصغر عيالك تناديني بطلولي ... وبعدين امداك تشتاقيلي كلها كم ساعة مو شايفتني
الريم : اخخ طلوول وجعع.... وخر عن اذوني المتني .... يمه شوفيه

ام طلال : طلال وخر عن اختك لا اكسر ايدك كل شي ولا الريم

طلال بزعل مصطنع: افاا يمه الحين انا بكرك .... ووحيدك .... كذا تقولي .... خلاص انا زعلت

الريم راحت جنب امها وباست راسها : يالبى راسك يا حصيص والله انك احلى ام ف الدنيا ... ورفعت حواجبها لطلال تقهره

ام طلال : وجعع ريموووه الحين انا امدحك من ساعه وفي الاخر تقولي حصيص خلاص وخري من جنبي .... تعال يمه طلال تعال اجلس جنبي ... انت بس ولدي وحبيبي

الريم : افاا يمه كذا تقهريني .. خلاص ما احبكم

طلال: مووووتي قهر

ام طلال بحب : الله لا يحرمني من جمعتكم وضحكتكم ... وتبقون لي طول العمر

ريم وطلال : ولا يحرمني منك يالغاليه

.............
طلال : يشتغل فشركة ابوه الله يرحمه عمره 25 طيوب وقاعدته وقت الجد جد ووقت المزح مزح .... يحب اخته الريم مدلعنها كثييير عشان لا تفقد حنان الاب.... عصبي شوي ....كلمة  مزيووووووووون  ما توفي فحقه ... طويل ومعضل ... شعره اسود لاخر رقبته عنده غمازه ف اليمين .... عيونه كبار ووساع .... احلى شي فيه ضحكته .... باختصااار جنتك مان بس طبعا ما يوصل لجمال غازي

..........















ا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 30-03-2019, 09:29 PM
Angeell9331 Angeell9331 غير متصل
©؛°¨غرامي مشارك¨°؛©
 
الافتراضي رد: ان كان غيري جاز لك في غيابي غيرك تعنى لي وانا صدّيته/بقلمي


البارت الرابع


طفلةٍ  تستدرج ، الغيم و تصيده
ترسم نجوم السماء شعر وقلايد
-
حلمها "تكبر" تبي تكتب قصيده
لين كبرت وانكتب ، فيها قصايد


نروح عند غازي

جلس يلعب مع ولده ذياب وهوو يناظر فيه
ويشوف كيف الشبه بينه وبين امه

ابتسم بحب لما شاف ذياب نعسان يسكر عيونه وبسرعه يفتح ويرجع يلعب

شاله وراحوا لغرفة ذياب وسدحه ف سريره وغطاه وباس راسه وطفى النور وطلع

وراح غرفته واخذ بجامته واخذ دوش عالسريع وطلع ومشط شعره على ورا وراح سدح على سريره وجلس يناظر مكان زوجته الله يرحمها ونام وهوو على هالوضع

...............

نروح لشخصيات جديده.،.،.،

بيت ابو مازن

..... : وجعع يا حمار عطني الريموت
.....: اقول اذلفي غرفتك لا اعطيك كف يدّوخ راسك
......: هيي انت انا قبل اخذته الريموت وبشووف الفلم
......: حلاوي وربي لو ما تسكتي وتخليني اشوف الفلم بحذف القناه اللي فيها الفلم
حلا: تكفى مازن والله ما بقى غير شوي وبيخلص الفلم واوعدك بخلي التلفزيون لك تكفى تكفى
مازن بقهر : ياربي وش الله بلاني بهالاخت تنشب هنا ( واشر على بلعومه ) انا احسن بروح عند حمّود وبشوف معاه المباراه

حلا بفرحه قامت تناقز وراحت باسته على خده : مشكور يا احلى اخوو
مازن وهوو يمسح خده : ويعع الله يقرف العدو اخذي الريموت وفكيني... وطلع

حلا بفرحه اخذت الريموت وحطت الفلم وجلست تتابع بصمت


Stoooooooop😌


ابو مازن : رجل طيووب يحب عياله من اهم رجال الاعمال ويكون اخو غازي

ام مازن : متوووفيه

مازن : عمره 24 فلااوي مملوح كثير احلى ما فيه طيبته ... يحب اخته حلا ويحاول يعوضها على حنان الام وما يقصر معها ... طويل معضل شعره لاخر اذنه

حلا : اسم على مسمى جميييلللله تموت فشي اسمه فلم ... تحب اخوهااا مازن ... طويله ... شعرها لنص ظهرها ... عيونها كبيره .... نحيفه ... تحب واحد بعدين بنعرفه ترس ف الجامعه عمرها 21

..........


بيت ابو محمد

جالس ف الصاله يتشوف المباراه والتوأم معاه

رنا بملل : اوووووووووف ملللل طفشش
ربى : اقول اسكتي خلينا نشوف المباراه
رنا بترجي : حمووود تكفى ودنا الكورنيش وربي حرام كذا طول الوقت ف البيت
محمد : اقول اسكتي بس قال ايش قال كورنيش ... توقيتك غلط من تخلص المباراه يمكن افكر
رنا بفرحه : صدق ايوه تكفى تكفى
محمد بعصبيه : وربي يا رنا لو ما تسكتي حتى الشارع مارح اخليك تشوفينه
رنا حطت يدها على فمها : اوكي هذاني سكت ... ما تريد اجيب لك عصير
محمد : صدق مصلحجيه لا ما اريد
رنا : طيب تريد مكسرات وحــ.....
محمد ناضرها نظره خلتها تفز من مكانها
رنا : طيب طيب
ربى : بالله رنا انا ابي عصير ومكسرات
رنا بعصبيه : اقول انتي اسكتي شايفتني شغالتك وانا مدري
ربى بقهر : مو انتي تقولي لــ....
محمد بصراخ خلت رنا وربى ينقزون من مكانهم: شلوووووون يعني مارح نشوووف المباراه
رنا بخوف طلعت للحديقه
اما ربى ما عرفت شو تسوي من الخرعه وبدون شعور راحت باست راس محمد وراحت غرفتها
محمد كتم ضحكته من شاف خرعة خواته وبالاخص ربى

عند رنا

جلست ف الحديقه وهي تشم الورود وجلست تسمع بالسماعات ومطوله على اخر يعني لو احد ناداها حتى لو كان جنبها مارح تسمعه
التفتت على ورا وانصدمت من الشخص اللي جالس يناظرها
عند مازن
معصب من اخته ومعصب من محمد اللي ما يرد على تلفونه
مازن وهوو يرجع يتصل فيه : الله ياخذك يا محمد وينك عن تلفونك اكيد جالس تشوف المباراه اخخ يالقهر اكيد سجلوا هدف
ما عرف وش يسوي يريد يشوف المباراه
دق الجرس
محمد : ميررررري ميررري وجعع ما تسمعين
ميري جات تركض: نأم
محمد :  نعامه ترفسك يعني ما تسمعين الجرس
ميرري بابتسامه: ايوه انا أسمع
ومحمد بصراخ: وليش ما تروحي تفتحي روحي لا اشوتك
ميري راحت تتحلطم : كله يريد شووت انا ما كوره عشان شوووت
وراحت تفتح الباب
ميري: اهلا بابا مازن
مازن ف نفسه انا ناقصها ذي : وين بابا محمد
ميرري : داخل شوف تلفزيون
مازن بصدمه :: ايا الخاين وانا تاركني احرق تلفوني عشان نشوفها مع بعض
اما ميري دخلت من زمان وخلته يدخل
مازن دخل ولف بيسكر الباب بس سمع صوت كأنه احد يصرخ قرب من الصوت شاف وحده لابسه قميص احمر لنص الفخذ وبنطلون سكيني لونه ابيض ومخليه شعرها على جنب
مازن فنفسه وبدون شعور : لبى هالصوت انا ( عرفها انها تسمع بالسماعات) فديت الاحمر انا
شافها تلفت لصوبه
رنا تشهق: هئئئئ من انت... شافت انها بدون غطا وراحت تركض لداخل
مازن حس على نفسه وحط ايده على قلبه: بس خلااااص اسكت فضحتنا
وراح لمحمد وقبل لا يدخل : يا ولللد
محمد : ادخل مزووون ما فيه احد
مازن فتح باب الصاله بعصبيه : جعل يدخل فيك جني قل امين ... يالخاين تشوف المباراه وانا ناقع برا واتصل فيك

محمد تذكر : اوووه مازن اسف والله تلفوني بغرفتي ولا سمعته
مازن: قسم يبيلك بوكس
محمد شاف مازن معصب وقام باس راسه : خلاص مزوون وربي اسف حياك حياك
مازن ضرب محمد فظهره : كم مره حذرتك لا تقول مزووون خير شايفني اصغر عيالك
محمد : خلاص توبه مازن مازن ... يالله انك تحييهم تفضل تفضل
مازن بغرور : بدخل بدون لا تقول ... اوووف ... بالله خليهم يجيبوا لي عصير نشف اليوم ريقي منك ومن حلا اختي وقال فنفسه ( ونشف قلبي من اختك)
محمد من سمع طاري حلا ابتسم وطار ف عالمه وا حس غير بظربه قويه فظهره
محمد : اااااه يا حيوان تكسر ظهري
مازت : تستاهل انا من ساعه اناديك وانت مو معي
محمد : اقول ناظر التلفزيون وبلا هرج زايد
مازن : طيب اريد عصير تكفى
محمد بعصبيه :وجعع انا من وين القاها منك او من اختي رنا ميررري وصمخ ان شاء الله جيبي عصير خلي الاخو يتسمم
اما مازن من سمع طاري رنا ابتسم وتنهد : ااااااه
محمد يبوس ايده من ورا وقدام : الحمدلله والشكر
ابتسم بمكر وهوو يشوفه مفهيي ويفكر : هدددددددددددددددف
اما مازن فز وطلع فوق الصوفا : احلف احلف من هددف وين انا وش صاير ومن انت
محمد ما تحمل : ههههههههههههه ههههههههههههه مازن ههه شكلك تحففه ههههههههه هههههههههه
مازن اخذ نفس ولف لمحمد بعصبيه : وربي انا ذابحك ذابحك

🙂🙂🙂
ابو محمد : عمره 51 رجل اعمال ومعرروف يكون اخو ابو مازن وابو غازي ... طيييوب ويحب عياله
ام محمد : اسمها نوره عمرها 45 اللي يشوفها يعطيها عمر 30 تموووت ف عيالها وزوجها وطيووبه وحبووبه اخت ام طلال ( حصه )

محمد : عمره 25 يدرس ف تركيا بس جا السعوديه لانه عنده اجازه اسبوعين وبقى له 5 شهور وبيتخرج ... جميييل بمعنى الكلمه يحب حلا كثيييير ووعد نفسه من يخلص دراسه بيخطبها ... طويل شعره كثييف لاخر رقبته ... صندووق اسراره طبعا مازن

رنا وربى : توأم اعمارهن 20 سنه اولى جامعه .. ما يتشابهوون غير بالعيون ... اما البقي كل شي مختلف طبعا رنا احلى وحده

............

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 31-03-2019, 12:26 AM
صورة امل النجاح الرمزية
امل النجاح امل النجاح غير متصل
©؛°¨غرامي مشارك¨°؛©
 
الافتراضي رد: ان كان غيري جاز لك في غيابي غيرك تعنى لي وانا صدّيته/بقلمي


حلو البارت وحتى الشخصيات يهبلون

الرد باقتباس
إضافة رد

ان كان غيري جاز لك في غيابي غيرك تعنى لي وانا صدّيته/بقلمي

الوسوم
.... , تعني , صدّيته , غيابي , غيري , غيرك , وانا
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
غيابي سحر جوري خواطر - نثر - عذب الكلام 4 21-11-2017 01:57 PM
عن غيابي صاااااافي الود خواطر - نثر - عذب الكلام 9 25-09-2016 10:04 AM
في غيابي صاااااافي الود خواطر - نثر - عذب الكلام 8 11-11-2015 09:56 AM

الساعة الآن +3: 07:11 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1